အခန်း (၁၀၇)
Vol. 8 Ch. 107
ကျန်းယွမ်ရဲ့စကားကိုကြားလိုက်ရတာနဲ့ မန်နေဂျာဝမ်ဟာ ခံစားရခဲ့သမျှ ဒေါသနှင့်အရှက်တရားအားလုံးဟာ သူ့ဆီကနေပျောက်ကွယ်သွားခဲ့သည်။ သူက စစ်သားတွေကို လျင်မြန်စွာ ဦးညွှတ်ပြီး "ကျေးဇူးတင်ပါတယ် ရဲဘော်"လို့ အားကျိူးမာန်တက်ပြောလိုက်တယ်။
မန်နေဂျာဝမ်က ကျန်တဲ့လွတ်မြောက်လာသူတွေနှင့်ပူးပေါင်းပြီးသွားတဲ့နောက်တော့ ကျန်းယွမ်က သူ့ရှေ့ရှိအဖွဲ့ကိုကြည့်ကာ "မင်းတို့အားလုံးကကောဘယ်လိုလဲ" လို့မေးတယ်။
တုံ့ဆိုင်းသွားကြသော်လည်း နောက်ဆုံးတွင်တော့ စည်းကမ်းများကို လိုက်နာရန်သာ လူတိုင်းကသဘောတူလိုက်ကြသည်။
အမျိုးသမီးစစ်သည်များ မရှိသောကြောင့် အမျိုးသမီးများကတော့ နှစ်နာရီသာ စောင့်ဆိုင်းလိုက်ရပြီး အမျိုးသားများအားလုံးကတောါ စစ်ဆေးရန် သဘောတူခဲ့ကြတယ်။
အသက်ရှင်ကျန်ရစ်သူအုပ်စုရဲ့ အရေအတွက်ကများလာတာကြောင့် ချူကျိမြောင်က သက်ပြင်းချလိုက်ကာ "ဒီစစ်သားတွေက အဲဒီလူတွေကို သူတို့ရဲ့ ရိက္ခာတွေ ဝေငှပေးလိမ့်မယ်လို့ ဘယ်တုန်းကမှ မမျှော်လင့်ထားဘူး။ ဒီအတိုင်းသာ ဆက်သွားနေမယ်ဆိုရင် သူတို့ရဲ့ ရိက္ခာတွေကတော့ တစ်ပတ်လောက်တောင် ကြခံမှာမဟုတ်ဘူး"လို့ ပြောလိုက်တယ်။
ဟန်ဂျီယင်းက ဒါကိုကြားတော့ "ဒါက သူတို့ရဲ့တာဝန်ပဲ့လေ ဒါကြောင့် ရိက္ခာတွေဝေတာက ပုံမှန်ပါပဲ" လို့ ပြောလိုက်တယ်။
လီယောင်ကတော့ ဒါကိုကြားတဲ့အခါ သူရဲ့ ခေါင်းကိုခါယမ်းပြီး " ဟန်ဂျီယင်း အခုက အရင်နဲ့မတူတော့ဘူး။ အစိုးရဌာနမှာရှိတဲ့ ထိပ်တန်းအရာရှိတွေက လူသားတွေဖြစ်နေသေးသလား ဒါမှမဟုတ် ဖုတ်ကောင်တွေ ဖြစ်သွားပြီလားဆိုတာတောင် ငါတို့မသိသေးဘူး"
“အထက်လူကြီးတွေဆီက အမိန့်မရှိဘဲ ဆက်သွယ်ရေးလဲမရှိရင် ဘယ်သူက ထိန်းထားနိုင်မှာလဲ ၊ စစ်တပ်ကို သတင်းပို့ဖို့နှင့် ဘယ်တော့မှ ပြန်မသွားဖို့ကို ဆုံးဖြတ်လိုက်ရင် ဘယ်သူကမှ အတင်းအကြပ် ခိုင်းစေနိုင်မှာ မဟုတ်ဘူး"
"ဒီပစ္စည်းတွေကို သူတို့ကရှာတွေ့တာ အခွင့်အရေးအရဆိုရင်တော့ ဒါကိုသူတို့ပိုင်တယ်။ ကျန်ရစ်သူတွေကို ပေးဝေတာက တော့ အကြင်နာတရားနှင့် သူတို့ရဲ့အလုပ်အလေ့အထကြောင့်ဖြစ်နိုင်တယ်။ ဒါပေမယ့် သူတို့ကသာ မမျှဝေချင်ဘူးဆိုရင်တောင်မှ ဘယ်သူက အပြစ်ပြောနိုင်မှာလဲ"လို့ ပြောလိုက်တယ်။
ဒီစကားတွေကိုကြားလိုက်တဲ့အခါမှာတော့ ဟန်ဂျီယင်းက ငြိမ်သက်သွားတယ်။ တိုင်းပြည်နှင့်လူမျိုးကို ကာကွယ်ရန်အတွက် စစ်သားများက မိမိကိုယ်မိမိ စတေးသင့်သည်ဟု ထင်နေသေးသော်လည်း လီယောင်ရဲ့စကားကိုလည်း ပြန်ချေပ၍မရနိုင်ဘူး။
အသက်ရှင်ကျန်ရစ်သူများကို စီမံခန့်ခွဲရန်နှင့် ထောက်ပံ့ရေးပစ္စည်းများဝေငှရန်အတွက် စစ်သားများက အလုပ်များနေချိန်တွင် ကျင်းရွှီယန်း နှင့် ကျိူးလီဇီတို့ကတော့ မျိုးစေ့စက်ရုံရှိ အဆင့်နှစ်ဖုတ်ကောင်များကို တိုက်ခိုက်နေကြသည်။
"ဘုန်းး"
ရေမြှားများစွာနှင့် တိုက်မိချိန်တွင်တော့ ယောဂပူဖောင်းအရွယ်အစားရှိတဲ့ မီးလုံးတစ်လုံးက ပေါက်ကွဲသွားခဲ့သည်။ ရေက မီးလုံးများကို ငြိမ်းစေပြီး တစ်ချိန်တည်းတွင်ပဲ ရေမြှားများကလဲ လေထဲတွင် ရေငွေ့အဖြစ်သို့ ပြောင်းလဲသွားခဲ့သည်။
မီးအမျိုးအစား ဖုတ်ကောင်က ကျိူးလီဇီရဲ့ တိုက်ခိုက်မှုများကို နှိမ်နှင်းနိုင်တာကို တွေ့လိုက်ရသဖြင့် "အာ့ဇီ ပြိုင်ဘက်တွေကို လဲလှယ်ရအောင်" လို့ ကျင်းရွှီယန်းက အော်ပြောလိုက်တယ်။
" ခရစ် ဘုန်းးး"
ကျင်းရွှီယန်း ဒီစကားကို ပြောလိုက်ပြီးတာနှင့် ချက်ချင်း ကောင်းကင်ကနေ မိုးကြိုးတစ်စင်းကျလာတယ်။
လေထုထဲက စွမ်းအင်အတက်အကျကို ခံစားလိုက်ရပြီး မိုးကြိုးနှင့်မထိမီတွင်ပဲ ရှောင်သွားခဲ့သည်။ မြေပြင်ပေါ်မှာ ကျန်နေတဲ့ နက်ရှိုင်းသော အက်ကွဲကြောင်းများကို မြင်လိုက်ရတော့ ကျင်းရွှီယန်းရဲ့ မျက်လုံးများက အေးစက်သွားခဲ့သည်။
ဖုတ်ကောင်က နောက်ထပ်တိုက်ခိုက်ရန်အတွက် ပြင်ဆင်နေတာကို သတိပြုမိလိုက်တာနဲ့ သူတို့နှစ်ဦးသားက အကြည့်ချင်းဖလှယ်ကာ ဆန့်ကျင်ဘက်ဆီသို့ ပြေးသွားလိုက်ကြတယ်။
မီးအမျိုးအစားဖုတ်ကောင်က သူရဲ့ပါးစပ်ကိုဖွင့်လိုက်သောအခါတွင် မီးလုံးများက ဖုတ်ကောင်ဆီကနေ အရှိန်ပြင်းပြင်းဖြင့် ပျံသန်းလာခဲ့သည်။ ဓားရှည်ကို ကိုင်ထားတဲ့ ကျင်းရွှီယန်းက မီးလုံးကို ဓါးဖြင့်ခုတ်ပိုင်းလိုက်တယ်။
" ဝှစ် ဘုန်းး ဘုန်း "
မီးလုံးဟာ သူရဲ့ဓားနှင့် တစ်ခြမ်းစီ အခွဲခံလိုက်ရကာ ဘေးနှစ်ဖက်ဆီသို့ကွဲထွက်သွားပြီးနောက်တွင် နံရံနှင့် တိုက်မိလို့ ပေါက်ကွဲသွားခဲ့တယ်။ မီးလုံးအရွယ်အစားက သေးငယ်သွားတာကြောင့် ဖရဲသီးအရွယ်အစားရှိတဲ့ အပေါက်တစ်ပေါက်သာ ကျန်ရှိခဲ့ပြီး နံရံကို ဖျက်ဆီးနိုင်ခြင်း မရှိပေ။
ကျင်းရွှီယန်းက သူ့ဓားဆီကို စွမ်းအင်တွေ ပို့လိုက်ပြီးနောက်တော့ အနက်ရောင်မီးတောက်ဟာ ဓားကို ချက်ချင်းပဲ ဖုံးလွှမ်းသွားခဲ့တယ်။ ဖုတ်ကောင်ရဲ့လည်ပင်းကို ချိန်ရွယ်ကာ သူရဲ့ဓားကို ခုတ်လိုက်စဉ်တွင်ပဲ ဖုတ်ကောင်က သူရဲ့လက်ကို မြှောက်ကာ ကျင်းရွှီယန်းရဲ့တိုက်ခိုက်မှုကို တားဆီးရန်အတွက် မီးနံရံတစ်ခုကို ဖန်တီးလိုက်သည်။
" ဘုန်းး"
စွမ်းအင်နှစ်ခု တိုက်မိခြင်းကြောင့် စွမ်းအင်လှိုင်းများက လေပြင်းများကိုတိုက်ခတ်စေပြီး အပျက်အစီးများနှင့် ဖုန်မှုန့်များ လွင့်ပျံသွားစေတယ်။
တစ်ချိန်တည်းမှာပဲ ကျိူးလီဇီကလည်း သူမရဲ့လက်ကို လှုပ်ရှားလိုက်ပြီးတဲ့နောက်တော့ ရေဓါးများစွာဟာ မိုးကြိုးအမျိုးအစားဖုတ်ကောင်ဆီသို့ အရှိန်ပြင်းပြင်းဖြင့် ပျံသန်းသွားခဲ့သည်။ သူမက တိုက်ခိုက်ရန်အတွက် ရေဓါးတွေကို ဖုတ်ကောင်ဆီသို့ လွတ်ပြီးသည့်အခိုက်တန့်တွင်ပင် ဓားမြှောင်ကို ကိုင်ကာ ရေဓါးသွားများနောက်သို့ သူမက
အနီးကပ်လိုက်လာခဲ့တယ်။
ဝင်လာသော ရေဓါးသွားများကို မြင်လိုက်ရတဲ့အခါမှာ မိုးကြိုးစွမ်းအင်သုံး ဖုတ်ကောင်က သူ့လက်ကို မြှောက်ကာ အောက်သို့ ပြန်ချတဲ့ လှုပ်ရှားမှုပြုပြီး မိုးကြိုးနဲ့ပစ်လိုက်သည်။
" ခရစ် "
မိုးခြိမ်းသံကိုကြားတော့ ကျိူးလီဇီက သူမရဲ့လက်တွေကို ဝှေ့ယမ်းလိုက်တာ ချက်ချင်းပဲ သူမရဲ့ရေဓါးတွေက ကွေ့ဝိုက်ပြီး အပေါ်ကို ပျံတက်သွားခဲ့တယ်။
" ဘုန်းး"
ရေဓါးသွားနှင့် မိုးကြိုးတို့ ဆုံတွေ့သွားတဲ့အခိုက်တွင် ရေဓါးသွားများက မိုးကြိုးဆီမှ လျှပ်စစ်ဓာတ်ကို စုပ်ယူလိုက်ပြီး ပိုမိုမြန်ဆန်စွာ လည်ပတ်ကြသည်။ တစ်ချိန်တည်းမှာပင် ကျိူးလီဇီကလည်း ဖုတ်ကောင်ရဲ့အရှေ့တွင် ပေါ်လာခဲ့သည်။
ရေဓါးတွေကို လက်တစ်ဖက်တည်းနဲ့ ထိန်းချုပ်ရင်း ကျန်လက်ဖက်ဖြင့်လည်း သူမရဲ့ ဓားမြှောင်ကိုမြှောက်ကာ ဖုတ်ကောင်ရဲ့ လည်ပင်းဆီ ခုတ်ချလိုက်တယ်။ ဓားမြှောင်က ဖုတ်ကောင်ရဲ့ ဦးခေါင်းကို မခုတ်ထစ်နိုင်မီတွင် ဖုတ်ကောင်က နောက်သို့ဆုတ်၍ တိုက်ခိုက်မှုကို ရှောင်တိမ်းလိုက်သည်။
ဒါကိုမြင်တော့ ကျိူးလီဇီရဲ့ မျက်လုံးတွေထဲမှာ အံ့သြမှုတွေ ပြည့်နက်သွားခဲ့တယ်။ တန်ပြန်တိုက်ခိုက်ရန် အခွင့်အရေးမပေးဘဲ လက်ကောက်ဝတ်ကို လှုပ်ရှားကာ ဓားမြှောင်ရဲ့ ဦးတည်ရာကို ချက်ချင်းပြောင်းလိုက်သည်။ သူမရဲ့လက်ကို အောက်သို့ဆွဲချလိုက်သောအခါတွင်တော့ ဖုတ်ကောင်က အန္တရာယ်ကို ခံစားလိုက်မိတယ်။
သူမရဲ့ ဓားမြှောင်က ဖုတ်ကောင်ရဲ့ရင်ဘတ်ကိုထိုးစိုက်မိသွားပြီး ဖုတ်ကောင်က အနောက်ကိုပြန်ခုန်ဆုတ်လိုက်တဲ့အခါမှာပဲ့ အနက်ရောင်သွေးများ ထွက်လာကာ မြေပြင်ကို စွန်းထင်းသွားစေခဲ့သည်။
"ဂါးးးး"
ဖုတ်ကောင်က သူ့ရဲ့ခန္ဓာကိုယ်ပေါ်ရှိ ဒဏ်ရာကိုမြင်သောအခါ ဒေါသတကြီးဟိန်းဟောက်လိုက်သည်။ ကျိူးလီဇီကတော့ ပြုံးပြီး "မပြီးသေးဘူး" လို့ ပြောလိုက်တယ်။
သူမစကားဆုံးတာနှင့် ရေဓါးတွေကလည်း ဖုတ်ကောင်ရဲ့အနောက်ကနေ ပြေးဝင်လာပြီး လက်မောင်းကို ထိုးစိုက်ကုန်တယ်။
"ရားးးးး"
ဤတစ်ကြိမ်တွင်တော့ ကျယ်လောင်သောဟိန်းဟောက်သံကထွက်လာပြီး ကျိူးလီဇီကို စိုက်ကြည့်နေတဲ့ ဖုတ်ကောင်ရဲ့အနက်ရောင်မျက်လုံးများကတော့ အလင်းရောင်များနှင့်အတူ တောက်ပလာခဲ့သည်။ သူရဲ့ခန္ဓာကိုယ်ကို ကိုင်းကာ ဖုတ်ကောင်က ပါးစပ်ကျယ်ကျယ်ဖွင့်လို့ သူမဆီသို့ ပြေးဝင်လာခဲ့သည်။
ဒါကိုမြင်တော့ ကျိူးလီဇီက ဒူးကိုကွေးပြီး ခုန်ထွက်ကာ ဖုတ်ကောင်ရဲ့တိုက်ခိုက်မှုကို ရှောင်တိမ်းလိုက်တယ်။ မြေပြင်ပေါ် ခြေမချခင်မှာ မီးလုံးကြီးတစ်ခုက သူ့မဆီသို့ အပြေးဝင်လာတာကို တွေ့လိုက်ရတယ်။
"အာ့ဇီ သတိထား"
" ဘုန်းး ဘုတ် "
ကျင်းရွှီယန်းရဲ့ သတိပေးသံကို သူမကြားလိုက်တဲ့အချိန်မှာတော့ မီးလုံးက သူမရဲ့ခန္ဓာကိုယ်ကို ထိမှန်သွားပြီဖြစ်သည်။ သူမဟာ မီတာအတော်ဝေးအောင်အထိကို လွင့်သွားပြီး အဆောက်အဦးတစ်ခုနှင့် တိုက်မိသွားတယ်။
သူမရဲ့ခန္ဓာကိုယ်က နံရံကနေလျှောကျလာပြီး အောက်ကိုေရာက်တဲ့အချိန်မှာပဲ ပါးစပ်မှ သွေးများ ချောင်းဆိုးကာထွက်လာသည်။ "အဟွတ် အဟွတ်"
ဒါကိုမြင်တော့ ကျင်းရွှီယန်းရဲ့မျက်လုံးတွေက အနီရောင်ပြောင်းသွားပြီး သူ့ရဲ့ဓားရှည်ကို ဖုံးအုပ်ထားတဲ့ အနက်ရောင် မီးတောက်တွေဟာတော့ ဓာတ်ဆီ လောင်းထည့်လိုက်သလိုပဲ့ ရုတ်တရက်ကြီး တစ်ဟုန်းဟုန်းတောက်လောင်လာခဲ့တယ်။
"ရားးး"
မီးအမျိုးအစား ဖုတ်ကောင်ဟာ ကျင်းရွှီယန်းရဲ့ နောက်ကျောကို ပစ်မှတ်ထားကာ မီးလုံးနှစ်လုံးကို ပစ်ပြီးနောက် ဟိန်းဟောက်လိုက်သည်။
ကျိုးလီဇီက ခေါင်းကို မော့လိုက်တာနဲ့ပဲ တိုက်ခိုက်မှုကို မြင်လိုက်ရတယ်။ "အစ်ကိုယန်း" လို့အော်ရင်း သူမရဲ့မျက်လုံးတွေက မှိတ်ကျသွားတယ်။
သူတော့ မီးလုံးကြောင့် ဒဏ်ရာရသွားလိမ့်မယ်လို့ သူမကထင်လိုက်တယ်။ သူမ ထင်မှတ်ထားသလိုမဖြစ်လာပဲ မီးလုံးတွေက သူ့ကိုမထိလာနိုင်ခင်မှာပဲ့ သူ့ရဲ့ဓားကို အလျားလိုက် ခုတ်လိုက်တော့ လခြမ်းပုံသဏ္ဍာန်ရှိတဲ့ မီးဓားတစ်ချောင်းက မီးလုံးတွေဆီကို ပြေးဝင်သွားခဲ့တယ်။
"ဘုန်းးး"