အခန်း (၁၅၃)
Vol. 16 Ch. 153
🥝 Chapter 153
သူ့ဘေးနားရှိ လွင့်မျောနေသော နတ်မင်းအငွေ့အသက်များကြားမှ ပါးပြင်နီနီနှင့် ဝိညာဉ်ပိုးဖလံနတ်သူငယ်လေး ပေါ်လာပြီး သူ့အတွက် ဘာသာပြန်ပေးလိုက်သည်။
"လုကြီးက စုကျိုတော်တယ်လို့ ပြောတယ်၊ ပြီးတော့ တခြားသူတွေလည်း ကြိုးစားကြပါတယ်တဲ့”
"ဒါပေမဲ့ လဲ့ကျယ်က နောက်တစ်ခါကျရင် 'ပြဿနာအကြီးကြီး' ဆိုတဲ့ စကားကို လွယ်လွယ်နဲ့မပြောပါနဲ့တော့တဲ့၊ လုကြီးကို အကြီးအကျယ် ထိတ်လန့်သွားစေလို့ပါတဲ့”
"အဲဒါက သူ့ကိုရော သူ့လက်အင်္ကျီတွေကိုရော... ဘာပဲဖြစ်ဖြစ်၊ သူက အလျင်စလိုပြေးလာခဲ့ရတာပေါ့”
ဝိညာဉ်ပိုးဖလံ နတ်သူငယ်လေးက ခေါင်းခါရင်းပြောလိုက်ရာ လဲ့ကျယ်နှင့် အခြားသူများမှာ အလွန်ထူးဆန်းသော မျက်နှာထားများ ဖြစ်သွားကြသည်။
"တကယ့်ကို အံ့သြစရာကြီးပါပဲ”
"တကယ်ပါ၊ ငါတို့ကို တမင်တကာထိတ်လန့်အောင် လုပ်နေတာပဲ—"
ဝိညာဉ်ပိုးဖလံ နတ်သူငယ်လေး၏စကားမှာ ပေသီးကိုကိုင်ဆောင်ကာစဉ်းစားနေသော စုကျိုကြောင့် စကားမဆုံးဘဲ ရပ်သွားရသည်။
"တကယ်တော့ လဲ့ကျယ်ပြောတာ မမှားပါဘူး”
ထို့နောက် စုကျိုက ရွှေရောင်ပေသီးကိုသိမ်းလိုက်ကာ တင်းမာပြီး စိုးရိမ်သောမျက်နှာထားဖြင့် အတွင်းခန်းထဲသို့ ဝင်သွားကာ၊ အတွင်းခန်းထဲ တွင်ရှိနေပြီး ပျို့အန်ချင်သလိုခံစားနေရသော ပိုးကောင်နှင့်ချန်ယွမ်ကိုခေါ်လိုက်သည်။
လုကျိကျောင်း၊ ဝိညာဉ်ပိုးဖလံ နတ်သူငယ်လေး နှင့် သူ့လက်အင်္ကျီအိတ်ထဲမှ စာလိပ်လူကြီးမင်းများ အားလုံးခေါင်းလှည့်ကြည့်လိုက်ကြသည်။
၎င်းတို့မှာ အသားအရေမကောင်းလှသော အနီရောင်ဝတ်စုံနှင့် မိစ္ဆာလူငယ်လေးက သူ့လက်ထဲတွင် ဧရာမကြီးမားလှသည့် အရောင်ခုနစ်မျိုး ထွက်နေသောဖြူဖွေးသောအမွှေးများနှင့် အဝိုင်းပုံခြင်္သေ့ကြီးတစ်ကောင်ကို ပွေ့ချီထားသည်အားတွေ့လိုက်ရသည်။
ဒါက ဘာကြီးလဲ ??
"ဆရာကြီး၊ ကျွန်မ မွေးထားတဲ့ပိုးဖလံက အန်ချင်နေလို့ပါ၊ စီနီယာအစ်ကိုကတော့ သူ ပိုးချည်မျှင်စထုတ်တော့မှာလား မသိဘူးလို့ ပြောပါတယ်”
"ဒါပေမဲ့ ပြဿနာက ကျွန်မတို့ဆီမှာ အန်ဆေးဆေးလုံးတွေ မလုံလောက်တာပဲ”
စုကျို သူမ စုဆောင်းထားသော ဆေးလုံးအသေးလေးတစ်ဒါဇင်ခန့်ကို သူ့ လက်ဖဝါးပေါ်တွင် ဖြန့်ပြလိုက်ကာ၊ ဝိုင်းစက်ပြီး ဝဖိုင့်နေသော ခြင်္သေ့မျက်နှာကြီး၏ဘေးနားတွင် ထားလိုက်သည်။
လုကျိကျောင်း: "???"
စာလိပ်လူကြီးမင်းများ: "???"
အမြဲတမ်းပြုံးနေတတ်သော ဝိညာဉ်ပိုးဖလံ နတ်သူငယ်လေး: "?"
ဘာ ????
ဒါက ပိုးဖလံလား ???
အာ၊ ဒါဆို ဒါက ဘာကြီးလဲ ??
"ဂိုဏ်းအသီးသီးက တပည့်များခင်ဗျား၊ ကျေးဇူးပြုပြီး ရင်ပြင်ကို ကြွရောက်ပြီး အပိုပြိုင်ပွဲက အဆင့်သတ်မှတ်ချက်တွေအရ ပင်မပြိုင်ပွဲရဲ့ အားကစားကွင်း တိုက်ပွဲတွေအတွက် မဲနှိုက်ပေးကြပါဦး”
"ဝိညာဉ်ပိုးဖလံဂေဟာရဲ့အသင်းခေါင်းဆောင်၊ ကျေးဇူးပြုပြီး အမြန်ထွက်လာပြီး မဲနှိုက်ပေးပါဦး”
ရင်ပြင်အတွင်းမှအသံက စုကျိုကို ကြားဖြတ်နှောင့်ယှက်လိုက်သည်။
သူမက နှုတ်ခမ်းဆူလိုက်ပြီး လဲ့ကျယ်ကိုကြည့်လိုက်သည်။
လဲ့ကျယ်က ပိုင်ယို့လုနှင့် အတော်လေး နီးကပ်စွာရပ်နေသည်။
ချက်ချင်းပင် ပိုင်ယို့လုက အမူအရာတစ်ခုပြလိုက်သည်။
"ရှောင်ကျို၊ နင်ပဲ သွားလိုက်ပါ၊ စီနီယာအစ်ကိုလဲ့ကျယ်က ငါ့ရဲ့ 'အလကား ကံကောင်းခြင်း' ရဲ့ သက်ရောက်မှုကိုခံနေရတာ ဖြစ်ရမယ်”
လဲ့ကျယ် စုကျိုကို အားကိုးရာမဲ့စွာကြည့်လိုက်သည်။
စုကျိုကထိတ်လန့်နေဆဲဖြစ်သော ဆရာကြီးလုကျိကျောင်းနှင့် ဝိညာဉ်ပိုးဖလံနတ်သူငယ်လေးကို လှည့်ကြည့်လိုက်သည်။
၎င်းတို့မှာ ခေတ္တမျှ စကားပြောနိုင်စွမ်းပျောက်ဆုံးနေပုံရသည်။
"ကောင်းပြီလေ၊ ဒါဆိုရင် ရှောင်ပိုင် အတွက် နည်းလမ်းတစ်ခုခုစဉ်းစားပေးကြဖို့ ဆရာကြီးတို့ကို ဒုက္ခပေးရတော့မှာပဲ၊ ကျွန်မ အရင်သွားပြီး မဲနှိုက်လိုက်ဦးမယ်”
အပိုပြိုင်ပွဲ၏အဆင့်တစ်မှာ ဝိညာဉ်ပိုးဖလံဂေဟာဖြစ်သည်။
စုကျိုသည် ရင်ပြင်သို့ ရောက်ရှိလာပြီး ပထမဆုံးမဲနှိုက်ခဲ့ရာ အချိန်အများကြီးမကုန်လိုက်ပေ။
ဝူချင်းချန်းကို နှုတ်ဆက်ပြီးနောက်၊ သူမက ပြုံးလိုက်ပြီး လက်ဖက်ရည်ဆိုင်ရှင် ကိုင်ဆောင်ထားသော အနီရောင်ဆေးသုတ်ထားသော ကံစမ်းမဲ သစ်သားသေတ္တာအတွင်းသို့လက်နှိုက်လိုက်သည်။
[ဝိညာဉ်ကုန်သည်အသင်းမှ တတိယအဆင့်ရှိကံစမ်းမဲရတနာတစ်ခုကို စစ်ဆေးတွေ့ရှိရသည်၊]
[ပထမဆုံးနှိုက်ချက်၊ အကောင်းဆုံးကံဇာတာ၊]
သြော်
စုကျို မျက်လုံးများမှာ ဝင်းလက်သွားသည်။
ဒါက ကောင်းတာပေါ့၊ စီနီယာအစ်မယို့လုကိုလည်း ဒီအကြောင်း သင်ယူလို့ရမလား မေးကြည့်ရမယ်၊
၎င်းမှာ သူမ၏ မဲနှိုက်သည့် ပါရမီနှင့် ကိုက်ညီလှသည်။
ထိုသို့စဉ်းစားရင်း စုကျိုသည် "ကျင်းယွီထန်ဂိုဏ်း" ဟူသော စာလုံးသုံးလုံးရေးထွင်းထားသည့် သစ်သားပြားလေးတစ်ခုကို လွယ်လွယ်ကူကူ ထုတ်လိုက်သည်။
"ဟင်”
လက်ဖက်ရည်ဆိုင်ရှင်က စုကျိုကိုထူးဆန်းသော မျက်နှာထားဖြင့် ကြည့်လိုက်သည်။
ဤကံစမ်းမဲသေတ္တာသည် ပထမဆုံးနှိုက်သူအတွက် အကောင်းဆုံးမဲရရှိရမည် ဖြစ်သည်။
သူမသည် ဝိညာဉ်လက်မှုပညာတွင် အင်အားကြီးမားသော အဖွဲ့ကိုအမှန်တကယ်နှိုက်မိခဲ့သည်မဟုတ်ပါလား။
၎င်းတို့သည် ရတနာမျိုးစုံကို ကိုင်ဆောင်ထားကြသဖြင့် ရင်ဆိုင်ရန်ခက်ခဲလှသည်မှာ အမှန်ပင်။
မိစ္ဆာကျင့်ကြံသူများကို ဖမ်းဆီးရမည့် အပိုပြိုင်ပွဲတွင်သာ ကျင်းယွီထန်ဂိုဏ်းသည် စုကျို၏လှည့်စားခြင်းကို မခံခဲ့ရပါက ၎င်းတို့ရလဒ်မှာထိပ်ဆုံး သုံးနေရာအတွင်း ရှိနေသင့်သည်။
"ဝိညာဉ်ပိုးဖလံဂေဟာအတွက် မင်းရဲ့ ကံကောင်းခြင်းတွေ ကုန်ဆုံးသွားပြီထင်တယ်”
နောက်ဆုံးမှ မဲနှိုက်ရမည့် ကျင်းယွီထန်ဂိုဏ်း၏အသင်းခေါင်းဆောင်ကျင်းယောင်ကျုံးက ဘေးနားမှစောင့်ဆိုင်းရင်း လှောင်ပြောင်လိုက်သည်။
"ပင်မပြိုင်ပွဲရဲ့ပထမဆုံးပွဲက နှစ်တိုင်း တစ်ယောက်ချင်းစီ တိုက်ခိုက်ရတဲ့ အားကစားကွင်းတိုက်ပွဲပဲ”
"ရှုံးတဲ့သူက ချက်ချင်းပြုတ်မှာလေ”
"ဝိညာဉ်ပိုးဖလံဂေဟာ၊ မင်းတို့ ငါတို့နဲ့ ရင်ဆိုင်ရတာ တကယ့်ကို ကံဆိုးတာပဲ”
သူ့ဖခင်မွေးစားထားသော မိဘမဲ့ကလေး ကျင်းချန်သည် ဝိညာဉ်ပိုးဖလံဂေဟာကြောင့် ရှုံးနိမ့်ခဲ့သဖြင့် လတ်တလောတွင် ကျင်းမိသားစု၏ ဂုဏ်သိက္ခာကိုထိခိုက်စေခဲ့သည်။
ကောင်းပြီလေ၊ ဒီတစ်ခါတော့ ငါတို့ ကလဲ့စားချေမှာပေါ့
"စုကျို၊ သေသေချာချာ ပြင်ဆင်ထားပါဦး၊ ဒါက မင်းအတွက် ဒီနှစ်ရဲ့ နောက်ဆုံးပွဲ ဖြစ်သွားမှာမို့လို့” ကျင်းယောင်ကျုံးက ပြုံးလိုက်သည်။
"ဝိညာဉ်ပိုးဖလံဂေဟာရဲ့ကံဇာတာကတော့၊ သက်ပြင်းချသံ”
"ဒီနေ့ ကံစမ်းမဲသေတ္တာက အလုပ်မလုပ်တော့ဘူးလား”
"သူတို့အဖွဲ့ထဲက အမျိုးသမီးတပည့်တစ်ယောက်နာမည်က ယို့လုတဲ့၊ သူမက ကံဆိုးမှုတွေရှိနေတာလေ၊ သူနဲ့ ဝေးဝေးနေကြဖို့ လိုတယ်”
စုကျို မျက်နှာထားမှာ နက်နဲလှသည်။
"ဆရာမစု၊ ကျွန်မတို့နဲ့ မဲချင်းလဲလိုက်မလား”
ဝူချင်းချန်းက ဒုတိယမြောက်မဲနှိုက်ခဲ့သည်။
သူမက အနည်းငယ်ပိုအားနည်းသော အဖွဲ့ဖြစ်သည့် ဖျော်ဖြေရေးဂိုဏ်းကိုနှိုက်မိခဲ့သည်။
ကချေသည်ခန်းမသည် ဆရာမစု၏လမ်းညွှန်မှုများကို ရရှိခဲ့သည်။
ဒါဟာ ကျေးဇူးတရားတစ်ခုပဲ။
တကယ်လို့ ပြန်မဆပ်ရင် သူမရဲ့ လမ်းစဉ်နှလုံးသားမှာ အညစ်အကြေးတွေဖြစ်လာနိုင်တယ်။
ထိုသို့စဉ်းစားပြီးနောက် ဝူချင်းချန်းက သွားများကို တင်းတင်းစေ့ကာ ဖျော်ဖြေရေးဂိုဏ်း၏သစ်သားပြားကို စုကျိုထံသို့ကမ်းပေးလိုက်သည်။
"ကျွန်မတို့ ကချေသည်ခန်းမက စီနီယာအစ်ကိုကျင်းနဲ့ ရင်ဆိုင်လိုက်ပါ့မယ်” ဟု ဝူချင်းချန်းက ကျင်းယောင်ကျုံးကိုပြုံးပြလိုက်သည်။
"ဘယ်သူနဲ့ဖြစ်ဖြစ် အတူတူပါပဲ” ကျင်းယောင်ကျုံး လက်သီးပူး၍ အရိုအသေပေးလိုက်သည်။
စုကျိုက သူ့ လက်ကို ဝှေ့ယမ်းလိုက်ကာ သစ်သားပြားကို ဝူချင်းချန်းထံသို့ပြန်တွန်းပို့လိုက်သည်။
"မလိုဘူး ရှောင်ချင်း၊ ငါတို့ ကိုင်တွယ်နိုင်ပါတယ်”
ဝူချင်းချန်း ကျင်းယောင်ကျုံးကိုဒေါသတကြီး စိုက်ကြည့်လိုက်ပြီးနောက် သူ့ မျက်လုံးများမှာ ဝင်းလက်သွားသည်။
"ဆရာမစု”
"ရှင်မှာ နောက်ထပ် အစီအစဉ်ရှိသေးတာလား”
ကျင်းယောင်ကျုံး: "?"
စုကျို စကားပြောရန် ပြင်လိုက်စဉ်မှာပင်၊ ၎င်းတို့ရင်ဘတ်တွင် "ရိုးသားဖြောင့်မတ်မှု" ဟု ပန်းထိုးထားသော မျက်နှာဖုံးစွပ်ထားသည့် လူမည်းလေးဦးမှာ တည်းခိုခန်း၏မြေအောက်ကမ္ဘာအတွင်းသို့ဝင်ရောက်လာကြသည်။
၎င်းတို့သည် လက်ထိပ်များနှင့် ခြေကျင်းဝတ်များကို ကိုင်ဆောင်ကာ အလျင်အစလိုပြေးဝင်လာကြသည်။
ခဏအတွင်းမှာပင် ၎င်းတို့ကကျင်းယောင်ကျုံးကို ဝိုင်းထားလိုက်ကြသည်၊
"ကျင်းယွီထန်ဂိုဏ်းအဖွဲ့၊ မင်းတို့ဘက်က တပည့်စာရင်းကို လိမ်လည်ထားတယ်လို့ သံသယရှိတယ်”
"တပည့်အယောင်ဆောင်ပြီး ပြိုင်ပွဲဝင်နေတဲ့ ပုန်းအောင်းနေတဲ့ မိစ္ဆာကျင့်ကြံသူတစ်ယောက်ကို တမင်တကာအကာအကွယ်ပေးထားတာပဲ”
ကျင်းယောင်ကျုံး ဆွံ့အသွားသည်။
အဖွဲ့များအားလုံး ထိတ်လန့်သွားကြသည်။ ၎င်းတို့နှင့် အနီးဆုံးရှိသော အဖွဲ့နှစ်ဖွဲ့မှာ နောက်သို့ဆုတ်ကာ အကွာအဝေးတစ်ခုထားလိုက်ကြ သည်။
"မင်းတို့ ဘာတွေ လျှောက်ပြောနေတာလဲ” ဟု ကျင်းယောင်ကျုံးက ဇဝေဇဝါဖြင့် မေးမြန်းလိုက်သည်။
သို့သော် ဝိညာဉ်ကုန်သည်အသင်းမှ တကယ့် မြို့တော်စည်ပင်အရာရှိများကဲ့သို့ပြုမူနေကြသော ရိုးသားဖြောင့်မတ်ပုံရသည့် အဖွဲ့ဝင်လေးဦးမှာ၊ စတုတ္ထအဆင့်ရှိသော စိတ်ရောင်ပြန်ဟပ်ခြင်း မှန်လေးချပ်ကို ချက်ချင်းမြှောက်လိုက်ကြပြီး သူ့နောက်မှ ဒုတိယခေါင်းဆောင်ချွမ်းလျောင်ကို ထိုးပြလိုက်ကြသည်။
ခဏအတွင်းမှာပင် မှန်ထဲ၌ အနက်ရောင်မြူခိုးများဖုံးအုပ်နေသော မြွေကဲ့သို့သော ပုံသဏ္ဌာန်တစ်ခုပေါ်လာတော့သည်။
ချွမ်းလျောင်ကိုယ်တွင်းရှိ မှေးမှိန်နေသော မိစ္ဆာအနှစ်ကိုလည်းတွေ့မြင်လိုက်ရသည်။
သူ့လမ်းစဉ်နှလုံးသားရှိ အညစ်အကြေးမှာထင်ရှားစွာပေါ်ထွက်လာတော့သည်။
“ငါ့နာမည်က လျောင်ချွမ်းပါ”
“မဟုတ်ဘူး၊ ငါက မိစ္ဆာကျင့်ကြံသူ မဟုတ်တော့ဘူး၊ အဲဒါကို ငါ မှတ်ထားရမယ်”
“ငါက ချွမ်းလျောင်ပဲ”
“ကျင်းယောင်ကျုံးက ငါ့ကို ဝိညာဉ်ကျောက်တုံး တစ်သိန်းပေးသရွေ့တော့၊ ငါ့ရဲ့ ကျင့်စဉ်ကို ရွှေအမြုတေတစ်ဝက်အဆင့်အထိနှိမ့်ထားပြီး မင်းတို့အတွက် ပြိုင်ပေးရမှာပေါ့”
“မင်းမှာ ဘာပြောစရာ ကျန်သေးလဲ”
အရာရှိလေးဦးမှာ ချွမ်းလျောင်ကို ချက်ချင်းဖမ်းဆီးလိုက်ကြကာ မြေပြင်ပေါ်သို့ ဖိချထားလိုက်ကြသည်။
"အတိတ်က စိတ်အစွဲအလမ်းတွေဟာ စတုတ္ထအဆင့်ရှိစိတ်ရောင်ပြန်ဟပ်ခြင်းမှန်ကနေ လွတ်မြောက်လို့မရဘူး၊ ဒါဟာ မင်းတို့ မြွေမျိုးနွယ်တွေ အရေခွံလဲရင်တောင် ကျန်ရစ်ခဲ့တဲ့ အညစ်အကြေးတွေပဲ၊ ဘာလို့လဲဆိုတော့ မင်းက ငါတို့ရဲ့ ရှီးရှန်းထန်ကို လာပြီး မင်းရဲ့လမ်းစဉ်နှလုံးသားကို သန့်စင်အောင်မလုပ်ခဲ့လို့ပဲ”
"အခုထိ ငြင်းချင်သေးတာလား”
စုကျို: "..."
ဝူချင်းချန်းနှင့် အခြားအဖွဲ့များ: "..."
ဘာတွေလဲ၊ ရှီးရှန်းထန်က ဒီအခွင့်အရေးကိုသုံးပြီး ကြော်ငြာဝင်နေတာလား ??
ဖမ်းဆီးခံလိုက်ရသော ကျင်းယောင်ကျုံး၏ ဒုတိယခေါင်းဆောင်ချွမ်းလျောင်မျက်နှာတွင် နောင်တရဟန်ပေါ်ပေါက်လာသည်။
ကျင်းယောင်ကျုံးမှာ ဆွံ့အသွားသည်။
"ဘာ ? မင်းက ငါ့အဖေရဲ့ ၁၈ ယောက်မြောက် မွေးစားသား မဟုတ်ဘူးလား”
ချွမ်းလျောင်က ခေါင်းလွှဲလိုက်သည်။
"ကျင်းယောင်ကျုံးသည် မိစ္ဆာကျင့်ကြံသူကို အသွင်ယူစေပြီး ပြိုင်ပွဲဝင်ရန် လိမ်လည်ဖို့ကြိုးစားခဲ့သည်”
"ဒီပြိုင်ပွဲကနေ ထုတ်ပယ်လိုက်သည်”
"ကျင်းယောင်ကျုံးကို ပြိုင်ပွဲဝင်ခွင့် အနှစ်တစ်ရာပိတ်ပင်လိုက်သည်”
တကယ့်ကို ပြင်းထန်လှသော ပြစ်ဒဏ်ပါပေ။
အဖွဲ့များအားလုံး ဘာမှမပြောရဲကြပေ။
ကျင်းယောင်ကျုံး မျက်နှာမှာ ပိုဖြူဖျော့သွားတော့သည်။
"ဒါဆိုရင် ငါတို့ ဘယ်လိုလုပ်မလဲ” တိတ်ဆိတ်မှုကြားတွင် စုကျိုက ရဲတင်းစွာလက်မြှောက်လိုက်သည်။
"ငါတို့ ပင်မပြိုင်ပွဲရဲ့ပထမဆုံးပွဲမှာ ကျင်းယောင်ကျုံးအဖွဲ့နဲ့ကျခဲ့တာလေ”
ရိုးသားဖြောင့်မတ်သော ဥပဒေစိုးမိုးရေးအရာရှိက ချက်ချင်းအေးစက်စွာခေါင်းညိတ်ပြလိုက်သည်။
"ကျင်းယွီထန်ဂိုဏ်းက ပြိုင်ပွဲဝင်ခွင့်ဆုံးရှုံးသွားပြီ”
"ဝိညာဉ်ပိုးဖလံဂေဟာက တိုက်စရာမလိုဘဲအနိုင်ရတယ်”
"ဒီပြိုင်ပွဲရဲ့ ထိပ်ဆုံး ၃၂ သင်းစာရင်းထဲကို အလိုအလျောက်တက်လှမ်းသွားသည်”
"!!!"
"!"
စုကျို ပြုံးလိုက်သည်။
"တကယ့်ကို ကံအကောင်းဆုံး မဲနှိုက်မှုပဲ”
"!"
သူမသည် လက်နှစ်ဖက်ကိုနောက်ပြန်ပူးကာ ပျော်ရွှင်စွာဖြင့် ရှန်းဝူချင်းထံမှလျှို့ဝှက်သတင်းစကားကို လက်ခံလိုက်သည်။
သူက လျောင်ချွမ်း၏အမှန်တရားကို စစ်ဆေးပေးမည်ဖြစ်ပြီး၊ တကယ်လို့ သူမဆီမှာ အကြွေးပြဿနာတွေရှိနေရင် အကြွေးပြန်တောင်းဖို့ အခွင့်အရေးပေးမည်ဟု ဆိုသည်။
"ဒါဆိုရင်တော့ ကျွန်မမှာ ပြဿနာမရှိပါဘူး”
စုကျိုသည် ကျေနပ်စွာဖြင့် ၎င်းတို့တည်းခိုနေသော ပန်းခြံလေးအတွင်းသို့ပြန်လာခဲ့သည်။
လဲ့ကျယ်မှာ သူမ ဤမျှမြန်မြန်ပြန်လာသည်ကို အံ့သြသွားသည်။
"ဘယ်လိုလဲ၊ ပထမပွဲမှာ ဘယ်သူနဲ့တိုက်ရမှာလဲ”
စုကျိုက အသာအယာခေါင်းညိတ်ပြလိုက်သည်။
"မစိုးရိမ်ပါနဲ့၊ ပထမပွဲက ပြိုင်ဘက်ကို ငါ အခုပဲ ဖြုတ်ပစ်ခဲ့ပြီ”
"???"
ဘာလဲ ?
အာ…
မဟာကျင့်ကြံသူလုကျိကျောင်းသည် အလွန်ကောင်းမွန်သောနားစွမ်းအား ရှိသော်လည်း ထိုစကားကို ကြားသောအခါ သူ့လက်မှာ တုန်ခါသွားသည်။
သတိမမူမိသော ခဏအတွင်းမှာပင် သူ့ ညာဘက်လက်အင်္ကျီမှာ စုကျို၏ဧရာမကြီးမားလှသည့် အရောင်ခုနစ်မျိုးနှင့်အမွှေးပွခြင်္သေ့ကြီးပေါ်သို့ ကျသွားတော့သည်။
"ပတ် ပတ် ပတ်—"
အရောင်ခုနစ်မျိုးနှင့် အမွှေးပွခြင်္သေ့ကြီးထံမှ ထူးဆန်းသောထွေးထုတ်သံတစ်ခုထွက်ပေါ်လာသည်။
ထို့နောက် ၎င်းက ပါးစပ်ကိုဟလိုက်သော်လည်း ပိုးချည်မျှင်များထွက်မလာပေ။
၎င်းသည် အလျင်စလိုဖြင့် မဟာကျင့်ကြံသူလုကျိကျောင်းကို တစ်ကိုယ်လုံးမျိုချလိုက်တော့သည်၊
"???"
"!"
[မဟာယာနကျင့်ကြံသူ လုကျိကျောင်းကို စစ်ဆေးတွေ့ရှိရသည်၊ ကော်ပီကူးမလား၊]
[ဝိညာဉ်ပိုးဖလံဂေဟာဂိုဏ်းခေါင်းဆောင်၏ အံ့အားသင့်ဖွယ်မျက်နှာထားကို စစ်ဆေးတွေ့ရှိရသည်၊ ကော်ပီကူးမလား...]
စုကျို ဆွံ့အသွားသည်။
သူမသည် တံတားအဝင်ဝတွင်ရပ်နေသော သူ့ကိုယ် သူ တစ်ချက်ကြည့်လိုက်ပြီး၊ 'အရောင်စုံ ခြင်္သေ့ကြီး မျိုချလိုက်သော လုကျိကျောင်း' နှင့် အနည်းဆုံး အခန်းတစ်ဝက်စာ အကွာအဝေးရှိနေသည်မဟုတ်ပါလား ??
"???"