နိဗ္ဗာန်ဆေးလုံး တစ်သန်း၊ ခြေလှမ်း၀က် နိဗ္ဗာန်အဆင့်သို့ ထိုးဖောက်ဝင်ရောက်ခြင်း

ကျောက်တိုင် အာကာသအတွင်း၊ ကမ္ဘာဦးသစ်ပင် တည်ရှိလာမှုနှင့်အတူ ဝိညာဉ်စွမ်းအင်တို့ဖြင့် ပြန်လည်ပြည့်နှက်လာကာ၊ စိမ်းလန်းစိုပြေသော အရောင်အသွေးတို့က ရှေးဟောင်းအငွေ့အသက်များကို ဆေးကြောဖယ်ရှား ပစ်လိုက်ပြီးနောက် လောကကြီးက အသက်ဓာတ် ပြန်လည်ရှင်သန်လာခဲ့၏။

၀မ့်လွန်ပြည်နယ်မှ မဟာရှေးဟောင်းဂိုဏ်း၏ ၀မ့်လွန်မြို့ သည်လည်း ပုံသဏ္ဍာန်ယူပြီးစီးပီဖြစ်၍ ၎င်း၏ ခန်းမဆောင် အသီးသီးတို့က စည်ကားထွန်းကားလျက် ရှိသည်။

တပည့်အများစုမှာ ခြေလှမ်း၀က် နိဗ္ဗာန်အဆင့် အောက်သာရှိကြသဖြင့် နိဗ္ဗာန်ဆေးလုံး များမလိုအပ်သေးဘဲ၊ သူတို့၏ နေ့စဉ်သုံးစွဲမှုမှာ အဓိကအားဖြင့် သန့်စင်သော ယွမ်စွမ်းအင် ဆေးလုံးများသာ ဖြစ်သည်။

မဟာရှေးဟောင်းဂိုဏ်းတွင် ယွမ်စွမ်းအင် ဆေးလုံး ကုဋေပေါင်း ရာချီ၍ သိုလှောင်ထားပြီး၊ မည်သည့်အရာမျှ မလုပ်ဆောင်ဘဲ နေထိုင်လျှင်ပင် လုံလောက်စွာ ကျင့်ကြံနိုင်ပေသည်။

သို့သော်လည်း ဂိုဏ်းတစ်ခုက ပုံမှန်အတိုင်း၊ကောင်းမွန်စွာ ဖွံ့ဖြိုးတိုးတက်ရန်အတွက် အပျင်းထိုင်နေခြင်းကို လုံးဝခွင့်မပြုနိုင်ပေ။

ကျောက်တိုင် အာကာသအတွင်း၌ ရှေးခေတ်ကာလမှတည်းက တည်ရှိခဲ့သော သားရဲ များစွာရှိပြီး၊ သားရဲများ၏ ခွန်အားမှာ ကြီးမားခြင်းမရှိဘဲ နိဗ္ဗာန်အဆင့် အောက်သာ ရှိကြသည်။

မဟာရှေးဟောင်းဂိုဏ်း တပည့်တို့၏ နေ့စဉ်လုပ်ငန်းတာဝန်မှာ ဤသားရဲများကို ရှင်းလင်းခြင်းဖြင့် ပိုမိုများပြားသော ကျင့်ကြံရေးအရင်းအမြစ်များကို ရယူရန်ပင် ဖြစ်သည်။

တစ်ချိန်တည်းမှာပင် ဝူယွမ်သည်လည်း ခန္ဓာကိုယ်သန်မာရေး နှင့်ပတ်သက်ပြီး အဆင့်သီးသီးအတွက် အဆင့်သတ်မှတ် စာရင်းများကို စီစဉ်ထားရာ၊ သက်ဆိုင်ရာအဆင့်သို့ ရောက်ရှိသော တပည့်အားလုံးသည် နေရာတစ်ခုအတွက် ယှဉ်ပြိုင်နိုင်ကြပြီး၊ ထို့နောက် သူတို့၏ အဆင့်သတ်မှတ်ချက်အရ ဆုလာဘ်အမျိုးမျိုးကို သတ်မှတ်ထားသည်။

ဤသို့ဖြင့် သူတို့အား ကျင့်ကြံရေးအရင်းအမြစ်များ ပေးနိုင်သည့်အပြင် တပည့်များကို အတွေ့အကြုံများလည်း ရရှိနိုင်စေရန်ဖြစ်သည်။ ဝူယွမ်က ဤကဲ့သို့သော အစီအမံများစွာကို အကောင်အထည်ဖော်ခဲ့ပြီး၊ ၎င်းတို့အားလုံးက ဂိုဏ်းတပည့်များအကြား ကိုယ့်အားကိုယ်ကိုးပြီး ယှဉ်ပြိုင်လိုစိတ်ဖြင့် ကျင့်ကြံလိုသည့် စိတ်ဓာတ်ကို မြှင့်တင်ပေးရန် ရည်ရွယ်ထားသည်။

သူက သူတို့အား ခွန်အားကြီးမားလာစေရန်အတွက် ကိုယ့်အားကိုယ်ကိုးရမည်ကို သိစေလိုခြင်း ဖြစ်သည်။

မြေအောက်နန်းတော်အတွင်။

တစ်ချိန်ကကဲ့သို့ ရှေးဟောင်းဆန် ဆွေးမြေ့နေသည့် အငွေ့အသက်များဖြင့် ပြည့်နှက်နေခြင်း မရှိတော့ပေ။

ဆေးလုံးတောင်သည်လည်း သန့်စင်ပြီးဖြစ်ရာ၊ ဆေးလုံးများပေါ် မူလက ကပ်ငြိနေသော နတ်ဆိုးစွမ်းအင် တို့က လုံးဝဆေးကြောဖယ်ရှားပြီး ဖြစ်သည်။

ချီရှင်းသည်လည်း ပို၍စိတ်ငြိမ်သက်လာပြီး၊ အရိုးစုအသွင်ဖြင့် ပေါ်မလာတော့ဘဲ အဝတ်အစားများ ဝတ်ဆင်ထားသည်။ သူက အနည်းငယ် ထူးဆန်းနေသေးသော်လည်း လူတစ်ဦးနှင့် ပို၍တူလာနေသည်။

သူက စွဲလမ်းမှုမှ ပြန်လည်မွေးဖွားလာသည့် ထူးခြားသော သက်ရှိပုံစံတစ်ခုဖြစ်ပြီး၊ ဂိုဏ်းကို ကာကွယ်ရန်သာ ဆန္ဒရှိသူဖြစ်သည်။ ယခုအခါ၊ ခေါင်းဆောင်အသစ်၏ ဦးဆောင်မှုအောက်တွင် ဂိုဏ်းက စည်ကားတိုးတက်ပြီး ရှေးယခင်ဂုဏ်ကျက်သရေကို ပြန်လည်ရရှိနေပြီဖြစ်သည်။

သူက ခန္ဓာကိုယ်အတွင်းရှိ နတ်ဆိုးစွမ်းအင် ကိုလည်း သန့်စင်ခဲ့ပြီး၊ ဂိုဏ်းဖွံ့ဖြိုးတိုးတက်လာသည်နှင့် အမျှ ဖြည်းညှင်းစွာ အသက်ဓာတ်ပြန်လည်ရရှိနေသည်။

ကမ္ဘာ့သစ်ပင်၏ အမြစ်တစ်ချောင်းက မြေအောက်နန်းတော်ကို ဖြတ်သန်းနေပြီး ကျောက်တောင်ဝိညာဉ်က ကမ္ဘာ့သစ်ပင်ကို ထိန်းချုပ်ထားပြီး၊ ထိုထူထဲသော အမြစ်ကို အလယ်ဗဟို၌ ထိုင်ခုံတစ်ခုအဖြစ် ပြောင်းလဲထားသည်။

ချီရှင်းက အများအားဖြင့် ထို ကမ္ဘာသစ်ပင် အမြစ်ထိုင်ခုံပေါ်တွင် ထိုင်၍ ကျင့်ကြံလေ့ရှိသည်။ ကမ္ဘာ့သစ်ပင်၏ အသက်ဓာတ်က သူ၏ အရိုးများကို အာဟာရဖြည့်ပေးကာ အသက်မဲ့နေသော အရိုးစုပေါ်တွင် အသားနှင့် သွေးများ ပြန်လည်ဖြစ်ထွန်း လာစေသည်။

ဝူယွမ် နှင့် လင်းတုန်တို့က မြေအောက်နန်းတော် သို့ ရောက်ရှိလာကြသည်။ ဤအခြေချနေထိုင်သည့် ကာလအတွင်းတွင် သူတို့က ကူးပြောင်းခြင်းအဆင့် အထွတ်အထိပ်၌ ခိုင်မာသောအခြေခံကို ချမှတ်နိုင်ခဲ့ကြပြီး မည်သည့်အချိန်တွင်မဆို အဆင့်တိုးတက်နိုင်ပြီ ဖြစ်သည်။

ငါးရက်အတွင်းတွင် သူတို့က မိုးကြိုးကျောက်တောင်တန်းများ သို့ သွားရောက်ကြရမည်ဖြစ်သည်။ ထို့ကြောင့် ယခုအချိန်တွင် သူတို့က ခြေလှမ်း၀က် နိဗ္ဗာန်အဆင့် သို့ ထိုးဖောက်ဝင်ရောက်ရန် လိုအပ်သည်။

“ခေါင်းဆောင်”

ချီရှင်းက ကမ္ဘာ့သစ်ပင် အမြစ်ပေါ်မှ ဆင်းသက်လာပြီး ဝူယွမ် ကို အရိုအသေပေးလိုက်သည်။

“ဒီတစ်ခါ ကျွန်တော်တို့နှစ်ဦးစလုံး ခြေလှမ်း၀က် နိဗ္ဗာန်အဆင့် ကို ထိုးဖောက်ဝင်ရောက်တော့မှာပါ။ အကြီးအကဲချီရှင်းက ကျွန်တော်တို့ကို ကာကွယ်ပေးပါ”

“အင်း” ချီရှင်းက ခေါင်းကို ပြင်းပြင်းထန်ထန် ညိတ်ပြလိုက်သည်။

ထို့နောက် ဝူယွမ်က သီးခြားဖွဲ့စည်းထားသော အစီအရင်နှစ်ခုကို ပေါ့ပေါ့ပါးပါး ဖန်တီးလိုက်ပြီး လက်တစ်ဖက် ဝှေ့ယမ်းလိုက်ရာ ရဲရဲနီနေသော ဆေးလုံးတောင်မှ နိဗ္ဗာန်ဆေးလုံး နှစ်သိန်းကျော်ကို ထိုအစီအရင်များအတွင်း ခွဲဝေထည့်သွင်းလိုက်သည်။

ဝူယွမ် “အကြီးအကဲချီရှင်း နိဗ္ဗာန် စွမ်းအင်မလုံလောက်ရင် ကျေးဇူးပြု၍ နိဗ္ဗာန်ဆေးလုံး ထပ်ထည့်ပေးပါ။ အရမ်းများနေရင်တော့ ပြန်ထုတ်လိုက်ပါ”

“ညီလေး၊ စကြစို့”

ညီအစ်ကိုနှစ်ဦးသည် အစီအရင်များအတွင်း ဝင်ရောက်ပြီးနောက် ဝါးမျိုခြင်းဘိုးဘေးအဆောင် ကို ချက်ချင်း အသက်သွင်းလိုက်ရာ၊ သူတို့တစ်ဦးစီ၏ နိဗ္ဗာန်ဆေးလုံး တစ်သိန်းကျော်တို့က လည်ပတ်သွားကာ ရေစီးကြောင်းတစ်ခုအဖြစ် စုစည်းသွားပြီး ရဲရဲနီနေသော အလင်းတိုင်တစ်ခုအဖြစ် ပြောင်းလဲကာ သူတို့၏ ခေါင်းပေါ်တွင် ဝဲပျံနေသည်။ အံ့အားသင့်ဖွယ်ရာ နိဗ္ဗာန် စွမ်းအင်လှိုင်းလုံးတို့က အစီအရင်များအတွင်း ပျံ့နှံ့သွားသည်။

အလင်းတိုင်အောက်တွင် ဝူယွမ် နှင့် လင်းတုန် တို့က တိတ်ဆိတ်စွာ ထိုင်နေကြသည်။ မီးနီ စွမ်းအင်က သူတို့၏ ခန္ဓာကိုယ်များကို နီရဲသွားစေပြီး၊ မီးခဲများကဲ့သို့ တောက်ပနေစေကာ သူတို့အတွင်းမှ ပူလောင်သော အပူချိန်များ ထွက်ပေါ်လာသည်။

သူတို့နှစ်ဦး၏ ခေါင်းပေါ်တွင် ဝါးမျိုခြင်းအနက်ရောင်တွင်းနက် တစ်ခုစီ ရှိနေသည်။

ဟူတို့သည် ရူးသွပ်စွာ လည်ပတ်နေပြီး မီးနီရဲသော စွမ်းအင်ကို အဆက်မပြတ် ဝါးမျိုနေကြသည်။

ဝူယွမ် သည် နတ်ဆင်ဖိနှိပ်ခြင်း ကို လည်ပတ်စေပြီး လျှံတက်လာသော နိဗ္ဗာန် စွမ်းအင်ကို လျင်မြန်စွာ သန့်စင်ကာ သူ၏ ခန္ဓာကိုယ် အစိတ်အပိုင်းတိုင်းသို့ စုပ်ယူနေသည်။

ခြေလှမ်း၀က် နိဗ္ဗာန်အဆင့်သို့ ထိုးဖောက်ဝင်ရောက်ရန်အတွက် သာမန်လူများက နိဗ္ဗာန်ဆေးလုံး နှစ်သောင်းမှ သုံးသောင်းခန့်သာ လိုအပ်သည်။

နိဗ္ဗာန်ဆေးလုံး တစ်သိန်းသည် အချို့သူများအတွက် နိဗ္ဗာန်အဆင့် သို့ ထိုးဖောက်ဝင်ရောက်ရန်ပငိ လုံလောက်နိုင်သည်။

သို့သော် ယခုအခါ၊ ဝူယွမ်င နိဗ္ဗာန်ဆေးလုံး နှစ်သိန်းကျော်ကို တစ်ကြိမ်တည်းထုတ်ကာ တစ်ဦးလျှင် တစ်သိန်းစီ စတင်အသုံးပြုခဲ့ပြီး ထိုအရာက ခြေလှမ်း၀က် နိဗ္ဗာန်အဆင့်သို့ ထိုးဖောက်ဝင်ရောက်ရန်သာ ဖြစ်သည်။

သူတို့တွင် နိဗ္ဗာန်ဆေးလုံး များစွာ ပေါများလွန်း၍ ဖြုန်းတီးနေသည်ဟု ဆိုလိုခြင်းမဟုတ်ပေ။

ထိုအရာက နိဗ္ဗာန်အဆင့် သို့ ထိုးဖောက်ဝင်ရောက်ခြင်း နိယာမနှင့် အတူတူပင်ဖြစ်သည်- ယေဘုယျအားဖြင့် ထိုးဖောက်ဝင်ရောက်စဉ်အတွင်း နိဗ္ဗာန်ဆေးလုံး များများ စုပ်ယူနိုင်လေလေ၊ ပို၍အားကောင်းလာလေလေဖြသ်ပြီး နိဗ္ဗာန်ရွှေကိုယ် ပိုခိုင်မာလာလေလေ ဖြစ်သည်။

ခြေလှမ်း၀က်ဘနိဗ္ဗာန်အဆင့်က နိဗ္ဗာန်အဆင့် အတွက် အခြေခံအုတ်မြစ်ချရန် ဖြစ်သည်။

ခြေလှမ်း၀က် နိဗ္ဗာန်အဆင့်၌ ရုပ်ခန္ဓာကို နိဗ္ဗာန်ဆေးလုံးများစွာဖြင့် သန့်စင်ခြင်းကို ခံနိုင်မှသာ နိဗ္ဗာန်အဆင့် သို့ ထိုးဖောက်ဝင်ရောက်သည့်အခါ ခန္ဓာကိုယ်က နိဗ္ဗာန်ဆေးလုံး ကို ပိုမိုစုပ်ယူနိုင်မည် ဖြစ်သည်။

နိဗ္ဗာန်စွမ်းအင်က ရုပ်ခန္ဓာကို သန်မာအောင် ပြုလုပ်ခြင်းနှင့် ခိုင်မာအောင် ပုံသွင်းခြင်းတို့အပေါ် အလွန်အရေးပါသော သက်ရောက်မှုရှိသည်။

သို့သော် တစ်စုံတစ်ဦးက လောဘကြီးပြီး အတင်းအကြပ် အလွန်အကျွံစုပ်ယူကာ ခန္ဓာကိုယ်က မခံနိုင်ပါက နောက်ဆုံးရလဒ်မှာ အတွင်းမှ မီးတောက်လာပြီး လူတစ်ကိုယ်လုံးကို ပြာပင်မကျန်အောင် လောင်ကျွမ်းသွားစေလိမ့်မည်ဖြစ်သည်။

နိဗ္ဗာန်ဆေးလုံး တစ်သိန်းမှ ထုတ်ပေးသော နိဗ္ဗာန် စွမ်းအင်က ခြေလှမ်း၀က် နိဗ္ဗာန်အဆင့် ကျွမ်းကျင်သူများပင် အစီအရင် အလယ်ဗဟိုတွင် ရှိနေရန် မဝံ့ရဲကြပေ။

သို့သော်လည်း ဝူယွမ် နှင့် လင်းတုန် တို့က ဤသို့ပြုလုပ်ရန် ရဲရင့်ခဲ့ကြပြီး၊ သူတို့သည် နိဗ္ဗာန် စွမ်းအင်ကြောင့် ဝါးမျိုခံရမည်ကို စိုးရိမ်စရာမလိုဘဲ သူတို့တွင် ယုံကြည်မှု အပြည့်ရှိခဲ့ကြသည်။

ထိုယုံကြည်မှုအတွက် အဓိကအကြောင်းရင်းနှစ်ခု ရှိသည်။

ပထမအနေဖြင့် ဝါးမျိုခြင်းဘိုးဘေးအဆောင်က နိဗ္ဗာန်ဆေးလုံး များကို ဝါးမျိုပြီးနောက် နိဗ္ဗာန်စွမ်းအင်၏ ကြမ်းတမ်းတဲ့စွမ်းအင်ကို အားနည်းစေကာ ပိုမိုနူးညံ့လာစေပြီး စုပ်ယူရန် ပိုမိုလွယ်ကူစေသည်။

ဒုတိယအနေဖြင့် သူတို့က ကိုယ်ခန္ဓာကျမ်း နှင့် သေးငယ်သော နိဗ္ဗာန်ရွှေကိုယ်ခန္ဓာ ကို ကျင့်ကြံထားသဖြင့် သူတို့၏ ရုပ်ခန္ဓာများက နိဗ္ဗာန်ရွှေကိုယ်ခန္ဓာ ပိုင်ရှင်များထက်ပင် ပို၍အားကောင်းသည်။

ထို့ကြောင့် နိဗ္ဗာန်ဆေးလုံး တစ်သိန်းမှ ရရှိသော နိဗ္ဗာန် စွမ်းအင်က သူတို့နှစ်ဦးအတွက် ထိုမျှလောက် ကြောက်စရာမကောင်းပေ။

ဝါးမျိုခြင်းဘိုးဘေးအဆောင်ကို အမြင့်ဆုံးစွမ်းရည်ဖြင့် လည်ပတ်စေသောအခါ အရည်ကဲ့သို့ ထူထပ်သော နိဗ္ဗာန် စွမ်းအင်က ဝါးမျိုနေသော လေပွေများမှတစ်ဆင့် သူတို့၏ ခန္ဓာကိုယ်များအတွင်းသို့ ရူးသွပ်စွာ စီး၀င်နေသည်။

တစ်ရက်နှင့်တစ်၀က ကုန်ဆုံးသွားပြီးနောက် သူတို့နှစ်ဦး၏ ပုံသဏ္ဍာန်များအတွင်းရှိ နိဗ္ဗာန် စွမ်းအင်က အားနည်းသွားသော်လည်း သူတို့နှစ်ဦးစလုံးသက ပြင်းထန်သော နာကျင်မှုလက္ခဏာများ မပြခဲ့ကြဘဲ၊ ပို၍လိုချင်နေပုံပင်ရသည်။

ဤအခြေအနေကို မြင်သောအခါ ချီရှင်း၏ အရိုးပါးစပ်က အနည်းငယ် ပွင့်သွားမိသည်။ ထို့နောက် သူက သူတို့နှစ်ဦးစီသို့ နိဗ္ဗာန်ဆေးလုံး တစ်သိန်းစီ ထပ်ထည့်ပေးလိုက်သည်။

တစ်ရက်ကြာပြီးနောက်။

ချီရှင်းက နောက်ထပ် လေးကြိမ် ထပ်ထည့်ပေးခဲ့သည်။

သူတို့တစ်ဦးစီက နိဗ္ဗာန်ဆေးလုံး ငါးသိန်းစီကို စုပ်ယူပြီးခဲ့သော်လည်း ပြည့်ဝမှုသို့ မရောက်သေးပေ။

“ဒီလောက် ခွန်အားကြီးမားတဲ့ ရုပ်ခန္ဓာတွေပါလား” ရှေးခေတ်ကာလများစွာကို ဖြတ်သန်းခဲ့ဖူးသော ချီရှင်းပင်လျှင် ဤနှစ်ဦး၏ ပုံမှန်မဟုတ်သော ခွန်အားကို အံ့ဩမဆုံးနိုင် ဖြစ်ခဲ့ရသည်။

သူတို့က ကူးပြောင်းခြင်းအဆင့် အထွတ်အထိပ်နှင့်ပင် နိဗ္ဗာန်ဆေးလုံး ငါးသိန်းကို ခံနိုင်ရည်ရှိခဲ့ကြသည်။

နိဗ္ဗာန်ဆေးလုံး ငါးသိန်းကို အသုံးပြု၍ နိဗ္ဗာန်အဆင့် သို့ ထိုးဖောက်ဝင်ရောက်သူများကို အတော်လေး အစွမ်းထက်သော ပါရမီရှင်များအဖြစ် သတ်မှတ်ခံရသည်ကို သိထားရမည်ဖြစ်သည်။

သို့သော် ယခုအခါ၊ ဝူယွမ် နှင့် လင်းတုန် တို့က ဤပမာဏရှိ နိဗ္ဗာန်ဆေးလုံး များကို ခြေလှမ်း၀က် နိဗ္ဗာန်အဆင့် သို့ ထိုးဖောက်ဝင်ရောက်ရန် အသုံးပြုနေကြသည်။

ဤသည်မှာ သူတို့၏ ရုပ်ပိုင်းဆိုင်ရာ ကြံ့ခိုင်မှု မည်မျှ အစွမ်းထက်ကြောင်း သက်သေပြရန် လုံလောက်သည်။

သူတို့သာ နိဗ္ဗာန်အဆင့်သို့ ထိုးဖောက်ဝင်ရောက်မည်ဆိုပါက အနည်းဆုံး နိဗ္ဗာန်ဆေးလုံး နှစ်သန်းကို အခြေခံအဖြစ် လိုအပ်လိမ့်မည်။

သို့သော် ဤအချိန်တွင် လင်းတုန် ၏ ခန္ဓာကိုယ်က ရွှေရောင်အလင်းတန်းများဖြင့် တောက်ပနေပြီဖြစ်သည်။ သူက ကိုယ်ခန္ဓာ၏ စွမ်းအားကို အစွမ်းကုန် တွန်းထုတ်လိုက်သည်။ ဤ နိဗ္ဗာန်ဆေးလုံး ငါးသိန်းက သူ၏ အကန့်အသတ်ပင်ဖြစ်သည်။

ချီရှင်းက လင်းတုန် ၏ အစီအရက်ထဲသို့ ဆေးလုံးများ ထပ်ထည့်မပေးတော့ဘဲ၊ သူ စုပ်ယူပြီးစီးသည်အထိ စောင့်ဆိုင်းနေခဲ့သည်။

သူက ဝူယွမ် ကို ကြည့်လိုက်ပြီး တုံ့ဆိုင်းမနေဘဲ သူ၏ အစီအရင်ထဲသို့ နိဗ္ဗာန်ဆေးလုံး နှစ်သိန်း ထပ်ထည့်ပေးလိုက်သည်။

ယခင်က သွေးဝိညာဉ်ရုပ်သေးကို သန့်စင်စဉ်အခါက ဝူယွမ်၏ ရုပ်ခန္ဓာ အလွန်အားကောင်းသည်ကို ချီရှင်း သိထားပြီးဖြစ်သည်။ သူ့ခန္ဓာကိုယ်အတွင်းရှိ ခရမ်းရောင်သွေး စွမ်းအားကို မထုတ်ဖော်ရသေးခြင်းက နိဗ္ဗာန်ဆေးလုံး ငါးသိန်းသည် သူ၏ အကန့်အသတ်နှင့် ဝေးနေသေးသည်ကို သက်သေပြနေသည်။

ဤအချိန်တွင် ဝူယွမ်က ဖိအားကို ခံစားနေရပြီဖြစ်သည်။ နတ်ဆင်ဖိနှိပ်ခြင်းကို အပြည့်အဝ အသက်သွင်းလိုက်ပြီး သူ၏ ခန္ဓာကိုယ်တစ်လျှောက်ရှိ အမှုန်အမွှား ကုဋေပေါင်းများစွာက နိဗ္ဗာန်ဆေးလုံး ၏ စွမ်းအင်ကို စုပ်ယူနေကြသည်။

ဝူယွမ်က နိဗ္ဗာန် စွမ်းအင်ကို သူ၏ ရုပ်ခန္ဓာကို သန့်စင်ရန်အတွက်သာ အသုံးပြုနေခြင်းမဟုတ်ဘဲ၊ နိဗ္ဗာန် စွမ်းအင်များကို သူ၏ ခန္ဓာကိုယ်အတွင်းရှိ အမှုန်အမွှား ကုဋေပေါင်းများစွာအတွင်းသို့ စုပ်ယူလိုခြင်းလည်း ဖြစ်သည်။

ယခုအချိန်အထိ သူက နတ်ဆင်ဖိနှိပ်ခြင်း နှင့် ခမ်းနားသော တောင်ကိုယ်ခန္ဓာ ၏ စွမ်းအားကိုသာ အသက်သွင်းခဲ့သေးသည်။

အသစ်ထပ်ထည့်ထားသော နိဗ္ဗာန်ဆေးလုံး နှစ်သိန်းကို ဝူယွမ် မှ သန့်စင်တော့မည်ဖြစ်ပြီး၊ နောက်ဆုံးတွင် ဝူယွမ် ၏ ခန္ဓာကိုယ်အတွင်းမှ ခရမ်းရောင်အလင်းတန်းများ ထွက်ပေါ်လာပြီး သူ၏ နိဗ္ဗာန် စွမ်းအင် စုပ်ယူမှုနှုန်းကလည်း ပို၍ပင် လျင်မြန်လာခဲ့သည်။

ဤအခြေအနေကို မြင်ရသော် ချီရှင်းက တုံ့ဆိုင်းမနေဘဲ နိဗ္ဗာန်ဆေးလုံး သုံးသိန်း ထပ်မံထည့်သွင်းပေးလိုက်သည်။

ယခုအချိန်သည် ဝူယွမ်အတွက် စွမ်းအားကို လျင်မြန်စွာ စုစည်းရန် အရေးပါသော အချိန်ဖြစ်ပြီး၊ ဖြည်းညှင်းစွာ တိုးမြှင့်၍ မရတော့ပေ။

အာဏာရှင်သွေး၏ ခရမ်းရောင်အလင်း ထွက်ပေါ်လာသည်နှင့် အမျှ နီရဲနေသော နိဗ္ဗာန်စွမ်းအင်က ပို၍ပင် နူးညံ့လာပြီး ဝါးမျိုနေသော လေပွေအောက်တွင် သန့်စင်သော စွမ်းအင်အဖြစ်သို့ ပြောင်းလဲကာ ဝူယွမ်၏ ရုပ်ခန္ဓာအတွင်းသို့ ဝင်ရောက်သွားသည်။

ဤအချိန်တွင် အနီးနားရှိ လင်းတုန်က သူ၏ တင်းတင်းပိတ်ထားသော မျက်လုံးများကို ဖွင့်လိုက်ကာ အနီရောင် အလင်းတန်းနှစ်ခုသည် အစီအရင်၏ စွမ်းအင်အတားအဆီးကြိ ဖောက်ထွင်း၍ ထွက်ပေါ်လာသည်။

မီးလျှံကဲ့သို့သော နီရဲနေသည့် အငွေ့အသက်များက လင်းတုန်၏ ပါးစပ်မှ ထွက်လာသည်။ ချီရှင်းက အမြန်ဘဲ မီးလျှံကို သူ၏ ခန္ဓာကိုယ်အတွင်းသို့ စုပ်ယူလိုက်သည်။

ယခု လင်းတုန်၏ လက်ဖဝါး အရေပြားအောက်တွင် တောက်ပသော ရွှေရောင်အလွှာတစ်ထပ် ထပ်တိုးလာသည်။ သူ၏ ခန္ဓာကိုယ်တစ်ခုလုံး၏ အရေပြားက ရွှေဖြင့်သွင်းလုပ်ထား သွန်းလုပ်ထားသကဲ့သို့ ဖြစ်လာပြီး ရွှေရောင်အလင်းများ လျှံကျနေကာ မပျက်စီးနိုင်တော့သည့် အလားပင်။

ယေဘုယျအားဖြင့် ခြေလှမ်း၀က် နိဗ္ဗာန်အဆင့်သို့ ဝင်ရောက်သည့်အခါ ရုပ်ခန္ဓာကို များပြားသော နိဗ္ဗာန် စွမ်းအင်ဖြင့် အလွန်အမင်း သန်မာစေပြီး နိဗ္ဗာန်ရွှေကိုယ်ကို စုစည်းခြင်း သိမ်မွေ့သော လက္ခဏာများ ရှိလာသည်။

သို့သော် သာမန်လူများအတွက် အများဆုံးမှာ သူတို့၏ ရုပ်ခန္ဓာက ပို၍အားကောင်းလာပြီး အနည်းငယ် ပို၍ထူးခြားလာခြင်းသာ ဖြစ်သည်။ သူတို့၏ ရုပ်ခန္ဓာက ခဏတာမျှ ခိုင်မာသော ရွှေရောင်အလင်းအချို့ကို စုစည်းနိုင်သော်လည်း လင်းတုန်ကဲ့သို့ သူ၏ ခန္ဓာကိုယ်တစ်ခုလုံးနီးပါး သွန်းလုပ်ထားသော ရွှေကဲ့သို့ ဖြစ်လာခြင်းမျိုး မဖြစ်နိုင်ပေ။

လင်းတုန်၏ ခြေလှမ်း၀င် နိဗ္ဗာန်ရွှေကိုယ်သည် အခြားသူများ၏ နိဗ္ဗာန်အဆင့် ‌ေရွှကိုယ်ထက်ပင် ပို၍အားကောင်းနေပြီဖြစ်သည်။

အကယ်၍ သူက ဤအခြေခံဖြင့် နိဗ္ဗာန်အဆင့် သို့ ထိုးဖောက်ဝင်ရောက်မည်ဆိုပါက။

သူ မည်မျှအထိ အစွမ်းထက်လာမည်နည်း။ စိတ်ကူး၍ပင် မရနိုင်တော့ပေ။

“‌ေခြလှမ်း၀က် နိဗ္ဗာန်အဆင့်ကို ရောက်ပြီ၊ ပြီးတော့ သေးငယ်သော နိဗ္ဗာန်ရွှေကိုယ်ကိုလည်း စုံလင်မှုအထိ ကျင့်ကြံနိုင်ခဲ့ပြီ”

လင်းတုန်က လက်သီးဆုပ်ရင်း စိတ်လှုပ်ရှားစွာ ရေရွတ်လိုက်သည်။ “အခုဆိုရင် ချင်ချွမ် နဲ့ ဝမ်လေ တို့လို နိဗ္ဗာန်အဆင့် ကျွမ်းကျင်သူတွေကို ငါ လက်သီးတစ်ချက်တည်းနဲ့ သတ်နိုင်ပြီ”

“အစ်ကိုကြီး က မပြီးသေးဘူး သူ နိဗ္ဗာန်ဆေးလုံး ဘယ်လောက်များများ စုပ်ယူလိုက်တာလဲ။ သူက အရမ်းကို စွမ်းအားကြီးတာ” လင်းတုန်က သူ၏ ဘေးနားရှိ ရဲရဲနီနေသော ပုံရိပ်ဆီသို့ ချက်ချင်း အာရုံစိုက်လိုက်သည်။

ရဲရဲနီနေသော အလင်းတန်းအတွင်း၌ ခရမ်းရောင်အလင်းကို မှိန်ပြပြ ‌ေလးမြင်နိုင်သည်။

နောက်တစ်ရက် ကုန်ဆုံးသွားပြီးနောက် ဝူယွမ်၏ ပုံသဏ္ဍာန်အတွင်းရှိ မီးလျှံအလင်းက နောက်ဆုံးတွင် အားနည်းသွားပြီး၊ ကြွယ်ဝသော ခရမ်းရောင်အလင်းဖြင့် အစားထိုးလိုက်သည်။

နောက်ဆုံးတွင် ဝူယွမ်က အလင်းအားလုံးကို ထိန်းသိမ်းထားလိုက်ပြီး သူ၏ မျက်လုံးများကို ဖွင့်လိုက်သည်။

ယခင်က မျက်လုံးမှ အလင်းရောင်ထွက်ကာ ပါးစပ်မှ မီးတောက်များ ထွက်လာခဲ့သည့် လင်းတုန် နှင့် မတူဘဲ ဝူယွမ်က အလွန်အေးဆေး တည်ငြိမ်စွာ မတ်တပ်ရပ်လိုက်သည်။ သူ၏ စွမ်းအားအားလုံးက သူ၏ ခန္ဓာကိုယ်အတွင်း၌ တည်ငြိမ်စွာ ထိန်းသိမ်းထားပြီး အနည်းငယ်မျှပင် မယိုစိမ့်ဘဲ၊ လွန်ခဲ့သည့် မိနစ်ပိုင်းက ရူးသွပ်စွာ ကျင့်ကြံနေသူက သူ မဟုတ်သည့်အလားပင်။

နိဗ္ဗာန်ဆေးလုံး တစ်သန်းက ခြေလှမ်း၀က် နိဗ္ဗာန်အဆင့် အတွက် အခြေခံအုတ်မြစ်ကိုသာ ချပေးခဲ့သည်။

ဤမျှ ကြီးမားသော နိဗ္ဗာန်ဆေးလုံး ပမာဏကို စုပ်ယူပြီးနောက် ဝူယွမ် ၏ ရုပ်ခန္ဓာက မည်မျှ အစွမ်းထက်မည်ကို စဉ်းစားကြည့်နိုင်ပေသည်။

“အစ်ကိုကြီး၊ အစ်ကိုကြီးရဲ့ စွမ်းအင်ကို ဘယ်လိုများ ဒီလောက်ပြည့်ပြည့်စုံစုံ ထိန်းထားနိုင်တာလဲ” လင်းတုန် က အံ့ဩသင့်စွာ မေးလိုက်မိသည်။

သူက အခုမှ ထိုးဖောက်ဝင်ရောက်ခဲ့ခြင်း ဖြစ်ပြီး၊ သူ၏ ခန္ဓာကိုယ်အတွင်းရှိ နိဗ္ဗာန် စွမ်းအင်ကို သူအသက်ရှူတိုင်းပင် ခံစားနေရသည်။ ထိုစွမ်းအင်က လုံးဝ ထက်ရှပြီး သူ၏ ခွန်အားကို ဖုံးကွယ်ရန် ခက်ခဲလှသည်။

ဝူယွမ် “ကိုယ်ခန္ဓာကျမ်းကို ပိုပြီး ကျင့်ကြံပါ။ မင်းရဲ့ ရုပ်ခန္ဓာရဲ့ လုပ်ဆောင်ချက်တွေကို အပြည့်အဝ အသုံးချပါ။ ဒါဆို စွမ်းအင်အားလုံးက မင်းရဲ့ ခန္ဓာကိုယ်ထဲကို ပေါင်းစည်းနိုင်လိမ့်မယ်”

သူက နတ်ဆင်ဖိနှိပ်ခြင်း၊ ကိုယ်ခန္ဓာကျမ်း ၏ စင်ကြယ် စာလုံးနှင့် ကောင်းကင်ပြာ ဧကရာဇ်သွေး၏ အရည်အချင်းတို့ကို ကျင့်ကြံထားသောကြောင့် သူ၏ ရုပ်ခန္ဓာရှိ အမှုန်အမွှားတိုင်းနှင့် သွေးတစ်စက်တိုင်းကို ဖွံ့ဖြိုးတိုးတက်စေခဲ့ပြီး ကြီးမားသော စွမ်းအင်ကို ပိုင်ဆိုင်စေခဲ့သည်။

ထို့ကြောင့် ဝူယွမ်က ခြေလှမ်း၀က် နိဗ္ဗာန်အဆင့်၌သာ ရှိသော်လည်း သူ၏ သွေးတစ်စက်တည်းကပင် ခြေလှမ်း၀က် နိဗ္ဗာန်အဆင့် ၏ တိုက်ခိုက်ရေးစွမ်းအားကို ထုတ်လွှတ်နိုင်ပေသည်။

“ကောင်းပြီ၊ ထွက်သွားကြစို့။ မိုးကြိုးကျောက်တောင်တန်းဆီ ကို ထွက်ခွာရမယ့်အချိန် ရောက်ပြီ ထင်တယ်”

...ယန်မြို့အပြင်တွင် လူအုပ်အများစုက မြို့ထဲမှ ထွက်လာခဲ့ကြသည်။

ဝူယွမ်က မဟာယန်ပြည်ထောင်စု အဖွဲ့ကို ဦးဆောင်ကာ ပျံသန်းထွက်ခွာသွားသည်။ သူတို့က မြို့ရိုးသို့ ရောက်သောအခါ မြို့အပြင်ဘက်ဧရိယာတွင် လူပေါင်း တစ်သောင်းကျော်၊ လူသားပင်လယ်ကြီးကဲ့သို့ ထူထပ်စွာ ပြည့်နှက်နေသည်ကို တွေ့လိုက်ရသည်။

ဤလူများက လမ်းသွားလမ်းလာများ၊ နာမည်မရှိသူများ မဟုတ်ကြဘဲ၊ ပြည်ထောင်စု အသီးသီးမှ ထိပ်တန်း ပါရမီရှင်များ ဖြစ်ကြပြီး၊ အားအနည်းဆုံးသူများပင်လျှင် ကူးပြောင်းခြင်းအဆင့် အလယ်အလတ်၌ ရှိကြသည်။

ဤသို့သော ပါရမီရှင်များ စုဝေးမှုက အမှန်တကယ်ပင် ခမ်းနားထည်ဝါသော မြင်ကွင်းတစ်ခုဘဲ ဖြစ်သည်။

ဝူယွမ်ပင် ငေးမောကြည့်ရှုနေမိသည်။ ယခုကဲ့သို့ ထောင့်တစ်နေရာမျှပင် ဤမျှ ကြီးကျယ်ခမ်းနားသော မြင်ကွင်းရှိနေပါက၊ ထို အထူးဂိုဏ်းကြီးများ မည်မျှ အစွမ်းထက်မည်ကို သူစိတ်ကူးကြည့်နေမိသည်။

သူ၏ မဟာရှေးဟောင်းဂိုဏ်းက ဤ အထူးဂိုဏ်းကြီးများကို မှီနိုင်ရန်အတွက် ရှည်လျားသော ခရီးလမ်းကို ဆက်လက်သွားရဦးမည် ဖြစ်သည်။

“ခေါင်းဆောင်၀ူ”

မိုတီက လူအုပ်စုတစ်စုနှင့်အတူ ချဉ်းကပ်လာခဲ့သည်။

ဝူယွမ်က သူ့ကို ခေါင်းညိတ်ပြပြီး မိုတီနောက်မှ လိုက်ပါလာသူများကို ကြည့်လိုက်သည်။ သံမဏိ ပြည်ထောင်စုက ၎င်း၏ အမည်နှင့် ထိုက်တန်စွာပင် မိုတီနောက်မှ လိုက်ပါလာသူ သုံးဆယ်ကျော်အနက် တစ်ဝက်ကျော်က ကူးပြောင်းခြင်းအဆင်ပ အထွတ်အထိပ်၌ ရှိကြသည်။

ဝူယွမ် နှင့် သူ၏ အဖွဲ့ ရောက်ရှိလာသောအခါ လူများစွာက သူတို့ဆီသို့ အကြည့်များကို လှည့်လိုက်ကြသည်။

ဝူယွမ် က ကျင်းမု နှင့် ဟိုင်ရှာ တို့ကို သတ်ဖြတ်ခဲ့သည့် သတင်းသည် ပြီးခဲ့သည့် ရက်အနည်းငယ်အတွင်း ယန်မြို့တစ်ဝှမ်းလုံး၌ လုံးဝပျံ့နှံ့သွားခဲ့ပြီးသားဖြစ်သည်။

ယခုအခါ၊ သူ၏ အမည်နှင့် မဟာယန်ပြည်ထောင်စု ၏ အမည်ကို လူတိုင်းသိနေကြပြီဖြစ်သည်။

“မိုတီက မဟာယန်ပြည်ထောင်စု လူတွေနဲ့ ရောနှောနေတာပဲ”

“သူက ခေါင်းဆောင်၀ူနဲ့ ဘယ်လို ပတ်သက်သွားတာလဲ”

“အဲ့ဒီလူက ကံကောင်းလိုက်တာ”

...လူများစွာက သံမဏိ ပြည်ထောင်စု အဖွဲ့ဝင်များကို မနာလိုစိတ်ဖြင့် ကြည့်နေကြသည်။ ဤ စစ်မြေပြင်တွင် စွမ်းအားကြီး အစ်ကိုကြီး တစ်ဦးကို လိုက်ပါနိုင်ခြင်းသည်လည်း အရည်အချင်းတစ်မျိုးပင်ဖြစ်သည်။

“အစ်ကိုကြီးမိုတီ ရှင်ကကြ ခေါင်းဆောင်၀ူကို သိပြီး ကျွန်မတို့ကို မိတ်ဆက်ပေးဖို့တောင် မကူဘူး၊ ဒါက တကယ်ကို မရိုးသားတာပဲ”

ဤအချိန်တွင် အရပ်ရှည်ပြီး အနီရောင်ဝတ်စုံ ဝတ်ဆင်ထားသည့် အမျိုးသမီးတစ်ဦး ရောက်ရှိလာသည်။ သူမက လှပသော မျက်နှာပိုင်ရှင်ဖြစ်ပြီး ဖြူဖျော့သော ဘဲဥပုံမျက်နှာပေါ်တွင် နူးညံ့သော အပြုံးတစ်ခု ရှိနေသည်။

မိုတီက ရှက်ရွံ့သွားကာ ပြောလိုက်သည်။ “အိုး၊ ခေါင်းဆောင်၀ူ၊ ဒီတစ်ယောက်က မဟာတန်ပြည်ထောင်စုက တန်ရွှမ်ပါ။ သူက ကျွန်တော့်ရဲ့ သူငယ်ချင်း‌ေကာင်ဘဲ။ ကျင်းမု နဲ့ ဟိုင်ရှာ တို့က ယန်မြို့ကို ထိန်းချုပ်ဖို့ ကြိုးစားတုန်းက သူနဲ့ ကျွန်တော် ပူးပေါင်းပြီး တားဆီးခဲ့ကြတယ်။ ဒါကြောင့် ကျွန်တော်တို့လည်း ကျင်းမု နဲ့ ရန်သူဖြစ်နေတာ။ ခေါင်းတောင်က ကျင်းမု နဲ့ သူ့အဖွဲ့ကို သတ်လိုက်တာကလည်း ကျွန်တော်တို့ကို ကူညီရာရောက်သွားတယ်”

“ခေါင်းဆောင်၀ူ၊ မိုးကြိုးကျောက်တောင်တန်း ခရီးစဉ်အတွက် ကျွန်မတို့လည်း ခေါင်းဆောင်ဝူနဲ့အတူ သွားချင်ပါတယ်။ ခေါင်းဆောင်၀ူက ကျွန်မတို့ကို ကြည့်ရှုစောင့်ရှောက်ပေးနိုင်မယ်လို့ မျှော်လင့်ပါတယ်” တန်ရွှမ်က ကျက်သရေရှိစွာ ဦးညွှတ်လိုက်သည်။

လှပသော အမျိုးသမီးတစ်ဦး ဝူယွမ် ဆီသို့ ချဉ်းကပ်လာသည်ကို မြင်သောအခါ ကျန်းယွဲ့ နှင့် မုချန်ချန်တို့ နှစ်ဦးစလုံး သူတို့၏ မျက်လုံးများတွင် သတိထားနေသည့် အရိပ်အယောင်များ ပေါ်ခဲ့သည်။ သူတို့နှစ်ဦးသည် ဝူယွမ် ဘေးတွင် ရပ်နေသော မိုလင်း နှင့် လင်းတုန် တို့ကို တိုးဝှေ့ကာ ဖြတ်သွားပြီး ူူတို့၏ ရင်ဘတ်များကို ကော့ထားကာ တန်ရွှမ်ကို ဂုဏ်ယူစွာ ကြည့်လိုက်ကြပြီး စကားတစ်ခွန်းမျှ မဆိုကြပေ။

ဝူယွမ် “အမ်၊ မိန်းကလေး တန်ရွှမ်၊ ဒီလောက် ယဉ်ကျေးနေစရာ မလိုပါဘူး။ လူတိုင်းက ရှေးဟောင်းသော့ အတွက် ယှဉ်ပြိုင်ကြမှာဆိုတော့။ ကြည့်ရှုစောင့်ရှောက်ပေးမယ်ဆိုတဲ့ စကားက နည်းနည်း ခက်ခဲနိုင်ပါတယ်။ မိန်းကလေး တန်ရွှမ်က ကျွန်တော်တို့နဲ့ ရတနာ တွေအတွက် ယှဉ်မပြိုင်ဘူးဆိုရင်တော့ အားလုံး ညှိနှိုင်းလို့ရပါတယ်”

တန်ရွှမ်က အမျိုးသမီးနှစ်ဦး၏ အကြည့်များကို ရှောင်ရှားပြီး သူ၏ ကိုယ်ဟန်ကို နှိမ့်ချကာ ပြောလိုက်သည်။ “ဟုတ်ပါတယ်၊ ကျွန်မတို့ မိုးကြိုးကျောက်တောင်တန်း ကို ခေါင်းဆောင်တို့နဲ့အတူ ဝင်ခွင့်ရရင် ရပါပြီ။ ခေါင်းဆောင်၀ူက အသားစားနိုင်ပြီး ကျွန်မတို့ မဟာတန်ပြည်ထောင်စု ကတော့ ဟင်းရည်လေး သောက်ရုံပါပဲ”

မိုးကြိုးကျောက်တောင်တန်း သို့ ဤခရီးစဉ်က လွယ်ကူမည်မဟုတ်သည်မှာ သေချာသည်။ သူမက အဆင့်မြင့်ပြည်ထောင်စု များပင် ပါဝင်နေကြောင်း ကြားသိထားပြီးဖြစ်သောကြောင့် အစောပိုင်းကတည်းက ကျောထောက်နောက်ခံ ရှာဖွေလိုခြင်း ဖြစ်သည်။

ဝူယွမ်က ပြန်မဖြေဘဲ သဘောတူညီကြောင်း အသိပေးလိုက်သည်။ မည်သို့ပင်ဖြစ်စေ၊ ဤလူများသာ လိုက်ပါလိုပါက လိုက်ပါနိုင်ပြီး၊ သူတို့သည် သူ့ကို မထိခိုက်စေသရွေ့ ပြဿနာမရှိပေ။

“သွားကြစို့”