သိုင်းပညာ ကျွမ်းကျင်မှု

အမတေမဲ့အဆင့်ကို ဖြတ်ကျော်ပြီးနောက် နတ်အဆင့်၌ ရှိနေစဉ်ကထက် သိသိသာသာပြောင်းလဲမှုတစ်ခု ဖြစ်ပေါ်လာခဲ့သည်။

ဤသည်မှာ လူတစ်ဦး၏ ကန့်သတ်ချက်များကို ဖြတ်ကျော်ခြင်းလုပ်ငန်းစဉ်တစ်ခုဖြစ်သည်။

ကောင်းကင်နှင့် မြေကြီးသည် အဆုံးမရှိသော်လည်း လူ့အစွမ်းသတ္တိမှာ အကန့်အသတ်ရှိသည်။ ၎င်းသည် လေ့ကျင့်မှု၏ အခြေခံအယူအဆများထဲမှ တစ်ခုဖြစ်သည်။ လေ့ကျင့်မှုဆိုသည်မှာ လူတစ်ဦး၏ ကန့်သတ်ချက်များကို အဆက်မပြတ် ဖြတ်ကျော်ခြင်းလုပ်ငန်းစဉ်ဖြစ်သည်။ ဤအောင်မြင်မှုသည် ချူးယွင်ဖန်အတွက် ကမ္ဘာမြေကြီးကို တုန်လှုပ်စေသော ပြောင်းလဲမှုတစ်ခုဖြစ်သည်။

အရေးအကြီးဆုံးမှာ သူသည် ဆက်လက်ဖြတ်ကျော်ပြီး ပိုမိုအားကောင်းလာနေဆဲဖြစ်သည်။

သူ့ခန္ဓာကိုယ်ရှိ အမတေမဲ့နယ်မြေသည် သူ့အား အပိုနှလုံးသားတစ်ခု ပေးခဲ့သည်ဟု ထင်ရသည်။ သူ့နှလုံးခုန်တိုင်း သူ့ခန္ဓာကိုယ်ရှိ သွေးသည် တစ်ကြိမ်လည်ပတ်သည်။ ယခု သူ့ခန္ဓာကိုယ်ရှိ ပုံရိပ်ယောင်အမတလည်ပတ်တိုင်း သူ့ခန္ဓာကိုယ်တစ်ခုလုံးရှိ နတ်ဘုရားစွမ်းအား တစ်ကြိမ်စီးဆင်းကာ သူ၏နတ်ဘုရားစွမ်းအားသည်လည်း အနည်းငယ်တိုးလာသည်။

ဤအမြန်နှုန်းသည် အလွန်မြန်ဆန်၍ ထိတ်လန့်စရာကောင်းသည်။

ဤအဆင့်တွင် ဝိညာဉ်စွမ်းအင်အတွက် လိုအပ်ချက်သည် သူ၏ယခင်စိတ်ကူးထက် များစွာကျော်လွန်သွားမည်ဖြစ်သည်။ ပုံရိပ်ယောင်အမတေသည် အဆက်မပြတ် စုစည်းနေ၍ နောက်ဆုံးတွင် ရွှေအမတေအဆင့်သို့ ပြောင်းလဲမည့် လုပ်ငန်းစဥ်၌ မရေမတွက်နိုင်အောင်များပြားလှသော

စွမ်းအင်ပမာဏကို စုပ်ယူရန် လိုအပ်မည်ဖြစ်သည်။ ထို့ကြောင့် ဝေ့ဝူယသည် သူ့ကိုပေးခဲ့သော အဆင့်နိမ့်ဝိညာဉ်ကျောက်တုံးများအားလုံးကို စုပ်ယူပြီးသော်လည်း လုံလောက်မှုမရှိသေးပေ။

"အဓိကအဆင့်မှာ လေ့ကျင့်ဖို့သုံးတဲ့ အရင်းအမြစ်တွေက နတ်အဆင့်မှာသုံးတဲ့ အရင်းအမြစ်တွေထက် ဆယ်ဆ ဒါမှမဟုတ် ရာဆတောင်ပိုများတယ်။ တဝေက သူတို့လူတွေအင်အားနဲ့ လူအများကြီးကို မထောက်ပံ့နိုင်တာ အံ့သြစရာမဟုတ်ဘူး” ချူးယွင်ဖန်နးက သက်ပြင်းချလိုက်သည်။

တဝေ၏ ပြည်တွင်အင်အားနှင့် နိုင်ငံသားများစွာရှိသည်ဟု ဆိုနိုင်သည်။ သို့သော် ဤမျှကြီးမားသောနိုင်ငံသည် ရွှေအမတေမျေားစွာကို ပျိုးထောင်နိုင်သည်။ ရွှေအမတေအရေအတွက်နှင့် နိုင်ငံသားအရေအတွက်က ကွာခြားလွန်းသဖြင့် သန်းတစ်ထောင်တွင် တစ်ဦးသာရှိသည်ဟုပြောနိုင်သည်။ ရွှေအမတေတိုင်းသည် ရွှေကိုမျိုချနိုင်သော ဧရာမသားရဲများဖြစ်သည်။ ၎င်းတို့သည် လေ့ကျင့်ရန် ဧရာမမိစ္ဆာတစ်ကောင်ကို အားကိုးခြင်း သို့မဟုတ် လေ့ကျင့်ရန် ၎င်းတို့၏ကိုယ်ပိုင်အင်အားကို တည်ထောင်ခြင်းတို့ ပြုလုပ်ကြသည်။ ၎င်းတို့၏လေ့ကျင့်မှုကို ပံ့ပိုးပေးနိုင်သူတစ်ဦး ရှိရမည်။

သို့သော် အပြင်ဘက်ရှိ ရွှေအမတေများသာ ချူးယွင်ဖန်၏စကားများကို ကြားပါက မျက်လုံးလှန်ကြပေလိမ့်မည်။ ရွှေအမတေများသည် အမှန်တကယ်ပင် အရင်းအမြစ်စားသုံးသူများစွာဖြစ်၍ ရွှေစားသော သားရဲဟုခေါ်ဆိုနိုင်သ‌ော်ညလး် ၎င်းတို့သည် သူ့အဆင့်တွင်မရှိပေ။ သူသည် အမတေမဲ့အဆင့်သို့ရောက်ပြီးကာစပင်ရှိသေးသော်လည်း သူ၏ စုပ်ယူမှုနှုန်းသည် အမတေမဲ့အဆင့်ပျမ်းမျှထက် များစွာပိုမြန်သည်။ ၎င်းတို့က တူညီသောအဆင့်တွင် လုံးဝမရှိနေ‌ပေ။

တစ်လတာမျှ ရူးးသွပ်စွာဝါးမြိုပြီးနောက် ချူးယွင်ဖန်းက ဝေ့ဝူယ ပေးခဲ့သော အဆင့်နိမ့်ဝိဉာက်ကျောက် သန်းငါးဆယ်လုံးကို စုပ်ယူနိုင်ခဲ့သည်။ တောင်မြစ်ပန်းချီကားအတွင်း၌ သူ့တွင် အဆင့်နိမ့်ဝိဉာဥ်ကျောက် သန်းသုံးဆယ်ကျန်ရှိနေသေးကာ ယင်းက သူ၏ ကျင့်ကြံမှုအတွက် ခဏတာ လုံ‌လောက်သည်။ အဆင့်ဖြတ်ကျော်ပြီးနောက် ချူးယွင်ဖန်းသည် သူ၏ စွမ်းအင်များထွက်လာသည်ကို ခံစားလိုက်ရသည်။ ထို့ကြောင့် တွန့်ဆုတ်ခြင်းမရှိဘဲ အနှစ်သာရစုစည်းဆေးတစ်လုံးကို ဝါးမျိုလိုက်ရာ ခဏတာအတွင်း၌ မရေမတွက်နိုင်အောင်များပြားလှသော စွမ်းအင်များက သူ၏ ခြေလက်များနှင့် အရိုးများထဲသို့ ပျံ့နှံ့သွားသည်။

ယခင်က အနှစ်သာရစုစည်းဆေး၏ အာနိသင်များကြောင့် သူအနည်းငယ် ထိတ်လန့်ခဲ့ရသည်ဆိုလျှင် ယခု တည်ငြိမ်နေပြီဟုပြောရမည်ဖြစ်သည်။ အရာအားလုံးက သူ့၏ ထိန်းချုပ်မှုအောက်၌ရှိသေနသည်။ သူ့ခန္ဓာကိုယ်ထဲ၌ ဖွဲ့စည်းထားသော ပုံရိပ်ယောင် အမတေသည် ရူးသွပ်စွာ စတင်လည်ပတ်နေကာ ဆေးစွမ်းအားကို စုပ်ယူ၍ သူ၏ နတ်စွမ်းအင်အဖြစ်ပြောင်းလဲတော့မည်ဖြစ်သည်။

ပြင်ပလူများသည် ချူးယွင်ဖန်း၏ ရက်စက်ကြမ်းကြုတ်သော နည်းလမ်းကို မြင်ပါက ၎င်းတို့ သေလောက်အောင် ကြောက်ရွံ့ကုန်ကြလိမ့်မည်ဖြစ်သည်။ ရွှေအမတေအဆင့်ရှိသူတစ်ဦဂပင်လျှင် ထိုကဲ့သို့ ရူးသွပ်စွာ ဝါးမျိုနေသည့် ချူးယွင်ဖန်းကဲ့သို့ မဖြစ်နိုင်ပေ။ ၎င်းတို့၏ ခန္ဓာကိုယ်ပေါက်ကွဲကာ ရွှေအမတေလည်း ပျက်ဆီးသွားကြရပေလိမ့်မည်ဖြစ်သည်။

သို့သော် ချူးယွင်ဖန်းက တောင့်ခံထားနိုင်သည်။ သူသည် ကြယ်တာရာဝါးမျိုခြင်းပညာကို အသုံးပြု၍ အနှစ်သာရစုစည်းဆေး၌ပါဝင်သည့် အစွမ်းသတိကို ရူးသွပ်စွာဝါးမျိုခဲ့သည်။

မျက်စိတစ်မှိတ်အတွင်း၌ပင် တစ်လလုံး ကျင့်ကြံမှု ကုန်ဆုံးသွားခဲ့သည်။

ဧကရာဇ် အကြံပေး၏ နေအိမ်တွင် ချူးဟုန်ချိုင်က တစ်လလုံး စိုးရိမ်တကြီး စောင့်ဆိုင်းနေခဲ့သော်လည်း ချူးယွင်ဖန်းက ထွက်မလာသေးသဖြင့် လက်လျှော့ရုံသာတတ်နိုင်ခဲ့သည်။ မကြာခင်အချိန်ထိ ချူးယွင်ဖန်းနသည် သီးသန့်လေ့ကျင့်မှုမှ ထွက်လာဦးမည်မဟုတ်ဟု ထင်ရသည်။ သို့သော် ယွင်ဟွမ်နှင့် သဘောတူညီချက်အတွက် တစ်လသာကျန်တော့သည်။

နှစ်ဖက်စလုံးမှ လူတိုင်းက ပြင်ဆင်မှုများ စတင်လုပ်ဆောင်နေကြသည်။ ဧကရာဇ် အကြံပေး၏ နေအိမ် သို့မဟုတ် အတိအကျပြောရလျှင် တောင်မြစ်ပန်းချီကားအတွင်း၌ ချူးယွင်ဖန်းက သူ၏ ကျင့်ကြံမှုကို ရပ်တန့်လိုက်သည်။

တစ်လလုံး ကျင့်ကြံပြီးနောက် ချူးယွင်ဖန်းသည် လွန်ခဲ့သော တစ်လကထက် များစွာ ပြောင်းလဲခဲ့သည်။ အနှစ်သာရစုစည်းဆေးနှစ်လုံး ထပ်မံသောက်သုံးပြီးနောက် ချူးယွင်ဖန်း၏ ကျင့်ကြံမှုသည် အမတေမဲ့အဆင့် အထွတ်အထိပ်သို့ သဘာဝအတိုင်း ရောက်လုနီးနီးဖြစ်နေပြီဖြစ်သည်။ သူသာ ပိုမိုတိုးတက်လိုပါက အချိန် ပိုမိုလိုအပ်မည်ဖြစ်သောကြောင့် သူ၏ ကျင့်ကြံမှုကို ရပ်တန့်လိုက်သည်။

သုံးလ သဘောတူညီချက်တွင် တစ်လသာ ကျန်တော့သည်။ ချူးယွင်ဖန်းသည် သူ၏နည်းစနစ်များကို လေ့ကျင့်ရန် စတင်ရမည်ဖြစ်သည်။

"အံ့ဖွယ် လက်သီးရှစ်ချက်!"

ချူးယွင်ဖန်းက အော်ပြီးနောက် ထိုးလိုက်သည်။ ချက်ချင်းပင် သူ့ပတ်လည်တွင် နတ်ပုံရိပ် ရှစ်ခု ပေါ်လာပြီး ရှေ့သို့ တိုးဝင်သွားသည်။ ထိုရှစ်ခုမှာ နတ်၊ ရူး အသူရာ၊ ဂန္ဓာဗာ၊ ဂါရူဒါ၊ ကျင်နာရာ,နှင့် မဟော်ရဂါတို့ဖြစ်သည်။

ဤနတ်ဘုရားမှော်ပုံရိပ် ရှစ်ပါးပေါင်းစပ်လိုက်သောအခါ ၎င်းသည် အမှန်တကယ်ပင် မြေကြီးကို တုန်လှုပ်စေသော စွမ်းအားရှိသည်။

ဤလက်သီးချက်သည် မြေကြီးကို တုန်လှုပ်စေသော်လည်း တစ်ချိန်တည်းမှာပင် ချူးယွင်ဖန်းသည် သူ၏နတ်ဘုရားစွမ်းအားအားလုံးကို အသုံးပြုခဲ့ပြီး သူ၏မျက်နှာသည် ဖြူဖျော့သွားခဲ့သည်။ အံ့ဖွယ်လက်သီးရှစ်ချက်၏ စွမ်းအားသည် အလွန်ထိတ်လန့်ဖွယ်ကောင်းလွန်းသည်။ ထို့ကြောင့် သူသည် အသူရာလက်သီး သို့မဟုတ် ဂါရူဒါလက်သီးကိုသာ အသုံးပြုလေ့ရှိသည်။

အံ့ဖွယ်လက်သီးရှစ်ချက်၏ ဤအစိတ်အပိုင်းရှစ်ခုကို အစွမ်းထက်သော လက်သီးနည်းစနစ်ရှစ်ခုအဖြစ် ပိုင်းခြားနိုင်သည် သို့မဟုတ် တစ်ခုတည်းအဖြစ် ပေါင်းစပ်ပြီး တစ်ပြိုင်နက်တည်း အသုံးပြုနိုင်သည်။ နည်းစနစ်ရှစ်ခုကို သီးခြားစီထုတ်လွှတ်ပါက ၎င်း၏သုံးစွဲမှုသည် ချူးယွင်ဖန်းအတွက် သဘာဝအတိုင်း ဘာမှမဟုတ်ပါ။ သူ ခံနိုင်ရည်ရှိသော်လည်း နည်းစနစ်ရှစ်ခုကို ပေါင်းစပ်သောအခါတွင်မူ အခြားကိစ္စတစ်ခုဖြစ်သည်။

ဤနည်းစနစ်သည် ချူးယွင်ဖန်း၏နတ်ဘုရားစွမ်းအားကို ချက်ချင်းကုန်ဆုံးစေမည်ဖြစ်သည်။ ချူးယွင်ဖန်း၏နတ်ဘုရားစွမ်းအား၏ လက်ရှိသိပ်သည်းဆဖြင့် အံ့ဖွယ်လက်သီးရှစ်ချက်၏ အပြည့်အဝစွမ်းအားဗားရှင်းသည် မည်မျှအံ့သြဖွယ်ကောင်းသည်ကို သူဆုံးဖြတ်နိုင်သည်။

တကယ်တမ်းတွင် ချူးယွင်ဖန်းသည် အံ့ဖွယ်လက်သီးရှစ်ချက်အပြည့်အစုံကို ကျွမ်းကျင်ပြီးဖြစ်သည်။ ၎င်းကို အကြိမ်ကြိမ်လုပ်ဆောင်ပြီးနောက် လျှို့ဝှက်ချက်များစွာသည် သူ့အတွက် လျှို့ဝှက်ချက်မဟုတ်တော့ပေ။ သို့သော် သူသည် ၎င်းကို အသုံးမပြုဝံ့ပေ။ သူသုံးမည်ဆိုလျှင်ပင် နတ်အဆင့်တွင်သာရှိသောကြောင့် သူ၏ သွေးအနှစ်သာရများ ချက်ချင်းစုပ်ယူခံရနိုင်သည်။ ထိုသို့ဖြစ်ခဲ့မည်ဆိုပါက သူ၏ အခြေခံအုတ်မြစ်ကို ထိခိုက်စေနိုင်သည်။ သို့သော် ယခု အမတေမဲ့အဆင့်သို့ရောက်နေပြီဖြစ်၍ ချူးယွင်ဖန်းသည်

အံ့ဖွယ်လက်သီးရှစ်ချက်လုံးကို အသုံးပြုနိုင်စွမ်းရှိသည်။ သို့သော် ထိုလက်သီးကို ထုတ်လွှတ်လိုက်သောအခါ သူ့ခန္ဓာကိုယ်ထဲမှ နတ်စွမ်းအင်များကို စုပ်ယူရဦးမည်ဖြစ်သည်။ ထုတ်လွှတ်ရန်အတွက် သူ၏ သွေးအနှစ်သာရ တစ်စိတ်တစ်ပိုင်းကိုပင် လောင်မြိုက်စေရပေလိမ့်မည်။

တစ်ကြိမ်သုံးပြီးလျှင် ချူးယွင်ဖန်း၏ တိုက်ခိုက်ရေးစွမ်းအား ခဏတာဆုံးရှုံးသွားသည်ဟု ပြော၍ရသည်။ သို့သော် တစ်ချိန်တည်း၌ပင် ဤလှုပ်ရှားမှု၏ စွမ်းအားက အလွန်ကြောက်မက်ဖွယ်ကောင်းသည်။ ဤသို့လှုပ်ရှားမှုမျိုးသည် အမတေပုံစံအဆင့်တက်လှမ်းကာစသူပင် ချက်ချင်းသေဆုံးသွားနိုင်သည်။ အမတေပုံအလယ်အလတ်အဆင့်ရှိသူပင် ပြင်းထန်စွာ ဒဏ်ရာရနိုင်သည်။