အခန်း (၁၂၃)
Vol. 9 Ch. 123
အခန်း-(၁၂၃)
ကျိူးလီဇီရဲ့စကားကိုကြားတဲ့အခါ သူမတို့ထဲက တစ်ယောက်ကပြောလာတယ် "ငါ့ရည်းစားကို ငါ့ရှေ့မှာသတ်ပြီး ငါ့ကို ညစ်ညမ်းစေခဲ့တယ်။ ငါကဘယ်လိုလုပ် ကမ္ဘာကြီးကိုရင်ဆိုင်ပြီး အသက်ရှင်နေနိုင်မလဲ ၊ မင်းဘာမှမသိဘူး"
ကျိူးလီဇီက သူမရဲ့စကားကိုကြားပြီးတဲ့နောက် တိတ်ဆိတ်သွားသည်။ တခဏမျှ တုံ့ဆိုင်းသွားပြီးနောက်မှ သူမ မီးဖိုချောင်သုံးဓားကို ထုတ်ကာ မြေကြီးပေါ်သို့ ပစ်ချလိုက်တယ် " ဆက်မရှင်သန်နိုင်တော့ဘူးလို့ ခံစားရရင် မင်းရဲ့အသက်ကို လက်လွတ်လိုက်။ သူများတွေက မင်းကိုအနိုင်ကျင့်လာတာမျိူး ခွင့်ပြုပေးမယ့်အစား အရာအားလုံးကို အဆုံးသတ်လိုက်တာက ပိုကောင်းတယ်" လို့ ပြောလိုက်တယ်။
ထိုအမျိူးသမီးက သူမရဲ့စကားကြောင့် အံ့အားသင့်သွားတယ်။ သူမကို ဆွဲဆောင်ဖို့ ကြိုးစားအုံးမည်ဟု ထင်ခဲ့သည်။ မထင်မှတ်ထားတာက သူမကို ဓားတစ်ချောင်း ပေးလာလာမှာကိုပဲ။ မျက်ဝန်းမှ မျက်ရည်များ စီးကျလာတော့ သူမကမျက်နှာကိုအုပ်ပြီး ငိုကြွေးတယ်။ 'သူမ မသေချင်ဘူး'
"ငါတို့က ကမ္ဘာပျက်ကပ် အခြေအနေကိုရင်ဆိုင်နေရပြီး မင်းကို ဘယ်သူကမှ ကာကွယ်နိုင်မှာမဟုတ်တော့ဘူး။ မင်းကိုယ်မင်းပဲ့ အားကိုးနိုင်တယ်။ မင်းက သန်မာသောလူတစ်ဦးအဖြစ် အသက်ရှင်နေထိုင်နိုင်ပြီး မင်းချစ်တဲ့သူ တွေကို ကာကွယ်နိုင်မှာ"
ကျိူးလီဇီရဲ့ စကားများက ကြမ်းတမ်းသော်လည်း နှလုံးသားကို ထိမိသွားကြသည်။
အမျိုးသမီးက ငိုပြီးခဏကြာတွင်မှ ဆေးသောက်လိုက်တယ်။ ရေသောက် အဝတ်အစားလဲပြီး အားတင်းပြီး ထရပ်လိုက်တယ်။
တုန်တုန်ယင်ယင် ခြေထောက်များနှင့် မတ်တပ်ရပ်ရင်း “ဒီအကောင်တွေကို ငါ့လက်နဲ့ သတ်ချင်တယ်” လို့ အသံတိုးတိုးနှင့် ပြောလိုက်တယ်။
"ကောင်းပြီ" ကျိူးလီဇီက ခေါင်းညိတ်ပြီး လှည့်ထွက်သွားသည်။
အမျိုးသမီးတွေက သူမနောက်ကို လိုက်လာကြတယ်။ အပြင်ဘက်မှာ နံရံကို မှီ၍ရပ်နေတဲ့ အရပ်မြင့်မြင့်နဲ့ ချောမောသော အမျိုးသားတစ်ဦးကို တွေ့လိုက်သောအခါမှာတော့ ခြေလှမ်းများစွာ နောက်ပြန်ဆုတ်လို့ ကြောက်စိတ်ဖြင့် လှမ်းကြည့်ကြတယ်။
ကျိူးလီဇီက ကျင်းရွှီယန်းရဲ့လက်ကို ဆုပ်ကိုင်လိုက်ပြီး "မကြောက်နဲ့ သူက ငါ့လူပါ။ သူက မင်းတို့ကို ဒုက္ခမပေးဘူး" လို့ပြောလိုက်တယ်။
ယခုအချိန်တွင်တော့ ကျင်းရွှီယန်းက အမျိုးသမီးများရဲ့အကြည့်တွေကို ဂရုမစိုက်တော့ဘဲ ကျိူးလီဇီကို စိုက်ကြည့်နေတယ်။ သူ့နှလုံးခုန်သံက ကျယ်လောင်လွန်းလို့ တခြားဘာအသံကိုမှ မကြားရဘူး။
'အားးးး ၊ အာ့ဇီက ငါက သူ့လူပါဆိုပြီးပြောလိုက်တယ်။ အရမ်းပျော်တာပဲ'
သူရဲ့ အေးစက်ကာ လျစ်လျူရှုသော အမူအရာများကြားမှာမှ သူ့ရဲ့မျက်လုံးများကတော့ သူမအပေါ် ပြင်းထန်သော ခံစားချက်များဖြင့် ပူလောင်နေလေသည်။
ရောယှက်နေသော လက်ချောင်းများကို မြင်လိုက်ရသော အမျိုးသမီးများက ခေါင်းညိတ်ပြသော်လည်း သူတို့ထံမှ ဝေးကွာနေဆဲဖြစ်သည်။
မထွက်သွားခင်မှာ ကျင်းရွှီယန်းက အလောင်းကို မီးရှို့ပြီး ပြာပုံနှင့် မီးလောင်ကျွမ်းနေတဲ့ ကြမ်းပြင်ကိုသာ ချန်ထားခဲ့ပါတယ်။
ထိုအမျိုးသမီးများသည် မြေပြင်ပေါ်ရှိ ပြာပုံများကို ကြည့်ကာ သူတို့ဖြစ်ပျက်ခဲ့သည့်အရာများက အိပ်မက်ဆိုးတစ်ခုလိုပင် ခံစားလိုက်ရတယ်။
ထိုသားရဲတို့က နှိပ်စက်ညှဉ်းပန်းကြလွန်းတယ်။ သူမတို့မျက်လုံးထဲမှာတော့ အဲဒီလူတွေဟာ ဘယ်တော့မှ မလွတ်မြောက်နိုင်တော့တဲ့ တောင်တွေလိုပါပဲ။ သိသာထင်ရှားစွာနဲ့ပဲ့ ထိုအမျိုးသားများဟာ စူပါပါဝါရှိသူတစ်ဦးနှင့် ရင်ဆိုင်ရသောအခါ ပုရွက်ဆိတ်များကဲ့သို့ အားနည်းသွားကြသည်။
ဒီအချိန်မှာ သူမတို့ထဲက တစ်ချို့ကတော့ အဲဒီလူတွေကို တိုက်ခိုက်ဖို့ သတ္တိမရှိခဲ့လို့ နောင်တရတယ်။ သူတို့ကို မသတ်နိုင်ရင်တောင် အနည်းဆုံးတော့ အရှက်ကွဲပြီး စော်ကားခံရမှာ မဟုတ်ဘူး။
ကျိူးလီဇီကတော့ သူမတို့ဘာတွေတွေးနေမှန်းမသိဘဲ သူမတို့ဘက်လှည့်ပြီး "နောက်ကလိုက်၊ အသံမထွက်နဲ့"လို့ ပြောလိုက်တယ်။
အမျိုးသမီးအုပ်စုက ခေါင်းညိတ်ပြပြီး သူမနောက်ကို လိုက်လာကြသည်။ လှေကားထစ်သို့ရောက်သောအခါမှာ ကျိူးလီဇီက သူမရဲ့လက်သီးကို တင်းတင်းဆုပ်လိုက်တော့ သတိလစ်နေသော ယောင်္ကျားတစ်ယောက်ရဲ့ဦးခေါင်းမှ ရေအပ်က ထွက်လာလေသည်။
ဒီယောက်ျားကိုမြင်တော့ မီးဖိုချောင်သုံးဓားကို ကိုင်ထားတဲ့ အမျိုးသမီးက အဲဒီယောင်္ကျားရဲ့လည်ပင်းကို ဖြတ်လိုက်တယ်။
တခဏအတွင်းမှာပင် သူမရဲ့ မျက်နှာအပေါ်သို့ သွေးများ စင်လာပေမယ့် သူမရဲ့လက်ကတော့ ဝှေ့ယမ်းနေတုန်းပဲ။
ဒီလူက သူ့ချစ်သူကိုသတ်ပြီး သူမကို အရှက်တကွဲဖြစ်စေခဲ့တဲ့သူပဲ့။ ဒီသားရဲကောင်ကသေပြီးသားဆိုရင်တောင် သူ့မှာ ပြီးပြည့်စုံတဲ့ ခန္ဓာကိုယ်ရှိမှာကို ဘယ်တော့မှခွင့်မပြုဘူး။
ခဏအကြာတွင်မှ အမျိုးသမီးက နောက်ဆုံးတော့ ရပ်လိုက်ပြီး သူမရဲ့ မျက်နှာပေါ်မှ သွေးများကို သုတ်လိုက်သည်။ သူမက အုပ်စုရဲ့အနောက်ကနေကာ လှေကားမှဆင်းလိုက်လာသည်။ မီးဖိုချောင်သုံးဓားမှာ သွေးများ ရွှဲနစ်နေတာကို တွေ့တဲ့အခါ အမျိုးသမီး အချို့က ရှောင်ခွာသွားကြတယ်။
ကျိူးလီဇီက ဒါကို သတိပြုမိပေမယ့် ဘာမှ မပြောလိုက်ဘူး။ သူမက သူမတို့ကို ဒီလောက်ပဲကူညီနိုင်တယ်။ ကျန်တာတွေကတော့ သူမတို့ကိုယ်တိုင်အပေါ်မှာပဲ မူတည်တယ်။ သန်မာသူတွေကသာ ကမ္ဘာအဆုံးမှာ ရှင်သန်နိုင်မှာဖြစ်တယ်။
သူတို့ဆင်းလာသောအချိန်မှာပဲ ကျင်းရွှီယန်းက ဒါရိုက်တာ ယောင်ရဲ့ လူများကိုသတ်ရန်အတွက် အသင့်ဖြစ်နေစေရန် သူရဲ့ဓားရှည်ကို ထုတ်ယူလိုက်သည်။ ဒါပေမယ့် သူ ခြေတစ်လှမ်းမလှမ်းမီမှာပဲ့ ကျိူးလီဇီက သူ့လက်ကောက်ဝတ်ကို ဆွဲပြီး "အစ်ကိုယန်း သူတို့ကို မသတ်ပါနဲ့၊ သူတို့ရဲ့ အရွတ်တွေကို ဖြတ်လိုက်ရုံပဲ" လို့ ပြောလာတယ်။
သူရဲ့အာ့ဇီက ထိုယောက်ျားများရဲ့အသက်ကို ချမ်းသာပေးစေလိုတဲ့ အကြောင်းရင်းကို မသိသော်လည်း ငြင်းခုံခြင်းမရှိဘဲ “ကောင်းပြီ” ဟုသာ အဆင်သင့်ပြန်ဖြေခဲ့သည်။
ကျင်းရွှီယန်းက တံခါးကို တွန်းဖွင့်လိုက်တော့ အားလုံးက သူ့ဘက်ကို လှည့်ကြည့်လာကြသည်။ သူက မျက်နှာသစ်တစ် ယောက်ဖြစ်နေတာကိုမြင်တော့ အစောင့်တစ်ယောက်က "မင်းကဘယ်သူလဲ" ဟုမေးလိုက်သည်။
ကျင်းရွှီယန်းက အခြေအနေကို စောင့်ကြည့်ပြီးမှ အစောင့်တွေဆီပြေးသွားလိုက်တယ်။
သူ့ကို ဓားရှည်ကိုင်ထားတာမြင်တော့ အစောင့်က လက်ကိုမြှောက်ကာ ကိုင်ထားတဲ့ မီးသတ်ပုဆိန်ကို လှုပ်ရှားလိုက်သည်။
" ကလန် ဒုတ် ကလက်"
မျက်စိတစ်မှိတ်အတွင်းမှာပဲ မီးပုဆိန်က အစောင့်ရဲလက်ထဲမှ လွှတ်ထွက်သွားပြီး နံရံကိုထိမှန်သွားခဲ့သည်။
ဖြစ်ပျက်ခဲ့တာတွေကို ဘယ်သူမှ မမြင်နိုင်လိုက်ကြဘူး။ သို့သော် နောက်အခိုက်အတန့်တွင် ထိုလူငယ်က အစောင့်အကြပ်ဆီသို့ အပြေးအလွှားသွားကာ သူရဲ့ဓားရှည်နှင့် ခုတ်ချလိုက်တယ်။
"အားးးး"
အစောင့်က မြေပြင်ပေါ်သို့ လဲကျသွားကာ အော်ဟစ်လိုက်သည်။ ခြေလက်များဆီမှ သွေးများ စီးကျလာပြီး မြေကြီးကို အနီ ရောင်ဆေးဆိုးထားသလိုဖြစ်သွားသည်။
သူတို့ထဲက တစ်ယောက်ကကို တိုက်ခိုက်တာ မြင်တော့ ကျန်တဲ့ အစောင့်တွေကလည်း လက်နက်တွေနဲ့ ပြေးလာကြတယ်။
ဒီလူတွေဟာ သာမာန်လူတွေဖြစ်ပြီး သူ့ကို အနိုင်ယူဖို့ အခွင့်အလမ်း မရှိပါဘူး။ သူက အစောင့်အကြပ်များကို ဖြတ်ကျော်လာစဉ်တွင် သူရဲ့ဓားရှည်က ထိုသူတို့ရဲ့ အရွတ်များကို ဖြတ်ပစ်လိုက်သည်။
မြေပြင်ပေါ်သို့ လဲကျကုန်ကာ ခြေလက်များမှာလည်း ချက်ချင်းကို သွေးများ စီးကျလာသည်။ ငါးမိနစ်မပြည့်မီတွင်ပဲ အစောင့်အကြပ်များအားလုံးကို ထိမ်းသိမ်းနိုင်ခဲ့ပြီး အားလုံးကနာကျင်စွာ ညည်းတွားလျက် မြေကြီးပေါ်၌ လှဲနေကြသည်။
ကျင်းရွှီယန်းက မီးဖိုခန်းနှင့် ချိတ်ဆက်ထားသော တံခါးကို မကြည့်မီတွင် သွေးများကို သန့်စင်ရန်အတွက် ဓားရှည်ကို အရက်လွဲခုတ်လိုက်ပြီးမှ"အာ့ဇီ ပြီးပြီ" ဟု တည်ငြိမ်စွာပြောလိုက်သည်။
သူပြောပြီးတာနဲ့ တံခါးကို တွန်းဖွင့်ကာ ကျိူးလီဇီက ခန်းမထဲသို့ ဝင်လာပြီး အနောက်တွင်လည်း အမျိုးသမီးတစ်စုက လိုက်လာကြတယ်။
အသက်ရှင်ကျန်ရစ်သူများက သူတို့ကိုမြင်သောအခါမှာတော့ အံ့သြစွာဖြင့် မျက်လုံးများပြူးသွားကြသည်။ တစ်ချို့က သူတို့ရဲ့ မိသားစုဝင်တွေ အသက်ရှင်နေတာကို တွေ့ရလို့ ဝမ်းသာကြပြီး တချို့ကတော့ သူတို့ကို ရွံရှာစက်ဆုပ်ကာ ကြည့်နေကြသည်။