အခန်း (၃၇-၃၈)
Vol. 4 Ch. 37-38
အပိုင်း (၃၇) - ခြေရာလက်ရာနှင့် သဲလွန်စများ
"အစ်ကို အဖေပြောတာတော့ အရင်တုန်းက ရဲရင့်သောဓားစောင့်တပ်တွေဟာ အာဏာရှင်ဆန်လွန်းလို့ အရာရှိတွေရဲ့ စွပ်စွဲပြစ်တင်တာကို ခဲ့ရဖူးတယ်တဲ့ အဲဒါကြောင့် အတွင်းမြို့မှာ သူတို့ ဥပဒေစိုးမိုးရေးလုပ်ပိုင်ခွင့်တွေ ဆုံးရှုံးသွားတာပေါ့ အခုကြည့်ရတာတော့ သူတို့က အာဏာရှင်ဆန်ရုံတင်မကဘူး သူတို့ရဲ့ လုပ်ရပ်တွေကလည်း သိပ်ပြီး မသန့်ရှင်းဘူးထင်တယ်"
ဟု ဖန်ကျစ်ရွှယ် က ဖန်ချန် ကို ပြောလိုက်သည်။
'အစ်ကို' လူကြီးမင်းလုနှင့် အခြားသူများသည် ထိုမိန်းကလေးက နတ်စစ်သူကြီးဖန်ကို "အစ်ကို" ဟု ခေါ်လိုက်သည်ကို ကြားသောအခါ မျက်နှာတွင် သွေးမရှိတော့ဘဲ တစ်ကိုယ်လုံး ကြောက်စိတ်များ လွှမ်းမိုးသွားတော့သည်။
ဒါက စစ်သူကြီးရဲ့ ညီမလေးလား ငါတို့... ငါတို့ ခုနက နတ်စစ်သူကြီးဖန်ရဲ့ ညီမလေးကို စနောက်ခဲ့မိတာလား
တပ်မှူးရွှီမှာလည်း ထိတ်လန့်သွားပြီး အလျင်အမြန် လက်အုပ်ချီ နှုတ်ဆက်လိုက်သည်။
သူ၏ မျက်နှာတွင် အံ့ဩရိပ်များ ပြည့်နှက်နေပြီး အားနာသောလေသံဖြင့်
"ဖန်... စစ်သူကြီးဖန် ကျွန်တော် ခင်ဗျားကို မမှတ်မိလို့ပါ ခွင့်လွှတ်ပေးပါဦး"
ဟု ဆိုသည်။
ရှေ့ကလူက ဘာလို့ ဒီလောက် ရင်းနှီးနေရတာလဲဆိုတာ အခုမှ ရှင်းသွားတော့သည်။
သူသည် နတ်စစ်သူကြီးဖန် ဖြစ်နေသည် မဟုတ်ပါလား လွန်ခဲ့သော ရက်ပိုင်းလေးတင် မြို့တော်အတွင်းရှိ ချင်စုန်း အင်ပါယာမှ သိုင်းသမားများကို အပြတ်ရှင်းပစ်ခဲ့သည့် ပုဂ္ဂိုလ်ကြီး ဓားစောင့်တပ်များပင် ရှောင်ရှားခဲ့ရသော ချင်စုန်းသိုင်းသမားများကို သူက ရှင်းထုတ်ခဲ့ပြီးကတည်းက ဖန်ချန်၏ အကြောင်းမှာ ဓားစောင့်တပ်များအကြား ရေပန်းအစားဆုံး စကားဝိုင်း ဖြစ်ခဲ့သည်။
"တပ်မှူးရွှီ ဒီလူက ခင်ဗျားရဲ့ လူလား"
ဖန်ချန်က လူကြီးမင်းလုကို လက်ညှိုးညွှန်ပြလိုက်သည်။
တပ်မှူးရွှီ၏ ရင်ခုန်သံမှာ မြန်လာပြီး ထိတ်လန့်တကြား ပြန်ဖြေသည်။
"စစ်သူကြီးဖန် ဒါက နားလည်မှု လွဲတာပါ ဒီလူက ကျွန်တော် မကြာခဏ တွေ့ဆုံရတဲ့သူတစ်ယောက် ဖြစ်ပေမဲ့ သူ့ကို သေချာတော့ မသိပါဘူး"
'ငါ့ကို သေချာမသိဘူး' လူကြီးမင်းလုမှာ ကြောင်အမ်းအမ်း ဖြစ်သွားသည်။
မနေ့ကတင် သူတို့ အတူတူ ပျော်ပျော်ပါးပါး အရက်သောက်ခဲ့ကြသေးသည် မဟုတ်ပါလား အခုကျမှ ဘယ်လိုလုပ် မသိတာ ဖြစ်သွားရသနည်း
"ကောင်းပြီ ငါ ဘာလို့ ဒီကို ရောက်နေရလဲဆိုတာ ခင်ဗျား သိလား"
ဖန်ချန်က ထပ်မေးသည်။
သူသည် စကားပြောရင်း တပ်မှူးရွှီ၏ မျက်နှာရိပ်မျက်ကဲကို အကဲခတ်နေသည်။
ယွမ်ကျန်းမှာလည်း တပ်မှူးရွှီသည် ထိုကိစ္စတွင် ပါဝင်ပတ်သက်နေသလားဟု သံသယရှိနေသဖြင့် မျက်တောင်မခတ်တမ်း စိုက်ကြည့်နေသည်။
"ကျွန်တော်... ကျွန်တော် မသိပါဘူး..."
ဟု တပ်မှူးရွှီက ဝေခွဲမရစွာ ဖြေသည်။
ဖန်ချန်က ပြုံးလိုက်ပြီး
"အရာရှိယွမ် ရှင်းပြပေးလိုက်ပါ"
ဟု ပြောသည်။
ယွမ်ကျန်းက အမှု၏ အကြောင်းအရာများကို အသေးစိတ် ရှင်းပြလိုက်ရာ တပ်မှူးရွှီ၏ မျက်နှာမှာ ဖြူလျော့သွားတော့သည်။
သူသည် တကယ့်ကို ကြီးလေးသော ကိစ္စတစ်ခုထဲသို့ ခြေစုံပစ် ဝင်မိသွားပြီ ဖြစ်သည်။
ယွမ်ကျန်းး ရှင်းပြပြီးနောက် ဖန်ချန်က ထပ်လောင်းပြောကြားသည်။
"ငါတို့ ဒီကို ရောက်လာတာနဲ့ လူကြီးမင်းလုနဲ့ သူ့လူတွေက ငါ့ညီမကို လာနှောင့်ယှက်ကြတယ် မကြာခင်မှာပဲ ခင်ဗျား ရောက်လာတယ် အဲဒါကြောင့် ခင်ဗျားကရော ဒီမောင်နှမနှစ်ယောက် ပျောက်ဆုံးမှုနဲ့ ပတ်သက်နေတာလားလို့ ငါ တွေးမိတာ"
တပ်မှူးရွှီ၏ အမူအရာ ပျက်သွားပြီး အသံများ တုန်တုန်ရီရီဖြင့်
"စစ်သူကြီးဖန် ကျွန်တော်က ဒီနားမှာ ရန်ဖြစ်သံကြားလို့ လာကြည့်တာပါ ကျန်တာ ဘာမှ မသိပါဘူး"
"အို ခင်ဗျားက တကယ်ပဲ ဒီကိစ္စထဲကို အမှတ်မထင် ပါဝင်လာတာဆိုရင် ပြောစမ်းပါဦး ငါ့ညီမကို နှောင့်ယှက်ပြီး ဗျူရိုက ရဲမက်တွေကို ဒီလမ်းထဲ လာရင် ခြေထောက်ရိုက်ချိုးမယ်လို့ ခြိမ်းခြောက်နေတဲ့ ဒီလူကြီးမင်းလုကို ငါတို့ ဘယ်လို စီရင်ကြမလဲ"
ဟု ဖန်ချန်က မေးလိုက်သည်။
လူကြီးမင်းလုသည် ချက်ချင်း ဒူးထောက်လိုက်သည်။
"စစ်သူကြီးဖန် ကျွန်တော့်ရဲ့ မသိနားမလည်မှုကို ခွင့်လွှတ်ပေးပါ ကျွန်တော် စစ်သူကြီးကို ရန်စဖို့ မရည်ရွယ်ပါဘူး"
တပ်မှူးရွှီသည် သူ့ကို တစ်ချက်ကြည့်ပြီး မျက်လုံးထဲတွင် အေးစက်သော အရိပ်အယောင်များ ဖြတ်ပြေးသွားသည်။ ထို့နောက် ဖန်ချန်ကို ကြည့်ကာ
"ကျွန်တော် သူ့ကို ဖမ်းဆီးပြီး သေသေချာချာ စစ်မေးပါ့မယ် စစ်သူကြီးအတွက် ကျေနပ်စရာကောင်းတဲ့ ရှင်းပြချက်တစ်ခု သေချာပေါက် ပေးပါ့မယ်"
ဟု ဆိုသည်။
"'လူကြီးမင်းလု တဲ့လား ကိုယ့်ကိုယ်ကိုယ် အဲဒီလို ခေါ်တာနော်"
ဖန်ချန်က တပ်မှူးရွှီကို လျစ်လျူရှုကာ ဒူးထောက်နေသူအနား သွားလိုက်သည်။
"မဟုတ်ပါဘူး... မဟုတ်ပါဘူး... စစ်သူကြီးဖန်၊ ကျွန်တော့်ကို လုငယ်လေးလို့ပဲ ခေါ်ပါ"
လူကြီးမင်းလုမှာ လေထဲက သစ်ရွက်တစ်ရွက်လို တုန်ရီနေရှာသည်။
"ပြောစမ်း ဗျူရိုက ရဲမက်တွေကို ခြိမ်းခြောက်ဖို့ မင်းကို ဘယ်သူခိုင်းတာလဲ နာမည်တစ်ခု ပြောစမ်း"
ဖန်ချန်က ပြုံးလျက် မေးသည်။
လူကြီးမင်းလုမှာ ခေတ္တ တိတ်ဆိတ်သွားပြီးနောက်
"ကျွန်တော်... ကျွန်တော် တစ်ယောက်ဆီက ပိုက်ဆံယူထားတာပါ သူက နဂါးလမ်းမကို စောင့်ကြည့်ခိုင်းပြီး အထူးသဖြင့် ဒီဝင်းထဲကို လာတဲ့သူတွေကို ခြိမ်းခြောက်မောင်းထုတ်ခိုင်းတာပါ"
ဟု ထစ်ထစ်အအဖြင့် ဖြေသည်။
ထို့နောက် သူသည် ထိုသူ၏ ရုပ်ရည်သွင်ပြင်ကို ဖန်ချန်အား ပြောပြသည် သို့သော် ထိုသူ၏ နာမည်ကိုမူ သူ မသိပေ ထိုစကားကို ကြားသောအခါ ဝူအဘွားက ဝင်ပြောသည်။
"သခင်လေး အဲဒီလူကပဲ ကျွန်မကိုလည်း ပိုက်ဆံပေးပြီး ခိုင်းတာပါ"
ဖန်ချန်၏ နှုတ်ခမ်းဖျားတွင် လှောင်ပြုံးတစ်ခု ပေါ်လာသည်။
"ဘယ်သူပဲဖြစ်ဖြစ် နာမည်တော့ မသိရသေးဘူးပဲ ဒါဆိုလည်း မင်းတို့က ခက်ခက်ခဲခဲ နည်းလမ်းကို ရွေးချယ်ချင်ပုံရတယ် အရာရှိယွမ် သူတို့ကို ဗျူရိုကို ခေါ်သွားပြီး စစ်မေးလိုက်ပါ ကျန်တဲ့ ပြစ်မှုတွေရှိရင်လည်း တစ်ခါတည်း ရှင်းပစ်လိုက်ပေါ့"
"ဟုတ်ကဲ့"
ယွမ်ကျန်းသည် ချက်ချင်းပင် လူကြီးမင်းလုနှင့် အခြားသူများကို အော်ဟစ်လိုက်သည်။
"ထကြ အခုချက်ချင်း ထစမ်း"
"တပ်မှူးရွှီ ကျွန်တော် သွားတော့မယ် လိုက်ပို့နေစရာ မလိုဘူး"
ဖန်ချန်က တပ်မှူးရွှီကို ပြုံးပြပြီးနောက် အားလုံးကို ခေါ်ဆောင်ကာ ထွက်ခွာသွားသည်။
ယွမ်ကျန်းက ထွက်ခွာခါနီးတွင် တပ်မှူးရွှီကို တစ်ချက်ကြည့်လိုက်ရာ မျက်လုံးထဲတွင် အားရကျေနပ်မှုများ ပြည့်နေသည်။
"တပ်မှူးရွှီ သူတို့ကို ကျွန်တော်ပဲ ဗျူရိုကို ခေါ်သွားလိုက်တော့မယ် ခင်ဗျားတို့ရဲ့ တာဝန်တွေကို ပေါ့ပါးသွားအောင် လုပ်ပေးတဲ့အတွက် ကျေးဇူးတင်စရာ မလိုပါဘူးဗျာ"
တပ်မှူးရွှီမှာ အံကြိတ်ထားသော်လည်း အတင်းပြုံးပြလျက်
"ကောင်းကောင်းသွားပါ အရာရှိယွမ်"
ဟု ဆိုလိုက်ရသည်။
ဖန်ချန်တို့ ထွက်သွားပြီးနောက် တပ်မှူးရွှီ၏ မျက်နှာမှာ လေးနက်သွားသည်။ သူ၏ လက်အောက်ငယ်သားများက ဖန်ချန်အကြောင်း တီးတိုးပြောနေသည်ကို ကြားသောအခါ သူက လှည့်ကြည့်ပြီး ဟိန်းဟောက်လိုက်သည်။
"ဟင့် မင်းတို့တွေက ခါတိုင်းကျတော့ စကားများလိုက်တာ ခုနကကျတော့ ဘာလို့ ဆွံ့အနနေကြတာလဲ"
"သခင်ကြီး အဲဒါ စစ်သူကြီးဖန်လေ သူ့ရှေ့မှာ ဘယ်သူက ရဲတင်းရဲမှာလဲ သူက ချင်စုန်း ကျောင်းတော်ကြီးကိုတောင် နေ့ခင်းကြောင်တောင် မီးရှို့ပစ်ခဲ့တဲ့သူပဲဥစ္စာ"
ထိုစကားကြောင့် အားလုံးမှာ စိတ်လှုပ်ရှားသွားပြီး ဓားစောင့်တပ်သားတစ်ဦးက
"ပြောရရင်တော့ အဲဒါ တကယ့်ကို အားရစရာပဲ"
ဟု အော်ပြောလိုက်သည်။
"ဟုတ်တယ်"
"ကျွန်တော် အရင်က စစ်တပ်ထဲမှာ စစ်သူကြီးရဲ့ လက်အောက်မှာ တာဝန်ထမ်းဆောင်ခဲ့ဖူးတယ် ကံမကောင်းစွာနဲ့ နောက်မှ ဓားစောင့်တပ်ဆီ ပြောင်းလာရတာ မဟုတ်ရင် လွန်ခဲ့တဲ့ ငါးနှစ်က သုံးလောကတောင် တိုက်ပွဲမှာ စစ်သူကြီးနဲ့အတူ တိုက်ပွဲဝင်ခွင့် ရမှာ"
"ဟုတ်လား ဒါဆို မင်းလည်း အဲဒီမှာ မြေမြှုပ်ခံလိုက်ရနိုင်တာပေါ့"
ဟု တစ်ဦးက နောက်ပြောင်လိုက်သည်။
တပ်မှူးရွှီသည် သူ၏ လက်အောက်ငယ်သားများ စကားကို ဂရုမစိုက်ဘဲ စိုးရိမ်လာမိသည်။
သူသည် ဖန်ချန်နှင့် တည့်တည့်တိုးလိမ့်မည်ဟု မထင်ထားခဲ့ပေ။ ထို့ပြင် ထိုလူကြီးမင်းလုကြောင့် စစ်သူကြီးကို ရန်စမိသလို ဖြစ်သွားခဲ့သည်။
သူ ပိုစဉ်းစားလေလေ တစ်ခုခု မှားနေပြီဟု ခံစားရလေလေဖြစ်သဖြင့် သူ၏ အထက်လူကြီးထံသို့ သတင်းသွားပို့တော့သည်။
သူ၏ အစီရင်ခံချက်ကို ကြားပြီးနောက် တပ်မှူးကြီးက ခေါင်းညိတ်ကာ သူ့ကို ထွက်သွားခွင့်ပေးလိုက်သည်။
ထို့နောက် တပ်မှူးကြီးသည် အတွင်းမြို့ရှိ ကြီးကျယ်ခန်းနားသော အိမ်တော်တစ်ခုဆီသို့ တိတ်တဆိတ် သွားရောက်ခဲ့သည်။
ဖန်အိမ်တော်တွင်
ဖန်ချန် ပြန်ရောက်ပြီး မကြာမီ ထျဲမ ရောက်လာပြီး သတင်းပို့သည်။
"သခင်လေး ရဲရင့်သောဓားစောင့်တပ်က တပ်မှူးကြီး ကျန်းရွှေကျိုး ဟာ အခမ်းအနားရေးရာ ဒုဝန်ကြီးရဲ့ အိမ်တော်ကို ဝင်သွားပါပြီ"
"ကောင်းပြီ။"
ဖန်ချန်က ခပ်ဖွဖွ ခေါင်းညိတ်လိုက်သည်။
ထျဲမ ထွက်သွားပြီးနောက် ဖန်ချန်၏ ဝိညာဉ် သည် သူ၏ ခန္ဓာကိုယ်မှ ထွက်ခွာကာ ဒုဝန်ကြီးအိမ်တော်ဆီသို့ တန်းတန်းမတ်မတ် ပျံသန်းသွားတော့သည်။
ဧည့်ခန်းအတွင်း၌ တပ်မှူးကြီး ကျန်းရွှေကျိုးနှင့် ဒုဝန်ကြီး ချင်တုန်း တို့ အတူထိုင်နေသည်ကို ဖန်ချန် မြင်လိုက်ရသည်။
တပ်မှူးကြီးက ငွေဒင်္ဂါးပြား နှစ်ပြားကို စားပွဲပေါ်တင်လိုက်ပြီး အေးစက်စွာ ပြောသည်။
"လူကြီးမင်းချင် ဒီကိစ္စထဲမှာ ဖန်မိသားစုက အဲဒီလူ ပါဝင်နေတယ်ဆိုတာ ခင်ဗျား ကျွန်တော့်ကို မပြောခဲ့ဘူး ဒီပိုက်ဆံတွေကို ပြန်ယူသွားပါ နောက်လည်း ကျွန်တော့်ဆီ လာမရှာပါနဲ့တော့"
ထိုငွေပြားနှစ်ပြားမှာ တစ်ပြားလျှင် ငွေစ တစ်ထောင်တန်ဖိုးရှိသဖြင့် မနည်းလှပေ။
ချင်တုန်း၏ မျက်နှာမှာ ဖြူလျော့သွားသည်။
"ဒီကိစ္စထဲကို စစ်သူကြီးဖန်က ဘယ်လိုလုပ် ပါဝင်လာရတာလဲ သူနဲ့ ဘာဆိုင်လို့လဲ"
"ကျွန်တော်လည်း မသိဘူး ခင်ဗျား အရင်က အစေခံမလေးတစ်ယောက် ပျောက်တာပဲလေ အဲဒါက ဘာလို့ ဗျူရိုအထိ ရောက်သွားရတာလဲ နှစ်တွေအများကြီး ကြာပြီးမှ ဖန်မိသားစုက လူရဲ့ အာရုံစိုက်တာကို ဘာလို့ ခံလိုက်ရတာလဲ ခင်ဗျား ဘာလုပ်လုပ် ကျွန်တော့်ကိုတော့ ဆွဲမသွင်းပါနဲ့"
ဟု ပြောကာ သူသည် ထွက်သွားတော့သည်။
ချင်တုန်းမှာ ကြောင်အမ်းအမ်းဖြင့် ကျန်ရစ်ခဲ့သည်။ သူ၏ မျက်လုံးထဲတွင် ကြောက်ရွံ့မှုများ အတိုင်းသား မြင်နေရသည်။
"ဟင့် ကြည့်စမ်း ဝန်ကြီးတစ်ယောက် ဖြစ်ပြီးတော့ ဖန်ချန် ပါဝင်လာတယ်ဆိုရုံနဲ့ ဒီလောက်အထိ ကြောက်နေတာ ရယ်စရာပဲ"
ဟု အသံတစ်ခု ထွက်ပေါ်လာပြီး လိုက်ကာနောက်မှ အဘွားအိုတစ်ဦး ထွက်လာကာ ချင်တုန်းကို လှောင်ပြောင်လိုက်သည်။
ချင်တုန်းက ထိုအဘွားအိုကို ကြည့်ကာ အားတင်းပြီး ပြန်ပြောသည်။
"ခင်ဗျား စစ်သူကြီးဖန်က ဘယ်သူလဲဆိုတာ မသိလို့လား အခု သူက သံသယဝင်နေပြီ ခင်ဗျားပဲ ရှင်းအောင်လုပ် ဒီပြဿနာကို ခင်ဗျားပဲ စခဲ့တာ မဟုတ်လား"
အပေါ်မှ ပျံဝဲကြည့်နေသော ဖန်ချန်သည် ထိုအဘွားအိုကို ကြည့်ကာ မျက်နှာထား လေးနက်သွားသည်။
'ကျင့်ကြံသူတွေလား... အင်း ဒီမြို့ထဲမှာ ဝိညာဉ်သွေးဂိုဏ်း က ကျင့်ကြံသူတွေ အတော်များများ ရှိနေပုံရတယ်'
အပိုင်း (၃၈) - အင်ပါယာမှ ထွက်ခွာခြင်း
ထိုအဘွားအို၏ အရှိန်အဝါမှာ ဖန်အိမ်တော်တွင် သေဆုံးသွားခဲ့သော ဝိညာဉ်သွေးဂိုဏ်း ကျင့်ကြံသူနှင့် ဆင်တူနေသည်။ ထိုလူမှာ ချီသန့်စင်ခြင်းအဆင့် စတုတ္ထအဆင့်တွင် ရှိပြီး ထိုအဘွားအိုမှာလည်း ထိုအဆင့်တွင်ပင် ရှိပုံရသည်။
သီအိုရီအရဆိုလျှင် ချီသန့်စင်ခြင်း စတုတ္ထအဆင့် ကျင့်ကြံသူတစ်ဦး၏ အစွမ်းမှာ သိုင်းလောကမှ ချီအမြုတေအဆင့် ပညာရှင်တစ်ဦးနှင့် အဆင့်အတန်း တူညီသင့်သည်။
သို့သော် လက်တွေ့မှာမူ ထိုမျှမရိုးရှင်းပေ။ ကျင့်ကြံသူများ အသုံးပြုသော နည်းလမ်းများသည် သိုင်းသမားများထက် များစွာ သာလွန်သည်။ မြေကမ္ဘာနက်နဲခြင်းအဆင့် ရှိသော စစ်သည်တော်များသာလျှင် သူတို့နှင့် ယှဉ်ပြိုင်နိုင်ဖွယ် ရှိသည်။
ခေတ္တခဏအတွင်းမှာပင် ဖန်ချန် သည် မြို့တော်အတွင်း၌ ကျင့်ကြံသူ နှစ်ဦး ရှိနေကြောင်း ရှာဖွေတွေ့ရှိခဲ့ပြီ ဖြစ်သည်။ နောက်ထပ် ရှိနေဦးမည်လားသူ မသေချာပေ။
"မင်းက ဘာကို ဒီလောက် ကြောက်နေတာလဲ ဖန်ချန်က သူ့ရဲ့ ကျင့်စဉ်တွေ ပြန်ကောင်းလာရုံပဲ ရှိသေးတာ သူက ချီအမြုတေအဆင့်မှာပဲ ရှိသေးတဲ့ သာမန် သိုင်းသမားတစ်ယောက်ပဲဥစ္စာ ဒီကမ္ဘာမှာ တို့လိုလူတွေ ရှိနေတယ်ဆိုတာကို သူ ဘယ်တော့မှ နားလည်နိုင်မှာ မဟုတ်ဘူး"
ဟု သူမက မထီမဲ့မြင် ပြုလျက် လှောင်ပြောင်လိုက်သည်။
"ဒုဝန်ကြီးချင် တို့ဘက်မှာ ရပ်တည်စမ်းပါ ဒါဆိုရင် အောင်မြင်တဲ့ အနာဂတ်က လက်တစ်ကမ်းမှာပဲ ဒီလို ကိစ္စတွေလေးနဲ့ ထိတ်လန့်မနေနဲ့ တာအိုဆရာ ရွှယ် က နတ်သမီး ရှောင်း ကို လိုက်သတ်ဖို့ ထွက်သွားပြီ"
"သူမ သေသွားပြီး အဲဒီသတင်းက ချင်အင်ပါယာဆီ ရောက်သွားတာနဲ့ တတိယ မင်းသားဟာ သေချာပေါက် အသတ်ခံရလိမ့်မယ် အဲဒီအခါ ချင်စုန်းအင်ပါယာက စစ်တပ်တွေ စုရုံးပြီး မဟာရှကို ကျူးကျော်လာလိမ့်မယ် အဲဒီအခါမှာ တို့အတွက် ပူဇော်ဖို့ လိုအပ်တဲ့ သွေးအနှစ်သာရ တွေ အများကြီး ရလာလိမ့်မယ် တစ်ချက်ခုတ် နှစ်ချက်ပြတ်ပေါ့"
ဖန်ချန်၏ မျက်လုံးများ ဝင်းလက်သွားသည်။
သူမ၏ စကားအရ သူမထက် အာဏာရှိသူများ ရှိနေပုံရသည်။ သူမ၏ တာဝန်မှာ သူတို့အတွက် သွေးအနှစ်သာရများကို စုဆောင်းပေးရန်သာ ဖြစ်ပုံရသည်။
ဝိညာဉ်သွေးဂိုဏ်း ဆိုသည်မှာ အင်ပါယာ၏ သွေးကို စုပ်ယူပြီး သူတို့ကိုယ်သူတို့ အာဟာရဖြစ်အောင် လုပ်နေသည့် မျှော့များလိုပင် ဒုဝန်ကြီးချင် အပြင် မြို့တော်ထဲက တခြား ဘယ်ဩဇာရှိသူတွေက ဝိညာဉ်သွေးဂိုဏ်းနဲ့ ပူးပေါင်းနေကြသလဲ ဖန်ချန်သည် ထိုအဘွားအိုကို အေးစက်စွာ စိုက်ကြည့်လိုက်သည်။
သူသည် အင်ပါယာအတွင်းရှိ ထိုသူအားလုံးကို အမြစ်ပြတ် ရှင်းလင်းပစ်မည်
"ဒါတွေက သေးဖွဲတဲ့ ကိစ္စတွေ မဟုတ်ဘူး လွန်ခဲ့တဲ့ ရက်ပိုင်းက နန်းတော်ထဲမှာ ဖန်ချန်က ချင်စုန်းက ချီထိန်းချုပ်ခြင်းအဆင့် ပညာရှင်တစ်ယောက်ကို သတ်ပစ်တာ ကျွန်တော့်မျက်စိနဲ့ တပ်အပ် မြင်ခဲ့တာ"
သူ၏ အသံမှာ တုန်ရီနေသည်။
"တစ်စက္ကန့်အတွင်းမှာပဲ လျှပ်စီးတစ်ချက်နဲ့ အဲဒီပညာရှင်ဟာ မီးကျွမ်းနေတဲ့ အရိုးပုံကြီး ဖြစ်သွားတာဗျ ဒါမျိုးက ဘယ်လိုလုပ် ဖြစ်နိုင်မှာလဲ"
"အဲဒါ ဘာဖြစ်လဲ ဒါတွေက ကလေးကလား လှည့်ကွက်တွေပဲ သာမန် ချီစွမ်းအင်က ဘယ်လိုလုပ် ဝိညာဉ်စွမ်းအင် နဲ့ ယှဉ်နိုင်မှာလဲ"
အဘွားအိုက နှာခေါင်းရှုံ့ရင်း လက်ကို မြှောက်လိုက်သည်။
သူမ၏ လက်ဖဝါးပေါ်တွင် ဝိညာဉ်စွမ်းအင်များ စုစည်းလာပြီး မီးတောက်လုံး တစ်ခု ဖြစ်ပေါ်လာသည်။ ပတ်ဝန်းကျင်၏ အပူချိန်မှာလည်း ရုတ်တရက် မြင့်တက်သွားတော့သည်။
ဒုဝန်ကြီးချင်မှာ ထိတ်လန့်သွားပြီး အနောက်သို့ အမြန် ဆုတ်လိုက်သည်။
"ငါတို့ရဲ့ မီးတောက်လုံး နည်းလမ်းကို မြင်ဖူးတယ် မဟုတ်လား ငါတို့က လူတွေကို ပြာဖြစ်အောင် ရှို့နိုင်ရုံတင်မကဘူး သတ္တုရိုင်းတွေကို အရည်ဖျော်ပြီး လက်နက်တွေ သွန်းလုပ်ဖို့အထိ သုံးလို့ရတယ်"
အဘွားအိုက ရယ်မောလိုက်သည်။
'တာအို နည်းလမ်းတွေလား'
ဖန်ချန်၏ မျက်လုံးများ တဖန် ဝင်းလက်လာသည်။
ထိုမီးတောက်လုံးအတွင်းရှိ ကြောက်မက်ဖွယ် စွမ်းအားကို သူ ခံစားမိသည်။
၎င်းမှာ သူပြုလုပ်ထားသော ခရမ်းရောင်လျှပ်စီး အဆောင် ထက်ပင် ပို၍ အစွမ်းထက်ပုံရသည်။ ကျင့်ကြံသူများမှာ တကယ်ပင် ထူးခြားလှသည်။
နှမြောစရာကောင်းသည်မှာ ယွမ်ဟယ် ပေးခဲ့သော တာအိုနည်းလမ်း သုံးထောင် ထဲတွင် အခြေခံ အခန်းကဏ္ဍသာ ပါဝင်နေခြင်း ဖြစ်သည်။
၎င်းတွင် ချီသန့်စင်ခြင်းအဆင့် ကျင့်စဉ်နှင့် အဆောင်လေးမျိုးသာ ပါဝင်ပြီး တာအို နည်းလမ်းများ မပါဝင်ပေ။
လွန်ခဲ့သော ရက်ပိုင်းက သူ၏ အိမ်တော်တွင် သေဆုံးသွားသော တာအိုဆရာရွှယ်သည်လည်း အဆောင်များကိုသာ အသုံးပြုခဲ့ပုံရသည်။
သူ တာအိုနည်းလမ်းများ သုံးသည်ကို မတွေ့ခဲ့ရပေ။ ထို့ကြောင့်လည်း သူ၏ ကိုယ်ပေါ်တွင် ထိုသို့သော ကျမ်းစာအုပ်များ မရှိနေခြင်း ဖြစ်မည်။
"ကဲ ပြောစမ်းပါဦး ဒုဝန်ကြီးချင် ငါရဲ့ မီးတောက်လုံးက ဖန်ချန်ကို သတ်နိုင်မလား"
အဘွားအိုက ဂုဏ်ယူဝင့်ကြွားသော မျက်လုံးများဖြင့် ကြည့်လိုက်သည်။
"နိုင်တာပေါ့... နိုင်တာပေါ့"
ဒုဝန်ကြီးချင်က ခေါင်းကို အဆက်မပြတ် ညိတ်လိုက်သည်။ သူ၏ မျက်လုံးထဲမှ ကြောက်ရွံ့မှုများ ပျောက်ကွယ်သွားပြီး တည်ငြိမ်သွားပုံရသည်။
အဘွားအိုက သူမ၏ နည်းလမ်းကို ပြန်ရုပ်သိမ်းလိုက်သည်။
"ဒါကြောင့် ဖန်ချန် ကိစ္စကို စိတ်ပူမနေနဲ့တော့ ငါတို့က ကိစ္စတွေကို ပိုပြီး ရှုပ်ထွေးသွားအောင် သူ့ကို အသက်ချန်ထားပေးတာ ဘာပဲဖြစ်ဖြစ် ငါတို့ နဂါးကျောရိုးတောင် ကို သွားတော့မယ် ဒီခရီးစဉ်က ခုနစ်ရက်လောက် ကြာလိမ့်မယ် အဲဒီအချိန်အတွင်းမှာ ဖန်ချန်နဲ့ မတွေ့အောင် ရှောင်နေပါ"
ဒုဝန်ကြီးချင်က ခေတ္တ ဝေခွဲမရ ဖြစ်သွားပြီးမှ
"တာအိုဆရာကျင်းဟွာ ငါတို့တွေ အတူတူ အလုပ်လုပ်လာတာ ရှစ်နှစ်ရှိပြီ ကျွန်တော့်ကို ဘယ်တော့ ကျင့်စဉ်တွေ သင်ပေးမှာလဲ ကျွန်တော့်မှာ ကိုယ့်ကိုယ်ကိုယ် ကာကွယ်နိုင်စွမ်း ရှိရင် ဖန်ချန်ကို ကြောက်နေစရာ မလိုတော့ဘူးလေ"
"ငါတို့က သွေးဝိညာဉ်ဆေးလုံး တစ်လုံး ဖော်စပ်ဖို့ သွေးအနှစ်သာရ အစက်ပေါင်း တစ်သိန်း လိုအပ်တယ် အထက်လူကြီးတွေက ငါတို့ကို ၁၀ လုံး ပေးပို့ဖို့ ခိုင်းထားတယ် ဒီတာဝန် ပြီးသွားရင်တော့ ဆုလာဘ်တွေနဲ့ ရာထူးတိုးတာတွေ ရှိလာလိမ့်မယ်စိတ်ရှည်စမ်းပါ အချိန်တန်ရင် တစ်စုံတစ်ယောက်က မင်းကို ကျင့်စဉ်တွေ ပေးအပ်လိမ့်မယ် အဲဒီအခါ မင်းလည်း ငါတို့လို ဖြစ်လာမှာပါ"
အဘွားအိုက ရယ်မောရင်း ထွက်ခွာသွားသည်။
"သွေးဝိညာဉ်ဆေးလုံး တစ်လုံးအတွက် သွေးအနှစ်သာရ တစ်သိန်း သုံးလောကတောင် တိုက်ပွဲမှာ ခြောက်လုံး စုဆောင်းနိုင်ခဲ့တယ် နောက်ထပ် လေးလုံး လိုသေးတာပေါ့"
ဟု ချင်တုန်းက တိုးတိုးလေး ရေရွတ်လိုက်သည်။
သူ မသိလိုက်သည်မှာ အပေါ်တွင် ပျံဝဲနေသော ဝိညာဉ်၏ မျက်နှာမှာ အလွန်ပင် ဆိုးဝါးသွားခြင်း ဖြစ်သည်။
သူတို့၏ စကားဝိုင်းအရ သုံးလောကတောင် တိုက်ပွဲ၏ နောက်ကွယ်တွင် ကြီးမားသော ကြံစည်မှုကြီး ရှိနေကြောင်း ဖန်ချန် သိလိုက်ရပြီ ဖြစ်သည်။
သူ၏ စစ်သည်တော် ခြောက်သိန်း သေဆုံးခဲ့ရခြင်းမှာ သူ၏ မောက်မာမှုကြောင့်တင် မဟုတ်တော့ဘဲ တစ်ခုခု ရှိနေခဲ့ခြင်းပင်။
ထိုဝိညာဉ်သွေးဂိုဏ်းမှာ ထိုဇာတ်လမ်းတစ်တွဲလုံး၏ နောက်ကွယ်က လက်မည်းကြီး ဖြစ်ပုံရသည်။
သူကတော့ ဘာမှမသိဘဲ အရူးအလုပ် ခံခဲ့ရသည် မဟုတ်ပါလား။
အကယ်၍ သူသည် ထိုမသေမျိုး နတ်သမီးကို မတွေ့ခဲ့လျှင် ဝိညာဉ်ကို ခန္ဓာကိုယ်ပြင်ပ ထုတ်နိုင်သည့် စွမ်းအား ရလာမည် မဟုတ်ပေ။
ယွမ်ဟယ်နှင့် မတွေ့ခဲ့လျှင်လည်း ကျင့်ကြံခြင်းလမ်းစဉ်ပေါ် ရောက်လာမည် မဟုတ်ပေ။
အရေးကြီးဆုံးမှာ အကယ်၍ ထိုအရာများ ဖြစ်မလာခဲ့လျှင် သူသည် ထိုအခြေအနေအားလုံးကို ဘာမှသိလိမ့်မည် မဟုတ်ပေ။
၎င်း၏ အကျိုးဆက်မှာ မှန်းဆ၍ပင် ရနိုင်မည် မဟုတ်
"ရန်သူက လင်းလင်းထင်ထင် လှုပ်ရှားနေချိန်မှာ ငါတို့က မှောင်ရိပ်ထဲမှာ ရှိနေသေးတယ် ငါ့ရဲ့ ကျင့်စဉ်တွေ ပြန်ကောင်းလာတယ်ဆိုတာ သူတို့ သိပေမဲ့ ငါ ကျင့်ကြံခြင်းလမ်းစဉ်ပေါ် ရောက်နေပြီဆိုတာ သူတို့ မသိကြဘူး ခရမ်းရောင်လျှပ်စီး အဆောင်အကြောင်းလည်း သူတို့ မသိဘူး တာအိုဆရာရွှယ် အသတ်ခံရတာကိုတောင် သူတို့ မသိသေးဘဲ နတ်သမီးရှောင်းကို လိုက်နေတုန်းပဲလို့ ထင်နေကြတာ"
ဟု ဖန်ချန်က တိုးတိုးလေး ပြောလိုက်သည်။
ဒါက အသာစီးရနိုင်သည့် အချက်ပင်။
သို့သော် မေးစရာရှိသည်မှာ ထိုအသာစီးရမှုကို မည်သို့ အပြည့်အဝ အသုံးချမည်နည်း ၎င်းအတွက် သေသေချာချာ စဉ်းစားရန် လိုအပ်သည်။
'နဂါးကျောရိုးတောင်' ၎င်းမှာ သူ စောင့်မျှော်နေသော အခွင့်အရေး ဖြစ်ပေမည်။
ဖန်ချန်၏ ဝိညာဉ်သည် ကောင်းကင်ယံမှနေ၍ အဘွားအိုနောက်သို့ လိုက်ပါသွားသည်။
သူမသည် မြို့တော်၏ အရှေ့ဘက်တံခါးသို့ ချဉ်းကပ်လာသည်ကို မြင်သောအခါမှ သူသည် သူ၏ ခန္ဓာကိုယ်ထဲသို့ ပြန်ဝင်လိုက်သည်။
မကြာမီတွင် မထင်မရှား မြင်းရထားတစ်စီး ဖန်အိမ်တော်မှ ထွက်ခွာသွားတော့သည်။
"အရှေ့ဘက်ကို မောင်း"
ဖန်ချန်၏ အသံမှာ ရထားအတွင်းမှ ထွက်ပေါ်လာသည်။ ယခုတစ်ကြိမ်တွင် မြင်းရထားမောင်းသူမှာ ထျဲမ ဖြစ်ပြီး သူက ခေါင်းညိတ်လိုက်သည်။ ဖန်ချန် ဘယ်ကိုသွားမလဲဆိုတာ သူ မသိသော်လည်း အမိန့်ကို နာခံရန်သာ လိုအပ်သည်။
"အဘိုးကြီးဟွမ် ဒီရထားက နည်းနည်းတော့ သေးတယ်၊ ခဏလောက်တော့ သည်းခံပေးဦးဗျာ"
ဖန်ချန်က ဟွမ်စီဟိုင် ကို ကြည့်ကာ ရယ်မောလိုက်သည်။ ဟွမ်စီဟိုင်၏ ကြီးမားလှသော ကိုယ်လုံးကြီးကြောင့် သူသည် ရထားထဲတွင် ခါးကို ကွေးထားရပြီး နေရာအကုန်လုံးနီးပါးကို ယူထားရသည်။ သူသည် အကျပ်အတည်းဖြစ်နေသော်လည်း ဂရုစိုက်ပုံမရပေ။
အဘိုးကြီးဟွမ်က အားရပါးရ ရယ်မောလိုက်သည်။
"ဟားဟား ရပါတယ် သခင်လေး အပြင်ထွက်ရတာကိုက ပျော်စရာကြီးပဲဥစ္စာ ပြီးတော့ သခင်လေးလည်း ပါတာပဲလေ"
ဖန်ချန်က ခေါင်းညိတ်ကာ မျက်လုံးမှိတ်လိုက်သည်။
"အင်း... ခင်ဗျားကို ပေးထားတဲ့ ခွန်အားတိုးအဆောင်၊ အမြန်နှုန်းအဆောင်နဲ့ စိန်ကိုယ်ထည် အဆောင်တွေကို မှတ်မိတယ် မဟုတ်လား ပြဿနာတက်ရင် သုံးဖို့ ဝန်မလေးနဲ့ ခင်ဗျားရဲ့ အတွင်းချီစွမ်းအင်နဲ့ အဲဒါတွေကို အသက်သွင်းလို့ရတယ်"
ဖန်ချန် စကားပြောပြီးနောက် သူ၏ ဝိညာဉ်သည် ခန္ဓာကိုယ်မှ ထပ်မံ ထွက်ခွာသွားပြန်သည်။
မြင်းရထားနှင့် ၁၀ မိုင်ခန့် ဝေးသော နေရာတွင် အဘွားအိုသည် မြေပြင်ပေါ်၌ အရှိန်အဟုန်ဖြင့် ပြေးလွှားနေသည်။
သူမသည် အရှေ့ဘက်သို့ ပြေးနေခြင်း ဖြစ်သည်။
အဘွားအိုတစ်ဦး၏ အားနည်းချက်များ လုံးဝမရှိဘဲ သူမ၏ အရှိန်မှာ တစ်ရက်လျှင် မိုင် ၁၆၀၀ ကျော် ခရီးပေါက်နိုင်သည့် အရှိန်မျိုး ဖြစ်သည်။
ချီအမြုတေအဆင့်ရှိသူ တစ်ဦးသည်လည်း ထိုကဲ့သို့ ပြေးနိုင်သော်လည်း သူမကဲ့သို့ သက်သောင့်သက်သာ ရှိလိမ့်မည် မဟုတ်ပေ။
၎င်းမှာ ဝိညာဉ်စွမ်းအင်နှင့် သာမန်အတွင်းချီစွမ်းအင်တို့၏ ကွာခြားချက် ဖြစ်ပေလိမ့်မည်။ ဝိညာဉ်စွမ်းအင်မှာ အခြေခံအားဖြင့် များစွာ သာလွန်လှသည်။
"အနောက်တောင်ဘက်ကို လှည့်"
"ရှေ့က ဘယ်ဘက်လမ်းကို ယူ"
"မြစ်ကို ဖြတ်ကျော်လိုက်"
ဖန်ချန်သည် အခါအားလျော်စွာ မျက်လုံးဖွင့်ပြီး ထျဲမကို လမ်းညွှန်ပေးနေသည်။
မသိလိုက်ခင်မှာပင် သုံးရက် ကုန်လွန်သွားခဲ့ပြီ ဖြစ်သည်။
"ရထားကို ရပ်လိုက်တော့"
ဖန်ချန်က အမိန့်ပေးလိုက်သည်။
ထျဲမက မြင်းရထားကို ဖြည်းဖြည်းချင်း ရပ်လိုက်သည်။ သူတို့သည် ဘာမှမရှိသော တောရိုင်းမြေတစ်နေရာသို့ ရောက်ရှိနေခြင်း ဖြစ်သည်။
ထျဲမက ပတ်ဝန်းကျင်ကို သတိရှိရှိ ကြည့်လိုက်ပြီး
"သခင်လေး ကျွန်တော်တို့ အင်ပါယာရဲ့ နယ်နိမိတ်ကို ကျော်ခဲ့ပြီဗျ"
"ငါ သိတယ်။"
ဖန်ချန်က ရထားပေါ်မှ ငုံ့ကြည့်ကာ ထျဲမဆီသို့ မျက်နှာဖုံးတစ်ခု ပစ်ပေးလိုက်သည်။ နေရာတစ်ခုကို ညွှန်ပြရင်း သူက ညွှန်ကြားသည်။
"ဒါကို တပ်လိုက်၊ ပြီးရင် ဟိုဘက်ကို မောင်းသွား ရောက်ရင် ဒါကို အစောင့်ဆီ ပေးလိုက်"
သူသည် ထျဲမထံသို့ ဝိညာဉ်ကျောက်တုံး တစ်တုံး ပစ်ပေးလိုက်တော့သည်။
အပိုင်း (၃၈) - အင်ပါယာမှ ထွက်ခွာခြင်း
ထိုအဘွားအို၏ အရှိန်အဝါမှာ ဖန်အိမ်တော်တွင် သေဆုံးသွားခဲ့သော ဝိညာဉ်သွေးဂိုဏ်း ကျင့်ကြံသူနှင့် ဆင်တူနေသည်။ ထိုလူမှာ ချီသန့်စင်ခြင်းအဆင့် စတုတ္ထအဆင့်တွင် ရှိပြီး ထိုအဘွားအိုမှာလည်း ထိုအဆင့်တွင်ပင် ရှိပုံရသည်။
သီအိုရီအရဆိုလျှင် ချီသန့်စင်ခြင်း စတုတ္ထအဆင့် ကျင့်ကြံသူတစ်ဦး၏ အစွမ်းမှာ သိုင်းလောကမှ ချီအမြုတေအဆင့် ပညာရှင်တစ်ဦးနှင့် အဆင့်အတန်း တူညီသင့်သည်။
သို့သော် လက်တွေ့မှာမူ ထိုမျှမရိုးရှင်းပေ။ ကျင့်ကြံသူများ အသုံးပြုသော နည်းလမ်းများသည် သိုင်းသမားများထက် များစွာ သာလွန်သည်။ မြေကမ္ဘာနက်နဲခြင်းအဆင့် ရှိသော စစ်သည်တော်များသာလျှင် သူတို့နှင့် ယှဉ်ပြိုင်နိုင်ဖွယ် ရှိသည်။
ခေတ္တခဏအတွင်းမှာပင် ဖန်ချန် သည် မြို့တော်အတွင်း၌ ကျင့်ကြံသူ နှစ်ဦး ရှိနေကြောင်း ရှာဖွေတွေ့ရှိခဲ့ပြီ ဖြစ်သည်။ နောက်ထပ် ရှိနေဦးမည်လားသူ မသေချာပေ။
"မင်းက ဘာကို ဒီလောက် ကြောက်နေတာလဲ ဖန်ချန်က သူ့ရဲ့ ကျင့်စဉ်တွေ ပြန်ကောင်းလာရုံပဲ ရှိသေးတာ သူက ချီအမြုတေအဆင့်မှာပဲ ရှိသေးတဲ့ သာမန် သိုင်းသမားတစ်ယောက်ပဲဥစ္စာ ဒီကမ္ဘာမှာ တို့လိုလူတွေ ရှိနေတယ်ဆိုတာကို သူ ဘယ်တော့မှ နားလည်နိုင်မှာ မဟုတ်ဘူး"
ဟု သူမက မထီမဲ့မြင် ပြုလျက် လှောင်ပြောင်လိုက်သည်။
"ဒုဝန်ကြီးချင် တို့ဘက်မှာ ရပ်တည်စမ်းပါ ဒါဆိုရင် အောင်မြင်တဲ့ အနာဂတ်က လက်တစ်ကမ်းမှာပဲ ဒီလို ကိစ္စတွေလေးနဲ့ ထိတ်လန့်မနေနဲ့ တာအိုဆရာ ရွှယ် က နတ်သမီး ရှောင်း ကို လိုက်သတ်ဖို့ ထွက်သွားပြီ"
"သူမ သေသွားပြီး အဲဒီသတင်းက ချင်အင်ပါယာဆီ ရောက်သွားတာနဲ့ တတိယ မင်းသားဟာ သေချာပေါက် အသတ်ခံရလိမ့်မယ် အဲဒီအခါ ချင်စုန်းအင်ပါယာက စစ်တပ်တွေ စုရုံးပြီး မဟာရှကို ကျူးကျော်လာလိမ့်မယ် အဲဒီအခါမှာ တို့အတွက် ပူဇော်ဖို့ လိုအပ်တဲ့ သွေးအနှစ်သာရ တွေ အများကြီး ရလာလိမ့်မယ် တစ်ချက်ခုတ် နှစ်ချက်ပြတ်ပေါ့"
ဖန်ချန်၏ မျက်လုံးများ ဝင်းလက်သွားသည်။
သူမ၏ စကားအရ သူမထက် အာဏာရှိသူများ ရှိနေပုံရသည်။ သူမ၏ တာဝန်မှာ သူတို့အတွက် သွေးအနှစ်သာရများကို စုဆောင်းပေးရန်သာ ဖြစ်ပုံရသည်။
ဝိညာဉ်သွေးဂိုဏ်း ဆိုသည်မှာ အင်ပါယာ၏ သွေးကို စုပ်ယူပြီး သူတို့ကိုယ်သူတို့ အာဟာရဖြစ်အောင် လုပ်နေသည့် မျှော့များလိုပင် ဒုဝန်ကြီးချင် အပြင် မြို့တော်ထဲက တခြား ဘယ်ဩဇာရှိသူတွေက ဝိညာဉ်သွေးဂိုဏ်းနဲ့ ပူးပေါင်းနေကြသလဲ ဖန်ချန်သည် ထိုအဘွားအိုကို အေးစက်စွာ စိုက်ကြည့်လိုက်သည်။
သူသည် အင်ပါယာအတွင်းရှိ ထိုသူအားလုံးကို အမြစ်ပြတ် ရှင်းလင်းပစ်မည်
"ဒါတွေက သေးဖွဲတဲ့ ကိစ္စတွေ မဟုတ်ဘူး လွန်ခဲ့တဲ့ ရက်ပိုင်းက နန်းတော်ထဲမှာ ဖန်ချန်က ချင်စုန်းက ချီထိန်းချုပ်ခြင်းအဆင့် ပညာရှင်တစ်ယောက်ကို သတ်ပစ်တာ ကျွန်တော့်မျက်စိနဲ့ တပ်အပ် မြင်ခဲ့တာ"
သူ၏ အသံမှာ တုန်ရီနေသည်။
"တစ်စက္ကန့်အတွင်းမှာပဲ လျှပ်စီးတစ်ချက်နဲ့ အဲဒီပညာရှင်ဟာ မီးကျွမ်းနေတဲ့ အရိုးပုံကြီး ဖြစ်သွားတာဗျ ဒါမျိုးက ဘယ်လိုလုပ် ဖြစ်နိုင်မှာလဲ"
"အဲဒါ ဘာဖြစ်လဲ ဒါတွေက ကလေးကလား လှည့်ကွက်တွေပဲ သာမန် ချီစွမ်းအင်က ဘယ်လိုလုပ် ဝိညာဉ်စွမ်းအင် နဲ့ ယှဉ်နိုင်မှာလဲ"
အဘွားအိုက နှာခေါင်းရှုံ့ရင်း လက်ကို မြှောက်လိုက်သည်။
သူမ၏ လက်ဖဝါးပေါ်တွင် ဝိညာဉ်စွမ်းအင်များ စုစည်းလာပြီး မီးတောက်လုံး တစ်ခု ဖြစ်ပေါ်လာသည်။ ပတ်ဝန်းကျင်၏ အပူချိန်မှာလည်း ရုတ်တရက် မြင့်တက်သွားတော့သည်။
ဒုဝန်ကြီးချင်မှာ ထိတ်လန့်သွားပြီး အနောက်သို့ အမြန် ဆုတ်လိုက်သည်။
"ငါတို့ရဲ့ မီးတောက်လုံး နည်းလမ်းကို မြင်ဖူးတယ် မဟုတ်လား ငါတို့က လူတွေကို ပြာဖြစ်အောင် ရှို့နိုင်ရုံတင်မကဘူး သတ္တုရိုင်းတွေကို အရည်ဖျော်ပြီး လက်နက်တွေ သွန်းလုပ်ဖို့အထိ သုံးလို့ရတယ်"
အဘွားအိုက ရယ်မောလိုက်သည်။
'တာအို နည်းလမ်းတွေလား'
ဖန်ချန်၏ မျက်လုံးများ တဖန် ဝင်းလက်လာသည်။
ထိုမီးတောက်လုံးအတွင်းရှိ ကြောက်မက်ဖွယ် စွမ်းအားကို သူ ခံစားမိသည်။
၎င်းမှာ သူပြုလုပ်ထားသော ခရမ်းရောင်လျှပ်စီး အဆောင် ထက်ပင် ပို၍ အစွမ်းထက်ပုံရသည်။ ကျင့်ကြံသူများမှာ တကယ်ပင် ထူးခြားလှသည်။
နှမြောစရာကောင်းသည်မှာ ယွမ်ဟယ် ပေးခဲ့သော တာအိုနည်းလမ်း သုံးထောင် ထဲတွင် အခြေခံ အခန်းကဏ္ဍသာ ပါဝင်နေခြင်း ဖြစ်သည်။
၎င်းတွင် ချီသန့်စင်ခြင်းအဆင့် ကျင့်စဉ်နှင့် အဆောင်လေးမျိုးသာ ပါဝင်ပြီး တာအို နည်းလမ်းများ မပါဝင်ပေ။
လွန်ခဲ့သော ရက်ပိုင်းက သူ၏ အိမ်တော်တွင် သေဆုံးသွားသော တာအိုဆရာရွှယ်သည်လည်း အဆောင်များကိုသာ အသုံးပြုခဲ့ပုံရသည်။
သူ တာအိုနည်းလမ်းများ သုံးသည်ကို မတွေ့ခဲ့ရပေ။ ထို့ကြောင့်လည်း သူ၏ ကိုယ်ပေါ်တွင် ထိုသို့သော ကျမ်းစာအုပ်များ မရှိနေခြင်း ဖြစ်မည်။
"ကဲ ပြောစမ်းပါဦး ဒုဝန်ကြီးချင် ငါရဲ့ မီးတောက်လုံးက ဖန်ချန်ကို သတ်နိုင်မလား"
အဘွားအိုက ဂုဏ်ယူဝင့်ကြွားသော မျက်လုံးများဖြင့် ကြည့်လိုက်သည်။
"နိုင်တာပေါ့... နိုင်တာပေါ့"
ဒုဝန်ကြီးချင်က ခေါင်းကို အဆက်မပြတ် ညိတ်လိုက်သည်။ သူ၏ မျက်လုံးထဲမှ ကြောက်ရွံ့မှုများ ပျောက်ကွယ်သွားပြီး တည်ငြိမ်သွားပုံရသည်။
အဘွားအိုက သူမ၏ နည်းလမ်းကို ပြန်ရုပ်သိမ်းလိုက်သည်။
"ဒါကြောင့် ဖန်ချန် ကိစ္စကို စိတ်ပူမနေနဲ့တော့ ငါတို့က ကိစ္စတွေကို ပိုပြီး ရှုပ်ထွေးသွားအောင် သူ့ကို အသက်ချန်ထားပေးတာ ဘာပဲဖြစ်ဖြစ် ငါတို့ နဂါးကျောရိုးတောင် ကို သွားတော့မယ် ဒီခရီးစဉ်က ခုနစ်ရက်လောက် ကြာလိမ့်မယ် အဲဒီအချိန်အတွင်းမှာ ဖန်ချန်နဲ့ မတွေ့အောင် ရှောင်နေပါ"
ဒုဝန်ကြီးချင်က ခေတ္တ ဝေခွဲမရ ဖြစ်သွားပြီးမှ
"တာအိုဆရာကျင်းဟွာ ငါတို့တွေ အတူတူ အလုပ်လုပ်လာတာ ရှစ်နှစ်ရှိပြီ ကျွန်တော့်ကို ဘယ်တော့ ကျင့်စဉ်တွေ သင်ပေးမှာလဲ ကျွန်တော့်မှာ ကိုယ့်ကိုယ်ကိုယ် ကာကွယ်နိုင်စွမ်း ရှိရင် ဖန်ချန်ကို ကြောက်နေစရာ မလိုတော့ဘူးလေ"
"ငါတို့က သွေးဝိညာဉ်ဆေးလုံး တစ်လုံး ဖော်စပ်ဖို့ သွေးအနှစ်သာရ အစက်ပေါင်း တစ်သိန်း လိုအပ်တယ် အထက်လူကြီးတွေက ငါတို့ကို ၁၀ လုံး ပေးပို့ဖို့ ခိုင်းထားတယ် ဒီတာဝန် ပြီးသွားရင်တော့ ဆုလာဘ်တွေနဲ့ ရာထူးတိုးတာတွေ ရှိလာလိမ့်မယ်စိတ်ရှည်စမ်းပါ အချိန်တန်ရင် တစ်စုံတစ်ယောက်က မင်းကို ကျင့်စဉ်တွေ ပေးအပ်လိမ့်မယ် အဲဒီအခါ မင်းလည်း ငါတို့လို ဖြစ်လာမှာပါ"
အဘွားအိုက ရယ်မောရင်း ထွက်ခွာသွားသည်။
"သွေးဝိညာဉ်ဆေးလုံး တစ်လုံးအတွက် သွေးအနှစ်သာရ တစ်သိန်း သုံးလောကတောင် တိုက်ပွဲမှာ ခြောက်လုံး စုဆောင်းနိုင်ခဲ့တယ် နောက်ထပ် လေးလုံး လိုသေးတာပေါ့"
ဟု ချင်တုန်းက တိုးတိုးလေး ရေရွတ်လိုက်သည်။
သူ မသိလိုက်သည်မှာ အပေါ်တွင် ပျံဝဲနေသော ဝိညာဉ်၏ မျက်နှာမှာ အလွန်ပင် ဆိုးဝါးသွားခြင်း ဖြစ်သည်။
သူတို့၏ စကားဝိုင်းအရ သုံးလောကတောင် တိုက်ပွဲ၏ နောက်ကွယ်တွင် ကြီးမားသော ကြံစည်မှုကြီး ရှိနေကြောင်း ဖန်ချန် သိလိုက်ရပြီ ဖြစ်သည်။
သူ၏ စစ်သည်တော် ခြောက်သိန်း သေဆုံးခဲ့ရခြင်းမှာ သူ၏ မောက်မာမှုကြောင့်တင် မဟုတ်တော့ဘဲ တစ်ခုခု ရှိနေခဲ့ခြင်းပင်။
ထိုဝိညာဉ်သွေးဂိုဏ်းမှာ ထိုဇာတ်လမ်းတစ်တွဲလုံး၏ နောက်ကွယ်က လက်မည်းကြီး ဖြစ်ပုံရသည်။
သူကတော့ ဘာမှမသိဘဲ အရူးအလုပ် ခံခဲ့ရသည် မဟုတ်ပါလား။
အကယ်၍ သူသည် ထိုမသေမျိုး နတ်သမီးကို မတွေ့ခဲ့လျှင် ဝိညာဉ်ကို ခန္ဓာကိုယ်ပြင်ပ ထုတ်နိုင်သည့် စွမ်းအား ရလာမည် မဟုတ်ပေ။
ယွမ်ဟယ်နှင့် မတွေ့ခဲ့လျှင်လည်း ကျင့်ကြံခြင်းလမ်းစဉ်ပေါ် ရောက်လာမည် မဟုတ်ပေ။
အရေးကြီးဆုံးမှာ အကယ်၍ ထိုအရာများ ဖြစ်မလာခဲ့လျှင် သူသည် ထိုအခြေအနေအားလုံးကို ဘာမှသိလိမ့်မည် မဟုတ်ပေ။
၎င်း၏ အကျိုးဆက်မှာ မှန်းဆ၍ပင် ရနိုင်မည် မဟုတ်
"ရန်သူက လင်းလင်းထင်ထင် လှုပ်ရှားနေချိန်မှာ ငါတို့က မှောင်ရိပ်ထဲမှာ ရှိနေသေးတယ် ငါ့ရဲ့ ကျင့်စဉ်တွေ ပြန်ကောင်းလာတယ်ဆိုတာ သူတို့ သိပေမဲ့ ငါ ကျင့်ကြံခြင်းလမ်းစဉ်ပေါ် ရောက်နေပြီဆိုတာ သူတို့ မသိကြဘူး ခရမ်းရောင်လျှပ်စီး အဆောင်အကြောင်းလည်း သူတို့ မသိဘူး တာအိုဆရာရွှယ် အသတ်ခံရတာကိုတောင် သူတို့ မသိသေးဘဲ နတ်သမီးရှောင်းကို လိုက်နေတုန်းပဲလို့ ထင်နေကြတာ"
ဟု ဖန်ချန်က တိုးတိုးလေး ပြောလိုက်သည်။
ဒါက အသာစီးရနိုင်သည့် အချက်ပင်။
သို့သော် မေးစရာရှိသည်မှာ ထိုအသာစီးရမှုကို မည်သို့ အပြည့်အဝ အသုံးချမည်နည်း ၎င်းအတွက် သေသေချာချာ စဉ်းစားရန် လိုအပ်သည်။
'နဂါးကျောရိုးတောင်' ၎င်းမှာ သူ စောင့်မျှော်နေသော အခွင့်အရေး ဖြစ်ပေမည်။
ဖန်ချန်၏ ဝိညာဉ်သည် ကောင်းကင်ယံမှနေ၍ အဘွားအိုနောက်သို့ လိုက်ပါသွားသည်။
သူမသည် မြို့တော်၏ အရှေ့ဘက်တံခါးသို့ ချဉ်းကပ်လာသည်ကို မြင်သောအခါမှ သူသည် သူ၏ ခန္ဓာကိုယ်ထဲသို့ ပြန်ဝင်လိုက်သည်။
မကြာမီတွင် မထင်မရှား မြင်းရထားတစ်စီး ဖန်အိမ်တော်မှ ထွက်ခွာသွားတော့သည်။
"အရှေ့ဘက်ကို မောင်း"
ဖန်ချန်၏ အသံမှာ ရထားအတွင်းမှ ထွက်ပေါ်လာသည်။ ယခုတစ်ကြိမ်တွင် မြင်းရထားမောင်းသူမှာ ထျဲမ ဖြစ်ပြီး သူက ခေါင်းညိတ်လိုက်သည်။ ဖန်ချန် ဘယ်ကိုသွားမလဲဆိုတာ သူ မသိသော်လည်း အမိန့်ကို နာခံရန်သာ လိုအပ်သည်။
"အဘိုးကြီးဟွမ် ဒီရထားက နည်းနည်းတော့ သေးတယ်၊ ခဏလောက်တော့ သည်းခံပေးဦးဗျာ"
ဖန်ချန်က ဟွမ်စီဟိုင် ကို ကြည့်ကာ ရယ်မောလိုက်သည်။ ဟွမ်စီဟိုင်၏ ကြီးမားလှသော ကိုယ်လုံးကြီးကြောင့် သူသည် ရထားထဲတွင် ခါးကို ကွေးထားရပြီး နေရာအကုန်လုံးနီးပါးကို ယူထားရသည်။ သူသည် အကျပ်အတည်းဖြစ်နေသော်လည်း ဂရုစိုက်ပုံမရပေ။
အဘိုးကြီးဟွမ်က အားရပါးရ ရယ်မောလိုက်သည်။
"ဟားဟား ရပါတယ် သခင်လေး အပြင်ထွက်ရတာကိုက ပျော်စရာကြီးပဲဥစ္စာ ပြီးတော့ သခင်လေးလည်း ပါတာပဲလေ"
ဖန်ချန်က ခေါင်းညိတ်ကာ မျက်လုံးမှိတ်လိုက်သည်။
"အင်း... ခင်ဗျားကို ပေးထားတဲ့ ခွန်အားတိုးအဆောင်၊ အမြန်နှုန်းအဆောင်နဲ့ စိန်ကိုယ်ထည် အဆောင်တွေကို မှတ်မိတယ် မဟုတ်လား ပြဿနာတက်ရင် သုံးဖို့ ဝန်မလေးနဲ့ ခင်ဗျားရဲ့ အတွင်းချီစွမ်းအင်နဲ့ အဲဒါတွေကို အသက်သွင်းလို့ရတယ်"
ဖန်ချန် စကားပြောပြီးနောက် သူ၏ ဝိညာဉ်သည် ခန္ဓာကိုယ်မှ ထပ်မံ ထွက်ခွာသွားပြန်သည်။
မြင်းရထားနှင့် ၁၀ မိုင်ခန့် ဝေးသော နေရာတွင် အဘွားအိုသည် မြေပြင်ပေါ်၌ အရှိန်အဟုန်ဖြင့် ပြေးလွှားနေသည်။
သူမသည် အရှေ့ဘက်သို့ ပြေးနေခြင်း ဖြစ်သည်။
အဘွားအိုတစ်ဦး၏ အားနည်းချက်များ လုံးဝမရှိဘဲ သူမ၏ အရှိန်မှာ တစ်ရက်လျှင် မိုင် ၁၆၀၀ ကျော် ခရီးပေါက်နိုင်သည့် အရှိန်မျိုး ဖြစ်သည်။
ချီအမြုတေအဆင့်ရှိသူ တစ်ဦးသည်လည်း ထိုကဲ့သို့ ပြေးနိုင်သော်လည်း သူမကဲ့သို့ သက်သောင့်သက်သာ ရှိလိမ့်မည် မဟုတ်ပေ။
၎င်းမှာ ဝိညာဉ်စွမ်းအင်နှင့် သာမန်အတွင်းချီစွမ်းအင်တို့၏ ကွာခြားချက် ဖြစ်ပေလိမ့်မည်။ ဝိညာဉ်စွမ်းအင်မှာ အခြေခံအားဖြင့် များစွာ သာလွန်လှသည်။
"အနောက်တောင်ဘက်ကို လှည့်"
"ရှေ့က ဘယ်ဘက်လမ်းကို ယူ"
"မြစ်ကို ဖြတ်ကျော်လိုက်"
ဖန်ချန်သည် အခါအားလျော်စွာ မျက်လုံးဖွင့်ပြီး ထျဲမကို လမ်းညွှန်ပေးနေသည်။
မသိလိုက်ခင်မှာပင် သုံးရက် ကုန်လွန်သွားခဲ့ပြီ ဖြစ်သည်။
"ရထားကို ရပ်လိုက်တော့"
ဖန်ချန်က အမိန့်ပေးလိုက်သည်။
ထျဲမက မြင်းရထားကို ဖြည်းဖြည်းချင်း ရပ်လိုက်သည်။ သူတို့သည် ဘာမှမရှိသော တောရိုင်းမြေတစ်နေရာသို့ ရောက်ရှိနေခြင်း ဖြစ်သည်။
ထျဲမက ပတ်ဝန်းကျင်ကို သတိရှိရှိ ကြည့်လိုက်ပြီး
"သခင်လေး ကျွန်တော်တို့ အင်ပါယာရဲ့ နယ်နိမိတ်ကို ကျော်ခဲ့ပြီဗျ"
"ငါ သိတယ်။"
ဖန်ချန်က ရထားပေါ်မှ ငုံ့ကြည့်ကာ ထျဲမဆီသို့ မျက်နှာဖုံးတစ်ခု ပစ်ပေးလိုက်သည်။ နေရာတစ်ခုကို ညွှန်ပြရင်း သူက ညွှန်ကြားသည်။
"ဒါကို တပ်လိုက်၊ ပြီးရင် ဟိုဘက်ကို မောင်းသွား ရောက်ရင် ဒါကို အစောင့်ဆီ ပေးလိုက်"
သူသည် ထျဲမထံသို့ ဝိညာဉ်ကျောက်တုံး တစ်တုံး ပစ်ပေးလိုက်တော့သည်။