အခန်း (၂၂၅)

လျှို့ဝှက်ချက်တွေက ဘယ်လောက်အထိတောင် နက်နဲနေရတာလဲ။

အဆောင်လက်ဖွဲ့ ကလဲ့စားချေနတ်ဘုရား ကိစ္စကတင် ခေါင်းခဲစရာ ဖြစ်နေရတဲ့ကြားထဲ အခု နောက်ထပ် အင်မတန် ကြောက်မက်ဖွယ်ကောင်းတဲ့ အကျပ်အတည်းတစ်ခု ရှိနေသေးတာလား။

ဒါကို ကောင်းကင်ဘုံတောင်ထိပ်ကတောင် ထိတ်လန့်တုန်လှုပ်နေရတယ်တဲ့လား။

အဆင့် ၁၁ နဲ့ ၁၃ ရှိတဲ့ နတ်ဘုရားသတ်ဖြတ်ရေးအဖွဲ့တွေကိုတောင် စောင့်ကြပ်ဖို့ တာဝန်ပေးထားရတယ်ဆိုတော့... အရင်နှစ်တွေကဆိုရင် အဆင့် ၅၀ ဝန်းကျင် အဖွဲ့တွေနဲ့တင် လုံလောက်နေခဲ့တာ။ ဒီတစ်ခါမှာတော့ ထင်မှတ်မထားဘဲ အထူးအဖွဲ့နှစ်ဖွဲ့လုံးကို သုံးထားရတာပဲ။

ယဲ့ဖျင်ကတော့ ပိုပြီး သိချင်စိတ်ပြင်းပြနေမိသည်။ အဆောင်လက်ဖွဲ့ ကလဲ့စားချေနတ်ဘုရားဆိုတာက ဒီလောက်အထိတော့ မကြောက်ဖို့ကောင်းတန်ဘူး မဟုတ်လား။ ငါတို့တွေ သူတို့ရဲ့ စီစဉ်မှုတွေကို အကြိမ်ကြိမ် နှောင့်ယှက်ဖျက်ဆီးခဲ့တာပဲလေ။

သို့သော်လည်း သူသည် အံ့ဩနေမိသော်လည်း ဘာမှထပ်မပြောဘဲ နတ်ဘုရားသတ်ဖြတ်ရေးအဖွဲ့နောက်သို့သာ လိုက်ပါလာခဲ့သည်။

နာရီဝက်ခန့် ကြာပြီးနောက် နတ်ဘုရားသတ်ဖြတ်ရေးအဖွဲ့အတွက် သီးသန့်နားနေဆောင်သို့ ရောက်ရှိလာကြသည်။

လင်းဖုန်းက လေးလေးပင်ပင် စတင်ပြောကြားလိုက်သည်။

"ကောင်းကင်ဘုံတောင်ထိပ်ရဲ့ ဆယ်နှစ်တာ ခန့်မှန်းချက်ကာလ ရောက်လာပြီ။ ဟွာရှနတ်ဘုရားနယ်မြေရင်ဆိုင်နေရတဲ့ အကျပ်အတည်းက လွန်ခဲ့တဲ့ နှစ်ပေါင်းနှစ်ရာကထက်တောင် ပိုပြီး ပြင်းထန်နေတယ်"

ယဲ့ဖျင်: "ဘာကြောင့်လဲ အဲဒီအကျပ်အတည်းက အတိအကျ ဘာလဲဆိုတာ ပြောပြပါဦး"

လင်းဖုန်းက တည်ကြည်သော မျက်နှာထားဖြင့် "အဲဒါက အကြောက်ဆုံးအပိုင်းပဲ။ ကောင်းကင်ဘုံတောင်ထိပ်ကတောင် အကျပ်အတည်းက ဘာလဲဆိုတာ အတိအကျ မသိရဘူး။ မြူခိုးတွေ ဖုံးလွှမ်းနေသလိုပဲ။ သိရတာကတော့ ဒါက ငါတို့အားလုံးရဲ့ ရှင်သန်ရပ်တည်ရေးနဲ့ သက်ဆိုင်နေတယ်ဆိုတာပဲ"

"မင်းတို့ သတင်းပို့ထားတဲ့ အဆောင်လက်ဖွဲ့ ကလဲ့စားချေနတ်ဘုရားဆိုတာကလည်း အဲဒီအန္တရာယ်ရဲ့ အစိတ်အပိုင်းတစ်ခု ဖြစ်နိုင်တယ်။ နောက်ပြီး အခုထိ ငါတို့ မသိရသေးတာက... အဲဒီ အိပ်မက်ဆိုး ကလဲ့စားချေမိခင်နဲ့ အဆောင်လက်ဖွဲ့ ကလဲ့စားချေနတ်ဘုရားတို့က ဂြိုလ်သားစစ်မြေပြင်ရဲ့ လုံခြုံရေးဇုန်တွေကို ဘယ်လိုနည်းနဲ့ ကျော်ဖြတ်ပြီး အပြာရောင်ကြယ်ပေါ်ကို ရောက်လာကြတာလဲ ဆိုတာပဲ"

"သူတို့တွေက လူသားတွေ နားမလည်နိုင်တဲ့ နည်းလမ်းတစ်ခုခုကို သုံးပြီး ယုတ်မာတဲ့ အစီအစဉ်တစ်ခုကို အကောင်အထည်ဖော်နေကြတာပဲ။ အကယ်၍ ငါတို့သာ သူတို့ကို မတားဆီးနိုင်ရင်... နောက်ဆက်တွဲရလဒ်ကတော့ စဉ်းစားရဲစရာတောင် မရှိဘူး"

ယဲ့ဖျင်က မျက်မှောင်ကြုတ်လိုက်ရင်း "သူတို့က ဒီခေတ်ရဲ့ စူပါပါရမီရှင်တွေကို ပစ်မှတ်ထားနေတာလား အကယ်၍သာ ဒီမျိုးဆက်ရဲ့ ထိပ်တန်းပါရမီရှင်တွေကို အပြတ်ရှင်းနိုင်ရင် ဟွာရှရဲ့ အင်အားက တစ်ဝက်လောက် ကျဆင်းသွားမှာပဲ။ ပြိုင်ပွဲကျင်းပမယ့်နေရာကို တခြားပြည်နယ်တစ်ခုဆီ ပြောင်းလိုက်ရင်ရော မကောင်းဘူးလား"

လင်းဖုန်းက ခေါင်းခါပြလိုက်သည်။

"ကောင်းကင်ဘုံတောင်ထိပ်က ပြောပြီးသားပဲ ရှင်သန်နိုင်စွမ်း တစ်ရာခိုင်နှုန်းတောင် မပြည့်တဲ့ တစ်ခုတည်းသော နေရာက ကျင်းပြည်နယ်ပဲတဲ့"

ယဲ့ဖျင်မှာ ဆွံ့အသွားရတော့သည်။

ကောင်းပါပြီလေ... ရွှီရန်တောင်မှ အရူးလုပ်ခံလိုက်ရတာပဲ။

ကြောက်မက်ဖွယ် အကျပ်အတည်း... ရှင်သန်နိုင်စွမ်း တစ်ရာခိုင်နှုန်းတောင် မရှိတဲ့ အခွင့်အရေး... ဒါက နောက်ထပ် အဆင့်မြင့်ဂိမ်းတစ်ခုဖြစ်နေပြန်ပြီလား။

နည်းနည်းတော့ ရင်ခုန်စရာကောင်းသား...

ငါ ငါးနှစ်သားတုန်းကလည်း အဆင့်မြင့်ဂိမ်းတွေ ကစားခဲ့ရတယ်...

အခု ရှစ်နှစ်သားမှာလည်း ထပ်ပြီး ကစားရဦးမှာပေါ့...

ရွှီရန်က မနေနိုင်ဘဲ တိုးတက်စွာ ရယ်မောလိုက်မိသည်။ အားလုံးက သူ့ကို ဝိုင်းကြည့်လိုက်ကြသည်။

မင်းက ဘာလို့ ရယ်နေရတာလဲ။

ရွှီရန်က လက်နှစ်ဖက်ကို ဖြန့်ပြလိုက်ရင်း "ဘာမှမဟုတ်ပါဘူး။ ကျွန်တော်က ငါးနှစ်သားတုန်းက အိမ်မက်ဆိုးကလဲ့စားချေမိခင်နဲ့ ရင်ဆိုင်ခဲ့ရတာကို သတိရသွားလို့ပါ။ အခု ရှစ်နှစ်သားမှာလည်း နောက်ထပ် အကျပ်အတည်းကြီးတစ်ခုက စောင့်ကြိုနေပြန်ပြီ..."

ငါမွေးတဲ့နေ့ကတည်းက ဘာလို့ ကိုယ့်ကိုယ်ကိုယ် တင်းကျပ်စွာ ကျင့်ကြံခဲ့ရသလဲဆိုတာ အခုမှပဲ သဘောပေါက်တော့တယ်။ အဲဒီလိုသာ မလုပ်ခဲ့ရင် ဆင်းရဲတဲ့ လူငယ်ကို အထင်မသေးပါနဲ့ဆိုတဲ့ စကားလည်း ရှိလာမှာမဟုတ်သလို ငါလည်း အစောကြီးကတည်းက ကောင်းရာသုဂတိ ရောက်နေလောက်ပြီ။

အားလုံးက "..."

ဒါကလည်း အမှန်တရားပါပဲ။ အိမ်မက်ဆိုးကလဲ့စားချေမိခင်ရဲ့ နောက်ဆုံးကခုန်ခြင်းက တကယ်ပဲ ကျင့်မြို့တော်မှာ ဖြစ်ခဲ့တာ မဟုတ်ဘူးလား။ အဲဒီအချိန်တုန်းက သူမက အင်မတန် မောက်မာခဲ့တာပေါ့။ သူမကတော့ နဂါးပျံကို စီးပြီး အေးအေးဆေးဆေး အနိုင်ရတော့မယ်လို့ ယုံကြည်နေခဲ့တာ။

ဒါပေမဲ့...

ထိုနောက်တွင်တော့ သူမသည် ရွှီရန်၏ ချေမှုန်းခြင်းကို ခံလိုက်ရသည်။

ခေတ္တမျှ တိတ်ဆိတ်သွားပြီးနောက် အာဟောင်က ကျောက်မက်ဖွယ်ကောင်းသော လေထုကို ဖြိုခွဲလိုက်ကာ အားရပါးရ ရယ်မောလိုက်ပြီး "ဒီတစ်ကြိမ်မှာလည်း တစ်ရာခိုင်နှုန်းသော ရှင်သန်ခွင့်က မင်းအပေါ်မှာပဲ မူတည်နေမလား မသိဘူးနော်" ဟု ပြောလိုက်သည်။

ရွှီရန် : "..."

ရင်းနှီးနေကျဖြစ်သော အဓိပ္ပာယ်မရှိမှုများနှင့် ဆုတောင်းပေးနေသကဲ့သို့သော လေသံများ...

ရွှီရန်က သက်ပြင်းချရင်း "နတ်ဘုရားသတ်ဖြတ်ရေးအဖွဲ့ နှစ်ဖွဲ့ထက်တော့ ပိုရမှာပေါ့။ ကျွန်တော်ထင်တာကတော့ သူတို့တွေ တခြားအစွမ်းထက်တဲ့ အဖွဲ့အချို့ကိုလည်း တိတ်တဆိတ် စေလွှတ်ထားဦးမှာပါ။ ဒါကြောင့်... နတ်ဘုရားအဆင့် သတ္တဝါတွေ လာရင်တောင်မှ သူတို့အတွက် အကျိုးအမြတ် ရှိမှာမဟုတ်ဘူး" ဟု ပြောလိုက်သည်။

လင်းဖုန်း၏ မျက်ဝန်းများ တောက်ပသွားပြီး "... မင်းက တကယ်ကို ထက်မြက်တာပဲ" ဟု ချီးကျူးလိုက်သည်။

"ကောင်းကင်ဘုံတောင်ထိပ်ရဲ့ စီစဉ်မှုတွေက နတ်ဘုရားသုံးပါးကို သတ်ဖြတ်ဖို့ အပြည့်အဝ ပြင်ဆင်ထားတာပါ။ ဒါပေမဲ့ စက်မှုနတ်ဘုရားတွေနဲ့ ရင်ဆိုင်ရတဲ့အခါမှာတော့ လှုပ်ရှားမှုတွေက အကန့်အအသတ် ရှိနိုင်တယ်..."

ရွှီရန်က လက်ကို ဖြန့်ပြလိုက်ရင်း "ဒါက လုံလောက်သင့်ပါတယ်။ သူတို့တွေ ကောင်းကင်ကို လက်ညှိုးထိုးပြီး မိုးမရွာနိုင်ပါဘူး။ တကယ်လို့သာ သူတို့မှာ အဲဒီလောက် စွမ်းအားရှိရင် ဘာလို့ ပရိယာယ်တွေ၊ အကြံအစည်တွေနဲ့ အလုပ်ရှုပ်နေမှာလဲ ဒါကြောင့် ဟွာရှနတ်ဘုရားနယ်မြေထဲကို ဝင်လာတဲ့ နတ်ဘုရားတွေမှာ အပြတ်အသတ် သာလွန်တဲ့ ခွန်အားမျိုး ရှိမှာမဟုတ်ဘူး"

"သူတို့ကို ကြီးထွားလာခွင့် မပေးဘဲနဲ့ သူတို့ရဲ့ ခန္ဓာကိုယ်တွေကို တိုက်ခိုက်ပြီး အပြီးအပိုင် သတ်ပစ်လို့ ရပါတယ်"

ရွှီရန်၏ စကားများကြောင့် အားလုံးက သူ့ကို အံ့အားသင့်စွာ စိုက်ကြည့်နေကြသည်။

လင်းဖုန်းက "အဲဒီလိုတွေးရင်တော့ ဖြစ်နိုင်တယ်။ ဟွာရှနတ်ဘုရားနယ်မြေရဲ့ ညစ်ညမ်းမှုက တခြား ဒုတိယအဆင့် ညစ်ညမ်းဇုန်တွေထက် အများကြီး သက်သာတယ်။ ပထမအဆင့် ဇုန်တွေ ဒါမှမဟုတ် ကောင်းကင်ဘုံဘေးဒုက္ခဇုန်တွေနဲ့တော့ ယှဉ်လို့တောင် မရဘူး။ ညစ်ညမ်းမှု မရှိတဲ့နေရာမှာ နတ်ဘုရားတွေဟာ ရေမရှိတဲ့ ငါးလိုပဲ... သူတို့ တကယ်ပဲ ကောင်းကင်ကို လက်ညှိုးမထိုးနိုင်ပါဘူး" ဟု ပြောလိုက်သည်။

"ဟုတ်တယ် တကယ်လို့သာ သူတို့မှာ အဲဒီလောက် စွမ်းအားရှိရင် ဂြိုလ်သားစစ်မြေပြင်က သားရဲတွေလိုမျိုး ဘာလို့ တိုက်ရိုက်ထွက်ပြီး မသတ်ဖြတ်တာလဲ သူတို့ မသတ်ချင်လို့လား"

ရွှီရန်က ခေါင်းညိတ်လိုက်သည်။

ဒါက စက်မှုမိစ္ဆာတွေရဲ့ ပရိယာယ်တွေပဲ။

သို့သော်လည်း ကောင်းကင်ဘုံတောင်ထိပ်၏ ခန့်မှန်းချက်များကိုတော့ သတိထားရန် လိုအပ်သည်။

အဆောင်လက်ဖွဲ့ ကလဲ့စားချေနတ်ဘုရားအပြင် အခြားသော နတ်ဘုရားများလည်း ရှိနေနိုင်သေးသည်။

"ကျွန်တော် အဆောင်လက်ဖွဲ့တွေကို အမြန်ဆုံး ထုတ်လုပ်ရမယ်... အဆောင်စက္ကူ တစ်သောင်းကို အသုံးပြုပြီး နတ်ဘုရားသတ်ဖြတ်နိုင်တဲ့ ချက်ချင်းလက်ငင်း သုတ်သင်ခြင်းစွမ်းအားကို ထုတ်လွှတ်နိုင်မှာပါ။ သုံးလလောက်အတွင်းမှာ စူပါသုတ်သင်ရေး အမြောက်တစ်ခုစာ စုဆောင်းနိုင်ပါလိမ့်မယ်"

"အဲဒီကျရင် အဆောင်လက်ဖွဲ့ ကလဲ့စားချေနတ်ဘုရားကို အံ့အားသင့်စရာတစ်ခု ပေးရတာပေါ့"

အဲဒီအံ့အားသင့်စရာက ဘာလဲဆိုတာကတော့ အဆောင်လက်ဖွဲ့ ကလဲ့စားချေနတ်ဘုရားပဲ သိလိမ့်မယ်။ ရွှီရန်က ခပ်ဖွဖွ ပြုံးလိုက်ရင်း စကားလမ်းကြောင်းကို လွှဲလိုက်သည်။

"ဒါနဲ့... ကျွန်တော် အခုတလော အသစ်အဆန်းလေးတွေ လုပ်ထားတာ ရှိတယ်။ ဦးလေးတို့ အရင်သွားပြီး ရေချိုးလိုက်ကြပါဦး အနံ့က တော်တော်လေး ပြင်းနေတယ်"

"ထွက်လာရင် အံ့အားသင့်စရာတစ်ခု ပေးမယ်"

ဝိညာဉ်သန့်စင်ခြင်း အဖွဲ့သားများမှာ တစ်ဦးကိုတစ်ဦး ကြည့်လိုက်ကြပြီးနောက် သူတို့၏ လက်မောင်းများကို နမ်းကြည့်ကြသည်။

"မခံစားရပါဘူး... အနံ့ရှိလို့လား ငါတို့ပဲ ကျင့်သားရနေတာလား မသိဘူး"

ရွှီရန်၏ မျက်နှာထားမှာ တစ်မျိုးဖြစ်သွားပြီး "တော်တော်လေးကို ပြင်းတာပါ" ဟု ပြောလိုက်သည်။

"ကောင်းပြီ ကောင်းပြီ... သွားချိုးကြတာပေါ့"

အားလုံးက သူတို့၏ အခန်းများသို့ အပြေးအလွှား သွားကြတော့သည်။ ရွှီရန်မှာမူ ဧည့်ခန်းအတွင်း၌ အဆောင်များကို စတင်ထွင်းထုနေခဲ့သည်။

အဆတိုးရတနာအဆောင်ငယ်၊ ပတ်လမ်းငယ် ရတနာအဆောင်၊ သန့်စင်ခြင်းရတနာအဆောင်

ငယ်၊ ဝိဇ္ဇာရတနာအဆောင်ငယ်...

အာဟောင်က ပထမဆုံး ထွက်လာသည်။

"ဘာအံ့အားသင့်စရာလဲ ဘာလဲ"

သူသည် ဆံပင်ကိုပင် ခြောက်အောင် မသုတ်ရသေးသော်လည်း ကံကောင်းသည်မှာ သူ၏ဆံပင်က ကတုံးနီးပါး တိုနေခြင်းပင်။

ရွှီရန်က မျက်ခုံးပင့်လိုက်ရင်း "မြန်လှချည်လား... ဒီအဆတိုးရတနာအဆောင်ငယ်ကို စမ်းကြည့်ပါ။ ဦးလေးယဲ သူ့ကို သင်ပေးလိုက်ပါဦး" ဟု ပြောကာ အဆောင်များကို အလျင်အမြန် ဆက်လက် ရေးဆွဲနေသည်။

ယဲ့ဖျင်က ထလိုက်ပြီး အသက်သွင်းထားသော အဆောင်ကို ယူလိုက်ကာ "ဒါကို ကျောပေါ်မှာ ကပ်ရမှာ။ အင်္ကျီလှန်လိုက်" ဟု ပြောရာ အာဟောင်ကလည်း အင်္ကျီကို လှန်ပေးလိုက်သည်။

ကြွက်သားများ အဖုအထစ်ထွက်နေသော ကျောပြင်ကြီး ပေါ်ထွက်လာသည်။

ဖတ်…

ဖတ်…

ဖတ်…

ဆင့်ကဲရိုက်နှက်သံ သုံးချက် ထွက်ပေါ်လာပြီးနောက်...

အာဟောင်မှာ မအောင့်နိုင်တော့ဘဲ အော်ဟစ်မိတော့သည် "ဘာ... ဘာ... ဘာတွေ ဖြစ်ကုန်တာလဲ ဒါက ဘယ်လိုမျိုး ရတနာလဲ"

"ငါ့ရဲ့ ကျင့်ကြံမှုအရှိန်က တကယ်ပဲ နှစ်ဆတိုးသွားတာလား"

"ဒီလောက်အထိ ချောမွေ့တဲ့ ကျင့်ကြံမှုအရှိန်မျိုး မခံစားရတာ တော်တော်ကြာပြီ"

အံ့ဩစရာပဲ။

တကယ့်ကို အံ့ဩစရာ ကောင်းလှသည်။

အသက် ၅၀ ကျော်လာကတည်းက သူ့ကဲ့သို့ စူပါပါရမီရှင်တစ်ဦးပင်လျှင် ကျင့်ကြံမှုအရှိန်မှာ ၂၀ ကျော်အရွယ်နှင့်ယှဉ်လျှင် သိသိသာသာ ထိုးကျသွားခဲ့သည်။ ထို့ကြောင့်ပင် သူ၏ သွေးစွမ်းအင် ဟမှာ ကိုးသန်းမှာတင် ရပ်တန့်နေခဲ့ရခြင်း ဖြစ်သည်။

သွေးစွမ်းအင် ဆယ်သန်းဆိုသည်မှာ လူသားမျိုးနွယ်အတွက် စတုတ္ထမြောက် အချုပ်အနှောင်ကဲ့သို့ ဖြစ်နေသည်။ ပြီးခဲ့သည့် နှစ်ပေါင်းနှစ်ရာအတွင်း ဟွာရှ၏ ကျင့်ကြံမှုအဆင့်အတန်း တိုးတက်လာခဲ့သော်လည်း အသက် ၅၀ မတိုင်မီ သွေးစွမ်းအင် ဆယ်သန်းအဆင့်ကို ထိတွေ့နိုင်သည့် စူပါပါရမီရှင် တစ်ဦးတစ်ယောက်မျှ မရှိခဲ့ဖူးပေ။ အမြဲတမ်း တစ်သန်းခန့် အလိုမှာတင် ရပ်တန့်သွားလေ့ရှိသည်။

အကယ်၍ ဆယ်သန်းဆိုသည့် အဆင့်ကိုပင် မထိတွေ့နိုင်ပါက နတ်ဘုရားဖြစ်ရန်မှာ စိတ်ကူးယဉ်မှုသက်သက်သာ ဖြစ်ပေလိမ့်မည်။ ထိုအနည်းငယ်သော ကွာဟချက်သည်ပင် ကောင်းကင်နှင့် မြေကြီးကဲ့သို့ ကွာခြားသွားစေသည်။

သို့သော်လည်း ရွှီရန် ရေးဆွဲလိုက်သော အဆတိုးရတနာအဆောင်ငယ်ဟု ခေါ်သည့် ရွှေရောင်အဆောင်စက္ကူမှာမူ ထိုစတုတ္ထမြောက် အချုပ်အနှောင်ကို ရိုက်ချိုးပစ်နိုင်ပုံရသည်။

အာဟောင်၏ သွေးများမှာ ဆူပွက်လာပြီး "ငါသာ လူငယ်ဘဝတုန်းက ဒီလို ရတနာအဆောင်မျိုးကို အသုံးပြခွင့်ရခဲ့မယ်ဆိုရင် ငါ့ရဲ့ သွေးစွမ်းအင်က အခုချိန်မှာ ဆယ်သန်းကို အသေအချာ ကျော်နေလောက်ပြီ" ဟု ရင်ခုန်စွာ တွေးမိသည်။

"ဒါက သဘာဝတရားကို စိန်ခေါ်နေတာပဲ တကယ့်ကို အံ့ဩစရာကောင်းလောက်အောင် စိန်ခေါ်နေတာ ဒါက ငြင်းပယ်လို့မရတဲ့ အစွမ်းထက်မှုမျိုးပဲ"

အာဟောင်သည် ရွှီရန်ကို အံ့ဩတုန်လှုပ်သော အကြည့်များဖြင့် စိုက်ကြည့်နေမိသည်။

ဒီကလေးက ဘယ်လိုအရာကို တီထွင်လိုက်တာလဲ။

သူ့အရွယ် ပါရမီရှင်တွေတင် မကပေ။ အသက် ၅၀ အောက် ပါရမီရှင်တွေအားလုံးပါ ကံကောင်းကြတော့မည်။ ဤအရာသည် ကျင့်ကြံခြင်းလောက၏ မဟာခေတ်သစ်ကြီးကို စတင်ဖွင့်

လှစ်ပေးလိုက်ခြင်းပင်။

ယခုအချိန်မှစ၍ စူပါပါရမီရှင်များသည် သွေးစွမ်းအင် ဆယ်သန်းဆိုသည့် အဆင့်ကို ထိတွေ့နိုင်တော့မည်ပင်။

အာဟောင်မှာ အလွန်အမင်း စိတ်လှုပ်ရှားလွန်းသဖြင့် အော်ဟစ်ချင်စိတ် ပေါက်နေသော်လည်း အဆောင်ရေးဆွဲရာတွင် အာရုံစိုက်နေသော ရွှီရန်ကို အနှောင့်အယှက်မဖြစ်စေရန် ထိန်းချုပ်ထားရသည်။

မကြာမီမှာပင် လင်းဖုန်း ထွက်လာခဲ့သည်။ ဦးလေးယဲ့ဖျင်က သူ့အပေါ်တွင်လည်း အဆောင်သုံးစောင် ကပ်ပေးလိုက်သည်။

"ဟေ... ဘာကြီးလဲ"

အဆောင်က အစွမ်းပြလာသည်နှင့်တစ်ပြိုင်နက် လင်းဖုန်းမှာ မဆဲဆိုဘဲ မနေနိုင်တော့ပေ။

"ဒါ... ဒါက ဘာကြီးလဲ"

ယဲ့ဖျင်က "ရွှီရန် သင်ယူထားတဲ့ အဆောင်တွေက ကျင့်ကြံမှုအရှိန်ကို မြှင့်တင်ပေးနိုင်တာပါ။ အဆတိုးရတနာအဆောင်ငယ်တစ်စောင်ကတင် စွမ်းဆောင်ရည်ကို ၅၀% တိုးပေးတယ်။ ပတ်လမ်းငယ် ရတနာအဆောင်ကတော့ ဝိညာဉ်စွမ်းအင်တွေကို စုပ်ယူသန့်စင်ပြီး ခန္ဓာကိုယ်ထဲကို သွင်းပေးတာဆိုတော့... ဒါက ကျင့်ကြံမှုအရှိန်ကို မြှင့်တင်ပေးတဲ့ ပေါင်းစပ်အဆောင်ပဲ" ဟု ရှင်းပြလိုက်သည်။

လင်းဖုန်းမှာ ပါးစပ်အဟောင်းသားနှင့် မှင်တက်ကာ ကျန်ရစ်ခဲ့သည်။

ရွှီရန်ကို ကြည့်နေသည့် လင်းဖုန်း၏ အမူအရာမှာ လူဆန်းတစ်ယောက်ကို ကြည့်နေသည့်အလားပင်။

သူသည် ရွှီရန်၏ မိစ္ဆာဆန်သော ပါရမီအဆင့်အတန်းကို အကြိမ်ကြိမ် ကိုယ်တိုင်မြင်တွေ့ခဲ့ဖူးသော်လည်း ဤအဆောင်လက်ဖွဲ့စနစ်ကမူ သူ့ကို အကြီးအကျယ် တုန်လှုပ်စေဆဲပင်။

"ဒါက သဘာဝတရားကို လွန်ဆန်လွန်းတယ်။ ဒီကလေးရဲ့ ဦးနှောက်က ဘယ်လိုအလုပ်လုပ်တာလဲ ငါ လုံးဝကို နားမလည်နိုင်တော့ဘူး"

အာဟောင်ကလည်း သူကိုယ်တိုင်လည်း ထိုအတိုင်းပင် ခံစားရကြောင်း ပုခုံးတွန့်ပြလိုက်သည်။ လင်းဖုန်း အံ့အားသင့်နေစဉ်မှာပင် ကျန်ရှိသော အဖွဲ့ဝင်များမှာလည်း တစ်ဦးပြီးတစ်ဦး ထွက်လာကြသည်။ အဆောင်များကို စမ်းသပ်ကြည့်ပြီးနောက် ခုနစ်ယောက်စလုံးမှာ မျက်လုံးအပြူးသားဖြင့် အချင်းချင်း ကြည့်နေမိကြတော့သည်။

"ကဲ... အားလုံး ကောင်းကောင်းအိပ်စက်နိုင်ဖို့ [အိပ်စက်ခြင်းရတနာအဆောင်ငယ်ကို ကျွန်တော် ရေးပေးပါ့မယ်"

ရွှီရန်သည် လက်သွက်စွာဖြင့် ရေးဆွဲလိုက်သည်။ မိနစ်အနည်းငယ်အကြာတွင် အိပ်စက်ခြင်းရတနာအဆောင်ငယ်ခုနစ်စောင်ကို လင်းဖုန်းနှင့် အဖွဲ့သားများထံသို့ ကမ်းပေးလိုက်သည်။

၎င်းမှာ အလင်းလိပ်ခွံထံမှ သူသင်ယူခဲ့သော အဆောင်သစ်တစ်ခု ဖြစ်သည်။ အသုံးပြုပုံတစ်မျိုးဖြင့် လူကို အိပ်ပျော်စေသော်လည်း ရေးဆွဲပုံနည်းလမ်း အနည်းငယ် ပြောင်းလဲလိုက်ပါက ရန်သူကို ထိမှန်သည့်အခါ ငိုက်မျဉ်းလာစေပြီး မခံမရပ်နိုင်အောင် ပင်ပန်းနွမ်းနယ်သွားစေသည့် အာနိသင်ရှိသည်။

သို့သော်လည်း ရွှီရန်၏ သဘာဝလွန် အဆောင်လက်ဖွဲ့ပညာရပ်ကို မြင်တွေ့လိုက်ရပြီးနောက် ထိုခုနစ်ယောက်မှာ ဘယ်လိုလုပ် အိပ်ပျော်နိုင်တော့မှာလဲ။ သူတို့မှာ ချက်ချင်းပင် စွမ်းအင်များ ပြည့်ဝလာပြီး သိချင်စိတ်များ အထွတ်အထိပ်သို့ ရောက်ရှိသွားကြသည်။

အရပ်မျက်နှာအနှံ့မှ မေးခွန်းထုတ်မှုများအပေါ် ရွှီရန်က ပုခုံးတွန့်ရင်း "ကျွန်တော်က အဆောင်လက်ဖွဲ့ ကလဲ့စားချေနတ်ဘုရားဆီကနေ အချို့ကို နားလည်ခဲ့သလို အလင်းလိပ်ခွံဆီကနေလည်း အချို့ကို သိရှိခဲ့တာပါ" ဟု ဖြေကြားလိုက်သည်။

စကားပြောရင်းနှင့်ပင် သူသည် အလင်းလိပ်ခွံကို ထုတ်ပြလိုက်သည်။ ဝိညာဉ်သန့်စင်ခြင်း အဖွဲ့သားအားလုံးမှာ "မဖြစ်နိုင်တာ... မင်း ဒါကိုပါ ယူလာခဲ့တာလား"

"ကောင်းကင်ဘုံတောင်ထိပ်က ခွင့်ပြုလိုက်တာလား"

အာဟောင်က "ပြီးတော့ မင်းက ဒါကို ခန္ဓာကိုယ်ထဲအထိတောင် သွင်းထားနိုင်တာလား" ဟု မေးလိုက်ရာ အဖွဲ့သားများမှာ တစ်ခုပြီးတစ်ခု အံ့ဩစရာကျင်းထဲသို့ ထပ်မံကျဆင်းသွားရပြန်သည်။

၎င်းကို ယူဆောင်လာနိုင်ခြင်းမှာပင် သာမန်ယုတ္တိထက် ကျော်လွန်နေပြီ ဖြစ်သည်။ သို့သော် အလင်းလိပ်ခွံကဲ့သို့သော ရတနာကြီးကို ခန္ဓာကိုယ်အတွင်း၌ ဝှက်ထားနိုင်ခြင်းက ပို၍ပင် အံဩစရာကောင်းသည်။ ထိုအရာက ရွှီရန်သည် အလင်းလိပ်ခွံ၏ အသိအမှတ်ပြုမှုကို ရရှိထားကြောင်း သက်သေပင်။

လွန်ခဲ့သည့် နှစ်ပေါင်းနှစ်ရာအတွင်း ရတနာအဆင့်ရှိ ပစ္စည်းတစ်ခု၏ အသိအမှတ်ပြုမှုကို ရရှိခဲ့သော ပထမဦးဆုံး လူသားကျင့်ကြံသူမှာ ရွှီရန်ပင်။

ဝိညာဉ်သန့်စင်ခြင်းအဖွဲ့သားများ၏ မျက်နှာထက်တွင် အံ့ဩတုန်လှုပ်မှုများ ပိုမိုထင်ဟပ်လာသည်။ ရွှီရန်၏ ပါရမီသည် အမှန်တကယ်ပင် လောကလွန်အဆင့်သို့ ရောက်ရှိနေပြီဖြစ်ကြောင်း မည်သူမျှ မသံသယဖြစ်ဝံ့တော့ပေ။

ရွှီရန်က လက်ယမ်းပြရင်း "သိပ်ပြီး အံ့ဩမနေကြပါနဲ့ဦး။ ကျွန်တော် အပြင်ထွက်ပြီး သားရဲတွေကို အမဲလိုက်လိုက်ဦးမယ်။ ဦးလေးတို့ အိပ်ရေးဝလို့ ကျွန်တော့်ရဲ့ ရည်မှန်းချက် မပြည့်သေးဘူးဆိုရင်တော့ ကျွန်တော့်ကို ညစ်ညမ်းနယ်မြေဆီ ခေါ်သွားပေးပါဦး..."

လင်းဖုန်းက မျက်တောင်ခတ်ရင်း "ငါ တကယ်ပဲ အိပ်ချင်နေပြီ။ လုံခြုံရေးဇုန် အပြင်ဘက်က စစ်မြေပြင်ကို သွားလို့ရပါတယ်။ ဒါပေမဲ့ သတိထားနော်။ မင်းက အခုချိန်မှာ နိုင်ငံတော်ရဲ့ မဟာဗျူဟာမြောက် ပါရမီရှင်တစ်ယောက် ဖြစ်နေပြီ။ မင်း တစ်ခုခုဖြစ်လို့ လုံးဝမဖြစ်ဘူး" ဟု မှာလိုက်သည်။

"ဟုတ်ကဲ့ပါ"

ရွှီရန် အခန်းထဲမှ ထွက်ခွာသွားသည်ကို သူတို့ စောင့်ကြည့်နေကြသည်။ သူ ထွက်သွားသည်နှင့် နတ်ဘုရားသတ်ဖြတ်ရေးအဖွဲ့သားများမှာ အောင့်ထားသမျှ စကားလုံးများကို ထုတ်ဖော်ကာ ဆဲဆိုကြတော့သည်။

"တောက်... အဆောင်လက်ဖွဲ့စနစ် တစ်ခုလုံးကို ဖန်တီးလိုက်တာပဲ။ ဒါက တကယ့်ကို အလန်းစားကြီးပဲဟ"

"အဲဒီ ညစ်ညမ်းတဲ့ ကြယ်ပြင်ပ သတ္တဝါတွေက ငါတို့ကို နှစ်ပေါင်းနှစ်ရာတောင် ဖိနှိပ်ထားခဲ့တာ။ အခုတော့ ငါတို့ အလှည့်ရောက်ပြီလား"

"ဒီမျိုးဆက်ရဲ့ စူပါပါရမီရှင် ရွှီရန်ကတော့ အဲဒီအကောင်တွေကို အပြတ်အသတ် ချေမှုန်းတော့မှာပဲ"

"သူတို့ကို ခွေးဖြစ်အောင် ရိုက်ပစ်စမ်းပါ"

ဆဲဆိုသံများမှာ အခန်းအတွင်း ပဲ့တင်ထပ်နေတော့သည်။ ထိုစဉ်မှာပင် တစ်စုံတစ်ယောက်က စကားလမ်းကြောင်း ပြောင်းလိုက်သည်။

"ဒါနဲ့... ငါတို့ ရွှီရန်နောက်ကို လိုက်ပြီး မကာကွယ်ပေးသင့်ဘူးလား"

"ပြီးခဲ့တဲ့အကြိမ်တုန်းကလည်း သူ လေ့ကျင့်နေရင်း မဆုတ်မနစ်သော ကောင်းကင်ဘုံဘေးဒုက္ခနဲ့ ကြုံခဲ့ရသေးတယ် မဟုတ်လား တကယ်လို့ တခြား ကောင်းကင်ဘုံဘေးဒုက္ခတွေနဲ့ ထပ်ကြုံရမယ်ဆိုရင်... ဒါက တကယ်ကို အန္တရာယ် မများလွန်းဘူးလား"