ထီးနန်းကိုဆက်ခံသော ဧကရာဇ်အသစ်

"မင်းမသေခင် ငါ့ကို သင်ခန်းစာတစ်ခု သင်ပေးချင်လို့လား" ဝေဝူယာသည် ဧကရာဇ်၏ အလောင်းကို ရှုပ်ထွေးသော မျက်နှာထားဖြင့် ကြည့်လိုက်သည်။ သူ့အဖေက သူ့ရှေ့တွင် ဤသို့သော နည်းဖြင့် သေဆုံးသွားလိမ့်မည်ဟု သူ ဘယ်သောအခါကမျှ မမျှော်လင့်ထားခဲ့ပေ။

ဧကရာဇ်သည် သူ၏ မရီးဒျန်များကို ဖောက်ခွဲကာ သေဆုံးသွားခဲ့သည်။ နောက်ဆုံးတွင် ဝေ့ဝူယကို ဘေးကင်းစွာ ထီးနန်းဆက်ခံခွင့်မပေးခဲ့ပေ။ သို့သော် ဝေ့ဝူယက ဂရုမစိုက်ပေ။ သူ့အဖေက နန်းစွန့်ရန် အမိန့်ထုတ်ပြန်ထားသော်လည်း သူသည် ပုန်ကန်သူဖြစ်သည်။ ထို့ကြောင့် ယခုအခါ အနည်းငယ် ပိုမိုပြင်းထန်လာသညည်။ ချူးယွင်ဖန်းကို သတိထားရန်နှင့်ပတ်သက်၍ သူ မည်သို့မသိနိုင်မည်နည်း။

သူ ကျယ်လောင်စွာ မပြောရဲသော်လည်း သူနှင့် ချူးယွင်ဖန်းတို့သည် မဟာမိတ်များဖြစ်ကြောင်း သူကောင်းစွာ သိသည်။ ချူးယွင်ဖန်း ပိုမိုအားကောင်းလေ သူ့အတွက် ပိုကောင်းလေဖြစ်သည်၊ အဘယ်ကြောင့်ဆိုသော် သူ၏ အောင်မြင်မှု အခွင့်အလမ်းများ ပိုများလေဖြစ်သည်။ သို့သော် ယခု သူ၏ ရည်ရွယ်ချက် အောင်မြင်ပြီး စစ်တပ်သည် မြို့တော်သို့ ဝင်ရောက်လာပြီဖြစ်သောကြောင့် သူသည် ထီးနန်းကို ဆက်ခံတော့မည်ဖြစ်သည်။ သူနှင့် ချူးယွင်ဖန်းကြား ပဋိပက္ခသည် ချက်ချင်း ပေါ်ပေါက်လာလိမ့်မည်။

အုပ်ချုပ်သူ မည်သူမျှ သူတို့၏ ဦးခေါင်းပေါ်တွင် မျောနေသော နောက်ထပ် ဧကရာဇ်တစ်ပါး ရှိနေခြင်းကို မလိုလားကြပေ။ ယင်းက ဝိဉာဥ်နယ်မြေ၌ အလွန်အဖြစ်များသော အခြေအနေတစ်ခုဖြစ်သည်။ မင်းဆက်တစ်ခုတွင်‌ထောက်ပံ့ရန် အစွမ်းထက်သော ကျွမ်းကျင်သူတစ်ဦးမရှိပါက အလွယ်တကူပြိုလဲသွားနိုင်သည်။ သို့သော် သူ့အဖေကဲ့သို့ ချူးယွင်ဖန်းကို အလွန်အကျူးဂရုမစိုက်ပေ။ ချူးယွင်ဖန်းက ရေရှည်တွင် သူ့အတွက် ခြိမ်းခြောက်မှုတစ်ခုဖြစ်သော်လည်း ရှားရှားပါးပါး

ကျောထောက်နောက်ခံပေးသူတစ်ဦးလည်းဖြစ်သည်။ ချူးယွင်ဖန်း၏ တားဆီးမှုမရှိပါက အဖွဲ့အားလုံး၏ စပ်စုသော အကြည့်များကို သူမည်သို့ခံနိုင်မည်နည်း။

သို့သော် ရေရှည်တွင် ယင်းက ဂရုစိုက်ရမည့် ပြဿနာတစ်ခုဖြစ်သည်။

မိစ္ဆာလက်အောက်ခံဂိုဏ်းခေါင်းဆောင် ယွမ်ဟွမ်ကို ခေါ်ဆောင်လာခြင်းဟာ အကောင်းဆုံးရွေးချယ်မှုတစ်ခု ဖြစ်ကောင်းဖြစ်နိုင်သည်။ ချူးယွင်ဖန်းကို နှိမ်နှင်းရန် သူ ဘယ်သောအခါကမျှ မစဥ်းစားဖူးသော်လည်း မည်သို့ပင်ဖြစ်စေကာမူ ချူးယွင်ဖန်းသည် သူ့ကို အတွေးတစ်ခုတည်းဖြင့် ဖျက်ဆီးပစ်နိုင်သည်။ သို့သော် သူက ယွင်ဟွမ်နှင့် ချူးယွင်ဖန်းကို တစ်ယောက်ကိုတစ်ယောက် တားဆီးရန် ခေါ်ထားမည်ဆိုပါက သူဧကရာဇ်ဖြစ်ရန် ပိုမိုလွယ်ကူသွားပေလိမ့်မည်။ ဤသည်က သူ့အတွက် အက်ကွဲကြောင်းများထဲတွင်ရှင်သန်ရန် နည်းလမ်းတစ်ခုဖြစ်သည်။ သူက ထီးနန်းကို အတင်းအကျပ် သိမ်းပိုက်ခဲ့ကာ ဤသည်က အကျိုးကျေးဇူးများထဲမှ တစ်ခုလည်းဖြစ်သည်။

ဤသည်မှာ ဝေ့ဝူယ ခံစားရသည့်အရာဖြစ်သည်။ ချူးယွင်ဖန်း၏ အသက်အရွယ်နှင့်ဆိုပါက တော်ဝင်မိသားစုကို ထိန်းမနိုင်သိမ်းရဖြစ်စေရန် မျိုးဆက်ပေါင်းများစွာကြာနိုင်သည်။ ချူးယွင်ဖန်နး သေဆုံးသွားမှသာ ဖြစ်နိုင်ပေလိမ့်မည်။ ဤအချိန်၌ ဝေ့ဝူယက အရာများစွာကို စဥ်စားမိခဲ့သည်။ သူ့ကမ္ဘာတွင် လိမ္မာပါးနပ်သော မြေခွေးတစ်ကောင်ဖြစ်ကြောင်း ဝန်ခံရပေလိမ့်မည်။ ဆိုရိုးစကားအတိုင်း ချင်းက သက်တမ်းရင့်လေ ပိုစပ်လေဟူသော စကားအတိုင်းပင် စကားတစ်ခွန်းက ချူးယွင်ဖန်းအပေါ် သူ၏ ကြောက်ရွံ့မှုကို

နှိုးဆွပေးခဲ့သည်။

မကြာခင်၌ပင် ချူးယွင်ဖန်းက နန်းတော်ထဲမှ ဝေ့ဝူယ ထွက်လာသည်ကိုမြင်လိုက်ရသည်။

ချူးယွင်ဖန်းက အပြင်၌ ရှိနေသော်လည်း အထဲတွင် မည်သို့ဖြစ်ပျက်နေသည်ကို သူကြားနိုင်သေးကာ ဧကရာဇ်၏ ဆုံးဖြတ်ချက်ပြတ်သားမှုက သူ့ကို အံ့အားသင့်စေခဲ့သည်။

ဧကရာဇ်သည် ချူးယွင်ဖန်း မည်သို့ဖြစ်စေကာမူ သူ့ကိုအသက်ရှင်ခွင့်မပေးသောကြောင့် ဤတစ်ကြိမ် သူသေရမည်ဖြစ်ကြောင်း ရှင်းလင်းစွာသိထားသည်။ သူ၏ တစ်ခုတည်းသော လမ်းကြောင်းက သေခြေင်းတရားဖြစ်သည်။ သူရွေးချယ်နိုင်သော တစ်ခုတည်းသောအရာမှာ သူမည်သို့ သေဆုံးကာ မည်သည့်လက်ထဲတွင် သေဆုံးမည်ဟူသောအချက်သာဖြစ်၏။

သို့သော် ချူးယွင်ဖန်းက ဧကရာဇ် ဤမျှ ရက်စက်လိမ့်မည်ဟု မမျှော်လင့်ထားခဲ့ပေ။ သူ လက်နက်ချ၍ နန်းစွန့်ရန် ဆန္ဒရှိသော်လည်း နန်းစွန့်မည့်အမိန့်စာကိုမူ မချန်ခဲ့ပေ။

ဤသည်က သူ့သားဖြစ်သူဝေ့ဝူယ၏ မျက်နှာတည့်တည့်သို့ဖြတ်ရိုက်လိုက်ခြင်းဖြစ်ကာ

"မင်းက ငါ့ကို တိုက်ခိုက်ဖို့ အတွေ့အကြုံမရှိသေးဘူး" ဟုပြောနေခြင်းလည်းဖြစ်သည်။

သို့သော် ဤအရာများအားလုံးက သူနှင့်မည်သို့မျှမဆိုင်ပေ။ မည်သို့ပင်ဖြစ်စေကာမူ ရှက်ရမည့်သူက ဝေ့ဝူယပင်ဖြစ်သည်။

ထွက်လာပြီးနောက် ဝေဝူယက ချူးယွင်ဖန်းကိုကြည့်ကာ ပြောလိုက်သည်။

"ဧကရာဇ်အမိန့် ထုတ်ပြန်ပါ။ ပထမမင်းသားက သူ့ရဲ့အထက်လူကြီးတွေကို ပုန်ကန်ပြီး ဧကရာဇ်မြို့တော်ကို တိုက်ခိုက်ဖို့ စစ်တပ်တစ်ခု ထူထောင်ခဲ့တယ်။ သူ့အဖေကို သတ်ရဲတယ်။ သူ့ရဲ့ရာဇဝတ်မှုက ရက်စက်ကြမ်းကြုတ်တယ်။ ပထမမင်းသားရဲ့ မိသားစုတစ်ခုလုံးကို သေဒဏ်ချမှတ်တယ်။ သူ့ ဆွေမျိုးအားလုံးကို နယ်စပ်ကို နှင်ထုတ်မယ်။ တတိယ၊ စတုတ္ထ၊ ရှစ်၊ ကိုးနဲ့ ဆယ်မင်းသားအားလုံးဟာ ဒီပုန်ကန်မှုမှာ ပါဝင်ပတ်သက်ကြတယ်။ သူတို့အားလုံး ခေါင်းဖြတ်ခံရလိမ့်မယ်။ ဒါပေမယ့် ငါအရှင်က မိသားစုကို သက်ညှာပေးတဲ့အနေနဲ့ စုံစမ်းစစ်ဆေးမှုမှာ သူတို့ အပြစ်ကင်းစင်ရင် သေဒဏ်ကနေ ကင်းလွတ်ခွင့် ရလိမ့်မယ်။

"ဧကရာဇ်တရားရုံးကို ထောင်ချပါ။ ငါ့အမိန့်မပါရင် ဘယ်သူမှ လာလည်ခွင့်မရှိဘူး!"

ချူးယွင်ဖန်းက ဝေ့ဝူယကို အံ့အားသင့်စွာ ကြည့်လိုက်သည်။ သူသည် အမှန်ပင် ရက်စက်ကြမ်းကြုတ်သည်။ ပြောလိုက်သော မင်းသားအားလုံးက အထူးသဖြင့် ပထမနှင့် ဒုတိယမင်းသားများဖြစ်ကာ ထီးနန်းအတွက် အလွန်အဓိကကျသော ဆက်ခံသူများဖြစ်ကြသည်။ ဒုတိယမင်းသားက ချူးယွင်ဖန်း၏ လက်ထဲ၌ သေဆုံးသွားပြီဖြစ်သောကြောင့် ပထမမင်းသား၏ မိသားစုတစ်ခုလုံးကို ကွပ်မျက်ရမည်။ ထို့အပြင် တခြားမင်းသားအားလုံးကို ခေါင်းဖြတ်၍ ၎င်းတို့၏ ဆွေမျိုးများကို ထောင်ချရမည်။ ဆွေမျိုးဝေးသူများပင် ထောင်ချခံရသို့မဟုတ် ပြည်နှင်ဒဏ်ပေးခံရမည်။ ဤသည်က သူ၏ ထီးနန်းကို ခြိမ်း‌ခြောက်နိုင်သည့် မင်းသားအားလုံးကို အမြစ်ဖြုတ်၍ သတ်ပစ်ခြင်းနှင့် ညီမျှသည်။ မင်းသားများ များစွာရှိသေးသော်လည်း ၎င်းတို့တွင် အာဏာမရှိလှပေ။ ခြိမ်းခြောက်မှုလည်းမရှိပေ။ မည်သို့ပင်ဖြစ်စေကာမူ ချူးယွင်ဖန်းကဲ့သို့ထောက်ခံသူကို ရှာတွေ့ကာ အံ့ဖွယ်နည်းနှင့် အောင်ပွဲခံယူနိုင်ခဲ့သော ဝေ့ဝူယကဲ့သို့ လူတိုင်းက မဟုတ်ကြပေ။

သူ၏ ကိုယ်ရံတော်က အမိန့်ပေးရန် အမြန်ထွက်သွားသည်။

ဝေ့ဝူယက ချက်ချင်းသက်ပြင်းချလိုက်သည်။ ချူးယွင်ဖန်းက သူ့အတွက် ရေရှည်စိုးရိမ်စရာတစ်ခုဖြစ်သည်။ ဤလူများအားလုံး ချက်ချင်း စိုးရိမ်စရာများဖြစ်သည်။ ယခု စစ်တပ်က မြို့ထဲသို့ ဝင်လာသောအခါ

ရှုပ်ထွေးမှုများကို အခွင့်ကောင်းယူ၍ အရာအားလုံးကို လျှပ်စီးအရှိန်နှင့် ပြီးမြောက်အောင်လုပ်ဆောင်နိုင်ခဲ့သည်။

အခြေနေ တကျဖြစ်ပါက သဘောထားကွဲပြားသောအဖွဲ့များက ကန့်ကွက်ချင်လျှင်ပင် ကန့်ကွက်ခွင့်မရှိတော့ပေ။ အဓိကမှာ ကြိုးကို အမြန်ဖြတ်ရန်သာဖြစ်သည်။

"သူများရဲ့ဝေဖန်မှုကို မကြောက်ဘူးလား" ချူးယွင်ဖန်က ပြုံး၍မေးလိုက်သည်။

"အုပ်စိုးရှင်တစ်ယောက်အပေါ် ဝေဖန်မှုတွေက သေးငယ်မှာမဟုတ်ပါဘူး။ အသက်ရှင်ခြင်းနဲ့ သေဆုံးခြင်းမှာလည်း အတူတူပါပဲ။ ငါ အချိန်အကြာကြီး ပြင်ဆင်ထားခဲ့ပေမယ့်

အမှန်တရားကို အသုံးပြုပြီး လူတိုင်းကို နှုတ်ပိတ်ပြီး နိုင်ငံကို ငါ့ဆီ လွှဲပေးတာ မမှားဘူးဆိုတာ လူတိုင်းသိအောင် လုပ်ပါ့မယ်" ဝေဝူယာက ဖြည်းညှင်းစွာပြောလိုက်သည်။

"ဒီကိစ္စကို ဂရုစိုက်ဖို့ ဆရာချူးရဲ့အကူအညီ လိုအပ်ပါတယ်" ဝေဝူယာက ချူးယွင်ဖန်ကို လေးလေးနက်နက် ဦးညွှတ်လိုက်သည်။

"ဒါတွေအားလုံးမှာ ကျုပ် မင်းသားကို မကူညီနိုင်ပါဘူး။ အများဆုံးတော့ လူဆိုးတွေကို ခြိမ်းခြောက်ဖို့ ကူညီနိုင်ပါတယ်။ ဒါပေမယ့် ကမ္ဘာကြီးကို ပိတ်ထားစေချင်ရင် မင်းသားကိုယ့်ကိုယ်ကိုယ်ပဲ အားကိုးရမယ်။ အရည်အချင်းရှိသူတွေကို ရွေးချယ်ပြီး နိုင်ငံကို အုပ်ချုပ်တာက ကျုပ်နဲ့ဘာမှမဆိုင်ဘူး”

ချူးယွင်ဖန် ဝင်ရောက်စွက်ဖက်ရန် ရည်ရွယ်ချက်မရှိကြောင်းကို မြင်သောအခါ ဝေ့ဝူယက

စိတ်သက်သာရာရသွားသည်။ အနည်းဆုံးအနေဖြင့် ချူးယွင်ဖန်းက သူ့အစိုးရကို ဝင်ရောက်စွက်ဖက်၍ သူ့ကို ဖြုတ်ချမည်ကို စိုးရိမ်ရန်မလိုပေ။ မည်သို့ပင်ဖြစစ်စေကာမူ ချူးယွင်ဖန်းအတွက် ဤသို့လုပ်ရန် မခက်ခဲပေ။

“မင်းသား ဒီကိစ္စတွေကို ကိုင်တွယ်နိုင်တယ်။ သုံးလအတွင်း တိုက်ပွဲအတွက် ပြင်ဆင်ဖို့ကျုပ် တစ်ယောက်တည်း ထွက်သွားမယ်”

"ကောင်းပြီ၊ ဒါဆို ဆရာချူး၊ မင်း အောင်နိုင်ပါစေလို့ ဆုတောင်းပေးပါတဘ်" ချူးယွင်ဖန်းက သူ့ကို ဝေဖန်ရန်ပင် မကြိုးစားသောကြောင့် ဝေ့ဝူယက အလွန်ပျော်နေသည်။

ဝေဝူယာ၏ အမိန့်များကိုလိုက်နာကာ ပထမမင်းသားနှင့်အချိန်မီ မလွတ်မြောက်နိုင်သော အခြားမင်းသားများကို စစ်တပ်က ဖမ်းဆီးခဲ့သည်။ ထို့နောက်ချက်ချင်းပင် အမိန့် တစ်ခုပြီးတစ်ခု ထုတ်ပြန်ခဲ့ကာ

ဧကရာဇ်မြို့တော်တစ်ခုလုံးကို အံ့အားသင့်စေခဲ့သည်။

ပထမမင်းသား၏ မိသားစုတစ်ခုလုံးကို ကွပ်မျက်ခဲ့ကာ ယခင်က ထီးနန်းအတွက် တိုက်ပွဲဝင်ခဲ့သော အခြားမင်းသားများကိုလည်း ဖမ်းဆီး၍ ခေါင်းဖြတ်ခဲ့ကာ ၎င်းတို့၏ ဆွေမျိုးများကို‌ထောင်ချခဲ့သ်ည။

ဤအမိန့်များအောက်၌ အားလုံးက တိတ်ဆိတ်နေခဲ့ကြသည်။ ထီးနန်းကို သိမ်းပိုက်ထားသည့်

မင်းသား ၁၈၏ ဂုဏ်သိက္ခာကို မည်သူမျှ စိန်မခေါ်ရဲကြပေ။

ထို့နောက်တွင် ပို၍ကြီးမားသော သတင်းတစ်ပုဒ်သည် တဝေတစ်ခုလုံးကို အံ့အားသင့်စေခဲ့သည်။ မူလဧကရာဇ်သည် ပထမမင်းသားမှ စတင်ခဲ့သော ပုန်ကန်မှုတွင် သေဆုံးသွားခဲ့သည်။ အရာရှိများစွာ၏ ထောက်ခံမှုအောက်တွင် မင်းသား၁၈က ထီးနန်းဆက်ခံခဲ့ပြီး တဝေ၏ ဧကရာဇ်အသစ် ဖြစ်လာခဲ့သည်။

တဝေ၏ သမိုင်းတွင် အခန်းသစ်တစ်ခု စတင်ခဲ့သည်။