အခန်း (၇၂)
Vol. 5 Ch. 72
ချူကျိမြောင်မှာ အမြုတေ အများအပြားစုဆောင်းထားကြောင်းကို ကျိူးလီဇီသိသည်။ သူ့မရဲ့အဖွဲ့က အမြုတေကို ဂရုမစိုက်ကြသောကြောင့် သူမကအားလုံးကို သိမ်းယူခဲ့တယ်။ ဒါကြောင့် သူမနဲ့အတူ အမြုတေပေါင်းများစွာရှိသင့်သည်။
ကမ္ဘာပျက်ကပ်စတင်တဲ့အချိန်မှာပဲ့ သူမကို ချမ်းသာသော အမျိုးသမီးငယ်တစ်ဦးအဖြစ် သတ်မှတ်လို့ရတယ်။
ကျိူးလီဇီက ဒီလိုပြောလ်ိုက်တဲ့အခါမှာတော့ ပိုင်ရီကျီး နဲ့ သူ့အဖွဲ့က သူမကို စေ့စေ့စပ်စပ်ကြည့်လာကြတယ်။ တစ်ဖက်တွင်တော့ ချူကျိမြောင်က ထိတ်လန့်သွားသည်။
သူမက ကျိူးလီဇီကိုကြည့်ကာမေးလိုက်တယ် " လီဇီ မင်းကကဘာလို့ အမြုတေတွေကို လိုချင်တာလဲ၊ ဘဲလည်ပင်းနဲ့တကယ်လဲလှယ်လို့ရတာလား"
သူမရဲ့လက်က နာကျင်လာတာကို ခံစားမိတော့ ကျိူးလီဇီကမေးလိုက်တယ် "ဘာလို့ မေးခွန်းတွေ အများကြီးမေးနေတာလဲ၊ လိုချင်လား မလိုချင်ဘူးလား"
ဘဲလည်ပင်းတွေ လက်လွှတ်လိုက်ရမှာကိုကြောက်လို့ ချူကျိမြောင်က အမြန်ပဲ့လက်ကိ့လှမ်းပြီး ဖမ်းဆွဲကာ "ဒါပေါ့
ငါလိုချင်တယ်"
သူမ ဘဲလည်ပင်းထုပ်ကိုရပြီးတဲ့နောက်တော့ သူမရဲ့ အိတ်ကပ်ထဲမှ အမြုတေနှစ်လုံးကိုထုတ်ယူကာ ကျိူးလီဇီ အား ပေးလိုက်တယ်။
ကျိူးလီဇီ အမြုတေများကို ကြည့်လိုက်တဲ့အခါမှာ ရေအမျိုးအစားအမြုတေများဖြစ်နေကြောင်းကို တွေ့လိုက်ရတော့ အံ့အားသင့်သွားတယ်။ ချူကျိမြောင်ရဲ့ ဖော်ရွေသောသဘောထားနှင့် သူမရဲ့ ပထမဆုံးဖောက်သည်အနေနဲ့ သူမရဲ့ရပ်တည်ချက်ကို ထည့်သွင်းစဉ်းစားကာ အချက်အလက်အချို့ကို သူမနှင့်မျှဝေရန် ဆုံးဖြတ်လိုက်တယ်။
အမြုတေကို ကိုင်ထားပြီး သူမကမေးလိုက်တယ်" ချူကျိမြောင် အမြုတေမှာ အရောင်အမျိုးမျိုးရှိတာကို သတိထားမိရဲ့လား"
ထိုအချိန်တွင် ချူကျိမြောင်က ဘဲလည်ပင်းကိုကိုက်နေပြီး ခေါင်းညိတ်ပြလာတယ်။
" အမြုတေတွေကို စုပ်ယူနိုင်တယ်ဆိုတာ မင်းသိလား" သူမက ထပ်မေးတယ်။
ဒီတစ်ကြိမ်မှာတော့ ချူကျိမြောင် သာမက
ပိုင်ရီကျီးရဲ့အဖွဲ့နှင့် အနီးနားကစစ်သားတွေဘာ သူမရဲ့စကားကြောင့် အံ့အားသင့်သွားကြပါတယ်။ ကျင်းရွှီယန်းက သူမရဲ့ စကားကိုကြားသောအခါတွင် မျက်ခုံးပင့်သွားသော်လည်း ဘာမှပြန်မပြောပေ။
ဤအချက်အလက်က လအနည်းငယ်အကြာတွင်တော့ သာမာန်ဗဟုသုတမျှသာဖြစ်လာမည်ဖြစ်ပြီး ယခုမျှဝေခြင်းက ထိခိုက်မှုမရှိပါ။ နောက်ဆုံးတော့လည်း ဒီလူတွေက သူ့အတွက် အရေးကြီးတဲ့ စစ်တုရင်ဇာတ်ကောင်တွေ ဖြစ်လာလိမ့်မယ်။ သူတို့ကို တတ်နိုင်သမျှ အမြန်ဆုံးသန်မာစေတာကလည်း အကျိုးရှိတယ်။
" အမြုတေကို တကယ်စုပ်ယူနိုင်တာလား"လို့ လီယောင်က သံသယဝင်ကာ မေးလိုက်တယ်။
ကျိူးလီဇီက သူ့ရဲ့သံသယကို လျစ်လျူရှုပြီး "အမြုတေတွေရဲ့အရောင်က ဒြပ်စင်အမျိူးအစားကို ကိုယ်စားပြုတယ်။ ဒြပ်စင်အမျိုးအစားစွမ်းရည် အသုံးပြုသူတွေကတော့ သူတို့နှင့် တူတဲ့ဒြပ်စင်အမျိူးအစားအမြုတေတွေကို စုပ်ယူနိုင်ပြီး မကြည်ရောင် အမြုတေတွေကိုလည်းအသုံးပြုနိုင်တယ်။ ဒြပ်စင်အမျိုးအစားမဟုတ်တဲ့ စွမ်းရည်အသုံးပြုသူတွေကတော့ အကြည်ရောင်အမြုတေတွေကိုပဲ့ စုပ်ယူနိုင်တယ်"
"ဒြပ်စင်အမျိုးအစားစွမ်းရည် အသုံးပြုသူတွေက အကြည်ရောင်အမြုတေတွေကိုစုပ်ယူနိုင်ပေမဲ့ အမြုတေရဲ့စွမ်းအင်တစ်ဝက်ကိုပဲ့ စုပ်ယူနိုင်ပြီး ကျန်နေတဲ့စွမ်းအင်တွေကတော့ ပျော်ဝင်ပြီး အလဟသဖြစ်သွားတယ်။ ဒါကြောင့် အကြည်ရောင်အမြုတေတွေကို မလိုအပ်ဘဲ အသုံးမပြုဖို့ အကြံပေးတယ်"
"အရောင်အပြင် ဖုတ်ကောင်အဆင့်ပေါ်မူတည်ပြီးတော့လည်း အမြုတေတွေရဲ့အရွယ်အစားက ကွဲပြားတယ်။ဖုတ်ကောင်ရဲ့အဆင့်က ပိုမြင့်လေ၊ အမြုတေက ပိုကြီးလေပဲ။ အခုအချိန်ထိတွေ့ခဲ့ရတဲ့ အမြုတေတွေထဲမှတော့ အကြီးဆုံးအမြုတေက လက်သည်းခံအရွယ်အစားပဲ့"
"အဆင့်-နှစ် နှင့် အဆင့်-သုံး အမြုတေတွေက အရွယ်အစား တူညီပေမဲ့၊ အဆင့်-သုံး အမြုတေမှာက သွေးပြန်ကြောတွေ ရှိတာကို ကျွန်မသတိပြုမိတယ်။ သွေးပြန်ကြောတွေရဲ့ အရေအတွက်က အဆင့်ကို ကိုယ်စားပြုတယ်"
သူမရဲ့ရှင်းပြချက်အပြီးတွင် ကျောပိုးအိတ်ထဲသို့လက်ထည့်ပြီး ရွှေအိုရောင်အမြုတေနှင့် အဆင့်သုံးဆင့်ရှိသော အကြည်ရောင်အမြုတေကို သူမရဲ့နေရာမှထုတ်ယူလိုက်တယ်။
သူမက သူတို့အဖွဲ့အားပြသလိုက်ပြီး ရောင်စုံအမြုတေကို ညွှန်ပြကာဆက်ပြေတယ် "ဒီနှစ်ခုက သူတို့ရဲ့အဆင့်နှင့် ဒြပ်စင်တွေကြောင့် မတူညီတဲ့အရွယ်အစားနဲ့ အရောင်တွေရှိတယ်"
ထို့နောက်တွင် သူမက အကြည်ရောင်အမြုတေကို ထပ်ပြီးညွှန်ပြကာ "ဒီတစ်ခုက အဆင့်နှစ်သတ္တုအမျိုးအစား အမြုတေနဲ့ အရွယ်အစားတူပတယ်၊ ဒါပေမယ့် အဆင့်သုံးဖြစ်တယ်လို့ ညွှန်ပြနေတဲ့ သွေးပြန်ကြောသုံးခုပါတယ်။ အမြုတေအရောင်ကကြည်ပြီး သွေးပြန်ကြောတွေက မီးခိုးရောင်ဆိုတော့ ဒြပ်စင်မဟုတ်တာကို ဆိုလိုတာပဲ့"
သူမ ပြောပြီးသွားသောအခါမှာတော့ ချူကျိမြောင်က သူမကို လေးလေးနက်နက်ကြည့်ကာ " လီဇီ ဒီအချက်အလက်က အရမ်းတန်ဖိုးကြီးတယ်။ လျှို့ဝှက်ထားရင် မင်းကလူတိုင်းကို ကျော်သွားနိုင်တယ်။ ဒါပေမယ့် မင်းက ငါတို့ကို မျှဝေလိုက်တယ်-မင်းက တကယ်ကို လူကောင်းပဲ"
'လူကောင်း' ကတ်ကို ရုတ်တရက်ရလိုက်တဲ့ ကျိူးလီဇီက တခစ်ခစ်ရယ်ပြီး "မင်းသာ ငါ့ကိုကျေးဇူးတင်ချင်ရင် ဒီအချက်အလက်ကိုဝယ်ဖို့ အမြုတေတစ်ချို့ကို ငါ့ကိုပေးလိုက်ပါ"
သူမပြောပြီးသည်နှင့် ချူကျိမြောင်က သူမရဲ့ အမြုတေ အားလုံးကိုထုတ်ယူပြီးနောက် ကျိူးလီဇီကို အကြည်ရောင်အမြုတေ သုံးလုံးနှင့် ရေအမျိုးအစား အမြုတေ သုံးလုံကို ပေးလိုက်တယ်။
ဒါကိုမြင်တော့ ကျိူးလီဇီကလည်း ယဉ်ကျေးဟန် ဆောင်မ နေတော့ဘဲ အားလုံးကို ယူလိုက်တယ်။
သူမတို့နှစ်ဦးစလုံးက ရေအမျိုးအစားစွမ်းရည်အသုံးပြုသူများဖြစ်တယ်။ ချူကျိမြောင်က သူမရဲ့ရေအမျိုးအစား အမြုတေအားလုံးကို စွန့်လွတ်ရန် ဆန္ဒရှိနေတာက ကျေးဇူးဆပ်တတ်ကြောင်းနှင့် ကောင်းမွန်သောအဆက်အသွယ်များကို တည်ဆောက်နိုင်ကြောင်းကို ပြသနေသည်။
အဲဒါကိုမြင်တော့ ကျိူးလီဇီက ပြုံးပြီးတွေးလိုက်တယ် 'သူမရဲ့အနာဂတ်မှာ သစ္စာရှိတဲ့ နောက်လိုက်တွေ အများကြီးရှိလာမှာက မဆန်းပါဘူး။ သူမက သူငယ်ချင်းတွေအပေါ် သစ္စာရှိပြီး စေတနာရှိတယ်။ သူမရဲ့ EQ က မြင့်မားတာကြောင့် သူမအတွက် ဒီလိုကျယ်ပြန့်တဲ့ ချိတ်ဆက်မှုမျိုးတွေ ရှိနေတာက ပုံမှန်ပါပဲ။
ခဏကြာတော့ ပိုင်ရီကျီးက နောက်ဆုံးတော့မေးလိုက်တယ် "ဗိုလ်ကြီးကျင်း မင်းဘယ်တော့ဝင်ဖို့ အစီအစဉ်ရှိလဲ"
ဒါကိုကြားတော့ ကျင်းရွှီယန်းက သူ့ပါးစပ်ထဲက အစာကို မျိုချလိုက်ပြီး "ငါ့ညီအကိုတွေက အနားယူပြီး သူတို့ရဲ့ စွမ်းအင်တွေ ပြန်ယူရမယ်၊ ဒါကြောင့် ငါတို့ က၂ နာရီအတွင်း သွားကြမယ်။ သခင်လေးပိုင် က အရင်သွားချင်ရင် လွတ်လွတ်လပ်လပ်လုပ်လိုက်ပါ။ အထောက်အပံ့တွေကို ရှာတွေ့တဲ့သူက အရင်ယူသွားနိုင်တယ်"
'အဲဒါဆို မင်းနဲ့အတုအားလုံး ယူသွားလို့ရပြီ' ဟု စိတ်ထဲမှာလည်းထပ်ပြောလိုက်တယ်။
ပိုင်ရီကျီးက သူ့ရဲ့ ပေါ့ပေါ့ပါးပါးပြန်ဖြေသံကို ကြားသောအခါတွင် ခဏလောက် စောင့်ကြည့်နေလိုက်ပြီးမှ "ဒါဆို ကျွန်တော်တို့အရင်ဝင်မယ်" လို့ ပြောလိုက် တယ်။
ပြောပြီးတာနဲ့ သူကလှည့်ပြီး သူတို့ရဲ့ကားတွေဆီ လျှောက်သွားတယ်။ အာကာသနေရာလွတ် စွမ်းရည်ရှိသော ကျင်းရွှီယန်းရဲ့ အဖွဲ့နှင့်မတူဘဲ သူတို့မှာကတော့ တစ်ယောက်မျှမရှိပါ။ ဒါကြောင့် ပစ္စည်းတွေကို ရှာတွေ့ခဲ့ရင်တောင် အရာအားလုံးကို ယူဆောင်သွားနိုင်မှာ မဟုတ်ပါဘူး။
ဒီတစ်ခါမှာတော့ နွေရာသီအဝတ်အစားနဲ့ အတွင်းခံအ၀တ်အစားတွေ ယူဖို့ကိုစီစဉ်ထားတယ်။ သူတို့ကားတွေက ပြည့်နေပြီး အနီးနားမှာက စစ်သားတွေနဲ့မို့ ရိက္ခာတွေကို ဘယ်သူမှ လာလုယက်ရဲမှာ မဟုတ်ဘူးဆိုတာကို သူတို့သိတယ်။ ထို့ကြောင့် ကျောပိုးအိတ်များကို ရှင်းထုတ်ပြီး အရေးပေါ်အခြေအနေအတွက် ရေ၊ အစားအစာနှင့် ဆေးဝါးအချို့ကိုသာ ယူဆောင်လာခဲ့သည်။
ကားမမောင်းဘဲ စက်ရုံထဲကို လျှောက်ဝင်သွားကြတယ်။
ပိုင်ရီကျီး နှင့် သူ့အဖွဲ့ ထွက်ခွာသွားပြီးနောက်တွင် ကျိူးလီဇီ က သူမရဲ့ အမြုတေအားလုံးကိုထုတ်ယူပြီး အဆင့်အလိုက် ခွဲခြားလိုက်တယ်။
ကျင်းရွှီယန်းပေးသော အမြုတေများ ပေါင်းထည့်လိုက်တော့ သူမမှာ အဆင့်တစ်အမြုတေ ၅၃၅ ခုရှိနေတယ်။ ထို့အပြင် သူမမှာ အဆင့်နှစ်အမြုတေ ၉ခုနှင့် အဆင့်သုံး အမြုတေ ၁ခုတို့ ရှိသည်။ စုပေါင်း ရေတွက်မှုထဲတွင် ဒြပ်စင်နှင့် ဒြပ်စင်မဟုတ်သော အမြုတေများကို ရောနှောထားသည်။