အခန်း (၂၁၁-၂၁၂)
Vol. 22 Ch. 211-212
အခန်း (၂၁၁) - မိစ္ဆာ
လီယန်ချူ အနည်းငယ် မျက်မှောင်ကြုတ်လိုက်သည်။
"ဘာဖြစ်တာလဲ"
တင်းရုံ၏ ရင်ဘတ်မှာ အတက်အကျ မြန်ဆန်နေပြီး အမူအရာမှာ အလွန်ပင် ထိတ်လန့်နေသည်။
တာအိုဂိုဏ်းဝင် အမျိုးသမီး တစ်ယောက်၏ တည်ငြိမ်မှုမျိုး လုံးဝ မရှိတော့ပေ။
"ကျွန်မ မိစ္ဆာတစ်ကောင်နဲ့ တွေ့ခဲ့တယ်၊ အသွင်ပြောင်းတာ ကျွမ်းကျင်တယ်၊ ကျွန်မပုံစံအတိုင်း ပြောင်းလိုက်တော့ ခွဲခြားရတာ ခက်ခဲတယ်လေ "
"တာအိုနန်းတော်ထဲက ယောက်ျားတစ်ယောက်နဲ့ မိန်းမနှစ်ယောက် အားလုံး ဒီမိစ္ဆာလက်ချက်နဲ့ သေကုန်ပြီ "
တင်းရုံ စိတ်ထဲတွင် ကြောက်ရွံ့မှုများ ကျန်ရစ်နေသည်။
လီယန်ချူ မျက်ခုံးများ ပင့်တက်သွားသည်
"ဒီ ကျန်းထင်ရှန်း နတ်ဘုရားနယ်မြေ အပျက်အစီးထဲမှာ အသွင်ပြောင်းတာ ကျွမ်းကျင်တဲ့ ဒီလို မိစ္ဆာမျိုး ရှိသေးတာလား "
သူ့အမြင်တွင်။
ဒီမိစ္ဆာတွေက အလွန် ကြမ်းတမ်းတဲ့ အရာတွေ ဖြစ်ပေမယ့် ဉာဏ်ရည် မရှိသလောက်ပဲ၊ အလွန် အန္တရာယ်များတဲ့ မိုက်ရူးရဲတွေလို့ပဲ ထင်ခဲ့တာ။
ဒါပေမဲ့ အခုတော့ အသွင်ပြောင်းတာ ကျွမ်းကျင်တဲ့ မိစ္ဆာတစ်ကောင် ပေါ်လာပြန်ပြီ
"ဟုတ်တယ် "
တင်းရုံ၏ မျက်လုံးများမှာ လွင့်ပျံသွားပြီး
"အရမ်းကြောက်ဖို့ကောင်းတယ်၊ လူလား မိစ္ဆာလားလို့ ခွဲခြားလို့ မရဘူး"
ဟု ရေရွတ်သည်။
တင်းရုံ၏ ခန္ဓာကိုယ်မှာ မထိန်းနိုင်ဘဲ တုန်ရီနေသည်။
ထိုလှပသော မျက်နှာမှာ ယခုအခါ သွေးရောင် လုံးဝ မရှိတော့ဘဲ သနားစရာကောင်းသော အလှကိုသာ ပိုမို ပေါ်လွင်စေသည်။
လီယန်ချူက ဇူဖူကွေ့ ပြောပြသမျှကို ကြားဖူးသည်။
တင်းရုံမှာ သူနှင့်အတူ ခရီးမသွားဘဲ တစ်ကိုယ်တော် ကျန်းထင်ရှန်း အပျက်အစီးကို ရှာဖွေရန် သွားခဲ့ခြင်း ဖြစ်သည်။
ဒီလိုမျိုး ကြုံတွေ့ရလိမ့်မည်ဟု မထင်ထားမိပေ။
တကယ်ကို ကံဆိုးတာပဲ
"အဲဒီမိစ္ဆာ အခု ဘယ်မှာလဲ"
လီယန်ချူက မေးလိုက်သည်။
တင်းရုံက မထိန်းနိုင်ဘဲ နောက်သို့ ပြန်ကြည့်လိုက်သည်
"ခုနက သူက ကျွန်မပုံစံအတိုင်း ပြောင်းပြီး ကျွန်မကို သတ်ဖို့ ကြိုးစားတယ် ကျွန်မ ရင်ဘတ်ထဲက တာအိုနန်းတော် မှော်ပစ္စည်းနဲ့ ရိုက်လိုက်မှ ဒဏ်ရာရသွားပြီး ကျွန်မ လွတ်လာခဲ့တာ အခုဆိုရင် မကြာခင် လိုက်လာတော့မှာ "
လီယန်ချူ အနည်းငယ် မျက်မှောင်ကြုတ်လိုက်သည်။
ရုတ်တရက်။
ပုံရိပ်တစ်ခုမှာ လေပြေကဲ့သို့ ဖြတ်သန်းလာသည်။
တာအိုဝတ်ရုံ ဝတ်ထားသော တင်းရုံပင် ဖြစ်သည်
မြင်ကွင်းမှာ အရင်အတိုင်း ပြန်ဖြစ်လာသကဲ့သို့ပင်
ယခု ပျံသန်းလာသော တင်းရုံက လီယန်ချူကို မြင်သောအခါ မျက်လုံးများတွင် ဝမ်းမြောက်သွားသော်လည်း၊ ချက်ချင်းပင် သူမ၏ မျက်နှာအမူအရာမှာ ပြောင်းလဲသွားသည်။
"တာအိုဆရာ သတိထားပါ ရှင်နောက်က မိန်းကလေးက မိစ္ဆာက အသွင်ပြောင်းထားတာ "
ထို တင်းရုံက အရေးတကြီး ပြောသည်။
တင်းရုံနှစ်ယောက် တစ်ပြိုင်နက် ပေါ်လာသည်
တစ်ယောက်ကို တစ်ယောက် မိစ္ဆာဟု အပြန်အလှန် စွပ်စွဲနေကြသည်။
တစ်ယောက်မှာ ထိတ်လန့်နေပြီး ဒဏ်ရာများဖြင့်။
တစ်ယောက်မှာ ဒဏ်ရာမရှိဘဲ တည်ငြိမ်သော အရှိန်အဝါဖြင့်။
လီယန်ချူက ခုနကမှ အရှိန်ဝါကြည့်အတတ် ကို အသုံးပြု၍ ပထမဆုံး တင်းရုံ၏ ချီကို ကြည့်ခဲ့ပြီးပြီ၊ တစ်စုံတစ်ရာ ပြဿနာ မရှိပေ။
ချက်ချင်းပင်။
သူသည် တာအိုဂိုဏ်း၏ အရှိန်ဝါကြည့်အတတ်ကို ထပ်မံ အသုံးပြုလိုက်သည်။
မျက်လုံးအောက်တွင် ကြည်လင်သော အလင်းရောင်များ ဝန်းရံနေသည်။
သို့သော် သူ့ကို အံ့အားသင့်စေသည်မှာ။
ဒုတိယမြောက် တင်းရုံမှာလည်း ပြဿနာ လုံးဝ မရှိပေ
လီယန်ချူ၏ အကြည့်မှာ နက်နဲသွားသည်။
အရှိန်ဝါကြည့်အတတ်ဖြင့်ပင် ၎င်း၏ လျှို့ဝှက်ချက်ကို မဖောက်ဖျက်နိုင်ဘူးလား
သို့သော် ဘေးနားရှိ မျက်နှာဖြူဖျော့နေသော တင်းရုံမှာ အခွင့်အရေးယူပြီး တိုက်ခိုက်ခြင်း မရှိဘဲ၊ ထိတ်လန့်စွာဖြင့် လီယန်ချူဘက်သို့ တစ်လှမ်း တိုးလာသည်။
"တာအိုဆရာ သူမကို မယုံပါနဲ့ တာအိုနန်းတော်ထဲက လူသုံးယောက်ကို သတ်ခဲ့တဲ့ မိစ္ဆာက ဒီကောင်မပဲ "
ဘေးနားရှိ တင်းရုံက ပြောသည်။
အဝေးမှ တင်းရုံမှာ အမြန် ရောက်လာပြီး မြင်းမြီးယပ် ကို ကိုင်ထားကာ တည်ငြိမ်စွာ ရှိနေသည်။
"တာအိုဆရာ သတိထားပါ သူမရဲ့ အယောင်ဆောင်မှုကို မယုံပါနဲ့ "
မှောင်မည်းနေသော ထို နတ်ဘုရားနယ်မြေ အပျက်အစီးထဲတွင် ထူးဆန်းသော လေထုတစ်ခု ပျံ့နှံ့နေသည်။
(စစ်မှန်သော မျောက်ဘုရင်နှင့် အတု)။ လီယန်ချူမှာ တကယ်ကိုပဲ စိတ်ပျက်မိသည်။
"အရှိန်ဝါကြည့် အတတ်နဲ့တောင် မဖောက်နိုင်တဲ့ အသွင်ပြောင်းနည်းလား "
သူသည် ရှစ်ခွင်မှန် ကို ချက်ချင်း ထုတ်လိုက်သည်
အဖြူရောင် နတ်ဘုရား အလင်းတန်းတစ်ခု ပစ်လွှတ်လိုက်ရာ တင်းရုံနှစ်ယောက်လုံးကို လွှမ်းခြုံသွားသည်။
ရှစ်ခွင်မှန်သည် တာအိုဂိုဏ်းတွင် အသုံးများသော မှော်ပစ္စည်းဖြစ်ပြီး အသွင်ပြောင်းခြင်းနှင့် လျှို့ဝှက်ခြင်းတို့ကို ဖောက်ဖျက်နိုင်သည်။
"တာအိုဆရာ သတိထားပါ၊ ဒီမိစ္ဆာက အလွန် လိမ္မာပါးနပ်တယ် "
နောက်မှ ရောက်လာသော တည်ငြိမ်သည့် တင်းရုံက သတိပေးသည်။
"သူမကို မယုံနဲ့ သူမ....သူမက ဒီအပျက်အစီးထဲက မိစ္ဆာပဲ "
ရှစ်ခဃင်မှန်၏ အလင်းရောင်မှာ နှစ်ယောက်စလုံး၏ လျှို့ဝှက်ချက်ကို ဖောက်ဖျက်နိုင်ခြင်း မရှိဘဲ ပုံမှန်အတိုင်းပင် ဖြစ်နေသည်။
လီယန်ချူ၏ အကြည့်များ အေးစက်နေသည်။
ရှစ်ခွင်မှန်ပင်လျှင် သူတို့၏ နက်နဲမှုကို မမြင်နိုင်ပေ။
"ကောင်းတဲ့ နည်းလမ်းပဲ "
လီယန်ချူက အေးစက်စွာ ရယ်မောလိုက်သည်။
မိုးကြီးအတတ်၏ အရှိန်အဝါများ ရုတ်တရက် တက်လာသည်။
"ကောင်းကင်နှင့် မြေကြီး၏ စင်ကြယ်သော ယန်စွမ်းအား မိုးကြိုးငါးပါး အတတ်"
"ငါ့ကို တည့်တည့်မကြည့်ရဲတဲ့အရာအားလုံးဟာ မိစ္ဆာတွေပဲ "
သူ၏ မျက်လုံးများထဲတွင် ကြီးမားသော လျှပ်စီးများ တောက်ပနေသည်။
မိုးကြိုးအတတ်မှာ ကောင်းကင်နှင့် မြေကြီး၏ အစင်ကြယ်ဆုံး ယန်စွမ်းအား ဖြစ်သည်။
မိစ္ဆာများအတွက် အလွန် အန္တရာယ်ကြီးသည့် အရာ ဖြစ်သည်။
ခလွတ်
ကောင်းကင်ကြိုးမှာ ကျဆင်းလာသကဲ့သို့ပင်
ဘေးနားရှိ တင်းရုံမှာ ကြောက်ရွံ့ခြင်း မရှိဘဲ၊ ထိုမိုးကြိုး အရှိန်အဝါကို အသုံးပြု၍ စိတ်ထဲရှိ ကြောက်ရွံ့မှုများကို ဖယ်ရှားလိုက်သည်။
တည်ကြည်သော အကြည့်ဖြင့်။
နောက်မှ ရောက်လာသော တင်းရုံမှာမူ အနည်းငယ် ခေါင်းစောင်းသွားပြီး လီယန်ချူ၏ ပြတ်သားသော အကြည့်ကို မကြည့်ရဲပေ။
ချွင်
ကျန့်ကျောင်းဓား ဓားအိမ်မှ ထွက်လာသည်
တောက်ပသော ဓားအလင်းတန်းတစ်ခု လင်းလက်သွားသည်။
လီယန်ချူသည် ပထမဆုံး တွေ့ခဲ့သော တင်းရုံအား ဓားနဲ့ခုတ်လိုက် သည်။
ကျန့်ကျောင်းဓားဖြင့် ခါးတစ်ပိုင်း ပြတ်သွားအောင် ခုတ်လိုက်သည်
ချက်ချင်းပင် သွေးများ ပန်းထွက်လာသည်
တင်းရုံက သူ့ကို မယုံနိုင်စွာ ကြည့်နေပြီး အံ့အားသင့်သော အမူအရာဖြင့်
"ဘာလို့လဲ "
လီယန်ချူ၏ ဓားမှာ မြန်လွန်းသဖြင့် တင်းရုံမှာ ချက်ချင်း အသက်မထွက်သေးဘဲ လှပသော မျက်နှာမှာ သွေးများဖြင့် ဖုံးလွှမ်းသွားသည်။
ကြည့်ရသည်မှာ အလွန် ကြောက်မက်ဖွယ်ကောင်းလှသည်
လီယန်ချူမှာ အမူအရာ မရှိပေ။
"မင်းရဲ့ လှည့်ကွက်တွေကို ရပ်လိုက်တော့၊ ဒီဓားက မင်းကို သတ်လို့ မရဘူး "
သူ၏ အသံမှာ အေးစက်နေသည်။
ခါးတစ်ပိုင်း ပြတ်သွားသော တင်းရုံမှာ ရုတ်တရက် အေးစက်သော အပြုံးတစ်ခုကို ပြလိုက်သည်။
"အို၊ မင်း သိသွားတာပေါ့ "
ခလွတ်
သူမ၏ ခန္ဓာကိုယ်မှာ သူ့အလိုလို ပြန်ပေါင်းသွားသည်၊ အပေါ်ပိုင်းနှင့် အောက်ပိုင်း အနည်းငယ် ပြောင်းပြန် ဖြစ်နေသော်လည်း ချက်ချင်းပင် ထူးဆန်းစွာ ပြန်လှည့်သွားသည်။
နားကွဲမတတ် အသံများ ထွက်ပေါ်လာပြီး လူကို ကြက်သီးထစေသည်။
"သတ်ဖြတ်လိုစိတ် ပြင်းထန်တဲ့ တာအိုဆရာ မင်းက အပြစ်မဲ့သူကို မှားသတ်မိမှာ မကြောက်ဘူးလား"
ဒီ တင်းရုံက ညှို့ဓာတ်ပါသော အပြုံးဖြင့် ပြောသည်။
လီယန်ချူမှာ အမူအရာ မရှိဘဲ မျက်လုံးထဲတွင် လျှပ်စီးများ တောက်ပနေသည်။
"မင်းက တကယ် ဘယ်က လာတာလဲ၊ အဲဒီခေတ်က ကျန်းထင်ရှန်း နတ်ဘုရားနယ်မြေမှာ တကယ် ဘာတွေ ဖြစ်ခဲ့တာလဲ "
အတု တင်းရုံက လှောင်ပြုံးဖြင့် ပြောသည်
"မင်းက ငါ့ကို ပြန်မဖြေဘဲ မေးခွန်းထုတ်နေတာတကယ်ကိုပဲ မိန်းကလေးတွေကို မညှာတာတတ်ဘူး "
"မင်း မိစ္ဆာ ငါ့ပုံစံအတိုင်း အယောင်ဆောင်ပြီး လှည့်စားတာ၊ သေသင့်တယ် "
တင်းရုံက ဒေါသတကြီး အော်ဟစ်လိုက်သည်။
လက်ထဲရှိ မြင်းမြီးယပ် ကို ပြင်းထန်စွာ ရိုက်လိုက်သည်။
အဖြူရောင် အလင်းတန်းတစ်ခုက အတု တင်းရုံကို လွှမ်းခြုံသွားသည်။
အတု တင်းရုံမှာ ခန္ဓာကိုယ်ကို လှည့်လိုက်ရာ ပေအနည်းငယ် အကွာသို့ ရောက်သွားသည်။
"ရိုးအတဲ့ မိန်းကလေး မင်းက ဒီလောက် အေးစက်နေရင် ဒီ တာအိုဆရာလေးရဲ့ စိတ်ကို ဘယ်လို ဆွဲဆောင်မလဲ "
"မင်းက သူ့ကို အရင်ကတည်းက စိတ်ဝင်စားနေတာ မဟုတ်ဘူးလား "
အတု တင်းရုံ၏ အသံမှာ ပြောပြလို့ မရအောင် ညှို့ဓာတ် ပါနေသည်။
ခုနက ကြောက်စရာကောင်းသည့်ပုံစံထက် ပိုမို ဆွဲဆောင်မှု ရှိနေသည်။
တင်းရုံ ၏ မျက်နှာမှာ နီရဲသွားပြီး ချက်ချင်း အေးစက်သွားသည်။
မှော်စာလုံးကို အသုံးပြုလိုက်သည်။
ဒီ လှည့်စားတတ်တဲ့ မိစ္ဆာကို ရိုက်နှက်ရန် ပြင်ဆင်လိုက်သည်။
သို့သော်။
သူမ၏ ခန္ဓာကိုယ်မှာ ရုတ်တရက် တောင့်တင်းသွားပြီး လက်နှင့် ခြေထောက်များကို သူမ ထိန်းချုပ်မရတော့ပေ
အတု တင်းရုံက ပြုံးရွှင်စွာဖြင့် သူမ၏ အဝတ်အစားကို ချွတ်လိုက်ရာ၊ တင်းရုံးကလည်း သူမ၏ လက်များဖြင့် အဝတ်အစားကို ချွတ်နေသည်ကို မျက်စိဖြင့် မြင်နေရသည်။
သူမမှာ တာအိုဂိုဏ်းဝင် အမျိုးသမီး တစ်ယောက်ဖြစ်ပြီး ငယ်ရွယ် လှပသည်။
သို့သော် ယောက်ျားတစ်ယောက်နှင့် မဆက်ဆံဖူးသလို၊ ယောက်ျားတစ်ယောက်၏ ရှေ့တွင် အဝတ်အစား ချွတ်ခြင်းမျိုး မရှိခဲ့ဖူးပေ။
အပြင်အဝတ်အစားများ ကျွတ်သွားသည်နှင့်။
တင်းရုံ၏ မျက်နှာမှာ နီရဲသွားသည်။
အတု တင်းရုံ၏ ခန္ဓာကိုယ်မှာ လှုပ်ရှားနေပြီး အပူဓာတ်များ ထွက်ပေါ်နေကာ ပြောပြလို့ မရအောင် ဆွဲဆောင်မှု ရှိနေသည်။
ထို မြင်ကွင်းမှာ လှပပြီး ထူးဆန်းလှသည်။
"ပေလို့မ....ယုတ်မာလိုက်တာ "
လီယန်ချူက အေးစက်စွာ အော်လိုက်သည်။
လက်တစ်ဖက်ကို ရိုက်ထုတ်လိုက်သည်
ဗြုန်း
အတု တင်းရုံံရှိနေသည့် နေရာမှာ ချက်ချင်းပင် တွင်းနက်ကြီး ဖြစ်သွားသည်
တစ်ချိန်တည်းတွင်၊ တင်းရုံံ နှစ်ယောက်လုံးမှာ တူညီသော အမူအရာဖြင့် လှပစွာ ပျံတက်သွားသည်။
အဝတ်အစား နှစ်စုံမှာ တစ်ပြိုင်နက်တည်း မြေပေါ်သို့ ကျသွားသည်။
တင်းရုံ၏ မျက်နှာမှာ နီရဲသွားသည်။
လီယန်ချူက သူမ၏ ရှေ့တွင် ကာထားပေးပြီး မကြည့်ခဲ့ပေ။
အမှန်တော့။
ဘယ်သူ့ကို ကြည့်ကြည့် အတူတူပဲလေ
"တာအိုဆရာလေး၊ ဒီ အပျက်အစီးနယ်မြေထဲမှာ၊ လူသတ်တာကို ဘယ်သူမှ ဂရုမစိုက်ဘူး ဘာလို့ ဟန်ဆောင်နေတာလဲ ပျော်ရွှင်အောင် မနေတာလဲ "
အတု တင်းရုံက ပြုံးရွှင်စွာ ပြောသည်။
အခန်း (၂၁၂) - လှေပေါ်တက်ခြင်း
"သူမက ငါ့ရဲ့ မိုးကြိုးငါးပါး အတတ်ကို တည့်တည့်မကြည့်ရဲတာ မဆန်းပါဘူး၊ အမှန်တော့ သူမရဲ့ ခန္ဓာကိုယ်ထဲမှာ မင်းက အရိပ်ဝိညာဉ်တစ်ခု ပျိုးထောင်ထားတာကိုး "
လီယန်ချူက အေးစက်စွာ ရယ်မောလိုက်သည်။
မိုးကြိုးငါးပါးအဆောင် က အတားအဆီးကို ဖျက်ဆီးလိုက်သလို လီယန်ချူ၏ ကိုယ်ခန္ဓာရှိ စင်ကြယ်သော ယန်စွမ်းအားကိုလည်း လှုပ်နှိုးလိုက်သည်။
ထို့ပြင် အစီရင်ဝတ်စု ၏ အထောက်အပံ့ဖြင့်
သူ၏ ကိုယ်ခန္ဓာပတ်လည်တွင် လျှပ်စီးနှင့် မီးတောက် အရှိန်အဝါများ ပေါ်ထွက်လာသည်။
အတု တင်းရုံ၏ အပြုံးမှာ ချက်ချင်းပင် တောင့်တင်းသွားပြီးနောက် ရယ်မောကာ ပြောသည်
"သိသွားရင် ဘာဖြစ်လဲ၊ မင်းက ငါ့ရဲ့ နည်းလမ်းတွေကို ဖျက်ဆီးနိုင်မယ်လို့ ထင်နေတာလား "
"ထွက်ခဲ့စမ်း "
လီယန်ချူက ကျယ်လောင်စွာ အော်ဟစ်လိုက်သည်
လက်ကို ပြန်လှည့်၍ ဖမ်းဆုပ်လိုက်သည်
ထျန်းကန်းလက်
လင်းငှက်ကို ထိန်းချုပ်ပြီး နဂါးကို ဖမ်းဆုပ်ခြင်း
သူ၏ သွေးချီမှာ ကြီးမားသော နေမင်းကြီးကဲ့သို့ တောက်ပနေပြီး တိုက်ခိုက်လိုစိတ်မှာ ပွက်ပွက်ဆူနေသည်။
"အား "
အသံကျယ်ကြီးဖြင့် အော်ဟစ်လိုက်သံ ထွက်ပေါ်လာသည်။
အမည်းရောင် အရိပ်တစ်ခုကို တင်းရုံ၏ ခန္ဓာကိုယ်ထဲမှ အတင်းအဓမ္မ ဆွဲထုတ်လိုက်သည်။
ဗြုန်း
နောက်တစ်စက္ကန့်တွင် ပူပြင်းသော အတွင်းအားဖြင့် ရိုက်ချလိုက်ရာ ပြာအဖြစ်သို့ လွင့်စဉ်သွားသည်။
တင်းရုံ၏ အမူအရာမှာ ချက်ချင်း ပေါ့ပါးသွားသည်။
ထိုထူးဆန်းသော ထိန်းချုပ်ခံထားရသည့် ခံစားချက်မှာ ပျောက်ကွယ်သွားပြီ
အတု တင်းရုံမှာမူ မျက်နှာအမူအရာ လုံးဝ ပြောင်းလဲသွားသည်။
"မဖြစ်နိုင်ဘူး"
"မင်းရဲ့ နည်းလမ်းက တာအိုလမ်းစဉ်နဲ့ မတူဘူး"
လီယန်ချူ၏ အကြည့်များမှာ အေးစက်နေပြီး သတ်ဖြတ်လိုစိတ်များ ပေါ်ထွက်နေသည်။
"လူတွေကို လှည့်စားတဲ့ မင်းလို မိစ္ဆာက ကောင်းကင်နဲ့ မြေကြီးကို မသိနားမလည်ဘဲ လူတိုင်းကို ကိုယ့်လက်ထဲက အရုပ်လို ကစားလို့ ရမယ်လို့ ထင်နေတာလား "
"သေစမ်း"
လီယန်ချူက ခြေလှမ်းတစ်လှမ်း လှမ်းလိုက်ရာ မြေပြင်မှာ တုန်ခါသွားသည်
လက်သီးတစ်ချက် ထိုးထုတ်လိုက်သည်။
အရိုင်းဆန်သော လက်သီးချက်၏ အရှိန်အဝါမှာ အတု တင်းရုံရှေ့သို့ တိုက်ရိုက် ရောက်ရှိသွားသည်။
ထျန်းကန်းလက်
တောင်ကို ဖျက်ဆီးသော လေဟာနယ်
ဗြုန်း
အတု တင်းရုံမှာ ထိုပူပြင်းပြီး အရိုင်းဆန်သော သိုင်းသမား၏ သွေးချီကြောင့် နောက်သို့ ဆုတ်ခွာသွားရပြီး သူမ၏ နောက်ကွယ်တွင် နက်ရှိုင်းသော မြောင်းကြီးတစ်ခု ဖြစ်ပေါ်သွားသည်။
သူမ၏ လက်နှစ်ဖက်တွင် ထက်ရှသော အမည်းရောင် အလင်းတန်းများ ပေါ်လာပြီး လီယန်ချူကို တိုက်ရိုက် ဝင်ရောက် တိုက်ခိုက်သည်။
ရွှီးးး
လီယန်ချူက ကျန့်ကျောင်းဓာ ထဲသို့ စွမ်းအားများ ထည့်သွင်းကာ ခေါင်းပေါ်မှ ဓားဖြင့် ခုတ်ချလိုက်သည်။
အတု တင်းရုံ၏ သတ်ဖြတ်ခြင်း နည်းလမ်းများမှာ ကျန့်ကျောင်းဓား၏ ရှေ့တွင် မည်သည့်အရာမှ မဟုတ်ပေ
လက်တစ်ဖက် ပြတ်ကျသွားသည်။
လီယန်ချူက ကိုယ်ဟန်ကို ရွှေ့လိုက်ပြီး ဆက်လက် တိုက်ခိုက်လိုက်ရာ ဓားအလင်းတန်းမှာ လေဆင်နှာမောင်းကဲ့သို့ ဖြစ်နေသည်
အတု တင်းရုံမှာ ချက်ချင်းပင် အပိုင်းပိုင်း ပြတ်သွားတော့သည်။
ကျန့်ကျောင်းဓားမှာ ဤကဲ့သို့ လှည့်ကွက်များသော အရာများကို အထူးတလည် တိုက်ခိုက်နိုင်သည်။
အတု တင်းရုံမှာ ရှားပါးသော မိစ္ဆာ ဖြစ်သော်လည်း ပြန်လည်ကောင်းမွန်လာရန်မှာ လွယ်ကူလှသည်မဟုတ်
လီယန်ချူက ကျောက်ထျန်းတံဆိပ်တုံး ကို တိုက်ရိုက် ထုတ်လိုက်သည်
ရှေးဟောင်းတံဆိပ်မှာ လေထဲတွင် ကြီးမားလာသည်။
ကောင်းကင်တစ်ခုလုံးရှိ နတ်ဘုရား မီးတောက်များက အတု တင်းရုံကို လွှမ်းခြုံသွားသည်။
အားးး
အတု တင်းရုံမှာ အော်ဟစ်ချိန်ပင် မရလိုက်ဘဲ လုံးဝ မီးလောင်ပြာကျသွားတော့သည်။
ထို ကောင်းကင်နှင့် မြေကြီးက သူမ၏ ကျန်ရှိနေသော အရှိန်အဝါများကို အတင်းအဓမ္မ ဖယ်ရှားပစ်လိုက်သည်။
ကောင်းကင်ဘုံက လက်မခံ
လူကို လှည့်စားပြီး အသွင်ပြောင်းအတတ် ကျွမ်းကျင်သော မိစ္ဆာတစ်ကောင်မှာ လီယန်ချူ၏ လက်ချက်ဖြင့် လုံးဝ ပျက်စီးသွားသည်။
ပြင်းထန်စွာ နှိမ်နင်းခြင်း
တင်းရုံမှာ အလွန် အံ့ဩသွားသည်။
ဒီ လီတာအိုဆရာ ရဲ့ ကျင့်စဉ်က ဘာကြောင့် ဒီလောက် ကြမ်းတမ်းနေရတာလဲ
သူမ လျှောက်သွားပြီး ကျေးဇူးတင်စကား ပြောသည်။
လီယန်ချူက သူမ၏ အသက်ကို နောက်တစ်ကြိမ် ကယ်တင်ပေးလိုက်ခြင်း ဖြစ်သည်။
မဟုတ်လျှင် သူမမှာ ဒီမိစ္ဆာ၏ ပစ်မှတ် ဖြစ်လာပြီး မကြာခင်မှာပင် သူမ၏ ခန္ဓာကိုယ်ကို လုယူခံရတော့မည်မှာ သေချာသည်။
လီယန်ချူက ခေါင်းအနည်းငယ် ညိတ်ပြလိုက်သည်။
တည်ငြိမ်စွာပင် လက်ခံလိုက်သည်။
ဒီ တင်းရုံက တကယ်ကိုပဲ ကံဆိုးတာပဲ။
ဒီတစ်ခါမှာ ဒီလိုအရာမျိုးနဲ့ ဆုံတွေ့ရတယ်လို့
"လီ တာအိုဆရာ ကျွန်မ တစ်ခု မေးချင်တာ ရှိတယ် "
တင်းရုံက ရုတ်တရက် ပြောသည်။
လီယန်ချူက ပြုံးရွှင်စွာဖြင့်
"ဘာလို့ ငါ မင်းကို ခွဲခြားနိုင်တာလဲ ဆိုတာကိုလား"
"ဟုတ်တယ် "
တင်းရုံက
"မိုးကြိုးငါးပါးအတတ်မှာ စိတ်ထားမမှန်သူတွေက တည့်တည့်မကြည့်ရဲဘူး၊ ခုနက တာအိုမိတ်ဆွေရဲ့ ဓားချက်က ကျွန်မကို ခုတ်ရမှာလေ "
လီယန်ချူက
"ရှစ်ခွင်မှန်နဲ့တောင် မမြင်နိုင်တဲ့ မိစ္ဆာက ဘာလို့ မိုးကြိုးအတတ်ကို ကြောက်ရမှာလဲ "
တင်းရုံမှာ အံ့ဩသွားသည်
"ဒီလောက်ပဲလား "
လီယန်ချူက ပြုံးရွှင်စွာဖြင့်
"မင်းနဲ့ပတ်သက်တဲ့ ငါ့ရဲ့ အကဲဖြတ်ချက်အရကြောက်စရာကောင်းတဲ့ အခြေအနေနဲ့ ကြုံတွေ့ရရင်တောင် မင်းက အားနည်းတဲ့ မိန်းကလေးလို ပြုမူမှာ မဟုတ်ဘူး အရာအားလုံးကို ရင်ဆိုင်ဖို့ ဆုံးဖြတ်ချက် ရှိရမှာလေ "
တင်းရုံမှာ ကြောင်သွားပြီးနောက် တိတ်ဆိတ်သွားသည်။
"ကျေးဇူးတင်ပါတယ် "
ခဏကြာမှ သူမက ဖြည်းညှင်းစွာ ပြောလိုက်သည်။
သိထားသင့်သည်။
လီယန်ချူနှင့် ပထမဆုံးတွေ့စဉ်က၊ ထို တင်းရုံ မှာ အရှက်မခွဲခံရစေရန် မိမိကိုယ်ကို ဖျက်ဆီးပစ်ရန်ပင် ဝန်မလေးခဲ့ပေ။
သူတို့နှစ်ဦး ဘေးချင်းယှဉ် ရပ်နေကြပြီး ဘယ်သူမှ စကားမပြောကြပေ။
တိတ်ဆိတ်စွာပင် ကူးတို့လှေ ရောက်လာသည်ကို စောင့်နေကြသည်။
လီယန်ချူ စိတ်ထဲတွင် တင်းရုံ၏ စိတ်ရှုပ်ထွေးမှုများကို ဂရုမစိုက်ပေ။
သူသည် ပြဿနာ တစ်ခုကို စဉ်းစားနေသည်။
"ဒီမိစ္ဆာက တကယ် ဘာအရာလဲ "
မူလက လီယန်ချူက အလွန်ကြောက်စရာကောင်းတဲ့ တည်ရှိမှု တစ်ခုခုက နတ်ဘုရားနယ်မြေထဲကို ဝင်လာပြီး မိစ္ဆာပုံစံနဲ့ လှည့်စားနေတာလို့ ထင်ခဲ့တာ။
ဒါပေမဲ့ သတ်ဖြတ်ပြီးတဲ့အခါမှာတော့ ကောင်းကင်နှင့် မြေကြီးက လက်မခံတဲ့ အခြေအနေမှာ အခြားမိစ္ဆာတွေနဲ့ အတူတူပဲ ဖြစ်နေတယ်။
သူက အမှောင်မိုက်ဆုံးနှင့် တိတ်ဆိတ်နေသော ကျန်းထင်ရှန်း အပျက်အစီးကို ကြည့်လိုက်သည်။
စိတ်ထဲတွင်လည်း အနည်းငယ် အေးစက်သွားသည်။
"ဒါက ဘယ်လိုလုပ် နတ်ဘုရားနယ်မြေ ဖြစ်တော့မှာလဲ၊ ဒါက အလွန် ကြောက်စရာကောင်းတဲ့ နေရာပဲ "
"နတ်ဘုရား အခွင့်အရေးကို ရဖို့အတွက် လူဘယ်လောက်တောင် သေရဦးမှာလဲ"
ရုတ်တရက်။
လီယန်ချူ စိတ်ထဲတွင် ထိတ်လန့်သွားသည်
"ဒီ အပျက်အစီးထဲမှာ အဲဒီတုန်းက မိစ္ဆာတွေ လှုပ်ရှားနေတယ်ဆိုရင်၊ အဲဒီတုန်းက အသက်ရှင်ကျန်ရစ်ခဲ့တဲ့ တာအိုဂိုဏ်းဝင်တွေ ရှိနေဦးမလား "
သာမန် ကျင့်ကြံသူတွေရဲ့ သက်တမ်းက မရှည်ပေမယ့်။
ဒီနယ်မြေကို စီမံခန့်ခွဲတဲ့ မြေပြင်နတ်ဘုရားကော
"အဲဒီ နတ်ဘုရားက တကယ်ပဲ သေဆုံးသွားတာလား "
နတ်ဘုရား၏ လက်ဆောင်ကို ရရှိခဲ့သလို၊ နတ်ဘုရား၏ အကြွင်းအကျန် ဝိညာဉ် ကျန်းထင်ရှန်းကို ပြန်သွားတာကိုလည်း မြင်ခဲ့ဖူးသည်။
ဒါပေမဲ့ ဒါက နတ်ဘုရား သေဆုံးသွားပြီလို့ မဆိုလိုနိုင်ဘူးလေ
ကောင်းကင်နှင့် မြေကြီးမှာ တိတ်ဆိတ်နေသည်
ကျယ်ပြောသော မြစ်ပြင်ပေါ်တွင် ကူးတို့လှေမှာ ဖြည်းညှင်းစွာ ဆိုက်ကပ်လာသည်။
ကြမ်းတမ်းပြီး သန်မာသော ကူးတို့လှေဆရာမှာ လှေခေါင်းတွင် ရပ်နေပြီး မျက်လုံးများမှာ လျှပ်စီးကဲ့သို့ အေးစက်နေသည်။
လီယန်ချူ ရုတ်တရက် တွေးမိသည်။
"အဲဒီ လျှို့ဝှက်ဆန်းကြယ်တဲ့ လူက ကျန်းထင်ရှန်းထဲက လူပဲ မဟုတ်လား "
သူ စိတ်ထဲတွင် လှုပ်ရှားသွားသည်။
ကူးတို့လှေဆရာ ကမ်းဆိုက်သည့်အခါ။
သူသည် တာအိုနန်းတော် မှော်ပစ္စည်းတစ်ခုကို ကူးတို့လှေဆရာထံ ပေးလိုက်ရာ ကူးတို့လှေဆရာက ခေါင်းအနည်းငယ် ညိတ်ပြသည်။
လီယန်ချူ လှေပေါ်သို့ ဖြည်းညှင်းစွာ တက်လိုက်သည်။
လှေပေါ်တက်သည့် ခံစားချက်မှာ အလွန် ပေါ့ပါးပြီး သစ်သားလှေနှင့် မတူဘဲ စက္ကူလှေကဲ့သို့ပင်
သူ နောက်သို့ လှည့်ကြည့်ရာ တင်းရုံမှာ ခက်ခဲသော အမူအရာ ဖြစ်နေသည်။
"ဘာဖြစ်တာလဲ"
လီယန်ချူက မေးလိုက်သည်။
"ကျွန်မရဲ့ မှော်ပစ္စည်းက ပျက်စီးသွားပြီ၊ ကိုယ်ပေါ်မှာလည်း နတ်ဘုရား မှော်ပစ္စည်း မရှိတော့ဘူး "
တင်းရုံက တိုးတိုးလေး ပြောသည်။
လီယန်ချူက ခေါင်းအနည်းငယ် ညိတ်ပြသည်
"ဒါဆိုရင် မသွားနဲ့တော့ "
တင်းရုံ - "..."
လီယန်ချူက ကူးတို့လှေဆရာကို ပြောသည်
"အစ်ကိုကြီး၊ သွားလို့ရပြီ၊ သူမမှာ လှေခ မရှိဘူး "
ကူးတို့လှေဆရာမှာ ရုပ်ဆိုးပြီး အမူအရာ မရှိပေ။
ခေါင်းအနည်းငယ် ညိတ်ပြသည်။
လှေကို မောင်းနှင်၍ ထွက်ခွာရန် ပြင်ဆင်သည်။
"ခဏလောက် "
တင်းရုံက အော်ပြောသည်။
လီယန်ချူက သူမကို တစ်ချက် ကြည့်လိုက်သည်။
တင်းရုံ၏ မျက်နှာမှာ မသက်မသာ ဖြစ်နေပြီး
"တာအိုဆရာ ရှင့်ဆီမှာ အပို မှော်ပစ္စည်း ရှိရင်ကျွန်မကို ချေးပေးပါလား နောက်မှ မှော်ပစ္စည်း ရှာတွေ့ရင် ပြန်ပေးပါ့မယ် "
စိတ်လှုပ်ရှားစွာဖြင့်။
တင်းရုံက ချေးဖို့ စတင်လိုက်သည်
လီယန်ချူက အံ့ဩစွာဖြင့်
"ငါ မင်းကို အသက်အကြိမ်ကြိမ် ကယ်တင်ပေးခဲ့တယ်၊ ဘာမှ ပြန်မတောင်းခဲ့ဘူး၊ အခုတော့ မင်းက ငါ့ကို မှော်ပစ္စည်း ချေးခိုင်းနေတာလား "
တင်းရုံ၏ မျက်နှာမှာ နီရဲသွားသည်။
တာအိုနန်းတော် မှော်ပစ္စည်းမှာ အလွန် ရှားပါးပြီး၊ အစပိုင်းတွင် လူတိုင်း ရှာဖွေတွေ့ရှိတဲ့ တာအိုနန်းတော်မှလွဲရင်။
တာအိုနန်းတော် အပျက်အစီး အများစုတွင် မှော်ပစ္စည်း မရှိပေ။
ရှိခဲ့ရင်တောင် ဒီ မှော်ပစ္စည်းတွေက အထူးစွမ်းအား ပါဝင်ပြီး မိစ္ဆာတွေရဲ့ အနှောင့်အယှက်မှ ကာကွယ်ပေးနိုင်တယ်။
အလွန် တန်ဖိုးရှိသော ရတနာ ဖြစ်သည်။
သူမလည်း ခုနက မှော်ပစ္စည်း ချေးတာ မသင့်လျော်ဘူးလို့ တွေးမိသည်။
လီယန်ချူက သက်ပြင်းအနည်းငယ် ချလိုက်သည်
"ဒီခရီးက ဘေးအန္တရာယ် ရှိမရှိ မသိဘူး၊ မင်းရဲ့ ကံကြမ္မာက အလွန် ဆိုးဝါးတော့ အဲဒီမှာ သေသွားလိမ့်မယ် "
တင်းရုံ တိတ်ဆိတ်သွားသည်။
"ကျွန်မ ဒီတစ်ခါ လာတာက ကံကြမ္မာ ပြောင်းလဲဖို့ အတွက်ပါ၊ ဆရာက ကျွန်မမှာ သေကိန်း ရှိတယ် ကူညီပေးမယ့် သူရှိမှသာ ကံကြမ္မာကို ပြောင်းလဲနိုင်မယ် ပြောတယ်"
တင်းရုံက တိုးတိုးလေး ပြောသည်။
လီယန်ချူက အံ့ဩစွာဖြင့်
"ဒါဆိုရင် မင်းက ငါ့ကို ကံကြမ္မာ ပြောင်းလဲပေးမယ့် သူလို့ သတ်မှတ်ထားတာလား "
တင်းရုံ၏ မျက်နှာမှာ နီရဲသွားပြီး ထပ်မံ တိတ်ဆိတ်သွားသည်။
လီယန်ချူက ခဏလောက် စဉ်းစားပြီးနောက် တာအိုနန်းတော် မှော်ပစ္စည်းတစ်ခုကို ထုတ်ယူကာ တင်းရုံထံ ပစ်ပေးလိုက်သည်။
တင်းရုံ မော့ကြည့်လိုက်ရာ အနည်းငယ် စိတ်လှုပ်ရှားသွားသည်။
"နောက်ဆုံးအကြိမ်ပဲ လူတိုင်းက တစ်ခါတည်း ဆုံတွေ့ကြတာပါ ဒါကလည်း ငါ့ရဲ့ နောက်ဆုံး အကူအညီပါပဲ "
လီယန်ချူက ပြောသည်။
သူက ကူးတို့လှေဆရာကို သူ အစားထိုးခံလိုက်ရတဲ့ လျှို့ဝှက်ဆန်းကြယ်တဲ့ လူငယ်အကြောင်း မေးမြန်းဖို့ အခွင့်အရေး ရှာဦးမှာပါ။