အခန်း (၁၁၅)
Vol. 8 Ch. 115
အစ်မဝမ်းက အနားယူဖို့မသွားခင်မှာ လူတန်းထဲ အရင်ဝင်တန်းစီကာ စွပ်ပြုတ် ဖက်ထုပ်တစ်ပန်းကန်၊ ဝက်အူချောင်း၊ ကြက်ဥပြုတ်တစ်လုံး နဲ့ ပေါက်စီနှစ်လုံးကို ယူခဲ့ပါတယ်။
ပူပူနွေးနွေး အစားစာတွေစားပြီးနောက်တော့ တစ်ပတ်စာရိက္ခာ သတ္တုရည်ငါးပုလင်းနှင့် ရိက္ခာခြောက်တစ်ထုပ်ကို ရခဲ့သည်။
သူမမှာ ရိက္ခာတွေအပြင် ပူပူနွေးနွေး စားစရာတွေတောင် ရနေတာကိုတွေ့တော့ အားလုံးက နောက်ဆုံးမှာ စိတ်တွေပါလာကြပြီး စစ်ဆေးဖို့ကို သဘောတူလိုက်ကြတယ်။အမျိုးသမီးများသည် ချူကျိမြောင်ရဲ့အကူအညီဖြင့် မကြာမီတွင်ပဲ အဖွဲ့ထဲသို့ ဝင်ရောက်နိုင်ခဲ့သည်။
အဖွဲ့ထဲက လူ ၃ ယောက်ကသာ စောင့်ကြည့်ခံရဖို့ အပြင်မှာ ထားခဲ့ခံရတယ်။ အကြောင်းရင်းကတော့ သူတို့ထဲက တစ်ယောက်ဟာ ပခုံးမှာ ခြစ်ရာတွေ ဖြစ်နေပြီး သူမရဲ့လက်သည်းကြောင့်လို့ ဆိုပါတယ်။
ကျန်တဲ့နှစ်ယောက်ကတော့ အဖျားကြီးတယ်။ အဖျားကြီးနေသဖြင့် သူတို့ရဲ့စွမ်းအင်များကို နိုးထနိုင်စေရန် အခွင့်အလမ်းရှိသော်လည်း သူတို့သည် ဖုတ်ကောင်များအဖြစ်သို့ ပြောင်းလဲနိုင်ခြေ ပိုများတယ်။ ထို့ကြောင့် သူတို့ကို စောင့်ကြည့်ဖို့ထားခဲ့သည်။
စစ်သားများက အမျိုးသမီးအား စောင့်ဆိုင်းနေစဉ်အချိန်အတွင်း၌ ရေနွေးနှင့် မုန့်များပေးခဲ့သည်။ ကျန်နှစ်ဦးကိုတော့ ဆေးဝါး၊ ရေနွေး၊ အစာများ ပေးဆောင်ခဲ့တယ်။
ဖျားနေတဲ့နှစ်ယောက်ဟာ ထမင်းစားပြီးတာနဲ့ ဆေးသောက်ပြီး အိပ်ပျော်သွားကြတယ်။
သူမတို့ ခန္ဓာကိုယ်ထဲမှာရှိတဲ့ ဖုတ်ကောင်ဗိုင်းရပ်စ်ပိုးကို နှိမ်နင်းနေတုန်းမှာတော့ သူတို့ကို စောင့်ကြည့်ဖို့ တာဝန်ကျတဲ့စစ်သားဟာ ရေလုံလုံလောက်လောက်ပေးသောက်ပြီး မိနစ်သုံးဆယ်တိုင်း အပူချိန်ကို စစ်ဆေးပေးခဲ့ပါတယ်။
ထိုအချိန်တွင်တော့ အမျိုးသမီးတစ်ဦးသည် အစာစားပြီးတာနှင့် လမ်းပိတ်ဆို့ထားတဲ့အတားအဆီးကို မှီကာ ဒူးကိုဖက်ထားလေသည်။ သူမရဲ့ မျက်လုံးများက တဖြည်းဖြည်းနဲ့ မငြိမ်မသက်ဖြစ်လာကာ အဝေးမှ လူများကို စူးစူးစိုက်စိုက်ကြည့်ရင်း မျက်လုံးတွေကမီးခိုးရောင်ပြောင်းလာနေတယ်။
နေပူနေသော်လည်း သည်းမခံနိုင်သော အအေးဓာတ်က သူမရဲ့ အရိုးများထဲကို စိမ့်ဝင်လာသည်။ သူမရဲ့တစ်ကိုယ်လုံးမှာ တုန်လှုပ်နေပြီး မျက်နှာက နီရဲလာတယ်။
ထိုအချိန်တွင် သူမရဲ့အသားအရေက သဘာဝမကျတဲ့ အရောင်ဖျော့ဖျော့သို့ပြောင်းသွားပြီး အောက်ခြေမှ အမည်းရောင် သွေးပြန်ကြောတွေ ပေါ်လာနေတာကို သတိထားမိလိုက်တယ်။ လက်ကို မြှောက်ကာကြည့်လိုက်တော့ လက်သည်းများက ရှည်လာပြီး ပိုမည်းလာနေတာကို မြင်လိုက်ရသည်။
မျက်လုံးကို ပိတ်မိနေတဲ့ ဆံပင်တွေကို သူမကိုယ်တိုင် ဖယ်ရှားလိုက်တော့ လက်ချောင်းတွေကြားက ဆံပင်အစအနတွေ လျောထွက်သွားတာကို ခံစားမိလိုက်တယ်။ ထိတ်လန့်တုန်လှုပ်စွာနဲ့ လက်ဖဝါးကို လှမ်းကြည့်လိုက်တဲ့အခါ အထွေးလိုက်လိုက် ကျွတ်ကျနေတဲ့ ဆံပင်တွေကို လက်ထဲမှာမြင်လိုက်ရတော့ အသက်ရှူရပ်သွားသလို ခံစားရတယ်။
သူမရဲ့မျက်ဆံတွေ ကျုံ့ဝင်သွားပြီး သဘောပေါက်သွားတယ်။ သူမက ဇွန်ဘီတစ်ကောင် ဖြစ်လာနေပြီ။
ထိုအသိတရားကြောင့်ဖြစ်လာတဲ့ ကြောက်ရွံ့မှုက သူမရဲ့နှလုံးသားကို ဆုပ်ကိုင်ထားတာကြောင့် ထိတ်လန့်သွားခဲ့တယ်။ သူမက ဦးနှောက်မရှိသော ဘီလူးမဖြစ်ချင်သော်လည်း သေခြင်းတရားကို ပိုကြောက်သည်။ သူမက အသက်ရှင်ချင်တယ်။ သူမ မလုပ်ရသေးတာတွေ အများကြီးရှိသေးပြီး သူမကသေဖို့ငယ်လွန်းတယ်။
သူမမှာ အသက်ရှင်လိုသော ဆန္ဒရှိနေသော်လည်း မလွှဲမရှောင်သာ ဖြစ်နေသည်။
အအေးဓာတ်က သူမတစ်ကိုယ်လုံးကို ပျံ့နှံ့သွားသလို ခံစားလိုက်ရသဖြင့် မလိုလားအပ်သောစိုးရိမ်စိတ်များ တိုးလာတာ်။ သူမက အမြဲတမ်း ကြင်နာတတ်ပြီး အခြားသူများကိုလည်း အမြဲကူညီခဲ့သည်။ ဒါဆို သူမကဘာလို့သေရတာလဲ။
အသက်ရှင်ကျန်ရစ်သူများကြားတွင် သက်တောင့်သက်သာထိုင်ကာ စကားစမြည်ပြောရင်း စားသောက်နေသော အန်တီဝိန်ဆီကို သူမရဲ့အကြည့်တွေက ရောက်သွားခဲ့သည်။ တစ်ကိုယ်ကောင်းဆန်ပြီး ဆိုးသွမ်းသောမိန်းမက အသက်ရှင်နေသေးတယ်။
သူမကတော့ ရှင်သန်နိုင်ပြီး သူကြ ဘာကြောင့်မရှင်သန်နိုင်ရတာလဲ။
နာကြည်းမှုအရှိန်အဟုန်က သူမကို လွှမ်းခြုံသွားပြီး သူမ မသိစိတ်ထဲမှာ တိမ်မြုပ်သွားသည်။ သူမသာ အသက်မရှင်နိုင်တော့ရင် အားလုံးကို သူမနဲ့အတူ ငရဲဆီဆွဲထုတ်သွားလိုက်မယ်။
သူမရဲ့ မျက်ဆန်တွေဟာ မှိန်ဖျော့သွားပြီး အသိစိတ်လည်း ပျောက်ကွယ်သွားခဲ့တယ်။ သူမရဲ့ နောက်ဆုံးစိတ်စွမ်းအားက လှုပ်ဆော်လိုက်ခြင်းကြောင့်သာ သူမက မတ်တပ်ရပ်ကာ တောင့်တင်းသော ခန္ဓာကိုယ်ကို အတားအဆီးဆီသို့ ဆွဲခေါ်သွားခဲ့သည်။
"ဟာ့ခ်—" အစ်မဝမ်ကို လှမ်းအော်ရန်ကြိုးစားသော်လည်း နှုတ်ခမ်းများကြားမှ အာခေါင်ထဲကဟစ်သံတစ်ခုသာ ထွက်ပေါ်လာတယ်။
သူမရဲ့ ဟိန်းဟောက်သံကိုကြားတော့ မျက်ရည်များက ပါးပြင်ပေါ်သို့ လိမ့်ဆင်းလာသည်။ သူမက အရှေ့သို့ တရွေ့ရွေ့ လျှောက်သွားရင်း ခေါင်းငုံ့သွားသည်။ အတားအဆီးဆီသို့ သူမ မရောက်မီတွင်ပဲ စစ်ဖိနပ်တစ်ရံက သူမရဲ့မှုန်ဝါးသောအမြင်အာရုံထဲတွင် ပေါ်လာခဲ့တယ်။
သူမ ခေါင်းကို မော့ကြည့်လိုက်တော့ ချောမောတဲ့အမျိူးသားတစ်ယောက်ရဲ့ တည်ငြိမ်သောအကြည့်ကို ရင်ဆိုင်လိုက်ရတယ်။ သူ့မျက်လုံးများထဲမှာ ကြောက်ရွံ့မှုမရှိသလို ရွံရှာမှုလည်းမရှိဘူး။ သနားစိတ်နှင့် ဂရုဏာသက်နေတဲ့ အကြည့်တွေပဲ့ရှိတယ်။
“အမျိူးသမီး ငါက မင်းကို လွှတ်ပေးဖို့ လာတယ်၊ မင်း အခုထွက်သွားဖို့ အဆင်သင့်ဖြစ်ပြီလား” လို့ မပြောခင် သူက သူမကို ခဏလောက် လေ့လာခဲ့တယ်။
သူပြောတဲ့စကားတွေကို စီစစ်ဖို့ သူမ အချိန်ခဏယူလိုက်ရတယ်။ သူမက ဘီလူးမဖြစ်ချင်ခဲ့ပါ။ သူမက လူသားတစ်ယောက်အနေနဲ့ပဲ့ သေချင်တယ်။
“ဂါ့ဂ်…” သူမရဲ့နောက်ဆုံးစကားပြောရန် ကြိုးပမ်းမှုတွင် သူမရဲ့လည်ချောင်းထဲမှထွက်လာတယ် ဟောက်သံကိုသာ ကြားလိုက်ရသည်။
ချင်လူဇီက သူ့စိတ်မြေပုံထဲတွင် အဖြူနှင့်အနီကြား ရွေ့လျားနေသော မှိတ်တုတ်မှိတ်တုတ်အစက်ကို ကြည့်နေခဲ့တယ်။ သူမမှာ အချိန်သိပ်မကျန်တော့ဘူး။ သူမရဲ့ လူသားဆန်မှု မဆုံးရှုံးခင်မှာ သူမကို လွှတ်လိုက်ရမယ်။
သူ့နောက်ကျောမှ ဓားမြှောင်ကို ဆွဲထုတ်ကာ "နှုတ်ဆက်ပါတယ်" ဟုပြောလိုက်တယ်။
သူ့ အသံမပျောက်သွားခင်မှာပဲ့ ဓားမြှောင်ကို သူမရဲ့နားထင် ဆီ ဓားနဲ့ထိုးလိုက်တယ်။ နောက်အခိုက်အတန့်တွင် သူမရဲ့ခန္ဓာကိုယ် တောင့်တင်းသွားပြီး မြေပြင်ပေါ်သို့ လဲကျသွားသည်။ မြေပြင်ပေါ်တွင် အနီရင့်ရောင်သွေးနီဥများက အိုင်ကျနေပြီး အနံ့အသက်ဆိုးများက လေထုထဲမှာပျံ့နှံ့သွားတယ်။
ချင်လူဇီက ဓါးကိုမသိမ်းမီတွင် သန့်ရှင်းစွာသုတ်လိုက်တယ်။ သူလှည့်ကြည့်လိုက်တော့ အသက်ရှင်ကျန်ရစ်သူတွေရဲ့ ပြူးကျယ်ပြီး အကြောက်တရားတွေ ပြည့်နေတဲ့ မျက်လုံးတွေကို တွေ့လိုက်ရတယ်။ သူတို့ရဲ့ အကြောက်တရားက သူ့ကို လုံးဝမထိခိုက်စေပါဘူး။ နောက်ဆုံးတော့ သူက အဲဒီမိန်းမကို မသတ်ခဲ့ပါဘူး။ အဲဒီအစား သူက သူမကို လူသားအဖြစ်နှင့် သေဆုံးဖို့ရန် အခွင့်အရေးပေးခဲ့တယ်။
သူက အတားအဆီးကိုဖြတ်သွားစဉ်တွင်"ကျင်းဇီ အကြွင်းအကျန်တွေကို ရှင်းလိုက်" ဟု အမိန့်ပေးခဲ့သည်။
"နားလည်ပါပြီ"
ကျင်းရွှီယန်း နှင့် ကျန်းယွမ်တို့အပြင် ချင်လူဇီမှာလည်း သူတို့ရဲ့အဖွဲ့တွင် အဆင့်အမြင့်ဆုံးဖြစ်သည်။ သူတို့ကပ္ပတိန်နှင့် ဒုကပ္ပတိန်မရှိသောအခါတွင် စစ်သည်များက သူ့အမိန့်နောက်သို့လိုက်ကြတယ်။
ရှန်ကျင်းဇီက လက်ကောက်ဝတ်ကိုလှုပ်ရှားလိုက်ပြီး အပြာရောင်မီးတောက်ကို အမျိုးသမီးရဲ့ အသက်မဲ့ခန္ဓာကိုယ်ဆီသို့ ကျရောက်သွားစေလိုက်တယ်။မီးတောက်က အရေပြားကို ထိလိုက်တာနဲ့ ချက်ချင်း လောင်ကျွမ်းသွားတယ်။
အသက်ရှင်ကျန်ရစ်သူများအပေါ်မှာ ကြာရှည်ခံမဲ့စိတ်ဒဏ်ရာကို မထားခဲ့ချင်တာကြောင့် စွမ်းအင်ကို ပိုပြင်းထန်ထန်စေလိုက်ကာ ငါးမိနစ်အတွင်းပဲ သူမရဲ့ကိုယ်ထည်ကို ပြာအဖြစ်သို့ ပြောင်းလိုက်သည်။
အသက်ရှင်ကျန်ရစ်သူများက သူ့ကိုယ် နတ်ဆိုးတစ်ကောင်လိုမျိူး ကြောက်ရွံ့စွာ စိုက်ကြည့်နေကြတယ်။ ရှန်ကျင်းဇီက သူတို့ကို တစ်ချက်ကြည့်ရုံဖြင့်သာ တုံ့ပြန်ပြီး သူတို့ရဲ့စိုက်ကြည့်ခံရခြင်းကို လုံးဝစိတ်မ၀င်စားပေ။
အထူးသဖြင့် အရပ်သားများအတွက်တော့ သေဆုံးမှုကို လက်ခံရန် မလွယ်ကူပါဘူး။ လေ့ကျင့်သင်ကြားထားသော စစ်သားများတောင် သူတို့ရဲ့ ရဲဘော်ရဲဘက်များက ဖုတ်ကောင်များအဖြစ်သို့ ပြောင်းလဲကာ ပြန်တိုက်ခိုက်လာတာကို မြင်ရသောအခါတွင်ပင် သူတို့ကရုန်းကန်ကြရသည်။
အရပ်သားများ မဆိုထားနှင့် ဖုတ်ကောင်များအဖြစ်သို့ ပြောင်းလဲသွားသော သူတို့ရဲ့ ရဲဘော်များကို သတ်ဖြတ်ရခြင်းကြောင့် စစ်သားအချို့မှာဆို အိပ်မက်ဆိုးများဖြင့် ခြောက်လှန့်ခံခဲ့ရသည်။ စိတ်ဒဏ်ရာတွေ ရခဲ့ပေမယ့် တတ်နိုင်သမျှ လိုက်လျောညီထွေဖြစ်အောင်လုပ်ဖို့ကလွဲပြီး ရွေးချယ်စရာမရှိဘူး။
အမျိုးသမီးရဲ့ခန္ဓာကိုယ်ကို ရှင်းလင်းပြီးတာနဲ့ ကျန်နှစ်ယောက်ကို စောင့်ကြည့်နေတဲ့ စစ်သားတစ်ယောက်က "အစ်ကို လူဇီ၊ သူတို့ထဲက တစ်ယောက်က ဗီဇပြောင်းသွားပြီ"လို့ ပြောလိုက်တယ်။
ဒါကိုကြားတော့ ချင်လူဇီက သူ့စိတ်မြေပုံကို စစ်ဆေးကြည့်လိုက်တယ်။ ယခုအခါတွင်တော့ အမျိုးသမီးတစ်ဦးအတွက် အစက်က အစိမ်းဖျော့ဖျော့ တောက်ပနေပြီး ကျန်တစ်ဦးကတော့ အစိမ်းနှင့် အနီကြားတွင် ကူးပြောင်းနေတယ်။