အခန်း (၁၄၂၆-၁၄၂၈)

အခန်း(၁၄၂၆) ငရဲကိုးသွယ်ကန်ချက်၏ ခွန်အား

ချူးယွင်ဖန်းသည် ယွင်ဟွမ်နှင့် နှိုင်းယှဉ်၍မရဟု ၎င်းတို့ထင်ထားကြသော်လည်း သူသည် တူညီသောအဆင့်တွင် ရှိနေသေးသည်။ ၎င်းကို ဝန်ခံစေရုံဖြင့် ယွင်ဟွမ်သည် အခိုင်မာဆုံးဖြစ်သည်ဟူသော အယူအဆကို ပျက်ပြယ်စေရန် လုံလောက်သည်။ ချူးယွင်ဖန်းက ၎င်းတို့ကို မည်မျှ အံ့အားသင့်စေခဲ့သည်ကို မြင်ယောင်ကြည့်နိုင်သည်။

"ချူးယွင်ဖန်း၊ မင်းက အရမ်းမာနကြီးတာပဲ။ တခြားနေရာတွေမှာတော့ မင်းအနိုင်ရနိုင်ပေမယ့် ဒီမှာကတော့ မဖြစ်နိုင်ဘူး!" ယွင်ဟွမ် ပြုံးလိုက်သည်။

ရုတ်တရက် သူက လက်တစ်ဖက်ကို ဆွဲထုတ်လိုက်ရာ မျက်စိတစ်မှိတ်အတွင်း၌ပင် မွန်းစတားသုတ်သင်သူ အစုအဝေးတစ်ခုလုံးအ သက်ဝင်လာခဲ့သည်။ ထို့နောက် ၎င်းက ရူးသွပ်စွာ လည်ပတ်လာသည်။ ခဏတာအတွင်း၌ မိုင်ဆယ်မိုင်ပိတ်လယ်ရှိ ချီဝိဉာဥ်များ ပြင်းထန်စွာ တုန်ခါလာကာ ချီနဂါးများအဖြစ်သို့ပြောင်းလဲ၍ ချူးယွင်ဖန်းကို ပြင်းထန်စွာ တိုက်ခိုက်ကြသည်။

ယွင်ဟွမ် တစ်ယောက်တည်း တိုက်ခိုက်ခဲ့စဥ်ကနှင့် ယှဥ်ပါက မွန်းစတားသုတ်သငသ်သူများ၏ စွမ်းအားကို အသုံးပြုပြီးနောက် ပို၍ အင်အားကောင်းလာသည်မှာ ထင်ရှားသည်။ လူများစွာက ချက်ချင်းနားလည်သွားကြသည်။ ယွင်ဟွမ်က မွန်းစတားသုတ်သင်သူများနယ်မြေတွင် တိုက်ခိိုက်ရန် ရွေးချယ်ခဲ့ရသည့် အကြောင်းအရင်းကို နားလည်သွားပုံရသည်။

သူသည် ဤအတွက် ပြင်ဆင်ထားခဲ့သည်မှာ ကြာပြီဖြစ်ရာ နှစ်ပေါင်းများစွာ ပြုပြင်မွမ်းမံပြီးနောက် မွန်းစတားသုတ်သင်သူများနယ်မြေပတ်လည်တွင် မရေမတွက်နိုင်အောင် များပြားလှသည့် ဖွဲ့စည်းပုံများကို မြှုပ်နှံထားခဲ့သည်။ ဤအကြောင်းကြောင့်ပင် သူသည် သဘာဝတရား၏ စွမ်းအားကို ငှားရမ်းရန် ဤဖွဲ့စည်းပုံများကို အသုံးပြုနိုင်ခဲ့ခြင်းဖြစ်သည်။

ရွှေအမတေပုံစံအဆင့်ရှိသူတစ်ဦးက သဘာဝတရား၏ စွမ်းအားကို အသုံးပြုနိုင်သော်လည်း အစုအဝေးတစ်ခုလုံးက လှုံ့ဆော်ပေးထားသည့် သဘာဝတရားနှင့်မူ မယှဥ်နိုင်ပေ။ လူအများအပြားက ဤမြင်ကွင်းကိုမြင်သောအခါ အလွန်အံ့အားသင့်သွားကြသည်။ ဤသည်က ယွင်ဟွမ်၏ စစ်မှန်သော အထွတ်အထိပ်စွမ်းအားပင်ဖြစ်သည်။ သူသည် မွန်းစတားသုတ်သင်သူများထဲတွင် အသန်မာဆုံးဖြစ်သည်။

ဘမ်း

ဘမ်း

ဘမ်း

ခဏတာအတွင်း၌ပင် ယွင်ဟွမ်က မရေမတွက်နိုင်အောင်များပြားလှသော တိုက်ခိုက်မှုများကို ထုတ်သုံးခဲ့ပြီးဖြစ်သည်။ သဘာဝတရား၏ စွမ်းအားကို ငှားယူပြီးနောက် သူ၏ မူလ အားနည်းချက်ဖြစ်သော သွေးအနှစ်သာရချို့တဲ့မှုကို လုံးလုံးလျားလျားပြုပြင်နိုင်ခဲ့သည်။

‘ဒီလူသားခွန်အားက ပိုအားကောင်းတော့ရော ဘာဖြစ်လဲ’

‘နောက်ဆုံးတော့ လူသားခွန်အားက သဘာဝတရားရဲ့ခွန်အားနဲ့ ဘယ်လိုယှဥ်နိုင်မှာလဲ’

သဘာဝတရား၏ စွမ်းအား၏ အကူအညီနှင့် သူ၏ တိုတက်ခိုက်မှုများက အဆုံးမဲ့လှကာ အချိန်မရွေးပြန်လည် အားဖြည့်နိုင်သည်။ ထိုအချိန်၌ ချူးယွင်ဖန်းသည သေသည်အထိ တိုက်ခိုက်ခံရလိမ့်မည်။

“ချူးယွင်ဖန်းတော့ သေမှာ သေချာတယ်”

ရောက်လာသူ အများအပြားက ထိုစကားကို စိတ်ထဲမှ ပြောလိုက်ကြသည်။ ၎င်းတို့ အများစုသည် သူသေဆုံး၍ ရှုံးနိမ့်သွားရန် ဆုတောင်းခဲ့ကြသည်။ ဤနည်းဖြင့် သာ တဝေတွင် အခြေအနေကို ပြန်လည်ပြင်ဆင်နိုင်မည်ဖြစ်သည်။

"စိတ်ဝင်စားစရာပဲ၊ ဒါပေမယ့် ဒီနည်းလမ်းတစ်ခုတည်းနဲ့ ငါ့ကို ဘာမှလုပ်လို့မရဘူး။" ချူးယွင်ဖန်း ကျယ်လောင်စွာ ရယ်မောလိုက်သည်။ ထို့နောက် သူ့ခန္ဓာကိုယ် ရွေ့လျားသွားကာ မရေမတွက်နိုင်အောင် များပြားလှသော လက်သီးအရိပ်များ ဖြာထွက်လာသည်။ ၎င်းတို့သည် မိုးသည်းထန်စွာ ရွာကျလာသည့်နှယ် ထူထပ်လှကာ ယွင်ဟွမ်ဆီသို့ ရောက်ရှိလာကြသည်။ ထို့နောက်တွင် ရွှေရောင်ကျောက်တုံး၏ အရိပ်တစ်ခု ပေါ်လာပြီး သူ၏အမြန်နှုန်းသည် အဆုံးစွန်သို့ မြင့်တက်လာသည်။

အသက်ဓာတ်ချီမှ ဖွဲ့စည်းထားသော ဤစွမ်းအင်နဂါးတစ်ကောင်ချင်းစီသည် အလွန်ကြောက်မက်ဖွယ်ကောင်းသည်။ မွန်းစတားသုတ်သင်သင်များအစည်းအရုံး၏ လှုပ်ရှားမှုအောက်တွင် ၎င်းတို့အားလုံးနီးပါးသည် ရွှေအမတေပုံစံအဆင့်၏ တိုက်ခိုက်မှုထက် အားနည်းခြင်းမရှိပေ။ ရာနှင့်ချီသော လက်သီးချက်များ ကျရောက်နေချိန်တွင် သာမန် ရွှေအမတေပုံစံအဆင့်ရှိသူ တစ်ဦးပင် ထိုရှုပ်ထွေးသော လက်သီးချက်များဖြင့် သေဆုံးနိုင်သည်။

သို့သော်လည်း ချူးယွင်ဖန်းသည် သာမန်လူတစ်ဦးမဟုတ်ကြောင်း ထင်ရှားသည်။ သူသည် အခက်အခဲများကို ရင်ဆိုင်ပြီး အရှုံးမပေးဘဲ တိုက်ခိုက်မှုများကို ရင်ဆိုင်ခဲ့သည်။

ကြောက်မက်ဖွယ်ကောင်းသော တိုက်ခိုက်မှုနှစ်ခုသည် ချက်ချင်းပင် ထိပ်တိုက်တွေ့သွားသည်။ လေထုသည် ထိုတိုက်ခိုက်မှုကို မခံနိုင်တော့သကဲ့သို့ အရပ်မျက်နှာအားလုံးသို့ ပျံ့နှံ့သွားသော ကြောက်မက်ဖွယ်ကောင်းသော နောက်ဆက်တွဲငလျင်တစ်ခု ဖြစ်ပေါ်လာသည်။ မွန်းစတားသုတ်သင်သူများဂိုဏ်း၏ ခရမ်းရောင်ဖျော့ဖျော့အတားအဆီးများသည် တစ်ခုပြီးတစ်ခု အသက်ဝင်လာပြီး ဂိုဏ်းတစ်ခုလုံးကို ကာကွယ်ပေးသည်။ သို့သော် မြေပြင်သည် အပိုင်းပိုင်းကွဲထွက်သွားသည်။

လူအမြောက်အမြား၏ မျက်ဝန်းများ အနည်းငယ်ကျုံ့သွားကြသည်။ နှစ်ဦးကြားမှတိုက်ပွဲက ကြောက်မက်ဖွယ်ကောင်းသောအဆင့်သို့ရောက်ရှိနေပြီဖြစ်သည်။

"ယွင်ဟွမ်က သဘာဝစွမ်းအားကို ငှားပြီးတိုက်ခိုက်ခဲ့ပေမယ့် ချူးယွင်ဖန်းက သူ့ကိုယ်ပိုင်အစွမ်းနဲ့တားခဲ့တယ်ပေါ့”

"ဒါဘယ်လိုဖြစ်နိုင်မှာလဲ။ ချူးယွင်ဖန်းရဲ့ ရုပ်ပိုင်းဆိုင်ရာ ကျင့်ကြံမှုက ဘယ်အဆင့်ကို ရောက်နေပြီလဲ။ သူ့ရဲ့ သွေးအနှစ်သာရကအဆုံးမရှိဘူး”

"လွန်ခဲ့တဲ့ သုံးလက ယွင်ဟွမ်က ချူးယွင်ဖန်းဟာ သူ့ရဲ့ပြိုင်ဘက်မဟုတ်ဘူးလို့ ကိုယ်တိုင်ပြောခဲ့တယ်။ ဒါပေမယ့် သုံးလအကြာမှာတော့ အရာအားလုံး ပြောင်းပြန်ဖြစ်သွားတယ်။"

ချူးယွင်ဖန်း ရှုံးနိမ့်လိမ့်မည်ဟု မျှော်လင့်ခဲ့ကြသူများသည် ဤမြင်ကွင်းကိုမြင်ကာ နှလုံးသားများ ညှိုးငယ်သွားကြသည်။ ချူးယွင်ဖန်းသည် သဘာဝတရား၏ စွမ်းအားကို သူကိုယ်တိုင် တိုက်ခိုက်ခဲ့သည်။ ခဏတာသာ ဖြစ်လျှင်ပင် အလွန်အံ့အားသင့်စရာပင်ဖြစ်ကာ ယင်းက ၎င်းတို့ စိတ်ကူးနိုင်သည့်အရာမဟုတ်ပေ။

“ချူးယွင်ဖန်း ငါ့ဆီက နောက်တစ်ချက် ခံကြည့်စမ်း” ယွင်ဟွမ်က ကြုံးဝါးလိုက်သည်။ သူသည် ထိုကြယ်တာရာရိုက်ချက်ကို ပေါ့ပါးစွာ အသုံးပြု၍ ရိုက်ချလိုက်ရာ ကောင်းကင်တွင် အပေါက်ကြီးတစ်ခု ဖြစ်ပေါ်လာသည်။ ဤကြီးမားသော လက်ဝါးရာကြီးက ချူးယွင်ဖန်းကို ရည်ရွယ်ထားခြင်းဖြစ်သည်။

ဤတိုက်ခိုက်မှုက ယခင်ကထက် များစွာပိုမိုပြင်းထန်သည်။ မွန်းစတားသုတ်သင်သူများအနီးတစ်ဝိုက်ရှိ ဝိဉာက်စွမ်းအင်များကို စုစည်းလိုက်သည်။ ထို့နောက် ယွင်ဟွမ်၏ ထိန်းချုပ်မှုအောက်၌ ချူးယွင်ဖန်းကို တိုက်ခိုက်လိုက်သည်။

"ဟားဟား၊ အချိန်ကိုက်ပဲ!"

ချူးယွင်ဖန်းက လုံးဝကြောက်ရွံ့ခြင်းမရှိပေ။ သူသည် ခုန်တက်၍ အတောင်များကို ဖြန့်ကျက်လိုက်သည်။ ထို့နောက် စတင်တိုက်ခိုက်ခဲ့သည်။

သူက လက်နှစ်ဖက်ကို ဖြန့်ကားလိုက်ကာ ကောင်းကင်တစ်ခွင် ရွှေရောင်အလင်းတန်းများအဖြစ်ပြောင်းလဲသွားသည်။ ချက်ချင်းပင် သူသည် လေထဲတွင်ရှိနေသည့် ကြယ်တာရာရိုက်ချက်ကို ဆုတ်ဖြဲလိုက်သည်။

“ဒီအဆင့်တစ်ခုတည်းနဲ့ ငါ့ကို အနိုင်ယူဖို့ မလုံလောက်ဘူး။ ယွင်ဟွမ်၊ မင်း အခုတိုက်ခိုက်နေတာ၊ အခု ငါ့အလှည့်ပဲ" ချူးယွင်ဖန်းးက အမြင့်ဆုံးနေရာကို ပျံသန်းသွားကာ ယွင်ဟွမ်ကို ငုံံကြည့်လိုက်သည်။

"အရင်က ယွမ်ထျန်းက ငါ့ရဲ့ ခြေလှမ်းနှစ်လှမ်းပဲ ခံနိုင်ရည်ရှိခဲ့တယ်။ ငါ့ရဲ့ ခြေလှမ်းဘယ်နှစ်လှမ်းကို မင်း ခံနိုင်ရည်ရှိမလဲ ငါသိချင်တယ်!"

"ငရဲကန်ချက် ပထမအချက်”

လူတိုင်း အံ့အားသင့်နေကြစဥ်တွင် ယခုတင် လူတိုင်းကို အံ့အားသင့်စေခဲ့သည့်ပြိုင်ဘက်ကင်းး သိုင်းပညာက ပြန်ပေါ်လာပြန်သည်။ ချူးယွင်ဖန်းက သူ့ခြေထောက်နှင့် ချနင်းကာ မြေအောက်ကမ္ဘာ ရေများနှင့်ပြည့်နေသော ကောင်းကင်ကိုသယ်ဆောင်လာသည်။

ချူးယွင်ဖန်း၏ လှုပ်ရှားမှုကို ရင်ဆိုင်ရသောအခါ ယွင်ဟွမ်၏ အမူအရာက အလွန်တည်ကြည်နေသည်။ သူ လျှော့တွက်ဝံ့ခြင်း မရှိပေ။ ဤလှုပ်ရှားမှုကသာ သူ့တပည့်ကို အနိုင်ယူနိုင်ခဲ့သည်။

“ကြယ်တာရာရိုက်ချက်!” ယွင်ဟွမ်၏ လက်ဝါးပေါ်ထွက်လာကာ ချူးယွင်ဖန်း၏ ငရဲကန်ချက်နှင့် ထိမှန်သွားသည်။

ဘမ်း

ကြီးမားသော ပေါက်ကွဲမှုအပြီးတွင် လူတိုင်းက ယွင်ဟွမ်သည် ချူးယွင်ဖန်းနှင့် တန်းတူဖြစ်ကြောင်း မြင်တွေ့လိုက်ကြရသည်။

မွန်းစတားသုတ်သင်သူများအားလုံး ဂုဏ်ယူဝင့်ကြွားနေပုံရသည်။ ချူးယွင်ဖန်း၏တိုက်ခိုက်မှုသည် ထိုမျှလောက်အစွမ်းထက်ပုံမပေါ်ပေ။ သို့သော် အမတေမဲ့အဆင့်များသည် ချူးယွင်ဖန်းအတွက် အစသာရှိသေးသောကြောင့် ပေါ့ပေါ့တန်တန်မဖြစ်နေပေ။

"မဆိုးပါဘူး။ မင်းငါ့ရဲ့တိုက်ခိုက်မှုကို ခံနိုင်ရည်ရှိခဲ့တယ်။ နောက်တစ်ခု၊ ဒုတိယငရဲကန်ချက်”

ချူးယွင်ဖန်းက ထပ်မံတိုက်ခိုက်ရာ ယခင်နှင့် နှိုင်းယှဉ်ပါက စွမ်းအားမှာ ရုတ်တရက် သိသိသာသာ မြင့်တက်လာသည်။

ဘမ်း

ဤတိုက်ခိုက်မှုက ယွင်ဟွမ်၏ ခန္ဓာကိုယ်ပေါ် တည့်တည့်သို့ကျသွားသည်။ သူယခင်ကကဲ့သို့ စိတ်အေးလက်အေးမဟုတ်တော့ပေ။ နောက်ဆုံးတွင် သူ့ကိုယ်သူ တည်ငြိမ်သည်အထိ ထိန်းပြီးမှ

ခြေလှမ်းအနည်းငယ်နောက်ဆုတ်လိုက်သည်။ သို့သော် သူ့မျက်နှာက ဖြူဖျော့သွားကာ သွေးတစ်ပွက် ချက်ချင်း အန်ထုတ်လိုက်သည်။

ခဏလေးအတွင်း၌ပင် သူ အပြင်းအထန် ဒဏ်ရာရရှိသွား၏။

အခန်း(၁၄၂၇) ယွင်ဟွမ်၏ အရှုံး

ချူးယွင်ဖန်းက ယွင်ဟွမ်ကို နင်းချေလိုက်ရာ ယွင်ဟွမ်က သွေးအန်ရင်း နောက်ဆုတ်သွားသည်။

ချက်ချင်းပင် ရင်ပြင်တစ်ခုလုံး တိတ်ဆိတ်သွားသည်။ ဤမြင်ကွင်းကို ကြည့်ရင်း လူတိုင်း၏မျက်လုံးများ ပြူးကျယ်သွားသည်။ ၎င်းသည် မယုံနိုင်စရာ အံ့ဖွယ်အမှုတစ်ခုသာ ဖြစ်သည်။ ၎င်းတို့ကိုယ်တိုင် မမြင်ဖူးပါက ယုံမည်မဟုတ်ပေ။ မွန်းစတားသုတ်သင်သူများနယ်မြေ စည်းချိပ်များ၏ အကူအညီဖြင့်ပင် သူသည် ချူးယွင်ဖန်းကို ရှုံးနိမ့်ခဲ့သည်။

အချို့လူများသည် စိတ်ပျက်လက်ပျက်ဖြစ်ကုန်ကြသည်။ ချူးယွင်ဖန်း၏ ခွန်အားက ၎င်းတို့ကို စိတ်ပျက်အားငယ်စေသဖြင့် အသက်ရှုရသည်ပင် ခက်ခဲလျက်ရှိသည်။

"မွန်းစတားသုတ်သင်ရေး ကျောက်တိုင်”

ထိုအချိန်၌ပင် ယွမ်ထျန်း၏ ခန္ဓာကိုယ်ပေါ်၌ ရှိသော ကျောက်တိုင်အသေးလေးက လွင့်ထွက်သွားသည်။ ထိုမှသာ ဤကျောက်တိုင်ကို ပိုင်သူက ယွင်ထျန်းမဟုတ်ဘဲ ယွင်ဟွမ်ဖြစ်ကြောင်း သိလိုက်ကြရသည်။ ယွင်ဟွမ်က ကျောက်တိုင်လေးကို ပေါ့ပါးစွာ ခေါ်လိုက်သည်။ ထို့နောက် ရုတ်တရက် သူ့ခန္ဓာကိုယ်ထဲသို့ ပေါင်းစပ်သွားသည်။

"ကြယ်တာရာ တိုက်ခိုက်မှု”

ယွင်ဟွမ်က တန်ပြန်တိုက်စစ်ဆင်လိုက်သည်။ သူသည် ချူးယွင်ဖန်းကို ဤကဲ့သို့ ရှုံးနိမ့်ရန် ဆန္ဒမရှိပေ။

ဘမ်း

ချူးယွင်ဖန်း၏ လက်ဖဝါးကို ထွက်လာသည်နှင့် ထိုလက်ဝါးဆန္ဒသည် ယှဥ်နိုင်စရာမရှိသော မွန်းစတားသုတ်သင်ရေးကျောက်တိုင်အဖြစ်ပြောင်းလဲသွားခဲ့ကာ ချူးယွင်ဖန်းထံသို့ ရက်စက်စွာ ရောက်ရှိသွားသည်။ ယွင်ထျန်း၏ လက်ထဲတွင် ရှိနေခဲ့စဥ်ကနှင့် ယှဥ်ပါက ယင်းသည် အနည်းဆုံး အဆပေါင်းများစွာ ပိုမို အားကောင်းသည်။ ဤသည်က တိုက်ခိုက်မှုနှင့် ခုခံကာကွယ်မှု ပေါင်းစပ်မှုတစ်ခုဖြစ်သည်။ ကြောက်မက်ဖွယ်ကောင်းသော တိတုက်ခိုက်မှုအမျိုးမျိုးသည် ချက်ချင်းပင် ပေါက်ကွဲထွက်ပေါ်လာသည်။ ဤတိုက်ခိုက်မှုများအားလုံးက လှိုင်းလုံးကြီးတစ်ခုအဖြစ်ပြောင်းလဲသွားကာ ချူးယွင်ဖန်းဆီသို့ ပျံ့နှံ့သွားခဲ့သည်။

ဤအချိန်၌ ချူးယွင်ဖန်းက စတင်လှုပ်ရှားလိုက်သည်။

“အခြေအနေကို ပြောင်းလဲဖို့ မဖြစ်နိုင်ဘူး”

သူက ကျယ်လောင်စွာ‌အော်ဟစ်ကာ

ဤအချိန်တွင် ချူးယွင်ဖန်းသည် သူ့ခြေဖဝါးအောက်မှ ရေများ ဆူပွက်လာပြီးနောက် မွန်းစတားသုတ်သင်သူများကျောက်တိုင်ငယ်ကို ဖိနှိပ်သည့် လွှမ်းမိုးနိုင်သော အင်အားတစ်ခုဖြစ်လာသည်။

ဘမ်း

နှစ်ဖက်စလုံးမှ ကြောက်မက်ဖွယ်ကောင်းသော တိုက်ခိုက်မှုများ တစ်ဖန်ပြန်လည် ရင်ဆိုင်တွေ့ခဲ့ကြသည်။ ယွင်ဟွမ်နှင့် မွန်းစတားသုတ်သင်သူ ကျောက်တိုင်တို့ ပေါင်းစည်းသွားပြီး တိုက်ခိုက်မှု၏ စွမ်းအားသည် ယခင်ကန့်သတ်ချက်ထက် များစွာကျော်လွန်သွားသည်။

သို့သော်လည်း ချူးယွင်ဖန်း၏ တတိယမြောက် မြေအောက်ကမ္ဘာ ခြေမှုန်းချက်၏ စွမ်းအားသည် ယခင်နှစ်ခုထက် သိသိသာသာ ပိုမိုအားကောင်းသည်။ နှစ်ဖက်စလုံးသည် ၎င်းတို့၏ အမြင့်ဆုံးတိုက်ခိုက်မှုများကို အသုံးပြုခဲ့ပြီး နောက်ဆက်တွဲငလျင်သည် မိုင်ဆယ်ကျော်အချင်းဝက်အတွင်းရှိ မိုးတိမ်အားလုံးကို ဖြိုခွဲခဲ့သည်။ နောက်ဆက်တွဲငလျင်သည် ရင်ပြင်သို့ ပျံ့နှံ့သွားပြီး ရင်ပြင်ပေါ်ရှိ ကာကွယ်ရေးအတားအဆီးအလွှာများစွာကို ဖျက်ဆီးခဲ့သည်။ ကာကွယ်ရေးအတားအဆီးအလွှာများစွာမရှိလျှင် ကြည့်ရှုသူများသည် ထိုနေရာတွင်ပင် ထိခိုက်နစ်နာသွားမည်ဖြစ်သည်။

ဤမြင်ကွင်းကို မြင်သောအခါ လူတိုင်း၏ အမူအရာများ ပြောင်းလဲသွားသည်။ နှစ်ဖက်စလုံးကတိုက်ခိုက်ကြကာ ၎င်းတို့၏ တိုက်ခိုက်မှုစွမ်းအားကို အဆက်မပြတ် တိုးမြှင့်လာကြသည်။ ယင်းက လူတိုင်းစိတ်တကူးနိုင်သော စိတ်ကူးဉာဏ်ထက် အဆပေါင်းမျာမးစွာ ကျော်လွန်နေသည်။

“ဒါက လုံးဝ မတူညီတဲ့အဆင့်မှာ ရှိတယ်”

"ဒီတိုက်ပွဲကို ငါ့ဘဝမှာ ကိုယ်တိုင် မြင်တွေ့ခွင့်ရတာနဲ့ နောင်တမရဘဲသေလို့ရနေပြီ”

ထိုရွှေအမတေများ၊ အထူးသဖြင့် အမတေမဲ့အဆင့်၏ အထွတ်အထိပ်ရှိသူများသည် ဤမြင်ကွင်းကိုမြင်သောအခါ မျက်ရည်များဝဲလာသည်ကို ခံစားလိုက်ရသည်။ ၎င်းတို့သည် အလွန်စိတ်လှုပ်ရှားနေသောကြောင့် ကိုယ့်ကိုယ်ကိုယ် မထိန်းချုပ်နိုင်ခဲ့ပေ။ ရွှေအမတေပုံစံအဆင့်သို့ လှမ်းတက်ရန် ခက်ခဲသည်။ ၎င်းတို့ဘဝတွင် ဤသို့သော အခွင့်အရေးကို ဘယ်သောအခါတွင်မျှ ရရှိမည်မဟုတ်ပေ။

၎င်းတို့က ရွှေအမတေပုံစံအဆင့်အကြောင်းအရာအားလုံးကို ခန့်မှန်းရုံသာရှိကာ ကိုယ်တိုင်မမြင်ဖူးကြပေ။ သို့သော် ယခုမူ ရွှေအမတေပုံစံအဆင့်၏ လုပ်ဆောင်ချက်ကို နောက်ဆုံးတွင် မြင်တွေ့ခဲ့ရပြီဖြစ်သည်။

ဤသည်က လူသားအစွမ်းက မည်မျှ အတိုင်းအတာအထိ အောင်မြင်နိုင်သည်ကို ၎င်းတို့ တကယ် နားလည်စေခဲ့သည်။ ယင်းက ၎င်းတို့အတွက် ရှင်းလင်းသော လမ်းကြောင်းကို ညွှန်ပြနေသကဲ့သို့ပင်ဖြစ်သည်။

၎င်းတို့ ဆက်မတွေးနိုင်ခင်တွင် နှစ်ဖက်တိုက်ပွဲ၏ ရလဒ်ကို ဆုံးဖြတ်ပြီးပြီဖြစ်သည်။ သို့သောာာ် ဤကြောက်မက်ဖွယ်ကောင်းသော တိုက်ဆိုင်မှုတွင် လူတစ်ဦးက ပထမဆုံး ပျံထွက်လာသည်။ လူတိုင်း၏ မျက်လုံးများက ယင်းကို အာရုံစိုက်လိုက်သောအခါ ယင်းက အမှန်ပင် ဂိုဏ်းခေါင်းဆောင် ယွင်ဟွမ်ဖြစ်ကြောင်း သိလိုက်ကြသည်။

“ဘာ… ဘယ်လိုဖြစ်နိုင်မှာလဲ”

လူအများအပြားက မယုံနိုင်စွာ အံ့သြတကြီးဖြင့် အသက်ရှူမှားသွားကြသည်။

ယွင်ဟွမ် မအောင်မြင်ခဲ့ပေ။ မိစ္ဆာနှိမ်နင်းရေး ကျောက်တိုင်နှင့် ပေါင်းစပ်ပြီးနောက် သူ၏ခွန်အားသည် အထွတ်အထိပ်သို့ ပြန်လည်ရောက်ရှိခဲ့သည်။ သို့သော် ချူးယွင်ဖန်းနှင့် တိုက်မိရာတွင်မူ မအောင်မြင်ခဲ့ပေ။

အထူးသဖြင့် မွန်းစတားသုတ်သင်သူများတပည့်များအားလုံးက သူတို့၏နတ်ဘုရားကဲ့သို့သောဂိုဏ်းခေါင်းဆောင် ကျရှုံးလိမ့်မည်ဟု မယုံနိုင်ကြပေ။ သူတို့၏ယခင်အတွေးများတွင် ဤသည်မှာ လုံးဝမဖြစ်နိုင်ခဲ့ပေ။

"ဂိုဏ်းခေါင်းဆောင်က ချူးယွင်ဖန်းထက် ဘယ်လိုလုပ် အဆင့်နိမ့်မှာလဲ" တပည့်တစ်ယောက်က အော်လိုက်သည်။ မွန်းစတားသုတ်သင်သူများအားလုံး မယုံနိုင်ပေ။

ယွင်ဟွမ်က သွေးတစ်ပွက်အန်ထုတ်လိုက်သည်။ သူ့ရင်ဘတ်ထဲတွင် အဖုတစ်ခုကို ခံစားလိုက်ရကာ သူ့အတွင်းအင်္ဂါများ ပြင်းထန်စွာ တုန်ခါသွားသည်။ ယခုတိုက်ခိုက်မှုအောက်တွင် သူသည် ချူးယွင်ဖန်းကို တိုက်ခိုက်ရန် အစွမ်းကုန်အသုံးပြုခဲ့သော်လည်း နောက်ဆုံးတွင် မအောင်မြင်ခဲ့ပေ။ မည်မျှပင် မလိုလားပါစေ ချူးယွင်ဖန်းသည် အစွမ်းထက်သည်ဟူသောအချက်ကို လက်ခံရမည်ဖြစ်သည်။

သူ့မျက်လုံးများ မယုံကြည်နိုင်စွာ တောက်ပသွားသည်။ ချူးယွင်ဖန်းကို သူ၏ ပြိုင်ဘက်ဖြစ်လာကာ ဓားသွေးကျောက်ဖြစ်လာစေချင်သော်လည်း သုံးလအတွင်း၌ပင် ချူးယွင်ဖန်းက အလွန် အစွမ်းထက်လာခဲ့သည်။ သို့သော် ချူးယွင်ဖန်းကို သူ့အထက်၌ အပြည့်အဝ ရှိနေစေချင်ခြင်းမျိုးမဟုတ်ပေ။

ချူးယွင်ဖန်းက ယွင်ဟွမ်ကို အေးစက်စက်ကြည့်လိုက်သည်။

"မဆိုးပါဘူး၊ ခင်ဗျားက ကျုပ်ရဲ့ တတိယမြောက် ငရဲနင်းချက်ကို ခံနိုင်ရည်ရှိတယ်။ ခင်ဗျားက ခင်ဗျားရဲ့ နာမည်နဲ့ ထိုက်တန်တယ်လို့ ယူဆလို့ရပေမယ့် အရာအားလုံးက ဒီမှာ ပြီးဆုံးသွားပြီ။ နောက်တစ်ဆင့်နဲ့ ခင်ဗျားကို ကျုပ်

အပြီးသတ်ပစ်မယ်!"

ချူးယွင်ဖန်းသည် ယွင်ဟွမ်အပေါ် သူ၏ထောက်ခံမှုကို ဖော်ပြခဲ့သော်လည်း ယခုအချိန်တွင် မည်သူမျှ တစ်စုံတစ်ရာမှားယွင်းနေသည်ဟု မခံစားရပေ။ ချူးယွင်ဖန်းသည် ယွင်ဟွမ်အပေါ် မှတ်ချက်ပေးရန် အရည်အချင်းပြည့်မီသည်ဟု ၎င်းတို့ ခံစားကြရသည်။

ချူးယွင်ဖန်းသည် ယွင်ဟွမ်၏နေရာကို အစားထိုး၍ နံပါတ်တစ်ဖြစ်လာနိုင်ကြောင်း သိရှိလိုက်ရသောအခါ လူအများအံ့အားသင့်သွားကြသည်။ ဤအရာအားလုံးသည် နောက်ဆုံးအကွက်—အနိုင်ရသူကို ဆုံးဖြတ်ပေးမည့် နောက်ဆုံးအကွက်တွင် ရှိနေသည်။

လူအများထင်ထားသလို ရှည်လျားတဲ့တိုက်ပွဲတစ်ခုမဟုတ်ပေ။ နှစ်ဘက်ကြားမှ ကွာဟချက်က ရှင်းရှင်းလင်းလင်းရှိနေသည်ဖြစ်ရာ ယွင်ဟွမ် နောက်ထပ် မခံနိုင်တော့သည်မှာလည်း ရှင်းနေသည်။

"အစ်ကိုဖန် အနိုင်ရလိမ့်မယ်။ သူရှုံးမှာမဟုတ်ဘူးလို့ ငါပြောပြီးပြီ!" ချူးဟုန်ချိုင်က ရင်ပြင်ပေါ်က လူအုပ်ကြားထဲမှ အော်ဟစ်လိုက်သည်။ ဤသည်က မွန်းစတားသုတ်သင်သူများဂိုဏ်းတပည့်များစွာ၏ မကျေမနပ်မှုများကို ဆွဲဆောင်ခဲ့သည်။ သို့သော် သူဂရုမစိုက်ပေ။ ၎င်းတို့ ရောက်လာသည့်အချိန်တွင် မထီမဲ့မြင်ပြုမှု များစွာ ခံစားခဲ့ကြရသည်။

မိစ္ဆာနှိမ်နင်းရေးတပည့်များစွာက ၎င်းတို့ကိုယ် ၎င်းတို့အထင်ကြီးလွန်းလှသဖြင့် လှောင်ပြောင်ခဲ့ကြသည်။ ထို့နောက် အရာအားလုံးကို ၎င်းတို့ မျက်စိရှေ့၌ပင် ပြောင်းပြန်လှန်ပစ်လိုက်ကြသည်။

"မင်းငါ့ကိုအနိုင်ယူချင်တာလား။ မဖြစ်နိုင်ဘူး!" ယွင်ဟွမ်အော်လိုက်သည်။ သူက လက်နှစ်ဖက်ဖြင့် လေကိုဆုပ်ကိုင်လိုက်ကာ ပတ်ဝန်းကျင်ရှိ သဘာဝဝိညာဉ်စွမ်းအင်ကို ကြောက်မက်ဖွယ်ကောင်းသောအဆင့်ဖြင့် ဆုပ်ကိုင်လိုက်သည်။ သူသည် ဆယ်မိုင်ပတ်လည်အတွင်းရှိ သဘာဝဝိညာဉ်စွမ်းအင်အားလုံးကို စုဆောင်းလိုက်သည်။

ထို့နောက် ၎င်းသည် သူ့ခန္ဓာကိုယ်ထဲသို့ ရူးသွပ်စွာ ထိုးဖောက်ဝင်ရောက်လာသည်။ ဤသည်မှာ သဘာဝတရား၏ စွမ်းအားကို ငှားရမ်းနိုင်သော လျှို့ဝှက်နည်းစနစ်တစ်ခုဖြစ်ကာ သူ၏ ရောင်ဝါကို အဆင့်များစွာ ပိုမို အင်အားကောင်းလာစေသည်။ ၎င်းသည် ချူးယွင်ဖန်းထံသို့ တိုက်ခတ်လာသော ကြောက်မက်ဖွယ်ကောင်းသော လှိုင်းလုံးကြီးတစ်ခုအဖြစ်သို့ ပြောင်းလဲသွားသည်။ နောက်ထပ် မွန်းစတားသုတ်သင်ရေး ကျောက်တိုင်တစ်ခုက သူ့ကို ရုတ်တရက် ဖိနှိပ်လိုက်သည်။

ချူးယွင်ဖန်းလည်း သူ၏လှုပ်ရှားမှုကို ပြုလုပ်ခဲ့သည်။

"စတုတ္ထမြောက် ငရဲကန်ချက်”

စတုတ္ထအချီတွင် ချူးယွင်ဖန်း၏ လှုပ်ရှားမှုများသည် အနည်းငယ် နှေးကွေးသွားခဲ့သည်။ သူ၏ ခွန်အားအားလုံးကို အသုံးပြုပြီးဖြစ်သောကြောင့် ယခင်ကကဲ့သို့ ချောမွေ့စွာ လှုပ်ရှားနိုင်ခြင်း မရှိပေ။

ဘမ်း

နှစ်ဖက်စလုံး တစ်ဖန်ပြန်လည် တိုက်ခိုက်ကြသည်။ ကမ္ဘာကြီးကို ဖျက်ဆီးနိုင်ပုံရသော စွမ်းအားသည် ထိုဟာကွက်ကို ဖျက်ဆီးလိုက်ပြီး လူတိုင်း၏ မြင်ကွင်းကို ပိတ်ဆို့လိုက်သည်။ လူတိုင်း တုံ့ပြန်နိုင်ခြင်း မပြုမီတွင်ပင် လူတစ်ဦးလွင့်ထွက်သွားသည်ကို မြင်လိုက်ရသည်။

ထိုလူကား ယွင်ဟွမ်မှလွဲ၍ အခြားသူမဟုတ်ပေ။

လူတိုင်း အံ့သြမှင်သက်သွားကြသည်။

ယွင်ဟွမ် ရှုံးသွားပြီ။

အခန်း(၁၄၂၈) ကမ္ဘာနံပါတ်တစ်ကျွမ်းကျင်သူ ပြောင်းလဲခြင်း

လူတိုင်း အံ့သြမှင်သက်သွားကြသည်။

ယွင်ဟွမ် ရှုံးနိမ့်သွားပြီ!

ဤတစ်ကြိမ်တွင် ယွင်ဟွမ်က ရင်ပြင်၏ အလယ်တည့်တည့်သို့ ဝင်တိုက်မိကာ ဒဏစ်ရာပြင်းထန်စွာ ဒဏ်ရာရရှိခဲ့သည်။ သွေးတစ်ပွက် အန်ထုတ်လိုက်ကာ အလွန် ဆိုးရွားလှသော အခြေအနေ၌ ရှိနေသည်။ သူသည် ယခင်ကလောက် စိတ်ဓာတ်တက်ကြွမှုမရှိတော့ပေ။

လူတိုင်းက မွန်းစတတားသုတ်သင်သူများ၏ ခုခံကာကွယ်ရေးအတားအဆီးများ အသက်ဝင်လာကာ ချူးယွင်ဖန်းကို တိုက်ခိုက်မှုမျိုးစုံနှင့် တိုက်ခိုက်ကြတော့မည်ဟု ခံစားလိုက်ကြရသည်။

မွန်းစတားသုတ်သင်သူများအားလုံး ဒေါသထွက်နေကြသည်။ ချူးယွင်ဖန်းပေါ်လာသည်နှင့် ၎င်းတို့ဂိုဏ်း၏ ထောက်တိုင်နှစ်တိုင်ကို ချိုးဖဲ့ပစ်လိုက်သည်။ ထို့ကြောင့် ချူးယွင်ဖန်းအပေါ် ၎င်းတို့ မည်မျှ ဒေါသထွက်သည်ကို တွေးကြည့်နိုင်သည်။ ချူးယွင်ဖန်းက မည်သို့မျှမလုပ်ဘဲ ထိုင်နေမည့်သူမဟုတ်ပေ။ သူက သဘာဝအတိုင်း ဒုက္ခကို လက်ခံမည့်သူမဟုတ်ပေ။ သူ လှောင်ရယ်လိုက်ရုံဖြင့် ငရဲရေများ သူ့ခြေထောက်အောက်မှ ဆူပွက်လာသည်။ ထို့နောက် တောင်တစ်ခုလုံးကို ပြားချပ်သွားသည်အထိ လုပ်ချင်စိတ်ဖြင့် နောက်တစ်ချက် ကန်တော့မည်ထင်ရ၏။

ယွင်ဟွမ်က သူ့ကို မထိန်းချုပ်သည့်အပြင် သူသည် မွန်းစတားသုတ်သင်သူများကို မျက်လုံးထဲမထည့်ခဲ့ပေ။ တိုက်ခိုက်၍ ရသည် ဆုတ်ခွာ၍ ရသည်ဟူသော ဆိုရိုးစကားအတိုင်းပင်ဖြစ်ကာ မွန်းစတားသုတ်သင်သူများက သူ့ကို မည်ကဲ့သို့ကိုင်တွယ်နိုင်မည်နည်း။

သို့သော် ဤအချိန်တွင် အသံတစ်သံ ထွက်ပေါ်လာသည်။

“ရပ်ကြစမ်း”

လူတိုင်းခေါင်းမော့ကြည့်လိုက်ကြရာ ထိုသူမှာ မွန်းစတားသုတ်သင်သူများဂိုဏ်းချုပ် ယွင်ဟွမ်မှတတပါး အခြားသူမဟုတ်ကြောင်း တွေ့လိုက်ရသည်။ သူ တဖြည်းဖြည်းထရပ်၍ ဒဏ်ရာကို ဆွဲကာ သွေးတစ်ပွက် အန်ထုတ်လိုက်သည်။ တပည့်များအားလုံးက ဒေါသထွက်နေကြသော်လည်း ၎င်းတို့၏ ဆရာကို မနာခံဘဲ မနေဝံ့ကြပေ။ ချူးယွင်ဖန်းကို ဤနေရာတွင် ထားရန် အကြံအစည်ကို စွန့်လွှတ်ရုံသာ တတ်နိုင်ကြသည်။

ယွင်ဟွမ်က လေထဲကို ဖြည်းဖြည်းချင်း လျှောက်သွားသည်။

"ကရုဏာပြပေးတဲ့အတွက် ကျေးဇူးတင်ပါတယ်"

ယွင်ဟွမ်၏ စကားလုံးများကို ကြားသောအခါ ချူးယွင်ဖန်းက အစွမ်းကုန်တိုက်ခီုက်နေသည်ဟုထင်ရသော်လည်း တကယ်တမ်းတွင် ထိန်းထားကြောင်း သဘောပေါက်သွားကြသည်။ ဤအတွက် မည်သူမျှ ယွင်ဟွမ်ကို လျှော့တွက်မည်မဟုတ်ပေ။

သို့သော် ချူးယွင်ဖန်းအပေါ် ၎င်းတို့၏ အကဲဖြတ်မှုက ပို၍ မြင့်မားလာကာ ၎င်းတို့ ပိုမို အံ့အားသင့်သွားကြသည်။ ဤသို့သော တိုက်ပွဲမျိုးက ၎င်းတို့သာဆိုလျှင် တိုက်ခိုက်ရန်သာ ဂရုစိုက်၍ အခြား မည်သည်ကိုမျှ ဂရုစိုက်မည်မဟုတ်ပေ။ ချူးယွင်ဖန်းသာ အစွမ်းကုန်တိုက်ခိုက်ခဲ့လျှင် ၎င်းတို့ ရှုံးနိမ့်သွားနိုင်သည်။

ချူးယွင်ဖန်းသည် ဤတိုက်ပွဲတွင် ခုခံနိုင်ဆဲဖြစ်သည်။ ဤသည်မှာပင် အံ့ဖွယ်အမှုတစ်ခုဖြစ်သည်။ ဆိုလိုသည်မှာ အစမှအဆုံးအထိ အရာအားလုံးသည် သူ၏ထိန်းချုပ်မှုအောက်တွင်ရှိနေပြီး သူခုခံနိုင်ဆဲဖြစ်သည်။ ချူးယွင်ဖန်းသည် မည်မျှအစွမ်းထက်သည်ကို မြင်နိုင်သည်။

သာမန်လူများ စိတ်ကူး၍ပင် မရနိုင်သည့် တိုက်ပွဲတစတ်ခုတွင် သူ့တွင် တိုက်ခိုက်ရန် ခွန်အားများရှိနေသေးသည်။

"သုံးလပဲ ရှိသေးတယ်။ သူ ဘယ်လိုလုပ် သုံးလအတွင်းမှာ ဒီလောက်အစွမ်းထက်လာတာလဲ"

"ကမ္ဘာ့နံပါတ်တစ်ကျွမ်းကျင်သူ... နံပါတ်တစ်က လူပြောင်းသွားပြီ”

"ဟုတ်တယ်။ ငါ့မျက်လုံးတွေနဲ့ မမြင်ခဲ့ရင် ယုံမှာမဟုတ်ဘူး။ ချူးယွင်ဖန်းက ကြောက်စရာကောင်းတယ်!"

လူတိုင်းက ဆီအိုးတစ်လုံး ပေါက်ကွဲသွားသကဲ့သို့ ချက်ချင်းအော်လိုက်ကြသည်။ ၎င်းတို့အားလုံး တစ်ခုသာ သိကကြသည်။ ယနေ့တိုက်ပွဲအပြီးတွင် ၎င်းတို့ ဆန္ဒရှိသည်ဖြစ်စေ မရှိသည်ဖြစ်စေ ကမ္ဘာ့နံပါတ်တစ်ကျွမ်းကျင်သူ နေရာပြောင်းသွားပြီဖြစ်ကြောင်း ဝန်ခံရမည်။

ယခင်က ယွင်ဟွမ်ဖြစ်သော်လည်း ယခု ချူးယွင်ဖန်းဖြစ်သွားပြီဖြစ်သည်။

အလယ်အလတ်အရွယ် အထွတ်အထိပ်ကို ကျော်လွန်ပြီးသော ယွင်ဟွမ်နှင့် နှိုင်းယှဉ်လျှင် ချူးယွင်ဖန်းသည် ကျင့်ကြံသူများကြားတွင် လူငယ်တစ်ဦး၏ အသက်အရွယ်သို့ ရောက်ရှိနေပြီဖြစ်သည်။ ချူးယွင်ဖန်း၏ အနာဂတ်သည် အကန့်အသတ်မရှိပေ။ လူများစွာက ချူးယွင်ဖန်းကို နှိမ်နင်းရန် ယွင်ဟွမ်အား အသုံးပြုချင်ခဲ့ကြသော်လည်း ယင်းက ကောင်းသည့်အကြံမဟုတ်တဟု ထင်ခဲ့ကြသည်။ ယွင်ဟွမ်က ချူးယွင်ဖန်းမဟုတ်ပေ။ ထို့အပြင် ယွင်ဟွမ်၏ အသက်အရွယ်နှင့်ဆိုပါက သူ နှစ်ပေါင်းများစွာ ခံနိုင်မည်မဟုတ်ပေ။ ယွင်ထျန်းပင်လျှင် ချူးယွင်ဖန်းကို အနုငိ်ယူနိုင်ရန် အခွင့်အရေးမရှိပေ။

ယနေ့ပြီးလျှင် ချူးယွင်ဖန်းက ကမ္ဘာပေါ်တွင် တစ်ဦးတည်းသော သူဖြစ်လာပေလိမ့်မည်ဖြစ်သည်။ ထို့အပြင် သူသည် တဝေမှ အရင်းအမြစ်အမျိုးမျိုးကို စုပ်ယူရန်အတွက် ဧကရာဇ်အကြံပေးဟူသော ဘွဲ့ကို အသုံးပြုခဲ့သည်။ သူ၏ အနာဂတ်အောင်မြင်မှုများသည် မယုံနိုင်လောက်အောင်ပင်ဖြစ်သည်။

မွန်းစတားသုတ်သင်ရေးတပည့်များက မလိုလားအပ်သောကြောင့် မျက်ရည်များနှင့် ငိုကြွေးခဲ့ကြသည်။ ၎င်းတို့သည် ကမ္ဘာ့နံပါတ်တစ်ပညာရှင်ဘွဲ့ကို ကြာမြင့်စွာ ရယူထားခဲ့ကြသည်။ လူအများစုအတွက် မွေးဖွားချိန်မှစ၍ ကမ္ဘာ့နံပါတ်တစ်ပညာရှင်သည် ၎င်းတို့၏ ဂိုဏ်းဝင်ဖြ်စနေပြီဖြစ်စသည်။ ၎င်းတို့၏ဂိုဏ်းခေါင်းဆောင်သည် နံပါတ်တစ်ဖြစ်သည်ကိုလည်း ကျင့်သားရနေပြီဖြစ်သည်။ မည်သူမျှ ၎င်းတို့၏အဆင့်အတန်းကို မပြောင်းလဲနိုင်ပေ။

ထို့အပြင် ယခု ၎င်းတို့ရှေ့၌ပင် နံပါတ်တစ်နေရာကို ချူးယွင်ဖန်းဆီသို့ လွှဲပြောင်းပေးခဲ့ပြီဖြစ်၍ မသိစိတ်မှ မျက်ရည်စီးကြောင်းနှစ်ကြောင်း ကျဆင်းလာခဲ့သည်။

အခြားအဓိကအင်အားစုများ၏ ကိုယ်စားလှယ်များနှင့် ကျွမ်းကျင်သူများသည်လည်း အလွန်စိတ်ခံစားမှုပြင်းထန်ကြသည်။ ၎င်းတို့၏ အာရုံများက တိုက်ရိုက်မဟုတ်သော်လည်း အလွန် အံ့အားသင့်နေကြသည်။ ဤသည်မှာ တဝေ၌ လွန်ခဲ့သောရာစုနှစ်တစ်ခုအတွင်း မကြုံစဖူးပြောင်းလဲမှုတစ်ခုဖြစ်သည်။

ကမ္ဘာ့နံပါတ်တစ်ပညာရှင်အသစ်တစ်ဦး ပေါ်ထွက်လာခြင်းနှင့်အတူ၊ မျှော်မှန်းနိုင်သောအနာဂတ်တွင် ချူးယွင်ဖန်း၏ရာထူးကို မည်သူမျှ လှုပ်ခါနိုင်မည်မဟုတ်ပေ။ ယွင်ဟွမ်သည် တစ်ချက်တည်းဖြင့် ရှုံးနိမ့်ခြင်းမဟုတ်ပေ။ ရှိရှိသမျှလူတိုင်းသည် ချူးယွင်ဖန်း၏ ချေမှုန်းခြင်းကို အစမှအဆုံးအထိ အပြည့်အဝခံခဲ့ရသည်ကို မြင်တွေ့ခဲ့ကြသည်။ မွန်းစတားသုတ်သင်သူများပင် ဒေါသထွက်နေကြသော်လည်း ပြောစရာစကားမရှိပေ။

ချူးယွင်ဖန်းသည် လှည့်စားမှုကို မလုပ်ဆောင်ခဲ့ဘဲ အမှန်စင်စစ် ယွင်ဟွမ်သည် လှည့်စားမှုကို အသုံးပြုပြီး မွန်းစတားသုတ်သင်သူများပတ်လည်တွင် ကောင်းကင်နှင့်မြေကြီး၏ စွမ်းအားကို ငှားရမ်းခဲ့သည်။ သို့သော် ထိုသို့ဖြစ်လင့်ကစား သူသည် ချူးယွင်ဖန်းကို ရှုံးနိမ့်ခဲ့သည်။ သူသည် စကားတစ်လုံးမျှ မပြောဘဲ ရှုံးနိမ့်ခဲ့သည်ဟု ဆိုနိုင်သည်။

ယွင်ဟွမ်၏ ကျေးဇူးတင်မှုနှင့် ပတ်သက်၍ ချူးယွင်ဖန်းက ခေါင်းကို အနည်းငယ်ညိတ်ပြလိုက်သည်။ သူ ၎င်းတို့ကို သတ်ရန် မရည်ရွယ်ခဲ့ပေ။ ယှဥ်ပြိုင်တိုက်ခိုက်ရုံသာဖြစ်သောကြောင့် ၎င်းတို့ကို သတ်ရန် မလိုအပ်ပေ။ ထို့အပြင် သုံးလအလိုက ယွင်ဟွမ်သည် ကမ္ဘာကြီး၏ လှိုင်းလုံးကို ပြောင်းလဲရန် အခွင့်အရေးရခဲ့သည်။ ထိုအချိန်က ချူးယွင်ဖန်းသည် ယွင်ဟွမ်၏ ပြိုင်ဘက်မဟုတ်သော်လည်း ယွင်ဟွမ်က သူ့ကို မသတ်ဘဲ အခွင့်အရေးပေးခဲ့သည်။ ချူးယွင်ဖန်းကသာ ကျေးဇူးပြန်ဆပ်ခဲ့ခြင်းဖြစ်သည်။

ယွင်ဟွမ်သည် ဒဏ်ရာများ တည်ငြိမ်သွားပြီးနောက် အခြားအရာများကို စဉ်းစားခဲ့သည်။ ချူးယွင်ဖန်းသည် သုံးလအတွင်း အံ့ဖွယ်အမှုတစ်ခု ဖန်တီးနိုင်လိမ့်မည်ဟု သူ မမျှော်လင့်ခဲ့ပေ။ သို့သော် ချူးယွင်ဖန်းကို မသတ်လိုသောကြောင့် နောင်တမရခဲပေ။ သူ၏ အစွမ်းသတ္တိအားလုံးဖြင့် တိုက်ခိုက်နိုင်လောက်အောင် ခွန်အားကြီးမားသော ပြိုင်ဘက်တစ်ဦးကို သူ လိုချင်ခဲ့သည်။

ထို့အပြင် ချူးယွင်ဖန်းလည်း ထိုသို့လုပ်နိုင်ခဲ့ရုံသာမက အလွန်ကောင်းမွန်စွာ လုပ်နိုင်ခဲ့ခြင်းဖြစ်သည်။

"ဒါက သိုင်းလေ့ကျင့်ရုံပါပဲ လူကြီးမင်းယွမ်၊ စိတ်ထဲမထားပါနဲ့” ချူးယွင်ဖန်းက ပေါ့ပေါ့ပါးပါးပြောလိုက်သည်။

ယင်းကြောင့် အောက်မှ လူများအားလုံး အနည်းငယ်ထူးဆန်းနေသည့်နှယ်ခံစားလိုက်ရသည်။ အထူးသဖြင့် ချူးယွင်ဖန်းကို ပထမဆုံးအကြိမ်မြင်တွေ့ခဲ့ကြရခြင်းဖြစ်သောကြောင့် ဤလူနှစ်ယောက် မည်ကဲ့သို့သော ပဟေဌိများပြုလုပ်နေသည်ကို ၎င်းတို့ မသိခဲ့ကြပေ။ ဤအချိန်တွင် သူက ကောလဟာလများကဲ့သို့ မိုက်မဲ၍ ရန်လိုသည့်ပုံမပေါ်ကြောင်း ၎င်းတို့ ခံစားလိုက်ရသည်။

ယခင်က ကောလဟာလများအားလုံး မှားနေသည့်နှယ် ခံစားးလိုက်ရသည်။ သို့သော် ချူးယွင်ဖန်းက ကျွမ်းကျင်သူများကို မည်ကဲ့သို့ တွန့်ဆုတ်ခြင်းမရှိဘဲ သတ်ခဲ့ကြောင်း စဥ်းစားလိုက်သောအခါ

ရုတ်တရက် ရှုပ်ထွေးသွားကြသည်။

ချူးယွင်ဖန်းက မည်သူဖြစ်သနည်း။

"ဘာပဲဖြစ်ဖြစ်၊ မင်းက ငါနဲ့ ယွမ်ထျန်းကို သက်ညှာပေးခဲ့တယ် ဒီကျေးဇူးကို ငါဝန်ခံရမယ်" ယွင်ဟွမ်က ပြောသည်။

သူ ရှုံးနိမ့်ခဲ့သော်လည်း သူ၏ မာနက သူ့ကို ဤကိစ္စမှ လွတ်မြောက်ခွင့် မပေးခဲ့ပေ။

တိုက်ပွဲ၌ ရှုံးနိုင်သော်လည်း ၎င်းတို့၏ ဂုဏ်သိက္ခာကိုမူ မဆုံးရှုံးပေ။

"ဒီတိုက်ပွဲပြီးရင် လူကြီးမင်းယွမ် ခင်ဗျားရဲ့ အောင်မြင်မှုက မိုးကုပ်စက်ဝိုင်းထိ ကျော်လာလိမ့်မယ်လို့ ကျုပ် ယုံကြည်တယ်” ချူးယွင်ဖန်းက ဖြည်းဖြည်းချင်းပြောလိုက်သည်။

ခဏတာမျှ သူ့စကားကြောင့် လူတိုင်း အံ့အားသင့်သွားကြသည်။