အခန်း (၁၅၂၈-၁၅၃၀)

အခန်း(၁၅၂၈) လက်ထဲမှ ဆေးလုံး

ဝမ်တုန်က ကျောက်စိမ်းသေတ္တာကိုယူပြီး ချူးယွင်ဖန်းထံ သွားလိုက်သည်။ သူက သေတ္တာကိုဖွင့်လိုက်သောအခါ လက်မအရွယ် ဆေးပြားတစ်ပြား ချူးယွင်ဖန်းရှေ့တွင် ပေါ်လာသည်။

၎င်းသည် ရွှေရောင်ရှိပြီး အလွန်အစွမ်းထက်သော ဆေးဖက်ဝင်အပင်များ ပါဝင်ပုံရသော်လည်း ဆေးဖက်ဝင်အပင်များ တစ်စက်တစ်လေမျှ ပျံ့နှံ့မသွားပေ။ ဤသေတ္တာသည်လည်း အထူးပြုလုပ်ထားသော ကျောက်စိမ်းသေတ္တာတစ်ခုဖြစ်သည်။ ၎င်းပေါ်တွင် ရှေးဟောင်းပုံစံများ ထွင်းထုထားပြီး အတွင်းပိုင်းရှိ ဆေးဖက်ဝင်အပင်များကို လုံးဝပိတ်ဆို့ထားပြီး ပျံ့နှံ့မသွားစေရန် သေးငယ်သော အစီအစဥ်တစ်ခုကို ဖွဲ့စည်းထားသည်။

တခြားသူများ မသိလောက်သော်လည်း ချူးယွင်ဖန်းကမူ ကောင်းစွာသိသည်။ ဤကျောက်စိမ်းသေတ္တာကို ဆေးဧကရာဇ်က တီထွင်ခဲ့ခြင်းဖြစ်သည်။ ထိုအချိန်က ဆေးဧကရာဇ်က ဆေးပြားများကို သိမ်းဆည်းရန် ခက်ခဲသည်ဟု ခံစားခဲ့ရသည်။ အချိန်ကြာလာသည်နှင့်အမျှ ဆေးအစွမ်းသတ္တိများ ဆက်လက်ပျောက်ကွယ်သွားလိမ့်မည်။ ထို့ကြောင့် သူသည် ဤကျောက်စိမ်းသေတ္တာကို တည်ထွင်ခဲ့ခြင်းဖြစ်သည်။ သေတ္တာ၏ မျက်နှာပြင်ပေါ်မှ ဖွဲ့စည်းမှု၏ အကူအညီနှင့် ကျောက်စိမ်းသေတ္တာထဲတွင် ဆေးစွမ်းအင်ကို ချိပ်စည်းပိတ်ထားနိုင်သည်။

မှန်သည်။ ကျောက်စိမ်းသေတ္တာ၏ အောက်‌ခြေတွင် ဝိဉာဥ်ကျောက်များရှိသည်။ ထိုဝိဉာဥ်ကျောက်များထဲမှ ဝိဉာဥ်စွမ်းအင် မကုန်ဆုံးသရွေ့ ကျောက်စိမ်းသေတ္တာကို ထာဝရအသုံးပြုနိုင်သည်။ ဝိဉာဥ်ကျောက်ထဲမှ ဝိဉာဥ်စွမ်းအင်များကုန်သွားလျှင်ပင် သေတ္တာထဲမှ ဝိဉာဥ်ကျောက်များကို အစားထိုးကာ အသုံးပြုနိုင်သည်။ ဤသည်မှာ ဆေးဧကရာဇ်၏ ဂုဏ်ယူဖွယ်လက်ရာဖြစ်သည်။ ထိုအချိန်မှစ၍ ဆေးပညာရှင်များအတွက် ဆေးလုံးများသိမ်းဆည်းရန် မခက်ခဲတော့ပေ။

ချူးယွင်ဖန်းက ဤသည်မှာ အမှန်တကယ်ပင် ကိုးကောင်းကင် ပြန်လည်နုပျိုခြင်းဆေးလုံးဖြစ်ကြောင်း အတည်ပြုခဲ့သည်။ ၎င်းသည် အခြားသူများကို လှည့်စားနိုင်သော်လည်း သူ့ကဲ့သို့သော ကျွမ်းကျင်သူကိုမူ လှည့်စား၍မရပေ။

"အရမ်းရှင်းတယ်။ ဒါဆို ကျွန်တော် မနေတော့ဘူးနော်" ချူးယွင်ဖန်းက တောင်မြစ်ပန်းချီကားထဲ၌ ကျောက်စိမ်းသေတ္တာကို သိမ်းဆည်းလိုက်သည်။

"ဓားသခင်လေး စစ်ဆေးကြည့်မှာ မဟုတ်ဘူးလား" ဝမ်တုန်က မေးလိုက်သည်။

"မလိုအပ်ပါဘူး။ ရိုးရိုးဆေးလုံးတစ်လုံးက ကျွန်တော့်ကို လှည့်စားလို့မရဘူး" ချူးယွင်ဖန်းက ပြောသည်၊

"ကမ္ဘာပေါ်မှာ ကျွန်တော့်ဆီက ပုန်းအောင်းနိုင်တဲ့ ဆေးလုံး မရှိဘူး။ ဒါ့အပြင် ခင်ဗျားအပေါ် ယုံကြည်စိတ်ချရမှုက ဒီဆေးလုံးတစ်ခုတည်းအတွက်ပဲ ကန့်သတ်ထားတာ မဟုတ်ပါဘူး ဥက္ကဋ္ဌဝမ်"

ချူးယွင်ဖန်း၏ စကားများကို ကြားသောအခါ ဝမ်တုန်း၏ မျက်လုံးများတွင် ထူးဆန်းသော အကြည့်တစ်ချက် ဖြတ်ပြေးသွားသည်။ ချူးယွင်ဖန်းသည် ဆေးပညာတွင် မြင့်မားသော အောင်မြင်မှုရှိပြီး သူကိုယ်တိုင်ပင် မသိသောအရာများစွာကို သိထားရမည်ဟု သူ သံသယဝင်မိသည်။ ယခု ချူးယွင်ဖန်း၏ စကားများကို ကြားသောအခါ သူ မှန်ကန်ကြောင်း ယုံကြည်သွားသည်။ သို့သော် သူ စိတ်ထဲမထားခဲ့ပေ။ ချူးယွင်ဖန်း ဤအရာအားလုံးကို မည်သို့ သိရှိခဲ့သည်ကို သူ ဂရုမစိုက်ပေ။

"ဓားသခင်လေးက ကျုပ်ကို မြှောက်ပင့်နေပြန်ပါပြီ” ဝမ်တုန်က ပြုံးလိုက်သည်။

"ဒါပေမယ့် မင်းနဲ့ ချူးယွင်ဖန်းရဲ့ ဂုဏ်သတင်းက မကြာသေးခင်ကမှ မြင့်လာတာ ငါသိသလောက်တော့ မင်းနဲ့ ပြဿနာရှာဖို့ ကြံစည်နေတဲ့ လူတွေ အများကြီးရှိပုံရတယ်။ ဒီကိစ္စနဲ့ ပတ်သက်ပြီး မင်းဘယ်လိုထင်လဲ။"

"သူတို့က လူရွှင်တော်တွေပါ။ သူတို့က လျှို့ဝှက်နည်းလမ်းတွေကိုပဲ သုံးရဲတယ်" ချူးယွင်ဖန်းက လှောင်ပြောင်လိုက်သည်။ အစွမ်းအစအပြည့်ရှိနေချိန်တွင် အကြံအစည်အားလုံးသည် အဓိပ္ပာယ်မရှိပေ။ "သူတို့ပေးတဲ့ ဆုငွေအကြောင်း ကျွန်တော်ကြားဖူးပါတယ်၊ ဒါပေမယ့် တစ်ယောက်ယောက်က ဒီအလုပ်ကို လုပ်ဖို့ သတ္တိရှိမရှိ စောင့်ကြည့်ရမှာပေါ့။ လုပ်ကြံသတ်ဖြတ်တဲ့ အဖွဲ့အစည်းတစ်ခုခုက ဒီအလုပ်ကို လုပ်ဖို့ ရဲရင် သူတို့ရဲ့ဌာနချုပ်ကို ဖြိုခွင်းပစ်မယ်"

ဝမ်တုန်၏ မျက်နှာအမူအရာ ရပ်တန့်သွားသည်။ ချူးယွင်ဖန်း၏ တုံ့ပြန်မှုက ဤမျှ ပြင်းထန်လိမ့်မည်ဟု သူမထင်ထားခဲ့ပေ။ ချူးယွင်ဖန်းတွင် လျှော့ရန် ရည်ရွယ်ချက်ပင်မရှိဟု ထင်ရသည်။ သူကို ရန်စသော မည်သူ့ကို မဆို သတ်ပစ်တော့မည့်အလားပင်ဖြစ်၏။

သို့သော် သူက ချူးယွင်ဖန်း၏ လုပ်နေကျပုံစံများကိုတွေးမိသည်။ သူ့လမ်းတွင် တားဆီးရဲသော မည်သူ့ကိုမဆို သတ်ပစ်မည်ဖြစ်သည်။

"ဟုတ်တယ်။ မင်းရဲ့အစွမ်းနဲ့ဆိုရင် မင်းကို ဘာမှလုပ်နိုင်မှာ မဟုတ်ဘူး" ဝမ်တုန်က ပြောသည်၊

"ဒါပေမယ့် သူတို့က တခန်းကို ကူညီဖို့ ဖိတ်ခေါ်ဖို့ ငွေအများကြီး သုံးနေတယ်လို့ ငါကြားတယ်။ သတိထားပါ ဓားသခင်လေး"

“တခန်းလား” ချူးယွင်ဖန်းနက မျက်ခုံးတွန့်လိုက်သည်။

“အဆင်ပြေပါတယ်။ ကျုပ်သိသလောက်တော့ တခန်းက သူ့ကိုယ်သူ ဂရုစိုက်ဖို့ အလုပ်အရမ်းများနေတယ်။ သူအသက်ရှင်နေသေးတာတင် တော်သေးတာကို ပြဿနာမရှာသင့်ဘူး”

ချူးယွင်ဖန်း ပြုံးလိုက်သည်။ အခြားသူများ မသိနိုင်သော်လည်း သူသိသည်။ တတခန်းသည် သူ့လက်ချက်ဖြင့် ပြင်းထန်စွာ ဒဏ်ရာရရှိပြီး ထွက်ပြေးနေသည်။ သူ လုံလောက်အောင် မပြေးနိုင်ခဲ့လျှင် ယခုအချိန်တွင် သေနေလောက်ပြီဖြစ်သည်။ ထိုအချိန်က ချူးယွင်ဖန်း၏ စွမ်းအားသည် ယခုထက် များစွာ အားနည်းနေသည်။ သူ၏ လက်ရှိခွန်အားဖြင့် တခန်းကို အလွယ်တကူး ဖျက်ဆီးပစ်နိုင်သည်။

"အိုး”

ဝမ်တုန်က နောက်ဆုံးတွင် အံ့သြသွားသည်။ ယခင်က မည်သည့်သတင်းမျှ မရခဲ့ဖူးသော်လည်း ချူးယွင်ဖန်း၏ လက်ရှိ အမူအရာကို ကြည့်မည်ဆိုပါက သူ အတွေးမဲ့ပြောနေခြင်းမဟုတ်ပေ။

တစ်နည်းအားဖြင့် ပြောရလျှင် တခန်းက အခြေအနေမကောင်းပေ။ ဤလောကတွင် ဆေးပညာရှင်အသင်းဥက္ကဌပင် မသိသော အရာများရှိနေခြင်းးဖြစ်ကြောင်း သူနောက်ဆုံးတွင် သဘောပေါက်လာသည်။

"သတိပေးတဲ့အတွက် ကျေးဇူးတင်ပါတယ် ဥက္ကဋ္ဌဝမ်။ ဘာမှမရှိတော့တဲ့အတွက် အခုပဲ ခွင့်ယူလိုက်ပါမယ်" ချူးယွင်ဖန်းက ပြောသည်။ သူ ဆေးပြားကို စမ်းသောက်ကြည့်ရန် မစောင့်နိုင်တော့ပေ။

ထိုအချိန်၌ သူ၏ ခွန်အားက ပို၍ တိုးတက်လာလိမ့်မည်။ တခန်းက သူ၏ ကျင့်ကြံရေးအဆင့်တွင်ရှိနေသေးလျှင်ပင် ချူးယွင်ဖန်းက ပုရွက်ဆိတ်တစ်ကောင်ကဲ့သို့ သူ့ကို အလွယ်တကူ ချေမှုန်းနိုင်သည်။ သူက တခန်းကို ပြင်းထန်စွာ ဒဏ်ရာရစေခဲ့တာကို ထည့်ပြောရန်ပင်မလိုအပ်ပေ။

"ကောင်းပြီ၊ ငါ မင်းကို လိုက်မပို့တော့ဘူး။ အခု ဂရုစိုက်!" ဝမ်တုန်က နှုတ်ဆက်သည်။

ချူးယွင်ဖန်းက ခေါင်းညိတ်ပြီး ဆေးပညာမြို့တော်မှ ထွက်ခွာသွားသည်။

တစ်ဖက်တွင်မူ ဝမ်တုန်က သူ့နေရာတွင် ရပ်နေပြီး မျက်နှာအမူအရာ မသေချာပေ။ ချူးယွင်ဖန်း၏ စကားများက သူ့ကို အလွန်အမင်း အံ့အားသင့်စေသည်။ ကမ္ဘာ့နံပါတ်တစ် ကျွမ်းကျင်သူအဖြစ် လူသိများသော တခန်းသည် မတော်တဆမှုတစ်ခုနှင့် ကြုံတွေ့ခဲ့ရခြင်း သို့မဟုတ် အနည်းဆုံးတော့ ပြင်းထန်သော ဒဏ်ရာများ ရရှိခဲ့ခြင်း ဖြစ်နိုင်သည်။ ၎င်းသည် လက်ရှိ မငြိမ်မသက်ဖြစ်နေသော အခြေအနေတွင် နောက်ထပ် ကြီးမားသော ပြောင်းလဲမှုတစ်ခု ဖြစ်သည်။

“ဟေ့ကောင်တွေ အမိန့်နာခံကြ၊ မင်းတို့ ရှိသမျှ အစွမ်းကို သုံးပြီး တခန်းရဲ့ တည်နေရာကို ရှာကြ။ သတင်းတစ်ခုခုရတာနဲ့ ငါ့ကို သတင်းပို့ကြ”

တဝေရှိ ဧကရာဇ် မြို့တော် ဧကရာဇ်အကြံပေးနေအိမ်။

ခြံဝင်းထဲတွင် ချူးယွင်ဖန်းသည် သူ၏ မူလပုံပန်းသဏ္ဌာန်သို့ ပြန်ပြောင်းသွားခဲ့သည်။ သူ့ရှေ့တွင် ကျောက်စားပွဲတစ်လုံးရှိသည်။ ကျောက်စားပွဲပေါ်တွင် ကျောက်စိမ်းသေတ္တာတစ်လုံးရှိပြီး ကျောက်စိမ်းသေတ္တာထဲတွင် ကိုးကောင်းကင် ပြန်လည်နုပျိုခြင်းဆေးလုံးတစ်လုံးရှိသည်။ တဝေဧကရာဇ်မြို့တော် ဧကရာဇ်အကြံပေး၏ နေအိမ်သည် ကျယ်ဝန်းသော နေရာတစ်ခုတွင်ရှိနေသည်။

ချူးယွင်ဖန်း မရှိစဉ်က ၎င်းကို ခမ်းနားစွာ တည်ဆောက်ခဲ့ပြီး ၎င်း၏ ခမ်းနားထည်ဝါမှုသည် ဧကရာဇ်နန်းတော်ထက် မနိမ့်ကျပေ။

အခြားသူတစ်ဦးသာဆိုပါက ၎င်းတို့ ရာထူးမှ ဖြုတ်ခံရပြီးဖြစ်လိမ့်မည်မှာ ကြာနှင့်ပေလိမ့်မည်။ ဤမျှ ဇိမ်ခံအိမ်ကြီးတွင် နေထိုင်နိုင်မည်မဟုတ်ပေ။ သို့သော် မည်သူကမျှ ဤအိမ်ကြီးကို ကန့်ကွက်ခြင်းမျိုးမရှိခဲ့ပေ။

ဤသည်က ကမ္ဘာ့နံပါတ်တစ်ကျွမ်းကျင်သူ၊ ဤမင်းဆက်၏ အဓိကပုဂ္ဂိုလ် ချူးယွင်ဖန်း၏ နေအိမ်ဖြစ်ကြောင်း လူတိုင်းသိကြသည်။ နန်းတွင်း အရာရှိများထဲမှ မည်သူကမျှ ဧကရာဇ်အကြံပေးကို ရာထူးမှ ဖြုတ်ချရန် သတ္တိမရှိကြပေ။ မည်သို့ပင်ဖြစ်စေကာမူ သူသည်

ဧကရာဇ်၏ ကျောထောက်နောက်ခံဖြစ်ကြောင်း လူတိုင်းသိကြသည္။ သူသည် အငြိမ်းစားဧကရာဇ်တစ်ပါးကဲ့သို့ပင်ဖြစ်၍ မည်သူမျှ သူ့ကို မနှောက်ယှက်ရဲကြပေ။

“သီးသန့်လေ့ကျင့်ဖို့ အချိန်တန်ပြီ” ချူးယွင်ဖန်းက တွေးလိုက်သည်။

ဤကာလအတွင်း သူသည် အဆက်မပြတ် အဆင့်တက်လာခဲ့သောကြောင့် သူ၏ ကျင့်စဥ်ကို ပေါင်းစည်းချိန်တန်ပြီဖြစ်သည်။ သူ၏ကျင့်စဉ်ကို အလွန်လျင်မြန်စွာ တိုးတက်စေလိုခြင်းမရှိဘဲ သူ၏အခြေခံအုတ်မြစ် မတည်မငြိမ်ဖြစ်စေလိုခြင်း မရှိပေ။

"ကျုပ် အမိန့်ကို ဖြန့်ပေးပါ။ ကျုပ် သုံးလလောက် သီးသန့်ကျင့်ကြံတော့မှာမို့ ဘယ်သူနဲ့မှ မတွေ့တော့ပါဘူး”

အခန်း(၁၅၂၉) အနောက်ဘက်နတ်ဆိုးနယ်မြေ၏ ကျူးကျော်မှု

ချူးယွင်ဖန်းသည် သုံးလကြာ သီးသန့်နေထိုင်မည်ဟု ကြေငြာခဲ့ပြီး မည်သူနှင့်မျှ တွေ့ဆုံမည်မဟုတ်ကြောင်း ကြေငြာခဲ့သည်။ ဤအချက်က ဧကရာဇ်မြို့တော်တွင် အတန်ငယ် ရုတ်ရုတ်သဲသဲဖြစ်စေခဲ့သည်။ ချူးယွင်ဖန်း၏ ထွက်ခွာမှုသည် အံ့အားသင့်ဖွယ် ကြေညာချက်တစ်ခုဖြစ်သည်။ သူသည် တဝေတွင် နံပါတ်တစ်ကျွမ်းကျင်သူသာမက ကမ္ဘာ့နံပါတ်တစ်ကျွမ်းကျင်သူလည်း ဖြစ်နေသည်မှာ ထင်ရှားသည်။

တဝေ၌ မရေမတွက်နိုင်အောင် များပြားလှသော စွမ်းအားကြီး ပုဂ္ဂိုလ်များက သူ့ကို တွေ့ဆုံလိုကြသော်လည်း တံခါးဝတွင် အားလုံး ရပ်တန့်ထားကြသည်။ ဧကရာဇ်သစ် လာရောက်လည်ပတ်သည့်တိုင် သူ့ကို ဝင်ခွင့်မပေးခဲ့ပေ။

ဤသီးသန့်လေ့ကျင့်မှုသည် ချူးယွင်ဖန်းအတွက် အလွန်အရေးကြီးသည်။ ထို့ကြောင့် ဧကရာဇ်ဖြစ်စေ၊ လက်ရှိဝန်ကြီးဖြစ်သော ချူးဘုရင်ဖြစ်စေ သူတို့အားလုံးသည် တံခါးအပြင်ဘက်တွင် ရပ်တန့်နေပြီး ချူးယွင်ဖန်းနှင့် တွေ့ဆုံနိုင်ခြင်းမရှိပေ။ နန်းတော်ရှိ အာဏာအရှိဆုံးပုဂ္ဂိုလ်နှစ်ဦးကို ရပ်တန့်ထားသဖြင့် အခြားသူများမှာ ပြောစရာမရှိသလောက်ဖြစ်သည်။

ချူးယွင်ဖန်းပြန်လာခြင်းကြောင့် ဖြစ်ပေါ်လာသော လှိုင်းလုံးများသည် နောက်ဆုံးတွင် ငြိမ်သက်သွားခဲ့သည်။

သူ၏ တစ်ကိုယ်တည်းနေထိုင်မှုအတွက် ချူးယွင်ဖန်းက တောင်မြစ်ပန်းချီကားထဲသို့ ဝင်သွားခဲ့သည်။ အပြင်ဘက်တွင် မည်သည့်အရာများဖြစ်ပျက်နေသည်ကို သူမသိပေ။ သူ့ရှေ့တွင် ကိုးကောင်းကင်ပြန်လည်နုပျိုခြင်းဆေးလုံးက ကျောက်စိမ်းသေတ္တာထဲ၌ ရှိနေသည်။ သူသည် ကျောက်စိမ်းသေတ္တာထဲမှ မှော်အစွမ်းကို ချိုးဖျက်လိုက်ရာ ထိတ်လန့်စရာကောင်းသော ဆေးရောင်စဉ်တစ်ခု ပျံ့နှံ့သွားသည်။ ဆေးလုံးက ပြန်လည် အသက်ဝင်လာသကဲ့သို့ ပို၍ အားကောင်းလာသည်။ သူသည် တုံ့ဆိုင်းမနေဘဲ ဆေးလုံးကို ချက်ချင်း မျိုချလိုက်သည်။

ကိုးကောင်းကင် ပြန်လည်နုပျိုခြင်းဆေးလုံးသည် ချက်ချင်းပင် အစွမ်းထက်သော ဆေးစွမ်းအင်တစ်ခုအဖြစ်သို့ ပြောင်းလဲသွားကာ သူ၏ ခြေလက်များနှင့် အရိုးများတစ်လျှောက်ပျံ့နှံ့သွားသည်။ ၎င်းသည် သူ့ခေါင်းထဲမှ ပြေးထွက်လာကာ ကောင်းကင်နှင့် မြေကြီးကို ပြန့်နှံ့စေတော့မည့် ဧရာမနဂါးကြီးတစ်ကောင်ကဲ့သို့ ဖြစ်သည်။ ဤဆေးလုံး၏ ဆေးအာနိသင်မှာ အံ့အားသင့်စရာပင်ဖြစ်၏။

ဘမ်း

ချူးယွင်ဖန်းသည် ဆေးဖက်ဝင်ရောင်ဝါများ ယိုစိမ့်ထွက်ခြင်းမှ ကာကွယ်ရန် သူ့ခန္ဓာကိုယ်ရှိ အပေါက်တိုင်းကို ချက်ချင်းပိတ်လိုက်သည်။ သူသည် ဆေးဖက်ဝင်စွမ်းအင်ကို သူ့ဆဲလ်များကို သန့်စင်ရန် ခွင့်ပြုလိုက်သည်။ သူသည် အဆင့်တက်ရန် အလျင်စလိုမလုပ်ပေ။ ယခုတစ်ကြိမ်တွင် သူသည် အဆင့်တက်မှုကို ပြီးမြောက်အောင် လုပ်ဆောင်ရုံသာမက ခိုင်မာသောအုတ်မြစ်ကိုလည်း ချလိုခဲ့သည်။

နောက်တစ်ဆင့်မှာ ရွှေအမတေပုံစံအဆင့်သို့ရောက်ရန်ဖြစ်သည်။ အမတေမဲ့အဆင့်ကို အမတေမဲ့အဆင့်ဟုခေါ်ရခြင်းမှာ ခန္ဓာကိုယ်ထဲ၌ ပုံရိပ်ယောင် ရွှေအမတေအဆင့်ထိသာ ဖြစ်တည်လာသောကြောင့်ဖြစ်သည်။ ရွှေအမတေပုံစံအဆင့်တွင် စတင်၍ အစိုင်အခဲ ရွှေအမတေတစ်ခု ဖြစ်ပေါ်လာမည်ဖြစ်ကာ ရွှေအမတေပြီးပြည့်စုံခြင်းအဆင့်သို့ရောက်သောအခါ သိုင်းပညာကျင့်ကြံသူတစ်ဦး၏ ဘဝတည်ရှိရာသို့ရောက်သွားလိမ့်မည်။

ပြီးပြည့်စုံသော ရွှေအမတေတစ်ခု ဖြစ်ပေါ်လာမည်ဆိုပါက သူ၏ ဘဝက သူ့လက်ထဲတွင် ရှိနေမည်ဖြစ်သည်။

ကျင့်ကြံမှု၏ နောက်ပိုင်းအဆင့်များအတွက်၊ အဓိကအဆင့်သည် အလွန်အရေးကြီးသော အဆင့်တစ်ခုဖြစ်သည်။ ၎င်းသည် လူတစ်ဦးသည် အမှန်တကယ် ခိုင်မာသောအုတ်မြစ်ချနိုင်သည့် အဆင့်ဖြစ်သည်။ ဆေးဧကရာဇ်၏ မှတ်ဉာဏ်များနှင့် ချူးယွင်ဖန်းသည် ဤအဆင့်က မည်မျှ အရေးကြီးကြောင်း သိခဲ့သည်။ ၎င်းသည် အ ကျော်လွန်ခြင်းဆီသို့ စစ်မှန်သောခြေလှမ်း၏ အစဖြစ်သည်။

ထို့ကြောင့် သူသည် အလျင်စလို ဖောက်ထွင်းဝင်ရောက်ရန် မလိုအပ်ပေ။ ယင်းအစား ခိုင်မာသော အုတ်မြစ်ချရန် ကြိုးစားခဲ့သည်။ ထိုအခါမှသာ အနာဂတ်တွင် သူသည် ပိုမိုလျှောက်လှမ်းနိုင်မည်ဖြစ်ပြီး ဆေးဧရာဇ်ထက် ပို၍ ဝေးကွာသော ခရီးတစ်ခုဆီရောက်နိုင်မည်ဖြစ်သည်။

ကျင့်ကြံသူသည် အချိန်ကို မသိဘဲ မျက်စိတစ်မှိတ်အတွင်း အချိန်ကုန်လွန်သွားခဲ့သည်။ ချူးယွင်ဖန်းသည် သူ၏အခြေခံအုတ်မြစ်နှင့် ထိုးဖောက်တိုးတက်မှုကို ခိုင်မာစေရန် ကြိုးစားရင်း အထီးကျန်စွာနေထိုင်နေစဉ် သုံးလသည် မျက်စိတစ်မှိတ်အတွင်း ကုန်ဆုံးသွားခဲ့သည်။ ဆောင်းဦးရာသီရောက်ရှိလာပြီး ကမ္ဘာကြီးသည် မှောင်မိုက်သောလေထုဖြင့် ပြည့်နှက်နေသည်။ တဝေ မြို့တော်တွင် လမ်းသွားလမ်းလာများသည် အလျင်စလို လျှောက်သွားနေကြသည်။ လူတိုင်း၏မျက်နှာများတွင် တည်ကြည်ပြီး စိုးရိမ်ပူပန်မှုများ ရှိနေသည်။

ဤအချိန်တွင် ဧကရာဇ် အကြံပေး၏ နေအိမ်အပြင်ဘက်ရှိ ရှည်လျားသော လမ်းမပေါ်တွင် ဧကရာဇ် အစောင့်တပ်ဖွဲ့များသည် လမ်းတစ်ခုလုံးကို ပိတ်ဆို့ထားခဲ့သည်။ ဧကရာဇ် အကြံပေး၏ နေအိမ်သည် လမ်းတစ်လမ်းလုံး၏ တစ်ဖက်ခြမ်းတွင် နေရာယူထားသည်။

အိမ်တော်ဝင်ပေါက်တွင် စစ်ဝတ်စုံဝတ်ဆင်ထားသော လူငယ်တစ်ဦးသည် လက်နှစ်ဖက်ကို ပွတ်သပ်ကာ ရှေ့တိုးနောက်ငင် လျှောက်သွားနေသည်။ ထိုသူမှာ ချူးဘုရင်၏ အမွေဆက်ခံသူ ချူးဟုန်ချိုင်ဖြစ်ပြီး တဝေ၏ ချူးမျိုးဆက်များ၏ ခေါင်းဆောင်ဖြစ်သည်။

ချူးဟုန်ချိုင်သည် နေအိမ်ရှေ့တွင် ရှေ့တိုးနောက်ငင် လှည့်လည်သွားလာနေသော်လည်း သူဝင်ရန် မဝံ့ရဲပေ။ နန်းတော်အစောင့်များက ထိုနေရာကို ပိတ်ပြီး မကြာမီတွင် အဖြူရောင်နန်းတော်မြင်းကိုးကောင်ဖြင့် ဆွဲထားသော ဧရာမရထားတစ်စင်းသည် အစေခံများနှင့် စစ်သားအများအပြား ဝန်းရံထားသည့် နေအိမ်ဝင်ပေါက်သို့ ရောက်ရှိလာခဲ့သည်။

မြင်းရထားပေါ်မှ ပုံရိပ်တစ်ခု ခုန်ဆင်းလာသည်။ ထိုသူမှာ တဝေ၏ ဧကရာဇ် ဝေ့ဝူကျီ ဖြစ်သည်။

"အရှင်မင်းကြီး၊ မင်္ဂလာပါ" ချူးဟုန်ချိုင်က ဝေ့ဝူကျီအား အလျင်အမြန် ဦးညွှတ်လိုက်သည်။

"ရပ်ပါ" ဝေ့ဝူကျီက စိုးရိမ်တကြီး ပြောလိုက်သည်။

"ကျေးဇူးတင်ပါတယ် အရှင်မင်းကြီး" ချူးဟုန်ချိုင်က ပြောလိုက်သည်။

"ဘာတွေဖြစ်နေတာလဲ။ ဆရာချူး သီးသန့်ကျင့်ကြံမှုက ထွက်လာပြီလား" ဝေ့ဝူကျီက စိုးရိမ်နေပုံရသည်။

"မထွက်လာသေးဘူး” ချူဟုန်ချိုင်က ပြန်အစီရင်ခံသည်။

"အိမ်တော်တစ်ခုလုံးရဲ့ အပြင်ဘက်မှာ အတားအဆီးတစ်ခုရှိတယ်။ ကျွန်တော် ဝင်ခွင့်မရဘူး"

"ဒါဆို ကျွန်တော်တို့ ဘာလုပ်ကြမလဲ။ နိုင်ငံတော်က အန္တရာယ်ထဲ ရောက်နေပြီ" ဝေ့ဝူကျီက စိတ်ဓာတ်ကျစွာ ပြောလိုက်သည်။

"အစ်ကိုဖန်းက သုံးလအတွင်း သီးသန့်ကျင့်ကြံမှုက ထွက်လာလိမ့်မယ်လို့ ပြောတယ်။ သူ မကြာခင် ထွက်လာသင့်တယ်"ချူးဟုန်ချိုင်က ပြောသည်။

"ငါလည်း အဲ့လိုပဲ မျှော်လင့်ပါတယ်။ နယ်စပ်က လက်ရှိအခြေအနေကို မင်းသိသင့်တယ်။ ကာကွယ်ရေးမျဉ်း ပြိုကျသွားပြီ။ ဘုရင်ချူးက ကာကွယ်ရေးမျဉ်းကို ပြန်လည်ဖွဲ့စည်းဖို့ အဲ့ကို သွားတာ။ ငါ့ဦးလေးလည်း အဲ့လိုပဲ။ ဒါပေမယ့် အခုတော့ ပိုဆိုးတဲ့သတင်း ရှိတယ်။ ကျင်းကျန်းဟန်က အနောက်ပိုင်းနတ်ဆိုးအဖွဲ့ချုပ်ရဲ့ ကျူးကျော်မှုကို အခွင့်ကောင်းယူပြီး ထိန်းချုပ်မှုကို သိမ်းပိုက်နေတယ်။"

ဝေ့ဝူကျီ ဤအကြောင်းကို တွေးမိသောအခါ ဒေါသကို မထိန်းနိုင်တော့ပေ။

သုံးလအတွင်း အခြေအနေက ဤမျှဆိုးသွားလိမ့်မည်ဟု သူမထင်ထားခဲ့ပေ။ အနောက်ဘက်နယ်စပ်မှ နယ်ခြားစောင့်တပ်များသည် နတ်ဆိုးမဟာမိတ်အဖွဲ့၏ ပြင်းထန်သော တိုက်ခိုက်မှုကို မခံနိုင်ခဲ့ပေ။

တစ်လအတွင်း၌ပင် အနောက်ဘက်နယ်စပ်က နယ်မြေတစ်ဝက်ကျော်ကို သိမ်းပိုက်နိုင်ခဲ့သည်။

ဝေ့ဝူကျီက ဤအရာအားလုံးသည် လွန်ခဲ့သော သုံးလခန့်က အနောက်ဘက်နတ်ဆိုးနယ်မြေမှ ရုတ်တရက်တိုက်ခိုက်မှုတစ်ခုစတင်ခဲ့ချိန်မှ စတင်ခဲ့ကြောင်း ပြန်ပြောင်းသတိရမိသည်။ နှစ်ပေါင်းများစွာ တကယ့်ကြီးမားသောစစ်ပွဲကို မကြုံတွေ့ခဲ့ရသော နယ်ခြားစောင့်တပ်များသည် တစ်ချက်မျှ မခံနိုင်ပေ။ နှစ်ပေါင်းများစွာ တည်ဆောက်ထားသော ကာကွယ်ရေးမျဉ်းသည် ပြိုလဲသွားခဲ့သည်။ အနောက်ဘက်နယ်စပ်ကို စောင့်ကြပ်နေသော မွန်းစတားသုတ်သင်သူများပင် သိမ်းပိုက်ခံခဲ့ရသည်။ အနောက်ဘက်နယ်စပ်ရှိ ဂိုဏ်းအများအပြားကို သိမ်းပိုက်ပြီး အမြစ်ပြတ်ဖယ်ရှားခဲ့သည်။

အဆုံးမရှိသော မွန်းစတားတပ်သည် ဆူနာမီကဲ့သို့ တိုက်ခတ်သွားသည်။ ၎င်းတို့ မည်သည့်နေရာကို ဖြတ်သွားဖြတ်လာလုပ်စေကာမူ လူသား သို့မဟုတ် တိရစ္ဆာန်တစ်ဦးတစ်ယောက်မျှ မကျန်ရစ်ခဲ့ပေ။ အရာအားလုံးသည် ပျက်စီးယိုယွင်းသွားခဲ့သည်။ ဤမွန်းစတားတပ်များသည် သတ်ဖြတ်ခြင်းသက်သက်မဟုတ်ဘဲ အစာရှာဖွေခြင်းသာဖြစ်သည်။ သူတို့မြင်တွေ့ခဲ့ရသော လူသားနှင့် သတ္တဝါများအားလုံးသည် ဤမွန်းစတားတပ်များ၏ စားသုံးခြင်းကို ခံခဲ့ရသည်။

တဝေ၌ နေထိုင်သူ အများအပြားက သိုင်းပညာတတ်ကြသော်လည်း အဆုံးမဲ့မွန်းစတားများကို ခုခံနိုင်စွမ်းမရှိကြပေ။

လအနည်းငယ်အတွင်း၌ပင် မွန်းစတားများသည် အနောက်ဘက် နယ်စပ်၏ ထက်ဝက်ကျော်ခန့်ကို သိမ်းပိုက်နိုင်ခဲ့ကြသည်။ ဤလမ်းကြောင်းအရ မကြာခင်၌ပင် ၎င်းတို့သည် နိုင်ငံ၏ ကုန်းတွင်းပိုင်းသို့ ဝင်ရောက်ကျူးကျော်လာကြတော့မည်ဖြစ်သည်။

အခန်း(၁၅၃၀) အရာအားလုံး အန္တရာယ်နဲ့ ရင်ဆိုင်နေရပြီ

ရှုံးနိမ့်မှုသတင်းသည် ကမ္ဘာတစ်ဝှမ်းမှ ထွက်ပေါ်လာခဲ့သည်။ ထို့ကြောင့် နန်းတက်ခါစ ဝေဝူကျီသည် အခြေအနေဆိုးရွားနေသည်ကို ခံစားခဲ့ရသည်။ ကံကောင်းထောက်မစွာပင် နန်းတော်အတွင်းနှင့် အပြင်ဘက်တွင် ဆန့်ကျင်ဘက်အသံများစွာ မရှိခဲ့ပေ။ တစ်ချိန်က နန်းတော်ကို အကြီးအကျယ် သုတ်သင်ရှင်းလင်းခြင်းမှလွဲ၍ အနောက်ဘက်နတ်ဆိုးနယ်မြေကျူးကျော်မှု ဖြစ်ပွားခဲ့သည်။

ယင်းက လူသားနိုင်ငံနှစ်ခုကို ကျူးကျော်ခြင်းနှင့်မတူပေ။ ဤသည်က မတူညီသော လူမျိုးများကြားမှ တိုက်ပွဲတစ်ခုဖြစ်သည်။ ကျင်းကျန်းဟန်က ကျူးကျော်ခဲ့လျှင်ပင် အချို့သူများသည် ကျင်းကျန်းဟန်နှင့် ပူးပေါင်းခြင်းအားဖြင့် ၎င်းတို့၏ ချမ်းသာကြွယ်ဝမှုနှင့် ဂုဏ်သိက္ခာကို ကာကွယ်နိုင်သေးသည်။

ရှေးခေတ်ကတည်းက ဤသို့လူများစွာရှိခဲ့သည်။ သို့သော် အနောက်ဘက် နတ်ဆိုးနယ်မြေအတွက်မူ ကွာခြားသော ကိစ္စတစ်ခုဖြစ်သည်။ နတ်ဆိုးနယ်မြေ၏ အမိန့်ပေးမှုအောက်တွင် မရေမတွက်နိုင်အောင် များပြားလှသော မွန်းစတားများသည် ငရဲမှ တွားသွားထွက်လာသော အသူရာများကဲ့သို့ဖြစ်နေသည်။ ၎င်းတို့ရှေ့မှ သက်ရှိအားလုံးကို စားသုံးကာ ၎င်းတို့ သွားးသည့် မြေမှန်သမျှသည် သုဿာန်တစ်စပြင်ကဲ့သို့ဖြစ်လာသည်။

ဤမွန်းစတားများနှင့်ပူးပေါင်းရန်ပြောနေသည်က အသုံးမဝင်ပေ။ အဘယ်ကြောင့်ဆိုသော် ၎င်းတို့က တဝေကို အုပ်ချုပ်ရန် စိတ်မဝင်စားကြသောကြောင့်ဖြစ်သည်။ ယင်းအစား ၎င်းတို့က မွန်းစတားများ ပိုင်သည့် နိုင်ငံတစ်ခုကို တည်ထောင်ချင်ကြသည်။ လူသားများကို မည်သို့ အသက်ရှင်ခွင့်ပေးနိုင်မည်နည်း။

ဤအကြောင်းကြောင့်ပင် တဝေသည် မကြုံစဖူး စည်းလုံးညီညွတ်နေခဲ့သည်။ နိုင်ငံတော်၏ ဘီးများ လှည့်ပတ်လာပြီး ဝေဝူကျီအား အနည်းငယ် နှစ်သိမ့်မှုရစေသည်။ သို့သော် တဝေသည် နတ်ဆိုးအဖွဲ့တစ်ခုလုံးနှင့် နှိုင်းယှဉ်လျှင် အားနည်းသောကြောင့် ၎င်းသည် အသုံးမဝင်ပေ။ လူသားမျိုးနွယ်တစ်ခုလုံး၏ ခွန်အားကို စုစည်းခြင်းဖြင့်သာ ဤနတ်ဆိုးများကို တွန်းလှန်နိုင်မည်ဖြစ်သည်။

သို့သော်လည်း ကျင်းကျန်းဟန်က ၎င်းတို့ကို ကျူးကျော်ဝင်ရောက်လာခဲ့သည်။ ဤအရေးကြီးသောအချိန်တွင် သူတို့နောက်ကျောကို ဓားဖြင့်ထိုးလိုကြောင်း ထင်ရှားသည်။ သူတို့သည် ကျင်းကျန်းဟန်ကို အားကိုး၍ မရပေ။ တချီကိုလည်း မည်သည့်နေရာတွင်မျှ ရှာမတွေ့တော့ပေ။

ဤအချိန်တွင် ဝေ့ဝူကျီသည် တဝေ၏ ခွန်အားကိုသာ အားကိုးနိုင်တော့သည်။ ထို့ကြောင့် သူ့ကိုယ်သူ တစ်ယောက်တည်းသာ ကမ္ဘာတစ်ခုလုံးကို ရင်ဆိုင်နေရသကဲ့သို့ ခံစားရသည်။ ရှေ့တန်းတွင် အခြေအနေကို ပြုပြင်ရန်အတွက် စစ်တပ်ကို တာဝန်ယူထားသော ဘုရင်ချူးကို စေလွှတ်ခဲ့သည်။ တစ်ချိန်တည်းမှာပင် ဧကရာဇ်မိသားစုတွင် တစ်ဦးတည်းသော နိုင်ငံတော်အုပ်ထိန်းသူဖြစ်သည့် သူ၏ဦးလေးကိုလည်း စေလွှတ်ခဲ့သည်။

သူ နန်းတက်ပြီးနောက်မှသာ ဝေ့ဝူကျီသည် ဧကရာဇ်မိသားစုတွင် ဤမျှကြောက်မက်ဖွယ်ကောင်းသော သတ္တဝါတစ်ခုရှိနေကြောင်း သိရှိခဲ့ရသည်။ ထို့ကြောင့် သူ သက်ပြင်းချမိသည်။ သူ့ဦးလေးက သူပုန်ကန်ချိန်တွင် ဝင်ရောက်စွက်ဖက်ခြင်းမပြုခဲ့ခြင်းက သူ့အတွက် အလွန်ကံကောင်းသည်ဟု သူထင်မိသည်။ မဟုတ်ပါက ထိုအချိန်က ချူးယွင်ဖန်း၏ အစွမ်းဖြင့် ဤဦးလေးကို ရင်ဆိုင်နိုင်မည်မဟုတ်ပေ။ နောက်ဆုံးတွင် သူသည် တဝေမှ ထွက်ပြေးသွားလိမ့်မည်။

ယခု သူ့တွင် ဝှက်ဖဲ များစွာမကျန်တော့ဘဲ အားလုံးကို ကစားခဲ့ပြီးဖြစ်သည်။ အခြအနေများ အဆင်မပြေပါက သူသည် တဝေ၏ အုပ်ချုပ်သူ ဖြစ်လာမည်မဟုတ်ပေ။ ထိုစဥ်က တဝေ၏ ဤသို့သော အုပ်ချုပ်သူတစ်ဦးကို သမိုင်းက မည်သို့ မှတ်တမ်းတင်ထားမည်ကို မည်သူက သိနိုင်မည်ညနည်း။ သူသည် မကောင်းသော အုပ်ချုပ်သူတစ်ဦးအဖြစ်အမြင်ခံရမည့်အဖြစ်မှ လွတ်မြောက်နိုင်မည်မဟုတ်ပေ။

သူသည် အံ့ဖွယ်အမှုများကို အကြိမ်ကြိမ်ဖန်တီးပြီး မျှော်လင့်ချက်မဲ့စေခဲ့သော နိုင်ငံတော်ခေါင်းဆောင် ချူးယွင်ဖန်းအပေါ် မျှော်လင့်ချက်အားလုံး ထားခဲ့သည်။ ယခင်က ချူးယွင်ဖန်းကို သူအနည်းငယ်ကြောက်ရွံ့ခဲ့သော်လည်း ယခုအခါတွင် သူကြောက်ရွံ့မှုမရှိတော့ပေ။ ချူးယွင်ဖန်းသည် တတ်နိုင်သမျှ အစွမ်းထက်လိမ့်မည်ဟု သူမျှော်လင့်ခဲ့သည်။

"အခုအချိန်မှာ လက်အောက်ခံအမျိုးမျိုးကလည်း မငြိမ်မသက်ဖြစ်နေကြတယ်။ ဧကရာဇ်နန်းတော်က နယ်စပ်တွေကို မတည်ငြိမ်အောင် မလုပ်နိုင်ဘူးဆိုရင် သူတို့ ပုန်ကန်ဖို့ စစ်တပ်တစ်ခု ထူထောင်နိုင်ခြေရှိတယ်။ သူတို့ရဲ့ မိသားစုတစ်ခုလုံးနဲ့အတူ တဝေကနေ ထွက်ပြေးနိုင်ခြေတောင် ရှိတယ်" ချူးဟုန်ချိုင်က ဝမ်းနည်းစွာ ပြောလိုက်သည်။

ချူးဘုရင်၏ အမွေဆက်ခံသူအနေနှင့် သာမန်လူများ ဝင်ရောက်ကြည့်ရှု့၍ မရသော သတင်းအချက်အလက်များကို သူအရယူနိုင်ခဲ့သည်။ သဘာဝအတိုင်း လက်ရှိအခြေအနေက အလွန် အန္တရာယ်များသည်ကို သူနားလည်သည်။

ဤကြီးကျယ်သောမျိုးနွယ်စုများသည် ယခင်မျိုးနွယ်စုများထက် ပိုမိုပါးနပ်ကြသည်။ တဝေသာ ထိန်းမနိုင်သိမ်းမရဖြစ်နေပါက တဝေမျိုးနွယ်စုထံမှ ချက်ချင်းထွက်ပြေးကြလိမ့်မည်။ ၎င်းတို့၏ခွန်အားဖြင့် သူတို့သွားလေရာရာကို ကြိုဆိုကြလိမ့်မည်။

"ဒီသူပုန်တွေ!"

ဝေဝူကျီက ဒေါသတကြီးပြောလိုက်သည်။

"တဝေသာ အဖမ်းခံရရင် လူ့လောကတစ်ခုလုံး ပြိုလဲသွားလိမ့်မယ်။ သူတို့ဘယ်ကို ထွက်ပြေးနိုင်မှာလဲ။ ကမ္ဘာမြေအဆုံးထိ ထွက်ပြေးရင်တောင် အသုံးမဝင်ဘူး။ ဒါက မိသားစုတွေကြားက စစ်ပွဲမဟုတ်ဘဲ မျိုးနွယ်စု စစ်ပွဲပဲ”

ချူးဟုန်ချိုင် သက်ပြင်းချလိုက်သည်။ ဤအချိန်တွင် လူသားကမ္ဘာသည် တိုက်ခိုက်ရန် စည်းလုံးညီညွတ်မှု မရှိသေးပေ။

"အနောက်ပိုင်းနတ်ဆိုးအဖွဲ့ ဘာကြောင့် ရုတ်တရက် ရူးသွပ်သွားတာလဲဆိုတာကို စုံစမ်းပေးဖို့ ငါ မင်းကို တောင်းဆိုခဲ့တယ်။ မင်း ဘယ်လောက်ရှာတွေ့ခဲ့လဲ" ဝေ့ဝူကျီက ချူးဟုန်ချိုင်ကို ကြည့်လိုက်သည်။

"အရှင်မင်းကြီး၊ ကျွန်တော့်အဖေက နတ်ဆိုးအဖွဲ့နဲ့ ညှိနှိုင်းဖို့ စေလွှတ်လိုက်တဲ့ ကိုယ်စားလှယ်တွေကို ခုတ်ပိုင်းပြီး မွန်းစတားတွေကို ကျွေးခဲ့တယ်။ သူတို့က မတိုးတက်သေးတဲ့ သားရဲတွေ"ချူးဟုန်ချိုင်းက ဒေါသတကြီး ပြောလိုက်သည်။

"သူတို့က ကျွန်တော်တို့နဲ့ ပြန်လည်သင့်မြတ်ဖို့ ဘယ်တုန်းကမှ မစဉ်းစားခဲ့ဘူး။ တဝေကို တကယ်ဖျက်ဆီးတော့မယ်လို့ ကျွန်တော် စိုးရိမ်မိတယ်။ ကျန်းဝူချန်က သူတို့ရဲ့ နတ်ဆိုးဘုရင်တွေ အများကြီးကို သတ်ခဲ့လို့ လူသားအားလုံးကို သတ်ပြီး လက်စားချေချင်တယ်လို့ ပြောကြတယ်"

ဝေ့ဝူကျီ အနည်းငယ် အံ့အားသင့်သွားသည်။ ကျန်းဝူချန်က သူတို့၏ နတ်ဆိုးဘုရင်များကို သတ်ခဲ့လျှင် ကျန်းဝူချန်ကို လက်စားချေသင့်သည်။ သူနှင့် ဘာဆိုင်သနည်း။

"သူတို့က အဲ့လိုပြောပေမယ့် ကျွန်တော့်အမြင်အရတော့ ဒါက ဆင်ခြေတစ်ခုပဲ ဖြစ်မယ်ထင်တယ်" ချူးဟုန်ချိုင်က ပြောသည်။

"နတ်ဆိုးအဖွဲ့က သံချပ်ကာသားရဲတွေ အစုအဝေးတစ်ခုပဲ။ သူတို့က တဝေကို အစကတည်းက လောဘတကြီး စောင့်ကြည့်နေခဲ့တာ ကြာပြီ။ အခု သူတို့ ကြုံရာ ဆင်ခြေတစ်ခုကို ရှာတွေ့သွားကြပြီ။ ကျန်းဝူချန်မပါဘဲနဲ့တောင် တခြားဆင်ခြေတွေ ရှာတွေ့သွားမှာကို စိုးရိမ်တယ်"

ဝေ့ဝူကျီ ခေါင်းညိတ်လိုက်သည်။ မှန်သည်။ ဤသည်က အနောက်ဘက်နတ်ဆိုးနယ်မြေမှ စစ်ပွဲစတင်ရန် ဆင်ခြေတစ်ခုရှိသည်ကိုသာ သူမြင်နိုင်သည်။ မည်သို့ပင် ဖြစ်စေကာမူ ၎င်းတို့တွင် နှစ်ပေါ်ငးများစွာ တည်ထောင်ခဲ့သည့် လူသားများနှင့် ငြိမ်းချမ်းရေးစာချုပ်ကို ချိုးဖောက်ရန် ဆင်ခြေတစ်ခု လိုအပ်နေသည်။

ဤသည်မှာ အခြားနိုင်ငံနှစ်ခု ဝင်ရောက်မစွက်ဖက်ရန် ဆင်ခြေတစ်ခုလည်း ဖြစ်သည်။

"အနောက်ဘက် နတ်ဆိုးအဖွဲ့ကို မေ့လိုက်တော့။ ကျင်းကျန်းဟန်က တကယ်တော့ ဒီအခြေအနေကို အခွင့်ကောင်းယူပြီး တခြားနယ်နိမိတ်ကို ကျူးကျော်နေတာ။ သူတို့က လူ့အဝတ်အစားဝတ်ထားတဲ့ သားရဲတွေ။ တကယ်တော့ ကျွန်တော်တို့မိသားစုက မဟုတ်တဲ့သူတွေမှာ နှလုံးသားချင်း မတူကြဘူး။ သူတို့က ရက်စက်ကြမ်းကြုတ်တဲ့ အုပ်စုတစ်စုပဲ" ဝေ့ဝူကျီက အံကြိတ်ကာ ပြောလိုက်သည်။

အနောက်ဘက်နတ်ဆိုးနယ်မြေက ကိစ္စမဟုတ်ပေ။ သူ့ကို အမှန်တကယ် ဒေါသထွက်စေခဲ့သည်မှာ ကျင်းကျန်းဟန်သည် လူသားကမ္ဘာက နှစ်ပေါင်းများစွာလိုက်နာခဲ့သည့် စည်းမျဥ်းများကို ချိုးဖောက်၍ တဝေကို ဖြုတ်ချရန် နတ်ဆိုးများနှင့် ပူးပေါင်းခဲ့ခြင်းဖြစ်သည်။

"အရှင်မင်းကြီး၊ စိတ်မပူပါနဲ့။ မကြာခင်မှာပဲ အစ်ကိုဖန်း သီးသန့်ကျင့်ကြ့မှုကနေ ထွက်လာမှာမို့ သူ့ခွန်အားလည်း တိုးတက်လာမှာပါ” ချူးဟုန်ချိုင်က ပြောလိုက်သည်။ သို့သော် သူ့အသံက ယုံကြည်မှုအပြည့်ရှိပုံမပေါ်ပေ။

ထို့နောက် ချူးဟုန်ချိုင်သည် လက်နှစ်ဖက်ကို ဆုပ်ကိုင်ကာ ဦးညွတ်လိုက်သည်။

“အရှင်မင်းကြီး၊ ကျွန်တော့် တပ်တွေကို မြို့တော်ကနေ တိုက်ပွဲဆီ ဦးဆောင်ဖို့ ခွင့်ပေးဖို့ တောင်းဆိုချင်ပါယ်။ ကျွန်တော့် အဖေက အနောက်ဘက်တိုက်ပွဲကို တာဝန်ယူထားပါတယ်။ ကျင်းကျန်းဟန်ကို တိုက်ဖို့ မြောက်ဘက်ကို ကျွန်တော့် တပ်တွေနဲ့ ဦးဆောင်ဖို့ ဆန္ဒရှိပါတယ်”

ဝေ့ဝူကျီက ခေါင်းညိတ်လိုက်သည်။

“ခရီးရှည်တစ်ခုက မြင်းတစ်ကောင်ရဲ့ ခွန်အားကို စမ်းသပ်သလို၊ ရှည်လျားတဲ့ အချိန်ကာလကလည်း လူတစ်ယောက်ရဲ့ နှလုံးသားကို စမ်းသပ်ပါတယ်။ ဘုရင်ချူးရဲ့ မိသားစုရဲ့ သစ္စာစောင့်သိမှုကြောင့် ငါ အရမ်း နှစ်သိမ့်မှု ရမိတယ်။ မင်းမှာ ဒီလို နှလုံးသားမျိုး ရှိတဲ့အတွက် မင်းရဲ့ ဆန္ဒကို ဖြည့်ဆည်းပေးပါမယ်။ မနက်ဖြန် မင်း မြို့တော်ကနေ ထွက်ခွာရလိမ့်မယ်။ မင်းကို ဦးဆောင်ဖို့ တပ်သား ၃၀၀,၀၀၀ ကို ငါ ခွဲဝေပေးမယ်။ မင်းနဲ့အတူ အရာရှိ ဆယ်ယောက်ကို ခွဲဝေပေးဖို့လည်း ဧကရာဇ် မိသားစုကို ငါ တောင်းဆိုမယ်”

"ကျေးဇူးတင်ပါတယ် အရှင်မင်းကြီး" ချူးဟုန်ချိုင်က ပြောလိုက်သည်။

ရုတ်တရက် ၎င်းတို့နှစ်ဦး စကားပြောနေကြစဥ် ဧကရာဇ်အကြံပေး၏ နေအိမ်ကို ဝိုင်းရံထားသောမှိန်ဖျော့ဖျော့ အတားအဆီးက လှုပ်ခါသွားကာ

မည်သည့်သဲလွန်စမျှမရှိဘဲ ပျောက်ကွယ်သွားသည်။

ဤအန္တရာယ်များသောအချိန်တွင် မြောက်ပိုင်းရှိ ကျင်းကျန်းဟန်မှ မြောက်ဘက်နယ်စပ်ကို ကျူးကျော်ရန် စစ်တပ်ကြီးတစ်ခုကို ရုတ်တရက်စေလွှတ်ခဲ့သည်။ သူတို့သည် ကျားများက သားကောင်ကို စောင့်ကြည့်နေသကဲ့သို့ မြောက်ပိုင်းနယ်စပ်ကို စောင့်ကြည့်နေခဲ့ကြသည်။

ဤအချိန်တွင် ဝေ့ဝူကျီသည် မိုးရွာသည့်အခါ အိမ်ယိုစိမ့်ခြင်းဆိုသည်မှာ အဘယ်အရာကိုဆိုလိုသည်ကို အမှန်တကယ်နားလည်ခဲ့သည်။ သူသည် နန်းတော်ကို ပြန်လည်ဖွဲ့စည်းနေသော်လည်း မကြာသေးမီကမှ ထီးနန်းဆက်ခံခဲ့ပြီး နန်းတော်တစ်ခုလုံးကို အပြည့်အဝထိန်းချုပ်နိုင်ခြင်းမရှိသေးပေ။ သူသတိမထားပါက ကမ္ဘာကြီးတစ်ခုလုံး ပြိုကွဲသွားလိမ့်မည်။