Hunting Luon Tian

အရှုပ်အထွေးနတ်ဘုရားမြို့တော် ထဲတွင် ရှိနေသော ဂူတစ်ခုရှေ့၌ ....

ဝုန်း

အသံကျယ် တစ်သံနှင့်အတူ လူတစ်ယောက် ဂူနံရံနှင့် ခပ်ပြင်းပြင်း ဆောင့်မိသွားပါသည်။

အွတ် ...

ထိုလူ၏ ခန္ဓာကိုယ်ထဲမှ အရိုးပေါင်းများစွာ ကျိုးသွားကာ ဒဏ်ရာအပြင်းအထန်ရပြီး သွေးအန်သွားသည်။

" အကိုချင်း "

" အကို ချင်းရှောင်ရှန် "

ဝူလျန်နန်းတော်မှ ဂိုဏ်းသားများစွာပင် အလန့်တကြား အော်လိုက်ကြ၏။

ချင်းရှောင်ရှန်မှာကား မျက်နှာဆိုးရွားစွာ ပျက်နေကာ တစ်ခခုခုပြန်ပြောရန် ကြိုးစားလိုက်သော်လည်း မပြောနိုင်ဘဲ သွေးသာ အန်သွားပြန်သည်။

တဖက်မှ ချင်းရှောင်ရန်ကို တိုက်ခိုက်ခဲ့သူက အေးစက်စက် ပြော၏။

" မင်းလို ဘာမဟုတ်တဲ့ သေမျိုးတစ်ယောက်ကများ ခုခံဖို့ ကြိုးစားရဲနေသေးတယ်ပေါ့ ။ မင်းကို ငါ နောက်ဆုံးတစ်ကြိမ် အခွင့်ရေးပေးလိုက်မယ်။ အခုချက်ချင်း လောထျန်းကို သတင်းပို့ပြီးတော့ ဒီမှာလာသေဖို့ပြောလိုက် "

ချင်းရှောင်ရှန်က ဒဏ်ရာများအား အံကြိတ်ခံ၍သာ ပြန်ပြောသည်။

သခင်လေးလောထျန်း ဒီနေရာကို မလာစေရဘူး "

" မင်းက သေချင်နေတာပဲ "

ဝုန်း

တဖက်လူက ကြောက်မက်ဖွယ် အရောင်အဝါကို ချက်ချင်း ထုတ်လွှတ်လိုက်သည်။

ချင်းရှောင်ရှန်ကြောင့် သူ ဒေါသူပုန်ထသွားမှန်း သိသာပါ၏။

ထိုတခဏ၌ သူ့ကိုယ်မှထွက်နေသည့် လူသတ်အရိပ်အငွေ့မှာလည်း သိပ်သည်းလွန်း၍ အစိုင်အခဲအဖြစ်ပင် ပြောင်းတော့မလို ....

" အကိုချင်း ၊ သခင်လေးလောထျန်းကို သတင်းပို့ပြီးတော့ လာကယ်ခိုင်းလိုက်ပါလားဗျာ "

ဝူလျန်နန်းတော် ဂိုဏ်းသားတစ်ယောက်က ချင်းရှောင်ရှန် သေရတော့မည်ကို ကြည့်ပြီး မနေနိုင်တော့ဘဲ ဝင်ပြော၏။

သို့သော် ချင်းရှောင်ရှန်က အံကြိတ်၍သာ ပြန်ပြောပါသည်။

" မဖြစ်ဘူးကွ ။ ထောင်ချောက်တစ်ခုမှန်း သိနေရဲ့သားနဲ့ ငါက ဘယ်လိုလုပ်ပြီးတေယ့ သခင်လေးလောထျန်းကို အသက်စွန့်ပြီး လာကယ်ခိုင်းနိုင်မှာလဲ ။ သခင်လေးလောထျန်းရဲ့ ကျေးဇူးကြွေးတွေ ငါတို့အားလုံးအပေါ်မှာ အများကြီးရှိနေတာ မမေ့ကြနဲ့ဦိး ။ အဲ့ကျေးဇူးတွေကို ဒီလိုလုပ်ရပ်မျိုးနဲ့ ပြန်ကျေးဇူးဆပ်ရမယ့်အစား ငာ သေပဲသေလိုက်မယ် "

တဖက်လူက မျက်မှောင်ကြုံ့သည်။

" မင်း ဒီလောက် သစ္စာစောင့်လိမ့်မယ်လို့ ငါ ထင်မထားမိဘူး ....."

သူ ပြောကာ နောက်တစ်ကြိမ် တိုက်ခိုက်လိုက်၏။

ဇွပ်

ချင်းရှောင်ရှန်၏ လက်တစ်ဖက် လေထဲလွင့်သွားသည်။

" သခင်လေး "

" အကိုကြီး "

ဝူလျန်နန်းတော် ဂိုဏ်းသားများထံမှ အလန့်တကြား ရေရွတ်သံများ ထပ်ထွက်လာပြန်၏။

တဖက်လူက ချင်းရှောင်ရှန်အား အေးစက်စက်ကြည့်ကာ ဆက်ပြောသည်။

" လောထျန်းကို သတင်းပို့ပြီးတော့ မင်းကိုလာကယ်ဖို့ ပြောလိုက် ။ မဟုတ်ရင်တော့ ... "

သို့သော် ချင်းရှောင်ရှန်က အံကြိတ်၍သာ သူ့အား ဖျက်တောင်မခတ် ပြန်ကြည့်၏။

၎င်းကိုမြင်သော ဝူလျန်နန်းတော်မှ ဂိုဏ်းသူတစ်ယောက် မနေနိုင်တော့ဘဲ မျက်ရည်အရွှဲသားဖြင့် ဆိုသည်။

" အကိုကြီး ၊ ကျေးဇူးပြုပြီးတော့ သတင်းပို့လိုက်ပါရှင်။ သခင်လေးလောထျန်းက သူတို့ကို အနိုင်ယူနိုင်မှာ သေချာပါတယ် "

ချင်းရှာင်ရှန်တစ်ယောက် သူ့စကားအတိုင်း လိုက်လုပ်ချင်စိတ် အနည်းငယ်ပေါက်သွားဟန် တူပါသည်။

သို့သော် တဖက်မှ တိုက်ခိုက်ခဲ့သူက ရုတ်တရက် လှောင်ပြုံးဖြင့် ပြောလာ၏။

" ငါတို့ကို အနိုင်ယူမယ် ဟုတ်လား ။ ဒီနေ့ ငါ ကြားသမျှစကားတွေထဲမှာ ဒီစကားက အရယ်ရဆုံးပဲ "

" မင်း ဘာပြောလိုက်တယ် "

ချင်းရှောင်ရှန် ထိုသူအား စိုက်ကြည့်လိုက်သည်။

ထိုလူက လှောင်ပြုံးဖြင့် ဆက်ပြော၏။

" ငါ့ကိုယ်ငါ မိတ်ဆက်ပေးမယ်။ ငါက ကောင်းကင်ဘုံသားတော်ရဲ့ လက်အောက်ခံ စစ်သူကြီးလေးယောက်ထဲက တစ်ယောက်ဖြစ်တဲ့ ၊ နျဲ့လင် ပဲကွ "

ချင်းရှောင်ရှန်တို့ လူစုက သူ့စကားကို မည်သို့မှ မတုန့်ပြန်ကြသည့်အတွက် နျဲ့လင် မျက်ခုံးပင့်သွားပြီး ဆက်ပြောသည်။

" ငါဆိုတဲ့ နျဲ့လင်က ချင်းယွမ်ပါရမီရှင်စာရင်းမှာ ထိပ်ဆုံးအဆင့်ငါးထဲ ဝင်တဲ့သူကွ "

" ချင်းယွမ်ပါရမီရှင်စာရင်း ... "

ချင်းရှာင်ရှန်တို့ လူစုမှာ ထိုစကားအား နားလည်ကြပုံ မပေါ်ပါ။

နျဲ့လင်က ဆက်ပြောသည်။

" ချင်းယွမ်ပါရမီရှင်စာရင်း ဆိုတာ ချင်းယွမ်ဒေသ တစ်ခုလုံးမှာ ရှိကြတဲ့ လူတွေထဲကမှ အသက်ငါးထောင်အောက် သူတွေကို အစွမ်းအပေါ်မူတည်ပြီး လုပ်ထားတဲ့စာရင်းပဲ ။ နောက်တစ်နည်း ပြောရရင်တော့ ချင်းယွမ်ဒေသ တစ်ခုလုံးမှာရှိတဲ့ အသက်ငါးထာင်အောက် သူ‌တွေထဲမှာ ငါက ထိပ်ဆုံးအဆင့်ငါး ထဲ ပါတယ် "

" ဘယ်လို ... ထိပ်ဆုံး အဆင့်ငါး .. "

" ချင်းယွမ်ဒေသ တစ်ခုလုံးရံ့ ထိပ်ဆုံးအဆင့်ငါး တဲ့ ၊ သူ ဒီလောက်အစွမ်းထက်နေတာ မထူးတော့ပါဘူးကွာ "

" ငါတို့ကလဲ ဘယ်လိုကြောင့်မို့ အဲ့လိုအစွမ်းထက်တဲ့ သူမျိုးနဲ့မှ လာတွေ့ရတာလဲ "

ဝူလျန်နန်းဝောာ်မှ လူများ မျက်နှာဖြူရော်သွားကြတော့သည်။

ထိုလူက သူတို့၏ အစွမ်းအထက်ဆုံး အကြီးအကဲနှစ်ယောက်အား သတ်နိုင်ခဲ့သည်မှာ မဆန်းတော့ပါချေ။

ထိုသူက ဤမျှ ကြောက်မက်ဖွယ်အစွမ်းမျိုး ရှိထားမည်ဟု သူတို့ ဘယ်သိခဲ့ပါ့မလဲ

ထိုစဉ် ချင်းရှောင်ရှန်သည်လည်း အလန့်တကြား မျက်နှာထားဖြင့် ဖြစ်နေပါ၏။

" ဒါဆို .. သခင်လေးလောထျန်းရဲ့ အစွမ်းကရော ချင်းယွမ်ပါရမီရှင် စာရင်းထဲမှာ အဆင့်ဘယ်လောက် ရထားလဲ "

ဝူလျန်နန်းဝော်မှ ဂိုဏ်းသားတစ်ယောက်က အသံတုန်တုန်ဖြင့် မေးရှာသည်။

ကျန်လူများလည်း နျဲ့လင်အား လှမ်းကြည့်လိုက်ကြ၏။

နျဲ့လင်က လှောင်ပြုံးဖြင့် ပြန်ပြောပါသည်။

" လောထျန်း ဟုတ်လား ၊ ဒီကောင်က ချင်းယွမ်ပါရမီရှင် စာရင်းထဲပါဖို့တောင် အရည်ချင်းမပြည့်ပါဘူးကွာ "

" ဘယ်လို "

တဖက်လူများ မျက်နှာဖြူရော်သွားကြပြန်၏။

သူတို့အတွက် ပြိုင်ဘက်ကင်း ကျင့်ကြံသူတစ်ယောက် ဖြစ်နေခဲ့သော လောထျန်းက စာရင်းထဲပါဖို့တောင် အရည်အချင်း မပြည့်ဘူးတဲ့လား

၎င်းမှာ အအပေါ်ကမ္ဘာ၏ အစွမ်းပေလား

ထိုတခဏ၌ အားလုံး စိတ်ဓာတ်ကျကုန်တော့၏။

ထိုစဉ် နျဲ့လင်က အပြုံးဖြင့် ဆက်ပြောသည်။

" ပြီးတော့ မင်းတို့ကို သတင်းတစ်ခုလဲ ပြောပြရဦးမယ်။ အဲ့ဒီ လောထျန်းဆိုတဲ့ကောင်က သခင်ကြီး ထျန်းရှန့်ကျီကို စော်ကားခဲ့တာကွ။ ဒါ့ကြောင့်မို့လဲ သခင်ကြီး ထျန်းရှန့်ကျီက ငါတို့ စစ်သူကြီးလေးယောက်ကို အဲ့ကောင်ကိုသတ်ဖို့အတွက် လွှတ်ခဲ့တာ "

" ငါတို့ကလဲ ဒီတိုင်းကြီး လိုက်သတ်ရမှာ ပျင်းလို့ အမဲလိုက်စကားပွဲလေးတစ်ခု လုပ်ခဲ့တာကွ။ အခု ငါတို့လေးယောက် လူစုခွဲပြီးတော့ လောထျန်းကို ဘယ်သူအရင် သတ်နိုင်မလဲဆိုတာ ပြိုင်ထားတယ်။ ငါ ဟိုသုံးကောင် နိုင်သွားမှာကို မလိုချင်ဘူး ၊ အဲ့တော့ မင်းတို့ကို စိတ်ရှည်ရှည်နဲ့ ကိုင်တွယ်ဖို့ ငါ့မှာ အချိန်ရှိမနေဘူးကွ "

နျဲ့လင်ပြောကာ ထပ်လှုပ်ရှားလိုက်ပြန်သည်။

ဝှစ် ....

ချင်းရှောင်ရှန်၏ နောက်လက်တစ်ဖက် ထပ်ပြုတ်ထွက်သွားပြန်၏။

" အခု လောထျန်းကို သတင်းပို့လိုက်ပါ၊ မင်းတို့ကို လာကယ်ပါလို့ ပြောလိုက် "

နျဲ့လင်က အေးစက်စက်အသံဖြင့် ထပ်ပြောသည်။

သို့သော် ဤတစ်ကြိမ်တွင် ချင်းရှောင်ရှန်တစ်ယောက် ဘာအသံမှမထွက်ဘဲ ပါးစပ်ပိတ်၍သာ နေနေပါ၏။

" သခင်လေးလောထျန်းကို သစ္စာဖောက်မယ့်အစား သေပဲသေလိုက်မယ်လို့ ငါ ပြောပြီးပြီလေ "

သူ အံကြိတ်နေသည့်ကြားမှ ထိုစကားအား ပြောလိုက်သေး၏။

နျဲ့လင်တစ်ယောက် ၎င်းကိုမြင်ပြီး သည်းခံနိုင်စွမ်း ကုန်ဆုံးသွားဟန် တူပါသည်။

သူ လက်ကို ဖြည်းဖြည်းချင်းမြှောက်ကာ တစ်လုံးချင်း အေးစက်စက်ပြောလိုက်၏။

" အဲ့လိုဆိုမှတော့လဲ သေလိုက်တော့ကွာ။ ဒါပေမယ့် မင်း သေသွားပြီးရင်လဲ ငါ လောထျန်းကို ရှာတွေ့မှာပါပဲ "

သူ ပြောပြီး တိုက်ခိုက်ရန် ပြင်လိုက်သည်။

သို့သော် ထိုစဉ်တွင် ....

" ငါ့ကိုရှာနေတာ ဘယ်ကောင်လဲကွ ဟမ်.. "

မလှမ်းမကမ်းမှ အသံတစ်သံ ရုတ်တရက်ထွက်လာသည်။

အားလုံး အသံလာရာဆီသို့ လှည့်ကြည့်လိုက်ကြ၏။

ထို့နောက်တွင် လူငယ်တစ်ယောက် ပျံသန်းရောက်ရှိလာကာ ... မြင်လိုက်ရသည့် မြင်ကွင်းကြောင့် အံ့ဩသွားဟန် တူပါသည်။

" ဟင် ချင်းရှောင်ရှန် ၊ ဘာတွေဖြစ်နေတာလဲ "

ထိုလူငယ် တအံ့တဩ မေး၏။

ထိုသူကို မြင်သည်နှင့် ချင်းရှောင်ရှန် အလန့်တကြား အော်၏။

" အကိုလော .. သတိထားနော် "

အကိုလော ဆိုသည့်စကားကို ကြားသည်နှင့် နျဲ့လင်၏ မျက်လုံးများ ချက်ချင်း အရောင်လက်သွားကြသည်။

သူ အသစ်ရောက်လာသူ လူငယ်အားကြည့်ကာ ရယ်ရင်းပြော၏။

" ဟား ဟား ငါ့ကံကလဲ ဒီလောက်တောင် ကောင်းတာလားကွာ။ ငါတို့လေးယောက်ထဲမှာ အနိုင်ရတဲ့သူက ငါဖြစ်မယ်လို့ မထင်ထားမိဘူး "

ထို့နောက် သူ တဖက်မှကောင်လေးကို စိုက်ကြည့်ရင်း ဆက်ပြောပါသည်။

" ကောင်လေး ၊ ငါက မင်းကိုသတ်ဖို့အတွက် ဒီနေရာကိုရောက်နေတာပဲ။ သေဖို့သာပြင် "

ဝုန်း

စကားဆုံးချိန်တွင် သူ့အရောင်အဝါ ပေါက်ထွက်လာ၏။

တဖက်မှ ကောင်လေးကမူ သူ့စကားကြောင့် အံ့ဩသွားဟန် တူပါသည်။

" ငါ့ကို သတ်ချင်တယ် ဟုတ်လား ...ငါ မင်းကိုလဲ မသိပါလား "

နျဲ့လင်က အေးစက်စက် ပြန်ပြော၏။

" မင်း ငါ့ကို သိစရာမလိုပါဘူး။ သေလိုက်တော့ "

ဝုန်း

ကမ္ဘာတစ်ခုလုံး ပျက်စီးသွားစေနိုင်သည့် အစွမ်းပါဝင်သော လက်ဝါးချက်ကြီးတစ်ခုက တဖက်လူငယ်ထံ တိုးဝင်သွားသည်။

လူငယ်မှာလည်း ၎င်းကိုမြင်ပြီး လန့်သွားပုံရကာ မှင်သက်သွားပါ၏။

ဝုန်း

အသံကျယ် တစ်သံနှင့်အတူ သူ လွင့်ထွက်သွားကာ မလှမ်းမကမ်းမှ တောင်တစ်လုံးနှင့် ရိုက်မိသွားတော့သည်။

ဝုန်း

ထိုတောင်တစ်ခုလုံး ပြာမှုန့်အဖြစ် တမဟုတ်ချင်း ပြောင်းသွား၏။

" သနားစရာကောင်းလိုက်တာကွာ "

နျဲ့လင်က ၎င်းကိုကြည့်ပြီး အထင်သေးသည့် မျက်နှာထားဖြင့် ဆိုသည်။

အခြားသူများ မျက်နှာဖြူရော်ကုန်ကြ၏။

သို့သော် ထို့နောက်တွင် ....

ဝုန်း

အပျက်အစီးများကြားမှ အစွမ်းထက် အရောင်အဝါတစ်ခု ရုတ်ချည်း ထွက်လာပါသည်။

" မျိုးမစစ်ကောင် ၊ ငါ့ကို အလစ်တိုက်ခိုက်ရဲတာ ဘယ်ကောင်လဲကွ "

အသံပိုင်ရှင်ဖြစ်သော အစောက လူငယ်က ဒေါသတကြီးအော်သည်။

" ဟင် "

ထိုအသံကြောင့် နျဲ့လင် အနည်းငယ် အံ့ဩသွား၏။

သူ အသံလာရာဘက် လှည့်ကြည့်လိုက်ရာ သူ သေသွားပြီဟု ထင်သောလူငယ်က မသေသေးဘဲ ကပိုကရိုပုံဖြင့် သူ့အား ဒေါသတကြီး စိုက်ကြည့်နေသည်ကို မြင်လိုက်ရသည်။

" ဟင် .. မင်းမှာ အစွမ်းတချို့တော့ ရှိထားသားပဲကွ။ အဲ့လိုဆိုတော့လဲ ပျော်စရာကောင်းသွားတာပေါ့ "

နျဲ့လင် ဒေါသထွက်ရမည့်အစား အပြုံးဖြင့် ပြောလိုက်သည်။