အခန်း (၄၃၇-၄၃၈)
Vol. 44 Ch. 437-438
အခန်း ၄၃၇ - အခြေအနေ မဟန်တော့ခြင်း
"ဒီကောင်တွေ အကုန်လုံးက ဝိညာဉ်သွေးဂိုဏ်းသားတွေပဲ အားလုံးပဲ ပုန်းမနေကြနဲ့ မပြေးကြနဲ့တော့ သူတို့ကို ငါတို့ မသတ်နိုင်ရင် ငါတို့အားလုံး ဆေးလုံးအဖော်ခံရတော့မှာ"
"သတ်ကြ သတ်မှပဲ ငါတို့ အသက်ရှင်မယ်"
"သေပေတော့ အမှိုက်တွေ"
ဖန့်မိသားစုတပည့်တွေဟာ လမ်းမတွေပေါ်မှာ အော်ဟစ်ပြေးလွှားရင်း တိုက်ခိုက်နေကြတာကြောင့် ကြောင်အမ်းနေတဲ့ မြို့သူမြို့သားတွေလည်း သတိဝင်လာကြပါတယ်။
ဝိညာဉ်သွေးဂိုဏ်း ဝိညာဉ်သွေးဂိုဏ်းက သူတို့ကို ဆေးလုံးလုပ်တော့မှာ ဟုတ်လား
အခြေအနေကို ဘေးကနေ ကြည့်နေကြတဲ့ ကျင့်ကြံသူတွေဟာလည်း ထိတ်လန့်ဒေါသထွက်သွားပြီး သူတို့ရဲ့ ရတနာတွေကို ထုတ်ကာ အနီးအနားက ရန်သူတွေကို စတင်တိုက်ခိုက်ကြပါတော့တယ်။
"အဖေ အဖေက ကံတရားကို မြင်နိုင်တယ်ဆိုကြည့်ပါဦး ဘယ်မှာလဲ အဲဒီကံတရားက အဖေ့မျက်စိတွေကတော့ ဇောက်ထိုးဖြစ်နေပြီ ထင်တယ်"
လီတောက်ယဲ့က လီမျက်လုံးပြူး၊ အကြီးအကဲ မင်ကျင့်တို့နဲ့အတူ တိုက်ခိုက်ရင်း နောက်ပြောင်လိုက်ပါတယ်။
"ပါးစပ်ပိတ်စမ်း ငါတို့သာ ဒီနေ့ ဒီကနေ မလွတ်ရင် မင်းလည်း သေမှာပဲ ဒီအမှိုက်တွေကို ငါ့အတွက် ခြေမွပေးစမ်း"
လီမျက်လုံးပြူးက သူ့ကို ခိုးတိုက်ဖို့ ပြင်နေတဲ့ ချီသန့်စင်ခြင်းအဆင့် ကျင့်ကြံသူတစ်ယောက်ကို ဓားနဲ့ခုတ်ရင်း ဒေါသတကြီး အော်လိုက်ပါတယ်။
"တောက် ငါ့မျက်စိတွေ တကယ်ပဲ မှားကုန်ပြီလား ဘယ်မှာလဲ မဟာကံတရားက အစ်ကိုကြီးနဲ့ စတုတ္ထညီ ဆီ သွားကြရအောင် သူတို့နားနေတာက ပိုစိတ်ချရတယ်"
"နောက်ဆုံးတော့ ငါလည်း ဒီဘေးဒုက္ခကနေ မလွတ်နိုင်ခဲ့ဘူးပဲ ဝိညာဉ်သွေးဂိုဏ်းနဲ့ ရင်ဆိုင်ရမယ်လို့"
အကြီးအကဲ မင်ကျင့်က တိုက်ခိုက်ရင်း တိုးတိုးလေး ရေရွတ်နေပါတယ်။
နောက်ဆုံးမှာတော့ သူဟာ မျက်လုံးတွေ နီမြန်းလာပြီး တိုက်ပွဲထဲကို အစွမ်းကုန် ခုန်ဝင်လိုက်ပါတယ်။
မတိုက်ရင် သေမှာဖြစ်ပေမဲ့ တိုက်ရင်တော့ အသက်ရှင်ဖို့ အခွင့်အရေး ရှိသေးတယ်လေ
ဝိညာဉ်သွေးဂိုဏ်းက မဟာချန်းကို အကြာကြီး ပိတ်လှောင်ထားနိုင်မယ်လို့ သူ မယုံပါဘူး။
တစ်ခြား ဝိညာဉ်သန္ဓေသားအဆင့် ပညာရှင်တွေ သိသွားတာနဲ့ လာရောက်ကူညီကြမှာ သေချာပါတယ်။
အခုချိန်မှာ အမဲလိုက်ကွင်းပြင်ကြီးဟာ သွေးအိုင်ထွန်းနေပါပြီ။
ချီသန့်စင်ခြင်းအဆင့်ကနေ ရွှေအမြုတေအဆင့်အထိ ကျင့်ကြံသူတွေဟာ မရပ်မနား တိုက်ခိုက်နေကြပါတယ်။
တိုက်ပွဲအရှိန်တက်လာတာနဲ့အမျှ ရွှေအမြုတေအဆင့် အချို့ဟာ သူတို့ကိုယ်သူတို့ ဝိညာဉ်သွေးဂိုဏ်းသားတွေဖြစ်ကြောင်း ဖော်ပြလာကြပါတယ်။
အရှင်ဝေဟင်ပြေး စိုက်ထူထားတဲ့လူတွေလည်း ပါဝင်တာကြောင့် အခြေအနေက တစ်ဖက်စောင်းနင်း ဖြစ်သွားပြီး ဘယ်သူက မိတ်ဆွေ၊ ဘယ်သူက ရန်သူဆိုတာ ခွဲခြားဖို့ ခက်ခဲလာပါတယ်။
တချို့ဆိုရင် တိုက်ပွဲအရှိန်နဲ့ မိမိလူကိုတောင် ပြန်သတ်မိနေကြပါတယ်။
အရှင်ထျန်းဝူဟာလည်း ပြင်းထန်တဲ့ဒဏ်ရာတွေ ရသွားတာကြောင့် ဖန့်ထင်ကျန့် တို့နောက်မှာ ခိုလှုံရင်း ဒဏ်ရာကုသနေရပါတယ်။
ဖန့်ထင်ကျန့်တို့က သူ့ကို ကာကွယ်ပေးထားပေမဲ့ လုံးဝကြီးတော့ စိတ်မချကြပါဘူး။
ရံဖန်ရံခါ ပျံသန်းလာတဲ့ ဓားတွေကိုတော့ အရှင်ထျန်းဝူက သူ့ရဲ့ ပညာရပ်နဲ့ ကာကွယ်ပေးနေရပါတယ်။
ဒါက ဝိညာဉ်သွေးဂိုဏ်းသားတွေရဲ့ အားသာချက်ပါပဲ။
သူတို့က မိမိလူအချင်းချင်း တိုက်ခိုက်ခံရမှာကို စိုးရိမ်စရာမလိုဘဲ တခြားကျင့်ကြံသူတွေကိုပဲ အာရုံစိုက် သတ်ဖြတ်နိုင်ကြပါတယ်။
ရွှေအမြုတေအဆင့်နဲ့ အခြေခံတည်ဆောက်ခြင်းအဆင့် ကျင့်ကြံသူတွေ တစ်ယောက်ပြီးတစ်ယောက် ကျဆုံးလာတဲ့အခါ ဖန့်ထင်ကျန့်တို့အဖွဲ့ဟာ ထောင့်ထဲကို အကျပ်ရိုက်သွားပါတယ်။
သူတို့ဘက်မှာ အသက်ရှင်ကျန်တဲ့ ရွှေအမြုတေအဆင့်က ၂၀ ကျော်ပဲ ရှိတော့ပေမဲ့ ဝိညာဉ်သွေးဂိုဏ်းဘက်မှာတော့ ၅၀ ကနေ ၆၀ နီးပါး ရှိနေဆဲပါ။
ဝိညာဉ်သွေးဂိုဏ်းဟာ အကျအဆုံး နည်းနည်းလေးနဲ့တင် အသာစီး ရနေပါပြီ
"အားလုံးပဲ ငါတို့ ဒီအတိုင်း ဆက်သွားရင်တော့ အကုန် အပြတ်ရှင်းခံရလိမ့်မယ်"
လို့ မဟာချန်း ဘိုးဘေးက တဖြည်းဖြည်း နီးကပ်လာတဲ့ ဝိညာဉ်သွေးဂိုဏ်း ရွှေအမြုတေအဆင့်တွေကို ကြည့်ရင်း လေးနက်စွာ ပြောလိုက်ပါတယ်။
"တာအိုဆရာချန်းယ မင်းမှာ အစီအစဉ် ရှိလား မဟာချန်း မြို့တော်မှာ အကာအကွယ်အစီရင်တွေ ရှိတယ်မလားယရန်သူကို ခုခံဖို့ အဲဒါတွေကို ဘာလို့ မသုံးတာလဲ"
လို့ ရွှေအမြုတေကျင့်ကြံသူတစ်ယောက်က မေးပါတယ်။
ချန်းဝူတိက ခါးသီးစွာ ပြုံးရင်း
"ငါ ခုနက အစီရင်ကို အသက်သွင်းဖို့ ကြိုးစားသေးတယ် ဒါပေမဲ့ အဲဒါက ပျက်စီးနေပြီ အစီရင်ရဲ့ အမြုတေကို တစ်ယောက်ယောက်က ယူသွားပြီထင်တယ်"
လို့ ပြောလိုက်ပါတယ်။
"တောက် ဝိညာဉ်သွေးဂိုဏ်းက လူတွေကတော့ နေရာအနှံ့ ဝင်ရောက်နေတာပဲ သူတို့က ငါတို့ကိုတင် မကဘူး ဝိညာဉ်သန္ဓေသားအဆင့် ပညာရှင်တွေကိုပါ သတ်ဖို့ ပြင်ဆင်ထားတာပဲ"
"အဲဒီလိုသာ ဖြစ်သွားရင် မဟာချန်းမြို့တော်ကြီးက ဆေးဖိုကြီး ဖြစ်သွားပြီး ငါတို့က သူတို့အတွက် လောင်စာတွေ ဖြစ်သွားလိမ့်မယ်"
အားလုံး တိတ်ဆိတ်သွားကြပါတယ်။
ရွှေအမြုတေအဆင့် ပညာရှင်တွေတောင် သေရမှာကို ကြောက်တတ်ကြတာပဲလေ။
မကြောက်ရင် ဘာလို့ မသေမျိုးဖြစ်အောင် ကျင့်ကြံနေကြဦးမှာလဲ
ရှင်းလုံမင်းသမီးရဲ့ မျက်ဝန်းတွေကတော့ ပြတ်သားတဲ့ အရိပ်အယောင်တွေနဲ့ တောက်ပနေပါတယ်။
"ဦးလေး ကျွန်မတို့ သူတို့ကို အသေခံ တိုက်ကြရအောင်"
"သူတို့ဘက်မှာ ရွှေအမြုတေ အထွတ်အထိပ်အဆင့် နှစ်ယောက် ရှိနေပေမဲ့ ငါတို့ကို အလွယ်တကူ နှိမ်နင်းဖို့တော့ မလွယ်ပါဘူး"
ဝူထျန်းကျိက စိတ်ထဲကနေ သက်ပြင်းချလိုက်ပါတယ်။
"ဒါက ငါတို့ရဲ့ နောက်ဆုံး ရွေးချယ်မှုပဲ အဲဒီ ဝိညာဉ်သန္ဓေသားအဆင့် ၃ ယောက် အမြန်လာကူနိုင်ဖို့ပဲ မျှော်လင့်ရတော့မယ် တကယ်လို့ သူတို့သာ ရှုံးသွားရင် ဒီနေ့က ငါတို့အတွက် နောက်ဆုံးနေ့ပဲ"
သူတို့ရဲ့ စကားတွေကြောင့် အခြေခံတည်ဆောက်ခြင်းအဆင့် ကျင့်ကြံသူတွေဟာ မျက်နှာတွေ ပြာနှမ်းကုန်ကြပါတယ်။
ဖန့်အောက် နဲ့ သူ့ဇနီးဟာလည်း ဖန့်ယွင်ကို စိုးရိမ်တကြီး ရှာနေကြပြီး သူမကို အနားမှာ မတွေ့ရတော့မှပဲ စိတ်အေးသွားကြပါတယ်။
"ဂျူနီယာမောင်လေး အဆင်ပြေရဲ့လား"
ယန့်ရုယွဲ့ဟာ ကျန်းရှောင်ခဲ ဘေးမှာ ထိုင်ချလိုက်ပါတယ်။
ကျန်းရှောင်ခဲရဲ့ မျက်နှာက ဖြူလျော့နေပြီး သွေးတွေ အဆက်မပြတ် အန်နေတာကြောင့် သူမဟာ လယ်သူမဝတ်စုံဝတ် အမျိုးသမီးကို လှမ်းကြည့်လိုက်မိပါတယ်။
ကံဆိုးတာက အဲဒီအမျိုးသမီးဟာလည်း ကျန်းရှောင်ခဲ ကို ဒဏ်ရာအပြင်းအထန်ပေးခဲ့တဲ့ အခြေခံတည်ဆောက်ခြင်းအဆင့် ကျင့်ကြံသူနဲ့ အသည်းအသန် တိုက်ခိုက်နေရပါတယ်။
"စီနီယာအစ်မ စိတ်မပူပါနဲ့ ကျွန်တော်... ကျွန်တော် မသေပါဘူး သခင်လေး ရှိနေသရွေ့တော့ ငါတို့ မကြာခင် အဆင်ပြေသွားမှာပါ"
ကျန်းရှောင်ခဲက အတင်းပြုံးပြီး ပြောလိုက်ပါတယ်။
"အခြေအနေအရဆိုရင်တော့ မင်းရဲ့ သခင်လေးတောင် ဒါကို ပြောင်းလဲနိုင်ပါ့မလား မသိတော့ဘူး"
ယန့်ရုယွဲ့ရဲ့ အသံတွေက တုန်ရီနေပါတယ်။
သူမ ဒီလို ပရမ်းပတာ မြင်ကွင်းမျိုး တစ်ခါမှ မမြင်ဖူးပါဘူး။
ဝိညာဉ်သန္ဓေသားအဆင့်တွေ ပိတ်မိနေပြီး ရွှေအမြုတေအဆင့်တွေလည်း ရုတ်တရက် တိုက်ခိုက်ခံနေရတာကြောင့် စည်းစနစ်ကျတဲ့ မြို့တော်ကြီးက စစ်မြေပြင် ဖြစ်နေပါပြီ။
ဝိညာဉ်သွေးဂိုဏ်းသားတွေက နေရာအနှံ့မှာ ခိုးတိုက် သတ်ဖြတ်နေကြတာပါ
ထိုစဉ်မှာပဲ လယ်သူမဝတ်စုံဝတ် အမျိုးသမီးဆီက ညည်းညူသံတစ်ခု ထွက်လာပြီး သူမဟာ သူတို့နားကို နောက်ဆုတ်လာပါတယ်။
သူမရှေ့မှာတော့ အခြေခံတည်ဆောက်ခြင်းအဆင့် ကျင့်ကြံသူသစ်တစ်ယောက် ပေါ်လာပြီး နှစ်ယောက်ပေါင်းကာ သူမကို ဒဏ်ရာအပြင်းအထန် ပေးလိုက်တာပါ။
အမျိုးသမီးက ရန်သူနှစ်ယောက်ကို ဒေါသတကြီး စိုက်ကြည့်လိုက်တယ်။
"ငါတို့ကြားမှာ ဘာရန်ငြိုးမှ မရှိဘဲနဲ့ ဘာလို့ ဒီလောက် ရက်စက်ရတာလဲ"
ရန်သူနှစ်ယောက်က လှောင်ပြုံးပြုံးလိုက်ပြီ
"ဒီကို လာမိတဲ့ မင်းတို့ကိုယ်မင်းတို့ပဲ အပြစ်တင်လိုက်တော့"
လို့ ပြောလိုက်ပါတယ်။
သူတို့တွေ တိုက်ခိုက်ဖို့ ပြင်လိုက်တဲ့အချိန်မှာပဲ လယ်သူမဝတ်စုံဝတ် အမျိုးသမီးရဲ့ လက်ထဲက ငြိမ်နေတဲ့ ကြက်မကြီးဟာ ရုတ်တရက် ဖီးနစ်ငှက်ရဲ့ ဟိန်းသံကို ထုတ်ဖော်လိုက်ပါတယ်။
ကြက်မကြီးရဲ့ ကိုယ်ထဲကနေ ရွှေရောင်အလင်းတန်းတွေ ထွက်ပေါ်လာပြီး ပေပေါင်းများစွာ ရှည်လျားတဲ့ မီးဖီးနစ် ကြီးအဖြစ် ပြောင်းလဲသွားကာ ရန်သူနှစ်ယောက်ဆီကို အရှိန်နဲ့ ပြေးဝင်သွားပါတော့တယ်။
"ဒုတိယအဆင့် အထွတ်အထိပ် ဝိညာဉ်သားရဲလား"
ရန်သူနှစ်ယောက်ဟာ အံ့သြသွားပြီး မျက်နှာတွေ လေးနက်သွားပါတယ်။
ဒုတိယအဆင့် အထွတ်အထိပ်ဆိုတာ အခြေခံတည်ဆောက်ခြင်း အထွတ်အထိပ်အဆင့်နဲ့ ညီမျှတာလေ။
သူမရဲ့လက်ထဲက သားရဲက ဒီလောက်အဆင့်မြင့်လိမ့်မယ်လို့ သူတို့ မထင်ထားခဲ့ပါဘူး
အမျိုးသမီးက သတိပေးလိုက်တယ်။
"ဂိုဏ်းချုပ် သတိထားပါဦး သူတို့နှစ်ယောက်ကို သတ်ပြီးတာနဲ့ ငါတို့ ဆုတ်ကြရမယ် တိုက်ပွဲထဲမှာ အကြာကြီး မနေသင့်ဘူး"
ယန့်ရုယွဲ့နဲ့ ကျန်းရှောင်ခဲ တို့ဟာ ကြောင်အမ်းသွားကြပါတယ်။
"ဂိုဏ်းချုပ်"
ဒါဆို ဒါက အမှန်ပဲပေါ့ ဒီကြက်မကြီးက ဝိညာဉ်သားရဲတောင်ကြား ရဲ့ ဂိုဏ်းချုပ်ကြီးပေါ့
မီးဖီးနစ်ဆီက ထွက်ပေါ်လာတဲ့ အရှိန်အဝါက ကြောက်စရာကောင်းလှပြီး ရန်သူနှစ်ယောက်ဟာ သူတို့ မယှဉ်နိုင်တာကို သိတာကြောင့် ထွက်ပြေးဖို့ ပြင်ကြပါတယ်။
ဒါပေမဲ့ ရုတ်တရက် ဓားအလင်းတန်းတစ်ခုက မီးဖီးနစ်ကို ဝင်တိုက်လိုက်တာကြောင့် ဖီးနစ်ငှက်ကြီးဟာ နာကျင်စွာ အော်ဟစ်ပြီး ညာဘက်အတောင်ပံ ပြတ်တောက်သွားပါတယ်။
ကောင်းကင်ကနေ ပြုတ်ကျလာပြီး ဒဏ်ရာတွေနဲ့ ကြက်မကြီးအသွင် ပြန်ပြောင်းသွားပါတော့တယ်။
ရောက်လာတဲ့သူကတော့ ရွှေအမြုတေအဆင့် ကျင့်ကြံသူတစ်ယောက်ပါ။
ဒါကို မြင်တော့ ဝိညာဉ်သွေးဂိုဏ်းက ကျင့်ကြံသူနှစ်ယောက်ဟာ အရမ်းကို ဝမ်းသာသွားကြပါတယ်။
ရွှေအမြုတေအဆင့် ပညာရှင်က အေးစက်စွာ ပြောလိုက်တယ်။
"အမဲလိုက်ကွင်းပြင်က အဆင်သင့်ဖြစ်ပြီ မင်းတို့ အကုန်လုံး ငါတို့နဲ့ ပူးပေါင်းပြီး ဆေးလုံးဖော်စပ်တဲ့ အစီအစဉ်ကို စတင်တော့မယ်"
အဲဒီနောက် သူက လယ်သူမဝတ်စုံဝတ် အမျိုးသမီးဘက်ကို လှည့်ကြည့်လိုက်ပါတယ်။
ဝိညာဉ်သွေးဂိုဏ်း ကျင့်ကြံသူနှစ်ယောက်ကတော့ အပျော်လွန်နေကြပါပြီ။
"ငါတို့ဂိုဏ်းက ရွှေအမြုတေအဆင့် ပညာရှင် ရောက်လာပြီ ကောင်းတယ် ဒီနေ့ အခြေအနေကတော့ ငါတို့ လက်ထဲမှာပဲ"
ရွှေအမြုတေအဆင့် တစ်ယောက်သာ ပါလာရင် မြို့တော်တစ်ခုလုံးကို တစ်ရက်အတွင်း အလွယ်တကူ ဆေးလုံးဖော်နိုင်မှာလေ
အဲဒီလို တွေးနေတုန်းမှာပဲ နောက်ထပ် ဓားအလင်းတန်းတစ်ခုက ရုတ်တရက် ရောက်လာပါတယ်။
အဲဒီ ရွှေအမြုတေအဆင့် ပညာရှင်ဟာ လှည့်တောင် မကြည့်ရသေးခင်မှာပဲ အဲဒီဓားချက်ကြောင့် ကိုယ်လုံး နှစ်ခြမ်းကွဲပြီး သေဆုံးသွားပါတော့တယ်။
အခန်း ၄၃၈ - အနိုင်ရရန် အခွင့်အရေး မရှိတော့ခြင်း
ဖန့်ချန်၏ မျက်နှာတွင် မောပန်းနွမ်းနယ်သည့် အရိပ်အယောင်အချို့ ပေါ်လာသည်။
အစောပိုင်းက ထုံဟုနှင့် တောင်ပိုင်းကောင်းကင်ဂိုဏ်း ဘိုးဘေးတို့ကို အသေအချာ သတ်ဖြတ်နိုင်ရန်အတွက် သူသည် ရှစ်မျက်နှာအရပ် ဓားကျမ်း ကို နှစ်ကြိမ်တိုင်တိုင် အသုံးပြုခဲ့ရသည်။
အခု ဓားချက်နှင့်ဆိုလျှင် သူ စုစုပေါင်း သုံးကြိမ် အသုံးပြုခဲ့ပြီးပြီ ဖြစ်သည်။
ကံကောင်းသည်မှာ အခုအခါတွင် သူ၏ အခြေခံအဖြစ် မသေမျိုးဓားအကြော များ ရှိနေပြီဖြစ်သောကြောင့် ယခင်ကကဲ့သို့ သက်တမ်းကို လွယ်လွယ်ကူကူ ကုန်ဆုံးစေခြင်း မရှိတော့ပေ။
ပထမဦးဆုံး ပုံစံကိုသာ အသုံးပြုမည်ဆိုလျှင် သူ ဘာကိုမှ စိုးရိမ်စရာ မလိုတော့ပါ။
အခြေခံတည်ဆောက်ခြင်းအဆင့် ကျင့်ကြံသူနှစ်ဦးမှာ ကြောင်အမ်းနေကြသည်။
သူတို့၏ ရွှေအမြုတေအဆင့် ပညာရှင်ကို လူတစ်ယောက်က ဓားတစ်ချက်တည်းဖြင့် သတ်ဖြတ်နိုင်လိမ့်မည်ဟု သူတို့ မထင်ထားခဲ့ကြပေ။
သူတို့ သတိပြန်ဝင်လာသည့် အချိန်တွင်မူ ထိုလူမှာ ပျောက်ကွယ်သွားပြီ ဖြစ်ကြောင်း သိလိုက်ရသည်။
ဗျစ်... ဗျစ်...
ဖန့်ချန်မှာ အရိပ်ထဲမှ ရုတ်တရက် ပေါ်ထွက်လာပြီး အခြေခံတည်ဆောက်ခြင်းအဆင့် ကျင့်ကြံသူနှစ်ဦးကို တစ်ယောက်တစ်ချက်စီဖြင့် အဆုံးစီရင်လိုက်သည်။
လယ်သူမဝတ်စုံဝတ် အမျိုးသမီးမှာ ထိတ်လန့်သွားသည်။
"သခင်လေးဖန့်"
ယန့်ရုယွဲ့နှင့် ကျန်းရှောင်ခဲတို့မှာလည်း ဆွံ့အသွားကြသည်။
ကျန်းရှောင်ခဲ တစ်ယောက်သာ
"ဒါမျိုး ဖြစ်သင့်တာပေါ့"
ဆိုသည့် အပြုံးမျိုး ပြုံးနေလေသည်။
ယန့်ရုယွဲ့က အသက်ကို ပြင်းပြင်းရှူလိုက်ပြီး သံသယအပြည့်ဖြင့် ကြည့်နေသည်။
"သူက ခုနတင် ရွှေအမြုတေအဆင့် တစ်ယောက်ကို သတ်လိုက်တာလား"
"အကြီးအကဲစူး အခု မြို့တော်ထဲက အခြေအနေက အရမ်း အန္တရာယ်များနေပြီ မင်းမှာ ဘာဝှက်ဖဲတွေ ရှိသေးလဲ အခုပဲ ထုတ်သုံးတော့ အချိန်နှောင်းသွားတဲ့အထိတော့ မစောင့်ပါနဲ့"
ဖန့်ချန်က အတောင်ပံတစ်ဖက် ကျိုးနေသည့် ကြက်မကြီးကို တစ်ချက်ကြည့်လိုက်ပြီးနောက် အမဲလိုက်ကွင်းပြင်ရှိရာသို့ ဦးတည်ထွက်ခွာသွားသည်။
ထိုနေရာရှိ ရွှေအမြုတေအဆင့် ကျင့်ကြံသူများမှာ ဆက်လက်မခုခံနိုင်တော့ပေ။
တကယ်လို့ ဝိညာဉ်သွေးဂိုဏ်းမှ ရွှေအမြုတေအဆင့်များကသာ ဝင်ရောက်နှောင့်ယှက်လိုက်မည်ဆိုလျှင် မြို့တော်တစ်ခုလုံး ဆေးလုံးအဖြစ် အဖော်ခံရခြင်းကို ဘယ်သူမှ တားဆီးနိုင်တော့မည် မဟုတ်ပေ။
အမျိုးသမီးမှာ ကြက်မကြီးကို သူမ၏ ရင်ခွင်ထဲသို့ ချက်ချင်းပွေ့ပိုက်လိုက်ပြီး ယန့်ရုယွဲ့နှင့် ကျန်းရှောင်ခဲတို့ကို ခေါ်ကာ ဖန့်ချန်နောက်သို့ လိုက်ပါသွားတော့သည်။
"ဆရာ သူက ဟိုဘက်ကို သွားနေတာ"
ယန့်ရုယွဲ့က ကြောက်လန့်တကြား ပြောလိုက်သည်။
"သူ့မှာ အကြောင်းပြချက် ရှိမှာပါ ငါတို့ အသက်ရှင်ချင်ရင် သူ့နောက်ကိုပဲ လိုက်ရမှာ"
ဟု အမျိုးသမီးက ခပ်တိုးတိုး ပြန်ပြောလိုက်သည်။ ကျန်းရှောင်ခဲကလည်း ပြုံးရင်း ခေါင်းညိတ်သည်။
"ဟုတ်တယ် သူ့နောက်လိုက်ရင် ငါတို့ ဘေးကင်းလိမ့်မယ်"
အရိပ်ထဲမှ ဓားတစ်လက် ရုတ်တရက် ထွက်ပေါ်လာပြီး လီတောက်ယဲ့တို့အဖွဲ့ကို ဝိုင်းထားသည့် အခြေခံတည်ဆောက်ခြင်းအဆင့် ကျင့်ကြံသူကို သတ်ဖြတ်လိုက်သည်။
လီမျက်လုံးပြူးမှာ အလွန်ဝမ်းသာသွားသည်။
"စတုတ္ထညီ မင်း အချိန်မီ ရောက်လာတာပဲ"
နုံကွေ့ချွမ် မှာ အရိပ်ထဲမှ ထွက်ပေါ်လာပြီး အမဲလိုက်ကွင်းပြင်ရှိရာသို့ လေးနက်စွာ ကြည့်လိုက်သည်။
"အစ်ကိုကြီးက ဟိုဘက်မှာ ရှိနေပုံရတယ်"
"ဒါဆို ငါတို့ မြို့ပြင်ဘက်ကို သွားကြရအောင်"
လီမျက်လုံးပြူးက တွန့်ဆုတ်မနေဘဲ လီတောက်ယဲ့နှင့် အကြီးအကဲ မင်ကျင့်တို့ကို ဆွဲကာ ဆန့်ကျင်ဘက်အရပ်သို့ ထွက်ပြေးရန် ပြင်လိုက်သည်။
နုံကွေ့ချွမ်မှာ ဒေါသထွက်သွားသည်။
"ဒုတိယအစ်ကို ငါတို့ အစ်ကိုကြီးကို သွားမကယ်သင့်ဘူးလား"
"စတုတ္ထညီ မင်း ဟိုဘက်က အခြေအနေကို မသိလို့ပါ ကံတရားကြည့်တဲ့ ပညာရပ်ကို မသုံးဘဲနဲ့တောင် အဲဒီဘက်က သေတွင်းဆိုတာ ငါ သိနေတယ် သွားရင် အသက်ရှင်မှာ မဟုတ်ဘူး"
လီမျက်လုံးပြူးက ဖျောင်းဖျလိုက်သည်။
"ငါနဲ့ အရင်လိုက်ခဲ့ပါ အစ်ကိုကြီးမှာ နည်းလမ်းတွေ အများကြီး ရှိပါတယ် သူ အလွယ်တကူ သေမှာ မဟုတ်ဘူး အခုချိန်မှာ ငါတို့ကိုယ်ငါတို့ အရင် ဘေးကင်းအောင် လုပ်ရမယ်"
"မလုပ်ဘူးယ ငါ ဒီမှာနေပြီး ဝိညာဉ်သွေးဂိုဏ်းသားတွေကို သတ်မယ် ဟိုဘက် အမဲလိုက်ကွင်းပြင်မှာ ကျင့်ကြံသူတွေ ပိုများတယ်"
နုံကွေ့ချန်က ခေါင်းယမ်းလိုက်သည်။
"မင်းတို့ သွားချင်ရင် သွားကြတော့"
"စတုတ္ထညီ မင်း ဘယ်တုန်းက ဒီလိုဖြစ်သွားတာလဲဝိညာဉ်သွေးဂိုဏ်းက အပျော့ဆွဲလို့ရတဲ့ အကောင်တွေ မဟုတ်ဘူး မင်းက ဘာလို့ သူတို့ကို သတ်ချင်နေရတာလဲ"
လီမျက်လုံးပြူး အော်ဟစ်လိုက်သည်
သို့သော် သူသည် နုံကွေ့ချွမ်ကို တစ်မျိုးကြည့်လိုက်မိပြီး လေးစားသည့် အရိပ်အယောင်များ မျက်ဝန်းထဲတွင် ပေါ်လာသည်။
"စတုတ္ထညီ မင်းက လောကကြီးကို ငဲ့ညှာတာပဲ ငါ မင်းကို တကယ် လေးစားသွားပြီ နောင်ကျရင် ရှစ်ထောင့်ဗေဒင်ဂိုဏ်း မှာ မင်းအတွက် စင်မြင့်တစ်ခု သီးသန့် လုပ်ပေးမယ်"
နုံကွေ့ချွမ်က သူ့ကို တစ်ချက်ကြည့်ပြီး အေးဆေးစွာ ပြောလိုက်သည်။
"တစ်ယောက်ယောက်က ငါ့ကို ပြောတယ် ဝိညာဉ်သွေးဂိုဏ်းက ချီသန့်စင်ခြင်းအဆင့် တစ်ယောက်သတ်ရင် အဆင့်နိမ့် ဝိညာဉ်ကျောက်တုံး နှစ်ရာရမယ်တဲ့ အခြေခံတည်ဆောက်ခြင်းအဆင့် တစ်ယောက်ဆိုရင် တစ်ထောင်တဲ့ ငါ ဒီပိုက်ဆံကို ရအောင် ရှာရမယ်"
ပြောပြောဆိုဆိုဖြင့် နုံကွေ့ချွမ် သည် ခုနက သေသွားသည့် အခြေခံတည်ဆောက်ခြင်းအဆင့် ကျင့်ကြံသူ၏ ခေါင်းကို ဖြတ်ကာ သိုလှောင်လက်စွပ်ထဲ ထည့်လိုက်သည်။
ထို့နောက် အရိပ်ထဲသို့ ပြန်လည်ဝင်ရောက်ကာ ပျောက်ကွယ်သွားတော့သည်။
"ချီသန့်စင်ခြင်းအဆင့် တစ်ယောက်ကို နှစ်ရာအခြေခံတည်ဆောက်ခြင်းအဆင့်ကို တစ်ထောင် ငါ သိသားပဲ သူက ဒီအတိုင်းတော့ လုပ်မယ့်လူ မဟုတ်ဘူး"
လီမျက်လုံးပြူးက တိုးတိုးလေး ရေရွတ်လိုက်သည်။
"ဒီစီးပွားရေး ငါလည်း ပါမှ ဖြစ်မယ်"
ရုတ်တရက် အကြီးအကဲ မင်ကျင့်က လီတောက်ယဲ့ကို ကြည့်ပြီး မေးလိုက်သည်။
"ဂိုဏ်းချုပ်လေး ဘာလုပ်နေတာလဲ"
မမြင်နိုင်သော အဖြူရောင် စွမ်းအင်များမှာ လီတောက်ယဲ့၏ ခန္ဓာကိုယ်ပတ်လည်တွင် လှည့်ပတ်နေပြီး သူ၏ အပေါက်ခုနစ်ပေါက်မှတစ်ဆင့် ကိုယ်ထဲသို့ စီးဝင်နေသည်။
ခဏအကြာတွင် လီတောက်ယဲ့ မျက်လုံးဖွင့်လာသည်။ သူ၏ ဆံပင်များမှာ အနည်းငယ် ပို၍ ဖြူသွားပုံရသည်။
"အမဲလိုက်ကွင်းပြင်ကို သွားကြစမ်း"
လီတောက်ယဲ့က ဝမ်းသာအားရ အော်လိုက်သည်။
"ငါတို့ရဲ့ ထွက်ပေါက်က ဟိုဘက်မှာ ဒါကိုသာ ကျော်ဖြတ်နိုင်ရင် အားလုံးအတွက် အကျိုးရှိလိမ့်မယ်"
လီမျက်လုံးပြူး ရူးမတတ် ဖြစ်သွားသည်။
"မင်း ရူးနေတာလား"
"ဂိုဏ်းချုပ်... ဂိုဏ်းချုပ်လေးရဲ့ ဗေဒင်ပညာက ဂိုဏ်းချုပ်ရဲ့ ကံတရားကြည့်တဲ့ ပညာထက် ပိုစွမ်းပုံရတယ် ငါတို့ သူ့စကား နားထောင်သင့်တယ် ထင်တယ်"
ဟု အကြီးအကဲ မင်ကျင့်က အကြံပြုသည်။
လီမျက်လုံးပြူး သွားကြိတ်လိုက်သည်။
"ကောင်းပြီ ဒီတစ်ခါတော့ သူ့စကား နားထောင်မယ် အခြေအနေ မဟန်ရင်တော့ ချက်ချင်း ပြေးကြမယ်"
ဖန့်ချန်သည် အမဲလိုက်ကွင်းပြင်သို့ ရောက်လာသည့်အခါ အခြေအနေမှာ အလွန်ပင် ဆိုးရွားနေပြီ ဖြစ်သည်။
ဖန့်ထင်ကျန့်နှင့် အဖွဲ့မှာ ဖိနှိပ်ခံထားရပြီး ပြန်လည်တိုက်ခိုက်ရန် ခက်ခဲနေသည်မှာ ထင်ရှားသည်။
ဝိညာဉ်သွေးဂိုဏ်းဘက်မှ အခြေခံတည်ဆောက်ခြင်းနှင့် ချီသန့်စင်ခြင်းအဆင့် ကျင့်ကြံသူ အရေအတွက်မှာ တဖြည်းဖြည်း ပိုများလာသည်။
လွန်ခဲ့သည့် ရက်အနည်းငယ်က တုန်းဖန်းဟောက်ကျဲ ကို လုပ်ကြံရန် မအောင်မြင်ခဲ့ပြီးနောက် သူတို့သည် အင်အားဖြည့်တင်းထားခဲ့ပုံရသည်။
သူတို့မှာ မြို့တော်ကို ဆေးဖိုအဖြစ် ပြောင်းလဲရန်အတွက် အထောက်အကူပြုရန် ရောက်နေခြင်း ဖြစ်သည်။
ရုတ်တရက် ဖန့်ဝမ်လီက ဟိန်းဟောက်လိုက်သည်။
"ချန်းဝူတိ မင်း လိပ်အိုကြီး မင်းလည်း ဝိညာဉ်သွေးဂိုဏ်းကပဲလား"
ဖန့်ထင်ကျန့်မှာ ကောင်းကင်ယံမှ ဆင်းသက်လာပြီး ဖန့်ချန်အနီးတွင် လဲကျသွားသည်။
သူ၏ ခန္ဓာကိုယ်တွင် အပေါက်ကြီးတစ်ခု ဖြစ်နေပြီး အတွင်းအင်္ဂါများမှာလည်း ပျက်စီးကာ သွေးများ ထွက်နေသည်။
ရုတ်တရက် တိုက်ခိုက်လိုက်သူမှာ အခြားသူမဟုတ်၊ ဝိညာဉ်သွေးဂိုဏ်း၏ ရွှေအမြုတေအဆင့်ကို တိုက်ထုတ်ရန် ဖန့်ထင်ကျန့်နှင့် ပူးပေါင်းခဲ့သည့် ချန်းဝူတိ ပင် ဖြစ်သည်။
အရှင်ထျန်းဝူနှင့် တခြားလူများမှာ ဆွံ့အသွားကြသည်။ ချန်းဝူတိက အခုလို အရေးကြီးသည့် အချိန်တွင် သစ္စာဖောက်လိမ့်မည်ဟု သူတို့ လုံးဝ မထင်ထားခဲ့ပေ။
ကျန်းရွှမ်၏ မျက်နှာမှာ ပျက်ယွင်းသွားသည်။
"တောက် ငါ ဒီကို မလာခဲ့သင့်ဘူး"
သူ၏ အကာအကွယ်အောက်တွင်ရှိသော ဆွေ့ဟွမ်နျန်နှင့် တခြားလူများမှာ ဘေးကင်းနေဆဲ ဖြစ်သည်။
ဆွေ့ဟွမ်နျန်ဟွား၏ ပုံရိပ်ယောင်ပညာ မှာ အခုအချိန်တွင် အတော်လေး အသုံးတည့်နေသည်။
ရှင်းလုံမင်းသမီးမှာ ထိတ်လန့်ဒေါသထွက်ကာ ချန်းဝူတိကို မယုံနိုင်သည့် မျက်လုံးများဖြင့် ကြည့်နေသည်။
"ဦးလေး"
ချန်းဝူတိက ရှင်းလုံမင်းသမီးနှင့် တခြားလူများကို အထက်စီးမှ ကြည့်လိုက်သည်။
"မင်းက ငါ့ကို ဦးလေးလို့ ခေါ်မှတော့ ငါ မေးမယ် မင်း ဝိညာဉ်သွေးဂိုဏ်းထဲကို ဝင်ချင်လား"
ထိုအချိန်တွင် ဝိညာဉ်သွေးဂိုဏ်းမှ ရွှေအမြုတေအဆင့် ကျင့်ကြံသူများမှာ သူ၏ အနားသို့ ရောက်လာကြသည်။
သူအပါအဝင် ဝိညာဉ်သွေးဂိုဏ်းဘက်တွင် ရွှေအမြုတေ အထွတ်အထိပ်အဆင့် ၃ ယောက်၊ အဆင့်မြင့်ပိုင်း ၇ ယောက်မှ ၈ ယောက်၊ အလယ်အလတ်အဆင့် ၁၀ ယောက်ကျော်နှင့် အစောပိုင်းအဆင့် ဒါဇင်ပေါင်းများစွာ ရှိနေပြီဖြစ်သည်။
ဝိညာဉ်သွေးဂိုဏ်း၏ အင်အားမှာ အားလုံးကို လွှမ်းမိုးထားနိုင်ပြီ ဖြစ်သည်။
"ဦးလေး မဟာချန်းက ကျွန်မတို့ရဲ့ ဇာတိမြေလေ ဦးလေးက ဘယ်လိုလုပ်ပြီး ဝိညာဉ်သွေးဂိုဏ်းထဲဝင်ပြီး ကိုယ့်လူမျိုးကို ပြန်သတ်နိုင်ရတာလဲ"
ရှင်းလုံမင်းသမီးက အသံဗမာစွာဖြင့် မေးလိုက်သည်။
ချန်းဝူတိက အေးစက်စွာ ပြောလိုက်သည်။
"ကပ်ဘေး၃ ပါးနဲ့ ဆင်းရဲဒုက္ခ ၉ ပါး ကို ငါ ကျော်ဖြတ်နိုင်မှာ မဟုတ်ဘူး ဒါပေမဲ့ ငါ မသေချင်ဘူး"
"ငါ ဝိညာဉ်သန္ဓေသားအဆင့်ကို တက်ချင်တယ်ဝိညာဉ်သွေးဂိုဏ်းထဲ ဝင်တာက ငါ့အတွက် အကောင်းဆုံး ရွေးချယ်မှုပဲ"
" ဒီနေ့ပြီးရင် ငါ ဝိညာဉ်သန္ဓေသားအဆင့်ကို တက်လှမ်းဖို့ အရည်အချင်း ရလိမ့်မယ် အဲဒီအချိန်ကျရင် မဟာချန်းလို နိုင်ငံမျိုး ဆယ်နိုင်ငံတောင် ငါ အလွယ်တကူ ပြန်ဖန်တီးနိုင်တယ်"
ရှိနေသည့် မင်းသားနှင့် မင်းသမီးများမှာ ကြောင်အမ်းသွားကြသည်။ သူတို့၏ ဘိုးဘေးတွင် ဤကဲ့သို့ အစီအစဉ်များ ရှိနေလိမ့်မည်ဟု သူတို့ လုံးဝ မထင်ထားခဲ့ပေ။
"ဘိုးဘေး ကျွန်တော် ဝိညာဉ်သွေးဂိုဏ်းထဲ ဝင်ပါ့မယ်"
ချန်းဖုန်းက ရုတ်တရက် အော်ဟစ်လိုက်သည်။
သူ၏ အော်ဟစ်သံကြောင့် သူ့ကို တိုက်ခိုက်နေသည့် ဝိညာဉ်သွေးဂိုဏ်းသားများမှာ ခဏ ရပ်သွားကြသည်။ တခြား မင်းသား၊ မင်းသမီး အများအပြားလည်း လိုက်လံ အော်ဟစ်ကြသည်။
သို့သော် ချန်းဝူတိက သူ့ကို တစ်ချက်ကြည့်ပြီး အေးဆေးစွာ ပြောလိုက်သည်။
"မင်းမှာ ဘာအရည်အချင်း ရှိလို့လဲ"
အသက်ဆက်ဖို့ လမ်းစတွေ့ပြီဟု ထင်ထားသည့် ချန်းဖုန်းမှာ ထိုစကားကြောင့် နေရာတင်ပင် လဲကျမတတ် ဖြစ်သွားသည်။
ချန်းဝူတိက ချန်းဖုန်းကို အထင်သေးစွာ ကြည့်ပြီးနောက် ရှင်းလုံမင်းသမီးကို ကြည့်လိုက်သည်။
"မင်း တစ်ယောက်ပဲ အခွင့်အရေး ရှိတယ်တကယ်လို့ မင်း ဝိညာဉ်သွေးဂိုဏ်းထဲ ဝင်မယ်ဆိုရင် အထက်လူကြီးတွေကို ငါ အသနားခံပေးမယ်"
"တခြားလူတွေကတော့ ဆေးလုံးအဖြစ် အဖော်ခံရမှာပဲ မင်းတို့မှာ အနိုင်ရဖို့ အခွင့်အရေး မရှိတော့ဘူး"