စာတမ်း ရှင်းလင်းခြင်း

ကုမ္ပဏီက အသစ်ဖြစ်ပြီး၊ လူတိုင်းက လေးငါးလပဲရှိသေးပေမယ့်၊ လူတိုင်းက တကယ်တော့ ကုမ္ပဏီနဲ့ပတ်သက်တဲ့ သက်ဆိုင်မှုခံစားချက်အတော်လေး ရှိနေကြသည်။

အချိန်ပိုလုပ်ရတာ ကိုတော့ သီးသန့်မချမှတ်ထားပေမယ့် အချိန်ပိုလုပ်ခကို ပုံမှန်အတိုင်း လစာအနေနဲ့ပေးထားလေသည်။ အလုပ်ချိန်က မနက်၉ နာရီမှညနေ၅ နာရီ၊ စနေတနင်္ဂနွေကတော့ နားရက်၊ ပြီးတော့ လူမှုဖူလုံရေးအာမခံငါးမျိုးနဲ့ နေထိုင်ခွင့်အိမ်ပါဝင်တယ်။ ဒါတွေအားလုံးက အလုပ်သမားဥပဒေမှာ ပြဋ္ဌာန်းထားပေမယ့်၊ ကုမ္ပဏီရဲ့ စီစဉ်ပေးမှုကတကယ်ကို စိတ်ကျေနပ်မှုရစေသည်။

ကုမ္ပဏီက တရုတ်ရိုးရာပွဲတော်တိုင်းအတွက်လက်ဆောင်တွေပေးပြီး၊ အလုပ်သမားတွေကကုမ္ပဏီကနေမွေးနေ့တိုင်းမှာ ကိတ်မုန့်ရလေသည်။ အလုပ်ခွင့်ယူရတာလည်း အရမ်းအဆင်ပြေကာ ကိုယ်ရေးကိုယ်တာအလုပ်ခွင့်ပဲဖြစ်ဖြစ်၊ဖျားနာခွင့်ပဲဖြစ်ဖြစ်၊ ကျိုးကြောင်းဆီလျော်ရင် ခွင့်ရမှာဘဲဖြစ်သည်။

ဒီကုမ္ပဏီမိသားစုကြီးထဲက လူတိုင်းက တကယ်ကိုပျော်ရွှင်နေခဲ့ကြသည်။ အချိန်ပိုလုပ်ရတဲ့အခါတောင် အားလုံးစုစည်းပြီး တူညီတဲ့ရည်မှန်းချက်အတွက် အတူတကွလုပ်ဆောင်နေကြတာဘဲဖြစ်သည်။

မင်ယွဲ့က တစ်ခါတစ်ရံ လာပြီး၊ ဌာနကို အချိုရည်တွေ ယူလာပေးလေသည်။ အလုပ်သမားအရေအတွက် မများသေးဘဲ၊ နှစ်ရာကျော်ပဲရှိသေးသည်။

ဒါပေမယ့် လူတိုင်းအတူတကွလုပ်ဆောင်တာနဲ့အမျှ၊ ကုမ္ပဏီက တကယ်ပဲ ကြီးမားတဲ့အောင်မြင်မှုကို ရရှိခဲ့လာခဲ့သည်။

【ဒင်!- ပိုင်ရှင်ရဲ့ အလုပ်အကိုင်အမှတ်တွေက ခုနောက်ပိုင်း ကြိုးစားအားထုတ်မှုတွေ‌ေြကာင့်တိုးြမင့်လာပါပြီ၊ လက်ရှိ ၃၈ (အောင်မြင်မှုအနည်းငယ်)】

သူမရဲ့ မြင့်တက်လာတဲ့ အလုပ်အကိုင်အမှတ်ကိုကြည့်ရင်း၊ မင်ယွဲ့က အလုပ်အကိုင်ပြောင်းဖို့စမ်းသပ်လို့ရမှာကို သိနေခဲ့သည်။

ဒါပေမယ့် မင်ယွဲ့က ရက်အနည်းငယ်အတွင်းမှာ ရှန်းတက္ကသိုလ်မှာ သူ့ဘွဲ့လွန်စာတမ်းကို တင်ပြရမှာဖြစ်ကာကျောင်းက အချိန်ကို အရင်ကတည်းကချိန်းဆိုထားပြီး၊ သူမက အချိန်အတွက် ထပ်စီစဉ်စရာမလိုတော့ပေ။

သူမက အိမ်မှာ ရက်အနည်းငယ် စားသောက်ရင်း၊အိမ်မှာပဲ အိပ်လိုက်စားလိုက်နဲ့အေးဆေးဖြတ်သန်းနေခဲ့သည်။

လုပ်ငန်းစဉ်မှာ စတော့ရှယ်ရာ ကုန်သွယ်ရေးအရောင်းအဝယ်တစ်ခုမှာ ရောင်းချခြင်းနှင့် ဝယ်ယူခြင်းပါဝင်ပြီး၊ ထို့နောက် ရောင်းချခြင်းနှင့် ဝယ်ယူခြင်းထပ်မံလုပ်ဆောင်ခဲ့သည်။

သူမရဲ့ ထက်မြက်တဲ့မျက်စိနဲ့အလှည့်ကျ ကျွမ်းကျင်မှုနဲ့အတူ၊ သူမက တောင်ပံပါရှိသည့် နဂါးတစ်ကောင်လိုဖြစ်နေပြီး၊ သူ့ရဲ့ကြွယ်ဝမှုက မြန်မြန်ဆန်ဆန် စုဆောင်းမိလာခဲ့သည်။

သူမက ပိုက်ဆံကနေ ပိုက်ဆံရှာတာက အရမ်းရိုးရှင်းတဲ့အရာတစ်ခုဆိုတာ ရုတ်တရက်သဘောပေါက်သွားခဲ့သည်။သူမက ရှန်းတက္ကသိုလ်ရဲ့ ထိပ်တန်းကျောင်းသူဖြစ်ပြီး၊ စီးပွားရေးစီမံခန့်ခွဲမှုနဲ့ ဘဏ္ဍာရေးကို လေ့လာခဲ့ဖူးကာ။ အချိန်ပိုင်းအလုပ်တွေလုပ်တာကလွဲရင် ဘာကြောင့် သူမကိုယ်သူမ တိုးတက်မှုမရှိတာလဲဆိုပြီး တွေးနေမိသည်။

ရိုးရိုးသားသားပြောရလျင်၊ သူမက မိဘတွေရဲ့အတွေးအခေါ်တွေကြောင့် စွန့်စားတဲ့အခါဆုံးရှုံးရမှာကို ကြောက်နေတယ်၊ ပြီးတော့ အမြဲတမ်းအတည်တကျကို ရှာဖွေမိနေမိသည်။

သူတို့က အသက်ငယ်ပြီး စွန့်စားရမယ့်အစား၊အလုပ်တစ်ခုရှာပြီး အလုပ်သွားတာရဲ့ ပုံမှန်လမ်းကြောင်းကိုပဲ လိုက်နေခဲ့ကြသည်။ သူတို့မှာလုပ်ငန်းစဖို့ အရင်းအနှီးမရှိသလို၊ ဆုံးရှုံးဖို့လည်းသတ္တိမရှိပေ။ သူတို့သာ တစ်ချက်မှားသွားရင်အခြားတစ်ခုဆီ ဦးတည်သွားမည်ဖြစ်ကာ၊ သူတို့ကလုံးဝရှုံးနိမ့်သွားပြီး၊ သူတို့ရဲ့ ဆင်းရဲနေတဲ့ မိသားစုကို ပိုဆိုးအောင်လုပ်မိမှာကို ကြောက်နေခဲ့ကြသည်။

ချမ်းသာတဲ့ကလေးတွေအတွက် လုပ်ငန်းစတာကအတော်လေး လွယ်ကူတယ်လို့ ဘာကြောင့်ပြောရသနည်း။ သူတို့မှာ စိတ်ပိုင်းဆိုင်ရာဖိအားမရှိချေ။ သန်းဂဏန်းတွေက သူတို့အတွက် ရေလိုပဲဖြစ်သည်။ သို့သော် ဆင်းရဲတဲ့မိသားစုက ကြီးပြင်းလာတဲ့ ကောလိပ်ကျောင်းသားတွေက မြစ်ကြောင်းမဲ့ရေညှိလို၊ သူတို့ရဲ့ နှလုံးသားက သူတို့ရဲ့မိသားစုနဲ့အတူရှိနေပေမယ့်၊ သူတို့ကို ထောက်ပံ့ဖို့ အရင်းအမြစ်မရှိကြပေ။

ကိုယ့်ရဲ့ မူလဇစ်မြစ်ကို မကျေမနပ်ဖြစ်တာမဟုတ်ဘဲ ကိုယ့်ရဲ့ မိသားစုနောက်ခံက သတ်မှတ်ထားတဲ့ ကန့်သတ်ချက်တွေကို မကျေမနပ်ဖြစ်နေချင်းဘဲဖြစ်သည်။

အခု မင်ယွဲ့မှာ ယွမ်ပေါ့ရဲ့ အကူအညီရှိနေပြီး၊ကြွယ်ဝမှုတွေ အများကြီးစုဆောင်းထားတော့၊နောက်လုပ်စရာက ပိုက်ဆံကနေ ပိုက်ဆံရှာဖို့ဘဲလိုတော့သည်။

သူမက ပထမဆုံးခြေလှမ်းကို လှမ်းလိုက်တာနဲ့၊ကမ္ဘာက သူမရှေ့မှာ ပွင့်လင်းသွားတာကို တွေ့ရှိခဲ့ရသည်။ အခု ယွမ်ပေါ့ ပျောက်ကွယ်သွားတောင်၊ သူမကောင်းမွန်တဲ့ဘဝနေနိုင်ပီဖြစ်ကာ သူမကယွမ်ပေါ့ရောက်လာတာအတွက် တကယ်ကိုကျေးဇူးတင် နေမိသည်။

မင်ယွဲ့က သူ့ဘွဲ့လွန်စာတမ်းနဲ့ ရှန်းတက္ကသိုလ်ကိုရောက်လာပြီး၊ သူတင်ပြမယ့် စာသင်ခန်းကို ရှာတွေ့ခဲ့သည်။

ကျောင်းသားအနည်းငယ် ရှိနေပြီ၊ တချို့က သူမနဲ့အတူ သူတို့ရဲ့စာတမ်းတွေကို ပြန်ဖတ်နေကြကာ တချို့က ကြည့်ရှုဖို့ လာတဲ့ နောက်မျိုးဆက်ကျောင်းသားတွေဘဲဖြစ်သည်။

မင်ယွဲ့ရဲ့ ထင်ရှားတဲ့ လှပမှုနှင့် နောက်ပိုင်းအလှကအာရုံစိုက်မှုကို ဆွဲဆောင်နေခဲ့သည်။

"ဒါက ဒီနေ့ သူ့ဘွဲ့လွန်စာတမ်းတင်ပြမယ့် အမကြီးလား။ သူမ အရမ်းလှတယ်။"

နောက်မျိုးဆက်ကျောင်းသားတွေက ပါးစပ်ကိုလက်နဲ့ပိတ်ရင်း၊ သူတို့ ပြောနေခဲ့ကြသည်၊ သို့သော် မင်ယွဲ့က အာရုံခံစားမှုအားကောင်းတာနဲ့အမျှ၊ သူတို့ကို ရှင်းရှင်းလင်းလင်း ကြားနေခဲ့ရသည်။

"သူမက ငါတို့ပင်မဘာသာရပ်ရဲ့ ထိပ်တန်းကျောင်းသူထင်တယ်၊ အေးဆေးတည်ငြိမ်တဲ့နတ်သမီးတစ်ပါးဘဲ။"

"မဟုတ်ဘူး၊ အရင်ဓာတ်ပုံတွေမှာ ဒီလိုမဟုတ်ခဲ့ဘူး။"

"မင်းက ခေတ်နောက်ကျနေပြီ နောက်ဆုံး အစ်ကိုကြီးတွေ ဘွဲ့ရဓာတ်ပုံရိုက်ပြီး ပြန်လာတုန်းက၊ကျောင်းဝက်ဘ်ဆိုဒ်ပေါ်က ဓာတ်ပုံတွေက အပ်ဒိတ်လုပ်ပြီးသားပါ။ သူတို့က အရမ်း တက်ကြွနေကြတယ်”

"သူမက အရမ်းလှတယ်။ ကံမကောင်းတာက ငါဘွဲ့ရပြီးသွားပြီ၊ ဒီလိုမှမဟုတ်ရင် ငါနဲ့ မမနဲ့လိုက်ဖက်နေခဲ့မှာ။"

နောက်မျိုးဆက်ကျောင်းသားက အော်ဟစ်လိုက်ကာ သူတို့မျက်လုံးတွေ ပြူးကျယ်နေခဲ့သည်။

"စိတ်ကူးယဉ်တာရပ်လိုက်။ တောင်မြင့်ကြီးပေါ်ကပန်းတစ်ပွင့်ကို မင်းစိတ်ကြိုက် ခူးနိုင်တယ်လို့ မင်းထင်နေတာလား။"

မင်ယွဲ့က သူမဘွဲ့လွန်စာတမ်းကို လှန်လှောကြည့်နေကာဘာမှမကြားရသလိုပင်၊ ဆရာမေးနိုင်တဲ့မေးခွန်းတွေကို မျှော်လင့်ပြီး၊ သူမရဲ့အဖြေတွေကိုစိတ်ထဲမှာ ပြင်ဆင်နေခဲ့သည်။

လူများ တစ်ယောက်ပြီးတစ်ယောက် ဝင်လာကြပြီးမေဂျာတူအတန်းဖော်များနှင့် တခြား ရှေ့နှစ်က စီနီယာများပါ ဝင်လာခဲ့သည်။ မင်ယွဲ့က သူတို့ကို မှတ်မိပြီး၊ သူတို့ကသူမကို ပြုံးရင်းနဲ့ နှုတ်ဆက်လိုက်ကြသည်။

မကြာခင်မှာပဲ၊ စာတမ်းအကြံပေးသုံးဦး ဝင်လာခဲ့ကာလူတိုင်းက စတင်ပြီး စိတ်လှုပ်ရှားလာကြသည်။ ဘယ်လောက်ပဲ ပြင်ဆင်ထားထား၊နောက်ဆုံးအချိန်မှာ စိတ်လှုပ်ရှားတုန်းပဲဖြစ်သည်။ ဘာဖြစ်လို့လဲဆိုတော့ စာတမ်းတင်ပြမှု ကျရှုံးရင်ဘွဲ့ရဖို့ ကျရှုံးသွားမှာမို့လို့ဖြစ်သည်။

မင်ယွဲ့ကတော့ ဘာမှမဖြစ်ခဲ့သလိုပဲ ပြုမူနေလေသည်။ ဘာဖြစ်လို့လဲဆိုတော့ သူမက စီးပွားရေးလောကရဲ့ အတက်အကျတွေကို ဖြတ်သန်းခဲ့ရပြီး၊သူမရဲ့စိတ်နေစိတ်ထားက အတော်လေးပြောင်းလဲသွားပြီဖြစ်သည်။

သူမက တတိယတင်ပြရမယ့် တစ်ယောက်ဖြစ်ကာ တစ်ယောက်ပြီးတစ်ယောက် ကျောင်းသားတွေက ဇာတ်စင်ပေါ်တက်သွားကြပြီး၊ မင်ယွဲ့ကအောက်ကနေ နားထောင်နေခဲ့သည်

မင်ယွဲ့ ဇာတ်စင်ပေါ်တက်တဲ့အခါ၊ အောက်က ဆရာတွေက သူ့စာတမ်းကို လှန်လှောကြည့်ရင်း၊ အတော်လေး အံ့အားသင့်သွားခဲ့ကြသည်။

မင်ယွဲ့၏ ဘွဲ့လွန်စာတမ်းက ငါးပတ်ပြင်ဆင်ပြီးနောက် အရင်ကတည်းက နောက်ဆုံးသတ်မှတ်ထားပြီးသားဖြစ်သည်။

ဒါပေမယ့် စျေးကွက်ကို အနည်းငယ်စောင့်ကြည့်ပြီးနောက်၊ သူမက အခက်အခဲနဲ့ သင်ယူခဲ့သေးသည်။

သူမက စာတမ်းကို ထပ်မံပြန်လည်ပြင်ဆင်ခဲ့ကာမျက်နှာပြင်ထက် ထူးချွန်မှုကို ကျော်လွန်ပြီး၊၎င်း၏အဓိကကျွမ်းကျင်မှုရှုထောင့်များကို နက်နက်ရှိုင်းရှိုင်းလေ့လာခဲ့လေသည်။

ပါမောက္ခများက ဖတ်ပြီးနောက် ခေါင်းညိတ်သဘောတူလိုက်ကြကာ၊ စာတမ်းက ဘွဲ့လွန်စာတမ်းရဲ့ အရည်အသွေးရှိတယ်လို့ ချီးကျူးလိုက်ကြသည်။

မသင့်လျော်တဲ့ပုံစံမပေါ်အောင်၊ မင်ယွဲ့၏ ဘွဲ့လွန်စာတမ်းအကြံပေးက သူမရဲ့စာတမ်းကိုတက်ရောက်လက်မခံခဲ့ပေ။

ပါမောက္ခများက မင်ယွဲ့ကို အဓိကမဟုတ်တဲ့သင်တန်းအနည်းငယ်ကို ကြိုတင် သင်ကြားပေးခဲ့သည်။ ဘာဖြစ်လို့လဲဆိုတော့ အားလုံးက သူမရဲ့ပင်မဘာသာရပ်နဲ့ ဆက်စပ်နေလို့ပါ။ ပုံမှန်အားဖြင့်၊ဘွဲ့လွန်စာတမ်းတွေက အနည်းဆုံးအောင်မှတ်ရရင်အောင်မယ်လို့ ယူဆထားကြသည်။ ဒါပေမယ့် မင်ယွဲ့ရဲ့စာတမ်းတွေဖတ်ပြီးနောက်၊ သူတို့မှာမျှော်လင့်ချက်များ မြင့်မားလာခဲ့သည်။

မျှော်လင့်ချက်မြင့်မားလေလေ၊ တောင်းဆိုမှုတွေ မြင့်မားလေလေပဲဖြစ်သည်။

လူတိုင်းက ကာကွယ်မှုဆိုတာ မေးခွန်းတွေကို ဖြေဆိုတာပဲ၊ ငြင်းခုံတာမဟုတ်ဘူးလို့ ပြောလိုက်ကြသည်။

ဒါပေမယ့် ဒီဆရာတွေက မင်ယွဲ့ကို သူတို့နဲ့ငြင်းခုံဖို့တမင်တကာ ကြိုးစားနေသလို ရှိသည်။

သူတို့က နည်းပညာဆိုင်ရာမေးခွန်းတစ်ခုပြီးတစ်ခုမေးနေခဲ့ကာ၊ သူမရဲ့စာတမ်းထဲက အချက်တွေကိုနက်နက်ရှိုင်းရှိုင်း လေ့လာနေလေသည်။

စာတမ်းပြီးသွားတဲ့သူတွေက သူတို့ရဲ့အကြံပေးတွေက အရင်က သူတို့ကို အတော်လေး ကြင်နာခဲ့တာကို ကျေးဇူးတင်နေကြသည်။ ဒါပေမယ့် မင်ယွဲ့နောက်မှ လူတွေက သူတို့ရဲ့အနာဂတ်အတွက်စိုးရိမ်မှုများ စတင် ဖြစ်လာကြသည်။

တက်ရောက်လာတဲ့ တူညီတဲ့ပင်မဘာသာရပ်က နောက်မျိုးဆက်ကျောင်းသားတွေပင် မျက်လုံးကျယ်ကျယ် ကြည့်ရင်း၊ သူတို့မတွေ့ကြုံရသေးတဲ့ကျွမ်းကျင်မှုဝေါဟာရတွေကို နားလည်မှုနဲ့ ရှုပ်ထွေးမှုရောနှောပြီး နားထောင်နေကြလေသည်။

အဆိုတင်ပြခုံပေါ်မှာ၊ မင်ယွဲ့က တွန့်ဆုတ်နေတာမျိုးမပါဘဲ ကျွမ်းကျင်စွာပြောဆိုနေခဲ့ကာ နောက်ဆုံးပိုင်းမှာ၊ အချက်အလက်တချို့က စာတမ်းကနေသွေဖယ်သွားခဲ့ပြီး၊ သူမဘယ်လောက်ပြင်ဆင်ထားသလဲဆိုတာ သက်သေပြနေခဲ့သည်။

ဆရာက မေးခွန်းမေးရင်း၊ ခေါင်းညိတ်ပြီး ပြုံးနေခဲ့သည်။

တင်ဆက်ပြသမှုကို ကြည့်ရှုသူအားလုံးက မင်ယွဲ့ရဲ့ထိပ်တန်းကျောင်းသူနဲ့ သူမရဲ့ပင်မဘာသာရပ်ထဲကပထမဆုက ထိုက်တန်တယ်လို့ ခံစားနေရသည်။

တင်ပြမှုပြီးသွားတဲ့အခါ၊ မင်ယွဲ့က စင်ကနေ ဆင်းဖို့ ပြင်လိုက်သည်။

ဆရာက နောက်ဆုံးမှာ မေးခွန်းမေးတာ ရပ်လိုက်သဖြင့်၊ သူမက စိတ်သက်သာရာ ရသွားခဲ့သည်။

ပါမောက္ခများက သူမကို မျက်လုံးတောက်ပနေတဲ့အနေနဲ့ ကြည့်နေကာ၊ "ငါ့ဆီလာခဲ့၊ ငါ့အသိုင်းအဝန်းထဲလာခဲ့" လို့ ပြောနေသလိုပင်။

မင်ယွဲ့ပြန်ရောက်တဲ့အခါ၊ ဘာဖြစ်သွားလဲဆိုတာ သူတို့သိသွားကာ။ ဆရာတွေက မင်ယွဲ့ကိုဆက်သွယ် ရန်နည်းလမ်းကို အတန်းပိုင်ဆရာဆီကနေရယူပြီး၊ သူမက ဘွဲ့လွန်တက်ဖို့ စီစဉ်ထားလားလို့ မေးလိုက်ကြသည်။

ဒါက သူမကို ဘွဲ့လွန်မတက်ချင်ရင်တောင်သဘောတူအောင်လုပ်ဖို့ ခိုင်မာစေတဲ့ စိတ်နေသဘောထားမျိုးဖြစ်သည်။

မင်ယွဲ့ရဲ့ ဘွဲ့လွန်စာတမ်းအကြံပေးက သူမနဲ့ အရင်ကတည်းက ဆက်သွယ်ပြီး၊ သူ့ကိုယ်ပိုင်စီမံခန့်ခွဲသူအောက်မှာ ဘွဲ့လွန်တက်ဖို့ ခိုင်မာစွာပြောထားသဖြင့်၊ ဒါက သူမကို ဘွဲ့လွန်တက်ဖို့ အကြံပြုခံရတော့မယ့် အချက်ပြတစ်ခုဖြစ်လာသည်။

နှစ်စဉ်၊ ရှန်းတက္ကသိုလ်က ဘွဲ့လွန်ကျောင်းသားများစွာက ဝင်ရောက်ဖို့ အကောင်းဆုံးကြိုးစားကြသဖြင့်။ မင်ယွဲ့က ဘွဲ့လွန်တက်မယ်ဆိုရင်၊ သူမက ရှန်းတက္ကသိုလ်ကို ကျိန်းသေပေါက် သွားရလိမ့်မည်။

သူမက အရင်က ဘွဲ့လွန်ဝင်ခွင့်စာမေးပွဲဖြေဖို့ မစဉ်းစားခဲ့ပဲဘွဲ့ရပြီးနောက် သူ့မိသားစုအတွက်တန်ဖိုးဖန်တီးပေးချင်ယုံသာဖြစ်သည်။ သူတို့ကိုဝန်ထုပ်ဝန်ပိုးထပ်မဖြစ်စေချင်တော့ပေ။

ဒါပေမယ့် အခုတော့ အရာအားလုံးက ကွဲပြားနေပြီးကျယ်ပြန့်တဲ့လမ်းက သူမရှေ့မှာ ရှိနေခဲ့ပြီဖြစ်သည်၊ဒါကြောင့် သူမကိုယ်သူမ အသိပညာနဲ့ လက်နက်ကိုင်ထားတာက အလွန်အရေးကြီးလာလိမ့်မည်ဟု ထင်နေခဲ့သည်။