အဓိပတိအင်မော်တယ်သခင်

ထျန်းဟန်အင်‌မော်တယ်ဧကရာဇ်၏ နဝမယောက်မြောက်သားတော် ချင်ယွင်သည် ရှားပါးလှသော ဖရိုဖရဲအင်‌မော်တယ်ခန္ဓာကိုယ်ကို ပိုင်ဆိုင်ထားရုံသာမက အသက်၁၀နှစ်အရွယ်တွင် အစစ်အမှန်အင်မော်တယ်အဆင့်သို့ တက်လှမ်းနိုင်ခဲ့သည့် ပါရမီရှင်တစ်ဦး ဖြစ်သည်။ သူ၏ ထူးကဲသော စွမ်းရည်များကြောင့် ခမည်းတော် ကိုယ်တိုင်က အမွေဆက်ခံမည့် အိမ်ရှေ့စံအဖြစ် လျာထားခြင်း ခံခဲ့ရသည်။ သို့သော်လည်း လုပ်ကြံမှုတစ်ခုကြောင့် ထိုသာယာလှပသော ဘဝတစ်ခုလုံး ရိုက်ချိုးဖျက်ဆီးခြင်း ခံလိုက်ရ၏။ ခမည်းတော် အင်မော်တယ်ဧကရာဇ်သည် ချင်ယွင်၏ မယ်တော်ကို အဆုံးမဲ့ချောက်နက်သို့ ပို့ဆောင်ကာ နှိပ်စက်ညှဉ်းပန်းစေခဲ့ရုံသာမက သူ၏ ဉာဏ်ရည်နှင့် မှတ်ဉာဏ်များကိုပါ ချိတ်ပိတ်၍ လူ့ပြည်လောကသို့ ပြည်နှင်ဒဏ် ပေးလိုက်လေတော့သည်။ ကမ္ဘာမြေပေါ်တွင် အားကိုးရာမဲ့ ကလေးငယ်တစ်ဦးအဖြစ် ရောက်ရှိနေချိန်၌ မြို့ငယ်လေးတစ်မြို့မှ ရုပ်ရည်ချောမောသော အမျိုးသမီးတစ်ဦးက သူ့ကို ခေါ်ယူစောင့်ရှောက်ပြီး မောင်အရင်းတစ်ယောက်ပမာ သတ်မှတ်မွေးစားခဲ့သည်။ ထိုသို့ အေးချမ်းစွာ နေထိုင်လာခဲ့ရာမှ တစ်နေ့သ၌ နောက်ခံကြီးမားသော လူမိုက်တစ်ဦးက ချင်ယွင်၏ အစ်မဖြစ်သူကို ခြိမ်းခြောက်အနိုင်ကျင့်ရန် ကြိုးစားခဲ့၏။ ပတ်ဝန်းကျင်ရှိ မည်သူမှ ထိုလူမိုက်ကို မတားဆီးဝံ့ကြပေ။ ထိုအခိုက်အတန့်၌ ချင်ယွင်တစ်ယောက် အစ်မဖြစ်သူကို ကာကွယ်ပေးနိုင်မည်လား။ သူ၏ ပျောက်ဆုံးနေသော အတိတ်မှ စွမ်းရည်များကို ပြန်လည်နိုးထစေနိုင်မည်လား။