အခန်း (၁၄၆၂-၁၄၆၄)

အခန်း(၁၄၆၂) လောင်းကြေး

"တဝေက ကိုယ်စားလှယ်တွေ ရောက်နေပြီ” တစ်ယောက်က အော်ပြောလိုက်သည်။

လူတိုင်း၏ အကြည့်များသည် ဤလူအုပ်ဆီသို့ရောက်သွားကြသည်။ ဦးဆောင်လာသူမှာ

အသက်နှစ်ဆယ်ကျော်အရွယ် အနက်ရောင်အဝတ်အစားတွေ ဝတ်ဆင်ထားသည့် လူငယ်တစ်ယောက်ဖြစ်သည်။ သူ့နောက်က နှစ်ယောက်မှာ တဝေ ကျန်းလန်အာနှင့် ပိုင်ရှန်းကျူးတို့ဖြစ်ကြကာ မူလက မာနကြီးသော ဤမိန်းကလေးနှစ်ယောက်သည် ယခု လူငယ်၏ နောက်၌ နာခံမှုရှိရှိရပ်နေကြသည်။ ၎င်းတို့မျက်နှာတွင် စိတ်မပါသော အမူအရာလုံးဝမရှိပေ။

ထို့ကြောင့် လူအများက လူငယ်၏ အရည်အချင်းကို ခန့်မှန်မိကြသည်။ သူသည် ကျန်းလန်အာနှင့် ပိုင်ရှန်ကျူးတို့ထက်ပင် အစွမ်းထက်သည့် တဝေ၏ ဒဏ္ဍာရီလာ နံပါတ်တစ် ဆေးပါရမီရှင်ဖြစ်နိုင်သည်။

"သူ့ပုံက ဘာမှထူးခြားတာမရှိဘူး။ ကျွန်တော့်အတွက်တော့ အတော်လေး သာမန်ပဲ..." တစ်ယောက်ယောက်က ပြောသည်။

၎င်းတို့က ချူးယွင်ဖန်းသည် မည်သည့် ထူးခြားမှုမျှမရှိသည့် သာမန်လူတစ်ဦးကဲ့သို့ ထင်ခဲ့ကြသော်လည်း နောက်ပိုင်းတွင် ယင်းက အကြီးမားဆုံးကွာခြားချက်ဖြစ်ကြောင်း သတိရသွားကြသည်။ ကမ္ဘာကျော် ဆေးပါရမီရှင်တစ်ယောက်က ထူးကဲ့သည့် သိုင်းပညာကို လေ့ကျင့်ထားသင့်သော်လည်း သူ့တွင် သိုင်းပညာမရှိသကဲ့သို့ပင်ဖြစ်သည်။ ဤနေရာ၌ တစ်ခုခု မှားနေသည်မဟုတ်လော။

အားလုံး ဆွေးနွေးနေကြစဥ် ချူးယွင်ဖန်းက အကူလာဘက်သို့လျှောက်သွားကာ အကူလာနင်းထားသော ထျန်းယီကို လှမ်းကြည့်လိုက်သည်။

သူက လှောင်ရယ်လိုက်၏။

"စိတ်ဝင်စားစရာပဲ။ မင်းတို့က တကယ်ကို အစွမ်းကုန် ကြိုးစားကြတယ်"

အကူလာက သူ့ခြေထောက်ကို ချက်ချင်းပြန်ရုတ်သိမ်းလိုက်သည်။ နင်းခံရတော့မည့် ထျန်းယီသည် သူ့ခန္ဓာကိုယ်ပေါ် ဖိထားသည့် ကြောက်မက်ဖွယ် အရှိန်အဝါများ ရုတ်တရက် ပျောက်ကွယ်သွားသည်ကို ခံစားလိုက်ရသည်။ သူ အမြန်လှည့်ကာ ထရပ်လိုက်သည်။ သူသည် ထိုအချိန်၌ အလွန် စိတ်ဆင်းရဲနေပုံပေါ်ကာ အကူလာကို မုန်းတီးစွာ စိုက်ကြည့်နေသည်။ ဤသည်မှာ သူ့ဘဝ၏ အရှက်ရဆုံးအချိန်ဖြစ်သော်လည်း လက်စား ချရန် မဝံ့မရဲဖြစ်မိသည်။ ထို့အပြင် အကူလာ၏ အရှိန်အဝါကို ဤလူငယ်က ဖျက်ဆီးလိုက်ပြီဟု ခံစားမိသောကြောင့် ချူးယွင်ဖန်းကိုကြည့်လိုက်သည်။ နွေဦးရာသီတွင် နှင်းများ အရည်ပျော်သွားသကဲ့သို့

မည်သည့် သဲလွန်စမျှမရှိဘဲ တိတ်ဆိတ်စွာ ဖြစ်ပျက်ခဲ့သည်။ မီးခိုးနှင့် မီးလျှံတစ်ခုမျှမရှိပေ။ ဤသည်က အံ့သြဖွယ်အကောင်းဆုံးဖြစ်သည်။

"မင်းက ချူးယွင်ဖန်းလား" အကူလာက ချူးယွင်ဖန်းကို မထီမဲ့မြင်ပြု၍ ကြည့်လိုက်သည်။

ချူးယွင်ဖန်းက ငယ်ရွယ်လွန်းသည်။ ငယ်ရွယ်ခြင်းက တစ်ခါတစ်ရံမှာ အားသာချက်တစ်ခုဖြစ်သော်လည်း တစ်ခါတစ်ရံတွင် ကြီးမားသည့် အားနည်းချက်တစ်ခုလည်းဖြစ်သည်။ အထူးသဖြင့် ဆေးပညာရှင်များအတွက် မှန်သည်။ ၎င်းတို့သည် ၎င်းတို့၏ အသက်မွေးဝမ်းကြောင်းလုပ်ငန်းတွင် အတွေ့အကြုံများ စုဆောင်းရန် လိုအပ်ကာ ငယ်ရွယ်ခြင်းသည် အားနည်းချက်တစ်ခုဖြစ်သည်။

"မှန်တယ်။" ချူးယွင်ဖန်းက အားနည်းစွာ ပြုံးလိုက်သည်။

"အကူလာ မင်း အရမ်းလွန်သွားပြီ” အကူလာက ထျန်းယီကို ကိုင်တွယ်ခဲ့သည်ကို မြင်ပြီးနောက် ပိုင်ရှန်ကျူးးက အော်ပြောလိုက်သည်။

တျန်းရီက အောင်ပွဲကို အလွယ်တကူ မဝံ့ရဲသူဖြစ်သည်။ သို့သော် နောက်ဆုံးတွင် အကူလာက ခွေးတစ်ကောင်ကဲ့သို့ မြေပြင်ပေါ် ချနင်းခံလိုက်ရကာ မလှုပ်နိုင်ဖြစ်နေသည်။

"အချိန်ကိုက်ပဲ။ မင်းတို့နှစ်ယောက်လည်း ငါနဲ့ သဘောတူညီချက်ရှိတယ် မဟုတ်လား။ ရှုံးနိမ့်သူက အနာဂတ်မှာ တစ်ဖက်လူကို ဦးညွှတ်ရမယ်။ ဒူးထောက်ကြစမ်း!" အကူလာက အော်ဟစ်လိုက်ပြီး သူ့မျက်လုံးများသည် မွန်းစတားတစ်ကောင်ကဲ့သို့ လင်းလက်လာသည်။

ကြောက်မက်ဖွယ်ကောင်းသော အရှိန်အဝါတစ်ခုသည် ပိုင်ရှန်ကျူးနှင့် ကျန်းလန်အာထံသို့ ပျံ့နှံ့သွားသည်။ သို့သော် သူ့အား ထူးဆန်းစွာ ခံစားရစေသည်မှာ သူ၏ယခင်လှုပ်ရှားမှုသည် ရုတ်တရက် အသုံးမဝင်တော့ခြင်းပင်ဖြစ်သည်။ ဤအရှိန်အဝါသည် ချူးယွင်ဖန်းထံသို့ ပျံ့နှံ့သွားသောအခါ ပျောက်ကွယ်သွားခဲ့သည်။ ပိုင်ရှန်ကျူးနှင့် ကျန်းလန်အာတို့အပေါ် သက်ရောက်မှုမရှိပေ။

ပိုင်ရှန်ကျူးးနဲ့ ကျန်းလန်အာတို့က ကြောက်သည့်ပုံမပေါ်ပေ။ အခြားသူများသည် ချူးယွင်ဖန်း၏ နောက်ခံကို မသိကြသော်လည်း ၎င်းတို့က မည်သို့မသိဘဲနေကြမည်နည်း။ အကူလာသည် ဤနည်းလမ်းကို အခြားသူများရှေ့၌ အသုံးပြုနိုင်သော်လည်း ချူးယွင်ဖန်းရှေ့တွင် သူ၏ ကျွမ်းကျင်မှုကို ပြသည်နှင့် ထူးမခြားနားပင်ဖြစ်သည်။ ထိုအချိန်၌ အကူလာ၏ အမူအရာက အနည်းငယ် ပို၍ လေးနက်လာသည်။ သူ့အကြည့်က ချူးယွင်ဖန်းထံသို့ပြန်နရောက်သွားသည်။

"မင်းက လူတွေကို ဒူးထောက်ခိုင်းရတာကို အရမ်းကြိုက်တဲ့အတွက် လောင်းကြေးထပ်ကြရအောင်။ နောက် ပြိုင်ပွဲမှာ ရှုံးရင် ဒီမှာ သုံးရက် ဒူးထောက်နေရလိမ့်မယ်" ချူးယွင်ဖန်းက အပြုံးဖျော့ဖျော့ဖြင့် ပြောလိုက်သည်။

အကူလာက ချူးယွင်ဖန်း၏ အစွမ်းသတ္တိကို အနည်းငယ်ကြောက်ခဲ့သည်။ မည်သို့ပင်ဖြစ်စေကာမူ ဘော့ဇာသည် ချူးယွင်ဖန်း၏ လက်ချက်ဖြင့် အပြတ်အသက်ရှုံးနိမ့်ခဲ့သည်။ သို့သော် ဆေးပညာနှင့်ပတ်သက်လျှင် သူမကြောက်ပေ။

"ဟားဟားဟား၊ ကောင်းပြီ၊ ဒါပေမယ့် မင်းရှုံးရင် ငါမင်းရဲ့လက်တစ်ဖက်ကို မသန်မစွမ်းဖြစ်အောင် လုပ်မယ်!" အကူလာ၏ မျက်နှာတွင် သားရဲတစ်ကောင်ကဲ့သို့ ရက်စက်ကြမ်းကြုတ်သည့် အမူအရာ ပေါ်လွင်နေသည်။

"မင်း ငါ့လက်တစ်ဖက်ကို ဖြတ်ချင်တာလား။ ပြီးရင် လာစမ်းကြည့်။" ချူးယွင်ဖန်း၏ မျက်နှာအမူအရာက ပိုအေးစက်သွားသည်။ အခြားသူများက မသိနိုင်သော်လည်း သူက မည်သို့မသိဘဲနေလိမ့်မည်နည်း။

အကူလာနှင့် ကျင်းကျန်းဟန်တို့ လုပ်ရန် ကြိုးစားနေသည်မှာ အခြားနိုင်ငံမှ ငယ်ရွယ်သော ပါရမီရှင်များကို စိတ်ပိုင်းဆိုင်ရာသာမက ရုပ်ပိုင်းဆိုင်ရာပါ ဖျက်ဆီးပစ်ရန် ဖြစ်သည်။ တရားမျှတသည့် ယှဥ်ပြိုင်မှုသည် ၎င်းတို့၏ အဘိဓာန်တွင် ဘယ်သောအခါကမျှ ပေါ်မလာခဲ့ပေ။ တရားမျှတသော ယှဉ်ပြိုင်မှုနှင့် မရင်းနှီးသည့် သာမန်လူများ သတိမထားမိပါက ကြီးမားသော ဆုံးရှုံးမှုများ ကြုံတွေ့ရနိုင်သော်လည်း ယခု သူနှင့် တိုက်မိသွားပြီဖြစ်သောကြောင့် မည်သူ ဒုက္ခရောက်မည်က မသေချာတော့ပေ။

အကူလာက ပြုံးလိုက်သည်။

“အဲ့လိုဆို စလိုက်ရအောင်။ မင်းက စိန်ခေါ်တာဆိုတော့ စည်းမျဉ်းတွေကို ငါဆုံးဖြတ်မယ်"

"ဘာလို့ ဆုံးဖြတ်ရမှာလဲ။ မနေ့က ငါတို့ကို စိန်ခေါ်ဖို့ လာတုန်းက စည်းမျဉ်းတွေကို ဆုံးဖြတ်ပေးဖို့ မတောင်းဆိုခဲ့ဘူး" ကျန်းလန်အာက ဒေါသတကြီး ပြောလိုက်သည်။

"ဟုတ်တယ်၊ ရှင် အရမ်းလွန်နေပြီ!" ပိုင်ရှန်ကျူးက အော်ပြောလိုက်သည်။

ထျန်းယီ၏ မျက်နှာက စိမ်းပုတ်နေသော်လည်း အံကြိတ်ကာ ထွက်မသွားခဲ့ပေ။ အကူလာ၏ အရှက်ခွဲမှုကို ခံရပြီးနောက် ချူးယွင်ဖန်းက အကူလာကို အနိုင်ယူလိမ့်မည်ဟု မျှော်လင့်ခဲ့သည်။ ချူးယွင်ဖန်နးကလည်း အကူလာကို အရှက်ခွဲစေချင်ခဲ့သည်။

လူအုပ်ကြီး ရုတ်ရုတ်သဲသဲ ဖြစ်သွားသည်။ တက်ရောက်လာသော လူထောင်ပေါင်းများစွာထဲတွင် ၎င်းတို့သည် ဆေးပညာရှင် မဟုတ်သည့်တိုင် ဤလုပ်ငန်းတွင် ပါဝင်ပတ်သက်နေကြသည်။ အကူလာက သူ့လက်ထဲတွင် အားသာချက်ကို ဆုပ်ကိုင်ထားလိုကြောင်း မည်သူမျှ နားမလည်ဘဲနေမည်နည်း။

"အကူလာက ရက်စက်တဲ့ပုံပေါက်ပေမယ့် တကယ်တော့ သူက အရမ်းလိမ္မာပါးနပ်တယ်။ ချူးယွင်ဖန်း အနိုင်ရဖို့ အခွင့်အရေး နည်းနည်းလေးတောင် ပေးဖို့ အစီအစဉ်မရှိဘူး။"

"ဘယ်လိုလဲ။ မလုပ်ရဲဘူးလား။ မလုပ်ရင် ထွက်သွားတော့!" အကူလာက တည့်တိုးပြောလိုက်သည်။

"ငါ မင်းပြောသလို လုပ်ပေးမယ်" ချူးယွင်ဖန်းက လှောင်ရယ်လိုက်သည်။

"ဒါပေမယ့် အဲ့လောင်းကြေး မင်းရှုံးရင် ငါ မင်းရဲ့လက်တစ်ဖက်ကိုလည်း ဖြတ်ပစ်မယ်"

အကူလာ၏ အရှက်မရှိမှုနှင့် သစ္စာဖောက်မှုက ချူးယွင်ဖန်းကို ဒေါသထွက်စေခဲ့သည်။

"ဟင်၊ မင်းအောင်မြင်မှ ပြောဖို့ မင်းရဲ့စကားတွေ သိမ်းထားလိုက်" အကူလာက ပြောသည်။

"စိန်ခေါ်မှုက ရိုးရှင်းပါတယ်။ ငါ ဆေးဆယ်လုံး လုပ်မယ်။ ငါ ဘယ်လိုပါဝင်ပစ္စည်းတွေကို အသုံးပြုခဲ့လဲ၊ အဲ့ဆေးလုံးရဲ့ အသုံးဝင်ပုံကို ပြောပြရမယ်။ ဘယ်လိုနည်းလမ်းတွေကို အသုံးပြုခဲ့လဲ၊ လုပ်ငန်းစဉ်က ဘယ်လိုလဲဆိုတာ ပြောပြရမယ်"

လူတိုင်း ယင်းကိုကြားသောအခါ ပင့်သက်ရှိုက်လိုက်ကြသည်။ ဤလိုအပ်ချက်က မြင့်မားလွန်းသည်။ ဆေးပညာကျွမ်းကျင်သူစာမေးပွဲ၌ပင် ဤမျှ တင်းကြပ်သည့် လိုအပ်ချက်များမရှိပေ။ သူက ချူးယွင်ဖန်းကို ရှုံးနိမ့်စေချင်ခြင်းဖြစ်ကြောင်းသိသာလှသည်။

အကူလာက ပြင်ဆင်ထားခဲ့ပြီးဖြစ်၏။

အခန်း(၁၄၆၃) အကူလာ၏ ထိတ်လန့်ဖွယ်ခွန်အား

လူတိုင်းက ချူးယွင်ဖန်းကို ကြည့်နေကြသည်။ ကျန်းလန်အာနှင့် ပိုင်ရှန်ကျူးတို့ပင် စိုးရိမ်လာကြသည်။ သိုင်းပညာပြိုင်ပွဲတစ်ခုဆိုပါက ၎င်းတို့ လုံးဝ စိတ်ပူမည်မဟုတ်ပေ။ အကူလာတွင် လက်လေးချောင်းနှင့် ခြေလေးချောင်းရှိလျှင်ပင် ချူးယွင်ဖန်း ရှုံးလိမ့်မည်ဟု မည်သူမျှ မယုံကြပေ။

သို့သော် ဆေးပညာနှင့် ပတ်သက်လာလျှင်မူ ကွဲပြားသည်။ ချူးယွင်ဖန်းတွင် ဆေးပညာရှင်အဆင့်ရှိသည်ဟု ၎င်းတို့ ခန့်မှန်းကြသော်လည်း အကူလာနှင့် အများဆုံးတန်းတူဖြစ်သည်။ မည်သို့သော ပါဝင်ပစ္စည်းများသုံးထားသည်ကိုသာမက လုပ်ငန်းစဥ်နှင့် နည်းလမ်း စသည်တို့ကို ခန့်မှန်းရန် မဖြစ်နိုင်ပေ။ ဆေးလုံး၏ အသုံးပြုပုံကို ခန့်မှန်းရန်န အတော်အတန် လွယ်ကူလျှင်ပင် ဆေးပညာရှင်တစ်ဦးအတွက် အလွန် မြင့်မားသော လိုအပ်ချက်ဖြစ်သည်။ ဤသည်က စိန်ခေါ်မှုတစ်ခုဖြစ်သည်။

အတွေ့အကြုံရှိ ဆေးပညာရှင်တစ်ယောက်ပင် ယင်းကို တိကျစွာ ခန့်မှန်းနိုင်မည်မဟုတ်ပေ။ အများစုကို ခန့်မှန်းနိုင်ခြင်းကပင် အလွန်ကောင်းနှင့်နေပြီဖြစ်သည်။ ချူးယွ၍်ဖန်း အမှားတစ်ခုမျှ မလုပ်သည်ကို ထည့်မတွက်ပေ။ အကူလာက ဤသည်ကို အစကတည်းက စီစဥ်ထားနှင့်ပြီးဖြစ်သည်။

"ဆရာ၊ ကျွန်တော်တို့ ဒီလောက်ဆိုးရွားတဲ့ အခြေအနေတွေကို လက်မခံနိုင်ဘူး" ကျန်းလန်အာက စိုးရိမ်တကြီး ပြောလိုက်သည်။

"အကူလာ ရှင် ကျွန်မတို့ကို လှည့်စားဖို့ ကြိုးစားနေတာ ထင်ရှားတယ်။" ပိုင်ရှန်ကျူးလည်း ထိုသို့တွေးလိုက်သည်။

ပြိုင်ပွဲစည်းမျဉ်းများအရ ၎င်းသည် ဆေးပြိုင်ပွဲတစ်ခု ဖြစ်သင့်သည်။ အမှန်စင်စစ်၊ ဆေးရှင်များအကြား ပြိုင်ပွဲအတွက် စည်းမျဉ်းများနှင့် နည်းလမ်းများရှိခဲ့သည်။ ဤသည်က ယခင်က လူတိုင်း ထင်ကြေးပေးခဲ့ကြခြင်းဖြစ်သည်။

အကူလာက လှောင်ရယ်လိုက်သည်။

"ဒါက မင်းအပေါ်မှာ မူတည်တာမဟုတ်ဘူး။ မင်းကြိုက်တဲ့အချိန်မှာ ငါ့ကို စိန်ခေါ်နိုင်ပြီး မင်းမကြိုက်ရင် ငါ့ကို မစိန်ခေါ်လို့ရတယ်လို့ မင်းထင်နေတာလား။ ကျင်းကျန်းဟန်ကို မင်းဘာအတွက် စိန်ခေါ်နေတာလဲ။"

သူစကားပြောပြီးသည်နှင့် ပတ်ဝန်းကျင်မှ အစွမ်းထက်သော အရှိန်အဝါတစ်ခု ထွက်ပေါ်လာသည်ကို လူတိုင်းခံစားလိုက်ရသည်။ ရွှေအမတေအဆင့်ရောင်ဝါတချို့က တောင်များကဲ့သို့ ဖိထားသည်။

လူတိုင်းသည် ပင့်သက်ရှိုက်လိုက်ကြသည်။ ကျင်းကျန်းဟန်က ပြင်ဆင်ထားနှင့်ပြီးဖြစ်သည်။ ၎င်းတို့သည် ချူးယွင်ဖန်းကို လက်လျှော့ခွင့်မပြုသည့်အပြင် အင်အားသုံးရန်လည်း တွန့်ဆုတ်နေမည်မဟုတ်ပေ။

ကျင်းကျန်းဟန်တို့သည် ချူးယွင်ဖန်းကို ဘယ်သောအခါတွင်မျှ အလွန်ပေးမည်မဟုတ်ကြောင်း လူအမျာအးပြားက နားလည်ကြသည်။ ၎င်းတို့သည် ပုံမှန်အပြုအမူအရ ချူးယွင်ဖန်းကို ဒုက္ခပေးရန် ဆုံးဖြတ်ထားကြသည်။

လူအများအပြားက ချူးယွင်ဖန်းကို စာနာစိတ်ဖြင့် ကြည့်ကြသည်။ ၎င်းသည် ဆေးပညာရှင်များအကြား ယှဉ်ပြိုင်မှုတစ်ခုဖြစ်သော်လည်း နိုင်ငံကြီးများအကြား ရုန်းကန်မှုပါဝင်သည့်အခါတွင်မူ ထိုမျှရိုးရှင်းသောကိစ္စမဟုတ်ပေ။ ကျင်းကျန်းဟန်သည် အခြားနိုင်ငံများ၏ ပါရမီရှင်များကို နှိမ်နင်းရန် ၎င်း၏ အစွမ်းထက်သော အမျိုးသားအင်အားကို အားကိုးနေခဲ့ခြင်းမှာ ထင်ရှားသည်။

"အဆင်ပြေပါတယ်။" ချူးယွင်ဖန်း ခေါင်းညိတ်လိုက်သည်။

အကူလာက လှောင်ရယ်၍ ချူးယွင်ဖန်းကို ပြုံးကာ ကြည့်လိုက်သည်။ ယနေ့ အစီအစဥ်က ချူးယွင်ဖန်းကို ပစ်မှတ်ထားသည်။ ချူးယွင်ဖန်းက သဘောတူသည်ဖြစ်စေ မတူသည်ဖြစ်စေ သူ့ကို ဒုက္ခပေးလိမ့်မည်။

ကျင်းကျန်းဟန်က ထိုသို့အရာမျိုးလုပ်ခဲ့သည်မှာ ဤသည်က ပထမဆုံးအကြိမ်မဟုတ်ပေ။

အကူလာက အခြေစိုက်စခန်းကို အမြန်ပြန်လာကာ ဆေးလုံးများစလုပ်သည်။

လူတိုင်းက အပြင်းအထန် ဆွေးနွေးနေကြသည်။

"ချူးယွင်ဖန်း ထွက်ပြေးနိုင်မှာ မဟုတ်မှာစိုးတယ်”

"သူက အရမ်းရိုးရှင်းလွန်းတယ်။ ကျင်းကျန်းဟန်ကလူတွေက သူနဲ့ ကျိုးကြောင်းဆင်ခြင်လိမ့်မယ်လို့ သူတကယ်ထင်နေတာလား။"

"ကျင်းကျန်းဟန်က လုံးဝကို ကျိုးကြောင်းမဆီလျော်ဘူး။"

"သူတို့အားလုံးကို ဘယ်လိုလုပ် မှန်မှန်ကန်ကန် ခန့်မှန်းဖို့ ဒီလောက်လွယ်ရတာလဲ။ ချူးယွင်ဖန်းက ကမ္ဘာပေါ်မှာရှိတဲ့ ဆေးလုံးဖော်စပ်နည်းတွေအားလုံးကို မှတ်မိမထားဘူးဆိုရင် ဒါက လုံးဝမဖြစ်နိုင်ဘူး။"

"မဖြစ်နိုင်ဘူး။ ကျင်းကျန်းဟန်မှာ ဆေးသန့်စင်နည်းတွေ ဘယ်လောက်များလာလဲဆိုတာ ဘယ်သူသိမှာလဲ။ အားလုံးကို ခန့်မှန်းဖို့ မဖြစ်နိုင်ဘူး။"

ကျန်းလန်အာက အလွန်စိုးရိမ်နေသော်လည်း ပိုင်ရှန်ကျူးက တည်ငြိမ်နေသည်။

“ငါတို့ ဘာလုပ်သင့်လဲ" ကျန်းလန်အာက ပြောလိုက်သည်။

“အကူလာက ဆရာချူးကို ပစ်မှတ်ထားနေတာ ထင်ရှားတယ်”

"စိတ်မပူပါနဲ့၊ သူတို့ သူ့ကို ပစ်မှတ်ထားတော့ရော ဘာလုပ်ရမှာလဲ။ ဆရာချူးရှုံးရင်တောင် အကူလာက ဆရာချူးကို တစ်ခုခု လုပ်နိုင်မှာလား" ပိုင်ရှန်ကျူးက လှောင်ရယ်လိုက်သည်။

ပိုင်ရှန်ကျူး၏ စကားများကိုကြားသောအခါ ကျန်းလန်အာက ချူးယွင်ဖန်းသည် ဆေးပါရမီရှင်တစ်ဦးဖြစ်ရုံသာမက တဝေကို အမှန်စင်စစ် တုန်လှုပ်စေခဲ့သည်မှာ သူ၏ အနိုင်မရနိုင်သော သိုင်းပညာဖြစ်ကြောင်း သတိရသွားသည်။ ဤသည်က သာမန်လူများ အားကျ၍ ရသော အရာမဟုတ်ပေ။ သူ့ရဲ့ အနိုင်မရနိုင်တဲ့ ကိုယ်ခံပညာပဲဆိုတာကို သတိရသွားတယ်။ သာမန်လူတွေ အားကျလေးစားလို့ရတဲ့ အရာမျိုး မဟုတ်ဘူး။

အကူလာသာ ချူးယွင်ဖန်းကို ထိခိုက်စေချင်ပါက ကိုယ့်သေတွင်းကိုယ်တူးနေခြင်းသာဖြစ်သည်။ ဤအရာကိုတွေးမိသောအခါ သူမ၏ လှပသော မျက်နှာပေါ်ရှိ စိုးရိမ်ပူပန်မှုများအားလုံး ပျောက်ကွယ်သွားသည်။

တစ်ဖက်တွင်မူ တချီ၏ ဆေးပါရမီရှင် ထျန်းယီသည် မျက်နှာပေါ်တွင် ဆိုးယုတ်သော အပြုံးတစ်ခုရှိနေသည်။ ချူးယွင်ဖန်းသည် အကူလာကို အနိုင်ယူပြီး သူ့အတွက် လက်စားချေလိမ့်မည်ဟု မျှော်လင့်ခဲ့သော်လည်း ယခုအခါ မဖြစ်နိုင်တော့သည့်ပုံပေါ်သည်။

သို့သော်လည်း အကူလာက သူ့ကို မြေပြင်ပေါ် နင်းခြေပစ်လိုက်သည်ကို သူစဉ်းစားသောအခါ ထွက်သွားရန် ဆန္ဒမရှိပေ။ အနည်းဆုံးတော့ ချူးယွင်ဖန်းကိုလည်း ထိုနည်းအတိုင်း ဆက်ဆံသည်ကို သူမြင်ချင်ခဲ့သည်။ ချူးယွင်ဖန်းနှင့်အတူ သေလိုသည်ဟု ခံစားခဲ့ရသည်။

ကျင်းကျန်းဟန်ဘူတာရုံအနီးရှိ လူအုပ်ထံမှ အံ့အားသင့်သော အော်ဟစ်သံကို ကြားရရန် အချိန်အတော်ကြာသည်။

"သူက မီးဖိုကို မသုံးဘူး၊ လက်ဗလာနဲ့ ဆေးဖော်စပ်နေတာလား" တစ်ယောက်ယောက်က အော်ပြောလိုက်သည်။

၎င်းက ချက်ချင်းပင် ရုတ်ရုတ်သဲသဲဖြစ်စေခဲ့သည်။ အမှန်စင်စစ်၊ ဆေးပညာရှင်များးသည် ဆေးဖော်စပ်ရန် ဆေးဖိုတစ်ခုလိုအပ်သည်။ သီအိုရီအရ လက်ဗလာဖြင့် ဆေးဖော်စပ်ခြင်းက ဖြစ်နိုင်သော်လည်း ကိုယ်တိုင်လုပ်ထားသည့် ဆေးမီးလိုအပ်သည်။ ၎င်းတို့၏ ဆေးမီးကို အသုံးပြု၍ မည်သည့်နေရာ၌မဆို ဆေးဖော်စပ်နိုင်သော်လည်း ယင်းက အလွန်ခက်ခဲသည့် နည်းလမ်းတစ်ခုဖြစ်၍ ဤသို့လုပ်နိုင်သည့် ကျွမ်းကျင်သူ ရှားပါးလှသည်။

ယင်းကို ရှေးမျိုးဆက်မှ လက်ဆင့်ကမ်းလာသည့် အထူး ဆေးနည်းစနစ်များဖြင့်သာ လုပ်နိုင်ကြသည်။ မဟုတ်ပါက သာမန်ဆေးဖက်ဝင်အပင်များသည် အလွန်မြင့်မားသည့် ဆေးမီး၏ အပူချိန်အောက်၌ ပြာဖြစ်သွားမည်ဖြစ်ကာ ဆေးဖော်စပ်၍ မရနိုင်ပေ။ လူများစွာက အကူလာက မည်ကဲ့သို့ ဤမျှ အံ့ဖွယ် စွမ်းဆောင်မှုကို လုပ်ဆောင်နိုင်သည်ကို သိချင်ကြသော်လည်း လမ်းတွင် လူအလွန်များသောကြောင့် ၎င်းတို့ မမြင်နိုင်ကြပေ။ ၎င်းတို့က ဤအကြောင်းကို နှုတ်မှသာ သိနိုင်ကြသည်။

ကျင်းကျန်းဟန်က ဘူတာရုံတစ်ဝဒိက်တွင် နတ်စွမ်းအင်များကိုခွဲထုတ်ထားသည့် ကြီးမားသော အတားအဆီးတစ်ခုရှိနေသည်။ မဟုတ်ပါက လူတိုင်းက အခြေအနေကို စောင့်ကြည့်ရန် ၎င်းတို့၏ နတ်စွမ်းအင်ကို အသုံးပြုကြမည်ဖြစ်သည်။

"ဘယ်လောက်တောင် အစွမ်းထက်တဲ့ နည်းလမ်းလဲ။ အအကူလာက သူ့ဂုဏ်သတင်းနဲ့ ထိုက်တန်တယ်။ သူ့လုပ်ရပ်တွေက နည်းနည်းတော့ စက်ဆုပ်ရွံရှာဖွယ်ကောင်းပေမယ့် သူ့မှာ အဲဒီလို အစွမ်းသတ္တိမျိုး ရှိတယ်။" တစ်စုံတစ်ယောက်က သက်ပြင်းချလိုက်သည်။

ကျင်းကျန်းဟန်က လူအများ၏ အမြင်တွင် စက်ဆုပ်ရွံရှာဖွယ်‌ကောင်းသော်လည်း

၎င်းတို့ မည်သို့မျှမတတ်နိုင်ကြပေ။ မည်သို့ပင်ဆိုစေကာမူ ၎င်းတို့က အ လွန် အစွမ်းထက်လွန်းသည်။

"သူ တစ်ပြိုင်နက်တည်း ဆေးဆယ်လုံး ထုတ်လုပ်ခဲ့တယ် - လုံးဝကွဲပြားတဲ့ ဆေးဆယ်လုံး။ ဒါက အံ့သြစရာကောင်းလောက်အောင်ပဲ!"

တစ်စုံတစ်ယောက်က ပိုထိတ်လန့်ဖွယ် သတင်းကို ထုတ်ပြောခဲ့သည်။ လူအုပ်ထဲမှ ဆူညံသံများ ပိုမို ပြင်းထန်လာခဲ့သည်။ ဆေးတစ်လုံးတည်းကို တစ်ပြိုင်နက်တည်း ထုတ်လုပ်လျှင်ပင်

သတိထားရမည်ဖြစ်သကဲ့သို့ ဆေးဆယ်လုံးဆို အလွန် သတိထားရပေလိမ့်မည်ဖြစ်သည်။ လူအုပ်ထဲရှိနေသော ထျန်းယီက ပို၍ပင် အံ့အားသင့်သွားသည်။ ယခုတင် အကူလာနှင့် သူရင်ဆိုင်ခဲ့စဥ်က သူ၏ ခွန်အားကို မသုံးမိခဲ့ကြောင်းနှင့် သူအကြီးအကျယ် ရှုံးနိမ့်ခဲ့ခြင်းဖြစ်ကြောင်း သဘောပေါက်သွားသည်။ အကူလာ၏ ဆေးပညာအဆင့်က ဆေးကျွမ်းကျင်သူများထဲ အကောင်းဆုံးဖြစ်သည်ကို သူမည်သို့ နားမလည်ဘဲ နေနိုမင်လိမ့်မည်နည်း။

အကူလာ၏ ဆေးပညာအဆင့်က ဆေးကျွမ်းကျင်သူများအနက် အကောင်းဆုံးဖြစ်သည်ကို သူမည်သို့ နားမလည်ဘဲ နေလိမ့်မည်နည်း။

အကူလာက ကြွားဝါနေခြင်းမဟုတ်ပေ။ သူသည် အမှန်စင်စစ် စစ်မှန်သော ဆေးပါရမီရှင်ဖြစ်သည်။ အခြားသူများထက် များစွာ သာလွန်သော ပါရမီရှင်တစ်ဦးဖြစ်သည်။

အခန်း(၁၄၆၄) မင်းလုပ်တဲ့ဆေးတွေ အကုန် အမှိုက်တွေ

ဆေးဆယ်မျိုး တစ်ပြိုင်နက်တည်း ဖော်စပ်နိုင်သည့် ဤကဲ့သို့သော နည်းလမ်းကို သူတစ်ခါမျှ မကြားခဲ့ဖူးပေ။ သူသာဆိုလျှင် ထိုသို့ လုံးဝ လုပ်နိုင်မည်မဟုတ်‌ပေ။ အဘယ်ကြောင့်ဆိုသော် ၎င်းသည် တစ်ပြိုင်နက်တည်း ကိစ္စဆယ်ခုကို လုပ်ရန် လိုအပ်သောကြောင့်ပင်ဖြစ်သည်။ ထို့အပြင် ဆေးဖော်စပ်နေချိန်၌ သူသည် စိတ်တစ်ခုတည်းနှင့်လုပ်ရသည်။ ဤသည်က မယုံကြည်နိုင်စဖွယ်ပင်ဖြစ်စ၏။

မီးဖိုမလိုအပ်ဘဲ ဆေးမီးကို အသုံးပြု၍ ဆေးဖော်စပ်ခြင်းမှာ သူလုပ်နိုင်သော အရာမဟုတ်ပေ။ တချီဆေးအသင်း၏ ဥက္ကဌပင် ဤကဲ့သို့ လုပ်ဆောင်နိုင်ခြင်းမရှိပေ။ ဤနည်းလမ်းက ပါရမီတစ်ခုတည်းမဟုတ်ဘဲ အရေးကြီးသည်မှာ အမွေဆက်ခံမှုဖြစ်သည်။ ဆေးဖိုမပါဘဲ ဆေးလုံးများလုပ်နိုင်ရန် ဆေးနည်းစနစ်များကို အပြည့်အဝ အမွေဆက်ခံထားရန် လိုအပ်သည်။

“ဒီလို လူ့ဘီလူးမျိုး ဘယ်လိုရှိနေရတာလဲ” တျန်းယီက မလိုလားဘဲ ပြောလိုက်သည်။

သူသည် လူသားများကြားတွင်သာ ပါရမီရှင်တစ်ဦးဖြစ်ပါက အကူလာသည် ပါရမီရှင်များကြားတွင် ပါရမီရှင်တစ်ဦးဖြစ်သည်။ ၎င်းတို့သည် အဆင့်အတန်းတူညီမှု လုံးဝမရှိပေ။

ထျန်းယီတစ်ယောက်တည်း မဟုတ်ပေ။ ကျန်းလန်အာနှင့် ပိုင်ရှန်ကျူးတို့ပင် တစ်ယောက်ကိုတစ်ယောက် အံ့အားသင့်စွာ ကြည့်နေကြသည်။ ၎င်းတို့အတွက် ယင်းက အံ့ဖွယ်ကိစ္စတစ်ခုဟုထင်ရသည်။ ၎င်းတို့ ဆေးလမ်းကြောင်းပေါ် ခြေလှမ်းလှမ်းစက ဆေးဖော်စပ်သောအခါ စိတ်တစ်ခုတည်းနှင့်လုပ်ဆောင်ရမည်ဖြစ်၍ အာရုံပျံ့လွင့်၍ မရဟု သင်ကြားခံခဲ့ရသည်။ မဟုတ်ပါက ၎င်းတို့ ကျဆုံးကြလိမ့်မည်။ တစ်ပြိုင်နက်တည်း အလုပ်ဆယ်လုပ်လုပ်နိုင်သောသူ ရှိလိမ့်မည်ဟု မည်သူက သိမည်နည်း။ သူသည် ရိုးရှင်းစွာပင် လူ့ဘီလူးတစ်ကောင်ဖြစ်သည်။ ဆန့်ကျင်ဘက်အနေနှင့် ချူးယွင်ဖန်း၏ မျက်နှာအမူအရာက ယခင်ကဲ့သို့ တည်ငြိမ်နေဆဲဖြစ်သည်။

အဘယ်ကြောင့်ဆိုသော် ဤသို့သော နည်းလမ်းက အခြားသူများအတွက် အံ့သြဖွယ်အမှုဟု ခေါ်နိုင်သော်လည်း သူ့အတွက် လုံးလုံးပြောစရာပင်မလိုပေ။ လိုအပ်ပါက သူသည် တစ်ပြိုင်နက်တည်း ဆေး ရာနှင့်ချီ၍ ဖော်စပ်နိုင်သည်။ သို့သော် ထိုသို့မလိုအပ်ပေ။ အကူလာက သူ၏ ကျွမ်းကျင်မှုကို ပြသ၍ ချူးယွင်ဖန်း၏ ဆန္ဒကို ချိုးဖျက်ရန် ကြိုးစားနေခြင်းဖြစ်ကြောင်း သူမြင်နိုင်သည်။ သာမန်လူတစ်ဦးအတွက် အကူလာ၏ အလုပ်များစွာကို တစ်ပြိုင်နက်တည်း လုပ်ဆောင်နိုင်စွမ်းကို မြင်ပါက ၎င်းတို့ ကြောက်လန့်သွားကြပေလိမ့်မည်ဖြစ်သည်။

သူသည် မီးဖိုမသုံးဘဲ ဆေးဖော်စပ်နိုင်ကာ ဆေးမီးကို တိုက်ရိုက်အသုံးပြုနေသည်ဆိုသည့်အချက်နှင့် ပတ်သက်၍ ချူးယွင်ဖန်းအတွက် ပို၍လွယ်ကူသော ခန့်မှန်းချက်တစ်ခုဖြစ်သည်။ ဆေးဧကရာဇ်၏ မှတ်ဉာဏ်များမှ သူသိသလောက် အလားတူအရာများကို လုပ်ဆောင်နိုင်သည့် ဆေးနည်းလမ်း အနည်းဆုံး ရာပေါင်းများစွာရှိသည်။

အားလုံးဆွေးနွေးနေကြစဥ်တွင် ဆေးဝါးများ၏ ရနံ့ကို ၎င်းတို့ သတိထားမိလိုက်သည်။ အကူလာက ဆေးဘူးတစ်ဘူးနှင့် ထွက်လာကာ သူ့မျက်နှာက ယုံကြည်မှုအပြည့်ဖြစ်နေသည်။

“အရမ်းမြန်တာပဲ။ သူက အစွမ်းထက်ရုံတင်မကဘူး၊ သူ့ရဲ့ ဆေးလုံးးထုတ်လုပ်နှုန်းကလည်း ကြောက်စရာကောင်းတယ်။"

"ဟုတ်တယ်။ တကယ်ကို အံ့သြစရာပဲ!"

"ဘယ်လောက်တောင် အစွမ်းထက်လိုက်လဲ။ နှစ်အနည်းငယ်အတွင်းမှာ သူဟာ ဆေးပညာမှာ ကမ္ဘာ့နံပါတ်တစ် ဖြစ်လာနိုင်တယ်။ လွန်ခဲ့တဲ့ ရာစုနှစ်အနည်းငယ်အတွင်းမှာ ဒီလောက်အစွမ်းထက်တဲ့ ပါရမီရှင် မရှိခဲ့ဖူးဘူး။"

အားလုံးဆွေးနွေးနေကြစဉ် အကူလာက ချူးယွင်ဖန်းထံသို့ လျှောက်သွားပြီး သစ်သားသေတ္တာကို ဖွင့်လိုက်သည်။ အထဲတွင် ဆေးအမျိုးအစား ဆယ်မျိုးရှိသည်။

"လာ။ စလိုက်ရအောင်" အကူလာက ချူးယွင်ဖန်းကို ဆွဲဆောင်မှုရှိသော မျက်လုံးများဖြင့် ကြည့်လိုက်သည်။

လူတိုင်းက ချူးယွင်ဖန်းကို မည်သို့ပြောရမည်ကို မသိဘဲ ကြည့်နေကြသည်။ မမျှော်လင့်ဘဲ ချူးယွင်ဖန်းက ခေါင်းခါပြီး သက်ပြင်းချလိုက်သည်။

အကူလာ၏ မျက်နှာက အလွန် အရုပ်ဆိုးသွား၏။

“ပြောစရာရှိရင် ပြောပါ။ မင်း ဒီကိစ္စကနေ လွတ်မြောက်နိုင်မယ်လို့ ထင်လား"

ချူးယွင်ဖန်းက သူ့ကို လှည့်စားရန် ကြိုးစားနေလိမ့်မည်ကို သူ ကြိုတင်ခန့်မှန်းခဲ့သည်။ သူ၏ တောင်းဆိုချက်က မည်မျှ ခက်ခဲသည်ကို သူကောင်းစွာသိသည်။ သူသာ တောင်းဆိုခဲ့ပါက မဖြစ်နိုင်ဟုပင် ပြော၍ ရသည်။ တစ်စိတ်တစ်ပိုင်းကို ခန့်မှန်းနိုင်လောက်ခြင်းကပင် အလွန်တော်လွန်နေပြီဖြစ်သည်။

ချူးယွင်ဖန်းက လှောင်ရယ်လိုက်သည်။

"အဲ့တာဆို ငါပြောပြမယ်။ မင်းရဲ့ ဆေးနည်းစနစ်အကြောင်း အရင်ရှင်းပြမယ်။ မင်းက ပျောက်ဆုံးနေတာ ကြာပြီဖြစ်တဲ့ နည်းစနစ်တစ်ခုကို သုံးနေတာ။ အဲ့တာကို တောက်ပတဲ့ နေမင်း ၁၃ စင်းလို့ခေါ်တယ် မဟုတ်လား။ မင်းကျင့်ကြံထားတဲ့ ဆေးမီးဟာ အဲ့နည်းနဲ့ ဆက်စပ်နေသင့်တယ်။"

"ဒီ ဆေးမီးအတွက် ရှေးဦးနေမင်းမီးလျံကို သုံးပြီး ဆေးတွေ ဖော်စပ်ရတယ်”

“ဒါပေမယ့် ငါသိသလောက် ဒီ ရှေးဦးနေမင်းမီးလျံကို ရယူဖို့ အရမ်းခက်တဲ့။ နေမင်းဆယ့်သုံးစင်းက ပျောက်သွားတာ ကြာပြီ။ မင်းက နေမင်းဆယ့်သုံးစင်းရဲ့ အမွေအနှစ်ကို တစ်နေရာရာက ရခဲ့တာပဲဖြစ်ရမယ်မလား”

ချူးယွင်ဖန်း၏ အရာအားလုံးမှန်ကန်သောကြောင့် အကူလာ၏ မျက်နှာအမူအရာ ပြောင်းလဲသွားခဲ့သည်။ သူ မယုံမကြည်နိုင်ဖြစ်နေသည်။ သူလေ့ကျင့်ခဲ့သော ဆေးမီးကို ရှေးဦးနေမင်းမီးလျံဟု ခေါ်ကာ သူအသုံးပြုခဲ့သည့်နည်းမှာလည်း ရှေးဟောင်းနည်းစနစ်တစ်ခုဖြစ်သည်။ ယင်းက ကျင်းကျန်းဟန်၏ အထက်တန်းလွှာလူအနည်းငယ်ကသာ သိသော အရာဖြစ်သည်။

ချူးယွင်ဖန်း ဘယ်လိုသိတာလဲ။

ယင်းက မှန်မမှန်ကို လူတိုင်းမသိကြသော်လည်း အကူလာ၏ မျက်နှာအမူအရာ ပြောင်းလဲသွားသည်ကို မြင်သောအခါ အဖြေကို ခန့်မှန်းနိုင်ကြပြီဖြစ်သည်။ ချူးယွင်ဖန်းပြောသည်က မှန်သည်။ မဟုတ်ပါက အကူလာက သူ၏ လိမ္မာပါးနပ်မှုနှင့် ဤသို့သော အမူအရာမျိုး ပြလိမ့်မည်မဟုတ်ပေ။

"မင်းက အချက်အလက်တချို့ကို သိထားတာ ကံကောင်းတာပဲ၊ ဒါပေမယ့် အဲဒါက မလုံလောက်ဘူး!" အကူလာက ကျယ်လောင်စွာပြောလိုက်သည်။

"ဒီအဆင့်ပေါ်မူတည်ပြီး မင်းရှုံးလိမ့်မယ်။ ဒီဆေးတွေရဲ့ အာနိသင်တွေက ဘာတွေလဲ၊ ဘယ်ပါဝင်ပစ္စည်းတွေကို အသုံးပြုခဲ့တာလဲ"

လူတိုင်းက ဤသည်ကိုကြားသောအခါ ချူးယွင်ဖန်းအနိုင်ရနိုင်သည့် အခွင့်အလမ်းက အလွန်မြင့်မားလွန်းသည်ဟု ရုတ်တရက် ခံစားလိုက်ရသည်။ သူမှန်ကန်စွာ ခန့်မှန်းခဲ့သော်လည်း ယင်းက ပထမခြေလှမ်းသာရှိသေးသည်။

"မင်းလုပ်ထားတဲ့ ဆေးလုံးတွေကို အကဲဖြတ်ဖို့ မလိုအပ်ဘူး" ချူးယွင်ဖန်းက အေးစက်စွာ ပြောလိုက်သည်။

"ဘာပြောလိုက်တာလဲ" အကူလာက ချက်ချင်းပင် ဒေါသထွက်သွားကာ ချူးယွင်ဖန်းကို အေးစက်စက်စိုက်ကြည့်နေသည်။

“မင်း ရှုံးသွားပြီလို့ ဝန်ခံနေတာလား”

"ငါ ရှုံးတယ်လို့ ဝန်မခံဘူး။ မင်းလုပ်ထားတဲ့ ဆေးလုံးတွေက အမှိုက်တွေလို့ ငါပြောနေတာ။ ငါအစောကြီးကတည်းက ပြောပြီးပြီ။ မင်း ဒီလောက်တုံးလိမ့်မယ်လို့ ငါမထင်ထားဘူး။" ချူးယွင်ဖန်းက အေးစက်စက်ပြောလိုက်သည်။

"ငါလုပ်တဲ့အရာက အမှိုက်လို့ မင်းပြောရဲတယ် " အပူလာ အလွန်ဒေါသထွက်သွားကာ သသူ၏ ရောင်ဝါအားလုံးကို ဖြန့်ထုတ်လိုက်သည်။ အမတေမဲ့အဆင့်ရှိသော ရောင်ဝါက ချူးယွင်ဖန်းဆီသို့ တောင်ငယ်တစ်လုံးနှယ်ပျံ့သွားသည်။

ပြင်ပလူများ၏အမြင်တွင် ချူးယွင်ဖန်းသည် အချိန်မရွေးပျက်စီးသွားနိုင်သော မုန်တိုင်းထန်သောပင်လယ်ထဲမှ လှေငယ်လေးတစ်စင်းနှင့်တူသည်။ သို့သော် ချူးယွင်ဖန်းသည် မလှုပ်ရှားခဲ့ပေ။ အကူလာ၏ ရောင်ဝါက သူ့အပေါ် သက်ရောက်မှုမရှိပေ။ ချူးယွင်ဖန်းနှင့် သုံးပေအတွင်းသို့ ရောက်ရှိသည်နှင့် ရောင်ဝါ ပျောက်ကွယ်သွားသည်။

"မင်းပြောသလို မလုပ်နိုင်ဘူးဆိုရင်တော့ မင်းမွေးလာရတာကို နောင်တရစေရမယ်” အကူလာက ချူးယွင်ဖန်းကို အေးစက်စွာ စိုက်ကြည့်နေသည်။

သူ၏ ဆေးက သူ့အကြီးမားဆုံး မာနဖြစ်ကာ ယုံကြည်မှု၏ အရင်းအမြစ်လည်းဖြစ်သည်။ ချူးယွင်ဖန်းက ဤကိစ္စကို လက်ညှိုးထိုးလာခြင်းက အမှန်ပင် ရွံရှာဖွယ်ကောင်းလှသည်။

"အမှိုက်လား။ ချူးယွင်ဖန်းက စကားကြီးစကားကျယ်တွေ ပြောတတ်တယ်!"

"သူ သူ့ကိုယ်သူ အတင်းအကျပ် လုပ်နေတာ ဖြစ်နိုင်တယ်။ ဘာပဲဖြစ်ဖြစ်၊ မင်း ဘယ်လိုပဲ ကြည့်ကြည့်၊ အကူလာရဲ့ ဆေးတွေက အရောင်နဲ့ အနံ့အရ ပြီးပြည့်စုံတယ်။"

"ဟုတ်တယ်။ ငါ ဘာချို့ယွင်းချက်မှ မတွေ့ဘူး။ ချူးယွင်ဖန်းရဲ့ စကားတွေက လူထုကို ကျေနပ်စေဖို့ပဲ ဖြစ်မှာကို စိုးရိမ်တယ်။"