ဧကရာဇ်မြို့တော် လက်နက်ချခြင်း

ချူးယွင်ဖန်က တွန့်ဆုတ်ခြင်းမရှိဘဲ ဤသို့ပြောခဲ့သည်။ ယွမ်ဟွမ်၏စိန်ခေါ်မှုကို ရင်ဆိုင်ရသောအခါ သူသည် ဆုတ်ခွာရန် ရည်ရွယ်ချက်မရှိဘဲ ချက်ချင်းသဘောတူခဲ့သည်။

ယွမ်ဟွမ်တွင် ယှဥ်နိုင်သော ပြိုင်ဘက်ရှားသကဲ့သို့ သူ့တွင်လည်းရှားသည်။

ယခု ချူးယွင်ဖန်း၏ တိုက်ခိုက်ရေးအစွမ်းသည် အမတေမဲ့အဆင့် အထွတ်အထိပ်တွင် ရှိနှင့်ပြီးဖြစ်သည်။ တဝေတွင် သူနှင့်ယှဥ်နိုင်သူကိုရှာရန်ခက်သည်။ ယခင်က ယဲ့ဖေးဖြစ်စေ၊ ပထမအုပ်ထိန်းသူဖြစ်စေ ၎င်းတို့သည် သူနှင့်ယှဥ်နိုင်သူများမဟုတ်ကြပေ။

ယွမ်ဟွမ်သည် သူ့အတွက် ရှားပါးပြိုင်ဘက်တစ်ဦးဖြစ်သည်။

သူထုတ်လွှတ်လိုက်သော အရှိန်အဝါကြောင့် ချူးယွင်ဖန်းက ယွမ်ဟွမ်သည် အမတေမဲ့အဆင့်ကိုကျော်လွန်ကာ ရွှေအမတေပုံစံအဆင့်သို့ ခိုင်မာစွာရောက်ရှိနေသည့် ကျွမ်းကျင်သူတစ်ဦးဖြစ်ကြောင်း ခန့်မှန်းနိုင်သည်။

ရွှေအမတေအဆင့်တွင် အဓိကအဆင့်သုံးဆင့်ရှိသည်။ ပထမအဆင့်မှာ အမတေမဲ့အဆင့်ဖြစ်သည်။ အမည်တွင်ပါသည့်အတိုင်း ခန္ဓာကိုယ်ရှိ စွမ်းအင်အားလုံးကို စုစည်း၍ မရီးဒျန်များထဲတွင် ရွှေအမတေရှိရမည့် နေရာလွတ်တစ်ခု ပြောင်းလဲရန်ဖြစ်သည်။ ဤသည်က ရွှေအမတေအဆင့်၏ ဖြစ်စဥ်တစ်ခုသာဖြစ်၍ ပထမခြေလှမ်းတစ်ခု သတ်မှတ်နိုင်သည်။ ထို့နောက် ရွှေအမတေပုံစံအဆင့်ဖြစ်သည်။ ဤအဆင့်ရှိကျွမ်းကျင်သူများသည် ပုံရိပ်ယောင် ရွှေအမတေကို ခိုင်မာသော ရွှေအမတေအစစ်တစ်ခုအဖြစ်‌ပြောင်းလဲနိုင်ရန် ကြိုးစားရမည်ဖြစ်သည်။ ဤအဆင့်တွင် ရွှေအမတေတစ်ခု စတင်ပုံစံပေါ်လာပေလိမ့်မည်။

ဤအဆင့်၌ မရီးဒျန်များ၌ ရုပ်ပိုင်းဆိုင်ရာ ကိုယ်ထည်တစ်ခု စတင်ရှိလာမည်ဖြစ်ကာ ယခင်ကကဲ့သို့ ဝိဉာဥ် တစ်ခု သို့မဟုတ် အယူအဆတစ်ခုအရသာ ရှိနေသည်ဟု သတ်မှတ်နိုင်သော မရီးဒျန်ကိုယ်ထည်ဖြစ်တော့မည်မဟုတ်ပေ။ ၎င်းတို့၏ တိုက်ခိုက်ရေးစွမ်းအားက ဤဖြစ်စဥ်နှင့်အတူ ကမ္ဘာကို တုန်လှုပ်စေလောက်မည့် ပြောင်းလဲမှုတစ်ခု ဖြစ်ပေါ်လာပေလိမ့်မည်။ ဤအရာများသည် အမတေမဲ့အဆင့်ကို လုံးဝကျော်လွန်သွားသည့် ဖြစ်တည်မှုများဟု ပြော၍ ရသည်။

ယွင်ဟွမ်သည် ရွှေအမတေအဆင့် အခိုင်မာဆုံးမဟုတ်‌သော်လည်း ချူးယွင်ဖန်းသည်မူ သူနှင့်တိုက်ခိုက်ခဲ့သော ရွှေအမတေပုံစံအဆင့်များနှင့် အမတေမဲ့အဆင့်များနှင့်ကွာခြားကြောင်း ခံစားမိနိုင်သည်။

ထို့ကြောင့် ယွင်ဟွမ်က သက်ပြင်းတစ်ချက်ချလိုက်သည်။

‘ပြိုင်ဘက်ကင်းခြင်းဟူသည် အထီးကျန်ခြင်းတစ်မျိုးပင်ဖြစ်သည်’

ရွှေအမတေပုံစံအဆင့်သို့ ဖြတ်ကျော်ပြီးနောက် ရီဖေးဖြစ်စေ ပထမအုပ်ထိန်းးသူဖြစ်စေ ၎င်းတို့နှင့် ယှဥ်၍ မရတော့ပေ။ နှစ်ဦးလုံးက တူညီသောအဆင့်တွင်မရှိပေ။ အလားတူပင် တဝေ၏ ဧကရာဇ်တရားရုံးသည် အမတေမဲ့အဆင့်များကို တားဆီးနိုင်စွမ်း အတိုင်းအတာတစ်ခုရှိသည်ဟု ဆိုနိုင်ပါက ရွှေအမတေပုံစံအဆင့်များကိုမူ နိုင်ငံတစ်နိုင်ငံအနေဖြင့် မည်သည့်တားဆီးနိုင်စွမ်းမျှ မရှိတော့ပေ။ အနည်းဆုံးအနေဖြင့် တဝေအဆင့်ရှိ နိုင်ငံတစ်ခုသည် ရွှေအမတေပုံစံအဆင့်ရှိသူအတွက် ခြိမ်း‌ခြောက်မှုတစ်ခုမဟုတ်ပေ။

ရွှေအမတေပုံစံများသည် ရွှေအမတေမဲ့အဆင့်များထက် များစွာပိုမိုအားကောင်းသည်။ ထို့အပြင် ၎င်းတို့၏ ရွှေရောင် ရွှေအမတေများသည် ရုပ်ပိုင်းဆိုင်ရာခန္ဓာကိုယ်တစ်ခု ဖွဲ့စည်းပြီးဖြစ်သည်။ ဆိုရိုးစကားအတိုင်း ရွှေရောင်အမတေတစ်ခုကို ဝါးမြိုပါက ၎င်းတို့၏ကံကြမ္မာသည် ၎င်းတို့၏လက်ထဲတွင် ရှိနေမည်ဖြစ်သည်။ သွေးတပ်သား ၁၀၀,၀၀၀ ဝန်းရံထားလျှင်ပင် ဤအဆင့်ရှိခြင်းသည် ၎င်းတို့ကို အလွယ်တကူသတ်ပစ်နိုင်သည်။ ကြောက်နေရန် လားလားမျှမလိုပေ။

ဧကရာဇ်သည် ဤကဲ့သို့သော အဆင့်မြင့်ကျွမ်းကျင်သူတစ်ဦးကို ထိန်းချုပ်၍ သူ့အတွက် အလုပ်လုပ်စေလိုခြင်းမှာ ရယ်စရာကောင်းသည်။ ၎င်းသည် ဟာသတစ်ခုပင်ဖြစ်၏။ ထိုသို့ဖြစ်နိုင်ခြေ အနည်းငယ်မျှမရှိပေ။ အမတေမဲ့အဆင့်နှင့် ရွှေအမတေပုံစံအဆင့်တို့သည် လုံးလုံးလျားလျားကွာခြားသော ကိစ္စနှစ်ခုဖြစ်သည်။ ၎င်းတို့သည် လူတစ်ဦး စိတ်ကူးနိုင်သည်ထက် များစွာပိုမိုအစွမ်းထက်သည်။

ထို့ကြောင့် ယွင်ဟွမ်သည် ဧကရာဇ်၏ စကားများကို လုံးဝလျစ်လျူရှုနိုင်ခဲ့ခြင်းဖြစ်သည်။ သူက ဧကရာဇ်ကို စော်ကားမိမည်ကိုပင် ဂရုမစိုက်ပေ။ အဘယ်ကြောင့်ဆိုသော် အရေးမကြီးသောကြောင့်ပင်ဖြစ်သည်။

ယခု ချူးယွင်ဖန်း၏ လေ့ကျင့်မှုအဆင့်သည် နတ်အဆင့်၏ အထွတ်အထိပ်၌ရှိနေကာ သူ၏ တိုက်ခိုက်ရေးအစွမ်းက အမတေမဲ့အဆင့် အထွတ်အထိပ်၌ရှိနေသည်။ သူသာ အမတေမဲ့အဆင့် အထွတ်အထိပ်သို့ရောက်သွားပါက တိုက်ခိုက်ရေးအစွမ်းလည်း တိုးတက်လာလိမ့်မည်။ ထိုအချိန်၌ သူ့တွင် ယွမ်ဟွမ်ကို တိုက်ခိုက်ရန် အင်အားရှိလာပေလိမ့်မည်ဖြစ်သည်။

ချူးယွင်ဖန်းသည် ရန်သူကြီးတစ်ဦးကို တိုက်ခိုက်ရတော့မည်ဟူသောအတွေးဖြင့် သွေးများ ပွက်ပွက်ဆူလာသည်။

သူ ဤသို့ ခံစားရသည်မှာကြာပြီဖြစ်သည်။

“ကောင်လေး မင်း တကယ်ပဲ ငါ့ဂိုဏ်းကို သွားရဲလား ငါမင်းကို တကယ် အထင်ကြီးသွားပြီ” ယွင်ဟွမ်က အော်ပြောလိုက်သည်။

လူတိုင်းက အကြောင်းအရင်းကို နားလည်ကြကာ မိစ္ဆာသုတ်သင်သူများသည် ယွင်ဟွမ်၏ နယ်မြေဖြစ်ကြောင်းသိကြသည်။ မိစ္ဆာသုတ်သင်သူများကို အမိန့်ပေးနိုင်ခြင်းနှင့် သူ့ပိုင်နက်အားသာချက်ရှိလိမ့်မည်။

စစ်သည်တော်များကြား စစ်ပွဲတစ်ပွဲတွင် မှန်ကန်သည့်အချိန်၊ မှန်ကန်သည့်နေရာနှင့် မှန်ကန်သည့်လူများဖြစ်ရန် အရေးကြီးသည်။ ထို့အပြင် မွန်းစတားသုတ်သင်သူများဂိုဏ်းတွင် ယွင်ဟွမ်၏ နယ်မြေအားသာချက်ကို အများဆုံးအသုံးချနိုင်မည်ဖြစ်သည်။ ချူးယွင်ဖန်းက နတ်ဆိုးသုတ်သင်သူများကို ကိုယ်တိုင်ရှာဖွေရန် ရွေးချယ်ခဲ့ကာ နယ်မြေအားသာချက်ကို အများဆုံးအသုံးချနိုင်မည်ဖြစ်သည်။

ချူးယွင်ဖန်းသည် နတ်ဆိုးသုတ်သင်သူများကို ကိုယ်တိုင်ရှာဖွေရန် ရွေးချယ်ခဲ့ကာ နယ်မြေအားသာချက်ကို စွန့်လွှတ်လိုက်သည်မှာသေချာသည်။ တစ်ချိန်တည်း၌ပင် ဤသည်က သူ၏ ယုံကြည်မှုကို ထင်ဟပ်စေခြင်းဖြစ်သည်။ သူ့တွင် ယုံကြည်မှုလုံလောက်စွာမရှိပါက ဤသို့လုပ်ရဲ ရဲဝံ့မည်မဟုတ်ပေ။ ထို့အတွက်ကြောင့် ယွင်ဟွမ်က ချူးယွင်ဖန်းကို အခြားအမြင်နှင့်ကြည့်ခဲ့ခြင်းဖြစ်သည်။

"မင်းမှာ တကယ်ပဲ ခွန်အားရှိတာမျိုးဖြစ်ပြီး ကြွားတာမျိုးမဟုတ်ဖို့ မျှော်လင့်ပါတယ်”

ယွင်ဟွမ်က ဘာသိဘာသာ ပြောလိုက်သည်။

"ငါ့မှာ ခွန်အားရှိရှိ မရှိရှိ သုံးလအတွင်း မြင်တွေ့ရမယ်" ချူးယွင်ဖန်းက တစ်ခွန်းချင်းပြော၏။

"ကောင်းပြီ၊ ဒါဆို မွန်းစတား သုတ်သင်သူများဂိုဏ်းဆီ မင်းလာတာ စောင့်မယ်" ယွင်ဟွမ်က ခေါင်းညိတ်ပြီးနောက် ဆက်ပြော၏။

"မင်းဆက်လုပ်လို့ရတယ်။ နောက်ထပ်ဒုက္ခတွေသာ မဖြစ်စေနဲ့"

ပြောပြီးနောက် ယွင်ဟွမ်က အလင်းတန်းတစ်ခုကို နင်းကာ ပျောက်ကွယ်သွားသည်။ အားလုံးလည်း အံ့အားသင့်သွားကြသည်။

‘ဒီလိုပဲ ပြီးဆုံးသွားပြီလား’

‘လူအများ တိတ်တဆိတ် မျှော်လင့်ထားခဲ့တဲ့ တိုက်မှုကြီးက ဒီလိုပဲ ပြီးဆုံးသွားခဲ့တာလား’

ပုန်ကန်မှုတွင် ပါဝင်ခဲ့သည့် ကျွမ်းကျင်သူများအားလုံး အလွန်စိတ်အေးသက်သာရသွားကြသည်။ မြို့တော်ဘက်မှ တပ်ဖွဲ့ဝင်များသည်မူ ရင်ဘတ်များကို တစ်ဒုန်းဒုန်း ထုနေကြ၏။ ယွင်ဟွမ်က ဤမျှ ယုံကြည်မှုကိုအလွဲသုံးစားလုပ် လှည့်စားလိမ့်မည်ဟု မမျှော်လင့်ထားခဲ့ပေ။ နှစ်ဖက်ကြားမှ စကားဝိုင်းအရ ချူးယွင်ဖန်း၏ အင်အားသည် လက်ရှိ ယွင်ဟွမ်ထက် တစ်ဆင့်နိမ့်သည်။ ထို့ကြောင့် အခြေအနေကို ကောက်ချက်ချရန် မခက်ခဲပေ။ ယွင်ဟွမ်က တစ်စုံတစ်ခုကို လှူပ်ရှားချင်ပါက ချူးယွင်ဖန်း ရှုံးနိမ့်ကာ အခြေအနေကို ပြောင်းပြန်လှန်ပစ်နိုင်လိမ့်မည်ဖြစ်သည်။

ယွမ်ဟွမ်က ချူးယွင်ဖန်းကို လွှတ်ပေးမည်ဖြစ်ကြောင်း မည်သူသိမည်နညည်း။

သုံးလအကြာတွင် ယွင်ဟွမ်က ချူးယွင်ဖန်းကို အနိုင်ယူနိုင်ခြေနှင့်ပတ်သက်၍မူ ၎င်းတို့နှင့်မည်သို့မျှ မဆိုင်တော့ပေ။ သုံးလကြာလျှင် အရာအားလုံးပြေလည်သွားလိမ့်မည်ဖြစ်ကာ ထိုအချိန်၌တဝေတွင် အရာအားလုံး ပြီးဆုံးသွားလိမ့်မည်။ ချူးယွင်ဖန်း၏ လက်ရှိအခြေအနေတွင် ၎င်းတို့ မတားဆီးနိုင်ပေ။

"ယွမ်ဟွမ်က မယုံကြည်ရဘူး”

"ဒါဘယ်လိုဖြစ်နိုင်မှာလဲ။ ယွမ်ဟွမ်က သစ္စာဖောက်ပဲ”

"ပြီးပြီ...ပြီးပြီ!"

ဆန့်ကျင်ဘက် အနေနှင့် ပုန်ကန်သူတပ်၏ စိတ်ဓာတ်က အလွန်အမင်းမြင့်တက်လာခဲ့သည်။ အောင်ပွဲသည် ၎င်းတို့ရှေ့တွင်ရှီနေသညည်။ ရုတ်တရက် ဝေ့ဝူယက ဧကရာဇ်မြို့တော်ကို တိုက်ခိုက်ရန် အမိန့်ပေးတော့မည့်အချိန်၌ အဖြူရောင်အလံတစ်ခု လွှင့်ထူခဲ့သည်။ လူတိုင်း အံံအားသင့်သွားကြသည်။ ဧကရာဇ်မြို့တော်က လက်နက်ချသွားပြီဖြစ်၏။

အစပိုင်းတွင် မည်သူမျှ မယုံခဲ့ကြပေ။ ၎င်းတို့အားလုံးသည် ထောင်ချောက်တစ်ခုဟု ထင်ခဲ့ကြသည်။ သို့သော် မကြာခင်၌ ဤသည်က ထောင်ချောက်မဟုတ်ကြောင်း သဘောပေါက်လာကြကာ ၎င်းတို့တကယ်လက်နက်ချခဲ့ကြသည်။

ဧကရာဇ်မြို့တ်ော၏ ခုခံသူများထွက်သွားကြကာ တစ်ဦးပြီးတစ်ဦး လက်နက်ချခဲ့ကြသည်။ မကြာခင်၌ လက်နက်ချသော ကင်းသမားများဆီမှ ဇာတ်လမ်းတစ်ခုလုံးကို ၎င်းတို့ ရရှိခဲ့ကြသည်။ ဧကရာဇ်ကိုယ်တိုင်က ဧကရာဇ်အမိန့်ကို ထုတ်ပြန်ခဲ့ကာ မြို့ပြင်ရှိ တပ်များဆီ လက်နက်ချရန် တောင်းဆိုခဲ့သည်။ မြို့ထဲမှ ခုခံကာကွယ်သူများထံတွင် တိုက်ပွဲ စိတ်ဓာတ်မရှိသောကြောင့် ၎င်းတို့ကသဘာဝအတိုင်း မြို့ထဲမှ လက်နက်ချရန် ထွက်သွားကြသည်။ ခေါင်းမာသော သူများပင်လျှင် ခုခံရန် ရည်ရွယ်ချက်မရှိပေ။

ဧကရာဇ်ပင်လျှင် လက်နက်ချခဲ့သည်။ ၎င်းတို့ အသက်စွန့်ကာ တိုတက်ပွဲဝင်ရန် မည်သည့်အကျိုးရှိသနည်း။