အခန်း (၉၇၁+၉၇၂)

Chapter 971

Nine revolutions wind demon

ထိုအသံများကို ကြားပြီးနောက် ရှီလုံက အလန့်တကြားပြောသည်။

" ကောင်လေး ၊ ကြောက်စရာအကောင်းဆုံး သားရဲကြီးတွေ အကုန်ရောက်လာကြပြီ "

သူ ထိုစကားအား လောထျန်းကို သတိထားစေလိုသောကြောင့် ပြောလိုက်ခြင်းပင် ။

သို့သော် လောထျန်းကမူ သူ့စကားကိုကြားပြီး ထူးဆန်းစွာပင် မျက်လုံးများ အရောင်လက်သွား၏။

" အားလုံး ရောက်လာကြပြီ ဟုတ်လား.. ဒါဆို အဲ့သုံးယောက်မှာလဲ နတ်ဘုရားသွေးအစွမ်း ရှိကြမှာပေါ့ "

လောထျန်းစကားကြောင့် ရှီလုံ အံ့သြသွားရသော်လည်း ပြန်ဖြေလိုက်ပါသည်။

"ဟုတ်တယ် "

" ကောင်းလိုက်တာ "

လောထျန်းက စိတ်လှုပ်ရှားစွာ ဆို၏။

ရှီလုံတစ်ယောက် ဆွံ့အသွားရပြန်ပါသည်။

ထိုစဥ်မှာပင် အစွမ်းထက်အရောင်အဝါများ၏ ပိုင်ရှင်သုံးယောက် ရောက်လာကာ လောထျန်းနှင့် ရှီလုံတို့ ထွက်ပြေးမည်ကို စိုးရိမ်သည့်အလား ဝိုင်းထားလိုက်ကြပါ၏။

" ဟင်.. ရွှယ်ချန်း ၊ ဘာတွေဖြစ်နေတာလဲ "

သူတို့သုံးယောက်ထဲမှ တစ်ယောက်က ရွှယ်ချန်း၏ ပုံမှန်မဟုတ်သော အမူအရာကို သတိထားမိကာ တအံ့တသြ မေးလာသည်။

" ငါ ဒဏ်ရာနည်းနည်း ရသွားလို့ပါ "

ရွှယ်ချန်းက အံကြိတ်၍ ပြန်ပြော၏။

" ဒဏ်ရာရတယ်.. ဟုတ်လား ။ ရွှယ်ချန်း ၊ ဘာမဟုတ်တဲ့ ကောင်းကင်ဘုံနဂါးရဲ့ အရိုးအကြွင်းအကျန်က မင်းကို ဒဏ်ရာရအောင် လုပ်လိုက်နိုင်တာလား ။ မင်းက နတ်ဘုရားသခင်ကြီးရဲ့ သွေးအစွမ်းကို အမွေရထားရဲ့သားနဲ့ ဘယ်လိုဖြစ်ပြီး

တော့ အဲ့လောက်တောင် အသုံးမကျရတာလဲ "

ရွှယ်ချန်း၏ မျက်လုံးများ ဒေါသရောင်လက်သွားသည်။

" ဖုန့်ကျယ် ၊ မင်း သေချင်နေပြီလား "

ဖုန့်ကျယ်ဆိုသူက ရယ်သည်။

" ဘာလဲ.. ငါပြောတာ မှားလို့လားကွ "

ရွှယ်ချန်းက ပြန်ရန်တွေ့ရန် ပြင်စဥ်မှာပင် ရုတ်တရက် အသံတစ်သံ ထွက်လာသည်။

" မင်းတို့နှစ်ကောင် စကားများမနေကြနဲ့ "

တဖက်လူနှစ်ယောက်လုံး ချက်ချင်းတိတ်သွားကြသည်။

တဖက်မှ ရှီလုံက လောထျန်းဘေးသို့သွားကာ သူ့အား ရှင်းပြ၏။

" ကောင်လေး ၊ အဲ့သုံးယောက်က ကြောက်စရာ အင်မတန်ကောင်းတဲ့ သားရဲသုံးကောင်ဖြစ်တဲ့ ဖုန့်ကျယ် ၊ ရန်ယွမ် နဲ့ လိုင်လောင် တို့ပဲ "

လောထျန်း ခေါင်းအသာညိတ်ကာ သားရဲသုံးကောင်အား စိတ်လှုပ်ရှားနေသည့် အကြည့်ဖြင့် လှမ်းကြည့်လိုက်သည်။

ထိုစဥ် တဖက်မှ လိုင်လောင်က အေးစက်စက်ပြော၏။

" ရွှယ်ချန်း ၊ မင်း ဘယ်လိုလုပ်ပြီးတော့ ဒဏ်ရာရသွားခဲ့တာလဲ. ဟိုနဂါးအရိုးက ထူးဆန်းတဲ့အစွမ်းတွေ ရထားလို့လား "

ကျန်သားရဲနှစ်ကောင်ကလည်း ရွှယ်ချန်းဘက် လှမ်းကြည့်လိုက်ကြသည်။

ရွှယ်ချန်းက မျက်နှာပျက်ပျက်ဖြင့် ပြန်ဖြေ၏။

" ကျုပ်ကို ဒဏ်ရာရအောင် လုပ်ခဲ့တာ နဂါးအရိုးမဟုတ်ဘူး ။ ဟိုကောင်လေးပဲ "

" ဘယ်လို.. "

သူ့စကားကြောင့် လိုင်လောင်နှင့် ကျန်နှစ်ယောက် အံ့သြမှင်သက်သွားကာ လောထျန်းအား အံ့သြတကြီး ကြည့်လိုက်ကြသည်။

အချိန်အတန်ကြာသွားပြီးမှ ဖုန့်ကျယ်က ထရယ်၏။

" ရွှယ်ချန်း ၊ မင်း စိတ်မှနှံ့သေးရဲ့လား ။ ဒီကောင်လေးက မင်းကို ဒဏ်ရာရအောင် လုပ်နိုင်တယ်ပေါ့ ။ မင်းသာ မပြောလို့ရှိရင် ငါ အဲ့ကောင်ကို သတိတောင်ထားမိမှာ မဟုတ်ဘူး ။ အဲ့လို အစွမ်းနိမ့်တဲ့ ကောင်လေးက မင်းကို ဒဏ်ရာရအောင် လုပ်နိုင်တယ်ပေါ့ "

ရန်ယွမ်ကလည်း မျက်မှောင်ကြုံ့၍ ဆိုသည်။

" ရွှယ်ချန်း ၊ စတယ်နောက်တယ်ဆိုတာလဲ အတိုင်းအတာ ရှိတယ်နော် "

လိုင်လောင်သည်လည်း မည်သို့မှ မပြောသည့်တိုင် ရွှယ်ချန်းအား အေးစက်စက် မျက်လုံးများဖြင့် ကြည့်နေပါ၏။

ရွှယ်ချန်း မျက်နှာမဲ့သွားသည်။

" ငါ မင်းတို့ကို လိမ်နေတာမဟုတ်ဘူးကွ ။ အဲ့ကောင်က တကယ်ကိုအစွမ်းထက်တယ် "

ဖုန့်ကျယ်က လှောင်ပြုံးဖြင့် ပြောသည်။

" အစွမ်းထက်တယ်.. ဟုတ်လား ။ ဒါဆို ပြောစမ်းပါဦး.. ဘယ်နားလေးမှာ အစွမ်းထက်တာလဲ ။

သူ့စကားကိုကြားပြီး ရွှယ်ချန်းတစ်ယောက် အစောကတိုက်ပွဲအား ပြန်မြင်ယောင်မိသွားကာ တုန်လှုပ်စွာ ပြောလိုက်သည်။

" ဒီကောင်က.. ငါ့ရဲ့ နတ်ဆိုးနတ်ဘုရားတံစဥ် ကို သုံးနိုင်တယ်ကွ "

" ဘာ.... "

တဖက်မှ သားရဲသုံးယောက် အံ့သြမှင်သက်သွားကြသည်။

သို့သော် တခဏအကြာတွင် သူတို့သုံးယောက်လုံး၏ မျက်လုံးထဲ၌ ဒေါသရိပ်များ ပေါ်လာကြပါ၏။

" ရွှယ်ချန်း ၊ မင်းက ပိုပိုပြီး လွန်လာတာပါလားကွ ။ နတ်ဆိုးနတ်ဘုရားတံစဥ် ဆိုတာ နတ်ဘုရားသခင်ကြီးရဲ့ နတ်ဘုရားအစွမ်းကို အမွေရထားတဲ့သူတွေသာ သုံးနိုင်တာလေ ။ အဲ့ကောင်က ဘာကြောင့်မို့ သုံးနိုင်ရမှာလဲ "

ရန်ယွမ် ပြောလိုက်သည်။

" ဟုတ်တယ် ရွှယ်ချန်း ၊ ရယ်စရာကောင်းတာတွေ ပြောမနေစမ်းပါနဲ့ "

သူတို့သုံးယောက်ထဲမှ အစွမ်းအထက်ဆုံး လိုင်လောင်ကလည်း မကျေနပ်ပုံဖြင့် ပြော၏။

ရွှယ်ချန်းက အောင့်သက်သက် မျက်နှာဖြင့် ပြန်ပြောပါသည်။

" ငါ တကယ်ကို မလိမ်ပါဘူး ။ ဒီကောင်က ငါ့ရဲ့ နတ်ဆိုးနတ်ဘုရားတံစဥ် ကိုသုံးပြီး တိုက်ခိုက်နိုင်ခဲ့ရုံမကဘူး ၊ ငါ့ရဲ့ နတ်ဆိုးနတ်ဘုရားတံစဥ် သိုင်းကွက်ကို ထိပ်တိုက်ရင်ဆိုင်ပြီးတော့ တည်နေရာရွှေ့ပြောင်းနိုင်သေးတယ် ။ ငါ့ရဲ့ သိုင်းကွက်က သူ့ဆံပင် နှစ်ချောင်းကိုပဲ ပြတ်အောင်လုပ်နိုင်ခဲ့တာ "

သူ့စကားကြောင့် လိုင်လောင် ပိုပို၍ ဒေါသထွက်လာဟန်တူပါ၏။

နတ်ဆိုးနတ်ဘုရားတံစဥ် တွင် နတ်ဘုရားများ၏ အစွမ်း ​ပါဝင်ပါသည်။

အခြားသူများ မဆိုထားဘိ ၊ သူတို့ သားရဲခုနှစ်ကောင်ထဲတွင် အစွမ်းအထက်ဆုံးဖြစ်သော လိုင်လောင်သည်ပင် ရွှယ်ချန်း၏ နတ်ဆိုးနတ်ဘုရားတံစဥ် နှင့် ရင်ဆိုင်ရပါက သက်တမ်းတစ်ဝက်ခန့် ဆုံးရှုံးသွားရမည် ဖြစ်ပါ၏။

သို့သော် ယခု ၎င်းသိုင်းကွက်က တဖက်မှကောင်လေး၏ ဆံပင်နှစ်ချောင်းတည်းကိုသာ ပြတ်အောင်လုပ်နိုင်ခဲ့သည်ဟု ရွှယ်ချန်းက ပြောနေပါသည်။

" ရွှယ်ချန်း ၊ ငါတို့ကို အဲ့လိုတွေလျှောက်ပြောရတာ ပျော်စရာကောင်းတယ်များ ထင်နေတာလား "

လိုင်လောင်၏ ဒေါသတကြီး အော်သံနှင့်အတူ သူ့ကိုယ်မှလည်း အလင်းတန်းများ ပေါက်ထွက်လာသည်။

သူ၏ အေးစက်စက် မျက်လုံးများကလည်း ရွှယ်ချန်းထံမှ မခွာပါချေ။

ရွှယ်ချန်းက တအံ့တသြ ပြန်ပြော၏။.

" ငါက ဘယ်တုန်းကများ လျှောက်ပြောခဲ့လို့လဲ "

လိုင်လောင် အံကြိတ်လိုက်သည်။

" မင်းရဲ့ နတ်ဆိုးနတ်ဘုရားတံစဥ် က သူ့ရဲ့ ဆံပင်နှစ်ချောင်းကိုပဲ ပြတ်အောင်လုပ်နိုင်ခဲ့တယ်.. ဟုတ်လား ။ အဲ့လိုအစွမ်းမျိုးနဲ့ဆို နတ်ဘုရားသခင်ကြီးနဲ့တောင် ယှဥ်လို့ရနေပြီကွ။ ဒီကောင်ကသာ အဲ့လောက်ကြီး တကယ်အစွမ်းထက်တယ်ဆိုရင် သူနဲ့ တိုက်ခိုက်မနေဘဲ ထွက်ပြေးနေရမှာလေ "

ရွှယ်ချန်းက တုန်လှုပ်စွာ ပြန်ပြောရှာ၏။

" ငါကလဲ.. အဲ့လိုပြေးဖို့ပဲ စဥ်းစားနေတာ... "

လိုင်လောင်၏ မျက်လုံးများထဲ လူသတ်အရိပ်အငွေ့တို့ ဖုံးမနိုင်ဖိမရ ပေါ်လာပါတော့သည်။

သို့သော် ထိုစဥ်တွင်..

" ဟား ဟား.. ရွှယ်ချန်း ၊ မင်းက တကယ့်ကိုငကြောက်ပဲကွ။ ဘာမဟုတ်တဲ့ လူသားတစ်ယောက်ဆီကနေ ထွက်ပြေးချင်တယ်ပေါ့ ။ ကောင်းပြီလေ.. သူ့ကို မင်း မတိုက်ခိုက်ရဲဘူးဆိုရင် ငါပဲ လုပ်လိုက်မယ် "

ဖုန့်ကျယ်က လှောင်ပြုံးဖြင့် ပြောပြီး လောထျန်းဆီ

လျှောက်သွားလိုက်၏။

" ဖုန့်ကျယ် ၊ ငါ နောက်နေတာ မဟုတ်ဘူးနော် ။ သူ့ကို မတိုက်ခိုက်နဲ့ "

ရွှယ်ချန်း အလန့်တကြား အော်လိုက်သည်။

သို့သော် ဖုန့်ကျယ်က သူ့စကားကို အရေးမစိုက်ပါချေ။

ရွှယ်ချန်းတစ်ယောက် စိုးရိမ်တကြီး ဖြစ်သွားကာ လိုင်လောင်ဘက် လှမ်းကြည့်လိုက်၏။

" လိုင်လောင် ၊ သူ့ကို မြန်မြန်တားလိုက်ပါ "

" ပါးစပ်ပိတ်ထားစမ်း "

လိုင်လောင်က ဒေါသတကြီး ပြန်အော်သောကြောင့် ရွှယ်ချန်း တိတ်သွားရပါသည်။

ထိုစဥ် တဖက်မှ ဖုန့်ကျယ်က လောထျန်းရှေ့ ရောက်သွားကာ လှောင်ပြုံးဖြင့် ပြောလိုက်သည်။

" လူသားကောင်လေး ၊ ရွှယ်ချန်း ဒီလောက်ကြောက်သွားအောင် မင်း ဘယ်လိုနည်းတွေသုံးပြီး ခြောက်လိုက်လဲဆိုတာတော့ ငါမသိဘူး ။ ဒါပေမယ့် ဒီ

ကောင်က အမှိုက်မို့လို့ အဲ့လိုဖြစ်ရတာ ။ အခု ငါနဲ့ ရင်ဆိုင်ရမှာဆိုတော့ မင်း ကံဆိုးတာပေါ့ကွာ "

လောထျန်းက သူ့ရှေ့သို့ ရောက်လာသော လူနှင့်မတူသည့် ဧရာမ သားရဲကြီးကို မော့ကြည့်၍ တအံ့တသြ ပြောသည်။

" ဒါဆို မင်းက သူ့ထက် ပိုအစွမ်းထက်တာပေါ့ "

ဖုန့်ကျယ်က အသံကျယ်ဖြင့် အော်ရယ်၏။

" အများကြီး ပိုအစွမ်းထက်တာပေါ့ကွာ "

လောထျန်း ခေါင်းကို အလေးနက်ညိတ်လိုက်သည်။

ဖုန့်ကျယ်က ရွှယ်ချန်းဘက် တစ်ချက်လှည့်ကြည့်ကာ တွေးပါသည်။

" ရွှယ်ချန်းက ဘယ်လိုကြောင့် အဲ့လိုဖြစ်သွားရလဲဆိုတာ မသိပေမယ့်... သူ တအားကြောက်နေပုံထောက်ရင်တော့ ဒီကောင်လေးက တစ်ခုခုထူးခြားရမယ် ။ ဒီတော့ ဘယ်လိုမတော်တဆမျိုးမှ မဖြစ်ရအောင် ငါ အစောတည်းက အစွမ်းကုန်ထုတ်သုံးတာ ကောင်းလိမ့်မယ် "

ထိုသို့တွေးပြီး သူ့အရောင်အဝါများကို ချက်ချင်း

စုစည်းလိုက်ပါ၏။

ဝုန်း...

သူ့ကိုယ်အတွင်းတွင်လည်း နတ်ဘုရားအစွမ်းများ ရုတ်ချည်းလှည့်ပတ်လာသည်။

" အိုး.. ဖုန့်ကျယ်က အစောကြီးတည်းက သူ့ရဲ့ အစွမ်းအထက်ဆုံး အကွက်ကို ထုတ်သုံးနေတာလား "

၎င်းကိုမြင်ပြီး ရန်ယွမ် အံ့သြသွားပါသည်။

လိုင်လောင်သည်လည်း မျက်မှောင်အနည်းငယ် ကြုံ့သွား၏။

" ဟို ကောင်းကင်ဘုံနဂါးအရိုးက ဉာဏ်များလွန်းတယ် ။ အဲ့တော့ အစောကြီးတည်းက အစွမ်းပြည့်သုံးပြီး ဒီကောင့်ကိုသတ်တာ ကောင်းတယ် "

ထိုစဥ်မှာပင် ဖုန့်ကျယ်၏ အစွမ်းစုစည်းခြင်း ပြီးသွားခဲ့ပါသည်။

" လေနတ်ဆိုး အသွင်ပြောင်းကိုးသွယ် "

ထို့နောက် အော်သံကျယ်တစ်သံနှင့်အတူ ဖုန့်ကျယ် လှုပ်ရှားသွား၏။

ဝုန်း...

သူ့လက်ထဲ၌ ကြောက်မက်ဖွယ် လေဆင်နှာမောင်းတစ်ခု ရုတ်ချည်း စုစည်းလာကာ လောထျန်းအား လွှမ်းခြုံလာသည်။

ထို လေဆင်နှာမောင်းကြီးထဲ၌ နတ်ဘုရားအစွမ်း ပါဝင်နေသည့်အပြင် ကြောက်မက်ဖွယ် သွေးဆာနေသော နတ်ဆိုးအရိပ်များလည်း တချက်တချက် ပေါ်လာပါသေး၏။

၎င်းလေပြင်း တစ်ချက်တည်းဖြင့်ပင် လေထုကို ပြိုကွဲသွားအောင် လုပ်ပစ်တော့မလို...

" ဒီကောင်က ပိုအစွမ်းထက်လာတာလား ။ သူသာ အပြင်ကမ္ဘာမှာ ရှိနေရင် နေကိုတောင် အပိုင်းပိုင်းဖြစ်အောင် လုပ်နိုင်မလားမသိဘူး "

ရှီလုံ တုန်လှုပ်စွာ ရေရွတ်လိုက်သည်။

Chapter 972

Hundred turns of wind demon

သိုင်းကွက်ကို အောင်အောင်မြင်မြင် ထုတ်သုံးပြီးနောက်တွင် ဖုန့်ကျယ်က ရွှယ်ချန်းဘက်လှည့်၍ ပြောသည်။

" အဲ့လောက်ပဲလားကွာ ... ရွှယ်ချန်း ၊ ငါ့သိုင်းကွက် တစ်ကွက်တည်းနဲ့ အနိုင်ယူနိုင်ခဲ့တဲ့ကောင်က မင်းကို ဒဏ်ရာရအောင် လုပ်နိုင်ခဲ့တယ်ပေါ့.. "

ရွှယ်ချန်းက အေးစက်စက် ပြန်ပြောသည်။

" ဖုန့်ကျယ် ၊ သတိမလွတ်ဖို့ မင်းကို ငါအကြံပေးလိုက်မယ် "

ဖုန့်ကျယ်က နှာခေါင်းရှုံ့သည်။

" ဒီကောင်က ငါ့သိုင်းကွက်အောက်တောင် ရောက်သွားပြီဟာကို.. သူ အသက်ရှင်နိုင်မယ် ထင်လို့လား "

တဖက်မှ ရှီလုံက တအံ့တသြ ရေရွတ်၏။

" အဲ့ဒါ ဘာအဓိပ္ပါယ်လဲ "

ဖုန့်ကျယ်က ရှီလုံဘက် ချက်ချင်းလှမ်းကြည့်ပြီး ရယ်သည်။

" အဲ့အကွက်က လေနတ်ဆိုး အသွင်ပြောင်းကိုးသွယ် ကွ "

" အဲ့ဒါ ဘာထူးလို့လဲ "

ဖုန့်ကျယ်နောက်မှ တစ်ယောက်က မေးပါသည်။

ဖုန့်ကျယ် ရယ်လိုက်ပြန်သည်။

" ထူးခြားတာပေါ့ကွ ။ အဲ့ လေနတ်ဆိုးအစွမ်းကို နတ်ဘုရားသခင်ကြီး ငါ့ကိုပေးထားတဲ့ နတ်ဘုရားအစွမ်းနဲ့ ဖန်တီးထားတာ "

" အဲ့ လေနတ်ဆိုးအစွမ်းကို အဆင့်တွေလဲ ခွဲထားသေးတယ် ။ အဲ့အဆင့်တွေထဲမှာ အဆင့်တစ် လေနတ်ဆိုးအစွမ်းကတော့ အနိမ့်ဆုံးပေါ့ကွာ ။ အစွမ်းအထက်ဆုံးကတော့ အဆင့်တစ်ဆယ် ။ ငါသာ အဲ့အဆင့်တစ်ဆယ် လေနတ်ဆိုးအစွမ်းကို ထုတ်သုံးရင် လိုင်လောင်တောင်မှ မယှဥ်နိုင်ဘူး "

" ဒါပေမယ့်.. ငါ လေနတ်ဆိုးအစွမ်းကို ထုတ်သုံးတဲ့

အကြိမ်တိုင်းမှာလဲ တစ်ခါနဲ့တစ်ခါ အစွမ်းတွေမတူကြဘူး ။ အများအားဖြင့်တော့ ငါ အဆင့်သုံး ၊ ဒါမှမဟုတ် အဆင့်လေး လေနတ်ဆိုးအစွမ်းကိုပဲ ထုတ်သုံးနိုင်တာ "

" ဒါပေမယ့် ဒီတစ်ခေါက်တော့ ငါ ပထမဆုံးအကြိမ်မှာတင် အဆင့်ကိုး လေနတ်ဆိုးအစွမ်းကို ထုတ်လိုက်နိုင်တယ် "

" မင်းတို့သိထားရမှာက.. ပုံမှန်ဆိုရင် ငါ အကြိမ်တစ်ရာလောက် ကြိုးစားကြည့်ရင်တောင် အဲ့လိုအဆင့် အစွမ်းမျိုးကို မထုတ်နိုင်ဘူးကွ ။ ဒါပေမယ့် ခုတော့ ပထမဆုံးအကြိမ်မှာတင် အဲ့လိုအဆင့် အစွမ်းမျိုး ထုတ်လိုက်နိုင်တာ ။ အင်း.. စဥ်းစားကြည့်တော့မှာ ဒီကောင်လေး တော်တော်ကံဆိုးရှာတာပဲ "

" အဲ့လိုလား.. "

သူ့နောက်မှလူက ပြောသည်။

" ဒါပေါ့ကွ "

ဖုန့်ကျယ်က ရယ်ရင်းပြန်ပြော၏။

ထိုစဥ်မှာပင် ရွှယ်ချန်းက ရုတ်တရက်အော်ပြောသည်။

" ဖုန့်ကျယ်.... "

" ဟင်... "

ဖုန့်ကျယ် အံ့သြသွားကာ ရွှယ်ချန်းအား မျက်စောင်းဖြင့် လှမ်းကြည့်လိုက်၏။.

" မင်းက ဘာလို့ အော်နေရတာလဲ ၊ ဒေါသထွက်နေလို့လား ။ အဲ့ဒါ မင်း အသုံးမကျလို့ ဖြစ်ရတာ​လေ .. ဒီလိုဘာမဟုတ်တဲ့ ကောင်လေးတစ်ယောက်ကိုတောင် ရှုံးရတယ်လို့ "

တဖက်မှ ရွှယ်ချန်းက အသံတုန်တုန်ဖြင့် ထပ်ပြောသည်။

" မဟုတ်ဘူးကွ.. နောက်ကို လှည့်ကြည့်လိုက်ဦး "

" ကြည့်ရမယ် ဟုတ်လား ၊ ဘာကိုကြည့်ရမှာလဲ "

ဖုန့်ကျယ်က စိတ်မရှည်ဟန်ဖြင့် ပြန်ပြော၏။ သူ ရွှယ်ချန်းကို ကြည့်သည့်အကြည့်တွင်လည်း ဒေါသငွေ့များ ပါနေပါသည်။

သို့သော် ထိုစဥ်တွင်..

" ရွှယ်ချန်း ၊ မင်းနောက်မှာ.. "

ရန်ယွမ်ကလည်း တအံ့တသြ ပြောလာသည်။

" ဟင်... "

ဖုန့်ကျယ် အနည်းငယ် အံ့သြသွားရ၏။

ရွှယ်ချန်း၏ စကားကို သူ သိပ်ဂရုမစိုက်လှသော်လည်း ယခု ရန်ယွမ်ကပါ ဘာဖြစ်နေပါသနည်း ။

"ဖုန့်ကျယ် ၊ နောက်ကို မြန်မြန်လှည့်ကြည့်လိုက်ဦး "

ဤတစ်ကြိမ်၌ လိုင်လောင်ကပါ တအံ့တသြ ပြောလာသည်။

လိုင်လောင်၏ စကားကို ကြားချိန်တွင်ကား ဖုန့်ကျယ်တစ်ယောက် ကျောရိုးထဲမှ ချမ်းစိမ့်သွားပါ၏။

သူ လိုင်လောင်၏ အကျင့်ကို ကောင်းကောင်းကြီး သိထားသည် မဟုတ်ပါလား ။

သူ့လိုလူတစ်ယောက်သည်ပင် အလန့်တကြား ဖြစ်နေသည်ဆိုပါက တစ်ခုခုထူးနေလေပြီ ။

ဖုန့်ကျယ် ချက်ချင်း နောက်လှည့်ကြည့်လိုက်သည်။

ထို့နောက်တွင်ကား မြင်လိုက်ရသည့် မြင်ကွင်းကြောင့် သူ့ ကျောရိုးထဲမှ ချမ်းစိမ့်သွားရပြန်ပါ၏။

အဘယ့်ကြောင့်ဆိုသော် သူ့နောက်တွင် လောထျန်းက အတွေးနယ်ချဲ့နေပုံဖြင့် ရပ်နေသောကြောင့်ပင် ။

" မင်း.. ဘယ်လိုလုပ်ပြီးတော့ အသက်ရှင်နေသေးတာလဲ "

သူ တုန်လှုပ်စွာ ရေရွတ်လိုက်သည်။

ထို့နောက်တွင် သူ တစ်ခုကို သဘောပေါက်သွားဟန်ဖြင့် ရှီလုံဘက် လှမ်းကြည့်လိုက်ပါ၏။

" ကောင်းကင်ဘုံနဂါးအရိုး ၊ အဲ့ဒါ မင်းရဲ့ ပုံရိပ်ယောင် မဟုတ်လား ။ ခုနက ငါ့သိုင်းကွက်က ဟိုကောင်လေးကို ထိမသွားခဲ့ဘူး မဟုတ်လား "

သို့သော် ဤတစ်ကြိမ်တွင် ရှီလုံ ဘာမှပြန်မပြောနိုင်ခင် လိုင်လောင်က အေးစက်စက် ဝင်ပြောပါ၏။.

" မဟုတ်ဘူး ဖုန့်ကျယ် ။ ခုနက မင်းရဲ့သိုင်းကွက်က အဲ့ကောင်လေးကို သေချာထိသွားတယ် "

" ဘယ်လို... "

ဖုန့်ကျယ် အံ့အားသင့်သွားကာ လောထျန်းဘက် လှည့်ကြည့်လိုက်သည်။ ထို့နောက် သူ မျက်မှောင်ကြုံ့၍ ပြော၏။.

" မဖြစ်နိုင်တာ.. သူ့ကို ထိသွားတယ်ဆိုရင် အခု ဒီကောင်က ဘယ်လိုလုပ်ပြီး အသက်ရှင်နေသေးတာလဲ "

လိုင်လောင် အချိန်အတန်ငယ်ကြာ တိတ်သွားပြီးမှ ပြန်ပြောသည်။

" မင်း ယုံချင်မှတော့ ယုံလိမ့်မယ် ။ ဒါပေမယ့် မင်းရဲ့ လေနတ်ဆိုး အသွင်ပြောင်းကိုးသွယ်က သူ့ဆီကို တည့်တည့်ကြီးဝင်သွားခဲ့တာ ။ အဲ့နောက်တော့ မင်း တခြားဘက်လှည့်ပြီး စကားပြောနေတာလေ "

" ဒါပေမယ့် အဲ့ချိန်မှာ ဒီကောင်လေးက မင်းရဲ့ လေနတ်ဆိုး အသွင်ပြောင်းကိုးသွယ်ထဲက လေလမ်းကြောင်းကို ပြောင်းပြန်ပြန်လှည့်ပြီးတော့ မင်းရဲ့လေ

နတ်ဆိုး အသွင်ပြောင်းကိုးသွယ်ကို ရပ်ခဲ့တာပဲ "

လိုင်လောင်က ဖြစ်သွားခဲ့သည်များကို မယုံနိုင်ဟန်ဖြင့် ပြောသည်။

လေနတ်ဆိုး အသွင်ပြောင်းကိုးသွယ်အား ထိုသို့ တားနိုင်သူမျိုး သူတစ်ခါမှ မတွေ့ဖူးခဲ့ပါချေ။

" ဘယ်လိုပြောလိုက်တယ်.. လေလမ်းကြောင်းကို ရပ်လိုက်တယ်.. ဟုတ်လား "

ဖုန့်ကျယ် လုံးဝ မယုံနိုင် ဖြစ်နေပါ၏။

" ဟုတ်တယ်ကွ ၊ ငါတို့မျက်လုံးနဲ့ ကိုယ်တိုင်မြင်လိုက်ရတာ ။ သူ တကယ်ကို တားနိုင်ခဲ့တာ "

ရန်ယွမ်ကလည်း အံကြိတ်ကာ ပြောသည်။

" ဒါ.... "

သူတို့အားလုံး၏ စကားကို ကြားပြီးနောက်တွင်ကား ဖုန့်ကျယ် စယုံလာပါသည်။

ထိုသို့ ပိုယုံလာလေလေ ၊ သူ ပိုစိုးရိမ်လာလေပါပင် ။

ထိုစဥ် တဖက်မှ လောထျန်းက အားရပါးရ လက်ခုပ်တစ်ချက်တီး၍ ပြောလာ၏။

" သြော်... သဘောပေါက်ပြီ "

" ဟင်... "

ဖုန့်ကျယ် လန့်သွားပြီး နောက်သို့ ချက်ချင်းခြေတစ်လှမ်း ဆုတ်လိုက်သည်။ ထို့နောက် လောထျန်းအား အလန့်တကြား ကြည့်ကာ ပြော၏။.

" မင်းက ဘာကိုနားလည်တာလဲ "

လောထျန်းက ရယ်ရင်း ပြန်ပြောပါသည်။

" မင်း ခုနကသုံးလိုက်တဲ့ သိုင်းကွက်ကို နားလည်သွားတာလေ "

" မင်း ပြောတာ ဘယ်လို... "

ဖုန့်ကျယ် တအံ့တသြ ပြန်မေးလိုက်သည်။

ထိုစဥ်မှာပင် လောထျန်းက လေထဲလက်မြှောက်ကာ သိုင်းကွက်အချို့ လုပ်လိုက်ပါ၏။

တစ်ချိန်တည်းမှာပင် သူ့လက်ထဲ၌ အစွမ်းတချို့ စုစည်းလာသည်။

" မင်း.. ဘာတွေလုပ်နေတာလဲ "

တစ်စုံတစ်ခု လွဲနေပြီမှန်း ဖုန့်ကျယ် သတိထားမိကာ ထွက်ပြေးရန် ပြင်လိုက်သည်။

သို့သော် .. ထိုစဥ်တွင် လောထျန်း လှုပ်ရှားသွားပါ၏။

" လေနတ်ဆိုး အသွင်ပြောင်းကိုးသွယ်.. "

လောထျန်း၏ အော်သံစူးစူးလည်း ထွက်လာသည်။

အားလုံး ၎င်းကိုမြင်ပြီး မှင်သက်ကုန်ကြ၏။

" ဘယ်လိုဖြစ်ပြီး .... "

ထိုအထဲ၌ ဖုန့်ကျယ်က အဆိုးဆုံးပင် ။

သူ့ကိုယ်ပိုင် သိုင်းကွက်ဖြစ်သော.. လေနတ်ဆိုး အသွင်ပြောင်းကိုးသွယ် ကို... ထိုလူသားက တတ်မြောက်သွားခဲ့သတဲ့လား...

" လူသားကောင်လေး ၊ ဟန်ဆောင်မနေနဲ့ ။ မင်းက ငါ့ရဲ့သိုင်းကွက်ကို ဘယ်လိုကြောင့် သုံးနိုင်မှာလဲ ။ လေ

နတ်ဆိုးအစွမ်းက ဘာဆိုတာတောင် မင်းနားလည်မှာ မဟုတ်ဘူး "

ဖုန့်ကျယ် ဒေါသတကြီး အော်လိုက်သည်။

ထိုစဥ်မှာပင် လောထျန်းက လက်ဝါးဖြင့် တစ်ချက်ရိုက်လိုက်၏။

ဝုန်း...

ကြောက်မက်ဖွယ် လေဆင်နှာမောင်းကြီး တစ်ခု ရုတ်ချည်းပေါ်လာသည်။

" ဒါ... "

ဖုန့်ကျယ်တစ်ယောက် ၎င်းကိုကြည့်ပြီး လွန်စွာ တုန်လှုပ်သွားရတော့သည်။

ထို့နောက်တွင်ကား.. သူ အပိုင်းပိုင်း ကြေမွသွားပါတော့၏။

သူ သေခါနီးလေးတွင်လည်း သူ့ကို ဝန်းရံထားသည့်အစွမ်းအား ခံစားမိရင်း အတွေးတစ်ခု ဝင်မိသွားသေးသည်။

" ဒါ... လေနတ်ဆိုးအစွမ်း အဆင့် တစ်ရာပဲ.. "

ဇွတ်...

သူ့အတွေး ဆုံးစဥ်မှာပင် လေနတ်ဆိုးအစွမ်းကြောင့် သူ့ခန္ဓာကိုယ်ရော စိတ်ဝိဥာဥ်ပါ အပိုင်းပိုင်း ဖြစ်သွားရပါတော့သည်။

ဝုန်း...

တဖက်တွင်ကား လည်နေသော လေပြင်းနှင့်အတူ ပတ်ဝန်းကျင်တစ်ခုလုံး တုန်ခါလာသည်။

" ကောင်လေး၊ အခုရပ်လိုက်တော့ ။ မင်း ငါ့ကို သတ်မိတော့မယ် "

ကြောက်မက်ဖွယ် ဖိအားကြီးကို ခံစားနေရသော ရှီလုံတစ်ယောက် လောထျန်းအား ကြောက်လန့်တကြား အော်ပြောလိုက်၏။

လောထျန်းမှာလည်း သူ့စကားကိုကြားမှ အံ့သြသွားပုံရကာ လေနတ်ဆိုး အသွင်ပြောင်းတစ်ရာထဲသို့ ချက်ချင်းဝင်သွားလိုက်သည်။

ဝုန်း ..

ထို့နောက်တွင် သူ့ကိုယ်ကို လေလမ်းကြောင်း ပြောင်းပြန်လည်၍ အဆင့်တစ်ရာ လေနတ်ဆိုးအား တားလိုက်ပါ၏။

" စိတ်မရှိပါနဲ့ဗျာ ။ ကျုပ် အဲ့အစွမ်းကို အကဲဖြတ်တာ နည်းနည်းမှားသွားတယ် ။ ကျုပ်က ဒီသိုင်းကွက်ကို အဲ့လောက်အစွမ်းမပြင်းဘူး ထင်နေတာ ။ တကယ်တော့ ဖုန့်ကျယ်က အစွမ်းနိမ့်လွန်းလို့သာ သိုင်းကွက်မှာ ပြဿနာဖြစ်သွားရတာပဲ "

လောထျန်းက ခြောက်ကပ်ကပ်ရယ်ရင်း ဆိုသည်။

တဖက်မှ သားရဲသုံးယောက်: " ................. "

ဖုန့်ကျယ်မှာ သေသွားခဲ့သည့်တိုင် လောထျန်း၏ မရည်ရွယ်ဘဲ အရှက်ခွဲခြင်းကို ခံလိုက်ရသေး၏။

ရှီလုံသည်လည်း ဘာပြောရမှန်းမသိဘဲ ဆွံ့အနေပါတော့သည်။

ထိုစဥ် တဖက်မှ လိုင်လောင်က အံကြိတ်ပြီး ရွှယ်ချန်းဘက်သို့ လှည့်ကြည့်ကာ ပြောသည်။

" ဒါဆို.. မင်းပြောခဲ့တာတွေအားလုံး အမှန်တွေပေါ့ "

ရွှယ်ချန်းက မျက်နှာပျက်စွာဖြင့် ခေါင်းညိတ်၏။

" အမှန်တွေပေါ့ကွာ.. ငါက ဘာလို့လိမ်ရမှာလဲ ။ ငါ အစောတည်းက အမှန်တွေပြောနေခဲ့ပေမယ့် မင်းတို့က မယုံခဲ့ကြဘူးလေ "

လိုင်လောင်တစ်ယောက် ခေတ္တမျှ ဆွံ့အနေပြီးမှ အလန့်တကြား အော်လိုက်သည်။

" ပြေးကြဟေ့ "

မပြေး၍လည်း ရပါမည်လား ။

ဤမျှ ကြောက်စရာကောင်းလှသော ဘီလူးမျိုးနှင့် ရင်ဆိုင်စဥ်တွင် ထွက်မပြေး​ပါက သေရန်ထိုင်စောင့်နေသည်နှင့် မခြားပါချေ။

ဝုန်း... ဝုန်း... ဝုန်း...

ကြောက်စရာကောင်းလှသော သားရဲကြီးသုံးကောင် တစ်ပြိုင်တည်းနီးပါး ဦးတည်ရာစုံသို့ ထွက်ပြေးလိုက်ကြတော့သည်။

သို့သော် .. သူတို့ ခြေလှမ်းအနည်းငယ်မျှသာ လှမ်းရသေးစဥ်မှာပင်..

ဝီ...

သူတို့ရှေ့၌ အချုပ်အနှောင် လှောင်အိမ်တစ်ခု ကျလာပါ၏။