အခန်း (၇၆၈-၇၆၉)

Chapter 768

ဒါက အသက်ဝင်နေတယ် ၂

“ငါတို့ မြန်မြန်လုပ်ဖို့ လိုမယ်လို့ ခံစားရတယ်၊၊ တကယ်လို့ ပဋိပက္ခတွေသာဖြစ်လာရင် အနီရောင်ကမ္ဘာက ကိန်းရှင်ဖြစ်နေတာကြောင့် ဒီဒေသရဲ့ အခြေအနေက ပိုရှုပ်ထွေးသွားနိုင်တယ်”

“ကျွန်မလည်း ဒီအတိုင်းပဲ ထင်တယ်၊၊ ထွက်ခွာသွားတဲ့ ယာဉ်တန်းတွေက အန္တရာယ်ကို ခံစားမိလို့ပဲ၊၊ အာရုဏ်ဦးမြို့တော်ရဲ့ လူ ၇ သန်းက အမှတ် ၅၊ ၇ နဲ့ ၈ တွင်းနက်တွေက စောင့်ကြည့်နေကြတာပဲ၊၊ မြေအောက်မြို့တော်ထဲ မဝင်နိုင်ရင် တံတိုင်းအမြင့်တွေက ဘာမှမထူးခြားဘူး၊၊ အခုလို အမှောင်အဖွဲ့အစည်းတွေနဲ့ ပူးပေါင်းနေတဲ့ အချိန်မှာ စောစောရှောင်ရှားတာက အကောင်းဆုံးပဲ”

လင်းရှန်က ခေါင်းညိတ်လိုက်သည်၊၊

“ဒါဆို မြန်မြန်လုပ်ကြရအောင် စံနှုန်းမီသင်္ဘောတွဲတွေကို တည်ဆောက်မယ်… ရထားကို ပြင်မယ်… ခဲယမ်းတွေ အသင့်ပြင်ထားမယ် မိုးလင်းရင် အာရုဏ်ဦးမြို့တော်က ပြဿနာတွေ ပိုကြီးလာလိမ့်မယ်၊၊ လိုအပ်ရင် ဇန်ဂိတ်ကို ကျော်သွားဖို့ ရွေးချယ်ရလိမ့်မယ်”

“ကောင်းပြီလေ” ကျန်းရှု့ဝေက လင်းရှန်ကို ကြည့်လိုက်သည်၊၊

“ဒါဆို ကပ္ပတိန်... အနန္တရထားပေါ်က လူတွေကို ဒီပေါ်အရင် ရွှေ့ပြောင်းဖို့ စဉ်းစားထားလား”

“မလောပါနဲ့ဦး”

လင်းရှန်က ပတ်ဝန်းကျင်က အခန်းတွဲတွေကို မော့ကြည့်ရင်း ပြောလိုက်သည်၊၊

“ငါ့ရဲ့ ယန္တရားစွမ်းအားနဲ့ အာကာသရထားတစ်ခုလုံးကို အရင်ဆုံး ချိတ်ဆက်ပြီး ထိန်းချုပ်လိုက်ဦးမယ်၊၊ အဲဒါပြီးမှ စီစဉ်တာပေါ့”

ကျန်းရှု့ဝေက တိတ်တဆိတ် ခေါင်းညိတ်ပြပြီး ထွက်ခွာသွားသည်။

လင်းရှန်သည် လမ်းကြောင်းအတိုင်း လျှောက်လာရင်း ကျယ်ဝန်းလှသော အခန်းတွဲစင်္ကြံလမ်းကို စိတ်ဝင်တစား ကြည့်နေမိသည်။ ကောင်းကင်အမိုးခုံးအဆင့် အာကာသရထားသည် ကမ္ဘာနဲ့ လပတ်လမ်းအတွက် သုံးရန် ဖြစ်သောကြောင့် သွယ်လျသော ပုံသဏ္ဌာန်ရှိသော်လည်း အမှန်တကယ်တွင်မူ ပုံမှန်ရထားထက် အဆပေါင်းများစွာ ပိုကြီးမားသည်။

၎င်း၏ ထူးခြားသော အပြင်ပန်းပုံသဏ္ဌာန်အပြင် အတွင်းပိုင်းမှာလည်း ကြယ်သင်္ဘောစံနှုန်းများနှင့် အပြည့်အဝ ကိုက်ညီပြီး ကာကွယ်ရေးနှင့် စွမ်းအင်ပိုင်းတွင် သာမန်ကြယ်သင်္ဘောများထက်ပင် သာလွန်နေသည်။ သယ်ယူပို့ဆောင်ရေးအတွက် သုံးသော အာကာသယာဉ်ဖြစ်သည့်အတွက် လေထုထဲသို့ အဝင်အထွက် မကြာခဏလုပ်ရသဖြင့် အကြမ်းခံနိုင်စွမ်းက အလွန်မြင့်မားရန် လိုအပ်သည်။ အပြင်ဘက် ကိုယ်ထည်ကို စူပါကာဗွန်အလွိုင်းများနှင့် အပူကာအလွှာများဖြင့် ပြုလုပ်ထားပြီး ၂၀၀၀ ဒီဂရီစင်တီဂရိတ် အပူရှိန်ကို အဆက်မပြတ် ခံနိုင်ရည်ရှိရုံသာမက အာကာသအတွင်း လေလုံရန်အတွက် ကိုယ်တိုင် ပြုပြင်နိုင်သည့် ဂျယ်လ်အလွှာများလည်း ပါဝင်သည်။

သို့သော် ပြဿနာမှာ ဤအာကာသရထားသည် ခိုင်ခံ့သော်လည်း လုံလောက်သော အဆင့်တွင် မရှိသေးပေ။ အပူကာအလွှာများသည် သန္ဓေပြောင်းသတ္တဝါများ၏ တိုက်ခိုက်မှုကို ထည့်သွင်းစဉ်းစားထားခြင်း မရှိသဖြင့် ရှင်းဂျီက လင်းရှန်ကို အလွန်ခိုင်မာသော ကာကွယ်ရေးသံချပ်ကာပြားများ ထပ်မံတပ်ဆင်ရန် အကြံပြုထားသည်။ ဤသည်မှာ ကြီးမားသော အင်ဂျင်နီယာလုပ်ငန်းကြီး ဖြစ်သော်လည်း လင်းရှန်တွင် အခုဆိုရင် ထုတ်လုပ်ရေးဒရုန်းဒါဇင်ပေါင်းများစွာ ရှိနေပြီဖြစ်သလို တိတ်ဆိတ်မြို့တော်ကလည်း ရှိနေသေးသဖြင့် သံချပ်ကာကိစ္စကို အရင်ဖြေရှင်းရန် သူဆုံးဖြတ်လိုက်သည်။ မဟုတ်ပါက ဤအာကာသရထား ပျက်စီးသွားလျှင် ပြုပြင်ရသည်မှာ ပို၍ လက်ဝင်လိမ့်မည် ဖြစ်သည်။

လမ်းကြောင်းကို ဖြတ်ကျော်ပြီးနောက် လင်းရှန်သည် ပင်မကွပ်ကဲမှုခန်းမထဲသို့ ဝင်လိုက်သည်။ ဖက်ဒရေးရှင်း၏ ကြယ်သင်္ဘောစီမံခန့်ခွဲမှု စံနှုန်းအရ ဤနေရာသည် သင်္ဘောတစ်စင်းလုံး၏ ဗဟိုကွပ်ကဲမှု ဌာနချုပ်ဖြစ်သည်။ ကပ္ပတိန်၊ ပထမအရာရှိ၊ ပဲ့ကိုင်၊ နည်းဗျူဟာအရာရှိအပြင် အင်ဂျင်နီယာအဖွဲ့၊ သတင်းအချက်အလက်အရာရှိ၊ ဆက်သွယ်ရေးအရာရှိအပြင် အင်ဂျင်နီယာအဖွဲ့ သတင်းအချက်အလက်အရာရှိနှင့် ဆက်သွယ်ရေးအရာရှိ စသည်ဖြင့် အာကာသရထား၏ လည်ပတ်မှု၊ တိုက်ခိုက်မှုနှင့် ကာကွယ်မှုအားလုံးကို တာဝန်ယူရမည် ဖြစ်သည်။

ထို့အပြင် နယ်မြေများကို စီမံရန်အတွက် သိပ္ပံအရာရှိ၊ အင်ဂျင်နီယာချုပ်၊ ဆေးဘက်ဆိုင်ရာအရာရှိနှင့် အတွင်းပိုင်းလုံခြုံရေး အရာရှိများလည်း ရှိသေးသည်။

လူဆယ်ယောက်ကျော် ဝင်ဆံ့သော ဤကြီးမားသည့် ကွပ်ကဲမှုခန်းမကို ကြည့်ရင်း လင်းရှန် အသက်ပြင်းပြင်းတစ်ချက်ရှူလိုက်ပြီး ယန္တရားစကင်ဖတ်ရန် ထိုင်ချလိုက်သည်။ စကင်ဖတ်ခြင်း ပြီးဆုံးသွားသောအခါ သူ၏ ယန္တရားနှလုံးသားသည် ကောင်းကင်အမိုးခုံးရထားတစ်ခုလုံးနှင့် ချိတ်ဆက်သွားသည်။ ထောင့်စွန်းတိုင်း ပိုက်လိုင်းတိုင်းနှင့် လက်နက်တိုင်းသည် သူ၏ ထိန်းချုပ်မှုအောက်သို့ ရောက်ရှိလာသည်။ သူသည် အဝေးမှနေ၍ ပြုပြင်နိုင်သလို ပျံသန်းမှုကိုလည်း တိုက်ရိုက်ထိန်းချုပ်နိုင်သည်။

အာကာသရထားသည် အနန္တရထားထက် အနည်းဆုံး ၃ ဆမှ ၅ ဆအထိ ပိုမိုကြီးမားသည်။ ပင်မယာဉ်လေးတွဲ၏ အရှည်မှာတင် ၂ ကီလိုမီတာကျော်သည်။ ကျန်းရှု့ဝေ၏ အင်ဂျင်နီယာထံမှ အချက်အလက်များအရ မပြီးပြတ်သေးသော အခြေအနေမှာပင် ရထား၏ အလေးချိန်မှာ တန်ချိန် ၈ သိန်း ၂ သောင်းကျော် ရှိပြီး အိုင်းယွန်းလေကာစနစ်တပ်ဆင်ထားသည်။ ဤစနစ်သည် သင်္ဘောဦးပိုင်းရှိ မိုက်ခရိုဝေ့ဖ်လှိုင်း ထုတ်လွှင့်စက်မှတစ်ဆင့် ရှေ့ရှိလေကို ပလာစမာအဖြစ် ပြောင်းလဲပေးနိုင်ပြီး ၀.၅ မီတာခန့် ထူသော ပလာစမာအလွှာကို ဖြစ်ပေါ်စေသည်။ ၎င်းကို အရှိန်ပြင်းစွာ ခရီးနှင်ချိန်နှင့် လေထုထဲသို့ ပြန်ဝင်ချိန်တွင် လေထုပွတ်တိုက်မှုကို လျှော့ချရန် အဓိကသုံးသည်။

အာကာသရထား၏ ကြယ်တာရာတွန်းအားပေးစက် ၈ လုံးနှင့် ပေါင်းစပ်လိုက်လျှင် ဤဧရာမ ယာဉ်ကြီး၏ လေထုအတွင်း ခရီးနှင်နှုန်းမှာ အသံထက် ၄.၂ ဆ ကျော် မြန်ဆန်နိုင်ပြီး တိတ်ဆိတ်မြို့တော်ထက်ပင် ပို၍ မြန်ပေသည်။ အာကာသထဲသို့ ရောက်ရှိသွားပါက လျှပ်စစ်စက်ကွင်းဂျင်နရေတာစက်များက စွမ်းအင်မြင့် အမှုန်အမွှားများနှင့် ဓာတ်ရောင်ခြည်များကို ခုခံပေးလိမ့်မည်။

ယန္တရားနှလုံးသားသည် သူ၏နယ်ပယ်ကို ဖြန့်ကျက်လိုက်သလိုပင် ပင်မကွပ်ကဲမှုခန်းမ တစ်ခုလုံးကို လျင်မြန်စွာ လွှမ်းခြုံသွားသည်။ စက်ပစ္စည်းများအားလုံးနှင့် ပင်မကိုယ်ထည် ဖွဲ့စည်းပုံများမှာ လင်းရှန်၏ အသိစိတ်ထဲသို့ အဆက်မပြတ် တိုးဝင်လာသည်။ ရှုပ်ထွေးလှသော ဆားကစ်စနစ်ကြီးသည် ပင့်ကူအိမ်သဖွယ် ဖြန့်ကျက်သွားပြီး ဒုတိယသင်္ဘောတွဲရှိ ဧရာမ ကြယ်တာရာ လမ်းညွှန်စနစ်ကြီးအထိ ရောက်ရှိသွားသည်။ ရှေ့ဆက်သွားလိုက်ရာ အေးခဲအိပ်စက်ခန်း နယ်မြေကို တွေ့လိုက်ရသည်။

ထို့နောက် အသိစိတ်သည် စွမ်းအင်ဗဟိုချက်သို့ ရောက်ရှိသွားရာ မဂ္ဂါဝပ် ၅၀၀၀ ထုတ်ပေးနိုင်သော ကြယ်တာရာမောင်းနှင် နူကလီးယားစွမ်းအင်ဗဟိုချက်သည် ယန္တရားနှလုံးသားအတွင်း အပြာရောင် စူပါနိုဗာကြယ်ကြီး ပေါက်ကွဲသွားသကဲ့သို့ တောက်ပလာသည်။ ဟီလီယမ် ၃ ဖျူးရှင်း မုန်တိုင်းကို အလွိုင်းကွင်းတစ်ခုဖြင့် ထိန်းချုပ်ထားပြီး မဂ္ဂါဝပ် ၅၀၀၀ ရှိသော စွမ်းအင်ရေစီးကြောင်းမှာ လျှပ်ကူးပိုက်လိုင်းများအတိုင်း စီးဆင်းနေသည်။ ထို့နောက် တိကျစွာ ထုတ်လုပ်ထားသော သံလိုက်ဓာတ်သုံး ရထားလမ်းညွှတ်တံကို တွေ့ရသည်။ ၎င်းသည် အလျားလိုက်ဂိတ်စနစ်နှင့် တူညီပြီး အာကာသရထားက ရထားလမ်းပေါ် သွားရန်အတွက် သုံးသော ဆင်းသက်ဂီယာပင် ဖြစ်သည်။

လင်းရှန်၏ ယန္တရားနှလုံးသားသည် လူနေထိုင်ရာ နယ်မြေသို့ ဆက်လက်ရောက်ရှိသွားရာ ပျားအုံသဏ္ဌာန် နေထိုင်ခန်း အမြောက်အမြားကို တွေ့လိုက်ရသည်။ ကြယ်သင်္ဘော၏ စံပြနေထိုင်ခန်း ဒီဇိုင်းများသည် အကြီးအသေး အမျိုးမျိုးရှိသော်လည်း အားလုံးမှာ အသစ်စက်စက် အခြေအနေတွင် ရှိနေသဖြင့် လုံခြုံမှု အပြည့်အဝပေးစွမ်းနိုင်သည်။

နောက်ဆုံးတွင် လင်းရှန်သည် သူ၏အသိစိတ်မှာ အင်ဂျင်စွမ်းအင်ခန်းထဲသို့ ရောက်သွားကြောင်း ခံစားလိုက်ရသည်။ ရုတ်တရက်ပင် ခန့်ညားလှသော ကြယ်တာရာတွန်းအားပေးစက်များသည် နက်ပြာရောင် အရိပ်များအဖြစ် ဖြန့်ကျက်သွားသည်။ ထိုအရာကို ထိတွေ့လိုက်သည်နှင့် ဧရာမ ယန္တရားမြင်ကွင်းကြီးက လင်းရှန်၏ အမြင်အာရုံထဲသို့ တိုးဝင်လာသည်။

“တကယ် ဧရာမကြီးပဲ... စမ်းသပ်ကြည့်ရုံနဲ့တင် ငါ့ရဲ့ စွမ်းအင်တွေ ကုန်သလောက် ဖြစ်သွားတယ်၊၊ တော်သေးတာက ကျန်းရှု့ဝေမှာ ပုံကြမ်းတွေ အပြည့်အစုံရှိနေလို့ပဲ၊၊ မဟုတ်ရင် ပြန်ပြီး စကင်ဖတ်နေရဦးမယ်”

မျက်လုံးများ မှိတ်ထားရင်း လင်းရှန်သည် သူ၏နှလုံးသားထဲတွင် ခံစားချက်တစ်ခု ရုတ်တရက် တဟုန်းဟုန်းတောက်လာကြောင်း ခံစားလိုက်ရသည်။ ကြယ်တာရာတွန်းအားပေးစက်များမှာ ကျယ်လောင်သောအသံနှင့်အတူ အသက်ဝင်လာပြီး ပြင်းထန်သော စွမ်းအင်တုန်ခါမှုများကို ထုတ်လွှတ်နေသည်။ လင်းရှန်၏ နောက်ရှိ စူပါစထရင်း နူဓာတ်ပြုအဆင့်သက်တံ့ကွင်းသည် ကြယ်တာရာမောင်းနှင် နူကလီးယား စွမ်းအင်ဗဟိုချက်နှင့် အံ့ဖွယ်ဆက်သွယ်မှုတစ်ခု ဖြစ်ပေါ်သွားသည်။

Chapter 769

ဒါက အသက်ဝင်နေတယ် ၃

ထိုအချိန်တွင် လင်းရှန်သည် ရထားတစ်ခုလုံး၏ စွမ်းအင်များ သူ၏လက်ထဲတွင် စုစည်းလာကြောင်း ရှင်းပြမရနိုင်အောင် ခံစားလိုက်ရသည်။ ကိုယ်ထည်အတွင်းပိုင်းရှိ နာနိုစနစ်များကလည်း လင်းရှန်၏ စွမ်းအားကြောင့် ပြန်လည်နိုးထလာကြသည်။ လင်းရှန်သည် ရထား၏ ပင်မ Ai နှင့် တိုက်ရိုက်ထိတွေ့ခွင့် ရရှိသွားပြီး ၎င်း၏ အမည်မှာ ‘Ark’ ဖြစ်ကြောင်း သိလိုက်ရသည်။

“အဆင့် ၅ မျိုးရိုးဗီဇ သော့ဖွင့်ထားသူကို တွေ့ရှိရပြီ... ကပ္ပတိန်အဖြစ် အသိအမှတ်ပြုပါတယ်”

စက်ရုပ်ဆန်ဆန် အသံတစ်ခုက လင်းရှန်၏ အသိစိတ်ထဲတွင် ပဲ့တင်ထပ်သွားသည်။

သူ စိတ်ကူးလိုက်ရုံဖြင့် တန်ချိန် သန်း ၈၀ ကျော်ရှိသော ဤစူပါကြယ်သင်္ဘောကြီးမှာ ချက်ချင်း လှုပ်ရှားပြီး ကောင်းကင်ပေါ်သို့ ပျံတက်သွားနိုင်တော့မည် ဖြစ်သည်။ ဤရထားကြီးသည် သာမန်သံမဏိပုံစံကြီး မဟုတ်တော့ဘဲ လင်းရှန်၏ ခန္ဓာကိုယ်အစိတ်အပိုင်းတစ်ခုကဲ့သို့ အသက်ဝင်လာခြင်း ဖြစ်သည်။ ၎င်းတွင် တပ်ဆင်ထားသော ပလာစမာအမြောက်များနှင့် ဒိုင်းကာစနစ်များသည်လည်း အသင့်အနေအထားသို့ ရောက်ရှိသွားသည်။

လင်းရှန်သည် ဖြည်းညင်းစွာ မျက်လုံးဖွင့်လိုက်ချိန်တွင် သူ၏ မျက်ဝန်းများမှာ လျှပ်စစ်စီးကြောင်းများကဲ့သို့ တောက်ပနေသည်။ သူသည် ပြတင်းပေါက်မှတစ်ဆင့် ပြင်ပမှ အမှောင်ထုကြီးကို ကြည့်ကာ တစ်ယောက်ထဲ ရေရွတ်လိုက်သည်။

“အာရုဏ်ဦးမြို့တော်က မိုးလင်းတာနဲ့ တိုက်ပွဲက တကယ်စတော့မှာပဲ... ဒါပေမဲ့ အခု ငါ့မှာ ဒီကောင်ကြီး ရှိနေပြီ”

ထိုအချိန်တွင် အမှတ် ၁ စက်ရုံအတွင်းရှိ လူအားလုံးမှာ ရုတ်တရက် တုန်ခါမှုကို ခံစားလိုက်ရသဖြင့် ဧရာမ စက်ယန္တရားကြီးဆီသို့ အကြည့်များ ရောက်ရှိသွားကြသည်။

“ဘာဖြစ်တာလဲ... အာကာသရထားကြီး စပြီးလည်ပတ်နေပြီလား”

“ကပ္ပတိန်လင်း မောင်းနေတာ ဖြစ်ရမယ်”

“အခုဆို သူ့ကို ကပ္ပတိန်လင်းလို့ပဲ ခေါ်သင့်သေးလို့လား”

“သူက မဟာမိတ်ခေါင်းဆောင် မဟုတ်ဘူးလား”

“ဘာမဟာမိတ်ခေါင်းဆောင်လဲ... မင်း ဝတ္ထုတွေ အဖတ်များနေတာလား... ငါပြောတာ ပေါင်းစည်းထားတဲ့ အဖွဲ့ရဲ့ ခေါင်းဆောင်ကို ပြောတာ...”

ရထား၏ ပင်မကွပ်ကဲမခန်းမအတွင်း လင်းရှန်သည် စိတ်အားထက်သန်စွာဖြင့် အဖွဲ့သားများ၏ တာဝန်ကို ပြန်လည်စီစဉ်လိုက်သည်။

သူကိုယ်တိုင်က ဆုံးဖြတ်ချက်ချသူနှင့် အရေးပေါ်အခြေအနေ ဖြေရှင်းသူအဖြစ် အမြင့်ဆုံးခေါင်းဆောင်အဖြစ် တာဝန်ယူပြီး၊ ကြယ်တာရာသင်္ဘောပေါ်ရှိ လူထောင်ပေါင်းများစွာကို စီမံခန့်ခွဲရန် တာဝန်ကိုမူ ကျန်းရှု့ဝေထံ အပ်နှံလိုက်သည်။ လင်းရှန်သည် ရှုပ်ထွေးသော စီမံခန့်ခွဲမှုများကို မလုပ်လိုဘဲ ရိုးရိုးရှင်းရှင်းသာ နေလိုသူဖြစ်သည်။ မိုနီကာ၊ ချီလီ၊ ရှီတိယွမ်၊ နန်ကျင်းနှင့် မူလအနန္တရထားမှ အမာခံအဖွဲ့ဝင်များသည်လည်း မဟာဗျူဟာမြောက် အထူးအဖွဲ့အဖြစ်သာ ဆက်လက်ရှိနေမည်ဖြစ်ပြီး ရှုပ်ထွေးသော စီမံခန့်ခွဲမှုအဆင့်ဆင့်ကို ထားရှိမည်မဟုတ်ပေ။ အဖွဲ့ဝင်အများစုမှာ ကြယ်သင်္ဘောမောင်းနှင်သည့် ကျွမ်းကျင်မှု မရှိကြသဖြင့် သူတို့ကို ရာထူးများအတင်းပေးနေခြင်းမှာ အဓိပ္ပာယ်မရှိဟု လင်းရှန် ယူဆသည်။

ဥပမာအားဖြင့် ပိုင်းလော့သည် ရထားကို ထိန်းချုပ်ရခြင်းဖြစ်ပြီး လောလောဆယ် မည်သူမျှ မကျွမ်းကျင်သေးပေ။ လေ့ကျင့်ပေးလျှင် လော့ယန်က အမြန်တတ်မြောက်နိုင်သော်လည်း လောလောဆယ်တွင် ဂရေ့စ်ရှိနေသဖြင့် လင်းရှန်အနေဖြင့် သင်္ဘောတစ်စင်းလုံးကို ဂရေ့စ်၏ Ai ဦးနှောက်ဖြင့် အပြည့်အဝ ထိန်းချုပ်ထားနိုင်သည်။ အင်ဂျင်နီယာချုပ် တာဝန်အတွက်မူ လူအိုကြီးမိုနှင့် ကျန်းရှု့ဝေဘက်မှ အင်ဂျင်နီယာများက တာဝန်ယူနိုင်ပြီး၊ လီယီ၊ ရှောင်ယွမ်နှင့် မြောင်လုတို့က ထောက်ပံ့ပို့ဆောင်ရေးကို တာဝန်ယူမည်ဖြစ်သည်။

အမှန်တိုင်းပြောရလျှင် ရှီတိယွမ်၊ ချီလီ၊ မိုနီကာ၊ ရှုချင်း၊ တာလို့၊ လျန်လေး၊ လုရှင်းချန်၊ ကီကီ၊ ရှောင်ချင်းနှင့် အားဖေးတို့အပြင် ဟူလုရှို့နှင့် ဆန်းချန်တို့သည် ကမ္ဘာပျက်ကပ်အတွင်း ရှင်သန်လာခဲ့သည့် တိုက်ခိုက်ရေး ထူးချွန်သူများသာ ဖြစ်ကြသည်။ သူတို့သည် ရှေ့လျှောက် ရှင်သန်ရေး အကျပ်အတည်းများကို ရင်ဆိုင်ကြရမည်ဖြစ်ရာ အတွင်းပိုင်း စီမံခန့်ခွဲမှုကိစ္စလေးများကို လင်းရှန်က မလိုအပ်ဘဲ ရှုပ်ထွေးအောင် မလုပ်ချင်ခြင်းဖြစ်သည်။

“ဟင်... ဒါက ရှုထောင့်တစ်မျိုးက ကြည့်ရင် တိတ်ဆိတ်မြို့တော်နဲ့ တော်တော်တူတာပဲ”

လင်းရှန် တွေးမိသွားသည်။ တိတ်ဆိတ်မြို့တော်တွင်လည်း စီမံခန့်ခွဲသူ အများကြီးမရှိဘဲ ရွှန်းနှင့် တိုင်ရီလန်တို့ကဲ့သို့ ရိုးရှင်းသော ဖွဲ့စည်းပုံသာ ရှိသည်။ တိတ်ဆိတ်မြို့တော်တစ်ခုလုံးကို ဒရုန်းများဖြင့် လည်ပတ်စေပြီး ရှင်းဂျီ၏ Aiက ထိန်းချုပ်ထားခြင်းဖြစ်သည်။ လင်းရှန်သည်လည်း ထိုကဲ့သို့ စွမ်းဆောင်ရည်မျိုး ရှိသဖြင့် နောက်ပိုင်း လူဘယ်လောက်များလာသည်ဖြစ်စေ သူသည် အမာခံအဖွဲ့နှင့်သာ ဆက်သွယ်ပြီး ကောင်းကင်အမိုးခုံးရထားကို အပြည့်အဝ ထိန်းချုပ်နိုင်သည်။

ယန္တရားနှလုံးသား၏ စကင်ဖတ်ခြင်းကို ပြန်လည်ရုတ်သိမ်းပြီးနောက် လင်းရှန် သက်ပြင်းတစ်ချက်ချကာ လက်ရှိ အချက်အလက်များကို စစ်ဆေးလိုက်သည်။

[ယန္တရားနှလုံးသား အဆင့် - ၅ (၁၇၆၄၀/၂၀၀၀၀)]

ယန္တရားဝါးမျိုမှု အဆင့် - ၅ (၂၀၆၅/၃၀၀၀) - ဝါးမျိုမှု စွမ်းဆောင်ရည် တိုးမြှင့်သည်၊၊

“Dragon-Class သယ်ယူပို့ဆောင်ရေး သင်္ဘောတစ်စင်းလုံးကို ဝါးမျိုလိုက်တာတောင် ယန္တရားအရင်းအမြစ်အမှတ်တွေက ဒီလောက်ပဲ တက်တာလား... အခုကတော့ တကယ့်အရင်းအမြစ်တိုက်ပွဲပဲ”

သူကြည့်လိုက်သည့်အခါ ဒုတိယအကြိမ် ယန္တရားနိုးထမှုအတွက် အမှတ် ၂၀၀၀ ကျော်သာ လိုတော့သည်။ အခု ကောင်းကင်အမိုးခုံးရထားကို ရပြီဖြစ်သဖြင့် သူသည် မူလရထားယာဥ်တန်းများနှင့် သူ၏ အနန္တရထားကိုပါ ဝါးမျိုပြီး အဆင့်မြှင့်ရန် စီစဉ်လိုက်သည်။

“ဒါနဲ့... ဒီရထားမှာ လက်နက်စနစ်တွေ မပါသေးဘူးပဲ။ စတုတ္ထမြောက် သင်္ဘောကိုယ်ထည်နဲ့ ဒုတိယအလွှာ သံချပ်ကာတွေ တပ်ပြီးရင် ရှင်းဂျီကို ဂြိုဟ်အဆင့်ကြယ်အမြောက်နဲ့ ပဲ့ထိန်းစွမ်းအင်အမြောက်တွေကို တည်ဆောက်ခိုင်းရမယ်။ ကျန်တာတွေကိုတော့ လမ်းမှာတင် ငါကိုယ်တိုင် တည်ဆောက်သွားလို့ ရတယ်”

ထိုအချိန်တွင် ကျန်းရှု့ဝေနှင့် မူလယာဉ်တန်း ခေါင်းဆောင်များ၏ ကြီးကြပ်မှုအောက်တွင် ပစ္စည်းအမြောက်အမြားကို ကောင်းကင်အမိုးခုံးရထား၏ ရိက္ခာခန်းထဲသို့ သယ်ယူနေကြသည်။ အမှတ် ၁၀ တွဲမှ ကလေးများနှင့် တခြားရထားများမှ လူများကိုလည်း လီယီနှင့် ဆန်ယုကျန်းတို့က စံပြနေထိုင်ခန်းများသို့ ပို့ဆောင်ပေးနေကြသည်။ သံလိုက်ဓာတ်သုံး ဆိုက်ကပ်ရေး နယ်မြေတစ်ခုလုံး စိတ်လှုပ်ရှားသံများဖြင့် ဆူညံနေသည်။

“ဟေး... အာကာသသင်္ဘောကြီးဟ”

မာရှောင်ထန်း၏ မျက်လုံးများမှာ ကြယ်လေးများလို တောက်ပနေသည်။

“ငါတို့ အာကာသထဲ ပျံသွားကြတော့မှာလား”

“မိုက်လိုက်တာ”

“အကြီးကြီးပဲ... အထဲမှာ ကစားကွင်းကော ပါလား”

“စကားမများနဲ့... ငြိမ်ငြိမ်နေကြ”

တစ်ချိန်တည်းမှာပင် အမာခံအဖွဲ့ဝင်အားလုံး အမှတ် ၃ ပင်မသင်္ဘောပေါ်သို့ တက်လာကြသည်။ လူထောင်ပေါင်းများစွာကို ရွှေ့ပြောင်းရသည်မှာ ကြီးမားသော အလုပ်တစ်ခုဖြစ်သည်။ စံပြနေထိုင်ခန်း ၄ ခုမှာ လူ ၄ ထောင်ခန့် ဆံ့သော်လည်း လင်းရှန်က မလောချင်သေးပေ။ အဘယ်ကြောင့်ဆိုသော် ကောင်းကင်အမိုးခုံးရထားတွင် လက်နက်စနစ်များ မပါသေးသောကြောင့် ဖြစ်သည်။ လူအားလုံးကို ချက်ချင်းရွှေ့လိုက်လျှင် မူလရထားပေါ်က လက်နက်များကို သုံး၍မရတော့ဘဲ ဖြုန်းတီးရာ ရောက်ပေလိမ့်မည်။

ထို့ကြောင့် လင်းရှန်သည် အနန္တရထားပေါ်တွင် ရှုချင်း၊ တာလို့၊ လီယီတို့ကို ချန်ထားခဲ့သည်။ နဂါးတောင် ၁ ပေါ်တွင်လည်း ရှီတိယွမ်ကို ယာယီစောင့်ခိုင်းထားသည်။ စီမံရေးလွယ်ကူစေရန် နန်ကျင်း၊ ရှောင်ချင်းနှင့် အားဖေးတို့ကို ကောင်းကင်အမိုးခုံးရထားပေါ်သို့ အရင်တက်ခိုင်းလိုက်ပြီး ချီလီသည် ပထမဆုံးလှုပ်ရှားသူ ဖြစ်လာသည်။ သူသည် သူ၏ရထားကို လင်းရှန်ထံ ဝါးမျိုရန် အပ်နှံလိုက်ပြီး သူ၏ အဖွဲ့သား ၁၀၀ ကျော်ကို စံနှုန်းမီတွဲများပေါ်သို့ ရွှေ့ပြောင်းပေးလိုက်ကာ သူနှင့် ရှောင်မုန့်ကတော့ အမှတ် ၃ ပင်မသင်္ဘောပေါ်တွင် နေကြသည်။

မိုနီကာကတော့ ပို၍ ပေါ့ပေါ့ပါးပါးပင်။ သူမ၏ အမျိုးသားအဖွဲ့ဝင်များကို ဘုရင်မ မိုနီကာရထားပေါ်တွင် ထားခဲ့ပြီး လင်းရှန်နှင့် ကျန်းရှု့ဝေတို့၏ နောက်ဆက်တွဲစီစဉ်မှုကို စောင့်ခိုင်းထားသည်။ သူမ လေ့ကျင့်ပေးထားသည့် အမျိုးသမီးတပ်ဖွဲ့ဝင်များကိုတော့ လင်းရှန်ထံ အပ်နှံလိုက်ပြီး သူမကိုယ်တိုင်ကတော့ ပင်မသင်္ဘောပေါ်သို့ တက်လာကာ နောက်ဆုံးတော့ ဘာမှ စိတ်ပူစရာ မလိုတော့ဘူးဟု ဆိုကာ နားနေလေသည်။