အခန်း ၁၄၉၂

အခန်း (၁၄၉၂) မိစ္ဆာနတ်ဘုရား ဒေါသပုန်ထခြင်း။

"ဒါက ဘယ်လိုလုပ် ဖြစ်နိုင်သလဲ။ မင်းရဲ့စိတ်ဝိညာဉ်က ပြိုကွဲသွားပြီလေ။ မင်း ဘယ်လိုလုပ် ပြန်ရှင်သန်နိုင်မှာလဲ။" ရှေးဟောင်းမိစ္ဆာနတ်ဘုရားသည် သူ့ခန္ဓာကိုယ်ကို တစ်ဖန်ပြန်လည် ပေါင်းစည်းသိပ်သည်ထားသော ချင်ယွင်ကိုကြည့်ကာ သူ၏မျက်နှာသည် ထိတ်လန့်မှုနှင့် ရှုပ်ထွေးသော အမူအရာတို့ကို ထင်ရှားစေသည်။

ချင်ယွင်၏ မျက်နှာသည် အေးစက်သော အပြုံးကို ပေါ်လွင်စေသည်။ သူက ရှေးဟောင်း မိစ္ဆာနတ်ဘုရားကို ကြည့်ပြီး "မင်းရဲ့စိတ်ဝိညာဉ်ကိုတောင် ပြန်ပေါင်းစည်းနိုင်တယ်။ ငါက ဘာလို့ မလုပ်နိုင်ရတာလဲ"

"ငါ မိစ္ဆာနတ်ဘုရားလေဟာနယ်နဲ့ ပေါင်းစပ်ပြီးသားမို့ ငါက ပြန်လည်သိပ်သည်းနိုင်တယ်။ မိစ္ဆာနတ်ဘုရားလေဟာနယ် မပျက်စီးဘူးဆိုရင်, ငါ့ရဲ့နတ်ဘုရား စိတ်ဝိညာဉ်က ချုပ်ငြိမ်း သွားမှာ မဟုတ်ဘူး။ ဒါပေမယ့် မင်းကတော့ မတူဘူး။ မင်းက လူသားတစ်ယောက်ပဲ။ မင်းရဲ့ နတ်ဘုရား စိတ်ဝိညာဥ်အရင်းမြစ် ဖျက်ဆီးခံရတာနဲ့ မင်းရဲ့ စိတ်ဝိညာဉ်က ဒီကမ္ဘာကြီးကနေ ထာဝရ ပျောက်ကွယ်သွားရလိမ့်မယ်။ မင်းက နတ်ဘုရား စိတ်ဝိညာဉ် ခန္ဓာကိုယ်ကို ဘယ်လိုလုပ် ထပ်ပြီး ပေါင်းစည်းနိုင်မှာလဲ။" ရှေးဟောင်းမိစ္ဆာနတ်ဘုရား သည် ပဟေဠိဆန်သော အမူအရာဖြင့် ဆက်ပြောခဲ့သည်။

ချင်ယွင်သည် ထိုစကားကိုကြားသောအခါ သူ့မျက်နှာတွင် အပြုံးတစ်ခုပေါ်လာသည်။ သူက ရှေးဟောင်းမိစ္ဆာနတ်ဘုရားကို မော့ကြည့်လိုက်ပြီး "မင်း ပြောသလိုဆို ငါ့စိတ်ဝိညာဉ် အရင်းမြစ်က ပြိုလဲသွားပြီ။ ဆိုတော့, ငါက ပြန်ပြီး မပေါင်းစည်းနိုင်တော့ ဘူးပေါ့။ ငါ့စိတ်ဝိညာဉ်ရဲ့ အရင်းမြစ်က ပြိုကွဲသွားပြီလို့ မင်းကို ဘယ်သူ ပြောလဲ။ ငါ့စိတ်ဝိညာဉ်ရဲ့ အရင်းမြစ်က မင်း အခု မြင်နေရတဲ့ ငါ့စိတ်ဝိညာဉ် ခန္ဓာကိုယ်လို့ မင်း တကယ် ထင်နေတာလား။ ဒီလိုဆိုရင် ငါက မင်းကို အစောပိုင်းက ထိပ်တိုက်ရင်ဆိုင်ဖို့ ရွေးချယ်မယ်လို့ မင်း ထင်လား။"

ချင်ယွင်၏ စကားများသည် လှောင်ပြောင်မှုများနှင့် ပြည့်နှက်နေပြီး ရှေးဟောင်းမိစ္ဆာ နတ်ဘုရားကို ကြည့်နေသည့် သူ့အကြည့်များမှာလည်း လှောင်ပြောင်ရိပ် တစွန်းတစ သယ်ဆောင်လာခဲ့သည်။

သူ၏နတ်ဘုရား စိတ်ဝိညာဉ် အနှစ်သာရသည် သဘာဝအတိုင်း ဤနတ်ဘုရား စိတ်ဝိညာဉ် ခန္ဓာကိုယ် မဟုတ်ပေ။ ဤနတ်ဘုရား စိတ်ဝိညာဉ် ခန္ဓာကိုယ်သည် ချင်ယွင်၏ ပုံမှန်အား ဖြင့် သူ၏ရုပ်ခန္ဓာကိုယ်ကို ထိန်းချုပ်ရန် အသုံးပြုထားသည့် နတ်ဘုရား စိတ်ဝိညာဉ် စွမ်းအင်မှ ပေါင်းစပ်ထားသော နတ်ဘုရား စိတ်ဝိညာဉ် အနှစ်သာရ အတုမျှသာ ဖြစ်သည်။ သူ၏ စစ်မှန်သော နတ်ဘုရား စိတ်ဝိညာဉ်အနှစ်သာရမှာ သူ၏ ကနဦး စကြာဝဠာနှင့် နတ်ဆိုးနတ်ဘုရား၏ အမြုတေဖြစ်သည်။

ကနဦးစကြာဝဠာနှင့် နတ်ဆိုးနတ်ဘုရား၏ အမြုတေ မပျက်စီးနိုင်သရွေ့ သူ သေရန်မှာ မဖြစ်နိုင်ပေ။

ယခုအခါတွင် နတ်ဆိုးနတ်ဘုရား၏ အမြုတေသည် ကနဦးစကြဝဠာတွင် ထိခိုက်မှုမရှိဘဲ လဲလျောင်းနေသဖြင့် သူ့ကို ထိခိုက်ရန် မဖြစ်နိုင်တော့ပေ။

ချင်ယွင်၏ ကနဦးစကြာဝဠာဆိုလျှင် ထိခိုက်ပျက်ဆီးရန် ပို၍ပင် ခက်ခဲနိုင်သည်။ ကနဦး စကြဝဠာကြီး ပြိုလဲသွားအောင် တွန်းလှန်နိုင်သည့် စွမ်းအားမျိုးကို သူ မကြုံတွေ့ရသရွှေ့ ချင်ယွင်သည် အမှန်တကယ် သေဆုံးလိမ့်မည် မဟုတ်ပေ။

ကနဦးစကြဝဠာကြီး ပြိုကျပျက်ဆီးသွားသည်နှင့် သူ၏ နတ်ဆိုးနတ်ဘုရား၏ အမြုတေ သည်လည်း ကနဦးစကြဝဠာကြီး ပြိုလဲသွားခြင်းကြောင့် လုံးဝ ပြိုကျ ပျက်ဆီးသွားမည် ဖြစ်သည်။

ထို့ကြောင့်၊ သူ၏ စိတ်ဝိညာဉ်စွမ်းအားသည် အကြိမ်ပေါင်း မည်မျှပင် ကွဲအက်နေပါစေ၊ သူသည် ၎င်းကို ပြန်လည် သိပ်သည်းနိုင်ပါသည်။ တစ်နည်းဆိုရသော်၊ သူသည် မသေနိုင်သော ခန္ဓာကိုယ် ရှိနေဆဲပင်။

သို့သော်လည်း အချိန်ကြာလာသည်နှင့်အမျှ၊ သူ့ခွန်အားကို ဤမိစ္ဆာနတ်ဘုရား လေဟာနယ်မှ အဆက်မပြတ် စုပ်ယူသွားမည် ဖြစ်သည်။ ထိုအချိန်တွင်၊ သူသည် အားနည်းသထက် အားနည်းလာမည်ဖြစ်ကာ သူ၏ စိတ်ဝိညာဉ်စွမ်းအားများလည်း အားနည်းလာပြီး နောက်ဆုံးတွင် လုံး၀ ဝါးမြိုခံရမည် ဖြစ်သည်။

ရှေးဟောင်းမိစ္ဆာနတ်ဘုရားသည် ချင်ယွင်၏ စကားကို ကြားသောအခါ၊ သူ၏ အစိမ့်ရင့် ရောင် သူငယ်အိမ်များသည် ချက်ခြင်း ကျဉ်းမြောင်းသွားသည်။

"မင်း ငါ့ကို တကယ် လှည့်စားတာလား။ ဒါက မင်းရဲ့ စိတ်ဝိညာဉ်အနှစ်သာရ မဟုတ်ဘူး ပေါ့။ မင်းရဲ့စိတ်ဝိညာဉ်အနှစ်သာရက ဘယ်မှာလဲ။” ရှေးဟောင်းမိစ္ဆာနတ်ဘုရားက ချင်ယွင်ကို ကြည့်ကာ အေးစက်စွာ ပြောလိုက်သည်။

ချင်ယွင်သည် ရှေးဟောင်းမိစ္ဆာနတ်ဘုရား၏ စကားကို ကြားသောအခါတွင် အေးစက်သော အပြုံးတစ်ခု ပေါ်လာသည်။

"ဒီတစ်သက်မှာ ငါရဲ့ နတ်ဘုရားစိတ်ဝိညာဉ် အရင်းမြစ်က ဘယ်မှာရှိလဲဆိုတာ မင်း ဘယ်တော့မှ သိရှိနိုင်မှာ မဟုတ်ဘူး။ ဒါ့ပြင် ငါ မင်းကို မပြောဘဲနဲ့ မင်းသိဖို့က မဖြစ်နိုင် ဘူး။" ချင်ယွင်သည် ရှေးဟောင်းမိစ္ဆာနတ်ဘုရားကို မော့ကြည့်ပြီး လှောင်ပြောင် ရယ်မောလိုက်သည်။

ယခုအချိန်တွင်၊ သူ၏ နတ်ဆိုးနတ်ဘုရားအမြုတေအတွင်းရှိ နတ်ဘုရား စိတ်ဝိညာဥ် အနှစ်သာရသည် လျှို့ဝှက်ဆန်းကြယ်သော ကြေးဝါအပိုင်းအစကို အသက်သွင်းရန် ကြိုးစားနေပါသည်။ ဤနတ်ဘုရား စိတ်ဝိညာဉ်ကိုယ်ပွား၏ ရည်ရွယ်ချက်မှာ အချိန်ကို အတိုင်းအတာတစ်ခုအထိ ဆွဲထားရန်ဖြစ်သည်။ ထို့ကြောင့် ရှေးဟောင်းမိစ္ဆာနတ်ဘုရားက ပို၍ အဓိပ္ပာယ်မဲ့စကားမျိုး ပြောနေလေ၊ ချင်ယွင်အတွက် ပို၍အကျိုးရှိလေ ဖြစ်သည်။

"ဟမ့်၊ မင်း ငါ့ကို မပြောဘူးဆိုမှတော့ ငါကိုယ်တိုင် မင်းကို အရင်ရှင်းထုတ်ပြီး၊ မင်းရဲ့ ခန္ဓာကိုယ်ကို ဖြတ်တောက်ပစ်မယ်။ ဒါဆို မင်းရဲ့စိတ်ဝိညာဉ် အနှစ်သာရကို ရှာမတွေ့ ဘူးလို့ ငါ မယုံဘူး။" ရှေးဟောင်းမိစ္ဆာနတ်ဘုရားက အေးစက်စွာ အော်ပြောလိုက်သည်။ ထိုသို့ပြောပြီးနောက် သူ၏နတ်ဆိုးရုပ်အသွင်သည် ချင်ယွင်ဆီသို့ ပြေးသွားပြန်သည်။

ဘန်း….။

ရှေးဟောင်းမိစ္ဆာနတ်ဘုရားသည် လက်သီးများကို ဝှေ့ယမ်းကာ ချင်ယွင်ဆီသို့ ပြင်းထန်စွာ ထိုးလိုက်လေသည်။ သူ့လက်သီးတွင်ပါရှိသော နတ်ဘုရား စိတ်ဝိညာဉ်စွမ်းအားသည် ကြောက်မက်ဖွယ်ကောင်းသည်။

ရှေးဟောင်းမိစ္ဆာနတ်ဘုရားသည် သူ့ဆီ လက်သီးထိုးထုတ်လိုက်သည်ကို ချင်ယွင် မြင်လိုက်ရသည့်အခါ, သူသည်လည်း အောက်ကျခံလိုစိတ်မရှိသည်မှာ သဘာဝပင်။ ကောင်းကင်ဘုံအလိုဆန္ဒသည် သူ၏လက်သီးနှင့် ချက်ချင်း တွဲယှဉ်လျက် ရှေးဟောင်း မိစ္ဆာနတ်ဘုရား၏လက်သီးကို ပြင်းပြင်းထန်ထန် တရစပ် တိုက်ခိုက်ခဲ့သည်။

"ဘုန်း”။

တန်ခိုးကြီးသော နတ်ဘုရားစိတ်ဝိညာဉ် စွမ်းအင်နှစ်ခုသည် တိုက်မိပြီး ပြင်းထန်သော ပေါက်ကွဲသံကို ထုတ်ပေးသည်။

ကြောက်မက်ဖွယ်ကောင်းသော နတ်ဘုရားစိတ် ဝိညာဉ်စွမ်းအားများသည် ရုတ်တရက် ပေါက်ကွဲသွားပြီး နတ်ဘုရား စိတ်ဝိညာဉ်စွမ်းအား၏ ကြောက်မက်ဖွယ်လှိုင်းလုံးများ ဖြစ်ပေါ်လာသည်။

"ဟမ့်၊ သေလိုက်တော့" ရှေးဟောင်းမိစ္ဆာနတ်ဘုရားသည် ကျယ်လောင်စွာ ဟစ်အော်လိုက် ပြီး သူ့လက်ကို ဝှေ့ယမ်းလိုက်သည်။ နတ်ဘုရားစိတ်ဝိညာဉ်တန်ခိုးမှ လုံးလုံးလျားလျား ဖြစ်ပေါ်လာသော ဧရာမတောင်ကြီးသည် ချင်ယွင်ဆီသို့ ပြင်းထန်စွာ ရိုက်ချသွားသည်။

ချင်ယွင်သည် ဖိနှိပ်လာသော တောင်တန်းကို ကြည့်လိုက်ရင်း သူ့မျက်လုံးများသည် ကြောက်ရွံ့မှု အနည်းငယ်မျှ မရှိတော့ပေ။ ယင်းအစား သူသည် သူ၏လက်သီးများကို ဝှေ့ယမ်းကာ နတ်ဘုရားစိတ်ဝိညာဉ်တောင်ကြီးကို ပြင်းပြင်းထန်ထန် တရပ်စပ် တိုက်ခိုက် ခဲ့သည်။

"ဘုန်း…."

နတ်ဘုရားစိတ်ဝိညာဉ် တောင်ကြီးသည် ကွဲအက်သွားပြီး နတ်ဘုရားစိတ်ဝိညာဉ်၏ စွမ်းအားသည်လည်း ထပ်မံပေါက်ကွဲသွားပြန်သည်။

ယခုအချိန်တွင်၊ ဤနေရာ၌ ရှိသမျှအရာအားလုံးသည် အစစ်အမှန် မဟုတ်ဘဲ၊ သူတို့၏ နတ်ဘုရားစိတ်ဝိညာဉ်စွမ်းအားဖြင့် ဖန်တီးထားခြင်း ဖြစ်သည်။ သူတို့၏ နတ်ဘုရား စိတ်ဝိညာဉ်စွမ်းအားသည် ပို၍အားကောင်းလေ၊ နတ်ဘုရားစိတ်ဝိညာဉ် စွမ်းအားဖြင့် ဖန်တီးထားသည့်အရာသည် ပို၍အားကောင်းလေ ဖြစ်သည်။

ထိုအချိန်တွင် ချင်ယွင်၏ စိတ်ဝိညာဉ်သည် ကနဦးစကြဝဠာ၏ ကောင်းကင်ဘုံအလိုဆန္ဒ ကို မှီခိုအားထားနေရလေသည်။ ၎င်းသည် ရှေးဟောင်းမိစ္ဆာနတ်ဘုရား ပိုင်ဆိုင်နိုင်သည့် အရာမျိုး လုံးဝ မဟုတ်ပေ။ မထင်မရှား ထွင်းဖောက်မြင်နိုင်သည့်လက္ခဏာပင် ရှိနေသည်။ ထို့ကြောင့်၊ ဤမိစ္ဆာနတ်ဘုရား လေဟာနယ်၌ပင်၊ ရှေးဟောင်းမိစ္ဆာနတ်ဘုရားသည် ချင်ယွင်ကို လုံးဝ ဖမ်းဆုပ်ရန် နည်းလမ်း မရှိပေ။

ထို့အပြင်, ချင်ယွင်သည်လည်း ဤရှေးဟောင်းမိစ္ဆာနတ်ဘုရားကို အမှန်တကယ် မဖျက်ဆီးနိုင်သည့်အတွက် နှစ်ဖက်စလုံးသည် ဤအတိုင်းပင် စွမ်းအင်များကို ဖြုန်းတီးပစ် ရုံသာ တတ်နိုင်ကြသည်။

သေချာသည်မှာ, ချင်ယွင်သည် ဆက်လက် တိုက်ပွဲဝင်နေချိန်တွင် သူ့စိတ်ဝိညာဉ် စွမ်းအား သည် သေချာပေါက် ဆုံးရှုံးသွားရပါလိမ့်မည်။ ဤဆုံးရှုံးသွားသည့် စွမ်းအားကို မိစ္ဆာ နတ်ဘုရားလေဟာနယ်က စုပ်ယူသွားပြီး၊ ၎င်း၏စွမ်းအားသည် နှစ်ဆတိုးမြင့်သွားမည် ဖြစ်သည်။ သို့သော် ဤဖြစ်စဉ်သည် အတော်လေး ရှည်လျားပြီး၊ တိုက်ပွဲအခြေအနေ တစ်ခုလုံးကို အချိန်တိုအတွင်း ပြောင်းလဲပစ်ရန်မှာ မဖြစ်နိုင်ပေ။

"ဘုန်း…"

ချင်ယွင်၏ နတ်ဘုရားစိတ်ဝိညာဉ် စွမ်းအားသည် ရှေးဟောင်းမိစ္ဆာနတ်ဘုရား၏ စိတ်ဝိညာဉ် စွမ်းအားနှင့် ထပ်မံတိုက်မိသွားပြီး ကြောက်မက်ဖွယ်ရာ ပေါက်ကွဲသံတစ်ချက် ထွက်လာပြန်သည်။

ဤတစ်ကြိမ်တွင်၊ ချင်ယွင်၏လက်သီးကို ရှေးဟောင်းမိစ္ဆာနတ်ဘုရား၏ စိတ်ဝိညာဉ် ခန္ဓာကိုယ်ကြောင့် တိုက်ရိုက် လွင့်ပျံသွားပြီး ပေါက်ကွဲလုနီးပါး ဖြစ်ခဲ့ရသည်။

ရှေးဟောင်းမိစ္ဆာနတ်ဘုရား၏ စိတ်ဝိညာဉ်သည် အဝေးမှ လေဟာနယ်တံတိုင်းကြီးပေါ်သို့ ပြင်းထန်စွာ ဆင်းသက်သွားပြီး၊ မြေပြိုခြင်းကဲ့သို့ ပြိုလဲသံများ ဆက်တိုက်ဆိုသလို ထွက်ပေါ်လာသည်။

ရှေးဟောင်းမိစ္ဆာနတ်ဘုရား၏ အစိမ်းရင့်ရောင်မျက်လုံးများသည် ပြင်းထန်သော အုံ့မှိုင်းမှု များဖြင့် ပြည့်နှက်နေပါသည်။ ပြင်းထန်သော သတ်ဖြတ်လိုစိတ်က သူ့ခန္ဓာကိုယ်အနှံ့ အဆက်မပြတ် ရှိနေသည်။ ချင်ယွင်ကိုကြည့်နေသည့် သူ့အကြည့်များသည် ပို၍ပင် တောင့်တနေပါသည်။

နတ်ဘုရားစိတ်ဝိညာဉ်ခန္ဓာသည် သွေးသားခန္ဓာကိုယ်နှင့် များစွာ ကွာခြားမှု မရှိပါ။ ၎င်းသည် လူတစ်ဦး၏အမူအရာနှင့် ပုံစံကို လုံးဝ အတုယူနိုင်သည်၊ ထို့ကြောင့် ရှေးဟောင်း မိစ္ဆာနတ်ဘုရား၏ အမူအရာက သူ့စိတ်နှလုံးထဲမှ ခံစားချက်ကို အမှန်ကန်ဆုံး ဖော်ပြချက် များ ဖြစ်သည်။

ချင်ယွင်၏ရုပ်အသွင်သည် အောက်မှ ရှေးဟောင်းမိစ္ဆာနတ်ဘုရားကို ငုံ့ကြည့်နေသည်။ မှန်ပါသည်၊ သူသည်လည်း ရှေးဟောင်းမိစ္ဆာနတ်ဘုရားကို ဒေါသထွက်နေခဲ့သည်။ သူသည် ကြေးဝါအပိုင်းအစ၏ တန်ခိုးအစွမ်းကို တွေ့မြင်နိုင်ရန်အတွက် ရှေးဟောင်းမိစ္ဆာနတ်ဘုရား အား မိစ္ဆာနတ်ဘုရားမျက်လုံး၏ တန်ခိုးကို အသုံးပြုလာရန် တွန်းအားပေးလိုခဲ့သည်။

ကြေးဝါအပိုင်းအစ၏ တန်ခိုးမှတဆင့် သူပိုင်ဆိုင်သော ကြေးအပိုင်းအစသည် ၎င်းကို ရှာတွေ့နိုင်ပေမည်။ သူ၏ကြေးဝါအပိုင်းအစကို အသက်သွင်းနိုင်သည်နှင့် ပြဿနာ အားလုံး ပြေလည်သွားမည် ဖြစ်သည်။ ထိုအချိန်တွင်၊ ရှေးဟောင်းမိစ္ဆာနတ်ဘုရားသည် လုံးလုံး လျားလျား သေဆုံးသွားရပေလိမ့်မည်။

"ကြည့်ရတာ, ရှေးဟောင်းမိစ္ဆာနတ်ဘုရားဆိုတာ ဒီထက် ဘာမှမပိုဘူးထင်တယ်။ ဒါမှ မဟုတ်ရင်လည်း ဒဏ္ဍာရီတွေက ကောလဟာလတွေပဲ ဖြစ်နိုင်တယ်။ တစ်စုံတစ်ယောက် ဘိုးဘွားနတ်ဘုရား တစ်ဒါဇင်ကျော်ကို လုပ်ကြံသတ်ဖြတ်တယ်ဆိုတဲ့စကားကို ရည်ရွယ်ချက်ရှိရှိ လုပ်ကြံဖန်တီးခဲ့တာ ဖြစ်ရမယ်" ချင်ယွင်သည် ရှေးဟောင်း မိစ္ဆာနတ်ဘုရားကို ငုံ့ကြည့်ကာ လှောင်ပြောင် ပြောလိုက်သည်။

မျှော်လင့်ထားသလိုပင်၊ ချင်ယွင်သည် ထိုစကားတွေကို ပြောလိုက်သည့် အခိုက်မှာပင် အလွန်မင်း ဒေါသထွက်နေသည့် အမူအရာက ရှေးဟောင်းမိစ္ဆာနတ်ဘုရား၏ မျက်နှာမှာ တဟုန်ထိုး ပျံ့နှံ့လာခဲ့သည်။

"လူသား ကောင်စုတ်လေ၊ ငါမိစ္ဆာနတ်ဘုရားရဲ့ တန်ခိုးအစစ်အမှန်ကို မင်းကို မြင်တွေ့ခွင့် မပေးတဲ့အတွက်, မင်းက ငါကို ဖျားနာနေတဲ့ ကြောင်တစ်ကောင်လို့ တကယ် ထင်နေတာ ပဲ။ ကောင်းပြီလေ၊ ဒီလိုဆိုမှတော့ မင်းရဲ့ဆန္ဒကို ဖြည့်ဆည်းပေးပြီး ငါ မင်းကို ငရဲဘုရင်ဆီ ပို့ပေးလိုက်မယ်။" ရှေးဟောင်းမိစ္ဆာနတ်ဘုရားက အေးစက်စွာ အော်ပြောလိုက်သည်။ သူ ထိုသို့ပြောပြီးသည့်နောက်မှာ သူ့ခန္ဓာကိုယ်ထဲမှ လျှို့ဝှက်ဆန်းကြယ်ပြီး ပြင်းထန်သော စွမ်းအင်အတက်အကျ လှိုင်းတစ်ခု ထွက်ပေါ်လာသည်။

"ကြေးဝါအပိုင်းအစတန်ခိုး!" ချင်ယွင်၏ မျက်လုံးများသည် ချက်ချင်းပင် တောက်ပလာ သည်။ ထိုစွမ်းအားကို သူသည် အရမ်းကို ရင်းနှီးပြီး သူမှားယွင်းနေပါသည်ဟု ဘယ်တော့မှ ဝန်ခံမည် မဟုတ်ပေ။