အခန်း (၁၀၀)
Vol. 7 Ch. 100
သူတို့စားလို့ပြီးတဲ့အခါမှာတော့ ကျင်းရွှီယန်းက
ချင်လူဇီကိုသွားရှာပြီး "အဘိုးကြီးချင် ၊ ဒီနေ့တော့ လူတိုင်းအတွက် အဆာပြေစားစရာတွေ များများလုပ်ရအောင်။ ငါတို့မှာ ဂျုံမှုန့်နဲ့ ဆန်တွေ အများကြီးရှိတယ်၊ အဲဒါတွေပဲ သုံးလိုက်"
အရပ်သားများက ရက်အတော်ကြာအောင် ဗိုက်ဆာနေရပြီး အစာမာစားတာထက် အပျော့ကိုအရင်စားတာကကောင်းမှန်းသိသဖြင့် ချင်လူဇီက "သူတို့အတွက် ကြက်ဥနဲ့ ဖက်ထုပ်တွေကို ငါပြင်ဆင်လိုက်မယ်" လို့ပြောလိုက်တယ်။
"ငါတို့မှာ ဝက်အူချောင်းတွေလည်းရှိတယ်မလား ၊ နည်းနည်းကြော်ပြီး ပန်းကန်ထဲထည့်လိုက်" ကျင်းရွှီယန်းက ဆက်ပြောသည်။
ဒါကိုကြားတော့ ချင်းလူဇီက မျက်ခုံးပင့်လိုက်ပြီး "ဗိုလ်ကြီး၊ ဒီနေ့ မင်းဘာလို့ ဒီလောက် ရက်ရောနေတာလဲ " လို့ မေးလိုက်တယ်။
"လင်းယုန်အဖွဲ့ရောက်လာတဲ့အခါကြရင် အဲဒီလူတွေက သူတို့နဲ့အတူ ထွက်သွားရလိမ့်မယ်။ လမ်းလျှောက်ဖို့ ခွန်အားတောင်မရှိရင် ဖုတ်ကောင်တွေနဲ့တွေ့ရင် ဘယ်လိုတိုက်ခိုက်ကြမလဲ"
"သူတို့ကို ဗိုက်မပြည့်မချင်း ကျွေးပြီး မထွက်သွားခင် တစ်ပတ်လောက်ကြာအောင်အထိ လုံလောက်တဲ့ ရိက္ခာတွေ ပေးလိုက်။ ငါတို့ကနောက်မှ ထပ်ရှာလို့ရတယ်" လို့ ကျင်းရွှီယန်းက ပြောလိုက်တယ်။
"နားလည်ပြီ" ချင်လူဇီ ခေါင်းညိတ်သည်။
ညွှန်ကြားချက်တွေပေးပြီးနောက်တော့ ကျင်းရွှီယန်းက သူ့ရဲ့ကျောပိုးအိတ်ကိုထမ်းပြီး ကျိူးလီဇီရဲ့ ကားပေါ်သို့ တက်လာခဲ့တယ်။ သူတို့နှစ်ဦးက မျိုးစေ့စက်ရုံဆီသို့ မောင်းထွက်သွားကြသည်။
သူတို့က ကားမောင်းရင်း အိမ်မွေးတိရစ္ဆာန်ထုတ်ကုန် စက်ရုံကိုဖြတ်သွားခဲ့တယ်။ အနာဂတ်ရဲ့ အကန့်အသတ်ရှိသော ရေအရင်းအမြစ်များကို တွေးတောရင်း ကျိူးလီဇီက
"အစ်ကိုယန်း အိမ်မွေးတိရစ္ဆာန်ထုတ်ကုန်စက်ရုံမှာ အရင်ရပ်လိုက်ရအောင်" လို့ပြောလိုက်တယ်။
"အဲဒီကနေ တစ်ခုခုလိုသေးလား" ကျင်းရွှီယန်းက ကားကို ဦးတည်ချက်ပြောင်းရင်း မေးသည်။
"ကြောင်သဲကိုယူဖို့ ငါစီစဉ်ထားတယ်။ ရေမရှိရင်တော့ အနာဂတ်မှာ တစ်ကိုယ်ရေသန့်ရှင်းရေးက ပြဿနာဖြစ်လာလိမ့်မယ်။ ကြောင်သဲတွေကို သုံးတာက သန့်ရှင်းမှုနဲ့ အညစ်အကြေးတွေကို ထိန်းချုပ်ဖို့ ကူညီပေးလိမ့်မယ်"
ဒါကိုကြားတော့ ကျင်းရွှီယန်းက ခေါင်းညိတ်ပြီး "ဒါဆို ငါတို့ ပိုယူရမှာပေါ့" လို့ ပြန်ဖြေတယ်။
ကားမောင်းပြီး ဆယ်မိနစ်လောက်ကြာတော့ စက်ရုံဝင်ပေါက်ကို ရောက်သွားတယ်။ ယခင်စက်ရုံကဲ့သို့ပင်၊ ဤစက်ရုံမှာလည်း ဖုတ်ကောင်များနှင့် ပြည့်နှက်နေသည်။
ကျိူးလီဇီက ကားထဲကထွက်လာပြီးတဲ့နောက်တွင် ကားကို သူမနေရာမှာ သိမ်းဆည်းလိုက်ပြီး "အစ်ကိုယန်း ငါတို့ ဖုတ်ကောင်တွေကို အရင်ရှင်းသင့်လား၊ ဒါမှမဟုတ် ခိုးဝင်လိုက်မလား"
"သူတို့ကိုရှင်းလိုက်ရအောင်။ သူတို့ကိုချန်ခဲ့မယ်ဆိုရင် ဆင့်ကဲတိုးတက်လာပြီးတာနဲ့ သူတို့ကဒုက္ခဖြစ်လာစေလိမ့်မယ်" ကျင်းရွှီယန်းက မဆိုင်းမတွပြောသည်။
သူမရဲ့ယခင်ဘဝတွင် လင်အန်းမြို့ရဲ့ S-အတန်းအစား အန္တရာယ်အဆင့်ကို တွေးတောရင်း ကျိူးလီဇီက ခေါင်းညိတ်လိုက်သည်။ သူပြောတာ မှန်တယ် ၊ခြိမ်းခြောက်မှု တွေကို တတ်နိုင်သမျှ ဖယ်ရှားတာ ပိုကောင်းပါတယ်။
လင်အန်းမြို့က ဤဘဝတွင်တော့ S အဆင့် ဖုတ်ကောင်မြို့ဖြစ်လာလိမ့်မည် ဟုတ်မဟုတ်ကို ဘယ်သူကသိနိုင်မှာလဲ။
သဘောတူညီမှုတစ်ခုရပြီးနောက် ကျင်းရွှီယန်းက လက် မြှောက်ပြီး ကျိူးလီဇီရဲ့သေးသွယ်သောခါးလေးကို လက်မောင်းနှင့်ပတ်ထားလိုက်တယ်။ သူမ မတုံ့ပြန်နိုင်ခင်မှာ ပဲ့ သူကဒူးကိုကွေးပြီး နံရံပေါ်ကို လှမ်းတက်ပြီးသားဖြစ်နေ ပြီ။
ဝိန့်ညီအစ်ကိုများ ဖန်တီးထားသည့် သတ္တုနံရံနှင့် မတူဘဲ စက်ရုံနံရံကတော့ ၁၅ စင်တီမီတာသာကျယ်သည်။ နံရံပေါ်မှာ ရပ်နေချိန်မှာတော့ ဟန်ချက်ထိန်းဖို့က ခက်တယ်။
ကံကောင်းထောက်မစွာပဲ သူတို့နှစ်ဦးလုံးဟာ ယခင်ဘဝက တိုက်ခိုက်နိုင်သူများဖြစ်ခဲ့ကြသည်။ သူတို့ရဲ့ ခန္ဓာကိုယ်ဟာ ဒီအချိန်မှာတော့ အရင်ဘဝကလို မသန်မာဘူးဆိုရင်တောင်မှ သူတို့ရဲ့ ဟန်ချက်ထိန်းပြီး နံရံပေါ်မှာ မှန်မှန်ရပ်တည်ဖို့ လောက်ကတော့ ပြဿနာမဟုတ်ပါဘူး။
ကျင်းရွှီယန်းက သူမကို မလွှတ်ဘဲ "အာ့ဇီ မင်းရဲ့ စွမ်းအင်က အကန့်အသတ်ရှိတယ်။ ကိုယ်ပဲ့ သတ်ပါရစေ၊ ပြီးတော့ မင်းက အမြုတေတွေကို ကောက်ယူဖို့ကို အာရုံစိုက်နိုင်တယ်" လို့ပြောလိုက်တယ်။
ကျိူးလီဇီက ထိုစကားကိုကြားသောအခါတွင် သူမရဲ့ မျက်ခုံးကိုပင့်လိုက်တယ်။ စွမ်းရည်အသုံးပြုသူများအတွက်တော့ အခြားသူများရဲ့ကာကွယ်ခံရခြင်းက အမြဲတမ်းကောင်းမွန်သောအရာမဟုတ်ပါ။ တိုက်ပွဲအတွေ့အကြုံ နည်းပါးခြင်းက တိုက်ပွဲအတွင်း၌ ကြမ်းတမ်းသော အခြေအနေများတွေ့စေနိုင်တယ်။
'မတိုက်ခိုက်ဘဲနဲ့ဆိုရင် သူမရဲ့ စွမ်းအင်တွေကို ဘယ်လို ညှစ်ထုတ်ပြီး အဆင့် ဖြတ်ကျော်ဖို့ အခွင့်အလမ်း ရနိုင်ပါ့မလဲ'
သူမရဲ့စိတ်ထဲတွင် ထိုအတွေးများ ပြည့်နေသော်လည်း သူမက သူ့ကို ချိုသာစွာ ပြုံးပြပြီး "ကောင်းပြီ" လို့ပြန်ဖြေလိုက်တယ်။
သူတို့နှစ်ယောက်လုံးမှာ ကိုယ်ပိုင်လျှို့ဝှက်ချက်တွေ ရှိကြတယ်။ သူမရဲ့နေရာအကြောင်း သူ့ကို ပြောပြထားပြီးသားဆိုတော့ သူ့ကတ်တွေထဲက တစ်ကတ်ကို သူမဆီပြလိုက်တာက လည်း သူ့အတွက် တရားမျှတပါတယ်။
ကျင်းရွှီယန်းသည် သူမရဲ့မျက်လုံးများထဲက တွက်ချက်နေသည့် အလင်းရောင်ကို သတိပြုမိသော်လည်း သူ ဂရုမစိုက်ပေ။ သူ့ကတော့ ဘာကိုမှ ဖုံးကွယ်ဖို့ မစီစဉ်ထားဘူး။ သူမ သိခဲ့လျှင်လည်း ထိုနည်းလည်းကောင်းပင်။
သူ့လက်ကို မြှောက်လိုက်သောအခါတွင်တော့ အနက်ရောင် မီးလုံးနှစ်လုံး ပေါ်လာသည်။ နီးကပ်သောအကွာအဝေးကြောင့် ကျိူးလီဇီသည် မီးလုံးများမှထွက်လာသော ကြောက်မက်ဖွယ်အပူကို ခံစားနိုင်တယ်။
သူမ အနီးကပ်ကြည့်လိုက်တော့မှ အနက်ရောင်မီးတောက်တွေဟာ တကယ်တော့ အပြာရောင်မီးတောက်တွေဆိုတာကို သူမသတိပြုမိလိုက်တယ်။ ဒါပေမယ့် အပြာရောင်မီးတောက်ကို ဖုံးအုပ်ထားတဲ့ အနက်ရောင် မီးတောက်တစ်ခု ရှိနေတယ်။
မီးလုံးရဲ့အလယ်ဗဟိုက အနက်ရောင် အူတိုင်ကိုလည်း သတိပြုမိတယ်။ ဒါပေမယ့် သူမ အနီးကပ် မကြည့်ခင်မှာပဲ ကျင်းရွှီယန်းက အနက်ရောင် မီးလုံးတွေကို ဖုတ်ကောင်တွေဆီ ပစ်လွှတ်လိုက်လေပြီ။
" ဝှစ် ဘုန်းးး ဘုန်းးး "
မီးလုံးများဟာ ဖုတ်ကောင်များကို ထိမိသွားတာနှင် ပေါက်ကွဲသွားပြီး အနက်ရောင် မီးတောက်များက ဖုတ်ကောင်မျာကို ချက်ချင်း လောင်ကျွမ်းပစ်လိုက်တယ်။ နံရံမှာရပ်နေတဲ့ ကျိူးလီဇီဟာ သူမရဲ့အရေပြားတွေက ပူလောင်နေပြီး အရှင်လတ်လတ် အကင်ခံနေရသလို ခံစားရတယ်။
သူမရဲ့အရေပြားပေါ်တွင် အရည်ကြည်ဖုများ စတင်ဖြစ်ပေါ်လာတာကို သတိပြုမိတော့ ရေအကာအရံတစ်ခုကို အမြန်ဖန်တီးလိုက်တယ်။ ရေအကာအရံသည် သူမရဲ့ခန္ဓာကိုယ်ကို ဖုံးအုပ်ထားသော အမြှေးပါးတစ်ခုကဲ့သို့ဖြစ်နေသည်။
သူမရဲ့ ကိုယ်ကို ရေအကာအရံများဖြင့် ဖုံးအုပ်ထားခြင်းကြောင့် သူမသည် သူ့ပတ်ဝန်းကျင်ရှိ အပူချိန်ကို ထိန်းချုပ်နိုင်ပြီး အကင်ခံရခြင်းမှ လွတ်မြောက်ခဲ့တယ်။
ထိုအချိန်တွင် ကျင်းရွှီယန်းကတော့ ကျေနပ်အားရဖွယ် စွမ်းအင်စုပ်ယူမှုတွင် နစ်မွန်းသွားခဲ့ပြီး သူ့ဘေးနားရှိ မိန်းကလေးက သူ့ကို စူးစူးစိုက်စိုက်စိုက်ကြည့်နေတာကို သတိမထားမိလိုက်ပေ။
သူရဲ့အနက်ရောင်မီးတောက်များက ဖုတ်ကောင်များကို လောင်ကျွမ်းစေပြီး၊ အေးစက်သော စွမ်းအင်များက သူ့ခန္ဓာကိုယ်ထဲသို့ ဝင်လာပြီး နွေးထွေးသော စွမ်းအင်များအဖြစ် စီးဆင်းမသွားမီတွင် သူရဲ့ အမြုတေအတွင်းသို့ အရင်ဆုံးပြေးဝင်လာသည်။
နွေးထွေးသော စွမ်းအင်များက သူရဲ့meridians တစ်လျှောက် ဖြတ်သွားကာ သူရဲ့နဖူးပြင်အောက် ဧရိယာထဲသို့ ဝင်ရောက်သွားသည်။ သူ့ရဲ့ခန္ဓာကိုယ်ထဲသို့ စွမ်းအင်များ ပိုမိုစုပ်ယူလိုက်သည်နှင့်အမျှ သူရဲ့မူလက နက်မှောင်သော မျက်လုံးများသည် တဖြည်းဖြည်း နီရဲလာခဲ့တယ်။
သူ့ဘေးမှာရပ်နေတဲ့ ကျိူးလီဇီဟာ သူ့ခန္ဓာကိုယ်ထဲကို စွမ်းအင်လှိုင်းလုံးတွေ စိမ့်ဝင်နေသလို ခံစားလိုက်ရတယ်။ စွမ်းအင် အမျိုးအစားကို သူမ မသိသော်လည်း စွမ်းအင် ပမာဏ ကြီးမားလွန်းသဖြင့် သူ့ခေါင်းမှ မြူမှုန်များ ထွက်လာတာကို ဖျတ်ခနဲ မြင်လိုက်ရသည်။
'သူ့မှာ ငါနဲ့တူတဲ့ စုပ်ယူမှုစွမ်းရည်ရှိတာလား' သူမ သံသယစိတ်ဖြင့် တွေးလိုက်မိသည်။
သူမသည် အစုအဝေးနဲ့ရှိသော ဖုတ်ကောင်များက ယခုဆို ထက်ဝက်ခန့်လျော့ကျသွားတာကိုကြည့်ပြီး ခဏလောက် စဉ်းစားနေမိတယ်။ သူက ဖုတ်ကောင်များကို လောင်ကျွမ်းန်ိုင်ရင် ပိုသန်မာလာပုံပေါ်သောကြောင့် သူမက သူ့ကို ကူညီသင့်သည်။
ဤအတွေးဖြင့် သူမက ဒူးကိုကွေးကာ မီတာများစွာအကွာရှိ အစောင့်စခန်းဆီသို့ ခုန်ဆင်းသွားခဲ့သည်။ အိမ်ခေါင်မိုးပေါ် ရောက်သည်နှင့် သူမက လက်ကိုဝှေ့ယမ်းလိုက်ပြီး ရေဓါးနှစ်ချောင်းက သူမရဲ့ဘယ်ဘက်ရှိ လမ်းဆီသို့ ပျံသန်းသွားစေလိုက်တယ်။
"ဘုန်းးး"