အခန်း (၁၄၆)

သူမသည် ကခုန်နေပြီး သူhလှုပ်ရှားမှုများမှာ မြို့တော်တစ်ခုလုံးကို မှောက်လှန်ပစ်နိုင်လောက်အောင် အလွန်ယဉ်ကျေးသိမ်မွေ့လှသည်။

သူမ ဖြတ်သန်းသွားရာနေရာတိုင်းတွင် အရာအားလုံးနှင့် လူအားလုံးမှာနေရာပြောင်းသွားကာ ချက်ချင်းမှောက်ခုံဖြစ်သွားကြသည်။ တကယ်ကို မြို့တော်ကို မှောက်လှန်နိုင်သောအကပင်။

စုကျိုမှာမူ သူ့ကိုယ် သူ အလွန်ပင် တည်ငြိမ်နေသည်ကို တွေ့ရှိလိုက်ရသည်။

ယင်လီမှာမူ လိုကျားကဲ့သို့ပင် သူ့ မျက်လုံးများကို ချက်ချင်းဖုံးအုပ်ထားလိုက်သည်။

ဤအကအလှတရားမှာ အလွန်ထူးကဲလှသဖြင့် ခဏတာကြည့်ရှုပြီးပါက လှုပ်ရှားနိုင်တော့မည် မဟုတ်ပေ။

"ဟေး၊ ဖီဖာမှိုရောင်းတဲ့ ခရီးသွားကုန်သည်အစ်မကြီးစု ရှင်လည်း ဒီမှာ ရှိနေတာပဲလား”

ကချေသည်ခန်းမမှ အပြစ်ကင်းစင်ပြီး နုံအသောလှပသော မိန်းကလေးများသည် စုကျိုကိုတစ်ချက်ကြည့်ရုံနှင့် မှတ်မိသွားကြသည်။

ဝူချင်းချန်းက သူ့စွမ်းအားများကို ချက်ချင်းပြန်ရုပ်သိမ်းလိုက်ကာ ဝမ်းသာအားရအော်ဟစ်လိုက်သည်။

"သြော်၊ ကျွန်မ သိပြီ၊ ဒုတိယမေးခွန်းပြီးနောက် အစ်မကြီးစုက ဒီမှာ အပိုမေးခွန်းတွေအတွက် တာဝန်ခံပြန်ဖြစ်လာတာပေါ့၊ ရှင် လက်ဖက်ရည်ဆိုင်ရှင် ဖြစ်သွားတာပဲ”

ရှန်းဝူချင်း: "?"

စုကျိုသည် သူမကို တကယ်လိမ်ညာချင်သွားရသည်။

အပြစ်ကင်းစင်ပြီး လှပသော မိန်းကလေးတစ်ယောက်ကိုလိမ်ညာရခြင်းမှာ အလွန်ချိုမြိန်သောအရာ ဖြစ်သော်လည်း တစ်ဒါဇင်ကျော်ရှိသော မိန်းကလေးများကို လိမ်ညာရန်မှာမူ သူ မရက်စက်နိုင်ပေ။

ဝူချင်းချန်းက ရှေ့ဆုံးမှနေ၍ ယဉ်ကျေးစွာရပ်တန့်လိုက်သည်။ ကချေသည်ခန်းမမှ အခြားကချေသည်များမှာလည်း စုကျိုအား ချစ်ခင်နှစ်လို ခြင်းနှင့် အံ့သြခြင်းများဖြင့် ချက်ချင်းကြည့်လိုက်ကြသည်။

"ကောင်းလိုက်တာ၊ အစ်မကြီးစုပဲ ကျွန်မတို့လွတ်ပြီ”

"အစ်မကြီးစု၊ ဒါက ဒီလိုပါ ကျွန်မတို့ ဝိညာဉ်ပိုးဖလံဂေဟာအဖွဲ့ရဲ့ သတင်းအချက်အလက်တွေကို ဝယ်ချင်လို့ပါ”

"အဟမ်း..."

"ဒီနှစ်မှာ အင်အားကြီးတဲ့ ဝိညာဉ်ပိုးဖလံဂေဟာနဲ့ ကျွန်မတို့ကချေသည်ခန်းမက အုပ်စု C ထဲမှာ အတူတူကျနေတာ”

"ကျွန်မတို့ နောက်ဆုံးမှာ ဝိညာဉ်ပိုးဖလံဂေဟာနဲ့ရင်ဆိုင်ရမှာကို စိုးရိမ်နေတာ၊ သူတို့က ပထမသုံးပွဲလုံးမှာ အုပ်စု C ရဲ့ ပထမဖြစ်ခဲ့သလို ကျွန်မတို့ထက် ပိုမြန်ပြီး ပိုကောင်းတဲ့ရလဒ်တွေနဲ့ တက်လာခဲ့တာလေ”

ဝူချင်းချန်းမှာ ဤကျူယွမ်ကကွက်အဖွဲ့၏ ခေါင်းဆောင်ဖြစ်သည်မှာ ထင်ရှားလှသည်။

သူမ ချိုသာစွာပြုံးပြကာ စုကျိုကို အရာရာကိုဝန်ခံလိုက်သည်။

"အဟမ်း”

"ဒါကြောင့် ကျွန်မတို့ ဝိညာဉ်ပိုးဖလံဂေဟာအကြောင်းသတင်းတွေ ဝယ်ဖို့ လက်ဖက်ရည်ဆိုင်ကိုလာခဲ့တာပါ၊ အစ်မကြီးစု၊ ကျေးဇူးပြုပြီး ဈေးနှုန်းလေး ပြောပေးပါဦး—"

"အဟမ်း—"

"သက်ပြင်းချသံ”

ဝူချင်းချန်းသည် စားပွဲကြီးဘေးရှိ နံရံတွင် ခုံအသေးလေးဖြင့် ထိုင်နေသော ရှန်းဝူချင်းကိုနောက်ဆုံးတွင် မကြည့်ဘဲ မနေနိုင်တော့ပေ။

"ကျေးဇူးပြုပြီး လက်ဖက်ရည်လေး သောက်ဦးမလား”

သူမ စကားပြောလိုက်တိုင်း ထိုလူက ချက်ချင်းချောင်းဆိုးနေသည်။

သူမ စကားရပ်လိုက်သောအခါ သူလည်း ချောင်းမဆိုးတော့ပေ။

စိတ်ရှည်တတ်သော ဝူချင်းချန်းပင်လျှင် အနည်းငယ်စိတ်မရှည် ဖြစ်လာရသည်။

"ချောင်းဆိုးပျောက်ဆေးလေးများ သောက်မလား၊ ကျွန်မ တစ်လုံးပေးရမလား”

"..."

ရှန်းဝူချင်းမှာ စိတ်ပျက်နေပြီဖြစ်သည်။ ကခုန်ခြင်း၏အလှတရားကိုသာ အာရုံစိုက်သော ဤကျင့်ကြံသူများသည် အလွန်နုံအကြလှသည်။

၎င်းတို့သည် ခရီးစဉ်အတွင်းမှသာ တစ်ခါတရံအပြင်ထွက်ဖူးကြသဖြင့် ဂိုဏ်းပြင်ပရှိကောက်ကျစ်လှသော 'စုကျို' ကို တစ်ခါမျှမတွေ့ဖူးကြပေ။ ပြိုင်ပွဲ နှစ်ပွဲလုံးတွင် ဝိညာဉ်ပိုးဖလံဂေဟာကိုမယုံကြည်ရန် သူ သတိပေးခဲ့သော်လည်း ကချေသည်ခန်းမက သူ့ကို လုံးဝဂရုမစိုက်ခဲ့ကြပေ။

စုကျိုမှာလည်း ဤအချက်ကြောင့်အံ့သြသွားပြီး ပါးလွှာသော ပိုးဖဲဝတ်စုံဝတ်ထားသော ယဉ်ကျေးလှသော မိန်းကလေးတစ်ဒါဇင်ခန့်ကို ကြည့်လိုက်သည်။

"မင်းတို့ရဲ့ စာစစ်သူ ဘယ်မှာလဲ”

ကချေသည်ခန်းမတွင်လည်း ၎င်းတို့နှင့်အတူ လိုက်ပါလာသော 'ရှန်းဝူချင်း' တစ်ယောက်ရှိသင့်သည်။

"အစ်မကြီးစုက စီနီယာအစ်မ ရှန်းပုတယ်ကို ပြောတာလား၊ သူက သင်္ဘောမူးလို့ ကျွန်မတို့သင်္ဘောပေါ်မှာ အနားယူနေတယ်” ဟု ဝူချင်းချန်းက ပြောလိုက်သည်။

စုကျိုမှာ အလွန်ထိတ်လန့်သွားသည်။ ကျင့်ကြံသူတွေက သင်္ဘောမူးတတ်လို့လား ??

"သြော်၊ ဘာလို့လဲဆိုတော့ ကျွန်မတို့ သင်္ဘောပေါ်မှာ ကကွက်တွေလေ့ကျင့်နေကြလို့ပါ”

"စီနီယာအစ်မပုတယ်က နေ့ညပြောင်းပြန်ဖြစ်နေတာ၊ သူ့ကိုယ်တွင်းအင်္ဂါတွေ နေရာလွဲကုန်ပြီး ခဏခဏအန်နေတာ”

ဝူချင်းချန်းအပြင်၊ ကခုန်ခြင်းဖြင့် လမ်းစဉ်သို့ ဝင်ရောက်လာသော ဤအဖွဲ့တွင် 'စကြဝဠာကို ကခုန်ခြင်း' နှင့် 'ညှို့ယူဖမ်းစားနိုင်သော ရုပ်အသွင်' ကဲ့သို့သော အရည်အချင်းများရှိကြသည်။ ၎င်းက လူတစ်ဦး၏ ကိုယ်တွင်းအင်္ဂါများကို လှုပ်ခါစေပြီး မှော်ဝင်နေသကဲ့သို့ မူးဝေစေကာ လမ်းပျောက်စေသည်။ ရွှေအမြုတေအဆင့်သို့ အခုလေးတင် တက်ရောက်ထားသော ဝိညာဉ်ကုန်သည်အသင်းမှ စာစစ်သူများပင်လျှင် အနားသို့ အလွန်အမင်းကပ်မိပါက အလွယ်တကူ သက်ရောက်မှုခံရနိုင်သည်။ စာစစ်သူများသည် ၎င်းတို့၏ခုခံအားကို အမြဲတမ်းမထိန်းထားနိုင်ကြပေ။ ဝူချင်းချန်းကမူ ဘာမှမပြောရဲပေ၊ အကြောင်းမှာ ၎င်းတို့အငယ်ဆုံး ညီမငယ်၏အကမှာ 'နှလုံးသားကို လှုပ်ခါစေနိုင်' သောကြောင့်ဖြစ်သည်။ ဝိညာဉ်ကုန်သည်အသင်းမှ မတော်မတရားသော စီနီယာအစ်မမှာ ရက်အတော်ကြာနေမကောင်းဖြစ်နေခဲ့သည်။

သူမသည် ဆေးကုသစရိတ်များ ပေးဆောင်ရနိုင်သည်ဟုလည်း ဆိုကြသည်။

"ဒါကြောင့် ကျွန်မတို့ ကိုယ်တိုင် သင်္ဘောပေါ်ကဆင်းလာခဲ့တာ”

"ဒါပေမဲ့ ကျွန်မတို့မဆင်းခင်မှာ၊ ကျွန်မတို့ရဲ့ ၁၃ ယောက်မြောက် ညီမငယ်က အမှတ်မထင် ကကွက်တစ်ခုကလိုက်မိတယ်၊ အဲဒါကို မတော်မတရားတဲ့ စီနီယာအစ်မက လေကောင်းလေသန့်ထွက်ရှူရင်းမြင်သွားတာ၊ သူမ ချက်ချင်းအဲဒီအကထဲ စိတ်ပါသွားပြီးစိတ်လွတ်သွားတာ၊ နံရံနဲ့ ခေါင်းကို ရုတ်တရက်ဆောင့်မိပြီး ပန်းအိုးနဲ့လည်းတိုက်မိပြီး သွေးထွက်သွားတယ်၊ အဲဒီနောက်မှာ သူက ပျောက်ဆုံးနေတဲ့ မှတ်ဉာဏ်တွေ ပြန်ရလာပြီလို့ပြောတယ်၊ မိစ္ဆာကျင့်ကြံသူကိုရှာရမယ့် အပိုမေးခွန်းတွေနဲ့ သတင်းအချက်အလက်တွေဝယ်တာ ရောင်းတာတွေ အကြောင်းကို သူ စိတ်ရူးပေါက်ပြီး ကျွန်မတို့ကိုပြောပြခဲ့တာ”

ဝူချင်းချန်းက ရှက်ကိုးရှက်ကန်းဖြင့် အမှန်အတိုင်းရှင်းပြလိုက်သည်။

ရှန်းဝူချင်း: "..."

စုကျို: "..."

တကယ့်ကို ကြောက်စရာကောင်းလှသော ကာမစိတ်ဖြင့် မျက်စိကွယ်စေသည့် အရည်အချင်းပါပေ။

"သေစမ်း၊ အစ်မကြီးစု ဒါက မတရားလုပ်တာလို့ မသတ်မှတ်ဘူးမလား”

"ကျွန်မတို့ တမင်လုပ်တာမဟုတ်ပါဘူး၊ စီနီယာအစ်မပုတယ်ကို ကျွန်မတို့ ကတာကိုမကြည့်ပါနဲ့လို့ ပြောသားပဲ”

ရှန်းဝူချင်းမှာမူ ဤစကားကိုကြားသောအခါ လုံးဝစိတ်ပျက်သွားတော့သည်။

ပုတယ်ဆိုသည်မှာ သူ့ စီနီယာအစ်မကိုယ်တိုင် ရွေးချယ်ထားသော နာမည်ဖြစ်ပြီး၊ အမျိုးသမီးများအတွက် သီလမရှိခြင်းမှာ ချမ်းသာကြွယ်ဝမှု တစ်မျိုးဟုယုံကြည်ကာ စည်းစိမ်ဥစ္စာများဆီသို့ ဦးတည်သောလမ်းစဉ်တစ်ခုဖြစ်သည်။

သူမသည် ကချေသည်ခန်းမနှင့်ဆုံတွေ့ပြီး ဤမျှအထိ လမ်းပျောက်သွားလိမ့်မည်ဟု မထင်ထားခဲ့ပေ။

ဘာလို့ ဒီနှစ် အုပ်စု C ထဲက အဖွဲ့တွေ အကုန်လုံးက ဒီလောက်ကြောက်စရာကောင်းနေကြတာလဲ၊

ဝိညာဉ်ပိုးဖလံဂေဟာနဲ့ကချေသည်ခန်းမက ဒီနှစ်ရဲ့ ထိပ်ဆုံး သုံးနေရာကို လက်ဝါးကြီးအုပ်သွားကြတော့မှာလား

သို့သော် ရှန်းဝူချင်းက ထိုအတွေးကို ချက်ချင်းဖယ်ထုတ်လိုက်သည်။

မဟုတ်ဘူး၊ ဤကဲ့သို့ သေးနုပ်သော လှည့်ကွက်များသည် အစစ်အမှန်ကိုယ်ခံပညာရှင်ကြီးတစ်ဦးကို ကြာရှည်ရင်ဆိုင်နိုင်လိမ့်မည် မဟုတ်ပေ။

သို့သော် စုကျိုသည် ဝူချင်းချန်းအပါအဝင် သူ့ ညီမငယ်အချို့ကို အမြန်ပင်အားလပ်သော ထိုင်ခုံများတွင် ရှာဖွေထိုင်စေကာ သူမ ဘေးတွင် ထိုင်စေလိုက်သည်။

၎င်းတို့၏တိုးတိုးတိတ်တိတ် စကားလုံးများမှာ ရှန်းဝူချင်းကိုထိတ်လန့်သွားစေသည်။

"ညီမငယ် ချင်းချန်း၊ နင် ဝိညာဉ်ပိုးဖလံဂေဟာဆီက သတင်းအချက်အလက်တွေဝယ်ဖို့ ဒီလောက် မြင့်မားတဲ့ ဈေးနှုန်းကို တကယ်ပဲ ပေးချင်တာလား”

"ဟုတ်ပါတယ်”

"ဒါဆိုရင် အဲဒီ သတင်းအချက်အလက်တွေနဲ့ ဘာလုပ်ဖို့ စဉ်းစားထားလဲ”

"ဟုတ်တာပေါ့၊ သူတို့ ဘာလို့ ဒီနှစ်မှာ ဒီလောက်အင်အားကြီးနေရတာလဲဆိုတာ ကျွန်မတို့ သိချင်လို့ပါ..."

ဝူချင်းချန်း အမြန်ပြောလိုက်ပြီးမှ ရှက်သွေးဖြာလျက် ထပ်ဖြည့်လိုက်သည်။

"အဓိကကတော့ ဝိညာဉ်ပိုးဖလံဂေဟာက အပိုပြိုင်ပွဲတွေမှာ ဘယ်လောက်အထိတိုးတက်နေပြီလဲ၊ ပြီးတော့ ကျွန်မတို့ ဝိညာဉ်ကချေသည်တွေ သူတို့ဆီက ဘာသင်ယူနိုင်မလဲဆိုတာ သိချင်လို့ပါ”

"ဟေး၊ အစ်မကြီးစု ကျွန်မတို့ကို ရယ်မရယ်ပါနဲ့၊ ကျွန်မတို့ ကချေသည်တွေက သင်ယူလိုစိတ်အရမ်းပြင်းပြကြလို့ပါ”

"တကယ်လို့ ပိုပြီးယဉ်ကျေးသိမ်မွေ့တဲ့ ကကွက်တွေရှိရင် ကျွန်မတို့ နှိမ့်ချစွာနဲ့သင်ယူချင်ပါတယ်”

"တကယ်လို့ ဝိညာဉ်ပိုးဖလံဂေဟာက ဒီအပိုပြိုင်ပွဲမှာ ထပ်ပြီးပထမရမယ်ဆိုရင်၊ ကျွန်မတို့ ကချေသည်တွေက ဒုတိယရအောင် ကြိုးစားလို့ ရတာပေါ့”

စုကျို ခေါင်းညိတ်လိုက်ပြီး သူ့ကိုယ် သူ ချက်ချင်းညွှန်ပြလိုက်သည်။

"ကောင်းပြီ”

"ဝိညာဉ်ပိုးဖလံဂေဟာက မင်းတို့ကိုသင်ယူခွင့်ပေးဖို့ သဘောတူပါတယ်”

"ဒါပေမဲ့ ကတိတစ်ခုတော့ရှိတယ်၊ ဝိညာဉ်ပိုးဖလံဂေဟာဆီကရတဲ့ အသိပညာတွေကိုသုံးပြီး မိစ္ဆာကျင့်ကြံသူတွေကို ဖမ်းလို့ရလာတဲ့ အမှတ်တွေကို ဝိညာဉ်ပိုးဖလံဂေဟာနဲ့ခွဲဝေယူရမယ်”

ဝူချင်းချန်းသည် သူ့ ညီမငယ်များနှင့် ချက်ချင်းအကြည့်ဖလှယ်လိုက်ကြသည်။

၎င်းတို့အားလုံးက ခေါင်းညိတ်ကာသဘောတူလိုက်ကြသည်။

"ဒါသဘာဝကျပါတယ်”

"ကျွန်မတို့တခြားလူရဲ့ ကကွက်တွေကို ကရင်လည်း အကျိုးအမြတ်ကို ၃၀/၇၀ ခွဲယူကြတာပဲလေ”

"မှန်ပါတယ်”

"ပြဿနာမရှိပါဘူး”

စုကျို ပြုံးလိုက်ကာ ယခုအထိပျော့ခွေနေသော ယင်လီမှာ နောက်ဆုံးတွင် သူ့ ဝိညာဉ်ပိုးဖလံမှထုတ်လုပ်ထားသော ပိုးသားဖြင့် သူမ၏ မျက်လုံးများကို ဖြည်းညှင်းစွာဖုံးအုပ်လိုက်ပြီး မတ်မတ်ထိုင်လိုက်သည်။

ဝူချင်းချန်းနှင့် မိန်းကလေးများသည် သူမ မျက်လုံးများကို ဖုံးအုပ်ထားသော နှင်းကဲ့သို့ ဖြူစင်သောပိုးသားကို ချက်ချင်းပင် စိတ်ဝင်စားသွားကြသည်။

"ဒါက... ဘာလဲ..."

"ဒါက လတ်လတ်ဆတ်ဆတ်ထုတ်ထားတဲ့ ပိုးသားပါ”

"ဟုတ်တယ်၊ ကျွန်မတို့က ဝိညာဉ်ပိုးဖလံဂေဟာကပါ” စုကျို ပြုံးလျက် ပြောလိုက်သည်။

"!!!"

နောက်ဆုံးတွင် ဝိညာဉ်ပိုးဖလံဂေဟာနှင့် အကခန်းမ၏အခြေခံအုတ်မြစ်တည်ဆောက်ခြင်းအဖွဲ့မှာ အတူတူပူးပေါင်းလိုက်ကြပြီး ဤလက်ဖက်ရည်ဆိုင်၏ဒုတိယထပ်ရှိ သီးသန့်အခန်းသို့ရောက်ရှိလာကြသည်။

သီးသန့်အခန်းခကိုမူ နောက်ပြိုင်ပွဲအတွက် စုကျိုကိုနည်းပြအဖြစ် ငှားရမ်းခစရန်ငွေအဖြစ် အကခန်းမကပေးဆောင်လိုက်သည်။

ရှန်းဝူချင်းမှာမူ တစ်လျှောက်လုံး တိတ်ဆိတ်စွာဖြင့် ထောင့်တစ်နေရာတွင် ထိုင်နေခဲ့သည်။

သူသည် သူ့ စီနီယာအစ်မပုတယ် ထံသို့ ဂဏန်းပေါင်းစက်မှတစ်ဆင့် သတင်းစကားပေးပို့လိုက်သည်။ သူ တစ်ယောက်တည်းနှင့် ဤအခြေအနေကို မထိန်းချုပ်နိုင်တော့သဖြင့် မြန်မြန်လာပါရန်ပြောလိုက်ခြင်းဖြစ်သည်။

ဤအချိန်တွင် ဒုတိယထပ်ရှိ ယဉ်ကျေးလှသော သီးသန့်အခန်းအတွင်း၌

လက်ဖက်ရည်ထိုင်ခုံများ၊ လက်ဖက်ရည်စားပွဲနှင့် လက်ဖက်ရည်အိုးပင်လျှင် မှောက်ခုံဖြစ်နေကြသည်။

အကခန်းမရှိ ကျူယွမ်အဖွဲ့၏ခေါင်းဆောင် ဝူချင်းချန်းမှာမူ အရာအားလုံးကို ကကွက်တစ်ခုသဖွယ် ယဉ်ကျေးသိမ်မွေ့သောလှုပ်ရှားမှုများဖြင့် အားလုံးအတွက် လက်ဖက်ရည်ငှဲ့ပေးနေသည်။

ခဏအတွင်းမှာပင် ကမ္ဘာကြီးကို ညှို့ယူနိုင်သော နောက်ထပ်ကကွက်တစ်ခုဖြစ်လာနိုင်သည်။

တောက်ဟယ်နှင့် သူ ပိုးဖလံထိန်းကျောင်းသူများသည် ချက်ချင်းငါးဖမ်းကြိုးများနှင့် ပိုးချည်မျှင်များကို အမြောက်အမြားပစ်ထုတ်လိုက်ကြပြီး လူတိုင်းနှင့် လက်ဖက်ရည်ပစ္စည်းများကိုချိတ်ဆွဲကာ အမြန်ထိန်းထားလိုက်ကြသည်။

ထိုအခါမှသာ ၎င်းတို့သည် မှောက်ခုံ မဖြစ်တော့ဘဲ လက်ဖက်ရည်ကိုသောက်နိုင်တော့သည်။

စုကျိုက လိုရင်းကို ချက်ချင်းပြောလိုက်ကာ၊ ဖမ်းဆီးရမိထားသော မိစ္ဆာကျင့်ကြံသူအကြောင်းနှင့် သူ့ကို လက်ဖက်ရည်ဆိုင်သို့ 'လျှို့ဝှက်စွာ' ပေးပို့ရန်လိုအပ်ကြောင်း အကခန်းမအား အမြန်အသိပေးလိုက်သည်။

"ငါတို့ မြန်မြန်လုပ်ဖို့ လိုတယ်”

"တခြားအဖွဲ့တွေ သတိမထားမိခင်မှာပေါ့”

ဝူချင်းချန်းနှင့် အခြား ညီမငယ်များ၏မျက်လုံးများမှာ ဝင်းလက်သွားသည်။

၎င်းတို့ အဘယ်ကြောင့် ဤအချက်ကို မစဉ်းစားမိခဲ့ကြသနည်း။

အခြားအဖွဲ့များ သတိမထားမိခင်မှာပင် အပိုမေးခွန်းကို လျှို့ဝှက်စွာဖြေဆိုလိုက်ခြင်းပင်၊

"ဒါဆိုရင် အစ်မကြီးစု မဟုတ်ဘူး၊ ဝိညာဉ်ပိုးဖလံဂေဟာကညီမငယ်စုကျို၊ ညီမငယ်က မိစ္ဆာကျင့်ကြံသူကိုဖမ်းထားပြီးသားပေါ့”

ခဏတာ စကားပြောပြီးနောက် ဝူချင်းချန်းသည် စုကျိုမှာ သူ့ထက် ငယ်ပြီး ကျင့်စဉ်အဆင့်လည်း ပိုနိမ့်သည်ကိုတွေ့ရှိသွားသည်။

ထို့ကြောင့် သူမက ညီမငယ်စုကျိုဟု ပြောင်းလဲခေါ်ဆိုလိုက်ခြင်း ဖြစ်သည်။

သို့သော် သူမက ချက်ချင်းထပ်မံပြောင်းလဲလိုက်ပြန်သည်။

"အင်း” စုကျိုက တည်ငြိမ်စွာခေါင်းညိတ်လိုက်ပြီး လက်ချောင်းခုနစ်ချောင်းကိုထောင်ပြလိုက်သည်၊ "ငါတို့ ခုနစ်ယောက် ဖမ်းထားတယ်”

"!!!"

"ဆရာမစု ကျေးဇူးပြုပြီး ကျွန်မတို့ကို သင်ပြပေးပါဦး”

ရှန်းဝူချင်းမှာမူ စကားပင်မပြောနိုင်တော့ပေ။

အရည်အချင်းအရှိဆုံး ကောက်ကျစ်လှသော ကုန်သည်မှာ မိမိ၏ကိုယ်ပိုင်လိမ်ညာမှုကိုပင် မိမိကိုယ်တိုင် ယုံကြည်သွားသူဖြစ်သည်။

ချက်ချင်းဆိုသလို သူ့ကိုသူရဲကောင်းတစ်ဦးအဖြစ် အသိအမှတ်ပြုပေးသော အကခန်းမ၏အမြင်ကို လေးစားသောအားဖြင့် စုကျိုသည် မိစ္ဆာကျင့်ကြံသူများကို ဖမ်းဆီးပုံ အဆင့်ဆင့်ကို အကခန်းမအားပြောပြလိုက်သည်။

"ဒီမိစ္ဆာကျင့်ကြံသူတွေက နေရာအနှံ့မှာပျံ့နှံ့နေကြတာ၊ သူတို့က တစ်ယောက်တည်းပဲလှုပ်ရှားကြတယ်၊ သူတို့နဲ့ ဆုံမိတဲ့ ဘယ်အဖွဲ့မဆို သူတို့ကို အလွယ်တကူ အနိုင်ယူပြီး ဖမ်းလို့ရတယ်”

"ဒါကြောင့် အခက်အခဲက သာမန်လူတွေကြားထဲမှာပုန်းနေတဲ့ မိစ္ဆာကျင့်ကြံသူတွေကို ရှာဖို့ပဲ”

မှန်တာပေါ့

ဝူချင်းချန်းနှင့် အခြားလှပသော မိန်းကလေးများသည် စက္ကူနှင့်ကလောင်ကို အသုံးပြုကာ သေသေချာချာမှတ်သားနေကြသည်။

"ဆရာမစု၊ သူတို့ကို ဘယ်လိုရှာရမလဲ၊ ကျွန်မတို့ဂိုဏ်းက တခြားစီနီယာအစ်မတွေပြောတာတော့ မိစ္ဆာကျင့်ကြံသူတွေက လျှို့ဝှက်လှုပ်ရှားတဲ့ အခါမှာ သူတို့ရဲ့အထောက်အထားကို ဖုံးကွယ်ထားကြတယ်၊ သာမန်ကျင့်ကြံသူတွေနဲ့ ခွဲခြားလို့ မရနိုင်လောက်အောင်ပဲတဲ့”

"မှန်တယ်၊ သူတို့ လှုပ်ရှားမှု မပြုမချင်းတော့ သူတို့ရဲ့ မိစ္ဆာအငွေ့အသက်ကို ဖုံးကွယ်ထားလို့ရတယ်”

"လှုပ်ရှားမှု မပြုရင်တော့ သူတို့က ကျွန်မတို့လိုဖြောင့်မတ်တဲ့ ကျင့်ကြံသူတွေနဲ့ လုံးဝ ခွဲခြားလို့မရနိုင်ဘူး”

စုကျိုက ပြုံးလိုက်သည်။

"ဒါအတွက် ငါ နည်းလမ်းနှစ်ခု စဉ်းစားထားတယ်”

"!”