အခန်း (၁၄၃၈-၁၄၄၀)

အခန်း(၁၄၃၈) ကိုယ့်ကိုယ်ကိုယ်သတ်သေပါ

သန့်စင်မှုဂိုဏ်း၏ အကာအကွယ်အတားအဆီးအောက်၌ အလွှာပေါင်းများစွာရှသောကြောင့် ကြီးမားသော ကာကွယ်ရေးစနစ်တစ်ခုဖြစ်လာခဲ့သည်။ သီအိုရီအရ အမတေမဲ့အဆင့်ရှိသူတစ်ဦးအနေနှင့် ဖျက်ဆီး၍ မဖြစ်နိုင်ပေ။ သို့သော် ချူးယွင်ဖန်းသည် တစ်ချက်တည်းဖြင့် ဖျက်ဆီးနိုင်ခဲ့သည်။

ဂိုဏ်းချုပ်ကြီး အံ့အားသင့်သွားသည်။

"ကျန်းဝူချန်က ကောလာဟလတွေထက်တောင် ပိုပြီး ကြောက်စရာကောင်းတယ်။ မဟုတ်ဘူး၊ သူက အနည်းဆုံး ဆယ်ဆလောက် ပိုအစွမ်းထက်တယ်!"

ချူးယွင်ဖန်း၏ ကောလဟာလများထွက်နေသည့် အစွမ်းအရသာဆိုပါက ဂိုဏ်းချုပ်က စိတ်ပူမည်မဟုတ်ပေ။ အတားအဆီးများနှင့် ချူးယွင်ဖန်း၏ အစွမ်းအဆက မည်မျှပင်ကြီးစေကာမူ သန့်စင်မှုဂိုဏ်းကို မည်သို့မျှ လုပ်၍ ရမည်မဟုတ်ဟု သူထင်ခဲ့သည်။

“ငါသတိထားရင် ကြယ်ကိုးပွင့်ဂိုဏ်းရောက်လာဖို့ အချိန်ဆွဲလို့ရလောက်တယ်”

ဂိုဏ်းချုပ်က ယွမ်ရှန်တွင် သတ်ဖြတ်မှုကို ဖြစ်စေခဲ့သော ကျန်းဝူချန်နှင့် ရင်ဆိုင်ရမည်ဟု အတည်ပြုချိန်တွင် ကိုးကြယ်ပွင့်များထံ အကူအညီတောင်းခံမှု ပေးပို့ပြီးဖြစ်သည်။

ချူးယွင်ဖန်း အဘယ်ကြောင့် လာရသည်ကို ဂိုဏ်းချုပ်က သိသည်။ တန်စီယုတွင်ဖြစ်ပျက်ခဲ့သမျှနှင့် သက်ဆိုင်နေရပေမည်။ မျိုးနွယ်စုခေါင်းဆောင်သည် ဤအရာကိုရှောင်လွှဲ၍ မရပေ။ သူ၏ တစ်ခုတည်းသော

ရွေးချယ်စရာမှာ ချူးယွင်ဖန်းကို အနိုင်ယူ မောင်းထုတ်လိုပါက ကြယ်ကိုးပွင့်ကို အားကိုးရန်ဖြစ်သည်။ ကြယ်ကိုးပွင့်မှလွဲ၍ အခြားမည်သူမျှ ကျန်းဝူချန်ကို ရင်ဆိုင်နိုင်မည်မဟုတ်ပေ။

သန့်ရှင်းစင်ကြယ်မှုနှင့် ကြယ်ကိုးပွင့်တို့သည် ဆက်စပ်မှုရှိပြီး ကြယ်ကိုးပွင့်သည် ကြယ်ကိုးပွင့်၏ မဟာမိတ်ဖြစ်သည်။ ထိုကြောင့်မဟုတ်ပါက ၎င်းတို့သည် တန်စီယုကဲ့သို့ အမတေမဲ့အဆင့်ကို ထောင်ချောက်ဆင်ကာ နှိမ်နင်းရန် ကြယ်ကိုးပွင့်ဂိုဏ်း၏ သခင်လေးနှင့် ပူးပေါင်းဆောင်ရွက်ခဲ့ကြမည်မဟုတ်ပေ။ သို့သော် ချူးယွင်ဖန်း၏ တိုက်ခိုက်မှုက သန့်စင်မှုဂိုဏ်းခေါင်းဆောင်၏ အစီအစဥ်များကို လုံးဝနှောက်ယှဥ်ခဲ့သည်။ သူ့ဂိုဏ်း၏အတားအဆီးများသည် ချူးယွင်ဖန်း၏ပေါ့ပေါ့တန်တန်တိုက်ခိုက်မှုဖြင့် ချိုးဖျက်နိုင်လိမ့်မည်ဟု ဘယ်သောအခါမှ မမျှော်လင့်ခဲ့ပေ။

တစ်ချိန်တည်း၌ပင် သန့်စင်မှုဂိုဏ်း၏ တပည့်များသည်လည်း မျက်နှာများတွင် ကြောက်ရွံ့မှုများ ပြည့်နှက်နေသကဲ့သို့ အံ့အားသင့်နေကြသည်။ ၎င်းတို့ ဂုဏ်ယူစွာအားကိုးနိုင်သည်ဟု

ထင်မြင်ယူဆထားသော အတားအဆီးများသည် ၎င်းတို့ တွေးထားသည်ထက် အစွမ်းအစနည်းသည်။ ချူးယွင်ဖန်း၏ ထိုးနှက်ချက်တစ်ခုကိုပင် ခံနိုင်ရည်မရှိပေ။

"ဒါဘယ်လိုဖြစ်နိုင်မှာလဲ။ ကျွန်တော်တို့ရဲ့အတားအဆီးတွေက ဘယ်လိုလုပ် ဒီလောက်အားနည်းနေရတာလဲ။"

"သူ့ရဲ့ ကျင့်ကြံမှုအဆင့်က ဘယ်လောက်လဲ။ ဒါ မဖြစ်နိုင်ဘူး!"

"ငါမယုံဘူး။ အဲ့တာတွေက ငါတို့ဂိုဏ်းရဲ့ အပြင်းထန်ဆုံးအတားအဆီးတွေပဲ!"

လူတိုင်းက စက္ကူဖြူတစ်ရွက်ထက်ပင် ဖြူဖျော့နေကြကာ သရဲတစ်ကောင်ကို မြင်လိုက်ရသကဲ့သို့ ထင်ရသည်။ ၎င်းတို့ ရှေ့မှ မြင်ကွင်းကို မယုံကြည်နိုင်စွာဖြင့် ကြည့်နေကြကာ ဂိုဏ်းဝင်များက ချူးယွင်ဖန်းကို ထပ်မံကြည့်လိုက်သောအခါ မွန်းစတားတစ်ကောင်ကိုကြည့်နေသည့်နှယ်ထင်လိုက်ရသည်။ တစ်ချိန်တည်း၌ပင် ၎င်းတို့ဆီသို့ သေခြင်းတရားအငွေ့အသက်တချို့ နီးကပ်လာသည်ကိုခံစားလိုက်ရသည်။

သန့်စင်မှုဂိုဏ်းခေါင်းဆောင်က အော်လိုက်၏။

“သံမဏိဖွဲ့စည်းပုံကို ပြင်ဆင်ပြီး သူ့ကို အချိန်ဆွဲထားလိုက်ကြ။ ကြယ်ကိုးပွင့်ဂိုဏ်းက သိပ်မကြာခင်ရောက်လာလိမ့်မယ်”

မကြာမီတွင် နတ်အဆင့် တစ်ရာ့ရှစ်ဆယ်ခန့်သည် သန့်စင်မှုဂိုဏ်းမှ ပျံသန်းထွက်လာကြကာ ချူးယွင်ဖန်းကို ဝိုင်းထားမည့် ကြီးမားသော အစုအဝေးတစ်ခု ဖွဲ့စည်းခဲ့သည်။ ဤကျွမ်းကျင်သူတစ်ဦးစီသည် ၎င်းတို့ရှေ့မှ ရွှေအမတေအဆင့်ကဲ့သို့ အာရုံစိုက်မခံရနိုင်သော်လည်း နတ်အဆင့်တစ်ရာကျော်သော ပမာဏသည် ရွှေအမတေအဆင့်ရှိသူကို ခြိမ်းခြောက်နိုင်လောက်အောင် ကြောက်မက်ဖွယ်ကောင်းပေလိမ့်မည်ဖြစ်သည်။

"သူ့ကိုသတ်လိုက်”

နတ်အဆင့်များက ကြုံးဝါးကာ ချူးယွင်ဖန်းထံချီတက်လာကြသည်။ လူအုပ်ကြီးက စုစည်း၍ ကြောက်မက်ဖွယ်ကောင်းသော လှိုင်းလုံးကြီးတစ်ခုကို ဖွဲ့စည်းခဲ့ကြသည်။ လူတစ်ရာ့ရှစ်ယောက်၏ စွမ်းအားသည် ချူးယွင်ဖန်းကို တိုက်ခိုက်သည့် ယှဉ်နိုင်စရာမရှိသော ကြောက်မက်ဖွယ်ကောင်းသော တစ္ဆေတစ်ခုအဖြစ် စုစည်းသွားသည်။

"မင်းတို့ကိုယ်မင်း အထင်ကြီးလွန်းနေပြီ”

ချူးယွင်ဖန်းက ကြုံးဝါး၍ လက်တုံ့ပြန်လိုက်ရာ ဓားပုံစံအလင်းတန်းတစ်ခုက ကောင်းကင်ယံတွင်ပျံသန်းလျက် အောက်သို့ ခုတ်ပိုင်းကျလာသည်။

ဘမ်း

ဂိုဏ်းဝင်များအားလုံးက ကျယ်လောင်သော ပေါက်ကွဲသံကိုကြားလိုက်ကြရသည်။ ချူးယွင်ဖန်းသည် စည်းချိပ်ကို အပိုင်းပိုင်းဖြတ်တောက်လိုက်ရာ နတ်အဆင့် ၁၈ပါးသည် ၎င်းတို့၏ ခန္ဓာကိုယ်သို့ အားတစ်ခုရိုက်ခတ်လာသည်ကိုခံစားလိုက်ရသည်။ ၎င်းတို့၏ ပါးစပ်ထဲမှ ပါးစပ်အပြည့် သွေးများအန်ထွက်လာကာ ဝမ်းနည်းစွာအော်လိုက်ကြသည်။ ၎င်းတို့၏ ခန္ဓာကိုယ်များက ဘယ်ညာာသို့ လွင့်စင်သွားသည်။

ချူးယွင်ဖန်းသည် လူတစ်ရာ့ရှစ်ယောက်အဖွဲ့ကို ချက်ချင်းဖြိုခွင်းလိုက်သည်။

ထို့နောက် ချက်ချင်းပင် သူက အပြင်ဘက်သို့ ခုတ်ထစ်လိုက်ရာ ဓားပုံသဏ္ဍာန် အလင်းတန်းသည် ကောင်းကင်မှ အလင်းတန်းပေါင်း တစ်ရာ့ရှစ်ခုအဖြစ် ကွဲထွက်သွားသည်။

ဝှစ် ဝှစ် ဝှစ်

ဓားပုံသဏ္ဍာန်မီးတောက်များသည် တစ်ခုပြီးတစ်ခု ကျဆင်းလာပြီး မိုးသည်းထန်စွာရွာသွန်းသကဲ့သို့ ဖွဲ့စည်းပုံတစ်ခုလုံးကို ပျံ့နှံ့သွားသည်။ ချူးယွင်ဖန်း၏တိုက်ခိုက်မှုသည် နတ်အဆင့် တစ်ရာ့ရှစ်ပါးကို အပိုင်းပိုင်းဖြတ်တောက်လိုက်သည်။

ဤကျွမ်းကျင်သူများ၏သွေးများ နေရာအနှံ့ပြန့်ကျဲဥာ ကောင်းကင်တစ်ခွင်သို့ ပြည့်နှက်သွားပြီးနောက် သန့်စင်မှုဂိုဏ်း၏ မြေပြင်ပေါ်သို့ သွေးမိုးများအဖြစ် ရွာကျလာသည်။ ဘေးမှ ရပ်ကြည့်နေသူများအားလုံးက သွေးများဖြင့် ရွှဲနစ်နေကာ သွေးမှုန်မွှားများအဖြစ်ပြောင်းလဲသွားသည်ကို အံ့အားသင့်စွာကြည့်နေကြသည်။

ချူးယွင်ဖန်းက နတ်အဆင့်များကိုသတ်လိုက်သောအခါ ၎င်းတို့၏ မျက်လုံးများတွင် အဆက်မပြတ် ကြောက်ရွံ့မှုများပေါ်လာသည်။

မည်သို့ပင်ဖြစ်စေကာမူ ယင်းတို့သည် ခရမ်းချဥ်သီးတစ်ရာ့ရှစ်လုံးမဟုတ်၊ နတ်အဆင့်တစ်ရာ့ရှစ်ပါးဖြစ်သည်။ ထိုပညာရှင်များသည် သန့်စင်မှုဂိုဏ်း၏ အဓိကကျောရိုးဖြစ်သည်။ ၎င်းတို့၏ ဖွဲ့စည်းပုံက သာမန် ရွှေအမတေအဆင့်ရှိသူတစ်ဦးနှင့် ညီမျှသည်ဟု ဆိုလိုသည်။ သို့ထိတိုင် ချူးယွင်ဖန်းက ၎င်းတို့ကို လှုပ်ရှားမှုအနည်းငယ်ဖြင့် ဖျက်ဆီးခဲ့သည်။ သူသည် ဂိုဏ်း၏ နားလည်မှုကို လုံးဝကျော်လွန်ခဲ့ကာ နောက်ဆုံး၌ ၎င်းတို့သည် အထွတ်အထိပ်အဆင့် ကျွမ်းကျင်သူများရှေ့၌ အရေအတွက်က အဘယ်ကြောင့်အဓိပ္ပါယ်မရှိသည်ကိုနားလည်ခဲ့ကြသည်။

အဘယ်ကြောင့်ဆိုသော် အရည်အသွေးသည် အရေအတွက်ထက် ကျော်လွန်နေသောကြောင့် ဖြစ်သည်။

"မင်းဘယ်လောက်တောင် သတ္တိရှိနေလဲ!"

သန့်စင်မှုဂိုဏ်းခေါင်းဆောင်က ကြုံးဝါးလိုက်သည်။ သူ့ခန္ဓာကိုယ်ထဲမှ နတ်စွမ်းအင်များအားလုံးကို ချူးယွင်ဖန်းကိုတိုက်ခိုက်ရန် လုပ်နေသည့်အချိန်၌ ဓားပုံစံရောင်ချီတစ်ခုက ကောင်းကင်ကို ဖြတ်သန်နးသွားသည်ကိုမြင်လိုက်ရသည်။

ချူးယွင်ဖန်း၏တိုက်ခိုက်မှုသည် ဂိုဏ်းခေါင်းဆောင်၏ခန္ဓာကိုယ်ပေါ်သို့ တစ်ချိန်ချိန်တွင် ကျရောက်ပြီးဖြစ်သည်။ ချူးယွင်ဖန်း မည်သည့်အချိန်တွင် တိုက်ခိုက်ခဲ့သည်ကို ဂိုဏ်းခေါင်းဆောင်ပင် မသိခဲ့ပေ။ ချူးယွင်ဖန်း၏ ဓားပုံသဏ္ဍာန်အလင်းသည် အောက်သို့ ဖြာကျလာသောအခါမှသာ ချူးယွင်ဖန်းသည် တုံ့ပြန်ခဲ့သည်။

ဘမ်း

ထိုတိုက်ခိုက်မှုကြောင့် ဂိုဏ်းချုပ်မှာ လွင့်စင်သွားပြီး သူ့ရင်ဘတ်၌ သွေးများ ပေကျံသွားသည်။

ဘမ်း

မျိုးနွယ်စုခေါင်းဆောင်သည် တောင်နံရံကို ပြင်းထန်စွာ ဝင်တိုက်မိပြီး ချက်ချင်းပင် အမှုန့်ဖြစ်သွားသည်။ ထိုအချိန်တွင်ပင် သူသည် အလွန်အမင်း နာကျင်မှုကြောင့် မျက်နှာ ရှုံ့မဲ့သွားပြီး ရပ်တန့်လိုက်ရသည်။ သူနှင့် ချူးယွင်ဖန်းကြားရှိ ကွာဟချက်သည် မည်မျှကြီးမားသည်ကို နောက်ဆုံးတွင် သဘောပေါက်သွားသည်။ သူ အနောင်တရဆုံးမှာ ကြယ်ကိုးပွင့်ဂိုဏ်း၏ ရှာဖွေမှုကို တုံ့ပြန်ပြီး တန်စီယုကို တိုက်ခိုက်ခဲ့သည့် အကြောင်းရင်းဖြစ်သည်။

သူမသည် ၎င်းတို့၏ အမြင်တွင် အခြေခံမရှိသော တစ်ယောက်တည်းသော ကျင့်ကြံသူတစ်ဦးဖြစ်သည်။ ကြယ်ကိုးပွင့်ဂိုဏ်း၏ တစ်ဦးတည်းသော ကျင့်ကြံသူက မည်သို့တိုက်ခိုက်နိုင်မည်နည်းဟုတွေးနေမိသည်။

"ဒီလောက်ကြောက်စရာကောင်းတဲ့လူတစ်ယောက်ကို လက်စားချေဖို့ ရန်စမိလိမ့်မယ်လို့ မထင်ထားမိဘူး”

သို့သော် ဂိုဏ်းချုပ်တွင် သူ၏ ဆုံးဖြတ်ချက်ကိုနောင်တရရန် အချိန်မရှိပေ။ နှစ်ပေါင်းများစွာ လက်ဆင့်ကမ်းလာခဲ့သည့် သန့်စင်မှုအခြေခံအုတ်မြစ်သည် သူ၏ဒဏ်ရာများကြောင့် တစ်ရက်တည်းတွင်

ပျက်ဆီးသွားလိမ့်မည်။

သို့တိုင် ချူးယွင်ဖန်းသည် ဂိုဏ်းခေါင်းဆောင်၏ ဒဏ်ရာများကို အခွင့်ကောင်းယူ၍ သူ့ကို လိုက်လံဖမ်းဆီးခြင်း မပြုခဲ့ပေ။

ချူးယွင်ဖန်းက ဘာသိဘာသာပြောလိုက်၏။

“ငါသက်ညှာပေးပြီးပြီ။ မဟုတ်ရင် မင်းသေတာကြာပြီ။ အခု ဒီ ဓားတံဆိပ်ရဲ့ လျို့ဝှက်ချက်ကိုပြောပြ။ ဒါဆိုရင် တန်စီယုကိုလိုက်ဖမ်းတဲ့လူအားလုံး ကိုယ့်ကိုယ်ကိုယ်သတ်သေကြ”

အခန်း(၁၄၃၉) တစ်ယောက်ပြီးတစ်ယောက် ကျရှုံးခြင်း

ချူးယွင်ဖန်း၏ စကားများကို ကြားသောအခါ သန့်စင်မှုဂိုဏ်းက တိတ်ဆိတ်သွားသည်။ မည်သူမျှ သူ့ကို ထပ်မံ ကျိန်ဆဲရန် မကြိုးစားကြပေ။ သူ့အစွမ်းသတ္တိကို အလွန်အကျွံ ခန့်မှန်းမိသည်ဟု ၎င်းတို့ ထင်သောကြောင့်သာ သူ့ကို ယခင်က ကျိန်ဆဲရဲကြခြင်းဖြစ်သည်။

သို့သော်လည်း ချူးယွင်ဖန်းသည် အဘယ်ကြောင့် ဤမျှယုံကြည်မှုရှိသည်ကို နောက်ဆုံးတွင် ၎င်းတို့နားလည်ခဲ့ကြသည်။ အဘယ်ကြောင့်ဆိုသော် သူ့စကားများကို ထောက်ခံရန် ခွန်အားရှိသောကြောင့်ဖြစ်သည်။ သူသည် ၎င်းတို့ကို ဖျက်ဆီးရန် ဆုံးဖြတ်ခဲ့ပါက သန့်စင်မှုဂိုဏ်းက ပြန်လည်တိုက်ခိုက်နိုင်မည်မဟုတ်ပေ။

သန့်စင်မှုဂိုဏ်းတွင် ကြယ်ကိုးပွင့်ဂိုဏ်း၏ အကူအညီရခဲ့လျှင်ပင် ချူးယွင်ဖန်းက သန့်စင်မှုဂိုဏ်းကျွမ်းကျင်သူအားလုံးကို သတ်နိုင်သည်။ ဂိုဏ်းပြိုကွဲသွားရန် သန့်စင်မှုဂိုဏ်းတွင်ရှိသည့် လူတိုင်းကို သတ်ရန် မလိုအပ်ပေ။ ယင်းနှင့်ပတ်သက်၍ သံသယဖြစ်ရန် မလိုပေ။

သန့်စင်မှုသည် ၎င်းတို့၏ ခေါင်းဆောင်အပေါ် မကျေမနပ်ဖြစ်မှုကို မခံစားဘဲမနေနိုင်ပေ။ ၎င်းတို့သည် ချူးယွင်ဖန်း၏ စကားတစ်ခွန်းတည်းဖြင့် ၎င်းတို့ကို ဖျက်ဆီးနိုင်ကြောင်းသိသောကြောင့် သူသည် ပုရွက်ဆိတ်တစ်ကောင်ကို ဘွတ်ဖိနပ်နှင့် ချေမှုန်းသည်နှင့် ထူးမခြားနားပင်ဖြစ်သည်။

ချူးယွင်ဖန်းကဲ့သို့သော ကြောက်မက်ဖွယ်ကောင်းသော မွန်းစတားတစ်ကောင်ကိုစော်ကားမိသည့်အတွက် ဂိုဏ်းသည် ၎င်းတို့၏ဆရာကို မကျေမနပ်ဖြစ်ခဲ့သည်။ ၎င်းတို့၏ခေါင်းဆောင်နှင့် အထက်လူကြီးအချို့သည် တန်စီယု၏ ဝိုင်းရံနှိမ်နင်းမှုတွင် ပါဝင်ပတ်သက်ခြင်းသည် ယနေ့ကပ်ဘေးကို ဖြစ်ပေါ်စေခဲ့ကြောင်း ၎င်းတို့သိကြသည်။

ဂိုဏ်းဝင်များက ဤအတွေးများ မှားယွင်းကြောင်း သိသော်လည်း၊ ၎င်းတို့ ထိုသို့ မတွေးဘဲ မနေနိုင်ပေ။

ဂိုဏ်းတစ်ခုလုံးသည် ၎င်းတို့ဆရာ၏ ဆုံးဖြတ်ချက်ကို စောင့်ဆိုင်းရင်း တိတ်ဆိတ်နေကြသည်။ ချူးယွင်ဖန်းသည် ၎င်းတို့၏ ဆရာက ခေါင်းမာစွာခုခံပါက ဂိုဏ်းကိုဖျက်ဆီးမည်ကို ၎င်းတို့သိကြသည်။ ဂိုဏ်းချုပ်က သွေးတစ်ပွက်အန်ထုတ်လိုက်သည်။ သူက ခါးသက်စွာပြုံးလိုက်သည်။

"ကျွန်တော်မှာ ရွေးချယ်စရာရှိလား"

နောက်ဆုံးတွင် သူ့ဘေးတွင် ဂိုဏ်းကို သေဆုံးခွင့်ပြုရန်မခံနိုင်ပေ။ အခြားသူတစ်ဦးက ထိုသို့ပြုလုပ်မည်ဖြစ်သော်လည်း သူသေဆုံးပြီးနောက် ရေလွှမ်းမိုးမှုကို မည်သူဂရုစိုက်မည်နည်းဟု သူတွေးမိသည်။ သံသယဖြစ်ရန်မလိုဘဲ ထိုသို့သော လူတစ်ဦးရှိခဲ့လျှင် ဂိုဏ်းခေါင်းဆောင်က ထိုသို့လုပ်ဆောင်နိုင်မည်မဟုတ်ပေ။

“ဂိုဏ်းရဲ့အုတ်မြစ်က ဒီမှာမရေမတွက်နိုင်အောင်ရှိတဲ့ လူတွေ ကြိုးစားအားထုတ်ခဲ့တဲ့အရာပဲ”

ဂိုဏ်းခေါင်းဆောင်က မျက်လုံးမှိတ်၍ သူ့ဆရာမသေဆုံးခင်တွင် သူ့ဂိုဏ်းကို အပ်နှံခဲ့သည်ကို ပြန်သတိရလိုက်သည်။ ယခု ဂိုဏ်းခေါင်းဆောင်က ဂိုဏ်းကို ဖျက်ဆီးတော့မည့်အလားဖြစ်နေပြီဖြစ်၏။

"ငါ မင်းကို တံဆိပ်ရဲ့ လျှို့ဝှက်ချက်ကို ပြောပြနိုင်တယ်၊ ငါကိုယ်တိုင်လည်း သတ်နိုင်တယ်၊ ဒါပေမယ့် မင်းက သန့်စင်မှုဂိုဏ်းကို လွှတ်ပေးဖို့ ကျိန်ဆိုရမယ်။" ဂိုဏ်းချုပ်က ချူးယွင်ဖန်းကို စိုက်ကြည့်နေသည်။

"မဟုတ်ရင် မင်းကို လျှို့ဝှက်ချက်ကို ပြောပြမယ့်အစား ငါသေလိုက်မယ်။"

ချူးယွင်ဖန်း ခေါင်းညိတ်လိုက်သည်။

"မင်းငါ့ကို လျှို့ဝှက်ချက်ပြောပြပြီး ကိုယ့်ကိုယ်ကိုယ်သတ်သေသရွေ့ သူတို့ကို လွှတ်ပေးလိုက်မယ်"

သူသည် သန့်စင်မှုဂိုဏ်းကို အစုလိုက်အပြုံလိုက်သတ်ဖြတ်ရန် ဘယ်သောအခါမှ မရည်ရွယ်ခဲ့ပေ။

သူသည် အမြဲတစေ ဆုံးဖြတ်ချက်ခိုင်မာကကာ နူးညံ့သိမ်မွေ့သူမဟုတ်သော်လည်း လူသတ်နတ်ဆိုးတစ်ဦးမဟုတ်ပေ။ ချူးယွင်ဖန်းသည် သတ်ဖြတ်ရန် မလိုပါက သတ်မည်မဟုတ်ပေ။ ယနေ့ သူသည် တံဆိပ်၏လျို့ဝှက်ချက်ကိုလေ့လာကာ တန်စီယုကို လက်စားချေရန် သန့်စင်မှုဂိုဏ်းကို ရောက်လာခြင်းဖြစ်သည်။ ရည်မှန်းချက်များအောင်မြင်သွားပြီဖြစ်၍

သတ်ဖြတ်ရန် အကြောင်းမရှိပေ။ ဂိုဏ်း၏ သူ့အပေါ် မုန်းတီးမှုကို သူဂရုမစိုက်ပေ။

လူမည်မျှပင်ရှိစေကာမူ ဤဂိုဏ်းက သူ့ကို ခြိမ်းခြောက်မည်မဟုတ်ကြောင်း သူသိသည်။

ထို့အပြင် သူက တခြားလက္ခဏာတစ်ခုဖြစ်သော ကျန်းဝူချန်ကို အသုံးပြုခဲ့သည်။

ဂိုဏ်းချုပ်က ချူးယွင်ဖန်း၏ အေးစက်စက် အမူအရာကို ကြည့်ပြီး ချူးယွင်ဖန်းကို ယုံကြည်နိုင်မနိုင် မသိပေ။ သို့သော် ထိုအချိန်တွင် သူ့တွင် အခြားရွေးချယ်စရာ မရှိပေ။ ချူးယွင်ဖန်းကို မယုံကြည်ပါက ဂိုဏ်းတစ်ခုလုံး သေဆုံးလိမ့်မည်။

"ကောင်းပြီ၊ လျှို့ဝှက်ချက်ကို ပြောပြမယ်။ ဒီတံဆိပ်က ရှေးခေတ်က ဒီဒေသကို အုပ်ချုပ်ခဲ့တဲ့ ခရမ်းရောင်မိုးကြိုးဓားဂိုဏ်းနဲ့ ဆက်စပ်နေတယ်။ သူတို့က တစ်ချိန်က အင်အားကြီးဂိုဏ်းတစ်ခု ဖြစ်ခဲ့တယ်။ ကျင်းကျန်းဟန်၊ တဝေ၊ တချီနဲ့ ပြင်ပနယ်မြေတွေဟာ သူတို့ရဲ့ အုပ်ချုပ်မှုအောက်မှာ ရှိခဲ့တယ်။ နောက်ပိုင်းမှာ သူတို့ဟာ ကျဆင်းသွားပြီး ထွန်းတောက်လာတဲ့ ကြယ်တစ်ပွင့်ရဲ့ ဖျက်ဆီးခြင်းကို ခံခဲ့ရတယ်။"

"ဒါပေမယ့် ခရမ်းမိုးကြိုးဂားရဲ့ နောက်ဆုံးဘဏ္ဍာတိုက်ရဲ့ နေရာကို ဘယ်သူမှ ရှာမတွေ့ကြဘူး။ လူတွေက အဲ့တံဆိပ်က ဂိုဏ်းရဲ့ ဘဏ္ဍာကိုဖွင့်ဖို့ သော့တစ်ချောင်းလို့ ယုံကြတယ်”

နောက်ဆုံးတွင်သန့်စင်မှုဂိုဏ်းခေါင်းဆောင်သည် ချူးယွင်ဖန်းထံမှ မည်သည့်အရာကိုမျှ မဖုံးကွယ်ဘဲ အမှန်တရားကိုပြောရန် ဆုံးဖြတ်ခဲ့သည်။ ချူးယွင်ဖန်းသာ လှည့်စားပါက ဂိုဏ်းတစ်ခုလုံးကို

ဖျက်ဆီးပစ်မည်ကို သူသိပြီး ချူးယွင်ဖန်း သတိပြုမိခဲ့သည်။ သို့တိုင် ဂိုဏ်းချုပ်တွင် သူ့အစီအစဥ်များရှိသည်။ သူသည် ချူးယွင်ဖန်းနှင့် မယှဥ်နိုင်သောကြောင့် အခြားသူများသာ သူ့တွင် တံဆိပ်ရှိကြောင်းသိပါက ကျွမ်းကျင်သူတစ်ဦးက ချူးယွင်ဖန်းကို ရှာဖွေလိုမည်ကို သူသိသည်။ ထို့နောက် ချူးယွင်ဖန်းသည် အနှေးနှင့်အမြန် အခြားသူများလက်ချက်ဖြင့် သေဆုံးရပေလိမ့်မည်။

ဂိုဏ်းချုပ်၏ အစီအစဥ်က မကောင်းလှသော်လည်း သူ့တွင် လက်စားချေရန် မျှော်လင့်ချက်ရှိသေးသည်။

သို့သော် ချူးယွင်ဖန်းက သူ့ကိုထိုးဖောက်မြင်သွားမည်ကိုစိုးရိမ်သည့်အတွက် မည်သည့်အခါတွင်မျှ မပြပေ။ ခ

ချူးယွင်ဖန်းက ခေါင်းညိတ်၍ တွေးလိုက်သည်။

“ဒါဆို ဒါပဲ။ ခရမ်းရောင်မိုးကြိုးဓားရဲ့ အစွမ်းက အံ့မခန်းပဲ။ အဲဒါကို တံဆိပ်ပေါ်မှာ ထွင်းထားတဲ့

ပို့ဆောင်ရေး အစီအစဥ်ရဲ့ အဆင့်ကနေ ထင်ရှားတယ်”

တံဆိပ်သည် အမတေမဲ့အဆင့် အဓိကပုံစံအဆင့်ကို ကျော်လွန်သွားပြီဖြစ်သည်။ သာမန်ဂိုဏ်းတစ်ခုသာဖြစ်ပါက ဤအဆင့်ရှိသော ကျွမ်းကျင်သူတစ်ဦးကို ပျိုးထောင်ရန် မလွယ်ကူပေ။

ဂိုဏ်းချုပ်က အကျဉ်းချုပ်သာ ရှင်းပြသော်လည်း ချူးယွင်ဖန်းသည် ယခင် ခရမ်းရောင်မိုးကြိုးဓားများ၏ စွမ်းအားကို ခံစားနိုင်သည်။ ၎င်းသည် ကြောက်စရာကောင်းလှသည်။

လက်ရှိ ကြီးကျယ်ခမ်းနားသော အင်ပါယာသုံးခုနှင့် ကျယ်ပြန့်သော ပြင်ပနယ်မြေများသည် ခရမ်းရောင်မိုးကြိုးဓားက အုပ်ချုပ်သော နယ်မြေများဖြစ်သည်။ တစ်ချိန်က ၎င်းတို့မည်မျှ အစွမ်းထက်ခဲ့သည်ကို မြင်ယောင်ကြည့်နိုင်သည်။

ချူးယွင်ဖန်းသည်လည်း သူဓားတံဆိပ်ပိုင်ဆိုင်ကြောင်းသတင်းသည် ယနေ့ပြီးနောက်တွင် တောမီးကဲ့သို့ ပျံ့နှံ့သွားလိမ့်မည်ဟု သိသည်။ သူသည် ကျွမ်းကျင်သူများစွာ၏ မနာလိုသောအကြည့်များကို ဆွဲဆောင်မည်ကို စိုးရိမ်ခဲ့သည်။ သို့တိုင် သူသည် ကြောက်ရွံ့ခြင်းမရှိဘဲ ရှိနေခဲ့သည်။

ရွှေအမတေအဆင့်များမည်မျှပင် ပေါ်လာစေကာမူ ၎င်းတို့က နယ်ရုပ်ကလေးများကဲ့သို့ဖြစ်သည်။ ထို့အပြင် ချူးယွင်ဖန်းသာ အသွင်ပြောင်းလိုက်ပါက မည်သူမျှမ သိနိုင်ကြပေ။ သူသည် ဂိုဏ်းခေါင်းဆောင်၏ အကြံအစည်လေးကိုသိသော်လည်း ဂရုမစိုက်ပေ။

“အဲ့တာဆိုမှတော့ ကိုယ့်အသတ်ကိုယ်နှုတ်လိုက်တော့” ချူးယွင်ဖန်းက အေးစက်စက်ပြောလိုက်သည်။

"ငါ့ကို လှည့်စားဖို့ မလိုပါဘူး။ အဲဒီနေ့က တိုက်ခိုက်ခဲ့တဲ့ လူတွေရဲ့စာရင်းကို ငါ့မှာ ရှိတယ်။"

"မင်းရဲ့ကတိကို စောင့်ထိန်းမယ်လို့ မျှော်လင့်ပါတယ်။"

ဂိုဏ်းချုပ်က ဤသို့ပြောကာ သူ၏ အစွမ်းအားလုံးကို ဖြန့်ကျက်လိုက်သည်။ သူ့ခန္ဓာကိုယ်က ပေါက်ကွဲနေသည့် မီးဖိုတစ်ခုကဲ့သို့ ကောင်းကင်သို့ ပြည့်နှက်နေသော သွေးမိုးအဖြစ် ပြောင်းလဲသွားသည်။

ချက်ချင်းပင် သန့်စင်မှုဂိုဏ်း အဖွဲ့ဝင်များသည် မျက်ရည်များဝဲလာကြသည်။ ၎င်းတို့၏ ဆရာက ချူးယွင်ဖန်းရှေ့တွင် ၎င်းတို့ကို ကာကွယ်ရန် မိမိကိုယ်ကိုယ် စွန့်လွှတ်အနစ်နာခံခဲ့သည်။ ထို့နောက် တန်စီယု၏ ထောင်ချောက်ဆင်မှုတွင် ပါဝင်ခဲ့သော ခြေလှမ်းတစ်ဝက် ရွှေအမတေများလည်း ထွက်လာခဲ့သည်။

၎င်းတို့ မလိုလားလျှင်ပင် သန့်စင်မှုဂိုဏ်းက သဘောတူမည်မဟုတ်ပေ။

ဘမ်း ဘမ်း ဘမ်း

ခြေလှမ်းတစ်ဝက် ရွှေအမတေအဆင့်များ၏ တစ်ဦးချင်း ကိုယ့်ကိုယ်ကိုယ် ဖျက်ဆီးပစ်လိုက်ကြသည်။ ခြေလှမ်းတစ်ဝက် ရွှေအမတေအဆင့်ရှိသူများ အချင်းချင်း ဖောက်ခွဲ၍ အခြားအဖွဲ့ဝင်များရှေ့တွင် သေဆုံးသွားကြသည်။ ရုတ်တရက် အဖွဲ့ဝင်တစ်ဦးသည် သေခြင်းတရား၏ ဖိအားကို မခံနိုင်ဘဲ ထွက်ပြေးရန်

လှည့်သွားခဲ့သည်။ သို့တိုင် သူသည် ချူးယွင်ဖန်း၏ဓားကို ကျော်တက်နိုင်ခြင်းမရှိပေ။

သူ့ရဲ့ ဓားအလင်းက ကောင်းကင်ကို ဖြန့်ကျက်၍ ကျဆင်းလာကာ ခြေလှမ်းတစ်ဝက် ရွှေအမတေအဆင့်ရှိသူကို ထက်ဝက်ပိုင်းဖြတ်လိုက်သည်။

အခန်း(၁၄၄၀) ပြင်ပနယ်မြေများကို လှုပ်ခါပစ်ခြင်း

ထွက်ပြေးနေသော ခြေလှမ်းတစ်ဝက် ရွှေအမတေများကို သတ်ပြီးနောက်၊ ချူးယွင်ဖန်း၏ သန့်စင်မှုဂိုဏ်းဆီသို့ ခရီးစဥ်က ပြီးဆုံးပြီဟုဆို၍ရသည်။ သူသည် လက်ရှိ ဓားတံဆိပ်၏ လျို့ဝှက်ချက်ကိုရရှိထားသည်။ ၎င်းသည် အကြမ်းဖျင်းအချက်အလက်အချို့သာဖြစ်သော်လည်း လုံလောက်သည်။ မည်သို့ပင်ဖြစ်စေကာမူ

ခရမ်းရောင်မိုးကြိုးဓားက အချိန်အတန်ကြာ ဖျက်ဆီးခံခဲ့ရပြီးဖြစ်သည်။ တံဆိပ်အကြောင်း အချက်အလက်များရရှိရန် လုံလောက်နေပေပြီဖြစ်၏။

ချူးယွင်ဖန်းသည် လှုပ်ရှားရန်ပင် မဝံ့မရဲဖြစ်နေသော သန့်စင်မှုဂိုဏ်းသားများကို လှမ်းကြည့်လိုက်ပြီးနောက် ဓားအလင်းကို နင်းကာ ထွက်ခွာသွားခဲ့သည်။ သန့်စင်မှုဂိုဏ်းအပြင် တန်စီယုအား ဝိုင်းရံမှုတွင် ပါဝင်ခဲ့သော အခြားဂိုဏ်းပေါင်း ဆယ့်နှစ်ခုလည်း ရှိသည်။ သူသည် ၎င်းတို့ကို တစ်ခုချင်းစီ သန့်ရှင်းရေးလုပ်လိုခဲ့သည်။

နောက်ဆုံးတွင် သူထွက်သွားသည်ကို ကြည့်ပြီးသည့်နောက် သန့်စင်မှုဂိုဏ်းတွင်ရှိသော လူတိုင်းငိုချင်လာကြသော်လည်း မျက်ရည်မကျကြပေ။ ငိုရမည်လော ရယ်ရမည်လောကိုမသိကြပေ။ သန့်စင်မှုဂိုဏ်းသည် တစ်ညတည်းနှင့် အကြီးအကျယ် ဆုံးရှုံးမှုများ ကြုံတွေ့ခဲ့ရသည်ဟုပြော၍ရသည်။ ခြေလှမ်းတစ်ဝက်ရွှေအမတေများပင် ထွက်သွားကြပြီဖြစ်ကာ နတ်အဆင့် ထက်ဝက်ကျော်သေဆုံးသွားသဖြင့် သန့်စင်မှုဂိုဏ်း၏ ထောက်တိုင်များအားလုံး တစ်ညတည်းတွင် ပြိုကျသွားခဲ့သည်။

ပျော်ရမည်မှာ ၎င်းတို့ အမှန်တကယ် အသက်ရှင်ကျန်ခဲ့၍ ချူးယွင်ဖန်း၏ လက်ချက်ဖြင့် မသေခဲ့ခြင်းဖြစ်သည်။

မည်သူမျှ လက်စားချေရန် မပြောကြပေ။ နတ်ဘုရားတစ်ပါးကဲ့သို့ ကြောက်မက်ဖွယ်ရန်သူကို ရင်ဆိုင်လိုက်ရသောအခါ ၎င်းတို့တွင် ထိုသို့သော အတွေးမျိုး ရှိနိုင်မည်မဟုတ်ပေ။ ၎င်းတို့ထဲမှ မည်မျှပင် များနေစေကာမူ ၎င်းတို့အားလုံးက ချုူးယွင်ဖန်းရှေ့၌ ပုရွက်ဆိတ်များဖြစ်ကြသည်။

ဆင်တစ်ကောင်ကို သေအောင်ကိုက်နိုင်သည့် ပုရွက်ဆိတ်ဆိုသည် မရှိပေ။

"တောင်ကို ပိတ်ထားလိုက် ဒီနေ့ကစပြီး သန့်စင်မှုဂိုဏ်းက တောင်ကို နှစ်ပေါင်းတစ်ရာလုံး ပိတ်ထားမယ်”

ကျန်ရှိနေသော ခြေလှမ်းတစ်ဝက် ရွှေအမတေအဆင့်အနည်းငယ်ခန့်သည်

တစ်ယောက်ကိုတစ်ယောက် ကြည့်လိုက်ပြီး လျင်မြန်စွာ ဆုံးဖြတ်ချက်ချလိုက်သည်။ ဤအချိန်တွင် သူတို့သည် တောင်ကို ဖုံးကွယ်ရန် နှစ်ပေါင်းတစ်ရာသာ ပိတ်ဆို့နိုင်တော့သည်။ မည်သို့ပင်ဖြစ်စေကာမူ သန့်စင်မှုဂိုဏ်းက ၎င်းတို့၏ ရွှေအမတေအဆင့်ရှိသူများကို အားကိုးခြင်းအားဖြင့် နှစ်ပေါင်းများစွာ လူအတော်များများကို စိတ်အနှောင့်အယှက်ဖြစ်စေခဲ့သည်။ ယခု ၎င်းတို့၏ အင်အားအကြီးမားဆုံးသောာ ထောက်တိုင် သေဆုံးသွားပြီဖြစ်၍ အနာဂတ်တွင် မုန်တိုင်းများ ဆက်တိုက်ကြုံရမည်ကို ၎င်းတို့ကြောက်နေကြသည်။ အာရုံစူးစိုက်ခံရခြင်းမှ ရှောင်ရန် ယခု တောင်ကို ဖုံးထားရန် ပိတ်လိုက်ရိုင်သာ တတ်နိုင်ခဲ့တော့သည်။

ချူးယွင်ဖန်းသည် သန့်စင်မှုဂိုဏ်းအားလုံးကို တစ်ယောက်တည်းအားဖြင့် လှန်ပစ်ခဲ့သည်ဟူသော သတင်းသည် အံ့မခန်းအမြန်နှုန်းဖြင့် ပျံ့နှံ့သွားခဲ့သည်။ မကြာခင်၌ပင် သတင်းကြားရသည့် ကြယ်ကိုးပွင့်ဂိုဏ်းကျွမ်းကျင်သူများရောက်လာကြသည်။ သို့သော် သတင်းကြားသည်နှင့် ၎င်းတို့ ထွက်သွားပြီဖြစ်ကြောင်းသိသာနေသော်လည်း သန့်စင်မှုဂိုဏ်းကို အနိုင်ယူနိုင်ခဲ့သည့် ချူးယွင်ဖန်း၏ အမြန်နှုန်းကိုမမှီနိုင်သေးပေ။ ၎င်းတို့ ရောက်လာသောအခါ ချူးယွင်ဖန်း ပျောက်သွားပြီဖြစ်သည်။

ကျန်ခဲ့သည်မှာ ပျက်ဆီးသွားသည့် သန့်စင်မှုဂိုဏ်းပင်ဖြစ်သည်။

၎င်းတို့က အဖြစ်အပျက်တစ်ခုလုံးကို ကျန်ရစ်သူများဆီမှသိရှိခဲ့ကြသည်။ ချူးယွင်ဖန်းပြသခဲ့သည့် အံ့မခန်းတိုက်ပွဲစွမ်းရည်ကြောင့် ကြယ်ကိုးပွင့်ဂိုဏ်း၏ ဗဟုသုတအရှိဆုံး ပညာရှင်များပင်

သရဲတစ်ကောင်ကို မြင်လိုက်ရသကဲ့သို့ စိတ်ပျက်လက်ပျက် တစ်ယောက်ကိုတစ်ယောက် ကြည့်လိုက်မိကြသည်။

ချူးယွင်ဖန်းပြသခဲ့သော တိုက်ပွဲစွမ်းအားသည် အလွန်ကြောက်မက်ဖွယ်ကောင်းလွန်းသည်။

သို့သော်လည်း ချူးယွင်ဖန်း၏ ထိန်းမနိုင်သိမ်းမရသော တိုက်ခိုက်မှုကလည်း ကိုးကြယ်ပွင့်ဂိုဏ်းမှ ကျွမ်းကျင်သူများကို ဒေါသထွက်စေခဲ့သည်။

သူတို့ ဒေါသတကြီး ပျံသန်းသွားချိန်တွင် ချူးယွင်ဖန်းသည် နောက်ဂိုဏ်းသို့ အပြေးအလွှား သွားနေပြီဖြစ်သည်။ တစ်ချိန်တည်းမှာပင် သူသည် ခရမ်းရောင်မိုးကြိုးဓားဂိုဏ်းနှင့်ပတ်သက်သည့် သူတို့စုဆောင်းရရှိထားသော အချက်အလက်အားလုံးကို စုစည်းပြီး သူ့ထံ လွှဲပြောင်းပေးရန် တဝေ၏ လျှို့ဝှက်အေဂျင်စီထံ စာတစ်စောင် ပေးပို့ခဲ့သည်။

သူက ဒုတိယဂိုဏ်းကို မြန်မြန်ဆန်ဆန် ရောက်လာခဲ့သည်။ ဤဂိုဏ်း၏ အဆင့်အတန်းက သန့်စင်မှုဂိုဏ်းနှင့်ဆင်တူသည်။ ယင်းက အမတေမဲ့တစ်ဦးတည်းက ကာကွယ်စောင့်ရှောက်ထားတဲ့ ဒုတိယတန်းစားဂိုဏ်းတစ်ခုဖြစ်သည်။ သို့သော် ယင်း အမတေမဲ့သည် အနီးနားရှိ ‌ဒေသခံများ၏ အရှင်သခင်ဖြစ်သည်။ သို့သော် ယင်းမတိုင်မီ၌ ၎င်းတို့တွင် ပြန်လည်တိုက်ခိုက်ရန် အင်အားမရှိပေ။ သူသည် ဂိုဏ်း၏ အကာအကွယ်အတားအဆီးများကို အလွယ်တကူဖောက်ထွက်ကာ ၎င်းတို့၏ ဂိုဏ်းခေါင်းဆောင်ကို

လူတိုင်းရှေံ၌ မိမိကိုယ်ကိုယ်သတ်သေရန် ဖိအားပေးခဲ့သည်။ ခုခံဖို့ ကြိုးစားသည့် ဂိုဏ်း၏ အကြီးအကဲများလည်း အသတ်ခံခဲ့ရသည်။

ဤအရာအားလုံးသည် အလွန်မြန်ဆန်စွာ ဖြစ်ပျက်သွားသောကြောင့် ရွှေအမတေအဆင့်ရှိသူတစ်ဦးပင် ချူးယွင်ဖန်းရှေ့တွင် အသက်ရှူမဝနိုင်အောင် ဖြစ်ခဲ့သည်။ သာမန်နတ်ဘုရားများနှင့် ခြေလှမ်းတစ်ဝက် ရွှေအမတေများ ဖွဲ့စည်းထားသော ဖွဲ့စည်းပုံသည် သူ့ထံမှ လှုပ်ရှားမှုတစ်ခုကိုပင် မခံနိုင်ဘဲ ချက်ချင်းသေဆုံးသွားကြသည်။

အရာအားလုံးကို မြန်မြန်ဆန်ဆန် ပြီးမြောက်ခဲ့သည်။ ကြယ်ကိုးပွင့်ဂိုဏ်းမှ ပညာရှင်များ အပြေးအလွှားရောက်လာသောအခါ ရှုပ်ထွေးနေသည်များကိုမြင်၍ ဒေါသထွက်ခဲ့ကြသည်။ မည်သို့ပင်ဖြစ်စေကာမူ တန်စီယု၏ ဝိုင်းရံမှု၌ ပါဝင်ခဲ့သော ဂိုဏ်းများသည် ကြယ်ကိုးပွင့်ဂိုဏ်းနှင့် ဆက်နွယ်မှုအမျိုးမျိုးရှိခဲ့ကြသည်။ ၎င်းတို့အားလုံးကို ၎င်းတို့၏ လက်အောက်ငယ်သားများဟုပြော၍ရနိုင်သည်။

ကြယ်ကိုးပွင့်သည် ၎င်းတို့၏အစွမ်းသတ္တိဖြင့်သာမက မဟာမိတ်များမှတစ်ဆင့်ပါ ကျယ်ပြန့်သော ပြင်ပဒေသကို လွှမ်းမိုးနိုင်ခဲ့သည်။ သို့သော် ချူးယွင်ဖန်းသည် ၎င်းတို့နှစ်ဦးကို အချိန်တိုအတွင်း စိန်ခေါ်ခဲ့သည်။ ၎င်းတို့ မျက်နှာပျက်သွားသည်ဟု ဆိုနိုင်သည်။ တစ်ချိန်တည်း၌ပင် ၎င်းတို့အားလုံး ဒေါသထွက်ခဲ့ကြသည်။ ခဏတာအတွင်း၌ ကြယ်ကိုးပွင့်ဂိုဏ်းတစ်ခုလုံးလှုပ်ရှားလာကြသည်။ ကျွမ်းကျင်သူများအားလုံးက ချူးယွင်ဖန်း၏ တည်နေရာကို ကမ္ဘာတစ်ဝှမ်းတွင် ရှာရန် ထွက်လာကြသည်။ ၎င်းတို့သည် ဆန်းကြယ်နန်းဆောင်ကိုပင် ဆုကြီးကြီး ချီးမြှင့်ခဲ့ကြသည်။

ချူးယွင်ဖန်း၏ တည်နေရာအကြောင်း သဲလွန်စများ ပေးနိုင်သရွေ့ အဆင့်နိမ့် ဝိညာဉ်ကျောက်တုံး သန်းပေါင်းများစွာ ဆုချီးမြှင့်ခံရမည်။ ချူးယွင်ဖန်းကို ဖမ်းမိသူတိုင်း အဆင့်နိမ့် ဝိညာဉ်ကျောက်တုံး သန်း ၁၀၀ ဆုချီးမြှင့်ခံရမည်။

ဆန်းကြယ်နန်းဆောင်ရှိနေခဲ့သည့် နှစ်ပေါင်းများစွာအတွင်း ဤကဲ့သို့သော ဆုလာဘ်ကို များပြားသည်ဟု ရေတွက်နိုင်သည်။ ဒုတိယတန်းစားဂိုဏ်းတစ်ခု၏ ချမ်းသာကြွယ်ဝမှုသည်ပင် ဤအဆင့်ကို ပေါင်းထည့်နိုင်သည်။ ကြယ်ကိုးပွင့်သည် ချူးယွင်ဖန်းကို မည်မျှမုန်းတီးသည်ကို မြင်ယောင်ကြည့်နိုင်သည်။ ဤကဲ့သို့သော ရက်ရောသော ဆုလာဘ်သည် ပြင်ပနယ်ပယ်တစ်ခုလုံးရှိ ဂိုဏ်းများစွာနှင့် အဆင့်မြင့်တပ်ဖွဲ့များစွာကို အံ့အားသင့်စေခဲ့သည်ဟု ဆိုနိုင်သည်။

ကြယ်ကိုးပွင့်ဂိုဏ်းက ပြင်ပနယ်ပယ်များကို နှစ်ပေါင်းများစွာလွှမ်းမိုးထားခဲ့သည်။ ၎င်းတို့က အမြဲတစေ အခြားသူများကို ဒုက္ခပေးခဲ့သူများဖြစ်သည်။ အခြားသူများက ၎င်းတို့ကို ဤမျှ ကြီးမားသော ဆုံးရှုံးမှုများ မည်သည့်အချိန်က ပေးခဲ့ကြသနည်း။

ဤသည်က အလွန်ရှားပါးသော အရာပင်ဖြစ်သည်။

ချူးယွင်ဖန်းသည် ကြယ်ကိုးပွင့်၏ အပြင်ဘက်တပ်ဖွဲ့များထဲမှ တစ်ခုကို အနိုင်ယူနိုင်ခဲ့လျှင်ပင် ကြယ်ကိုးပွင့်နှင့်သာ သက်ဆိုင်ပြီး ကြယ်ကိုးပွင့်အောက်ရှိ တပ်ဖွဲ့တစ်ခုအဖြစ် မသတ်မှတ်နိုင်ပေ။ သို့သော် ကြီးမားသော အုပ်စုအမျိုးမျိုး၏ အမြင်တွင် ဤသည်မှာ မျက်နှာတည့်တည့်သို့ ဖြတ်ရိုက်ခြင်းသာဖြစ်သည်။

လူအများအပြားက ကျန်းဝူချန် (ချူးယွင်ဖန်း၏ အသွင်ယူဓားသမား) အကြောင်း အချက်အလက်များကို ချက်ချင်းရှာဖွေလာကြသည်။ သို့သော် ကျန်းဝူချန်အကြောင်း မည်သည့်အချက်အလက်မျှ ရှာမတွေ့သောကြောင့် မည်မျှပင်ရှာဖွေပါစေ အချည်းနှီးသာဖြစ်ခဲ့သည်။ ၎င်းတို့အတွက် သူသည် ကောင်းကင်မှု ပြုတ်ကျလာသကဲ့သို့ပင်ဖြစ်သည်။ ယင်းမတိုင်မီ၌ အဖြစ်အပျက်၏ အရိပ်အယောင်များ မရှိခဲ့ပေ။ လျို့ဝှက် ဆန်းကြယ်သော အဆောက်အဦ၏ ထောက်လှမ်းရေးစွမ်းရည်များဖြင့်ပင် အခြားအချက်အလက်များကို ရှာမတွေ့ခဲ့ကြပေ။

ထို့ကြောင့် အဓိက တပ်ဖွဲ့များသည် စူးစမ်းလိုစိတ်များဖြစ်လာကြသည်။

ဤကျန်းဝူချန်က မည်သူနည်း။ မည်ကဲ့သို့ ကြယ်ကိုးပွင့်ဂိုဏ်းကို ဤမျှ ဆုံးရှုံးစေရန် လုပ်နိုင်ခဲ့သနည်း။

ဤကိစ္စတွင်၊ ချူးယွင်ဖန်းကို ရှာဖွေရန် အင်အားများစွာ ပူးပေါင်းပါဝင်ခဲ့ကြသည်။ အချို့က ဆုလာဘ်ရယူရန် ကြိုးစားနေကြပြီး အချို့က ကြယ်ကိုးပွင့်ထံမှ မျက်နှာသာရလိုကြကာ အချို့က ကြယ်ကိုးပွင့်ကို ကိုင်တွယ်ဖြေရှင်းရန် ဤကျွမ်းကျင်သူကို ခေါ်ယူလိုကြသည်။

အရာအားလုံးက ကြယ်ကိုးပွင့်၏ ဆန္ဒအတိုင်း ဖြစ်မလာသည်မှာ ထင်ရှားသည်။ ၎င်းတို့က ချူးယွင်ဖန်းကို ကြီးကျယ်ခမ်းနားစွာရှာဖွေနေကြစဥ်တွ၍် သူသည် အခြားဂိုဏ်းတစ်ခုကို တစ်ညတည်းဖြင့် အနိုင်ယူသုတ်သင်ခဲ့သည်။