အခန်း (၁၃၁)
Vol. 9 Ch. 131
အခန်း-(၁၃၁)
ချင်လူဇီရဲ့ ဓားမြှောင်က အမျိုးသမီးငယ်တစ်ဦး အကိုက်မခံရမီတွင်ပဲ လျင်မြန်သောလှုပ်ရှားမှုဖြင့် ဖုတ်ကောင်ရဲ့ ဦးခေါင်းခွံကို ထိုးဖောက်ဝင်ရောက်သွားခဲ့သည်။ ဓါးကိုဆွဲထုတ်လိုက်ပြီးသည်နှင့် သူ့ဘေးနားမှ အခြားဖုတ်ကောင်တစ်ကောင်ကို ကန်ထုတ်လိုက်တယ်။
"ဘုန်းး"
ဖုတ်ကောင်က သူရဲ့အဝိုက်ကန်ချက်ကြောင့် ကျယ်လောင်သောအသံနှင့်အတူ မြေပြင်ပေါ်သို့ ပြုတ်ကျသွားသည်။
"ရားးးး"
နောက်ထပ် ဖုတ်ကောင်တစ်ကောင်က ပါးစပ်ကို ကျယ်ကျယ်ဟကာ အမျိုးသမီးငယ်ကို လှမ်းကိုက်သည်။ ဒါကိုမြင်တော့ မြေပြင်ပေါ် ဒူးထောက်ပြီးလဲကျသွားတယ်။ မျက်လုံးတွေကိုမှိတ်ပြီး အကြောက်တရားတွေနဲ့အတူ အော်ဟစ်လိုက်တယ် " ငါ့ကိုကယ်ကျပါ"
သူမတော့သေပြီဟု ထင်လိုက်သောအခါတွင်ပဲ အနက်ရောင်သွေးများက သူမရဲ့မျက်နှာအနှံ့ လာစင်သည်။ စေးကပ်နေသော အရည်များကို ခံစားလိုက်ရသဖြင့် မျက်လုံးကိုဖွင့်ကာကြည့်လိုက်တော့ စစ်ဖိနပ်တစ်ရံကို သူမရဲ့ရှေ့တွင် တွေ့လိုက်ရသည်။
ထိုအမျိုးသမီးကို ချင်လူဇီက သူ့ရဲ့စိတ်အနှောက်အယှက်ဖြစ်နေတဲ့မျက်လုံးတွေနှင့် ငုံ့ကြည့်လိုက်ပြီးတော့ “မင်းအသက်ရှင်ချင်ရင် ပါးစပ်ပိတ်ထား”လို့ ပြောလိုက်တယ်။
သူ့ကစကားဆုံးတာနှင့် နောက်ထပ်တစ်ကြိမ်လှုပ်ရှားလိုက်ပြီး နောက်ထပ်ဖုတ်ကောင်တစ်ယောက်ရဲ့ ခေါင်းထဲကို ဓားနှင့်ထိုးချလိုက်ပြန်တယ်။ အသက်ရှင်ကျန်ရစ်သူများက ဖုတ်ကောင်များကိုသတ်နေတဲ့ သူ့ကိုကြည့်လိုက်ပြီး အခြားလမ်းကြောင်းဆီသို့ အမြန်ပြေးသွားကြသည်။
ထိုအတောအတွင်းတွင်တော့ ကျန်ခဲ့တဲ့ နတ်ဆိုးအဖွဲ့သားများကတော့ ဖုတ်ကောင်များရဲ့ ဦးခေါင်းများကို ရိတ်သိမ်းရင်း အလုပ်များနေပါသည်။ နံရံပေါ်မှာ မတ်တပ်ရပ်ပြီး သူတို့ရဲ့ စွမ်းအင်တွေနဲ့ တိုက်ခိုက်နေတယ်။
ရောင်စုံတိုက်ခိုက်မှုများကြားတွင် ရှောင်ချီက ဖုန်းယွင်ရဲ့ဘေးတွင်ရပ်ပြီး"သူတို့ကိုကြည့်လိုက် ပြောင်ပြောင်လက်လက်ဖြစ်နေပေမယ့် သိပ်ထိရောက်မှုမရှိဘူး။ ဒီနေ့တော့ ညီလေးက မင်းကို ဖုတ်ကောင်တွေအမြန်သတ်တဲ့နည်းကို သင်ပေးမယ်"လို့ ပြောလိုက်တယ်။
သူ့စကားကိုကြားတဲ့အခါတွင် ဖုန်းယွင်က မျက်ခုံးပင့်လိုက်တယ်။ အာကာသစွမ်းရည်အသုံးပြုသူတစ်ဦးအနေဖြင့် သူသည် ထိုးစစ်ကျွမ်းကျင်မှု မရှိသောကြောင့် ရှောင်ချီက ဘာကိုဆိုလိုတာလဲဆိုတာကို သိလိုခဲ့သည်။
"ဘုန်းး"
နောက်အခိုက်အတန့်တွင်တော့ ကြီးမားသော ကျောက်တုံးကြီးတစ်ခုက မည်သည့်နေရာကမှန်းမသိ ထွက်ပေါ်လာပြီး ဖုတ်ကောင်များကို ဖိပြားပစ်ခဲ့သည်။ ရှောင်ချီက သူ့ရဲ့ အာကာသထဲကနေ ကျောက်တုံးကြီးကို ထပ်ခါတလဲလဲဆင့်ခေါ်ကာပြန်ရုတ်သိမ်းတာကို ကြည့်ရင်း သူ့မျက်လုံးတွေက ပြူးကျယ်သွားတယ်။
တိုက်ခိုက်မှုက တောက်ပြောင်ခြင်းမရှိသော်လည်း၊ သူပြောခဲ့သည့်အတိုင်း ရက်စက်ကာ ထိရောက်မှုရှိသည်။ လှုပ်ရှားမှုတစ်ခုက ဖုတ်ကောင်အုပ်စုတစ်ခုလုံးကို ဖယ်ထုတ်နိုင်ပြီး အသားငါးပိအဖြစ်သို့ ပြောင်းလဲသွားစေသည်။
ဖုန်းယွင်ရဲ့ အံ့အားသင့်နေတဲ့အမူအရာကိုမြင်တော့ ရှောင်ချီ က ပြုံးလိုက်ပြီး "ဘယ်လိုလဲ ၊ ငါတို့အာကာသ စွမ်းရည်သုံးသူတွေမှာ အကောင်းဆုံး AOE စွမ်းရည်တွေရှိတယ်။ ဒါကြောင့် ရှက်မနေဘဲ ရင်ဘတ်ကို ကော့ပြီးရဲရဲတင်းတင်းရပ်တည်လိုက်"
ဖုန်းယွင်က ခေါင်းညိတ်က သူ့ကို လက်မထောင်ပြလိုက်ပြီး "အံ့သြစရာပဲ" ဟု ပြောလိုက်သည်။
ချီးမွမ်းခြင်းကို ကျေနပ်သဖြင့် ရှောင်ချီ ဖုတ်ကောင်များကို အသုံးပြုကာ whack-a-mole Game ကို ကစားရန် ဆက်လက်တိုက်ခိုက်ခဲ့သည်။
ရှောင်ချီက ကျောက်တုံးကိုအသုံးပြု၍ ဖုတ်ကောင်များကို သတ်နေတာကို ကြည့်ရင်း ဖုန်းယွင်ရဲ့ စိတ်ထဲမှာ အတွေးတစ်ခု ဖြစ်ပေါ်လာသည်။ 'သူရဲ့ အာကာသစွမ်းရည်က အာကာသတံခါးပေါက်တစ်ခုနှင့် ဆင်တူသောကြောင့် အာကာသ အက်ကြောင်းများကို ဖန်တီးနိုင်လောက်လား'
အောက်က ဖုတ်ကအလုံးအရင်းကို ကြည့်လိုက်ပြီးတော့ 'ဒီလောက်များတဲ့ စမ်းသပ်ခံတွေနဲ့ဆိုရင် ဒီသီအိုရီကို ငါ စမ်းသပ်နိုင်လောက်ပြီ ' လို့ တွေးလိုက်တယ်။
သူရဲ့စွမ်းအင်ကို လက်ညှိုးနှင့် လက်ခလယ်သို့ ပို့လိုက်တော့ သူ့ပတ်ဝန်းကျင်နှင့် ဖြည်းဖြည်းချင်း ချိတ်ဆက်မိသွားတာကြောင့် သူ့စိတ်ထဲက နေရာလွတ်က ပြောင်းလဲသွားတာကို ခံစားလိုက်ရသည်။ သူ့ရဲ့လက်ကောက်ဝတ်ကို လှုပ်ရှားလိုက် ပြီး စွမ်းအင်တွေကို အောက်သို့လွှတ်ချလိုက်တယ်။
သူ့မှာ ဘာမျှော်လင့်ချက်မှ မရှိပေမယ့် နောက်ဆက်တွဲ ဖြစ်ပျက်ခဲ့တာတွေက သူ့ကို အံ့အားသင့်စေခဲ့တယ်။
" ဝုန်းးးး ခလွမ်းးးး"
စက္ကန့်ပိုင်းအတွင်းပဲ အာကာသကွဲကြောင်း တစ်ခုပေါ်လာတယ်။ ဖြစ်ပျက်နေသည့်အရာတွေကို သူ မစီမံနိုင်ခင်မှာပဲ ဖုတ်ကောင်အုပ်စုတစ်စုက အတုံးသေးသေးလေးများအဖြစ်သို့ ခွဲထုတ်မခံလိုက်ရမီတွင် စပါကတီကဲ့သို့ ဆွဲဆန့်ခံလိုက်ကြရသည်။
ထိုအခိုက်အတန့်လေးတွင် ဖြစ်ပျက်ခဲ့သော အဖြစ်အပျက်ကိုတော့ မည်သူကမျှ မမြင်နိုင်ဘဲ ဖုတ်ကောင်အုပ်စုတစ်စုက ရုတ်တရက်ကြီး ပေါက်ကွဲသွားခြင်းသာ ဖြစ်သည်ဟုမြင်ကြသည်။ အနက်ရောင်သွေးတွေနှင့် ပုပ်နေတဲ့အသားစတွေက မြေပြင်ကို ဖုံးလွှမ်းသွားတယ်။
ဖုန်းယွင်ရဲ့ အနားမှာ ရပ်နေတဲ့ ရှောင်ချီက ထခုန်လိုက်ပြီး "အဲဒါ ဘာကြီးလဲ"လို့ အလန့်တကြားအော်ဟစ်လိုက်သည်။
ဖုန်းယွင်က ထိတ်လန့်နေသော်လည်း သူ့လက်ချောင်းထိပ်များကိုလည်း မယုံနိုင်စွာ စိုက်ကြည့်နေသည်။ အခုလေးတင်ပဲ သူ့ရဲ့အာကာသစွမ်းအင်တွေက အက်ကွဲထွက်နေသလို ခံစားလိုက်ရတယ်။
အချိန်အနည်းငယ်သာကြာခဲ့သော်လည်း ပဲပိစပ်လောက်တောင်မကြီးမားတဲ့ အက်ကွဲကြောင်းသေးသေးလေးက ပတ်ဝန်းကျင်ရှိ ဖုတ်ကောင်များကို သူ့အထဲသို့ဆွဲသွင်းသွားတာကို သူမြင်ခဲ့ရတယ်။ ပေါက်ကွဲမထွက်ခင်မှာ သူတို့ဟာ ခါးသီးစွာ ဆွဲဆန့်ခံကြရတယ်။
သူ့ရဲ့သီအိုရီကို ထပ်မံစမ်းသပ်ကြည့်ဖို့ အာရုံစူးစိုက်လိုက်ပြီး လက်ကောက်ဝတ်ကို လှုပ်ရှားလိုက်တယ်။
"ဝုန်းးးး"
ယခုတစ်ကြိမ်တွင်တော့ အာကာသအက်ကြောင်းက စကျင်ကျောက်အရွယ်အစားဖြစ်ပြီး နှစ်စက္ကန့်ကြာသည်။ ဖုတ်ကောင်များရဲ့ အလယ်ဗဟိုတွင် အားကောင်းသော စုပ်ယူမှုအားတစ်ခု ထွက်ပေါ်လာပြီး ဖုတ်ကောင်များကို အပိုင်းပိုင်း ဆွဲဆုတ်သွားခဲ့သည်။
သူ့ရဲ့အနက်ရောင်မီးတောက်တစ်စိတ်တစ်ပိုင်းကိုလည်း စုပ်ယူ ဆွဲထုတ်သွားတာကိုမြင်လိုက်ရသောအခါ ကျင်းရွှီယန်း ရဲ့ မျက်လုံးများက တလက်လက်ဖြစ်သွားတယ်။ သူ့ခေါင်းကို လှည့်ကာကြည့်လိုက်တော့ ဖုန်းယွင်က ဖြူဖျော့သော မျက်နှာဖြင့် နံရံပေါ်တွင် ဒူးထောက်နေတာကို တွေ့လိုက်ရတယ်။
အာကာသအက်ကြောင်းရဲ့ အရွယ်အစားတိုးလာမှုကြောင့် ဖုန်းယွင်ရဲ့ စွမ်းအင်က လုံးဝနီးပါးဆုတ်ယုတ်သွားခဲ့သည်။ တစ်ကိုယ်လုံးမှာနာကျင်နေပြီး ပြင်းထန်စွာသော ခေါင်းကိုက်ဝေဒနာကို ခံစားနေရတာတောင် သူ့ရဲ့နှုတ်ခမ်းထောင့်စွန်းများကတော့ မြှင့်တက်နေသည်။
ဖုတ်ကောင်းအုပ်စုတစ်ခုလုံးရဲ့ အစိတ်အပိုင်းအားလုံးက သွေးမည်းမိုးရွာ နေသလို ဖြစ်သွားတာကြည့်ပြီး သူ ကြည်နူးသွားသည်။ သူ့မှာသာ စွမ်းအင်တွေ းပိုရှိနေရင် သူ့ရဲ့ ကျွမ်းကျင်မှုက မြို့ကိုပင် ဖျက်ဆီးပစ်နိုင်တယ်။
ဤတိုက်ခိုက်ရေးစွမ်းရည်ကို အသုံးပြုလိုက်လို့ သူရဲ့စွမ်းအင်များ ကုန်ဆုံးလုနီးပါးဖြစ်နေသော်လည်း သူရဲ့နေရာမှ အရာဝတ္ထုများကို သိမ်းဆည်းရန် သို့မဟုတ် ထုတ်ယူရန်အသုံးပြုသည့် အခြားစွမ်းအင်အမျိုးအစားမှာမူ ထိတွေ့မှုမရှိဘဲ ကျန်ရှိနေသေးသည်ကို သတိပြုမိခဲ့သည်။
ဤရှာဖွေတွေ့ရှိမှုကြောင့် အာကာသအမျိုးအစား စွမ်းရည်အသုံးပြုသူများက အခြားသူများနှင့် အခြေခံအားဖြင့် ကွာခြားနိုင်တာကို သိရှိစေခဲ့တယ်။
သူကတော့ သူ့အတွေးထဲတွင် ပျောက်ဆုံးနေချိန်တွင်
ဝိန့် ညီအစ်ကိုများက ကွေးသွားသောသတ္တုနံရံကို ကြည့်လိုက်ပြီးနောက် ဖုန်းယွင်ကိုကြည့်လိုက်သည်။ ဘာမှ မပြောပေမယ့် အားလုံးက ဒီအခိုက်အတန့်ကို သတိပြုမိကြတယ်။
အာကာသစွမ်းရည်က ဤမျှထိတ်လန့်ဖွယ်ကောင်းမယ်လို့ မည်သူကမျှ မမျှော်လင့်ထားခဲ့ကြပေ။ တစ်ချက်လှုပ်ရုံဖြင့် ဖုန်းယွင်က ရာနှင့်ချီသောဖုတ်ကောင်များကိုသတ်ပစ်ခဲ့သည်။ ဒီအရည်အချင်းကိုသာ ဆက်ပြီးထိန်းထားနိုင်ရင် အနာဂတ်မှာ ထူးချွန်ပြီးအပြင်းထန်ဆုံးသော စွမ်းရည်အသုံးပြုသူ ဖြစ်လာနိုင်ပါတယ်။
လူတိုင်းက ထိတ်လန့်တုန်လှုပ်နေချိန်တွင်
ကျိူးလီဇီကတော့ သူ့ကို တစ်ချက်မျှသာ ကြည့်လိုက်သည်။
သူမရဲ့ အတိတ်ဘဝတွင် ဖုန်းယွင်က အဆင့်လေး အာကာသ စွမ်းရည်ကို အသုံးပြုသူဖြစ်သော်လည်း သူ့ထက် အားကောင်းသူများကို တိုက်ခိုက်နိုင်သည်။ သူ့ရဲ့အာကာသဓားက သူရဲ့ဝှက်ဖဲဖြစ်သည်ဟု သူမထင်ခဲ့တယ်။ ဒါကသာသူ့ရဲ့ ဝှက်ဖဲ အမှန်ပဲဆိုတာ သိသာပါတယ်။ သူကိုယ်တိုင် ဖုတ်ကောင်တွင်းကို ဖျက်ဆီးနိုင်ခဲ့တာက အံ့သြစရာမဟုတ်တော့ဘူး။
ရှောင်ချီက ဖုန်းယွင်ရဲ့ အခြေအနေကို သတိပြုမိတော့ ပြောလိုက်တယ် "အစ်ကို မင်းက ဘာဖြစ်လို့ ကြောက်စရာကောင်းအောင် ပြုံးနေရတာလဲ ၊ အမြုတေထဲက စွမ်းအင်ကို မြန်မြန်စုပ်ယူပြီး မင်းရဲ့ စွမ်းအင်ကို ပြန်ယူလိုက်။ ဖုတ်ကောင်တွေက အများကြီး ကျန်သေးတယ်"
သူ့ရဲ့စကားကိုကြားတော့မှ ဖုန်းယွင်က အာရုံပြန်ရလာပြီး သူ့အိတ်ကပ်ထဲက အကြည်ရောင်အမြုတေတွေကို ထုတ်ယူလိုက်တယ်။ သူ့လက်ဖဝါးထဲသို့ စိမ့်ဝင်နေသော နွေးထွေးသော စွမ်းအင်များကို ခံစားရပြီးနောက်တော့ အမြုတေထဲမှ စွမ်းအင်များကို ဆွဲထုတ်ရန် သူ့စိတ်ကို အာရုံစိုက်လိုက်သည်။
သူ့ခန္ဓာကိုယ်ထဲကို စွမ်းအင်တွေကဝင်လာပြီး သူ့ခေါင်းထဲမှာ အဆုံးမသတ်သွားခင် တစ်ကိုယ်လုံးကို တစ်ကြိမ်လှည့်ပတ်သွားတယ်။
စွမ်းအင်ကို စုပ်ယူလိုက်သည့်အခိုက်တွင် သူ့ခန္ဓာကိုယ်ကတစ်စုံတစ်ခု ပြောင်းလဲသွားသလို ခံစားလိုက်ရသော်လည်း ၎င်းက မည်သည့်အရာဖြစ်သည်ကို အတိအကျ မသိနိုင်ပေ။ မိနစ်အနည်းငယ်ကြာပြီးနောက်တော့ သူ့လက်ဖဝါးထက်မှ အကြည်ရောင်အမြုတေဟာ အမှုန်လေးတွေအဖြစ်သို့ ပြောင်းလဲသွားသည်။