တာအိုရောင်းရင်းရေ မင်းရဲ့အခြေခံအုတ်မြစ်ကို ကော်ပီဖို့ ခဏလောက်ငှားပေးလို့ရမလား

ကမ္ဘာပျက်ကပ်အတွင်း သေဆုံးသွားခဲ့ပြီးနောက် စုကျို တစ်ယောက် ပြန်လည်နိုးထလာချိန်တွင် ကျင့်ကြံခြင်းဝတ္ထုတစ်ပုဒ် ထဲ အလွန်သနားစရာကောင်းသော "ပိုးစာပင်စိုက်သည့် မိန်းကလေး" အဖြစ်သို့ရောက်ရှိနေလေသည်။ သူမ၏မူလခန္ဓာကိုယ်ပိုင်ရှင်မှာ အချစ်ရူးမလေးဖြစ်ပြီး ရည်းစားဟောင်းခုနစ်ယောက်လုံးကို ထောက်ပံ့ရန်အတွက် မိမိသွေးကိုပင် ထုတ်ရောင်းခဲ့သူဖြစ်သည်။ ထို့ပြင် သူမ၏ အားကိုးရာမဲ့နေသော တိတိနှင့် မေ့မေ့တို့၏ ကျင့်ကြံခြင်းအရင်းအမြစ်များကိုပါ အဆိုပါ လူယုတ်မာများကလုယူသွားကြသဖြင့် နောင်တစ်ချိန်တွင် သူ့မောင်နှမများမှာ သေကြေပျက်စီးကြရမည့် ကံကြမ္မာဆိုးနှင့် ရင်ဆိုင်နေရသည်။ တစ်မိသားစုလုံးမှာ ဆင်းရဲမွဲတေမှုနှင့် စုကျို၏ အသိဉာဏ်ကင်းမဲ့သော အချစ်ရူးစိတ်ကြောင့် စိတ်ပျက်အားလျော့ကာ ဘဝပျက်လုနီးပါးဖြစ်နေကြရသည်။ စုကျို နိုးလာသည့်အချိန်တွင် အရာအားလုံး နောက်ကျသွားပြီဟုထင်မှတ်ခဲ့သော်လည်း၊ ကမ္ဘာပျက်ကပ်ထဲ၌ သူမတွေ့ရှိခဲ့သော "ပုံတူကူးစက်" မှာ သူနှင့်အတူပါလာခဲ့ကြောင်း သိလိုက်ရသည်။ [ဆန်စိမ်းတစ်ဆုပ်ကို မိတ္တူကူးယူပြီးပါပြီ!] [လူယုတ်မာရဲ့ အင်္ကျီလက်စကို မိတ္တူကူးယူပြီးပါပြီ!] [လူယုတ်မာရဲ့ အခြေခံအုတ်မြစ်ကို မိတ္တူကူးယူပြီးပါပြီ!] [လူယုတ်မာရဲ့ ညာဘက်ခြေထောက်ကို မိတ္တူကူးယူပြီးပါပြီ!] [Green River စာပေဝဘ်ဆိုက်မှ ဖော်ပြခွင့်ပိတ်ပင်ထားသော "လည်ပင်းအောက်ပိုင်း" အစိတ်အပိုင်းကို မိတ္တူကူးယူပြီးပါပြီ!] စုကျို: "???" တစ်လအကြာ... သူမ၏ပိန်ချောင်နေသော တိတိနှင့် မေ့မေ့တို့တွင် တိုက်ခိုက်ရေးလက်နက်များမရှိသည့်အခါ၊ စုကျို ကူးယူထားသော လူယုတ်မာများ၏ "သန်မာသော ညာဘက်ခြေထောက်" ကိုးခုကို ထုတ်ပေးလိုက်လေသည်။ စုကျို: "စိတ်မပူနဲ့၊ ဒါတွေကုန်သွားရင် နောက်ထပ်အများကြီး ထပ်ထုတ်ပေးလို့ရသေးတယ်" တိတိနှင့် မေ့မေ့: "???" လူယုတ်မာကောင်: "!!!" အလှအပအား အလွန်အမင်းစွဲလမ်းသဖြင့် လှပသောရန်သူကို မတိုက်ခိုက်ရက်ဘဲ သေလုမျောပါးအရိုက်ခံနေရသော ရှစ်ကျဲအတွက်၊ စုကျိုသည် လူယုတ်မာကောင်၏ "ရုပ်ဆိုးလှသော မျက်နှာ" မိတ္တူကိုးခုအား အေးအေးဆေး ဆေးထုတ်ယူလိုက်ပြီး ဗီလိန်မလေး၏မျက်နှာပေါ်သို့ကပ်ပေးလိုက်သည်။ စုကျို: "ကဲ... အခု ပြန်ချကြည့်တော့လေ" အလှအပအရူး ရှစ်ကျဲ: "!" လှပတဲ့ ဗီလိန်မလေး: "?" လူယုတ်မာကောင်: "???" မကြာမီအတွင်း စုကျိုသည် သူ့မိသားစုအတွက် လိုအပ်သော ဝိညာဉ်ရတနာများနှင့် ဆေးလုံးပြဿနာများကို ဖြေရှင်း ပေးနိုင်ခဲ့သည်။ သူမ၏ မောင်နှမများသာမက အိမ်တွင်မွေးထားသော ပိုးကောင်လေးများပင် ဝဖြိုးကျန်းမာလာပြီး မြင့်မားသော ကျင့်ကြံခြင်းအဆင့်များကိုပိုင်ဆိုင်လာကြသည်။ ရှစ်ရှုန်း၊ ရှစ်ကျဲနှင့် သူငယ်ချင်းများ၏ နာတာရှည် ရောဂါများကိုလည်း သူ ကုသပေးနိုင်ခဲ့သည်။ ထိုသည်မှာ အလွန်ဆန်းသစ်ပြီး ရူးသွပ်စရာကောင်းသောကျင့်ကြံခြင်းလမ်းစဉ်သစ်ပင်ဖြစ်တော့သည်။ ကျင့်ကြံခြင်း လောကတစ်ခုလုံးလည်း ထိတ်လန့်တုန်လှုပ်ကုန်ကြသည်။ #ထိတ်လန့်ဖွယ်ရာ! အမျိုးသမီးကျင့်ကြံသူတစ်ဦးသည် မိစ္ဆာအရှင်သခင်၏ကိုယ်ပွားကိုးခုကို အသုံးပြု၍ ဂိုဏ်းတစ်ခုလုံးအား ဖျက်ဆီးပစ်လိုက်ခြင်း# #အင်မော်တယ်အရှင်သခင်သည် မိမိ၏ကိုယ်ပွားကိုးခုထံမှ ဝိုင်းဝန်းရိုက်နှက်ခြင်းအား အဘယ်ကြောင့် ခံခဲ့ရသနည်း!# --- ချန်ယွမ်သည် မိစ္ဆာကျွန်အရောင်းအဝယ်ဌာနတွင် တန်ဖိုးအနည်းဆုံးနှင့် အညစ်ပတ်ဆုံးသော ကုန်ပစ္စည်းတစ်ခုဖြစ်သည်။ အသက် ၁၂ နှစ်အရွယ်တွင် နာမည်ဆိုးဖြင့်ကျော်ကြားသော နဂါးနှင့်ခွေး သွေးနှောမျိုးစိတ်ဖြစ်နေမှုကြောင့် ၎င်း၏ မိစ္ဆာအမြုတေအား ထုတ်ယူခြင်းခံရကာ ကျွန်အဖြစ်စေခိုင်းရန်အတွက် နှလုံးသားဖောက်ကာသော့ခတ်ခြင်းခံထားရသည်။ ၎င်းရုပ်ရည်မှာ မိစ္ဆာဆန်သလို စိတ်ဓာတ်မှာလည်းမာကျောလွန်းသဖြင့် သခင်အဆက်ဆက်၏ ရက်စက်စွာနှိပ်စက်ခြင်းကို ခံခဲ့ရကာ စွန့်ပစ်ခြင်းခံခဲ့ရသည်။ သို့သော် တစ်နေ့တွင် စုကျိုဟုအမည်ရသည့် အမျိုးသမီးတစ်ဦးမှ သူ့အားဈေးပေါပေါဖြင့် ဝယ်ယူသွားခဲ့သည်။ သူမသည် သူ့အား ရိုက်နှက်မည့်ကြာပွတ်အစား အထက်တန်းလွှာကျင့်ကြံသူများသာ သုံးဆောင်ရသောအဖိုးတန်ဝတ်ရည်များနှင့် ဆေးလုံးများကိုပေးအပ်ခဲ့သည်။ "နင် မစားချင်ရင်လည်း လွှင့်ပစ်လိုက်တော့၊ ငါ့အိမ်မှာ ဒါတွေထားဖို့နေရာမရှိတော့ဘူး" သူမ လိမ်ပြောနေခြင်းဖြစ်မည်ဟု ချန်ယွမ်ထင်ခဲ့သည်။ ဤကမ္ဘာတွင် သူ့အပေါ် စေတနာထားမည့်သူ ရှိလိမ့်မည်ဟု သူ တစ်ခါမှမယုံကြည်ခဲ့ဖူးပေ။ သို့သော် နောက်ပိုင်းတွင် သူမပြောခဲ့သည်မှာ လိမ်ညာခြင်းမဟုတ်ကြောင်း သူ သိလိုက်ရသည်။ သူမထံ မည်သည့်အရာ ကိုမဆို မိတ္တူကူးယူနိုင်သောစွမ်းရည်ရှိပြီး သူမ အိမ်တွင် ကမ္ဘာကျော်ပါရမီရှင် အင်မော်တယ်များ၏ရုပ်သေးရုပ် မိတ္တူများဖြင့် ပြည့်နှက်နေသည်ကိုတွေ့လိုက်ရသောကြောင့်ပင်။ နောက်ဆုံး တစ်နေ့တွင်... ထင်ရှားကျော်ကြားပြီး ချောမောလှပသောအင်မော်တယ်ကျင့်ကြံသူတစ်ဦး စုကျိုထံ ရောက်ရှိလာသောအခါ... ချန်ယွမ်၏သွေးဆူနေသော မျက်လုံးများမှာ နာကျင်မှုကြောင့်တုန်ယင်နေခဲ့သည်။ သူသည် ရှေးဟောင်းတားမြစ်ချက် ပညာရပ်တစ်ခုကိုအသုံးပြုကာ မိမိ၏နဂါးအမြီးကိုဖြတ်တောက်ပြီး ရှေးဟောင်းနတ်ဘုရားတစ်ပါး၏ ကျင့်ကြံခြင်း စွမ်းအားနှင့်လဲလှယ်လိုက်သည်။