အခန်း (၅၀၅-၅၀၆)
Vol. 51 Ch. 505-506
အခန်း ၅၀၅ - ကျောက်စက်များသဖွယ် သွေးစွန်းရာများ
"ဟေ့ အဲဒီမိစ္ဆာမနဲ့ သူ့အပေါင်းအပါက ဒီလို လူသူမနီးတဲ့ တောင်တန်းတွေထဲမှာ ရှိနေတာ သေချာလို့လား ဒီနေရာက ခွေးတောင် လာမှာမဟုတ်တဲ့ နေရာမျိုးပဲ"
" ဝိညာဉ်စွမ်းအားကလည်း တော်တော်လေးကို နည်းတာပဲ အဆင့် ၃ အင်ပါယာတစ်ခုမှာ ဒီလိုနေရာမျိုး ရှိလိမ့်မယ်လို့ ငါ လုံးဝ မထင်ထားဘူး"
အသက် ရှစ်နှစ်၊ ကိုးနှစ်အရွယ် ကလေးငယ်တစ်ယောက်ဟာ နွားစိမ်းတစ်ကောင်ပေါ်မှာ ထိုင်ရင်း ကောင်းကင်ယံကနေ တောင်တန်းကြီးတွေကို ငုံ့ကြည့်နေပါတယ်။
သူ့ဘေးမှာတော့ လူငယ် ငါးယောက်၊ ခြောက်ယောက်လောက် ရှိနေပြီး ပတ်ဝန်းကျင်ကို အကဲခတ်နေကြပါတယ်။
"မိစ္ဆာမက ကောင်းကင်ဘုရင်ကျန့် နန်းတော်ရဲ့ အမွေခံကို စော်ကားထားတာလေ နန်းတော်က ဒီမှာရှိတယ်လို့ ပြောရင် ရှိမှာပဲ၊ သူတို့ မှားမှာမဟုတ်ဘူး"
လို့ တစ်ယောက်က ပြန်ပြောပါတယ်။
ကလေးငယ်က စိတ်မရှည်စွာနဲ့
"ဒါပေမဲ့ ဒီနေရာက အကျယ်ကြီးပဲလေ ငါတို့ ဘယ်လိုရှာရမှာလဲ တကယ်ပဲ မင်းတို့က မိစ္ဆာမကို နှိမ်နင်းဖို့ ငါတို့ကို ခေါ်တာဆိုရင် အတိအကျနေရာလေးတော့ ပေးသင့်တာပေါ့"
အဲဒီအချိန်မှာ ဝါးကျည်တောက်ကို ကိုင်ထားတဲ့ လူငယ်တစ်ယောက်က ဝါးချောင်းလေးတွေကို လေထဲမှာ ပျံဝဲစေပြီး ဗေဒင်ကွက် တစ်ခု ဖော်လိုက်ပါတယ်။
"ဒေါသထွက်မနေပါနဲ့ ဦးလေးနင်ရယ် မိစ္ဆာမက အဝေးကြီး မပြေးနိုင်ပါဘူး ကျုပ်ကို ၃ နာရီလောက်ပဲ အချိန်ပေးပါ သူတို့ရှိတဲ့နေရာကို အတိအကျ တွက်ပေးပါ့မယ်"
"ကျိုး ရဲ့ ဗေဒင်ပညာနဲ့ဆိုရင် ဒီနေ့တော့ အောင်မြင်မှာ သေချာပြီပေါ့"
လို့ တခြားသူတွေက ရယ်မောရင်း ပြောကြပါတယ်။
မျက်လုံးတစ်ဖက်တည်း ဖွင့်ထားတဲ့ လူငယ်တစ်ယောက်ကတော့ လေးလေးပင်ပင် ပြောပါတယ်။
"သူတို့ကို တွေ့ရင်တော့ သတိထားရမယ်အထူးသဖြင့် သူ့ဘေးက ဓားကျင့်ကြံသူကိုပေါ့ သူက ပိုပြီး အန္တရာယ်များတယ်"
"ရွှေအမြုတေအဆင့် အထွတ်အထိပ်ကို အလွယ်လေး သတ်နိုင်တယ်ဆိုရင် သူက ကျုပ်တို့အဆင့်နဲ့ သိပ်မဝေးတော့ဘူး သူကလည်း နတ်မျိုးစေ့ တစ်ယောက်ပဲ ဖြစ်ရမယ်"
ခရမ်းရောင်ဝတ်စုံနဲ့ မိန်းမပျိုတစ်ယောက်ကတော့ ခပ်အေးအေးပဲ နှာခေါင်းရှုံ့လိုက်ပါတယ်။
"ဒီလို တောအရပ်က နတ်မျိုးစေ့ဆိုတာ ငါတို့နဲ့ ယှဉ်ရင် ဘာမှမဟုတ်ပါဘူး အရင်က ငါတို့ဂိုဏ်းတွေက ဝင်မပါချင်လို့ မိစ္ဆာမက အလယ်ပိုင်းတိုက်ကြီးကနေ လွတ်သွားတာပါ"
"သူ့ဘေးက လူကလည်း ဘယ်ဂိုဏ်းကမှ မဟုတ်ဘူးလို့ နန်းတော်က အတည်ပြုပြီးသားပဲ ဆိုလိုတာက သူက မျိုးရိုးနိမ့်တဲ့သူပေါ့ တကယ်လို့ တိုက်ပွဲဖြစ်လာရင် ရှင် မျက်လုံးဖွင့်လိုက်တာနဲ့ သူက သေသွားမှာပါ"
ဒီမိန်းမပျိုဟာ ထူးခြားပါတယ်။
သူမရဲ့ အရပ်အမောင်းက ပေ ၂၀ လောက်အထိ မြင့်မားနေပြီး တကယ့်ကို ကြီးမားထွားကြိုင်းလွန်းပါတယ်။
သူမရဲ့ ရှေ့မှာတော့ တခြားလူတွေဟာ ကလေးလေးတွေလိုပါပဲ။
ဒါဟာ သူမက နတ်ဘီလူးဂိုဏ်း က ဆိုတာကို ပြနေတာပါ။
တစ်ဖက်မှာတော့ နတ်မိမယ်ယွီဟာ ဖန့်ချန်ရဲ့ ရှေ့မှာ ဆောင့်ကြောင့်ထိုင်ရင်း ဓားငယ်လေး ရတနာတွေကို ဝါးမျိုနေတာကို စပ်စုကြည့်နေပါတယ်။
"သခင်လေးရဲ့ ဓားက တကယ်ကို ထူးခြားတာပဲ ထိပ်တန်းအဆင့် အဝါရောင်ရတနာတွေကိုတောင် အကုန်စားပစ်တာပဲ"
ဓားငယ်လေးဟာ ရတနာတွေကို စားလေလေ၊ သူ့ရဲ့ အရှိန်အဝါက ပိုပြီး လေးနက်လာလေလေပါပဲ။
ထူးခြားတာက ရိုးရှင်းတဲ့ ဓားကိုယ်ထည်ပေါ်မှာ သွေးစွန်းရာတစ်ခုလိုမျိုး အစွန်းအထင်းတွေ စတင်ပေါ်ပေါက်လာတာပါပဲ။
"သခင်လေး ဒီသွေးစွန်းရာကို မြင်လား ဒါက ဘာလဲဟင်"
လို့ နတ်မိမယ်ယွီက အံ့သြတကြား မေးပါတယ်။
ဖန့်ချန်လည်း နားမလည်တာကြောင့် စကြာဝဠာမှန်ချပ် ကို လှမ်းမေးလိုက်ပါတယ်။
မှန်လေးက လေးနက်တဲ့ အသံနဲ့ ပြန်ဖြေပါတယ်။
"ငါ အမြဲပြောသားပဲ ဒီသောက်ကလေးက သာမန် ဓားသန္ဓေသား မဟုတ်ဘူးလို့ သူက လွန်ခဲ့တဲ့ အချိန်အတော်ကြာကတည်းက တည်ရှိခဲ့တာ ဒါပေမဲ့ တစ်ခုခုကြောင့် ဓားသန္ဓေသားအဆင့်ကို ပြန်ပြောင်းသွားတာ"
"ကျင့်ကြံသူတွေ အခေါ်အရဆိုရင် ဝင်စားခြင်းပေါ့ ဒီသွေးစွန်းရာကတော့ အရင်ဘဝက အင်အားကြီးတဲ့ ရန်သူကို သတ်ခဲ့လို့ ကျန်ခဲ့တာပဲ ဒီရန်သူက စစ်မှန်တဲ့နတ်ဘုရား တစ်ပါးတောင် ဖြစ်နိုင်တယ်"
"စစ်မှန်တဲ့နတ်ဘုရား"
ဖန့်ချန် တုန်လှုပ်သွားပါတယ်။
သူ ဓားငယ်လေးကို ပြုစုပျိုးထောင်တုန်းက မြင်ခဲ့ရတဲ့ ပုံရိပ်ကို ပြန်သတိရသွားပါတယ်။
လူတစ်ယောက်နဲ့ ဓားတစ်လက်က နတ်ဘုရားတွေကို သတ်ဖြတ်ပြီး သွေးမိုးတွေ ရွာချနေတဲ့ ပုံရိပ်ပါပဲ။
ဖန့်ချန်က နတ်မိမယ်ယွီကို ကြည့်ပြီး
"ယွီလေး ငါ့ကို စောင့်ရှောက်ပေးပါ"
လို့ ပြောလိုက်ပါတယ်။
သူက မျက်လုံးမှိတ်လိုက်တာနဲ့ ဓားငယ်လေးက သူ့ခန္ဓာကိုယ်ထဲကို ပေါင်းစပ်ဝင်ရောက်သွားပါတယ်။
နတ်မိမယ်ယွီကတော့ ဖန့်ချန်ရဲ့ ဓားခန္ဓာကိုယ် စွမ်းအားက သူမရဲ့ စီနီယာအစ်မ ထက်တောင် အများကြီး ပိုသန်မာနေတာကို သိလိုက်ရလို့ အံ့သြနေပါတယ်။
ဒါပေမဲ့ သူမ စိတ်ထဲမှာ စိုးရိမ်မှုတစ်ခုလည်း ရှိနေပါတယ်။
ဓားခန္ဓာကိုယ်က ကျင့်ကြံမှုအဆင့်ထက် ပိုမြင့်သွားရင် လူက ဓားဖြစ်သွားတာမျိုး ဒါမှမဟုတ် ဓားက လူကို ဝါးမျိုတာမျိုး ဖြစ်တတ်လို့ပါ။
အဲဒီအချိန်မှာပဲ ကလေးတစ်ယောက်ရဲ့ အသံက ဟိန်းထွက်လာပါတယ်။
"ကြည့်ရတာ မိစ္ဆာမက ဒီမှာ တကယ် ရှိနေတာပဲ"
နတ်မိမယ်ယွီရဲ့ မျက်နှာက ချက်ချင်း တည်ကြည်သွားပြီး ရန်သူရှိရာဘက်ကို လှည့်ကြည့်လိုက်ပါတော့တယ်။
အခန်း ၅၀၆ - နတ်ရိုက်နှက်ခြင်းနှင်တံ
နတ်မိမယ်ယွီ လှည့်ကြည့်လိုက်တဲ့အခါ တောင်တစ်လုံးလို မြင့်မားနေတဲ့ အေးစက်စက် အမျိုးသမီးကို မြင်တော့ သူမ မျက်လုံးတွေထဲမှာ မယုံကြည်နိုင်မှုတွေ ဖြတ်ပြေးသွားပါတယ်။
"စီနီယာအစ်မ ဇီ အစ်မလည်း ကျမကို သတ်ဖို့ ရောက်လာတာလား"
ဒီအမျိုးသမီးဟာ ကျင့်ယွဲ့ဟန် ရဲ့ ရင်းနှီးတဲ့ သူငယ်ချင်း တစ်ယောက်ပါ။
သူမဟာ ဟင်းလင်းပြင်ထာဝရဓားဂိုဏ်းကို တစ်ခါတစ်ရံ လာလည်တတ်သလို၊ ကျင့်ယွဲ့ဟန်ကလည်း နတ်ဘီလူးဂိုဏ်း ကို သွားပြီး သူမနဲ့ တွေ့ဆုံလေ့ ရှိပါတယ်။
နတ်မိမယ်ယွီနဲ့ သူမဟာ အကြိမ်ကြိမ် ဆုံဖူးပြီး အရင်က နတ်မိမယ်ယွီအပေါ် အလွန်ကောင်းခဲ့သူပါ။
ဒီနေ့ ဒီမှာ ဆုံရတာကတော့ တိုက်ဆိုင်မှု မဟုတ်ဘဲ ပြင်ဆင်လာတာ သိသာပါတယ်။
နွားစီးထားတဲ့ ကလေးငယ်က အံ့သြသွားပြီး
" ကျင့်ကြံသူ ဇီ မင်းက ဒီမိစ္ဆာမကို သိနေတာလား"
ဇီယွမ် က နတ်မိမယ်ယွီကို ငုံ့ကြည့်ပြီး အေးဆေးစွာ ပြုံးလိုက်ပါတယ်။
"အရင်ကတော့ သူမရဲ့ စီနီယာအစ်မနဲ့ ကျမက ရင်းနှီးခဲ့ကြတာပါ အဲဒီတုန်းက သူမဟာ မိစ္ဆာသန္ဓေသား မဖြစ်သေးဘဲ ဓားတောင်ထွတ်ရဲ့ အလားအလာရှိတဲ့ တပည့်လေးတစ်ယောက်ပေါ့"
သူမက ခဏရပ်ပြီး နတ်မိမယ်ယွီကို စိုက်ကြည့်ကာ
"ကောင်းကင်ဘုရင်ကျန့် နန်းတော်က ပေးတဲ့ ဆုလာဘ်တွေက တော်တော်လေး ဆွဲဆောင်မှု ရှိတယ်လေ နင်က ငါ့ကို စီနီယာအစ်မလို့ ခေါ်နေသေးရင်တော့ အလဟဿ မခုခံတော့ဘဲ အဖမ်းခံလိုက်ပါလား"
နတ်မိမယ်ယွီရဲ့ အသံက အေးစက်သွားပြီး လှောင်ပြောင်တဲ့ အကြည့်နဲ့ ကြည့်လိုက်ပါတယ်။
"အစ်မကျင့် ဒါကို သိသွားမှာ မကြောက်ဘူးလား"
ဇီယွမ်က ပြုံးပါတယ်။
"သူမကတော့ နင်ကြောင့် အကျဉ်းကျနေတယ်လို့ ကြားတယ် နောက်ထပ် နှစ်တစ်ရာလောက်အထိတော့ လူမြင်ကွင်းကို ထွက်လာနိုင်မှာ မဟုတ်ဘူး"
"အဲဒီအချိန်ကျရင် နင်လို မိစ္ဆာလမ်းစဉ်လိုက်တဲ့ တပည့်မျိုးကို သူမ မှတ်မိတော့မှာ မဟုတ်ပါဘူး ငါတို့ကတော့ ညီအစ်မကောင်းတွေ ဖြစ်နေတုန်းပဲပေါ့"
"မိစ္ဆာမ နင့်ဘေးက လူက ရွှေအမြုတေအဆင့်ကို တစ်ချက်တည်းနဲ့ သတ်နိုင်တဲ့ နတ်မျိုးစေ့ ဆိုတာလား"
နွားစီးထားတဲ့ ကလေးငယ်က ဖန့်ချန်ကို စူးစမ်းကြည့်ပါတယ်။
"သူ ဘာလုပ်နေတာလဲ ကျင့်ကြံနေတာလား ဝိညာဉ်စွမ်းအားတော့ မခံစားရဘူး ဒါပေမဲ့ သူ့ရဲ့ သွေးနဲ့ အရှိန်အဝါ ကတော့ အပြင်းအထန် လှုပ်ရှားနေတာပဲ"
ဘယ်ဘက်မျက်လုံး ပိတ်ထားတဲ့ လူငယ် ရွှီ က အေးစက်စွာ ဝင်ပြောပါတယ်။
"တစ်ခုခုကို ကျင့်ကြံနေတာ ဖြစ်မယ် အခုက သူ အားနည်းနေတဲ့ အချိန်ပဲ အင်အားစိုက်စရာမလိုဘဲ ဖမ်းလို့ရတာပေါ့"
" ရွှီ ငါတို့က နတ်မျိုးစေ့တွေလေကွာ လူတစ်ယောက် အားနည်းနေချိန်မှာ တိုက်မလို့လား"
နွားစီးကလေးက မျက်မှောင်ကြုတ်ပါတယ်။
"ဒီလောက် လူအများကြီးနဲ့ လာတာတောင် သိက္ခာကျလှပြီ အခု ကျင့်ကြံနေတဲ့သူကိုပါ တိုက်မလို့လား"
"ကျင့်ကြံခြင်းလမ်းမှာ နည်းလမ်းပေါင်းစုံကို သုံးရမှာပဲ မင်းက ငယ်သေးလို့ နားမလည်သေးတာ လောကကြီးထဲမှာ နှစ်တစ်ရာလောက် ကျင်လည်ပြီးရင်တော့ နားလည်လာမှာပါ"
လို့ ရွှီ က ခပ်အေးအေးပဲ ပြန်ပြောပါတယ်။
"ငါ့အတွက် ၁၅ မိနစ် လောက် အချိန်ဆွဲပေးပါ"
ဖန့်ချန်ရဲ့ အသံက နတ်မိမယ်ယွီရဲ့ နားထဲကို တိုးတိုးလေး ရောက်လာပါတယ်။
နတ်မိမယ်ယွီရဲ့ မျက်နှာ အနည်းငယ် ပြောင်းလဲသွားပါတယ်။ ၁၅ မိနစ်
သူမက ရုတ်တရက် ပြုံးလိုက်ပါတယ်။
"စီနီယာအစ်မ ဇီ နင်တို့လို နတ်မျိုးစေ့တွေ လာတိုက်မှတော့ ငါတို့ ဒီနေ့ လွတ်မှာ မဟုတ်တော့ဘူး မသေခင် နင်တို့ ဘယ်သူတွေလဲဆိုတာ ပြောပြပါဦး အားလုံးက နတ်မျိုးစေ့တွေချည်းပဲလား"
"ဟားဟား မှန်တာပေါ့"
နွားစီးကလေးက အားရပါးရ ရယ်ပါတယ်။
"မိစ္ဆာမ ငါတို့အားလုံးက နတ်မျိုးစေ့တွေပဲ ကျင့်ကြံသူ ဇီ က နတ်ဘီလူးဂိုဏ်း က ကျင့်ကြံသူ ကျိုး က မွေးရာပါဒေါသဂိုဏ်း က၊ ပြီးတော့ ကျင့်ကြံသူ ရွှီ က...."
ရွှီ က ကလေးငယ်ကို အေးစက်စွာ ကြည့်လိုက်ပါတယ်။
"မင်း ဘာလို့ ငါတို့အထောက်အထားတွေကို တစ်ခုချင်း ပြောနေတာလဲ ဓားဂိုဏ်းက မသိမှာ ကြောက်နေလို့လား"
ပြောပြောဆိုဆိုနဲ့ ရွှီ က ရုတ်တရက် လက်ဦးမှုယူပြီး ဓားအလင်းတန်းတစ်ခုကို နတ်မိမယ်ယွီရဲ့ နဖူးဆီ ပစ်လွှတ်လိုက်ပါတယ်။
သူက သူတို့ကို အရှင်ထားဖို့ အစီအစဉ် မရှိပါဘူး။
နတ်မိမယ်ယွီရဲ့ မျက်နှာ ပျက်သွားပါတယ်။
သူမဟာ အသက်ဓာတ်ကို လောင်မြိုက်စေပြီး ဓားနဲ့ ပြန်လည် တိုက်ခိုက်လိုက်ပါတယ်။
ဓားအလင်းနှစ်ခု ထိပ်တိုက်တွေ့ပြီး ပေါက်ကွဲသွားပေမယ့် ရွှီ ကတော့ ဘာမှမဖြစ်ပါဘူး။
သူက လှောင်ပြောင်တဲ့ အကြည့်နဲ့ ကြည့်ပြီး
"မင်းက သာမန် ရွှေအမြုတေတွေကို အနိုင်ရနိုင်ပေမယ့် ငါတို့နဲ့တော့ အဆင့်ချင်း အများကြီး ကွာတယ် ငါ့ကို ထိချင်ရင် ငါ့အဆင့်ကို ရောက်အောင် အရင်လုပ်ဦး"
သူက လက်ကို ခါလိုက်တာနဲ့ ပြင်းထန်တဲ့ အင်အားတစ်ခု နတ်မိမယ်ယွီဆီ ကျရောက်လာပါတယ်။
သူမရဲ့ ဝိညာဉ်အကာအကွယ်တွေ ချက်ချင်း ပျက်စီးသွားပြီး လွင့်ထွက်ကာ ရှေးဟောင်းသစ်ပင်ကြီးတွေကို ဝင်တိုက်မိပါတော့တယ်။
နတ်မိမယ်ယွီ သွေးတွေ အန်လာပေမယ့် ပြန်ထရပ်ပါတယ်။
"၁၅ မိနစ်ပဲလေ... ငါ တောင့်ခံနိုင်ပါတယ်"
ရွှီ က နောက်တစ်ကြိမ် လက်ကို ခါလိုက်ပါတယ်။
ဒီတစ်ခါမှာတော့ နတ်မိမယ်ယွီ မြင်လိုက်ရတာက နှံတံ နဲ့ တူတဲ့ ပုံရိပ်ယောင်တစ်ခုပါ။
အဲဒီနှံတံရဲ့ ရှေ့မှာ သူမရဲ့ စွမ်းအားတွေက တို့ဖူးတုံးလိုပဲ နူးညံ့နေပါတယ်။
"ဝုန်း"
နတ်မိမယ်ယွီ နောက်တစ်ကြိမ် လွင့်ထွက်သွားပြီး မြေပြင်ပေါ်မှာ အပြင်းအထန် ဒဏ်ရာရသွားပါတယ်။
"ကျင့်ကြံသူ ရွှီ ရဲ့ ဂိုဏ်းက နတ်ရိုက်နှက်ခြင်းနှံတံ ပါ သူ အင်အားအကုန် မသုံးသေးဘူးနော် အကုန်သုံးရင် သာမန် ဝိညာဉ်သန္ဓေသားအဆင့်တောင် ဆုတ်ခွာရမှာ"
လို့ နွားစီးကလေးက ပြောပါတယ်။
"နတ်ရိုက်နှက်ခြင်းနှံတံ"
နတ်မိမယ်ယွီ အံ့သြသွားပါတယ်။
"ဒါဆို နင်တို့ပေါ့ နင်တို့ဂိုဏ်းက ငါတို့ဓားဂိုဏ်းရဲ့ တပည့်တွေကို ဆေးဖော်ဖို့ သတ်ခဲ့လို့ နှစ်ပေါင်း ထောင်ချီ အောင်းနေခဲ့တာ မဟုတ်လား အခု ကတိကို ဖျက်ပြီး ထွက်လာတာလား"
ရွှီ ရဲ့ မျက်နှာက တည်ငြိမ်နေဆဲပါ။
"အဲဒီကိစ္စက ကြာခဲ့ပါပြီ အခု ငါ ထွက်လာပြီဆိုတာက ငါတို့ဂိုဏ်း တံခါးပြန်ဖွင့်ပြီဆိုတဲ့ သဘောပဲ ဓားဂိုဏ်းက လာချင်ရင် လာခဲ့ပေါ့"
သူက အချိန်ဆွဲမနေတော့ဘဲ နှံတံနဲ့ ဆက်တိုက် ရိုက်ပါတယ်။
နတ်မိမယ်ယွီဟာ နာကျင်မှုကို အောင့်ခံပြီး ဖန့်ချန်ရှိရာကနေ မဝေးသွားအောင် ကြိုးစားနေပါတယ်။
နှံတံတစ်ချက်စီတိုင်းက သူမရဲ့ အသားအရေကို စုတ်ပြတ်သွားစေပါတယ်။
သူမ လမ်းတောင် မလျှောက်နိုင်တော့ဘဲ မြေပြင်ပေါ်မှာ သွေးခြေရာတွေ ချန်ထားခဲ့ရပါတယ်။
"ဒါပဲလား နင်တို့ဂိုဏ်းရဲ့ အရည်အချင်းက"
နတ်မိမယ်ယွီက မောမောနဲ့ ရယ်လိုက်ပါတယ်။
ရွှီ ရဲ့ မျက်နှာ မည်းမှောင်သွားပါတယ်။
မမြင်နိုင်တဲ့ နှံတံတစ်ခုက နတ်မိမယ်ယွီရဲ့ ရင်ဘတ်ကို ဖောက်ထွက်သွားပြီး သူမကို လေထဲ မြှောက်လိုက်ပါတယ်။
သူမရဲ့ မျက်လုံးတွေထဲမှာ အသက်ဓာတ်တွေ ကုန်ဆုံးလာပါတယ်။
'၁၅ မိနစ် ပြည့်ပြီလား ငါ သေတော့မှာပဲ တော်သေးတာက သခင်လေးက ငါ့အလောင်းကို ဂရုစိုက်ပေးမှာပဲ'
နတ်ဘီလူးဂိုဏ်းက ဇီယွမ်က မျက်မှောင်ကြုတ်ပြီး
"သူမကို အရှင်ဖမ်းရင် ဆုလာဘ် ပိုရမှာလေ"
လို့ ပြောလိုက်ပေမယ့် ရွှီ က ဂရုမစိုက်ပါဘူး။
သူက လက်ကို ဝှေ့ယမ်းပြီး သေလုမြောပါး ဖြစ်နေတဲ့ နတ်မိမယ်ယွီကို ဖန့်ချန်ဆီ ပစ်လွှတ်လိုက်ပါတယ်။
သူမ မြေပြင်ပေါ် ရိုက်မိတော့မယ့် အချိန်မှာပဲ သန်မာတဲ့ လက်တစ်စုံက သူမကို ဖမ်းယူလိုက်ပါတော့တယ်။