အခန်း (၁၆၇)
Vol. 17 Ch. 167
🥝 Chapter 167
ဝိညာဉ်ပိုးဖလံဂေဟာအနေနဲ့ ဒီလိုရှုံးနိမ့်သွားတဲ့ ရန်သူငါးယောက်ကို လျစ်လျူရှုထားလို့ ရပေမယ့်လည်း သူတို့ကို ကူညီပေးခဲ့သည်
ဝိညာဉ်ပိုးဖလံဂေဟာက လူကောင်းတစ်ယောက်ပါပဲ
"ဟုတ်တယ် ဆရာရွှယ်၊ အမြန်ရှင်းပြလိုက်ပါ! ဆရာက ပိုက်ဆံကြွေးတင်နေတာလား? ဆရာက ဝိညာဉ်ကျောက်တုံးတွေ ဘယ်လိုလုပ်ပြီး လိုအပ်နေရတာလဲ"
ဟန်တာယွမ်ဂိုဏ်းက လူငါးယောက်ကတော့ ဒါကို မယုံကြည်ချင်ကြပါဘူး။
စုကျိုက လက်ဖက်ရည်ဝိုင်းမှာ ထိုင်လိုက်ပြီး သူမရဲ့ လက်ဖက်ရည်ခွက်ကို ယူကာ အအေးခံလိုက်သည်။
ချန်ယွမ်က အကြွေးစာရင်းကို ထုတ်လိုက်ပြီး ဘေးမှာရပ်ကာ တစ်လုံးချင်းစီ အသံထွက်ဖတ်ပြလိုက်သည်။
"လွန်ခဲ့တဲ့ နှစ်နှစ်က ရွှယ်ရွေ့ကျင်ဟာ သူ့အမြုတေကို မတည်ဆောက်နိုင်ခဲ့ဘဲ သူရဲ့ ဒန်ထျန် ထိခိုက်ဒဏ်ရာရခဲ့ပါတယ်၊ သူရဲ့ အခြေခံကို ပြုပြင်ဖို့အတွက် စတုရန်းအဆင့် ကောင်းကင်ပြုပြင်ခြင်းဆေးလုံးလိုအပ်ခဲ့ပါတယ်"
"အဲ့ဒီအချိန်မှာ သူက အမြုတေ တည်ဆောက်ပြီးရင် စုကျိုကို ပြန်ဆပ်ပါ့မယ်လို့ ကတိသစ္စာပြုခဲ့ပြီး စုကျိုဆီကနေ ဝိညာဉ်ကျောက် တုံး ၂၀၀,၀၀၀ ယူကာ စတုရန်းအဆင့် ကောင်းကင်ပြုပြင်ခြင်းဆေးလုံးတွေနဲ့ အမြုတေတည်ဆောက်နိုင်စွမ်းတိုးတက်စေတဲ့ ဆေးအတုတွေကို ဝယ်ယူခဲ့ပါတယ်"
"ဒါပေမဲ့ အမြုတေတည်ဆောက်ပြီး သုံးရက်မြောက်နေ့မှာ ရွှယ်ရွေ့ကျင်ဟာ ဝိညာဉ်ပိုးဖလံဂေဟာကနေထွက်သွားခဲ့ပါတယ်"
"သူဟာ စုကျိုနဲ့ ဆက်သွယ်လို့ရတဲ့ ဆက်သွယ်ရေးကျောက်တုံးကိုဖျက်ဆီးခဲ့ပြီး အဲ့ဒီအချိန်ကစလို့ သူမနဲ့ အဆက်အသွယ် ပြတ်တောက်သွားခဲ့ပါတယ်"
အကြွေးစာရင်းကိုဖတ်ပြီးနောက် ချန်ယွမ်က ဟန်တာယွမ်ဂိုဏ်းနဲ့အတူ လိုက်ပါလာတဲ့ မဟာကျင့်ကြံသူ အကြီးအကဲရှို့ထံသို့ ထိုစာရွက်ပါးလေးကို ကမ်းပေးလိုက်သည်။
အကြီးအကဲရှို့ကမူ အဲ့ဒါကို ကြည့်လိုက်ပြီး သူ့မျက်နှာပျက်သွားသည်။
ဒါသာ အမှန်ဆိုရင် ရွှယ်ရွေ့ကျင်က လူတွေကိုဆေးလုံးတွေ လိမ်ယူပြီးမှ ထွက်သွားခဲ့တာပဲ
ဒီလို အရှက်ရစရာကောင်းတဲ့လုပ်ရပ်က ဆယ်နှစ်မှာ တစ်ကြိမ်ကျင်းပတဲ့ ဒီပြိုင်ပွဲကြီးမှာ ဟန်တာယွမ်ဂိုဏ်းအတွက် အရှက်ရစေဖို့ လုံလောက်ပါတယ်။
“ဝိညာဉ်ကုန်သည်အသင်းက အကြီးအကဲ ရှန့်လိုင်လိုင်က ကျွန်တော်နဲ့ အဆင့်တူ မဟာကျင့်ကြံသူတစ်ဦးပါ သူမက လူတွေကြားထဲက ဝိညာဉ်ကျောက်တုံး ပတ်သက်မှုတွေကို ဘယ်တော့မှ မှားပြီးမတွက်ချက်ပါဘူး”
အကြီးအကဲရှို့ မျက်စိမှိတ်လိုက်သည်။
“ရွှယ်ရွေ့ကျင်၊ သေသေချာချာ စဉ်းစားစမ်း၊ ငြင်းဖို့ မကြိုးစားနဲ့!”
တခြားဂိုဏ်းတွေမှာတော့ တပည့်တွေက ပြဿနာရှာတတ်ကြတာပါ…
ဒါပေမဲ့ ဟန်တာယွမ်ဂိုဏ်းမှာတော့ တပည့်တွေကို သင်ကြားပေးတဲ့ ဆရာငယ်မှာ ပြဿနာရှိနေတာပဲ!
ဆရာတစ်ယောက်အနေနဲ့ သူ့ရဲ့ ကိုယ်ကျင့်တရားက ပျက်ပြားနေတာ၊ နောက်ဆိုရင် ဘယ်သူက ဟန်တာယွမ်ဂိုဏ်းကို လာချင်တော့မှာလဲ?
တခြားဂိုဏ်းတွေရဲ့ လှောင်ပြောင်တာကို ခံရပါလိမ့်မယ်
“ပမာဏကို အမြန်စစ်ဆေးစမ်း” အကြီးအကဲ ရှို့က စိတ်မရှည်စွာ ပြောလိုက်သည်။
ရွှယ်ရွေ့ကျင်ရဲ့ မျက်နှာက ဖြူလျော်နေသည် သူ ဒါကို ဝန်မခံချင်ပါဘူး။
သူ အခု ဝိညာဉ်ကျောက်တုံး ၃၃၀,၀၀၀ ကို ရအောင် ရှာနိုင်ပါတယ်
ဒါပေမဲ့ သူသာ ဝန်ခံလိုက်ရင် သူ့ရဲ့ အပြစ်က အတည်ဖြစ်သွားလိမ့်မယ် ဟန်တာယွမ်ဂိုဏ်းက သူ့ကို ဆက်ထားပါဦးမလား?
ဒီနေ့မှာတော့ အဓိက လမ်းစဉ်တွေက အစွမ်းထက်တဲ့ ဂိုဏ်းအားလုံး ရောက်နေကြတာ…
ဟန်တာယွမ်ဂိုဏ်းကသာ သူ့ကို လက်မခံတော့ဘူးဆိုရင် သူ သွားစရာ နေရာရှိတော့မှာ မဟုတ်ဘူး!
“ကျွန်တော်... ကျွန်တော် မင်းကို လုံးဝ မမှတ်မိဘူး”
“ပြီးတော့ ဒီကိစ္စကိုလည်း ကျွန်တော် မမှတ်မိဘူး”
ရွှယ်ရွေ့ကျင် စုကျိုဘက်သို့လှည့်ကာ မျက်နှာဖြူဖြူဖြင့် တောင်းပန်တိုးလျှိုးတဲ့ အသံနဲ့ ပြောလိုက်သည်
"ကျွန်တော် အမှန်အတိုင်းပြောတာပါ"
"ကျွန်တော် လိမ်ပြောနေတာဆိုရင် ကျွန်တော့်ကို လျှပ်စီးပစ်ပါစေ၊ ပြီးတော့ ဒီဘဝမှာ ကျွန်တော့်ရဲ့ ကျင့်ကြံမှုတွေ ဘယ်တော့မှ တိုးတက်မလာပါစေနဲ့"
ဒါက အပြင်းထန်ဆုံးသော ကျိန်ဆိုမှုပါပဲ။
ရွှယ်ရွေ့ကျင်က မြှောက်ထားတဲ့ လက်သုံးချောင်း တုန်ယင်လျက်နဲ့ အခန်းထဲက မဟာကျင့်ကြံသူအဆင့်ရှိတဲ့ အကြီးအကဲရှို့နဲ့ လုကျိကျောင်းတို့ကို ကြည့်လိုက်ပြီးမှ စုကျိုကို တောင်းပန်လိုက်သည်။
"ကျွန်တော် တကယ် မမှတ်မိလို့ပါ"
"အောင်မြင်စွာ ကျော်ဖြတ်နိုင်ဖို့အတွက် ကျွန်တော် ခုနစ်ရက်တစ်ခါ ဂျီးချွတ်ဆောင်ကို သွားပြီး ကျွန်တော့်ရဲ့တာအိုနှလုံးသားကို လေ့ကျင့်ခဲ့ရလို့ပါ"
စုကျိုရဲ့ မျက်ခုံးတွေ လှုပ်ခတ်သွားသည်။
ယင်လီက လက်ဖက်ရည် တစ်ငုံကို ထွေးထုတ်လိုက်သည်။
လူတစ်ယောက်ရဲ့ စိတ်ဓာတ်ထဲက အညစ်အကြေးတွေကို သန့်စင်လိုက်တာနဲ့ နာကျင်စရာ၊ မျှော်လင့်ချက်မဲ့စရာ၊ ဒေါသထွက် စရာနဲ့ နောင်တရစရာ ကိစ္စတွေက ဝေဝါးသွားတတ်ပြီး လွန်ခဲ့တဲ့ အချိန်အတော်ကြာက ဖြစ်ခဲ့သလိုမျိုးဖြစ်သွားတတ်သည်။
လူတစ်ယောက်က အမြဲတမ်း စိတ်ဓာတ်ကို သန့်စင်နေမယ်ဆိုရင် အဲ့ဒီကိစ္စတွေကို ပိုပြီး ဝေဝါးသွားစေပြီး မေ့ပျောက်သွားစေ ပါလိမ့်မယ်။
"ကျွန်တော် မနေ့ကပဲ ဖီးနစ်မြို့က ရှီရှန့်ဆောင်ဂျီးချွတ်ခန်းမမှာ ကျွန်တော့်တပည့်တွေကိုခေါ်ပြီး တာအိုနှလုံးသားကို သန့်စင်ခဲ့တာပါ"
"ဒီက မန်နေဂျာက သူတို့မှာ စတုရန်းအဆင့်ရှိတဲ့ စိတ်နှလုံးခွဲစိတ်ဓားရှိတယ်လို့ ပြောတယ်"
"အဲ့ဒီရဲ့အာနိသင်က အံ့ဩစရာပဲ"
"အဲ့ဒါက အညစ်အကြေးအားလုံးကိုဖယ်ရှားပေးတယ်၊ ပြီးတော့ မဟာကျင့်ကြံသူအဆင့်ကို မရောက်မချင်း အဲ့ဒါတွေကို မှတ်မိမှာ မဟုတ်ဘူး မန်နေဂျာက ကျွန်တော့်ကို မှာလိုက်သေးတယ်၊ ကျွန်တော့်ရဲ့ ဝိညာဉ်ကျောက်တုံးတွေ ဘယ်မှာဝှက်ထားလဲဆိုတာမျိုး အရေးကြီးတဲ့ ကိစ္စတွေကို မိသားစုဝင်တွေ ဒါမှမဟုတ် သူငယ်ချင်းတွေကို ပြောထားဖို့၊ အဲ့ဒါမှ ဂျီးချွတ်ဆောင်က ထွက်လာရင် မမေ့သွားမှာတဲ့"
"..." စုကျိုရဲ့ နှုတ်ခမ်းတွေ လှုပ်ခတ်သွားသည်။
"ဟုတ်ပါတယ်၊ ရွှယ်ရွေ့ကျင် လိမ်ပြောနေတာ မဟုတ်ပါဘူး ဂျီးချွတ်ဆိုတာ ကျွန်မတို့ ဝိညာဉ်ကုန်သည်အသင်းရဲ့ လက်အောက်ခံ လုပ်ငန်းတစ်ခုပါ၊ လူတွေရဲ့ဒုက္ခတွေကို သူတို့ရဲ့ နောက်ထပ်အောင်မြင်မှုတစ်ခုအထိ မေ့ပျောက်သွားအောင် လုပ်ပေးနိုင်တဲ့ အစွမ်းထက်တဲ့ ဝန်ဆောင်မှုကို ပေးတာပါ"
ကြည်လင်ပြီး အစွမ်းထက်တဲ့ အမျိုးသမီးအသံတစ်ခု ထွက်ပေါ်လာသည်။
ချက်ချင်းပင် ဝိညာဉ်စွမ်းအင် ပုတီးစေ့များက စုကျိုအခန်းအတွင်း၌ စုစည်းသွားသည်။
သူမကတော့ အခြားသူမဟုတ်ဘဲ ခုနက ထိပ်သီး တစ်ဆယ့်ခြောက်သင်း ပြိုင်ပွဲကို ကြီးကြပ်ခဲ့တဲ့ ဝိညာဉ်ကုန်သည်အသင်းရဲ့ မဟာကျင့်ကြံသူ အဆင့်ရှိ အကြီးအကဲရှန့်လိုင်လိုင်ပင်။
"ဆရာမလား" ရှန့်ဝူချင်းက ထူးဆန်းတဲ့ အမူအရာနဲ့ ခေါ်လိုက်သည်။
"ဆရာမက ဘာလို့ ဒီရောက်နေတာလဲ"
"ဘာလဲ၊ ငါ လာလို့မရဘူးလား"
ရှန့်လိုင်လိုင်က သူ့ကို တစ်ချက်ကြည့်လိုက်ပြီး သူမ ထိုင်ဖို့အတွက် သူ့ကို မတ်တပ်ရပ်ခိုင်းလိုက်သည်။
"ဝိညာဉ်ကျောက်တုံးနဲ့ ပတ်သက်တဲ့ အငြင်းပွားမှုတွေ ရှိတဲ့နေရာတိုင်းမှာ ငါ ရှိနေမှာပဲ"
"...ဆရာမက ဒီအထိတောင် လာတာပဲ၊ ဂျီးချွတ်ဆောင်ကို ကြော်ငြာနေဖို့ လိုလို့လား လူတိုင်းက အဲ့ဒါကိုပဲတောင့်တနေကြတာကို"
"..." ရှန့်လိုင်လိုင်က ရှန့်ဝူချင်းကို ဘေးသို့ တွန်းထုတ်လိုက်သည်။
ထို့နောက် သူမ စုကျိုကို ကြည့်လိုက်သည်
သူမ၏တောက်ပပြီး လှပသော မျက်လုံးများသည် ဝိညာဉ်ကျောက်တုံးများကဲ့သို့ပင် ပိုမိုတောက်ပနေသည်။
"မင်းက စုကျိုလား၊ ငါ့ရဲ့ ဧည့်သည်တပည့်လေး"
စုကျို : "?"
"ငါ့ရဲ့ တစ်ဆယ့်သုံးယောက်မြောက်တပည့် စုကျို၊ မင်းကို ငါ အကြာကြီးရှာနေခဲ့ရတာ~"
ရှန့်လိုင်လိုင်က ပြုံးပြီး သူမအနားသို့ တိုးလာသည် ရှန့်ဝူချင်း ပါးစပ်ဟောင်းလောင်း ဖြစ်သွားသည်။
"ဟမ်" စုကျိုရဲ့ နှုတ်ခမ်းတွေ လှုပ်ခတ်သွားသည်။
သူမ စကားမပြောနိုင်ခင်မှာပဲ လုကျိကျောင်းရဲ့ ပိုးနတ်သားလေးက ပိုးချည်တွေ လွှတ်ပြီး ရှန့်လိုင်လိုင်ကိုပတ်နှောင်ဖို့ ကြိုးစားလိုက်သည်။
ဒါပေမဲ့ သူမက အဆင်သင့်ဖြစ်နေပါတယ်၊ သူမ နင်းပြီး ဝင်လာခဲ့တဲ့ ဝိညာဉ်ပုတီးစေ့တွေက ပျောက်ကွယ်မသွားဘဲ သူမကို ကာကွယ်ဖို့ ဝိုင်းရံထားကြသည် တစ်ချိန်တည်းမှာပဲ သူမက သုံးလက်မ အထူ၊ လေးလက်မ အရှည်ရှိတဲ့၊ ပုလဲတွေ စီခြယ်ထားတဲ့၊ ဝိညာဉ်ကျောက်တုံး ရှစ်ဆယ့်တစ်တုံး ဝိုင်းရံထားတဲ့ ရွှေနီရောင်ကမ္ပည်းပြားတစ်ခုကို စုကျိုဆီကို ပစ်လိုက်သည်!
ဒါကသာ တခြားအရာဆိုရင် စုကျိုက ဒီလိုမျိုးမသိတဲ့ အရာတစ်ခုကို ငြင်းပယ်မိမှာသေချာပါသည်!
သို့သော်လည်း ဝိညာဉ်ကျောက်တုံးတွေနဲ့ ရွှေနီရောင်တွေ တဖျတ်ဖျတ်တောက်ပနေတာကို မြင်လိုက်ရတဲ့အခါ၊ ပြီးတော့ လက်မ လောက်ရှိတဲ့ ပုလဲတွေကိုမြင်လိုက်ရတဲ့အခါ စုကျိုဟာ သူမကို ကာကွယ်ဖို့ ရောက်လာတဲ့ ဆရာလုရဲ့ဝတ်ရုံအောက်ကနေ လက်ကို လှမ်းထုတ်လိုက်ပြီး အဲ့ဒါကို ချက်ချင်းဖမ်းဆွဲလိုက်သည်။
အဲ့ဒါကို ဝိုင်းရံထားတဲ့ ဝိညာဉ်ကျောက်တုံး ရှစ်ဆယ့်တစ်တုံးက လုကျိကျောင်းရဲ့ မဟာကျင့်ကြံသူအဆင့် တိုက်ခိုက်မှု တစ်ခုကို ကာကွယ်ပေးလိုက်နိုင်သည်။
စုကျိုလက်ထဲမှာ ဆယ်တုံးလောက်ပဲ ကျန်တော့သည်။
ဒါပေမဲ့ လေးလံတဲ့ ပုလဲစီထားတဲ့ ရွှေနီရောင် ကမ္ပည်းပြားကမူ ဘာမှမဖြစ်ဘဲ စုကျိုလက်ထဲမှာ အတိအကျ ရှိနေသည်။
ကမ္ပည်းပြားရဲ့ အရှေ့ဘက်မှာ လက်မလောက်ရှိတဲ့ ပုလဲတွေနဲ့ စာသားတွေ ဖော်ထားပါတယ် —
【စုကျို : ဝိညာဉ်ကုန်သည်အသင်း၏ ဧည့်သည်တပည့်】
【ဆရာမ ရှန့်လိုင်လိုင်၊ အဆင့်တစ်ဆယ့်သုံး】
"တပည့်လေး၊ ငါ့အခန်းထဲမှာ မင်း ချန်ထားခဲ့တဲ့ တပည့်ကမ္ပည်းပြားကို ငါ ပြန်ရှာပေးတာပါ"
ရှန့်လိုင်လိုင် စုကျိုကို မျက်စိတစ်ချက် မှိတ်ပြလိုက်သည်။
ထို့နောက် သူမက ပတ္တမြားတွေနဲ့ကျောက်စိမ်းတွေ စီခြယ်ထားတဲ့ ရွှေနီရောင် သော့ခလောက်ကြီးတစ်ခုကို သူမရဲ့ အင်္ကျီ လက်ထဲကနေ ထုတ်လိုက်ပြန်သည်။
"ဒါပေမဲ့ ငါတောင် မသေချာဘူး၊ မင်း ချန်ထားခဲ့တာက ငါ့ရဲ့ရင်းနှီးတဲ့တပည့်အဆင့်ကို ကိုယ်စားပြုတဲ့ ရွှေတံဆိပ်လား၊ ဒါမှမဟုတ် ငါ့ရဲ့ တပည့်အစစ် အဆင့်ကို ကိုယ်စားပြုတဲ့ ရွှေသော့ခလောက်ကြီးလား"
"ဒါမှမဟုတ်... ဒီ ရွှေနီရောင်ဆွဲကြိုးလား"
စုကျို : "အာ"
ဒီကမ္ဘာကြီးကတော့ တကယ်ပဲပျက်စီးနေပြီ၊ သူ့လို ရိုးသားတဲ့သူကို စမ်းသပ်ဖို့အတွက် ဒီလိုမေးခွန်းမျိုးကိုတောင်သုံးနေကြပြီ။
"ဩော် မင်းက အကုန်လုံးကို ချန်ထားခဲ့တာလို့ပြောတာလား၊ ငါ သိသားပဲ~"
ရှန့်လိုင်လိုင် ရှန့်ဝူချင်းကို ကန်ထုတ်လိုက်သည်။
"ကဲ ဒါကို မင်းရဲ့ညီမလေးဆီ ယူသွားပေးလိုက်"
လိုကျားတောင်မှ မျက်စိဖွင့်ကြည့်လိုက်ရသည်။
ယင်လီကမူ တအံ့တဩဖြစ်နေသည်။ ဟန်တာယွမ်ဂိုဏ်းက လူတွေကတော့ ပိုလို့တောင်အံ့ဩနေကြသည်။
"စုကျို၊ မင်းက တကယ်ပဲ အပြင်မှာ ကျန်ခဲ့တဲ့ ရှန့်လိုင်လိုင်ရဲ့ တပည့်အစစ်လား"
ဟန်တာယွမ်ဂိုဏ်းရဲ့ အခြေခံတည်ဆောက်ခြင်းအဆင့် အဖွဲ့ခေါင်းဆောင်က အံ့ဩတကြီးမေးလိုက်သည်။
ရွှယ်ရွေ့ကျင်ရဲ့ မျက်နှာက ချက်ချင်းတုန်လှုပ်သွားသည်။
သူက တကယ်ပဲ ဒီလိုမျိုး နောက်ခံရှိတဲ့ အမျိုးသမီးကျင့်ကြံသူတစ်ယောက်ကို အရင်ကသွားပြီးရန်စခဲ့မိတာလား!?
အသိဉာဏ်ကင်းမဲ့တဲ့ ဦးနှောက်၊ အရင်က ဘာဖြစ်ခဲ့လဲဆိုတာ အမြန်မှတ်မိစမ်း!
"ကျွန်တော် စကားမပြောရသေးဘူး၊ ကျွန်တော် အခုပဲပိုက်ဆံပြန်ဆပ်ပါ့မယ်၊ အတိတ်ကိုမမှတ်မိတော့ရင်တောင် ကျွန်တော် ပိုက်ဆံပြန်ဆပ်နိုင်ပါတယ်! ဝိညာဉ်ကျောက်တုံး သုံးသိန်း သုံးသောင်း..."
သူမ စကားပြောပြီးတာနဲ့ ရှန့်လိုင်လိုင် လုကျိကျောင်းအား ဂရုမစိုက်တော့ပေ။
သူမရဲ့ ခြေထောက်အောက်က ဝိညာဉ်ပုတီးစေ့ သုံးစေ့က ရွှယ်ရွေ့ကျင်ဆီကိုပစ်ထွက်သွားပြီး သူ့ရဲ့ ခန္ဓာကိုယ်ထဲကို အမြန် ဝင်သွားကြသည်။
"ရှောင်ကျို၊ ယင်လီ၊ လိုကျား၊ ချန်ယွမ်… ငါ မင်းတို့ နာမည်တွေကို မှန်အောင် ခေါ်မိရဲ့လား"
"သေသေချာချာ ကြည့်ထားပါ၊ ဒါ ဝိညာဉ်ကုန်သည်အသင်းထဲဝင်မှသာ သင်ယူနိုင်မယ့် ထိပ်တန်းစီးပွားရေးနည်းပညာပဲ — အကြွေး ဘယ်တော့မှမတင်စေရ!"
သူမ စကားပြောပြီးတာနဲ့ စုကျိုဟာ တတိယအဆင့် ဝတ်ရုံကိုဝတ်ထားတဲ့ ရွှယ်ရွေ့ကျင်ရဲ့ခန္ဓာကိုယ်ကို သူမရဲ့အမြင်အာရုံနဲ့ ထိုးဖောက်မြင်နိုင်တာကို တွေ့လိုက်ရသည်
သူ့ရဲ့ တစ်ကိုယ်လုံးက ဖောက်ထွင်းမြင်နေရသလိုဖြစ်သွားသည်။
အတွင်းက အရာအားလုံးကို ရှင်းရှင်းလင်းလင်း မြင်နိုင်သည်။ သူ့ရဲ့ ကိုယ်တွင်းအင်္ဂါတွေရဲ့ ပုံသဏ္ဌာန်တွေက ကြည်လင်နေပေမယ့် ဒီအင်္ဂါတွေကတော့ အခုအချိန်မှာ ဝိညာဉ်ကျောက်တုံးတွေနဲ့ လုံးဝ ဖွဲ့စည်းထားတာဖြစ်နေသည်!
ရှန့်လိုင်လိုင်ရဲ့ ညာဘက်လက်က ဝိညာဉ်အလင်းတန်းတစ်ခုဟာ ရွှယ်ရွေ့ကျင်ရဲ့ကိုယ်တွင်းအင်္ဂါတွေပေါ်ကို ကျရောက်သွားသည်။
ပိုက်ဆံအတု စစ်ဆေးတဲ့ စက်လိုမျိုးပါပဲ။
[နှလုံး : ကျင့်ကြံမှုအတွက် သုံးစွဲခဲ့သော ဝိညာဉ်ကျောက်တုံး ၃၉၄,၉၉၉ တုံး]
[သွေးကြောမ : ကျင့်ကြံမှုအတွက် သုံးစွဲခဲ့သော ဝိညာဉ်ကျောက်တုံး ၆၉,၉၄၉ တုံး]
…