အခန်း (၇၁)
Vol. 5 Ch. 71
ကျိူးလီဇီက သူ့နောက်ကလူကို လျစ်လျူရှုလိုက်ပြီး
ပုလင်းကိုဖွင့်ကာ ဖုန်းယွင်ကို ဆေးနဲ့ရေ တိုက်ကျွေးလိုက်တယ်။ ပြီးတာနဲ့ ဓားမြှောင်ကိုထုတ်ပြီး အရက်နဲ့ ပိုးသတ်တယ်။ ထို့နောက်တွင်တော့ သူမသည် မဆိုင်းမတွဘဲ ဖုန်းယွင်ရဲ့ လက်ဖဝါးပေါ်ရှိ ပုပ်နေသောအသားကိုဖြတ်ရန် ဓါးကို အသုံးပြုခဲ့သည်။
သူမက ဒဏ်ရာကိုဖိကာ မည်းနေသော သွေးများထွက်လာ အောင်ညှစ်လိုက်တယ်။ သွေးတွေနီလာတဲ့အခါမှသာ လက်ကိုလိမ်းဆေးလိမ်းပြီး ဒဏ်ရာကို ပတ်တီးနဲ့ပတ်ပေးလိုက်တယ်။ ပြီးသွားသောအခါမှ သူမလှည့်ကြည့်လိုက်တော့ ပိုင်ရီကျီးက ထွက်သွားလေပြီ။
သူမကို မည်သူမျှ မကြည့်နေတာသေချာမှသာ သွေးဖြည့်ဆေးအချို့ကိုထုတ်ကာ ဖုန်းယွင်အား တိုက်ကျွေးခဲ့တယ်။
ပြီးသွားတော့မှ သူ့ကို သန့်ရှင်းသပ်ရပ်တဲ့နေရာတစ်ခုဆီ ဆွဲခေါ်သွားပြီး အနားယူစေခဲ့တယ်။
လူတွေဟာ ဖုတ်ကောင်တွေရဲ့ ကိုယ်တွင်းအရည်တွေနဲ့ ထိတွေ့မိရင် ဖုတ်ကောင်တွေ ဒါမှမဟုတ် ဗိုင်းရပ်စ်ပိုးဝင်နေတဲ့ လူတစ်ဦးချင်းစီနဲ့ ထိတွေ့မိရင် ဖုတ်ကောင်တွေအဖြစ် ပြောင်းလဲသွားနိုင်တယ်ဆိုတာကမှန်ပေမယ့် ဒါက စွမ်းရည်အသုံးပြုသူတွေနဲ့တော့ မသက်ဆိုင်ပါဘူး။
စွမ်းရည်အသုံးပြုသူရဲ့အဆင့်အတန်း သို့မဟုတ် ခုခံအားစနစ်က ဗိုင်းရပ်စ်ထက်အားကောင်းနေသရွေ့တော့ ခန္ဓာကိုယ်အတွင်းရှိ စွမ်းအင်များက ဖုတ်ကောင်ဗိုင်းရပ်စ်ကို နှိမ်နင်းနိုင်ပြီး ဖယ်ရှားနိုင်သောကြောင့် ကောင်းမွန်သွားမည်ဖြစ်သည်။ အချို့သော အထူးကိုယ်ခန္ဓာဖွဲ့စည်းပုံများမှာလဲ အခြေခံအကြောင်းအရာများကြောင့် ခန္ဓာကိုယ်အတွင်းရှိ ဗိုင်းရပ်စ်များကို ဝါးမျိုကာ စွမ်းအင်အဖြစ်သို့တောင် ပြောင်းလဲကာ စုပ်ယူနိုင်ကြသည်။
အဆင့်နိမ့်ဖုတ်ကောင်များကို တိုက်ခိုက်ရာတွင် ဒဏ်ရာရသွားသော်လည်း အဆင့်မြင့်စွမ်းရည်-အသုံးပြုသူများက ဖုတ်ကောင်များအဖြစ်သို့ မပြောင်းလဲနိုင်သည့်အကြောင်းရင်းလည်း ဖြစ်သည်။
သို့သော်လည်း ရှင်သန်နိုင်ခြေအခွင့်အလမ်းမှာ စွမ်းရည်အသုံးပြုသူ၏သွေးလမ်းကြောင်းအတွင်းသို့ ဖုတ်ကောင်ဗိုင်းရပ်စ်မည်မျှဝင်ရောက်လာမှုအပေါ် မူတည်ပါတယ်။ ဖုတ်ကောင်က စွမ်းရည်အသုံးပြုသူများထက် အားနည်းနေသော်လည်း စွမ်းရည်အသုံးပြုသူရဲ့ခန္ဓာကိုယ်အတွင်းတွင် ဗိုင်းရပ်စ်များကများလွန်းပါကလည်း ဖုတ်ကောင်များအဖြစ်သို့ ပြောင်းလဲသွားနိုင်သည်။
ထို့ကြောင့် ဖုတ်ကောင်အလုံးအရင်းဖြင့် တိုက်ခိုက်မှုကို ရင်ဆိုင်ရသောအခါတွင် အဆင့်မြင့်သော စွမ်းရည်-အသုံးပြုသူများကတောင် အထူးသတိထားနေရဆဲဖြစ်သည်။ ဂရုမစိုက်မိပါက၊ အရှင်လတ်လတ် စားသောက်ခံရနိုင်သလို ဖုတ်ကောင်အဖြစ်သို့လည်း ပြောင်းလဲသွားနိုင်သည်။
ပိုင်ရီကျီးက အခုလိုလုပ်တာကိုလည်း သူမကမှားတယ်လို့တော့ မထင်ခဲ့မိဘူး။ လူတိုင်းက ရှင်သန်ချင်ကြပြီး တခြားလူကို ကယ်တင်ဖို့အတွက် ဘယ်သူ့မှာမှ တာဝန်မရှိကြပါဘူး။ ထို့ကြောင့် သူ့ကိုယ်သူကယ်တင်ပြီး ဖုန်းယွင်ကို စွန့်ပစ်ရန် ရွေးချယ်သောအခါမှာတော့ ကျိူးလီဇီက သူ့ကို နားလည်နိုင်ခဲ့တယ်။
သူမသာ အနာဂတ်ကို မသိခဲ့လျှင် သူမလည်း အလားတူပင် လုပ်မိတာက ဖြစ်ကောင်းဖြစ်နိုင်တယ်။
ယခုအချိန်တွင်တော့ သူမက ဖုန်းယွင်ကို ကယ်တင်ရန် ကြိုးပမ်းနေတယ် ဘာလို့ဆို ဖုန်းယွင်က အနာဂတ်မှာ အလွန်သန်မာသူတစ်ယောက်ဖြစ်လာမည်ကို သူမသိသောကြောင့်သာဖြစ်သည်။
ကျင်းရွှီယန်းရဲ့ ညာလက်ရုံးကို အနိုင်မယူနိုင်ခဲ့လျှင်တောင် သူ(ဖုန်းယွင်)က ဆန်းချို အခြေစိုက်စခန်းတွင် အင်အားအကောင်းဆုံးထဲမှ တစ်ဦးဖြစ်နေဆဲဖြစ်သည်။ နောက်ဆုံးတွင် သူက သူမတို့နှင့်ပူးပေါင်းလာမည်ဖြစ်သောကြောင့် သူ့အသက်ကိုကယ်တင်တာက ထိုက်တန်ပါတယ်။
ယခုအချိန်မှာတော့ ဖုန်းယွင်သည် ပြင်းထန်သော ခေါင်းကိုက်ခြင်းကို ခံစားနေရတယ်။ သူ့ခေါင်းထဲမှာ စွမ်းအင်နှစ်ခုက တစ်ခုနှင့်တစ်ခု တိုက်ခိုက်နေကြတယ်။ တစ်ဖက်က သူ့စိတ်တွေကို ဝါးမျိုချင်နေသလို တစ်ဖက်ကတော့ သူ့ကိုချုပ်နှောင်ထားတဲ့ခြေချင်းတွေကနေ လွတ်မြောက်ဖို့ ရုန်းကန်နေတယ်။
သူလက်လျှော့ခါနီးတွင် သူ့မိဘများရဲ့ မျက်နှာများက သူ့စိတ်ထဲတွင်တောက်ပလာပြီး ရှင်သန်လိုစိတ်များကို မီး မောင်းထိုးပေးလိုက်တယ်။ သူ့အသိစိတ်ကို ထိန်းထားဖို့ကို သူ ကြိုးစားခဲ့တယ်။
ဖြစ်ပျက်နေတာတွေကို သူ လုံးလုံးနားမလည်နိုင်ပေမယ့် သူ့ဘေးနားက လူတွေပြောနေတာကိုတော့ ကြားနေရတယ်။ ပိုင်ရီကျီးကို နှစ်အတော်ကြာအောင်သိခဲ့ပြီး သူ့အသံကိုမှတ်မိသည်။
သူ့ကျန်းမာရေးအကြောင်း မေးလာတာကို ကြားတဲ့အခါမှာ သူက တုံ့ပြန်ချင်ပေမယ့်လည်း ခန္ဓာကိုယ်က နာခံဖို့ ငြင်းဆိုခဲ့တယ်။ သူ့သူငယ်ချင်းက သူ့လက်ကို လွှတ်လိုက်တယ်လို့ ခံစားလိုက်ရတာနဲ့ နောက်ဆုံးတော့ သူ့ကို စွန့်ပစ်လိုက်ပြီဆိုတာကို သူသိလိုက်ရတယ်။ ပိုင်ရီကျီးက သူကို ရှင်သန်နိုင်မယ်လို့ မထင်ဘူး။
ဒီအခြေအနေမှာ အချိန်အကြာကြီး ပိတ်မိနေလိမ့်မယ်လို့ သူထင်ခဲ့တယ်။ ရုတ်တရက် တစ်စုံတစ်ယောက်က သူ့ကိုလှမ်းကိုင်ပြီး ရေတိုက်ကျွေးလာတယ်။ သူလည်းရေငတ်လွန်းလို့ အလိုလိုသောက်မိလိုက်တယ်။
ရေသောက်ပြီးခဏအကြာမှာတော့ ခေါင်းကိုက်တာက သက်သာသွားပြီး နွေးထွေးတဲ့ စွမ်းအင်တွေက သူ့ခန္ဓာကိုယ်အနှံ့မှာ စီးဆင်းသွားတာကြောင့် သူ့ခန္ဓာကိုယ်အတွင်းက အအေးဓာတ်က တဖြည်းဖြည်းချင်းပျောက်ကွယ်သွားတယ်။ အကြောင်းတစ်ခုခုကြောင့်ဖြစ်နေတဲ့ ခံစားနေရတဲ့ သူ့လက်ဖဝါးမှ နာကျင်ကိုက်ခဲမှုက သူသည် လူသားတစ်ယောက်ဖြစ်နေဆဲဖြစ်ပြီး ဤအဖြစ်ဆိုးမှ လွတ်မြောက်ရန် မျှော်လင့်ချက်ရှိနေဆဲဖြစ်ကြောင်းကို သူ့အားသတိရစေတယ်။
ဖုန်းယွင်က ဖုတ်ကောင်ဗိုင်းရပ်စ်ကို ခုခံနေတုန်းမှာပဲ့
ကျင်းရွှီယန်းက သူ့ကျောပိုးအိတ်ကိုကိုင်ကာ လမ်းလျှောက်လာသည်။ သူ ကျိူးလီဇီနံဘေးတွင်ထိုင်ကာ သူတို့ရရှိလာသော အမြုတေများကိုထုတ်ယူပြီး သူမထံ ပေးအပ်လိုက်တယ်။
သူ့နာရီကို စစ်ကြည့်ပြီးတော့ ပြောလိုက်တယ် " မိနစ်လေးဆယ်ရှိပြီ။ သူဘယ်လိုနေလဲ”
ကျိူးလီဇီသည် ကြည်လင်သောအမြုတေများကို လက်ခံရရှိပြီးနောက်တွင် ဝမ်းသာအားရဖြင့် အားလုံးကို သူမရဲ့နေရာလွတ်ထဲ ထည့်လိုက်ပြီး "သူ့ဒဏ်ရာကို ဆေးကြောသန့်စင်ပြီးတာနဲ့ သူ့အပူချိန်ကကျဆင်းသွားပြီး သူ့အသားက မပုပ်တော့ဘဲ နေကောင်းသွားပုံပါပဲ" လို့ ပြန်ပြောလိုက်ပါတယ်။
ကျင်းရွှီယန်းက သူမလက်ကိုဆွဲလိုက်ပြီး "အာ့ဇီက အလုပ်ကြိုးစားတယ်။ ကျေးဇူးတင်ပါတယ်"
အခြားအဖွဲ့ရဲ့ အမြုတေများကို ယူပြီးနောက်တွင်တော့ ကျိူးလီဇီသည် သူမရဲ့လက်ချောင်းများနှင့် ကစားခွင့်ပေးရန် လုံလောက်သော ရက်ရောမှုရှိသည်။ သူမက မေးစေ့ကို မြှောက်လိုက်ပြီး "ကမ္ဘာပျက်မှာ ငါးနှစ်လောက် ရှင်သန်ခဲ့တယ်။ ဒါက ဘာမှမဟုတ်ဘူး"
သူမရဲ့စကားကိုကြားတော့ ကျင်းရွှီယန်းရဲ့မျက်လုံးများက ပုံမှန်ပြန်မဖြစ်မီတွင် နာကျင်မှုအရိပ်အယောင်များဖြင့် ခဏတာမျှသာ လင်းလက်ခဲ့တာ ပုံမှန်ပြန်ဖြစ်သွားခဲ့တယ်။ အာ့ဇီရဲ့လက်ကို ကိုင်ထားစဉ်တွင်ပင် သူမသေဆုံးသွားတာကိုမြင်လိုက်ရတဲ့နာကျင်မှုကို သူမေ့လို့မရခဲ့ဘူး။
သူကခေါင်းငုံ့ပြီး ဘာမှပြန်မပြောတာကိုမြင်တော့ ကျိူးလီဇီ က ပင်ပန်းနေပြီထင်ပြီး "အစ်ကိုယန်း မင်းဗိုက်ဆာနေပြီလား" လို့ မေးလိုက်တယ်။
သူမရဲ့အမေးစကားကို ကြားလိုက်တာနဲ့ သူ့ရင်ထဲက နာကျင်မှုကလည်း ပျောက်ကွယ်သွားတယ်။ ကျင်းရွှီယန်းက တခစ်ခစ်ရယ်ပြီး "မင်းမှာ ဘာကောင်းတာရှိလဲ" လို့ မေးလိုက်တယ်။
ကျိူးလီဇီက သူမရဲ့လက်ကိုပြန်ဆွဲထုတ်လိုက်ပြီး ကျောပိုးအိတ်ကိုဇစ်ဖွင့်ကာ အကာအဖြစ်အသုံးပြုခဲ့သည်။ သူမက နေရာလွှတ်မှ ဘဲလည်ပင်းနှစ်ထုပ်ကို ယူထုတ်ကာ "ဒါပဲ့" လို့ ပြောလိုက်တယ်။
ကျင်းရွှီယန်းက တစ်ထုပ်ကိုယူလိုက်ပြီး "ဒါက ကိုယ့်အကြိုက်ပဲ" လို့ပြောလိုက်တယ်။
ဒါကိုကြားတော့ ကျိူးလီဇီက ပြုံးပြီး "ကျွန်မနေရာမှာ အဲဒါတွေ အများကြီးရှိတယ်။ မင်း ကြိုက်သလောက် စားလို့ရတယ်"
"ကောင်းပြီ"
သူတို့အနားယူနေတုန်းမှာ စစ်သားတွေကတော့ ရှောင်ချီ နဲ့ တခြားသူတွေကို အကြောင်းကြားဖို့သွားခဲ့တယ်။ တစ်နာရီခန့်အကြာတွင် ကားများနှင့် ကုန်တင်ကားများကို မောင်းနှင်ကာ ပြန်လာခဲ့ကြသည်။ သူတို့က ပိုင်ရီကျီးရဲ့ဂျစ်ကားနှင့် လီယောင်ရဲ့ SUV ကားကိုပင် ယူဆောင်လာခဲ့တယ်။
သိပ်မကြာခင်မှာပဲ ပိုင်ရီကျီးက သူ့အဖွဲ့နဲ့ အတူ လျှောက်လာတယ်။ ကျင်းရွှီယန်း နှင့် ကျိူးလီဇီက ဘဲလည်ပင်းကို ကိုက်နေတာကိုမြင်တော့ ချူကျိမြောင်က တံတွေးမျိုချလိုက်တယ်။ ဘဲလည်ပင်းကို မစားရတာကကြာပြီ၊ သူမလည်း အရသာခံချင်တယ်။
သူမရဲ့ ပူလောင်နေတဲ့အကြည့်တွေကို သတိထားမိတာကြော့ ကျိူးလီဇီက "မင်းရော တစ်ထုပ်လောက်လိုချင်လား"
ထိုစကားကို သူမကြားလိုက်သည့်အခိုက်မှာပဲ့
ချူကျိမြောင်က ခေါင်းညိတ်ကာ "ဟုတ်ကဲ့" ဟု ပြန်ဖြေတယ်။
ကျိူးလီဇီက ကျောပိုးအိတ်ထဲမှ ဘဲလည်ပင်းတစ်ထုပ်ကို ထုတ်ကာ "တစ်ထုပ်အတွက် အမြုတေနှစ်လုံး" ဟု ပြောလိုက်တယ်။