အခန်း (၁၅၁၀-၁၅၁၂)

အခန်း(၁၅၁၀) တိုက်ပွဲ စတင်ခြင်း

ဤအရာကို တွေးမိသောအခါ နှစ်ဖက်စလုံးသည် တစ်ယောက်ကိုတစ်ယောက် ကြည့်လိုက်ကြပြီး အချင်းချင်း၏ ရည်ရွယ်ချက်ကို ချက်ချင်း နားလည်လိုက်ကြသည်။

“သူတို့ကို တားလိုက်”

၎င်းတို့ စကားပြောပြီးသည်နှင့် နှစ်ယောက်သား ချိုင့်ဝှမ်းအနက်ဆုံးရှိ အဆုံးမဲ့လျှပ်စီးကြောင်းဆီသို့ တိုက်ရိုက်ပျံသန်းသွားကြသည်။

“သေစမ်း”

နန်းဆောင်သခင်က ကြုံးဝါးလိုက်ပြီးနောက် သူ့ခြေထောက်အောက်တွင် အလင်းတန်းပျံတစ်ခုနှင့်အတူ ပျံသန်းဝင်ရောက်လာသည်။

"ငါ့ကိုကျော်သွားဖို့ မစဉ်းစားနဲ့!" ရွှေအမတေ ကျင်းကျန်းဟန် စစ်သည်တော်တစ်ဦးက ပေါ်လာပြီး နန်းဆောင်သခင်၏ လမ်းကြောင်းကို ပိတ်လိုက်သည်။

“မင်းငါ့ကို တားရဲလား။ လက်ဝဲဘုရင် လုပ်နိုင်လောက်တယ်။ သေလိုက်တော့!" နန်းဆောင်သခင်က အေးစက်စွာအော်ဟစ်ပြီး ကုတ်ခြစ်လိုက်သည်။ တိုက်ခိုက်မှုသည် အဆုံးမဲ့လျှပ်စီးကြောင်းအဖြစ်သို့ပြောင်းလဲသွားပြီး ဤစစ်သည်၏ရင်ဘတ်ကို ထိုးဖောက်ဝင်ရောက်ကာ သူ့နှလုံးသားကို ပေါက်ကွဲသွားစေခဲ့သည်။

ဤမြင်ကွင်းကို မြင်လိုက်ရသောလူတိုင်းက ပင့်သက်ရှိုက်လိုက်ကြသည်။ နန်းဆောင်သခင်၏ အသက် နုတ်ယူနိုင်စွမ်းက ကမ္ဘာပေါ်မှာ အကောင်းဆုံးဖြစ်ကြောင်း ၎င်းတို့ ကောင်းကောင်းသိကြသည်။ ကမ္ဘာပေါ်တွင်ရှိသော လျို့ဝှက်ချက် များစွာက ၎င်းတို့၏ မျက်လုံးများမှ မလွတ်မြောက်နိုင်ကြပေ။ သို့သော် သူ ဤမျှအစွမ်းထက်လိမ့်မည်ဟု မည်သူမျှ မမျှော်လင့်ထားကြပေ။ နောက်ဆုံးအဆင့် အမတေမဲ့အဆင့်ရှိသူတစ်ဦးသည် တစ်ချက်တည်းနှင့် သေဆုံးသွားခဲ့သည်။ ထို့ကြောင့် သူ မည်မျှ အစွမ်းထက်သည်ကို မြင်ယောင်ကြည့်၍ ရသည်။

နန်းဆောင်သခင်က လှုပ်ရှားမှု လုပ်လေ့မရှိသောကြောင့် လူအများစုက သူ မည်သို့သော သိုင်းပညာကျင့်ကြ့ခဲ့သည်ကိုမသိကြပေ။ သို့သော် သူ စတင်လှုပ်ရှားလိုက်သောအခါ သူကျင့်ကြံခဲ့သည်က မိုးကြိုးနှင့်ဆက်စပ်နေသည့် နတ်ဘုရားပညာဖြစ်ကြောင်း လူတိုင်းချက်ချင်းသိလိုက်ရသည်။ ဤခရမ်းရောငာ်မိုးကြိုးမက်မွန်သီးကို ရယူရန် အဘယ်ကြောင့် ဧရာမဂိုဏ်းကြီးနှစ်ခုကို ဆန့်ကျင်လုပ်ဆောင်ခဲ့သည်ကို နောက်ဆုံးတွင် အားလုံး သဘောပေါက်သွားကြသည်။

သူ၏ မိုးကြိုးကျင့်ကြံမှုနှင့်အတူ သူ့ခန္ဓာကိုယ်ကို ပြောင်းလဲကာ မိုးကြိုးစနစ်များကို ကျင့်ကြံရန် သင့်တော်စေရန် နောက်ထပ် မိုးကြိုးမက်မွန်သီးတစ်လုံးရှိပါက သူ၏ ကျင့်ကြံမှုက ချက်ချင်းဆိုသကဲ့သို့ပင် ခုန်ပျံကျော်လွှားတိုးတက်လာမည်ဟု တွေးနိုင်သည်။ နောက်ထပ် အောင်မြင်မှုတစ်ခုကို ရယူနိုင်ကာ ရွှေအမတေပုံစံအဆင့်သို့မဟုတ် အထွတ်အထိပ်သို့ပင် ရောက်နိုင်သည်။

ခရမ်းရောင်မိုးကြိုးဓားဂိုဏ်း၏ အတိတ်မှ ဂိုဏ်းခေါင်းဆောင်များ၏ အခြေအနေအရ ဤသည်မှာ မလွဲမသေဖြစ်လာမည့် ဖြစ်စဥ်တစ်ခုဖြစ်သည်။ နန်းဆောင်သခင်က ကမ္ဘာပေါ်တွင် နံပါတ်တစ်ဖြစ်လာနိုင်သည်။ ကျင်းကျန်းဟန်နှင့် မရဏကမ္ဘာဂိုဏ်းကို သူစော်ကားမိသည်မှာ အံ့သြဖွယ်တော့မဟုတ်ပေ။

အခြားသိုင်းပညာနှင့် နတ်ဘုရားစွမ်းအားများကို ကျင့်ကြံခဲ့သော သိုင်းပညာရှင်များအတွက် ခရမ်းရောင်မိုးကြိုးမက်မွန်သီးက ရှားပါးသည်ဟုသာ ယူဆနိုင်သည်။ သို့သော် မိုးကြိုးကို ကျင့်ကြံခဲ့သော သိုင်းပညာရှင်အတွက်မူ ၎င်းသည် နတ်ဘုရားပစ္စည်းတစ်ခုဖြစ်သည်မှာ သံသယဖြစ်ရန်မလိုပေ။

အဝေးတစ်နေရာတွင် ချူးယွင်ဖန်၏ မျက်လုံးများ တောက်ပလာသည်ကို မြင်လိုက်ရသောအခါ။ သူသည် ခရမ်းရောင် မိုးကြိုးမက်မွန်သီးအကြောင်းကို သဘာဝအတိုင်း သိသည်။ ဆေးဧကရာဇ်၏ အသိပညာသည် ကျယ်ပြန့်ပြီး ကမ္ဘာပေါ်တွင် သူမသိသောအရာ အလွန်နည်းပါးသည်။

ခရမ်းရောင် မိုးကြိုးတော်သီးက ရှေးဟောင်းယဥ်ကျေးမှုကာလတွင်ပင် မိုးကြိုးစနစ်များကိုကျင့်ကြံရန် ရှားပါးသော သန့်ရှင်းသည့် ရတနာတစ်ပါးဖြစ်သည်။ ယင်းက ဂိုဏ်းတစ်ခု၏ ရတနာဖြစ်နိုင်ရန် လုံလောက်သည်။ ကံမကောင်းစွာဖြင့် နန်းဆောင်သခင်၏ အဆိုအရ ဤခရမ်းရောင်မိုးကြိုးမက်မွန်သီးက ပျောက်ကွယ်သွားသည်မှာ ကြာခဲ့ပြီဖြစ်သည်။ မဟုတ်လျှင် အဖိုးမဖြတ်နိုင်ပေ။ ဘယ်အရာနှင့်မှ နှိုင်းယှဥ်၍ မရသည့်အရာဖြစ်သည်။

၎င်း၏တန်ဖိုးသည် ဗြဟ္မာသစ်ပင်ထက် အနည်းငယ်သာ နိမ့်ကျသည်။ ၎င်းကို အနည်းငယ် နိမ့်ကျသည်ဟု ဆိုရခြင်း၏ အကြောင်းရင်းမှာ ခရမ်းရောင် မိုးကြိုးမက်မွန်ပင်၏ အာနိသင်သည် ဗြဟ္မာသစ်ပင်ထက် နိမ့်ကျသောကြောင့် မဟုတ်ပေ။ အမှန်စင်စစ်၊ ခရမ်းရောင် မိုးကြိုးမက်မွန်ပင်၏ အာနိသင်သည် မိုးကြိုးကို ကျင့်ကြံသော ပညာရှင်များအတွက် ပို၍ပင် သိသာထင်ရှားသည်။ သို့သော် အခြားသိုင်းညာနှင့် နတ်ဘုရားစွမ်းအားများကို ကျင့်ကြံသော ပညာရှင်များအတွက်မူ အာနိသင်မှာ မကြီးမားလှပေ။ ၎င်းသည် ကျင့်ကြံသူအားလုံးအတွက် အသုံးဝင်သော ဗြဟ္မာသစ်ပင်ကဲ့သို့ မဟုတ်ပေ။ ဤတစ်ခုတည်းဖြင့် ဗြဟ္မာသစ်ပင်၏ တန်ဖိုးကို အဆပေါင်းများစွာ မြှောက်လိုက်သလိုပင်ဖြစ်သည်။

သို့သော် ခရမ်းရောင်မိုးကြိုးမက်မွန်သီးတစ်လုံးတည်းကပင် အံ့သြဖွယ်ကောင်းလောက်အောင် တန်ဖိုးရှိသည်။ ချူးယွင်ဖန်းအတွက် လှုပ်ရှားမှုလုပ်ရသည်မှာ တန်သည်။

နန်းဆောင်သခင်က ဤခရမ်းရောင်မိုးကြိုးမက်မွန်သီးကို လိုအပ်သော်လည်း ချူးယွင်ဖန်းက ပိုလိုအပ်သည်။ သူ၏ ခန္ဓာကိုယ် တိုးတက်စေရန် လိုအပ်ခြင်းမဟုတ်ပေ။ သူ၏ မိုးကြုးခန္ဓာကိုယ်က ဧကရာဇ်ကိုယ်ထည်နှင့်ပေါင်းစပ်ထားနှင့်ပြီးဖြစ်သောကြောင့် သူ့ခန္ဓာကိုယ်သည်လည်း ပထမတန်းစား မိုးကြိုးဓားခန္ဓာကိုယ်ဖြစ်နေပြီဖြစ်သည်။ ခရမ်းရောင်မိုးကြိုးမက်မွန်သီးက သူ့ကိုပြောင်းလဲရန် မလုံလောက်သော်လည်း သူ၏ ကျင့်ကြံမှုကို အမြောက်အမြားမြှင့်တင်ပေးနိုင်သည်။

သာမန်လူများသည် ခရမ်းရောင်မိုးကြိုးမက်မွန်သီးနှင့် မည်သို့မျှ လုပ်၍ မရသော်လည်း သူ့အတွက် ပိုမိုကောင်းမွန်သော အားဆေးတစ်ခွက်ဖြစ်သည်။ သူမရခဲ့လျှင်ပင် မရဏကမ္ဘာဂိုဏ်းချုပ် လက်ဝဲဘုရင်နှင့် နန်းဆောင်သခင်တို့ကို ရခွင့်မပေးနိုင်ပေ။

ချူးယွင်ဖန်သည် ဤလူများအပေါ် အငြိုးထားခဲ့သည်။

ချူးယွင်ဖန် တွန့်ဆုတ်နေစဉ်တွင် မြင်ကွင်းတစ်ခုလုံး ရှုပ်ထွေးသွားခဲ့သည်။ နန်းဆောင်သခင် ခေါ်ဆောင်လာသော ပညာရှင်များသည် မရဏကမ္ဘာဂိုဏ်းနှင့် ကျင်းကျန်းဟန်မှ ပညာရှင်များနှင့်

ထိပ်တိုက်တွေ့ခဲ့ကြသည်။

ဆန်းကြယ်နန်း‌ဆောင်က လုယက်ပစ္စည်းများ၏ ဝေစုကို လိုချင်ပြီး ကျင်းကျန်းဟန်နှင့် မရဏကမ္ဘာဂိုဏ်းက ၎င်းတို့ကို တားလိုကြသည်။ ခဏတာအတွင်း မြင်ကွင်းတစ်ခုလုံးသည် အလွန်ရှုပ်ထွေးသွားပြီး ကြီးမားသော တိုက်ပွဲတစ်ခု ဖြစ်ပွားခဲ့သည်။ ထိုလူများထဲတွင် လူနှစ်ယောက်သည် အတားအဆီးမှ လွတ်မြောက်နိုင်ခဲ့သည်။ သူတို့ထဲမှ တစ်ယောက်က ပိန်ပိန်ပါးပါး အသက်လတ်ပိုင်းလူတစ်ယောက်ဖြစ်သည်။ သူ့တွင် မကောင်းဆိုးဝါး အရှိန်အဝါများ ပြည့်နှက်နေကာ အလွန်ထူးဆန်းသည်။ သို့သော် သူသည် ဓားတစ်ချောင်းကို ကိုင်ဆောင်ကာ ရှေ့သို့ ပြေးဝင်သွားသည်။ မရဏကမ္ဘာဂိုဏ်း၏ ဝိုင်းရံမှုကို ခွဲထုတ်ပြီးနောက် လိုက်လံဖမ်းဆီးခဲ့သည်။

နဂါးခေါင်းနဲ့ ချိုင်းထောက်ကိုင်ထားသော အဘွားအိုတစ်ယောက်လည်း ရှိသည်။ သူမသည် ဆံပင်ဖြူများနှင့် အရေးအကြောင်းများပေါ်နေသော်လည်း အလွန်အစွမ်းထက်သည်။ နဂါးခေါင်းနှင့် ချိုင်းထောက်က အစွမ်းအထက်ဆုံး လက်နက်တစ်ခုကဲ့သို့ ခံစားရသည်။ တစ်ချက်တည်းနှင့် သူမသည် ကျင်းကျန်းဟန်၏ စစ်သူကြီးတစ်ဦးကို ရိုက်ချိုးကာ ချက်ချင်းသတ်လိုက်သည်။

ကျင်းကျန်းဟန်နှင့် မရဏကမ္ဘာဂိုဏ်းတို့သည် သေဒဏ်အမိန့်ကို လက်ခံရရှိခဲ့သော်လည်း

၎င်းတို့နှစ်ဦးကို မတားဆီးရဲကြပေ။ ၎င်းတို့တွင် လွှတ်ပေးရန်မှတပါး အခြား ရွေးချယ်စရာမရှိပေ။

သို့သော် သူတို့သည် အခြားသူများအပေါ်တွင် မယဥ်ကျေးနေလှပေ။ တိုက်ပွဲသည် ချက်ချင်းဖြစ်ပွားခဲ့သည်။

၎င်းတို့၏ ခံစစ်မျဉ်းကို ပြန်လည်တည်ဆောက်ပြီးသည်နှင့် ချူးယွင်ဖန်းသည် ရွှေရောင်အလင်းတန်းတစ်ခုအဖြစ်သို့ ပြောင်းလဲသွားပြီး ပျောက်ကွယ်သွားခဲ့သည်။

"မင်းက ဘယ်သူလဲ"

ရွှေရောင်အလင်းတန်းတစ်ခု သူ့အနားကနေ ဖြတ်သွားသည်ကို ခံစားလိုက်ရသောအခါ ကျင်းကျန်းဟန်၏ စစ်သားတစ်ဦးက‌အော်လိုက်သည်။

ထို့နောက် နောက်တစ်ခဏအတွင်း၌ပင် သူ့ခေါင်းက ပြတ်ထွက်သွားကာလွင့်စင်သွားသည်။

အမြန်နှုန်းက အလွန်မြန်လွန်းလှသဖြင့် မည်သူမျှ သတိမထားမိလိုက်ခင်တွင် ပြီးဆုံးသွားသည်။ အဘွားအိုက အလွန်သန်မာကာ စွမ်းအားကြီးးသည်ဟု ဆိုရပါက ဤရွှေရောင်အလင်းတန်းက သိုင်းပညာ၏ အမြင့်မြတ်ဆုံးအချက်ကို ကိုယ်စားပြုသည်။ မည်သည့်အရာများဖြစ်ပျက်ခဲ့သည်ကို ၎င်းတို့ မမြင်ခင်၌ပင် ပြီးဆုံးသွားပြီဖြစ်သည်။

ချူးယွင်ဖန်းကို ၎င်းတို့က မည်သို့ တားနိုင်မည်နည်း။

"ဘယ်သူလဲ" ဟု တစ်စုံတစ်ယောက်က အံ့အားသင့်စွာ အော်လိုက်သည်။ သူတို့ကြားတွင် ချူးယွင်ဖန်း ပုန်းနေသည်ကို သတိမထားမိလိုက်ကြပေ။ ချူးယွင်ဖန်းက ရုတ်တရက် တိုက်ခိုက်လိုက်သောအခါမှသာ သူတို့ တုံ့ပြန်လိုက်ကြသည်။

ချူးယွင်ဖန်းသည် ပိတ်ဆို့ထားသောမျဉ်းကို ဖြတ်ကျော်ပြီးနောက် လူအုပ်နောက်သို့ လိုက်သွားခဲ့သည်။ သို့သော် အချိန်မကျသေးကြောင်း သိသောကြောင့် သူ အလွန်နီးကပ်စွာ မလိုက်ခဲ့ပေ။ သူမကြောက်သော်လည်း သူ့ရှေ့က လူငါးဦးကိုကိုင်တွယ်ရမည်မှာမလွယ်ကူပေ။

မည်သူကမျှ ရိုးရှင်းသော လူများမဟုတ်ကြပေ။

၎င်းတို့ငါးယောက်ပေါင်းတိုက်ပါက သူပင်လျှင် ခေါင်းကိုက်ရပေမည်။

အခန်း(၁၅၁၁) အစွမ်းကုန်တိုက်ပွဲ

ချူးယွင်ဖန်း၏ အစွမ်းနှင့် ပြောရန် မခက်ပေ။

လက်ဝဲဘုရင်ဖြစ်စေ မရဏကမ္ဘာဂိုဏ်းချုပ်ဖြစ်စေ ဆန်းကြယ်နန်းဆောင်သခင်ဖြစ်စေ

၎င်းတို့သည် ကမ္ဘာ့ထိပ်တန်း ပညာရှင်များဖြစ်ကြသည်။ ၎င်းတို့အားလုံးသည် ရွှေအမတေ အလယ်အလတ်အဆင့်၌ ရှိကြသည်။ အခြားအသက်လတ်ပိုင်း အမျိုးသားများနှင့် အဘွားအိုသည် အနည်းငယ်အားနည်းနေသော်လည်း လက်ယာဘုရင်ထက် များစွာ ပိုမိုသန်မာသည်။ ၎င်းတို့သည် ရွှေအမတေပုံစံအဆင့် အဦးပိုင်းအဆင့်များ၌ ရှိနေကြသည်။

ရွှေအမတေပုံစံအဆင့်သို့ရောက်သွားနိုင်ပါက နိုင်ငံတော်၏ စောင့်ရှောက်သူတစ်ဦးဖြစ်လာလိမ့်မည်။ ချူးယွင်ဖန်းက ၎င်းတို့ထဲမှ မည်သူ့ကိုမျှ မကြောက်သော်လည်း ၎င်းတို့ ငါးဦး ပူးပေါင်းလုပ်ဆောင်ခြင်းက အလွန်ခက်ခဲသော ကိစ္စဖြစ်သည်။ ထို့ကြောင့် သူ၏ အငွေ့အသက်ကို အခြားသူများမသိစေရန် ဖုံးကွယ်ထားခဲ့သည်။ အထူးသဖြင့် မိုးကြိုးများ ပစ်လွှတ်နေသည့် ဤပတ်ဝန်းကျင်တွင်ပင်ဖြစ်သည်။

သူ့အတွက် အထူးပြင်ဆင်ထားသည့် ပတ်ဝန်းကျင်တစ်ခုဖြစ်ကာ သူ့ကို ရေထဲမှ ငါးတစ်ကောင်ဖြစ်ခွင့်ပေးနေခြင်းလည်းဖြစ်သည်။ သူ့တွင် မိုးကြိုးခန္ဓာကိုယ်ရှိသောကြောင့် ထိခိုက်ဒဏ်ရာရမည်ကို စိုးရိမ်ရန် မလိုအပ်ဘဲ မိုးကြိုးစွမ်းအင်ကို ရယူနိုင်သည်။ သို့သော် ကျန်သော ငါးယောက်ကမူ ချူးယွင်ဖန်းကဲ့သို့ မဟုတ်ဘဲ ၎င်းတို့အတွက် မိုးကြိုးစွမ်းအင်က အလွန် အန္တရာယ်များသည်။

ရုတ်တရက် မိုးကြိုးတစ်ချက်ပစ်ခံလိုက်ရခြင်းက ၎င်းတို့အတွက် အလွန် အန္တရာယ်များခြင်းမျိုးမဟုတ်သော်လည်း ထောင်ပေါင်းများစွာသော လျှပ်စီးကြောင်းများသည် ၎င်းတို့အတွက် အသက်အန္တရာယ်ရှိစေသည်။ ထိုအကြောင်းကြောင့် ၎င်းတို့အားလုံးက ကိုယ့်ကိုယ်ကိုယ် ကာကွယ်ရန် ၎င်းတို့၏ စွမ်းအင်အကာအကွယ်များကို အသက်သွင်းခဲ့ကြသည်။ သို့သော် ၎င်းတို့က အလွန်န သတိကြီးကြီးထားနေရဦးမည်ဖြစ်သည်။ သတိတစ်ချက်လွတ်သွားရုံနှင့် ၎င်းတို့၏ ခုခံအားများ ပျက်ဆီးကာ သေဆုံးသွားနိုင်သည်။

ထို့အပြင် ချိုင့်ဝှမ်း၏ အနက်ဆုံးသို့ ၎င်းတို့ နီးကပ်လာလေလေ မိုးကြိုးစွမ်းအင်က

ပိုမိုသိပ်သည်းလာလေလေဖြစ်ပြီး ၎င်းသည် ပိုမိုအန္တရာယ်များလာလေလေဖြစ်သည်။

ချူးယွင်ဖန်က ၎င်းတို့နောက်၌ ကြွားဝါစွာ ရပ်နေခဲ့သည်။ သူသည် ပတ်ဝန်းကျင်ကို လေ့လာရန် စိတ်ဆန္ဒရှိနေသေးသည်။ ဤချိုင့်ဝှမ်းမျိုးသည် ကမ္ဘာပေါ်တွင် အထူးအမည်တစ်ခုရှိသည် - မိုးကြိုးချိုင့်ဝှမ်း။ ၎င်းကို မည်သို့ဖွဲ့စည်းခဲ့သည်ကို မည်သူမျှ မသိသော်လည်း ကမ္ဘာပေါ်ရှိ မရေမတွက်နိုင်သော မိုးကြိုးစွမ်းအင်များကို စုဆောင်းပြီး မရေမတွက်နိုင်သော မိုးကြိုးစွမ်းအားများ ပျံ့နှံ့နေသော မြင်ကွင်းတစ်ခုကို ဖန်တီးပေးသည့် အထူးနေရာအချို့ ရှိသည်။

ချူးယွင်ဖန်းက ဤအဆင့်နှင့် ထိတွေ့နိုင်ခြင်း မရှိသော်လည်း ဆေးဧကရာဇ်၏ မှတ်ဉာဏ်အရ ၎င်းသည် အချို့နေရာများတွင် မိုးကြိုးများ အလွန်သိပ်သည်းသောကြောင့် ဖြစ်ပေါ်လာကြောင်း သူသိသည်။ အလားတူပင် မီးလျှံများ၊ မုန်တိုင်းများ စသည်တို့လည်း ရှိသည်။

ချူးယွင်ဖန်းက အံ့သြတကြီးဖြင့် စုတ်တစ်ချက်သတ်လိုက်သည်။ မည်သို့ပင်ဖြစ်စေကာမူ ဤဖြစ်စဥ်များကို နားလည်နိုင်သည့် အဆင့်ထိ မရောက်သေးပေ။ ဤမိုးကြိုးချိုင့်ဝှမ်းတွင် သူသည် ချိုင့်ဝှမ်း၏ အနက်ရှိုင်းဆုံးနေရာ၌ ယဇ်ပလ္လင်တစ်ခုရှိနေသည်ကို သတိပြုမိခဲ့သည်။ ယဇ်ပုလ္လင်ပေါ်တွင် လက်သီးဆုပ်အရွယ် မက်မွန်သီးတစ်လုံးရှိသည်။ သာမန်မက်မွန်သီးများနှင့် နှိုင်းယှဥ်ပါက ဤမက်မွန်သီးသည် ခရမ်းပြာရောင်ရှိသည်။ မက်မွန်သီးနှင့်ပင်မတူဘဲ အနုပညာတစ်ခုဖြစ်၏။

“တကယ်ကို ခရမ်းရောင်မိုးကြိုးမက်မွန်သီးပဲ” ချူးယွင်ဖန်းက အံ့သြတကြီးဖြင့် စုတ်တစ်ချက် သတ်လိုက်မိသည်။

ကောင်းကင်နှင့်မြေကြီးကြားရှိ မိုးကြိုးစွမ်းအင်ကို အဆက်မပြတ် စုပ်ယူခြင်းဖြင့် ထိုသို့သော ပတ်ဝန်းကျင်တစ်ခုသာ ခရမ်းရောင်မိုးကြိုးမက်မွန်သီးကို ယခုအချိန်ထိ ထိန်းသိမ်းထားနိုင်မည်ဖြစ်သည်။

ခရမ်းရောင်မိုးကြိုးမက်မွန်ပင်တစ်ပင်ကို ဤနေရာတွင်စိုက်သင့်ကြောင်း သူသိသည်။ သာမန်ပတ်ဝန်းကျင်တွင် ဤသစ်ပင်က ဘယ်သောအခါမှ ရှင်သန်နိုင်မည်မဟုတ်ပေ။ မိုးကြိုးချိုင့်ဝှမ်း၌သာ ရှင်သန်နိုင်သည်။

“ ဓားနတ်ဆိုးနဲ့ နဂါးဘွားဘွားလည်း ဒီမှာပဲ” မရဏကမ္ဘာဂိုဏ်းချုပ်က သူ့နောက်သို့ ကြည့်ကာ အလွန် ပြဿနာများသည်ဟု ခံစားလိုက်ရသည်။

နန်းဆောင်သခင် တစ်ဦးတည်းကပင် ပြဿနာ များနေပြီဖြစ်ကာ တစ်ချိန်က ကမ္ဘာကြီးကို လှုပ်ခါစေခဲ့သော ထိပ်တန်းပညာရှင်နှစ်ဦးဖြစ်သည့် ဓားနတ်ဆိုးနှင့် နဂါးဘွားဘွားတို့ကို ထည့်ပြောရန်ပင် မလိုပေ။ မကြာသေးမီ နှစ်များအတွင်း သီးသန့်ကျင့်ကြံခြင်းမှ ပြန်မထွက်လာသေးးသောကြောင့် ၎င်းတို့အကြောင်း လူအများစုက မသိကြသေးသော်လည်း အသက်အနည်းငယ်ကြီးသူများအားလုံးက သိကြသည်။

၎င်းတို့၏ အစွမ်းက ထိုသူများထက် အနည်းငယ်သာ အင်အားနည်းသော်လည်း ပုံမှန်အခြေအနေတွင်ဖြစ်ပါက အရေးမကြီးပေ။ သို့သော် နန်းဆောင်သခင်နှင့်ပေါင်းမည်ဆိုပါက သူနှင့် လက်ဝဲဘုရင်အတွက် ကြီးမားသော ခြိမ်းခြောက်မှုတစ်ခု ဖြစ်လာနိုင်သည်။

“ချီးတဲ့မှ” ဂိုဏ်းချုပ်က မှုန်ကုပ်စွာပြောသည်။

ဤအရာများအားလုံးကို နန်းဆောင်သခင်က ဖော်ထုတ်ခဲ့ခြင်းဖြစ်သည်။ သူသည် ပါးစပ်ကြီးကြီးနှင့် အရာအားလုံးကို မပြောပြခဲ့ပါက ကမ္ဘာတစ်ဝှမ်းမှ လူများ ဤမျှ များများလာမည်မဟုတ်ပေ။ ၎င်းတို့က ဤမျှ ခက်ခဲသည့် အခြေအနေများကို ကြုံတွေ့ခဲ့ရမည်မဟုတ်ပေ။

“ဒါဆို ဒီလူအိုသုံးယောက်ကို အရင်သတ်လိုက်ရအောင်” လက်ဝဲဘုရင်က ဘေးမှ ရပ်ကာ ပြောလိုက်သည်။

"မဟုတ်ရင် အချိန်တန်ရင် ဒုက္ခရောက်လိမ့်မယ်"

ဂိုဏ်းချုပ်က ခေါင်းညိတ်ပြီး အရင်တိုက်ခိုက်ရန် စတင်လိုက်သည်။ မည်သို့ပင်ဖြစ်စေကာမူ ၎င်းတို့ထဲမှ ငါးယောက်သာ ယှဥ်ပြိုင်ရန် အရည်အချင်း ပြည့်မှီသည်။ ထိုသို့ဆိုပါက ၎င်းတို့က အရင်တိုက်ခိုက်သင့်သည်။

နန်းဆောင်သခင်က ၎င်းတို့၏ အစီအစဥ်များကို ချက်ချင်း နားလည်သွားသည်။

“ဓားနတ်ဆိုး နဂါးဘွားဘွား ငါတို့ ပူးပေါင်းရမယ်။ မဟုတ်ရင် ငါတို့ကို အပီသတ်လိမ့်မယ်”

ဓားနတ်ဆိုးနှင့် နဂါးဘွားးဘွားတို့က ၎င်းတို့ကို အမှီလိုက်ကာ နန်းဆောင်သခင်၏ တစ်ဖက်တစ်ချက်စီတွင် ရပ်နေကြသည်။ ၎င်းတို့သည် သူနှင့် ပူးပေါင်းရန် စီစဥ်နေသည်မှာ ထင်ရှားသည်။

“အဲ့လိုဆို စကားတွေ ပြောနေစရာမလိုတော့ဘူး။ ငါတို့လက်ထဲမှာ အမှန်တရားကို ကြည့်ကြရအောင်”

ချက်ချင်းပင် ကြီးမားသော တိုက်ပွဲတစ်ခု ဖြစ်ပေါ်လာသည်။ ရွှေအမတေပုံစံအဆင့် ငါးယောက် တစ်ပြိုင်နက်တည်း ပေါက်ကွဲထွက်လာခဲ့သည်။ ချိုင့်ဝှမ်းတစ်ခုလုံဂကို အပိုင်းပိုင်းကါဲသွားစေနိုင်သော ကြောက်မက်ဖွယ် တိုက်ခိုက်မှုတစ်ခုဖြစ်သည်။ ကြာရှည်သော အားဖြည့်မှုအပြီးမှသာ ဤသို့သော တိုက်ခိုက်မှုမျိုးကို ခံနိုင်ရည်ရှိခဲ့သည်။

ဂိုဏ်းချုပ်နှင့် လက်ဝဲဘုရင်တို့ ပူးပေါင်းခဲ့ကြသည်။ လူအင်အားနည်းပါးသော်လည်း ၎င်းတို့သည် ပိုမိုအားကောင်းလာသည်။ ခဏတာမျှ အပြင်ဘက်တိုက်ပွဲကဲ့သို့ပင် ၎င်းတို့သည် ရှေ့မတိုးနောက်မဆုတ် အခြေအနေတွင် ရှိနေကြသည်။ သို့သော် ၎င်းတို့မသိသည်မှာ သေသည်အထိ တိုက်ခိုက်နေစဥ်တွင် ချူးယွင်ဖန်းက တောင်မြစ်ပန်းချီကာားထဲသို့ ဝင်ရောက်သွားခဲ့ကာ နောက်ပြန်ထိုင်လျက် အံ့အားသင့်ဖွယ် အစီအစဥ်ကို ကြည့်နေချင်ခဲ့ခြင်းဖြစ်သည်။

ထိုအကြောင်းကို ၎င်းတို့သိပါက ဒုက္ခရောက်နေလောက်ပြီဖြစ်သည်။

တိုက်ပွဲက ပြင်းထန်သော အဆင့်သို့ရောက်နေပြီဖြစ်သည်။ လူတိုင်း ဒေါသထွက်နေကြသည်။ ယခင်က နည်းလမ်းအမျိုးမျိုးကို တားဆီးခဲ့သော်လည်း ယခု ပေါက်ကွဲထွက်သွားသည်။ သို့သော် နှစ်ဖက်စလုံးက နောက်တစ်လှမ်းလှမ်းတော့မည့်အချိန်၌ ကောင်းကင်၏ အနက်ရှိုင်းဆုံးနေရာမှ ဒေါသတကြီး ဟိန်းဟောက်သံတစ်ခု ထွက်ပေါ်လာသည်။ ထို့နောက် ချက်ချင်းပင် နက်ပြာရောင်ဝတ်စုံဝတ်ထားသည့် ပုံရိပ်တစ်ခု ဝင်လာသည်။ တောင်ငယ်တစ်လုံးကဲ့သို့ ကြီးမားသော ခန္ဓာကိုယ်က လူုတိင်းကို ဖိအားတစ်ခုပေးလိုက်သည်။

လူတိုင်းက တိုက်ခိုက်မှုကိုရပ်လိုက်ကာ လှည့်ကြည့်လိုက်ကြသည်။ မိုးကြိုးတောင်ကြား၏ အနက်ရှိုင်းဆုံးနေရာတွင် အပြင်ဘက်မှ လူတိုင်းကို စိုက်ကြည့်နေသည့် မိုးကြိုးများကြောင့် ဖြစ်ပေါ်လာသော ဧရာမသားရဲကြီးတစ်ကောင် ရှိနေသည်။

"အိုး၊ ဒါက စစ်မှန်တဲ့ မိုးကြိုးကနေ ဖွဲ့စည်းထားတဲ့ ရက်စက်ကြမ်းကြုတ်တဲ့ သားရဲပဲ။ ဒီမှာ ဒီလောက်ကောင်းတဲ့ အရာကို မြင်ရတာ မယုံနိုင်ဘူး!" ချူးယွင်ဖန်က မယုံနိုင်စွာ ပြောလိုက်သည်။

ဆေးဖက်ဝင်အပင်ဘုရင်ကဲ့သို့ အပင်ဝိညာဉ်ထက် သန့်စင်သော သဘာဝဒြပ်စင်များနှင့် သက်ရှိသတ္တဝါတစ်ကောင်ကို ဖန်တီးရန်မှာ အဆတစ်ရာပိုမိုခက်ခဲသည်။ ဤအရာမျိုးက ပုံမှန်ပတ်ဝန်းကျင်တွင် ဖွံ့ဖြိုးလာရန် မဖြစ်နိုင်ပေ။ အစွန်းရောက်ပတ်ဝန်းကျင်များ၌သာ ဖြစ်နိုင်သည်။ ချူးယွင်ဖန်း အနီးကပ်ကြည့်လိုက်သောအခါ ဤရက်စက်ကြမ်းကြုတ်သော သားရဲက မိုးကြိုးစွမ်းအင်များနှင့်ဖွဲ့စည်းထားသည်ကိုမြင်လိုက်ရသည်။ ယင်းက အလွန်သန့်စင်ကာ ကြည်လင်သော အပြာရောင်ဖြစ်သည်။ သူ့ခန္ဓာကိုယ်တွင် မိုးကြိုးများ တလက်လက်တောက်ပနေသည့် မရေမတွက်နိုင်အောင် များပြားလှသော အကြေးခွံများနှင့် ဖုံးအုပ်ထားကာ မျက်လုံးများသည်လည်း ပြင်းထန်သော အလင်းရောင်များနှင့် လက်လက်တောက်ပနေသည်။

အပြင်တွင် လူ ဤမျှ များပြားကာ ၎င်းတို့၏ အရှိန်အဝါများသည်လည်း ကြောက်စရာကောင်းလွန်သောကြောင့်မဟုတ်ပါက ထိုသတ္တဝါများက အပြေးအလွှားထွက်လာကာ အစုလိုက်အပြုံလိုက် သတ်ဖြတ်မှုကို စတင်ခဲ့မည်ဖြစ်သည်။

အခန်း(၁၅၁၂) ခရမ်းရောင်မိုးကြိုးမက်မွန်သီးကို ရရှိခြင်း

ဤရက်စက်ကြမ်းကြုတ်သော မိုးကြိုးသားရဲ၏ ခွန်အားသည် အခြားသူများအားလုံးထက်သာလွန်ကာ ကျင်းကျန်းဟန်၏ သာ့ခန်းထက် မနိမ့်ကျပေ။ ရွှေအမတေပုံစံအဆင့်နှောင်းပိုင်းတွင် ရှိနိုင်သည်။ ဤသို့သော ဒြပ်စင်သားရဲမျိုးသည် ရိုးရှင်းသော်လည်း အန္တရာယ်များသည်။ ၎င်းတို့၏ နတ်စွမ်းအင်များကို ကိုင်တွယ်ဖြေရှင်းရန် မကြာခဏ ခက်ခဲသည်။

ဤမိုးကြိုးသားရဲက အလွန်ကြောက်မက်ဖွယ် အရှိန်အဝါတစ်ခုကို ထုတ်လွှတ်လိုက်ကာ မီးအိမ်ကဲ့သို့ ကြီးမားသော မျက်လုံးကြီးများက လူတိုင်းကို စိုက်ကြည့်နေသည်။ စဥ်းစားရန် မလိုအပ်လှပေ။ လူတိုင်းက ဤမိုးကြိုးသားရဲကို ကိုင်တွယ်ရန် ချက်ချင်းပင် သဘောတူညီချက်ရသွားကြသည်။ မဟုတ်ပါက ဤသားရဲက ၎င်းတို့ကို အခွင့်ကောင်းယူသွားလိမ့်မည်။

ကျွမ်းကျင်သူငါးယောက်က ချက်ချင်းရပ်တန့်သွားကြသည်။ ၎င်းတို့က မစောင့်ဘဲ ဤမိုးကြိုးသားရဲထံ တစ်ဟုန်ထိုးဝင်ရောက်တိုက်ခိုက်ကြသည်။ ဤလူများ၏ ခွန်အားသည် မိုးကြိုးသားရဲထက် များစွာအားနည်းသော်လည်း အရေအတွက်အားဖြင့် အားသာချက်ရှိသည်။ ၎င်းတို့ကို ကမ္ဘာတစ်ဝှမ်းလုံးတွင် ထိပ်တန်းပညာရှင်များဟု ဆိုနိုင်သည်။

၎င်းတို့သိသော သိုင်းပညာနှင့် နတ်ဘုရားစွမ်းအားများသည် ထိပ်တန်းအဆင့်တွင်ရှိကြသည်။ ဤမိုးကြိုးသားရဲက အစွမ်းထက်သော်လည်း ခဏတာမျှ ပြန်အနိုင်ယူခံရကာ အသာစီးမရနိုင်ကြောင်း သံသယဖြစ်ရန်ပင် မလိုပေ။

အထူးသဖြင့် ဤသို့အရေးကြီးသော အခြေအနေမျိုးတွင် အားလုံးပူးပေါင်းလုပ်ဆောင်နိုင်ခဲ့သည့် အစွမ်းက အံ့မခန်းပင်ဖြစ်သည်။ နောက်ဆုံးအဆင့်တွင် မည်သူမျှ ကျရှုံးချင်ကြသည်မဟုတ်ပေ။ ထို့ကြောင့် ၎င်းတို့အားလုံးက ၎င်းတို့၏ အောင်ပွဲခံဝှက်ဖဲများကို ထုတ်လိုက်ကြသည်။

ခဏတာအတွင်း မိုးကြိုးတောင်ကြား၏ အနက်ဆုံးအပိုင်းတစ်ခုလုံး ပြိုလဲသွားခဲ့သည်။ ဤရွှေအမတေပုံစံအဆင့်များသည် ၎င်းတို့၏ အစွမ်းကုန်သော ခွန်အားနှင့်တိုက်ခိုက်ခဲ့ကြသည်။ ၎င်းတို့၏ အစွမ်းသတ္တိက သာမန်လူများ စိတ်ကူး၍ပင် မရနိုင်ပေ။

ချူးယွင်ဖန်းသည် မိုးကြိုးတောင်ကြား၏ အနက်ရှိုင်းဆုံးနေရာ စစ်မြေပြင်သို့ လိုက်လံ ရှာဖွေခဲ့သည်။ ကျွမ်းကျင်သူ ခြောက်ဦးကြားတိုက်ပွဲတွင် မည်သူမျှ အခြားတစ်ဦးရှိနေသည်ကို သတိမထားမိကြပေ။ ချူးယွင်ဖန်း၏ ကိုယ့်ရောင်ဝါကိုယ်ဖုံးကွယ်ထားသည့် နည်းလမ်းက အလွန်အားကောင်းသည်။ ထို့အပြင် မရေမတွက်နိုင်အောင် များပြားလှသော မိုးကြိုးများကြား၌ ဤနေရာသည် သူ၏ရောင်ဝါကို ဖုံးကွယ်ရန် ကူညီပေးသည့် သူ၏ ဇာတိမြေဖြစ်လာသည်။

၎င်းတို့ ပိုဝင်သွားလေလေ ချူးယွင်ဖန်းက ခရမ်းရောင်မိုးကြိုး မက်မွန်သီးနှင့် ပိုနီးလာလေလေဖြစ်သည်။ ရုတ်တရက် ပြန်ရိုက်နှက်ခံနေရသည့် ရက်စက်ကြမ်းကြုတ်သော သားရဲက တစ်ခုခုကို သတိထားမိသွားပုံဖြင့် ချူးယွင်ဖန်း၏ ရက်စက်သော မျက်လုံးများနှင့်ကြည့်လိုက်သည်။

ဤအရေးကြီးသောအချိန်တွင် ချူးယွင်ဖန်း ရှိနေခြင်းကို ၎င်းက ခံစားမိလိုက်သည်။

"အား”

မိုးကြိုးသားရဲသည် အခြားသူများကို ထားခဲ့ပြီး ချူးယွင်ဖန်း၏ ဦးတည်ရာသို့ ဦးတည်သွားသည်။

ထိုအချိန်၌ပင် အခြားသူများကလည်း တစ်ယောက်ယောက် ထိုနေရာ၌ ရှိနေသည်ကို သဘောပေါက်သွားကြကာ ချက်ချင်းပင် ဒေါသထွက်သွားကြသည်။ ထိုအချိန်၌ အခြားသူများသည်လည်း တစ်ယောက်ယောက် ထိုနေရာတွင်ရှိနေသည်ကို သဘောပေါက်သွားကြသည်။ တစ်ယောက်ယောက်က ၎င်းတို့၏ တိုက်ပွဲကို အခွင့်ကောင်းယူကာမက်မွန်သီးကို ခူးရန် ကြိုးစားရဲသည်။

ရုတ်တရက် လူသားငါးယောက်နှင့် သဘာဝသားရဲတစ်ကောင်သည် ချူးယွင်ဖန်းထံ ပျံသန်းလာသည်။ ထိုကျွမ်းကျင်သူများကို သူသတိပြုမိသောအခါ သူက လှောင်ရယ်လိုက်သည်။

"မင်းငါ့ကို သတိထားမိတယ်၊ ဒါပေမယ့် နောက်ကျသွားပြီ”

သူ နောက်ထပ်ပုန်းနေရန် စိတ်မကူးတော့ပေ။ လက်တစ်ဖက်ကို ဆန့်ထုတ်ကာ ခရမ်းရောင် မိုးကြိုးမက်မွန်သီးကို ဆွဲယူလိုက်သည်။

ဘမ်း

ခရမ်းရောင်မိုးကြိုး သစ်တော်သီး၏ ပတ်လည်တွင် ခရမ်းရောင်မှော်စွမ်းအင်တစ်ခု ပေါ်လာသော်လည်း ချူးယွင်ဖန်းက ၎င်းတို့ ချိုးဖျက်ခဲ့သည်။ ဤမှော်ပညာသည် ခရမ်းရောင်မိုးကြိုး မက်မွန်သီး၏ အနှစ်သာရကို အချိန်ကြာလာသည်နှင့်အမျှ မဆုံးရှုံးစေရန်သာ ဖြစ်သည်။ ၎င်းတွင် အချိန်ကို ရပ်တန့်စေနိုင်သည့် လုပ်ဆောင်ချက်ရှိသော်လည်း ကာကွယ်မှုအရ အလွန် အစွမ်းထက်ခြင်းမရှိပေ။ အဆုံးစွန်အားဖြင့် ဤသည်မှာ ဘဏ္ဍာတိုက်၏ အနက်ရှိုင်းဆုံးနေရာဖြစ်သည်။ ပုံမှန်အခြေအနေများတွင် မည်သည့်ရန်သူမျှ ဤနေရာသို့ မရောက်နိုင်ပေ။

ချူးယွင်ဖန်းသည် မက်မွန်သီးကို ဆွဲကိုင်လိုက်သည်။ သူ့နောက်မှ မိုးကြိုးသားရဲက အပြေးအလွှားတက်လာကာ ချူးယွင်ဖန်းကို ဆွဲကိုင်လိုက်သည်။ သားရဲသည် မြန်ဆန်သည်။ မိုးကြိုးစွမ်းအင်ဖြင့် ဖွဲ့စည်းထားသော သားရဲဖြစ်သောကြောင့် ၎င်း၏အမြန်နှုန်းသည် ပို၍ပင် ထိတ်လန့်ဖွယ်ကောင်းသည်။ ချူးယွင်ဖန်းကို ထိတော့မည့်အချိန်တွင် သူ့ပတ်ဝန်းကျင်ရှိ နေရာလွတ်သည် ပြင်းထန်စွာ တုန်ခါသွားပြီး သူ သဲလွန်စမရှိဘဲ ပျောက်ကွယ်သွားသည်။

ဘမ်း

ချူးယွင်ဖန်း ရပ်နေသော နေရာကို ကြီးမားသော ခြေသည်းက အပိုင်းပိုင်း စုတ်ဖြဲပစ်လိုက်သော်လည်း မည်သူ့ကိုမျှ မဖမ်းမိခဲ့ပေ။

"အားးးးး!"

သားရဲက သူ၏ အရေးကြီးဆုံးအရာတစ်ခု ခိုးယူခံလိုက်ရသကဲ့သို့ ဒေါသတကြီး ကြုံးဝါးလိုက်သည်။

"ဒါ ဘယ်သူလဲ?!" နောက်မှ လိုက်လာသော ကျွမ်းကျင်သူ ငါးဦးက ဒေါသထွက်နေကြသည်။

“ကျန်းဝူချန်ပဲ”

နန်းဆောင်သခင်က ဤလူကို ချက်ချင်းမှတ်မိသွားသည်။ နန်းဆောင်သခင်ပင် ခေါင်းငုံ့လိုက်ရသည်အထိ ကြီးမားသော ရုန်းရင်းဆန်ခတ်မှုဖြစ်စေခဲ့သည့် ကျန်းဝူချန်မှတပါး မည်သူဖြစ်နိုင်မည်နည်း။ ခဏတာလေးမျှသာဖြစ်သော်လည်း သူမြင်လိုက်ရသည်ကိုသာ သူသေချာသိသည်။

"လုပ်စမ်း! ငါတို့ရဲ့ မက်မွန်သီးကို ယူရဲတယ်!" ဂိုဏ်းချုပ်က ဒေါသထွက်သွားသည်။

"မင်းသူ့ကိုရှာရမယ်။ သူဒီအတိုင်းပျောက်သွားတယ်လို့ ငါမယုံဘူး။ သူဒီမှာရှိရမယ်"

ကျန်သောသူများအားလုံးလည်း အလားတူ ဒေါသထွက်နေကြသည်။ ၎င်းတို့ အလွန်ကြိုးစားခဲ့ကြသော်လည်း တစ်ယောက်ယောက်က ၎င်းတို့ကို အခွင့်ကောင်းယူသွားသည်အထိ ခရမ်းရောင်မိုးကြိုးမက်မွန်သီးကို ထိပင် မထိနိုင်ခဲ့ကြပေ။

ချက်ချင်းပင် ၎င်းတို့၏ နတ်ဘုရားစွမ်းအင်သည် အရပ်လေးမျက်နှာသို့ ပျံ့နှံ့သွားကာ ချူးယွင်ဖန်းကို ရှာဖွေရန် ကြိုးစားခဲ့သော်လည်း ကံမကောင်းစွာဖြင့် ဤနေရာရှိ မိုးကြိုးစွမ်းအင်က အလွန်သိပ်သည်းလွန်းသည်။

အဆုံးမဲ့မိုးကြိုးများသည် ၎င်းတို့၏ အာရုံကို အဆင့်များစွာ ကျဆင်းသွားစေခဲ့သည်။ သို့သော် တောင်မြစ်ပန်းချီကားထဲသို့ ဝင်ရောက်ပြီးဖြစ်သော ချူးယွင်ဖန်းကို မည်သို့ ခံစားရစေမည်ကို ၎င်းတို့မသိကြပေ။

မိုးကြိုးသားရဲက ခရမ်းရောင်မိုးကြိုး မက်မွန်သီးကို ရှာမတွေ့သောကြောင့် အလွန်ဒေါသထွက်နေခဲ့သည်။ လက်ဝဲဘုရင်နှင့် အခြားသူများ၏ အမြင်တွင် ချူးယွင်ဖန်းက စျေးဆစ်လိုက်သော်လည်း ဤမိုးကြိုးသားရဲအတွက် ဤလူသားများသည် အတူတူပင်ဖြစ်သည်။ သူက ၎င်းတို့ကို အုပ်စုလိုက်မြင်ကာ ချက်ချင်းပင် ဓားနတ်ဆိုးရှေ့၌ ပေါ်လာကာ သူ့ကို ပါးရိုက်လိုက်သည်။

ဓားနတ်ဆိုးတွင် ရှောင်တိမ်းရန် အချိန်မရှိပေ။ သူ့အစွမ်းက အုပ်စု၏ အောက်ဆုံး၌ရှိကာ အပြန်အလှန်တိုက်ခိုက်မှုတွင် သားရဲကို စောစောစီးစီး နှိမ်နင်းနိုင်ခဲ့သည်။ သူမည်သို့ ထိပ်တိုက်ရင်ဆိုင်နိုင်မည်နည်း။

ဘမ်း

ဓားနတ်ဆိုးက လွင့်ထွက်သွားကာ သွေးတစ်ပွက်အန်ထုတ်လိုက်သည်။ သူ့ခန္ဓာကိုယ်သည် တိုက်ခိုက်မှုကြောင့် ပြိုကွဲတော့မည့်အလား ခံစားလိုက်ရသည်။ သူက ရွှေအမတေပုံစံအဆင့်၌ရှိနေကာ သူ၏ ရုပ်ပိုင်းဆိုင်ရာ ခန္ဓာကိုယ်၏ ခွန်အားကိုမူ သံသယဖြစရန် မလိုသော်လည်း ဤသားရဲကအလွန် ထိတ်လန့်ဖွယ်ကောင်းလွန်းသည်။

“ခွေးမသား မင်းကို ကောင်းကောင်းကိုင်တွယ်ဖို့ လိုနေပြီ”

“သေစမ်း” ဂိုဏ်းချုပ်က အော်လိုက်သည်။ သူ့လက်ထဲတွင် ဓားတစ်ချောင်းကို ကိုင်ထားကာ ရှေ့သို့ ပေးသွား၍ ခုတ်ပိုင်းလိုက်ကာ ဓားအလင်းတစ်ခု ထွက်လာသည်။

သူက ဓားနတ်ဆိုးကို ကယ်တင်ချင်သောကြောင့်မဟုတ်ပေ။ သို့သော် သားရဲက အလွန်ကြောက်မက်ဖွယ်ကောင်းနေသောကြောင့်သာ ဖြစ်သည်။ သူ၏ ခွန်အားက ၎င်းတို့ထက် များစွာ သာန်လွန်ကာ ဒြပ်စင်ခန္ဓာကိုယ်လည်းရှိသည်။ ၎င်းတို့ တိုက်ခိုက်ကြလျှင်ပင် သားရဲကို ထိခိုက်စေရန် အလွန်ခက်ခဲပေလိမ့်မည်။ ၎င်းတို့ တိုက်ခိုက်လျှင်ပင် သားရဲက ချက်ချင်း ပြန်ကောင်းလာလိမ့်မည်။

အဘယ်ကြောင့်ဆိုသော် ဤသည်က အလွန်ခက်ခဲသောကိစ္စတစ်ခုဖြစ်ကာ မည်သို့ပင်ဆိုစေကာမူ ယင်းက အသွေးနှင့်အသားနှင့် တည်ဆောက်ထားသော ခန္ဓာကိုယ်မဟုတ်သောကြောင့် လုံးလုံးလျားလျားကွာခြားသော ကိစ္စတစ်ခုဖြစ်သည်။

အခြားသူများလည်း သဘောပေါက်သွားကြသည်။ ကျန်းဝူချန် မည်သို့ပင် ဖြစ်ခဲ့စေကာမူ ဤသားရဲကို ဦးစွာ ရင်ဆိုင်ရမည်။ မဟုတ်ပါက မည်သူမျှ အသက်ရှင်နိုင်မည်မဟုတ်ပေ။

ဤသည်ကို စဥ်းစားမိသောအခါ ၎င်းတို့အားလုံး ရှေ့သို့ ခုန်တက်သွားကြသည်။