အခန်း (၁၁၆)
Vol. 8 Ch. 116
ချင်လူဇီက အစိမ်းရောင်အစက်ကလေးနဲ့ တစ်ယောက်ကို ညွှန်ပြပြီး "အဆင်ပြေတယ်။ သူ့ကို စခန်းထဲကို ခေါ်သွားပြီး သူ့အပူချိန်ကို သေချာစစ်ဆေးလိုက်။ ပြီးရင်နောက်တစ်ယောက်ကို ထပ်ပြီး စောင့်ကြည့်" လို့ ပြောလိုက်တယ်။
"နားလည်ပါပြီ"
ထိုအမိန့်ကို ချန်ထားခဲ့ကာ ချင်လူဇီက
ကျန်းယွမ်ကို ရှာရန် သွားလိုက်သည်။
ထိုအချိန်တွင် ကျန်းယွမ်က ဝေယင်းနှင့် ဂြိုလ်တုဖုန်းဖြင့် စကားပြောနေသည်။ ချင်လူဇီ ချဉ်းကပ်လာတာကို သူမြင်တော့ စောင့်ဆိုင်းရန် လက်ပြလိုက်သည်။
"ဗိုလ်ကြီးဝေ၊ မင်းရဲ့အခြေအနေကို ငါတို့နားလည်ပါတယ်။ ဒါပေမယ့် ငါတို့အဖွဲ့က အသက်ရှင်ကျန်ရစ်သူတွေကို အသက်ရှင်ကျန်ရစ်သူစခန်းဆီ ခေါ်ထုတ်သွားဖို့ကမဖြစ်နိုင်ဘူး" လို့ ကျန်းယွမ်က အခိုင်အမာပြောလိုက်တယ်။
အခြားတစ်ဖက်က ဝေယင်းကတော့ သက်ပြင်းချကာ " လူအို ကျန်း ငါ့အဖွဲ့မှာက ကားကအကန့်အသတ်နဲ့ရှိတယ်ဆိုတာ မင်းသိပါတယ်။ လူအများကြီးကို သယ်ယူပို့ဆောင်ဖို့ နည်းလမ်းမရှိဘူး၊ ငါတို့အဖွဲ့အတွက် ရိက္ခာကလဲ လုံလုံလောက်လောက်မရှိဘူး" လို့ ပြောလိုက်တယ်။
ကျန်းယွမ်က ခဏလောက် နှုတ်ဆိတ်နေပြီးမှ "ဗိုလ်ကြီးဝေအသက်ရှင်ကျန်ရစ်သူတွေအတွက်ရော မင်းတို့အဖွဲ့အတွက်ရော ရိက္ခာအလုံအလောက်ပေးမယ်လို့ ငါကတိပေးတယ်။ ဒါပေမယ့် မင်းတို့ကကိုယ်ပိုင်ယာဉ်တွေကိုတော့ ရှာရလိမ့်မယ်" လို့ ပြောလိုက်တယ်။
"ပတ်ပတ်လည်မှာက စွန့်ပစ်ထားတဲ့ ကားတွေက အများကြီးပဲ့။ အခုအခြေအနေမှာဆို ဘတ်စ်ကား ဒါမှမဟုတ် ထရပ်ကား အနည်းငယ်ကို ရှာတွေ့နိုင်မှာ မဟုတ်ဘူးလို့တော့ ငါမထင်ပါဘူးလို့" သူက ဆက်ပြောလိုက်တယ်။
ဝေယင်းက သူ့စကားရဲ့အဓိပ္ပါယ်ကို ချက်ချင်းနားလည်လိုက်တယ်။ နတ်ဆိုးအဖွဲ့ကို သူတို့နဲ့အတူ အသက်ရှင်ကျန်ရစ်သူစခန်းဆီ ပြန်လိုက်ခိုင်းဖို့ဆိုတာက မဖြစ်နိုင်တဲ့ကိစ္စပဲ။သက်ပြင်းတစ်ချက်ချရင်း “လူအိုကျန်း မင်းတို့ တကယ်ပြန်မလာတော့ဘူးလား” လို့ မေးလိုက်တယ်။
"ဗိုလ်ကြီးဝေ ငါတို့က ကယ်ဆယ်ရေးတာဝန်ကို ပြီးမြောက်အောင် အတတ်နိုင်ဆုံး လုပ်ထားပြီးသား။ ညီအကိုတွေ အများကြီး ဆုံးရှုံးခဲ့ရတယ်။ သူတို့ရဲ့ မိသားစုတွေကို ငါတို့ မစွန့်ပစ်နိုင်ဘူး၊ ငါတို့က သူတို့ကို ကယ်တင်ရမယ်။ အဲဒါကိုလည်း ငါတို့ရဲ့ညီအစ်ကိုတွေဆီ ကတိပေးခဲ့တယ်"
"မင်းတို့ နားလည်ပြီး ငါတို့ရဲ့ ဆုံးဖြတ်ချက်ကို ဗိုလ်မှူးတွေဆီ အရောက်ပို့ပေးဖို့ ငါမျှော်လင့်ပါတယ်" ပြောလိုက်တယ်။ကျန်းယွမ်ရဲ့ အသံက မယိမ်းယိုင်သွားပေ။
ညှိနှိုင်းရန်မရှိတော့မှန်းသိသဖြင့် ဝေယင်းက စိတ်လျော့ကာ "ငါနားလည်ပါပြီ။ မင်းတို့နဲ့အတူဘယ်နှစ်ယောက်လောက်ရှိနေပြီလဲ" လို့မေးလိုက်တယ်။
"မစ်ရှင်ပစ်မှတ်နဲ့ သူ့သူငယ်ချင်းတွေအပြင် ငါတို့ဆီမှာ အရပ်သား ၂၅၀ လောက်ရှိတယ်။ တချို့က စွမ်းအင်တွေ နိုးထလာပြီးပြီ မင်းအတွက် အသုံးဝင်နိုင်တယ်" ဟု ကျန်းယွမ် က ပြန်ဖြေသည်။
အရေအတွက်က သိပ်မများဘူးလို့ကြားတော့ ဝေယင်းက စိတ်သက်သာရာရသွားပြီး "မင်းတို့မှာ ရိက္ခာဘယ်လောက်ရှိလဲ" လို့ နောက်မေးခွန်းတစ်ခုကိုမေးလိုက်တယ်။
လင်းယုန်အဖွဲ့က အရပ်သားများကို ကယ်ထုတ်သွားစေလိုလျှင် သူအနေနဲ့ တွန့်တိုနေရန် မတတ်နိုင်မှန်းကို ကျန်းယွမ်ကသိတာမို့ "အခုအချိန်မှာတော့ မင်းရဲ့အဖွဲ့နဲ့ အသက်ရှင်ကျန်ရစ်သူတွေအားလုံးက တစ်လလောက်နေနိုင်ဖို့အထိ လုံလောက်တယ်" ဟု ပြောခဲ့သည်။
"လောလောဆယ်မှာတော့ စက်ရုံခရိုင်ထဲက ဖုတ်ကောင်တွေကို ရှင်းထုတ်နေတယ်။ ရိက္ခာတွေကို ပိုစုဆောင်းနေတယ်။ မင်းရောက်လာတဲ့အချိန်ကြရင်တော့ ခွဲဝေရေးအကြောင်း ဆွေးနွေးလို့ရတယ်"
ဖုန်းခေါ်ဆိုမှုအတွင်း၌ ပထမဆုံးအကြိမ်အဖြစ် ဝေယင်းရဲ့ တင်းမာသောမျက်နှာပေါ်တွင် အပြုံးတစ်ခုပေါ်လာသည်။ "ကောင်းပြီ ငါ့အဖွဲ့ကရောက်ခါနီးပြီ။ ငါတို့ တစ်နာရီလောက် နေရင်ဆုံကြမယ်" လို့ ပြောရင်း သူ့လေသံကပျော့သွားတယ်။
"ကောင်းပြီ"
ဖုန်းခေါ်ဆိုမှုအားအဆုံးသတ်ပြီးတဲ့နောက်မှ ကျန်းယွမ်က ခေါင်းယမ်းလိုက်ပြီး "ဘယ်လောက်တောင် ကောက်ကျစ်တဲ့ မြေခွေးတစ်ကောင်လဲ" လို့ ရေရွတ်လိုက်တယ်။
ချင်လူဇီကို လှည့်ကြည့်လိုက်ပြီးတော့ "အဘိုးကြီးချင်၊ ဘာဖြစ်နေတာလဲ"လို့မေးလိုက်တယ်။
"ဒုကပ္ပတိန်၊ အသက်ရှင်ကျန်ရစ်သူအသစ်တွေထဲက တစ်ဦးက စွမ်းရည်နိုးထလာခဲ့ပြီး နောက်တစ်ဦးကတော့ ဖုတ်ကောင်အဖြစ်သို့ ပြောင်းလဲဖို့ အခွင့်အလမ်းမြင့်မားတယ်။ တစ်ဦးကတော့ ဗီဇပြောင်းသွားခဲ့ပြီဖြစ်ပါတယ်။ ကျွန်ုတော်တို့က ဗီဇပြောင်းလဲသွားတဲ့တစ်ယောက်ကို ရှင်းလင်းထားပြီးဖြစ်ပါတယ်"
တိုတိုတုတ်တုတ် တင်ပြမှုကိုကြားသော် ကျန်းယွမ်ရဲ့ ရင်ဘတ်တွင် လေးလံမှုတစ်ခု ရောက်ရှိလာတယ်။ ဒါပေမယ့် သူ့ခံစားချက်တွေက သူ့ဆုံးဖြတ်ချက်ကို မထိန်းချုပ်နိုင်ပါဘူး။ သူက ခေါင်းညိတ်ပြီး "ကောင်းပြီ" ဟုပြောလိုက်သည်။
"ယင်းယွိီရှန်း၊ ဖုန်းယွင် နဲ့ ရှောင်ချီကို ခေါ်လိုက်" ဟု သူက ဆက်ပြောလိုက်တယ်။
“နားလည်ပါပြီ"လို့ပြောပြီး ညီအစ်ကိုတွေကိုခေါ်ဖို့ ထွက်သွားခဲ့သည်။
မကြာခင်မှာပဲ့ ယင်းယွီရှန်း ၊ရှောင်ချီ နှင့် ဖုန်းယွင်တို့ ရောက်လာကြတယ်။ စစ်သားတွေက ကျန်းယွမ်ကို အလေးပြုကြပြီး ဖုန်းယွင်ရဲ့လှုပ်ရှားမှုတွေကတော့ တင်းမာ နေပြီး အဆင်မပြေသော်လည်း တုန်တုန်ယင်ယင်ဖြင့် သူတို့ကို အတုယူသည်။ သူက စစ်သားမဟုတ်ဘူး။ ဒါကြောင့် အမူအရာက သူ့အတွက်တော့ သဘာဝမကျသလိုပဲ ခံစားရသည်။
သူမသက်မသာဖြစ်နေတာကို သတိထားမိတော့ ကျန်းယွမ် က တခစ်ခစ်ရယ်ပြီး "ဖုန်းယွင် မင်းကသူတို့လို လုပ်စရာမလိုဘူး။ ပုံမှန်အတိုင်းပဲနေ"လို့ပြောလိုက်တယ်။
ဖုန်းယွင်က ခေါင်းညိတ်ပြသော်လည်း သူ့နောက်ကျောကို တည့်မတ်အောင်ထိန်းထားကာ "ဟုတ်ကဲ့ ဒုဗိုလ်ကြီး" လို့ပြန်ဖြေလိုက်သည်။
သူ့ပုံစံကိုမြင်တော့ ကျန်းယွမ်က ဒီကိစ္စကို ဖိအားမပေးတော့ဘူး။ အဲဒီအစား သူလုပ်နေတဲ့အလုပ်ဆီကိုပဲ့ အာရုံပြန်ပြောင်းသွားတယ်။
"လင်းယုန်အဖွဲ့က တစ်နာရီအတွင်းမှာ ရောက်လာလိမ့်မယ်။ မင်းတို့သုံးယောက်ကတော့ စာရင်းယူပြီး လူ၅၀၀ အတွက် နှစ်လစာရှိတဲ့ ရိက္ခာတွေကို ပြင်ဆင်ဖို့ လိုတယ်"
ယင်းယွီရှန်းက သူ့အမိန့်ကိုကြားတော့ မျက်မှောင်ကြုတ်ပြီး "ဒုဗိုလ်ကြီး၊ ငါတို့က ဒီလောက်ပေးလိုက်ရင် ကျန်တာတွေက ငါတို့အတွက် တစ်ပတ် နှစ်ပတ်လောက်ပဲ လုံလောက်မယ်" လို့ပြောလိုက်တယ်။
"ကပ္ပတိန်က သူတို့အတွက် နှစ်လစာ လုံလောက်တဲ့ ရိက္ခာတွေကို ပြင်ဆင်ပေးဖို့ ငါတို့ကို အမိန့်ပေးထားပြီးသား။ သူတို့က အသက်ရှင်ကျန်ရစ်သူတွေကို ခေါ်ထုတ်သွားမှာမို့ သူတို့ကို ထောက်ပံ့ပေးဖို့အတွက်ကတော့ သင့်တော်ပါတယ်" ဟု ကျန်းယွမ်က ပြန်ဖြေလိုက်တယ်။
သူတို့ရဲ့ စိုးရိမ်မှုကို သတိပြုမိတော့ "စိတ်မပူပါနဲ့။ ငါတို့ရဲ့ ဗိုလ်ကြီးမှာ အစီအစဉ်ရှိတယ်။ မင်းတို့ အခုသွားလို့ရပြီ"လို့ ထပ်ပြောလိုက်တယ်။
ဗိုလ်ကြီး နှင့် ဒု-ဗိုလ်ကြီးတို့က ဆုံးဖြတ်ချက်ချပြီးပြီးဆိုတေယ့ အမိန့်ကို လိုက်နာရုံသာရှိတော့သည်။ သူတို့သုံးဦးက သံချပ်ကာယာဉ်တစ်စီးဆီသို့ ဦးတည်ကာသွားလိုက်ကြတယ်။
ရှောင်ချီ နှင့် ဖုန်းယွင်တို့က သူတို့ရဲ့နေရာလွတ်ကို စစ်ဆေးစဉ်တွင် ယင်းယွီရှန်းကတော့ ရိက္ခာအမျိုးအစားနှင့် ပမာဏများကို ရေးမှတ်ထားပြီး သူတို့တွင်ရှိသောအရာများကို ပြန်လည်တင်ပြသည်။
ဖုန်းယွင်က သူ့အတွက် အထောက်အပံ့အချို့ကို လျှို့ဝှက်ယူသွားမှာကို စစ်သားများကစိတ်မပူပေ။ သူလုပ်ခဲ့ရင်တောင်မှ သူတို့ကဘာမှလုပ်လို့ မရဘူး။
သူ့နေရာနဲ့သူ အသုံးပြုတဲ့ တန်ဖိုးကို သူတို့က လက်ခံထားပြီးသားပါ။ သူတို့သွားမယ့်နေရာကို ရောက်တာနဲ့ လမ်းခွဲလိုက်ကြမယ်။ ဒါပေမယ့် သူက ရိုးရိုးသားသားဆိုရင် သူ့ကို သူတို့အဖွဲ့ထဲက တစ်ယောက်အနေနဲ့ ဆက်ဆံပြီး သူ့ကို အသင်းမှာ ဆက်နေခွင့်ပေးမယ်။
စာရင်းကို အပြီးသတ်ရန် မိနစ်ငါးဆယ်ကြာသည်။ နံပါတ်များကို ဆန်းစစ်ပြီးနောက်တော့ ယင်းယွီရှန်းက ပြုံးလိုက်တယ်။ ဖုန်းယွင်ကမည်သည့်အရာကိုမျှ ဖုံးကွယ်ထားခြင်း မရှိခဲ့ဘဲ အရာအားလုံးကို နောက်ဆုံးအသေးစိတ်အထိ အစီရင်ခံခဲ့သည်။
သူက ရိုးသားမှုရှိပြီး သူတို့အသင်းရဲ့အဖွဲ့ဝင်တစ်ဦးအဖြစ် အံဝင်ခွင်ကျဖြစ်နိုင်သည်။ သူတို့ရဲ့ ကပ္ပတိန်က အရပ်သားဖြစ်ပေမဲ့ သူ့အဖွဲ့ထဲကို ဝင်ခွင့်ပြုဖို့ သဘောတူခဲ့တာက အံ့သြစရာမရှိပါဘူး။
အချိန်အတော်ကြာ ဆွေးနွေးပြီးနောက်တော့မှ လင်းယုန်အဖွဲ့အား ပေးမည့်ရိက္ခာများစာရင်းကို ကျန်းယွမ်ထံ တင်ပြရန် သွားခဲ့သည်။
စာရင်းကိုဖတ်ရင်း ကျန်းယွမ်က ခေါင်းညိတ်ကာ "ငါတို့မှာ ချန်းဖုန်း နဲ့ ခယ်မ ရှိတယ်၊ ဒါကြောင့် ရေအများကြီး မလိုဘူး။ သူတို့အတွက် တွင်းထွက်ရေတွေ ထပ်ထည့်လိုက်"လို့ပြောလိုက်တယ်။