အခန်း (၆၃၉-၆၄၀)
Vol. 64 Ch. 639-640
အခန်း ၆၃၉ - ဒီနေ့ နေထိုင်မကောင်းဘူးလား
"ဒီလူက အုပ်ချုပ်ရေးမှူးချီကိုတောင် ရင်းနှီးသလို ခေါ်နေတာပဲ... သူက ဘယ်သူဖြစ်မလဲ..."
"ကြည့်ရတာ အပြာရောင်တာအိုနယ်မြေကို ပရမ်းပတာ မဖြစ်စေချင်တဲ့ပုံပဲ..."
"နန်းတော်က လွှတ်လိုက်တဲ့သူများလား"
လူအုပ်ကြီးမှာ ရင်ထဲတွင် တုန်လှုပ်နေကြပြီး စူးစမ်းလိုစိတ်များဖြင့် ကောင်းကင်ယံမှ မသေမျိုးသင်္ဘောကြီးကို မော့ကြည့်နေကြသည်။
ချီကျန့်သည်လည်း မသေမျိုးသင်္ဘောထံသို့ လက်အုပ်ချီ ဦးညွှတ်လိုက်ပြီး မရေမရာ အမူအရာဖြင့် မေးလိုက်သည်
"မေးပါရစေ... ဘယ်သူများပါလဲ ခင်ဗျာ..."
မသေမျိုးသင်္ဘောပေါ်မှ ပုံရိပ်တစ်ခုမှာ လှပတင့်တယ်စွာ ခုန်ဆင်းလာပြီး လူတိုင်း၏ရှေ့တွင် ပေါ့ပါးစွာ ဆင်းသက်လိုက်သည်။
ထိုသူမှာ ဓားကဲ့သို့ ထက်မြက်သော မျက်ခုံးတန်းများနှင့် တောက်ပသော မျက်လုံးများကို ပိုင်ဆိုင်ထားပြီး အတော်လေး နုပျိုပုံရသည်။
သူ၏ အရှိန်အဝါမှာ အားကောင်းလွန်းလှပြီး ပေါင်းစပ်ခြင်းအဆင့် ၏ အထွတ်အထိပ်သို့ ရောက်ရှိနေကာ တာအိုပေါင်းစည်းခြင်းအဆင့် သို့ တက်လှမ်းရန် ခြေတစ်လှမ်းသာ လိုတော့သည့် အနေအထားပင်
ဖန့်ချန်မှာ အံ့အားသင့်သွားရသည်
"သူပါလား"
ထိုသူကား ကောင်းကင်ဘုရင်ကျန့် ၏ သားတော်၊ ဧရာမသမင်အင်ပါယာ ၏ အိမ်ရှေစံဖြင့်ပြီး တာအိုပေါင်းစည်းခြင်းအဆင့်ကို တက်လှမ်းရန် ပြင်ဆင်နေသည့် ဝါရင့်နတ်မျိုးစေ့ ကိုင်ဟုန် ပင် ဖြစ်သည်။
ဖန့်ချန် စဉ်းစားနေမိသည်
'ကိုင်ဟုန်က ဝိညာဉ်သုတ်သင်ရေးဌာန က ကျင့်ကြံသူတစ်ယောက် ဖြစ်နေတာလား'
ဒါက တကယ့်ကို မထင်မှတ်ထားစရာပင်။
ဖန့်ချန်တွင် ကိုင်ဟုန်၏ ညီဖြစ်သူ ကိုင်ဝူ နှင့် မပြေလည်သည့် ရန်ငြိုးဟောင်း ရှိခဲ့သည်။
ကိုင်ဝူသည် နတ်သမီးယွီကို သေလုနီးပါး ဖြစ်အောင် လုပ်ခဲ့သလို ဒဏ်ရာများလည်း ရစေခဲ့သည်။
ဖန့်ချန်သည် ထိုရန်ငြိုးအတွက် လက်စားချေရန် အမြဲ အခွင့်အရေး ရှာနေခဲ့သူ ဖြစ်သည်။
'တကယ်လို့ ကိုင်ဟုန်ကသာ ဝိညာဉ်သုတ်သင်ရေးဌာနက အဖွဲ့ဝင်ဆိုရင် သူက ငါ့ရဲ့ လုပ်ဖော်ကိုင်ဖက် ဖြစ်နေမှာပဲ ဒါက ကိစ္စတွေကို ပိုရှုပ်ထွေးသွားစေနိုင်တယ်'
ဖန့်ချန်သည် မျက်မှောင်ကြုတ်ကာ ခေတ္တမျှ တွေးတောနေမိသည်။
နောက်ဆုံးတွင် သူသည် ခေါင်းကို ခပ်ဖွဖွ ခါယမ်းလိုက်သည်။
ဒါက အခက်တွေ့စရာ ဖြစ်သော်လည်း လိုအပ်လာလျှင် သူသည် ဝိညာဉ်သုတ်သင်ရေးဌာနမှ နုတ်ထွက်နိုင်ပါသည်။
ကိုင်ဝူအပေါ် ထားရှိသည့် ရန်ငြိုးကိုတော့ သူ လွှတ်ချ၍ မရပေ။
နတ်သမီးယွီအတွက် သူ သေချာပေါက် လက်စားချေရမည်သာ။
ချီကျန့်သည် ထိုသူကို သေချာ ကြည့်ရှုပြီးနောက် အသက်ကို ပြင်းပြင်းရှူကာ အလျင်အမြန် ခေါ်လိုက်သည်
"သခင်လေးကိုင် သခင်လေးကိုယ်တိုင် ဘာလို့ ဒီကို ရောက်လာတာလဲ ခင်ဗျာ"
လူအုပ်ကြီးမှာ ထိုစကားကို ကြားသောအခါ သိသိသာသာ ထိတ်လန့်သွားကြသည်။
အလယ်ပိုင်းတိုက်ကြီးတွင် မတူညီသော မျိုးရိုးအမည်ဖြင့် ထင်ရှားသော တော်ဝင်မိသားစုတစ်ခု ရှိသည်။
အရှေ့ပိုင်းပြည်နယ်၏ ကောင်းကင်ဘုရင်ကျန့် မှာ မျိုးရိုးအမည် ကိုင် ဖြစ်သည်။
ချီကျန့်၏ အမူအရာနှင့် ပေါင်းစပ်ကြည့်လိုက်သောအခါ လူတိုင်းသည် ရောက်လာသူမှာ မည်သူဖြစ်ကြောင်း ချက်ချင်း သိလိုက်ကြသဖြင့် တုန်လှုပ်သွားကြပြီး ကျောချမ်းသွားကြတော့သည်။
ဘာတွေ ဖြစ်ကုန်တာလဲ အပြာရောင်တာအိုနယ်မြေက ကိစ္စမှာ ဟင်းလင်းပြင်ထာဝရဓားဂိုဏ်း၊ နတ်ဘီလူးဂိုဏ်းတင်မကဘဲ အခုတော့ ကောင်းကင်ဘုရင်ကျန့်ရဲ့ နန်းတော်ပါ ပါဝင်ပတ်သက်လာပြီလား။
ပါးနပ်သောသူအချို့မှာ အရိပ်အယောင်များကို ကြည့်ကာ နိဂုံးချုပ်လိုက်ကြသည်
'ဒီရေက အရမ်းနက်လွန်းတယ်၊ ဝင်မပါတာ အကောင်းဆုံးပဲ'
ထိုသူအများစုမှာ ယခင်က ချင်မိသားစုဘက်မှ ရပ်တည်ခဲ့သူများ ဖြစ်သည်။
ယခု ကိုင်ဟုန် ပေါ်လာသည့်အခါတွင်မူ သူတို့သည် ဤပဋိပက္ခမှ အမြန်ဆုံး ရုန်းထွက်ရန် ဆုံးဖြတ်လိုက်ကြသည်။
မည်သူပဲ နိုင်နိုင် သူတို့နှင့် မဆိုင်တော့သလို အကျိုးအမြတ်များကိုလည်း မမျှော်ကိုးတော့ပေ။
"ငါ ဘာလို့ ဒီမှာ ရှိနေတာလဲ ဟုတ်လား ငါက ဒီဘက်ကို ဖြတ်လာရင်းနဲ့ အပြာရောင်တာအိုနယ်မြေရဲ့ ရှုပ်ထွေးမှုတွေကို မြင်လို့ လာခဲ့တာ"
"မင်းက သိက္ခာရှိတဲ့ အုပ်ချုပ်ရေးမှူးတစ်ယောက် ဖြစ်နေရက်နဲ့ မင်းရဲ့ နယ်မြေထဲမှာ ဒီလို ပရမ်းပတာတွေ ဖြစ်နေတာကို ဘယ်လို ခွင့်ပြုထားနိုင်ရတာလဲ"
ကိုင်ဟုန်က ချီကျန့်ကို အေးစက်စွာ ကြည့်လိုက်သည်
"ငါ့အဖေက ဧကရာဇ်ဆီမှာ မင်းအကြောင်း သွားတိုင်စေချင်လို့လား"
ချီကျန့်မှာ မိုးကြိုးပစ်ခံလိုက်ရသလို ခံစားလိုက်ရပြီး တစ်ကိုယ်လုံးရှိ ချွေးပေါက်များ ပွင့်ထွက်ကာ ခြေထောက်များပင် တုန်ယင်လာသဖြင့် ထိုနေရာမှာတင် ဒူးထောက်မိတော့မလို ဖြစ်သွားသည်။
၎င်းမှာ သူ၏ မရိုးသားမှုကြောင့် ဖြစ်ပေါ်လာသည့် တုံ့ပြန်မှုပင်။
အကယ်၍ သူသာ မရိုးသားမှု မရှိခဲ့ပါက ကောင်းကင်ဘုရင်ကျန့် ၏ ရှေ့တွင်ပင် ထိုမျှအထိ ကြောက်ရွံ့လိမ့်မည် မဟုတ်ပေ။
ချင်မိသားစုနှင့် ဝေမျိုးနွယ်စု ဘိုးဘေးကြီးများသည်လည်း စကားတစ်ခွန်းပင် မဟရဲကြတော့ပေ။
ဤသူမှာ ကျန်းထျန်းအိုက် သို့မဟုတ် ဖန့်ချန်တို့လို လူမျိုး မဟုတ်ပေ။
ကိုင်ဟုန်သည် ကောင်းကင်ဘုရင်ကျန့်၏ သားကြီးဖြစ်သလို သူကိုယ်တိုင်လည်း ပေါင်းစပ်ခြင်းအဆင့် အထွတ်အထိပ်သို့ ရောက်နေသည့် အစွမ်းထက်သော နတ်မျိုးစေ့ ဖြစ်သည်။
သူသာ တာအိုပေါင်းစည်းခြင်းအဆင့်ကို တက်လှမ်းသွားပါက ထိုဝါရင့်ကျွမ်းကျင်သူများပင်လျှင် သူ၏ ပြိုင်ဘက် ဖြစ်လိမ့်မည် မဟုတ်ပေ။
ကိုင်ဟုန်၏ ကျင့်ကြံသည့်သက်တမ်းမှာ အလွန်တိုတောင်းပြီး အနာဂတ်တွင် ဖခင်ဖြစ်သူ၏ ကောင်းကင်ဘုရင် ဘွဲ့ထူးကို ဆက်ခံရမည့်သူ ဖြစ်သည်ဟု ဆိုကြသည်။
သူတို့အနေဖြင့် ယခုလည်း မပြစ်မှားရဲသလို အနာဂတ်တွင်လည်း ရန်စရဲသူ မဟုတ်ပေ။
"သခင်လေးကိုင် သခင်လေး နားလည်မှု လွဲနေပါပြီကျွန်တော်က အပြာရောင်တာအိုနယ်မြေက မျိုးနွယ်စု ၁၀၀ ရဲ့ ခေါင်းဆောင်တွေကို ဒီကိစ္စကို အေးအေးဆေးဆေး ဖြေရှင်းနိုင်ဖို့ ဖိတ်ခေါ်ထားတာပါ"
"တရားမျှတမှု ရှိအောင်လို့ နတ်ဘီလူးဂိုဏ်းက ကျင့်ကြံသူတွေကိုတောင် သက်သေအဖြစ် ဖိတ်ထားပါသေးတယ်"
ချီကျန့်က အသံကို နှိမ့်ကာ ရှင်းပြလိုက်သည်။
"ဆွေးနွေးပွဲ ရလဒ်က ဘာလဲ"
ကိုင်ဟုန်က တည်ငြိမ်စွာ မေးလိုက်သည်။
"အဲ့ဒါကတော့ ကျွန်တော်တို့ သဘောတူညီမှု မရသေးဘူး ခင်ဗျာ"
ချီကျန့်က မသက်မသာ ပြုံးလျက် ဖြေလိုက်သည်။
"အခြေအနေကို ငါ နားလည်ပါပြီ ဒါက နေမင်းအသီးကြောင့် စတာ မဟုတ်လား ကောင်းပြီ ငါ ဒီလိုပဲ ဆုံးဖြတ်ပေးမယ် လန်ယာမျိုးနွယ်က ချင်မိသားစုကို တောင်းပန်ပြီးတော့ ဝိညာဉ်ကျောက်တုံး အနည်းငယ်နဲ့ လျော်ကြေးပေးလိုက်ပါ"
"ဒီကိစ္စကို ဒီမှာတင် အဆုံးသတ်ကြစို့ အားလုံး ကိုယ့်အိမ်ကိုယ်ပြန်ပြီး တိုက်ပွဲတွေ ရပ်လိုက်ကြတော့ဆက်တိုက်နေရင် ငါတို့ အလယ်ပိုင်းတိုက်ကြီးက လူသားတွေပဲ ထိခိုက်ရလိမ့်မယ်"
ကိုင်ဟုန်၏ တည်ငြိမ်သော စကားများကြောင့် ချင်ဘိုးဘေးကြီးမှာ သက်ပြင်းချနိုင်သွားပြီး အပြုံးအရိပ်အယောင်လေး ပေါ်လာသည်။
ထိုအခြေအနေမျိုးတွင် ဘာမှ မရသည်ထက်စာလျှင် လျော်ကြေးရသည်က ပိုကောင်းသည် မဟုတ်ပါလား။
လန်ယာမျိုးနွယ်စုဝင်များမှာမူ စိတ်ထဲတွင် မကျေနပ်သော်လည်း တာအိုအမွေအနှစ်နှင့် မသက်ဆိုင်သဖြင့် လက်ခံနိုင်ကြသည်။
ငွေအနည်းငယ်ပေးပြီး စစ်ပွဲကို အဆုံးသတ်နိုင်လျှင် သူတို့အတွက် မဆိုးလှပေ။
သို့သော်လည်း ချီကျန့်မှာမူ အခက်တွေ့နေတော့သည်။
သူက စိတ်လှိုင်းဖြင့် တိတ်တဆိတ် ပြောလိုက်သည်
"သခင်လေးကိုင် ဒီကိစ္စကို နဝမမင်းသား သိထားပါတယ် မင်းသားရဲ့ ရည်ရွယ်ချက်က လန်ယာမျိုးနွယ်က ချင်မိသားစုကို သူတို့ရဲ့ တာအိုအမွေအနှစ်ပါ လွှဲပေးရမယ်လို့ ဆိုပါတယ် ဒါမှပဲ စစ်မှန်တဲ့ တောင်းပန်မှု ဖြစ်မယ်လို့ ပြောထားပါတယ်"
"တာအိုအမွေအနှစ် နဝမမင်းသားလေး နဲ့ ချင်မိသားစုက ဘာပတ်သက်မှု ရှိနေလို့ လန်ယာမျိုးနွယ်ဆီက အမွေအနှစ်ကို တောင်းခိုင်းရတာလဲ"
ကိုင်ဟုန်က အံ့ဩတကြီးဖြင့် အော်ဟစ်လိုက်သည်
"အမွေအနှစ်ကို တောင်းဆိုတာက သူတို့ကို အမြစ်ပြတ်အောင် လုပ်တာပဲ ဒါက လုံးဝ လက်ခံနိုင်စရာ မရှိဘူး မင်းတို့လို အောက်ခြေလူတွေက မင်းသားလေးရဲ့ ရည်ရွယ်ချက်ကို လွဲမှားပြီး သတင်းပို့နေတာများလား"
သူ၏ ဟိန်းဟောက်သံမှာ ဝိုင်းတစ်ခုလုံး ပဲ့တင်ထပ်သွားပြီး၊ ချီကျန့်မှာ ကိုင်ဟုန်က ထိုမျှအထိ ပွင့်လင်းစွာ ထုတ်ပြောလိမ့်မည်ဟု မထင်ထားသဖြင့် ကြောင်အမ်းကာ ရပ်နေမိတော့သည်။
'နဝမမင်းသားလေး... နဝမမင်းသားကို ပြောတာလား ဒါဆိုရင် လန်ယာမျိုးနွယ်ရဲ့ အမွေအနှစ်ကို လိုချင်နေတာက နဝမမင်းသားပေါ့'
'တောက် ငါတို့တွေကို နယ်ရုပ်တွေလို အသုံးချခံရတာပဲ ချင်မိသားစု၊ လုံဟူမျိုးနွယ်နဲ့ အုပ်ချုပ်ရေးမှူးကပါ ဒါကို သိနေကြတာပဲ'
'နောက်ဆိုရင် ဒီလိုကိစ္စမျိုးမှာ ငါတို့ ဝင်မပါတာ အကောင်းဆုံးပဲ တကယ်ကို စိတ်ပျက်စရာ ကောင်းတယ်!'
လူအုပ်ကြီး၏ မျက်နှာထားများမှာ ခက်ထန်သွားကြသည်။
ချီကျန့်မှာ အခြေအနေ အလွန်ဆိုးဝါးနေပြီ ဖြစ်ကြောင်း သိလိုက်ရပြီး မည်သို့ပင် ရှင်းပြစေကာမူ ဖုံးကွယ်ရန် ကြိုးစားသလိုသာ ဖြစ်နေလိမ့်မည်။
ကံကောင်းသည်မှာ ကိုင်ဟုန်က သူ့ကို လမ်းကြောင်းပေးလိုက်သည်
"ဒါက တကယ်ပဲ နဝမမင်းသားလေးရဲ့ ရည်ရွယ်ချက် ဟုတ်မဟုတ် ဒါမှမဟုတ် နားလည်မှု လွဲနေတာလားဆိုတာကို မင်း သေချာအောင် မက်ဆေ့ခ်ျ ပို့ပြီး စစ်ကြည့်သင့်တယ်"
"ဟုတ် ခဏလောက် စောင့်ပါ"
ချီကျန့်မှာ ချွေးများ ပြန်နေပြီး သူ၏ ကောင်းကင်လျှို့ဝှက်ကြေးမှန် ကို အလျင်အမြန် ထုတ်ကာ ဝိညာဉ်စွမ်းအင်များ ထည့်သွင်းလိုက်သည်။
"နဝမမင်းသား ခင်ဗျာ သခင်လေးကိုင်က လန်ယာမျိုးနွယ်ရဲ့ တာအိုအမွေအနှစ်ကို လျော်ကြေးအနေနဲ့ တောင်းခိုင်းတာက မင်းသားရဲ့ ရည်ရွယ်ချက် ဟုတ်မဟုတ် မေးနေပါတယ် ဒါက တကယ်ပဲ မင်းသားရဲ့ အမိန့်လား ခင်ဗျာ"
"ငါ့ရဲ့ ရည်ရွယ်ချက် ငါက အဲ့ဒီလိုမျိုး ဘယ်တုန်းက ပြောလို့လဲ အစ်ကိုကြီးကိုင်လည်း အဲ့ဒီမှာ ရှိနေတာလား ငါ သူ့ကို တိုက်ရိုက် စကားပြောချင်တယ်"
ဇဝေဇဝါ ဖြစ်နေသည့် အသံနှင့်အတူ နုပျိုသော အသံတစ်ခု ထွက်ပေါ်လာသည်။
ချီကျန့်မှာ သက်ပြင်းချနိုင်သွားပြီး ကောင်းကင်လျှို့ဝှက်ကြေးမှန်ကို ကိုင်ဟုန်ထံသို့ အလျင်အမြန် ကမ်းပေးလိုက်သည်။
ကိုင်ဟုန်က တစ်ဖက်လူနှင့် မိနစ်အနည်းငယ်ကြာ ရင်းရင်းနှီးနှီး စကားပြောဆိုပြီးနောက် မှန်ကို ချီကျန့်ထံ ပြန်ပေးကာ ပြုံးလိုက်သည်။
ကိုင်ဟုန်က စတင်ပြောလိုက်သည်
"ကဲ... နားလည်မှု လွဲတာတွေ ပြေလည်သွားပြီ ငါ စောစောက ပြောသလိုပဲ လန်ယာမျိုးနွယ်က ချင်မိသားစုကို ပစ္စည်းအချို့နဲ့ လျော်ကြေးပေးလိုက်ရင် ဒီကိစ္စက ပြီးပြီ"
သူ၏ အကြည့်က လူအုပ်ကို ဝေ့ကြည့်လိုက်ရာ ဖန့်ချန်ကို မြင်လိုက်သည့်အခါ သူ၏ စကားလုံးများမှာ ရုတ်တရက် ရပ်တန့်သွားသည်။
သူသည် အလိုအလျောက်ပင် သူ၏ ညာဘက်ပါးကို လက်နှင့် အုပ်လိုက်ပြီး နောက်သို့ တစ်လှမ်းဆုတ်ကာ သိသိသာသာ ထိတ်လန့်သွားဟန် ပေါ်သည်။
ဘာတွေ ဖြစ်ကုန်တာလဲ
ကိုင်ဟုန်၏ တုံ့ပြန်မှုကြောင့် လူအုပ်ကြီးမှာ အံ့အားသင့်သွားကြသည်။
ကျန့်ကောင်းကင်ဘုရင်၏ သားတော်က မည်သည့်အရာကများ ဤမျှအထိ ရှောင်ဖယ်စေခဲ့သနည်း။
ကိုင်ဟုန်၏ အကြည့်နောက်သို့ လိုက်ကြည့်လိုက်ရာ သူတို့သည် ဖန့်ချန်ကို မြင်တွေ့လိုက်ရသည်
ကိုင်ဟုန်က အားတင်းကာ ပြုံးလိုက်ပြီး
"တာအိုမိတ်ဆွေဖန့် ခင်ဗျားလည်း ဒီမှာ ရှိနေလိမ့်မယ်လို့ ကျွန်တော် မသိခဲ့ဘူး ဒီနေ့ ဘယ်လိုလဲခင်ဗျာ အားလုံးပဲ... အားလုံးပဲ အဆင်ပြေကြရဲ့လားဟင်"
လူအုပ်ကြီးမှာ ချက်ချင်းပင် ဆွံ့အသွားကြတော့သည်။
ပေါင်းစပ်ခြင်းအဆင့် ကျွမ်းကျင်သူများ အပါအဝင် တက်ရောက်လာသော ကျင့်ကြံသူ အားလုံးမှာ အံ့ဩလွန်းသဖြင့် အသက်ရှူပင် မှားသွားကြသည်။
လန်ယာဝင်ရှ မှာလည်း ကြောင်တောင်တောင် ဖြစ်သွားသည်
သူက တကယ်တော့ ဘယ်သူလဲ
ဖန့်ချန်အကြောင်း အနည်းငယ် သိထားသော လန်ယာဝင်ချိုး တစ်ယောက်သာလျှင် အခြားသူများကဲ့သို့ အံ့ဩမနေပေ။
ဆန့်ကျင်ဘက်အနေဖြင့် သူမသည် ထိုအခြေအနေကို ကြည့်ကာ ရယ်ချင်နေမိသည်။
ကိုင်ဟုန်ကတော့ သိသိသာသာကြီးကို ကြောက်နေရှာသည်။
အခန်း ၆၄၀ - မသေမျိုး၏ စစ်မှန်သော အမွေခံ
ကိုင်ဟုန်ကိုယ်တိုင်ပင် ဖန့်ချန်ကို အလေးအနက် အသိအမှတ်ပြုနေသည်ကို မြင်သောအခါ ချင်မိသားစုနှင့် လန်ယာမျိုးနွယ်စု နှစ်ဖက်လုံးမှ ကျင့်ကြံသူများမှာ များစွာ ထိတ်လန့်သွားကြသည်။
ပို၍ အကဲခတ်စွမ်းသူများမှာမူ ဖန့်ချန်ကို မြင်လိုက်ရချိန်တွင် ကိုင်ဟုန်၏ အမူအရာ သိသိသာသာ ပြောင်းလဲသွားသည်ကို သတိထားမိလိုက်ကြသည်။
၎င်းမှာ အလွန်ကြောက်မက်ဖွယ်ကောင်းသော အရာတစ်ခုနှင့် တိုးမိသွားသကဲ့သို့ သူ၏ အကြည့်များတွင် စိုးရိမ်တကြီး ဖြစ်နေမှုများဖြင့် ပြည့်နှက်နေခြင်းပင်။
အင်အားစု အသီးသီးမှ ခေါင်းဆောင်များသည် ဖန့်ချန်ကို ကြောက်ရွံ့မှု၊ သတိထားမှုတို့ ရောပြွမ်းလျက် ကြည့်နေကြသည်။
"ဘာလို့လဲ ကောင်းကင်ဘုရင်ကျန့် ရဲ့ သားတော်ကတောင် သူ့ကို ကြောက်နေရတာလဲ သူကများ ဟိုဓားမသေမျိုးရဲ့ တိုက်ရိုက်တပည့် ဖြစ်နေလို့လား"
ဟင်းလင်းပြင်ထာဝရဓားဂိုဏ်းမှ ထိုဓားမသေမျိုး သည် နှစ်ပေါင်းများစွာကြာအောင် လှုပ်ရှားမှုမရှိခဲ့သလို နည်းပညာအရလည်း တကယ့်တည်ထောင်သူ မဟုတ်သော်လည်း သူနှင့်ပတ်သက်၍ ကာလရှည်ကြာ ထွက်ပေါ်နေသော ကောလာဟလတစ်ခု ရှိသည်။
ထိုဓားမသေမျိုးက တစ်ခါက ဤသို့ ကြေညာခဲ့ဖူးသည်ဟု ဆိုကြသည်
"ငါသည် အဆင့် ၁ ဂိုဏ်းချုပ်များ၏အောက်တွင် အောင်နိုင်သူမရှိသလို၊ တည်ထောင်သူဘိုးဘေးများ၏ အထက်တွင် ရှိသည်၊ တစ်ဦးချင်းတိုက်လျှင် တစ်ဦးချင်းစီကို အနိုင်ယူနိုင်သည်"
ဤကောလာဟလမှာ နှစ်ပေါင်းများစွာ ပျံ့နှံ့နေခဲ့သော်လည်း အဆင့် ၁ ဂိုဏ်းချုပ်များဘက်မှ မည်သည့် ငြင်းဆိုချက်မျှ ထွက်ပေါ်မလာခဲ့ပေ။
၎င်းကပင် ထိုစကား၏ ခိုင်မာမှုကို သက်သေပြနေသကဲ့သို့ ဖြစ်နေသည်။
သူသည် အဆင့် ၁ ဂိုဏ်းချုပ်တစ်ဦး မဟုတ်သော်လည်း သူ၏ စွမ်းရည်မှာ ဂိုဏ်းချုပ်တစ်ဦးထက် လျော့နည်းခြင်း မရှိဟု ဆိုကြသည်။
ချင်မိသားစုခေါင်းဆောင်သည် ချူလန်ကို သံသယစိတ်ဖြင့် လှည့်ကြည့်လိုက်သည်
"ရှင်မ မင်း သူ့ကို ဘယ်လိုမျိုး သိတာလဲ"
သူ့ဇနီးသည်က ထိုမျှ အဆင့်အတန်းမြင့်မားသော ပုဂ္ဂိုလ်တစ်ဦးကို ကူညီရန် တကယ်ပင် ဆွဲဆောင်နိုင်ခဲ့သည်လား။
ချူလန်သည် ချင်မိသားစုခေါင်းဆောင်၏ မေးခွန်းကို မကြားသလို နေလိုက်သည် သို့မဟုတ် ရည်ရွယ်ချက်ရှိရှိ လျစ်လျူရှုထားလိုက်သည်။
သူမသည် ဖန့်ချန်ကိုသာ အကြည့်မခွာဘဲ စိုက်ကြည့်နေပြီး သူမ၏ မျက်လုံးများထဲတွင် ကြည်ညိုလေးစားမှုများ ပြည့်နှက်နေသည်။
ဖန့်ချန်၏ ယုံကြည်ချက်က မည်သည့်နေရာမှ လာသနည်းဆိုသည်ကို သူမ ယခုမှပင် သဘောပေါက်သွားတော့သည်။
"အစ်ကိုကြီးချင် အခြေအနေကတော့ မကောင်းတော့ဘူး ငါ ဒီကိစ္စကနေ နှုတ်ထွက်တော့မယ်"
ဟု ဝေဘိုးဘေးကြီးက စိတ်လှိုင်းဖြင့် အသိပေးလိုက်သည်။
ချင်ဘိုးဘေးကြီး၏ မျက်လုံးများထဲတွင် ဒေါသအရိပ်အယောင်များ ဖြတ်ပြေးသွားသည်
"ကိစ္စက မပြီးသေးဘူး ဘာလို့ ဒီလောက် အလောတကြီး လုပ်နေရတာလဲ မင်းရဲ့ တပည့်တွေကို နဝမမင်းသားရဲ့ နန်းတော်မှာ ခန့်အပ်ခံရစေချင်တယ် မဟုတ်လား"
ထို့နောက် ချင်ဘိုးဘေးကြီးသည် ဖန့်ချန်ထံသို့ အကြည့်ပြန်ပို့လိုက်ရာ သူ၏ မျက်ဝန်းများမှာ တဖျတ်ဖျတ် တုန်ယင်နေတော့သည်။
ဖန့်ချန်က တည်ငြိမ်စွာ ပြုံးလိုက်သည်
"ကိုင်ဟုန် ငါ ဒီနေ့တော့ စိတ်မဖောက်ပြန်ပါဘူး (နေလို့ကောင်းပါတယ်)"
ကိုင်ဟုန်သည် သူ၏ အမူအရာမှာ တစ်မျိုးကြီး ဖြစ်နေသည်ကို သတိပြုမိသွားကာ ချက်ချင်းပင် စိတ်လျှော့လိုက်သည်။
သူသည် အရှက်ရမှုကို ဖုံးကွယ်ရန် ချောင်းတစ်ချက် ဟန့်လိုက်ပြီး ဖန့်ချန်ထံသို့ ခပ်ပြုံးပြုံးဖြင့် ချဉ်းကပ်လာသည်
"တာအိုမိတ်ဆွေဖန့် ဘာကိစ္စရှိလို့ ဒီကို ရောက်နေတာလဲ ခင်ဗျားက အပြာရောင်တာအိုနယ်မြေကလား"
"ကိုင်ဟုန် မင်းကို မိတ်ဆက်ပေးပါရစေ ဒါက လန်ယာဝင်ချိုး ဟင်းလင်းပြင်ထာဝရဓားဂိုဏ်း အစွန်းဆုံးဓားတောင်က တပည့်ဖြစ်သလို ငါ့ရဲ့ ဂျူနီယာညီမလေးလည်း ဖြစ်တယ်"
ဟု ဖန့်ချန်က မိတ်ဆက်ပေးလိုက်သည်။
ကိုင်ဟုန်က အနည်းငယ် အံ့အားသင့်သွားပြီး လန်ယာဝင်ချိုးကို တစ်ချက် ကြည့်လိုက်သည်။
သူသည် ဖန့်ချန်၏ အထောက်အထားကို ချက်ချင်းပင် ချိတ်ဆက်မိသွားပြီး စိတ်ထဲမှ ကျိန်ဆဲနေမိသည်။
ဒါဆို သူက တကယ်ပဲ ဟင်းလင်းပြင်ထာဝရဓားဂိုဏ်းက တပည့်ပေါ့ သူ မိစ္ဆာမယွီကို ကာကွယ်ပေးနေတုန်းကတည်းက ငါ ဒါကို သံသယဝင်ခဲ့တာဒါပေမဲ့ အဲ့ဒီတုန်းက ငါ သူ့ရဲ့ မသေမျိုးမှတ်တမ်းကို စစ်ကြည့်တော့ သူက အဲ့ဒီဂိုဏ်းက ဖြစ်ကြောင်း ဘာမှ မတွေ့ရဘူး။
ဟင်းလင်းပြင်ထာဝရဓားဂိုဏ်းက သူ့မှတ်တမ်းကို ကြိုပြီး ဖယ်ရှားထားလိုက်တာဖြစ်ရမယ်၊ ပြီးမှ ပြန်ထည့်လိုက်တာပေါ့
ကိုင်ဟုန်က ခပ်ဖွဖွ ခေါင်းညိတ်လိုက်သည်
"တာအိုမိတ်ဆွေဖန့် ဒီမှာ ရှိနေတာ မဆန်းတော့ပါဘူး အပြာရောင်တာအိုနယ်မြေက ပြဿနာတွေက ချင်မိသားစုနဲ့ လန်ယာမျိုးနွယ်စုတွေနဲ့ ပတ်သက်နေတယ်လို့ ကျွန်တော် ကြားထားတယ်"
ထို့နောက် သူက လူအုပ်ကို ဝေ့ကြည့်လိုက်ရာ ကျန်းထျန်းအိုက်အပေါ်သို့ အကြည့်ရောက်သွားသည်။
သူ၏ မျက်လုံးထဲတွင် သံသယအရိပ်အယောင်တစ်ခု ဖြတ်ပြေးသွားပြီး ခပ်တိုးတိုး မေးလိုက်သည်
"ဂျူနီယာ မင်းရဲ့ မျိုးရိုးအမည်က ကျန်း လား"
"ရှင် ကျွန်မကို သိလို့လား"
ကျန်းထျန်းအိုက်က အံ့ဩတကြီး မေးလိုက်သည်။
ကိုင်ဟုန်က ဇဝေဇဝါ ဖြစ်နေပုံရသည်
"မသေမျိုး ရှို့ယွဲ့ က မကြာသေးခင်ကမှ ထူးခြားတဲ့ ပါရမီရှင် တပည့်တစ်ယောက်ကို လက်ခံခဲ့တယ်လို့ ကြားမိတယ်"
"အနှစ် ၂၀ ကျော်အတွင်းမှာတင် ချီသန့်စင်ခြင်းအဆင့်ကနေ ရွှေအမြုတေအဆင့်ကို တက်လှမ်းနိုင်ခဲ့ပြီး ရှေးဟောင်းနတ်ဘုရားလမ်းစဉ် ကို စိန်ခေါ်တော့မယ်လို့ ဆိုကြတယ် ဒါက ဂျူနီယာညီမလေးကျန်း ဖြစ်ရမယ် မဟုတ်လား"
ကျန်းမိသားစုသည် လက်ရှိ အလယ်ပိုင်းတိုက်ကြီး မပေါ်ပေါက်မီ ရှေးယခင်ကာလများကတည်းက တည်ရှိခဲ့သည့် ရှေးဟောင်း ပထမမိသားစု ၏ အဆက်အနွယ်များ ဖြစ်ကြောင်း သိရလျှင် ထိုသို့ ဖြစ်လာမည်ကို သူ သိခဲ့သင့်သည်။
တစ်ချိန်က အစွမ်းထက်ပြီး ခမ်းနားထည်ဝါခဲ့သော ကျန်းမိသားစုသည် ကျိန်စာသင့်ခဲ့ပြီး မှတ်တမ်းများမှ ပျောက်ကွယ်သွားသည်အထိ ဆုတ်ယုတ်ခဲ့ရသည်ဟု ဆိုကြသည်။
ရှေးဟောင်းကျမ်းစာများအရ ကျန်းမိသားစုသည် ၎င်းတို့၏ အထွတ်အထိပ်ကာလတွင် စစ်မှန်သော နဂါးကိုးကောင်ကို ကျွန်ပြုနိုင်ခဲ့သည်အထိ အလွန်ပင် အစွမ်းထက်ခဲ့သည်ဟု ဆိုကြသည်
"မသေမျိုးရဲ့ တိုက်ရိုက်တပည့် ဟုတ်လား"
ပတ်ဝန်းကျင်ရှိ ကျင့်ကြံသူများ၏ မျက်နှာထားများမှာ ပိုမို အလေးအနက် ဖြစ်လာကြသည်။
သူမနှင့်အတူ ပေါင်းစပ်ခြင်းအဆင့် ကျင့်ကြံသူများ အဖော်လိုက်ပါလာခြင်းမှာ မဆန်းတော့ပေ။
အဆင့် ၁ ဂိုဏ်းချုပ်များနှင့် မသေမျိုးဘုရင်များ လူမြင်ကွင်းတွင် ပေါ်ထွက်ခဲသော ယခုခေတ်ကာလတွင် ထူးကဲမသေမျိုး ဆိုသည်မှာ ထိုကျင့်ကြံသူများ အားကျရသည့် အမြင့်ဆုံး အထွတ်အထိပ်ပင် ဖြစ်သည်။
ဤနေရာတွင် ရှိနေကြသော ချီကျန့်ကဲ့သို့ ပေါင်းစပ်ခြင်းအဆင့် ကျင့်ကြံသူ အနည်းငယ်မှလွဲ၍ မျိုးနွယ်စု ခေါင်းဆောင် အများစုမှာ ထူးကဲမသေမျိုးကို လူကိုယ်တိုင် တစ်ခါမျှပင် မမြင်ဖူးကြပေ။
ယေဘုယျအားဖြင့် ထူးကဲမသေမျိုးများသည် အဆင့်တူသော မိတ်ဆွေဟောင်းများမှလွဲ၍ ဧည့်သည်များကို အလွယ်တကူ တွေ့ဆုံလေ့ မရှိကြပေ။
လန်ယာဝင်ချိုးလည်း အံ့အားသင့်သွားသည်။
သူမ၏ ဆရာမှာ ထူးကဲမသေမျိုးတစ်ဦး ဖြစ်နေသည်ကိုး။
ဝင်ချိုး၏ ဆရာမှာ အစွန်းဆုံးဓားတောင်၏ အကြီးအကဲတစ်ဦးသာဖြစ်ပြီး တာအိုပေါင်းစပ်ခြင်းအဆင့် တွင်သာ ရှိသဖြင့် ထူးကဲမသေမျိုးနှင့် များစွာ ကွာခြားလှသည်။
ထူးကဲမသေမျိုးတစ်ဦး၏ တပည့်ဖြစ်ရန်မှာ မည်မျှ ခက်ခဲကြောင်း သူမ ကောင်းစွာ နားလည်ထားသည်။
မည်သူ့ကိုမျှ အလွယ်တကူ အရိုအသေမပေးတတ်သော သူတို့၏ ဂိုဏ်းချုပ်ကြီးပင်လျှင် တာအိုပေါင်းစပ်ခြင်းအဆင့်ကို ရောက်ရှိပြီးမှသာ ဟင်းလင်းပြင်ထာဝရဓားဂိုဏ်း၏ ထူးကဲမသေမျိုး ဘိုးဘေးတစ်ဦးထံတွင် တပည့်ခံခွင့် ရရှိခဲ့သည်ဟု ဆိုကြသည်
"အဲ့ဒါ ကျွန်မပါပဲ ဆရာ့ရဲ့ အနောက်ဆုံး တပည့်ပါ"
ဟု ကျန်းထျန်းအိုက်က ပြောလိုက်သည်။
"ကံကောင်းလိုက်တာ ဒီနေ့ ဒီနေရာမှာ မင်းတို့နှစ်ယောက်လုံးနဲ့ တွေ့ရတာ ကံကြမ္မာပဲ ဖြစ်ရမယ်"
ကိုင်ဟုန်က အားရပါးရ ရယ်မောလိုက်သည်
"စိတ်မရှိဘူးဆိုရင် ငါ့ရဲ့ မသေမျိုးသင်္ဘောပေါ်ကို လိုက်ခဲ့ပါလား လက်ဖက်ရည်သောက်ရင်း တာအိုအကြောင်း ဆွေးနွေးကြတာပေါ့"
ရေတွက်မရနိုင်သော မနာလိုသည့် အကြည့်များမှာ ဖန့်ချန်နှင့် ကျန်းထျန်းအိုက်တို့ထံသို့ ရောက်ရှိသွားသည်။
ဤအကြည့်များမှာ မျိုးနွယ်စုကြီးများမှ လူငယ်တပည့်များထံမှသာမက မျိုးနွယ်စု ခေါင်းဆောင်အချို့ထံမှပင် မနာလိုစိတ်များ ထွက်ပေါ်နေခြင်း ဖြစ်သည်။
ကိုင်ဟုန်နှင့် ကျင့်စဉ်အဆင့်တူနေသော်လည်း သူတို့အထဲမှ အများစုမှာ ကိုင်ဟုန်၏ သင်္ဘောပေါ်သို့ တက်ရောက်ခွင့်ပင် မရကြပေ။
၎င်းမှာ နောက်ခံအင်အား ကွာခြားမှု၏ ရလဒ်ပင် ဖြစ်သည်
ဖန့်ချန်က ခေတ္တမျှ စဉ်းစားပြီးနောက် ပြန်ဖြေလိုက်သည်
"ကျုပ်တို့ ဒီကိစ္စတွေကို အရင်ဆုံး အပြတ်ရှင်းရဦးမယ်"
ကိုင်ဟုန်၏ အမူအရာ အနည်းငယ် ပြောင်းလဲသွားပြီး ခေါင်းညိတ်လိုက်သည်
"ခင်ဗျားပြောတာ အမှန်ပါပဲ တာအိုမိတ်ဆွေဖန့် ဒီကိစ္စတွေကို အရင် ဖြေရှင်းရမှာပေါ့"
သူက ချီကျန့်ဘက် လှည့်လိုက်သည်
"အုပ်ချုပ်ရေးမှူးချီ ခင်ဗျားမှာ ဘယ်လို ဖြေရှင်းချက်မျိုး ရှိသလဲ ကြည့်ရတာတော့ ခင်ဗျားမှာ ဘာအကြံမှ ရှိပုံမရဘူး ဒါကြောင့် ကျုပ်ကပဲ ဖြေရှင်းချက်တစ်ခု အကြံပြုပါရစေ"
ချင်ဘိုးဘေးကြီးနှင့် အခြားသူများမှာ စိုးရိမ်စိတ်များ ဝင်လာကြသည်။
"ဒီပြဿနာက နေမင်းအသီးကနေ စခဲ့တာဖြစ်လို့ လန်ယာမျိုးနွယ်မှာလည်း တာဝန်ရှိပါတယ် ဒါပေမဲ့ သူတို့က ဒီစစ်ပွဲကို အဆုံးသတ်ဖို့ ဆွေးနွေးချင်နေတာကို ငါ သိထားတယ် စစ်ပွဲကို ဆက်တိုက်ချင်တာက ချင်မိသားစုပါ"
"စစ်ပွဲဖြစ်ပွားပြီးတဲ့နောက်မှာ ချင်မိသားစုက အသာမရတဲ့အပြင် ရှုံးနိမ့်မှုတွေနဲ့ ရင်ဆိုင်ခဲ့ရတယ် အုပ်ချုပ်ရေးမှူးချီက နဝမမင်းသားရဲ့ ရည်ရွယ်ချက်ကို နားလည်မှုလွဲပြီး ကြားဝင်ပတ်သက်ခဲ့တယ်"
"အခုဆိုရင် ချင်မိသားစုရဲ့ နယ်မြေအတော်များများကို လန်ယာမျိုးနွယ်က သိမ်းပိုက်ထားတယ် ဟုတ်တယ်မလား"
ကိုင်ဟုန်၏ စကားများကြောင့် ချင်ဘိုးဘေးကြီးနှင့် ချီကျန့်တို့မှာ မျက်နှာပျက်သွားကြသည်။
"ကျုပ်ရဲ့ အကြံပြုချက်ကတော့ နှစ်ဖက်လုံးက တပ်ဆုတ်ကြပါ ချင်မိသားစုက လန်ယာမျိုးနွယ်ကို အလယ်အလတ်အဆင့် ဝိညာဉ်ကျောက်တုံး ၅၀၀ နဲ့ လျော်ကြေးပေးလိုက်ပါ"
"ဒါဆိုရင် ဒီကိစ္စက ပြီးပြီ"
ကိုင်ဟုန်က ချင်ဘိုးဘေးနှင့် လန်ယာရှင်းကျိုးကို ကြည့်ကာ ပြောလိုက်သည်
"ခင်ဗျားတို့ နှစ်ယောက် ဘယ်လို ထင်ကြလဲ"
"လန်ယာမျိုးနွယ်ကတော့ ခင်ဗျားရဲ့ အကြံပြုချက်ကို သဘောတူသလို အပြည့်အဝ ကျေနပ်ပါတယ်"
ဟု လန်ယာရှင်းကျိုးက ချက်ချင်းပင် ထုတ်ဖော်ပြောဆိုလိုက်သည်။
လန်ယာမျိုးနွယ်ဝင်များမှာ တိတ်တဆိတ် ဝမ်းသာနေကြသည်။
လျော်ကြေးမှာ အစက တောင်းဆိုထားသည်ထက် နည်းပါးသော်လည်း ဝိညာဉ်ကျောက်တုံး ၅၀၀ မှာ အလွန်ပင် များပြားလှသည်။
ယေဘုယျအားဖြင့် ၎င်းသည် သူတို့၏ ဆုံးရှုံးမှုများကို ကာမိစေမည် ဖြစ်သည်။
ဆန့်ကျင်ဘက်အနေဖြင့် ချင်မိသားစုမှာမူ ကြီးမားသော ဆုံးရှုံးမှုနှင့် ရင်ဆိုင်ရမည် ဖြစ်သည်။
ဤရလဒ်ကြောင့် လန်ယာမျိုးနွယ်မှာ ကျေနပ်နေကြခြင်း ဖြစ်သည်။
ချင်ဘိုးဘေးကြီးက စကားပြောရန် ပါးစပ်ပြင်လိုက်သော်လည်း သူ စကားမပြောနိုင်ခင်မှာပင် ချီကျန့်၏ ရိုသေသော အသံက သူ၏ နားထဲသို့ ရောက်လာသည်
"သခင်လေးကိုင်ရဲ့ ဆုံးဖြတ်ချက်က သိပ်ကို တရားမျှတပါတယ် ကျွန်တော်တို့ ဒီအတိုင်းပဲ ဆက်လုပ်ပါမယ် နောက်ထပ် ပဋိပက္ခတွေ မဖြစ်လာအောင် ကျွန်တော်ကိုယ်တိုင် ကြီးကြပ်ပေးပါ့မယ်"
ပြောချင်သည့် စကားများစွာ ရှိနေသော်လည်း ချင်ဘိုးဘေးကြီးမှာ ဒေါသကိုသာ မျိုသိပ်ထားရပြီး ချီကျန့်ကို စိတ်ထဲမှသာ ကြိမ်ဆဲနေမိတော့သည်။