အခန်း (၄၃၉-၄၄၀)

​အခန်း ၄၃၉ - နတ်မီးအိမ်၏ စွမ်းပကား

​အနိုင်ရဖို့ အခွင့်အရေး မရှိတော့ဘူးလား

​ချန်းဝူတိရဲ့ စကားတွေနဲ့ သူ့ရဲ့ သစ္စာဖောက်မှုဟာ ရှိနေတဲ့ ကျင့်ကြံသူအားလုံးကို တိတ်ဆိတ်သွားစေပါတယ်။

ဝိညာဉ်သွေးဂိုဏ်းရဲ့ ကြောက်မက်ဖွယ်ရာ သတင်းတွေနဲ့ အခုကြုံတွေ့နေရတဲ့ အခြေအနေတွေကြောင့် လူတိုင်းဟာ တဖြည်းဖြည်း ကြောက်ရွံ့လာကြပါတယ်။

​သူတို့ဘက်မှာရှိတဲ့ တစ်ဦးတည်းသော ရွှေအမြုတေအဆင့် ပညာရှင် ဖန့်ထင်ကျန့်ကလည်း ဒဏ်ရာပြင်းထန်နေပါပြီ။

ဝိညာဉ်သန္ဓေသားအဆင့် ပညာရှင် ၃ ယောက်ကလည်း အနက်ရောင်မြူတွေကြားထဲမှာ ပိတ်မိနေပြီး အခြေအနေကို မသိရသေးပါဘူး။

​မဟာချန်း အင်ပါယာဟာ ဘယ်လောက်အထိ တောင့်ခံနိုင်ပါဦးမလဲ

​"ဦးလေးကျွန်မ ဝိညာဉ်သွေးဂိုဏ်းထဲ မဝင်နိုင်ဘူး"

ရှင်းလုံမင်းသမီးက မျက်ရည်ဝဲနေတဲ့ မျက်ဝန်းတွေနဲ့ ခပ်တိုးတိုး ပြောလိုက်ပါတယ်

"ဒါကို သေချာစဉ်းစားစေချင်ပါတယ် ဒီနေ့ရဲ့ ကံကြမ္မာအကျိုးပေး ထဲမှာသာ ဦးလေး ပါဝင်ပတ်သက်သွားရင် နောင်တစ်ချိန် မသေမျိုးဖြစ်ဖို့ လမ်းကြောင်းမှာ ခက်ခဲပါလိမ့်မယ်"

​ချန်းဝူတိက နှာခေါင်းရှုံ့လိုက်ရင်း

"အသက်ဘေးနဲ့ ရင်ဆိုင်နေရတဲ့အချိန်မှာ ကံကြမ္မာအကျိုးပေးက ဘာအရေးလဲ နောက်ပြီး ဝိညာဉ်သွေးဂိုဏ်းက ကံကြမ္မာကို အကြောက်ဆုံး မဟုတ်ဘူး"

"ကောင်းကင်က ငါတို့ကို ငြင်းပယ်ရင် ငါတို့ကပဲ ကောင်းကင်အသစ် ဖြစ်လာမှာပေါ့ သွေးဝိညာဉ်ဆေးလုံး က ဘယ်လို အတားအဆီးကိုမဆို ဖောက်ထွက်နိုင်တယ် မင်းကတော့ မင်းရဲ့ နောက်ဆုံးအခွင့်အရေးကို လက်လွှတ်လိုက်ပြီပဲ"

​ပြောပြောဆိုဆိုနဲ့ သူက လက်ကို ဝေ့ယမ်းလိုက်ရာ စိမ်းဖန့်ဖန့် ဓားအရှိန်အဝါတစ်ခုဟာ ဖန့်ထင်ကျန့်ဆီကို တန်းတန်းမတ်မတ် ပြေးဝင်သွားပါတယ်။

ဖန့်ဝမ်လီတို့က ကူညီချင်ပေမဲ့ သူတို့ကြားမှာ အကွာအဝေးတစ်ခု ရှိနေသလို ရွှေအမြုတေအဆင့် ကျင့်ကြံသူတစ်စုကလည်း သူတို့ကို အနီးကပ် စောင့်ကြည့်နေတာကြောင့် တစ်ချက်လေး အမှားခံတာနဲ့ အသက်ပျောက်သွားနိုင်ပါတယ်။

​ဓားချက်က ဖန့်ထင်ကျန့်ကို ထိတော့မယ့်အချိန်မှာပဲ ဖန့်ချန်ရဲ့ ကိုယ်ထဲကနေ စိမ်းရောင်အလင်းတန်းတစ်ခု ဖြာထွက်လာပါတယ်။

​ဓားဟာ စိမ်းရောင်အလင်းနဲ့ ထိတွေ့သွားပြီး တစ်လက်မတောင် ရှေ့မတိုးနိုင်ဘဲ တန့်သွားပါတော့တယ်။

​အားလုံး အံ့သြသွားကြပါတယ်။

​ဒါ ဘယ်သူလဲ ချန်းဝူတိရဲ့ ဓားကို တားနိုင်တယ် ဟုတ်လား ချန်းဝူတိက ရွှေအမြုတေ အထွတ်အထိပ်အဆင့် ကျင့်ကြံသူလေ

​အားလုံး လှည့်ကြည့်လိုက်တဲ့အခါမှာတော့ နတ်နဂါးအရိုးမီးအိမ် ကို ကိုင်ထားပြီး ဖန့်ထင်ကျန့်ဘေးကို အေးအေးဆေးဆေး လျှောက်လာနေတဲ့ ဖန့်ချန်ကို မြင်လိုက်ရပါတယ်။

အဲဒီ စိမ်းရောင်အလင်းဟာ သူ့လက်ထဲက ရှေးဟောင်းမီးအိမ်ကနေ ထွက်ပေါ်လာတာပါ။

​စကြဝဠာမှန်ချပ် ကတော့ ကြွားလုံးထုတ်ခဲ့တာ မဟုတ်ပါဘူး။

နတ်နဂါးအရိုးမီးအိမ်ဟာ တကယ်ကို အသုံးဝင်လှပါတယ်။

ဖန့်ချန်အတွက်တော့ ဒါဟာ ဝိညာဉ်စွမ်းအင် အများကြီး ကုန်ဆုံးတာမျိုး မရှိဘဲ အလွယ်တကူ အသက်သွင်းနိုင်ပါတယ်။

​တစ်ခုတည်းသော ဆုံးရှုံးမှုကတော့ မီးအိမ်အမြုတေထဲက ဆီ ပါပဲ

​ဖန့်ဝမ်လီ ကြောင်အမ်းသွားပါတယ်။

"ဒါ ဖန့်ချန် မဟုတ်လား"

​ဒါ ကျွယ်ဝူတိရဲ့ မီးအိမ် မဟုတ်လား ဖန့်ချန်လက်ထဲမှာ ဘာလို့ ဒီလောက် စွမ်းနေရတာလဲ

​ဖန့်ထင်ကျန့်က ဖန့်ချန်ကို လှည့်ကြည့်ပြီး ခပ်တင်းတင်း ပြောလိုက်ပါတယ်။

"မင်း ဒီကို ဘာလို့ လာတာလဲ အမြန်ထွက်သွားပြီး အသက်ရှင်အောင် ကြိုးစားစမ်း"

​ဖန့်ချန်က အသာအယာ ပြုံးလိုက်ပြီး

"ဘိုးဘေး ဒီနေ့ ငါတို့အားလုံးက ကြိုးတစ်ချောင်းတည်းမှာ ချည်ထားတဲ့ နှံကောင်တွေလိုပဲ ဘိုးဘေး မရှင်ရင် ငါတို့လည်း မရှင်နိုင်ဘူး"

​နောက်ထပ် ရွှေအမြုတေ အထွတ်အထိပ်အဆင့် ကျင့်ကြံသူတစ်ယောက်က မကျေမနပ် နှာခေါင်းရှုံ့လိုက်ပါတယ်။

"ချန်းဝူတိ မင်း သူ့ကို လက်လျှော့ပေးလိုက်တာလား"

​အဲဒီကျင့်ကြံသူက လက်ကို ဝေ့ယမ်းလိုက်ရာ ဓာတ်ကြီးငါးပါး စွမ်းအင်တွေဟာ တောရိုင်းသားရဲတွေနဲ့ လက်နက်တွေအဖြစ် ပြောင်းလဲသွားပြီး စိမ်းရောင်အလင်းကို အပြင်းအထန် တိုက်ခိုက်ပါတော့တယ်။

​ဒါပေမဲ့ သူ့ရဲ့ နည်းလမ်းတွေက စိမ်းရောင်အလင်းကို အစင်းကြောင်းလေးတောင် မထင်စေနိုင်ပါဘူး။

​ထိုပညာရှင်မှာ အံ့သြသွားပြီး သူ၏ မျက်ဝန်းများတွင် လောဘအရိပ်အယောင်များ ပေါ်လာသည်။

"ဒါ ဘယ်လို ရတနာမျိုးလဲ ချီသန့်စင်ခြင်းအဆင့်လောက်က ငါတို့ရဲ့ တိုက်ခိုက်မှုကို ဘယ်လိုလုပ် ခုခံနိုင်ရတာလဲ"

​"မင်း ဖန့်ထင်ကျန့်ကို တစ်သက်လုံး ကာကွယ်မပေးနိုင်ပါဘူး"

ချန်းဝူတိက ဖန့်ချန်ကို သေချာစိုက်ကြည့်လိုက်ပါတယ်။

"သတ်ကြစမ်း ဒီမှာရှိတဲ့ ရွှေအမြုတေအဆင့်တွေကို အကုန်သတ်ပစ် ဒါဆိုရင် အခြေအနေက ငါတို့လက်ထဲ ရောက်ပြီ"

​ဖန့်ချန်က အသံလှိုင်းနဲ့ သတင်းပို့လိုက်ပါတယ်။

"ဘိုးဘေးဝမ်လီ မင်းတို့လူတွေကို ခေါ်ပြီး ဒီဘက်လာခဲ့"

​ဖန့်ဝမ်လီ မျက်လုံးတွေ တောက်ပသွားပြီး ဖန့်အောက်တို့အဖွဲ့ကို ဦးဆောင်ကာ ဖန့်ချန်ဆီကို ပြေးလာပါတယ်။

ရွှေအမြုတေအဆင့်အချို့က တားဆီးဖို့ ကြိုးစားပေမဲ့ ဖန့်ဝမ်လီက ဒဏ်ရာအပြင်းအထန်ရမယ့် ဘေးကို ဂရုမစိုက်ဘဲ ဖန့်ချန်ဘေးကို အရောက်သွားနိုင်ခဲ့ပါတယ်။

​"တော်သေးတာပေါ့"

ဖန့်ဝမ်လီ သက်ပြင်းချလိုက်ပါတယ်။

သူက ဘူးသီးခြောက်ထဲက အရက်ကို သောက်လိုက်ပြီး အပြင်က ရွှေအမြုတေအဆင့်တွေဆီကို မှုတ်ထုတ်လိုက်ပါတယ်။

အရက်တွေဟာ ထောင်ပေါင်းများစွာသော အရက်ဓားတွေအဖြစ် ပြောင်းလဲသွားပြီး လျှပ်စီးလို မြန်ဆန်စွာ ပျံထွက်သွားပါတယ်။

​ရန်သူတွေဟာ မမျှော်လင့်ဘဲ တိုက်ခိုက်ခံရတာကြောင့် ပျာယာခတ်သွားကြပါတယ်။

သူတို့က ပြန်တိုက်ပေမဲ့ သူတို့ရဲ့ တိုက်ခိုက်မှုတွေက နတ်နဂါးအရိုးမီးအိမ်ရဲ့ အလင်းတန်းမှာပဲ တန့်သွားပါတယ်။

​ဖန့်ဝမ်လီက ရုတ်တရက် တစ်နေရာကို ကြည့်လိုက်ပြီး

"မကောင်းတော့ဘူး... အရှင်ထျန်းဝူ အန္တရာယ်ရှိနေပြီ"

​ဖန့်ချန် စိတ်ကို အာရုံစိုက်လိုက်တာနဲ့ မီးအိမ်ရဲ့ စိမ်းရောင်အလင်းဟာ အရပ်မျက်နှာအနှံ့ကို ပြန့်ကားသွားပြီး အမဲလိုက်ကွင်းပြင်မှာရှိတဲ့ မရေမတွက်နိုင်တဲ့ ကျင့်ကြံသူတွေကို လွှမ်းခြုံလိုက်ပါတယ်။

နျဲ့ထျန်းယွမ်ရဲ့ လက်ချက်နဲ့ သေလုနီးပါး ဖြစ်နေတဲ့ အရှင်ထျန်းဝူလည်း အလင်းထဲမှာ ပါသွားပါတယ်။

​ဖန့်ချန်က အသာအယာ ပြောလိုက်ပါတယ်။

"အားလုံးပဲ ဒီဘက်ကို လာခဲ့ကြပါ"

​ဒါပေမဲ့ ဖန့်ချန်ဟာ ဒီအခြေအနေကို အကြာကြီး မထိန်းထားနိုင်ပါဘူး။

မီးအိမ်အလင်း ပြန့်ကားလေလေ ဆီကုန်တာ မြန်လေလေဆိုတာ သူ သိနေပါတယ်။

ကံကောင်းတာက တုန်းဖန်းဟောက်ကျဲဟာ မသေသေးဘဲ မီးအိမ်ရဲ့ အကာအကွယ်အတွင်းထဲကို ရောက်လာပါတယ်။

​ချန်းဝူတိတို့အဖွဲ့ဟာ ဒီလိုဖြစ်လာလိမ့်မယ်လို့ မထင်ထားခဲ့ပါဘူး။

ခဏအတွင်းမှာပဲ သေလုနီးပါး ဖြစ်နေတဲ့ ကျင့်ကြံသူတွေဟာ မီးအိမ်ရဲ့ အကာအကွယ်အောက်ကို ရောက်ကုန်ပါတယ်။

​နောက်ဆုံးမှာတော့ ဖန့်ချန်ဟာ မီးအိမ်ရဲ့ အကာအကွယ်ကို အချင်း ၁၀ မီတာ ပတ်လည်လောက်အထိပဲ လျှော့ချလိုက်ပါတယ်။

ဒါက လူထောင်ပေါင်းများစွာအတွက် မကျပ်မညပ်ဘဲ နေလို့ရမယ့် အနေအထားပါ။ လူအချင်းချင်း ကြားထဲမှာလည်း အကွာအဝေးတစ်ခု ထားစေပါတယ်။

ဘာလို့လဲဆိုတော့ သူတို့ကြားထဲမှာ ဝိညာဉ်သွေးဂိုဏ်းသားတွေ ပုန်းနေဦးမလားဆိုတာ မသေချာလို့ပါ။ ချန်းဝူတိတို့ကို အပြင်မှာ ထားနိုင်ရင်တော့ အဆင်ပြေပါတယ်။

​တုန်းဖန်းဟောက်ကျဲက နတ်သမီးထျန်းယွမ်ကို ဖန့်ချန်နား ဆွဲခေါ်လာပြီး

"လမ်းဖယ်ပေးကြပါဦး"

လို့ ပြောလိုက်ပါတယ်။

​ဖန့်ချန်နား ရောက်လာတော့ သူ သက်ပြင်းချရင်း

"ခုနက ကူညီပေးလို့ ကျေးဇူးတင်ပါတယ် ငါနဲ့ နတ်သမီးထျန်းယွမ်တို့ အခြေအနေ တကယ် ဆိုးနေတာ"

​နတ်သမီးထျန်းယွမ်ကတော့ ဘာမှ မပြောနိုင်ပါဘူး။

သူမ စိတ်ထဲမှာ အရှင်ဝေဟင်ပြေး အတွက် အရမ်း စိုးရိမ်နေပါတယ်။

​"ကျေးဇူးတင်ဖို့ မလိုပါဘူး ဒီမီးအိမ်ဆီက အကြာကြီး မခံဘူး နောက်ကျရင် ခင်ဗျားကိုပဲ အားကိုးရတော့မယ်"

လို့ ဖန့်ချန်က အသံလှိုင်းနဲ့ သတင်းပို့လိုက်ပါတယ်။

​တုန်းဖန်းဟောက်ကျဲ က အံ့သြတုန်လှုပ်စွာနဲ့ ဖန့်ချန်ကို ကြည့်လိုက်ပါတယ်။

"ဘာ ဒါ မင်းလား"

​တုန်းဖန်းဟောက်ကျဲက လူပုံအလယ်မှာ အော်ပြောရလောက်အောင် မမိုက်မဲပါဘူး။

သူက အသံလှိုင်းနဲ့ပဲ ပြန်မေးပါတယ်။

"ဒီမီးအိမ်က ငါ့ရဲ့ သွေးအဆီအနှစ်ယကို ဆီအဖြစ် သုံးနေတာလား"

​"ဟုတ်တယ် ဒါပေမဲ့ ဒီအတိုင်းဆိုရင် နောက်ထပ် ၂ နာရီကနေ ၄ နာရီလောက်ပဲ ခံတော့မယ်"

​တကယ်လို့ လူ ၃ ယောက် ၅ ယောက်လောက်ပဲ ကာကွယ်မယ်ဆိုရင် တစ်နေ့နဲ့ တစ်ည ခံပေမဲ့ အခုလို အကာအကွယ်နယ်မြေ ကျယ်လာတာကြောင့် ဆီကုန်တာ အရမ်းမြန်နေပါတယ်။

​တုန်းဖန်းဟောက်ကျဲရဲ့ နှုတ်ခမ်းတွေ ဖြူလျော့သွားပါတယ်။

"၂ နာရီကနေ ၄ နာရီ တောက် မင်း ငါ့ဆီက သွေးအဆီအနှစ် အစက် ၂၀ တောင် ယူထားပြီးပြီလေ ငါ့မှာ ညှစ်ထုတ်စရာ သိပ်မကျန်တော့ဘူး"

​ဖန့်ချန်က

"ဘယ်လောက် ညှစ်နိုင်သေးလဲ ရသလောက် ညှစ်ထား ဒီမှာ အသေခံချင်လို့လား ဝိညာဉ်သန္ဓေသားအဆင့် ၃ ယောက် လာကူနိုင်တဲ့အထိ တောင့်ခံထားရမယ်"

​တုန်းဖန်းဟောက်ကျဲ သွားကြိတ်လိုက်ပါတယ်။

"အများဆုံး ၁၀ စက်ပဲ ရတော့မယ် အဲဒီထက် ပိုရင်တော့ ငါ့ရဲ့ သက်တမ်းပါ ထိခိုက်ကုန်လိမ့်မယ်"

​၁၀ စက်လား

​ဖန့်ချန် စိတ်ထဲကနေ သက်ပြင်းချလိုက်ပါတယ်။ ဘာမှမရှိတာထက်စာရင်တော့ တော်ပါသေးတယ်။

အနည်းဆုံးတော့ အချိန်အနည်းငယ် ပိုဆွဲထားနိုင်တာပေါ့။ နောက်ပြီး အခြေအနေက ပြန်လှည့်လို့ ရနိုင်ပါသေးတယ်။

​ဖန့်ထင်ကျန့် ဒဏ်ရာရနေပေမဲ့ တခြား ရွှေအမြုတေအဆင့်တွေလည်း သိပ်တော့ အခြေအနေ မကောင်းကြပါဘူး။

ဒါပေမဲ့ အဲဒီ အမျိုးသမီး ဓားကျင့်ကြံသူကတော့ ဘာဒဏ်ရာမှ မရသေးပါဘူး။

တကယ်လို့ သူတို့အားလုံး ပူးပေါင်းရင် ရွှေအမြုတေ အထွတ်အထိပ်အဆင့် တစ်ယောက်ကို အနိုင်ယူနိုင်ကောင်းပါရဲ့။

​အခုဆိုရင် သူမနဲ့ နတ်သမီးယွီတို့လည်း မီးအိမ်ရဲ့ အကာအကွယ်ထဲမှာ ရှိနေပြီး ဖန့်ချန်ကို သံသယမျက်လုံးတွေနဲ့ ကြည့်နေကြပါတယ်။

​"ဖန့်ထင်ကျန့် မင်းဒဏ်ရာ ဘယ်လိုလဲ မင်းတပည့်ရဲ့ မီးအိမ်က အကြာကြီး ခံမှာ မဟုတ်ဘူး မင်းသာ မလှုပ်ရှားနိုင်ရင် ငါတို့ ဒီမှာတင် အသေခံရတော့မှာပဲ"

လို့ ကျန်းရွှမ်က မျက်နှာပျက်ပျက်နဲ့ မေးလိုက်ပါတယ်။

​အားလုံးရဲ့ အကြည့်တွေက ဖန့်ထင်ကျန့်ဆီ ရောက်သွားပါတယ်။

ဒါပေမဲ့ သူ ဘာမှမပြောရသေးခင်မှာပဲ အပြင်က ချန်းဝူတိက လှောင်ရယ်လိုက်ပါတယ်။

"သူ့ဒဏ်ရာက အခုချက်ချင်း ပျောက်မှာ မဟုတ်ဘူးသေဖို့ စောင့်နေမယ့်အစား ထွက်လာပြီး ငါတို့နဲ့ တိုက်ကြပါလား အဲဒါမှ အသက်ရှင်ဖို့ အခွင့်အရေး ရှိဦးမယ်"

​​အခန်း ၄၄၀ - ငါ့အတွက် ခုခံပေးစမ်း

​ဖန့်ချန်က တည်ငြိမ်စွာ ပြောလိုက်သည်။

"အပြင်ထွက်တာက သေတွင်းကို သွားတာနဲ့ အတူတူပဲ ဝိညာဉ်သန္ဓေသားအဆင့် ပညာရှင် ၃ ယောက် အခြေအနေကောင်းလာမယ့်အချိန်ကို စောင့်တာက ပိုကောင်းလိမ့်မယ်"

" အချိန်ပိုရှိရင် ခွန်အားပြန်ပြည့်အောင်ပဲ အာရုံစိုက်ထားကြပါ ဒီ ဝိညာဉ်သွေးဂိုဏ်း အမှိုက်တွေရဲ့ စကားကို နားထောင်နေစရာ မလိုဘူး"

​ချန်းဝူတိ၏ စကားကြောင့် တုန်လှုပ်နေသော ကျင့်ကြံသူများသည် မျက်လုံးများမှိတ်ကာ ခွန်အားပြန်လည်ရရှိရန် တရားမှတ်ခြင်းကို စတင်လိုက်ကြသည်။

​ကျန်းရွှမ်၏ မျက်နှာမှာ လေးနက်သွားသည်။

'ဒီလူငယ်က စစ်သေနာပတိကောင်း တစ်ယောက်ဖြစ်မယ့် အရည်အချင်း ရှိတာပဲ'

​ရတနာတစ်ခုကို အားကိုးနေရသည်ဆိုသော်လည်း ထိုကဲ့သို့ အခြေအနေမျိုးတွင် လူတိုင်းကို ကယ်တင်နိုင်ခြင်း စကားပြောဆိုပုံနှင့် အမူအရာမှာလည်း ကြောက်ရွံ့ခြင်းမရှိဘဲ တည်ငြိမ်လွန်းခြင်းတို့မှာ ချီးကျူးစရာပင်။

ဖန့်ထင်ကျန့်နှင့် သူ၏ မျိုးဆက်များသည် အဘယ်ကြောင့် ဤမျှ အရည်အချင်းရှိနေကြသနည်း

​ဖန့်ချန်က သူ့ကို အမှိုက်ဟု ခေါ်လိုက်သော်လည်း ချန်းဝူတိ၏ မျက်နှာမှာ မပြောင်းလဲပေ။

သူက အေးဆေးစွာပင်

"ခွန်လုံစစ်သူကြီးက ဝိညာဉ်သန္ဓေသားအဆင့် ၃ ယောက်ကို ရှင်းလင်းပြီးတဲ့အထိ ငါတို့က မဟာချန်းကို ဆေးလုံးမဖော်ရသေးဘူးဆိုရင် သူ စိတ်ဆိုးလိမ့်မယ် ထင်တယ်"

​"တိုက်ကြစမ်း ဒီမီးအိမ်ကို ဖျက်ဆီးပြီး ကျင့်ကြံသူတွေကို သတ်ပစ် ဒါဆိုရင် မဟာချန်း အင်ပါယာထဲမှာ ငါတို့ကို တားနိုင်မယ့်သူ ရှိတော့မှာ မဟုတ်ဘူး"

​နောက်တစ်စက္ကန့်တွင် ချန်းဝူတိနှင့် အခြား ရွှေအမြုတေအဆင့် ပညာရှင် နှစ်ဦးတို့ တိုက်ခိုက်လိုက်ကြသည်။

သူတို့သာမက အခြေခံတည်ဆောက်ခြင်းနှင့် ချီသန့်စင်ခြင်းအဆင့် ကျင့်ကြံသူများကလည်း နတ်နဂါးအရိုးမီးအိမ်ကို ဝိုင်းဝန်း တိုက်ခိုက်ကြတော့သည်။

​ထိုမျှ ပြင်းထန်သော တိုက်ခိုက်မှုများအောက်တွင် အစွမ်းထက်လှသော နတ်နဂါးအရိုးမီးအိမ်ပင်လျှင် အနည်းငယ် တုန်ခါလာပြီး ၎င်း၏ စိမ်းရောင်အလင်းမှာ မှိတ်တုတ်မှိတ်တုတ် ဖြစ်လာသည်။

​မီးအိမ်ဆီ ကုန်ဆုံးမှုမှာလည်း တစ်ဟုန်ထိုး မြင့်တက်လာပြန်သည်

​အတွင်းရှိလူများ၏ မျက်ဝန်းတွင် ကြောက်ရွံ့မှုများ ပေါ်လာသည်။ နတ်နဂါးအရိုးမီးအိမ်က ဘယ်လောက်အထိ တောင့်ခံနိုင်မည်နည်း

​ဖန့်ချန်က ထပ်မံ ပြောလိုက်သည်။

"အားလုံးပဲ ခွန်အားကို အမြန်ဆုံး ပြန်ဖြည့်ထားပါသူတို့ စွမ်းအင်ကုန်သွားတာနဲ့ ငါ မီးအိမ်ကို ပြန်ရုပ်သိမ်းလိုက်မယ် အဲဒီအချိန်ကျရင် ဒီ ဝိညာဉ်သွေးဂိုဏ်း အမှိုက်တွေကို ရှင်းထုတ်ဖို့က မင်းတို့ တာဝန်ပဲ"

​သူ၏ စကားအဆုံးတွင် အပြင်ဘက်မှ ရွှေအမြုတေအဆင့်များ၏ တိုက်ခိုက်မှုမှာ အနည်းငယ် လျော့ကျသွားသည်။

သူတို့၏ စွမ်းအင်များ သိသိသာသာ လျော့နည်းလာသည်မှာ မြင်သာသည်။

​"သခင်လေးက အကြာကြီး မတောင့်ခံနိုင်တော့လို့ပဲ ဖြစ်ရမယ် အဲဒါကြောင့် ဝိညာဉ်သွေးဂိုဏ်းသားတွေ သူတို့ရဲ့ တိုက်စစ်ကို လျှော့ချသွားအောင် တမင်တကာ ပြောလိုက်တာပဲ"

ဟု နတ်သမီးယွီက တွေးတောလိုက်သည်။

​"တုန်းဖန်းဟောက်ကျဲ ဒီမီးအိမ်ကို ပိုင်ရှင်အဖြစ် သတ်မှတ် လိုက်တော့"

ဟု ဖန့်ချန်က အသံလှိုင်းဖြင့် သတင်းပို့လိုက်သည်။

​တုန်းဖန်းဟောက်ကျယ် အံ့သြသွားသည်။

"ငါလား"

​"ဟုတ်တယ် မင်းက ဝိညာဉ်သွေးဂိုဏ်းသား မဟုတ်ဘူးဆိုတာ ငါ ရာနှုန်းပြည့် သေချာတယ် အဲဒါကြောင့် မင်းကို ငါ ယုံကြည်တယ်"

​တုန်းဖန်းဟောက်ကျဲက

"ဒါပေမဲ့ မင်း ငါ့ကို ဒီမီးအိမ် ပေးလိုက်ရင် မင်းက ဘာလုပ်မှာလဲ"

​"လူသွားသတ်မှာပေါ့ ငါတို့ ဘယ်လောက်အထိ တောင့်ခံနိုင်မယ် ထင်လဲ ဝိညာဉ်သန္ဓေသားအဆင့် ၃ ယောက်က ခွန်လုံစစ်သူကြီးရဲ့ လက်ထဲမှာ ပိတ်မိနေတာက အဓိက ပြဿနာပဲ"

" ချန်းဝူတိတို့က ဒုတိယ ပြဿနာပဲ ခွန်လုံစစ်သူကြီးကို ငါ မဖြေရှင်းနိုင်ပေမဲ့ ဒီ ဒုတိယ ပြဿနာတွေကိုတော့ ငါ ဖြေရှင်းနိုင်တယ်"

ဟု ဖန့်ချန်က ပြန်ပြောလိုက်သည်။

​ထိုအခါမှ တုန်းဖန်းဟောက်ကျဲသည် ဖန့်ချန်၏ မယုံနိုင်စရာကောင်းသော ကိုယ်ပျောက်ပညာရပ်နှင့် ဝိညာဉ်သွေးဂိုဏ်းနှင့် ပတ်သက်သည့် ဗဟုသုတများကို သတိရသွားသည်။

သူ့ကို လုပ်ကြံမည့် အစီအစဉ်အကြောင်း သတိပေးခဲ့သူမှာလည်း ဖန့်ချန်ပင် ဖြစ်သည်။

​တုန်းဖန်းဟောက်ကျဲ ၏ စိတ်ထဲတွင် မျှော်လင့်ချက်ကလေးတစ်ခု ပေါ်လာသည်။

"အမှန်အတိုင်း ပြောစမ်း မင်းက ဝိညာဉ်သန္ဓေသားအဆင့် စီနီယာတစ်ယောက် မဟုတ်လား"

​ဖန့်ချန်က

"ငါလား ငါက ချီသန့်စင်ခြင်း အဆင့် ၁၂ ပဲ ရှိသေးတာ ဒါကို ငါ အာမခံတယ်"

​တုန်းဖန်းဟောက်ကျဲ ၏ မျှော်လင့်ချက်မှာ ချက်ချင်းပင် ရေစုန်မျောသွားတော့သည်။

​ချီသန့်စင်ခြင်း အဆင့် ၁၂ နဲ့ ဖန့်ချန်က ဘာလုပ်နိုင်မှာလဲ

​"ရပ်ကြည့်မနေနဲ့ မီးအိမ်ကို အခုပဲ ပိုင်ရှင်အဖြစ် သတ်မှတ်တော့ ငါ ကူညီပေးမယ်"

​"ကောင်းပြီ"

​ဘေးမှ ကြည့်နေသူများသည် တုန်းဖန်းဟောက်ကျဲက ဖန့်ချန်ထံမှ နတ်နဂါးအရိုးမီးအိမ်ကို ယူကာ ဝိညာဉ်စွမ်းအင်များ ထုတ်လွှတ်နေသည်ကို မြင်တွေ့လိုက်ရသည်။

​"သူ ဘာလုပ်ဖို့ ကြိုးစားနေတာလဲ"

ရွှေအမြုတေအဆင့် ကျင့်ကြံသူတစ်ဦးက ဒေါသတကြီး အော်ဟစ်လိုက်သည်။

သူ ဝင်ရောက်တားဆီးရန် ပြင်လိုက်စဉ်မှာပဲ ဖန့်ချန်က ပြောလိုက်သည်။

"နတ်နဂါးအရိုးမီးအိမ်က သူ့လက်ထဲမှာဆိုရင် အစွမ်းအထက်ဆုံး ဖြစ်လိမ့်မယ် မစိုးရိမ်ကြပါနဲ့"

​လူတိုင်း တစ်ယောက်ကိုတစ်ယောက် ဝေခွဲမရစွာ ကြည့်နေကြသည်။

ဖန့်ချန်၏ အကူအညီဖြင့် တုန်းဖန်းဟောက်ကျဲ မှာ မီးအိမ်ကို ခဏအတွင်းမှာပင် ပိုင်ရှင်အဖြစ် သတ်မှတ်နိုင်ခဲ့သည်။

​ချန်းဝူတိတို့အဖွဲ့ကလည်း ဤမြင်ကွင်းကို ဇဝေဇဝါဖြင့် ကြည့်နေကြသည်။

အဘယ်ကြောင့် ထိုမျှ အဖိုးတန်သော ရတနာကို တုန်းဖန်းမိသားစုမှ နှာဘူးလေးဟု နာမည်ကြီးသည့် တုန်းဖန်းဟောက်ကျဲ ကို ပေးလိုက်ရသနည်း

​"မင်းရဲ့ သွေးအဆီအနှစ်ကို မီးအိမ်ဆီအဖြစ် သုံးလိုက်ရင် ဝိညာဉ်စွမ်းအင် ကုန်ဆုံးမှုက အများကြီး မရှိတော့ဘူး ဆီကုန်သွားရင် ချက်ချင်း ဖြည့်ဖို့ မမေ့နဲ့"

ဟု ဖန့်ချန်က မှာကြားလိုက်သည်။

​"တောက် ငါ့ရဲ့ သက်တမ်းကိုပဲ လောင်းကြေးထပ်လိုက်တော့မယ်"

တုန်းဖန်းဟောက်ကျဲ က မီးအိမ်ကို ကိုင်ကာ မျက်လုံးများ နီမြန်းလျက် ပြောလိုက်သည်။

​ထိုစဉ် ဖန့်ချန်၏ ဝိညာဉ်စွမ်းအင် မှာ ကိုယ်ထဲမှ ခေတ္တခွာကာ လေဟာနယ်ထဲတွင် ရပ်နေသည်။

​အပြင်ဘက်တွင် ဝိညာဉ်သန္ဓေသားအဆင့် စစ်သူကြီး လေးဦးမှာ ကျောက်စာတိုင်များကို ကိုင်ဆောင်ကာ မဟာချန်း မြို့တော်တစ်ခုလုံးကို ပိတ်လှောင်ထားဆဲ ဖြစ်သည်။

​အနက်ရောင်မြူများကြားတွင် အရှင်ဝေဟင်ပြေး၊ အရှင်ကျားဖြူနှင့် စီနီယာကြီး နဂါးသစ်သားတို့ ထိုင်နေကြသည်။

အရှင်ကျားဖြူနှင့် စီနီယာကြီး နဂါးသစ်သားမှာ အရှင်ဝေဟင်ပြေး၏ နောက်တွင် ထိုင်ကာ သူမ၏ ကျောပြင်ပေါ်သို့ လက်များ တင်ထားကြသည်။

​နှစ်ဖက်စလုံးကြားတွင် ကြောက်မက်ဖွယ်ကောင်းသော စွမ်းအင်များမှာ အားပြိုင်နေကြပြီး တစ်ခါတစ်ရံ အရှင်ဝေဟင်ပြေးဆီသို့၊ တစ်ခါတစ်ရံ ဝတ်စုံနက်ဝတ်ထားသူဆီသို့ စီးဝင်နေသည်။

​ဖန့်ချန်က မျက်မှောင်ကြုတ်လိုက်သည်။

"ဒီလူက ခွန်လုံစစ်သူကြီးလား"

​သူတို့ လေးဦးမှာ အပြန်အလှန် ထိန်းချုပ်ထားသည့် အနေအထားတွင် ရှိနေပြီး ခွန်လုံစစ်သူကြီးမှာ တစ်ယောက်တည်းနှင့် သုံးယောက်ကို ယှဉ်နိုင်သည်အထိ အစွမ်းထက်လှသည်။

​'သူတို့ကြားမှာ စွမ်းအင် ညီမျှနေပုံရတယ် ဒါပေမဲ့ ပတ်ဝန်းကျင်က အနက်ရောင်မြူတွေက အန္တရာယ်ရှိတယ် ရွှေအမြုတေအဆင့်တွေတောင် ဝင်သွားရင် အသက်အန္တရာယ် ရှိနိုင်တယ်'

ဟု ဖန့်ချန်က မှတ်ချက်ပေးလိုက်သည်။

​"သူတို့ သုံးယောက်ထဲက တစ်ယောက် အနိုင်ရတဲ့အထိ စောင့်ဖို့ပဲ ရှိတော့တယ် ဒါပေမဲ့ အဲဒီမတိုင်ခင် ငါ တစ်ခုခု လုပ်နိုင်သေးတယ်"

​သူ၏ ခန္ဓာကိုယ်ထဲသို့ ပြန်လည်ဝင်ရောက်ပြီးနောက် ဖန့်ချန်သည် ဖန့်မိသားစုဝင်များကို ခေါ်ကာ ဘေးလူများ မမြင်နိုင်အောင် သူ့ကို ဝိုင်းထားစေပြီး ထိုင်ချလိုက်သည်။

​"ဒီကောင်လေး ဘာလုပ်နေတာလဲ"

ရွှေအမြုတေအဆင့် ကျင့်ကြံသူတစ်ဦးက မျက်မှောင်ကြုတ်သည်။

​"သူ့ကို ဂရုမစိုက်ပါနဲ့ သူက လူမပြောပလောက်တဲ့ အကောင်လေးပါ အချိန်မဖြုန်းကြနဲ့တော့ ငါတို့ထဲက တချို့သွားပြီး ဝိညာဉ်သွေးဂိုဏ်းသားတွေကို ကူပြီး ဒီနေရာကို ဆေးလုံးဖော်စပ်ဖို့ ပြင်ကြရအောင်"

ဟု တစ်ဦးက အကြံပြုလိုက်သည်။

​ချန်းဝူတိတို့အဖွဲ့မှ ရွှေအမြုတေ အထွတ်အထိပ်အဆင့် ၃ ဦးက ခေါင်းညိတ်လိုက်ပြီး ရွှေအမြုတေ အစောပိုင်းအဆင့် ကျင့်ကြံသူ အချို့မှာ အမဲလိုက်ကွင်းပြင်မှ ထွက်ခွာသွားကြသည်။

​ဖန့်ဝမ်လီမှာ ဒေါသထွက်လွန်းသဖြင့် သွားကြိတ်နေသည်။

"သူတို့က လူသတ်ဖို့ သွားကြပြီ ငါတို့ အပြင်မထွက်နိုင်တာ နှမြောစရာပဲ"

​သူသည် ဖန့်ချန်ကို ဝိုင်းထားသော ဖန့်မိသားစုဝင်များ၏ မျက်ဝန်းထဲမှ အံ့သြမှုကို သတိမထားမိပေ။

​လီတောက်ယဲ့၏ မျက်လုံးများ တောက်ပသွားသည်။

"ငါတို့ အမဲလိုက်ကွင်းပြင်နား ရောက်တော့မယ်"

​သူက ပတ်ဝန်းကျင်ကို အကဲခတ်ရင်း သတိကြီးစွာ လျှောက်လာသည်။ ချုံခိုတိုက်ခိုက်ခံရမည်ကို စိုးရိမ်နေခြင်း ဖြစ်သည်။

​ရုတ်တရက် အမဲလိုက်ကွင်းပြင်ဘက်မှ လူတစ်ဦး လေထဲမှ ဆင်းသက်လာသည်။

"အိုး မင်းတို့ သုံးယောက်က ပုန်းမနေဘဲ ဒီကို လာကြတာလား အခြေအနေကို အခွင့်ကောင်းယူမလို့လား"

​လီတောက်ယဲ့တို့ကို မြင်သောအခါ ထိုလူက ပြုံးရင်း ရပ်လိုက်သည်။

သူတို့ သုံးယောက် ဘာမှ မတုံ့ပြန်နိုင်ခင်မှာပင် ထိုလူက လက်ကို ဝေ့ယမ်းလိုက်ရာ ကြောက်မက်ဖွယ် ဓားတစ်လက်မှာ သူတို့ဆီသို့ ဦးတည်လာသည်။

​လီတောက်ယဲ့ ဆွံ့အသွားသည်။

"ဒီအရှိန်အဝါ ဒါ ရွှေအမြုတေအဆင့်ပဲ"

​သူတို့၏ ကျင့်ကြံမှု အဆင့်နှင့်ဆိုလျှင် ရွှေအမြုတေအဆင့်၏ တိုက်ခိုက်မှုကို လုံးဝ ခုခံနိုင်မည် မဟုတ်ပေ။

သူ့ရဲ့ တွက်ချက်မှုတွေ မှားသွားတာလား သူတို့အတွက် မျှော်လင့်ချက် မရှိတော့ဘူးလား

​"ငါ့သား အန္တရာယ်ရှိတယ်"

လီမျက်လုံးပြူးက ဒေါသတကြီး အော်လိုက်သည်။

သူက လီတောက်ယဲ့ကို ဖမ်းကာ နောက်သို့ ပစ်လိုက်ပြီး တစ်ချိန်တည်းမှာပင် အကြီးအကဲ မင်ကျင့်ကို ဆွဲကာ သူ့ရှေ့တွင် အကာအကွယ်အဖြစ် ထားလိုက်သည်။

​"မင်ကျင့် ငါ့အတွက် ဒါကို ခုခံပေးစမ်း မင်းသေသွားရင် ငါ မင်းအတွက် အမှတ်တရ ကျောက်တိုင် စိုက်ပေးမယ်"

​"တောက်"

အကြီးအကဲ မင်ကျင့်မှာ ကျိန်ဆဲလိုက်သော်လည်း ဘာမှ မတတ်နိုင်ဘဲ သူ့ဆီ ပြေးဝင်လာသော ဓားကိုသာ ကြည့်နေရတော့သည်။

​သို့သော်လည်း ပြင်းထန်စွာ လာနေသော ဓားမှာ ရုတ်တရက် ထိန်းချုပ်မှု လွတ်သွားပြီး အကြီးအကဲ မင်ကျင့်၏ ခြေထောက်နှစ်ချောင်းကြား မြေကြီးထဲသို့ စိုက်ဝင်သွားသည်။

သူသည် ကြောက်လန့်တကြားဖြင့် အဝေးသို့ လှမ်းကြည့်လိုက်သည်။

​ရွှေအမြုတေအဆင့် ကျင့်ကြံသူ၏ နောက်တွင် လူရိပ်တစ်ခုကို သူ မြင်လိုက်ရသည်။

ထိုလူ၏ လက်ထဲမှ ဓားရှည်မှာ ကျင့်ကြံသူ၏ မေးစေ့မှတစ်ဆင့် ဦးခေါင်းထိပ်အထိ ဖောက်ထွက်နေသည်

​ဖန့်ချန်သည် ကျင့်ကြံသူ၏ သိုလှောင်လက်စွပ်နှင့် အဆင့်မြင့် ဝါရောင်အဆင့် ဓားကို သိမ်းလိုက်ပြီး ကြောင်ကြည့်နေသော လူသုံးယောက်ကို ကြည့်လိုက်သည်။

​"အမဲလိုက်ကွင်းပြင်က အရမ်း အန္တရာယ်များတယ် အချိန်မရွေး အသက်ဆုံးရှုံးနိုင်တယ် မင်းတို့ အသက်ရှင်ချင်ရင် မြို့ပြင်ဘက်ကို သွားတာ ပိုကောင်းလိမ့်မယ်"

"အဲဒီမှာရှိတဲ့ ဝိညာဉ်သွေးဂိုဏ်းသားတွေက ကျင့်ကြံမှု နိမ့်ကြပြီး အများစုက ချီသန့်စင်ခြင်းနဲ့ အခြေခံတည်ဆောက်ခြင်း အဆင့်တွေပဲ"

"ရွှေအမြုတေအဆင့်တွေက မြို့ထဲမှာ အလုပ်များနေကြလို့ သူတို့ဆီ မလာနိုင်ကြဘူး ဒါနဲ့ နုံကွေ့ချွမ်လည်း အခု မြို့ပြင်မှာပဲ ရှိနေတယ်"