အခန်း (၁၄၈၉-၁၄၉၁)

အခန်း(၁၄၈၉) ခန်းထွက်ပြေးခြင်း

ဤကြောက်မက်ဖွယ် မိုးကြိုးမုန်တိုင်း ပျံ့နှံ့သွားသောအခါ ကောင်းကင်က ပြင်းထန်စွာ တုန်ခါသွားသည်။

ချူးယွင်ဖန်ပင် အနည်းငယ် အံ့အားသင့်သွားသည်။ ဧကရာဇ်တိုက်ပွဲစာအုပ်တွင် နတ်ဘုရားမိုးကြိုးအကြောင်း ဖတ်ဖူးသော်လည်း ဖော်ပြချက်ကိုသာ မြင်ဖူးသည်။ သူ့ကိုယ်တိုင် မြင်တွေ့ခဲ့ရသည်နှင့် နှိုင်းယှဉ်လျှင် ဘာမှ မဟုတ်ပေ။

ဤ နတ်ဘုရားမိုးကြိုး၏ အစွမ်းက တိုက်ရိုက်နျူကလီးယားဗုံးတမျှ မကောင်းလှသော်လည်း အတူတူပင်ဖြစ်သည်။ ချူးယွင်ဖန်ပင် ပေါက်ကွဲမှုအကွာအဝေးကို ရှောင်ရှားရန် နောက်ဆုတ်ခဲ့ရသည်။ အဓိကအချက်က ၎င်းရဲ့ ထိရောက်မှုပင်ဖြစ်သည်။ လောင်ချာပါလျှင်ပင် ပြင်ဆင်ရန် အချိန်အနည်းငယ်လိုအပ်သော နျူကလီးယားဗုံးနှင့်မတူပေ။ ထိပ်တန်းကျွမ်းကျင်သူတစ်ယောက်အတွက် ဤမျှအချိန်ကြာမှုက သူတို့လှုပ်ရှားမှုတစ်ခုလုပ်ရန် လုံလောက်သည်။

ချက်ချင်းပင် လျှပ်စီးကဲ့သို့ အလျင်မြန်သော ပုံရိပ်တစ်ခု ပြေးထွက်သွားသည်။ ချူးယွင်ဖန်းအနီးကပ်ကြည့်လိုက်သောအခါ ထိုသူမှာ ခန်းမှတပါး အခြားသူမဟုတ်ကြောင်း‌တွေ့လိုက်ရသည်။

သို့သော်လည်း ခန်းသည် အလွန်စိတ်ဆင်းရဲနေပုံရသည်။ သူ့အဝတ်အစားများသည် စုတ်ပြဲနေပြီး အလွန်စိတ်ဆင်းရဲနေပုံရသည်။ သူ့ကိုကာကွယ်ပေးသော သံချပ်ကာသည် နတ်ဘုရားမိုးကြိုး၏တိုက်ခိုက်မှုကြောင့် လုံးဝပျက်စီးသွားခဲ့သည်။ သူ မခံနိုင်ပေ။

ခန်းက သွေးများနှင့် ဖုံးလွှမ်းနေသည်။ သူ၏ ကြွက်သားများစွာ အငွေ့ပျံသွားသည်။ မှန်သည်။ ၎င်းတို့ အငွေ့ပျံသွားခြင်းဖြစ်သည်။ ယင်းက အလွန်နက်နဲလွန်းလှသဖြင့် အရိုးများကိုပင် မြင်နိုင်၏။

ချူးယွင်ဖန်သည် ခန်းကို ပြင်းထန်စွာ ဒဏ်ရာရရှိစေခဲ့သည်။

ခန်းက ဒေါသတကြီး အော်ဟစ်လိုက်သည်။ သူသည် ယခင်က ဤကဲ့သို့ ဆုံးရှုံးမှုမျိုး မကြုံတွေ့ဖူးသည့်အပြင် ယခင်က တစ်ခါမှ အားကျမခံရဖူးသော လူတစ်ယောက်၏ လက်ချက်ဖြင့် ဤကဲ့သို့ ဆုံးရှုံးမှုမျိုး ကြုံတွေ့ခဲ့ရသည်ကို ထည့်မတွက်တော့ပေ။

"ငါ မင်းကို သတ်မယ်" ခန်းက ဒေါသတကြီး အော်ဟစ်လိုက်သည်။

"မင်းငါ့ကိုသတ်ချင်နေတာလား။ အဲ့တာ မင်းလုပ်နိုင်မလုပ်နိုင်အပေါ် မူတည်တယ်" ချူးယွင်ဖန်က လှောင်ပြောင်လိုက်သည်။

ချူးယွင်ဖန်သည် နတ်ဘုရားမိုးကြိုးက ခန်းကို မသတ်နိုင်ခဲ့သည့်အတွက် နောင်တရသော်လည်း ကံကောင်းထောက်မစွာပင် နတ်ဘုရားမိုးကြိုးတစ်ခုတည်းဖြင့် ခန်းကို သတ်လိမ့်မည်ဟု မမျှော်လင့်ထားခဲ့ပေ။

အခြေအနေက လုံးဝ ပြောင်းလဲသွားခဲ့ပြီဖြစ်သည်။ ခန်းသည် မူလက အလွန်စွမ်းအားကြီးသော်လည်း ယခု ချူးယွင်ဖန်း၏ လက်ချက်ဖြင့် ပြင်းထန်စွာ ဒဏ်ရာရခဲ့ကာ သူ၏ ခွန်အားများကျဆင်းသွားခဲ့သည်။ ယခု ပြင်းထန်စွာ ဒဏ်ရာရနေသော အခြေအနေတွင် သူ့မူလခွန်အား၏ ထက်ဝက်ခန့်ကိုပင် အသုံးမပြုနိုင်တော့ပေ။

ခန်းသည် တစ်စုံတစ်ခုကို တွက်ချက်နေသကဲ့သို့ ချူးယွင်ဖန်ကို စိုက်ကြည့်နေမိသည်။ သူ့မျက်လုံးထဲတွင် ကြောက်ရွံ့မှု အရိပ်အယောင်များ ဖြတ်ပြေးသွားသည်။ ချူးယွင်ဖန်၏ ခွန်အားကို သူ အလွန်ကြောက်ရွံ့နေသည်မှာ ထင်ရှားသည်။ အထူးသဖြင့် ချူးယွင်ဖန်၏ အဆုံးမဲ့နည်းလမ်းများက သူ့ကို ဒုက္ခများစွာပေးခဲ့သည်။ နတ်ဘုရားမိုးကြိုးက သူ့ကို ဒဏ်ရာရစေခဲ့သည်။ ဤသည်မှာ သူတစ်ခါမှ မတွေးဖူးသောအရာဖြစ်သည်။ သူသည် ကမ္ဘာပေါ်တွင် နံပါတ်တစ်ကျွမ်းကျင်သူဖြစ်ပြီး ဤမျှကြီးမားသောဆုံးရှုံးမှုကို တစ်ခါမှ မကြုံတွေ့ဖူးပေ။

ခန်း တွန့်ဆုတ်နေချိန်၌ ချူးယွင်ဖန်း၏ ခန္ဓာကိုယ်တစ်ခုလုံးမှ ပြင်းထန်သော သတ်ဖြတ်ချင်စိတ်များ ထုတ်လွှတ်နေသည်။ ခန်နးသည် သူနှင့် တဝေအတွက် အလွန်ကြီးမားသော ခြိမ်းခြောက်မှုတစ်ခုဖြစ်သည်။ ယနေ့သူ့ကို မလှည့်စားခဲ့ပါက ပုံမှန်အခြေအနေတွင် ခန်းကို ထိခိုက်စေရန် မဖြစ်နိုင်ပေ။ သူထွက်သွားတိုင်း သွေးတပ်သား တစ်သိန်းက ဝိုင်းရံထားလိမ့်မည်ဖြစ်သည်။

ဤသည်က ခန်းကို သတ်ရန် တစ်သက်တွင်တစ်ခါသာ ရသည့် အခွင့်အရေးဟုပြော၍ ရသည်။

ချူးယွင်ဖန်၏ ပြင်းထန်သော သတ်ဖြတ်လိုစိတ်က ခန်းအား ထိတ်လန့်စေခဲ့သည်။ သူ့မျက်လုံးများသည် ထိတ်လန့်မှုနှင့် ဒေါသတို့ဖြင့် တောက်ပနေသည်။ သူသည် ချူးယွင်ဖန်၏ သတ်ဖြတ်လိုစိတ်ကို ခံစားနိုင်သော်လည်း တစ်နေ့တွင် ဤကဲ့သို့ အဆုံးသတ်လိမ့်မည်ဟု ဘယ်သောအခါကမျှ မထင်ထားခဲ့ပေ။

ထိုအကြောင်း စဥ်းစားပြီးသည်နှင့် သူက ချက်ချင်းပင် တွန့်ဆုတ်ခြင်းမရှိဘဲ သူ့လျှာဖျားကိုကိုက်လိုက်သည်။ သူ့ပါးစပ်ထဲတွင် သတ္ထုအရသာ တစ်ခု ပေါ်လာကာ ပါးစပ်အပြည့် သွေးများ အန်ထုတ်လိုက်သည်။ ပါးစပ်အပြည့် သွေးများက ချက်ချင်းပင် သွေးမီးတောက်အဖြစ် ပြောင်းလဲသွားကာ သူ့ကို ဝိုင်းရံ၍ အဝေးသို့ထွက်ပြေးသွားသည်။

"ငါ မင်းကို လွှတ်မပေးဘူး။ လည်ပင်းကို ရေဆေးပြီး စောင့်နေ" ခန်းက ဒေါသတကြီး အော်ဟစ်လိုက်သည်။

ချူးယွင်ဖန်က သူ့နောက်ကို လိုက်ချင်သော်လည်း ခန်းပျောက်ကွယ်သွားပြီဖြစ်ကြောင်း တွေ့ရှိခဲ့သည်။ ဤသည်က လျို့ဝှက် နည်းစနစ်တစ်ခုဖြစ်ကြောင်း သူသိနိုင်သည်။ ထွက်ပြေးရန် အခွင့်ရေးနှင့် လဲလှယ်၍ အသက်အရင်းအမြစ်ကို ထိခိုက်စေရန် လုပ်သော နည်းလမ်းတစ်ခုဖြစ်ကြောင်း ထင်ရှားသည်။ ချူးယွင်ဖန်းက ယင်းကို မခံနိုင်ခဲ့ပေ။

“နှမျောစရာပဲ” ချူးယွင်ဖန်းက သက်ပြင်းချလိုက်သည်။

ခန်းသာ ဆက်နေခဲ့လျှင် ကောင်းသည်။ နောက်ဆုံးတွင် အရာအားလုံးဖြစ်ပျက်သွားသည်မှာ နှမျောစဖွယ်ကောင်းလှသည်။

“ဒါပေမယ့် ငါဘာမှမရခဲ့ဘူးလို့တော့ မဆိုလိုပါဘူး။ လူတိုင်းမှာ ဒီလိုကျွမ်းကျင်သူတစ်ယောက်ကို တိုက်ခိုက်ရတဲ့ အတွေ့အကြုံမရှိဘူး” ချူးယွင်ဖန်းက တွေးလိုက်သည်။

“ဒါ့အပြင် ဒါက ဒီလောကမှာ ဒီလိုကျွမ်းကျင်သူတွေ တကယ်ရှိတယ်ဆိုတာ ငါ့ကို သိစေတယ်”

ယွမ်ဟွမ်ကို အနိုင်ယူပြီးနောက် သူသည် တဝေတွင် နံပါတ်တစ်ကျွမ်းကျင်သူဖြစ်လာရန် တိုးတက်လာခဲ့ပြီးဖြစ်သည်။ နောက်ပိုင်းတွင် သူသည် ယွမ်ဟွမ်ထက် အားနည်းပြီး ချူးယွင်ဖန်းနှင့် မယှဉ်နိုင်သော လက်ယာဘုရင်နှင့် တွေ့ဆုံခဲ့သည်။ သို့သော် ယခု ခန်းနှင့်တွေ့ဆုံပြီး‌နောက် သူသည် စံနှုန်းအသစ်တစ်ခုကို ရှာတွေ့ခဲ့သည်။ ခန်းက အမှန်ပင် အစွမ်းထက်သည်။ သူသည် ပြာမီးစွမ်းအားကို မသုံးခဲ့ပါက ခန်းကို တိုက်ခိုက်နိုင်မည်မဟုတ်ပေ။

ခန်းက အလွန်အစွမ်းထက်လွန်းလှကာ ရွှေအမတေပုံစံအဆင့်ရောက်နေပြီဖြစ်၍ ကမ္ဘာပေါ်တွင် မည်သူမျှ သူ့အသက်ကို မယှဥ်နိုင်ပေ။ ကံကောင်းထောက်မစွာဖြင့် သူက ခန်းကို ပြင်းထန်စွာ ဒဏ်ရာရစေခဲ့ကာ ခန်းက သူ၏ အသက်ဓာတ်ကို လောင်ကျွမ်းစေသည့် လျို့ဝှက်ပညာကို အသုံးပြုခဲ့သည်။ သူ ခဏမျှ ထွက်လာနိုင်ဦးမည်မဟုတ်ပေ။ ထို့ကြောင့်ပင် ချူးယွင်ဖန်းက လေ့ကျင့်ရန် အချိန်အလုံအလောက်ရခဲ့သည်။

ခန် ပြန်ပေါ်လာလျှင်ပင် သူ ကြောက်မည်မဟုတ်ပေ။ မည်သို့ပင်ဖြစ်စေကာမူ ဤတိုက်ပွဲများအပြီးတွင် သူ၏ ပြာမီးစွမ်းအား၏ ငါးပုံလေးပုံကျန်သေးသည်။ ထို့ကြောင့် သူပြန်တိုက်ခိုက်နိုင်သည်။ ထို့အပြင် တိုက်ပွဲတွင် သူအလံကို မသုံးခဲ့ပေ။ ယင်းက နောက်ထပ် အားသာချက်တစ်ခုဖြစ်သည်။

ဤအရာကိုစဥ်းစားကာ ချူးယွင်ဖန်း ပြုံးလိုက်သည်။ သူ ဤတစ်ကြိမ် အမြတ်များစွာ ရခဲ့သည်။

သူသည် ပြာဝံပုလွေအလံကို ရရှိခဲ့ပြီး ပြာမီးမှတစ်ဆင့် နတ်ဘုရားတစ်ပါး ဖြစ်လာရန် လျှို့ဝှက်နည်းလမ်းကို ပြုစုပျိုးထောင်ခဲ့သည်။ ဤပြာမီးစွမ်းအား လည်ပတ်ရန်အတွက် ပြာမီးစွမ်းအားကို အချိန်တိုင်းလိုအပ်သည်မှာ ဝမ်းနည်းဖွယ်ကောင်းလှသည်။

ယင်းကို ပြန်လည်ဖြည့်တင်းရန် ပြာမီးစွမ်းအားကို ရှာဖွေရမည့် နည်းလမ်းကို သူစဥ်းစားခဲ့သည်။ သူ တဝေဆီသို့ ပြန်ရောက်သောအခါ ပြာဝံပုလွေ အလံကဲ့သို့ မှော်ကိရိယာတစ်မျိုးရှိမရှိ သူမြင်တွေ့ခဲ့ရသည်။

မည်သို့ပင်ဖြစ်စေကာမူ တဝေကို တည်ထောင်ထားခဲ့သည်မှာ နှစ်ပေါင်းများစွာ ကြာခဲ့ပြီဖြစ်ကာ အပြင်လူများ မသိသည့် လျို့ဝှက်ချက် များစွာရှိခဲ့သည်။ ရုတ်တရက် ချူးယွင်ဖန်းသည် သူ့ခန္ဓာကိုယ်တစ်ခုလုံးရှိ စွမ်းအင်များ မြင့်တက်လာသည်ကို ခံစားလိုက်ရသည်။

တိုက်ပွဲကြောင့် အလယ်အလတ် အမတေမဲ့အဆင့် အတားအဆီး ပြေလျော့သွားသည်။

"အချိန်ကိုက်ပဲ။ ဒါက အလယ်အလတ် အမတေမဲ့အဆင့်ကို ဖြတ်ကျော်ဖို့ အခွင့်အရေးကောင်းပဲ" ချူးယွင်ဖန်းက ပြောလိုက်သည်။

တဝေပြည်၏ ကိုယ်စားလှယ်များကိုမူ သူ ဂရုစိုက်ရန် မလိုတော့ပေ။ သူသည် လက်ယာဘုရင်ကို

သတ်၍ ခန်းကို ပြင်းထန်စွာ ဒဏ်ရာရရှိစေခဲ့သည်။ မည်သူမျှ ၎င်းတို့နှင့် ပြဿနာရှာနိုင်တော့မည်မဟုတ်ပေ။

ဤအရာကို စဉ်းစားပြီးနောက် ချူးယွင်ဖန်သည် တွန့်ဆုတ်ခြင်း မရှိတော့ပေ။ ပြာဝံပုလွေအလံကို ကိုင်ဆောင်ကာ တောင်မြစ်ပန်းချီကားထဲသို့ ဝင်ရောက်သွားသည်။ ထို့နောက် သူသည် တင်ပျဥ်ခွေထိုင်လိုက်ကာ ဗြဟ္မာသစ်ပင် ရင့်လာစေရန် စောင့်ဆိုင်းနေစဥ် အတားအဆီးကို ကျော်ဖြတ်ရန်န သူ၏ စွမ်းအားကို လှည့်ပတ်လိုက်သည်။

အခန်း(၁၄၉၀) တိုးတက်မှု အလယ်အလတ် အမတေမဲ့အဆင့်

အထူးသဖြင့် ပြိုင်ဘက်အားလုံးသည် ရွှေအမတေပုံစံအဆင့်အထက်ရှိ ကျွမ်းကျင်သူများဖြစ်သည့်အခါ တိုက်ပွဲများစွာသည် ချူးယွင်ဖန်းအတွက် ကြီးမားသော အကျိုးအမြတ်တစ်ခုဖြစ်သည်။ ကျင့်ကြံသူများအတွက် တံခါးပိတ်အလုပ်လုပ်ကိုင်ခြင်း၏ တိုးတက်မှုသည် တကယ့်တိုက်ပွဲတစ်ခုတိုက်ခိုက်ခြင်းထက် များစွာ အကျိုးအမြတ်နည်းသည်။ တောင်မြစ်ပန်းချီကားတွင် ချူးယွင်ဖန်သည် သူ့ခန္ဓာကိုယ်ရှိ နတ်ဘုရားစွမ်းအားကို အဆက်မပြတ် မြင့်တက်စေပြီး ရူးသွပ်စွာ ဆူပွက်လာသည်။ ၎င်းသည် အလယ်အလတ် အမတေမဲ့အဆင့် အတားအဆီးသို့ အဆက်မပြတ် အရှိန်အဟုန်ဖြင့် တိုးဝင်သွားသည်။

သာမန် အမတေမဲ့များနှင့် နှိုင်းယှဉ်ပါက ချူးယွင်ဖန်းသည် အလွန်အစွမ်းထက်သောကြောင့် ၎င်းတို့ထဲမှ အများအပြားကို ပေါ့ပေါ့ပါးပါး ရိုက်ချက်ဖြင့် သတ်နိုင်သည်။ သို့သော် ဤအကြောင်းကြောင့်လည်း သာမန်လူများထက် ပိုမိုတိုးတက်ရန် သူ့အတွက် ပိုမိုခက်ခဲခဲ့သည်။ ဤသည်မှာ ကောင်းကင်ဘုံ၏ ဆန္ဒ နတ်ဘုရားလမ်းကြောင်း၏ ဟန်ချက်ညီမှုဖြစ်ကောင်းဖြစ်နိုင်သည်။

"မလုံလောက်သေးဘူး”

ချူးယွင်ဖန်း၏ ခန္ဓာကိုယ်အတွင်းရှိ နတ်ဘုရားစွမ်းအားများ ဆူပွက်လာသော်လည်း ၎င်းသည် မလုံလောက်ဟု သူ ခံစားလိုက်ရသည်။ သူ ဤကဲ့သို့ အဆင့်ဖြတ်ကျော်ရန်ကြိုးစားပါက တစ်နှစ် သို့မဟုတ် နှစ်အနည်းငယ်ပင် ကြာနိုင်သည်။ ထို့ကြောင့် သူသည် မရေမတွက်နိုင်အောင် များပြားလှသော ဝိဉာဥ်ကျောက်တုံးများကို ကောင်းကင်ကို မြှင့်တက်၍ ၎င်းတို့ကို ခွဲပစ်ရန် ညွှန်ကြားလိုက်သည်။ ၎င်းတို့သည် ဝိညာဉ်စွမ်းအင်အဖြစ်သို့ ပြောင်းလဲသွားပြီး ဗြဟ္မာသစ်ပင်ထဲသို့ သွန်းလောင်းလိုက်သည်။

ဤတစ်ကြိမ်တွင် သူသည် လက်ယာဘုရင်နှင့် သူ့လူအားလုံးကို သတ်ပစ်ခဲ့သည်။ ထို ရိတ်သိမ်းမှုက အလွန် မယုံကြည်နိုင်ဖွယ်ကောင်းလှသည်။ သူသည် အဆင့်နိမ့်ဝိဉာဥ်ကျောက်တုံး သန်းတစ်ရာကျော်ကို ရခဲ့သည့်အပြင် မှော်ကိရိယာအမျိုးမျိုးနှင့် ဝိညာဉ်ကိရိယာအချို့ကိုပင် ရရှိခဲ့ပြီး ၎င်းတို့အားလုံးကို ထို ရွှေအမတေများကသာ အသုံးပြုခဲ့ကြသည်။ ဈေးကြီးသော ရှားပါးဆေးဖက်ဝင်အပင်များစွာလည်း ရှိသည်။

အကယ်၍ ၎င်းတို့အားလုံးကို အဆင့်နိမ့်ဝိညာဉ်ကျောက်တုံးများနှင့် လဲလှယ်ပါက စုစုပေါင်း ဝိညာဉ်ကျောက်တုံး သန်း ၃၀၀ ကျော်အထိ ရှိလာနိုင်သည်။ ချူးယွင်ဖန်းသည် တစ်ညတည်းနှင့် ချမ်းသာလာလိမ့်မည်။ သို့သော် သူ၏ စွမ်းအင်များစွာကို အသုံးပြုခဲ့သည်။ ချူးယွင်ဖန်သည် ဆေးဖက်ဝင်အပင်များနှင့် ဝိညာဉ်ကျောက်တုံးများကို အချိန်တိုအတွင်း လောင်ကျွမ်းစေခဲ့ပြီး ဗြဟ္မာသစ်ပင်သည် ၎င်းတို့ထဲမှ ထက်ဝက်ကျော်ကို စုပ်ယူခဲ့သည်။

ယခုအခါ ဗြဟ္မာသစ်ပင် ပိုပိုကြီးလာသည်နှင့်အမျှ ထိုအစွမ်းထက်သောပညာရှင်များ၏ အလောင်းများကို စုပ်ယူသည့်အမြန်နှုန်းသည် ပိုပိုမြန်လာပြီး ၎င်းတို့ကို ဗြဟ္မာသစ်သီးအဖြစ်သို့ ပြောင်းလဲစေခဲ့သည်။

ချူးယွင်ဖန်သည် ကျန်ရှိသော ဝိညာဉ်စွမ်းအင်များကို စုပ်ယူပြီး သူ့ခန္ဓာကိုယ်ကို သန့်စင်ရန် အသုံးပြုခဲ့သည်။ ၎င်းသည် ဧကရာဇ်ကိုယ်ထည်ဖြစ်စေ၊ မိုးကြိုးကိုယ်ထည်ဖြစ်စေ ၎င်းတို့ကို တိုးတက်ကောင်းမွန်စေလိုပါက သူသည် ဝိညာဉ်ကျောက်တုံးများစွာကို စားသုံးရမည်ဖြစ်သည်။

ဗြဟ္မာသီး မမှည့်သေးသည်ကို မြင်သောအခါ သူ့ခန္ဓာကိုယ်ကို ဦးစွာ သန့်စင်ရန် ဆုံးဖြတ်လိုက်သည်။ အဝေးရှိ ဝိညာဉ်ကျောက်တောင်ကြီးသည် သူ၏နတ်ဘုရားစွမ်းအားအောက်တွင် လေထဲသို့ လွင့်စင်သွားသည်။ ၎င်းတို့သည် လေထဲတွင် ပေါက်ကွဲသွားပြီး ချူးယွင်ဖန်း၏ ခေါင်းထဲသို့ စီးဝင်သွားသော ဝိညာဉ်စွမ်းအင်မြစ်ရှည်ကြီးအဖြစ်သို့ ပြောင်းလဲသွားသည်။

ဦးခေါင်းထိပ်သည် ကောင်းကင်နှင့်မြေကြီးတံတား၏တည်နေရာဖြစ်သည်။ မွေးဖွားခြင်းနယ်မြေအဆင့်မှစ၍ လူ့ခန္ဓာကိုယ်သည် ကောင်းကင်နှင့်မြေကြီးတံတားကို လွတ်လပ်စွာဖွင့်ပြီး ကမ္ဘာကြီးနှင့် ချိတ်ဆက်နိုင်သည်။ သို့သော် ချူးယွင်ဖန်းကဲ့သို့ ဝိညာဉ်စွမ်းအင်ကို မည်သူမျှ ပြင်းပြင်းထန်ထန်စုပ်ယူနိုင်ခြင်းမရှိပေ။ သာမန်လူများသည် ပေါက်ကွဲပြီး သေဆုံးသွားကြမည်ဖြစ်သည်။

ချူးယွင်ဖန်ကမူ ကွဲပြားသည်။ သူ ဝိဉာဥ်စွမ်းအင်ကိုစုပ်ယူလိုက်သည်နှင့် သူ့ခန္ဓာကိုယ်ကို သန့်စင်ရန် စတင်လုပ်ဆောင်ခဲ့သည်။ သူ့ခန္ဓာကိုယ်ကို သန့်စင်သည့် လုပ်ငန်းစဥ်က အလွန်နာကျင်ဖွယ်ကောင်းလှသည်။ သူ၏ ကျင့်ကြံမှုအဆင့်က သူ့ခန္ဓာကိုယ်နှင့် ယှဉ်နိုင်စရာမရှိအောင် သန်မာသည်။ သို့သော် သူသည် သူ့ကိုယ်သူ လုံးဝဆုတ်ဖြဲပစ်ကာ ဆဲလ်တိုင်းကို ခွဲထုတ်၍ ဝိဉာဥ်စွမ်းအင် ပြန်လည် ထည့်သွင်းသန့်စင်ရန် လိုအပ်သည်။

ချူးယွင်ဖန်းကဲ့သို့ စိတ်ပိုင်းဖြတ်ထားသောလူပင် နာကျင်စွာဖြင့် မျက်နှာ ရှုံ့မဲ့နေသည်။ သို့သော် ဤသည်က သူသွားရမည့်လမ်းဖြစ်ကြောင်း သူသိသည်။ မဟုတ်ပါက သူ မည်သို့ ဤမျှသန်မာ၍ လက်ဗလာဖြင့် ဝိဉာဥ်ကိရိယာကို ခံနိုင်ရည်ရှိမည်နည်း။

ချူးယွင်ဖန်းသည် သူ့ခန္ဓာကိုယ်ကို ပြုပြင်ပြောင်းလဲနေစဉ်တွင် သူ့ခန္ဓာကိုယ်ရှိ နတ်ဘုရားစိတ်ဝိဉာဥ်သည်လည်း မှိန်ဖျော့သောအလင်းတန်းတစ်ခုကို ထုတ်လွှတ်လိုက်သည်။ ၎င်းသည် သူ့ခန္ဓာကိုယ်တစ်လျှောက် စီးဆင်းသွားပြီး ဒဏ်ရာများကို လျင်မြန်စွာ ပျောက်ကင်းစေသည်။ တစ်ချိန်တည်းမှာပင်၊ နတ်ဘုရားစိတ်ဝိဉာဥ်က ဝိညာဉ်စွမ်းအင်များစွာကို စုပ်ယူခဲ့ပြီး ချူးယွင်ဖန်သည် သူ့ကိုယ်သူ ကုသနေစဉ်တွင် သူ့ခန္ဓာကိုယ်ကို ဆုတ်ဖြဲနိုင်ခဲ့သည်။

ဤလုပ်ငန်းစဥ်ကို ထပ်ခါတလဲလဲလုပ်ဆောင်ခဲ့သည်။ မိနစ်တိုင်းစက္ကန့်တိုင်းက ရာစုနှစ်တစ်ခုစာမျှ ရှည်လျားသည်ဟု ခံစားရသည်။

‘အလွန်နာကျင်စဖွယ်ပင်ဖြစ်၏’

ဘမ်း

ရုတ်တရက် ချူးယွင်ဖန်းအော်ဟစ်လိုက်ပြီး သူ့ခန္ဓာကိုယ်မှ ကြောက်မက်ဖွယ်ကောင်းသော နတ်ဘုရားစွမ်းအားများ ပွက်ပွက်ဆူလာသည်။ ၎င်းသည် မုန်တိုင်းတစ်ခု ဖြစ်ပေါ်လာတော့မည့်အစား အလံတစ်ခုက တားဆီးကာ ပျောက်ကွယ်သွားသည်။

ဤသည်ကပြာဝံပုလွေအလံပင်ဖြစ်သည်။

ချူးယွင်ဖန်းမျက်လုံးဖွင့်လိုက်သည်။ ဤရုပ်ပိုင်းဆိုင်ရာ ခွန်အားတိုးပွားမှု၏ အကျိုးသက်ရောက်မှုသည် အလွန်ထိတ်လန့်ဖွယ်ကောင်းသည်ကို သူခံစားမိသည်။ သူ၏ ရုပ်ပိုင်းဆိုင်ရာ ခွန်အားသည် အဆင့်များစွာ တိုးလာသည်ဟု ဆိုနိုင်သည်။

ဤအချိန်၌ ပြာဝံပုလွေအလံကဲ့သို့ အဆင့်မြင့် ဝိဉာဥ်လက်နက်ကို ထိပ်တိုက်ရင်ဆိုင်ရလျှင်ပင်

သူကြောက်မည်မဟုတ်ပေ။ သူ၏ ရုပ်ပိုင်းဆိုင်ရာ ခန္ဓာကိုယ်၏ ကနဦးစွမ်းအားနှင့်ယှဥ်ပါက မြေကြီးကို တုန်လှုပ်စေမည့် ပြောင်းလဲမှုတစ်ခုသာရှိသည်။

သူ့ခန္ဓာကိုယ်ရှိ မရီးဒျန်များလည်း ပိုကြီးလာကာ စွမ်းအင်များ ပိုမို များပြားလာသည်။ သူ၏ ကျင့်ကြံမှု ပြန်လည်အောင်မြင်လာသည်နှင့်အမျှ သူ၏ တိုက်ခိုက်ရေးစွမ်းအားသည်လည်း ပိုမိုတိုးတက်ပြီး အလယ်အလတ် ရွှေအမတေပုံစံအဆင့်သို့ တိုက်ရိုက်ရောက်ရှိသွားလိမ့်မည်။ ဤအောင်မြင်မှုကြောင့် သူသည် အလယ်အလတ်အဆင့် အမတေမဲ့အဆင့် သူ၏ လေ့ကျင့်မှုတွင် အတားအဆီးများစွာနှင့် ရင်ဆိုင်ရတော့မည်မဟုတ်ပေ။

သူသည် တစ်ကြိမ်တည်းဖြင့် အထွတ်အထိပ်သို့ရောက်နိုင်သည်။

ဤအချိန်၌ ချူးယွင်ဖန်သည် သွေးများဖြင့် ဖုံးလွှမ်းနေသည်။ သူ့ခန္ဓာကိုယ် ဆုတ်ဖြဲသွားသောအခါ သွေးများ စီးကျလာခဲ့သည်။ သူ့ခန္ဓာကိုယ်ရှိ ဆဲလ်တိုင်း ဆုတ်ဖြဲသွားသောအခါ သူ့ခန္ဓာကိုယ်ရှိ မသန့်ရှင်းမှုများ ဖယ်ရှားခံရသောကြောင့် သွေးများ မည်းနက်နေသည်။ သူ အနည်းငယ် တုန်ခါသွားသောအခါ ခြောက်သွေ့နေသော သွေးများသည် လေထဲတွင် ပြာအဖြစ်သို့ ပြောင်းလဲသွားပြီး လွင့်စင်သွားသည်။

သူ တစ်ချက်ကြည့်လိုက်သည်။ ဤအောင်မြင်မှုက အဆင့်နိမ့်ဝိဉာဥ်ကျောက်တုံး သန်းသုံးဆယ်ကို အသုံးပြုခဲ့သည်။ စုပ်ယူနှုန်းက အလွန် မြန်ဆန်လွန်းလှသဖြင့် အခြားသူများ အံ့အားသင့်သွားနိုင်သည်။

ထို့နောက် ချူးယွင်ဖန်သည် ဗြဟ္မာသစ်ပင်ကို ကြည့်လိုက်သည်။ မျှော်လင့်ထားသည့်အတိုင်း ဗြဟ္မာသစ်သီးသည် ရင့်မှည့်နေပြီဖြစ်သည်။ ဗြဟ္မာသစ်သီး၏ ဆေးဖက်ဝင်ရနံ့သည်လည်း မကြုံစဖူး ကြွယ်ဝလှသည်။

သူ လက်လှမ်းလိုက်သောအခါ ဗြဟ္မာသစ်သီးက သူ့လက်ထဲသို့ လွင့်စင်လာသည်။ သူက ပါးစပ်ကို ဟ၍ ဗြဟ္မာသစ်သီးကို ဝါးမြိုလိုက်သည်။ ယင်းက ချက်ချင်းပင် သူ့ခြေလက်များတွင်ရှိသော မရီးဒျန်များနှင့် ဆဲလ်တိုင်းဆီသို့ ပျံ့နှံ့သွားကာ သန့်စင်သော စွမ်းအင်လှိုင်းတစ်ခုအဖြစ် ပြောင်းလဲသွားသည်။ ချူးယွင်ဖန်းသည် လေထဲတွင် တင်ပျဥ်ခွေထိုင်ကာ ဤစွမ်းအားကို သူဖောက်ထွက်ရန် လိုအပ်သော စွမ်းအားအဖြစ်သို့ အဆက်မပြတ်ပြောင်းလဲရန် နတ်ဘုရားကျင့်စဥ်ကို လည်ပတ်စေလျက်ရှိ၏။

ဘမ်း

ဘမ်း

ဘမ်း

ချူးယွင်ဖန်း၏ ခန္ဓာကိုယ်ရှိ နတ်ဘုရားစွမ်းအားသည် ပေါက်ကွဲသွားသည်။ သူ ထိုးဖောက်ဝင်ရောက်တိုင်း သူ၏ နတ်စွမ်းအား ပေါက်ကွဲလေ့ရှိသည်။ ပေါက်ကွဲမှုတစ်ခုပြီးတိုင်း သူ၏ နတ်စွမ်းအားက ရုတ်တရက် အများအပြား တိုးလာသည်။

နောက်ဆုံးတွင် သုံးရက်ကြာပြီးနောက် ချူးယွင်ဖန်၏ မြင့်တက်လာသော မနာလိုမှုမှာ နောက်ဆုံးတွင် ငြိမ်သက်သွားခဲ့သည်။ ဆိုလိုသည်မှာ သူသည် နောက်ဆုံးတွင် သူ၏ အဆင့်တက်မှုကို အပြီးသတ်နိုင်ခဲ့ပြီဖြစ်သည်။ သူသည် မျက်လုံးများကို ဖြည်းဖြည်းချင်း ဖွင့်လိုက်ပြီး သူ ရှူထုတ်လိုက်သော လေသည် ခမ်းနားသော နဂါးနှစ်ကောင်အဖြစ်သို့ ပြောင်းလဲသွားသည်။

"နောက်ဆုံးတော့ ငါအောင်မြင်သွားပြီ”

ချူးယွင်ဖန်သည် သူ့ခန္ဓာကိုယ်အတွင်းရှိ အလွန်ကြီးမားသော စွမ်းအားကို ခံစားမိနိုင်သည်။ သူ၏ ရုပ်ပိုင်းဆိုင်ရာ ခန္ဓာကိုယ်နှင့် ကျင့်ကြံမှုတွင် ဤအဆင့်တက်မှုက တိုက်ခိုက်ရေးစွမ်းအားသည် မြေကြီးကို တုန်လှုပ်စေသော ပြောင်းလဲမှုများ ဖြစ်ပေါ်စေခဲ့သည်။ သူသည် အလယ်အလတ်ရွှေအမတေပုံစံအဆင့်၏ အထွတ်အထိပ်သို့ ရောက်ရှိနေပြီဖြစ်သည်။ ယခု သူသည် ခန်းကို ရင်ဆိုင်ရမည်ဆိုလျှင် ခန်းအတွက် သူ့ကို သတ်ရန် အလွန်ခက်ခဲလိမ့်မည်။

အခန်း(၁၄၉၁) အလယ်အလတ် အမတေမဲ့အဆင့် အထွတ်အထိပ်

ချူးယွင်ဖန်းသည် သူ၏ လက်ဗလာဖြင့် အဆင့်မြင့်ဝိညာဉ်လက်နက်ကို ကိုင်ဆောင်နိုင်သောကြောင့် ခန်းကဲ့သို့သော ကျွမ်းကျင်သူပင် သူ့ကိုသတ်ရန် ခက်ခဲလိမ့်မည်။ သူသည် ခန်းကို အနိုင်ယူနိုင်ခြင်းမရှိသော်လည်း သူ့ကိုယ်သူကာကွယ်ရန် မခက်ခဲပေ။

ချူးယွင်ဖန်းကျေနပ်မှုမရှိသေးသော်လည်း ဤသတင်းသည် ပြင်ပကမ္ဘာသို့ ပျံ့နှံ့သွားပါက လူများစွာ အံ့အားသင့်သွားနိုင်သည်။ လက်ဗလာဖြင့် အဆင့်မြင့် ဝိညာဉ်လက်နက်ကို ရရှိခြင်းသည် မည်သည့်အဆင့်မျိုးနည်း။ သာမန်လူများ စိတ်ကူးနိုင်သော အဆင့်မျိုး မဟုတ်ပေ။ ဤကဲ့သို့ လုပ်ဆောင်နိုင်သော ခန္ဓာကိုယ်ကျင့်ကြံသူ အလွန်နည်းပါးသည်။ ၎င်းသည် မကြုံစဖူးဖြစ်ရပ်တစ်ခုဖြစ်သည်။

သို့သော်လည်း ချူးယွင်ဖန်က စိတ်မလျှော့ပေ။ သူ့အတွက် ဤကျင့်ကြံမှုသည် လုံလောက်မှုမရှိသေးပေ။

"ငါ့ခန္ဓာကိုယ်ထဲက ဗြဟ္မာသီးရဲ့ ဆေးဖက်ဝင်အစွမ်းရဲ့ တစ်ဝက်ထက် ပိုမချေဖျက်ရသေးဘူး။ တစ်ခါတည်းနဲ့ အဆင့်တက်နိုင်တယ်"

ချူးယွင်ဖန်းအော်ဟစ်လိုက်ပြီး သူ့ခန္ဓာကိုယ်ထဲက ဗြဟ္မာသစ်သီး၏ ဆေးအစွမ်းကို အစွမ်းကုန် သန့်စင်ရန် စတင်လုပ်ဆောင်လိုက်သည်။ သူသည် အဦးပိုင်း အမတေမဲ့အဆင့်၏ အထွတ်အထိပ်သို့ရောက်နေပြီဖြစ်သည်။ အလယ်အလတ် အမတေမဲ့အဆင့်သို့ရောက်ရှိသွားခြင်းက ဆေးအစွမ်း အမြောက်အမြားကို ကုန်ဆုံးသွားစေသော်လည်း သူ့ခန္ဓာကိုယ်ထဲ၌ နောက်ထပ် ဆေးအစွမ်းများ ဆူပွက်နေဆဲဖြစ်သည်။

သူက အခြေအနေကို အခွင့်ကောင်းယူ၍ နောက်ထပ်တစ်ဆင့်တက်ရန် ဆုံးဖြတ်လိုက်သည်။ သူ့ခန္ဓာကိုယ်ကို ပြန်လည်ပြုပြင်နေစဉ်တွင် သူ၏ မရီးဒျန်နှင့် ရွှေအမတေကို ပြန်လည်ဖွင့်လှစ်ပြီး ခိုင်မာအောင် ပြုလုပ်နိုင်ခဲ့သည်။ မဟုတ်ပါက နောက်ထပ်အောင်မြင်မှုတစ်ခု ရရှိရန် သူ့အတွက် ဤမျှလွယ်ကူမည်မဟုတ်ပေ။

နောက်ထပ်တစ်လကြာပြီးနောက် ချူးယွင်ဖန်သည် နောက်ဆုံးတွင် အထီးကျန်နေရာမှ နိုးထလာခဲ့သည်။ ဤအချိန်တွင် သူသည် လွန်ခဲ့သောတစ်လကကဲ့သို့ မဟုတ်တော့ပေ။ သူ၏ခွန်အားသည် ယခင်ကထက် အနည်းဆုံး အဆပေါင်းများစွာ ပိုမိုအားကောင်းလာခဲ့သည်။

သူ ခန်းနှင့် တိုက်ခီုက်ခဲ့စဥ်က ပြာမီးခန္ဓာကိုယ်ဖြင့် ခန်းကို အနိုင်ယူခဲ့သည်မှာ အံ့ဖွယ်ကောင်းလှသည်။ သို့သော် ယခု သူသည် အံ့ဖွယ် လက်သီးရှစ်ချက်ကိုလည်း အသုံးပြုနိုင်ပြီဖြစ်သည်။ ခန်းသာ ပေါ့လျော့ခဲ့ပါက ပြင်းထန်စွာ ဒဏ်ရာရရှိပေလိမ့်မည်ဖြစ်သည်။

မတ်တပ်ရပ်၍ ခန်းကို သူ၏ ခံစစ်အား မချိုးဖျက်ဘဲ တိုက်ခိုက်ခွင့်ပေးလိုက်ရာမှ ယခု သူ့ကို ပြင်းပြင်းထန်ထန် ဒဏ်ရာရစေနိုင်သည်အထိ ဤသည်က ကြီးမားသော ခုန်ပျံကျော်လွှားမှုတစ်ခုဖြစ်သည်။

မှန်သည်။ ခန်းက ထိုနေရာတွင်ရပ်၍ ချူးယွင်ဖန်းကို လက်စားမချေဘဲ သူကို တိုက်ခိုက်ခွင့်ပေးလောက်အောင် မိုက်မဲသူမဟုတ်ပေ။ ချူးယွင်ဖန်းကို မြင်သောအခါ အံကြိတ်၍ သတ်ပစ်ချင်ခဲ့သည်။

ဤလတွင် ချူးယွင်ဖန်း၏ တိုက်ခိုက်ရေးအစွမ်းက အလယ်အလတ်အမတေမဲ့အဆင့်အထွတ်အထိပ်သို့ရောက်ရှိသွားခဲ့သည်။ သာမန် ရွှေအမတေပုံစံအဆင့်ရှိသူတို့သည် သူ့နှင့်ယှဥ်နိုင်လိမ့်မည်မဟုတ်ဟု သူယုံကြည်ထားသည်။ မည်သို့ပင်ဖြစ်စေကာမူ ဤလေ့ကျင့်မှုလတွင် သူ၏ လေ့ကျင့်မှုကို ခိုင်မာစေရန်အတွက် အ ဆင့်နိမ့်ဝိဉာဥ်ကျောက်တုံး သန်းနှစ်ဆယ်ကို ထပ်မံအသုံးပြုခဲ့သည်။

သုံးစွဲမှုက အလွန်များပြားသည်။

သူ မကြာသေးမီက လက်ယာဘုရင်ထံမှသိမ်းယူခဲ့သော အဆင့်နိမ့်ဝိဉာဥ်ကျောက်တုံး သန်းတစ်ရာ၏ ထက်ဝက်ကျော်ကို အသုံးပြုပြီးဖြစ်သည်။ အခြားသူများအတွက်မူ ၎င်းသည် မယုံနိုင်လောက်အောင် သုံးစွဲမှုတစ်ခုဖြစ်သည်။ ထို့နောက်မှသာ ချူးယွင်ဖန်သည် အခြားသူများ မတွေးရဲသော ကျင့်ကြံမှုတိုးတက်မှုကို ရရှိခဲ့သည်။

အတွေးတစ်ခုနှင့်အတူ ချူးယွင်ဖန်းသည် တောင်မြစ်ပန်းချီကား၏ အပြင်ဘက်သို့ ပေါ်လာသည်။ သူ ပတ်ပတ်လည်ကို ကြည့်လိုက်သောအခါ သူသည် တောင်တန်းတစ်ခုတွင် ရှိနေသည်ကို တွေ့လိုက်ရသည်။ သူကိုယ်တိုင်ပင် သူမည်သည့်နေရာအထိ ပျံသန်းသွားခဲ့သည်ကို မသိခဲ့တော့ပေ။ ဤတောင်တန်းတစ်လျှောက်၌ ပေထောင်ပေါင်းများစွာမြင့်သော သစ်ပင်ကြီးများရှိသည်။ သစ်ရွက်များနှင့် အကိုင်းအခတ်များက စိမ်းလန်းစိုပြေနေကာ အလင်းရောင်အရင်းအမြစ်များကို ပိတ်ထားသည်။ မြင်ကွင်းတချို့ကိုသာ မှုန်ဝါးဝါးမြင်ရသည်။

မှန်သည်။ ယင်းက လက်ရှိ အမတေမဲ့အဆင့်၌ ရှိနေကာ ရွှေအမတေပုံစံအဆင့်ရှိသူတစ်ဦး၏ တိုက်ခိုက်ရေးအစွမ်းရှိသော ချူးယွင်ဖန်းအတွက် မည်သို့မျှမဟုတ်ပေ။ သူက ၎င်းတို့ကို တစ်ချက်ကြည့်လိုက်ရုံနှင့် မြင်နိုင်သည်။ သို့သော် မကြာခင်၌ပင် သူသည် ကောင်းကင်ယံ၌ အလင်းတန်းတစ်ခု ဖြတ်ပြေးသွားသည်ကို သတိထားမိကာ အဝေးသို့ ပျံသန်းသွားခဲ့သည်။ ချူးယွင်ဖန်းက ထိုလူကို ဖမ်း၍ မည်သို့ဖြစ်နေသည်ကို မေးတော့မည့်အချိန် နေရာအမျိုးမျိုးမှ အလင်းတန်းအနည်းငယ် ပျံသန်းသွားသော်လည်း ၎င်းတို့၏ ပစ်မှတ်များအားလုံး ရှင်းလင်းနေပြီဖြစ်ကာ ဦးတည်ရာတစ်ခုသို့ ဦးတည်နေသည်။

‘စိတ်ဝင်စားစရာပဲ’ ချူးယွင်ဖန်းက တွေးလိုက်သည်။

သူ့ခန္ဓာကိုယ်ကို တစ်ချက်လှုပ်လိုက်သောအခါ သူက ကျန်းဝူချန်အဖြစ်ပြောင်းလဲသွားသည်။ ထို့နောက် သူက အလင်းတန်းတစ်ခုပေါ်သို့နင်း၍ ထိုလူများသွားနေသည့် လမ်းကြောင်းဆီသို့ပျံသွားသည်။

ခဏတာအတွင်း၌ပင် သူက လူတိုင်းနောက်သို့လိုက်ကာ ဧရာမတောင်ထိပ်တစ်ခုဆီသို့ လိုက်သွားခဲ့သည်။ ဤတောင်ထိပ်က ကီလိုမီတာ တစ်ရာကျော် အ လျား နှင့်အနံရှိသည်အထိ အလွန်ကြီးမားသည်။

တောင်ခြေ၌ မြို့တစ်မြို့ရှိသည်။ ထိုအလင်းတန်းများ၏ ဦးတည်ရာက ဤမြို့ပင်ဖြစ်သည်။

ချူးယွင်ဖန်းက ချက်ချင်းဆင်းလာကာ အထဲသို့ ဝင်သွားသည်။ သူသည် နတ်ဘုရားစိတ်ဝိဉာဥ်နှင့် မြို့တွင်းကို ပေါ့ပေါ့တန်တန် ကြည့်လိုက်ရာ မြို့တွင်းရှိလူများကို အပိုင်းနှစ်ပိုင်းခွဲထားသည်ကို တွေ့ရှိခဲ့သည်။ တစ်ပိုင်းသည် ကျင့်ကြံမှုအဆင့်မရှိဘဲ သန့်စင်ခြင်းအဆင့်၌သာ ရှိသည်။ မွေဖွားခြင်းနယ်မြေအဆင့်ရှိသူများသည် ဒေသခံများဖြစ်နိုင်သည်။

အခြားအဖွဲ့သည်လည်း ကွဲပြားသည်။ ၎င်းတို့အားလုံးက နတ်စွမ်းအင်အဆင့် အထက်၌ ရှိနေကာ ချူးယွင်ဖန်းက ရွှေအမတေအမြောက်အမြားကို တွေ့ခဲ့ရသည်။ ဤလူများသည် ၎င်းတို့၏ ရောင်ဝါများကို ဖုံးထားကြသဖြင့် ၎င်းတို့ကိုလုံးဝ တွေ့နိုင်မည်မဟုတ်ဟု ထင်ခဲ့ကြသည်။ သို့သော် ချူးယွင်ဖန်းရှေ့တွင် ၎င်းတို့ အားလုံး ပေါ်လွင်နေခဲ့သည်။ သူက တည်ငြိမ်စွာဖြင့် အပြင်လူတစ်ယောက်ကို ဆွဲကိုင်ကာ မေးခွန်းထုတ်လိုက်သည်။

ဤနေရာသည် ကမ္ဘာကြီးကို အုပ်စိုးခဲ့သည်ဟု ကောလဟာလထွက်သေနည့် ခရမ်းရောင်မိုးကြိုးဓားဂိုဏ်း၏ ရတနာသိုက်ဖြစ်သည်ဟူသော ထိတ်လန့်ဖွယ်သတင်းကို သူသိလိုက်ရသည်။

ဤမြို့မှလူများသည် ခရမ်းရောင်မိုးကြိုးဓားဂိုဏ်းတပည့်များ၏ မိသားစုဝင်များဖြစ်ကြသည်။ သို့သော် နှစ်ပေါင်းများစွာကြာပြီးနောက် ခရမ်းရောင်မိုးကြိုးဓားဂိုဏ်းမှ အမွေဆက်ခံခွင့်မရှိတော့ပေ။ ယခု ၎င်းတို့သည် သာမန်လူများသာဖြစ်ကြသည်။ မြို့သူမြို့သားများသည် ဤပြင်ပလူများကိုမြင်သောအခါ ဘေးသို့ အလျင်အမြန်ပုန်းအောင်းခဲ့ကြသည်။ ၎င်းတို့သည် ဤလူများနှင့်ထိတွေ့ရန်မဝံ့ကြပေ။ ဤလူများထဲမှ တစ်ဦးတစ်ယောက်တိုင်းက မြို့တစ်မြို့လုံးကိုဖျက်ဆီးနိုင်သည့် အစွမ်းရှိသည်ကို သိရှိထားရမည်။

သို့သော်လည်း ချူးယွင်ဖန်းပိုမိုနားလည်သွားခင်တွင် နတ်အဆင့်ရှိသူတစ်ဦးက ချူးယွင်ဖန်ရှေ့သို့ ရောက်ရှိလာပြီး ဦးညွှတ်လိုက်သည်။

"နှုတ်ခွန်းဆက်သပါတယ်၊ ဓားးသခင်လေး”

"ဟမ် ကျုပ် ဘယ်သူလဲဆိုတာ မင်းသိလား" ချူးယွင်ဖန်းမျက်ခုံးပင့်လိုက်သည်။

နတ်အဆင့်ရှိသူက ပြုံးလိုက်သည်။

"ဒါက သဘာဝအတိုင်းပါပဲ၊ ဓားသခင်လေး မင်းရဲ့အစွမ်းကို အရင်ကပြသခဲ့လို့ပဲ။ ဒီလောကမှာ ဘယ်သူက မင်းရဲ့တည်ရှိမှုကို မသိဘဲနေမှာလဲ"

ချူးယွင်ဖန်းစဉ်းစားပြီး သဘောပေါက်လိုက်သည်။ သူသည် ဂိုဏ်းဆယ်ဂိုဏ်းထက်မနည်းကို စိန်ခေါ်ခဲ့သည်ဟူသောအချက်ကို ဖုံးကွယ်၍မရပေ။ လူများက သူ့ကို နေရာတိုင်းတွင် ရှာဖွေနေကြသည်။ ကျန်းဝူချန်သည် သူ၏ဟန်ဆောင်ထားသည့် မျက်နှာတစ်ခု မဟုတ်ပါက ချူးယွင်ဖန်ကို ရှေးယခင်ကတည်းက ရှာဖွေတွေ့ရှိခဲ့ပြီးဖြစ်သည်။

"ဒါပြောဖို့ပဲကျုပ်ဆီလာခဲ့တာတော့မဟုတ်ဘူးမလား" ချူးယွင်ဖန်းက အပြုံးဖျော့ဖျော့ဖြင့် ပြောလိုက်သည်။

"ငါ့ဆရာက မင်းကို သူနဲ့တွေ့ဖို့ ဖိတ်လိုက်လို့ပါ" နတ်အဆင့်ရှိသူက ဆူပူကြိမ်းမောင်းခြင်းမပြုဘဲ တိုက်ရိုက်ပြောလိုက်သည်။

"ခင်ဗျား ဆရာက ဘယ်သူလဲ"

"ဓားသခင်လေး၊ မင်းသူနဲ့တွေ့ရင် သိလိမ့်မယ်"

"ကောင်းပြီလေ။ ဦးဆောင်လမ်းပြပါ"

ထိုအချိန်၌ သူသည် ရဲရင့်သည်။

ခန်းပင်လျှင် သူ့ကို မည်သို့မျှ မထိခိုက်စေနိုင်၍ ကြောက်ရန် မလိုပေ။

ချူးယွင်ဖန်းသည် နတ်ဘုရားနောက်သို့ လိုက်သွားပြီး မကြာမီ ဝင်ပေါက်သုံးခုနှင့် ထွက်ပေါက်သုံးခုပါသော ခြံဝင်းတစ်ခုသို့ ရောက်ရှိခဲ့သည်။ ခြံဝင်းအတွင်းရှိ တဲများသည် အနုပညာမြောက်သည်။ ၎င်းသည် မြို့၏ ချမ်းသာသူများ၏ နေအိမ်ဖြစ်ကြောင်း ထင်ရှားသော်လည်း ၎င်းကို သိမ်းပိုက်ခံခဲ့ရသည်။

တဲအိမ်အထက်တွင် မှိန်ဖျော့ဖျော့အလင်းရောင်တစ်ခု ထုတ်လွှတ်နေသော ခရမ်းရောင်အတားအဆီးတစ်ခုရှိသည်။