အခန်း (၁၆၆၃-၁၆၆၅)

အခန်း(၁၆၆၃) လက်နက်ချမလား။

"ဟူး ငါတို့ ကယ်တင်ခံရပြီ”

ဟွမ်ဖုန်း သက်ပြင်းချလိုက်သည်။ ဤအခိုက်အတန့်တွင် သူ့ကျောပြင်တစ်ခုလုံး ချွေးများဖြင့် ရွှဲနစ်နေသည်ကို သဘောပေါက်လိုက်သည်။ ငရဲတံခါးကို ဖြတ်သွားသကဲ့သို့ ခံစားလိုက်ရသည်။ သူ့ရင်ထဲတွင် မာနတစ်စက်မျှ မရှိပေ။

မူလက ဟွမ်ဖုန်းသည် ​​သူ့ကိုယ်သူ အတိုင်းအတာတစ်ခုအထိ ဂုဏ်ယူခဲ့သည်။ မည်သို့ပင်ဖြစ်စေကာမူ ကြယ်ကြွေကောင်းကင်က ကမ္ဘာ့ထိပ်တန်းဂိုဏ်းဆယ်ဂိုဏ်းထဲက တစ်ခုဖြစ်သည်။ သူက အတွင်းစည်းတပည့်တစ်ယောက်ဖြစ်လျှင်ပင် ဂိုဏ်းငယ်လေးများ၏ ခေါင်းဆောင်တချို့ထက်ပင် ပို၍

အံ့မခန်းဖြစ်သည်။ အကယ်၍

သူသာ စစ်မှန်သော တပည့်တစ်ယောက် ဖြစ်လာနိုင်မည်ဆိုလျှင် အလတ်စားဂိုဏ်းတချို့၏ ခေါင်းဆောင်များနှင့် တန်းတူရပ်တည်နိုင်မည်ဖြစ်သည်။

သို့သော်လည်း သူနှင့် ဤထိပ်တန်းပညာရှင်များကြား ကွာဟချက်မည်မျှကြီးမားသည်ကို ယခု သူအမှန်တကယ်နားလည်သွားပေပြီ။ ၎င်းတို့က တူညီသောအဆင့်တွင် မရှိပေ။ သူသည် စစ်မှန်သောတပည့်တစ်ဦးဖြစ်လာရန် အခွင့်အလမ်းသာရှိကာ ဤလူများသည် ကြီးကျယ်ခမ်းနားသော စစ်မှန်သောတပည့်များဖြစ်နေပြီဖြစ်သည်။ ၎င်းတို့ကြား ခြေတစ်လှမ်းသာကွာဟတော့သည်ဟု ထင်ရသော်လည်း အမှန်တကယ်တွင် ကွာခြားချက်မှာ ကောင်းကင်နှင့်မြေကြီးကဲ့သို့ဖြစ်သည်။

ဟွမ်လင်အာသည် ရင်ဘတ်အောင့်အောင့်ဖြင့် မောဟိုက်စွာ ရှူရှိုက်နေရသည်။ သူမ၏ နူးညံ့သိမ်မွေ့သော မျက်နှာက ရဲတွတ်နေသည်။ သေမင်းလက်မှ လွတ်မြောက်ခြင်းသည် သူမအား အကြီးအကျယ် ထိခိုက်စေခဲ့သည်။

သေခြင်းတရားက သူမနှင့် ဘယ်သောအခါကမတှ

ဤမျှ နီးနီး မရောက်ခဲ့ဖူးပေ။

"ဒါက ချူးယွင်ဖန်းလား” ဟွမ်လင်အာက ထိတ်လန့်စွာပြောသည်။

"ကျွန်တော်လည်း အဲ့လိုထင်တယ်” ဟွမ်ဖုန်းက ခဏစဉ်းစားပြီးနောက် ပြောလိုက်သည်။

သူခါးသီးစွာပြုံးလိုက်ကာ အထူးသဖြင့် ဖန်ရှီရှင်းနှင့် အခြားသူများက ချူးယွင်ဖန်းကို အမြောက်စာအဖြစ် အသုံးပြုလိုခဲ့ကြသည်ကို တွေးမိသည်။ နောက်ဆုံးတွင် သူနှင့် ဟွမ်လင်အာတို့သည် ချူးယွင်ဖန်းကြောင့် ကယ်တင်ခံခဲ့ရသည်။

ယင်းကို လူများက ကံကြမ္မာဟု ခေါ်ကြသည်။

ဟွမ်ဖုန်းနှင့် ဟွမ်လင်းအာတို့ တစ်ယောက်ကိုတစ်ယောက်ကြည့်လိုက်ကြသည်။ ချူးယွင်ဖန်းသည် ယခုအချိန်မှသာ ထွက်လာကာ ယခင်က အဘယ်ကြောင့် မတိုက်ခိုက်ခဲ့သည်ကို သူတို့နားလည်ကြသည်။ သူသည် ဖန်ရှီရှင်းကို သတ်ချင်ခဲ့သည်မှာ ကြာခဲ့ပြီဖြစ်ပုံရကာ သင်းကွဲကြယ်က ဖန်ရှီရှင်းကို သတ်သည်ကို ကြည့်ပြီးနောက်မှသာ တိုက်ခိုက်ခဲ့ခြင်း ဖြစ်သည်။

သို့သော်လည်း ၎င်းတို့တွင် ပြောစရာစကား မရှိပေ။ မည်သို့ပင်ဖြစ်စေကာမူ ချူးယွင်ဖန်းသည် သင်းကွဲကြယ်၏ လက်ချက်ဖြင့် သူတို့ကို သတ်ဖြတ်ခံရသည်ကို ကြည့်နိုင်သော်လည်း သူမလုပ်ခဲ့ပေ။ သူသည် ၎င်းတို့အတွက် အကောင်းဆုံး ကြိုးစားပေးခဲ့သည်။

"ကျွန်တော်တို့ ကယ်တင်ခံရပြီ။ သင်းကွဲကြယ်က ဘယ်လိုလုပ် ဒီလောက်ကြောက်စရာကောင်းရတာလဲ။"

ကျန်ရှိနေသော အသက်ရှင်ကျန်ရစ်သူများမှာ ယခုမှသာ သက်ပြင်းချနိုင်ခဲ့ကြသည်။ မူလက ဤနေရာတွင် လူထောင်ပေါင်းများစွာ ရှိခဲ့သည်။ သို့သော် အိုမင်းနေသော ကောင်းကင်နတ်ဆိုးနှင့် သင်းကွဲကြယ်၏ ကြောက်မက်ဖွယ်ကောင်းသော သတ်ဖြတ်မှုအပြီးတွင် လူနှစ်ရာထက်နည်းသော လူများသာ ကျန်ရှိတော့သည်။

သူတို့ အံ့အားသင့်သွားကြသည်။ လူတိုင်းက သင်းကွဲကြယ်၏ ဦးခေါင်းကို ဆင့်ကဲပြောင်းလဲခြင်းဆေးနှင့် လဲလှယ်ရန် ရည်ရွယ်ချက်နှင့် ရောက်လာကြခြင်းဖြစ်သည်။

သင်းကွဲကြယ်က မြက်ရိတ်သကဲ့သို့ သတ်ပစ်မည်ကို မည်သူ သိမည်နည်း။

ထိုအချိန်၌ ၎င်းတို့၏ ယခင် အတွေးများသည် မည်မျှ ရယ်စရာကောင်းကြောင်း

နောက်ဆုံးတွင် နားလည်သွားကြသည်။ တခြားသူများကို သင်းကွဲကြယ်ကို ခြုံခို တိုက်ခိုက်ချင်ကြသော်လည်း သင်းကွဲကြယ်က ၎င်းတို့ကို တိုက်ခိုက်ခဲ့သည်။

"သွားကြစို့။ အဲ့လူ ဘယ်တော့သတ်မယ်ဆိုတာ ဘယ်သူမှ မသိဘူး!" တစ်ယောက်က အော်ပြောလိုက်သည်။

လူတိုင်းက ချက်ချင်းပင် ငှက်များ၊ သားရဲများကဲ့သို့ ပြန့်ကျဲသွားကြသည်။ ၎င်းတို့က သင်းကွဲကြယ်နှင့် မယှဉ်နိုင်ကြသော်လည်း ၎င်းတို့ကို

ဝန်းရံထားသည့် မသေမျိုးများ

ထွက်ပြေးသည်ကို မတားဆီးနိုင်ခဲ့ပေ။

နောက်ဆုံးတွင် ဟွမ်ဖုန်းနှင့် ဟွမ်လင်အာတို့သာ ကျန်တော့သည်။

"ချူးယွင်ဖန်း မသေပါစေနဲ့လို့ ငါဆုတောင်းတယ်။"

ဟွမ်လင်အာ သက်ပြင်းချလိုက်သည်။

"သူသေမယ်လို့ ကျွန်တော် မထင်ဘူး" ဟွမ်ဖုန်းက ပြောလိုက်သည်။

"သူ အသက်ရှင်လိမ့်မယ်လို့ နင်ထင်လား" ဟွမ်လင်အာက ဟွမ်ဖုန်းကို သံသယဝင်စွာ ကြည့်လိုက်သည်။ သူအဘယ်ကြောင့် ရုတ်တရက် ဤသို့ပြောမိကြောင်း သူမ မသိပေ။

"သူ မသေရုံတင်မကဘူး ချူးယွင်ဖန်းက ကျွန်တော်တွေ့ဖူးသမျှထဲမှာ အလျှို့ဝှက်ဆုံးလူပဲ။ သူက မိုးကြိုးခရမးနယ်မြေကလာတာ

ဒါပေမယ့် သူ့မှာ ထိတ်လန့်စရာကောင်းတဲ့ အမွေအနှစ်ရှိတယ်။ သူက သာမန်လူမဟုတ်ဘူး။ ဒါ့အပြင် သူတိုက်ခိုက်တုန်းက ငါတို့ကို ကယ်တင်ဖို့ သင်းကွဲကြယ်ထွက်လာအောင် ကြိုးစားနေတာလို့ ကျွန်တော် ခံစားရတယ်။ သူ့မှာ တခြားနည်းလမ်းတွေ အများကြီးရှိတယ်။"

ဟွမ်ဖုန်းက ပြောရင်း ရယ်လိုက်သည်။ ဒီအကြံဥာဏ်က ရယ်စရာကောင်းသည်ဟု သူခံစားလိုက်ရသည်။

ချူးယွင်ဖန်းက သင်းကွဲကြယ်နှင့် မည်သို့ ယှဉ်နိုင်မည်နည်း။ သင်းကွဲကြယ်ဆီမှ

လွတ်မြောက်ရန် သင်းကွဲကြယ်ကို သတ်ခြင်းကပင် သူ့အတွက် ခက်ခဲနေပါပြီဖြစ်သည်။

ယင်းက လုံးဝ မဖြစ်နိုင်ပေ။

သို့သော်လည်း ဟွမ်ဖုန်းက ၎င်းသည် အလွန်ဖြစ်နိုင်သည်ဟု ခံစားခဲ့ရသည်။ သူသည် ချူးယွင်ဖန်းကို ခဏတာသာ သိခဲ့သော်လည်း ချူးယွင်ဖန်းက သူ့ကို နားမလည်နိုင်သော ခံစားချက်ကို ပေးခဲ့သည်။ သူသည် ချူးယွင်ဖန်း သေပြီဟု အကြိမ်ပေါင်းများစွာ ထင်ခဲ့သော်လည်း အံ့အားသင့်ဖွယ် တန်ပြန်တိုက်ခိုက်မှုများကို တစ်ခုပြီးတစ်ခု ပြုလုပ်ခဲ့ကာ လူတိုင်း၏ မျှော်လင့်ချက်များကို လုံးဝကျော်လွန်ခဲ့သည်။

ဟွမ်လင်အာက ဟွမ်ဖုန်း၏ ယုံကြည်မှုက မည်သည့်နေရာမှလာသည်ကို မသိသော်လည်း သူမက ခေါင်းညိတ်လိုက်သည်။

"ဖြစ်ကောင်းဖြစ်နိုင်တယ်၊ ဒါပေမယ့် ဘာပဲဖြစ်ဖြစ် ငါတို့ ဒီမှာ ကြာကြာမနေသင့်ဘူး"

သူမလည်း ချူးယွင်ဖန်း အနည်းငယ်ထူးဆန်းနေသည်ကို သတိပြုမိသော်လည်း ဤအချိန်တွင် မသေမျိုးများ ပျံသန်းလာကာ ၎င်းတို့ နှစ်ယောက်ကို ဝိုင်းထားကြသည်။

"ဟုတ်တယ်၊ ထွက်သွားကြရအောင်" ဟွမ်ဖုန်းက ပြန်ဖြေ၍ ဟွမ်လင်းအာနှင့်အတူ လျင်မြန်စွာ ထွက်ပြေးသွားသည်။

***

ချူးယွင်ဖန်းသည် မြန်နှုန်းမြင့်ဖြင့် ပျံသန်းသွားကာ သူ့နောက်တွင် သင်းကွဲကြယ်က အနီးကပ် လိုက်နေသည်။ တစ်ခါတစ်ရံ သင်းကွဲကြယ်၏လက်မှ ကြောက်မက်ဖွယ်ကောင်းသော တိုက်ခိုက်မှုများ ထွက်ပေါ်လာသည်။

သူ့မျက်လုံးများသည် သွေးရောင် နီရဲနေကာ အလွန်ဒေါသထွက်နေသည်။ သူ့ကိုယ်သူ လိမ္မာသည်ဟု ထင်ခဲ့သော်လည်း ချူးယွင်ဖန်းသည် သူ့လက်မှ ဖြတ်ယူနိုင်ခဲ့သည်။

၎င်းသည် အလွန်ရှက်ဖွယ်ကောင်းကာ မျက်နှာကို တာ့်တည့်ဟိုက်ခြင်းပင်ဖြစ်၏။

"မင်းထွက်ပြေးလို့မရဘူး။ မင်းကမ္ဘာမြေအဆုံးထိပြေးရင်တောင် ငါမင်းကိုဖမ်းပြီး အပိုင်းပိုင်းဆွဲဖြဲပစ်မယ်!" သင်းကွဲကြယ်က ကြုံးဝါးလိုက်သောအခါ သူ့ခန္ဓာကိုယ်ထဲမှ နတ်စွမ်းအားက နတ်ဆိုးမီးလျှံကဲ့သို့ လောင်ကျွမ်းသွားသည်။

သို့သော်လည်း ချူးယွင်ဖန်းက ရပ်လိုက်ကာ သင်းကွဲကြယ်ကို လှည့်ကြည့်လိုက်သည်။

သူ့ကို ခုန်အုပ်တော့မည့် သင်းကွဲကြယ်က

ရပ်၍ ချူးယွင်ဖန်းကို သံသယဝင်စွာ ကြည့်လိုက်သည်။ ချူးယွင်ဖန်း၏ လုပ်ရပ်များသည် သူ့အတွက် အလွန်ထူးဆန်းနေပုံပေါ်သည်။

သူ့အမြင်အရ ချူးယွင်ဖန်းက သူ့ကြိုး၏ အဆုံးတွင် ရှိမနေသင့်သော်လည်း ယခု ချူးယွင်ဖန်းရုတ်တရက် ရပ်တန့်သွားသည်။

ဤသည်က ထောင်ချောက်တစ်ခုဟု သူ့အလိုလို ခံစားမိလိုက်သည်။

"ငါ မပြေးနိုင်တာကြောင့် မပြေးတော့ဘူး" ချူးယွင်ဖန်းက ပြုံးလိုက်သည်။

ပတ်ဝန်းကျင်ရှိ နတ်ဆိုးစွမ်းအင်သည် ချူးယွင်ဖန်းအတွက် မည်သည့်ခြိမ်းခြောက်မှုမျှ မဖြစ်စေခဲ့ဘဲ ဆန့်ကျင်ဘက်အနေဖြင့် သူသည် ကောင်းကင်ဘုံရှိ ရေထဲကငါးတစ်ကောင်ကဲ့သို့ပင်ဖြစ်နေ၏။

ချူးယွင်ဖန်း အလွန်စိတ်လှုပ်ရှားသွားမိသည်။ ကောင်းကင်ဝါးမြိုခြင်းကဲ့သို့ ထိတ်လန့်ဖွယ်ကောင်းသော သိုင်းပညာကို ဖန်တီးခဲ့သော ဆေးဧကရာဇ်သည် သူ့မျိုးဆက်၏ ပါရမီရှင်တစ်ဦးသာ ဖြစ်သည်။ ဝိညာဉ်စွမ်းအင်ဖြစ်စေ၊ နတ်ဆိုးစွမ်းအင်ဖြစ်စေ၊ မည်သည့်စွမ်းအင်မျိုးဖြစ်စေ ချူးယွင်ဖန်းသည် သူအသုံးမပြုနိုင်သော စွမ်းအင်ကို မတွေ့ရှိသေးပေ။

"မင်းက တော်တော်လိမ္မာတာပဲ။ မင်းနာခံမှုရှိရှိ လက်နက်ချရင် မင်းရဲ့အလောင်းကို ငါထားခဲ့မယ်" သင်းကွဲကြယ်က အေးစက်စက်အပြုံးဖြင့် ပြောလိုက်သည်။

"လက်နက်ချမလား။ အခွင့်အရေးနည်းတယ်။"

ချူးယွင်ဖန်းက လက်ပြလိုက်သည်။

"ဒီလူသူကင်းမဲ့တဲ့နေရာကို မင်းကိုခေါ်လာနိုင်ဖို့ မလွယ်ဘူး။ မင်းရဲ့အလောင်းကို မြှုပ်နှံဖို့ ငါ့အတွက် အကောင်းဆုံးနေရာပဲ။"

အခန်း(၁၆၄၄)ဟုတ်ပြောင်းလဲခြင်း၏ ပထမ တိုက်ပွဲ

"ငါ့အလောင်းကို မြှုပ်မယ်ဟုတ်လား" သင်းကွဲကြယ်က အေးစက်စက်ပြောလိုက်သည်။

သင်းကွဲကြယ်၏ မျက်လုံးထဲ၌ သံသယအရိပ်အယောင်တစ်ခု ဖြတ်ပြေးသွားသည်။ သူ၏ ခွန်အားကြောင့်သာမက ဉာဏ်ပညာကြောင့်ပါ ပြင်းထန်သော ပြိုင်ဆိုင်မှုနှင့် သတ်ဖြတ်မှုများ ပြည့်နှက်နေသည့် နက္ခတ်နတ်ဆိုးတွင် သူသည် စစ်မှန်သော တပည့်တစ်ယောက်ဖြစ်လာခဲ့သည်။ ထို့ကြောင့် သူသည် မြေခွေးတစ်ကောင်ကဲ့သို့ လိမ္မာပါးနပ်သည်။ မုန့်ထျန့်ရန်က

လိုက်လံဖမ်းဆီးနေချိန်တွင် သူသည်။

ဤထောင်ချောင်ကို ထောင်နိုင်ခဲ့ကာ လူတိုင်းက သူ့ကိုတိုက်ခိုက်၍ အိုမင်းနေသော ကောင်းကင်နတ်ဆိုးကို ဆွဲခေါ်သွားအောင် လုပ်နိုင်သည်။ ထိုသိူ့သောလူမျိုးက သဘာဝအတိုင်း အန္တရာယ်များကို လွယ်လွယ်နှင့် မယူပေ။

ချူးယွင်ဖန်းက သူ့အတွက် နည်းနည်းထူးဆန်းနေပုံရသည်။ သူ့ကို ထောင်ချောက်ဆင်ထားသည်ဟု သူ သံသယဝင်မိသော်လည်း သူ၏

နတ်စွမ်းအားနှင့် ထိုနေရာကို

စစ်ဆေးပြီးနောက် ထောင်ချောက် မတွေ့ခဲ့ပေ။

သူက နှာခေါင်းရှုံ့လိုက်သည်။

"မင်းတကယ်ပဲ ငါ့ကို ကြောက်အောင်လုပ်နိုင်မယ်လို့ ထင်လား"

သင်းကွဲကြယ်က သူ၏ နတ်စွမ်းအင်နှင့် ပတ်ဝန်းကျင်ကို စစ်ဆေးပြီးဖြစ်ကာ အရာများစွာကို မြင်တွေ့ပြီးပြီဖြစ်သည်။ ယင်း၌ ထောင်ချောက်များ မရှိသကဲ့သို့ အတားအဆီး သို့မဟုတ် အစီအရင် ဖွဲ့စည်းပုံ၏ အရိပ်အယောင်လည်း မရှိပေ။ တစ်နည်းအားဖြင့် ချူးယွင်ဖန်းက လိမ်ညာနေခြင်းဖြစ်သည်။ ထိုသို့သော အခြေအနေမျိုးကို သူ အကြိမ်ပေါင်းများစွာ မြင်တွေ့ခဲ့ရသော်လည်း ကြောက်လန့်၍ ထွက်ပြေးမည့် သာမန်လူတစ်ယောက် မဟုတ်ပေ။

"မင်းကို ကြောက်အောင်လုပ်မယ်ဟုတ်လား။ ငါအဲ့လိုလုပ်စရာမလိုဘူး။" ချူးယွင်ဖန်းက လှောင်ပြောင်လိုက်သည်။

သူက တခြားသူများ သူ့ကို မမြင်စေချင်သဖြင့် သင်းကွဲကြယ်ကို

ဤနေရာထိ ခေါ်လာခဲ့ခြင်းဖြစ်သည်။ သူ၏ လျှို့ဝှက်ချက်ကို လူထုကို မပြောပြနိုင်သေးပေ။ ဖန်ရှီရှင်းက သူ့ကို အသုံးချရန် ကြိုးစားနေချိန်၌ ဟွမ်ဖုန်းက သူ့အတွက် ရပ်တည်ပေးခဲ့သဖြင့် ဟွမ်ဖုန်းနှင့် ဟွမ်လင်အာကို ကယ်တင်ရန်

ရွေးချယ်ခဲ့တာခြင်းဖြစ်သည်။ ချူးယွင်ဖန်းကလည်း ယင်းကို ကောင်းကောင်း သိသည်။

"ဘယ်လောက်တောင် ရယ်စရာကောင်းလိုက်လဲ။ ငါ့ကို ကြောက်အောင် လုပ်နေတုန်းပဲလား"

သင်းကွဲကြယ်က ကြုံးဝါးလိုက်သည်။

ချက်ချင်းပင် ကြောက်မက်ဖွယ်ကောင်းသော အရှိန်အဝါတစ်ခု ထွက်ပေါ်လာသည်။ ဤအရှိန်အဝါသည် ချူးယွင်ဖန်း၏ ခန္ဓာကိုယ်ကို ကြေမွသွားစေသည့် ကြောက်မက်ဖွယ်ကောင်းသော ဖိအားတစ်ခုကို ဖန်တီးပေးခဲ့သည်။ ၎င်းသည် သာမန် ဒြပ်မဲ့အဆင့်သာ ဖြစ်ပါက ယခုအချိန်တွင် ပြင်းထန်စွာ ဒဏ်ရာရရှိနိုင်ဖွယ်ရှိသည်။

သူ၏ လေ့ကျင့်မှုအဆင့်ကို ရောက်ရှိပြီးနောက် သင်းကွဲကြယ်က သာမန်လူတစ်ယောက် မဟုတ်တော့ပေ။ သူ၏ စိတ်စွမ်းအားများသည် ရန်သူအားလုံးကို သတ်ပစ်ရန် လုံလောက်သည်အထိပေါ်လာနိုင်သည်။

ချူးယွင်ဖန်း၏ မျက်နှာအမူအရာက မပြောင်းလဲပေ။ သင်းကွဲကြယ်က အစွမ်းထက်သော်လည်း မုန့်ထျန့်ရန်၏ လက်ချက်နှင့် ပြင်းထန်စွာ ဒဏ်ရာရရှိပြီးနောက် သူ၏ မူလအစွမ်းကို ဆုံးရှုံးခဲ့ရသည်။ အများဆုံးအနေနှင့် သူသည် လေ့လာသူအဆင့်၏ အထွတ်အထိပ်၌သာ ရှိပါသေးသည်၌

သင်းကွဲကြယ်က သာမန် အမြင့်ဆုံး ဒြပ်မဲ့ပြီးပြည့်စုံအဆင့်ထက် များစွာ ပိုအစွမ်းထက်သော်လည်း ဒြပ်မဲ့အဆင့်ကို အပြီး မကျော်နိုင်သေးပေ။

လီချန်ယွမ်သည် ချူးယွင်ဖန်း၏ တောင်မြစ်ပန်းချီကား ရှိနေခြင်းကို ခံစားမိခဲ့ကာ ဓားအလင်းသင်္ကေတရှိ ဓားအလင်းကို အသုံးပြု၍ လီချန်ယွမ်အား ပြင်းထန်စွာ ဒဏ်ရာရရှိစေရန် ဖိအားပေးခံခဲ့ရသည်။

လီချန်ယွမ်နှင့် နှိုင်းယှဉ်လျှင် သူ၏ အထွတ်အထိပ်တွင်ပင် သင်းကွဲကြယ်သည် လီချန်ယွမ်၏ လှုပ်ရှားမှုအချို့ကို ခံနိုင်ရည်ရှိမည်မဟုတ်ပေ။

"အိုး၊ တော်လိုက်တာ။ မင်းမှာ အရည်အချင်းတွေတော့ ရှိတယ်။ ငါ့ရဲ့ အငွေ့အသက်ကို ခံနိုင်ရည်ရှိခဲ့ပေမယ့် အဲဒါက မင်းရဲ့ အတိုင်းအတာပဲ။" သင်းကွဲကြယ်က လှောင်ပြောင်လိုက်သည်။

"မင်းလို အတွင်းစည်းတပည့်တစ်ယောက်က တကယ့်တပည့်တွေ ဘယ်လောက်ကြောက်စရာကောင်းလဲဆိုတာ ဘယ်လိုလုပ် နားလည်နိုင်မှာလဲ။ မင်းလို အမှိုက်ကောင်က ငါ့နောက်ကို လိုက်ရဲတာလဲ။ တကယ့်ကို ဟာသပဲ!"

သင်းကွဲကြယ်၏ မျက်နှာအမူအရာက ယှဉ်နိုင်စရာမရှိအောင် မာနကြီးနေသည်။ တရှ တစ်ခုလုံးတွင် ဂိုဏ်းကြီးဆယ်ဂိုဏ်း၏ စစ်မှန်သော တပည့်များနှင့် အတွင်းစည်းတပည့်များသည် မတူညီသော ကမ္ဘာနှစ်ခုက လာကြသည်။ တစ်ယောက်က မြင့်မြတ်သော လူတန်းစားဖြစ်ကာ နောက်တစ်ယောက်က သာမန်လူဖြစ်သည်။

"မုန့်ထျန့်ရန်ကြောင့် ငါဒဏ်ရာရသွားပြီး ပြန်ကောင်းလာဖို့ စွမ်းအင်နဲ့ သွေးတွေ အများကြီးလိုအပ်တာက မဆန်းပါဘူး။ မင်းရဲ့အသားနဲ့သွေး၊ မင်းရဲ့နတ်ဘုရားစွမ်းအား၊ မင်းရဲ့ကံကောင်းမှုတွေ၊ မင်းရဲ့မှော်ပစ္စည်းတွေက ငါ့ကိုကောင်းကောင်းအကျိုးပြုလိမ့်မယ်။ ငါမင်းကိုဝါးမျိုလိုက်တာနဲ့ ငါ့ဒဏ်ရာတွေရဲ့ထက်ဝက်ကျော် ပြန်ကောင်းလာလိမ့်မယ်။"

သင်းကွဲကြယ် စကားပြောနေစဉ်၌ သူ့မျက်လုံးထဲတွင် လောဘအရိပ်အယောင်များ ဖြတ်ပြေးသွားသည်။ ချူးယွင်ဖန်း၏ သွေးအနှစ်သာရက ထိတ်လန့်စရာကောင်းသော အဆင့်ကို ရောက်နေပြီဆိုသည်ကို အာရုံခံစားမိစေသည့် လျှို့ဝှက်နည်းစနစ်တစ်ခု သူ့တွင်ရှိသည်။

လေ့လာသူအဆင့် ဆယ်ဂဏန်းလောက်၏ သွေးအနှစ်သာရနှင့် ယှဉ်ပါက ချူးယွင်ဖန်း၏ တက်ကြွသော အသက်ဓာတ်က သူယခုအချိန်တွင် အရေးတကြီး လိုအပ်နေသည့်အရာဖြစ်သည်။

"အရှက်မရှိ ကြွားလုံးထုတ်တာပဲ" ချူးယွင်ဖန်းက လှောင်ပြောင်လိုက်သည်။

"ဟားဟားဟား၊ အရှက်မရှိ ကြွားနေတာလား" သင်းကွဲကြယ်ကလည်း လှောင်ပြောင်လိုက်ပြီး ချက်ချင်းပင် တိုက်ခိုက်ရန် ဦးဆောင်လိုက်သည်။

အဆုံးမဲ့နတ်ဆိုးစွမ်းအင်မှ စုစည်းလာသော ဧရာမနတ်ဆိုးလက်သည်းကြီးတစ်ခုထွက်ပေါ်လာသည်။ ဤကြီးမားသောလက်သည် ကောင်းကင်ကိုဖုံးအုပ်ထားသော မိုးတိမ်ကဲ့သို့ နေရာတစ်ခုလုံးကို ပိတ်ဆို့ထားသည်။ ၎င်းသည် ဒြပ်မဲ့ပြီးပြည့်စုံအဆင့်ကို ချက်ချင်းသတ်နိုင်သည်။

သင်းကွဲကြယ်က သတိထားနေခဲ့သည်။ ဒြပ်မဲ့ပြီးပြည့်စုံတစ်ယောက်နှင့်

ရင်ဆိုင်ရသောအခါ သူဤမျှ အစွမ်းထက်သည့် နတ်ဘုရားစွမ်းအားကို တစ်ခါမျှ မသုံးဖူးပေ။ သို့သော်

သူ မသက်မသာခံစားရသဖြင့် သူ၏ အစွမ်းကုန် တိုက်ခိုက်ခဲ့သည်။

ချူးယွင်ဖန်းလည်း သူ့လှုပ်ရှားမှုကို ပြုလုပ်လိုက်သည်။ ချက်ချင်းပင် သူ့ခန္ဓာကိုယ်မှ ကြမ်းတမ်းပြီး ရှေးကျသော အရှိန်အဝါတစ်ခု ထွက်ပေါ်လာသည်။ မရေမတွက်နိုင်သော ဆံပင်ရှည်များသည် သူ၏ ချွေးပေါက်တိုင်းမှ ပေါက်လာပြီး သူ၏ သွားများသည် ရုတ်တရက် သွားစွယ်များအဖြစ်သို့ ပြောင်းလဲသွားသည်။

ခဏအတွင်း၌ ချူးယွင်ဖန်းသည် ဧရာမသားရဲတစ်ကောင်အဖြစ် ပြောင်းလဲသွားခဲ့သည်။ ထိုသားရဲက ရွှေရောင်သန်းကာ တောင်ငယ်လေးတစ်ခုကဲ့သို့လည်း ထင်ရသည်။

ရက်စက်ကြမ်းကြုတ်သော သားရဲသည် လေထဲတွင်ရှိသော နတ်ဆိုးလက်သည်းကို ဖမ်းကိုင်လိုကသည်။ !

နတ်ဆိုးလက်သည်းသည် သားရဲလက်သည်းဖြင့် အပိုင်းပိုင်းကွဲသွားလေသည်။

"ဒါဘာလဲ?" သင်းကွဲကြယ်၏ မျက်နှာအမူအရာ ပျက်သွားသည်။

ဤရက်စက်ကြမ်းကြုတ်သော သားရဲဆီမီ အလွန်ကြောက်မက်ဖွယ်ကောင်း၍ ရက်စက်ကြမ်းကြုတ်သော အရှိန်အဝါကို သူခံစားမိသည်။ ထိုရက်စက်ကြမ်းကြုတ်သည့် အရှိန်အဝါက သူ့ခန္ဓာကိုယ်မှ ထုတ်လွှတ်လိုက်သည့် နတ်ဆိုးအရှိန်အဝါထက် အဆပေါင်းများစွာ ပိုကြောက်စရာကောင်းသည်။ ယင်းက

အသက်အဆင့်အတန်း၏ ကွာခြားချက်ဖြစ်သည်။

"ဒါ ဟုတ်ပဲ!" သင်းကွဲကြယ်က ရက်စက်ကြမ်းကြုတ်သော သားရဲကို ချက်ချင်း မှတ်မိလိုက်သည်။ ရှေးဟောင်းဒဏ္ဍာရီများထဲမှ ဟုတ်သတ္တဝါဖြစ်ကြောင်း ရှင်းရှင်းလင်းလင်း သိလိုက်ရငည်။

သူ့မျက်လုံးထဲတွင် လောဘကြီးသည့် အကြည့်တစ်ချက် ဖြတ်ပြေးသွားသည်။.ချူးယွင်ဖန်းကည ဟုတ်မဟုတ် လူသားတစ်ယောက်ဖြစ်ကြောင်း သူ သေချာသည်။ တစ်နည်းအားဖြင့် ဟုတ်အဖြစ် ပြောင်းလဲနိုင်သည့် နည်းစနစ်က နတ်ဘုရား စွမ်းရည် သို့မဟုတ် လျှို့ဝှက်နည်းစနစ်တစ်ခု ဖြစ်ကြောင်း သေချာသည်။ ထိုနည်းစနစ်ကို

အသုံးပြုပြီးနောက် ချူးယွင်ဖန်းသည် အားနည်းသည့် အဆင့်မှ သူကိုယ်တိုင်ပင် အနည်းငယ် အံ့အားသင့်သွားလောက်အောင် အစွမ်းထက်သောအဆင့်ကို ရောက်သွားသည်။

ခွန်အား အံ့အားသင့်စရာ တိုးလာတာပဲ

"ဒီလျှို့ဝှက်နည်းစနစ်ကို ငါရရမယ်!" သင်းကွဲကြယ်က သူသာ ထိုနည်းစနစ်ကို အသုံးချနိုင်လျှင် သူ၏ခွန်အားက ကြီးမားသော ပြောင်းလဲမှုများ ကြုံတွေ့ရလိမ့်မည်ဟု မြင်ယောင်ကြည့်နိုင်သည်။ ထိုအချ်န်၌ ဍ နက္ခတ်နတ်ဆိုး၏ တပည့်စစ်များသည် ခွန်အားများ များစွာတိုးလာပေမည်။

သင်းကွဲကြယ်၏ အမြင်တွင်။ ချူးယွင်ဖန်း၏ ဟုတ်က ရွေ့လျားနျေသာ ရတနာသိုက်တစ်ခုနှယ်ဖြစ်သည်။

ချူးယွင်ဖန်း ပြောင်းလဲခဲ့သော ဟုတ်သည် ကောင်းကင်ထိကြားရနိုင်သော အော်ဟစ်သံတစ်ခု ထွက်ပေါ်လာခဲ့သည်။ ရက်စက်ကြမ်းကြုတ်သော အရှိန်အဝါလှိုင်းများ ထွက်ပေါ်လာခဲ့သည်။ သူ့ခန္ဓာကိုယ်တစ်ခုလုံးသည် ရွှေရောင်မီးလျှံဘောလုံးကဲ့သို့ မှောင်မိုက်သော နတ်ဆိုးနယ်မြေ အတွင်းတွင် ယှဉ်နိုင်စရာမရှိအောင် တောက်ပနေသည်။

အခန်း(၁၆၆၅) သင်းကွဲကြယ်ကို ရိုက်နှက်ခြင်း

ဤအချိန်တွင် ချူးယွင်ဖန်း၏ခန္ဓာကိုယ်သည် မီးဂုဏ်သတ္တိနတ်ဘုရား၏စွမ်းအားဖြင့် တောက်ပနေသည်။ ထိုဟုတ်သည် မီးဒြပ်စင်ဖြစ်သည်။ မိုင်တစ်ထောင်ခန့် မြက်ခင်းပြင်များကို ခြောက်သွေ့သွားစေနိုင်သော ဒဏ္ဍာရီလာ မိုးခေါင်ရေရှားနတ်ဆိုးပင် ဟုတ်အမျိုးအစားပင်ဖြစ်သည်။

ချူးယွင်ဖန်း ပြောင်းလဲသွားသည့် ဟုတ်က

သဘာဝအတိုင်း အတူတူပင်ဖြစ်သည်။ သူ၏ ခွန်အားနှင့် တောင်ကုန်းအရွယ်အစား ခန္ဓာကိုယ်သည် မီးလျှံလုံးကြီးတစ်ခုအဖြစ် ပြောင်းလဲသွားခဲ့သည်။ အဝေးမှကြည့်ပါက မှောင်မိုက်သော နက္ခတ်နတ်ဆိုးနယ်မြေတွင် အလွန်တောက်ပနေသည်။

ချူးယွင်ဖန်း၏ ခွန်အားများ မြင့်တက်လာသည်ကို မြင်သောအခါ ကြောက်စရာကောင်းသော အရှိန်အဝါက သင်းကွဲကြယ်ကို မကြောက်စေရုံသာမက သူ့ကို အလွန်စိတ်လှုပ်ရှားစေခဲ့သည်။ ချူးယွင်ဖန်းက ဟုတ်အဖြစ် ပြောင်းလဲပြီးနောက် ပိုအားကောင်းလာလေလေ၊ သူ့အတွက် အကျိုးကျေးဇူးများ ပိုများလာလေလေဖြစ်သည်။

"ဟားဟားဟား၊ ဘယ်လောက်တောင် ကြီးမားတဲ့ နတ်ဘုရားစွမ်းအားလဲ။ ရှေးဒဏ္ဍာရီတွေထဲမှာ လူတစ်ယောက်ကို ရက်စက်ကြမ်းကြုတ်တဲ့ သားရဲအဖြစ် ပြောင်းလဲပေးနိုင်တဲ့ နတ်ဘုရားစွမ်းအားအကြောင်း ဖတ်ပဲဖတ်ဖူးတယ်။ ကောင်းကင်လေနဲ့ မြေကြီးရဲ့ ပြောင်းလဲမှုလို့ခေါ်တယ်။ တစ်နေ့မှာ ဒီမှာ ကိုယ့်မျက်စိနဲ့ကိုယ် မြင်ရမယ်လို့မထင်ထားဘူး" သင်းကွဲကြယ်က ကျယ်လောင်စွာ ရယ်လိုက်သည်။

မရေမတွက်နိုင်သည့် နတ်ဆိုးစွမ်းအင်များသည် သူ့ပတ်ပတ်လည်တွင် စုပုံလာကာ သူ့ကို နတ်ဆိုးသတ္တဝါတစ်ကောင်အဖြစ် ပြောင်းလဲတော့မယ့်အလား ပို၍ ရက်စက်ကြမ်းကြုတ်ပုံပေါက်သည်။

"ဘာမှ မလုပ်နဲ့!"

၎င်း၏မျက်လုံးများသည် အနီရောင်ဖြစ်နေသည်။ ဟုတ်၏ ရက်စက်ကြမ်းကြုတ်သော အရှိန်အဝါသည် ချူးယွင်ဖန်း၏ ဦးနှောက်ကို ကျူးကျော်ဝင်ရောက်ကာ သူ့ခန္ဓာကိုယ်ကို ထိန်းချုပ်ရန် ကြိုးစားနေသည်။

ချူးယွင်ဖန်းတွင် အချိန်များစွာမရှိကြောင်း သိသောကြောင့် အလျင်အမြန် လှုပ်ရှားလိုက်သည်။

ဝှစ်!

ချူးယွင်ဖန်း ပြောင်းလဲခဲ့သော ဟုတ်မှ မိုးကြိုးတောင်ပံတစ်စုံ ပေါက်လာသည်။ ၎င်းသည် ဟုတ်၏ နတ်ဘုရားစွမ်းရည်မဟုတ်ဘဲ မိုးကြိုးဓားကိုယ်ထည်မှ အသွင်ပြောင်းလာခြင်းဖြစ်သည်။

ခဏအတွင်း၌ ဟုတ်က သင်းကွဲကြယ်ရှေ့သို့ ရောက်လာသည်။

" မြန်တယ်"

သင်းကွဲကြယ်က သူ့အမြင်အာရုံ ဝေဝါးသွားသကဲ့သို့ ခံစားလိုက်ရသည်။ ချူးယွင်ဖန်း၏ ဧရာမခန္ဓာကိုယ်ကြီးက သူ့ရှေ့ကို တည့်တည့်ရောက်လာသည်။ ဟုတ်၏

ဧရာမခြေသည်းများသည် မီးနှင့် မိုးကြိုးကဲ့သို့ တောက်လောင်နေကာ ချက်ချင်းပင် အရာအားလုံးကို ဆုတ်ဖြဲ၍ သင်းကွဲကြယ်ကို ကုတ်ခြစ်လိုက်သည်။

သိုင်းပညာ သို့မဟုတ် နတ်ဘုရားစွမ်းအားများ မလိုအပ်ပေ။ ဤပေါ့ပေ့ါပါးပါး တိုက်ခိုက်မှုကသာ ကြီးမားသော စွမ်းအားကို ပေးစွမ်းနိုင်သည်။

သင်းကွဲကြယ်က အေးစက်စွာ နှာခေါင်းရှုံ့လိုက်သည်။ ချူးယွင်ဖန်းသည် ဤမျှမြန်ဆန်လိမ့်မည်ဟု သူသတိမထားမိသော်လည်း လုံးဝသတိမထားခြင်း မဟုတ်ပေ။ မရေမတွက်နိုင်သော နတ်ဆိုးစွမ်းအင်များမှ စုစည်းထားသော စွမ်းအင်ဒိုင်းတစ်ခုသည် သူ့ရှေ့တွင် ချက်ချင်းပေါ်လာသည်။

ဘမ်း

ကျယ်လောင်သော ပေါက်ကွဲသံအပြီးတွင် နတ်ဆိုးစွမ်းအင်ဒိုင်းသည် ပြိုကွဲသွားလေသည်။

"နက္ခတ်နတ်ဆိုးက ကမ္ဘာကြီးကို ဝါးမျိုတယ်!" သင်းကွဲကြယ်က လက်သီးနှင့် ထိုးလိုက်ရာ ဧရာမ လက်သည်းနှင့် တိုက်မိသွားသည်။

ဘမ်း

မြေပြင်နှင့် တောင်များ တုန်ခါသွားသည်။ သင်းကွဲကြယ်၏ ကျင့်ကြံမှု အထွတ်အထိပ်မှ ကျဆင်းသွားသော်လည်း ဒြပ်မဲ့ပြီးပြည့်စုံအဆင့်၏ အထွတ်အထိပ်တွင် ရှိနေဆဲဖြစ်သည်။ ချူးယွင်ဖန်းသည် ဟုတ်အဖြစ်သို့ ပြောင်းလဲသွားပြီးနောက် သူ၏ ခွန်အားသည် အရူးအမူး တိုးလာခဲ့သည်။ ထို့အပြင် သူ့တွင် ဟုတ်၏ ပုံမှန်မဟုတ်သော သွေးမျိုးဆက် ရှိသည်။ သင်းကွဲကြယ်နှင့် ညီတူညီမျှ တိုက်ခိုက်နိုင်သည်။

"ဟားဟား၊ ကောင်းတဲ့သားရဲ အခု ငါမင်းကိုသတ်တာကြည့်" သင်းကွဲကြယ်က ရယ်လိုက်သည်။

သူ ထပ်မံ၍ ထိုးလိုက်ရာ မရေမတွက်နိုင်အောင်များလှသော နတ်ဆိုးစွမ်းအင်များ စုစည်း၍ ယှဉ်နိုင်စရာမရှိသည့် ဧရာမနတ်ဆိုးတစ်ကောင် ဖြစ်လာသည်။ နတ်ဆိုးက သူ၏ မေးရိုးကြီးများကို ဖွင့်ကာ အရာအားလုံးကို ဝါးမျိုချင်နေသည်။ ဤသည်က နက္ခတ်နတ်ဆိုးများ၏

အဆုံးစွန်သော နည်းစနစ်များထဲမှ တစ်ခုဖြစ်သည်။ ယင်းသည် ကောင်းကင်နတ်ဆိုးများ၏ ဂေဟဗေဒကို လေ့လာပြီးနောက် ဂိုဏ်းကို တည်ထောင်သူက ဖန်တီးခဲ့သည့် တော်လှန်ရေးဆန်သည်။ သိုင်းပညာတစ်ခုဖြစ်သည်။ နက္ခတ်နတ်ဆိုးများတွင် စစ်မှန်သော တပည့်အဆင့်နှင့် အထက် ကျွမ်းကျင်သူများသာ ဤလှုပ်ရှားမှုကို ကျင့်ကြံရန် အရည်အချင်းပြည့်မီသည်။

သင်းကွဲကြယ်က ချူးယွင်ဖန်းကို တစ်ခါတည်းသတ်ရန် ရည်ရွယ်ထားသည်။ ချူးယွင်ဖန်းသည် မည်သည့်အရာများဖြစ်ပျက်နေကြောင်း လုံးဝမသိဘဲ ကောင်းကင်ကို လှမ်းကြည့်လိုက်သည်။

ဘမ်း

နှစ်ဖက်စလုံး တစ်ဖန်ပြန်လည် တိုက်ခိုက်ကြသည်။ သင်းကွဲကြယ်က ချူးယွင်ဖန်းကို ခါထုတ်နိုင်သည်ဟု ထင်နေစဉ်တွင် ချူးယွင်ဖန်း၏ ခန္ဓာကိုယ်ပေါ်တွင် အဆောင်တစ်ခု ပေါ်လာသည်ကို တွေ့လိုက်ရသည်။ အဆောင်သည် ပြိုကွဲသွားပြီး အဝါရောင် လည်စည်းဝတ်ဆင်ထားသော ခွန်အားကြီးသူတစ်ဦး ပေါ်ပေါက်လာခဲ့သည်။

ထို့နောက် ခွန်အားကြီးသူသည် ချူးယွင်ဖန်း၏ ခန္ဓာကိုယ်ထဲသို့ အပြေးအလွှား ဝင်ရောက်သွားသည်။ ချက်ချင်းပင် သူ့ခန္ဓာကိုယ်ပေါ်ရှိ မီးလျှံများသည် ပြန်လည်မြင့်တက်လာသည်။မူလက ချူးယွင်ဖန်းနှင့် တန်းတူညီမျှခဲ့သော သင်းကွဲကြယ်ကို လွင့်ထွက်သွားစေခဲ့သည်။

"မဖြစ်နိုင်ဘူး!"

သူ လွင့်ထွက်သွားသောအခါ သူ့မျက်လုံးများ ပြူးကျယ်သွားသည်။ ချူးယွင်ဖန်း၏ ခြေသည်းကြောင့် လွင့်ထွက်ခဲ့ရသည်ကို သူ မယုံနိုင်ပေ။

"ဒါက ခွန်အားနတ်ဘုရားအဆောင်ပဲ”

ချူးယွင်ဖန်းအသုံးပြုနေသော အဆောင်ကို သင်းကွဲကြယ်က ချက်ချင်းသိလိုက်သည်။ ယင်းက တန်ဖိုးကြီး နတ်ဘုရားခွန်အားအဆောင်ပင်ဖြစ်သည်။

တရှ၌ပင် နတ်ဘုရားခွန်အားအဆောင်သည်

အဖိုးတန် အဆောင်တစ်ခုဖြစ်၍ သင်းကွဲကြယ်တို့ကဲ့သို့ လူများအတွက် အဖိုးမဖြတ်နိုင်ပေ။ တရှ၏

ပညာရှင်များထက် ဤအဆောင်များကိုရရန် သူတို့အတွက် များစွာ ပိုခက်ခဲသည်။ သို့သော် ယင်းက သူ့ကို နတ်ဘုရားခွန်အားအဆောင် အကြောင်း သိခြင်းမှ မတားဆီးနိုင်ခဲ့ပေ။

"မင်းရဲ့ နတ်ဘုရားခွန်အားအဆောင်က ဒီထက်ပိုပြီး ကြာကြာခံနိုင်မယ်လို့ ငါမထင်ဘူး”

သင်းကွဲကြယ်၏ မျက်လုံးများတွင် ပြင်းထန်သော အလင်းရောင်များ တလက်လက်တောက်ပနေကာ သူ့ကိုယ်သူ တည်ငြိမ်အောင်ထားလိုက်သည်။ သူသည် ယခင်က လေ့လာဖူးသောကြောင့် ဤပစ္စည်း၏ အားနည်းချက်ကို သဘာဝအတိုင်း သိသည်။ ရုတ်တရက် ခွန်အားတိုးလာခြင်းက ခံနိုင်ရည်အား များစွာကုန်စေကာ ကြာရှည်မခံပေ။ အများဆုံးအနေနှင့် ခဏတာလောက်သာ သုံး၍ရသည်။

"မင်းကိုသတ်ဖို့ ငါအချိန်အတော်ကြာလိမ့်မယ်!"

ချူးယွင်ဖန်းသည် သင်းကွဲကြယ် ဆီသို့ ပျံသန်းသွားသည်။ ထို့နောက် သူ၏မေးရိုးကို ဟလိုက်ပြီး ကြောက်မက်ဖွယ်ကောင်းသော မီးတောက်တစ်ခုကို ထွေးထုတ်လိုက်သည်။ ၎င်းသည် သာမန်မီးတောက်တစ်ခု မဟုတ်ဘဲ ဟုတ်တွင်သာ သီးသန့်ရှိသော မိုးခေါင်ရေရှားမှု မီးတောက်တစ်မျိုးဖြစ်သည်။ မီးတောက်သည် မြေကြီးမှ ထွက်လာ၍ ပတ်ဝန်းကျင်၏ အပူချိန်ကို ချက်ချင်းမြင့်တက်စေသည်။ မရေမတွက်နိုင်သော နတ်ဆိုးစွမ်းအင်များသည် မီးတောက်၏ ဖုံးလွှမ်းမှုကို ခံရကာ အစိမ်းရောင်မီးခိုးတိမ်တိုက်အဖြစ်သို့ ပြောင်းလဲသွား၍ သဲလွန်စမရှိဘဲ ပျောက်ကွယ်သွားသည်။

သင်းကွဲကြယ်က အလျင်အမြန် နောက်ဆုတ်သွားသော်လည်း မီးတောက်လုံးတွင် မျက်လုံးများရှိကာ သူ့ကို စိုက်ကြည့်နေသကဲ့သို့ထင်ရသည်။ မီးတောက်များကို ခုခံရန် သူ့ရှေ့တွင် အတားအဆီးများ အစီအရင်များ တည်ဆောက်ထားသည်။ သို့သော် ထိုမီးတောက်များကို မည်သို့ ဤမျှလွယ်လွယ်နှင့် တားဆီးနိုင်မည်နည်း။ သူ တည်ဆောက်ထားသော အတားအဆီးနှင့် အစီအရင်ဖွဲ့စည်းပုံက တိုက်ရိုက်လောင်ကျွမ်းသွားကာ မီးတောက်များအားလုံး သူ့ခန္ဓာကိုယ်ပေါ်ကို ကျရောက်သွားသည်။

ချက်ချင်းပင် သင်းကွဲကြယ်က ခန္ဓာကိုယ်က ကျယ်လောင်သော ကွဲအက်သံတစ်ခု ထွက်ပေါ်လာခဲ့သည်။ ယင်းက သူ၏ အတွင်းခံသံချပ်ကာ ကွဲအက်သံဖြစ်သည်။

ဟုတ်၏ မိုးခေါင်ရေရှားမီး၏ စွမ်းအားက အံ့မခန်းလှကာ သူ အထွတ်အထိပ်ရောက်နေသည်ဆိုလျှင် သင်းကွဲကြယ်အနေနှင့် အနည်းငယ် ပိုသတိထားရန်သာ လိုတော့သည်။ သို့သော်

လက်ရှိသူ့အတွက်ကမူ ထိုမီးကအသက်အန္တရာယ်ရှိလောက်အောင် ပြင်းထန်သည်။

ထိုအချိန်၌ တစ်ယောက်ယောက် လဲကျနေချိန်တွင် ကန်ခံရသည်ဆိုသောအချက်ကက မည်သည်ကို ဆိုလိုကြောင်း သူတကယ်နားလည်သွားပြီဖြစ်သည်။ ချူးယွင်ဖန်းအပေါ် သူ ဘယ်သောအခါကမျှ အလေးမထားခဲ့သော်လည်း ယခုမူ

ချူးယွင်ဖန်းက သူ့ကို ဤမျှထိ အတင်းအကျပ် လုပ်ခဲ့သည်။

သင်းကွဲကြယ်က အသက်ရှူမဝခင်၌ပင် ချူးယွင်ဖန်းက သူ့အမြီးကို ဝှေ့ယမ်းလိုက်သည်။ အမြီးဝှေ့ယမ်းလိုက်ခြင်းက မြန်ဆန်လွန်းကာ ကြောက်စရာကောင်းသော လှိုင်းလုံးကြီးတစ်ခုကို ယူဆောင်လာပေးသည်။ သင်းကွဲကြယ်ဆီ ဝှေ့ယမ်းသွားသည့် ရှည်လျားသော နဂါးတစ်ကောင်ကဲ့သို့ပင်ဖြစ်သည်။