ဂီတအစည်းအရုံး၏ အကဲဖြတ်ပွဲ

မင်ယွဲ့သည် သူမ၏ နောက်ဆုံးပေါ် အချက်အလက်များကို ကြည့်ရှုရင်း ကြည်နူးပီတိ ဖြစ်နေမိသည်။

ယွမ်ပေါ့အတွက် ပန်ဒါအသွင် ဝယ်ယူရန် ငွေကျပ် ၈.၈ ဘီလီယံ သုံးစွဲလိုက်သော်လည်း သူမ၏ လက်ဝယ်တွင် ငွေကျပ် ဘီလီယံ ၃၁၀ ကျော် ကျန်ရှိနေသေးရာ ယခုအခါ ငွေကြေးဆိုသည်မှာ သူမအတွက် ဂဏန်းသင်္ချာတစ်ခုမျှသာ ဖြစ်တော့သည်။

ယခင်ကဆိုလျှင် ရှစ်ဘီလီယံကျော်ကို သုံးစွဲရန်မှာ မတွေးဝံ့စရာ ဖြစ်သော်လည်း ယခုမူ မျက်တောင်တစ်ချက် မခတ်ဘဲ သုံးစွဲနိုင်သည့် အခြေအနေသို့ ရောက်ရှိနေပြီ ဖြစ်သည်။

သူမသည် ရရှိလာသော အရာမှာ တန်ဖိုးရှိလှသည်ဟု ခံစားရင်း ယွမ်ပေါ့၏ နူးညံ့သော အမွေးအမှင်များကို အသာအယာ ပွတ်သပ်နေမိသည်။

"စနစ်က အဆင့်တက်သွားပေမဲ့ ကျော်ကြားမှုအမှတ်တွေက ရှိနေတုန်းပဲ ဒါကို ဘယ်နေရာမှာ သုံးလို့ရလဲ”

မင်ယွဲ့က သိလိုစိတ်ဖြင့် မေးမြန်းလိုက်သည်။

စနစ်အဆင့်မြှင့်တင်မှုက ကျော်ကြားမှုအမှတ်များကို နုတ်ယူသွားလိမ့်မည်ဟု သူမ ထင်မှတ်ထားခဲ့သော်လည်း အမှန်တကယ်တွင်မူ သတ်မှတ်ချက် ပြည့်မီရုံဖြင့် အဆင့်တက်ခြင်း ဖြစ်ကာ အမှတ်များကိုမူ မူလအတိုင်း ကျန်ရှိစေသည်။

"အိမ်ရှင်... ငွေကြေးဟာ နေ့စဉ်ဘဝမှာ သုံးစွဲဖို့ဆိုရင် ကျော်ကြားမှုအမှတ်ဟာ စနစ်အတွင်းမှာ သုံးစွဲတဲ့ ငွေကြေးပါပဲ အမှတ် ၁ မှတ်ကို ငွေကျပ် ၁၀၀,၀၀၀ နှုန်းနဲ့ လဲလှယ်နိုင်သလို စနစ်အရောင်းဆိုင် မှာလည်း အဖိုးတန်ပစ္စည်းတွေနဲ့ လဲလှယ်

နိုင်ပါတယ်"

မင်ယွဲ့သည် စနစ်အရောင်းဆိုင်ကို စိတ်ဝင်တစား လှည့်လည်ကြည့်ရှုမိသည်။

ယခုအခါ စနစ်မှာ အဆင့် ၅ သို့ ရောက်ရှိသွားပြီဖြစ်၍ ဆိုင်ခန်းများစွာ ပွင့်နေပြီ ဖြစ်သည်။

သို့သော် သူမ၏ ကျော်ကြားမှုအမှတ်မှာ ၁၀၀,၀၀၀ သာ ရှိသေးသဖြင့် အမှတ်များကို အလဟဿ မဖြုန်းတီးလိုဘဲ အရေးကြီးသည့် အချိန်မှသာ သုံးစွဲရန် ဆုံးဖြတ်လိုက်သည်။

ညအိပ်ချိန်တွင်ပင် မင်ယွဲ့သည် ယွမ်ပေါ့ကို ပွေ့ချီကာ အိပ်စက်သည်။ စစ်မှန်သော ပန်ဒါပေါက်ကလေးတစ်ကောင်ကို ထိတွေ့နေရသကဲ့သို့ ခံစားချက်မှာ အလွန်ပင် ချစ်စရာကောင်းလှသည်။

မကြာမီပင် ဂီတအစည်းအရုံး၏ အကဲဖြတ်ပွဲ ကျင်းပမည့်နေ့သို့ ရောက်ရှိလာခဲ့သည်။ ယွမ်ပေါ့မှာ ယခုအခါ ဒြပ်ရှိသော ခန္ဓာကိုယ်ကို ရရှိထားပြီဖြစ်၍ စနစ်အတွင်း၌သာ ပုန်းအောင်းမနေလိုဘဲ အပြင်သို့ ထွက်ကာ လည်ပတ်ချင်နေသည်။

ယခင်ကမူ ပန်ဒါကို ပုဂ္ဂလိက မွေးမြူခွင့်မရှိသဖြင့် အစိုးရက ဖမ်းဆီးသွားမည်ကို မင်ယွဲ့ စိုးရိမ်ခဲ့သော်လည်း၊ စနစ်သည် လူမှုရေးစနစ်ကို မထိခိုက်စေရန် ယွမ်ပေါ့ကို မျိုးဗီဇပြောင်းလဲထားသော ခွေးကလေးအသွင် ဖန်တီးပေးထားသည်။

ပုံသဏ္ဌာန်မှာ ပန်ဒါနှင့် တထေရာတည်း တူသော်လည်း စစ်ဆေးကြည့်ပါက ခွေးမျိုးနွယ်ဖြစ်ကြောင်းသာ တွေ့ရှိရမည် ဖြစ်သည်။ အဖြူရောင် အမွေးအမှင်များကြားတွင် မျက်လုံးဘေး တစ်ဝိုက် မည်းနက်နေမှုနှင့် နားရွက်ပေါ်ရှိ အမွေးနုလေးများက ယွမ်ပေါ့ကို ထူးခြားသည့် တိရစ္ဆာန်လေးတစ်ကောင်အဖြစ် ပေါ်လွင်

စေသည်။

"ညီမလေး ရောက်လာပြီပဲ... လာ၊ အစ်ကို အထဲကို လိုက်ပို့မယ်"

ပိုင်ကျင်းသည် ယနေ့တွင် အဖြူရောင် ဝတ်စုံဖြင့် သန့်ပြန့်နေကာ မြင့်မားစွာ စည်းထားသော ဆံပင်မြီးရှည်မှာ လမ်းလျှောက်လိုက်တိုင်း လေထဲတွင် ဝေ့ဝဲနေသည်။

"ဒါ... အိမ်မွေးတိရစ္ဆာန်လေးလား အစ်ကို့ကို ပေး၊ ခဏ ပွေ့ထားပေးမယ်"

ပိုင်ကျင်းက ကမ်းပေးလာသော လက်ထဲသို့ မင်ယွဲ့က ယွမ်ပေါ့ကို ထည့်ပေးလိုက်သည်။

"ဒါက... ခွေးလား ဒါမှမဟုတ် ပန်ဒါလား မဖြစ်

နိုင်တာ”

ပိုင်ကျင်းမှာ အံ့သြသွားသည်။ ပုဂ္ဂလိက မွေးမြူခွင့်မရှိသော အမျိုးသားရတနာနှင့် တူလွန်းနေသောကြောင့် ဖြစ်သည်။

"သူ့နာမည်က ယွမ်ပေါ့ပါ၊ ကျွန်မမွေးထားတဲ့ ခွေးကလေးပေါ့ ပန်ဒါနဲ့ ဆင်ရုံတင်ပါ"

မင်ယွဲ့က ပြုံးလျက် ဖြေသည်။

ယွမ်ပေါ့မှာမူ 'အစားထိုး' ဟူသော စကားကြောင့် စိတ်ဆိုးမာန်ဆိုးဖြင့် ရုန်းကန်နေတော့သည်။

သူမသည် ငွေကျပ် ၈.၈ ဘီလီယံတန်သော ပန်ဒါအသွင်ကို ဝတ်ဆင်ထားသူ မဟုတ်ပါလား။

"ဟော... သူက စကားနားလည်သလိုပဲ

တကယ့်ကို လူလို သိတာပဲ"

ပိုင်ကျင်းက သဘောကျစွာ ရေရွတ်ရင်း မင်ယွဲ့ကို အကဲဖြတ်ပွဲ စည်းကမ်းများအကြောင်း ရှင်းပြသည်။

"ဒီနေ့ အခန်း (၁) မှာ အဖေက ဒိုင်အဖြစ် ဆောင်ရွက်မှာ အကဲဖြတ်ပွဲက နှစ်ရက်ကြာမယ်၊ အခန်းပေါင်း ကိုးခန်းရှိပြီး အခန်းတစ်ခန်းမှာ ဒိုင်သုံးဦးစီ ရှိတယ် အဖေနဲ့ ဆုံဖို့ကတော့ အခွင့်အလမ်း နည်းပါတယ်"

မင်ယွဲ့သည် စီနီယာအစ်ကို၏ ရှင်းပြချက်ကို အာရုံစိုက် နားထောင်သည်။

သူမသည် မစ္စတာပိုင်၏ ထောက်ခံချက်ဖြင့် လာရောက်ခြင်းဖြစ်၍ အခြေခံအဆင့်မှ စတင်ရန်မလိုဘဲ တိုက်ရိုက် အထက်တန်းအဆင့်အတွက် လျှောက်ထားခြင်း ဖြစ်သည်။

၄င်းမှာ စွမ်းဆောင်ရည်မြင့်မားသူများအတွက် အချိန်မကုန်စေရန် ပြဋ္ဌာန်းထားသော စနစ်တစ်ခု ဖြစ်သည်။

ထိုစဉ် ဂီတအစည်းအရုံးမှ ထိပ်တန်းပုဂ္ဂိုလ်ကြီးများ လမ်းလျှောက်ဝင်လာကြရာ ပတ်ဝန်းကျင်

တစ်ခုလုံး တိတ်ဆိတ်သွားသည်။

ခေါင်းဆောင်လာသူမှာ ဆံပင်ဖြူဖြူ၊ အသားအရေ စိုပြည်ကာ မြင့်မြတ်သော အရှိန်အဝါရှိသည့် ဂီတအစည်းအရုံး ဥက္ကဋ္ဌကြီး ဖြစ်သည်။ မစ္စတာပိုင်မှာလည်း ၎င်း၏ နောက်ဘက်မှ လိုက်ပါလာသည်။ ၎င်းတို့သည် မင်ယွဲ့တို့ မောင်နှမကို မြင်သော်လည်း အကြည့်မလွှဲဘဲ အကဲဖြတ်ခန်းမအတွင်းသို့ တည်ငြိမ်စွာ ဝင်သွားကြသည်။

လူကြီးများ ထွက်သွားသည်နှင့် ဆိတ်ငြိမ်နေသော ပတ်ဝန်းကျင်မှာ ပြန်လည် ဆူညံလာသည်။

"ဟိုတစ်ယောက်က တကယ့်ကို ချောတာပဲ သူ့လက်ထဲက အရုပ်လေးကလည်း ကိုင်လို့ ကောင်းမယ့်ပုံပဲနော်"

အမျိုးသမီးတစ်ဦးက ပိုင်ကျင်းနှင့် ယွမ်ပေါ့ကို စိုက်ကြည့်ရင်း ရေရွတ်လိုက်သည်။

ပိုင်ကျင်း၏ ထူးခြားသော အရှိန်အဝါမှာ အနုပညာလောကသားများကြားတွင်ပင် ပေါ်လွင်နေတတ်သည်။ ထို့ပြင် သူ၏ ဘေးတွင် နတ်မိမယ်တစ်ပါးကဲ့သို့ လှပသော မင်ယွဲ့ ရှိနေခြင်းကလည်း အများ၏ အာရုံကို ဖမ်းစားထားသည်။

ယွမ်ပေါ့မှာမူ ထိုစကားများကို ကြားသောအခါ ပို၍ပင် စိတ်တိုသွားရသည်။ မိမိကို ခွေးဟု ခေါ်သည်မှာ ထားပါတော့၊ ယခုမူ 'အရုပ်' ဟုပင် အခေါ်ခံလိုက်ရလေပြီ။

သူသည် စနစ်အတွင်းမှ အဆင့်မြင့် ထောက်လှမ်းရေး ကိရိယာများနှင့်တကွ မင်ယွဲ့၏ ဘေးကင်းရေးကို စောင့်ကြပ်နေသည့် တကယ့် ပါရမီရှင် ပန်ဒါလေး ဖြစ်ကြောင်း ထိုသူတို့ မသိကြလေရော့သလား။