အခန်း (၁၄၂၉-၁၄၃၁)

အခန်း(၁၄၂၉) ကမ္ဘာ့ အခြေအနေ အတည်ဖြစ်ပြီ

ချူးယွင်ဖန်း၏ စကားများကြောင့် လူတိုင်း အံ့အားသင့်သွားကြသည်။

ယွင်ဟွမ်က အဆင့်တက်တော့မှာလား။

ဘာတွေဖြစ်နေတာလဲ။

အချို့က လျင်မြန်စွာ သဘောပေါက်လာကြသည်။ ဤကိစ္စသည် အစကတည်းက သံသယဖြစ်ဖွယ်ဖြစ်ခဲ့သည်။ ယခင်ဧကရာဇ်သည် ယွင်ဟွမ်ကို မြို့တော်သို့ ဖိတ်ခေါ်ရန် ငွေအမြောက်အမြား သုံးစွဲခဲ့သော်လည်း မမျှော်လင့်ဘဲ ယွင်ဟွမ်က ချူးယွင်ဖန်းကို စစ်တပ်ရှေ့တွင် လွှတ်ပေးခဲ့သည်။ သူက သုံးလကြာ တိုက်ပွဲသဘောတူညီချက်ကို အဆိုပြုခဲ့ပြီး ချူးယွင်ဖန်းက မမျှော်လင့်ဘဲ သဘောတူခဲ့ပြီး တိုက်ခိုက်ရန် လာခဲ့သည်။ နှစ်ဖက်တိုက်ခိုက်ပြီးနောက် ၎င်းတို့ ရပ်တန့်သွားကြသည်။

ယွင်ဟွမ်က အဆင့်တက်တော့မည့် ကိစ္စဖြစ်နေခြင်းဖြစ်သည်။

ယွင်ဟွမ်က ချူးယွင်ဖန်းကို အဘယ်ကြောင့် လွှတ်ပေးလိုက်ခြင်းဖြစ်ကြောင်း ၎င်းတို့အားလုံး နားလည်သွားကြသည်။ ချူးယွင်ဖန်းကို အသုံးချ၍ သူ အဆင့်တက်လိုခြင်းဖြစ်သည်။ ဤနည်းလမ်းကို လူတိုင်းကောင်းစွာသိကြသည်။ အဘယ်ကြောင့်ဆိုသော် ယခင်က ကြုံတွေ့ဖူးကြကာ ဤနည်းလမ်းကို အသုံးပြုကြဖူးသောကြောင့်ဖြစ်သည်။ အကြိမ်ပေါင်းများစွာ လေ့ကျင့်ခြင်းထက် တိုက်ပွဲကြီးတစ်ခု ဆင်နွှဲခြင်းက ပိုကောင်းသည်။ သို့သော် လက်ရှိ ယွင်ဟွမ်အတွက် ဤနည်းလမ်းက အလွန် ခက်ခဲသည်။ သူ့အဆင့်တွင် သူ့ကို ဤသို့ ဖိအားပေးနိုင်သူ အလွန်ရှားပါးသည်ဟု ပြော၍ ရသည်။

တဝေ့တွင် ဤသို့သော လူမျိုးမရှိပေ။ ခြေလှမ်းတစ်ဝက် ရွှေအမတေပုံစံအဆင့်ရှိသူ ယွင်ထျန်းပင်

ယွင်ဟွမ်နှင့် ယှဥ်နိုင်မည်မဟုတ်ဘဲ လုံးဝ ချေမှုန်းခံရမည်ဖြစ်သည်။ ထို့ကြောင့် ဤအကျိုးသက်ရောက်မှုရှိရန် ယွင်ဟွမ်က အခြားနည်းလမ်းကို ရှာဖွေရမည်ဖြစ်သည်။ ချူးယွင်ဖန်း ရှိနေခြင်းက သူ့ကို နောက်ထပ် ရွေးချယ်စရာတစ်ခုပေးခဲ့သည်။ ထို့ကြောင့် ဤသို့ မကြုံစဖူးတိုက်ပွဲတစ်ခု ဖြစ်ပွားခဲ့ခြင်းဖြစ်သည်။

လူအများ၏ အမြင်တွင် ဤတိုက်ပွဲသည် ရှင်းပြ၍ မရနိုင်လောက်အောင် စတင်ခဲ့ကာ ရှင်းပြ၍ မရနိုင်သောအခြေအနေနှင့် အဆုံးသတ်သွားခဲ့သည်။ နှစ်ဖက်စလုံးက ၎င်းတို့၏ အကန့်အသတ်ကိုသိကြသည်။ ထို့အပြင် ယခု ယင်းက အကြောင်းအရင်းဖြစ်ကြောင်း ၎င်းတို့ နောက်ဆုံးတွင် နားလည်သွားကြသည်။

မိဘများဆုံးရှုံးသွားသည့်နှယ်ခံစားနေကြရသော မွန်းစတားသုတ်သင်သူဂိုဏ်းတပည့်များအားလုံး အံ့သြတကြီးဖြစ်နေကြသည်။ ၎င်းတို့အတွက် ယွင်ဟွမ်သည် နံပါတ်တစ်နေရာကို

ပြန်လည်ရရှိရန် အခွင့်အလမ်းများသည်ဟု ဆိုလိုသည်။ ယခုသူရှုံးနိမ့်သွားသော်လည်း သူထိုးဖောက်ဝင်ရောက်ပြီးနောက် ချူးယွင်ဖန်းထက် ပိုမိုအားကောင်းသင့်သည်။ ထိုအချိန်တွင် သူသည် သဘာဝအတိုင်း နံပါတ်တစ်ပြန်လည်ဖြစ်လာလိမ့်မည်။

"ဟုတ်တယ်။ ဒီတိုက်ပွဲတစ်လျှောက်လုံးမှာ ငါ အများကြီးနားလည်ခဲ့တယ်။ ဒါတွေအားလုံးဟာ မင်းရဲ့အကူအညီကြောင့်ပါ" ယွင်ဟွမ်က ပြောသည်။ ချူးယွင်ဖန်းသည် သူ့ရည်မှန်းချက်ကို ရှင်းရှင်းလင်းလင်းသိသော်လည်း သူ့ကိုကူညီရန် ဆန္ဒရှိနေသည်။ ထို့ကြောင့် အလွန်ကျေးဇူးတင်မိသည်။

ဤတိုက်ပွဲက သူထင်ထားသည်ထက် များစွာ ပိုမို ထိရောက်ခဲ့သည်။ အဘယ်ကြောင့်ဆိုသော် ချူးယွင်ဖန်းက သူ့အပေါ် ထားသည့် ဖိအားက သူထင်ထားသည်ထက် များစွာ ပိုမိုပြင်းထန်သော ကြောင့်ပင်ဖြစ်ရာ သူ ပြန်မတိုက်ခိုက်နိုင်တော့သည်အထိ အနိုင်ယူထားခဲ့သည်။

တိုက်ပွဲတွင် သူသည် ပုံမှန်အားဖြင့် နားမလည်နိုင်သော အရာများစွာကို နားလည်ခဲ့သည်။ သူ၏ ကျင့်ကြံမှု တိုးတက်မှုသည် သူ့ရှေ့တွင် ရှိနေသည်။

"အဆင်ပြေပါတယ်။ အသေးအမွှားလေးပါ" ချူးယွင်ဖန်းက ခပ်ပါးပါး ပြုံးလိုက်သည်။

"ဘာလို့ အစ်ကိုဖန်းက သူ့ရန်သူကို ကူညီပေးနေတာလဲ။ ယွင်ဟွမ် ပြန်ကောင်းလာရင် သူ့ရဲ့ ကျင့်ကြံမှု သိသိသာသာ တိုးတက်လာလိမ့်မယ်။ သူ နံပါတ်တစ်နေရာကို ပြန်ယူလာမှာကို စိုးတယ်..." ချူးဟုန်ချိုင်က ခပ်တိုးတိုးပြောလိုက်သည်။

သူ အနည်းငယ် မကျေမနပ် ဖြစ်နေသည်။ ချူးယွင်ဖန်း အနိုင်ရခြင်းမှ ရရှိသော ပျော်ရွှင်မှုမှာ များစွာ အားနည်းသွားခဲ့သည်။

“အိုး၊ မင်း” ချူးယောင်ဝေ ပြုံး၍ ခေါင်းခါလိုက်သည်။

“မင်းနားမလည်ဘူး။ ငါတို့အတွက် အဲ့နေရာက အရမ်းအရေးကြီးပေမယ့် ယွင်ဖန်းအတွက်တော့ ဘာမှမဟုတ်ဘူး သူဂရုစိုက်တယ်လို့ မင်းထင်လား”

ချူးဟုန်ချိုင် စဉ်းစားကြည့်သောအခါ မှန်နေသည်ဟုထင်ရသည်။ ချူးယွင်ဖန်းက ကျော်ကြားမှုနှင့် ကံကြမ္မာကို စိတ်အားထက်သန်သူမဟုတ်ပေ။ မဟုတ်လျှင် ချူးဟုန်ချိုင်က ချူးဘုရင်၏ အမွေဆက်ခံသူဖြစ်လာမည်မဟုတ်ပေ။

"ဒါပေမယ့်လည်း အကြောင်းပြချက်မရှိဘဲ ယွင်ဟွမ်ကို မပေးနိုင်ဘူး" ချူးဟုန်ချိုင်က ဝမ်းနည်းစွာ ပြောလိုက်သည်။

"အဲ့လောက်လွယ်တယ်လို့ မင်းထင်လား။ ယွင်ဟွမ်က မကြာခင်မှာ အဆင့်တက်လိမ့်မယ်။ ဒါပေမယ့် အစ်ကိုဖန်းမှာ ဒါပဲရှိတယ်လို့ မင်းထင်လား။ သူ့ရဲ့ ကျင့်ကြံမှုအမြန်နှုန်းနဲ့ဆိုရင် ယွင်ဟွမ်ထက် ပိုမြန်အောင် ဖောက်ထွက်နိုင်တယ်။"

ချူးယောင်ဝေ သက်ပြင်းချရန်သာ တတ်နိုင်တော့သည်။ သူ့ရင်ထဲတွင်လည်း အလွန်စိတ်လှုပ်ရှားနေသည်။ လူအများစုကဲ့သို့ပင် ချူးယွင်ဖန်း၏ ကျင့်ကြံမှုအမြန်နှုန်းကို သူအံ့အားသင့်သွားသည်။ ယင်းက မယုံကြည်နိုင်ဖွယ်ကောင်းလှသည်။ ဤမျှ တိုတောင်းလှသော ကာလအတွင်း၌ ချူးယွင်ဖန်း၏ ကျင့်ကြံမှုက ဒုံးကြည်ကဲ့သို့ မြင့်တက်လာခဲ့သဖြင့် အနာဂတ်အတွက် စိတ်ပူရန် မလိုလှခဲ့ပေ။ ယွင်ဟွမ်က အဆင့်တက်နိုင်သော်လည်း ယင်းက သူ့အကန့်အသတ်ဖြစ်သည်။ အချိန်တိုအတွင်းတွင် ပို၍ ကြီးမားသော အဆင့်တက်မှုတစ်ခု ကြုံရန် မဖြစ်နိုင်ပေ။ သို့သော် ချူးယွင်ဖန်းက ကွဲပြားသည်။

သူ၏ အဆင့်တက်မှုက အံ့မခန်းဖြစ်ကာ အမတေမဲ့အဆင့်ဖြစ်စေ၊ ရွှေအမတေပုံစံအဆင့်ဖြစ်စေ သူ၏ အကန့်အသတ်မဟုတ်သည်မှာ ထင်ရှားသည်။

သူ့အတွက် တဝေသည် ရေတိမ်တစ်ခုသာဖြစ်သည်။ ရေတိမ်ပိုင်းထဲမှာ အစစ်အမှန်နဂါးတစ်ကောင် ပေါ်လာခဲ့ခြင်းဖြစ်စကာ တဝေမှ ကမ္ဘာ့နံပါတ်တစ်ကျွမ်းကျင်သူဟူသော လူကို သူ လုံးဝ ပစ်မှတ်ထားမည်မဟုတ်ပေ။ ယင်းက ကောင်းကင်မှ လင်းယုန်နှင့် မြေပြင်မှ ပုရွက်ဆိတ်ကြားကွာခြားချက်ဖြစ်သည်။ ၎င်းတို့ကို တစ်ပြိုင်နက်တည်း ပြော၍ မရပေ။

ချူးဟုန်ချိုင် ခဏမျှ စဥ်းစားပြီးနောက် ချူးယောင်ဝေ့ပြောသကဲ့သို့ တကယ်ဖြစ်နေသည်ကို သဘောပေါက်လိုက်ကာ ချက်ချင်း စိတ်သက်သာရာရသွားသည်။

"ငါ အောင်မြင်မှုတစ်ခုရတဲ့အခါ မင်းကို ထပ်ပြီးစိန်ခေါ်ပြီး ငါ့အဆင့်ကို ပြန်ယူမယ်" ယွင်ဟွမ်က ဖြည်းဖြည်းချင်း ခိုင်မာစွာပြောလိုက်သည်။

သူ့မျက်လုံးများက စိတ်ပိုင်းဖြတ်မှုများနှင့် တောက်ပနေသည်။ ချူးယွင်ဖန်းအတွက် ဤဘွဲ့သည် အသုံးမဝင်သောကြောင့် အရေးမကြီးပေ။ သို့သော် သူကမူ ကွဲပြားသည်။ သူသည် မွန်းစတားသုတ်သင်သူများအားလုံး၏ မှီခိုရာဖြစ်သောကြောင့် ဤအဆင့်ကသူ့အတွက် အရေးကြီးသည်။

ကမ္ဘာ့နံပါတ်တစ်နဲ့ နံပါတ်နှစ်ကြားက ကွာခြားချက်က ဆံပင်တစ်ချောင်းစာမျှသာ ရှိပုံရသော်လည်း တကယ်တမ်းတွင် ကွာဟချက်ကို တိုင်းတာရန် ခက်ခဲ့သည်။ လူများအားလုံးက နံပါတ်တစ်ကိုသာ မှတ်မိကြကာ နံပါတ်နှစ်ကို အာရုံစိုက်လိုစိတ်နည်းပါးကြသည်။

"ကျွန်တော် မျှော်လင့်နေပါတယ်။" ချူးယွင်ဖန်းက ခေါင်းညိတ်လိုက်သည်။

"ဒီမှာရောက်နေပြီဆိုတော့ စကားပြောဖို့ ဖိတ်ခေါ်ချင်ပါတယ်၊ ဆရာချူး" ယွင်ဟွမ်က ချူးယွင်ဖန်းကိုကြည့်ပြီး ဖိတ်ခေါ်လိုက်သည်။

"ကောင်းပြီ" ချူးယွင်ဖန်းက ငြင်းဆန်ခြင်းမရှိဘဲ ချက်ချင်းသဘောတူလိုက်သည်။

၎င်းတို့သည် မွန်းစတားသုတ်သင်သူများနယ်မြေ၏ အနက်ဆုံးနေရာထဲသို့ တစ်လှမ်းချင်း လှမ်းဝင်သွားကြသည်။

ထိုအချိန်၌ လူတိုင်းက အိပ်မက်မှ နိုးထလာကြကာ ရုတ်တရက် တစ်စုံတစ်ခုကို သဘောပေါက်သွားကြသည်။ ဤသို့ ဖြစ်လာလိမ့်မည်ဟု မည်သူမျှ မမျှော်လင့်ထားကြပေ။ ယခင်က သေသည်အထိ တိုက်ခိုက်တာ့မည်ဟု

ထင်ခဲ့သည့် နှစ်ယောက်က တစ်ယောက်ကိုတစ်ယောက် ငြိမ်းချမ်းစွာ ဆက်ဆံနေကြသည်။

လူတိုင်းက အံ့သြမှင်သက်စွာ တစ်ယောက်ကိုတစ်ယောက် ကြည့်နေကြသည်။ သို့သော် ယနေ့မှစ၍ ကမ္ဘာကြီးတစ်ခုလုံး၏ အခြေအနေသည် လုံးဝပြောင်းပြန်ဖြစ်သွားလိမ့်မည်ဟု သူတို့အားလုံး နားလည်ကြသည်။

လက်ရှိ တဝေအတွက် ချူးယွင်ဖန်း၏ အောင်ပွဲသည် သဘာဝအတိုင်း မကြုံစဖူး ကောင်းသောအရာတစ်ခုဖြစ်သည်။ ၎င်းသည် နန်းတော်တစ်ခုလုံး နောက်ဆုံးတွင် တည်ငြိမ်သွားပြီဟုလည်း ဆိုလိုသည်။

အခြေအနေများကို ပြန်လည်ပြင်ဆင်ရန် မျှော်လင့်နေသော အဓိကအင်အားစုများသည် အဖြစ်မှန်ကို ဝန်ခံရမည်ဖြစ်သည်။ ချူးယွင်ဖန်း ရှိနေသရွေ့ အခြေအနေကို ပြောင်းပြန်လှန်ရန် မဖြစ်နိုင်ပေ။

ကမ္ဘာ့အခြေအနေက အတည်ဖြစ်ခဲ့ပြီဖြစ်၏။

အခန်း(၁၄၃၀) ကြီးမားသော ရိတ်သိမ်းမှု

ချူးယွင်ဖန်းသည် မွန်းစတားသုတ်သင်သူများတွင် ဧည့်သည်အဖြစ် သုံးရက်နေထိုင်ခဲ့သည်။ သူထွက်ခွာသွားသောအခါ သူ အမြောက်အမြားရရှိခဲ့သည်ဟု ခံစားခဲ့ရသည်။ ဆေးဧကရာဇ်၏ မှတ်ဉာဏ်များရှိနေသော်လည်း ကိုယ်တိုင်နားလည်ရန် လိုအပ်သော အရာများစွာရှိနေသေးသည်။

အဓိကအဆင့်တွင် ယွင်ဟွမ်၏ တိုက်ပွဲခွန်အားသည် ချူးယွင်ဖန်းထက် နိမ့်ကျသော်လည်း အဓိကအဆင့်တွင် သူကုန်ဆုံးခဲ့သည့်အချိန်သည် ချူးယွင်ဖန်းထက် အဆတစ်ရာပိုများသည်။

သူ့ရဲ့အတွေ့အကြုံများစွာက ချူးယွင်ဖန်းကို ဉာဏ်အလင်းပွင့်စေခဲ့သည်။ မူလက သူ ဤအကြောင်းကိုသာ သိခဲ့သော်လည်း ယခု သူ၏ ကိုယ်ပိုင်နားလည်မှုအဖြစ်ပြောင်းလဲသွားပြီဖြစ်သည်။ ဤသုံးရက်တာအတွင်း ယွင်ဟွမ်ဆီမှ ရရှိခဲ့သော အကျိုးအမြတ်များက အလွန် များပြားခဲ့သည်။

ချူးယွင်ဖန်းအတွက် ရှေ့လမ်းက ရှင်းနေသည်။ သူ့ခြေထောက်အောက်မှ လမ်းကို မည်သို့ ခိုင်မာစေရန် လုပ်ရမည်ဟူသော အချက်ပင်ဖြစ်သည်။ သို့သော် ယွင်ဟွမ်အတွက် ရှေ့လမ်းက ပျက်နေသည်။ မွန်းစတားသုတ်သင်သူများထဲတွင် မကြုံစဖူးလူတစ်ယောက်ဖြစ်ခဲ့သော်လည်း သူ၏ လမ်းကြောင်းက ပိတ်နေသည်။ ယခုအချိန်တွင် ရှေ့လူများဆီမှ လမ်းညွှန်မှုက နည်းပါးက အလွန်အမင်း ဝေးကွာနေသည်။

ချူးယွင်ဖန်း၏ ပေါ်လာမှုသည် သာမန်ညွှန်ပြချက်တစ်ခုမျှသာဖြစ်လျှင်ပင် သူ၏ အနာဂတ်ကျင့်ကြံမှုအတွက် လမ်းညွှန်ချက်တစ်ခုဖြစ်သည်။ ၎င်းသည် သူ့အတွက် အလွန်အရေးကြီးသည်မှာ သေချာသည်။ မွန်းစတားသုတ်သင်သူများတွင် သူ၏ရှေ့မှလူများ၏ အတွေ့အကြုံနှင့် ပေါင်းစပ်လိုက်သောအခါ သူသည် နောက်တစ်ဆင့်တက်ရန် နည်းလမ်းတစ်ခုကို ရှာဖွေတွေ့ရှိခဲ့သည်။

ယွင်ဟွမ်က ချူးယွင်ဖန်းနှင့်မတူပေ။ ချူးယွင်ဖန်းက အသက်နှစ်ဆယ်ကျော်သာ ရှိသေးသော်လည်း သူ၏နေဝင်ချိန်သို့ ရောက်တော့မည်ဖြစ်သည်။ သူနောက်ကျလေ သေခြင်းတရားက ပိုမြန်လေဖြစ်သည်။

သိုင်းပညာကို လေ့ကျင့်ခြင်းက ကောင်းကင်ဘုံကို ဆန့်ကျင်၍ အသက်များကို နှုတ်ယူသည့် လမ်းစဥ်လည်းဖြစ်သည်။ သူ့သက်တမ်း မကုန်ဆုံးခင် ပိုမတိုးတက်နိုင်ပါက မျှော်လင့်ချက်အားလုံး ဆုံးရှုံးသွားရပေလိမ့်မည်။

ယခု ချူးယွင်ဖန်းက သူ့ကို နောက်ထပ် ခြေတစ်လှမ်းလှမ်းနိုင်ရန် မျှော်လင့်ချက်ပေးခဲ့သည်။ ယွင်ထျန်းက စကားပြောချင်သော်လည်း ၎င်းတို့နှစ်ဦးရှေ့တွင် စကားပြောနိုင်စွမ်းမရှိကြောင်း ထင်ရှားသည်။

ယခု ၎င်းတို့ တာအိုအကြောင်း ဆွေးနွေးသည်ကို သူနားထောင်ရုံသာ တတ်နိုင်သည်။

သို့သော် နားထောင်ခြင်းအားဖြင့် သူ၏ နားလည်မှုက သိသိသာသာ တိုးတက်လာခဲ့သည်။

၎င်းတို့သုံးဦးလုံး အကျိုးများစွာ ရရှိခဲ့ကြသည်။ ၎င်းတို့ တစ်ဦးချင်းစီတွင် ကိုယ်ပိုင်နားလည်မှုများရှိကြကာ မည်သူမျှ အားနည်းချက်မရှိခဲ့ကြပေ။

တာအိုဆွေးနွေးမှု သုံးရက်အတွင်း ၎င်းတို့ကြားမှ ရန်လိုမှုများ ပျောက်ကွယ်သွားခဲ့ကာ အထူးသဖြင့် မူလက ချူးယွင်ဖန်းကို မယုံကြည်ခဲ့သောယွမ်ထျန်းပင်ဖြစ်သည်။ သူ့ဆရာ ယွင်ဟွမ်မှ တပါး ကမ္ဘာပေါ်တွင် ဒုတိယ အကျွမ်းကျင်ဆုံးကျွမ်းကျင်သူက သူသာဖြစ်သင့်သည်ဟု သူအမြဲတွေးခဲ့သည်။ ရုတ်တရက်ပေါ်လာသည့် ချူးယွင်ဖန်းက သူ့ကို ရန်စစချင်လိမ့်မည်ဟု မည်သူက သိမည်နည်း။

သူ ဤအတိုင်းကြည့်နေ၍ မရခြင်းမဟုတ်သော်လည်း တိုက်ပွဲများ ဆက်တိုက်ဖြစ်ပြီးနောက် ချူးယွင်ဖန်း၏ အစွမ်းက သူယှဥ်ပြိုင်နိုင်သောအရာမဟုတ်ကြောင်း လုံးဝ နားလည်သွားခဲ့သည်။ ဤအချိန်တွင် သူ့ဆရာပင် သူ့ကို ယှဥ်နိုင်ဦးမည်မဟုတ်ပေ။

တကယ်တမ်းတွင် ဤကွာဟချက်က အချိန်ကြာလာသည်နှင့်အမျှ ပို၍ ကြီးမားလာနိုင်သည်။ ဤသည်ကို နားလည်ပြီးနောက် သူသည် ချူးယွင်ဖန်းကို အနိုင်ယူရန် မကြိုးစားတော့ပေ။ ဤနည်းဖြင့် သုံးဦးကြားမှ ဆက်ဆံရေးက ပို၍ သဟဇာတဖြစ်သွားခဲ့သည်။ ဤသုံးရက်အတွင်း ၎င်းတို့ထိုင်၍ တာအိုအကြောင်းဆွေးနွေးကြစဥ် ယခင်တိုက်ပွဲကြောင့် ကမ္ဘာကြီးတစ်ခုလုံးသည် ချောက်ချားဖွယ် အပြောင်းအလဲများကို ကြုံတွေ့ခဲ့ရသည်။

မူလက ဧကရာဇ်နန်းတော် ပြန်လည်ဖွဲ့စည်းမှုတွင် လူအများအပြား အထူးသဖြင့် မင်းသားအမျိုးမျိုးနှင့် ယခင်ဧကရာဇ်၏ သစ္စာရှိအဖွဲ့များသည် ကြီးမားသော ဆုံးရှုံးမှုများကို ခံစားခဲ့ရသည်။ ၎င်းတို့အားလုံးကို ဖယ်ရှားပြီးဖြစ်သည်။ အဆုံးတွင် ဧကရာဇ်သစ်က လူများကို မည်မျှပင် ဆွဲဆောင်စေကာမူ ဤလူများကို ဖယ်ရှားရမည်ဖြစ်သည်။ ချူးယွင်ဖန်း၏ ထောက်ခံမှုဖြင့် အနာဂတ်အတွက် စိတ်ပူရန်မလိုပေ။ ထို့ကြောင့် လူအများက ချူးယွင်ဖန်းကို အနိုင်ယူကာ အခြေအနေကို ပြောင်းလဲနိုင်လိမ့်မည်ဟု မျှော်လင့်ကာ ယွင်ဟွမ်အပေါ် မျှော်လင့်ချက်ထားခဲ့ကြသည်။ သို့သော် ထိုထိတ်လန့်ဖွယ်တိုက်ပွဲကြောင့် သူတို့တွင် လက်လျှော့ရန်မှလွဲ၍ အခြားရွေးချယ်စရာမရှိပေ။

ယွင်ဟွမ်ပင်လျှင် ချူးယွင်ဖန်းကို မတားဆီးနိုင်ခဲ့ပေ။ အခြားသူများအားလုံးက လက်လျှော့ကာ ဤအခြေအနေကို လက်ခံလိုက်ရုံမှတပါး မည်သို့မျှ မတတ်နိုင်ကြပေ။ လှုပ်ရှားမှုတစ်ခု လုပ်ဖို့ စိတ်အားထက်သန်နနေသော အုပ်စုများစွာက ငြိမ်သက်သော အဆင့်သို့ရောက်နေကြသည်။

တစ်ကမ္ဘာလုံး၏ အာဏာကို ထိန်းချုပ်ထားသည့် ဧကရာဇ်သစ်နှင့်ယှဥ်ပါက ၎င်းတို့၏ အင်အားက အလွန်အားနည်းနေလှကာ ချူးယွင်ဖန်းကလည်း အလွန်ငယ်သေးသည်။ နောက်မျိုးဆက်အနည်းငယ်အတွင်းတွင် ချူးယွင်ဖန်းကို ဖြုတ်ချရန် မဖြစ်နိုင်ဟု ပြော၍ ရသည်။ ထိုသို့သောအခြေအနေမျိုးတွင် ၎င်းတို့၌ ငြိမ်သက်နေသော အခြေအနေထဲသို့ ဝင်ရန်မှတပါး အခြားနည်းလမ်းမရှိပေ။

ခဏတာအတွင်း၌ပင် ကမ္ဘာ့အခြေအနေက နောက်ထပ်ရွှေခေတ်တစ်ခုသို့ ဝင်ရောက်လာသကဲ့သို့ပင်ဖြစ်သည်။

ဤသည်က ချူးယွင်ဖန်း၏ အဆုံးအဖြတ်တိုက်ပွဲဗျူဟာကြောင့်ဖြစ်ကြောင်း လူအများက သိကြသည်။

ထိခိုက်ဒဏ်ရာရသူ များစွာရှိသော်လည်း စစ်ပွဲနှင့် ကမ္ဘာကြီးက အချိန်တိုအတွင်း တည်ငြိမ်သွားခဲ့သည်။ တဝေ၏ မဟာဝေရဲ့ အခြေခံအစီအစဉ်ကိုမူ မပျက်ဆီးစေခဲ့ပေ။ ထိခိုက်ဒဏ်ရာရသူ ၁၀၀,၀၀၀ မှ ၂၀၀,၀၀၀ အတွက်ကမူ မည်သူမျှ ဂရုမစိုက်ကြပေ။ နိုင်ငံတော်အတွက် ဆုံးရှုံးမှုများဟူသည် ခြစ်ရာတစ်ခုမျှသာဖြစ်သည်။ ၎င်းတို့၏ အရိုးများကို ထိခိုက်စေမည့် တိုက်ပွဲတစ်ခုနှင့် ဝေးသေးသည်။

ချူးယွင်ဖန်း မွန်းစတားသုတ်သင်သူများဂိုဏ်းမှ ထွက်ခွာပြီး မကြာမီတွင် မြို့တော်မှ ဧကရာဇ်အမိန့်တော်တစ်ရပ် ထွက်ပေါ်လာခဲ့သည်။ မွန်းစတားသုတ်သင်သူများ ဂိုဏ်းခေါင်းဆောင် ယွင်ဟွမ်ကို ချူးယွင်ဖန်းနှင့်အတူ ဧကရာဇ်အကြံပေးအဖြစ် ခန့်အပ်ခဲ့သည်။

ခဏတာမျှ ကမ္ဘာကြီး ရုတ်ရုတ်သဲသဲ ဖြစ်သွားသည်။ ဤမျှ တိုတောင်းလှသော အချိန်တိုအတွင်း ဤကဲ့သို့ ပြောင်းလဲမှုမျိုးဖြစ်လာလိမ့်မည်ဟု မည်သူမျှ မမျှော်လင့်ထားကြပေ။ သို့သော် ယွင်ဟွမ်သည် တိုက်ပွဲတွင် ချူးယွင်ဖန်းကို ရှုံးနိမ့်ခဲ့သော်လည်း ချူးယွင်ဖန်း၏ ပြိုင်ဘက်မဟုတ်သောကြောင့်သာ ရှုံးနိမ့်ခဲ့ခြင်းဖြစ်ကြောင်း အများစုက

ရှင်းရှင်းလင်းလင်း မြင်တွေ့နိုင်သည်။ အခြားသူများနှင့် ရင်ဆိုင်ရသောအခါ သူ့တွင် အားသာချက်များစွာရှိနေသေးသည်။ အခြားသူများဆီတွင် ဤဖြစ်တည်မှုကို တိုက်ခိုက်ရန် နည်းလမ်းမရှိသကဲ့သို့ ယွင်ဟွမ်တွင်လည်း ဧကရာဇ်အကြံပေးဖြစ်လာရန် အရည်အချင်းများရှိသည်။ သို့သော် ဤအကြောင်းကြောင့်

ကောလာဟလအချို့ ပျံ့နှံ့သွားခဲ့သည်။ ဧကရာဇ်သစ်ဝေ့ဝူယသည် ချူးယွင်ဖန်းကို ကာကွယ်ရန်နှင့် ဟန်ချက်ညီစေရန် ဤသို့ပြုလုပ်ခဲ့သည်မှာ သံသယဖြစ်ရန် မလိုပေ။ ယွင်ဟွမ် ရှုံးနိမ့်ခဲ့သော်လည်း ချူးယွင်ဖန်းကို ထိန်းချုပ်နိုင်သူမှာ သူတစ်ဦးတည်းသာဖြစ်သည်။

ဝေ့ဝူယက ဤသို့ လုပ်ရသည့် ရည်ရွယ်ချက်က ရိုးရှင်းလှသည်။

လူအများ၏ အမြင်တွင် နှစ်ဖက်ကြား၌ အက်ကွဲကြောင်း တစ်ခု ရှိကောင်းရှိနိုင်သည်။ လူများစွာ၏ အမြင်၌ ဤသည်က အကောင်းဆုံးအခွင့်အရေးဖြစ်သည်။ သို့သော်လည်း ယွင်ဟွမ်က ဤရာထူးကို လက်ခံခဲ့ကာ ချူးယွင်ဖန်းက မည်သည့်စကားမျှ မပြောခဲ့ပေ။ ထို့ကြောင့် မျှော်လင့်ချက်များစွာထားရှိသူများစွာသည် အလွန်အမင်း စိတ်ပျက်အားငယ်သွားကြသည်။

ချူးယွင်ဖန်းအတွက်မူ ဤအရာများက အနှေးနှင့်အမြန်ဖြစ်လာမည်ဖြစ်သည်။

မယုံကြည်နိုင်မှုနှင့် သံသယများသည် ဧကရာဇ်တိုင်းလိုလို၏ အရိုးထဲတွင် ထွင်းထုထားသကဲ့သို့ပင်ဖြစ်သည်။ တစ်စုံတစ်ဦးက ပြောင်းလဲသွားရုံဖြင့် ပြောင်းလဲရန် မဖြစ်နိုင်ပေ။ ထို့အပြင် သူနှင့် ဝေ့ဝူယတို့သည် ကမ္ဘာကြီးကို ၎င်းတို့အကျိုးအတွက် သိမ်းပိုက်ရန်သာ ပူးပေါင်းခဲ့ကြခြင်းဖြစ်၍ ၎င်းတို့ နှစ်ဦးကြားတွင် ဆက်နွယ်မှုမရှိလှပေ။

ဤအရာများအားလုံးက အနှေးနဲ့အမြန်ဖြစ်လာမည်ဖြစ်သောကြောင့် ချူးယွင်ဖန်း ဂရုမစိုက်ပေ။ သူကိုယ်တိုင် ထီးနန်းလုယူ၍ ဧကရာဇ်မဖြစ်လာချင်ပေ။ တကယ်တမ်းတွင် သူသည် တဝေ၌ ကြာကြာမနေနိုင်သောကြြောင့် သဘာဝအတိုင်း ဂရုမစိုက်ပေ။

သူ မြို့တော်ရှိ ဧကရာဇ်အကြံပေးနေအိမ်သို့ ပြန်ရောက်သောအခါ မမျှော်လင့်ဘဲ တစ်စုံတစ်ယောက်က

သူ့ထံ လာရောက်လည်ပတ်ခဲ့သည်။

အခန်း(၁၄၃၁) ဆေးပညာဇစ်မြစ်တွေ့ဆုံပွဲ

ဧကရာဇ် အကြံပေး၏ နေအိမ်၏ နောက်ဖေးဥယျာဉ်ရှိ တဲတစ်လုံးတွင်

၎င်းတို့သုံးယောက် မျက်နှာချင်းဆိုင်ထိုင်လိုက်ကြသည်။ ချူးယွင်ဖန်းက ဝိုင်တစ်ငုံသောက်ပြီး သူ့ခွက်ကိုချလိုက်သည်။ သူ့ရှေ့ကလူနှစ်ယောက်ကို အပြုံးမပျက်ကြည့်သည်။ ၎င်းတို့ထဲမှ တစ်ဦးသည် သူသိသော ခုန်းလုံ ဆေးပညာအစည်းအရုံး၏ ဥက္ကဌ ကုန်းပုယီဖြစ်သည်။ သူ့ဘေးတွင် အသက် ခြောက်ဆယ် သို့မဟုတ် ခုနှစ်ဆယ်မျှ ရှိပုံရသော အဘိုးကြီးတစ်ဦးဖြစ်သည်။ ဤအဘိုးကြီးက အဆင့်အတန်းမြင့်သော ဝတ်စုံကို ဝတ်ဆင်ထားကာ လိမ္မာပါးနပ် စွမ်းဆောင်နိုင်စွမ်းရှိသည့် အရှိန်အဝါကို ထုတ်ဖော်ပြသထားသည်။

“လူကြီးမင်းချူး ကျုပ် မိတ်ဆက်ပေးပါရစေ ဒါက တဝေရဲ့ ဆေးပညာရှင်အသင်းရဲ့ ဥက္ကဋ္ဌ ကုန်းစွန်းဝူလုံပါ” ကုန်းပုယီက တိတ်ဆိတ်မှုကို ဖြိုခွင်းပြီး မိတ်ဆက်ပေးလိုက်သည်။

"ဒါဆို ဥက္ကဋ္ဌ ကုန်းစွန်းပေါ့ ။ ခင်ဗျားအကြောင်း အများကြီး ကြားဖူးတယ်" ချူးယွင်ဖန်းက လက်အုပ်ခုပ်၍ ပြောလိုက်သည်။

တဝေ၏ ဆေးပညာရှင်အသင်း ဥက္ကဋ္ဌအနေဖြင့် ကုန်းစွန်းဝူလုံသည် တဝေတစ်ခွင်တွင် အထွတ်အထိပ်သို့ ရောက်ရှိရန် အခွင့်အရေးကြီးတစ်ခုအဖြစ် သတ်မှတ်ခံရသည်။ ထို့အပြင် ချူးယွင်ဖန်းသည် ကုန်းစွန်းဝူလုံ၏ ကျင့်ကြံမှုသည် အားနည်းခြင်းမရှိဘဲ အမတေမဲ့အဆင့်၌ ရှိနေကြောင်း ပြောပြနိုင်သည်။ သူသည် အမတေမဲ့အဆင့်၌သာ ရှိသေးသော်လည်း ခွန်အားအရ ကမ္ဘာ့ထိပ်တန်းပုဂ္ဂိုလ်များထဲမှ တစ်ဦးအဖြစ် သတ်မှတ်ခံရနိုင်သည်။

မှန်သည်။ ချူးယွင်ဖန်းရှေ့တွင် မည်သို့မျှမဟုတ်ပေ။ ကုန်းစွန်းဝူလုံကို ကမ္ဘာပေါ်တွင် စွမ်းအားအကြီးဆုံးလူများထဲမှ တစ်ဦးအဖြစ်သတ်မှတ်နိုင်ကာ ချူးယွင်ဖန်းကမူ ကမ္ဘာပေါ်၌ အင်အားအကြီးဆုံးဖြစ်သည်။ ချူးယွင်ဖန်း၏ ရောင်ဝါက လက်ရှိ ဧကရာဇ်ထက်ပင် ပို၍ မြင့်မားနေသေးသည်။ သူ၏ တည်ရှိမှုကို မည်သူကလျှော့တွက်ရဲမည်နည်း။

“လူကြီးမင်းချူး ယဥ်ကျေးလွန်းနေပါပြီ”

ကုန်းစွန်းဝူလုံသည် ချူးယွင်ဖန်းကိုစိတ်ဝင်တစားကြည့်လိုက်သည်။ ချူးယွင်ဖန်းကို သူ ပထမဆုံးသိခဲ့စဉ်က သူသည် ဆေးပညာစာမေးပွဲ‌လေးကြိမ်ကို တစ်ပြိုင်နက်တည်း အောင်မြင်ခဲ့ပြီး ဆေးသင်န်းသားအဆင့်မှ စီနီယာဆေးဆရာအဆင့်သို့ အလွယ်တကူ ရောက်သွားသောကြောင့် ဖြစ်သည်။ ခွန်းလုံတွင် ဆေးပညာစာမေးပွဲကို သွားမဖြေနိုင်သောကြောင့်သာမဟုတ်တပါက ချူးယွင်ဖန်းသည် တစ်ပြိုင်နက်တည်း ဆေးပညာရှင်ဖြစ်လာနိုင်သည်။

ထိုအချိန်၌ ကုန်းစွန်းဝူလုံက ဆေးပညာ၌ ပါရမီရှင်တစ်ဦးဖြစ်သည်။ နောက်မျိုးဆက်တွင် သူနှင့် ယှဥ်နိုင်မည့်သူကို ရှာရန် ခက်ခဲပေလိမ့်မည်ဖြစ်သည်။ သူသည် တဝေ၏ ဆေးပညာအစည်းအရုံး၌ နောက်တက်မည့် ဥက္ကဠဖြစ်လာရန် အလားအလာများသည်။ မျက်စိတစ်မှိတ်အတွင်း၌ပင် ချူးယွင်ဖန်းသည် ကမ္ဘာပေါ်တွင်ရှိသော ကျွမ်းကျင်သူအနည်းငယ်ထဲမှ တစ်ဦးဖြစ်လာလိမ့်မည်ဟု မည်သူက သိမည်နည်း။ ထို့အပြင် ပုန်ကန်မှုကို စတင်ခဲ့ကာ ယွင်ဟွမ်ကိုပင် အောင်မြင်စွာ အနိုင်ယူ၍ ကမ္ဘာ့နံပါတ်တစ် ကျွမ်းကျင်သူဖြစ်လာခဲ့သည်။

ဤအမြန်နှုန်းက အလွန်မြန်လွန်းလှသဖြင့် မျက်စိပဿဒဖြစ်စဖွယ်ကောင်းလှသည်။ မည်သူမျှ နားမလည်နိုင်ခင်၌ပင် ဖြစ်ပျက်သွားခဲ့ပြီဖြစ်သည်။ ကုန်းစွန်းဝူလုံကို တဝေ၌ ဒဏ္ဍာရီလာပုဂ္ဂိုလ်တစ်ဦးဟု သတ်မှတ်ထားကြသော်လည်း ချူးယွင်ဖန်းနှင့်ယှဥ်ပါက သူက အရေးမပါလှပေ။

“လူကြီးမင်းချူး ဧကရာဇ်မြို့တော်က ဆေးပညာအဖွဲ့အစည်းရဲ့ အကဲဖြတ်ချက်ကို မဖြေခဲ့တာ နှမျောစရာပါပဲ” မဟုတ်ရင် သာမန်လူတစ်ယောက်ကနေ ဆေးပညာရှင်တစ်ယောက်အဖြစ် တစ်ရက်တည်းနဲ့ တိုးတက်လာတဲ့ မကြုံစဖူးလူတစ်ယောက်ကို ကျုပ်တို့ မြင်နိုင်မှာ” ကုန်းစွန်းဝူလုံက သက်ပြင်းချ၍ ‌ယင်းက သူ့ရင်ထဲမှ နောင်တတစ်ခုဖြစ်သကဲ့သို့ ပြောလိုက်သည်။ မည်သို့ပင်ဖြစ်စေကာမူ ဤသည်က ဒဏ္ဍာရီလာပုဂ္ဂိုလ်တစ်ဦးနှယ်ဖြစ်သည်။ ချူးယွင်ဖန်း၏ အစွမ်သတ္တိအရ ယင်းက ကျိန်းသေဖြစ်နိုင်သည်။

“ဟားဟားဟား အရေးမကြီးပါဘူး ဒါက ရာထူးတစ်ခုပါပဲ” ချူးယွင်ဖန်းက ခေါင်းခါလိုက်သည်။

အစပိုင်းတွင် သူသည် စီနီယာဆေးပညာရှင်တစ်ဦးဖြစ်ရန် လိုအပ်ခဲ့သော်လည်း ယခုအခါတွင်မူ ယင်းကို မလိုတော့ပေ။ ကုန်းစွန်းဝူလုံက ဤသည်ကိုမြင်သောအခါ အနည်းငယ် သနားသွားသည်။ ချူးယွင်ဖန်းက ဆေးပညာရှင်စာမေးပွဲကို ဆက်လက်ဖြေဆိုရန် စိတ်မဝင်စားကြောင်း သူသိသည်။ သူသည် ဒဏ္ဍာရီလာ ပုဂ္ဂိုလ်တစ်ဦးဖြစ်ကာ အသက်အငယ်ဆုံး ကျွမ်းကျင်သူဖြစ်သော်လည်း ချူးယွင်ဖန်း၏ လက်ရှိ အစွမ်းသတ္တိနှင့် ဂုဏ်သတင်းတို့နှင့်ယှဥ်ပါက မဟုတ်လှသည်မှာသိသာသည်။

“ဥက္ကဠ ကုန်းစွန်း ဒီနေ့ ဘာလို့ ကျုပ်ဆီလာတာလဲသိလို့ရမလား” ချူးယွင်ဖန်းက မေးသည်။

“ဆေးပညာအစည်းအရုံးဠာနချုပ်က ဆေးပညာဇစ်မြစ်တွေ့ဆုံပွဲကို ကျင်းပကြလိမ့်မယ်။ အဲ့ကျရင် ဆေးပညာအစည်းအရုံးက စီနီယာဆေးပညာရှင်တွေအပါအဝင် ကျွမ်းကျင်သူအားလုံး တက်ရောက်ကြလိမ့်မယ်” ကုန်းစွန်းဝူလုံက ချူးယွင်ဖန်းကိုကြည့်ကာ ပြောလိုက်သည်။

“ ဆေးပညာဇစ်မြစ်တွေ့ဆုံပွဲဟုတ်လား အဲ့တာဘာလဲ” ချူးယွင်ဖန်းက မေးလိုက်သည်။

“ကျုပ်တို့ ဆေးပညာရှင်အစည်းအရုံးက ကမ္ဘာတစ်ဝှမ်းမှာ ပျံ့နှံ့နေပြီဆိုတာ လူကြီးမင်းချူးသိမှာပါ။ ကျုပ်က တဝေဆေးဌာနခွဲရဲ့ ဥက္ကဠပဲ။ ဒါပေမယ့် ကျုပ်တို့ အပေါ်မှာ အဓိကအုပ်ချုပ်ရေးရှိသေးတယ်။ အဲ့အဓိက အုပ်ချုပ်ရေးက ဆေးပညာဇစ်မြစ်တွေ့ဆုံပွဲ ကျင်းပတော့မှာပါ။ ရည်ရွယ်ချက်က ဆေးပညာရှင်အားလုံး အပြန်အလှန်ဆက်ဆံနိုင်ဖို့ အခွင့်အရေးပေးဖို့ပါ။ ဒါ့အပြင် ဆေးပညာရှင်အားလုံးက သူတို့မလိုအပ်တဲ့ ဆေးဖက်ဝင်အပင်တွေကို ထုတ်ယူပြီး ရောင်းဝယ်ဖောက်ကားကြမှာပါ။ ရှားပါးတဲ့ အဆင့်မြင့်ဆေးဖက်ဝင်အပင်တွေ အများကြီး တွေ့ဆုံပွဲမှာ ပေါ်လာမှာပါ" ကုန်းစွန်းဝူလုံက ပြောသည်။

ချူးယွင်ဖန်း ချက်ချင်းသဘောပေါက်သွားသည်။ ရိုးရိုးသားသားပြောပါက ဤဆေးပညာဇစ်မြစ်တွေ့ဆုံပွဲသည်

ဆေးပညာအစည်းအရုံးက စီစဥ်သည့် စုဝေးပွဲတစ်ခုဖြစ်သည်။ သို့သော် ဤစုဝေးပွဲ၏ ကန့်သတ်ချက်က အလွန်မြင့်မားသည်။ စီနီယာဆေးပညာရှင်များသာ ပါဝင်ခွင့်ရသည်။

အဆင့်မြင့် ဆေးပညာရှင်တစ်ဦး၏ တည်ရှိမှုအဆင့်က မည်မျှနည်း။ ကုန်းစွန်းဝူလုံကဲ့သို့ လူတစ်ဦးသည် မြို့တစ်မြို့ကို ကြီးကြပ်နိုင်ကာ မြို့အဆင့် ဆေးပညာရှင်အစည်းအရုံးဥက္ကဌဖြစ်လာနိုင်သည်။ ဤသည်က ဆေးပညာဇစ်မြစ်တွေ့ဆုံပွဲသို့ ဝင်ရန် အနည်းဆုံးလိုအပ်ချက်ဖြစ်သည်။

ထို့ကြောင့် ဤတွေ့ဆုံပွဲက စံနှုန်းမည်မျှ မြင့်မားသည်ကို မြင်ယောင်ကြည့်နိုင်သည်။ ထို့အပြင် ရှားပါးဆေးဖက်ဝင်အပင်များစွာကိုလည်း အစည်းအဝေးတွင်မြင်နိုင်သည်။ ဤသည်က သာမန်ဆေးပညာရှင်များအတွက် ကြီးမားသော ဆွဲဆောင်မှုတစ်ခုဖြစ်စေသည်။

ဤဆေးပညာဇစ်မြစ်တွေ့ဆုံပွဲသည် ဗုဒ္ဓများနှင့် နတ်ဘုရားများကျင်းပခဲ့သည့် ဒဏ္ဍာရီလာ

ဆေးပညာဇစ်မြစ်တွေ့ဆုံပွဲ၏ ထင်ဟပ်မှုလည်းဖြစ်သည်။

“အဲ့တာ မူလက ဆေးပညာရှင်တွေ တွေ့ဆုံပွဲပဲဆိုပေမယ့် အချိန်ကြာလာတာနဲ့အမျှ အသက်ဝင်လာပြီး အရမ်း စည်ကားတဲ့ စျေးကွက်တစ်ခုဖြစ်လာတယ်။ သာမန်ဆေးပညာရှင်တွေဆိုရင် အဲ့ကိုသွားဖို့ မိုင်ထောင်ချီ ခရီးသွားဖို့လိုတယ်။ နောက်ပြီး ဆေးဖက်ဝင်အပင်တွေကို ရောင်းချင်တဲ့လူ သို့မဟုတ် ဝယ်ချင်တဲ့လည်းတချို့ရှိတယ်။ ကုန်းစွန်းဝူလုံက ဆက်ပြောသည်။

“ပြီးတော့ လူကြီးမင်းချူးက ကျုပ်တို့ တဝေမှာ မှတ်ပုံတင်ထားတဲ့ အဆင့်မြင့် ဆေးပညာရှင်ဖြစ်တာမို့လို့ ဒီတွေ့ဆုံပွဲအကြောင်း အသိပေးရမှာ ကျုပ်တို့ တာဝန်ပါပဲ”

ချူးယွင်ဖန်းက ကုန်းစွန်းဝူလုံကို အပြုံးမပျက်ကြည့်ကာ ပြန်ပြောလိုက်သည်။

"ဥက္ကဌကုန်းစွန်း ခင်ဗျား ပြောနေတာ အမှန်တရားမဟုတ်ဘူးမလား ဒီလိုကိစ္စသေးသေးလေးဆိုရင် ကျွန်တော့်ကို အကြောင်းကြားဖို့ တစ်ယောက်ယောက်လွှတ်လိုက်လို့ရတယ်။ ဘာလို့ ဥက္ကဌနှစ်ယောက် ကိုယ်တိုင်လာရတာလဲ"

ကုန်းစွန်းဝူလုံက ခါးသီးစွာပြုံးလိုက်သည်။

"မျှော်လင့်ထားတဲ့အတိုင်း ဘာမှ ခင်ဗျားဆီကနေ ဖုံးကွယ်ထားလို့မရဘူး၊ ဆရာချူး။ တကယ်တော့၊ ဆေး ပညာဇစ်မြစ်အစည်းအဝေးရဲ့ မူလရည်ရွယ်ချက်က ကမ္ဘာတစ်ဝှမ်းက ဆေးပညာရှင်တွေကို အပြန်အလှန် ဆက်သွယ်ခွင့်ပေးဖို့ပါ။ ဒါပေမယ့် အခုတော့ ပြောင်းလဲသွားတာ ကြာပါပြီ။

ဆေးပညာရှင်တွေ အချင်းချင်း ပြိုင်ဖို့ နေရာတစ်ခုဖြစ်လာခဲ့ပြီ”

“လူကြီးမင်းက အဆင့်သတ်မှတ်ချက်မှာ ဆေးပညာရှင် မဟုတ်ပေမယ့် အစွမ်းအဆကတော့ ဘယ်သူ့ထက်မှ မနိမ့်ကျဘူးဆိုတာ ကျုပ်ပြောနိုင်တယ်။ လူကြီးမင်းချူးသာ ကျုပ်တို့နဲ့ ပူးပေါင်းဖို့ ဆန္ဒရှိရင် ဒီတစ်ခါ ကျုပ်တို့အဆင့်က အရမ်းဆိုးတော့မှာမဟုတ်ဘူး”

ကုန်းစွန်းဝူလုံသည် ချူးယွင်ဖန်းထံမှ ဖုံးကွယ်၍မရကြောင်း သိလိုက်ရသောအခါ ချက်ချင်းပင် အမှန်အတိုင်း ပြောလိုက်သည်။ ဤသည်က ရိုးရှင်းသော စုဝေးမှုတစ်ခုမဟုတ်ပေ။ တကယ်တမ်းတွင် ဤတွေ့ဆုံပွဲ၌ နိုင်ငံအသီးသီးမှ တပ်ဖါဲ့များကြား ပွင့်လင်းမြင်သာသည့် လျို့ဝှက် ရုန်းကန်မှုများပါဝင်သည်။ အပေါ်ယံမှ ကြည့်လျှင် ရိုးရှင်းသည်ဟု ခံစားရသကဲ့သို့ လက်တွေ့တွင်မဟုတ်ပေ။