ရတနာဝယ်ယူခြင်း၊ ဖိနှိပ်ခြင်း အကျင်းထောင် ဘုရင် ခန္ဓာကိုယ်နှင့် လေးလံအကျဉ်းထောင်ထိပ်

ဝူယွမ်၏ မျက်လုံးများက တောက်ပလာသည်။ လင်းမျိုးနွယ်စု ဘဏ္ဍာ‌တိုက်ထဲတွင် ပို၍ပင် အဖိုးတန်သော ပစ္စည်းများက ရှိနေဆဲဖြစ်သည်။

မိုးကြိုးသလင်းကျောက်စိမ်း

ဝိညာဉ်ဖိနှိပ်ခြင်းသစ်သား

ပူပြငါးမီးလျှံသံ

ဤပစ္စည်းများက အဖိုးမဖြတ်နိုင်သော အရာများဖြစ်ကြသည်။ ဝိညာဉ်ရတနာလက်နက် ပြုလုပ်ရန်အတွက် အသုံးပြုပါက မြေကမ္ဘာအဆင့် ဝိညာဉ်ရတနာလက်နက်များ သို့မဟုတ် ထိုထက်ပိုသော အဆင့်များကိုပင် ဖန်တီးနိုင်သည်။

ဝမ့်လွန်ပြည်နယ်၌ ဝူယွမ်သည် မဟာရှေးဟောင်းဂိုဏ်း၏ ဘဏ္ဍာတိုက်များအားလုံးကို ရှာဖွေခဲ့သော်လည်း ဤကဲ့သို့သော ပစ္စည်းများကို လုံးဝမတွေ့ရှိခဲ့ရပေ။ လင်းမျိုးနွယ် ကဲ့သို့သော အမြစ်တွယ်ခိုင်မာသည့် အင်အားစုမျိုးမှာသာ ဤရတနာများကို ပိုင်ဆိုင်နိုင်မည်ဖြစ်သည်။

ဤပစ္စည်းများဖြင့် ဝူယွမ်က အဆင့်ကို နတ်ဆိုးဘုရင်၏ ဖမ်းဆီးချုပ်နှောင်ထားသော အစီအရင်ကို အနည်းဆုံး နှစ်ဆ ပိုမိုအားကောင်းအောင် ပြုလုပ်နိုင်မည်ဖြစ်ပြီး၊ ထိုအရာက သူ့ကို နောက်ထပ် နှစ်တစ်ရာ အနည်းဆုံး ဖိနှိပ်ထားနိုင်စေမည့် အာမခံချက် ပေးနိုင်သည်။

ဝူယွမ်၏ အာရုံစိုက်မှုနှင့်မတူဘဲ လင်းတုန် ၏ အာရုံစိုက်မှုမှာ ဤပစ္စည်းများကြားမှ လေထဲတွင် မျောလွင့်နေသော အဖိုးတန် ဝိညာဉ်ရတနာလက်နက်များ ပေါ်တွင်သာဖြစ်သည်။ အတွင်းပိုင်း နက်ရှိုင်းစွာ မျောလွင့်နေသော ပစ္စည်းများအားလုံးက အဆင့်မြင့် ‌ေမြကမ္ဘာဝိညာဉ် ရတနာလက်နက်များ ဖြစ်ကြသော်လည်း ၎င်းတို့၏ အရေအတွက်မှာမူ အနည်းငယ်သာရှိသည်။

ရှောင်တျောင်း သည်လည်း ကျောက်လက်ဖွဲ့မှ စိတ်ဝင်တစား ထွက်ပေါ်လာသည်။ သူ၏ နတ်ဆိုးဝိညာဉ်က ဤမျိုးနွယ်စု ဘဏ္ဍာတိုက် အတွင်း၌ ပျံဝဲလျက် ဤရတနာများကို စိတ်အားထက်သန်စွာ စစ်ဆေးနေသည်။

ဝူယွမ်က သူ၏ ဝိညာဉ်စွမ်းအင် ကို ထုတ်လွှတ်ပြီး သူတန်ဖိုးထားသော ရတနာများအားလုံးကို သူ့ထံသို့ ဆွဲယူကာ သိုလှောင်အိတ် ထဲသို့ ထည့်လိုက်သည်။

ထို့နောက် လူနှစ်ဦးနှင့် မြွေပါတစ်ကောင်တို့၏ အကြည့်များက သူတို့၏ရှေ့မှ အလယ်ဗဟိုရှိ ပိုမိုစုစည်းထားသော အလင်းမျက်နှာပြင် ဆီသို့ ရောက်ရှိသွားကြပြီး သူတို့၏ မျက်လုံးများမှာ တောင့်တမှု အနည်းငယ် ပိုလာသည်။

ထိုအလင်းမျက်နှာပြင်အတွင်း၌ အလင်းထု ငါးခု ရှိသည်။ ၎င်းတို့မှ ထွက်ပေါ်လာသော အားကောင်းသော စွမ်းအင်က ထိုရတနာ လက်နက်များက မြေအဆင့် ဝိညာဉ်ရတနာလက်နက်များ ဖြစ်ကြောင်း ထင်ရှားစွာ ဖော်ပြနေသည်။

“လင်းမျိုးနွယ်စုကြီး ဆိုတဲ့နာမည်နဲ့ ထိုက်တန်ပါတယ်၊ သူတို့ရဲ့ အမြစ်ခံ အုတ်မြစ်က တကယ်ကို ကြီးမားပါတယ်” ဝူယွမ်က သက်ပြင်းချရင်း ရေရွတ်လိုက်သည်။ နှိုင်းယှဉ်ကြည့်လျှင် ဝမ့်လွန်ပြည်နယ်၏ အဓိက ဂိုဏ်းကြီးသုံးခုက အတော်အတန် နွမ်းပါးနေပုံရပြီး ဖန်တီးမှု သိုင်းပညာ နှင့် မြေအဆင့် ဝိညာဉ်ရတနာ လက်နက်များလည်း မရှိချေ။

ဤအလင်းထုငါးခုအနက် အပေါ်ဆုံးမှတစ်ခုက အထင်ရှားဆုံးဖြစ်ပြီး ဆဌဂံပုံ အနက်ရောင်မှန် တစ်ခု ပါရှိသည်။ ဤမှန်က အလွန်ထူးခြားပြီး မှန်မျက်နှာပြင်က လုံးဝအနက်ရောင် ဖြစ်သောကြောင့် အရှေ့နှင့်အနောက်ကိုပင် ခွဲခြားရန် မဖြစ်နိုင်တော့ပေ။

“အော်၊ အစ်ကိုကြီး၊ အစ်ကိုနှစ်၊ ဒီအနက်ရောင်မှန်က တစ်ခုခု ထူးခြားနေတယ်” ရှောင်တျောင်းက အနက်ရောင်မှန်ဆီသို့ ပျံသန်းသွားပြီး မှန်၏ အံ့ဩစွမ်းအင်ကို စစ်ဆေးရန် သူ၏ ဝိညာဉ်စွမ်းအင်ကို ထုတ်လွှတ်လိုက်သည်။

“ဝိညာဉ်ဘီးမှန်” ဝူယွမ်က သူ၏ စွမ်းအားပြင်းနတ်ဆိုး မျက်စိဖြင့် အနက်ရောင်မှန်၏ အစွန်းပေါ်ရှိ စာလုံးသေးသေးလေး သုံးလုံးကို ချက်ချင်း မြင်လိုက်ရသည်။

ဒါက လင်းလန်တျန်းရဲ့ ရတနာ မဖြစ်သင့်ဘူးလား။ ဝူယွမ်က မူရင်းဇာတ်လမ်းတွင် ဤရတနာကို လင်းလန်တျန်းက ရရှိခဲ့ကြောင်း သတိရမိသည်။ ထိုအချိန်က ဝူယွမ်သည် လင်းလန်တျန်း၊ ချင်ရှီနှင့် လန်ပိလင်းတို့ကို သတ်ပြီးနောက် သူတို့၏ သိုလှောင်အိတ်များကို ရှာဖွေခဲ့သော်လည်း ဤမြေကမ္ဘာအဆင့် ဝိညာဉ်ရတနာလက်နက်ကို မတွေ့ခဲ့ရပေ။ လင်းလန်တျန်းက လင်းမျိုးနွယ်၏ ဘဏ္ဍာတိုက်မှ ထိုမှန်ကို မရရှိသေးခြင်း ဖြစ်သည်။

“ငါ အစောကြီး သတ်လိုက်မိပြီ။”

ဤဝိညာဉ်ရတနာလက်နက်က အလွန်အားကောင်းပြီး မြေအဆင့် ဝိညာဉ်ရတနာလက်နက်များ ကြားတွင်ပင် မညံ့ဖျင်းပေ။

ရှောင်တျောင်းက အနည်းငယ် စိတ်လှုပ်ရှားစွာဖြင့် ပြောလိုက်သည်- “ဟားဟား၊ ရတနာတစ်ခု တွေ့ပြီ ဒီ ဝိညာဉ်ဘီးမှန် က အံ့ဩစရာကောင်းတယ်။ ငါ့ရဲ့ ဝိညာဉ်စွမ်းအင်နဲ့ စမ်းသပ်ကြည့်လိုက်တော့ ငါ့ရဲ့ တိုက်ခိုက်မှုကို နှစ်ပိုင်း ပိုင်းပြီး တစ်ပိုင်းက မှန်ထဲကို ပျော်ဝင်သွားပေမဲ့ ကျန်တစ်ပိုင်းက ပြန်ကန်ထွက်လာပြီး ငါ့ကို ပြန်လာထိတယ်။”

“တကယ်ပဲ အဲဒီလောက် အံ့သြစရာ ကောင်းတာလား” လင်းတုန်က စိတ်လှုပ်ရှားစွာ ပြောလိုက်ပြီး ဝိညာဉ်ဘီးမှန်ကို လက်ထဲယူကာ ဂရုတစိုက် ကြည့်လိုက်သည်။

“ဒီမှန်က ကောင်းတယ်၊ သူ့မှာ အခြားအသုံးဝင်ပုံတွေ ရှိသင့်တယ်။ မရှိရင်တောင်မှ ရန်သူရဲ့ တိုက်ခိုက်မှုတွေကို ပိုင်းခြားနိုင်စွမ်း တစ်ခုတည်းကကိုဘဲ အလွန်ထူးခြားတယ်။ ဝိညာဉ်ခေါင်းအုံး နဲ့ ဆင်တူတယ်။ နှစ်ခုကို ပေါင်းစပ်ကြည့်ဖို့ ကြိုးစားလို့ ရလောက်တယ်။ ရတနာရဲ့ စွမ်းအားက ပိုပြီး အားကောင်းလာမှာ သေချာတယ်။ ညီနှစ်၊ မင်း အရင် သိမ်းထားလိုက်ပါ” ဝူယွမ်က စိတ်ဝင်တစားဖြင့် ပြောပြီး လင်းတုန်ကို ဝိညာဉ်ဘီးမှန်ကို ရွေးချယ်စေလိုက်သည်။

“အင်း” လင်းတုန်က ခေါင်းညိတ်လိုက်သည်။

ထို့နောက် သူတို့က ကျန်ရှိသော ဝိညာဉ်ရတနာလက်နက်လေးခုကို ကြည့်လိုက်ကြသည်။

သွေးအကြေးခွံဓား။

ပထမတစ်ခုက ဘယ်ဘက်ရှိ ဝိညာဉ်ရတနာလက်နက်ဖြစ်ပြီး သွေးနီရောင်ရှိသော ပျော့ပြောင်းသည့်ဓား ဖြစ်သည်။ ဓားသွားပေါ်တွင် သိပ်သည်းသော သွေးရောင်အကြေးခွံများ ပါရှိပြီး သွေးမြွေဟောက် တစ်ကောင်ကဲ့သို့ အေးစက်သော စွမ်းအင်ကို ထုတ်လွှတ်ကာ ပြင်းထန်သော အနံ့အသက်တစ်ခု ပျံ့နှံ့နေသည်။

ဝူယွမ်အနီးသို့ ချဉ်းကပ်လာသောအခါ သွေးအကြေးခွံဓား မှ အေးစက်သော စွမ်းအင်များ ထွက်ပေါ်လာပြီး သွေးမြွေဟောက်ငယ်တစ်ကောင် ကိုပင် ပုံဖော်လိုက်သည်။ ၎င်းသည် လက်နက်ဝိညာဉ်ဖြစ်သည်။

“ဒီသွေးအကြေးခွံဓားရဲ့ လက်နက်ဝိညာဉ်က ဒီလိုအဆင့်ထိ ဝိညာဉ်ရေးရာရောက်နေပြီဘဲ” ရှောင်တျောင်းက မှတ်ချက်ပြုသည်။

“ဒီဝိညာဉ်ရတနာ လက်နက်ကလည်း ကောင်းတယ်၊ သူ့ရဲ့ လက်နက်ဝိညာဉ်က ပုံသဏ္ဌာန် ပေါ်နေပီ၊ ဓားပေါ်က အကြေးခွံတွေကို ကြည့်ရတာ၊ ရှေးဟောင်းနတ်ဆိုးသွေးမြွေဟောက် ကနေ ဖြစ်နိုင်တယ်။ ဒီဝိညာဉ်ရတနာလက်နက်ကို ကိုင်ပြီး တိုက်ခိုက်တဲ့အခါ ယွမ်စွမ်းအင်နဲ့ ဓားပေါင်းစပ်ပြီး ရှေးဟောင်းနတ်ဆိုး သွေးမြွေဟောက်ကို တိုက်ရိုက်ဖော်ပြနိုင်တယ်၊ သူ့ရဲ့ စွမ်းအားက အတော်လေး ကြောက်မက်ဖွယ်ကောင်းတယ်။”

ဝူယွမ်ခေါင်းညိတ်ပြီး သွေးအကြေးခွံဓားကိုလည်း သိမ်းဆည်းလိုက်သည်။

“ဒီဓားက မုချန်ချန် အတွက် အတော်လေး သင့်တော်မှာဘဲ” ဝူယွမ်က သွေးအကြေးခွံဓားကို ကိုင်ရင်း တွေးမိသည်။ မုချန်ချန်က ပျော်ဖွယ်ဂိုဏ်း၏ ကျင့်ကြံမှုနည်းလမ်းကို ကျင့်ကြံခဲ့ပြီး သူမတစ်ကိုယ်လုံးက အလွန်ဆွဲဆောင်မှုရှိပြီး နူးညံ့သိမ်မွေ့လာသည်။ ကိုယ်ခန္ဓာကို ပတ်ထားနိုင်ပြီး လျက်တစ်ပြက် တိုက်ခိုက်နိုင်သော ဤကဲ့သို့သော ပျော့ပြောင်းသည့်ဓားက သူမနှင့် ပြီးပြည့်စုံစွာ လိုက်ဖက်သည်။

မြေလိပ်ဒိုင်း။

ထို့နောက် သူတို့က ဒုတိယဝိညာဉ်ရတနာလက်နက်ကို ကြည့်လိုက်ကြသည်။ ထိုရတနာက အဝါရောင် လိပ်ခွံလေး ဖြစ်ပြီး လက်ဖဝါးအရွယ်သာရှိကာ ထူးဆန်းသော ပုံစံများဖြင့် ဖုံးအုပ်ထားပြီး မြေကြီးကဲ့သို့ ခိုင်မာနေပုံရသည်။

“မြေလိပ်ဒိုင်း”

“ဒါက ရှေးဟောင်း မြေကမ္ဘာလိပ်ရဲ့ လိပ်ခွံနဲ့ ပြုလုပ်ထားတာ ဖြစ်နိုင်တယ်။ သူ့ရဲ့ ကာကွယ်ရေးစွမ်းအား က အလွန် ကြောက်မက်ဖွယ်ကောင်းတယ်။ ကူးပြောင်းခြင်းအဆင့် ရှိသူတွေထဲက ဘယ်သူ့အတွက်မဆို သူ့ရဲ့ ကာကွယ်မှုကို ဖျက်ဆီးဖို့ အလွန်ခက်ခဲတယ်။ မဖျက်ဆီးနိုင်ဘူး လို့တောင် ပြောလို့ရပြီး နိဗ္ဗာန်အဆင့်ကျွမ်းကျင်သူနဲ့ ရင်ဆိုင်ရင်တောင်မှ တိုက်ခိုက်မှုတစ်ခုနှစ်ခုကို တားဆီးနိုင်လိမ့်မယ်။” ရှောင်တျောင်းက ထပ်မံရှင်းပြလိုက်သည်။ သူ၏ အမြင်က အလွန်ထက်မြက်ပြီး တစ်ချက်ကြည့်ရုံဖြင့် ပစ္စည်းနှင့် လုပ်ဆောင်ချက်ကို ခွဲခြားသိမြင်နိုင်သည်။

“အင်း၊ ဒါကိုလည်း ယူမယ်” ဝူယွမ်လည်း ယူလိုက်သည်။

ရေနဂါးအရိုးလှံ နှင့် ဘီလူးဝက်ဝံရှေးဟောင်းသံချပ်ကာ။

ဝိညာဉ်ရတနာလက်နက် နောက်ထပ် နှစ်ခုရှိသေးကာ ၎င်းတို့၏ အမည်များမှာ ရေနဂါးအရိုးလှံ နှင့် ဘီလူးဝက်ဝံရှေးဟောင်းသံချပ်ကာ တို့ဖြစ်သည်။

ပထမတစ်ခုက ရှေးဟောင်း ရေခဲနဂါး၏ အရိုးများဖြင့် ပြုလုပ်ထားသော အနက်ရောင် လှံရှည် ဖြစ်ပြီး အလွန်ထက်မြက်သည်။ လှံတံထိပ်တွင် အနက်ရောင်အရောင်အလင်းများ ဝဲလည်နေပြီး အလွန်အားကောင်းသော ထိုးဖောက်စွမ်းအားကို ပိုင်ဆိုင်ထားသည်။ ဝူယွမ်၏ လက်ရှိ ခန္ဓာကိုယ်ကြံ့ခိုင်မှုက အားကောင်းနေသည့်တိုင် ရေနဂါးအရိုးလှံကို ကြည့်လိုက်သည့်အခါ သူက အေးစက်မှုတစ်ခုကို ခံစားနေရဆဲ ဖြစ်သည်။

နောက်တစ်ခုမှာ မီးခိုးရောင် ရတနာ သံချပ်ကာ ဖြစ်ပြီး ၎င်းပေါ်တွင် စီးဆင်းနေသော အလင်းက တောက်ပနေပြီး ရှေးဟောင်း ဘီလူးဝက်ဝံ၏ ပုံရိပ်တစ်ခု ဝိုးတဝါး ပေါ်လာသည်။ ၎င်းသည် ကာကွယ်ရေးစွမ်းအားတွင် ထိုမြေလိပ်ဒိုင်းထက် မနိမ့်ကျသော ဝိညာဉ်ရတနာလက်နက်ဖြစ်ကြောင်း ရှင်းရှင်းလင်းလင်း သိသာသည်။

ဝူယွမ်သည် ဤဝိညာဉ်ရတနာလက်နက်လေးခုလုံးကို သိမ်းဆည်းလိုက်သည်။ သူက ၎င်းတို့ကို လင်းမျိုးနွယ်ထံမှ ဝယ်ယူပြီး မုချန်ချန်နှင့် ဝူချီ တို့အား ပေးအပ်ရန် စီစဉ်ထားသည်။ နောက်ပိုင်းတွင် သူတို့က ပြည်ထောင်တစ်ရာတိုက်ပွဲ သို့ ဝင်ရောက်ကြတော့မည်ဖြစ်ရာ ဤမြေကမ္ဘာအဆင့် ဝိညာဉ်ရတနာလက်နက်များက သူတို့၏ ခွန်အားကို များစွာ မြှင့်တင်ပေးနိုင်သည်။

ဤရတနာများကို ရွေးချယ်ပြီးနောက် ဝူယွမ်ကိုယ်တိုင်အတွက် သင့်တော်သော အရာတစ်ခုမျှ မရှိသေးပေ။

ထိုအချိန်တွင် ရှောင်တျောင်း၏ ပုံသဏ္ဌာန်က ရှေ့သို့ ရောက်သွားပြီး သူ၏ လက်သည်းကို ဝှေ့ယမ်းလိုက်ပြီး သူ၏ရှေ့တွင်ရှိသော အလင်းမျက်နှာပြင်မှ ယွမ်စွမ်းအင် မြူခိုးများ ကို မှုတ်ထုတ်လိုက်သည်။

မြူခိုးများ ပျံ့လွင့်သွားသောအခါ ကြီးမားသော ကျောက်တိုင်ကြီးတစ်ခု သူတို့၏ရှေ့တွင် ပေါ်လာသည်။ သူတို့၏ အကြည့်များက ကြီးမားသော ကျောက်တိုင်ကို ဖြတ်သန်းသွားပြီးနောက် သူတို့၏ မျက်လုံးများ ရုတ်တရက် ကျဉ်းသွားကာ ကျောက်တိုင်၏ အလယ်ဗဟိုတွင်ရှိသော လက်ဖဝါးအရွယ် အနက်ရောင်အရာဝတ္ထုတစ်ခု အပေါ်တွင် အာရုံစိုက်မိသွားကြသည်။

ဝူယွမ်က မျက်လုံးကျဉ်းကာ အနီးကပ်ကြည့်လိုက်ပြီးနောက် အနက်ရောင်အရာဝတ္ထုက ကျောက်တိုင်ပေါ်တွင် အလှဆင်ပစ္စည်းအဖြစ် ထားရှိပုံရကာ တောင်ထိပ်ငယ် ပုံသဏ္ဍာန်တစ်ခု ထွင်းထုထားကြောင်း သိလိုက်ရသည်။

တွေ့ပြီ။

ဝူယွမ်က သူ့နှုတ်ခမ်းကို မရည်ရွယ်ဘဲ ကွေးညွှတ်လိုက်မိသည်။ လင်းမျိုးနွယ်၏ ဘဏ္ဍာတိုက်အတွင်းရှိ အစွမ်းအထက်ဆုံးပစ္စည်းက ဤနေရာတွင် ရှိနေခဲ့သည်။

“အော်၊ ဒါက ဘာလဲ” လင်းတုန်သည် ချက်ချင်းပင် လက်လှမ်းပြီး ဖမ်းဆုပ်လိုက်ကာ အနက်ရောင် တောင်ထိပ်ငယ်လေးကို လက်တစ်ဖက်ဖြင့် ဖြည်းဖြည်းခြင်း ကိုင်ထားပြီး မ ဖို့လုပ်လိုက်သည်။

“ဟစ်” သူ၏ မျက်လုံးများထဲတွင် အံ့အားသင့်သောအသွင် ပေါ်လာသည်။

“အရမ်းလေးတယ်” လင်းတုန်၏ အင်အားကြီးမားမှုအောက်တွင် တောင်ထိပ်ငယ်လေးက ဘယ်နေရာမှ မရွေ့ဘဲ ရှိနေသည်။

“ငါ စမ်းကြည့်မယ်” ဝူယွမ်ကသည်လည်း မ ရန် ကြိုးစားခဲ့ပြီး ရလဒ်မှာ အတူတူဘဲဖြစ်သည်။ ဝူယွမ်၏ လက်ရှိခွန်အားဖြင့် တကယ့်တောင်တစ်လုံးကိုပင် ဖျက်ဆီးနိုင်ပြီး တောင်များကို ဆွဲထုတ်နိုင်စွမ်းရှိသည်။ သို့သော်လည်း ဤသေးငယ်သော တောင်ထိပ်ပုံစံငယ်လေးကို အနည်းငယ်မျှပင် ရွေ့အောင် မ မ မနိုင်ခဲ့ပေ။

“အင်း၊ ဒါကလည်း ဝိညာဉ်ရတနာလက်နက်တစ်ခုဖြစ်မယ်လို့ ငါ မထင်ထားခဲ့ဘူး ငါ့မျက်လုံးတွေက တကယ်ကို မွဲနေခဲ့တာဘဲ” ရှောင်တျောင်းက အလွန်အံ့အားသင့်သွားပြီး သူက ပထမတုံးက ၎င်းကို ရတနာအဖြစ်ပင် မထင်ထားခဲ့ပေ။ “ပြီးတော့ သာမန် မြေကမ္ဘာအဆင့် ဝိညာဉ်ရတနာလက်နက်တွေနဲ့ လုံးဝနှိုင်းယှဉ်လို့ မရဘူး!”

“နိဗ္ဗာန်အဆင့်ကျင့်ကြံသူ အတွက်တောင် အင်အားသက်သက်နဲ့ ကောက်ယူဖို့ အတော်လေး ခက်ခဲတယ်၊ ဒီတောင်ငယ်လေးဆီကနေ ငါ ရင်းနှီးတဲ့ ခံစားချက်တစ်ခု ရနေတယ်။ အစ်ကိုငယ်၊ ဝိညာဉ်ခေါင်းအုံး ကို ထုတ်ကြည့်လိုက်၊ ငါ ရောနှော စွမ်းအင် နဲ့ စမ်းကြည့်မယ်” ဝူယွမ်က ဤတောင်ထိပ်ကို အသက်သွင်းရန် နည်းလမ်းကို သိရှိထားသည့်အတိုင်း ပြောလိုက်သည်။

“အင်း” လင်းတုန် ခေါင်းညိတ်လိုက်ပြီး သူ၏ သိုလှောင်အိတ်မှ ဝိညာဉ် ခေင်းအုံးကို ထုတ်ယူလိုက်သည်။ သူက တောင်ငယ်လေးမှ ပေါင်းစပ်ထားသော စွမ်းအား ၏ စွမ်းအင်ကိုလည်း ခံစားရသည်။

ဝူယွမ်က စွမ်းအင်နှစ်ခုကို ဝိညာဉ်ခေါင်းအုံးထဲသို့ ပို့လွှတ်လိုက်ပြီး သူတို့ကို ပိုအားကောင်းသော အရောင်စုံရှိသည့် သန့်စင်ထားသော စွမ်းအင်အဖြစ် ချက်ချင်းပြောင်းလဲ လိုက်သည်။ ထို့နောက် ဝူယွမ်က ဤသန့်စင်ထားသော စွမ်းအင်ကို ကိုင်တွယ်ကာ အနက်ရောင် တောင်ထိပ်ငယ်ဆီသို့ ဖြည်းဖြည်းချင်း ကပ်သွားသည်။

ဤသန့်စင်ထားသော စွမ်းအင်အစုအဝေး ချဉ်းကပ်လာသည်နှင့် အမျှ ယခင်က မလှုပ်မယှက်ဖြစ်နေသော တောင်ထိပ်ပေါ်တွင် အနက်ရောင်မျဉ်းများက ရုတ်တရက် ပေါ်လာသည်။ သန့်စင်ထားသော စွမ်းအင်များ တောင်ထိပ်ငယ်လေးနှင့် ပေါင်းစပ်သွားသောအခါ တောင်ထိပ်၏ မူလလက်ဖဝါးအရွယ် ပုံသဏ္ဌာန်မှ ဖြည်းဖြည်းချင်း ကြီးမားလာပြီး။ ခဏအကြာတွင် ဆယ်ပေ အမြင့်ရှိသော အနက်ရောင် တောင်ထိပ်တစ်ခု အဖြစ် တိုက်ရိုက် ပြောင်းလဲသွားသည်။

ထိုတောင်ထိပ်ပေါ်တွင် ထူးဆန်းသော ကျောက်တုံးများ ထိုးထွက်နေပြီး မတ်စောက်သော ကျောက်ဆောင်များက ပေထောင်ပေါင်းများစွာ မြင့်တက်နေကာ အဆုံးမရှိတဲ့ ကြမ်းတမ်းမှုကို ထုတ်လွှတ်နေပြီး ကောင်းကင်နှင့် မြေကြီးကြားတွင် ရပ်တည်နေသော တစ်ကယ့် အံဖွယ်တောင်ထိပ်တစ်ခုဘဲ ဖြစ်သည်။ တစ်ချိန်တည်းမှာပင် အလွန်နက်ရှိုင်းပြီး လေးလံသော စွမ်းအင် တစ်ခုလည်း လေထဲတွင် ပျံ့နှံ့နေသည်။

“‌ေလးလံအကျင်းထောင်ထိပ်” တောင်နံရံပေါ်တွင် စာလုံးသေးသေးလေးသုံးလုံး ရှိသည်။

ဤတောင်ထိပ်၏ အကြီးမားဆုံး လက္ခဏာမှာ အလေးချိန် ဖြစ်သည်။ ဝူယွမ်၏ သန့်စင်ထားသော စွမ်းအင်ပေါင်းစပ်မှုက တောင်ထပ်ကို ပို၍လေးလံစေပြီး အလွန်အားကောင်းသော ဆွဲငင်အားဖိနှိပ်မှု ကို ဖန်တီးပေးနိုင်သည်။

“ဒါက ငါ့ရဲ့ ခမ်းနာသော တောင်ကိုယ်ခန္ဓာ နဲ့ တူညီတဲ့ အာနိသင်ရှိတယ်။ ‘သန့်ရှင်း’ စာလုံးနဲ့ ကျင့်ကြံထားတဲ့ ဖိနှိပ်ခြင်းအကျင်းထောင်ဘုရင် ကိုယ်ခန္ဓာ စွမ်းအားက ထိန်းချုပ်နိုင်မလား မသိဘူး”

ဝူယွမ် တွေးနေရင်း အံ့ဩဖွယ် အနက်ရောင်စွမ်းအား တစ်ခုက သူ၏ ခန္ဓာကိုယ်မှ ချက်ချင်း ထပ်မံထွက်ပေါ်လာပြီး လေးလံအကျဉ်းထောင်ထိပ်ကို ဖုံးလွှမ်းလိုက်သည်။ အနက်ရောင် ဖိနှိပ်ခြင်း အကျင်းထောင်ဘုရင် စွမ်းအားက လေးလဲအကျဉ်းထောင်ထိပ်မှ ထွက်ပေါ်လာသော အနက်ရောင်စွမ်းအင်နှင့် ပေါင်းစပ်သွားပြီး ရောနှောထားသော စွမ်းအင်ထက်ပင် ပိုချောမွေ့စွာ ပေါင်းစပ်သွားခဲ့ပြီး

ဝူယွမ်က ဝမ်းမြောက်၀မ်းသာဖြစ်သွားခဲ့သည်။ လေးလ- အကျဉ်းထောင်ထိပ်က သူ့အတွက် အလွန်သင့်တော်လေသည်။

သူက ချက်ချင်းပင် အစီအနှစ်သွေးတစ်စက် ကို ထွေးထုတ်လိုက်ပြီး ‌ေလးလံအကျဉ်းထောင်ထိပ်ထဲသို့ ပေါင်းစပ်လိုက်သည်။ တောင်ထိပ်စွမ်းအင်က ဖိနှိပ်ခြင်းအ‌ကျင်းထောင်ဘုရင် စွမ်းအင်နှင့် ဆင်တူသောကြောင့် လေးလံအကျဉ်းထောင်ထိပ်၏ လက်နက်ဝိညာဉ်က ဝူယွမ်ကို မပယ်ချဘဲ ဝူယွမ်၏ သွေးအစီအနှစ်ဖြင့် တံဆိပ်မှတ်ခြင်းကို ချောမွေ့စွာဘဲ လက်ခံလိုက်သည်။

ဝူယွမ်၏ ဖိနှိပ်ခြင်းအ‌ကျင်းထောင်ဘုရင် ကိုယ်ခန္ဓာ ကျင့်ကြံမှုမှာ မွေးရာပါ ခမ်းနားသော တောင်ကိုယ်ခန္ဓာအဆင့်တွင်သာ ရှိနေသေးပြီး သူ၏ ခန္ဓာကိုယ်အတွင်းရှိ ဖမ်းဆီးချုပ်နှောင်ခြင်း နတ်ဘုရားစွမ်းအင်ဖြင့် ဖွဲ့စည်းထားသော ဆွဲငင်အားဖိနှိပ်မှုက နိဗ္ဗာန်အဆင့်တွင် အနည်းငယ် မလုံလောက်တော့ပေ။ ယခုမူ လေးလံအကျဉ်းထောင်ထိပ်၏ အားဖြည့်မှုကြောင့် ဝူယွမ်က တောင်တစ်လုံးတည်းဖြင့် မာချင်း ကဲ့သို့သော နိဗ္ဗာန်အဆင့်ကျင့်ကြံသူကို အလွယ်လေး ဖိနှိပ်ထားနိုင်ပြီ ဖြစ်သည်။

“ဒီတစ်ခါတော့ ငါ တကယ် ရတနာတွေ့သွားပြီ။ ငါ အပြင်ထွက်သွားပြီးရင် လင်းမျိုးနွယ်ကို ကျေးဇူးတင်စကား ကောင်းကောင်း ပြောရမယ်” ဝူယွမ်က ‌ေလးလံအကျဉ်းထောင်ထိပ်ကို အမြတ်တနိုး ပွတ်သပ်လိုက်ပြီး အလွန်ကျေနပ်နေသည်။ ဤတောင်က သူ၏ အာဏာရှင်ဆန်သော ဟန်ပန်နှင့် လုံးဝလိုက်ဖက်သည်။

ကြီးမားသော စွမ်းအားက အံ့ဩဖွယ်ရာများကို ဖန်တီးနိုင်သည်။ ဘယ်သူ့ကိုမဆို မကျေနပ်ရင် ဖိနှိပ်လိုက်ရုံသာ။

“သွားကြစို့” ဝူယွမ်တို့နှစ်ဦး မျိုးနွယ်စု ဘဏ္ဍာတိုက်မှ ထွက်လာကြရာ လင်းဖန်နှင့် အခြားသူများသည် အပြင်ဘက်တွင် စောင့်ဆိုင်းနေကြပြီဖြစ်သည်။

“ဘယ်လိုလဲ၊ ဝူယွမ်ညီအစ်ကို. မင်းကြိုက်တဲ့ ရတနာတွေ တွေ့ခဲ့ရဲ့လား” လင်းဖန်က အလွန်ယဉ်ကျေးစွာ ပြောလိုက်သည်။ ဝူယွမ်က ရတနာတစ်ခုကို ရွေးချယ်နိုင်ရန် သူ စိတ်ရင်းမှန်ဖြင့် မျှော်လင့်နေသည်၊ အဘယ်ကြောင့်ဆိုသော် ဤသည်မှာ လင်းမျိုးနွယ်အပေါ် မျက်နှာသာပေးသည့် သဘောဖြစ်မည်ဖြစ်ပြီး သူ့လူများ မဟာရှေးဟောင်းဂိုဏ်းထဲသို့ ဝင်ရောက်ရန် ပိုမိုလွယ်ကူစေမည် ဖြစ်သည်။

“ဟာဟာ၊ ဟုတ်တယ်၊ ဟုတ်ပါတယ်။ လင်းမျိုးနွယ်ရဲ့ ဘဏ္ဍာတိုက်က ကျွန်တော့် မျှော်လင့်ထားတာကို တကယ်ကျော်လွန်သွားတယ်။ ဒီတစ်ခါတော့ လင်းမျိုးနွယ်ခေါင်းဆောင်ကို မျက်နှာသာ ပေးဖို့ တောင်းဆိုရတော့မယ် ထင်တယ်”

ဝူယွမ်က ပြောနေရင်း သိုလှောင်အိတ်တစ်ခုကို တိုက်ရိုက်ပစ်ထုတ်လိုက်သည်။ “ဒီဟာတွေက လင်းမျိုးနွယ်ရဲ့ ဘဏ္ဍာတိုက်ကနေ ကျွန်တော် ရွေးချယ်ထားတဲ့ ရတနာတွေပါ။ အဲ့တာတွေအကုန် ကျွန်တော့်အတွက် အလွန်အသုံးဝင်တယ်။ လင်းမျိုးနွယ်ခေါင်းဆောင်၊ တစ်ချက် ကြည့်ပေးပါ။ ငါ နိဗ္ဗာန်ဆေးလုံး နဲ့ လဲလှယ်ဖို့ ဆန္ဒရှိတယ်။”

နိဗ္ဗာန်ဆေးလုံး။

နိဗ္ဗာန်ဆေးလုံးဟူသော စကားကို ကြားသောအခါ လင်းဖန်နှင့် အကြီးအကဲများ ချက်ချင်းပင် နားရွက်များ ထောင်မတ် သွားကြသည်။ သူတို့က ဝူယွမ်ကို မျက်နှာသာရရန်အတွက် မြေအဆင့် ဝိညာဉ်ရတနာလက်နက်တစ်ခု အနည်းဆုံး ဆုံးရှုံးရမည်ကို စိတ်ဆင်းရဲနေကြသော်လည်း ဝူယွမ်က မျိုးနွယ်စု ဘဏ္ဍာတိုက်မှ ရတနာများအတွက် နိဗ္ဗာန်ဆေးလုံးဖြင့် လဲလှယ်လိုလိမ့်မည်ဟု လုံးဝမမျှော်လင့်ထားခဲ့ပေ။

လင်းဖန်က သိုလှောင်အိတ်ကို စစ်ဆေးပြီး သူ၏ အမူအရာ ပြောင်းလဲသွားသည်။ သူက မျက်နှာမသာမယာဖြင့် ပြောလိုက်သည်- “ဝူယွမ်ညီအစ်ကို၊ ဒီဟာတွေက ကျွန်တော့် လင်းမျိုးနွယ်ရဲ့ ဘဏ္ဍာတိုက်ကို လုံးဝ ကုန်ခမ်းသွားစေလုနီးပါးပဲ”

လင်းဖန်၏ နှလုံးသားမှ သွေးယိုစိမ့်နေပီဖြစ်သည်။ အတွင်းရှိ ရတနာအရေအတွက်က မျိုးနွယ်စု ဘဏ္ဍာတိုက်၏ လေးပုံတစ်ပုံနီးပါး ကို ကိုယ်စားပြုနေသည်။ ထို့အပြင် မြေကမ္ဘာအဆင့် ဝိညာဉ်ရတနာလက်နက်လေးခု ပါဝင်ပြီး ဝူယွမ်နှင့် လင်းတုန်တို့ ကိုယ်တိုင်ရွေးချယ်ထားသော နှစ်ခုနှင့်ပေါင်းလျှင် မြေကမ္ဘာအဆင့် ဝိညာဉ်ရတနာလက်နက်များ အားလုံးကို ယူဆောင်သွားပြီး မျိုးနွယ်စု ဘဏ္ဍာတိုက်ကို အနာဂတ်အတွက် အဖိုးအထိုက်ဆုံး ရတနာများ မရှိတော့အောင် ထားခဲ့သည်ဟုပင် ပြော၍ရသည်။

လင်းဖန်က တိတ်တဆိတ် တွက်ချက်ကြည့်လိုက်သည်။ ဤရတနာများကို နိဗ္ဗာန်ဆေးလုံးအဖြစ် ပြောင်းလဲပါက အနည်းဆုံး သုံးသိန်းခန့် တန်ဖိုးရှိမည်ဖြစ်သည်။ အဓိကအားဖြင့် ထိုမြေကမ္ဘာအဆင့် ဝိညာဉ်ရတနာလက်နက်လေးခုတည်းကပင် နိဗ္ဗာန်ဆေးလုံး တစ်သိန်းနီးပါး တန်ဖိုးရှိမည်ဖြစ်သည်။

လင်းဖန်က အနည်းငယ် စိတ်ဝင်စားနေဆဲဖြစ်သည်။ သူသည် နိဗ္ဗာန်ဆေးလုံး အများကြီး ပိုင်ဆိုင်ပါက နိဗ္ဗာန်အဆင့် နောက်တစ်ဆင့်ကို ကျော်လွှားရန် တိုက်ရိုက် ကြိုးစားနိုင်မည် ဖြစ်သည်။

“ဝူယွမ်ညီအစ်ကို၊ ဒီပစ္စည်းတွေက ကျွန်တော့်ရဲ့ လင်းမျိုးနွယ်က ရာစုနှစ်များစွာ စုဆောင်းထားရတဲ့ ရတနာတွေဘဲ၊ နိဗ္ဗာန်ဆေးလုံးအဖြစ် ပြောင်းလဲမယ်ဆိုရင် အတော်လေး များလောက်ပါတယ်…” လင်းဖန်က အနည်းငယ် အခက်‌တွေ့နေခဲ့သည်။ အဘယ်ကြောင့်ဆိုသော် နိဗ္ဗာန်ဆေးလုံး သုံးသိန်းက သူ့အတွက် သေးငယ်သော ပမာဏ မဟုတ်ပေ။

“လင်းမျိုးနွယ်ခေါင်းဆောင်၊ တိုက်ရိုက်ပြောပါ။ ငါမတတ်နိုင်ဘဲ လင်းမျိုးနွယ်ဆီက ပစ္စည်းတွေကို ယူမှာ မဟုတ်ဘူး” ဟု ဝူယွမ်သည် ပြုံးရင်း ပြောလိုက်သည်။

“သ-သုံးသိန်း” လင်းဖန်က အသက်ပြင်းပြင်း ရှူသွင်းလိုက်ပြီး လက်ချောင်းသုံးချောင်းကို ဆန့်ထုတ်ကာ မဝံ့မရဲ ပြောလိုက်သည်။

“ဘာ၊ သုံးသိန်း” “မျိုးနွယ်စုခေါင်းဆောင်၊ ဒါက များလွန်း…” “မျိုးနွယ်စုခေါင်းဆောင်က နိဗ္ဗာန်ဆေးလုံး သုံးသိန်း တောင်းရဲအောင် သူက ပစ္စည်းဘယ်လောက် ယူသွားတာလဲ” “သုံးသိန်း၊ ဝူယွမ်က အဲဒီလောက် ထုတ်ပေးနိုင်ပါ့မလား” “မျိုးနွယ်စုခေါင်းဆောင်က ဘာတွေတွေးနေတာလဲ” …လင်းမျိုးနွယ် အကြီးအကဲများက အံ့အားသင့်သွားကြပြီး တီးတိုးပြောဆို နေကြသည်။ သူတို့၏ မျိုးနွယ်စုခေါင်းဆောင်က အနည်းငယ် လောဘကြီးနေသည် ဟု အားလုံး ခံစားလိုက်ကြရသည်။

“ဝူယွမ်ညီအစ်ကို ဒါ များတယ်လို့ ထင်တယ်ဆိုရင်…” လင်းဖန်က တံတွေး မျိုချလိုက်မိသည်။ သူလည်း အနည်းငယ် များနေသည်ဟု ခံစားရသည်။ ဤနိဗ္ဗာန်ဆေးလုံးပမာဏက ဝူယွမ် နိဗ္ဗာန်အဆင့်သို့ ကျော်လွှားရန်အတွက်ပင် လုံလောက်လေသည်။

သို့သော်လည်း ဝူယွမ်က မဆိုင်းမတွ သဘောတူလိုက်သည်။

“ကောင်းပြီ၊ သဘောတူတယ်”

ဝူယွမ်၏ ခန့်မှန်းချက်ထဲတွင် သူက ငါးသိန်း ကို အရောင်းအဝယ်အတွက် သုံးစွဲရန် စီစဉ်ထားသည်၊ အဘယ်ကြောင့်ဆိုသော် ဤပစ္စည်းများက အလွန်အဖိုးတန်ပြီး အဆင့်ကိုး နတ်ဆိုးဘုရင်ကို ဖမ်းဆီးချုပ်နှောင်ခြင်းနှင့် သက်ဆိုင်နေသောကြောင့်ဖြစ်သည်။ သို့သော်လည်း လင်းဖန်က သုံးသိန်းသာ တောင်းလိမ့်မည်ဟု သူ မမျှော်လင့်ခဲ့ပေ။ လင်းဖန်က ဤပစ္စည်းများ၏ အချို့တန်ဖိုးကို မသိပုံရသည်။

လင်းဖန်နှင့် လင်းမျိုးနွယ်စု အကြီးအကဲများသက ဝူယွမ်ကို အံ့အားသင့်စွာ ကြည့်လိုက်ကြသည်၊ သူသည် တကယ် သဘောတူလိုက်သည်။ သုံးသိန်းဆိုသည်မှာ နိဗ္ဗာန်ဆေးလုံး ပမာဏ အများကြီးဖြစ်ပြီး သူက အလွယ်တကူ သဘောတူလိုက်ခဲ့သည်။

ဝူယွမ်က နိဗ္ဗာန်ဆေးလုံးသုံးသိန်းဖြင့် ပြည့်နေသော သိုလှောင်အိတ် နောက်တစ်ခုကို ပစ်ပေးလိုက်သည်။

“လင်းမျိုးနွယ်ခေါင်းဆောင်၊ လုံလောက်ရဲ့လားဆိုတာ တွက်ကြည့်ပေးပါ”

မဟာရှေးဟောင်းကျောက်တိုင်၏ မြေအောက်နန်းတော်တွင် နိဗ္ဗာန်ဆေးလုံးတောင်များ များစွာရှိပြီး တောင် တစ်ခုစီက သန်းပေါင်းများစွာရှိသည်။ ထို့ကြောင့် ဝူယွမ်က သိန်းဂဏန်း ပမာဏလောက်ကို လုံး၀ ဂရုမစိုက်ခဲ့ပေ။

ဝူယွမ်က မဆင်မခြင် သုံးစွဲနေခြင်းလည်း မဟုတ်ချေ။ သူ၏ ရက်ရောမှုက ‌ေလးလံအကျဉ်းထောင်ထိပ်ကို ရရှိခဲ့ခြင်းကြောင့်လည်း ဖြစ်သည်။ မည်သို့ပင်ဆိုစေကာမူ ‌ေလးလံအကျဉ်းထောင်ထိပ်သည် အရောင်းအဝယ်တွင် မပါဝင်ခဲ့ဘဲ လင်းဖန်၏ ဈေးနှုန်းက အလွန်မျှတခဲ့သည်။

ဝူယွမ်၏ အမြင်က ရေရှည်အတွက် ဖြစ်သည်။ နိဗ္ဗာန်ဆေးလုံးများ မည်မျှပင်ရှိစေကာမူ ၎င်းတို့က အရင်းအမြစ်သာဖြစ်သည်။ အရင်းအမြစ်များက အသုံးပြုသောအခါမှသာ တန်ဖိုးရှိလေသည်။

လင်းဖန်၏ ဝိညာဉ်စွမ်းအင်က သိုလှောင်အိတ်ကို ဖြတ်သန်းသွားသည်။ သိပ်သည်းသော၊ မီးလျှံရောင်ဆေးလုံးများနှင့် ကြွယ်ဝသော နိဗ္ဗာန်စွမ်းအင် တို့က သူ့ကို မူးယစ်စေလု နီးပါးဖြစ်သည်။ ပမာဏ လုံလောက်သည်။ သုံးသိန်းက လုံလောက်သည်ထက်ပင် ပိုသည်။

“လုံလောက်တယ်! လုံလောက်တယ်” လင်းဖန်က ကတုန်ကရီဖြင့် ပြောလိုက်သည်။ နိဗ္ဗာန်ဆေးလုံးသုံးသိန်းကို ပေါ့ပေါ့ပါးပါး ထုတ်ပေးနိုင်ခြင်းက တော်ဝင်မိသားစုပင် မလုပ်နိုင်သောအရာဖြစ်သည်။

မဟာရှေးဟောင်းကျောက်တိုင်၏ ရတနာများက သူ၏ စိတ်ကူးကို ကျော်လွန်နေဟန်ရသည်။ လင်းဖန်၏ နှလုံးသားထဲတွင် မနာလိုစိတ်များဖြင့် ပြည့်နှက်နေခဲ့သည်။

ထို့နောက် လင်းမျိုးနွယ်၏ တပည့်များကို မဟာရှေးဟောင်းဂိုဏ်းထဲသို့ ပို့ဆောင်ရန် သူလုံး၀ စိတ်ပိုင်းဖြတ်လိုက်သည်။

“ဝူယွမ်ညီအစ်ကို ကျွန်တော့်မှာ နောက်ထပ် ရိုင်းပြတဲ့ တောင်းဆိုမှုတစ်ခု ရှိသေးပြီး ဝူယွမ်ညီအစ်ကိုက ခွင့်ပြုပေးလိမ့်မယ်လို့ မျှော်လင့်ပါတယ်။ ကျုပ်ရဲ့ လင်းမျိုးနွယ်စုက လူငယ်မျိုးဆက်အချို့ကို မဟာရှေးဟောင်းဂိုဏ်းမှာ ပူးပေါင်းဖို့ အခွင့်အရေး ရစေချင်ပါတယ်” လင်းဖန်သည် ဦးညွှတ်ပြီး တောင်းဆိုလိုက်သည်။ စိတ်ရင်းမှန်ဖြင့် တောင်းဆိုနေခြင်းဖြစ်သည်။

“ဒီကိစ္စ…” ဝူယွမ် အနည်းငယ် အံ့အားသင့်သွားခဲ့သည်၊ လင်းဖန်က သူ့ဘက်မှာ ပူးပေါင်းလိုလိမ့်မည်ဟု သူ မျှော်မလင့်ထားခဲ့ပေ။

“ဝူယွမ်ညီအစ်ကုိ၊ ကျေးဇူးပြုပြီး မဟာယန်မင်းဆက်ထဲကနေ ထွက်ခွာဖို့ ဒီအခွင့်အရေးကို ခွင့်ပြုပေးပါ” လင်းဖန်နှင့် လင်းမျိုးနွယ် အကြီးအကဲများအားလုံး မျှော်လင့်တကြီးဖြင့် ဝူယွမ်ကို ကြည့်နေကြသည်။

“ကောင်းပြီ၊ ဒါပေမယ့် ကျွန်တော့်မှာ စည်းကမ်းချက်တစ်ခု ရှိတယ်- ဘယ်သူ ပါဝင်နိုင်မလဲဆိုတာ ကျွန်တော်ကဘဲ ရွေးချယ်မယ်၊ ကျွန်တော့်စကားကိုဘဲ နားထောင်ရမယ်” ဝူယွမ်က ပေါ့ပေါ့ပါးပါးဘဲ ပြောလိုက်သည်။

“ဒါက ဖြစ်သင့်ပါတယ်၊ သူတို့ ပူးပေါင်းပြီးတာနဲ့ မဟာရှေးဟောင်းဂိုဏ်းရဲ့ အဖွဲ့ဝင်တွေ ဖြစ်သွားပြီလေ” လင်းဖန်က ပြုံးရင်း ဝူယွမ်၏ စည်းမျဉ်းကို လက်ခံလိုက်သည်။

“ကောင်းပြီ၊ ညီနှစ် ဒီတာဝန်ကို မင်းဆီ ထားခဲ့မယ်။ မင်းကလည်း မဟာရှေးဟောင်းဂိုဏ်းရဲ့ ဒုတိယဂိုဏ်းချုပ် ဖြစ်တဲ့အတွက် ဘယ်သူ့ကို စုဆောင်းမလဲ၊ လူဘယ်လောက် စုဆောင်းမလဲဆိုတာ မင်း ဆုံးဖြတ်လို့ ရတယ်” ဝူယွမ်က လင်းမျိုးနွယ်စု ဘော်လီဘောကို လင်းတုန်ဆီသို့ ပုတ်ထုတ်လိုက်လေသည်။

လင်းမျိုးနွယ်အတွင်းတွင် လင်းတုန်၏ မျိုးနွယ်ခွဲမှ လူများလည်း ရှိပြီး သူတို့ကို စွန့်ပစ်ရန် မဖြစ်နိုင်ပေ။ လင်းတုန်ကို ကိုင်တွယ်စေခြင်းဖြင့် သူ၏ လိုအပ်ချက်များကိုလည်း ဖြည့်ဆည်းပေးနိုင်လေသည်။

ထို့နောက် လင်းတုန်နှင့် လင်းမျိုးနွယ်၏ ညှိနှိုင်းမှုများမှတစ်ဆင့် လူပေါင်း တစ်ထောင်ကျော်ခန့် ပူးပေါင်းခဲ့ကြသည်။ ယခုအချိန်က မျိုးနွယ်စု ပြိုင်ပွဲကာလ ဖြစ်သောကြောင့် လင်းမျိုးနွယ်၏ ထူးချွန်သူများ စုဝေးနေကြပြီး ပူးပေါင်းခဲ့တဲ့ လူအများစုဟာ ထူးချွန်တဲ့ လင်းမျိုးနွယ်စု လူငယ်တပည့်များ ဖြစ်ကြသည်။

လင်းခဲ့အာ လည်း သူတို့ထဲမှာ ပါဝင်ခဲ့သည်။ မဟာရှေးဟောင်းကျောက်တိုင်ထဲသို့ ဝင်ရောက်ပြီးနောက် ဤလင်းမျိုးနွယ်ဝင်များကိုလည်း သူတို့ တစ်ဦးချင်း၏ အခြေအနေများပေါ်မူတည်၍ ခန်းမအမျိုးမျိုး သို့ ထည့်သွင်းပေးခဲ့သည်။ လင်းခယ်အာက သူတို့ထဲတွင် အထူးခြားဆုံးဖြစ်ပြီး သူမ၏ ခွန်အားက မုချန်ချန်ထက် မနိမ့်ကျဘဲ သူမက အဆောင်သခင် လည်း ဖြစ်နေသည်။ ဝူယွမ်က သူမကို ယန်ရွှမ်နှင့်အတူ အဆောင်သခင်ခန်းမ ကို စီမံခန့်ခွဲရန် စီစဉ်ပေးခဲ့သည်။

လင်းမျိုးနွယ်ဝင်များကို စီစဉ်ပြီးနောက် လင်းဖန်က သူတို့ကို ထပ်မံရှာဖွေခဲ့သည်၊ အတိအကြဆို လင်းတုန်ကို ရှာဖွေခဲ့သည်ဟု ဆိုရမည်။

“လင်းတုန်၊ ငါ မင်းကို မျိုးစေ့ရွေးချယ်ပွဲမှာ လင်းမျိုးနွယ်ကိုယ်စားပြုပြီး ပါဝင်စေချင်တယ်”

“မျိုးစေ့ရွေးချယ်ပွဲလား”

လင်းဖန်က ဆက်ရှင်းပြသည်- “နှစ်နှစ်ဆယ်တိုင်းမှာ မဟာယန်မင်းဆက်ရဲ့ ထိပ်တန်းအင်အားစုတွေက ထိပ်တိုက် ရင်ဆိုင်တွေ့ဆုံမှုတွေ ရှိတယ်။ ဟုတ်တယ်၊ ဒါက စစ်ပွဲမဟုတ်ဘူး၊ ရွေးချယ်ပွဲပဲ။ အင်အားစုတစ်ခုစီက သူတို့ရဲ့ အထူးခြားဆုံး လူငယ်ပါရမီရှင်တွေ ကို ဒီရွေးချယ်ပွဲမှာ ပါဝင်ဖို့ စေလွှတ်လိုက်တယ်၊ ပြီးတော့ မဟာယန်မင်းဆက်ရဲ့ ဒီထိပ်တန်းရွေးချယ်ပွဲကို မျိုးစေ့စစ်ပွဲလို့ လူတွေက သိကြတယ်။”

“မျိုးစေ့စစ်ပွဲမှာ ပါဝင်တဲ့သူတွေက လူငယ်မျိုးဆက်ရဲ့ အထွတ်အထိပ်ပါရမီရှင်တွေချည်းဘဲ။ မူလကတော့ ငါတို့ရဲ့ လင်းမျိုးနွယ်က လင်းလန်တျန်းကို စေလွှတ်ဖို့ စီစဉ်ထားတာ၊ ဒါပေမယ့် အခု လင်းလန်တျန်း မရှိတော့ဘူး၊ လင်းမျိုးနွယ်တစ်ခုလုံးမှာ ပါဝင်နိုင်လောက်တဲ့ ခွန်အားရှိသူက မင်းဘဲရှိတယ်။”

“မြင့်မြတ် ဝိညာဉ်ရေကန် အကြောင်း မင်း သိမှာပါ၊ ဟုတ်တယ်မလား။ မျိုးစေ့စစ်ပွဲမှာ အရည်အချင်းပြည့်မီရင် မြင့်မြတ် ဝိညာဉ်ရေကန်ထဲကို ဝင်ရောက်ခွင့် ရလိမ့်မယ်”

“မြင့်မြတ် ဝိညာဉ်ရေကန်လား”

ဝူယွမ်၏ မျက်လုံးများ လင်းလက်သွားသည်။ ဒါက သူ၏ နောက်ထပ် ဆိုင်းအင်၀င်ရမည့် နေရာပဲဖြစ်သည်။