ရွှေရောင် အလင်းတန်း

အခန်း (၁၄၁) ရွှေရောင်အလင်းတန်း

အထူးတန်းစင်မြင့်ပေါ်ရှိ တပည့်များသည် မျက်လုံးများ ပြူးကျယ်ကာ ကျိုးယုကို မယုံကြည်နိုင်သော မျက်လုံးများဖြင့် ကြည့်နေကြသည်။

ကျိုးယုသည် စောပိုင်းလေးကအချိန်ထိ သူ၏ အစစ်မှန် ခွန်အားကို မပြသခဲ့ဘူးဆိုတာ ဖြစ်နိုင်ပါသလား။

အစောပိုင်းလေးက ယှဉ်ပြိုင်တိုက်ခိုက်ကြတဲ့ တိုက်ခိုက်မှုများဟာ အမြည်းသဘောမျိုး များဖြစ်နေမလား။

ကျိုးယု၏ စွမ်းအားသည် မည်မျှထိတ်လန့်စရာကောင်းသည်ကို လူတိုင်း စိတ်ကူး မယဉ်နိုင်ကြတော့ပေ။ ချင်ယွင်ကိုကြည့်ရင်း သူတို့၏ မျက်လုံးများတွင် သနားခြင်းအရိပ်အယောင်များ မထိန်းနိုင်ဘဲ တိုးဝင်လာကြသည်။

ကျိုးယု၏ရုတ်တရက်ပေါက်ကွဲမူကြောင့် ချင်ယွင်သည် လုံးဝအံ့သြခြင်းမရှိပေ။ ကျိုးယု၏ ခန္ဓာကိုယ်တွင် ပြင်းထန်သော စွမ်းအားများ ရှိနေကြောင်း သူ သတိပြုမိသား ဖြစ်သည်။ ဤအခိုက်အတန့်တွင်၊ ဤစွမ်းအားကို လုံးလုံး လျားလျား ထုတ်လွှတ်ပြီး နဝမအဆင့် အထွတ်အထိပ် ကောင်းကင်အလွှာ သိုင်းဂိုဏ်းချုပ် ကျွမ်းကျင်သူတစ်ဦး အဖြစ်သို့ မြှင့်တင်ခြင်းသည် သာမန်သာဖြစ်သည်။

ချင်ယွင်သည် ပတ်ဝန်းကျင်ရှိ ပရိသတ်များ၏ သနားစရာကောင်းသော အကြည့်များကို ပို၍ပင် မုန်းတီးလာခဲ့သည်။ ကျိုးယုက သူ့ကိုယ်ပိုင်စွမ်းအားကို ဖုံးကွယ်ထားခဲ့တာ မဟုတ်လား?

ဝှီး!

ကျိုးယု၏ပုံသဏ္ဍာန်သည် ရုတ်တရက် ထွက်ပေါ်လာပြီး ပုံရိပ်ယောင်အထပ်ထပ် အဖြစ်သို့ ပြောင်းလဲသွားခဲ့သည်။

ချင်ယွင်သည် အနည်းငယ် ထိတ်လန့်သွားသည်။ ကျိုးယု၏အရှိန်ဟုန်သည် သူ၏ ပေါက်ကွဲလျှပ်စီး အမြန်နှုန်းထက်ပင် များစွာ တိုးမြင့်လာခဲ့သည်။

"ပြီးသွားပါပြီ!"

ကျိုးယု၏ရုပ်အသွင်သည် သူ၏ဘေးတွင် ပေါ်လာပြီး သူ၏လက်ထဲမှ ခရမ်းရောင် ရွှေလှံသည် စစ်တပ်အထပ်ထပ်ကို ဖြတ်ကျော်သွားသကဲ့သို့ ချင်ယွင်၏ ရင်ဘတ်တည့်တည့်ဆီကို တိုး၀င်လာခဲ့သည်။

"ဒါပဲလား?"

ချင်ယွင်သည် အေးစက်စွာ အော်ဟစ်လိုက်ပြီး သူ၏လက်ထဲရှိ ဥက္ကာပျံတိုက်ပွဲ၀င် ဆေဘာက သူ၏ရှေ့မှာ တိုက်ရိုက်ပင် အလျားလိုက် လဲလျောင်းပြီး ပိတ်ဆို့တားဆီးလိုက်သည်။

လှံသည် ဧရာမတောင်ကြီးပြိုကျသကဲ့သို့ ဆေဘာနှင့် ထိပ်တိုက်တွေ့ဆုံ သွားခဲ့သည်။ ကြောက်မက်ဖွယ်ရာ အင်အားတစ်ခုက ချင်ယွင်၏ ခန္ဓာကိုယ်တစ်ခုလုံးကို ချက်ချင်း လွှမ်းခြုံသွားသည်။ ချင်ယွင်၏ ခန္ဓာကိုယ် တစ်ခုလုံးသည် မီတာ ဆယ်ဂဏန်းမျှ ပျံသန်းလွင့်စင်ကာကာ ဤစွမ်းအားကို ဖယ်ရှားရန် ခြောက်လှမ်း သို့မဟုတ် ခုနစ်လှမ်း ဆုတ်သွားခဲ့သည်။

"အရင်ကထက် အများကြီး ပိုအားကောင်းတယ်။" ချင်ယွင်သည် သူ၏စိတ်ထဲတွင်

အော်ပြောလိုက်သည်။

ဟုတ်ပါသည်၊ ကျိုးယု၏အရှိန်ဟုန်နှင့်ခွန်အားသည် သူ၏စွမ်းအားများ ပေါက်ကွဲ ထွက်လာပြီးနောက် ယခင်ကထက် အဆပေါင်းများစွာ ပိုမြန်လာခဲ့ပါသည်။ ချင်ယွင်၏ ရုပ်ခန္ဓာကြံ့ခိုင်မှု သည်ပင် ဤစွမ်းအားကို တွန်းလှန်ရန် အနည်းငယ် ပြင်းပြင်းထန်ထန် အားထုတ်ခဲ့ရသည်။ ချင်ယွင်၏ပါးစပ်သည် ကြီးမားသော အင်အားကြောင့် ထုံကျဉ်နေ၏။

"ငါတို့ရဲ့ နယ်ပယ်ကြားက ကွာခြားချက်က ကြီးလွန်းတယ်။ မင်းက ငါ့အတွက် ပြိုင်ဘက် မဖြစ်နိုင်ဘူး။ အရှုံးကို ဝန်ခံလိုက်ပါ။"ကျိုးယု၏ မျက်လုံးများသည် နှင်းခဲကဲ့သို့ အေးစက်နေပြီး ချင်ယွင် ရှုံးနိမ့်မည်ကို သူသေချာပေါက် သိနေသကဲ့သို့ပင်။

ကျိုးယုကို စိုက်ကြည့်ရင်း ချင်ယွင်၏ မျက်လုံးများသည် ဒေါသများဖြင့် လျှံတက်လာခဲ့ပြီး "အခုပြောဖို့ နည်းနည်း စောလွန်းမနေဘူးလား"

ထိုသို့ပြောပြီးနောက် ချင်ယွင်သည် သူ၏လက်ထဲမှ ဆေဘာကို ဘေးတစ်ဖက်သို့ ထိုးစိုက်လိုက်ပြီး သူ၏လက်ထဲတွင် ဓားရှည်တစ်ချောင်း ပေါ်လာသည်။

ဓားရှည်ထွက်ပေါ်လာသည်နှင့် ချင်ယွင်၏ အငွေ့အသက်သည် ချက်ချင်းပင် ပြောင်းလဲသွားခဲ့သည်။ လျှပ်စီးများမှ ထုတ်လွှတ်နေသော လွှမ်းမိုးကြီးစိုးနိုင်စွမ်းရှိသော အငွေ့ အသက်သည် ချက်ချင်းပင် အချည်းနှီးဖြစ်သွားသည်။

ယင်းအစား ၎င်းနေရာတွင် ရက်စက်ပြင်းထန်သော သတ်ဖြတ်ချင်း ဓားအငွေ့အသက်များဖြင့် အစားထိုးလာခဲ့သည်။ ဤအငွေ့အသက်သည် တိမ်တိုက်များထဲသို့ ထိုးဖောက်တိုးဝင်ကာ ကောင်းကင်နှင့် မြေကြီးကြားတွင် တုန် လှုပ်သွားခဲ့ရ၏။ ဓားကိုင်ထားတောချင်ယွင်သည် ရှေးဟောင်းခေတ်စစ်မြေပြင်မှ ထွက်လာသော ဓားအင်မော်တယ်တဦးနှင့်တူသည်။ သူ၏ခန္ဓာကိုယ်သည် ကြောက်မက်ဖွယ် ရက်စက်ပြင်းထန်သော သတ်ဖြတ်ခြင်းအငွေ့အသက်များကို ထုတ်လွှတ်နေသည်။

ဤအငွေ့အသက်ကြောင့် အနီးနားရှိ တပည့်များ အသက်ရှူမဝအောင် ဖြစ်ခဲ့ရသည်။

"အရမ်းကြောက်စရာကောင်းလွန်းတယ်!"

ပတ်ဝန်းကျင်ရှိ ပရိသတ်များသည် အံ့အားသင့်ဖွယ်ကောင်းသည့် အငွေအသက်များဖြင့် လွှမ်းခြုံနေသော ချင်ယွင်ကို ကြည့်လိုက်စဉ် အေးမြသော လေကို ရှုရှိုက်မိကြပြီး သူတို့၏ နှလုံးသားများသည် များပြားလှသော ခံစားချက်မျိုးစုံဖြင့် ပြည့်နှက်နေသည်။

မူလက ချင်ယွင်၏သွေးသားပကတိခန္ဓာသည် မလွှမ်းမိုးနိုင်သောကြောင့် သူတို့၏စိ တ်ထဲတွင်သူ၏ခန္ဓာကိုယ်ကို ချီးမွမ်းမှုဖြစ်စေခဲ့သည်။ နောက်ပိုင်းတွင်၊ ချင်ယွင်ပြသထားသော ကြောက်စရာကောင်းသည့် ဆေဘာသိုင်းပညာရပ်သည် ၎င်းတို့ကို ပို၍ပင် ထိတ်လန့်သွားစေခဲ့သည်။

သူတို့၏အမြင်တွင်၊ ချင်ယွင်၏ ဆေဘာပညာရပ်သည် မိုးကြိုးဝိညာဉ်ဂိုဏ်း၏ ထိပ်တန်းတပည့်သုံးဦးတွင် အဆင့်သတ်မှတ်ရန် လုံလောက်ပါသည်။ ယင်းကပင် တုနှိုင်းမရသည့် ဂုဏ်ပုဒ်တစ်ခု ဖြစ်နေပါပြီ။

ယခုမူ ချင်ယွင်သည် သူ၏ဓားကို ထုတ်လိုက်သည်နှင့် သူ၏အငွေ့အသက်တဲ့သည် ယခင်ကထက်ပင် ပို၍ ထိတ်လန့်စရာ ကောင်းလေသည်။ သူသည် ဓားသိုင်းပညာကို ကျွမ်းကျင်နေသေးသူတဦး ဖြစ်နိုင်ပါသလား။

ကောင်းကင်မိုးကြိုးရင်ပြင်၏ မြင့်မားသော စင်မြင့်ပေါ်ရှိ မိုးကြိုး၀ိညာဥ်ဂိုဏ်း အကြီးအကဲများ၏အမူအရာများသည်လည်း ပြောင်းလဲသွားကြကာ အံ့အားသင့်သော အမူအရာများကို ထုတ်ဖော်ပြနေကြသည်။

ပို၍ပင်အစွမ်းထက်‌သောဓားသိုင်းပညာရပ်များကို အသာထား ဆေဘာနှင့် ဓားသိုင်းပညာရပ်များကို ထူးချွန်ထက်မြက်သော ဆယ့်ခြောက်နှစ်သား တပည့်တစ်ဦးသည် အထွတ်အထိပ် ပါရမီရှင်တစ်ဦးအဖြစ် သတ်မှတ်ခံရနိုင်သည်။

မိုးကြိုး၀ိညာဥ်ဂိုဏ်း၏ ဂိုဏ်းခေါင်းဆောင်နှင့် အကြီးအကဲများကပင် ချင်ယွင်အား ၎င်းတို့၏ မျက်လုံးများတွင် ကြိုတင်မျှော်မှန်းလျက် အံ့အားသင့်သော အမူအရာများကို ထုတ်ဖော်ပြသနေကြသည်။

"တော်ဝင်အကြီးအကဲ၊ ဒီရွေးချယ်မှုမှာ အကြီးဆုံး မြင်းနက်အဖြစ် ကျန်းတိုင်နဲ့ ပတ်သက်ပြီး မင်းငါ့ကို အမြဲတမ်းကန့်ကွက်ခဲ့တယ်၊ ဖြစ်နိုင်တာက မင်းက သူ့ကို ပိုပြီး အထင်ကြီးနေလို့ ဖြစ်နိုင်တယ်။ ဖြစ်နိုင်တာက တော်ဝင်အကြီး အကဲက သူ့နောက်ကြောင်းကို သိ‌နေတာမလား" လဲ့ရှောင်တင်းသည် သူ၏ဘေးနားရှိ တော်ဝင်အကြီးအကဲကို လှည့်ကြည့်ကာ မေးလိုက်သည်။

တော်ဝင်အကြီးအကဲက ပြုံးပြီး ခေါင်းယမ်းလိုက်ရင်း "ဒီအဘိုးကြီးက မသိပါဘူး၊ ဒီကောင်လေးက မြင်ရသလောက် မရိုးရှင်းဘူးလို့ပဲ ခံစားရတာပါ။ သူ့ကိုတွေ့တာနဲ့ အဲဒီနေ့တုန်းက တိုင်ယွန်တောင်တန်းမှာ တွေ့ခဲ့ဖူးတဲ့လူနဲ့ ရင်းနှီးတဲ့ခံစားချက်ကို ခံစားခဲ့ရတယ်။ ။"

"ဘယ်သူလဲ ?" လဲ့ရှောင်တင်းက အံ့သြစွာမေးလိုက်သည်။

"ကောင်းကင်သားတော်ပဲ!" တော်၀င်အကြီးအကဲ ပြန်ဖြေသည်။

လဲ့ရှောင်တင်းသည် သိသိသာသာ ထိတ်လန့်သွားပြီး အံ့အားသင့်စွာဖြင့် မေးလိုက်သည်" ထိုနေ့တုန်းက ဒြပ်စင်သုံးပါးကောင်းကင်ကပ်ဘေးဒုက္ခကို ခံစားခဲ့ရသော သိုင်းဂိုဏ်းချုပ်နယ်ပယ် ပထမအဆင့် ကောင်းကင်အလွှာမှ ချင်ယွင်အမည်ရှိလူငယ်လေးလို့ ခင်ဗျားကသံသယရှိနေတယ်လို့ ပြောလိုက်တာလား"

ကောင်းကင်သားတော် ဆင်းသက်လာသည်ဟူသော ခေါင်းစဉ်သည် ကောင်းကင် ကပ်ဘေးဒုက္ခကြုံတွေ့ခဲ့ရသည့်ထိုနေ့က တော်၀င်အကြီးအကဲကြီးမှ ချင်ယွင်အား ပေးအပ်သည့် ဘွဲ့ဖြစ်သည်။ သူ၏ထင်မြင်ချက်အရ၊ သူသည် သိုင်းဂိုဏ်းချုပ် နယ်ပယ်သို့ ဖြတ်ကျော်ပြီးနောက် ဒြပ်စင်သုံးပါးကောင်းကင်ကပ်ဘေးဒုက္ခကို စတင်ခံစားနိုင်လျှင် ထိုသူသည် ကောင်းကင်သားတော်မှလွဲ၍ အခြားအရာ မဟုတ်နိုင်ပေ။

ထို့ကြောင့် ထိုနေ့တွင် သူသည် ဒဏ်ရာအပြင်း အထန်ရခဲ့သည်ကို တွေ့ပြီးနောက် ချင်ယွင်ကို မတိုက်ခိုက်ရခြင်း၏ အကြောင်းရင်းလည်းဖြစ်သည်။

တော်၀င်အကြီးအကဲသည် ခေါင်းညိတ်ပြီးနောက် ခေါင်းယမ်းလိုက်ပြန်သည်။ "ဟုတ်တယ်၊ ဒါပေမယ့် ဟုတ်ပုံလည်း မရဘူး။ သူတို့ နှစ်ယောက်လုံးက အသွင်အပြင်နဲ့ အငွေ့အသက်ပါ လုံး၀ကွဲပြားတယ်။ ဒါပေမယ့် သူတို့နှစ်ယောက်ရဲ့ မျက်လုံးထဲမှာ ဆွဲဆောင်မူကျက်သရေက အရမ်းဆင်တူပြီး နှစ်ယောက်စလုံးကလည်း ပြင်းပြတဲ့မောက်မာမှုကို ပွင့်ပွင့်လင်းလင်း‌ ဖော်ထုတ်တတ်ကြတယ်။"

"အိုး?" လဲ့ရှောင်တင်း အနည်းငယ် အံ့သြသွားပြီး ပြိုင်ပွဲကွင်းပြင်ရှိ ချင်ယွင်ကို လှည့်ကြည့်လိုက်သည်။ ဟုတ်ပါသည်၊ ချင်ယွင်၏ မျက်လုံးများက တခြားသူများနှင့်မတူသည့် မောက်မာမှုကို ထုတ်ဖော်ပြနေသည်ကို သူသတိထားမိ သည်။

ဤမောက်မာမူမျိုးသည် သာမန်မောက်မာမူမျိုး မဟုတ်ပေ၊ သက်ရှိသတ္တဝါအားလုံးကို ပုရွက်ဆိတ်များပမာ အထင်သေးသည့် နတ်ဘုရားတပါးနှင့်တူသည်။

လဲ့ရှောင်တင်းသည် အနည်းငယ် ထိတ်လန့်သွားပြန်သည်။ သေမျိုးတစ်ယောက်၏ ပုံစံက ဤပုံစံမျိုး မည်ကဲ့သို့ ဖြစ်နိုင်ပါမည်နည်း။

တော်ဝင်အကြီးအကဲ ပြောခဲ့သည့်အတိုင်း၊ သူသည် ဒြပ်စင်သုံးပါး လျှပ်စီးကပ်ဘေးဒုက္ခကို ဖြတ်ကျော်ခဲ့သော သိုင်းဂိုဏ်းချုပ်ကျွမ်းကျင်သူ ကောင်းကင်သားတော်တစ် ယောက်ဖြစ်နိုင်ပါသလား။

လဲ့ရှောင်တင်း၏ နှလုံးသားသည် မုန်တိုင်းထန်သကဲ့သို့ လှုပ်ခတ်သွားခဲ့ပြီး ချင်ယွင်ကိုကြည့်သည့် သူ၏အကြည့်များက စတင်ပြောင်းလဲလာနေပြီ။

အကယ်၍ တော်ဝင်အကြီးအကဲပြောခဲ့သည့်အတိုင်း အမှန်တကယ်ဖြစ်ခဲ့ပါက၊ သူ၏ရှေ့ရှိ ဤတပည့်ကို ကောင်းကင်သားတော်ဟုခေါ်ဆိုရလိမ့်မည်။ ထို့အပြင် သူ၏မိုးကြိုး၀ိညာဥ်ဂိုဏ်းသည် သူ့ကို သေချာပေါက် ပြစ်မှားလို့ မရပေ။

နောင်တွင်၊ မိုးကြိုး၀ိညာဥ်ဂိုဏ်းသည် ဤကလေးကြောင့် ကောင်းကင်သို့ပင် ပျံတက်သွားနိုင်သည်။

မိုးကြိုး၀ိညာဥ်ဂိုဏ်း၊ ဂိုဏ်းခေါင်းဆောင်၏ နှလုံးသားသည် ကမ္ဘာမြေကြီး ကွဲအက်ပြောင်းလဲသွားသကဲ့သို့ ကြုံတွေ့နေရသည့် အခိုက်တန့်တွင် ချင်ယွင် နှင့်ကျိုးယုတို့သည် ပြန်လည်တိုက်ခိုက်နေပြီဖြစ်သည်။

ချင်ယွင်သည် သူ၏ဓားကို ခုတ်ပိုင်းလိုက်ပြီး ဓားအလင်းသည် ကြယ်မြစ်တစ်စင်းကဲ့သို့ လင်းလက်သွားသည်။

၎င်းသည် ကျိုးယု၏ အရှင်သခင်လှံများထဲမှ တစ်ခုကို တိုက်ရိုက် ထိမှန်သွားသည်။

"ဘန်း!"

ကျယ်လောင်သောပေါက်ကွဲသံနှင့်အတူ ကျိုးယုသည် သူ့ကိုယ်သူ တည်ငြိမ်အောင် မထိန်းနိုင်ခင်အထိ မီတာဆယ်နှင့်ချီအကွာသို့ လွင့်ထွက်သွားခဲ့သည်။

ကျိုးယု၏ မျက်လုံးများသည် ပြင်းထန်သော တိုက်ပွဲစိတ်ဆန္ဒများဖြင့် တစ်ဖန် တောက်ပလာသည်။ သူက ပထမဆုံးအကြိမ် ပြုံးပြီးပြောလိုက်သည် " တိုင်ယွန် တောင်တန်းမှာ မင်းရဲ့ဓားနဲ့ လင်းဖန်ကိုတိုက်တာတွေ့တော့ မင်းရဲ့ဓားသိုင်းပညာက အရမ်းအစွမ်းထက်တယ်ဆိုတာ ငါသိခဲ့တယ်။ ဒီနေ့ မင်းကိုတွေ့တော့ မင်းရဲ့ ဓားသိုင်းပညာက တကယ်ကို ထူးကဲတယ်"

ချင်ယွင်က ခပ်ဖျော့ဖျော့ပြုံးပြီး "မင်းရဲ့လှံသိုင်းပညာက တကယ်ကို စိတ်မရှည်ဘူးပဲ"

ကျိုးယု၏ မျက်နှာပေါ်ရှိ အပြုံးသည် ပို၍ပင်ကြီးလာပြီး ပြောလိုက်သည် "ဒါဆို ရလာဒ်ကို ဆုံးဖြတ်ကြရအောင်။ မင်းရဲ့ဓားသိုင်းပညာကပဲ ပိုအား ကောင်းမလား ဒါမှမဟုတ် ငါ့လှံသိုင်းပညာက ပဲ ပိုအားကောင်းလား"

ထို့နောက် ကျိုးယု၏လက်ထဲမှ လှံသည် အသက်ရှင်လာပုံရပြီး ဆက်တိုက် တုန်လှုပ်သွားကာ ကျယ်လောင်သောအသံများ ထွက်ပေါ်နေသည်။

ကျိုးယု၏ ခန္ဓာကိုယ်ရှိ ဝိညာဉ်စွမ်းအင်များ သည် ကမ္ဘာမြေတစ်ခုလုံးကို ရွှေရောင်အလင်းတန်းများဖြင့် လင်းထိန်သွားစေသည် ။ နောက်ဆုံးတွင်၊ ၎င်းရွှေရောင်အလင်းတန်းသည် သူ၏လှံထိပ်ဆီသို့ ရောက်ရှိလာပြီး သူ၏လှံဖျားတွင် ရွှေရောင်အလင်းအစက်တစ်ခု ဖြစ်ပေါ်လာသည်။

အခြားတပည့်များသည် ဤရွှေရောင်အလင်းစက်သည် မည်မျှကြောက်စရာ ကောင်းသည်ကို မသိနိုင်သော်လည်း သတ္တုစွမ်းရည်သဘော တရားကို ကျင့်ကြံကြသူ တပည့်များအားလုံးသည် ဤရွှေရောင်အလင်းစက်တွင် အရာအားလုံးကို ထိုးဖောက်ဝင်ရောက်နိုင်သကဲ့သို့ အလွန်ကြောက်မက်ဖွယ်ကောင်းသော ထိုးဖောက် ဝင်ရောက်နိုင်သည့်စွမ်းအားပါရှိကြောင်း ခံစားရနိုင်သည်။

ချင်ယွင်သည်လည်း အနည်းငယ် အံ့အားသင့်သည့် အမူအရာကို ထုတ်ဖော် လိုက်သည်။ ကျိုးယုသည် ရွှေရောင်ထက်ရှခြင်းသဘောတရားပွဲ ကို အတိုင်းအတာ တစ်ခုအထိ နားလည်နိုင်လိမ့်မည်ဟု သူ မမျှော်လင့်ထားပေ။

ကျိုးယု၏မျက်လုံးများသည် တိုက်ပွဲဝင်လိုစိတ်များဖြင့် ပြည့်နှက်နေပြီး သူ၏ လက်ထဲတွင်ရှိသော လှံသည် ရွှေရောင်အလွှာတစ်ခုဖြင့် စီးဆင်းနေပုံရသည်။ အထူးသဖြင့် လှံဖျားဖြစ်သည်။ ရွှေရောင်အလင်းတန်းသည် အခြားသူများ၏ မျက်လုံးများ မမြင်နိုင်လောက်အောင်ပင် စူးရှတောက်ပနေခဲ့သည်။

" ရွှေရောင်ထက်ရှခြင်းသဘောတရား၊ ရွှေရောင်စီးဆင်းခြင်းအလင်းတန်းရဲ့ စတုတ္ထ အဆင့်ကို နားလည်ပြီးကတည်းက ဒါက ငါနားလည်နိုင်ခဲ့တဲ့ အပြင်းထန်ဆုံး တိုက်ခိုက်မှုပဲ။ ဒီသိုင်းကွက်ကို မင်းခံယူနိုင်ရင် ဒီနေ့တိုက်ပွဲမှာ ငါရှုံးလိမ့်မယ်။"

ကျိုးယု၏အသံသည် ပြိုင်ပွဲကွင်းပြင်တစ်ခုလုံး မိုးခြိမ်းသံကဲ့သို့ ပဲ့တင်ထပ်သွားသည်။ ထို့နောက် သူသည် အလင်းတန်းတစ်ခုအဖြစ်သို့ တိုက်ရိုက်ပြောင်းလဲကာ ချင်ယွင်ဆီသို့ ထိုးဖောက်ဝင်ရောက်သွားသည်။ တောက်ပနေသော လှံထိပ်ဖျားသည် အရာအားလုံးကို ဖြတ်သွားကာ လေဟာနယ်တစ်ခုလုံးကိုပင် ဖြတ်သန်းသွားပုံရသည်။