အခန်း (၁၁၉)
Vol. 8 Ch. 119
လင်းယုန်အဖွဲ့က သူတို့ရဲ့အဝတ်အစားတွေအားလုံးကို မလဲလှယ်ခဲ့ဘဲ ညစ်ပတ်တဲ့ အင်္ကျီဝတ်တွေကိုဖယ်ကာ သူတို့ရဲ့အတွင်းဘက်ကအဝတ်တွေဖြစ်တဲ့ တီရှပ်များကိုသာ ၀တ်ထားသောကြောင့် ယခင်ကထက် ပိုသန့်ရှင်းနေပုံရသည်။
သူတို့ခန္ဓာကိုယ်မှာ သွေးမည်းတွေ ဒါမှမဟုတ် အသားပုပ်တွေမရှိတော့မှသာ ရှောင်ချီ နှင့် ယင်းယွီရှန်းက သူတို့ကို ထမင်းစားခန်းဆီ ခေါ်သွားလိုက်တယ်။ ထမင်းစားခန်းလို့ ခေါ်ပေမယ့် အဲဒါက လုံးဝကိုသေးငယ်တဲ့ အစားအသောက်ပြင်ဆင်တဲ့ နေရာလေးတစ်ခုပါပဲ။
သူတို့ အသက်ရှင်ကျန်ရစ်သူတွေကို ဖြတ်သွားတဲ့အခါတွင် အသက်ရှင်ကျန်ရစ်သူများရဲ့ အကြည့်တွေကို သူတို့သတိပြုမိကြတယ်။
ယာယီ အသက်ရှင်ကျန်ရစ်သူစခန်းရှိလူများနှင့်မတူဘဲ၊ ဤနေရာ၌ တွေ့ဆုံခဲ့ကြသော အသက်ရှင်ကျန်ရစ်သူများသည် စစ်သားများကို ကြည့်ရှုသောအခါတွင် ကျေးဇူးတင်ခြင်း သို့မဟုတ် စိတ်သက်သာရာရမှု တစ်စုံတစ်ရာမှ မပြသကြပေ။ အဲဒီအစား၊ သူတို့က အမှားတစ်ခုခုလုပ်မိသွားသကဲ့သို့ သူတို့ကို အပြစ်တင်သည့်အရိပ်အမြွက်ဖြင့် စိုက်ကြည့်နေကြသည်။
လင်းယုန်အဖွဲ့ မသက်မသာဖြစ်နေတာကို သတိပြုမိတာကြောင့် ယင်းယွီရှန်းက"သူတို့ကို စိတ်ထဲမထားနဲ့၊ တချို့က ခင်ဗျားတို့နောက်ကျမှရောက်လာတာကို အပြစ်တင်နေတာ" လို့ ပြောလာတယ်။
ဒါကိုကြားတော့ လင်းယုန်အဖွဲ့ရဲ့ အဖွဲ့ဝင်တစ်ယောက်ကမေးလာတယ် "ဘာလို့ ငါတို့ကို အပြစ်တင်နေကြတာလဲ၊ ငါတို့က အသက်အန္တရာယ်နဲ့စွန့်စားပြီး ဒီကိုလာဖို့ ငါတို့ အစွမ်းကုန်ကြိုးစားခဲ့တယ်"
ရှောင်ချီက ပခုံးတွန့်ပြီး "ငါတို့လည်း မသိဘူး၊ သူတို့ထဲက အများစုက သူတို့ကို ကယ်ဆယ်ပြီး ကာကွယ်ဖို့က ငါတို့တာဝန်လို့ ထင်နေကြတယ်။ သူတို့ကို ငါတို့က အစာနှင့်ရေပေးဖို့ မျှော်လင့်နေကြတယ်"
"မင်းက သူတို့အတွက် အပြင်မှာ ပစ္စည်းတွေရှာရင်း အသက်စွန့်နေတာလား မစွန့်ဘူးလားဆိုတာကို ဘယ်သူမှ ဂရုမစိုက်ကြဘူး။ မင်းကလခယူထားတာကြောင့် သူတို့ကို အကြွေးတင်နေတယ်ဆိုတာပဲ သူတို့ကသိတယ်။
အဲဒါကိုကြားတာနဲ့ မျက်မှောင်ကြုတ်ပြီး တခြားစစ်သားကပြောလာတယ် “ဒါပေမဲ့ ဒါက ငါတို့အလုပ်ကနေ ရတဲ့ငွေပဲ”
ဒီတစ်ကြိမ်မှာတော့ ယင်းယွီရှန်းက ရယ်မောပြီးပြောလာတယ် " မင်းရဲ့လစာက အခွန်ကနေပေးတာ။ သူတို့က အခွန်ပေးတဲ့အတွက် သူတို့ရဲ့အတွေးခေါ်အရဆို မင်းက သူတို့အတွက် အလုပ်လုပ်နေတာပဲ့တဲ့"
"ဘာလိုတောင် အဓိပ္ပာယ်မရှိတဲ့ အတွေးအခေါ်တွေလည်း" နောက်ထပ် စစ်သားတစ်ယောက်က မတတ်နိုင်ဘဲကျိန်ဆဲ မိတော့တယ်။
"အစ်ကို အခုဆို ကျွန်တော်တို့ရဲ့ဗိုလ်ကြီးက အသက်ရှင်ကျန်ရစ်သူတွေကို ကယ်ဆယ်ဖို့ ဘာကြောင့် မလုပ်ခဲ့တာလဲဆိုတာကို မင်းနားလည်သွားပြီလား။ သူတို့က မျက်လုံးဖြူဝံပုလွေတွေချည်းပဲ။ ငါတို့ရဲ့ ကရုဏာနဲ့ မျိုးချစ်စိတ်တွေကို အကြွင်းမဲ့ အခွင့်ရေးယူနေကြတာ" လို့ ပြောကာ ရှောင်ချီက သက်ပြင်းတစ်ချက်ချလိုက်သည်။
လင်းယုန်အဖွဲ့က ထိုစကားကိုကြားသောအခါမှာတော့ ပို၍တောင် မျက်မှောင်ကြုတ်သွားကြတယ်။ ရှောင်ချီ နှင့် ယင်းယွီရှန်းတို့ရဲ့ စကားလုံးများ နောက်ကွယ်က ပိုမိုလေးနက်သော အဓိပ္ပါယ်ကို ကျန်တဲ့အဖွဲ့ဝင်များက အပြည့်အဝ နားမလည်ကြသော်လည်း ဝေယင်းကတော့ ၎င်းကို ကောင်းစွာ နားလည်သည်။
ဒီလူတွေက သူတို့နဲ့အတူအသက်ရှင်ကျန်ရစ်သူစခန်းဆီ ပြန်လိုက်လာမှာဖြစ်တဲ့အတွက် သူတို့ကို(အသက်ရှင်ကျန်ရစ်သူများ) ထိန်းထားနိုင်ဖို့အတွက် စည်းမျဉ်းအချို့ ချမှတ်ထားဖို့လိုတယ်။ မဟုတ်ရင်တော့ သူတို့ရဲ့ နောက်ကျောကို ဓားနဲ့ထိုးလာကြလိမ့်မယ်။
သူတို့လမ်းလျှောက်လာတာကိုတွေ့တော့ လီစီခိုင် ၊ ဖုန်းယွင် နှင့် ချန်ချန်းဖုန်းတို့က မတ်တပ်ထရပ်ပြီး ဝေယင်းကိုအလေးပြုကာ "ဗိုလ်ကြီးဝေ" ဟု ခေါ်လိုက်သည်။
ဝေယင်းက မျက်နှာသစ်တစ်ယောက်ကို သတိပြုမိလိုက်တော့ "ဒါက မင်းတို့ရဲ့အဖွဲ့ဝင်အသစ်လား" လို့မေးလိုက်တယ်။
လီစီခိုင်က ခေါင်းညိတ်ပြီး "ဗိုလ်ကြီးဝေ ဒါက ဖုန်းယွင် ပါ။ သူက ကျွန်တော်တို့နဲ့ လက်တွဲထားပြီး စစ်သားတော့မဟုတ်ဘူး၊ ဒုဗိုလ်ကြီးက သူ့ကို စစ်စည်းကမ်းကနေ ကင်းလွတ်ခွင့်ပေးပြီးသား" လို့ ပြန်ဖြေတယ်။
သူ့ရှေ့တွင်ရပ်နေသော ဖုန်းယွင်က ကြောက်ရွံ့မှု သို့မဟုတ် သိမ်ငယ်သောအမူအရာများကို မပြခဲ့ပေ။ ဝေယင်းရဲ့အကြည့်ကို သူတွေ့သော်လည်း ဘာမှမပြောဘူး။
ဒါကိုမြင်တော့ ဝေယင်းက ပြုံးပြီး “သူက ပျိုးပင်ကောင်းပဲ့” လို့ ပြောလိုက်တယ်။
"ဖုန်းယွင် ကျေးဇူးပြုပြီး ငါတို့ညီအစ်ကိုတွေရဲ့ အစားအစာအတွက် ဝက်အူချောင်းတွေ ထုတ်ပေးလိုက်ပါအုံး"ဟု ယင်းယွီရှန်းက ပြောလိုက်တယ်။
ဒါကိုကြားတော့ ဖုန်းယွင်က ခေါင်းညိတ်ပြပြီး သူ့လက်ကို ဝှေ့ယမ်းလိုက်တော့ ဝက်အူချောင်းထုပ်ပေါင်းများစွာ ထွက်လာပြီး စားပွဲပေါ်ကျသွားတယ်။ လင်းယုန်အဖွဲ့က ဒါကိုမြင်တော့ သူတို့ရဲ့မျက်လုံးတွေဟာပြူးကျယ်နေပြီး အံ့သြတကြီးဖြစ်နေကြပါတယ်။
"ဗိုလ်ကြီးဝေ ကျွန်တော်တို့အဖွဲ့မှာက အာကာသနေရာလွတ် စွမ်းရည်အသုံးပြုသူ နှစ်ယောက်ရှိတယ်။ ဒါကြောင့် ကျွန်တော်တို့ရဲ့ ရိက္ခာတွေကို သိမ်းထားရတာက အဆင်ပြေတယ်" လို့ ရှောင်ချီက ပြုံးပြီး ပြောလိုက်တယ်။
ဝေယင်းက ခေါင်းညိတ်ပြီး "ဒီအာကာသစွမ်းရည်က ဘယ်လိုအလုပ်လုပ်လဲ" လို့ စပ်စုပြီးမေးတယ်။
ရှောင်ချီအစား ဖုန်းယွင်က "ဗိုလ်ကြီးဝေ အာကာသစွမ်းရည်တွေက ကျွန်တော်တို့ရဲ့စွမ်းအင်ကို အများကြီး မသုံးစွဲပါဘူး။ဒါပေမယ့် အဲဒါက ကျွန်တော်တို့ရဲ့ စိတ်စွမ်းအင်ကို ပိုကုန်စေတယ်" လို့ ဖြေခဲ့ပါတယ်။
"ကျွန်တော်တို့က အရာအားလုံးကို အာကာသထဲမှာ လွတ်လွတ်လပ်လပ်သိမ်းဆည်းနိုင်တယ်။ ဒါမှမဟြတ် ထုတ်ယူနိုင်တယ်။ ဒါပေမဲ့ အလွန်အကျွံသုံးရင်တော့ ခေါင်းကိုက်တာ ဒါမှမဟုတ် မူးမေ့သွားတာမျိူး ဖြစ်သွားလိမ့်မည်။ အာကာသစွမ်းရည်အသုံးပြုသူ တစ်ဦးစီတိုင်းမှာ နေရာလွတ်ရဲ့အကျယ်အဝန်းက ကွဲပြားတယ်။ လောလောဆယ်တော့ ကျွန်တော်မှာက ၅၀ စတုရန်းမီတာလောက်ရှိတယ်"
“အရမ်းအဆင်ပြေတယ်” လို့ ပြောကာ ဝေယင်းက ခေါင်းညိတ်ပြသည်။
သူတို့ စကားစမြည်ပြောနေကြစဉ်တွင်တော့ လီစီခိုင် နှင့် ချန်ချန်းဖုန်းတို့က ဝက်အူချောင်းများကို ကင်နေကြသည်။ ဆယ်မိနစ်လောက်ကြာမှာတော့ ဝက်အူချောင်းတွေက အဆင်သင့်ဖြစ်သွားပြီး အစားစာတွေကို ခွဲလိုက်တယ်။
လူတစ်ဦးစီသည် ယာဂုတစ်ပန်းကန်၊ ဖက်ထုပ်တစ်ပန်းကန်၊ ကြက်ဥပြုတ်နှစ်လုံးနှင့် ဝက်အူချောင်း ၃ ချောင်းကို ရရှိခဲ့သည်။ ရေနှင့်ပတ်သက်လို့ပြောရရင်တော့ နတ်ဆိုးအဖွဲ့က အိုးကြီးတစ်လုံးနှင့် ကျိုချက်ထားတာကြောင့် သူတို့က လိုချင်သလောက် ရနိုင်တယ်။
ထိုအရာကိုမြင်သောအခါတွင်တော့ အသက်ရှင်ကျန်ရစ်သူများရဲ့မျက်လုံးများထဲတွင် ဒေါသနှင့်မနာလိုမှုများဖြင့် ပြည့်နှက်သွားတယ်။ သူတို့မှာတော့ ကြက်ဥပြုတ်သာရှိပြီး ဝက်အူချောင်း မရခဲ့ဘူး။ သူတို့ကို ဦးစားပေး စောင့်ရှောက်သင့်တဲ့ ဒီလူတွေက ဘာလို့ သူတို့ထက် ပိုကောင်းတာတွေ စားနေရတာလဲ။
ဒီအချိန်မှာပဲ သူတို့ရဲ့ စိတ်ဓာတ်တွေကပိုဆိုးလာတယ်။ ရိက္ခာတွေက ရှားပါးလာတဲ့အတွက် တခြားသူတွေက သူတို့ထက် ပိုရသွားမှာကို မလိုချင်ကြဘူး။
စစ်သည်များပိုင်ဆိုင်သော ရိက္ခာများဟာ သူတို့ပိုင်ကြောင်းနှင့် ခွဲဝေရေးနဲ့ပတ်သက်တဲ့ ဆုံးဖြတ်ပိုင်ခွင့်ကလည်း သူတို့မှာရှိသည်ဟု အချို့ကပင်ယုံကြည်ကြတယ်။
အသက်ရှင်ကျန်ရစ်သူများကြားတွင် ထိုင်နေသော အန်တီဝိန် က "ဒီစစ်သားတွေက ငါတို့ကို ကောင်းကောင်းဆက်ဆံသင့်တယ်၊ ဒါပေမယ့် သူတို့ကိုယ်တိုင်ကကြတော့ အစားအသောက်ကောင်းကောင်းစားနေပြီး ငါတို့ကို အစာခြောက်ပဲပေးတယ်" လို့ ဝမ်းနည်းစွာနဲ့ ပြောလိုက်တယ်။
သူမနှင့် မနီးမဝေးတွင် ထိုင်နေသော ညီအစ်မဝမ်းက သက်ပြင်းချလိုက်ပြီး "အန်တီဝိန် အဲဒီပစ္စည်းတွေကို စစ်သားတွေက တွေ့ခဲ့တာ အဲဒါတွေကို ဘယ်လိုခွဲရမယ်ဆိုတာ သူတို့မှာဆုံးဖြတ်ပိုင်ခွင့်ရှိတယ်။ ဒါတောင် သူတို့က ငါတို့ကို ပူပူနွေးနွေး အစာခြောက်နဲ့ ရေတွေပေးသေးတယ်" လို့ ပြောလိုက်တယ်။
သူမရဲ့စကားကိုကြားတော့ အန်တီဝိန်က မျက်မှောင်ကြုတ်ပြီး "ရှောင်ဝမ်း မင်းက ဘယ်လိုနည်းနဲ့မှ နုံအလို့မရဘူး။ အဲဒီပစ္စည်းတွေက စက်ရုံကနေသယ်လာတာ။ ငါတို့က စက်ရုံအလုပ်သမားတွေပဲ။ ငါတို့ကသာ ရိက္ခာတွေ ပိုင်တဲ့သူပဲ ဖြစ်သင့်တယ်" လို့ပြောလိုက်တယ်။
အစ်မဝမ်းသည် အဘွားကြီးရဲ့ ကောက်ကျစ်တဲ့ အတွေးအခေါ်နှင့် ကျိုးကြောင်းမဆီလျော်သော စကားများကို ကြားလိုက်ရသည့်အခိုက်တွင်တော့ အစ်မဝမ်းက စကားရပ်ရန်သာ ရွေးချယ်ခဲ့သည်။ အမှန်တရားကိုမြင်ဖို့ ငြင်းဆန် နေသူကို သွေးဆောင်တာက အသုံးမဝင်ပါဘူး။
အသက်ရှင်ကျန်ရစ်သူအများစုသည် အန်တီဝမ်ရဲ့စကားများဖြင့် တဖြည်းဖြည်း ဉီးနှောက်ဆေးခံခဲ့ရသော်လည်း၊ ရှင်းလင်းသောစိတ်ကို ထိန်းသိမ်းထားနိုင်တဲ့ လူအချို့ရှိနေဆဲဖြစ်သည်။ ထို့ကြောင့် နှစ်ရက်အတွင်း၌ပင် အသက်ရှင်ကျန်ရစ်သူများသည် သူတို့ရဲ့စိတ်သဘောထားနှင့် ယုံကြည်ချက်ကွာခြားမှုကြောင့် အုပ်စုနှစ်စုကွဲသွားခဲ့တယ်။
ထိုအချိန်တွင်တော့ ကျိူးလီဇီ နှင့် ကျန်းရွှီယန်းတို့သည် နောက်ဆုံးမှာတော့ ဂိုဒေါင်ဧရိယာ A၊ B နှင့် C ကိုရှင်းလင်းပြီးဖြစ်တာကြောင့် Area D သို့သွားနေကြပြီဖြစ်သည်။ Area C နှင့် D အကြားအကွာအဝေးက အတော်လေးဝေးတာကြောင့် သူမရဲ့ကားကိုသုံးရန် သူတို့နှစ်ယောက်ကဆုံးဖြတ်ခဲ့ကြသည်။
ကျင်းရွှီယန်းက ကားမောင်းနေရင်းနဲ့မေးလာတယ် "အာ့ဇီ ပန်းမျိုးစေ့တွေလည်းယူဖို့ စီစဉ်နေတာလား"