ပဋိပက္ခ

အင်ပါယာတက္ကသိုလ် ကျောင်းအုပ်ကြီးအနေဖြင့် ကုန်းထျန်းဟောက်ကို ကောင်းကောင်းသိသည်။

ကျောင်းဖွင့်ချိန်တိုင်း ကုန်းထျန်းဟောက်ကို အောင်မြင်သော စီးပွားရေးလုပ်ငန်းရှင်တစ်ဦးအဖြစ် ဟောပြောပွဲဖိတ်ကြားလေ့ရှိသည်။ သို့သော် ကုန်းထျန်းဟောက်သည် တစ်ကြိမ်သာ လာရောက်ဟောပြောဖူးသည်။

ကုန်းထျန်းဟောက်လို လူမျိုးကို ဖိတ်ကြားဖို့အတွက် ကျောင်းအုပ်ကြီးကိုယ်တိုင် သွားရောက်တွေ့ဆုံရသည်။

မစ္စတာကျန်းသည် ကုန်းထျန်းဟောက်၏ တည်ကြည်ခန့်ညားသော မျက်နှာကို ကြည့်ပြီး ရင်တုန်သွားသည်။ သို့သော် အတင်းပြုံးပြီး ပြောလိုက်သည်။ "မစ္စတာကုန်း... ဒါက အထင်လွဲမှုတစ်ခု ဖြစ်ပါလိမ့်မယ်။ သီးသန့်ဆွေးနွေးကြရအောင်"

သူက အပြင်ဘက်မှ ကျောင်းသားများနှင့် ကျောင်းအုပ်ကြီးလီကို ကြည့်လိုက်သည်။

ကျန်းရှုယွီရောက်လာရင် အခြေအနေပိုဆိုးသွားလိမ့်မယ်။

သီးသန့်ဖြေရှင်းရင် မျက်နှာပျက်စရာ မလိုတော့ဘူး။ လျော်ကြေးပေးလိုက်ရုံပဲ။

သမီးဖြစ်သူရဲ့ အရှက်တကွဲဖြစ်မယ့်ကိစ္စထက်တော့ သက်သာသေးတယ်။

ကုန်းထျန်းဟောက်က သူ့အကြံကို သိလိုက်သည်။ နှုတ်ခမ်းမဲ့လိုက်ပြီး လှောင်ပြောင်သလို ပြောလိုက်သည်။ "မဖြစ်ပါဘူး။ ဒီကျောင်းအုပ်ကြီးရုံးခန်းထဲမှာ ဖြေရှင်းတာ ပိုကောင်းပါတယ်။ ကျောင်းအုပ်ကြီးလီလည်း ရှိနေတော့ ကျွန်တော့်ယောက်ဖရဲ့ အပြစ်ကင်းစင်မှုကို သက်သေပြနိုင်မှာပါ"

မစ္စတာကျန်း မျက်နှာပျက်သွားသည်။ ကုန်းထျန်းဟောက်က လုံးဝ အလျှော့ပေးမည့်ပုံ မပေါ်ပေ။

ထို့နောက် ရှောင်လင်းယဲ့ဘက် လှည့်ပြီး တောင်းပန်လိုက်သည်။ "ကျောင်းသားရှောင် ဦးလေး မှားသွားပါတယ်။ အမှန်တရားကို သေချာမစုံစမ်းဘဲ လာစွပ်စွဲမိတယ်။ ယွီအာနဲ့ ကျောင်းသားရှောင်က သူငယ်ချင်းတွေပဲလေ။ သီးသန့်ဖြေရှင်းကြရအောင်"

ရှောင်လင်းယဲ့က ငယ်ရွယ်သေးတော့ စိတ်ပျော့လိမ့်မယ်လို့ ထင်နေတာ။

ဒါပေမဲ့ ရှောင်မိသားစုရဲ့ မူဝါဒကို သူ မသိဘူး။

ရှောင်မိသားစုက သူများကို မထိခိုက်စေပေမယ့် သူများထိခိုက်တာကိုလည်း မခံဘူး။ သူများကို ခွင့်လွှတ်တတ်တဲ့ သူတော်ကောင်းတွေလည်း မဟုတ်ဘူး။

ရှောင်လင်းယဲ့ ပြုံးလျက် ပြောလိုက်သည်။ "မစ္စတာကျန်း၊ ဓာတ်ပုံတွေကို ကျောင်းနံရံကပ်စာစောင်မှာ ကပ်ထားတယ်။ ခင်ဗျားတို့ကလည်း လူရှေ့သူရှေ့မှာ လာစွပ်စွဲတယ်။ ဒါကြောင့် ကျွန်တော့်အပြစ်ကင်းစင်မှုကို လူရှေ့သူရှေ့မှာပဲ သက်သေပြချင်တယ်။ မဟုတ်ရင် ကျွန်တော်က အာဏာသုံးပြီး ဖြေရှင်းလိုက်တယ်လို့ လူတွေ ထင်ကုန်လိမ့်မယ်။ ကောလာဟလတွေက ကြောက်စရာကောင်းတယ်ဆိုတာ မစ္စတာကျန်းတို့ ပိုသိမှာပါ"

အရင်တုန်းက ကျန်းမိသားစုက အာဏာသုံးပြီး ရှောင်လင်းယဲ့ကို ဖိနှိပ်ခဲ့တယ်။ အခု ရှောင်လင်းယဲ့က ပြန်တုံ့ပြန်လိုက်ပြီ။

သူတို့ ဖုံးကွယ်ချင်တာကို ရှောင်လင်းယဲ့က ဖော်ထုတ်ချင်နေတယ်။

ဒီနေ့ သူ့အစ်မနဲ့ ယောက်ဖက အလုပ်တွေပစ်ပြီး လာကူညီပေးနေတာ။ သူတို့ကို စိတ်ပျက်အောင် လုပ်လို့ မရဘူး။

ပြီးတော့ ကျန်းမိသားစုနဲ့ ကျန်းရှုယွီက သူ့ကို အကြိမ်ကြိမ် ဒုက္ခပေးခဲ့တာ။ သည်းခံစရာ အကြောင်းမရှိဘူး။

ရှောင်လင်းယွီကလည်း ဝင်ပြောလိုက်သည်။ "မစ္စတာကျန်း၊ ဒီကိစ္စက ကျွန်မမောင်လေးရဲ့ သိက္ခာတင်မကဘူး၊ ရှင်တို့သမီးရဲ့သိက္ခာနဲ့လည်း သက်ဆိုင်နေတယ်။ ဒါကြောင့် လူရှေ့သူရှေ့မှာ ဖြေရှင်းတာ အကောင်းဆုံးပါပဲ"

ကျန်းမိသားစု - "......"

အားလုံး - "......"

စကားပြော ကောင်းလိုက်တာ။

ငြင်းလို့မရအောင် ပြောလိုက်တာပဲ။

နှစ်ဖက်စလုံးရဲ့ "သိက္ခာ" နဲ့ သက်ဆိုင်နေတာကိုး။

***