အခန်း (၁၁၃)

【၄၀ : ဒီညီအစ်မနှစ်ယောက်က နှစ်ပေါင်းများစွာ တိုက်ခိုက်လာကြတာဆိုတော့၊ စင်ပေါ်မှာ ပရိသတ်အစစ်တွေ ရှိနေခြင်းရဲ့ အန္တရာယ်ကို ကောင်းကောင်းသိကြတယ်၊ စင်ပေါ်ရောက်လာတတ်တဲ့ ဒီသူဌေးသား တပည့်တွေရဲ့ အော်ဟစ်သံတွေက အာရုံစိုက်မှုကို လွယ်လွယ်ကူကူ ပျက်ပြားစေတယ်လေ၊ ဒါကြောင့် ဒီတပည့်အစစ်တွေကို ပိတ်ပင်ထားဖို့ သူတို့ ပိုက်ဆံပေးထားတာ နေမှာ။】

【၃၈ : ဟုတ်တယ်၊ သူတို့က ဝါရင့်တိုက်ခိုက်ရေးသမားတွေပဲ၊ မနှစ်ကဆိုရင် စင်ပေါ်မှာ ပေါ်လာတတ်တဲ့ ဒီကောင်တွေကို ပိတ်ပင်ထားဖို့ ဝိညာဉ်ကျောက်တုံး တစ်သိန်းတောင် သူတို့ သုံးခဲ့ကြတာ။】

အမြွှာညီအစ်မနှစ်ယောက်သည် ကျင်းချန်ကို မမြင်ရသဖြင့် စုကျိုဘက်သို့ လှည့်ကာ စိတ်ပါလက်ပါ မရှိဘဲ မေးလိုက်ကြသည်။

"ဂျူနီယာညီမလေး စု... ခန္ဓာကိုယ်အောက်ပိုင်းက တကယ်ပဲ မောင်လေးကျင်းချန်ရဲ့ပုံစံအတိုင်း တစ်ထပ်တည်းတူအောင် လုပ်ထားတာလား?"

"လုံးဝ အစစ်အတိုင်းပဲ”

စုကျို လက်ဖက်ရည်အိုးကိုကိုင်ရင်း ကျွတ်ကျွတ်လုပ်လိုက်သည်၊ သူမ စင်ပေါ်တွင် လက်ဖက်ရည်ထပ်သောက်နေရပြန်ပြီ ဖြစ်သည်။

ညီအစ်မနှစ်ယောက်က သူ့အား မတိုက်ခိုက်ကြပေ။

စီရင်ဆုံးဖြတ်ရေးခေါင်းဆောင်သည် စင်မြင့်အထက် ဆယ်ကျန့်ခန့်အမြင့်သို့ ပျံတက်သွားပြီဖြစ်ရာ၊ သူမ အနေဖြင့် သူ့ကိုလှမ်းမမီနိုင်တော့ပေ။

ပျင်းရိလာသဖြင့် စုကျိုသည် ညီအစ်မနှစ်ယောက်နှင့်စကားပြောရုံသာ တတ်နိုင်တော့သည်။

"ရိုးသားမှုနဲ့ တရားမျှတမှုပဲ”

နောက်တစ်ကြိမ် ငှားရမ်းခဝင်ငွေအတွက် သူမသည် ဘယ်တော့မှလိမ်ညာပြောဆိုလေ့မရှိပေ။

[ကျင်းချန် ပထမမျိုးဆက်] ၏ခန္ဓာကိုယ်ပေါ်ရှိ မျက်နှာ၊ တင်ပါး၊ ခြေထောက်များနှင့် ခြေဖဝါးများသည် အားလုံးကျင်းချန်၏ပုံစံတူများ ဖြစ်ကြသည်။

ကျန်တာတွေကတော့ မဟုတ်ပေ။ ခန္ဓာကိုယ်အောက်ပိုင်းအကြောင်းပြောရလျှင် စုကျိုသည် အိပ်ချင်စိတ်မရှိတော့ဘဲ ချက်ချင်းပင် ညွှန်းဆိုလိုက်သည်။

"ကျင်းချန်ရဲ့ပေါင်တွေကို ကြည့်လိုက်..."

သူမသည် လက်ဟန်တစ်ခုပြုလုပ်ကာ ဝိညာဉ်ပိုးဖလံဂေဟာပိုးမျှင်ထုတ်နည်းစနစ်ကို အသုံးပြုလိုက်ရာ၊ သူ့ ဘယ်ဘက်လက်ချောင်းထိပ်မှ သေးငယ်သော ကြိုးမျှင်တစ်ခု ပျံထွက်သွားပြီး [ကျင်းချန် ပထမမျိုးဆက်] ၏ညာဘက်ဒူးခေါင်းတွင် သွားကပ်လိုက်သည်။

၎င်းမှာ ရှင်းပြရန်အတွက်ဖြစ်သည်။

"သူက မကြာသေးမီက လျှပ်စီးဓာတ် ကျင့်ကြံသူတစ်ယောက်နဲ့ ယှဉ်ပြိုင်တိုက်ခိုက်ခဲ့သေးလား? ကြည့်လိုက်၊ ဒီနေရာမှာ လျှပ်စီးပစ်ခံထားရလို့ အနည်းငယ် မီးကျွမ်းပြီး ညိုမည်းစွဲနေတဲ့ ဒဏ်ရာတစ်ခုရှိတယ်”

သေချာပေါက်ပင် ညီအစ်မနှစ်ယောက်သည် ကြည့်လိုက်ရာ ကျင်းချန်၏ဗလာကျင်းနေသော ပေါင်တံပေါ်တွင် မည်းနက်နေသော ဒူးဒဏ်ရာ တစ်ခုကို တကယ်တွေ့လိုက်ရသည်။ ဘုရားရေ! သူတို့သည် အကြည့်ချင်းဖလှယ်လိုက်ကြပြီး ရမ္မက်ဆန္ဒများ ပေါက်ကွဲလုနီးပါး ဖြစ်သွားကြသည်။

ကျင်းချန်၏မျက်လုံးမှိတ်ထားသော မျက်နှာနှင့် ပေါင်းစပ်လိုက်သောအခါ ချက်ချင်းပင် သူတို့စိတ်ကူးယဉ်မှုများကို မီးလောင်ရာလေပင့် ဖြစ်စေတော့သည်။

"ဒါက လုံးဝတစ်ပုံစံတည်းတူတာပဲ! သူ့ပေါင်ခြံက အနီရောင်မွေးရာပါအမှတ်ကို ကြည့်လိုက်၊ ကျင်းချန်ကိုယ်တိုင်မှာလည်း အဲ့ဒါရှိတယ်ဆိုတာ ငါ အာမခံရဲတယ်!"

စုကျိုသည် စိတ်လှုပ်ရှားစွာရှင်းပြနေခြင်းမှာ ညီအစ်မနှစ်ယောက်အား [ကျင်းချန် ပထမမျိုးဆက်] ကို နောက်ထပ် အမွှေးတိုင်အနည်းငယ် ကြာချိန်အထိ ထပ်မံငှားရမ်းစေရန် သိမ်းသွင်းလိုသောကြောင့်ဖြစ်သည်။ ဤအရာသည် တိုက်ခိုက်နေရခြင်းထက် ပိုအမြတ်အစွန်းများပေသည်!

"ပြီးတော့ ဒီခြေမျက်စိကို ကြည့်လိုက်ဦး၊ ငါးမျှားချိတ်နဲ့ကုတ်မိထားတဲ့ အရာတစ်ခု မရှိဘူးလား?"

စိန်ခေါ်ပွဲစင်မြင့်၏ပရိသတ်ခုံနေရာတွင် လဲ့ကျယ်နှင့် အခြားသော အခြေခံအဆင့် အထွတ်အထိပ်အသင်းသားများသည် ကျင်းချန်ကို ချက်ချင်း လှည့်ကြည့်လိုက်ကြသည်! မှန်သည်၊ ကိုက်ညီမှုရှိနေသည်။ တောက်ဟယ်သည် သူ့ ခါးတွင် ငါးမျှားတံကို အမြဲထုတ်ယူလေ့ရှိသော နေရာကို ထိကိုင်လိုက်ပြီး သိမ်မွေ့နက်နဲသောအမူအရာဖြင့် ပြောလိုက်သည်။

"လွန်ခဲ့တဲ့ ရက်အနည်းငယ်က ငါ ခေါင်းဆောင် ကျင်းချန်ကို ဖမ်းဖို့ကြိုးစားခဲ့သေးတယ်၊ သူ ရှောင်တိမ်းသွားပေမဲ့၊ ငါ့ရဲ့ ငါးမျှားချိတ်က သူ့ရဲ့ ဘယ်ဘက် ခြေမျက်စိကို ထိသွားခဲ့တယ်မလား?"

"ငါ မှတ်မိတာ မမှားဘူးဆိုရင်၊ အဲ့ဒါ မနက်ခင်းတစ်ခုမှာပဲ”

【၃၀:၁ နှုတ်ခမ်းလှုပ်ရှားမှုကို ဘာသာပြန်ဆိုချက်မှာ အောက်ပါအတိုင်းဖြစ်သည်—ငါးမျှားချိတ်...】

【၄၀ : !】

【၃၉ : !!】

【၃၄ : တကယ်ပဲဟေ့! ဒါ တောက်ဟယ် ချန်ထားခဲ့တဲ့ အမှတ်အသားပဲ!】

တောက်ဟယ်ပြောပြီးသည်နှင့် အခြားသူများသည်လည်း စင်ပေါ်ရှိ 'မျက်မမြင် ကျင်းချန်' ကို ကြည့်လိုက်ကြရာ၊ ဘောင်းဘီဝတ်မထားသော သူ့ဘယ်ဘက် ခြေမျက်စိတွင် ငါးမျှားချိတ်ဖြင့် ကုတ်မိထားသော အရာတစ်ခုတကယ်ရှိနေသည်ကို တွေ့လိုက်ကြရသည်။

၎င်းသည် ဆေးလုံးများမလိုဘဲ လျင်မြန်စွာပျောက်ကင်းနိုင်သော ဒဏ်ရာမျိုးဖြစ်သည်။

"အစစ်ကြီးလား?"

စုကျိုသည် ထိုနေရာကိုညွှန်ပြကာ ညီအစ်မနှစ်ယောက်ကို မေးလိုက်သည်။

"လျှပ်စီးလက်တာကို ကျွမ်းကျင်ပြီး ကျင်းချန်နဲ့အတူ ငါးမျှားလေ့ကျင့်ရတာကို နှစ်သက်တဲ့ စီနီယာအစ်ကိုကြီးတွေ ရှိခဲ့လား?"

"ဒီ လတ်ဆတ်နေတဲ့ ဒဏ်ရာတွေကို ကြည့်လိုက်!"

"လတ်ဆတ်နေတဲ့ ကျင်းချန်— အခြေအနေကောင်း တစ်ယောက်ပါ!"

ညီအစ်မနှစ်ယောက်သည် စိတ်လှုပ်ရှားစွာဖြင့် အာမေဋိတ်ပြုလိုက်ကြသည်။

"အရမ်း အစစ်နဲ့တူတာပဲ”

မဟာဝိညာဉ်လမ်းစဉ်ပြိုင်ပွဲတွင် မပါဝင်သူများပင်လျှင် ထိုနေ့က ကြေညာထားသော သတင်းအချက်အလက်များမှတစ်ဆင့် ကျင်းချန်အသင်း၏ အဖွဲ့ဝင်ငါးယောက်က ဘယ်သူတွေလဲဆိုတာသိကြသည်။

"ပြီးတော့ ဒီမက်မွန်သီးပုံစံ ကျင်းချန်ရဲ့တင်ပါး၊ ငါ ကြွားနေတာ မဟုတ်ဘူးနော်”

စုကျိုသည် ကိုယ့်ကိုယ်ကိုယ် လက်ခုပ်တီးချင်သွားသည်။

"ငါက ပြီးပြည့်စုံတဲ့ ပုံတူပွားသူ၊ ပြီးပြည့်စုံတဲ့ ပုံတူပွားသူလေ၊ စီနီယာအစ်မ သိတယ်မလား?"

"ငါ ပြောရဲတယ်၊ ဒီနေ့ ကျင်းချန် ဒီမှာရှိနေရင်တောင် သူ့အချိုးအစားက အတိအကျတူညီနေမှာပဲ”

ညီအစ်မနှစ်ယောက်သည် ကြေးသော့ခတ် အတွင်းခံဘောင်းဘီကို ချက်ချင်းလက်ငင်း ပိုစိတ်အားထက်သန်စွာ တိုက်ခိုက်ကြတော့သည်။ လဲ့ကျယ်နှင့် အခြားသူများမှာ မျက်လုံးများ ပြူးကျယ်စွာစိုက်ကြည့်နေကြသည်။

သူတို့သည် အခြေခံအဆင့် အထွတ်အထိပ်တွင်ရှိနေကြပြီး၊ မဟာဝိညာဉ်လမ်းစဉ် ပြိုင်ပွဲတွင် ပါဝင်ရန်အတွက် သူတို့ကျင့်ကြံမှုကို ဖိနှိပ်ထား သော်လည်း လွန်ခဲ့သော ကာလကြာမြင့်စွာကတည်းက ရွှေရောင်အမြုတေအဆင့်သို့ ခြေတစ်လှမ်းဝက်ခန့် တိတ်တဆိတ်ရောက်ရှိနေကြသူများ ဖြစ်သည်။

သူတို့၏စူးရှသော အမြင်အာရုံဖြင့် စင်မြင့်ပေါ်ရှိ ကြေးဝါရောင်အတွင်းခံဘောင်းဘီသည် သူတို့ဘေးရှိကျင်းချန်ပုံစံနှင့် အမှန်တကယ် တစ်ထပ်တည်းတူညီနေကြောင်း အလွယ်တကူမြင်တွေ့နိုင်သည်!

"ဒါက တစ်ပုံစံတည်းတူအောင် လုပ်ထားတာလား?"

"မင်း ခန္ဓာကိုယ်ပေါ်က အမာရွတ်တွေအထိတောင်၊ ညီလေးကျင်းချန်... ဒီဂျူနီယာညီမလေးက လုံးဝတူအောင် လုပ်ထားတာလား?"

လဲ့ကျယ်သည် သူ့မေးစေ့ကို ပွတ်သပ်ရင်း စဉ်းစားနေသည်။

"အံ့သြစရာကောင်းလိုက်တဲ့ မွေးရာပါဝိညာဉ်စွမ်းအင်ပဲ၊ စိတ်ဝင်စားဖို့ ကောင်းသား”

လဲ့ကျယ်သည် မနေ့က ကွမ်းကျုံးလုပ်သကဲ့သို့ပင် စိန်ခေါ်ပွဲစင်မြင့်၏အလယ်သို့ ချက်ချင်းပျံဝဲသွားသည်။ သူ ကျင်းချန်နှင့် ထပ်တူကျနေသော မျက်နှာကို စပ်စုလိုစိတ်ဖြင့်ကြည့်လိုက်သည်။ သူ လှမ်းပြီးဆွဲညှစ်ကြည့်ချင်စိတ်ပင် ပေါက်သွားသည်။ ၎င်းသည် တကယ်ကို အပြစ်ဆိုဖွယ် မရှိအောင် ပြည့်စုံလွန်းသည်။

"ဝိညာဉ်စွမ်းအင် အတက်အကျမရှိဘူး”

"ဒါပေမဲ့ သူ့မှာ ညီလေးကျင်းချန်ရဲ့ထိပ်တန်းမီးဓာတ် ဝိညာဉ်အမြုတေရှိတယ်၊ ပြီးတော့ အော်... သူ့မှာ လျှပ်စီးလက်ဒန်ထျန်တောင် ပါသေးတာပဲ..."

"ဒီ ဒန်ထျန်က ရင်းနှီးနေသလိုပဲ”

လဲ့ကျယ် အံ့သြသွားသည်။ စုကျိုကမူ ပြုံးဖြဲဖြဲလုပ်လိုက်သည်။ သူမသည် 'စစ်မှန်သော ခံစားမှု ပရိသတ်' ၏ အမြင်ကို ပိတ်ပင်ရန် ပိုက်ဆံမပေး ထားခဲ့ပေ၊ လဲ့ကျယ်ကို မြင်လိုက်သည်နှင့် သူမ ချက်ချင်းမှတ်မိလိုက်သည်။ သူ ဘယ်လိုလုပ် မမှတ်မိဘဲ နေပါ့မလဲ? သူ တဟီးဟီးရယ်မော လိုက်သည်။

'စီနီယာအစ်ကိုကြီး လဲ့ကျယ်... ဒါက ရှင်ရဲ့ ညီလေး လဲ့အော်ရဲ့ ဒန်ထျန်လေ' သို့သော် သူမ အသံထွက်ပြီး မပြောခဲ့ပေ။ သူမတွင် လုပ်စရာ ပိုအရေးကြီးသော ကိစ္စများရှိနေသည်။ စုကျို ပြုံးလိုက်ပြီး ပရိသတ်ခုံတွင် လဲ့ကျယ်နှင့်အတူ ယခုလေးတင် ပေါ်လာသော ကျင်းချန်ဘက်သို့ လှည့်ကြည့်လိုက်သည်။

"စီနီယာအစ်ကိုကြီးလဲ့ကျယ်... ရှင့်ညီလေးလဲ့အော်နဲ့ ကျွန်မက သူငယ်ချင်းတွေပါ”

"ရှင်... ရှင်က အခု ကျင်းချန်နဲ့ အတူတူရှိနေတာလား?"

စုကျို ပါးစပ်ဟကာ လဲ့ကျယ်ကို ပြုံးပြလိုက်သည်။

"ဟင်?"

လဲ့ကျယ် သိသိသာသာပင် အံ့အားသင့်သွားသည်။

"အော်... ဟုတ်တယ်လို့ ပြောတာပေါ့နော်”

စုကျိုသည် ခေါင်းညိတ်လိုက်ပြီး မြေခွေးမလေးကဲ့သို့ ပေါ့ပါးလွတ်လပ်ကာ ပျော်ရွှင်သောအမူအရာကို ထုတ်ဖော်ပြသလိုက်သည်။

မကြာမီတွင် ညီအစ်မနှစ်ယောက်၏တိုက်စစ်သည် နောက်ဆုံးတွင် ပြီးဆုံးသွားလေသည်။ ကြေးဝါရောင် ကာမဂုဏ်ချုပ်တည်းသော သော့ခတ်မှုမှာ အက်ကွဲသွားပြီး တစ်ခဏချင်းမှာပင် ကြေမွသွားတော့သည်!

နောက်ဆုံးတွင် ကြေးဝါရောင် အတွင်းခံဘောင်းဘီအောက်မှ ပြီးပြည့်စုံသော မက်မွန်သီးပုံစံတင်ပါးများပေါ်လာတော့သည်! သို့သော် တင်ပါးများသာ၊ ဟုတ်ပါသည်၊ အရှေ့ဘက်တွင် ဘာမှမရှိပါ!

ကြေးဝါရောင် သော့ခတ်ဘောင်းဘီကြေမွသွားသည်ကိုမြင်လိုက်ရသောအခါ ညီအစ်မနှစ်ယောက်သည် စိတ်လှုပ်ရှားစွာ အော်ဟစ်လိုက်ကြသော် လည်း၊ [ကျင်းချန် ပထမမျိုးဆက်] ၏ ခါးအောက်ပိုင်းရှိပြောင်ရှင်းနေသော နေရာကို မြင်လိုက်ရသောအခါ ချက်ချင်းထိတ်လန့်သွားကြသည်။

"???"

"ဂျူနီယာညီမလေးစု... တစ်ပုံစံတည်း တူအောင်လုပ်ထားတာဆို..."

"ဘယ်လိုလုပ်ပြီး ဘာမှမရှိရတာလဲ...?"

ဂျူနီယာညီလေးကျင်းမှာ တကယ်ပဲ ဘာမှမရှိတာများလား???

"မဖြစ်နိုင်ဘူး..."

ညီအစ်မနှစ်ယောက်သည် ယိုင်နဲ့သွားပြီး ချောမောလှပသော လူငယ်လေး၏မျက်နှာကို ကြည့်လိုက်ကြသည်။ သူတို့နှစ်ယောက်လုံး စိတ်ကူး ယဉ်ခဲ့ကြဖူးသည်မှာ သူ သိပ်စွမ်းဆောင်ရည်မရှိလျှင်တောင် သူ့ရုပ်ရည်ကြောင့်သည်းခံပေးနိုင်သည် ဟူ၍ဖြစ်သည်။ မျက်နှာရှိနေသရွေ့ ကမ္ဘာကြီးရှိနေသည် မဟုတ်ပါလား။

ဒါပေမဲ့ သူ လုံးဝ စွမ်းဆောင်ရည်မရှိနိုင်ဘူးဆိုတဲ့ ကြေကွဲစရာအဖြစ်မျိုးကိုတော့ သူတို့ လုံးဝ မတွေးခဲ့ဖူးပေ!

"ဂျူနီယာညီမလေး... ဂျူနီယာမောင်လေးကျင်းရဲ့... ဟိုဒင်းက ဘယ်မှာလဲ?"

"ဒါ ဂျူနီယာညီမလေးစုရဲ့ ပါရမီနဲ့ ဝိညာဉ်စွမ်းအင်မလုံလောက်လို့ ဖြစ်ရမယ်!"

စုကျိ ကျွတ်ကျွတ်ကျွတ် လုပ်လိုက်သည်။ သူမ မေးခွန်းထုတ်ခံရတာကို လက်မခံနိုင်ပေ၊ လုံးဝ လက်မခံနိုင်။ သူ ရှေ့သို့ တစ်လှမ်းတိုးလိုက်ပြီး ပြုံးလျက် ညီအစ်မနှစ်ယောက်လက်ကို ဆွဲယူလိုက်သည်။ မကြာမီတွင် သူမသည် သူ့ ပဲစိမ်းရောင်ဝတ်ရုံလက်အိတ်ထဲမှ အသက်ဝင်ပြီး သွယ်လျသော ညာဘက်လက်မောင်းတစ်ခုကိုထုတ်ယူကာ ညီအစ်မနှစ်ယောက်အားပေးလိုက်သည်။

"အာ..."

"ဘုရားရေ... ဒါ ငါ့လက်ပဲ!"

"မှဲ့တောင် ပါသေးတယ်၊ ပြီးတော့ ငါ ဓားကစားလို့ဖြစ်နေတဲ့ အသားမာလေးတွေတောင် ပါသေးတယ်!"

စင်မြင့်ပေါ်ရှိ လဲ့ကျယ်သည် စိတ်ဝင်တစားကြည့်ရှုနေပြီး သူ့ မေးစေ့ကို ပွတ်သပ်ကာ ခေါင်းညိတ်လိုက်သည်။

"ဒီ ခြေတုလက်တုက တကယ့်ကျင့်ကြံသူတစ်ယောက်ရဲ့ စွမ်းအားမျိုးရှိနေတာပဲ”

စုကျိုသည် ပြုံးလျက် ညီအစ်မနှစ်ယောက်ကိုခေါင်းညိတ်ပြလိုက်သည်။

"ကျွန်မရဲ့ အရည်အချင်းကို သံသယမဝင်ပါနဲ့”

"!"

"..."

ညီအစ်မနှစ်ယောက် မျက်နှာများဖြူဖျော့သွားကြသည်။

"ဂျူနီယာညီမလေး... နင့်ရဲ့ပုံတူကူးချနိုင်တဲ့ ပါရမီက တကယ်ကိုထူးခြားပါတယ်၊ ပြဿနာမရှိပါဘူး၊ ပြဿနာတစ်ခုတည်း ရှိတာက... ဂျူနီယာမောင်လေးကျင်းမှာ အဲ့ဒါ မရှိတာပဲ..."

"သူ့မှာ ဘာမှတောင် မရှိဘူးပဲ”

"အာ... ငါတို့ သူ့ကို စွဲလမ်းနေတာနှစ်တွေအကြာကြီးပဲ၊ သူ့အတွက် နာမည်တောင်ပြောင်းခဲ့ကြတာ၊ ဒါပေမဲ့ သူ့မှာ အဲ့ဒါတောင် မရှိဘူးတဲ့လား..."

စုကျိုကမူ တဟီးဟီး ရယ်မောလိုက်သည်။

"အဲ့ဒါတော့ ရှင်တို့ သူ့ကိုပဲ မေးရလိမ့်မယ်၊ ကျွန်မက သဘာဝကျကျပဲ အရာအားလုံးနဲ့ လူတိုင်းကိုပုံတူကူးနိုင်ပါတယ်၊ အထူးသဖြင့် လူတစ်ယောက်ရဲ့ အသန်မာဆုံး အစိတ်အပိုင်းတွေကိုဆိုရင် ကျွန်မ အတိအကျဖမ်းယူနိုင်ပါတယ်၊ ကံမကောင်းစွာပဲ ကျွန်မ ရခဲ့တာက လက်ချောင်းနှစ်ချောင်းတည်းပါပဲ”

သူမ၏စွမ်းရည်အဆင့်မြှင့်တင်ပြီးနောက် သူ့ ပုံတူကူးယူနိုင်မှု တိကျသေချာမှုသည် သိသိသာသာတိုးတက်လာခဲ့သည်။ သုံးကြိမ် ပုံတူကူးယူခြင်း သည် ပြိုင်ဘက်၏အသန်မာဆုံး အစိတ်အပိုင်းကိုရရှိရန် အာမခံချက်ရှိသည်။ ဥပမာအားဖြင့် လဲ့အော်၏လျှပ်စီးဓာတ်ဒန်ထျန်၊ သူ့ကို နှစ်ဆယ့် ခုနစ်နှစ်ကြာသိမ်းဆည်းထားစေခဲ့သော သူ့ နောက်ဆုံးကွက်။ ဟူကျဲကျင့်၏ရွှေရောင်အမြုတေ။

"ရှင်တို့ မျှော်လင့်နေတဲ့ အစိတ်အပိုင်းကိုတော့ သုံးကြိမ်တိုင်တိုင်ကြိုးစားခဲ့တာတောင် ကျွန်မ သူ့ဆီကနေ မထိတွေ့နိုင်ခဲ့ပါဘူး”

"ဟူး... ကျွန်မ အကောင်းဆုံးကြိုးစားခဲ့ပါတယ်”

"ဘာ... ဂျူနီယာညီလေးကျင်းရဲ့အသန်မာဆုံးလက်က သူ့ရဲ့ ဘယ်လက်လား?"

"အာ... နင် သူ့ကို သုံးကြိမ်တောင် ထိဖို့ကြိုးစားခဲ့တာတောင် အဲ့ဒါကို မထိနိုင်ခဲ့ဘူးလား?"

ညီအစ်မနှစ်ယောက်မှာ စိတ်ပျက်လက်ပျက်ဖြစ်သွားကြသည်။

"အဲ့ဒါ အရမ်းသေးတာပဲ ဖြစ်ရမယ်..."

"တကယ်ကြီး သူ့မှာ မရှိတာတော့ မဖြစ်နိုင်ပါဘူး..."

ညီအစ်မနှစ်ယောက်သည် [ကျင်းချန်၏ အရှေ့ပိုင်း] ပြောင်ရှင်းနေသည်ကိုကြည့်ကာ တီးတိုးရေရွတ်ရင်း ယောင်ချာချာဖြင့် ဆွေးနွေးနေကြသည်။

"သူ သုံးမရတော့ဘူးလား...?"

"ဂျူနီယာညီမလေးပြောပုံအရဆိုရင် သူ့ရဲ့ ဘယ်ဘက်လက်ခလယ်ပဲ ကောင်းတာလား..."

"အဓိပ္ပာယ်မရှိတာ!"

ပရိသတ်ခုံမှ ကျင်းချန်မျက်နှာတစ်ခုလုံး နီမြန်းလျက် ဒေါသတကြီးအော်ဟစ်သံသည် ချက်ချင်းပဲ့တင်ထပ်သွားတော့သည်။

【၄၀ : ...】

【၃၉ : ...】

【၃၈ : ...】

【၄၀ : ကြောက်စရာကောင်းလိုက်တဲ့ ပါရမီပဲ။】

【၃၀ : ငါ တော်တော်ကြောက်သွားပြီ၊ တော်သေးတာပေါ့ ငါ ဂျူနီယာညီမလေးစုကျိုကို သွားမစမိလို့။】

【၄၀ : တော်သေးတယ်၊ သူ ငါ့အဆင့်က မဟုတ်လို့!】

စင်မြင့်ပေါ်တွင် စုကျိုသည် မိစ္ဆာမလေးကဲ့သို့ ခေါင်းကိုလှည့်ကာ ကျင်းချန်ကိုပြုံးဖြဲဖြဲလုပ်ပြလိုက်သည်။

မကြာမီ လူတိုင်းရှေ့မှောက်တွင်ပင် သူမသည် သူ့ကိုတောက်ပစွာပြုံးပြပြီး ပြောလိုက်သည်။

"ကျင်းချန်... ရှင် ဒီနေ့ အထပ် ၄၀ မှာ စီနီယာအစ်ကိုကြီးလဲ့ကျယ်နဲ့ရှိနေတယ်ဆိုတာ ကျွန်မ သိတယ်”

"ကျွန်မ ရှင့်ကို အခွင့်အရေးတစ်ခုပေးမယ်၊ အတိတ်က အကြွေးတွေကိုပြန်ဆပ်ဖို့အတွက် ကျွန်မရဲ့ပုံတူကူးတာကို ခံမလား?"

ပရိသတ်ခုံမှ ကျင်းချန် : "?"

"အဲ့ဒီလိုဆိုရင်တော့ ဒီတစ်ကြိမ် ရှင့်ကိုကူညီဖို့ ကျွန်မ သဘောတူလိုက်မယ်၊ တကယ်လို့ ဒီနေ့ ရှင့်ကို ပုံတူကူးခွင့်ရရင်၊ ရှင့်နာမည် ပြန်ကောင်းသွားအောင် လူတိုင်းကို ကျွန်မ ပြပေးမယ်”

စုကျို လုံးဝရှက်ရွံ့ခြင်းမရှိဘဲ သူ့ ခါးနေရာကို ညွှန်ပြကာ လှောင်ပြောင်သလိုလက်မထောင်ပြလိုက်သည်။

ကျင်းချန် : "???"

သူ ဒီလောက်အထိ ဒေါသထွက်ရခြင်းမျိုး တစ်ခါမှမကြုံဖူးပေ။

တစ်ခါမှ…

ပိုဆိုးသည်မှာ သူမ၏ လက်ဟန်အမူအရာကို သူ တကယ်နားလည်နေခြင်းပင်!

မယုံကြည်နိုင်စရာပဲ

အဓိပ္ပာယ်မရှိတာ

သူ ဒေါသအကြီးအကျယ်ထွက်နေပြီ!

"ဘယ်လိုလဲ?"

စုကျို ပြုံးလျက် သူ့ပတ်တီးဖြေထားသော ညာလက်ကိုဆန့်ထုတ်လိုက်ရာ၊ သူ့ကို လှမ်းထိတော့မည့်ပုံပေါက်နေသည်။

"ကျွန်မ သုံးအထိ ရေတွက်မယ်”

"သုံး”

"ရှင် သေသေချာချာ စဉ်းစားပြီးပြီလား?"