အခန်း (၁၆၀၉-၁၆၁၁)

အခန်း(၁၆၀၉) နတ်ရုပ်သေးဂိုဏ်း၏ ယန်ဖေးဖုန်

ဤသတင်းထွက်လာသည်နှင့် အဓိကတပ်ဖွဲ့များမှ ကျွမ်းကျင်သူများသည် အနောက်ဘက်နတ်ဆိုးနယ်မြေသို့ အရူးအမူးပြေးသွားကြသည်။ ၎င်းတို့၏ အစွမ်းက တရှထက် များစွာနိမ့်ကျကာ တခြားသူများ၏ ပေါ့ပေါ့တန်တန်ရိုက်ချက်ကိုပင် မခံနိုင်သော်လည်း ယင်းက မိုးကြိုးရမ်းဓား၏ အမွေဆက်ခံမှုနှင့် သက်ဆိုင်သောကြောင့် ၎င်းတို့တွင် ရူးသွပ်သွားရုံမှတပါး တခြားရွေးချယ်စရာမရှိပေ။

ချူးယွင်ဖန်သည် ခရမ်းရောင်မိုးကြိုးဓားများ၏ အမွေကို ရရှိခဲ့သည်ဟုသာ သံသယရှိခဲ့ကြပြီး မယုံနိုင်လောက်အောင်ဖြစ်ခဲ့ကြသည်။ ၎င်းတို့ အမွေရနိုင်ပါက ထူးကဲမည်မဟုတ်သော်လည်း အနည်းဆုံးတော့ မုန်တိုင်းမလာမီ သူတို့ကိုယ်သူတို့ ကာကွယ်ရန် လုံလောက်သော စွမ်းအားရှိလိမ့်မည်။

ထိုအချိန်၌ နတ်ဆိုးအဖွဲ့က လုံးဝရှုံးနိမ့်သွားပြီဖြစ်သည်။ ဤ အင်အားကြီးတပ်ဖွဲ့များ၏ ကျွမ်းကျင်သူများ၏ ကျူးကျော်မှုကို ၎င်းတို့ မည်ကဲ့သို့ တားဆီးနိုင်စွန်း ရှိနေနိုင်မည်နည်း။

ခဏတာအတွင်း၌ပင် နတ်ဆိုးဂိုဏ်းထဲတွင် ကျွမ်းကျင်သူအမျိုးမျိုး စုဝေးလာကြသည်။ ရှားရှားပါးပါး မြင်တွေ့ရသည့် သိုင်းပညာကျွမ်းကျင်သူများကို နေရာတိုင်းတွင် မြင်တွေ့နိုင်သည်။

သို့သော် မကြာခင်၌ နောက်ထပ်သတင်းတစ်ပုဒ် ပျံ့နှံ့သွားကာ ယင်းက ချူးယွင်ဖန်နှင့် သက်ဆိုင်နေသည်။

ချူးယွင်ဖန်သည် ရှန်ဖေးယွမ်နှင့် အခြားသူများကို သတ်လိုက်သောအခါ ကြီးမားသော ရုန်းရင်းဆန်ခတ်မှုများ ဖြစ်ပေါ်စေခဲ့ပြီးဖြစ်သည်။ နောက်ပိုင်းတွင် လျန်ရွေ့ချိုင်နှင့် အခြားသူများပင် သူ့လက်ချက်ဖြင့် သေဆုံးသွားခဲ့သည်။ လျန်ရွေ့ချိုင် ပြင်ဆင်ထားသည့် စွမ်းအင် ဇစ်မြစ်ပေါင်းစည်းခြင်း အစီအစဉ်ကိုပင် ချူးယွင်ဖန်းက သိမ်းပိုက်ထားသည်။

သူသည် တရှ၏ ဤပညာရှင်များ၏ ဆန့်ကျင်ဘက်တွင် ရဲရင့်စွာ ရပ်နေခဲ့သည်။ မူလစွမ်းအင်ပေါင်းစပ် ပေါင်းစပ်အစီအစဥ်သည် ထိပ်တန်းကျွမ်းကျင်သူအချို့နှင့် ဆက်နွယ်မှုရှိပြီး ၎င်းတို့အား ရွှေအမတေအဆင့်သို့ရောက်ရှိရန် ကူညီပေးခဲ့သည်ဟု ဆိုကြသည်။

"ချူးယွင်ဖန်းဆိုတာ ဘယ်သူလဲ။ ကမ္ဘာ့နံပါတ်တစ်ကျွမ်းကျင်သူလား။ သူက ရေတွင်းထဲက ဖားတစ်ကောင်သာသာပါကွာ။ ငါတို့က မိုးကြိုးရမ်းဓားနယ်မြေရဲ့ တောင်တံခါးကို တိုက်ခိုက်နေတာဆိုတော့ သူ့ကို ကိုင်တွယ်ဖြေရှင်းဖို့ အချိန်မရှိဘူး။ အခုတော့ ဒီကောင်က အစီအရင်ကို လုသွားတာဆိုတော့ အခြား နည်းလမ်းမရှိတော့ဘူး!"

ဤကြော်ညာချက်က တစ်ညတည်းနှင့် ကမ္ဘာတစ်ဝှမ်းကို ပျံ့နှံ့သွားခဲ့သည်။ ဤကိစ္စ၏ သက်ရောက်မှုက အလွန်ကြီးမားလွန်းသဖြင့် တရှနှင့် မိုးကြိုးခရမ်းဓား နယ်မြေအကြား ပဋိပက္ခကို ကိုယ်စားပြုသည်ဟု ပြောနိုင်သည်။

ချူးယွင်ဖန်း ခွန်အားနှင့် ဂုဏ်သတင်းမှာ သံသယဖြစ်စရာ မရှိပေ။ သူသည် မိုးကြိုးခရမ်းဓားနယ်မြေ၌ နံပါတ်တစ်ကျွမ်းကျင်သူဖြစ်ကာ တရှမှ ကျွမ်းကျင်သူများစွာကို သတ်ဖြတ်ခဲ့သည်။

ဤသို့ပြောသောလူ၏ အမည်ကို နောက်ဆုံးတွင် ဖော်ထုတ်နိုင်ခဲ့ပြီဖြစ်သည်။ လူများ သတင်းဖြန့်လိုက်သည်နှင့်အမျှ ဤလူအကြောင်း လူတိုင်းသိလာကြသည်။

ယန်ဖေးဖုန်၊ နတ်ရုပ်သေးဂိုဏ်း၏ တပည့်တစ်ဦး။

ဤသည်မှာ လူအများ ဤနာမည်ကို ကြားဖူးသည့် ပထမဆုံးအကြိမ်ဖြစ်သည်။ မကြာခင်၌ပင် နတ်ဆိုးဂိုဏ်းထဲမှ လူများသည် နောက်ထပ် အချက်အလက်များကို ဖြန့်ဝေခဲ့ကြသည်။ ယန်ဖေးဖန်းကို မိုးကြိုးခရမ်းဓားနယ်မြေ၏ အဓိကတပ်ဖွဲ့များက ပထမဆုံးအကြိမ် သိကြသော်လည်း နတ်ဆိုးဂိုဏ်းထဲတွင် နာမည်ကြီးသည်။

သူ၏ ရုပ်သေးတပ်မတော်သည် မရေမတွက်နိုင်အောင်များပြားသည့် နတ်ဆိုးမျိုးနွယ်စုများကို သတ်ဖြတ်ခဲ့သည်။ သူ၏ ဂုဏ်သတင်းက ထင်ရှားကျော်ကြား၍ မယုံနိုင်လောက်အောင် အစွမ်းထက်သည်။

တရှ၏ ကျွမ်းကျင်သူများမှ မရည်ရွယ်ဘဲ ထုတ်ဖော်ခဲ့မိသည့် အချက်အလက်များမှတစ်ဆင့် ယန်ဖေးဖုန်၏ အစွမ်းသတ္တိက ချူးယွင်ဖန်းလက်ချက်နှင့် သတ်ဖြတ်ခံခဲ့ရသော လျန်ရွေ့ချိုင်၊ ရှန်ဖေးယွင်နှင့် တခြားသူများထက်ပင် များစွာသာလွန်ကြောင်း သဘောပေါက်ခဲ့ကြသည်။

သို့သော် တစ်စုံတစ်ယောက်က တစ်စုံတစ်ခု မှားယွင်းနေသည်ဟု ခံစားလိုက်ရသည်။ ယန်ဖေးဖုန်နှင့် ချူးယွင်ဖန်းတို့ အချင်းချင်း တိုက်ခိုက်စေလိုသည့် နောက်ကွယ်မှ မီးကို လောင်စာထပ်ထည့်နေပုံရသည်။

ဓားငှါး၍ တစ်စုံတစ်ယောက်ကို သတ်ရန် ရည်ရွယ်ချက်ရှိသော်လည်း မည်သူက ဘယ်သူ့ဓားကို ငှါး၍ သတ်နေသည်ကို မည်သူမျှ မသိပေ။

တရှ၏ ပညာရှင်များအားလုံး သဟဇာတဖြစ်နေကြခြင်းမဟုတ်သည်ကို လူအများက သဘောပေါက်လာကြသည်။ ပြင်ပလူများ မသိသော ပဋိပက္ခများ များစွာရှိနိုင်သည်။

သို့သော် မိုးကြိုးခရမ်းဓားနယ်မြေကို ဝင်ရောက်လာသည့် တရှ၏ ပညာရှင်များသည် မတူညီသော ဂိုဏ်းများမှဖြစ်ကြောင်း အတွင်းသတင်းကို သိကြသည်။

၎င်းတို့သည် တစ်ယောက်နှင့်တစ်ယောက် ကောင်းမွန်သော ဆက်ဆံရေး မရှိကြပေ။

ခဏတာမျှ လူတိုင်း တိတ်ဆိတ်သွားကြကာ နောက်ထပ် ကြောက်မက်ဖွယ်ကောင်းသော မုန်တိုင်းတစ်ခု ရောက်ရှိလာတော့မည်ဟု ခံစားလိုက်ရသည်။

ချူးယွင်ဖန်းမည်သို့တုံ့ပြန်မည်ကို လူတိုင်းက စောင့်ကြည့်နေကြသည်။

သို့သော်လည်း ချူးယွင်ဖန်က ဤစကားများကို မကြားသကဲ့သို့ ဟန်ဆောင်နေခဲ့သည်။ သူသည် မူလစွမ်းအင်ပေါင်းစည်းမှုအစီအရင်၌ ဆက်လက်ရှိနေကာ ဤစကားများကို တုံ့ပြန်ရန် ရည်ရွယ်ချက်မရှိပေ။

မုန်တိုင်းတစ်ခု လာတော့ပေမည်။

နောက်ထပ် ပြင်းထန်သော တိုက်ပွဲတစ်ပွဲ ဖြစ်လာတော့မည်ဖြစ်ကြောင်း လူတိုင်း သဘောပေါက်လိုက်ကြသည်။

ယခုတွင် မိုးကြိုးခရမ်းဓား၏ တောင်တံခါးကို ချိုးဖောက်ခံရတော့မည်ဟု သတင်းထွက်ပေါ်နေသောကြောင့် ယန်ဖေးဖုန်က အချိန်ဖြုန်းမနေနိုင်တော့ပေ။ မည်သူမျှ ဤအခွင့်အရေးကို လက်လွှတ်ဆုံးရှုံးခံကာ ထွက်ခွါလိုကြမည်မဟုတ်ပေ။

ထို့အပြင် ချူးယွင်ဖန်းသည် မူလစွမ်းအင်ပေါင်းစည်းမှု အစီအရင်၏ အဆက်မပြတ်စုပ်ယူခြင်းခံရသည့်ပုံရှိသော်လည်း ထွက်ခွာရန်လည်း ဆန္ဒမရှိပေ။

သို့သော် ဤငြိမ်းချမ်းရေးဟုထင်ရသော အခြေအနေက ကြာရှည်မခံမည်မှာ ထင်ရှားသည်။

တံခါးကို ချိုးဖျက်ကာ အတွင်းရှိ အမွေအနှစ်ကို သိမ်းပိုက်ပြီးသည်နှင့် တရှ၏ ကျွမ်းကျင်သူများထံမှ တိုက်ခိုက်မှုက အချိန်တစ်ခုအတွင်းသာ ဖြစ်လာတော့မည်ဖြစ်သည်။

အချိန်များ တစ်နေ့ပြီးတစ်နေ့ ကုန်လွန်သွားသည်။ အားလုံး စိတ်လှုပ်ရှားစွာ စောင့်မျှော်နေချိန်၌ မိုးကြိုးခရမ်းဓားနယ်မြေ၏ တောင်တံခါးမှ ရုတ်တရက် ကောင်းကင်ယံကိုဖြတ်ကာ တချီမြို့တော်သို့

ဦးတည်နေသည့် ပုံရိပ်တစ်ခု ပေါ်လာသည်။

လူတစ်ယောက်က ထိုပုံရိပ်ကို မှတ်မိသွားသည်။

“ယန်ဖေးဖုန်ရဲ့ ရုပ်သေးရုပ်ပဲ”

ယန်ဖေးဖုန်သည် တရှ၏ နတ်ရုပ်သေးဂိုဏ်းမှ ဆင်းသက်လာကာ ရုပ်သေးနည်းစနစ်အမျိုးမျိုးကို အသုံးပြုရာတွင် ကျွမ်းကျင်သည်။ ရုပ်သေးများသည် အလွန်အစွမ်းထက်ပြီး လူသား သိုင်းပညာကျွမ်းကျင်သူများနှင့်ပင် နှိုင်းယှဉ်နိုင်သည်။

မိုးကြိုးခရမ်းဓားဂိုဏ်းမှ ထွက်ခွာသွားသော ရုပ်သေးရုပ်သည် ယန်ဖေးဖုန် အများဆုံးအသုံးပြုနေသော ရုပ်သေးရုပ်ဖြစ်သည်။ သူသည် ဤရုပ်သေးရုပ်ကို အားကိုးပြီး နတ်ဆိုးမျိုးနွယ်စုရာပေါင်းများစွာကို သတ်ဖြတ်ခဲ့သည်။ ၎င်းသည် လုံးဝအနိုင်ယူ၍မရပေ။

ဤရုပ်သေးရုပ်ကို အားကိုးခြင်းဖြင့် ယန်ဖေးဖုန်သည် သူ့ကိုယ်သူ နာမည်တစ်လုံးတည်ဆောက်နိုင်ခဲ့ခြင်းဖြစ်သည်။

လူတိုင်း၏ ထင်ကြေးအရ ဤရုပ်သေးရုပ်၏ အစွမ်းသတ္တိတစ်ခုတည်းက ရွှေအမတေပြီးပြည့်စုံခြင်းအဆင့် အထွတ်အထိပ်ထက် မနည်းပေ။ ယန်ဖေးဖုန်က ချူးယွင်ဖန်းကို အထင်သေးသည်က အံ့ဩစရာမဟုတ်ပေ။ သူ၏ ရုပ်သေးရုပ်မှာ လျန်ရွေ့ချိုင်ထက် အစွမ်းသတ္တိပိုများသဖြင့် ချူးယွင်ဖန်းကိုပင် အလေးအနက်မထားခဲ့ပေ။

ခဏတာမျှ ဤရုပ်သေးရုပ်က ကမ္ဘာပေါ်က လူတိုင်း၏ အကြည့်များကို ဆွဲဆောင်သွားခဲ့သည်။

တချီ မြို့တော်တွင်၊ မူလစွမ်းအင်ပေါင်းစည်းမှု အစီအရင်၏ အပြင်ဘက်၌ မရေမတွက်နိုင်အောင် များပြားသည့် ကင်းထောက်များသည် အစီအရင် ဖွဲ့စည်းပုံကို စိုက်ကြည့်နေကြသည်။

ရုတ်တရက် တချီမြို့ ပို့ဆောင်ရေးစက်ဝန်းမှ အလင်းတန်းတစ်ခု လက်ခနဲ ပေါ်လာပြီး ပုံရိပ်တစ်ခု ပျံသန်းထွက်လာခဲ့သည်။ ခဏအတွင်းမှာပင် ၎င်းက အစီအရင်ထဲသို့ ရောက်ရှိသွားသည်။

"ချူးယွင်ဖန်း မင်းရဲ့ သေမင်းကို ထွက်တွေ့စမ်း”

ဤအသံက ကမ္ဘာကြီးကို တုန်လှုပ်စေသည့် ခေါင်းလောင်းကြီးတစ်လုံးနှယ်ဖြစ်သည်။

ချက်ချင်းပင် လူတိုင်း၏ အကြည့်များအားလုံးက ဤရုပ်တုဆီသို့ အာရုံစိုက်သွားကြသည်။ ၎င်းမှာ အမည်မသိ သတ္တုဖြင့် ပြုလုပ်ထားသော ရုပ်သေးရုပ်တစ်ရုပ်ဖြစ်ကြောင်း ၎င်းတို့ မြင်လိုက်ကြရသည်။ သာမန်လူတစ်ယောက်၏ အမြင့်မျှရှိကာ သာမန်ရုပ်သေးရုပ်တစ်ရုပ်နှင့် တူသည်။ သို့သော် သူ၏ ခန္ဓာကိုယ်၌ ကြောက်မက်ဖွယ် အင်အားတစ်ခု ပါလာသည်။

"ဒါ… ဒါ ရုပ်သေးရုပ်ပဲ!"

တစ်ယောက်က အော်ပြောလိုက်သည်။

ဤကြီးမားသောအဖွဲ့များမှ ကင်းထောက်များသည် သတင်းကိုကြာမြင့်စွာကတည်းက ရရှိထားပြီးဖြစ်၍ ဤနေရာကို စောင့်ကြည့်ရန် တောင်းဆိုခဲ့ကြသည်။ ယခု ယန်ဖေးဖုန်၏ ရုပ်သေးရုပ်သည် နောက်ဆုံးတွင် ရောက်ရှိလာခဲ့သည်။

၎င်းသည် ရုပ်သေးရုပ်တစ်ခုမျှသာဖြစ်သော်လည်း ၎င်း၏ ကြောက်မက်ဖွယ်ကောင်းသော စွမ်းအားသည် မရေမတွက်နိုင်သော လူများကို ကြောက်ရွံ့တုန်လှုပ်စေခဲ့သည်။

"ယန်ဖေးဖုန်က ကိုယ်တိုင်မလာဘဲ ရုပ်သေးရုပ်တစ်ရုပ်ကို သေဖို့ လွှတ်လိုက်တာပေါ့"

မူလစွမ်းအင်ပေါင်းစည်းမှု အစီအရင်မှ ကြည်လင်သောအသံတစ်ခု ထွက်ပေါ်လာခဲ့သည်။

ပြီးသည်နှင့် ချက်ချင်းပင် လူသုံးယောက် ထွက်လာသည်။

၎င်းတို့မှာ ချူးယွင်ဖန်း၊ ချူးဟုန်ချိုင်နှင့် ယဲ့ချိုးရွှေတို့ဖြစ်သည်။

အခန်း(၁၆၁၀) ရွှေအမတေအထွတ်အထိပ်အဆင့်ကို တစ်ချက်တည်း နင်းချေခြင်း

"ငါ သေဖို့ ရောက်လာတယ်ဟုတ်လား”

ရုပ်သေးရုပ်၏ မျက်လုံးထဲတွင် ထက်မြက်သော အလင်းရောင်တစ်ခု လက်သွားသည်။ ရွှေတို့ သံတို့နှင့်

လုပ်ထားပုံရသော်လည်း ၎င်း၏ မျက်နှာ အမူအရာက လူသားတစ်ယောက်၏ မျက်နှာအမူအရာနှင့် မခြားဘဲ ကြွယ်ဝနေသည်။

"သာမန်တောသားတစ်ကောင်က ဒီလိုအဓိပ္ပါယ်မရှိတဲ့စကားတွေကို ပြောရဲပေါ့”

ရုပ်သေးရုပ်၏ စကားလုံးများသည် အထင်သေးမှုများနှင့် ပြည့်နှက်နေသည်။ ချူးယွင်ဖန်းကို သူ စိုးစဉ်းမျှပင် မကြောက်ပေ။

ချူးယွင်ဖန်းက လှောင်ရယ်လိုက်သည်။ ယခင်က ဤကဲ့သို့သော ရုပ်သေးရုပ်ကို တစ်ခါမှ မမြင်ဖူးသော်လည်း ထိုအချက်က သူ့အား ထိုရုပ်သေးရုပ်အကြောင်း သိခြင်းမှ မတားဆီးနိုင်ပေ။ ဆေးဧကရာဇ် မှတ်ဉာဏ်တွင်ဖြစ်စေ၊ ဧကရာဇ်တိုက်ပွဲစာအုပ်တွင်ဖြစ်စေ ၎င်းနှင့်ပတ်သက်သည့် မှတ်တမ်းများ ရှိနေသည်။

ဤရုပ်သေးရုပ်က လျှို့ဝှက်နည်းပညာရုပ်သေးတစ်မျိုးဖြစ်သည်။ ပြည်ထောင်စုက တီထွင်နေသည့် လူမဲ့စက်ရုပ်နှင့် အိုင်ဒီယာတူသည်။ ပြည်ထောင်စုက လွန်ခဲ့သော နှစ်ပေါင်းများစွာကတည်းက ဉာဏ်ရည်တုကို တီထွင်ခဲ့သည်။

သို့သော် ဤဉာဏ်ရည်တုများသည် သာမန်အလုပ်များကိုသာ ကိုင်တွယ်နိုင်၍ သိုင်းပညာ၏ အမျိုးမျိုးသောအရာများသည် ရှုပ်ထွေးသည်။ လူသားများ ကိုယ်တိုင်ပင် ဉာဏ်ရည်တုကို အပြည့်အဝနားမလည်နိုင်သကဲ့သို့ ဉာဏ်ရည်တုကလည်း နားမလည်နိုင်ပေ။ ထို့ကြောင့် ဉာဏ်ရည်တုစီမံကိန်းကို စတင်လုပ်ဆောင်နေသော်လည်း ရလဒ်များများစားစား မရရှိခဲ့ပေ။

ဤရုပ်သေးရုပ်ကလည်း အလားတူပင်ဖြစ်သည်။ သို့သော် ရုပ်သေးရုပ်ကို ထိန်းချုပ်ထားသူက smart chip မဟုတ်ဘဲ အသုံးပြုသူ၏ မူလဝိညာဉ်မှ အပိုင်းအစတစ်ခုဖြစ်သည်။ ထို့ကြောင့် ယခု သူနှင့်

စကားပြောနေသည်က ဤရုပ်သေးရုပ် မဟုတ်ဘဲ ရုပ်သေးရုပ်ထဲ ဝှက်ထားသည့် ယန်ဖေးဖုန်၏ မူလဝိညာဉ်ဖြစ်သည်။

"အဓိပ္ပါယ်မရှိဘူးလား"

ချူးယွင်ဖန်းက လှောင်ပြောင်လိုက်သည်။ "မင်းငါ့ကို ရုပ်သေးရုပ်နဲ့ အနိုင်ယူနိုင်မယ်လို့ ထင်နေတာလား။ မင်းဘယ်လောက်မှားနေလဲဆိုတာ ငါပြောပြမယ်"

"တော်တော် မာနကြီးတာပဲ။" ရုပ်သေးရုပ်က လှောင်ရယ်လိုက်သည်။

ထို့နောက် ရုပ်သေးရုပ်က သတ္တုပေါက်ကွဲသံနှင့်အတူ ပေါက်ကွဲထွက်လာသည်။ ယင်းက လက်ဖဝါးအဖြစ် ပြောင်းလဲသွားပြီး ကြေမွသွားသည်။ ဤလက်ဖဝါးက မြေပြင်ပေါ်ကို ဆင်းသက်သောအခါ ကောင်းကင်၌ အပေါက်ကြီးတစ်ခုကို ထိုးဖောက်လိုက်သကဲ့သို့ဖြစ်၍ ကြောက်စရာကောင်းသော လှိုင်းလုံးကြီးတစ်ခု ဖြစ်ပေါ်လာသည်။

ဤသည်က သိုင်းပညာနည်းစနစ်တစ်ခုပင် ဖြစ်သည်။

ဤရုပ်သေးရုပ်က သိုင်းပညာကို အသုံးပြုနိုင်သည်။ ယင်းက

ပြည်ထောင်စု၏ AI များ ယခုအချိန်တွင် မလုပ်နိုင်သည့်အရာဖြစ်သည်။ ယင်းကြောင့် ပြည်ထောင်စု၏ ဉာဏ်ရည်ထက်မြက်သော စက်ရုပ်များ ယခုထိ ရေပန်းမစားသေးပေ။ ဤပြဿနာကို ဖြေရှင်းပြီးသည်နှင့် ပြည်ထောင်စု၏ စက်မှုထုတ်လုပ်မှုနည်းလမ်းက အင်အားကြီးသော ရန်သူအားလုံးကို နစ်မြုပ်သွားစေမည်ဖြစ်သည်။

ချူးယွင်ဖန်းက ဤအချိန်တွင် အဆောင်တစ်ခုကို ပစ်လိုက်သည်။ အဆောက်ကာ သန်မာသောလူတစ်ဦး၏ အရိပ်အဖြစ်သို့ ပြောင်းလဲသွားကာ ချူးယွင်ဖန်း၏ ခန္ဓာကိုယ်ထဲသို့ ပြေးဝင်သွားသည်။ သူ့ခန္ဓာကိုယ်မှ အဆုံးမရှိသော စွမ်းအားများ ထွက်လာသည်ကို သူခံစားလိုက်ရသည်။ ဤစွမ်းအားသည် သူ့ကိုယ်ပိုင်ခန္ဓာကိုယ်မှ လာခြင်းမဟုတ်သော်လည်း သူအသုံးပြုနိုင်သည်။

ဤအဆောင်လက်မှာ နတ်ဘုရားခွန်အားအဆောင်မှတပါး အခြားမဟုတ်ပေ။

လျန်ရွေ့ချိုင် ယခင်ကအသုံးပြုခဲ့သော နတ်ဘုရားခွန်အားအဆောင်ကို ယခုအခါ ချူးယွင်ဖန်း အသုံးပြုခဲ့ပြီးနောက် ၎င်း၏စွမ်းအားသည် ယခင်ကထက်ပင် ပိုမိုကြီးမားလာသည်။ သူအသုံးပြုသောအခါ ယင်းက သူ၏ခွန်အားကို သုံးဆတိုးမြှင့်ပေးသည်ကို သဘောပေါက်လိုက်သည်။

ချူးယွင်ဖန်း၏ ကိုယ်ပိုင်အစွမ်းသတ္တိက အစကတည်းက ကြောက်မက်ဖွယ်ကောင်းနှင့်ပြီးဖြစ်ရာ နတ်ဘုရားခွန်အားအဆောင်ကို အသုံးပြုခဲ့သည့် လျန်ရွေ့ချိုင်ပင် ချူးယွင်ဖန်းနှင့် ထိတွေ့မိသောအခါ သေဆုံးသွားခဲ့သည်။

ယခု သူ၏ အစွမ်းသတ္တိ သုံးဆတိုးလာသည်ကို ပြောနေရန်ပင် မလိုတော့ပေ။ ချူးယွင်ဖန်းက လက်သီးကို ဝှေ့ယမ်းလိုက်သည်။ ချက်ချင်းပင် လူတိုင်းက ကောင်းကင်တွင် အပေါက်ကြီးတစ်ခု ထိုးခံလိုက်ရသည့်အလား လေထဲတွင် ပြိုကွဲသွားသည်ကို မြင်လိုက်ရသည်။ ရိုးရှင်းသော လက်သီးတစ်ချက်သာ ဖြစ်သော်လည်း အစွမ်းသတ္တိ အတိုင်းအတာတစ်ခုသို့ ရောက်ရှိသွားသောအခါတွင် ၎င်းသည် ပြိုင်ဘက်ကင်း အခြေအနေဟု ခေါ်သည့်အဆင့်သို့ ရောက်ရှိသွားတော့သည်။

ဘမ်း

နှစ်ဖက်စလုံး၏ လက်သီးများ ထိပ်တိုက်တွေ့သွားကြသည်။ ရုပ်သေးရုပ်ကို လွင့်ထွက်သွားစေခဲ့သည်။

ချူးယွင်ဖန်းနှင့် ခွန်အားတိုက်ပွဲတွင် သူသည် အားနည်းချက်ရှိနေသည်မှာ သံသယဖြစ်စရာမလိုပေ။

ကြိုးပြတ်နေသော စွန်တစ်ကောင်ကဲ့သို့ ကောင်းကင်တွင် အဖြူရောင်မျဉ်းရှည်တစ်ခုသာ ချန်ထားခဲ့သည်။

"ဒါဘယ်လိုဖြစ်နိုင်မှာလဲ”

ရုပ်သေးရုပ်၏ မျက်လုံးများတွင် မယုံနိုင်စရာအမူအရာတစ်ခု ဖြတ်ပြေးသွားသည်။ ယန်ဖေးဖုန်၏ အတွင်းထဲတွင် ဝှက်ထားသည့် မူလဝိညာဉ်က မယုံမကြည်နိုင်ဖြစ်နေသည်။

သူ၏ ဤရုပ်သေးရုပ်က ရွှေအမတေပြီးပြည့်စုံခြင်းအဆင့် အမြင့်ဆုံးအဆင့်၌ရှိနေသည့် ကျွမ်းကျင်သူတစ်ယောက်နှင့် တန်းတူရှိသည်ဟု လူသိများသော်လည်း သူ၏ တကယ့် အားသာချက်မှာ ရုပ်သေးရုပ်ကိုယ်တိုင်က အထူးသတ္တုတစ်မျိုးနှင့် သန့်စင်ထားခြင်းဖြစ်သည်။ သူ့၏ အစွမ်းသတ္တိက သာမန်လူသား သိုင်းပညာ ကျင့်ကြံသူများထက် အဆပေါင်းများစွာ သာလွန်သည်။

အတွင်းအားနှင့် သိုင်းပညာအပေါ် နားလည်မှုအရ သာမန် သိုင်းပညာကျွမ်းကျင်သူများနှင့် ယှဉ်၍မရပေ။ သို့သော် ယခု ချူးယွင်ဖန်းက သူအဂုဏ်ယူဆုံးအရာကို လွင့်ထွက်သွားစေခဲ့သည်။

ချူးယွင်ဖန်းက ဈေးကြီးသော နတ်ဘုရားခွန်အားအဆောင်ကို သုံးသည်ကို မြင်ဖူးသော်လည်း ယင်းက ချဲ့ကားလွန်းသည်။ သူ့ကို လက်သီးတစ်ချက်တည်းနှင့် လွင့်ထွက်သွားစေရန် ချူးယွင်ဖန်း၏ ခန္ဓာကိုယ်က မည်မျှ အစွမ်းထက်လှသနည်း။

သို့သော် သူစဉ်းစား၍ မရခင်၌ပင် သူ့ရှေ့၌ မိုးကြိုးတစ်ချက် လင်းလက်သွားသည်။ ခဏအတွင်း၌ ချူးယွင်ဖန်းက သူ့အပေါ်တွင်ပေါ်လာသည်။

"ငရဲကန်ချက် ကိုးချက်”

ချူးယွင်ဖန်း၏ ခြေထောက်က ရှေ့သို့ နင်းခြေလိုက်သည်။ သူ့ခြေထောက်အောက်တွင် မရဏကမ္ဘာရေများသည် ကောင်းကင်တစ်ခုလုံးကို ဖုံးလွှမ်းသွားသည်။ ထို့နောက် ၎င်းသည် သက်ဆင်းလာသည့် ဧရာမခြေထောက်ကြီးတစ်ခုအဖြစ်သို့ ပြောင်းလဲသွားသည်။

“သေစမ်း"

ရုပ်သေးရုပ်က နှလုံးသားထဲတွင် ကျိန်ဆဲလိုက်သော်လည်း နောက်ကျသွားပြီဖြစ်သည်။ ချူးယွင်ဖန်းက ၎င်း၏ခန္ဓာကိုယ်ပေါ်သို့ ရက်စက်စွာ နင်းလိုက်သည်။

ဘမ်း

ရုပ်သေးရုပ်က ကြွေကျလာသညမ့ ကြယ်တံခွန်တစ်ခုကဲ့သို့ ချက်ချင်းပင် မြေပြင်ပေါ်ကို ပြုတ်ကျသွားသည်။

ဘမ်း

ကောင်းကင်နှင့် မြေပြင်သည် ပြင်းထန်စွာ တုန်ခါသွားသည်။ ဤတိုက်မိမှုကြောင့် ပေသန်းပေါင်းများစွာ မြင့်မားသော ဖုန်မှုန့်လှိုင်းတစ်ခု ဖြစ်ပေါ်လာသည်။

ဤအရာအားလုံးကို ဖော်ပြရန် အချိန်အတော်ကြာသော်လည်း ချက်ချင်းဖြစ်ပျက်သွားခဲ့သည်။ ကြီးမားသောဂိုဏ်းအမျိုးမျိုးမှ သူလျှိုများတွင်လည်း ကျင့်ကြံမှုရှိကြသော်လည်း အများဆုံးမှာ နတ်အဆင့်၌ ရှိနေသည်။ ဤအဆင့်တိုက်ပွဲကို ၎င်းတို့၏မျက်လုံးများက မလိုက်နိုင်ပေ။

ချူးယွင်ဖန်းတိုက်ခိုက်သည်နှင့် ရုပ်သေးရုပ်က မြေပြင်ပေါ်သို့ လဲကျသွားသည်ကိုသာ သူတို့မြင်လိုက်ရသည်။

"ဘယ်လောက်တောင် ကြောက်စရာကောင်းတဲ့ တိုက်ပွဲလဲ!"

အဓိကတပ်ဖွဲ့အမျိုးမျိုးမှ ကင်းထောက်များ ကိုယ့်တံတွေးကိုယ်မျိုချလိုက်မိကြသည်။ သိုင်းပညာရှင်တစ်ဦးတွင် ဤမျှလောက် ဝိညာဉ်စွမ်းအင်ကို နှိုးဆွပေးနိုင်ကြောင်း သူတို့ ပထမဆုံးအကြိမ် ရှာဖွေတွေ့ရှိခြင်း ဖြစ်သည်။ ၎င်းက သူတို့ကို အံ့အားသင့်စေခဲ့သည်။

ချူးယွင်ဖန်အတွက်ကမူ ခွန်အားဖြစ်စေ အမြန်နှုန်းဖြစ်စေ ခြွင်းချက်မရှိပေ။ ကောလာဟလများထက် ဆယ်ဆပိုကြောက်စရာကောင်းသည်။

"ချူးယွင်ဖန်း မင်း သေမင်းကို ပင့်နေတာပဲကွ!"

ရုပ်သေးရုပ်က မတ်တပ်ရပ်ရန် ကြိုးစားသော်လည်း ချူးယွင်ဖန်က ၎င်း၏ အပေါ်ကို ရောက်နှင့်နေပြီဖြစ်သည်။

"မပျက်စီးသေးဘူး။ ဒီရုပ်သေးရုပ်ရဲ့ ကိုယ်ထည်က အတော်လေးကောင်းတာပဲ ဟား"

ချူးယွင်ဖန်း၏ ချီးကျူးစကားသည် ရုပ်သေးရုပ်အတွက် လှောင်ပြောင်သံကဲ့သို့ ထင်ရသည်။ သို့သော် ၎င်း၏ဒေါသကို မဖော်ပြနိုင်မီ ချူးယွင်ဖန်းက တွန့်ဆုတ်ခြင်းမရှိဘဲ ၎င်းကို နင်းချေလိုက်သည်။

ဘမ်း

ရုပ်သေးရုပ်ကို မြေကြီးပေါ် ပြန်ကန်နင်းလိုက်ပြီးနောက် အလယ်ဗဟိုတွင် အပေါက်ကြီးတစ်ခု ဖြစ်သွားသည်။ ယင်းက ကစားပွဲမဟုတ်ပေ။ ချူးယွင်ဖန်းက ရုပ်သေးရုပ်ကို လွှတ်ချရန် ရည်ရွယ်ချက်မရှိပေ။ သူက ထပ်ခါထပ်ခါ ကန်နေရာ ကန်ချက်တိုင်းက ကောင်းကင်ကို တုန်ခါစေသည်။

မဝေးလှသော နန်းတော်ရှိ သာမန်ပြည်သူများသည် မြေနဂါးပြန်လာပြီဟု ထင်မှတ်ကာ ထိတ်လန့်နေကြသည်။ အချိန်အတော်ကြာပြီးနောက် ချူးယွင်ဖန်းနောက်ဆုံးတွင် ရပ်တန့်သွားသည်။

ဤအချိန်၌ ရုပ်သေးရုပ်သည်လည်း ကြေမွသွားခဲ့ပြီဖြစ်သည်။

အခန်း(၁၆၁၁) လွှမ်းမိုးနိုင်သော တိုက်ပွဲခွန်အား

လူတိုင်းက ၎င်းတို့ရှေ့က မြင်ကွင်းကို ပါးစပ်အဟောင်းသား စိုက်ကြည့်နေကြသည်။

ယင်းက ရွှေအမတေပြီးပြည့်စုံခြင်း အထွတ်အထိပ်၌ ရှိနေသည်ဟု ကောလာဟလများ ထွက်နေသည့် ရုပ်သေးရုပ်တစ်ရုပ်ဖြစ်သည်။

ခွန်အားအရဆိုပါက မိုးကြိုးခရမ်းဓားနယ်မြေတွင် အနိုင်မရနိုင်ပေ။ တရှ၍ ပညာရှင်များထဲ၌ပင် ယင်းက ရွှေအမတေပြီးပြည့်စုံခြင်း ရုပ်သေးကို ယှဉ်နိုင်သူ မရှိလှပေ။

“ရှားရှားပါးပါး မြင်ကွင်းတစ်ခုပဲ”

“ငါတို့ အခု ဘာမြင်လိုက်ကြတာလဲ”

“ချူးယွင်ဖန်းက ရုပ်သေးရုပ်ကို နင်းခြေပစ်လိုက်တာ သေသွားပြီ”

ယင်းပ အမှန်ပင် ရက်စက်ကြမ်းကြုတ်သော တိုက်ပွဲတစ်ခုဖြစ်သည်။ မည်သူကမျှ ဤမျှ ထိတ်လန့်စရာကောင်းသည့် တိုက်ပွဲကို တစ်ခါမှ မမြင်ဖူးကြပေ။ ချူးယွင်ဖန်း ယခင်က အနိုင်ယူခဲ့သည့် တခြားပြိုင်ဘက်များပင် ဤသို့ မဖြစ်ခဲ့ဖူးကြပေ။ သူသည် ရွှေအမတေပြီးပြည့်စုံခြင်းအဆင့် ကျွမ်းကျင်သူတစ်ယောက်ကို သူ၏ အပြည့်အဝ ခွန်အားနှင့် အနိုင်ယူခဲ့ခြင်းဖြစ်သည်။

ထို့ကြောင့် လူတိုင်းက ပြိုင်ဘက်ကင်းခြင်းဟူသည် မည်သည်ကို ဆိုလိုကြောင်း တကယ်နားလည်သွားကြသည်။

ပြီးပြည့်စုံသည့် ရွှေအမတေနှင့် နှိုင်းယှဉ်နိုင်သော ရုပ်သေးရုပ်ကို ချေမှုန်းပြီးနောက်၊ ချူးယွင်ဖန်သည် လက်ကြီးတစ်ခုအဖြစ်သို့ ပြောင်းလဲသွားပြီး ရုပ်သေးရုပ်ကို ဆွဲယူလိုက်သည်။

ယဲ့ချိုးရွှေနှင့် ချုးဟုန်ချိုင်တို့သည် ချူးယွင်ဖန်းဘက်သို့ တက်သွားကြသည်။

"အစ်ကိုဖန်း မင်းက အံ့သြစရာကောင်းလိုက်တာ။ ရွှေအမတေပြီးပြည့်စုံအဆင့် အထွတိအထိပ်တောင် မင်းနဲ့ မယှဉ်နိုင်ဘူး” ချူးဟုန်ချိုင်က အော်ဟစ်လိုက်သည်။

ချူးဟုန်ချိုင်သည် ရုပ်သေးရုပ်၏ ကြောက်မက်ဖွယ်ကောင်းသော စွမ်းအားကို အစောပိုင်းက ရှင်းရှင်းလင်းလင်း ခံစားမိခဲ့သည်။ ၎င်းသည် ၎င်း၏ အရှိန်အဝါဖြင့်သာ သူ့ကို ဖိနှိပ်နိုင်သည်။ သူ့ကို တစ်ချက်ကြည့်လိုက်ရုံဖြင့် ရေခဲဂူထဲသို့ ပြုတ်ကျသွားသကဲ့သို့ ခံစားရသည်။ သူသည် ရွှေအမတေအဆင့်တွင် ရှိနေသော်လည်း ရွှေအမတေအဆင့်ရှိ ထိပ်တန်းပညာရှင်များနှင့် သူနှင့် ကွာခြားချက်များစွာ ရှိနေသေးကြောင်း သူ ချက်ချင်း သဘောပေါက်လိုက်သည်။

သို့သော် ချူးယွင်ဖန်းကို ဆန့်ကျင်သည့်အနေနှင့် ရုပ်သေးရုပ်က သူ့ကို မယှဉ်နိုင်ဘဲ အပိုင်းပိုင်း နင်းခြေခံခဲ့ရသည်။ ချူးဟုန်ချိုင်က ထိုအချိန်၌ မည်မျှ စိတ်လှုပ်ရှားနေမည်ကို မြင်ယောင်ကြည့်နိုင်သည်။

"ဒါက ဘာမှမဟုတ်ဘူး။ ဒီရုပ်သေးရုပ်ကို ရွှေအမတေပြီးပြည့်စုံအဆင့် အထွတ်အထိပ်နဲ့ နှိုင်းယှဉ်နိုင်တယ်လို့လည်း ပြောကြပေမယ့် စည်ပိုင်းရဲ့အောက်ခြေလို့ သတ်မှတ်ကြတယ်" ချူးယွင်ဖန်းက ပြောသည်။

သာမန်လူများ၏ အမြင်၌ ဤရုပ်သေးရုပ်က ရွှေအမတေပြီးပြည့်စုံခြင်း အထွတ်အထိပ်အဆင့်နှင့် နှိုင်းယှဉ်နိုင်ကာ အစွမ်းထက်သည်ဟု ယူဆနိုင်သည်။ သို့သော် ချူးယွင်ဖန်း၏ အမြင်တွင်မူ ဘာမှမဟုတ်ပေ။ စစ်မှန်သော ထိပ်တန်းရုပ်သေးရုပ်တစ်ခုက အဆင့်တူပညာရှင်များကို ချေမှုန်းနိုင်သော်လည်း ဤမျှမဟုတ်ပေ။

ဤရုပ်သေး ပြုလုပ်ရာ၌ အသုံးပြုသည့် ပစ္စည်းက အကောင်းဆုံး မဟုတ်ကြောင်း ချူးယွင်ဖန်းသိနိုင်သည်။ လက်မှုပညာနည်းလမ်းက ဆေးဧကရာဇ်၏ မှတ်ဉာဏ်ထဲမှ ရုပ်သေးရုပ်နှင့် အလွန်ကွာခြားသည်။ ဤရုပ်ငေးရုပ်က အဆင့်နိမ့်ပညာရှင်များကိုသာ အနိုင်ကျင့်နိုင်သည်။ အဆင့်တူ ကျွမ်းကျင်သူတစ်ယောက်ကို ရင်ဆိုင်ရခြင်းက ဤမျှနှင့် မလုံလောက်ပေ။

"ယန်ဖေးဖုန်မှာ ဒီလိုအစွမ်းမျိုးရှိရင် သူသေချာပေါက်သေလိမ့်မယ်" ချူးယွင်ဖန်းက အေးစက်စွာပြုံးလိုက်သည်။

"ငါဒီရုပ်သေးရုပ်ကို နတ်ဘုရားခွန်အားအဆောင်ရဲ့ ပေါက်ကွဲအားကို အားကိုးပြီး အနိုင်ယူခဲ့တာ" သူက ဆက်ပြောသည်။

ဤတိုက်ပွဲအပြီးတွင် ချူးယွင်ဖန်းသည် သူ၏အစွမ်းသတ္တိကို အပြည့်အဝနားလည်သွားခဲ့သည်။ သူ၏လက်ရှိအစွမ်းသတ္တိဖြင့် သူသည် ရွှေအမတေပြီးပြည့်စုံအဆင့်များထဲတွင် ပြိုင်ဘက်ကင်းဖြစ်ကာ အထွတ်အထိပ်ရွှေအမတေပြီးပြည့်စုံအဆင့်နှင့် ကြုံတွေ့ရလျှင်ပင် သူ့ကိုယ်သူကာကွယ်ရန် စိတ်ပူစရာမလိုပေ။

သူက နတ်ဘုရားခွန်အားအဆောင်ကို အသုံးပြုပြီးသည်နှင့် သူ၏ခွန်အားသည် သုံးဆတိုးလာမည်ဖြစ်ကာ သူ၏ခွန်အားသည်လည်း အရည်အသွေးတိုးတက်မှုရှိလာမည်ဖြစ်သည်။ ရွှေအမတေပြီးပြည့်စုံအဆင့်၏ အနိမ့်ဆုံးအဆင့်ဖြစ်သော ဤရုပ်သေးသည် သူ့အတွက် ယှဉ်ပြိုင်နိုင်သူမဟုတ်ပေ။

တစ်နည်းအားဖြင့် ချူးယွင်ဖန်သည် ရွှေအမတေပြီးပြည့်စုံခြင်း အထွတ်အထိပ်သို့ ရောက်ရှိနိုင်ကာ တရှ၏ ထိပ်တန်းလူငယ်ပညာရှင်များနှင့် ယှဉ်ပြိုင်နိုင်စွမ်းရှိသည်။

ယဲ့ချိုးရွှေက ချူးယွင်ဖန်ကို အံ့အားသင့်စွာ ကြည့်လိုက်သည်။ ချူးဟုန်ချိုင်နှင့် နှိုင်းယှဉ်လျှင် ယဲ့ချိုးရွှေက ပို၍ပင် စိတ်လှုပ်ရှားနေသည်။ ချူးဟုန်ချိုင်အတွက် ချူးယွင်ဖန်းသည် စွမ်းအားကြီးသော်လည်း ပုရွက်ဆိတ်တစ်ကောင်အတွက်မူ ဝက်ဝံနှင့် ယုန်တို့သည် အတူတူပင်ဖြစ်သည်။ သူတို့ကို နင်းခြေ၍ သေစေနိုင်သည်ကို ယဲ့ချိုးရွှေက ပို၍သိသည်။

သူမအမြင်အရ ချူးယွင်ဖန်းက အင်အားမကြီးလှပေ။ သူမထက် များစွာ ပိုသန်မာသော်လည်း တရှတွင် သူက မည်သည့်အဆင့်မျှမရှိပေ။

သူမသိသလောက် ချူးယွင်ဖန်းထက် များစွာ ပိုမိုသန်မာသည့် ပညာရှင်များ များစွာရှိသည်။ သူမ၏ ဂိုဏ်းထဲ၌ပင် သူ့ထက် များစွာပိုသန်မာသော ပညာရှင်များ များစွာရှိသည်။

သို့သော်လည်း ချူးယွင်ဖန်း၏ တိုးတက်မှုနှုန်းမှာ မြန်ဆန်လွန်းသဖြင့် သူမ စိတ်ကူး၍ပင် မရပေ။ အချိန်တိုလေးသာ ရှိသေးသော်လည်း ချူးယွင်ဖန်း၏ ခွန်အားမှာ အလွန်အမင်း တိုးတက်လာခဲ့သည်။

‘ဘယ်လောက်ကြာသေးလို့လဲ’

‘ ပြီးတော့ သူက ယန်ဖေးဖန်းနဲ့ အခြားသူတွေကို ယှဉ်နိုင်နေပြီ’

ယန်ဖေးဖုန်၏ နာမည်က လီချန်းချန်နှင့် နှိုင်းယှဉ်ရန် မလုံလောက်သော်လည်း တရှတွင် သူသည် လူသိများနေဆဲဖြစ်သည်။ သူသည် လူသိနည်းသူတစ်ဦးမဟုတ်ပေ။

ရေထဲက နဂါးတစ်ကောင်ကဲ့သို့ မိုးကြိုးခရမ်းဓားနယ်မြေကဲ့သို့ ပတ်ဝန်းကျင်တွင် ချူးယွင်ဖန်းသည် အဘယ်ကြောင့် မယုံနိုင်လောက်အောင် မြင့်မားသော နေရာသို့ ရောက်ရှိနိုင်ရသည်ကို ယဲ့ချိုးရွှေ နားလည်ခဲ့သည်။ ဤနှုန်းထားနှင့် ချူးယွင်ဖန်းသည် တရှ၌ပင် ထင်ရှားနေနိုင်သည်။

ပထမဆုံးအကြိမ်အဖြစ် ချူးယွင်ဖန်းက သူမ၏ စီနီယာအစ်မနှင့် ထိုက်တန်သည်ဟု သူမတကယ်ခံစားလိုက်ရသည်။

"ဟုန်ချိုင် မင်းရဲ့ ရွှေအမတေကို ပျိုးထောင်ပြီး ခိုင်မာအောင်လုပ်ဖို့ နေရာတစ်ခုရှာပါ" ချူးယွင်ဖန်းက ပြောလိုက်သည်။

ချူးဟုန်ချိုင်သည် အဓိကအဆင့်သို့ ဝင်ရောက်လာခဲ့သည်။ ဤအချိန်တွင် သူ၏ ရွှေအမတေသည် ဝိညာဉ်တစ်ခုသာဖြစ်ကာ အားအနည်းဆုံးအခြေအနေတွင် ရှိနေခဲ့သည်။ သူသတိမထားပါက သူ၏ ရွှေအမတေ ကွဲအက်သွားနိုင်ပြီး နတ်အဆင့်သို့ ပြန်လည်ကျဆင်းသွားနိုင်သည်။

"ကောင်းပြီ၊ အစ်ကိုဖန်း" ချူးဟုန်ချိုင်က ခေါင်းညိတ်လိုက်သည်။ သူကူညီနိုင်မည်မဟုတ်ကြောင်း သူသိသည်။

ယန်ဖေးဖုန်သည် ရွှေအမတေအဆင့် အထွတ်အထိပ်၌ ရှိနေခြင်းဖြစ်သည်။ သူအစောပိုင်းက အသုံးပြုခဲ့တဲ့ ရုပ်သေးရုပ်၌ပင်

အထွတ်အထိပ်အဆင့် အစွမ်းရှိလျှင် ယန်ဖေးဖုန်၏ အစွမ်းက ယင်းထက် သာလွန်နေရမည်ဖြစ်သည်။ ထိုသို့ တိုက်ပွဲမျိုးကို ချုးဟုန်ချိုင် ဝင်ရောက်စွက်ဖက်၍မရပေ။

ထို့နောက် ချူးယွင်ဖန်က ယဲ့ချိုးရွှေကို ကြည့်လိုက်သည်။

"ငါ မိုးကြိုးခရမ်းဓားဂိုဏ်းကို သွားဖို့ စီစဉ်ထားတယ်။ မင်း ငါနဲ့ လိုက်ခဲ့ချင်လား”

ယဲ့ချိုးရွှေ သက်ပြင်းချလိုက်သည်။ ယင်းက သူမ အနှေးနှင့်အမြန် ရင်ဆိုင်ရမည့် ပြဿနာတစ်ခုဖြစ်ကြောင်း သူမ သိသည်။ ယခင်ကဆိုပါက မိုးကြိုးရမ်းဓား၏ တောင်ဘက်ဝင်ပေါက်သို့ သွားရန် သူမ ဆန္ဒရှိလိမ့်မည်။ မိုးကြိုးရမ်းဓားဂိုဏ်း၏ အမွေအနှစ်ကို ရရှိရန် အခွင့်အရေး ရှိကောင်းရှိနိုင်သည်။

သို့သော်လည်း မိုးကြိုးခရမ်းဓားနယ်မြေက နဂါးရေကန်နှင့် ကျားတွင်းတစ်ခု ဖြစ်လာခဲ့ဖွယ်ရှိသည်။ လူမည်မျှက သူမကို သစ္စာဖောက်အဖြစ် မြင်ကြသည်ကို သူမ မသိပေ။ အနာဂတ်တွင် ၎င်းတို့သည် သူမကို သတ်ရန် ကြိုးစားကြပေလိမ့်မည်။ သို့သော် သူမ ဂရုမစိုက်ပေ။ ၎င်းတို့ တူညီသောဘက်တွင် မရှိသောကြောင့် သူမကို သစ္စာဖောက်ဟု မည်သို့သတ်မှတ်နိုင်မည်နည်း။

ခဏမျှစဉ်းစားပြီးနောက် ယဲ့ချိုးရွှေက နောက်ဆုံးတွင် ခေါင်းခါလိုက်သည်။

"ကျွန်မမလိုက်တာ အကောင်းဆုံးပါပဲ။ အတားအဆီးရဲ့အစွန်းမှာ ရှင်နဲ့ ပြန်တွေ့မယ် အစ်ကိုချူး"

သူမ၏ ခွန်အားနှင့် ရွှေအမတေအဆင့် အစောပိုင်းအဆင့်၌သာ ရှိသေးကြောင်း ယဲ့ချိုးရွှေသိသည်။ ဤသို့စစ်မြေပြင်၌ အစွမ်းထက်ပညာရှင်များနှင့် ရင်ဆိုင်ရသောအခါ သူမကိုယ်သူမ ကာကွယ်ရန် ခွန်အားမရှိမည်ကို ကြောက်နေမိသည်။

"ကောင်းပြီလေ။" ချူးယွင်ဖန်းက ခေါင်းညိတ်လိုက်သည်။