အခန်း (၁၅၄၉-၁၅၅၁)

အခန်း(၁၅၄၉) ကစားပွဲတွေ လုံလောက်ပြီ ငါမင်းကို သုံးကွက်အတွင်းသတ်ပစ်မယ်

ဤသည်က သူ့အတွေးနှင့်ကွာခြားသည်။ ချူးယွင်ဖန်းသည် သူ့ဘဝထဲတွင် တွေ့ဖူးသမျှထဲ၌ ကြောက်စရာအကောင်းဆုံး ပြိုင်ဘက်ဖြစ်ကြောင်း ငြင်းမရပေ။ ဤမျှ ကြောက်စရာကောင်းသော ပြိုင်ဘက်ကို သူတစ်ခါမျှ မတွေ့ဖူးပေ။

ချူးယွင်ဖန်း၏ ဓားပညာသည် နတ်ဘုရားကဲ့သို့ ကျွမ်းကျင်အဆင့်သို့ရောက်နေပြီဖြစ်သည်။

ဤသို့ရိုးရှင်းသော ဓားနည်းစနစ်တိုင်းကို ချူးယွင်ဖန်း၏ လက်ထဲတွင် မှော်ဆန်သောအရာအဖြစ် ပြောင်းလဲနိုင်သည်။ ထို့အပြင် သူ၏ စွမ်းအင်သည် ပင်လယ်ကဲ့သို့ နားမလည်နိုင်လောက်အောင် အဆုံးမရှိပေ။ အချိန်အတန်ကြာတိုက်ခိုက်ပြီးနောက် သူ့တွင် နတ်ဆိုးတစ်ဝက်ပုံစံရှိသော တခန်းပင် ရုန်းကန်နေရသော်လည်း ချူးယွင်ဖန်းကမူ မောပန်းပုံမပေါ်ပေ။

‘ဒါက ဘယ်လိုတောင် ကြောက်ဖို့ကောင်းတဲ့ မွန်းစတားလဲ”

‘မောပုံလည်းမပေါ်ဘူး’

ထို့အပြင် သူသည် မြန်ဆန်လွန်းသည်။ အလွန်မြန်ဆန်လွန်းသဖြင့် ခတန်းသည် သူ၏အစွမ်းအားလုံးကို အသုံးပြုရန်မှလွဲ၍ အခြားရွေးချယ်စရာမရှိပေ။ မဟုတ်ပါက သူ့ကို အချိန်မရွေး ထိမှန်နိုင်သည်။ ချူးယွင်ဖန်း၏ တိုက်ခိုက်မှုတွင် ဟာကွက်ကို နောက်ဆုံးတွင် ဖမ်းမိရန် သူ့အတွက် မလွယ်ပေ။ ထို့နောက် သူသည် ချူးယွင်ဖန်းကို သူ၏လှံဖြင့် ထိုးခဲ့သည်။ ပုံမှန်အခြေအနေများတွင် ရွှေအမတေပုံစံအဆင့်ရှိသူတစ်ဦး ဓားထိုးခံရလျှင်ပင် ၎င်းတို့သည် သေဆုံးကြလိမ့်မည်။ လူသားများသည် ထိုကဲ့သို့သော တိုက်ခိုက်မှုကို မခံနိုင်ပေ။

သို့သော် ယခု ချူးယွင်ဖန်းက သူ၏ ကမ္ဘာ့အမြင်များကို ပြောင်းပြန်လှန်လိုက်ကာ လူသားများက ဤမျှ အစွမ်းထက်သည်ကို သူ့အား သတိပေးလိုက်သည်။ သူသည် လုံးဝမလှုပ်ရှားဘဲ တိုက်ခိုက်မှုအားလုံးကို ဒဏ်ရာရခြင်းမရှိဘဲ ခံယူခဲ့သည်။ တခန်းက နောက်တစ်ကြိမ်ကြည့်လိုက်သောအခါ ချူးယွင်ဖန်း၏ မျက်နှာအမူအရာက မဲ့သွားခြင်းမရှိတော့ဘဲ အပြုံးဖျော့ဖျော့တစ်ခုပင်ရှိနေသည်။

"ဘာလဲ စိတ်ပျက်သွားလား" ချူးယွင်ဖန်းက အနည်းငယ်ပြုံးလိုက်သည်။

သာမန်လူတစ်ဦးသာဖြစ်ပါက ဤအချိန်တွင် ၎င်းတို့ ပြင်းထန်စွာ ဒဏ်ရာရရှိသွားကြပေလိမ့်မည်။ သို့သော် သူ့အတွက်မူ ဘာမှမဟုတ်ခဲ့ပေ။ ဤအချိန်၌ ဧကရာဇ်ခန္ဓာကိုယ်က ၎င်း၏ အကြောက်တရားကို စတင်ပြလာသည်။

"ငါ့မှာ အချိန်သိပ်မရှိဘူး၊ ဒါကြောင့် မင်းနဲ့ နောက်ထပ် ကစားပွဲတေွမကစားတော့ဘူး" ချူးယွင်ဖန်းက ပေါ့ပေါ့တန်တန် ပြောလိုက်သည်။

"ဘာ ကစားပွဲဟုတ်လား” တခန်းက ဒေါသထွက်သွားသည်။ သူ့အစွမ်းအစအားလုံးကို အသုံးပြုလိုက်သော်လည်း ချူးယွင်ဖန်းက သူသည် ဂိမ်းတစ်ခုသာ ကစားနေသည်ဟု ပြောသည်။ ချူးယွင်ဖန်း၏မျက်လုံးထဲတွင် သူသည် မျောက်တစ်ကောင် ခုန်ပေါက်နေသကဲ့သို့ ခံစားလိုက်ရသည်။

သူ လုံးဝပေါက်ကွဲထွက်သွားသည်။ သူ့ခန္ဓာကိုယ်ထဲမှ နတ်ဆိုးစွမ်းအင်များ ဆူပွက်လာသည်။ သူ၏ နတ်ဆိုးအဆင့်ပြောင်းလဲမှုက မြင့်တက်လာသည်။ သို့မဟုတ် နတ်ဆိုးစွမ်းအင်က သူ့ခန္ဓာကိုယ်ကို အဆက်မပြတ် တိုက်စားနေကာ တဖြည်းဖည်းနှင့် နတ်ဆိုးအပြည့်အဝ ဖြစ်သွားစေသည်။

သူသည် နတ်ဆိုးတစ်ကောင်အဖြစ် ယို့ယွင်းပျက်ဆီးသွားမည်ကို စိုးသောကြောင့် တခန်းက ဤနည်းလမ်းကို ပေါ့ပေါ့တန်တန်မသုံးချင်ခဲ့ပေ။ သို့သော် ဤအချိန်သည် ထိုမျှ များများကို စဥ်းစားနေရမည့်အချိန်မဟုတ်တော့ပေ။

နောက်ထပ် နတ်ဆိုးအဖြစ် အသုံးချပြီးနောက် သူ့ခွန်အား ပိုမိုအားကောင်းလာသည်ကို ခံစားလိုက်ရသည်။ သူ့လက်ထဲက လှံကို ချူးယွင်ဖန်းက ဆုပ်ကိုင်လိုက်ပြီး လွတ်မြောက်အောင် မလုပ်နိုင်ခဲ့ပေ။ သူသည် နဂါးတစ်ကောင်ကဲ့သို့ ခုန်တက်ပြီး ဖီးနစ်ငှက်ကဲ့သို့ ဆင်းသက်လာခဲ့သည်။ ချက်ချင်းပင် သူသည် ချူးယွင်ဖန်းရှေ့သို့ ရောက်ရှိသွားခဲ့သည်။ ချွန်ထက်သော ခြေသည်းများအဖြစ် ပြောင်းလဲသွားသော သူ့လက်မောင်းများကို ဆန့်ထုတ်ကာ ချူးယွင်ဖန်းကို ဆွဲဖြဲပစ်ချင်စိတ် ပေါက်လာသည်။

"မင်းငါ့ကို တားမှာလား" ချူးယွင်ဖန်းက ရယ်လိုက်သည်။

“အံ့ဖွယ်လက်သီးရှစ်ချက်”

ချူးယွင်ဖန်း လက်သီးကို ထိုးလိုက်သည်နှင့် သူ့ပတ်လည်တွင် ရှစ်ပါးသော ပုံရိပ်များ ပေါ်လာပြီး သူ့ကို ကာကွယ်ပေးနေသည်။ သူသည် ကောင်းကင်ဘုံရှိ နတ်ဘုရားတစ်ပါးကဲ့သို့ ဂုဏ်သိက္ခာနှင့် ပြည့်နှက်နေသည်။ ဤလက်သီးချက်မှ ထွက်ပေါ်လာသော ကြောက်မက်ဖွယ်ကောင်းသော လက်သီးစိတ်သည် အရာအားလုံးကို ဆုတ်ဖြဲလိုက်ပြီး ခန်း၏ တိုက်ခိုက်မှုကို ချက်ချင်းပင် ဗလာနတ္ထိအဖြစ်သို့ ပြောင်းလဲသွားစေခဲ့သည်။

ချူးယွင်ဖန်း၏ လက်သီးချက်သည် အရှိန်အဟုန် လျော့ကျမသွားဘဲ ကြောက်မက်ဖွယ်ကောင်းသော စွမ်းအားဖြင့် တခန်းကို တည့်တည့်ဝင်တိုက်လိုက်သည်။

တခန်းသည် ခေါင်းမှခြေဖျားအထိ ကြောက်မက်ဖွယ်ကောင်းသော ဖိအားတစ်ခု သူ့အပေါ် ဖိစီးနေသည်ကို ခံစားလိုက်ရပြီး ကောင်းကင်သည် ရူးသွပ်စွာ တုန်ခါနေသည်။

"မင်း ဘယ်လိုလုပ် ဒီလောက် သန်မာနေတာလဲ?!"

နောက်ဆုံးတွင် သူ တုန်လှုပ်သွားသည်။ ဤစွမ်းအားက သူ့ကို ချေမှုန်းပစ်တော့မည်ဖြစ်သည်။

တိုက်ပွဲမရှိဘဲ အရှုံးပေးရမည်ကို သူမလိုလားပေ။ နတ်ဆိုးတစ်ကောင်အဖြစ် လုံးဝပျက်စီးသွားသကဲ့သို့ သူ အော်ဟစ်လိုက်သည်။ သူ့ခန္ဓာကိုယ်တစ်ခုလုံးက နတ်ဆိုးစွမ်းအင်လုံးတစ်လုံးနှင့် လုံးဝရစ်ပတ်နေကာ သူ၏ ပုံစံကိုမမြင်ရတော့ပေ။

"မင်းငါ့ကို ဒီအခြေအနေရောက်အောင် ဖိအားပေးခဲ့တယ်။ မင်းကို သေစေချင်တယ်”

တခန်းသည် အော်ဟစ်၍ ချူးယွင်ဖန်း၏ တိုက်ခိုက်မှုကို တုံ့ပြန်ရန် လက်သီးတစ်ချက် ပစ်ထိုးလိုက်သည်။

ဘမ်း

လက်သီးနှစ်ဖက် လေထဲ၌ ထိပ်တိုက်တွေ့သွားကာ မိုင်တစ်ရာအတွင်း ကောင်းကင်ယံသည် ပြင်းထန်စွာ တုန်ခါသွားသည်။ ပျံ့နှံ့သွားသော လက်သီးရောင်ဝါကြောင့် ဖြစ်ပေါ်လာသော စွမ်းအင်လှိုင်းသည် ကျင်းကျန်းဟန်၏ မရေမတွက်နိုင်အောင်များပြားသော မြင်းတပ်ကို ချက်ချင်းပင် ဖျက်ဆီးပစ်လိုက်သည်။

သို့သော် ဤအချိန်၌ မည်သူမျှ ဤသေဆုံးသူများကို သတိမထားမိကြပေ။ လူတိုင်း၏ အကြည့်များက ကောင်းကင်သို့ရောက်နေသည်။ အနိုင်ရသူကို ဆုံးဖြတ်ရမယ့်အချိန်ရောက်ပြီဟူသော ကြိုတင်ခန့်မှန်းချက်များ လူတိုင်းတွင်ရှိနေကြသည်။

လူတိုင်းရဲ့အကြည့်တွေက ၎င်းတို့နှစ်ဦးဆီတွင် အာရုံစိုက်နေကြသည်။ အားလုံးက အော်ဟစ်သံကို ကြားလိုက်ရသည်။ ထို့နောက် တခန်းသည် နောက်သို့ ပျံသန်းသွားစဉ် နာကျင်စွာ အော်ဟစ်နေသည်ကို မြင်လိုက်ရပြီး သူ့သွေးများ ကောင်းကင်တစ်ခုလုံး ပက်ဖြန်းသွားသည်။ လူတိုင်းက တခန်း၏ လက်တစ်ဖက် ပေါက်ကွဲသွားသည်ကို တွေ့ရှိလိုက်ကြသည်။ သူသည် ချူးယွင်ဖန်းနှင့် တိုက်ပွဲတွင် ကြီးမားသော ဆုံးရှုံးမှုကို ခံစားခဲ့ရခြင်းဖြစ်သည်။ သူ့လက်မောင်းတစ်ခုလုံး ပေါက်ကွဲသွားခဲ့သည်။

တစ်ဖက်တွင်မူ ချူးယွင်ဖန်းသည် လုံးဝကောင်းမွန်နေသည်။ သူ၏ရှည်လျားသောဆံပင်နှင့်အဝတ်အစားများသည် လေထဲတွင်လွင့်နေသည်။ သူသည် ကောင်းကင်ရှိ စစ်နတ်ဘုရားတစ်ပါးကဲ့သို့ ထင်ရကာ အလွန်အစွမ်းထက်ကာ ကြောက်မက်ဖွယ်ကောင်းသည်။

ချူးယွင်ဖန်းက မည်မျှ ကြောက်မက်ဖွယ်ကောင်းသည်ကို လူတိုင်းသိလိုက်ရသည်မှာ ပထမဆုံးအကြိမ်ဖြစ်သည်။ ယခု သူ၏ ခန္ဓာကိုယ်က အလွန်အစွမ်းထက်ကြောင်း လူတိုင်းနောက်ဆုံးတွင် သဘောပေါက်လာကြသည်။

ချူးယွင်ဖန်း၏ ကျင့်ကြံမှုအဆင့်က နခန်းထက် နိမ့်ကျနေသည်။ သူသည် ခန္ဓာကိုယ်ကျင့်ကြံသူတစ်ယောက်ဖြစ်၍ ခန္ဓာကိုယ်ကျင့်ကြံမှုကို အထူးပြုလုပ်ဆောင်နေသည်ဆိုလျှင်ပင် ဤမျှထိ စွမ်းအားကြီးနေရန် မဖြစ်နိုင်ပေ။

တခန်းက နတ်ဆိုးတစ်ဝက်ဖြစ်သွားပြီဆိုသည့်အချက်ကို ထည့်မတွက်ပေ။ နတ်ဆိုးများ၏ ရုပ်ပိုင်းဆိုင်ရာခန္ဓာကိုယ်သည် လူသားများထက် များစွာ ပိုမိုအားကောင်းသည်ကို လူတိုင်းသိကြသည်။ နတ်ဆိုးတစ်ဝက်ဖြစ်ပြီးနောက် တခန်း၏ ရုပ်ပိုင်းဆိုင်ရာခန္ဓာကိုယ်က သိသိသာသာတိုးတက်လာခဲ့သည်။

သို့သော် ချူးယွင်ဖန်းသည် ဤမျှမယုံနိုင်လောက်အောင် အံ့သြဖွယ်ကောင်းသောအရာကို ပြုလုပ်ခဲ့သည်။ လက်သီးတစ်ချက်တည်းဖြင့် တခန်း၏လက်မောင်းတစ်ဖက် ကျိုးသွားခဲ့သည်။ ချူးယွင်ဖန်း၏ နတ်ဘုရားစွမ်းအားသည် မီးလျှံကဲ့သို့၊ စစ်နတ်ဘုရားတစ်ပါးကဲ့သို့ ဆူပွက်နေသည်။

လွင့်ထွက်သွားသော တခန်းသည် သူ၏ကျိုးနေသောလက်မောင်းကို လက်တစ်ဖက်ဖြင့် အုပ်လိုက်သည်။ သူ့မျက်နှာသည် မယုံကြည်နိုင်မှုများနှင့် ပြည့်နှက်နေသည်။ သူ၏လက်သီးကို ချူးယွင်ဖန်းက ချေမွပစ်လိုက်သည်။

"ကစားပွဲတွေလုံလောက်ပြီ ငါ မင်းကို သုံးကွက်နဲ့ သတ်မယ်" ချူးယွင်ဖန်းက တခန်းကို အေးစက်စွာ စိုက်ကြည့်ရင်း ကျယ်လောင်စွာ ပြောလိုက်သည်။

သူ့အသံသည် တိုက်ပွဲတစ်ခုလုံးသို့ ပျံ့နှံ့သွားပြီး လူတိုင်း၏ အကြည့်များသည် ချူးယွင်ဖန်းထံ ရောက်သွားကြသည်။

ခဏအတွင်း၌ပင် ချူးယွင်ဖန်း လှုပ်ရှားသွားသည်။ သူ့ခန္ဓာကိုယ်က မိုးကြိုးလုံးကြီးတစ်ခုအဖြစ် ပျောက်ကွယ်သွားသည်။ ဤတစ်ကြိမ်တွသ်

သူ တွန့်ဆုတ်မနေပေ။ သူ့ကျောပေါ်တွင် မိုးကြိုးတောင်ပံတစ်စုံ ပေါ်လာသည်။ သူက နတ်ဘုရားကိုးသွယ် အသွင်ပြောင်းခြင်းကိုသုံးကာ သူ့ရဲ့အမြန်နှုန်းက အဆုံးစွန်အထိ မြင့်တက်သွားသည်။ ထို့နောက် ခဏအတွင်း၌ သူက တခန်းရှေ့သို့ ရောက်ရှိလာကာ လက်သီးတစ်ချက် ထိုးသွင်းလိုက်သည်။

"အား! ဒါဘယ်လိုဖြစ်နိုင်မှာလဲ?!"

တခန်းသည် ဟိန်းဟောက်လိုက်ပြီး သွေးစွန်းနေသော ပါးစပ်ကို ဟလိုက်သည်။ ချက်ချင်းပင် အကန့်အသတ်မဲ့ နတ်ဆိုးစွမ်းအင်များ ပန်းထွက်လာပြီး ချူးယွင်ဖန်းထံသို့ ပျံ့နှံ့သွားသည်။

ချူးယွင်ဖန်းက သူ့ကို တစ်ချက်ပင် မကြည့်ပေ။ သူက တခန်း၏ လက်သီးကို အပိုင်းပိုင်း ချေမွပစ်လိုက်ပြီးနောက် သူ့လက်သီးက တခန်းပေါ်ကို ထိသွားသည်။

ဘမ်း

တခန်းက ညည်းတွားပြီး နောက်သို့ လွင့်ထွက်သွားသည်။

အခန်း(၁၅၅၀) တခန်းကိုသတ်၍ နျူကလီးယားဗုံးများ ပစ်လွှတ်ခြင်း

လက်သီးချက်ကြောင့် တခန်း လွင့်စင်သွားပြီး သွေးများ နေရာအနှံ့ ပက်ဖြန်းသွားသည်။ ကြောက်မက်ဖွယ်ကောင်းသော အားသည် အရာအားလုံးကို ဆွဲဖြဲကာ တခန်း၏ ခန္ဓာကိုယ်ထဲသို့ စီးဝင်သွားသည်။ သူ့ခန္ဓာကိုယ်တစ်ခုလုံးသည် တုန်လှုပ်မှုကြောင့် ဒဏ်ရာရရှိသွားသည်။ သွေးများသည် ချွေးပေါက်တိုင်းမှ ပန်းထွက်လာပြီး ကောင်းကင်တွင် သွေးမိုးရွာချလာသည်။

လူတိုင်း ထိတ်လန့်တုန်လှုပ်နေကြသည်။ ကျင်းကျန်းဟန်၏ ဆယ်သန်းပေါင်းများစွာသော မြင်းတပ်များပင် ဘယ်သောအခါမှ ကြောက်ရွံ့ခြင်းမရှိခဲ့သော်လည်း ချူးယွင်ဖန်းကြောင့် ၎င်းတို့ ကြောက်ရွံ့ခဲ့ကြသည်။

ချူးယွင်ဖန်းသည် အလွန်သန်မာလွန်းသည်။ ၎င်းတို့က နတ်ဘုရားတစ်ပါးကဲ့သို့ လေးစားသော တခန်းပင် ချူးယွင်ဖန်းနှင့် မယှဉ်နိုင်ပေ။ သူတို့အတွက် ဤသည်က ကမ္ဘာကြီးကို တုန်လှုပ်စေသည့် ထိုးနှက်ချက်တစ်ခုဖြစ်သည်။ ၎င်းတို့ဘဝတွင် ဤသို့သောမြင်ကွင်းမျိုး မြင်ရလိမ့်မည်ဟု တစ်ခါမှ မထင်ထားခဲ့ကြပေ။

"ဒါ ပထမဆုံးလှုပ်ရှားမှုပဲ။ မင်း ဘယ်လောက်ကြာကြာ ခံနိုင်မလဲ တခန်း"

ချူးယွင်ဖန်းက ကြုံးဝါးလိုက်ရာ သူ့ခန္ဓာကိုယ်ထဲက နတ်ဘုရားစွမ်းအားများ ဆူပွက်လာပြီးနောက် သူ့ပတ်ပတ်လည်တွင် ကြောက်စရာကောင်းသော မုန်တိုင်းတစ်ခု ဖြစ်ပေါ်လာသည်။

"ပဉ္စမမြောက် ငရဲကန်ချက်”

ချူးယွင်ဖန်းသည် တခန်းကို တုံ့ပြန်ရန် အချိန်မပေးဘဲ နင်းခြေလိုက်သည်။ နင်းခြေသံ ထွက်ပေါ်လာသည်နှင့်အမျှ ကောင်းကင်တစ်ခုလုံး ပြင်းထန်စွာ တုန်ခါသွားသည်။ အဆုံးမဲ့ မြေအောက်ကမ္ဘာရေများ ပေါ်လာပြီး ကြောက်မက်ဖွယ်ကောင်းသော ရေစီးကြောင်းတစ်ခုအဖြစ်သို့ ပြောင်းလဲသွားပြီး တခန်းကို ချက်ချင်း ချေမှုန်းလိုက်သည်။ ခန်း တုံ့ပြန်နိုင်ခြင်း မပြုမီတွင်ပင် မြေပြင်ပေါ်သို့ လဲကြသွားသည်။

ဘမ်း

ကျယ်လောင်သော အသံနှင့်အတူ တခန်းသည် မြေပြင်ပေါ်သို့ ကြေမွသွားခဲ့သည်။ မီတာတစ်ထောင်အတွင်းရှိ ကျင်းကျန်းဟန်၏ မြင်းတပ်သည်လည်း လွင့်စင်သွားခဲ့သည်။ သူတို့၏ ခန္ဓာကိုယ်ရှိ အရိုးများအားလုံး ကျိုးကြေသွားပြီး နေရာတင် သေဆုံးသွားခဲ့သည်။

ချူးယွင်ဖန်း၏ ခြေထောက်များကို နင်းချေခံရသော တခန်းသည် အခြေအနေ ပိုကောင်းလာခြင်း မရှိပေ။ သူ့ခန္ဓာကိုယ်ရှိ အရိုးများအားလုံး လုံးဝကျိုးကြေသွားသည်ဟု သူ ခံစားလိုက်ရသည်။ သွေးများ သူ့ထံမှ စီးကျလာပြီး သူ့ကို ဝန်းရံထားသော ကြီးမားသော တွင်းကြီးသည် သွေးအိုင်တစ်ခု ဖြစ်လာခဲ့သည်။!

တခန်းက ထရပ်ချင်သော်လည်း သွေးတစ်လုတ် အန်ထွက်လာသည်။ သူ ပြင်းထန်စွာ ဒဏ်ရာရရှိခဲ့သည်။ ရွှေအမတေပုံစံအဆင့်၏ ပြန်လည်ကောင်းမွန်လာနိုင်စွမ်းက ထိတ်လန့်စရာကောင်းကာ နတ်ဆိုးတစ်ဝက် အသွင်ပြောင်းပြီးနောက်၌ပင် ပို၍ပင် ထိတ်လန့်စရာကောင်းသည်။ သို့သော်

ဤအဆင့်တိုက်ခိုက်မှုက သူ၏ ပြန်လည်ကောင်းမွန်လာနိုင်စွမ်းကို သုညဖြစ်အောင် လုပ်ရန် လုံလောက်သည်။

ချူးယွင်ဖန်းကို စိုက်ကြည့်ရင်း တခန်း၏မျက်လုံးများ ပြူးကျယ်သွားသည်။ ယခင်က သူ့နှင့်မတူသော ချူးယွင်ဖန်းသည် မည်သို့လျှင်မြန်စွာ အစွမ်းထက်လာရသည်ကို သူနားမလည်နိုင်ပေ။ ယခင်က သူသည် လှည့်ကွက်တစ်ခုကြောင့် ဒဏ်ရာရခဲ့သည်။ ယခုအခါ ချူးယွင်ဖန်းသည် မည်သည့်လှည့်ကွက်မှ မသုံးသော်လည်း သူ့ကို ချေမှုန်းရန် ခွန်အားရှိသည်ကို သူမြင်နိုင်လာသည်။

ချူးယွင်ဖန်းသည် အစောပိုင်းက ကစားပွဲတစ်ခုသာ ကစားနေခြင်းဖြစ်သည်။

‘ချူးယွင်ဖန်းက သူ့ရဲ့ ကျင့်ကြံမှုကို ဒီလောက်မြန်မြန် တိုးတက်အောင် ဘယ်လို ကံကြမ္မာမျိုးနဲ့ ရင်ဆိုင်ခဲ့ရတာလဲ”

သူဆက်မတွေးနိုင်ခင် ချူးယွင်ဖန်းက တည်ငြိမ်သော်လည်း ပုံမှန်မဟုတ်ဘဲ အေးစက်စက်လေသံနှင့် ပြောလိုက်သညါ။

“ဒါက နောက်ဆုံးခြေလှမ်းပဲ။ အခု ငါမင်းကို သွားခွင့်ပြုလိုက်မယ်”

တခန်းသည် ခုန်ထပြီး ထွက်ပြေးရန် ကြိုးစားသော်လည်း သူ့ရှေ့တွင် ချူးယွင်ဖန်း ပေါ်လာသည်ကို သူမြင်လိုက်ရသည်။

ချူးယွင်ဖန်းသည် အလွန်မြန်ဆန်သောကြောင့် သူ့ကို ရှင်းရှင်းလင်းလင်း မမြင်ရပေ။ နောက်တစ်ခဏတွင် ချူးယွင်ဖန်းသည် မွန်းစတားသုတ်သင်ဓားကို လက်ဖြင့် မြှောက်ကာ ခုတ်ချလိုက်သည်။ တခန်းသည် ထွက်ပြေးလိုသော်လည်း သူ့ခန္ဓာကိုယ်ရှိ အရိုးများအားလုံး ကျိုးသွားသည်။ သူ ထွက်ပြေးလိုပါကပင် အလွန်ခက်ခဲလိမ့်မည်။

ထို့နောက် သူ ဓားဖြင့်ခုတ်ပိုင်ခံလိုက်ရာကာ

ကိုယ့်ခန္ဓာကိုယ်ကိုပင် ပြတ်သွားသောခေါင်းမှ ပြန်မြင်နေရသည်။

"ငါ ဒါကို လက်မခံနိုင်ဘူး... ဘာလို့ ဒီလိုဖြစ်သွားရတာလဲ။"

တခန်းသည် အာခေါ်ခြစ်အော်ဟစ်ပြီးနောက် ဝမ်းနည်းဖွယ်ကောင်းစွာ သေဆုံးသွားခဲ့သည်။

စစ်မြေပြင်တစ်ခုလုံး တိတ်ဆိတ်သွားသည်။ လူတိုင်းက ချူးယွင်ဖန်းကို တစ္ဆေတစ်ကောင်ကို မြင်လိုက်ရသည့်အလား မှင်သက်စွာ ကြည့်နေကြသည်။ သူသည် အလွန်အစွမ်းထက်သောကြောင့် တခန်းသည် လှုပ်ရှားမှုအနည်းငယ်အတွင်း သေဆုံးသွားခဲ့သည်။

"သူ့ကိုသတ်! တခန်းအတွက် လက်စားချေကြ!"

တစ်စုံတစ်ယောက်က ရုတ်တရက် အော်ဟစ်လိုက်ရာ သန်းပေါင်းများစွာသော မြင်းတပ်သားများသည် ချူးယွင်ဖန်းထံ လက်နက်များဖြင့် ချိန်ရွယ်လိုက်ကြသည်။ သန်းပေါင်းများစွာသော မြင်းတပ်သားများသည် ဘုံရန်သူကို စည်းလုံးစွာ ဆန့်ကျင်တိုက်ခိုက်ကြပြီး စစ်တပ်၏ ကြောက်မက်ဖွယ်ကောင်းသော အရှိန်အဝါသည် ကောင်းကင်တစ်ခုလုံးကို အေးခဲစေပြီး နေကို ဖုံးလွှမ်းသွားသည်။

၎င်းတို့၏ စစ်ရေးဖွဲ့စည်းပုံက ကြောက်မက်ဖွယ်ကောင်းလှသည်။

စစ်တပ်ထဲက စစ်သားအားလုံး စည်းလုံးညီညွတ်သောအခါ ကြောက်စရာကောင်းသော စွမ်းအားတစ်ခုကို ထုတ်လွှတ်နိုင်လိမ့်မည်။

သာမန် ရွှေအမတေပုံစံအဆင့်များသည် ဤသို့သော

ဝိုင်းရံခံရပါက ကြာကြာမခံနိုင်ဘဲ ပျက်စီးသွားလိမ့်မည်။

ကျင်းကျန်းဟန်၏ မြင်းတပ်သည် ချူးယွင်ဖန်းကို ဝမ်းနည်းကြေကွဲစွာ ဒေါသတကြီး ကြည့်နေကြသည်။

သူတို့သည် ကျင်းကျန်းဟန်ကို ဦးဆောင်နေသော လူတစ်ဝက်၊ နတ်ဆိုးတစ်ဝက် မွန်းစတားတစ်ကောင်က်ု လက်မခံနိုင်သော်လည်း၊ ၎င်းတို့က ဥပေက္ခာပြုမည်ဟု မဆိုလိုပေ။ လူအချို့၏ လှုံ့ဆော်မှုအောက်တွင် ဤလူများသည် ထွက်မပြေးကြပေ။ ဆန့်ကျင်ဘက်အနေဖြင့်၊ သူတို့သည် ချူးယွင်ဖန်းထံ ဝိုင်းရံကာ သတ်ပစ်လိုကြသည်။

"အာ မဖြစ်ဘူး နန်းတွင်းအကြံပေး အန္တရယ်ရှိနေပြီ"

ဤကိစ္စကို အာရုံစိုက်နေသော ဝေ့ဝူကျီက မျက်နှာဖြူဖျော့ဖျော့နှင့်ပြောလိုက်သည်။

သူ့ဘေးတွင်ရှိနေသော ချူးဟုန်ချိုင်လည်း ကြောက်ရွံ့မှုကြောင့် မျက်နှာဖြူဖျော့သွားတယ်။ မြင်းတပ်သား သန်းပေါင်းများစွာက လူတစ်ယောက်ကို သတ်ရန်မှာ မယုံကြည်နိုင်ဖွယ်ကောင်းလှသည်။

ချူးယွင်ဖန်းသည် ကောင်းကင်ယံသို့ ပျံသန်းသွားပြီး သူ့ထံသို့ ချီတက်လာသော တပ်မတော်ကို ကြည့်လိုက်သည်။ ရွှံ့နွံထဲတွင် ပိတ်မိနေပြီး မလှုပ်ရှားနိုင်သကဲ့သို့ လေထုသည် အေးခဲနေသည်ကိုပင် သူ ခံစားမိသည်။ လူသန်းပေါင်းများစွာ၏ စိတ်စွမ်းအားသည် ကမ္ဘာမြေကြီးကို တုန်လှုပ်စေခဲ့ပြီး ၎င်း၏ စွမ်းအားသည် ရွှေအမတေတစ်ဦးကိုပင် ဖြူဖျော့သွားစေနိုင်သည်။

"တပ်သား ဆယ်သန်းလား။ မျက်တောင်ခတ်စရာတောင်လိုလား"

ချူးယွင်ဖန်းက လှောင်ပြောင်လိုက်ပြီးနောက် သူ့လက်ထဲတွင် ဒုံးကျည်လက်နက်တစ်စင်း ပေါ်လာသည်။

ဤသေးငယ်သော ဒုံးကျည်ပစ်လက်နက်က သူ့လက်ထဲတွင် ပေါ်လာသောအခါ တိုက်ပွဲကွင်းထဲက လူတိုင်းက အလွန်အမင်း အန္တရာယ်များသည် ခံစားချက်ကို ခံစားလိုက်ရသည်။

အန္တရာယ်က မည်သည့်နေရာက လာသည်ကို ၎င်းတို့မသိကြသော်လည်း သိုင်းပညာ ပါရမီရှင်များအနေနှင့် ၎င်းတို့၏ အာရုံခံစားမှုက သာမန်လူများထက် များစွာ ပိုတိကျသည်။

မကြာခင်၌ပင် လူတိုင်း၏အကြည့်များက ချူးယွင်ဖန်း၏ လက်ထဲက သေးငယ်သော ဒုံးပျံလက်နက်တစ်စင်းက်ု အာရုံစိုက်သွားကြသည်။ ဤအအရွယ်အစားက နှိုင်းရသဘောအရသာရှိသည်။ မီတာအတော်ကြာမြင့်သော်လည်း ချူးယွင်ဖန်း၏ လက်ရှိခွန်အားနှင့်ဆိုပါက သူ့ကို မြှောက်ပစ်ရန်လွယ်သည်။

လေကိုခွင်းသွားနိုင်သည့် စူးရှသောအသံတစ်ခုအပြီးတွင် ဒုံးကျည်တစ်စင်းသည် သိန်းနှင့်ချီသော သွေးတပ်သားများထံ ပျံသန်းသွားသည်။

ဘမ်း!

ဧရာမမှိုတိမ်တိုက်ကြီးတစ်ခု ဖြည်းဖြည်းချင်းမြင့်တက်လာပြီး တိုက်ပွဲကွင်းတစ်ခုလုံး ပြင်းထန်စွာ တုန်ခါသွားသည်။ ပြည်ထောင်စု၏ ကြီးမားသော သတ်ဖြတ်ရေးလက်နက်ကို ဝိညာဉ်နယ်မြေ၌ ထုတ်ဖော်ပြသခဲ့သည်။ ကျင်းကျန်းဟန်မှ ကျွမ်းကျင်သူများသည် ဤမျှသွေးထွက်သံယိုများသည် ကြောက်မက်ဖွယ်ကောင်းသော နည်းလမ်းများကို တစ်ခါမှ မမြင်ဖူးပေ။

မြေပြင်က ပြင်းထန်စွာ တုန်ခါသွားပြီး စွမ်းအင်လှိုင်းနှင့်အတူ မြင့်တက်လာသော မှိုတိမ်တိုက်သည် အရပ်လေးမျက်နှာသို့ ပျံ့နှံ့သွားသည်။ ၎င်းသည် သေမင်းတစ်ပါး၏ မီးလျှံများကဲ့သို့ အရာအားလုံးကို ယူဆောင်သွားသည်။

အခန်း(၁၅၅၁) တပ်သားဆယ်သန်း သုတ်သင်ခံရခြင်း

သိန်းနှင့်ချီသည့် သွေးတပ်သားများသည် ပေါက်ကွဲမှုကြောင့် ချက်ချင်း ဝါးမျိုခံခဲ့ရသည်။ ကြောက်မက်ဖွယ်ကောင်းသော မီးလျှံများက သူတို့ကို ချက်ချင်း ဝါးမျိုလိုက်သည်။ ကောင်းကင်က ပြင်းထန်စွာ တုန်ခါသွားပြီး ချူးယွင်ဖန်း၏ မျက်နှာအမူအရာက အေးစက်နေသည်။ ပြည်ထောင်စု၌ ဤနျူကလီးယားဗုံးအဆင့်ကို နည်းဗျူဟာအဆင့်သာ သတ်မှတ်ကြသည်။

ဗျူဟာအဆင့်ဆိုပါက ၎င်းတို့အနက် အနည်းငယ်က မြင်းတပ်သား သန်းပေါင်းများစွာကို ချက်ချင်းဖျက်ဆီးပစ်နိုင်သည်။

နျူကလီးယားဗုံး၏ စွမ်းအားသည် သိုင်းပညာရှင်များ တွန်းလှန်၍မရသောအရာဖြစ်သည်။ အစွမ်းထက်သော သိုင်းပညာရှင်များက ရှောင်လွှဲနိုင်သော်လည်း ၎င်းတို့

မခံနိုင်ကြပေ။ ရွှေအမတေများ အတွက်လည်း အတူတူပင်ဖြစ်သည်။ အလွန်နက်နဲသော နယ်ပယ်တစ်ခုကို မရောက်နိုင်မှသာ နျူကလီးယားဗုံးများ၏ ဗုံးကြဲတိုက်ခိုက်မှုကို ခံနိုင်ရည်ရှိမည်ဖြစ်သည်။

ထိုအဆင့်ရှိသော ကျွမ်းကျင်သူတစ်ယောက်ကို ချူးယွင်ဖန်း လိုက်မှီရန် မမျှော်လင့်နိုင်ပေ။

နျူကလီးယားဗုံးကျလာသောအခါ သွေးတပ်သား

သိန်းပေါင်းများစွာကိုသာမက နျူကလီးယားဗုံးအနီးရှိ မြင်းတပ်ထောင်ပေါင်းများစွာကိုပါ ထိခိုက်ခဲ့သည်။

၎င်းတို့က အားကောင်းသော စွမ်းအင်လှိုင်းများကြောင့် လွင့်ထွက်သွားကာ အရိုးများကျိုးကျေကုန်ကြသည်။ ၎င်းတို့ချက်ချင်းမသေကြသော်လည်း သေခြင်းတရား၏ အစွန်း၌ ရှိနေသည်။

ပြည်ထောင်စု၏ နျူကလီးယားဗုံးများကို ရှည်လျားသောကာလတစ်ခုအတွင်း တိုးတက်ကောင်းမွန်အောင် ပြုလုပ်ခဲ့သည်။ နျူကလီးယားရောင်ခြည်မှာ အနည်းငယ်သာရှိသည်။ မဟုတ်ပါက ၎င်းတို့သည် နေရာတွင် မသေဆုံးလျှင်ပင် နျူကလီးယားရောင်ခြည်ဖြင့် လျင်မြန်စွာ နှိပ်စက်ညှဉ်းပန်းခံရလိမ့်မည်။

"ဒါက ဘယ်လိုလက်နက်မျိုးလဲ"

အားလုံး အံ့အားသင့်သွားကြသည်။ ချူးယွင်ဖန်းသည် ဤမှော်ကိရိယာကို အသုံးပြု၍ ပုံစံမဲ့ဂိုဏ်းကို အမြစ်ပြတ်အောင် ဖြိုခွင်းခဲ့ကြောင်း သတိရသွားသောကြောင့် ချူးဟုန်ချိုင်တစ်ဦးတည်းသာ အနည်းငယ် တည်ငြိမ်သွားသည်။

အရာအားလုံးကို ဖျက်ဆီးပစ်ခဲ့သည့် မီးတောက်များသည် အရာအားလုံးကို ဝါးမျိုပစ်လိုက်သည့် မှိုပုံသဏ္ဍာန်အဖြစ် ပြောင်းလဲသွားခဲ့သည်။ ပေါက်ကွဲထွက်လာသည့် ဧရာမဖုန်မှုန့်လှိုင်းများကို မိုင်ရာပေါင်းများစွာမှ မြင်နိုင်သည်။ ထိုက်ဆီးရေးစွမ်းအင်သည် သာမန်လူများ ပိုင်ဆိုင်နိုင်သည့်အရာ မဟုတ်ပေ။

"အဲ့တာ အဲ့တုန်းက နန်းတွင်းအကြံပေးသုံးခဲ့တဲ့ မှော်ကိရိယာလား" ဝေ့ဝူကျီက ရုတ်တရက် တစ်စုံတစ်ခုကို သတိရသွားသည်။

ထိုစဉ်က ချူးယွင်ဖန်းသည် ပုံစံမဲ့ဂိုဏ်းတစ်ခုလုံးကို အမြစ်ပြတ်ချေမှုန်းခဲ့သည်။ ထိုကိစ္စက ကြီးမားသည့် ရုန်းရင်းဆန်ခတ်မှုများ ဖြစ်စေခဲ့သည်။ ချူးယွင်ဖန်းမတိုင်ခင်တွင် မည်သူမျှ ယင်းကို

ကိုယ်တိုင်လုပ်နိုင်ခဲ့ခြင်းမရှိပေ။

ချူးယွင်ဖန်းလုပ်ခဲ့ပြီးနောက် ဝေ့ဝူကျီက အထူးအာရုံစိုက်ခဲ့သည်။ သူကိုယ်တိုင် မမြင်ဖူးသော်လည်း တခြားသူများဆီမှကြားဖူးသည်။

လက်ရှိအခြေအနေက တခြားသူများ ဖော်ပြခဲ့သည်နှင့် တစ်ထပ်တည်းဖြစ်သည်။

"ဟုတ်တယ်။ အဲ့တာ အစ်ကိုဖန်းပြောခဲ့တဲ့ နျူကလီးယားဗုံးပဲ" ချူဟုန်ချိုင်က မှင်သက်စွာပြောလိုက်သည်။

"ဒါက အစ်ကိုဖန်းရဲ့ အဆုံးစွန်သော လျှို့ဝှက်ချက်ပဲ။"

"မဆိုးပါဘူး။ အတော်လေး အစွမ်းထက်တယ်" ရွှေအမတေအဆင့် တွင်ရှိသော ဧကရာဇ်မိသားစု၏ အကြီးအကဲက ပြောလိုက်သည်။ သူ့မျက်လုံးများက တောက်ပနေသည်။

သူ့ကဲ့သို့ ထိပ်တန်းကျွမ်းကျင်သူတစ်ယောက်အတွက် ဤဝိညာဉ်ကိရိယာက အစွမ်းမထက်လှပေ။ သူသတိထား၍ ကာကွယ်မည်ဆိုပါက ဒုံးကျည်ပစ်လိုက်သည်နှင့် အဝေးသို့ ပုန်းနေနိုင်လိမ့်မည်။ တစ်ချက်တည်းနှင့် သေသွားလောက်ရန် မဖြစ်နိုင်ပေ။ တစ်ယောက်ယောက်က ဆန္ဒရှိပါက လုံလောက်သော အကွာအဝေးကို ထိန်းသိမ်း၍ လုံးဝရှောင်ရှားနိုင်သည်။

သို့သော် လူတိုင်းသည် သူ့အဆင့် ကျွမ်းကျင်သူများ မဟုတ်ပေ။ တဝေတွင် သူ့ကဲ့သို့ နှစ်ယောက်သုံးယောက်သာ ရှိသည်။ သာမန်လူများအတွက်မူ ၎င်းတို့သည် လုံးဝလွတ်မြောက်နိုင်မည် မဟုတ်ပေ။ နျူကလီးယားဗုံးများသည် ထိုအဆင့်၏ ရင်ဆိုင်မှုတွင် ၁၀၀% အာနိသင်မရှိနိုင်သောကြောင့် ချူယွင်ဖန်းသည် ခန်းကိုသတ်သောအခါ ၎င်းကို အသုံးမပြုခဲ့ပေ။ သို့သော် စစ်သားများကို ရှင်းလင်းရန် အသုံးပြုသောအခါတွင်မူ ၎င်းသည် ရိုးရှင်းစွာ တိကျသည်။

"ဟားဟား၊ ကောင်းကင်ဘုံက တဝေ ကျဆုံးသွားတာကို မလိုလားဘူး။ မြင်းတပ် သန်းပေါင်းများစွာ ရှိနေရင်ရော ဘယ်လိုလုပ်မလဲ။ ဒီနေ့ ဘယ်နှစ်ယောက် လွတ်မြောက်နိုင်မှာလဲ။" ဝေ့ဝူကျီက ရယ်လိုက်သည်။

ချူးယွင်ဖန်းက မည်သို့ဆိုလိုခြင်းဖြစ်သည်ကို နောက်ဆုံး သူ နားလည်သွားသည်။

နျူကလီးယားဗုံးကို လက်ထဲတွင်ကိုင်ထားပါက အရေအတွက်က အဓိပ္ပာယ်မရှိပေ။

ဤအချိန်တွင် ချူးယွင်ဖန်းက ထပ်မံတိုက်ခိုက်ခဲ့သည်။ နျူကလီးယားဗုံးတစ်လုံးပြီးတစ်လုံးသည် မီးတောက်ရှည်ကြီးများဖြင့် စစ်မြေပြင်၏ နေရာအနှံ့အပြားသို့ ပျံတက်သွားခဲ့သည်။

ဘမ်း!

ဘမ်း

ဘမ်း

ကမ္ဘာကြီးသည် အဆုံးမဲ့ပေါက်ကွဲမှုများကြားတွင် နှစ်မြှုပ်နေချိန်တွင် ကြီးမားသော ပေါက်ကွဲမှုများ ထွက်ပေါ်လာခဲ့သည်။ နျူကလီးယားပေါက်ကွဲမှု၏ဗဟိုချက်သည် နေကဲ့သို့ တောက်ပပြီး အရာအားလုံးကို ဖုံးလွှမ်းသွားသည်။ မြေပြင်ကို ရိုက်ခတ်သော ကြောက်မက်ဖွယ်ကောင်းသော ဖုန်မှုန့်လှိုင်းများသည် ပေထောင်ပေါင်းများစွာ မြင့်မားစွာ တက်လာသည်။

မှိုတိမ်တိုက်များသည် တစ်ခုပြီးတစ်ခု အပေါ်သို့တက်သွားရာ မြင်းတပ်သားများသည် အော်ဟစ်ရန်ပင် အချိန်မရှိကြဘဲ အငွေ့ပျံသွားကြသည်။

‘ဒါဟာ ကမ္ဘာမြေပေါ်က ငရဲပဲ’

‘ငရဲက လူ့လောကမှာ ပေါ်လာခဲ့တာ’

ကျင်းကျန်းဟန်၏ မြင်းတပ် သန်းပေါင်းများစွာထဲတွင် ရွှေအမတေများ များစွာရှိနေနိုင်သော်လည်း မည်သူမျှ မလွတ်မြောက်နိုင်ခဲ့ကြပေ။ အထူးသဖြင့် ချူးယွင်ဖန်းကို ဝိုင်းရံထားသည့် ရွှေအမတေများဖြစ်ကြသည်။

ချူးယွင်ဖန်း လက်ချက်နှင့် သေဆုံးသွားသူ အနည်းငယ်မှတပါး ကျန်သူများသည် နျူကလီးယားပေါက်ကွဲမှုကြောင့် ဝါးမျိုခံရကာ ပျောက်ကွယ်သွားကြသည်။

နျူကလီးယားဗုံးတစ်လုံးကို ရင်ဆိုင်ရသောအခါ ရွှေအမတေတစ်ဦးသည် သာမန်သက်ရှိတစ်ခုနှင့် ထူးမခြားနားပင်ဖြစ်သည်။

နျူကလီးယားဗုံးများစွာ တစ်ပြိုင်နက်တည်း ပေါက်ကွဲသွားပြီး မြေပြင်တစ်ခုလုံး တုန်ခါသွားသည်။ အတားအဆီးဖြင့် ကာကွယ်ထားသော ဧကရာဇ်မြို့တော်ရှိ လူများပင် မြေပြင်တုန်ခါမှုကို ခံစားနိုင်သည်။

မြင်းတပ် သန်းပေါင်းများစွာအကြောင်း ပြောနေရန်ပင်မလိုပေ။ ချက်ချင်းပင် ခုနစ်သန်းမှ ရှစ်သန်းအထိ သေဆုံးသွားခဲ့သည်။ ကျန်သူများသည် လုံးဝ ကြောင်အထိတ်လန့်ကာ အော်ဟစ် ထွက်ပြေးခဲ့ကြသည်။ ၎င်းတို့သည် စစ်မြေပြင်၏ အစွန်အဖျားတွင်ရှိနေကြသောကြောင့် ချက်ချင်း ဝါးမြိုခံရခြင်းမရှိကြပေ။

သို့သော်လည်း ပေါက်ကွဲမှု၏ နောက်ဆက်တွဲဆိုးကျိုးများကြောင့် ၎င်းတို့ ထိခိုက်ခဲ့ရသည်။ နျူကလီးယားဗုံးပေါက်ကွဲသည်ကို မြင်တွေ့ခဲ့ရပြီး အလင်းရောင်ကြောင့် မျက်စိကွယ်သွားသူများစွာ ရှိခဲ့သည်။ ပေါက်ကွဲမှုကြောင့် ဖြစ်ပေါ်လာသော လေပြင်းတိုက်ခတ်မှုကြောင့် လူအများအပြား လွင့်စင်သွားခဲ့ကြသည်။ လူအနည်းငယ်သာ ထိခိုက်ဒဏ်ရာရရှိခဲ့ကြသည်။ ချူးယွင်ဖန်းပင် ဂရုမစိုက်နိုင်သော အပြင်ဘက်ဆုံးနေရာ၊ အဝေးဆုံးနေရာတွင် ရှိနေသည်။

မြို့တော်တွင် လူတိုင်းသည် ဤမြင်ကွင်းကြောင့် အံ့အားသင့်သွားကြသည်။ ထို့နောက် သူတို့သည် နတ်ဘုရားတစ်ပါးကို ကြည့်နေရသကဲ့သို့ လောင်ချာကို ဖြည်းဖြည်းချင်း ဖယ်ရှားနေသော ချူးယွင်ဖန်းကို ကြည့်ကြသည်။ သူတို့အတွက် ထိုမျှကြောက်မက်ဖွယ်ကောင်းသော စွမ်းအားရှိသော ချူးယွင်ဖန်းသည် နတ်ဘုရားတစ်ပါးနှင့် မခြားပေ။

ဝေ့ဝူကျီသည် အမြင့်သို့ ပျံတက်လိုက်သည်။

"လူတိုင်း၊ ငါတို့ ပြန်တိုက်ရမယ့်အချိန်ရောက်ပြီ။ ကျင်းကျန်းဟန် ပြီးဆုံးသွားပြီ။ ဒီနေ့ ငါတို့ ကျင်းကျန်းဟန်ကို ဖျက်ဆီးပြီး မြောက်ပိုင်း သိုးမွေးမြူရေးမြေကို တဝေရဲ့ လယ်ယာမြေတွေအဖြစ် ပြောင်းလဲမယ်။ ငါတို့ကို နှစ်ပေါင်းများစွာ ဒုက္ခပေးနေတဲ့ တဝေရဲ့ ရန်သူကို ငါတို့ နင်းချေပစ်မယ်"

ချက်ချင်းပင် မြို့တော်ရှိ မရေမတွက်နိုင်သော စစ်သားများ၏ စိတ်ဓာတ်များ မြင့်တက်လာခဲ့သည်။ သူတို့အတွက် သူတို့ မသေခြင်းကပင် လုံလောက်နေပြီဟု ထင်မြင်ခဲ့ကြသည်။ အခြေအနေများ ပြောင်းလဲသွားလိမ့်မည်ဟု မည်သူထင်မည်နည်း။ အချိန်တိုလေးအတွင်းမှာပင် အခြေအနေက ပြောင်းလဲသွားပြီး သူတို့သည် သားကောင်ဘဝမှ အမဲလိုက်သမားဘဝသို့ ပြောင်းလဲသွားခဲ့ကြသည်။

ကျင်းကျန်းဟန်သည် တဝေကို စတင်တည်ထောင်စဉ်က အသက်အန္တရာယ်ရှိသော ခြိမ်းခြောက်မှုတစ်ခုဖြစ်ခဲ့သော ဧရာမလူထွားကြီးတစ်ဦးဖြစ်သည်။ ယခု ကျင်းကျန်းဟန်၏ တပ်သားအားလုံး တောင်ဘက်သို့ ထွက်ခွါသွားကာ ဤနေရာတွင် ဖျက်ဆီးခံခဲ့ရပြီဖြစ်သောကြောင့် ဤရန်သူဟောင်းကို ဖျက်ဆီးရန် တစ်သက်တွင်တစ်ကြိမ်သာရှိသော အခွင့်အရေးလည်းဖြစ်သည်။