၀မ်ကျုံးကို သတ်ခြင်း၊ ၀မ်နှင့် ချင်မျိုးနွယ်စုတို့ကို ဖျက်ဆီးခြင်း

“ရင်းနှီးတဲ့ မိတ်ဆွေတွေလား”

ဟွမ်ပူယင်း၏ စိတ်ထဲတွင် ပြင်းထန်သော ရှုပ်ထွေးမှုဖြင့် ဖုံးလွှမ်းသွားသည်။ ထိုသူမှာ သူ၏ နတ်ဘုရားမ၊ မြင့်မြတ်ပြီး မထိုးဖောက်နိုင်သော အရှင်သခင်မ ဖြစ်ပါလျက်.

ဟွမ်ပူယင်း၏ ရင်ထဲတွင် လင်းချင်းကျူနှင့် ထိုက်တန်သော ယောက်ျားတစ်ဦးမျှ ဤကမ္ဘာပေါ်တွင် မရှိဟု အခိုင်အမာ ယုံကြည်ထားခဲ့သည်။

သူ၏ မျက်လုံးများက အနည်းငယ် အရူးအမူးစွဲလမ်း နေဟန်ရပြီး ကြောက်မက်ဖွယ်ရာ အသံဖြင့် ပြောဆိုလိုက်သည်.

“ဘယ်လိုလုပ် ဖြစ်နိုင်မှာလဲ။ ချင်းကျူက မင်းနဲ့ မိတ်ဆွေဖြစ်စရာ အကြောင်းမရှိဘူး။ မင်းက မထိုက်တန်ဘူး။”

“သူမရဲ့ မူလအစကိုတောင် မင်း မသိဘူး။ သူမနဲ့ ယှဉ်ရင် ငါတို့က အရှေ့ပိုင်း ၀မ့်လွန်ပြည်နယ်ထဲမှာ ရုန်းကန်တက်နေရတဲ့ ပုရွက်ဆိတ်တွေပဲ။ မင်းနဲ့ငါက ဒီ မဟာယန်မင်းဆက်မှာ ကိုယ့်ကိုယ်ကိုယ် ပါရမီရှင်လို့ သတ်မှတ်ထားပေမယ့်၊ တကယ်လို့ ငါတို့က သူမရဲ့ အဆင့်မှာဆိုရင်၊ အဲဒီလိုခေါ်တဲ့ ပါရမီရှင်ဆိုတာဟာ ပြက်လုံးတစ်ခုပဲဖြစ်လိမ့်မယ်.”

“ဒီကမ္ဘာပေါ်မှာ ဘယ်သူမှ ချင်းကျူနဲ့ မထိုက်တန်ဘူး၊ ငါရော မင်းရောပဲ။”

ဝူယွမ်သည် မျက်လုံးလှန်ကြည့်လိုက်သည်။ ဤ ဟွမ်ပူယင်းက ရှင်းရှင်းလင်းလင်းပင် စိတ်ကယောင်ချောက်ချား ဖြစ်နေပြီး၊ တစ်ဖက်သတ် ဆန္ဒ ရောဂါဝေဒနာနှင့် စွမ်းအားမရှိသော ရောဂါဝေဒနာကို ခံစားနေရရှာသည်။

“အဓိပ္ပာယ်မရှိတာတွေ မပြောနဲ့. မင်းနဲ့ ငါက အဆင့်တူ မဟုတ်ဘူး။ မင်းက တိတ်တိတ်လေး စဉ်းစား ယစ်မူး နေတဲ့အချိန်မှာ၊ ငါက အကောင်အထည်ဖော်နေတာ.”

“‌ေသာက်တုံး.”

ယဉ်ကျေးသိမ်မွေ့ စကားနှစ်လုံးကို ပြောဆိုပြီးနောက် ၀ူယွမ်က သူ့ကို လျစ်လျူရှုကာ အတွင်းပိုင်းသို့ ဆက်လျှောက်သွားခဲ့သည်။

နက်ရှိုင်းသော လမ်းကြောင်းတစ်လျှောက် ဆက်သွားရင်း ရွှေရောင်တံခါးတစ်ခု ၀ူယွမ်၏ ရှေ့တွင် ပေါ်ထွက်လာသည်။

“ဒုန်း.”

၀ူယွမ်က ချီတုံချတုံဖြစ်မနေဘဲ လက်သီးဖြင့် အားပါပါ ထိုးချလိုက်ရာ၊ ရွှေရောင်တံခါးက ပြင်းထန်စွာ ပေါက်ကွဲသွားသည်။

နောက်ဆုံး ခန်းမဆောင်က ပိုမိုကျယ်ဝန်းပြီး ခမ်းနားထည်ဝါသည်။ ခန်းမဆောင်၏ အလယ်ဗဟိုတွင် တစ်စုံတစ်ယောက်က စောင့်ဆိုင်းနေရာယူထားနှင့်ပြီးသား ဖြစ်သည်။

သူ၏ မျက်လုံးများကို ကျစ်ကျစ်ပါအောင် ပိတ်ထားပြီး တိတ်ဆိတ်ငြိမ်သက်စွာ ထိုင်နေသည်။ ၀ူယွမ် ပေါ်လာသည့်အချိန်တွင် သူက မျက်လုံးများကို ဖြည်းဖြည်းချင်း ဖွင့်လိုက်သည်။

“၀ူယွမ်၊ အရမ်းကောင်းတယ်. မင်းကို နောက်ဆုံး စမ်းသပ်မှုမှာ တွေ့ဆုံရတာ၊ ငါ နောက်ဆုံးတော့ ၀မ်ယန်အတွက် လက်စားချေနိုင်ပြီ”

၀မ်ကျုံးက ရုတ်တရက် ထရပ်လိုက်ပြီး၊ သူ့မျက်လုံးများတွင် အေးစက်သော တိုက်ခိုက်လိုစိတ်များ ပြည့်နှက်နေကာ ၀ူယွမ်ကို စူးစိုက် ကြည့်နေသည်။

“မင်း သူ့ကို အဲဒီလောက် လွမ်းနေတယ်ဆိုရင်၊ ငါ မင်းကို သူ့ဆီ သွားတွေ့ရအောင် ပို့ပေးမယ်” ၀ူယွမ်က ဂရုမစိုက်သော အမူအရာဖြင့် ပြောလိုက်သည်။

သူတို့နှစ်ဦးကြားမှ စွမ်းအင်က လှိုင်းထန်နေပြီဖြစ်သည်။ အသတ်ခံရသော ညီအစ်ကို၏ အမုန်းတရားနှင့်အတူ ငြိမ်းချမ်းသော ဖြေရှင်းနည်း မရှိနိုင်တော့ပေ။. ၀ူယွမ်က ယဉ်ကျေးမနေတော့ဘဲ သူ၏ ပြင်းထန်သော ယွမ်စွမ်းအင်ကို တိုက်ရိုက် ထုတ်လွှတ်လိုက်သည်။

“ကောင်းကင်ဖြတ်ပိုင်းခြင်း နတ်ဆိုးကျောက်တိုင် လက်ဝါး.”

ကြီးမားသော နတ်ဆိုးကျောက်တိုင် လက်ဝါးနှစ်ခုက လေထဲတွင် သိပ်သည်းလာပြီး လွှမ်းမိုးနိုင်သော စွမ်းအားဖြင့် အောက်သို့ ထိုးဆင်းလာသည်။

“လှံသခင်”

၀ူယွမ်၏ ထိုးစစ်ကို ရင်ဆိုင်ရာတွင် ၀မ်ကျုံး၏ မျက်လုံးများတွင် အေးစက်သော လှောင်ပြောင်မှုတစ်ခု လင်းလက်သွားသည်။ ချက်ချင်းဆိုသလို သူက သူ၏ လက်ဖဝါးကို ဆုပ်ကိုင်လိုက်ပြီး တောက်ပသော ယွမ်စွမ်းအင်များ သူ၏ လက်ဖဝါးထဲတွင် ချက်ချင်း သိပ်သည်းသွားသည်။ မျက်တောင်တစ်ခတ်အတွင်း သူက အနက်ရွှေရောင် ယွမ်စွမ်းအင်ဖြင့် ပြုလုပ်ထားသော ပေပေါင်းများစွာရှိသည့် ဧရာမလှံကြီးအဖြစ် ပြောင်းလဲသွားသည်။ နှိုင်းယှဉ်၍မရလောက်အောင် လွှမ်းမိုးသော စွမ်းအင်လှိုင်းတစ်ခုက ဧရာမလှံကြီးပေါ်တွင် တောက်ပနေသည်။

ဒုန်း.

နတ်ဆိုးကျောက်တိုင်က ပျက်စီးကြေမွသွားပြီး လှံအရိပ်များလည်း တစ်လက်မချင်းစီ ကျေမွ ပျံ့လွင့်သွားသည်။

ယွမ်စွမ်းအင်နှင့် ပတ်သက်၍ ၀မ်ကျုံးက ၀ူယွမ်နှင့် တန်းတူ ယှဉ်ပြိုင်နိုင်ခဲ့သည်။

၀ူယွမ်က မဟာရှေးဟောင်းဂိုဏ်း၏ ရတနာများကို ရရှိခဲ့ပြီး သန့်စင်ယွမ် ဆေးလုံးများနှင့် နိဗ္ဗာန်ဆေးလုံး အမြောက်အများကို ရရှိခဲ့သော်လည်း၊ အချိန်သိပ်မကြာလိုက်သဖြင့် သူက ကူးပြောင်းခြင်းအဆင့် အထွတ်အထိပ်အထိ ကျင့်ကြံနိုင်ခြင်းမှာပင် ကောင်းသောမွန် တိုးတက်မှုဖြစ်သည်။

၀မ်ကျုံးကတော့ မျိုးနွယ်စုတစ်ခုလုံး၏ အရင်းအမြစ်များကို ပိုင်ဆိုင်ထားပြီး ကလေးဘဝကတည်းက ကျင့်ကြံခဲ့ခြင်းဖြစ်သော်လည်း ယခုအချိန်အထိ ကူးပြောင်းခြင်းအဆင့် အထွတ်အထိပ်မှာသာ ရှိနေသေးသည်။

“၀ူယွမ်၊ ဒါက မင်းတတ်နိုင်တာ အားလုံးဆိုရင်၊ ဒီနေ့ဟာ မင်း သေဆုံးမယ့်နေ့ဖြစ်လိမ့်မယ်.”

၀မ်ကျုံး အေးစက်စွာ ပြုံးလိုက်ပြီး သူ့မျက်လုံးများထဲတွင် သတ်ဖြတ်လိုစိတ်များ ပို၍ ပို၍ ပြည့်နှက်လာသည်။

သူက သူ၏ လက်ဖဝါးကို ဖြည်းဖြည်းချင်း ဆန့်ထုတ်လိုက်ပြီး၊ သူ့ခန္ဓာကိုယ်အတွင်းမှ သွေးမျှင်များ သိပ်သည်းလာကာ အနီရောင် သွေးလှံတစ်ချောင်းသည် အလွန် ကြောက်မက်ဖွယ်ကောင်းပြီး လွှမ်းမိုးသော ပုံပန်းသဏ္ဍာန်ဖြင့် သူ၏ လက်ဖဝါးတွင် ပေါ်ထွက်လာသည်။

ကြမ်းတမ်း၊ သွေးဆာသော စွမ်းအင်များ လေထဲတွင် ထူထပ်စွာ ပျံ့နှံ့သွားသည်။ သွေးရောင် လှံတံရှည်က အနည်းငယ် ထူးဆန်းနေပြီး ၀မ်ကျုံး၏ တည်ရှိမှုကို ပိုမို ထက်မြက်စေသည်။

“ဒီလို ပြင်းထန်တဲ့ သွေစွမ်းအင်က သွေးဝိညာဉ်ရုပ်သေးနဲ့ နည်းနည်း ဆင်တူနေပါလား. . .” ၀ူယွမ်၏ မျက်လုံးများ လင်းလက်သွားပြီး ၀မ်ကျုံး၏ လက်ထဲမှ သွေးရောင် လှံတံရှည်ကို ကြည့်လိုက်မိသည်။

ခန္ဓာကိုယ်အတွင်း၌ သိမ်းဆည်းထားနိုင်ပြီး ဤမျှ ပြင်းထန်သော စွမ်းအားကို ပိုင်ဆိုင်ထားသော လှံက မြေကမ္ဘာအဆင့် ဝိညာဉ်ရတနာလက်နက် ဖြစ်မည်မှာ သေချာသည်။

“တကယ့်ကို ထူးခြားတဲ့ ကြမ်းတမ်းတဲ့ လှံတစ်ချောင်းဘဲ.” ဟု ၀ူယွမ်က အံ့ဩသော အမူအရာဖြင့် ပြောလိုက်သည်။ ဤလှံက သူ့ခန္ဓာကိုယ်အတွင်းရှိ သွေးများကိုပင် လှုပ်ရှားစေနိုင်သည်။

“သွေးနတ်ဆိုး အသူရာလှံ”

အပေါ်ဘက်ရှိ လင်းဖန်က ၀မ်ကျုံး၏ လက်ထဲမှ လှံကို မှတ်မိသွားပြီး အနည်းငယ် အံ့အားသင့်နေပုံရသည်။

သွေးနတ်ဆိုး အသူရာလှံက ၀မ်မျိုးနွယ်စု၏ ဘိုးဘေးတစ်ဦးကို အထက်ပိုင်းအထူးဂိုဏ်းတစ်ခုမှ မျက်နှာသာပေးသည့် အနေဖြင့် ပေးအပ်သော ရတနာဖြစ်သည်။

ဤလှံက သွေးဆာသော စွမ်းအင်များဖြင့် ပြည့်နှက်နေပြီး လက်နက်ဝိညာဉ်သည် နှစ်ပေါင်းများစွာ သွေးဖြင့် တိုက်စားခံရပြီးနောကိ သွေးဝိညာဉ်အဖြစ် ပြောင်းလဲသွားကာ အလွန် ကြောက်မက်ဖွယ် ကောင်းသွားစေသည်။

ဝမ်မျိုးနွယ်စုမှ လူအများအပြားက ဤလှံကို သန့်စင်ရန် ကြိုးစားခဲ့ကြသော်လည်း မအောင်မြင်ရုံသာမကဘဲ တန်ပြန်စွမ်းအင်ကြောင့် အသက်ပါ ဆုံးရှုံးခဲ့ရသည်။

မထင်မှတ်ထားဘဲ ၀မ်ကျုံးက ထိုလှံ၏ အသိအမှတ်ပြုမှုကို ရရှိနိုင်ခဲ့သည်။

“အသူရာသွေးမျက်လုံး”

၀မ်ကျုံးက ဟိန်းဟောက်လိုက်သည်။ သူ့မျက်လုံးများမှ သွေးကြောမြောက်မြားစွာ ထွက်ပေါ်လာပြီး အဆုံးမဲ့ သွေးဆိုးစွမ်းအင်က သွေးရောင် လှံတံရှည်ပတ်လည်တွင် လျင်မြန်စွာ လည်ပတ်သွားသည်။ သူက တံဆိပ်များကို ပုံဖော်ကာ လှံတံနှင့် ပေါင်းစပ်လိုက်သည်။

ထို့နောက် အလွန် ထူးဆန်းသော သွေးရောင် မျက်လုံးတစ်လုံး လှံကိုယ်ထည်ပေါ်တွင် သိပ်သည်းလာသည်။

သွေးရောင်အလင်းက လှိုင်းထလာပြီး ထိုမျက်လုံးမှ ပြင်းထန်သော သွေးရောင် အလင်းတန်းများ ပေါက်ထွက်လာကာ ၀ူယွမ်ဆီသို့ မြန်ဆန်စွာ ပစ်ခတ်လာသည်။

သွေးရောင် အလင်းတန်းတစ်ခုစီက ကူးပြောင်းခြင်းအဆင့် အဓိက ကျင့်ကြံသူ တစ်ဦး၏ အပြင်းထန်ဆုံး တိုက်ခိုက်မှုနှင့် ညီမျှသည်။

“ငါ့ရဲ့ မြေကမ္ဘာအဆင့် ဝိညာဉ်ရတနာလက်နက်ကိုလည်း စမ်းကြည့်ရအောင်” ၀ူယွမ်က စိတ်ဝင်စားမှု အနည်းငယ်ရှိလာပြီး အဓိကအားဖြင့် လှံကို စိတ်ဝင်စားသည်။

သူက ဝိညာဉ်စွမ်းအင်ကို မသုံးခဲ့ပေ။ သူက ပါးစပ်ကို ဖွင့်လိုက်ရာ အနက်ရောင် အလင်းတစ်ခု ဝှီးခနဲ ထွက်လာသည်။

အနက်ရောင် အလင်းက လှိုင်းထလာပြီး ချက်ချင်းပင် ဆယ်ပေ အရွယ်ခန့် အရွယ်ရှိသော တောင်ထိပ်တစ်ခုအဖြစ် ပြောင်းလဲသွားသည်။ အနက်ရောင် အလင်းက တောင်ကိုယ်ထည်ပေါ်တွင် စီးဆင်းနေပြီး၊ ထို့နောက် သွေးရောင် အလင်းဆီသို့ ပြင်းထန်စွာ ရိုက်ချလိုက်သည်။

သွေးရောင် အလင်းက လေးလံအကျဉ်းထောင်တောင်ထိပ်ကို ထိမှန်သွားလည်း အကျိုးသက်ရောက်မှုမရှိဘဲ တိုက်ရိုက် ပြန်ကန်ထွက်သွားပြီး ခန်းမဆောင်ရှိ တိုင်များအားလုံးကို ထိမှန်ကာ ကျိုးပဲ့သွားသည်။

“မင်းမှာ ဒီလို မြေကမ္ဘာအဆင့် ဝိညာဉ်ရတနာလက်နက်က ဘယ်လိုလုပ် ရှိနေတာလဲ.” ၀မ်ကျုံးက လေးလံ အကျဉ်းထောင်တောင်ထိပ်ကို မြင်လိုက်ရသောအခါ အံအားသင့်သွားပြီး အာမေဋိတ်သံပြုလိုက်သည်။

လင်းမျိုးနွယ်စု၏ ရန်သူအနေဖြင့်၊ သူတို့၏ ဝမ်မျိုးနွယ်စုက လင်းမျိုးနွယ်စု ပိုင်ဆိုင်သည့် အမွေအနှစ်ကို သိထားသည်မှာ ပုံမှန်ပင်။

“ဟဲဟဲ၊ ငါ့မှာ ဒီထက် ပိုများတဲ့ အရာတွေ ရှိသေးတယ်.”

၀ူယွမ်က စကားမပြောတော့ဘဲ ရပ်လိုက်သည်။ လေးလံ အကျဉ်းထောင်တောင်ထိပ်ကို သူ၏ လက်ထဲတွင် စိတ်တိုင်းကျ ကိုင်စွဲထားသည်။ သူသည် ယွမ်စွမ်းအင်ကို သုံးရန်ပင် မလိုအပ်ဘဲ၊ သူ၏ ခမ်းနားသော တောင်ကိုယ်ခန္ဓာ၏ ခွန်အားကို အသုံးပြု၍ လေးလံသော အကျဉ်းထောင်တောင်ထိပ်နှင့် အပြည့်အဝ ပေါင်းစည်းနိုင်သည်။

၀ူယွမ်၏ စွမ်းအား ထွက်ပေါ်လာသည်နှင့်အမျှ လေးလံ အကျဉ်းထောင်တောင်ထိပ်ြ ချက်ချင်းပင် ကြီးမားသော တောင်ထိပ်အဖြစ်သို့ ပြောင်းလဲသွားပြီး ခန်းမဆောင်တစ်ခုလုံးနီးပါး ပြည့်နှက်သွားသည်။

၀ူယွမ်က လေးလံ အကျဉ်းထောင်တောင်ထိပ်ပေါ်သို့ ပျံတက်သွားပြီး တောင်ကို နင်းကာ ၀မ်ကျုံးကို ပြင်းထန်စွာ ဖိချလိုက်သည်။

“ငါ့ရဲ့ တောင်ဖိနှိပ်မှုကို မြည်းစမ်းကြည့်လိုက်စမ်း”

၀မ်ကျုံး၏ မျက်နှာက အကြီးအကျယ် ပြောင်းလဲသွားခဲ့သည်။ လေးလံ အကျဉ်းထောင်တောင်ထိပ်က ၀ူယွမ်၏ လက်ထဲတွင် ဤမျှ စွမ်းအားကြီးလာလိမ့်မည်ဟု သူ မမျှော်လင့်ထားခဲ့‌ချေ။

“အသူရာသွေးဝိညာဉ်၊ ထွက်ခဲ့”

သူ၏ လက်ဟန်များက အဆက်မပြတ် ပြောင်းလဲနေပြီး သူ၏ ခန္ဓာကိုယ်ပတ်လည်ရှိ သွေးရောင် အလင်းက သွေးနတ်ဆိုး အသူရာလှံပေါ်တွင် သိပ်သည်းလာသည်။ မှုန်ဝါးသော ဧရာမ သွေးအရိပ်တစ်ခုက အလွန်ကြီးမား သွေးဆာသော စွမ်းအင်ကို သယ်ဆောင်လာကာ တဖြည်းဖြည်း သိပ်သည်းလာပြီး ပေါ်ထွက်လာခဲ့သည်။

အလွန်ကြီးမားသော သွေးဆိုးစွမ်းအင်များ လှိုင်းထလာသည်။ သွေးဝိညာဉ်က နှိုင်းယှဉ်၍မရလောက်အောင် စွမ်းအားကြီးသော သွေးပင်လယ်၏ စွမ်းအားကို သယ်ဆောင်လာကာ၊ ကောင်းကင်ထိ ထိုးဖောက်နေသော တိုင်တစ်ခုကဲ့သို့ လှံဖြင့် လေးလံ အကျဉ်းထောင်တောင်ထိပ်ဆီသို့ ထိုးဖောက်လိုက်သည်။

ဒုန်း ဒုန်း ဒုန်း.

လေးလံ အကျဉ်းထောင်တောင်ထိပ်က ထပ်မံ ကြီးမားလာပြီး ခန်းမဆောင်ထဲရှိ တိုင်များ တစ်တိုင်ပြီးတစ်တိုင် ပြိုကျသွားသည်။ အပေါ်မှ လူများအားလုံး လေးလံသော အကျဉ်းထောင်တောင်ထိပ်ပေါ်တွင် ရပ်နေသော ၀ူယွမ်ကိုသာ မြင်နိုင်သည်။

“သွား‌ေသလိုက်.”

၀ူယွမ်က သူ၏ ခြေထောက်များကို ပြင်းထန်စွာ ဆောင့်နင်းလိုက်ပြီး သူ၏ ခမ်းနားသော တောင်ကိုယ်ခန္ဓာ၏ စွမ်းအားကို အစွမ်းကုန် ထုတ်လွှတ်လိုက်ပြီး နှိုင်းယှဉ်၍ မရလောက်အောင် စွမ်းအားကြီးသော ဆွဲအားကို လေးလံသော အကျဉ်းထောင်တောင်ထိပ်တွင် ပေါင်းထည့်လိုက်သည်။

ဤသို့သော ဆွဲအား နှစ်ဆဖြင့်ဆိုလျှင် ကူးပြောင်းခြင်းအဆင့် အထွတ်အထိပ် ကျင့်ကြံသူ မပြောနှင့် နိဗ္ဗာန်အဆင့်ရှိ ကျင့်ကြံသူပင်လျှင် ခံနိုင်ရည်ရှိမည်မဟုတ်ပေ။

လေးလံ အကျဉ်းထောင်တောင်ထိပ် ဖိချလိုက်သည်နှင့်အမျှ အသူရာသွေးဝိညာဉ်က ကြီးမားသော ဆွဲအား‌ေကြာင့် ကြေမွသွားပြီး သွေးရောင် အလင်းက လှံကိုယ်ထည်ပေါ် ပြန်လည်ရောက်ရှိသွားသည်။

“မဖြစ်ဘူး.”

တောင် အရိပ်အောက်မှ ၀မ်ကျုံး၏ အားမလိုအားမရသော အော်ဟစ်သံ ထွက်လာသခဲ့ည်။

သို့သော် ၀ူယွမ်က တွေဝေမှု တစ်စက်လေးတောင် ပေါ်မလာဘဲ လေးလံ အကျဉ်းထောင်တောင်ထိပ်ကို အောက်ခြေအထိ ပြင်းထန်စွာ ဖိချလိုက်သည်။

လူတိုင်းကွဲအက်သံကိုသာ ကြားလိုက်ရပြီး မြေအောက်မှ အော်ဟစ်သံများ တိတ်ဆိတ်သွားခဲ့သည်။

၀ူယွမ်က လေးလံသော အကျဉ်းထောင်တောင်ထိပ်ကို ပြန်ရုပ်သိမ်းလိုက်သည်။

ပျက်စီးသွားသော ခန်းမဆောင်အောက်တွင် ၀မ်ကျုံးက အသားပြားအဖြစ် ကြေမွသွားခဲ့ပီဖြစ်သည်။

အနီရောင် သွေးနတ်ဆိုး အသူရာလှံတစ်ချောင်းသာ သူ၏ ဘေးတွင် တိတ်ဆိတ်စွာ ရှိနေခဲ့သည်။

“အား... အရမ်း ပျက်စီးလွယ်တာပဲ.”

၀ူယွမ်က ပေါ့ပေါ့ပါးပါး ညည်းညူလိုက်ပြီးနောက် လက်တစ်ချက်ဝှေ့ယမ်းလိုက်ကာ ၀မ်ကျုံး၏ သိုလှောင်အိတ်နှင့် သွေးနတ်ဆိုး အသူရာလှံကို သိမ်းဆည်းလိုက်သည်။

သူက ဤလှံကို အစောပိုင်းကတည်းက အလွန် လိုချင်ခဲ့ပြီး ထိုလှံက သွေးဝိညာဉ်ရုပ်သေးနှင့် အလွန် လိုက်ဖက်လိမ့်မည်ဟု ထင်ခဲ့သည်။

“ကျုံးအာ.”

ထိုအချိန်တွင် နာကျင်သော အော်ဟစ်သံတစ်ခု ခန်းမဆောင်တစ်ခုလုံးတွင် ပဲ့တင်သံထပ်သွားသည်။

အပေါ်ဘက်ရှိ ၀မ်လေက ဤမြင်ကွင်းကို မြင်လိုက်ရသောအခါ သူ၏ ဆံပင်များ ချက်ချင်း မီးခိုးရောင်ပြောင်းသွားပြီး ထိန်းမထားနိုင်တော့ဘဲ။ ပြင်းထန်သော ယွမ်စွမ်းအင် လှိုင်းလုံးတစ်ခုက သူ၏ ခန္ဓာကိုယ်မှ ပေါက်ထွက်လာသည်။

သူ၏ သားနှစ်ယောက်လုံး သေဆုံးသွားခဲ့ပြီး အထူးသဖြင့် ၀မ်ကျုံးကို သူ အလွန် မျှော်လင့်ထားခဲ့သည်။

၀မ်လေက ဤ ရလဒ်ကို လက်ခံနိုင်ခြင်း မရှိပေ။

သူက ပေါက်ကွဲသွားပြီး ချက်ချင်း အပေါ်မှနေ၍ ၀ူယွမ်ကို တိုက်ရိုက် တိုက်ခိုက်သည်။

“ချင်ချွမ်ညီအစ်ကို၊ ဒီ ကောင်စုတ်ကို သတ်ဖို့ ငါ့ကို ကူညီပါ”

၀မ်လေက လေထဲတွင် ဒေါသတကြီး အော်ဟစ်လိုက်ပြီးနောက် လက်တံဆိပ်များကို အဆက်မပြတ် ပုံဖော်လိုက်ကာ အနက်ရောင် ယွမ်စွမ်းအင်က ပြင်းထန်သော နိဗ္ဗာန်စွမ်းအင်ကို သယ်ဆောင်လာပြီး ပေါက်ထွက်သွားသည်။

ဒေါသထွက်နေသော ၀မ်လေက ဆံပင်များ ထောင်မတ်နေပြီး သူ၏ ဆံပင်များအားလုံး ချက်ချင်း မီးခိုးရောင် ပြောင်းသွားခဲ့သည်။

သူ၏ ယွမ်စွမ်းအင် ပေါက်ထွက်လာသည်နှင့်အမျှ အနက်ရောင် လှံတံရှည်တစ်ခုက သူ၏ ဘေးတွင် သိပ်သည်းလာသည်။

သခင်လှံတံ။

ထိုအရာက ၀မ်ကျုံး အစောက ပြသခဲ့သည်ထက် အဆပေါင်းများစွာ ပိုမို စွမ်းအားကြီးသည်။

“၀ူယွမ်၊ သတိထား.”

လင်းဖန်နှင့် ဖူရိတေားင်တို့၏ မျက်နှာများ အကြီးအကျယ် ပြောင်းလဲသွားကြပြီး သူတို့နှစ်ဦးစလုံး ၀မ်လေ့၏တိုက်ခိုက်မှုကို ၀င်ရောက် ဖြတ်တောက်ရန် ရည်ရွယ်ပြီး ထရပ်လိုက်ကြသည်။

သို့သော် ထိုအချိန်တွင် ချင်ချွမ်၏ ခေါက်ချိုးယပ်တောင်က လေထဲသို့ ပျံတက်သွားပြီး အလင်းတန်းများစွာကို ချက်ချင်း ထုတ်လွှတ်ကာ ထိုနှစ်ဦးကို နောက်ဆုပ်ရန် ဖိအားပေးလိုက်သည်။

“ဟဲဟဲ၊ အဘိုးကြီး၊ ငါ မင်းကို အခုဘဲ မင်းသားနှစ်ယောက်ရဲ့ လမ်းကြောင်းပေါ် ပို့ပေးမယ်.”

၀ူယွမ်က သူ၏ နှုတ်ခမ်းများကို အနည်းငယ် ကွေးလိုက်သည်။ အပြင်းအထန် တိုက်ခိုက်လာသော ၀မ်လေးကို ရင်ဆိုင်နေရတာတောင် သူ၏ အမူအရာက လုံး၀ မပြောင်းလဲပေ။

သူက လက်ထဲရှိ လေးလံ အကျဉ်းထောင်တောင်ထိပ်ကို ထပ်မံ ထုတ်လွှတ်လိုက်ကာ တစ်ချိန်တည်းမှာပင်၊ သူ၏ နီဝမ်နယ်ပယ်မှ လှိုင်းထလာပြီး ဝိညာဉ်စွမ်းအင်များ စီးထွက်လာသည်။ ဝိညာဉ်မုန်တိုင်း ဝဲကများက လေးလံသော အကျဉ်းထောင်တောင်ထိပ်ကို တွန်းပို့ပေးလိုက်ပြီး ထောင်ထိပ် ဆွဲအားကို ပိုမို ပြင်းထန်စေကာ ၀မ်လေကို ဖိချလိုက်သည်။

ကောင်းကင် အဆောင်သခင်တစ်ဦးက ကောင်းကင်နှင့် မြေကြီး၏ စွမ်းအားကို လှုပ်ရှားနိုင်စွမ်းရှိပြီးဖြစ်သည်။ ၀ူယွမ်၏ လက်ရှိ ဝိညာဉ်စွမ်းအင်က မုန်တိုင်းများနှင့် မိုးကြိုးများကို ဖန်တီးနိုင်စွမ်းရှိသည်။

ဒုန်း.

၀မ်လေးက လေးလံ အကျဉ်းထောင်တောင်ထိပ်နှင့် တိုက်မိသွားကာ သူ၏ သခင်လှံတံ ဖျက်ဆီးခံရလိုက်ပြီး တိုက်ရိုက် ဖိနှိပ်ခံရကာ နောက်သို့ တွန်းပို့ခံလိုက်ရသည်။

သူတို့အောက်ရှိ နန်းတော်သည်ပင် ပြင်းထန်သော စွမ်းအားဖြင့် တိုက်ရိုက် ဖျက်ဆီးခံလိုက်ရသည်။

“ကောင်းကင် အဆောင်သခင်၊ မင်း ကောင်းကင် အဆောင်သခင်အဆင့်ကို တကယ် ရောက်သွားတာလား.”

၀မ်လေ၏ မျက်နှာက ထိတ်လန့်မှုများဖြင့် ပြည့်နှက်နေသည်။

“အဘိုးကြီး၊ မင်း မသိသေးတာတွေ အများကြီး ရှိသေးတယ်” ၀ူယွမ်က လှောင်ပြုံးဖြင့် ပြောလိုက်သည်။

“ရပ်.” ရုတ်တရက်၊ နှိုင်းယှဉ်၍မရလောက်အောင် လွှမ်းမိုးနိုင်ပြီး စွမ်းအားကြီးသော စွမ်းအင်တစ်ခုက နန်း‌ေတာ်တစ်ခုလုံးကို ဖိနှိပ်လိုက်သည်။

ဧကရာဇ် မော့ကျင်းထျန်းက လှုပ်ရှားလာသည်။ နိဗ္ဗာန်အဆင့် အဆင့်တစ်၏ စွမ်းအားက လုံးဝ ပေါက်ကွဲထွက်လာပြီး၊ နိဗ္ဗာန်အဆင့် ကျင့်ကြံသူများစွာကြောင့် မတည်မငြိမ်ဖြစ်နေသော ကောင်းကင်နှင့် မြေကြီး ယွမ်စွမ်းအင်ကို ငြိမ်သက်သွားစေသည်။

ကြီးမားသော စွမ်းအင်တစ်ခုက လူများကို အတင်းအကြပ် ခွဲထုတ်လိုက်သည်။

“ ခင်ဗျားတို့က ကျွန်တော့် မင်းမျိုးမင်းနွယ်ကို မျက်စိထဲ မထည့်ကြဘူးလား။ ဒီမှာ တိုက်ခိုက်နေကြတာ၊ နန်းတော်ကို ဖျက်ဆီးချင်နေကြတာလား.”

မော်ကျင်းထျန်းက လက်တစ်လော ရှိနေသူ အားလုံးကို အေးစက်စွာ လှည့်ပတ် ကြည့်လိုက်သည်။ ဘုရင်တစ်ပါူ လွှမ်းမိုးနိုင်သော စွမ်းအင်က ကြောက်မက်ဖွယ်ကောင်းသည်။

“အရှင်မင်းကြီး၊ ဒီ ကောင်လေး ၀ူယွမ်က စည်းမျဉ်းတွေကို လျစ်လျူရှုပြီး မျိုးစေ့ရွေးချယ်ပွဲအတွင်းမှာ ကျွန်ုပ်ရဲ့ သားကို သတ်ခဲ့ပါတယ်. သူ့ကို လုံးဝ ခွင့်လွှတ်လို့ မရပါဘူး.”

၀မ်လေက သူ၏ စိတ်ခံစားမှုများကို မထိန်းချုပ်နိုင်သေးဘဲ သူက ၀ူယွမ်ကို လက်ညှိုးထိုးပြီး စွပ်စွဲလိုက်သည်။

ရွေးချယ်ပွဲအတွင်းတွင် လူသတ်ခြင်းကို တားမြစ်သော စည်းမျဉ်းတစ်ခု ရှိခဲ့သည်။

“၀ူယွမ်၊ မင်း ဘာပြောစရာ ရှိလဲ.”

မော်ကျင်းထျန်းသည် ၀ူယွမ်ကို ကြည့်လိုက်ပြီး အနည်းငယ် မျက်မှောင်ကြုတ်သွားသည်။

“ဟဲဟဲ၊ သေခြင်း၊ ရှင်ခြင်းတိုက်ပွဲမှာ၊ ဓားတွေက မျက်လုံး မရှိဘူး။ ၀မ်ကျုံးက ကျွန်တော့်ကို သတ်ဖို့ ရည်ရွယ်ချက်ရှိခဲ့တယ်။ ကျွန်တော် သူ့ကို မသတ်ခဲ့ရင် သူက ကျွန်တော့်ကို သတ်လိမ့်မယ်. ပြောစရာ ဘာမှ မရှိတော့ဘူး. ကျွန်တော် သူ့ကို သတ်ခဲ့တယ်။ မကျေနပ်ရင် ထွက်လာပြီးပြောလိုက်”

မော်ကျင်းထျန်း၏ ဖိအားကို ရင်ဆိုင်နေရသည်ကိုပင် ၀ူယွမ်က ကြောက်ရွံ့မှု မပြဘဲ၊ တသမတ်တည်း ဂရုမစိုက်သော လေသံဖြင့် ပြောနေဆဲဖြစ်သည်။

“အရှင်မင်းကြီး၊ ဒီ ကလေးက အရမ်း မာနကြီးတယ်။ အရှင်မင်းကြီးကိုတောင် မထီမဲ့မြင် ပြုရဲတယ် သူက မျိုးစေ့ရွေးချယ်ပွဲရဲ့ စည်းမျဉ်းတွေနဲ့ ဒီမှာ ရှိနေတဲ့ ကျင့်ကြံသူအားလုံးကို လုံးဝ လျစ်လျူရှုထားတယ်။ ဒီ ကလေးကို ဖယ်ရှားဖို့ အားလုံး ပူးပေါင်းဖို့ ကျွန်တော် အကြံပြုပါတယ်.” ၀မ်လေ၏ မျက်နှာက ရူးသွပ်နေပြီး လူအုပ်ကို လှုံ့ဆော်ရန် ကြိုးစား ကြိုးစာနေသည်။

“ကျွန်တော် လူတိုင်းကို ကြားဝင်မစွက်ဖက်ဖို့ အကြံပေးချင်တယ်။ ၀မ်မျိုးနွယ်စု၊ ချင်မျိုးနွယ်စုနဲ့ ကျွန်တော့်ကြားက လက်စားချေမှုတွေကို မျိုးစေ့ရွေးချယ်ပွဲပြီးမှ ဖြေရှင်းမယ်။ ဒါပေမယ့် ဝင်ရောက်စွက်ဖက်သူတိုင်း အကျိုးဆက်ကို ခံစားရလိမ့်မယ်.”

၀ူယွမ်သည်လည်း လက်တလော ရှိနေသူ အားလုံးကို အေးစက်စွာ လှည့်ပတ် ကြည့်လိုက်သည်။ မော်ကျင်းထျန်းကိုတောင် သူ၏ သဘောထားက အတူတူပင်ဖြစ်သည်။

သူက ယခုလူများကို ဤနေရာတွင် မထိန်းချုပ်နိုင်ပါက ပြည်ထောင်တစ်ရာတိုက်ပွဲတွင် သူ မည်သို့ ထင်ရှားနိုင်ပါမည်နည်း။

လူတိုင်းသည် ၀ူယွမ်ကို အံ့အားသင့်စွာ ကြည့်နေကြပြီး သူက မော်ကျင်းထျန်းကိုပင် လျစ်လျူရှုရဲလိမ့်မည်ဟု မမျှော်လင့်ထားခဲ့ကြပေ။ သူက မင်းမျိုးမင်းနွယ်ကို ကြောက်ရွံ့နေဟန် မရပေ။

မော်ကျင်းထျန်းက ၀ူယွမ်ကို နက်နက်ရှိုင်းရှိုင်း ကြည့်လိုက်ပြီးနောက် သူ၏ အကြည့်က ၀မ်လေဆီသို့ လှည့်သွားကာ အေးစက်စွာ ပြောလိုက်သည်. “မျိုးစေ့ရွေးချယ်ပွဲ ပြီးခါနီးပြီ။ မင်းရဲ့ ကိစ္စတွေကို နန်းတော်အပြင်ဘက် ရောက်မှ ဖြေရှင်းနိုင်တယ်။”

၀ူယွမ်၏ ကောင်းကင် အဆောင်သခင်အဆင့် စွမ်းအားက သူ၏ မျှော်လင့်ချက်များကို ကျော်လွန်နေပြီးဖြစ်ကာ သူ မသုံးရသေးသော ထူးခြားသည့် နည်းလမ်းများလည်း ရှိနေနိုင်သေးသည်။ မော်ကျင်းထျန်းက အရူးမဟုတ်ဘဲ ၀မ်လေ၏ ရုပ်သေးအဖြစ် အသုံးပြုခံမည်မဟုတ်ပေ။

၀မ်လေးက ယခုအချိန်အတွက် သည်းခံနေရုံသာ ရှိတော့ပြီး ဝူယွမ်ကို အသေသတ်ဖို့ရာ သူက လုံးဝ သေချာမှု မရှိတော့ချေ။

ထိုအချိန်တွင် အောက်ဘက်ရှိ လမ်းကြောင်းအမျိုးမျိုးမှ တိုက်ပွဲများသည်လည်း အဆုံးသတ်လုနီးပါး ရောက်ရှိနေပြီဖြစ်သည်။

လင်းတုန်က လမ်းကြောင်းတစ်ခုမှ ပထမဆုံး ထွက်ပေါ်လာသူဖြစ်သည်။

နောက်တွင် ထျန်းလော့ ဂိုဏ်းမှ တူးယွမ်၊ မင်းမျိုးမင်းနွယ်မှ မော်လင်း၊ နှင့် သားရဲဘုရင်ဂိုဏ်းမှ မန်ရှန်တို့ ဖြစ်ကြသည်။

၀ူယွမ် အပါအဝင် မျိုးစေ့ရွေးချယ်ပွဲအတွက် နေရာငါးခု ပြည့်သွားခဲ့ပီဖြစ်သည်။

“အစ်ကိုကြီး.”

လင်းတုန်က ၀ူယွမ်၏ ဘေးသို့ ပျံသန်းလာပြီး ဝိညာဉ်ဘီးမှန်ကို ကိုင်ဆောင်ထားကာ မည်သည့်အချိန်မဆို တိုက်ခိုက်ရန် အသင့်ဖြစ်နေသည်။

“ကောင်းပြီ၊ မျိုးစေ့ရွေးချယ်ပွဲ ပြီးသွားပြီ.” မော်ကျင်းထျန်းက ကြေညာလိုက်သည်. “၀ူယွမ်၊ လင်းတုန်၊ မော်လင်း၊ တူးယွမ်နှင့် မန်ရှန်တို့က မျိုးစေ့နေရာများကို ရရှိခဲ့ကြတယ်. မနက်ဖြန်ကြရင် ငါ‌တို့က မြင့်မြတ်သော ဝိညာဉ်ကန်ကို ပူးပေါင်းဖွင့်လှစ်မယ်။ မင်းတို့ငါးဦးက ဝင်ရောက်ဖို့ အရည်အချင်းရှိတယ်။ အဲ့တာက ငါတို့ မဟာယန်မင်းဆက်က မင်းတို့ကို ပေးတဲ့ နောက်ဆုံး အကူအညီဘဲ။ ဒါပေမဲ့ ဘယ်လို ရလဒ်တွေ ထွက်လာမလဲဆိုတာ မင်းတို့ရဲ့ ကံအပေါ်ဘဲ မူတည်တယ်။”

“အားလုံး နန်းတော်ကနေ ထွက်ခွာနိုငပြီ.”

မော်ကျင်းထျန်က သူ၏ ကြေညာချက်ကို အဆုံးသတ်လိုက်သည်နှင့်အမျှ လက်တစ်လေည ရှိနေသူ အားလုံးက ၀ူယွမ်၊ ၀မ်လေနှင့် အခြားသူများကို စူးစိုက် ကြည့်နေကြသည်။

“ကောင်လေး ၀ူယွမ်၊ ငါ မင်းကို မြို့ပြင်မှာ စောင့်နေမယ်.”

၀မ်လေပ သူ၏ သားကို ဆုံးရှုံးရသော နာကျင်မှုကို ခံစားနေရဆဲဖြစ်သည်။ ဤအချိန်တွင် လက်စားချေရန် အတွေးများသာ သူ၏ စိတ်ထဲတွင် ပြည့်နှက်နေခဲ့သည်။

သူနှင့် ချင်ချွမ်တို့က ပြောပြီးသည်နှင့်ချက်ခြင်း ပျံသန်းထွက်ခွာသွားကြသည်။

“အစ်ကိုကြီး၊ ဒီ အဘိုးကြီးနှစ်ယောက်ကို ကျွန်တော် ကိုင်တွယ် လိုက်ပါမယ်.”

လင်းတုန်၏ တိုက်ခိုက်လိုစိတ်က လှိုင်းထလာပြီး နိဗ္ဗာန်အဆင့် ကျင့်ကြံသူတစ်ဦးနှင့် သူ့ကိုယ်သူ စမ်းသပ်ကြည့်ချင်နေသည်။

လက်ရှိတွင် လင်းတုန်သည်လည်း ကူးပြောင်းခြင်းအဆင့် အထွတ်အထိပ်အဆင့်နှင့် အဆင့်မြင့် ဝိညာဉ်အဆောင်သခင် တစ်ဦးဖြစ်သည်။ သူ၏ ရွှေခေါင်းလောင်းခန္ဓာကိုယ်၊ မဟာနေ မိုးကြိုးခန္ဓာကိုယ်၊ ဝါးမျိုခြင်းဘိုးဘေးအဆောင်နှင့် အခြား နည်းလမ်းများနှင့် ပေါင်းစပ်လိုက်လျှင် သူက သာမန် နိဗ္ဗာန်အဆင့် ကျင့်ကြံသူတစ်ဦးကို တိုက်ခိုက်ရန် ယုံကြည်မှုရှိသည်။ အနည်းဆုံးတော့ တစ်ဦးကို ထိန်းချုပ်ထားဖို့ရာ ပြဿနာမရှိနိုင်ပေ။

“သွားကြစို့. ဒီနေ့၊ ငါတို့ ဝမ်မျိုးနွယ်စုနဲ့ ချင်မျိုးနွယ်စုကို မဟာယန်မင်းဆက်ကနေ ဖျက်ဆီးပစ်မယ်”

၀ူယွမ်က တိုက်ရိုက် ပျံသန်းသွားပြီး သူ၏ ကောင်းကင် အဆောင်သခင် အဆင့် စွမ်းအားကို ဖုံးကွယ်ထားခြင်း မရှိတော့ပေ။

ကောင်းကင် အဆောင်သခင် အဆင့်သို့ ရောက်ရှိသောအခါ လက်နက်များ ကိုင်စွဲရန် မလိုအပ်တော့ပေ။ ဝိညာဉ်စွမ်းအင်ကို အသုံးပြု၍ လေကို ထိန်းချုပ်ကာ လေထဲတွင် ပျံဝဲနိုင်သည်။

ခဏအကြာတွင် လူတိုင်းက နန်းတော်မြို့ပြင်သို့ ရောက်ရှိလာကြသည်။

ထိုသို့သော ထိပ်တိုက် ရင်ဆိုင်မှုကထု အခြား ထိပ်တန်းအင်အားစုမှ လူများက လွဲချော်စေလိုခြင်း မရှိပေ။ မော်ကျင်းထျန်းသည်လည်း မင်းမျိုးမင်းနွယ်များကိုပါ တိုက်ပွဲကို ကြည့်ရှုရန် ခေါ်ဆောင်လာခဲ့သည်။

ဤ တိုက်ပွဲက မဟာယန်မင်းဆက်ရှိ ထိပ်တန်းအင်အားစုများ၏ လက်ရှိ အာဏာဖွဲ့စည်းပုံကို ပြောင်းလဲစေနိုင်သည်။

သို့သော် ၀ူယွမ်နှင့် အခြားသူများ အံ့အားသင့်သွားသည်မှာ ၀မ်လေးနှင့် ချင်ချွမ်တို့က စောင့်မနေဘဲ ပို၍ ဝေးရာသို့ ထွက်ပြေးသွားခြင်းဖြစ်သည်။

သူတို့သည် မြို့ပြင်တွင် စောင့်ဆိုင်းမည်ဟု ပြောခဲ့သော်လည်း ထွက်ပြေးသွားကြသည်.

၀ူယွမ်၏ ကောင်းကင် အဆောင်သခင် စွမ်းအားက ချင်ချွမ်ကို ကြောက်လန့်သွားစေ ဟန်ရသည်။ ၀ူယွမ်က သူ၏ ထူးခြားသော နည်းလမ်းများ အားလုံးကို မသုံးဘဲနှင့်ပင် ဤမျှ စွမ်းအားကြီးနေပြီဖြစ်သည်။

ချင်ချွမ်က ၀မ်လေးနှင့် မတူပေ။ ချင်ရှီအပြင် သူ၌ အခြား သားများလည်း ရှိသေးသည်၊ တစ်ဖက်တွင်မူ ၀မ်လေ၏ သားနှစ်ယောက်လုံးက သေဆုံးသွားခဲ့ပြီဖြစ်သည်။

ထို့ကြောင့် သူသည် မြို့မှ ထွက်ခွာသည်နှင့် ချက်ချင်းပင် ချင်ချွမ်က “၀မ်လေညီအစ်ကို၊ ကံကောင်းပါစေ.” ဟူသော စကားစုကိုသာ ချန်ထာခဲ့ပြီး လျင်မြန်စွာ ထွက်ပြေးသွားခဲ့သည်။

အံ့အားသင့်နေသော ၀မ်လေးက ထိုနေရာတွင် စိတ်ရှုပ်ထွေးနေပြီးနောက် သူလည်း လျင်မြန်စွာ ထွက်ပြေးသွားသည်။ ချင်ချွမ်နှင့်အတူတိုက်လျှင