အခန်း (၁၅၄-၁၅၆)
Vol. 11 Ch. 154-156
အခန်း-(၁၅၄)
ချန်ချန်းဖုန်း ထိုအမျိူးသားရဲ့ ဗူးအလွတ်ကို ယူပြီး ရေဖြည့် ပေးလိုက်သည်။ ထို့နောက် ကျန်သောဗူးများကိုလည်း ယူပြီး ဖြည့်ပြီးသည်။ သူတို့သောက်ပြီးတော့လည်းပြန်ဖြည့် ပေးလိုက်တယ်။
ဤအဖွဲ့က မည်မျှရက်ရောတယ်ဆိုတာကို သဘောပေါက်သွားတော့ အသက်ရှင်ကျန်ရစ်သူများက သူတို့ရဲ့စကားများကို သံသယမဝင်တော့ဘဲ ၎င်းတို့နောက်သို့ လိုက်လိုစိတ်ရှိလာကြသည်။
တစ်ဖွဲ့က နမူနာပြပြီးတာနဲ့ စကားစမြည်ပြောသံကိုကြားပြီး ရေတောင်းဖို့ အခန်းထဲကထွက်လာတဲ့ သူတွေပိုများလာတယ်။ ရေရရှိပြီးနောက်တော့ ကျန်းယွမ် နှင့် သူ့အဖွဲ့နောက်ကို အားလုံးက လိုက်လာကြသည်။
ဝိန့်မိုနှင့် ဝိန့်ခိုင်တို့က သံချပ်ကာယာဉ်များကို မောင်းနှင်ပြီး အသက်ရှင်ကျန်ရစ်သူဦးရေကတော့ ၂၀၀ ကျော်ရှိတာကြောင့် ဂိုဒေါင်ဧရိယာသို့ လမ်းလျှောက်သွားခဲ့ကြသည်။ ဆာလောင်မှုကြောင့် လမ်းမလျှောက်နိုင်တော့သူများကို ကားများပေါ်တင်ကာ ဆာလောင်မှုကို လျှော့ချရန်အတွက် ဂျယ်လီအချို့ကို ပေးခဲ့သည်။
ထိုအချိန်တွင်တော့ ကျိူးလီဇီက စောင့်ဆိုင်းနေပြီး ရှောင်ချီ နှင့် ဖုန်းယွင်တို့ကတော့ ဆေးဝါးများကို စာရင်းကောက်ယူရန် အလုပ်ရှုပ်နေကြသည်။ အချိန်အတော်ကြာအောင် အချိန်ယူစောင့်ရတဲ့အတွက် ကျိူးလီဇီက စိတ်မရှည်တော့ဘဲ “အစ်ကိုယန်း ကျွန်မ ဓာတ်ခွဲခန်းကို စစ်ဆေးချင်တယ်” လို့ ပြောလိုက်တယ်။
ဒါကိုကြားတော့ ကျင်းရွှီယန်းက သူမလုပ်ချင်တာကို သိလိုက်သည်။
ဆေးဝါးစက်ရုံအနေဖြင့် ဆေးဝါးအသစ်များကို သုတေသနပြုရန်အတွက် ဓာတ်ခွဲခန်းများလည်း ထားရှိမည်ဖြစ်သည်။ ကမ္ဘာပျက်ပြီးနောက်တွင် အကန့်အသတ်ရှိသော ပါဝင်ပစ္စည်းများကြောင့်သာမကဘဲ ကိရိယာများနှင့် သုတေသီများမရှိခြင်းကြောင့် ဆေးဝါးများ ရှားပါးလာသည်။
အဲဒီကိရိယာတွေအကြောင်း စဉ်းစားပြီး ခေါင်းညိတ်ပြကာ “သွားရအောင်” လို့ ပြောလိုက်တယ်။
မထွက်သွားခင်မှာ ရှောင်ချီဆီကိုသွားလိုက်ပြီး "ရှောင်ချီ ငါတို့က လိုက်စစ်ဆေးလိုက်အုံးမယ်။ ပြီးရင် မင်းနှင့် ဖုန်းယွင်က တံခါးကို စောင့်ထား။ ကျန်းယွမ်က အသက်ရှင်ကျန်ရစ်သူတွေကို ပြန်ခေါ်လာခဲ့ရင် နှစ်ပတ်စာရိက္ခာအလုံအလောက်ပေးပြီး ကျန်းနင်းမြို့ကို သွားခိုင်းလိုက်" လို့ ညွှန်ကြားခဲ့သည်။
ရှောင်ချီက သူ့အမိန့်ကိုသာ လိုက်နာလေ့ရှိသောကြောင့် သူ့စကားကြားသောအခါ ဆုံးဖြတ်ချက်ကို မမေးဘဲ ခေါင်းညိတ်သည်။
"နားလည်ပြီ"
ညွှန်ကြားချက်အချို့ပေးပြီးနောက်မှ ကျင်းရွှီယန်း နှင့် ကျိူးလီဇီတို့က ဂိုဒေါင်ဧရိယာမှထွက်ခွာလာပြီး အခြားဧရိယာများကို စစ်ဆေးရန် သွားခဲ့သည်။ သူတို့နှစ်ဦးက လမ်းဘေးရှိ စက်ရုံမြေပုံကို စစ်ဆေးလိုက်ပြီး ဓာတ်ခွဲခန်းသို့ တိုက်ရိုက်သွားကြသည်။
မိနစ်သုံးဆယ်အကြာတွင်တော့ သူတို့က သုံးထပ်တိုက်ရဲ့အပြင်ဘက်တွင် ရပ်လိုက်ကြသည်။ ချင်လူဇီ မရှိရင် အထဲမှာ ဖုတ်ကောင်တွေ ရှိ ၊ မရှိဆိုတာကို သူတို့ မသေချာနိုင်တာကြောင့် အဆောက်အဦးထဲကို မဝင်ခင်မှာ သူတို့ရဲ့ လက်နက်တွေကို ထုတ်လိုက်တယ်။
တံခါးဖွင့်လိုက်တော့ သူတို့ဟာ လျှပ်စစ်စီးဆင်းမှု အသံကို ကြားလိုက်ရတယ်။ ကမ္ဘာပျက်ကပ်တွင်ဖြစ်ပေါ်လေ့ရှိသော ပုပ်သိုးနံစော်နေသော လေထုနှင့်မတူဘဲ ဓာတ်ခွဲခန်းကတော့ ပိုးသတ်ဆေးကဲ့သို့ အေး၍ သန့်ရှင်းသော အနံ့ဖြင့် တည်ရှိ နေတယ်။
သူတို့ လမ်းလျှောက်သွားရင်း ပတ်ပတ်လည်ကို လှမ်းကြည့်လိုက်တော့ ကျိူးလီဇီက နံရံပေါ်က မြေပုံကို တွေ့လိုက်တယ်။ သူတို့နှစ်ဦးလုံးဟာ မြေပုံကိုစစ်ဆေးကြည့်လိုက်တော့ ပထမ၊ ဒုတိယနှင့် တတိယထပ်တို့ကို သုတေသီများရဲ့ ရုံးခန်းအဖြစ် အသုံးပြုခဲ့ပြီး သုတေသနဓာတ်ခွဲခန်းကိုတော့ မြေအောက်၌ တည်ဆောက်ထားကြောင်းကို သိရှိခဲ့ရသည်။
"အစ်ကိုယန်း ဒေတာကို အရင်သွားယူရအောင်။ နောက်မှ ကိရိယာတွေ ယူကြမယ်" ဟု ကျိူးလီဇီက ပြောလိုက်တယ်။
"ကောင်းပြီ" ကျင်းရွှီယန်းကလည်း သူ့မရဲ့စကားကို အဆင်သင့်ပဲ သဘောတူလိုက်တယ်။
ဒေတာအစုအဝေးမျှသာဆိုသော်လည်း ၎င်းတို့ရဲ့တန်ဖိုးမှာ တိုင်းတာ၍မရပေ။ ဒီအချက်အလက်တွေ ရနိုင်ရင် အနာဂတ်မှာ ဆေးဝါးထုတ်လုပ်ချင်တယ်ဆိုရင် အစကနေ စပြီး လုပ်စရာ မလိုတော့ပါဘူး။
ကျင်းရွှီယန်း နှင့် ကျိူးလီဇီ တို့မှာ ဆေးသုတေသနဆိုင်ရာ ဗဟုသုတ လုံးဝမရှိခဲ့ပါ။ အချိန်က အကန့်အသတ်နဲ့ရှိတာကြောင့် စားပွဲများ၊ ကုလားထိုင်များနှင့် ဗီရိုများအပါအဝင် အရာအားလုံးကို ယူဆောင်လိုက်သည့်အခါ နံရံလေးဖက်နှင့် အခန်းဗလာဖြင့်သာ ကျန်ခဲ့တော့သည်။
ရုံးခန်းတွေကို ရှင်းလင်းဖို့ မိနစ်သုံးဆယ်ကြာတယ်။ လျှပ်စစ်ဓာတ်အားက လည်ပတ်နေသေးသဖြင့် ဓာတ်လှေကားကို အသုံးပြု၍ မြေအောက်ဓာတ်ခွဲခန်းသို့ သွားကြသည်။
ဓာတ်လှေကားတံခါးဖွင့်လိုက်တာနဲ့ ပုပ်သိုးနေသော အသားပုပ်နံ့က သူတို့ရဲ့နှာခေါင်းထဲသို့ တိုးဝင်လာသည်။ နှစ်ယောက်သား အကြည့်ချင်းဖလှယ်ကာ ဖြည်းညှင်းစွာ လျှောက်သွားလိုက်သည်။ သူတို့ရဲ့ ခြေသံတွေအပြင် အခြားဘာအသံကို မှဓာတ်ခွဲခန်းထဲမှာ မကြားရဘူး။
ပထမအခန်းသို့ရောက်သောအခါတွင်တော့ မှန်ခန်းအတွင်း၌ ဖုတ်ကောင်အုပ်စုတစု လှည့်လည်သွားလာနေတာကို တွေ့လိုက်ရတယ်။ တံခါးကို သတ္တုဖြင့်ပြုလုပ်ထားပြီး၊ နံရံများကို မာကျောသောမှန်များဖြင့်ကာထားသည်။
မှန်ခန်းနှင့် နီးကပ်စွာ ရပ်နေသော်လည်း ဖုတ်ကောင်များက သူတို့ကို တုံ့ပြန်မှုမရှိပေ။ ကျိူးလီဇီက လျှို့ဝှက်အန္တရာယ်များကို ရှောင်ရှားရန်အတွက် "အစ်ကိုယန်း ငါတို့က ဒီဖုတ်ကောင်တွေကို သတ်သင့်တယ်" လို့ပြောလိုက်တယ်။
ကျင်းရွှီယန်းက ခေါင်းညိတ်ပြီး "ကိုယ် အထဲဝင်မယ်" လို့ ပြန်ဖြေတယ်။
အဆောက်အဦးအတွင်းမှည မီးကို အသုံးမပြုနိုင်သောကြောင့် ဓားရှည်ဖြင့် သတ်ပစ်ရန် သူစီစဉ်ခဲ့သည်။ ဒါပေမယ့် သူ တံခါးမဖွင့်နိုင်ခင်မှာပဲ ကျိူးလီဇီက သူ့ကို ရပ်တန့်စေလိုက်ပြီး "တံခါးဖွင့်စရာ မလိုဘူး" လို့ပြောလာတယ်။
သူမရဲ့စကားကြောင့် ကျင်းရွှီယန်းစိတ်ရှုပ်သွားတယ်။ တံခါးကိုမဖွင့်ဘဲ ဖုတ်ကောင်တွေကို ဘယ်လိုလုပ်ပြီးသတ်နိုင်မှာလဲ။
သူကိုကြည့်နေရင်း ကျိူးလီဇီက သူမရဲ့လက်ဖဝါးကိုဖြန့်ကာ ရေခဲအပ်ငါးချောင်းကို ဖန်တီးလိုက်သည်။ အပ်များက ပါးလွှာပြီး သေးငယ်သည်။ သူမရဲ့လက်ကောက်ဝတ်ကို လှုပ်ရှားလိုက်တာနဲ့ ရေခဲအပ်များက တံခါးဘောင်အောက်ရှိ အဟလေးကဖြတ်ကာ အခန်းထဲသို့ ဝင်သွားခဲ့သည်။
အပြင်မှာရပ်နေပြီး လက်သီးဆုပ်လိုက်တော့ ရေခဲအပ်တွေက ရေဓားပြားအဖြစ် မပြောင်းသွားခင်မှာ တစ်ခုတည်းအဖြစ်သို့ အရင် ပေါင်းစပ်သွားကြသည်။
ရေဓားက ဖုတ်ကောင်များကို အလွယ်တကူပဲ ခေါင်းဖြတ်သတ်ပစ်လိုက်တယ်။ ဦးတည်ချက်မရှိလျှောက်သွားနေတဲ့ အပြင်ကဖုတ်ကောင်တွေနှင့် ယှဉ်ရင်၊ ဒီအခန်းထဲက ဖုတ်ကောင်တွေကတော့ အဆင့်သုညပဲ ရှိသေးသည်။ သုံးမိနစ်မပြည့်ခင်မှာပဲ သူမက သူတို့အားလုံးကို သတ်ပစ်လိုက်တယ်။
သူမရဲ့ အလုပ် လက်စသတ်တော့ ကျင်းရွှီယန်းက သော့ကို အရည်ဖျော်ပြီး တံခါးကိုဖွင့်လိုက်သည်။ ပြီးတာနဲ့ သူက အလောင်းများဆီကို အနက်ရောင်မီးလျှံတစ်ခု လွှတ်လိုက်ကာ ၎င်းကိုပဲ ထိန်းချုပ်ပြီး ဖုတ်ကောင်များကို လောင်ကျွမ်းစေလိုက်သည်။
မီးသတိပေးချက်ကို ရှောင်ပြီး အလောင်းအားလုံးကို ပြာအဖြစ်သို့ ရောက်စေရန်အတွက် ဆယ်မိနစ်ခန့် အချိန်ယူလိုက်ရသည်။
ပြီးတဲ့အခါမှာတော့ ပတ်ဝန်းကျင်ကို ဆက်လက်စစ်ဆေးလိုက်တယ်။ အခြားအခန်းထဲရှိ ကိရိယာများကိုလည်း သူမရဲ့နေရာထဲသို့ အရာအားလုံးကို စုဆောင်းခဲ့သည်။
ပထမ မြေအောက်ထပ်ကို ရှင်းလင်းပြီးတော့ နောက်ထပ် ဘာဖုတ်ကောင်ကိုမှ သူတို့ရှာမတွေ့တော့တာကြောင့် ဒုတိယမြေအောက်အထပ်သို့ ဓာတ်လှေကားဖြင့် ဆင်းခဲ့ကြသည်။ ဒီတစ်ခါမှာတော့ အခြေအနေက အရင်ကနဲ့ တော်တော်ကွာတယ်။
တံခါးမဖွင့်ခင်မှာပဲ ဖုတ်ကောင်တွေရဲ့ဟောက်သံတွေကိုကြား နေရပြီး လေထဲမှာလည်း အပုပ်နံ့တွေ ပြည့်နေသည်။ အာရုံစူးစိုက်ပြီး လက်နက်တွေထုတ်လိုက်တယ်။
"ဒင်"
" ဂါးးးးး
တံခါးကိုဖွင့်လိုက်တာနှင့် ဖုတ်ကောင်သုံးကောင်က သူတို့ကို လှမ်းပြီးတိုက်ခိုက်လာကြတယ်။
ကျင်းရွှီယန်းက အနီးဆုံးရှိ ဖုတ်ကောင်ရဲ့ရင်ဘတ်ကို ကန်သွင်းကာ လွှင့်ထွက်သွားစေလိုက်သည်။ တစ်ချိန်တည်းမှာပဲ ကျိူးလီဇီကလည်း ချောမွေ့သောလှုပ်ရှားမှုဖြင့် သူမရဲ့ဓားမြှောင်နှင့် ဖုတ်ကောင်များရဲ့ ဦးခေါင်းနှစ်လုံးကို ဖြတ်တောက်ပစ်လိုက်တယ်။
သူတို့အကြည့်တွေကို မြင့်လိုက်တော့ သူတို့ရဲ့မျက်လုံးထဲမှာ အံ့သြမှုတွေ ပေါ်လာသည်။
အခန်း-(၁၅၅)
ကျင်းရွှီယန်း နှင့် ကျိူးလီဇီတို့ရဲ့ အရှေ့ရှိစင်္ကြံလမ်းတွင် ဖုတ်ကောင်များနှင့် ပြည့်ကျပ်နေပြီး နံရံနှင့် ကြမ်းပြင်တွင်တော့ အနက်ရောင်သွေးခြောက်များဖြင့် စွန်းထင်းနေသည်။
"ရားးးးး"
ဖုတ်ကောင်တွေ သူတို့ဆီ ပြေးမလာခင်အထိ သူတို့ရဲ့ အံ့အားသင့်မှုက တစ်စက္ကန့်ပဲ ကြာသွားတယ်။ ချွန်ထက်တဲ့ း လက်သည်းများကို မြင်လိုက်ရတော့ သူမရဲ့လက်ကို ဝှေ့ယမ်းလိုက်ပြီး ရေဓါးနှစ်ချောင်း အရှိန်ပြင်းပြင်းဖြင့် ရှေ့သို့ပစ်ပေါက်လိုက်သည်။
" စလပ်က် စလပ်က် စလပ်က်"
ဖုတ်ကောင်များကို ဖြတ်တောက်သွားသော ရေဓါးများကြောင့် လမ်းတစ်ခုပွင့်သွားတာကို မြင်လိုက်ရတော့ ကျင်းရွှီယန်းက သူ့ရဲ့ဓားရှည်ကို ချိန်ရွယ်ရင်း ပြေးသွားခဲ့သည်။ ဖုတ်ကောင်များက အလွန်ပြည့်ကျပ်နေတာကြောင့် ဓါးရဲ့လမ်းကြောင်းရှိ ဖုတ်ကောင် အများအပြား သေဆုံးသွားကြသည်။
သူရဲ့ဓားရှည်မှာ ဖုံးအုပ်ထားသော အနက်ရောင်မီးတောက်များကြောင့် ဖုတ်ကောင်များဟာ သူရဲ့ဓားနှင့် ထိမိပြီးပြီးချင်းပဲ ပြာဖြစ်သွားကြတယ်။
ရှေ့တန်းတွင် သူက တိုက်ခိုက်နေစဉ်၌ သူရဲ့နောက်ကျောနှင့် မျက်ကွယ်ရာနေရာများကိုတော့ ကျိူးလီဇီက ကာကွယ်ပေးထားသည်။ သူ့နောက်က နှစ်မီတာလောက်မှာရပ်နေတာကြောင့် တိုက်ပွဲရဲ့အခြေအနေကို သူမကရှင်းရှင်းလင်းလင်းမြင်ရတယ်။ ကျင်းရွှီယန်းရဲ့ နောက်ကျော သို့မဟုတ် ဘေးနှစ်ဖက်ကို တိုက်ခိုက်လာသော ဖုတ်ကောင်များကို သတ်ရန်အတွက် သူမရဲ့ရေဓါးများကို အသုံးပြုခဲ့သည်။
သူတို့နှစ်ဦးရဲ့ ပူးပေါင်းတိုက်ခိုက်မှုက အလွန်ချောမွေ့ကာ ဖုတ်ကောင်များကိုလည်း လွယ်ကူစွာရှင်းလင်းနိုင်ခဲ့သည်။
စင်္ကြံအဆုံးရှိ အခန်းတစ်ခုအတွင်းကလူတစ်စုဟာ အပြင်ဘက်ရှိ ဆူညံသံများကို ကြားလိုက်ရသည်။ သူတို့ရဲ့မျက်နှာတွေက ဖြူဖျော့နေပြီး ပါးပြင်တွေကချိုင့်လို့ နှုတ်ခမ်းတွေက အက်ကွဲနေတယ်။ ငါးရက်ကြာအောင်အထိ မစား သောက်ရဘဲ ရေမသောက်ဖြစ်တာက သုံးရက်လောက်ရှိပြီ။
ဒီအချိန်မှာ သူတို့ရဲ့ခန္ဓာကိုယ်က အလွန်အားနည်းနေသောကြောင့် မြေပြင်ပေါ်တွင်သာလှဲလျောင်းနေကာ နောက်ဆုံးသောထွက်သက်ကို ထိန်းထားရန်အတွက် ကျန်ခဲ့သော စွမ်းအင်အနည်းငယ်ကိုသာ ထိန်းထားနိုင်ခဲ့သည်။
အပြင်ဘက်မှ တိုက်ခိုက်သံများကို ကြားလိုက်သဖြင့် ခပ်မှိန်မှိန်မျက်လုံးများက တဖြည်းဖြည်း အလင်းပြန်ရလာကြသည်။ သူတို့ထဲမှတစ်ယောက်က မျက်လုံးကိုအတင်းဖွင့်ကာ သူ့ဘေးနားက အမျိုးသမီးဆီ ခေါင်းလှည့်ပြီး အသံတိုးတိုးဖြင့်ပြောလိုက်သည် "မိန်း ..မိန်းမ... မိန်းမ ၊ ဒီနေရာမှာ တစ်ယောက်ယောက်ရှိတယ်..."
သူ့ဘေးမှာမလှုပ်မယှက် လဲလျောင်းနေတဲ့ သူ့မိန်းမကို မြင်တော့ အားနည်းနေတဲ့လက်များနဲ့ဆွဲကာ..
“မိန်းမ မအိပ်လိုက်ပါနဲ့။ တစ်စုံတစ်ယောက်ရှိနေတယ်… ငါတို့ အသက်ရှင်ကြမယ်…” လို့ ပြောရင်း သူ့မျက်လုံးတွေက နီရဲလာတယ်။
ဇနီးသည်ရဲ့ လက်ချောင်းများက အေးစက်နေတာကို ခံစားလိုက်ရတော့ သူ့နှလုံးသားထဲတွင် မှန်းဆချက်တစ်ခုရှိနေသော်လည်း ၎င်းကို သူလက်မခံလိုပေ။ လွန်ခဲ့တဲ့ နာရီဝက်လောက်ကပဲ သူ့မိန်းမက သူ့ကိုဆက်ထိန်းထားဖို့ ပြောသေးတယ်။ ထို့ကြောင့် သူက သူမရဲ့စကားအတိုင်း လိုက်နာခဲ့တယ်။
သူ့အနားတွင်ရှိတဲ့ လူနှစ်ယောက်က မျက်လုံးများ ပွင့်လာသည်။ ကျန်တဲ့သူတွေကတော့ မျက်စိမှိတ်ပြီး အေးစက်တဲ့မြေပေါ်မှာ လှဲနေကြတယ်။ သူတို့ အသက်ရှင်နေသေးသလားဆိုတာကိုတော့ ဘယ်သူမှ မသိနိုင်ပါဘူး။
ထိုလူက တံခါးကိုကြည့်ကာ တစ်ယောက်ယောက်က တံခါးကို ဖွင့်လာမှာကို မျှော်လင့်နေမိတယ်။ တံခါးကိုသော့ခတ်ပြီးနောက် သူတို့ဟာ ဤအခန်းထဲတွင် တစ်ပတ်ကျော်မျှ ပုန်းနေခဲ့တယ်။ အခုဆို တံခါးဖွင့်ဖို့ နေနေသာသာ လှုပ်ရှားဖို့ ခွန်အားတောင် မရှိတော့ဘူး။
ငါးမိနစ်အကြာတွင် သော့ခလောက်က ဖြည်းညှင်းစွာ အရည်ပျော်သွားတာကို သူမြင်လိုက်ရတော့ မျှော်လင့်ချက်အရိပ်အယောင်များက သူ့မျက်လုံးထဲတွင် တောက်လောင်လာသည်။ ခဏအကြာမှာ တံခါးကပွင့်လာပြီး အမျိူးသားတစ်ယောက်နဲ့ အမျိုးသမီးတစ်ယောက်ကို တွေ့လိုက်ရတယ်။
ကျင်းရွှီယန်း နှင့် ကျိူးလီဇီတို့သည် ဓာတ်ခွဲခန်းအင်္ကျီဝတ်ထားသော လူတစ်စုက မြေပြင်ပေါ်တွင် လဲလျောင်းနေတာကို တွေ့လိုက်ရတော့ ထိတ်လန့်သွားကြတယ်။ သူ့တို့ရဲ့ အခြေအနေကို တွက်ချက်ကြည့်ရရင်တော့ ငတ်မွတ်ခြင်း သို့မဟုတ် ရေဓာတ်ခန်းခြောက်ခြင်းကြောင့် ဖြစ်နိုင်သည်။
အခန်းထဲကိုဝင်လာတော့ သူ့လက်ကိုမြှောက်ထားတဲ့ လူတစ်ယောက်ကို တွေ့လိုက်တယ်။ ဒါကိုမြင်တော့ ကျိူးလီဇီက အိတ်ကပ်ထဲက ရေတစ်ပုလင်းကို ထုတ်ယူပြီး သူ့ဆီသွားလိုက်တယ်။
"ရဲဘော် ၊ မင်း ငါ့အသံကြားရလား" မမေးခင်အဖုံးဖွင့်ပြီး ရေနည်းနည်းတိုက်လိုက်တယ်။
အမျိုးသားက ခေါင်းညိတ်ပြပြီး “ကျေးဇူးပြုပြီး ငါ့မိန်းမကို ကယ်ပါ” လို့ပြောပြီးမှ ရေကိုမျိုချလိုက်တယ်။
ထိုလူက သူ့ဘေးနားရှိ အမျိုးသမီးကို ကိုင်ထားတာကို ကျိူးလီဇီ တွေ့လိုက်ရသည်။ လှမ်းကြည့်လိုက်ပြီးတော့ သူ့သွေးခုန်နှုန်းကို စစ်ကြည့်လိုက်ပေမယ့် ဘာမှမတွေ့ရဘူး။
ထိုအမျိုးသမီးသေဆုံးသွားပြီဟု သူမထင်ခဲ့သော်လည်း လက်ကောက်ဝတ်ကို မလွှတ်လိုက်မီတွင်ပဲ သွေးခုန်နှုန်းတစ်ခုကို ခံစားလိုက်ရသည်။ နှေးကွေးပြီးရင်း နှေးကွေးနေသော်လည်း သူမရဲ့ လက်ချောင်းများအောက်မှ အားနည်းသော လှုပ်ရှားမှုလေးကို သိသိသာသာ ခံစားလိုက်ရတယ်။
အချိန်မဖြုန်းဘဲ ကန်ရေကိုတိုက်ကာ သူမရဲ့စွမ်းအင်ကို အမျိုးသမီးထံ လွှဲပြောင်းပေးခဲ့သည်။ သူမရဲ့ စွမ်းအင်က အမျိုးသမီးရဲ့ခန္ဓာကိုယ်ထဲသို့ ဝင်ရောက်သွားတော့ အမျိုးသမီးဆီမှာ ဆက်လက်တည်ရှိနေသေးတဲ့ အားနည်းသော အသက်စွမ်းအားကို ဖော်ထုတ်နိုင်ခဲ့တယ်။
ကျိူးလီဇီက ထိုအမျိုးသမီးကို ကယ်တင်ရန် လုပ်ဆောင်နေစဉ်တွင် ကျင်းရွှီယန်းကလည်း အခြားသော အသက်ရှင်ကျန်ရစ်သူများအတွက် အလားတူ လုပ်ဆောင်ပေးခဲ့သည်။ ကျိူးလီဇီရဲ့ နူးညံ့သိမ်မွေ့သောရေအမျိုးအစားစွမ်းအင်နှင့်မတူဘဲ သူရဲ့မီးအမျိုးအစားစွမ်းအင်ကတော့ ပို၍လွှမ်းမိုးသည်။
"အိုး…"
သူ့စွမ်းအင်တွေကို သူတို့ဆီ လွှဲပြောင်းပေးလိုက်တာနဲ့ သူတို့ရဲ့ခန္ဓာကိုယ်အနှံ့မှာ ပူလောင်တဲ့နာကျင်မှုကို ခံစားလိုက်ရပြီး ညည်းညူသံတွေ ထွက်လာကြတယ်။ ဖြစ်စဉ်က နာကျင်ပေမယ့် သူတို့ရဲ့ ခန္ဓာကိုယ်က အားပြည့်းတာ ပိုမြန်သည်။
လူပေါင်းများစွာကို သေခြင်းတရား ချောက်ကမ်းပါးအစွန်းမှ သူပြန်ဆွဲထုတ်ပြီးသောအခါမှ နောက်ဆုံးတော့ ကျိူးလီဇီလည်း ထိုအမျိုးသမီးကို ကယ်တင်လို့ပြီးသွားခဲ့သည်။ ခဏကြာတော့မှ အမျိုးသမီးက မျက်လုံးဖွင့်ပြီး သူ့ခင်ပွန်းကို ကြည့်လိုက်တယ်။
သူမရဲ့ နှုတ်ခမ်းဖြူဖျော့ဖျော့တွေကို ခွဲလိုက်ပြီး " ယောင်္ကျား၊ မင်း သေသွားပြီလား" လို့ မေးလ်ိုက်တယ်။
ဇနီးဖြစ်သူ၏ စကားကိုကြားတော့ ယောက်ျားက မျက်ရည်စက်လက်ဖြင့် ပြုံးကာပြန်ဖြေသည် "မိန်းမ၊ ငါတို့ နှစ်ယောက်လုံး အသက်ရှင်နေသေးတယ်"
နောက်ဆုံးတော့ ပြန်လည်သတိဝင်လာတာကို သူမမြင်လိုက်သောအခါမှ ကျိူးလီဇီက သက်ပြင်းတစ်ချက်ချလိုက်သည်။
သူမဆီမှာ သူတော်စင်စိတ်ဓာတ်က ရုတ်တရက်ဖြစ်ပေါ်လာတာမဟုတ်သလို အခြားသူများကိုကယ်တင်မယ်ဆိုတဲ့ ကောင်းမွန်တဲ့ကိုယ်ကျင့်တရား နိုးထလာတာလည်း မဟုတ်ပါဘူး။ ကျင်းရွီယန်းရဲ့ အခြေစိုက်စခန်းအတွက် တန်ဖိုးရှိသော အရင်းအမြစ်များဖြစ်လာနိုင်သောကြောင့်သာ သူမက သူတို့ကိုကယ်တင်ခဲ့ခြင်းဖြစ်သည်။
ဤသုတေသီအဖွဲ့ဟာ ရှားပါးသောဆေးဝါးများကို မထုတ်လုပ်နိုင်လျှင်တောင် အနည်းဆုံးတော့ သာမန်ဖျားနာမှုများကို ကုသရန်အတွက် ဆေးဝါးများကို ပြန်လည်ဖန်တီးနိုင်မည်ဖြစ်သည်။ အခြေစိုက်စခန်းတည်ဆောက်ရန်အတွက် သာမာန်လူများကို စုဆောင်းသည့်အခါ ၎င်းတို့က များစွာအထောက်အကူဖြစ်စေမည်ဖြစ်သည်။
ကျန်တဲ့အဖွဲ့ဝင်များကိုလဲ သတိထားကာ စစ်ဆေးလိုက်ကြသည်။ လူနှစ်ဆယ့်သုံးဦးတွင် ခုနစ်ဦးသာ အသက်ရှင်ကျန်ရစ်သည်။ ကျန်တဲ့သူတွေကတော့ သေတာကြာပြီဖြစ်ပြီး အချို့က အခုမှသေသွားတာပဲ့။
ကျင်းရွှီယန်းက သူတို့ရဲ့ အေးစက်နေသောအလောင်းများကို အပြင်သို့ သယ်ဆောင်ကာ မီးရှို့ခဲ့ပြီး ကျိူးလီဇီကတော့ သူမရဲ့ကျောပိုးအိတ်ကို အပြင်ဘက်သို့ယူသွားကာ နေရာလွတ်မှပစ္စည်းများကို သွားထုတ်ယူသွားခဲ့သည်။ အခန်းထဲကိုဝင်လာတော့ အစားအသောက်တွေကို ကျောပိုးအိတ်နှင့်အပြည့် ပြန်သယ်လာသည်။
ဘယ်သူကမှ သံသယမဝင်ကြဘဲ ကျောပိုးအိတ်ကို အခန်းအပြင်မှာ ထားခဲ့တယ်လို့သာ တွေးလိုက်ကြတော့တယ်။
သူမရဲ့ကျောပိုးအိတ်ကိုဖွင့်ကာ ငှက်ပျောနို့ပုံးအများအပြားကို ထုတ်ယူလိုက်ပြီး "တစ်ခုခုမစားခင် နွားနို့အရင်သောက်ပါ" ဟု ပြောကာ အသက်ရှင်ကျန်ရစ်သူများထံ ပေးအပ်ခဲ့သည်။
လူတိုင်းက သူမရဲ့ ရက်ရောမှုအတွက် ကျေးဇူးတင်ကြပြီး နို့ကို လက်ခံပြီး အဖုံးတွေကို အမြန်ဖွင့်ကာ သောက်လိုက်ကြတယ်။ နို့က လတ်ဆတ်ပြီး သကြားအများကြီးမပါဘူး။ သောက်ပြီးတာနဲ့ ပူလောင်နေတဲ့ ဗိုက်ထဲကဝေဒနာတွေ လျော့ပါးလာသည်။
အခန်း - (၁၅၆)
သူတို့နွားနို့သောက်နေစဉ်တွင် ကျိူးလီဇီက ပေါင်မုန့်များစွာကို ထုတ်ယူခဲ့သည်။ ဤမုန့်များက သူမရဲ့နေရာရှိ နောက်ဆုံးမုန့်များဖြစ်သည်။ ပြီးသွားရင်တော့ သူမအတွက် ပေါင်မုန့် လတ်လတ်ဆတ်ဆတ် ရှိတော့မှာ မဟုတ်ဘူး။
သံသယမဖြစ်စေရန်အတွက် သူမက သူတို့အတွက် အစားပစာကို အလွန်အကျွံမထုတ်ပေးခဲ့ပါ။ ထို့ကြောင့် မုန့်တစ်လုံးစီပေးပြီးနောက် ကန်ရေတစ်ပုလင်းပေးသည်။
အသက်ရှင်ကျန်ရစ်သူများ စားသောက်နေစဉ်တွင် သူမက ပိန်လှီသောလူကို ကြည့်ကာမေးလိုက် "ရဲဘော်၊ မင်းက ဒီဓာတ်ခွဲခန်းက သုတေသီလား"
ပိန်လှီသောလူက ခေါင်းညိတ်ပြီးပြန်ဖြေသည် "ရဲဘော်၊ ငါတို့ရဲ့အသက်ကို ကယ်တင်ပေးတာ ကျေးဇူးတင်ပါတယ်။ ဒီမှာ ပိတ်မိနေတာ တစ်ပတ်ကျော်ကြာပြီမှ ငါတို့တော့ သေရတော့မယ်ထင်ထားတာ"
သူတို့ကိုကြည့်ပြီး "ရဲဘော်၊ ဒီနေရာကထွက်သွားပြီးရင် မင်းတို့မှာ နောက်ထပ်အစီအစဉ်ရှိလား" လို့ ကျိူးလီဇီကမေးလိုက်တယ်။
တစ်ယောက်ကိုတစ်ယောက်ကြည့်လိုက်ကြပြီး တစ်ယောက်စီတိုင်းရဲ့ မျက်လုံးတွေထဲမှာ အကူအညီမဲ့မှုတွေကို တွေ့လိုက်ရသည်။
လက်ရှိအခြေအနေတွင် မဆိုထားနဲ့—ယနေ့ခေတ်မတိုင်မီကပင် သူတို့မှ လေ့ကျင့်ခန်းလုပ်ရန် အချိန်မရှိသော သုတေသီ များဖြစ်သည်။ ဒါကြောင့် သူတို့ ဒီနေရာကနေ ထွက်သွားရင်တောင် သူတို့ရဲ့ အားနည်းတဲ့ ခွန်အားနှင့်ဆို အပြင်ဘက်မှာ ရှင်သန်နိုင်ပါါမလားဆိုတာက မေးခွန်းထုတ်စရာ ဖြစ်နေတုန်းပါပဲ။
သူတို့ရဲ့ စိုးရိမ်ပူပန်မှုတွေကို သတိထားမိတော့ ကျိူးလီဇီက တိုက်တွန်းလိုက်တယ် "မင်းတို့မှာ သွားချင်တဲ့ နေရာမရှိဘူးဆိုရင် ငါ့တို့အဖွဲ့နဲ့ ဘယ်လိုမပူးပေါင်းရတာလဲ"
"ရဲဘော်၊ မင်းက စစ်သားလား" လို့ အမျိုးသမီးတစ်ယောက်က မေးသည်။
"မဟုတ်ဘူး၊ ငါ့တို့အဖွဲ့က ကြေးစားအဖွဲ့ပဲ။ ရိက္ခာတွေစုဆောင်းပြီး ဖုတ်ကောင်တွေကို သတ်ဖို့ ဒီနေရာကို လာခဲ့တယ်။ ဒီနေရာကို မတော်တဆတွေ့မိတဲ့အတွက် ငါတို့တွေ့ခဲ့တာက ကံကြမ္မာပဲ" ဟု ကျိူးလီဇီက ပြန်ပြောခဲ့သည်။
သူမရဲ့ စကားပြောသံက အလျင်စလိုမဖြစ်ဘဲ သူမရဲ့မျက်လုံးများက ကြည်လင်နေပါသည်။ သူမမျက်လုံးတွေကို ကြည့်လိုက်တော့ သူတို့က သူမကို ယုံကြည်နိုင်တယ်လို့ ခံစားလိုက်ရတယ်။ ဒါကြောင့် တခဏတာ တုံ့ဆိုင်းသွားပြီးနောက် အမျိုးသမီးက ခင်ပွန်းဖြစ်သူကို ကြည့်ကာ “ ယောင်္ကျား ၊ သူတို့နှင့် လိုက်သွားကြရအောင်” လို့ ပြောလိုက်တယ်။
ထိုလူငယ်တွင်လည်း သူ့ဇနီးသည်တစ်ဦးတည်းကသာ မိသားစုအဖြစ်ရှိသောကြောင့် သူက မကန့်ကွက်ခဲ့ပေ။ သူက ခေါင်းညိတ်ပြီးပြောသဘောတူလိုက်တယ် "မိန်းမ၊ မင်း ဆုံးဖြတ်ချက်ချနိုင်တယ်၊ မင်းသွားလေရာကို ငါလိုက်မယ်"
အမျိုးသမီးက ခေါင်းညိတ်ပြပြီးနောက် ကျိူးလီဇီကိုကြည့်ကာ "ရဲဘော်၊ ငါတို့က မင်းတို့အဖွဲ့ထဲဝင်ဖို့ ဆန္ဒရှိတယ်။ ငါ့နာမည်က ကျောင်းလိီရှင်း ၊ ဒါက ငါ့ခင်ပွန်း ချန်ကျိရိ "
"ကျွန်မနာမည်က ကျိူးလီဇီ"
သူမကိုယ်သူမမိတ်ဆက်ပြီးပြီးချင်းမှာပဲ
ကျင်းရွှီယန်းက အခန်းထဲဝင်လာပြီး "အာ့ဇီ ဒီဧရိယာက ရှင်းတယ်။ သူတို့စားပြီးရင် ငါတို့ထွက်သွားလို့ရပြီ" လို့ပြောလာတယ်။
ကျောင်းလီရှင်းက သူ့လေသံနဲ့ ရင်းနှီးနေတာကို သတိထားမိလိုက်ပြီး ကျိူးလီဇီကိုကြည့်ကာ "ဒါက-" လို့မေးတယ်။
ကျိူးလီဇီက မဆိုင်းမတွ ပြုံးပြီး မိတ်ဆက်ပေးလိုက်တယ်
"အစ်မကျောင်း ဒါက ကျွန်မချစ်သူ ကျင်းရွှီယန်းပါ။ သူက ကျွန်မတို့အဖွဲ့ရဲ့ ကပ္ပတိန်လည်း ဟုတ်တယ်"
သူမစကားကိုကြားတော့ ကျောင်းလီရှင်း နှင့် သူ့ခင်ပွန်းက "ဟယ်လို ကပ္ပတိန်" လို့ နှုတ်ဆက်လိုက်တယ်။
ကျိူးလီဇီက မတ်တပ်ထရပ်ပြီး ကျင်းရွှီယန်းရဲ့လက်ကိုဆွဲကာ "အစ်ကိုယန်း၊ သူတို့က အစ်မ ကျောင်းလီရှင်း နဲ့ သူ့ခင်ပွန်း အစ်ကို ချန်ကျိရိ ပါ။ သူတို့က ကျွန်မတို့အဖွဲ့ထဲကိုဝင်မှာ"
"သူတို့နှစ်ယောက်က သုတေသီတွေလေ။ သူတို့အဖွဲ့နှင့် ပူးပေါင်းလိုက်တာနဲ့ ဆေးသုတေသနဘက်မှာ စွမ်းရည်မရှိမှာ စိတ်ပူစရာ မလိုတော့ပါဘူး" ဟု သူမက အဓိပ္ပာယ်အပြည့်နဲ့ပြောသည်။
ကျင်းရွှီယန်းက သူတို့ကိုဖိတ်ခေါ်ရတဲ့ သူမရဲ့ ရည်ရွယ်ချက်ကို နားလည်ပြီး ခေါင်းညိတ်လိုက်တယ်။ သူတို့ကိုကြည့်ကာ "အသင်းမှကြိုဆိုပါတယ်" ဟုပြောလိုက်သည်။
သူတို့ရဲ့စကားဝိုင်းကို ကြားတဲ့အခါ ကျန်တဲ့ သုတေသီတွေထဲက လူငယ်တစ်ယောက်ကဝင်ပြောလာသည် "ရဲဘော်၊ ကျွန်တော်လဲ မင်းတို့ရဲ့အဖွဲ့ထဲကို ဝင်လို့ရလား၊ ကျွန်တော်က ဘွဲ့ကြိုကျောင်းသားဆိုပေမယ့် ပါမောက္ခလက်အောက်မှာ နှစ်အတော်ကြာ လေ့လာခဲ့ပါတယ်။ လက်တွေ့စမ်းသပ်မှုတွေနဲ့ ဓာတ်ခွဲခန်းတွေမှာ ကူညီပေးနိုင်တယ်"
သူ့ရဲ့စကားကြားကိုတော့ တခြားသူတွေကလည်း သူတို့ပါ အဖွဲ့ထဲဝင်ဖို့ တောင်းဆိုလာကြတယ်။ အပြင်ထွက်ပြီး တစ်ယောက်တည်း ရှင်သန်ဖို့ ကြိုးစားတာထက် အဖွဲ့တစ်ဖွဲ့ထဲဝင်တာက ပိုလုံခြုံတယ်။
ဒီစုံတွဲက သန်မာပြီး အပြင်ကဖုတ်ကောင်တွေကို သတ်လိုက်တယ်ဆိုတာကို သူတို့သိတယ်။ ထိုစုံတွဲနောက်ကို လိုက်တာက သူတို့ရဲ့ဘေးကင်းမှုကို သေချာစေမည်ဖြစ်ပြီး အစားအစာကိုအပြည့်အ၀မစားနိုင်လျှင်တောင် အနည်းဆုံးတော့ သူတို့ငတ်မည်မဟုတ်ပေ။
သူတို့ရဲ့ စကားများကိုကြားသောအခါ ကျိူးလီဇီက ဝမ်းသာသွားသည်။ သူမက ကျင်းရွှီယန်းကိုကြည့်ကာ လက်ခံရန် အရိပ်အမြွက်ပြလိုက်သည်။
သူမက သူ့ကို မျက်တောင်ခတ်ကာ အရိပ်အမြွက်ပြနေတာကို မြင်တော့ ကျင်းရွှီယန်းက တခစ်ခစ်ရယ်ပြီး "အားလုံးကို နတ်ဆိုးအဖွဲ့က ကြိုဆိုပါတယ်" လို့ပြောလိုက်တယ်။
သဘောတူညီချက်ကိုကြားတော့ ဝမ်းသာအားရနဲ့ ကျေးဇူးပြန်တင်ကြတယ် "ကျေးဇူးတင်ပါတယ် ကပ္ပတိန်"
စားပြီးတာနဲ့ ခဏလောက်အနားယူလိုက်ပြီး ဓာတ်ခွဲခန်းကနေ အတူတူ ထွက်လာကြသည်။ သူတို့က အမြန်မပြေးနိုင်/မလျှောက်နိုင်သောကြောင့် ကျိူးလီဇီ နှင့် ကျင်းရွှီယန်းတို့ရဲ့ အရှိန်က နှေးကွေးသွားသည်။
ဂိုဒေါင်သို့ ပြန်ရောက်သောအခါတွင်တော့ နေမွန်းတည့်နေပြီဖြစ်သည်။
သူ့ကပ္ပတိန်ပြန်ရောက်လာတာကိုမြင်တော့
ရှောင်ချီက လျှောက်သွားပြီး "ကပ္ပတိန်၊ ဆေးတွေကို ကျွန်တော်တို့ သိမ်းပြီးပါပြီ" လို့ သတင်းပို့လိုက်တယ်။
ကျင်းရွှီယန်းက ခေါင်းညိတ်ပြပြီးမှ ပြောလိုက်တယ် " ရှောင်ချီ သူတို့ကို ဘေးမှာ အနားယူခိုင်းလိုက်။ ကျန်းယွမ်နှင့် ကျန်တဲ့သူတွေ ပြန်လာတဲ့အခါကြမှ နောက်ဆုံးကျန်တဲ့စက်ရုံကို သွားကြမယ်"
"ဟုတ်ကဲ့ ကပ္ပတိန်" ရှောင်ချီက ခေါင်းညိတ်လိုက်ပြီး သူ့အလုပ်တွေကို ပြီးအောင်သွားလိုက်တယ်။
အားနည်းသောလူအုပ်စုကိုတွေ့သောအခါမှာတော့ ဖုန်းယွင်က ရှောင်ချီကိုကူညီရန်သွားလိုက်သည်။
အဖွဲ့ဝင်အသစ်များက အလုပ်ရှုပ်နေချိန်တွင် ကျင်းရွှီယန်း နှင့် ကျိူးလီဇီတို့ကတော့ ဂိုဒေါင်အတွင်းရှိ ကျန်ဆေးများကို စုဆောင်းရန်သွားကြသည်။
ထိုနေရာတွင် မေ့ဆေး,များ ရှိပြီး ၎င်းတို့တွင် ရှူရှိုက်ရသောဆေး၊ ထိုးသွင်းရသောဆေး၊ ဒေသဆိုင်ရာ မေ့ဆေးများနှင့် ကာလတိုလုပ်ဆောင်ချက်များအတွက် ခွဲစိတ်မှုမပြုမီဆေးဝါးများ ပါဝင်သည်။ ဂိုဒေါင်ထဲတွင် အောက်ဆီဂျင်ကိုပင် သိုလှောင်ထားသည်။
မေ့ဆေးများအပြင် နောက်ထပ်ဂိုဒေါင်တစ်ခုတွင် အရောင်ကျဆေးများ (အယ်စီတိုင်းဆယ်လီစီလစ်အက်ဆစ်၊ အိုင်ဗျူပရိုဖန် နှင့် ပါရာစီတမောအပါအဝင်)၊ အော်ပီရွိုက်အုပ်စုဝင် အနာသက်သာဆေးများနှင့် ရောဂါလက္ခဏာသက်သာရေးစောင့်ရှောက်မှုအတွက် အခြားသောရောဂါလက္ခဏာဆိုင်ရာ ဆေးဝါးများကိုလည်း တွေ့ရှိခဲ့ကြသည်။
"နောက်ထပ်ဂိုဒေါင်များသို့ ဆက်လက်ရှာဖွေရာတွင် အာလာဂျီဆန့်ကျင်ဆေး၊ အဆိပ်ဖြေဆေး၊ တက်ခြင်းကာကွယ်ဆေး၊ သန်ကောင်ဆေး၊ ဘက်တီးရီးယားဆန့်ကျင်ဆေး၊ မှိုရောဂါကုဆေး၊ ဗိုင်းရပ်စ်ဆန့်ကျင်ဆေးနှင့် ပရိုတိုဇိုးဝါးဆန့်ကျင်ဆေးများကို တွေ့ရှိခဲ့ကြသည်။
ကျန်ဂိုဒေါင်များအတွင်း၌ အသုံးပြုရန် ရည်ရွယ်ချက်ကို မသိသော ဆေးဝါးများ၊ ကွန်ဒုံးများနှင့် အမျိုးမျိုးသော ဆေးဝါးများကိုပင် သူတို့ ရှာဖွေတွေ့ရှိခဲ့တယ်။
ထိုဆေးများရဲ့ လုပ်ဆောင်ချက်ကို မသိသော်လည်း ကျိူးလီဇီကတော့ ဂိုဒေါင်အတွင်းမှာသိုလှောင်ထားတဲ့ ပစ္စည်းများ ၊ ကုန်ကြမ်းပစ္စည်းများ အပါအဝင် အရာအားလုံးကို စုဆောင်းနေဆဲဖြစ်သည်။
ပြီးသွားတော့မှ အပြင်ဘက်မှာ စကားပြောနေတဲ့ လူတွေရဲ့ အသံကို ကြားလိုက်ရတယ်။ ဂိုဒေါင်မှ ထွက်ခွာလိုက်တော့ ကျန်းယွမ်က အသက်ရှင်ကျန်ရစ်သူ အုပ်စုကြီးနှင့်အတူ ပြန်လာနေတာကို တွေ့လိုက်ရသည်။