ဆောင်းဦးရိတ်သိမ်းချိန်မှ စာရင်းရှင်းခြင်း

မင်ယွဲ့သည် သူမ၏ လှုပ်ရှားမှုများကို ရပ်တန့်လိုက်ပြီး ဆုလာဘ်ကို စိတ်ရှည်စွာ စောင့်ဆိုင်းနေလိုက်သည်။

ယွမ်ပေါ့သည်လည်း သူမကို ကြာရှည်စွာ စောင့်ဆိုင်းစေခြင်း မရှိခဲ့ပေ။

【 တီး... စနစ်မှ ကျပန်းဆုလာဘ်အဖြစ် ပျော်ရွှင်စရာ ကစားကွင်းတစ်ခု ချီးမြှင့်လိုက်ပါသည်။ ယခု ဆုလာဘ်များကို ဖြန့်ဝေပေးနေပါပြီ 】

"တီး... အိမ်ရှင်၏ လက်ရှိအခြေအနေကို အဆင့်မြှင့်တင်ပြီးပါပြီ “

* ညှို့ဓာတ် : ၉၀ (၁၀၀) 【ရင်သပ်ရှုမောဖွယ် အလှတရား】

* အသက်မွေးဝမ်းကျောင်း : ၆၉ (၁၀၀) 【အောင်မြင်သော လုပ်ငန်းရှင်】

* ပိုင်ဆိုင်မှု : ၄၇၃,၆၈၆,၀၀၀,၀၀၀ ယွမ် (လေးရာခုနစ်ဆယ်သုံးဘီလီယံ ခြောက်ရာရှစ်

ဆယ့်ခြောက်သန်း)

၎င်းတို့အပြင် ယုဖုရှိ အိမ်ရာတစ်ခု၊ ဟိုက်ဖုအဆောက်အဦ၊ ပန်းခြံပါဝင်သော ဗီလာတစ်ခု၊ အာဖရိကရှိ သတ္တုတွင်းတစ်ခု၊ မြို့လယ်ရှိ ဆိုင်ခန်းနှစ်ခန်း၊ ချန်ဒေါင်း စီးပွားရေးလမ်းမ၊ ချွန်ဟေ လူနေအိမ်ရာ၊ မြို့တော်အဆောက်အဦ၊ လီယာ စိုက်ပျိုးရေးခြံနှင့် ဝမ်ရှင်း ကစားကွင်းတို့ ပါဝင်သည်။

* ရှယ်ယာများ: ယွဲ့ဟွာ နည်းပညာ (၇၅%)၊ ဆောင်းမို မီဒီယာ (၃၀%)၊ ဝေကွမ် လုပ်ငန်းစု (၅၀%)။

* အသုံးအဆောင်: Rolls-Royce ကား၊ Patek Philippe နာရီ၊ ရှန်နှင့် ကျိုးခေတ် ကြေးထည်များ၊ ပင်လယ်ကူးသင်္ဘောကြီး... 【အလွန်အမင်း ကြွယ်ဝချမ်းသာသူ】

* ကျော်ကြားမှုအမှတ် : ၄၄၀,၀၀၀

မင်ယွဲ့သည် အနည်းငယ် ထူးဆန်းနေမိသည်။

စနစ်သည် ယခင်က ဗီလာများနှင့် ကားများကို ဆုလာဘ်အဖြစ် ပေးခဲ့ဖူးသော်လည်း ယခုတစ်ကြိမ်တွင် အဘယ်ကြောင့် ကစားကွင်းတစ်ခုကို ပေးရသနည်း။

【 အိမ်ရှင်၏ စိတ်အစဉ်ထဲ၌ ကစားကွင်းများအပေါ် နက်ရှိုင်းသော တောင့်တမှုရှိနေသည်ကို စနစ်မှ သိရှိရသောကြောင့် ဖြစ်ပါသည်အိမ်ရှင်အား ကြွယ်ဝချမ်းသာစေရုံသာမက စိတ်ဆန္ဒများကိုပါ အစွမ်းကုန် ဖြည့်ဆည်းပေးရန် ကျွန်ုပ်တို့ ကြိုးစားနေပါသည်】

ယွမ်ပေါ့၏ အသံသည် သူမ၏ စိတ်ထဲတွင် ပဲ့တင်ထပ်သွားသည်။

သူမရှေ့တွင် ဂုဏ်ယူဝင့်ကြွားစွာ ထိုင်နေသော ယွမ်ပေါ့ကို ကြည့်ကာ မင်ယွဲ့သည် လက်ကိုဆန့်ထုတ်၍ ၎င်း၏ ခေါင်းလေးကို အားရပါးရ ပွတ်သပ်လိုက်မိသည်။

တောရွာတွင် ကြီးပြင်းခဲ့ရသော ကလေးများအတွက် ကစားကွင်းဆိုသည်မှာ အိပ်မက်တစ်ခုသာ ဖြစ်သည်။

အထက်တန်းကျောင်းတုန်းက သူငယ်ချင်းများ ပြောပြမှသာ ကစားကွင်းအကြောင်းကို သူမ စတင်သိရှိခဲ့ရပြီး သူမ၏ မွေးနေ့တွင်မှ မိခင်ဖြစ်သူက ကစားကွင်းသို့ ပထမဆုံးအကြိမ် လိုက်ပို့ခဲ့ဖူးသည်။ ထိုစဉ်က ချားရဟတ်နှင့် တိုက်ကားများ၏ အဓိပ္ပာယ်ကိုပင် သူမ နားမလည်ခဲ့ပေ။

တက္ကသိုလ်ရောက်မှ ဝမ်ကျန်းနှင့်အတူ ကစားကွင်းသို့ သွားဖြစ်ခဲ့သော်လည်း တစ်စုံတစ်ခု လိုအပ်နေသလို အမြဲခံစားခဲ့ရသည်။

ဖြစ်နိုင်သည်မှာ ထိုပျော်ရွှင်စရာ ကလေးကစားကွင်းသို့ သူမ ရောက်ရှိသင့်သည့် အချိန်အကောင်းဆုံး အရွယ်တွင် မရောက်ခဲ့ခြင်းကြောင့်လည်း ဖြစ်နိုင်ပေသည်။

"ဟေး... ကျန်းကျန်း၊ မနက်ဖြန် ကစားကွင်း သွားကြမလား"

မင်ယွဲ့သည် ဝမ်ကျန်းထံသို့ ချက်ချင်း ဖုန်းဆက်လိုက်သည်။

ဝမ်ကျန်းသည် အလုပ်လုပ်နေသော ကျန်ဟင်ကို တစ်ချက်ကြည့်ကာ ဖုန်းကို လက်ဖြင့်အုပ်၍ တိုးတိုးလေး ပြောလိုက်သည်။

"အစ်မ... မနက်ဖြန် ကျွန်မ အလုပ်တက်ရဦးမယ်လေ၊ တနင်္ဂနွေကျမှ သွားကြရအောင်"

မင်ယွဲ့က သူတို့နှစ်ဦးအတွက် ချွန်ဟေလူနေအိမ်ရာတွင် အိမ်စီစဉ်ပေးထားပြီးကတည်းက ကျန်ဟင်သည် ဝမ်ကျန်း၏ အိမ်သို့ မကြာခဏ လာရောက်ကာ အလုပ်လုပ်လေ့ရှိသည်။

"ဘာဖြစ်လို့လဲ၊ ဘယ်သူ ဒီလောက်ညဉ့်နက်မှ ဖုန်းဆက်တာလဲ"

ဟု ကျန်ဟင်က မေးရင်း သူ၏ လက်ပ်တော့ကို ပိတ်လိုက်သည်။

မင်ယွဲ့ကဲ့သို့သော အေးဆေးလှသည့် အထက်လူကြီးကြောင့် သူသည် နောက်ရက်များတွင် အချိန်ပို ဆင်းရတော့မည် ဖြစ်သည်။

"ယွဲ့ယွဲ့က မနက်ဖြန် ကစားကွင်း သွားဖို့ ခေါ်နေတာ"

ဟု ဝမ်ကျန်းက ပြန်ဖြေရင်း ရေတစ်ခွက် ငှဲ့ပေးလိုက်သည်။

မင်ယွဲ့သည် ဖုန်းကျသွားသည်ကို ကြည့်ကာ ကြောင်နေမိသည်။

သူမသည် ယွဲ့ဟွာနည်းပညာ၏ အကြီးဆုံးရှယ်ယာရှင် မဟုတ်ပါလား။ ဤလူနှစ်ယောက်မှာ အလုပ်ထဲ၌ပင် နစ်မွန်းနေကြပြီး နားရက်ဟူသည် မရှိကြတော့ဘူးလား။

"သူ ခေါ်နေရင်လည်း သွားလိုက်ပါ၊ ဒီရက်ပိုင်း မင်းလည်း သိပ်မနားရသေးဘူး မနက်ဖြန်ကို ခွင့်ရက်အဖြစ် ငါ သတ်မှတ်ပေးမယ်"

ဟု ကျန်ဟင်က ဆိုလိုက်သည်။

ကျန်ဟင်နှင့် မင်ယွဲ့တို့က ခွင့်ပြုလိုက်ပြီ ဖြစ်ရာ ဝမ်ကျန်းလည်း ငြင်းဆန်ရန် အကြောင်းမရှိတော့ပေ။

"ကျေးဇူးတင်ပါတယ် ဥက္ကဋ္ဌကျန်”

ဟု သူမက ပြုံးရွှင်စွာ ပြောလိုက်သည်။

မင်ယွဲ့သည် ဖုန်းကို ချလိုက်သော်လည်း အိပ်စက်ခြင်း မရှိဘဲ ကွန်ပျူတာကို ဖွင့်လိုက်

သည်။

"ယွမ်ပေါ့... ဝူမိသားစုရဲ့ အကြောင်း စုံစမ်းတာ ဘယ်လိုရှိလဲ"

သူမသည် လက်တုံ့ပြန်ရန် နှောင့်နှေးနေခြင်းမှာ လျစ်လျူရှုထားခြင်း မဟုတ်ပေ။

သူမသည် အချိန်အခါသင့်မှ စာရင်းရှင်းတတ်

သည့် ပညာရှင်တစ်ဦးပင် ဖြစ်သည်။

"သူတို့က ကျောက်မီးသွေးတွင်း ပိုင်ရှင်တွေအနေနဲ့ ချမ်းသာလာတာပါ အစပိုင်းမှာ တရားမဝင်တွင်းတွေနဲ့ အုတ်ဖိုတွေကို လုပ်ကိုင်ခဲ့ပြီး အစိုးရက နှိမ်နင်းတဲ့အခါမှ ငွေဖြူဖြစ်အောင် လမ်းကြောင်းပြောင်းခဲ့တာ..."

ဟု ယွမ်ပေါ့က ရှင်းပြသည်။

ကလေးတစ်ဦးက အမှားလုပ်မိပြီး သူတစ်ပါး၏ အိမ်မွေးတိရစ္ဆာန်ကို ခိုးယူခဲ့လျှင် စိတ်ရင်းဖြင့် တောင်းပန်သင့်သည်။

သို့သော် ဝူမိသားစုမှာမူ တောင်းပန်ရမည့်အစား ငွေဖြင့် ဖြေရှင်းရန် ကြိုးစားခဲ့သည့်အပြင် ထောင်လွှားသော အမူအရာကိုပါ ပြသခဲ့သည်။

မင်ယွဲ့သည် ဤကဲ့သို့သော သူဌေးသစ်များ၏ အောက်တန်းကျသော လုပ်ရပ်များကို လက်သင့်မခံနိုင်ပေ။

မင်ယွဲ့သည် ကွန်ပျူတာပေါ်တွင် အချက်အလက်များစွာကို စတင်ရှာဖွေတော့သည်။

၂၀၀၆ ခုနှစ်ဝန်းကျင်က ဝူမိသားစု၏ တရားမဝင် ကျောက်မီးသွေးတွင်းများတွင် ဒေသခံရွာသားများကို အတင်းအကျပ် ခိုင်းစေခဲ့ခြင်း၊ မြေယာများကို မတရားသိမ်းယူခြင်းနှင့် လုပ်ငန်းခွင်အတွင်း လူသေဆုံးမှုများစွာ ဖြစ်ပွားခဲ့ခြင်းတို့ကို သူမ ဖော်ထုတ်နိုင်ခဲ့သည်။

သူမသည် ထိုအချက်အလက်များကို ကြည့်ရင်း စိတ်ပျက်မိသည်။ လူပေါင်းများစွာ သေဆုံးခဲ့ရသော်လည်း သူတို့ကတော့ လွတ်မြောက်နေဆဲပင်။

ဆက်လက် စုံစမ်းကြည့်သောအခါ ၂၀၀၇ ခုနှစ်က ရဲတပ်ဖွဲ့မှ ထိုအမှုကို ဖော်ထုတ်နိုင်ခဲ့သော်လည်း ဝူမိသားစု၏ ဦးလေးဖြစ်သူကသာ အပြစ်အားလုံးကို ခေါင်းခံ၍ တစ်သက်တစ်ကျွန်း ကျခံခဲ့ရကြောင်း တွေ့ရှိရသည်။

ထို့နောက်တွင် ဝူမိသားစုသည် ထိုဒေသတွင် ထင်ရှားသော မိသားစုဖြစ်လာပြီး စီးပွားရေးကို ချဲ့ထွင်ခဲ့ကြသည်။ လုပ်သားများ ထိခိုက်သေဆုံးမှုများ ရှိခဲ့သော်လည်း ငွေဖြင့် နှုတ်ပိတ်ခြင်း သို့မဟုတ် အကြမ်းဖက် နှိမ်နင်းခြင်းများဖြင့်သာ ဖုံးကွယ်ခဲ့ကြသည်။

မင်ယွဲ့သည် ထိုသို့သော မတရားမှုများကို လက်မခံနိုင်သဖြင့် အထောက်အထား အပြည့်အစုံကို စုစည်းကာ သက်ဆိုင်ရာ ဌာနများသို့ ပေးပို့လိုက်သည့်အပြင် အင်တာနက်ပေါ်တွင်လည်း ဖွင့်ချလိုက်တော့သည်။

ယခုခေတ်မှာ အင်တာနက်ခေတ် ဖြစ်သဖြင့် ပြည်သူလူထု၏ အသံကို လျစ်လျူရှု၍ မရနိုင်ပေ။

ထိုညနှောင်းပိုင်းတွင် အင်တာနက်ပေါ်၌ ဝူမိသားစု၏ အရှုပ်တော်ပုံများမှာ ဆူညံသွားတော့သည်။

"ဥက္ကဋ္ဌမို... ဝူမိသားစုနဲ့ ပတ်သက်တဲ့ ပူးပေါင်းဆောင်ရွက်မှု အားလုံးကို ဖြတ်တောက်ဖို့ ခိုင်းခဲ့တာ တကယ်ကို မှန်ကန်တဲ့ ဆုံးဖြတ်ချက်ပါပဲ"

ဟု လက်ထောက်ဖြစ်သူက တင်ပြသည်။

မိုဟန်ကျီ၏ ညွှန်ကြားချက်ကြောင့် ဝူမိသားစုနှင့် အဆက်အသွယ် ဖြတ်ခဲ့သူများမှာ ယခုအခါ ကံကောင်းသွားကြသည်။ မဟုတ်လျှင် ဝူမိသားစုနှင့်အတူ နာမည်ပျက်ကြရတော့မည် မဟုတ်ပါလား။

မိုဟန်ကျီနှင့် မင်ယွဲ့တို့သည် ဝူမိသားစုကို ကိုယ်စီ နည်းလမ်းများဖြင့် ကိုင်တွယ်ခဲ့ကြသော်လည်း အပြင်လူများကမူ မိုဟန်ကျီကသာ လုပ်ဆောင်ခဲ့သည်ဟု ထင်ကြေးပေးနေကြသည်။

မိုဟန်ကျီကမူ သူသည် စီးပွားရေးအရသာ ဖိအားပေးရန် ရည်ရွယ်ခဲ့သော်လည်း တစ်စုံတစ်ဦးက သူ့ထက်ပင် မြန်ဆန်စွာ လုပ်ဆောင်လိုက်သည်ကို သိလိုက်သည်။

ယွဲ့ဟွာနည်းပညာ၏ နည်းပညာဌာနတွင် ဟက်ကာများ ရှိနေနိုင်သည်ကို သူ သိနေသဖြင့် မည်သူက ဤသို့ လုပ်ဆောင်လိုက်သည်မှာ သူ့အတွက် ထင်ရှားလှသည်။

သို့သော် ဤသည်မှာ အကောင်းဆုံးပင်။ သူတို့နှစ်ဦး ပူးပေါင်းလိုက်သောအခါ ဝူမိသားစုမှာ နာလန်ထူရန် လမ်းစ မရှိတော့ဘဲ လုံးဝ ပျက်သုဉ်းသွားရတော့မည် ဖြစ်သည်။