အခန်း (၃၆၇-၃၆၈)
Vol. 37 Ch. 367-368
အခန်း ၃၆၇ - ဟုတ်တယ်၊ ငါ့အလှည့်ပဲ
"ညီတော် ဒီကိစ္စမှာ ဝင်မပါဖို့ ငါအကြံပေးချင်တယ်"
ဟု ချန်းဖုန်းက ခြိမ်းခြောက်သံပါပါဖြင့် အေးစက်စွာ ပြောလိုက်သည်။
ချန်းကျိုယဲ့က တဟားဟား ရယ်မောလိုက်သည်
"နောင်တော် ကျွန်တော့်ကို အဲဒီလို ဖျောင်းဖျလို့ မရပါဘူး"
ချန်းဖုန်း၏ မျက်နှာမှာ ဒေါသကြောင့် အရောင်မျိုးစုံ ပြောင်းသွားသည်။ သူက ကျွယ်ဝူတိကို ကြည့်ကာ နှာခေါင်းရှုံ့လိုက်သည်
"ဒီကိစ္စက ငါတို့ တော်ဝင်မိသားစုနဲ့ ဘာမှမဆိုင်ဘူးဒါဟာ ချန်းကျိုယဲ့ရဲ့ ကိုယ်ပိုင်ဆုံးဖြတ်ချက်သက်သက်ပဲ"
"နားလည်ပါပြီ ဒုတိယမင်းသား"
ကျွယ်ဝူတိက ခေါင်းညိတ်ပြပြီး ချန်းကျိုယဲ့ကို မထီမဲ့မြင် ကြည့်လိုက်သည်။
သူ၏ မျက်လုံးထဲတွင် မင်းသားတစ်ပါး၏ အဆင့်အတန်းမှာ အဝတ်စုတ်တစ်ခုထက် မပိုပေ။
"မင်းသား ၉ ကျွန်တော် လွှတ်ပေးလို့ မရဘူး မင်းသား ဆန္ဒရှိရင် ကျွယ်မိသားစုဆီ ကိုယ်တိုင်လာပြီး ကျွန်တော်တို့ ဘိုးဘေးကြီးကို ခွင့်တောင်းလိုက်ပါ"
ဟု ကျွယ်ဝူတိက ဆိုသည်။
"တကယ်ပဲ မင်းတို့ ဘိုးဘေးကြီးကိုယ်တိုင် ဆုံးဖြတ်ခဲ့တာလား"
ချန်းကျိုယဲ့က သံသယဖြင့် မေးလိုက်သည်။
အဆင့်မြင့် ရွှေအမြုတေအဆင့် ဘိုးဘေးတစ်ဦးက ကလေးမလေးတစ်ယောက်ကို နှိပ်စက်ဖို့ ခွင့်ပြုပါ့မလား
"မင်းသား အခြေအနေကို နားမလည်သေးဘူးပဲ"
ကျွယ်ဝူတိက ရယ်မောလိုက်သည်
"ဒါက ကျွန်တော်တို့လို မျိုးဆက်သစ်တွေ ပြောပိုင်ခွင့်ရှိတဲ့ ကိစ္စမဟုတ်ဘူး ဒီနေ့ သွေးထွက်သံယို မဖြစ်ရအောင် ဖန့်ချန်ကို လက်လျှော့ဖို့ မင်းသားပဲ ဖျောင်းဖျပေးပါဦး"
ချန်းကျိုယဲ့မှာ အံ့အားသင့်သွားပြီး ဖန့်ကျွယ်နှင့် ဖန့်ယွင်ကို လှည့်ကြည့်လိုက်သည်။
တစ်ခုခုတော့ မှားနေပြီဟု သူခံစားလိုက်ရသည်။
ဖန့်ကျွယ်က တိုးတိုးလေး ပြောသည်
"မင်းသား ဒီကိစ္စကနေ ဖယ်နေတာ ပိုကောင်းမယ်ထင်တယ်"
"အဲဒါဆိုရင် မတော်ဘူးလေ ငါ စကားပြောထွက်ပြီးပြီကို အခုမှ နောက်ဆုတ်ရင် အရှက်ကွဲမှာပေါ့"
ဟု ချန်းကျိုယဲ့က ညည်းတွဲလိုက်သည်။
"မျက်နှာတစ်ခုတည်းနဲ့ အသက်ရှင်လို့ မရဘူး မင်းသား ဖန့်ချန်နဲ့ ဖန့်ရှုတို့က ကူညီချင်နေမှတော့ ဖန့်မိသားစုက ပါဝင်ပြီးသား ဖြစ်နေပြီ ကျွန်တော် မင်းသားကို ကူညီပေးပါ့မယ်"
ဟု ဖန့်ကျွယ်က ပြုံးလျက် ဆိုသည်။
သူက ကျွယ်ဝူတိကို ကြည့်ကာ အသံကျယ်ကျယ်ဖြင့် ကြေညာလိုက်သည်
"ငါ ဖန့်မိသားစု တတိယမျိုးနွယ်က ဖန့်ကျွယ်လည်း ဒီကိစ္စမှာ ပါဝင်မယ်"
ချန်းကျိုယဲ့မှာ ထိုစကားကို ကြားသောအခါ ဝမ်းသာအားရဖြင့် လူအုပ်ထဲသို့ နောက်ဆုတ်ကာ ပုန်းနေတော့သည်။
ဖန့်ယွင်က ဖန့်ချန်ကို ကြည့်ကာ
"နင်က ဒီလောက် စိတ်သဘောထား နူးညံ့မယ်လို့ မထင်ထားဘူး"
ဟု ဆိုကာ ကျန်းထျန်းအိုက်ရှေ့တွင် ဆောင့်ကြောင့်ထိုင်လိုက်သည်
"ညီမလေး မင်းတို့မိသားစုက ကျွယ်မိသားစုကို ဘာပြစ်မှားထားလို့လ အမကို ပြောပြပါဦး"
ကျန်းထျန်းအိုက်က နှုတ်ခမ်းလေး လှုပ်ရုံသာ လှုပ်ပြီး အသံမထွက်လာပေ။
ဖန့်ယွင်က ဖန့်ချန်ကို ကြည့်ကာ
"မျက်မမြင်တစ်ယောက်နဲ့ စကားအတစ်ယောက် တကယ့်ကိုပဲ"
ဟု စိတ်ထဲမှ တွေးလိုက်မိသည်။
ပတ်ဝန်းကျင်မှ လူများမှာ တီးတိုးပြောနေကြသည်
"ဒီနေ့တော့ တတိယမျိုးနွယ်၊ စတုတ္ထမျိုးနွယ်တို့နဲ့ ကျွယ်မိသားစု ထိပ်တိုက်တွေ့ပြီပဲ"
"ဒါပေမဲ့ ဖန့်ကျွယ်နဲ့ ဖန့်ရှုတို့ ပေါင်းရင်တောင် ကျွယ်ဝူတိကို ယှဉ်နိုင်မှာ မဟုတ်ဘူး"
"အဲဒါတော့ ပြောရခက်တယ် ခုနက ဖန့်ချန် ပြလိုက်တဲ့ ဓာတ်ငါးပါး ထိန်းချုပ်မှုကို မင်းမမြင်လိုက်လို့ပါ အခြေခံတည်ဆောက်ခြင်းအဆင့်တောင် သူ့ကို ယှဉ်ဖို့ ခက်လိမ့်မယ်"
ကျွယ်ဝူတိက ဖန့်ကျွယ်၊ ဖန့်ရှုနှင့် ဖန့်ချန်တို့ကို ကြည့်ကာ အေးအေးဆေးဆေးပင် ပြောလိုက်သည်
"ငါ မင်းတို့ သုံးယောက်ကို ရွေးချယ်စရာ တစ်ခုပေးမယ် မင်းတို့ သုံးယောက်ပေါင်းပြီး ငါ့ရဲ့ တိုက်ကွက် ငါးကွက်ကို မလဲဘဲ ခံနိုင်ရင် ဒီကလေးမကို ခေါ်သွားလို့ရတယ် အဲဒါကို ဘိုးဘေးက အပြစ်တင်ရင်လည်း ငါပဲ တာဝန်ယူမယ်"
သူက ခဏရပ်ပြီး ဆက်ပြောသည်
"ဒါမှမဟုတ်ရင်တော့ သူမကို ငါ့လက်ထဲ အသာတကြည် အပ်ခဲ့ပါ"
လူအုပ်ကြီး အံ့သြသွားကြသည်။ သုံးယောက်ပေါင်းပြီး ငါးကွက်လား
ဖန့်ကျွယ်က ရှေ့ထွက်လာသည်
"ဘယ်သူက ပေါင်းရမယ်လို့ ပြောလဲ ပထမဆုံး တစ်ကွက်ကို ငါ ခံမယ်"
ဖန့်ယွင်က စိုးရိမ်တကြီး "
သတိထားဦး အစ်ကို"
ဟု သတိပေးသည်။ ကျွယ်ဝူတိ၏ တိုက်ကွက်တစ်ကွက်ကို ခံယူခြင်းမှာပင် အလွန် အန္တရာယ်များလှသည်။
ဖန့်ကျွယ်က ပြုံးကာ
"စိတ်မပူပါနဲ့၊ ငါ တောင့်ခံနိုင်ပါတယ်"
ပတ်ဝန်းကျင်မှ လူများမှာ တိုက်ပွဲဒဏ် မထိအောင် နောက်သို့ ဆုတ်လိုက်ကြသည်။
မဟာချန်းကင်းတပ်သားများ အနားတွင် ရှိနေသော်လည်း ဝင်မစွက်ဖက်ဘဲ အသာကြည့်နေကြသည်။
မိသားစုကြီးနှစ်ခု၏ ပဋိပက္ခတွင် မင်းသားနှစ်ပါးပါ ပါဝင်နေသဖြင့် သူတို့အတွက် ပြဿနာရှာစရာ မလိုပေ။
"ငါ စတော့မယ်"
ဟု ကျွယ်ဝူတိက ဆိုကာ ဝိညာဉ်စွမ်းအားများကို စုစည်းလိုက်သည်။
ဖန့်ကျွယ်ကလည်း သူ၏ ဘေးပတ်လည်တွင် အကာအကွယ်အလွှာ ကို ဖန်တီးလိုက်ပြီး လက်ထဲတွင် လုံးဝန်းသော ဘောလုံးတစ်လုံးကို ကိုင်ထားသည်။
နောက်တစ်စက္ကန့်တွင် ကောင်းကင်ယံ၌ ရွှေရောင်လူရိပ်ကြီး ပေါ်လာပြီး လက်နှစ်ဖက်တွင် ဓားတစ်စစီ ကိုင်ထားကာ ဖန့်ကျွယ်ထံသို့ ပြင်းထန်စွာ ခုတ်ချလိုက်တော့သည်။
"သံဓာတ် တိုက်ကွက်ပဲ"
"ကျွယ်ဝူတိရဲ့ သံဓာတ်ထိန်းချုပ်မှုကလည်း မသေးဘူးပဲ"ာ
ဒိုင်း
ဓားများက အကာအကွယ်ကို ဒိန်ခဲကို လှီးသလို အလွယ်တကူ ဖြတ်ကျော်သွားသည်။
ဖန့်ကျွယ်၏ လက်ထဲမှ ဘောလုံးမှာ ရွှေရောင်အလင်းများ ထွက်ပေါ်လာပြီး ရွှေရောင်ဓားကြီးများ ပေါ်လာကာ သူ့ကို ကာကွယ်ပေးလိုက်သည်။
ား
"ဒါက ဧရာမဓားဒိုင်းယ ပဲ အဝါရောင်အဆင့် နိမ့်ပါးတဲ့ အကာအကွယ် ပစ္စည်းတွေထဲမှာ အကောင်းဆုံးပဲ"
သို့သော် ကျွယ်ဝူတိက မဲ့ပြုံးပြုံးလိုက်သည်။
ရွှေရောင်လူရိပ်ကြီး၏ ဓားများက ဖန့်ကျွယ်ကို ကာကွယ်ထားသော ဓားများကို အရှိန်အဟုန်ဖြင့် ရိုက်ချိုးပစ်လိုက်သည်။
ဖန့်ကျွယ်သည် သွေးတစ်လုတ် အန်ထုတ်လိုက်ပြီး ဒူးထောက်ကျသွားသည်။
သူ၏ အကာအကွယ်ရော၊ ရတနာပစ္စည်းပါ ကျွယ်ဝူတိ၏ တစ်ကွက်တည်းနှင့် ပျက်စီးသွားရသည်။ သူ ပြင်းထန်သော ဒဏ်ရာ ရသွားပြီ ဖြစ်သည်။
ဖန့်ကျွယ်က ခါးသက်သက် ပြုံးကာ
"မင်းအလှည့်ပဲ ဖန့်ရှု"
ဟု ဆိုကာ တရားထိုင်ပြီး ဒဏ်ရာကို စတင် ကုသတော့သည်။
ဖန့်ရှုက ခေါင်းညိတ်ကာ ကျွယ်ဝူတိရှေ့သို့ လျှောက်သွားသည်။
သူက အကာအကွယ် မလုပ်ဘဲ တိုက်စစ်ကို ရွေးချယ်လိုက်သည်။
စိမ်းဖျော့ရောင် အလင်းတစ်ခုနှင့်အတူ ဓား တစ်စင်းမှာ ကျွယ်ဝူတိထံသို့ လျှပ်စီးကဲ့သို့ ပြေးဝင်သွားသည်။
ကျွယ်ဝူတိက ပြုံးကာ လက်ကို ဆန့်ထုတ်ပြီး ထိုဓားကို လေထဲတွင်ပင် ဖမ်းယူလိုက်သည်။
ရွှေရောင် လက်မောင်းကြီးတစ်ခု ပေါ်လာပြီး ဓားကို ဆုပ်ကိုင်ကာ
ဂျောက်
ဓားမှာ အစိတ်စိတ်အမွှာမွှာ ကျိုးပဲ့သွားတော့သည်။ ဖန့်ရှုမှာလည်း ဝိညာဉ်လက်နက် ပျက်စီးသွားသဖြင့် သွေးအန်ကာ နောက်သို့ ယိုင်သွားသည်။
စတုတ္ထမျိုးနွယ်မှ တပည့်များမှာ မျက်နှာပျက်ကုန်ကြသည်။ သူတို့၏ အတော်ဆုံး စီနီယာမှာပင် ကျွယ်ဝူတိ၏ တစ်ကွက်ကို မခံနိုင်ခဲ့ပေ။
ယခု ဖန့်ချန် တစ်ယောက်တည်းသာ ကျန်တော့သည်။ သူသည် ကျန်ရှိသော တိုက်ကွက် သုံးကွက်ကို တစ်ယောက်တည်း ခံယူရမည်ဖြစ်သည်။
ကျန်းထျန်းအိုက်သည် အလွန် စိတ်လှုပ်ရှားနေသဖြင့် ဖန့်ချန်၏ လက်ကို တင်းတင်း ဆုပ်ကိုင်ထားမိသည်။ ဖန့်ချန်က သူမကို ကြည့်ကာ
"ဘာမှမဖြစ်ဘူး"
ဟု တိုးတိုးလေး နှစ်သိမ့်လိုက်သည်။
ကျွယ်ဝူတိ၏ အသံ ထွက်ပေါ်လာသည်
"မင်းအလှည့်ပဲ ဖန့်ချန်"
ဖန့်ချန်က ခေါင်းညိတ်လိုက်ပြီး သူ၏ လက်ထဲမှ မန္အဆောင် တစ်ခုမှာ ပြာအဖြစ် လောင်ကျွမ်းသွားသည်
"ဟုတ်တယ်၊ ငါ့အလှည့်ပဲ"
ထိုမျှလောက်သော ပြိုင်ဘက်မျိုးကို ရင်ဆိုင်ရန် သူသည် ဓားကျင့်ကြံသူ ဖြစ်ကြောင်း ထုတ်ဖော်ပြစရာပင် မလိုပေ။
အခန်း ၃၆၈ - အကွက်ဆင်ခံလိုက်ရပြီ
ဖန့်ကျွယ်နှင့် ဖန့်ရှုတို့၏ ဆက်တိုက်ရှုံးနိမ့်မှုက မကြာသေးမီနှစ်များအတွင်း ထွက်ပေါ်နေသော ကောလာဟလများကို သွယ်ဝိုက်၍ အတည်ပြုပေးလိုက်သလို ဖြစ်နေသည်။
ဖန့်မိသားစုသည် ဆုတ်ယုတ်ပျက်စီးနေပြီ ဖြစ်သည်။
အခြေအနေကို ထိန်းထားရန် ဖန့်လင်ရှင်း ရှိနေသော်လည်း ကျွယ်မိသားစုတွင် ချီသန့်စင်ခြင်းအဆင့် ၁၂ ရှိသော လူငယ်ပါရမီရှင် နှစ်ဦးသုံးဦးရှိပြီး တော်ဝင်မိသားစုတွင်လည်း လေးဦးခန့် ရှိသည်။
၎င်းတို့နှင့် နှိုင်းယှဉ်လျှင် ဖန့်မိသားစုတွင် ဖန့်လင်ရှင်းတစ်ဦးတည်းသာ ရှိသကဲ့သို့ ဖြစ်နေသည်။
"အင်အားကြီးတဲ့ ဖန့်မိသားစုက အခုတော့ အပြင်က ပြန်လာတဲ့ မျိုးနွယ်ခွဲဝင်တစ်ယောက်ကိုပဲ အားကိုးနေရတော့တာလား"
"ဒီအတိုင်းသာ နောက်ထပ် နှစ်အနည်းငယ် ဆက်သွားရင် ဖန့်မိသားစုရဲ့ ရွှေအမြုတေအဆင့် ဘိုးဘေးကြီး ကွယ်လွန်သွားတာနဲ့ သူတို့ရဲ့ အဆင့်အတန်းက ပြုတ်ကျတော့မှာ သေချာတယ်"
လူအုပ်ကြီးက တီးတိုး ဝေဖန်နေကြသည်။
ဖန့်ရှုနှင့် အခြားသူများမှာ ထိုစကားများကို ကြားသောအခါ မျက်နှာပျက်သွားကြသော်လည်း ပြန်လည်မချေပနိုင်ကြပေ။
ဖန့်ရှုသည် ဖန့်ချန်ကို ကြည့်ကာ ဒီသုံးကွက်ကို မင်း တောင့်ခံနိုင်ပါစေလို့ပဲ ငါ ဆုတောင်းပါတယ်၊ ဒါမှ ဒီလူတွေရဲ့ ပါးစပ်ကို ပိတ်နိုင်မှာ ဟု တွေးလိုက်သည်။
ကျွယ်ဝူတိ၏ အသံက အေးစက်စွာ ထွက်ပေါ်လာသည်
"ပထမဆုံး တစ်ကွက်"
ရုတ်တရက် ဝေဟင်တွင် ရွှေရောင်သံချပ်ကာစစ်သည် နှစ်ဦး ပေါ်လာသည်။
တစ်ဦးစီက ဓားရှည်နှစ်စင်းစီ ကိုင်ထားရာ စုစုပေါင်း ဓားလေးစင်းက တစ်ပြိုင်နက်တည်း ခုတ်ချလိုက်တော့သည်။
"ဟာ"
"ကျွယ်ဝူတိရဲ့ ဓာတ်ငါးပါး ထိန်းချုပ်မှုက ဖန့်ချန်ထက် မနိမ့်ဘူးပဲ"
"သူက ဖန့်ချန် အားအသန်ဆုံးအရာနဲ့ပဲ ဖန့်ချန်ကို အနိုင်ယူချင်နေတာ"
သို့သော် ရုတ်တရက် ကျွယ်ထျန်းကန်းသည် ဘေးအန္တရာယ်တစ်ခု ကျရောက်တော့မည်ဟု ခံစားလိုက်ရသဖြင့် ဝုန်းခနဲ ထရပ်လိုက်သည်။
သို့သော် သူ မြင်လိုက်ရသည်မှာ သူ၏ ခေါင်းပေါ်သို့ ဓားများ ကျဆင်းလာခြင်းပင် ဖြစ်သည်။
"ဒါ... ဒါ ဘာဖြစ်တာလဲ"
ကျွယ်ထျန်းကန်းသည် ထိတ်လန့်ဒေါသထွက်စွာဖြင့် သူ၏ ခန္ဓာကိုယ်ကျင့်စဉ်ကို ထုတ်ဖော်လိုက်ပြီး ကိုယ်လုံးကြီးကို ဖောင်းကားစေလိုက်သည်။
တစ်ချိန်တည်းမှာပင် ရွှေရောင် ဝိညာဉ်စွမ်းအား ဒိုင်းတစ်ခုကိုပါ ဖန်တီးလိုက်သည်။
ဒိုင်း
ဝိညာဉ်ဒိုင်းမှာ ချက်ချင်းပင် အစိတ်စိတ်အမွှာမွှာ ပျက်စီးသွားပြီး ဓားတစ်စင်းက ကျွယ်ထျန်းကန်း၏ ပုခုံးကို ပြင်းထန်စွာ ဖြတ်တောက်သွားသည်။
သွေးများ ပန်းထွက်လာကာ ကြီးမားသော လက်မောင်းကြီးတစ်ခုမှာ မြေပြင်ပေါ်သို့ ဘုန်းခနဲ ကျသွားတော့သည်။
လူအုပ်ကြီး ကြောင်အသွားကြသည်။
ဘာလို့လဲ
ကျွယ်ဝူတိက ဘာလို့ ကျွယ်ထျန်းကန်းကို ရုတ်တရက် တိုက်ခိုက်ရတာလဲ
သူ ရူးသွားပြီလား
နွေဦးအရုဏ်ဦးမျှော်စင်ပေါ်မှ ချန်းဖုန်းနှင့် အခြားသူများမှာလည်း ဇဝေဇဝါ ဖြစ်ကုန်ကြသည်။
ဖန့်လင်ရှင်းက အလန့်တကြား အော်မေးသည်
"စီနီယာကျွယ် ရှင် ဘာလုပ်နေတာလဲ"
"ငါ သူ့လက်တစ်ဖက်ကိုပဲ ဖြတ်လိုက်တာပါ စိတ်မပူပါနဲ့ နောက်ထပ် နှစ်ကွက် ကျန်သေးတယ်"
ဟု ကျွယ်ဝူတိက အေးဆေးစွာ ပြန်ပြောသည်။
သူ ပြောနေစဉ်မှာပင် ရွှေရောင်စစ်သည်နှစ်ဦးက ကျွယ်ထျန်းကန်းကို ထပ်မံ တိုက်ခိုက်ပြန်သည်။
"ကျွယ်ဝူတိ မင်း ဘာလုပ်နေတာလဲ"
ကျွယ်ထျန်းကန်းက ဒေါသတကြီး အော်ဟစ်သည်။
စတုတ္ထမျိုးနွယ်မှ တပည့်များကလည်း သူတို့စီနီယာ ဖန့်ရှုကို မေးကြသည်
"စီနီယာ... ဒါ ဘာတွေ ဖြစ်ကုန်တာလဲ"
ဖန့်ရှုကလည်း ခေါင်းခါပြသည်
"ငါလည်း မသိဘူး ကျွယ်ဝူတိက ဘာလို့ ကိုယ့်လူကိုယ် ပြန်တိုက်နေတာလဲ"
ရုတ်တရက် ဖန့်ရှုသည် ဖန့်ချန်ကို လှည့်ကြည့်လိုက်မိသည်။
ဒါ ဖန့်ချန်ရဲ့ လက်ချက်လား သို့သော် သူက ချက်ချင်းပင် ကိုယ့်ဘာကိုယ် ပြန်ငြင်းလိုက်သည် မဟုတ်နိုင်ပါဘူး ဖန့်ချန်က ကျွယ်ဝူတိရဲ့ စိတ်ကို ဘယ်လိုလုပ် လွှမ်းမိုးနိုင်မှာလဲ။
တခြား အကြောင်းရင်းတစ်ခုခု ရှိမှာပါ
လူအုပ်ကြီးက အမျိုးမျိုး ခန့်မှန်းနေကြသည်
"ကျွယ်ဝူတိက ကလေးမလေးအပေါ် မိသားစုက လုပ်ရပ်ကို မကျေနပ်လို့များလား"
"ဟုတ်မယ် ကျွယ်မိသားစုက ဒီလို အောက်တန်းကျတဲ့ လုပ်ရပ်မျိုး လုပ်တာကို သူက အရှက်ရလို့ ဆုံးမနေတာ ဖြစ်ရမယ်"
ကျွယ်ထျန်းကန်းမှာမူ ကျွယ်ဝူတိက နောက်ထပ်တစ်ကွက် ထပ်တိုက်ရန် ပြင်နေသည်ကို မြင်သောအခါ အော်ဟစ်တော့သည်
"ကျွယ်ဝူတိ မင်း ရူးနေလား ဒါက ငါနဲ့ ဘာဆိုင်လို့လဲ ငါက ဘိုးဘေးကြီးရဲ့ အမိန့်ကို နာခံနေတာပဲ မင်းက သူတော်ကောင်း လုပ်ချင်ရင် ဘိုးဘေးကြီးဆီသွားပြော ငါ့ကို လာမမဲနဲ့"
ကျွယ်ဝူတိက ဘာမှပြန်မပြောဘဲ ဓားလေးစင်းဖြင့် ထပ်မံ ခုတ်ချလိုက်သည်။
ကျွယ်ထျန်းကန်းသည် သိက္ခာကို ဂရုမစိုက်နိုင်တော့ဘဲ မြေဓာတ်ကို အသုံးပြုကာ မြေအောက်ထဲသို့ ငုပ်လျှိုး၍ ရှောင်ရန် ကြိုးစားသည်။
ဒိုင်း
မြေပြင်မှာ ချက်ချင်းပင် အက်ကွဲသွားပြီး ကျွယ်ထျန်းကန်းမှာ မြေအောက်မှ လွင့်ထွက်လာကာ ဘေးသို့ ကျသွားသည်။
သူ၏ အခြားလက်မောင်းတစ်ဖက်ပါ ဖြတ်တောက်ခံလိုက်ရပြီ ဖြစ်သည်။
ယခုအခါ ကျွယ်ထျန်းကန်း၏ လက်နှစ်ဖက်စလုံး ပြတ်တောက်သွားပြီ ဖြစ်သည်။
လူအုပ်ကြီး ပို၍ပင် ထိတ်လန့်သွားသည်။
နဂါးကင်းတပ်သားများမှာ ဘာလုပ်ရမှန်းမသိဘဲ ကြောင်ကြည့်နေကြသည်။
"နှစ်ကွက် ပြီးပြီ နောက်ထပ် တစ်ကွက်ပဲ ကျန်တော့တယ်"
ကျွယ်ထျန်းကန်း၏ မျက်လုံးများမှာ နီမြန်းနေပြီး ကျိန်ဆဲတော့သည်
"ကျွယ်ဝူတိ မင်းရဲ့ အမေကို......မင်းတို့ ဘာကြည့်နေတာလဲ ကျွယ်ဝူတိ ရူးသွားပြီ မြန်မြန်သွားပြီး ဘိုးဘေးကြီးကို တိုင်ကြစမ်း"
လက်ဖက်ရည်ဆိုင်အတွင်းရှိ ကျွယ်ဖေးချန်၏ မျက်နှာမှာ မည်းမှောင်သွားပြီး ဖန့်ချန်ကို စိုက်ကြည့်လိုက်သည်
"ဒါက အမြင်မှားအဆောင်လား"
သူသည် ကျွယ်ဝူတိ၏ လုပ်ရပ်ကို နားမလည်နိုင်ဖြစ်နေသော်လည်း သေချာ စောင့်ကြည့်လိုက်သောအခါ တစ်ခုခု မှားနေကြောင်း သတိထားမိသွားသည်။
ဒါက ထင်ယောင်ထင်မှား အစွမ်းပဲ ကျွယ်ဝူတိသည် ထင်ယောင်ထင်မှားဖြစ်မှု၏ သားကောင် ဖြစ်သွားရပြီ
ကျွယ်ဝူတိ တတိယတစ်ကွက်ကို ထပ်တိုက်ရန် ပြင်လိုက်စဉ်မှာပင် ကျွယ်ဖေးချန်သည် လျှပ်စီးကဲ့သို့ ပေါ်လာပြီး ကျွယ်ဝူတိနှင့် ကျွယ်ထျန်းကန်းကြားတွင် ပိတ်ရပ်လိုက်သည်။
"ဘိုးဘေးကြီး"
ကျွယ်ထျန်းကန်းက ဝမ်းသာအားရ အော်လိုက်သည်။
လူအုပ်ကြီးမှာ တုန်လှုပ်သွားကြသည်
"ကျွယ်မိသားစုရဲ့ ရွှေအမြုတေအဆင့် ဘိုးဘေးကြီး ရောက်လာပြီ"
ကျွယ်ဝူတိသည်
"ဖန့်ချန်"
ကို တိုက်ရန် ပြင်နေစဉ် ကျွယ်ဖေးချန်က လမ်းပိတ်လိုက်သဖြင့် မျက်မှောင်ကြုတ်သွားသည်။
သူက လက်အုပ်ချီ အရိုအသေပေးကာ
"ဘိုးဘေးကြီးကို ဂါရဝပြုပါတယ်"
ဟု ဆိုသည်။
ကျွယ်ဖေးချန်က အေးစက်စွာ မေးသည်
"ငါ့နောက်မှာ ရှိနေတာ ဘယ်သူလဲဆိုတာ မင်းသိလား"
ကျွယ်ဝူတိ ဇဝေဇဝါ ဖြစ်သွားသော်လည်း ပြန်ဖြေသည်
"ဖန့်မိသားစုက ဖန့်ချန် မဟုတ်ဘူးလား ဘိုးဘေးကြီး"
ထိုစကားကို ကြားသောအခါ လူတိုင်းသည် ဘာဖြစ်နေမှန်း ချက်ချင်း သဘောပေါက်သွားကြပြီး စစ်မှန်သော ဖန့်ချန်ကို ထိတ်လန့်တုန်လှုပ်စွာ ကြည့်လိုက်ကြသည်။
ဒါက ထင်ယောင်ထင်မှား ဖြစ်နေတာပဲ ကျွယ်ဝူတိသည် ထင်ယောင်ထင်မှား ကျင့်စဉ်အောက်သို့ မသိမသာ ကျရောက်သွားပြီး ကျွယ်ထျန်းကန်းကို ဖန့်ချန်ဟု အမှတ်မှားကာ တိုက်ခိုက်နေခြင်း ဖြစ်သည်။
ဖန့်လင်ရှင်းနှင့် အခြားလူများလည်း အံသြသွားကြသည်။
အဲဒီ သူတောင်းစား ဖန့်ချန် သူက ဘယ်လိုနည်းနဲ့ ကျွယ်ဝူတိကို မသိမသာ ထောင်ချောက်ဆင်လိုက်တာလဲ
"ကျွယ်ဝူတိက အခြေခံတည်ဆောက်ခြင်းအဆင့် ပညာရှင်လေ ဖန့်ချန်က ဘယ်လိုနည်းလမ်းကို သုံးလိုက်လို့ အခြေခံတည်ဆောက်ခြင်းအဆင့် တစ်ယောက်က ဒါကို လုံးဝ သတိမထားမိတာလဲ"
ချန်းဖုန်းနှင့် အခြားလူများမှာလည်း ကြောချမ်းသွားကြသည်။
အကယ်၍ သူတို့သာ ကျွယ်ဝူတိ နေရာမှာဆိုလျှင်ကော
ကျွယ်ဖေးချန်က နှာခေါင်းရှုံ့လိုက်ပြီး သူ၏ ကြီးမားသော စွမ်းအားဖြင့် အဆောင် ကြောင့် ဖြစ်ပေါ်နေသော ထင်ယောင်ထင်မှားကို ချက်ချင်း ဖျက်ဆီးပစ်လိုက်သည်။
ကျွယ်ဝူတိသည် ခေါင်းအနည်းငယ် မူးဝေသွားပြီး ပြန်ကြည်လင်လာသောအခါ သူ မြင်လိုက်ရသည်မှာ ကျွယ်ဖေးချန်၏ နောက်တွင် လဲလျောင်းနေသော၊ လက်နှစ်ဖက် ပြတ်တောက်နေပြီး သူ့ကို ရန်ငြိုးတကြီး စိုက်ကြည့်နေသော ကျွယ်ထျန်းကန်းပင် ဖြစ်သည်။
ကျွယ်ဝူတိ၏ တုန်ယင်သွားပြီး မယုံကြည်နိုင်သော အကြည့်များ ပေါ်လာသည်။
လူအုပ်ကြီးမှာ စကားပင် မပြောနိုင်တော့ပေ။
ဂုဏ်သတင်းကျော်ကြားလှသော၊ မဟာချန်းအင်ပါယာ၏ အတော်ဆုံး ပါရမီရှင်ဟု တင်စားခံရသော ကျွယ်ဝူတိသည် ဖန့်မိသားစုဝင်တစ်ယောက်၏ လှည့်စားမှုကို အလွယ်တကူ ခံလိုက်ရပြီ ဖြစ်သည်။