အခန်း (၁၂၃၇-၁၂၃၈)

အခန်း (၁၂၃၇) - ခြိမ်းခြောက်ခြင်း

ဖန့်ချန်သည် ရှဲ့ကျစ်၏ အခြားအမာခံစခန်းများကို သွားရောက်ကြည့်ရှုရန် အလုပ်ရှုပ်မခံတော့ပေ။

၎င်းတို့မှာ ပေါက်ကြားသွားပြီဖြစ်ကြောင်း သေချာနေသည်။

ရှဲ့ကျစ်၏ အတွင်းတွင် သစ္စာဖောက်တစ်ယောက် ရှိနေသည်။

ယခုအခါ ဟွမ်ချင်းကျွဲမှာလည်း ပြင်းထန်သော အခက်အခဲများဖြင့် ဝိုင်းရံခံထားရဖွယ် ရှိသည်။

ဖန့်ချန် ကျင့်ကြံနေခဲ့သည့် နှစ်များအတွင်း၌ ရှဲ့ကျစ်သည် ဝိညာဉ်သုတ်သင်ခြင်းဌာန ၏ ဌာနမှူးအများအပြားကို သိုင်းဝိညာဥ်နယ်မြေ တွင် အပြစ်ပြုမိစေခဲ့သည်။

ထိုဌာနမှူးအချို့မှာ တန့်ဌာနမှူးထက်ပင် ပိုမိုအားကောင်းပြီး အဆင့် ၅ မသေမျိုးအထိ ရောက်ရှိထားသူများ ဖြစ်သည်။

တန့်ယင်တောင်သို့ ပြန်ရောက်သောအခါ ဖန့်ချန်သည် ချန်လင်တိန် နှင့် တောင်အရှင် တို့ကို ခေါ်ယူလိုက်သည်။

သူတို့နှစ်ဦးစလုံးသည် ဖူထူလောက တွင် နှစ်ပေါင်းများစွာ နေထိုင်ခဲ့ကြသူများ ဖြစ်သည်။

သူတို့၏ အတွေ့အကြုံနှင့် ကွန်ရက်များသည် မယ်တော်စီ နှင့် အခြားသူများထက် သာလွန်မည်မှာ သေချာသည်။

ဖန့်ချန်က

"မကြာသေးခင်က ဖူထူလောကမှာ ထူးခြားတဲ့ လှုပ်ရှားမှုတွေ ရှိသလား လူသတ်သမားတွေကို ငှားရမ်းဖို့ မြင့်မားတဲ့ အဖိုးအခတွေ ပေးနေတဲ့သူ ရှိသလား "

ဟု မေးလိုက်သည်။

တောင်အရှင် က ခဏရပ်လိုက်သည်။

"လူသတ်သမားတွေလား ကျွန်တော် စုံစမ်းပေးနိုင်ပါတယ်၊ ဒါပေမဲ့ ဒါက ဘာနဲ့ ကိစ္စနဲ့ ပတ်သက်နေတာလဲဆိုတာ သခင်လေး "

"ရှဲ့ကျစ် ဆိုတဲ့ နာမည်နဲ့ အဖွဲ့ဝင်တွေအကြောင်း ကြားဖူးလား "

ဟု ဖန့်ချန်က မေးမြန်းလိုက်သည်။

"ရှဲ့ကျစ် ဆိုတာ ဒဏ္ဍာရီလာ သတ္တဝါတစ်မျိုးပါ"

ဟု ချန်လင်တိန် က ပြန်ဖြေသည်။

"ရှဲ့ကျစ် အဖွဲ့ဝင်တွေလို့ ပြောတာက သိုင်းဝိညာဥ် နယ်မြေက နာမည်ဆိုးနဲ့ ကျော်ကြားတဲ့ ဟွမ်ချင်းကျွဲနဲ့ သူ့ရဲ့ ရှဲ့ကျစ်တပ်ဖွဲ့အကြောင်းကို ရည်ညွှန်းတာလား "

သူက ဆက်ပြောသည်။

"သူတို့က နာမည်တစ်ခု ရလာကြတယ်၊ ဝိညာဉ်နတ်ဘုရားဂိုဏ်းရဲ့ အာရုံစိုက်မှုကိုတောင် ခံရတယ် သူတို့က ကျွန်တော်တို့ရဲ့ စည်းကမ်းထိန်းရေးဌာန သူတွေကို ပုံတူကူးထားတာပါ ဒါပေမဲ့ ကျွန်တော်တို့ရဲ့ စနစ်တကျရှိတဲ့ အဖွဲ့အစည်းနဲ့ ယှဉ်ရင်တော့ သူတို့က မအခြေခံ မခိုင်မာ သေးပါဘူး"

"ဝိညာဉ်သုတ်သင်ခြင်းဌာနက လူအတော်များများက သူတို့ကို ရွံရှာကြတယ်လို့ ကြားမိတယ် ရှဲ့ကျစ်ကို ဖျက်သိမ်းမပေးရင် အားလုံး စုပေါင်းပြီး နုတ်ထွက်မယ်လို့တောင် ကြုံးဝါးသူတွေ ရှိတယ် "

"ဖူထူလောကမှာ ရှဲ့ကျစ် ကျင့်ကြံသူတစ်ယောက်ယောက်ကို တိုက်ခိုက်ခဲ့ရင် စုံစမ်းကြည့်ပါ ဘယ်သူက နောက်ကွယ်မှာ ရှိနေလဲဆိုတာ ရှာပါ"

ဟု ဖန့်ချန်က အမိန့်ပေးလိုက်သည်။

တောင်အရှင် နှင့် ချန်လင်တိန် နှစ်ဦးစလုံးက နားလည်ကြောင်း ခေါင်းညိတ်လိုက်ကြသည်။ာ

ရှဲ့ကျစ်သည် သခင်လေးနှင့် ဆက်စပ်မှု ရှိနေကြောင်း ထင်ရှားသည်။

ဖူထူလောကမှ ထွက်ခွာပြီးနောက် ဖန့်ချန်သည် မြို့တော်ရှိ လျှို့ဝှက်အစောင့်ရှောက်ဌာန သို့ ခရီးဆက်ကာ ရှကျီကို အရာအားလုံး ရှင်းပြလိုက်သည်။

အနီးတွင် ရှယွင်ရှင်းက ဂရုတစိုက် နားထောင်နေသော်လည်း နာမည်များနှင့် ဂိုဏ်းများကြောင့် သူမ စိတ်ရှုပ်ထွေးနေသည်။

သို့သော် သူမသည် "ရှဲ့ကျစ်" ဆိုသည့် စကားလုံးကို သူမ၏ မှတ်ဉာဏ်ထဲတွင် စွဲမြဲအောင် မှတ်သားလိုက်သည်။

"လျှို့ဝှက်အစောင့်ရှောက်ဌာနကတော့ ရှဲ့ကျစ်ကို ရန်လိုပြီး သူတို့ကို တိုက်ခိုက်ဖို့ ကြံစည်နေသူတွေ ရှိနေတဲ့ အရိပ်အယောင်တွေကို တကယ်ပဲ တွေ့ထားတယ် ဒါပေမဲ့ ဖူထူလောကမှာ သူတို့ကို တိုက်ခိုက်ဖို့ လူသတ်သမားတွေကို ငှားရမ်းတာနဲ့ ပတ်သက်ပြီးတော့ ဘာသက်သေမှ မတွေ့ရပါဘူး"

ဟု ရှကျီက လေးနက်စွာ ပြောလိုက်သည်။

"ယင်လောကထဲကို ဝင်သွားတဲ့ လွတ်လပ်သော မသေမျိုး တွေက လုပ်တာဆိုရင်တော့ အခုလက်ရှိ ငါတို့ လက်လှမ်းမမီနိုင်ဘူး "

"ဒါဆို စုံစမ်းလိုက်ပါ"

ဟု ဖန့်ချန်က ပြောလိုက်သည်။

" သိုင်းဝိညာဥ်နယ်မြေက ဝိညာဉ်သုတ်သင်ခြင်းဌာနရဲ့ ဘယ်ဌာနမှူးက မကြာသေးခင်ကမှ ယင်လောကထဲကို ဝင်သွားလဲဆိုတာ စစ်ဆေးထားလိုက်အုံး "

ရှကျီ ခေါင်းညိတ်လိုက်သည်။

"နားလည်ပြီ ဒီမှာ ရက်အနည်းငယ်လောက် နေဦးလေ ငါသွားရှာလိုက်ပါ့မယ် "

ရက်အနည်းငယ်အကြာတွင် ရှကျီသည် နာမည်ပေါင်း ၁၃ ခုပါသော စာရင်းတစ်ခုကို ရရှိခဲ့သည်။

အားလုံးမှာ ဝိညာဉ်သုတ်သင်ခြင်းဌာန၏ ဌာနမှူးများ ဖြစ်ကြသည်။

အားအနည်းဆုံးသူမှာ အဆင့် ၃ လွတ်လပ်သောမသေမျိုး ဖြစ်သည်။

သူတို့ထဲတွင် အဆင့် ၄ မသေမျိုး တစ်ဦးနှင့် အဆင့် ၅ မသေမျိုး တစ်ဦး ပါဝင်သည်။

သူက ပြောလိုက်သည် ။

"ဒါက မကြာသေးခင်က ယင်လောကထဲ ဆင်းလာသူတွေရဲ့ စာရင်းအပြည့်အစုံပဲ ကျန်နေသေးတဲ့ နာမည်တွေ ရှိနိုင်သေးပေမဲ့ အချိန်တန်ရင် ငါတို့ ဖော်ထုတ်နိုင်ပါလိမ့်မယ် "

"ကိစ္စမရှိပါဘူး ဒီထဲက တစ်ယောက်ယောက်က တရားခံဖြစ်နေသရွေ့ အဲဒီအစကို ဆွဲထုတ်လိုက်ရင် ကျန်တာတွေ ပေါ်လာလိမ့်မယ်"

ဟု ဖန့်ချန်က ပြောသည်။

သူ၏ အကြည့်သည် ဟွမ်တာအိုကျင်း ဆိုသည့် နာမည်ပေါ်သို့ ကျရောက်သွားသည်။

သူသည် အဆင့် ၅ မသေမျိုးဖြစ်သည်။

ဟွမ်တာအိုကျင်း တစ်ယောက်သာ ဟွမ်မျိုးနွယ်စုမှ ဆင်းသက်လာခြင်း ဖြစ်သည်။

စာရင်းထဲရှိ အခြားသူများမှာလည်း သူနှင့် ရင်းနှီးသူများ ဖြစ်ကြောင်း သိရှိကြသည်။

ဖန့်ချန်က ပေါ့ပေါ့ပါးပါး မေးလိုက်သည်။

"ဟွမ်တာအိုကျင်းက ဘယ်မသေမျိုးလမ်းစဉ်ကို လိုက်စားတာလဲ "

ရှကျီက ခါးသီးစွာ ပြုံးလိုက်ပြီး

"အဲဒါကိုတော့ ငါတို့ မဆုံးဖြတ်နိုင်ဘူး ငါတို့လူတွေရဲ့ ကျင့်ကြံခြင်းက အဆင့်နိမ့်လွန်းတယ် သူ လုပ်ဆောင်တာကို မျက်မြင်တွေ့ရရင်တောင် သူ့ရဲ့ စွမ်းအင်အရ ဘယ်လမ်းစဉ်ကို လိုက်စားတယ်ဆိုတာ မခွဲခြားနိုင်ဘူး ငါ ကိုယ်တိုင်သွားရင်တောင် မသိနိုင်ဘူး "

"နားလည်ပါတယ် ဒီစွမ်းအင်တွေက တစ်ခါတလေ အရမ်းဆင်တူတတ်တယ် ငါကိုယ်တိုင်တောင် အမြဲမခွဲခြားနိုင်ဘူး"

ဟု ဖန့်ချန်က အာမခံလိုက်သည်။

"ဒီစာရင်းကို ဟွမ်ချင်းကျွဲဆီ ပို့ပေးလိုက်ပါ သူက နည်းလမ်းရှိရင် ဒီပြဿနာကို ဘယ်လိုဖြေရှင်းရမလဲဆိုတာ သိပါလိမ့်မယ် "

ရှကျီနှင့် ရှယွင်ရှင်းတို့ကို စကားပြောပြီးနောက် ဖန့်ချန်သည် ဖန့်အိမ်တော်သို့ ပြန်သွားခဲ့သည်။

ရက်အနည်းငယ်အကြာတွင် လူပေါင်း ငါးရာကျော်သည် သူ့ရှေ့တွင် စုရုံးနေကြသည်။

သူတို့မှာ ဖန့်မိသားစု၏ သစ္စာရှိနောက်လိုက်များဖြစ်ပြီး မျိုးဆက်ပေါင်းများစွာ တာဝန်ထမ်းဆောင်ခဲ့သူများ၏ အရပ်သားများ ဖြစ်ကြသည်။

မျိုးရိုးနာမည်မရှိသော်လည်း သူတို့သည် မိမိကိုယ်ကိုယ် မိသားစုဝင်များအဖြစ် ကြာမြင့်စွာကတည်းက သတ်မှတ်ထားကြသည်။

အချို့မှာ သာမန်ကိုယ်ခံပညာရှင်များ ဖြစ်ကြသည်။

အချို့မှာ ကျင့်ကြံခြင်း အဆင့်နိမ့်သူများ ဖြစ်သည်။

သူတို့အားလုံးသည် မိသားစုများဖြင့် အခြေချနေထိုင်သူများဖြစ်ပြီး သူတို့၏ အရည်အချင်းများသည် ဖန့်ချန်၏ မျှော်လင့်ထားသလို ရောက်ရှိရန် အကန့်အသတ်ရှိနေသည်။

ယခုအခါ ဒဏ္ဍာရီလာ သခင်လေး ဖန့်ချန်၏ ရှေ့မှောက်တွင် ခေါ်ယူခြင်းခံရသဖြင့် သူတို့၏ နှလုံးသားများသည် မျှော်လင့်ချက်များဖြင့် တောက်လောင်နေကြသည်။

ဖန့်ချန်က ကျယ်လောင်စွာ ပြောလိုက်သည်။

"ဒီနေ့ မင်းတို့ကို ခေါ်လိုက်တာက အထူးတာဝန်တစ်ခု ရှိနေလို့ပါ ဒီခရီးစဉ်မှာ အန္တရာယ် အနည်းငယ်ရှိတယ် မင်းတို့ကိုယ်တိုင် ဆန္ဒရှိ၊ မရှိကို သေချာ စဉ်းစားပါ "

ချက်ချင်းဆိုသလိုပင် ငြိမ်းချမ်းသော ဘဝကို နှစ်သက်သူများသည် ရှက်ရွံ့စွာဖြင့် ခွင့်တောင်းပြီး ထွက်ခွာသွားကြသည်။

ဆယ်ပုံနှစ်ပုံ သို့မဟုတ် သုံးပုံခန့် ထွက်ခွာသွားပြီး ကျန်ရှိသူများသာ ကျန်နေခဲ့သည်။

ကျန်ရှိသူများသည် တာဝန်နှင့် ပတ်သက်၍ ရှင်းပြချက် မရရှိခဲ့ကြပေ။

သူတို့ ဘာလုပ်ရမည်ကိုပင် မသိကြသော်လည်း ဖန့်ချန်က သူတို့ကို နတ်ဘုရားဝိညာဥ် အဖြစ်သို ဘွဲ့နှင်အပ် ပေးလိုက်သည်။

သူတို့အတွက် အသုံးပြုလိုက်ရသည့် သက်တမ်းမှာ လျစ်လျူရှုနိုင်လောက်အောင် နည်းပါးသည်။

ထို့နောက် ဖူထူလောက ကို အသုံးပြု၍ သူတို့ကို လျှို့ဝှက်နေရာအသီးသီးသို့ စေလွှတ်လိုက်ပြီး မသေမျိုးလောကငယ် ၏ လှုပ်ရှားမှုများကို စောင့်ကြည့်ရန် ညွှန်ကြားခဲ့သည်။

မသေမျိုးလောကငယ်သည် သူတို့၏ မျိုးဆက်များကို ပစ်မှတ်ထားမည်၊ မထားမည်ကို သူ သေချာ မသိနိုင်သော်လည်း ထိုလှုပ်ရှားမှုသည် ကစားကွက်ကြီးတွင် သေးငယ်သော်လည်း အရေးပါသော အစိတ်အပိုင်းတစ်ခု ဖြစ်လာလိမ့်မည်။

အခြားတစ်နေရာတွင် စုန်ကျိလီနှင့် ယန်ဟောင်ရန်တို့သည် ယင်စိန့်ဂိုဏ်း ၏ တံခါးဝသို့ ဝင်ရောက်လာကြသည်။

သိမ်မွေ့သော ယင်စွမ်းအင်တစ်ခုသည် ပတ်ဝန်းကျင်၌ ကပ်တွယ်နေသည်။

စု့န်ကျိလီက ပြောလိုက်သည်။

"ဟောင်ရန်၊ ယင်လောကထဲကို သွားတာက ယင်စိန့်ဂိုဏ်း တစ်ခုတည်းမှာပဲ ရှိတာ မဟုတ်ဘူးဆိုတာ မင်းသိရမယ် လောကပြင်ပမှာ ဒါကို ကျွမ်းကျင်တဲ့သူ အများအပြား ရှိတယ် "

ယန်ဟောင်ရန်က နားမလည်စွာ မျက်တောင်ခတ်ပြီး ရေရွတ်လိုက်သည်။

"ကျွန်တော် မသိခဲ့ဘူး..."

စုန့်ကျိလီက ဆက်ပြောသည်။

"မင်းက မင်းရဲ့ တစ်သက်တာလုံးကို ဖန်တီးရှင်ဂြိုလ် မှာ ကုန်ဆုံးခဲ့တာပဲ ဒါကို မသိတာ သဘာဝပါပဲ ငါသာ စိတ်ကူးရင် ယင်လောကထဲကို ဝင်နိုင်တယ် ဒါပေမဲ့ လူအများအပြားက ယင်လောကရဲ့ ယင်စွမ်းအင်ဟာ မသေမျိုးလမ်းစဉ်ပေါ်က တက်လှမ်းမှုကို အနှောင့်အယှက်ပေးတယ်လို့ ယုံကြည်ကြတယ် ဥပမာအားဖြင့် မသေမျိုးလောကငယ်မှာ ဒါကို လုံးဝ ပိတ်ပင်ထားတယ် "

ယန်ဟောင်ရန်က နားထောင်ရင်း ခေါင်းညိတ်လိုက်သည်။

သို့သော်လည်း သူ့ဆရာ ဘာကြောင့် ဒီအကြောင်းအရာကို ပြောပြနေသလဲဆိုတာ သူ မသေချာပေ။

ထိုအချိန်တွင် ယွီထင်ကျဲ ရောက်ရှိလာသည်။

သူ့ကို မြင်သောအခါ စုန့်ကျိလီက နွေးထွေးစွာ နှုတ်ဆက်လိုက်သည်။

"အို မိတ်ဆွေယွီ ဂုဏ်ယူပါတယ် မင်း အဆင့် ၄ မသေမျိုး ကို မကြာခင်ကပဲ ဖောက်ထွက်နိုင်ခဲ့တယ်လို့ ကြားလိုက်ရတယ် တကယ်ပဲ ဝမ်းမြောက်စရာ သတင်းပါပဲ "

ယွီထင်ကျဲ က အေးစက်စွာ ပြန်ဖြေသည်။

"မိတ်ဆွေ စုန့် ခင်ဗျား ယင်စိန့်ဂိုဏ်းကို လာပြီး ခင်ဗျားရဲ့ တပည့်ကို ယင်လောကသွားခြင်းအကြောင်း အလွယ်တကူ ပြောနေတာ ဘာအဓိပ္ပာယ်လဲ "

စုန့်ကျိလီ ပြုံးလိုက်ပြီး ပြောသည်။

"အမှတ်တမဲ့ ပြောမိတာပါ ယင်လောကသွားခြင်း ကို ဖန်းတီရှင်ဂြိုလ်မှာ ခွင့်ပြုမယ်ဆိုရင် ဘာဖြစ်လာမလဲလို့ ငါ မကြာခဏ တွေးမိတယ် "

"ကျုပ်ကို ခြိမ်းခြောက်နေတာလား မိတ်ဆွေ စုန့် ခင်ဗျား ဒီကို ဘာကြောင့် ရောက်လာတာလဲ "

ယွီထင်ကျဲ က အေးစက်စက် ပြန်ပြောလိုက်သည်။

ခဏရပ်ပြီးနောက် စုန့်ကျိလီက ညင်သာစွာ ရယ်မောလိုက်ပြီး ပြန်ဖြေသည်။

"မင်းကို ဒီဂြိုလ်ကို ကြီးကြပ်ဖို့ နတ်မင်းနန်းတော် က တာဝန်ပေးထားတာ ငါသိတယ် ဒါပေမဲ့ မင်းရဲ့ အခြေအနေက အရင်လို မဟုတ်တော့ဘူး ဝိညာဉ်သုတ်သင်ခြင်းဌာနက ဝိညာဉ်နတ်ဘုရားဂိုဏ်းကို အကြီးအကျယ် ဖိအားပေးနေတယ် ပြီးတော့ မင်း က ကြားနေရပ်မှာပဲ ရှိနေတယ် အဲဒါ ဥာဏ်မရှိဘူးမင်းကို ရွှီချန်ရှီးရဲ့ အကြံပြုချက်နဲ့ ရွေးချယ်ခဲ့တာပါ သူက ငယ်ပြီး စိတ်ပျော့တယ်၊ မင်းရဲ့ အလွယ်တကူ လွှမ်းမိုးခြင်းကို ခံရတယ် "

"ဒါပေမဲ့ အခု ငါ ပြန်ရောက်လာပြီမို့ မင်းကို ဖိအားပေးပြီး အပြောင်းအလဲတွေ လုပ်ရတော့မယ် မဟုတ်ရင် မြေမသေမျိုး စိတ်ဆိုးလိမ့်မယ် ယင်စိန့်ဂိုဏ်းရဲ့ အခြေခံအုတ်မြစ်ကို ဖျက်ဆီးပစ်တာဟာ မကောင်းတဲ့ ကိစ္စဖြစ်လိမ့်မယ် "

အခန်း (၁၂၃၈) - မလွဲမသွေ သေရမည်

ယွီထင်ကျဲက စုန့်ကျိလီကို ခဏမျှ စူးစိုက်ကြည့်နေပြီးနောက် ရုတ်တရက် ခပ်အေးအေး ရယ်မောလိုက်သည်။

"တကယ်လို့ ရွှီချန်ရှီးသာ မင်းရဲ့ နည်းလမ်း ငါးဆယ်ရာခိုင်နှုန်းလောက် ရှိခဲ့မယ်ဆိုရင် ဒီနေရာက ဝိညာဉ်နတ်ဘုရားဂိုဏ်းဟာ တစ်လက်မချင်း နောက်ဆုတ်ပြီး ဝိညာဉ်သုတ်သင်ခြင်းဌာနရဲ့ ဖိအားပေးမှုအောက်မှာ ခေါင်းမဖော်နိုင် ဖြစ်နေမှာ မဟုတ်ဘူး "

"မိတ်ဆွေယွီကို ပြောတာ နောက်ပြောင်တာပါ ရွှီချန်ရှီးက အသက်အရွယ် နုနယ်သေးပေမဲ့ သူ့ရဲ့ အရည်အချင်းကို ဂိုဏ်းထဲက လူကြီးပိုင်းတွေက အလေးထားကြတာ ကျုပ်က သူ့ကို မမှီပါဘူး "

စုန့်ကျိလီက ပြုံးကာ ပြောသည်။

"မိတ်ဆွေယွီအနေနဲ့ ကျုပ်တို့ ဝိညာဉ်နတ်ဘုရားဂိုဏ်းကို တစ်ဖက်တစ်လမ်းကနေ ကူညီပေးနိုင်မလား အနာဂတ်မှာ မိတ်ဆွေယွီ ဒီနေရာကို လာရောက်စောင့်ကြပ်တဲ့အခါ စိတ်ပူစရာ မရှိတော့ဘူးပေါ့ "

"မင်း ရောက်လာတာနဲ့ ငါ့ကို ခြိမ်းခြောက်နေတယ် အခုတော့ ငါ့ကို ဝိညာဉ်နတ်ဘုရားဂိုဏ်းအတွက် တစ်ဖက်တစ်လမ်းကနေ ကူညီခိုင်းပြန်ပြီ လွန်ခဲ့တဲ့နှစ်တွေက ဝိညာဉ်နတ်ဘုရားဂိုဏ်းနဲ့ နတ်မင်းနန်းတော် ကြားက အငြင်းပွားမှုတွေကို ငါ မသိဘူးလို့ ထင်နေတာလား "

ယွီထင်ကျဲက တည်ငြိမ်စွာ ပြောလိုက်သည်။

စုန်ကျိလီ၏ အမူအရာ အနည်းငယ် လှုပ်ရှားသွားသည်။

သူသည် ယခုလေးတင် ထိုကိစ္စကို မသိသယောင် ဟန်ဆောင်ကာ ယွီထင်ကျဲ၏ တုံ့ပြန်မှုကို ကြည့်ရှုလိုခြင်းဖြစ်သည်။

ယခုမူ ယွီထင်ကျဲသည် လွန်ခဲ့သောနှစ်များအတွင်း ဝိညာဉ်နတ်ဘုရားဂိုဏ်းကို အကူအညီမပေးခဲ့ရသည့် အကြောင်းရင်းမှာ ထိုကိစ္စနှင့် ပတ်သက်နေမှန်း သူ သေချာသွားပြီဖြစ်သည်။

"မိတ်ဆွေယွီ၊ အဲဒီကိစ္စက... ပွင့်ပွင့်လင်းလင်း ပြောရရင် မိတ်ဆွေနဲ့ ဘာမှမဆိုင်ပါဘူး အထက်လူကြီးတွေကြားက အားပြိုင်မှုသက်သက်ပါ ကျုပ်တို့လို အလုပ်လုပ်နေတဲ့ အောက်ခြေလူတွေက တစ်ခုခုဆိုရင် နှစ်ဖက်စလုံးကို အပြစ်ပေးခံရတတ်တယ် "

စုန့်ကျိလီ သက်ပြင်းချလိုက်သည်။

"ကျုပ် ဒီနေ့လာတာက အရင်က သောင်းတာအိုမျှော်စင် က ယင်စိန့်ဂိုဏ်းကို အတော်လေး ဂရုစိုက်ပေးခဲ့တာကို ငဲ့ညှာပြီး ကျုပ်ကို တစ်ကြိမ်လောက် ကူညီပေးစေချင်လို့ပါ ဒီတစ်ကြိမ် ကူညီပေးတာက မိတ်ဆွေယွီအတွက်လည်း အကျိုးရှိပါလိမ့်မယ်အနည်းဆုံးတော့ မဟာမြေမသေမျိုးဆီမှာ မိတ်ဆွေယွီရဲ့ ဒီအကူအညီကို အမှတ်ရနေပါလိမ့်မယ် "

ခဏရပ်ပြီးနောက်

"တကယ်လို့ မိတ်ဆွေယွီ မကူညီချင်ဘူးဆိုရင်တော့ ကျုပ်လည်း အရှိအတိုင်းပဲ အစီရင်ခံရတော့မှာပေါ့ မဟာမြေ မသေမျိုးကလည်း မိတ်ဆွေယွီရဲ့ ဒီလို လျစ်လျူရှုမှုကို မှတ်ထားမိမှာပဲ "

"ဒီလိုဆိုတော့လည်း ကျုပ်က မကူညီလို့ မဖြစ်တော့ဘူးပေါ့ အဆင့် ၅ မသေမျိုးတစ်ပါးရဲ့ အမှတ်တရ ဖြစ်နေရတော့လည်း အိပ်လို့တောင် မပျော်နိုင်တော့ဘူး "

ယွီထင်ကျဲက ရယ်မောပြောဆိုသည်။

စုန်ကျိလီလည်း ပြုံးလိုက်သည်။

"ပြောရရင် ဒီကိစ္စက မိတ်ဆွေယွီအတွက် အလုပ်ရှုပ်စရာ မဟုတ်ပါဘူး ကျုပ်တို့နဲ့အတူ မြေဝက်ဝံဂြိုလ် ကို လိုက်သွားပြီး အဲဒီအိုမင်းနေတဲ့ နဂါးကို ကို ပြန်သွားဖို့ ပြောပေးလိုက်ရုံပါပဲ"

"အဲဒီ နဂါးအိုကြီး က မြေဝက်ဝံဂြိုလ် မှာ ထိုင်နေတဲ့အတွက်ပဲ ကျုပ်တို့ရဲ့ အလုပ်တွေက တုံ့ဆိုင်းနေရတာပါ "

"ကောင်းကင်ဓားဌာန ကလည်း အရင်က မင်းတို့အတွက် အလုပ်လုပ်ပေးခဲ့တာပဲ၊ နောက်ဆုံး ဘာဖြစ်သွားလဲ "

ယွီထင်ကျဲက တည်ငြိမ်စွာ မေးသည်။

စုန်ကျိလီ၏ မျက်နှာ ပျက်သွားပြီး လှောင်ပြုံးဖြင့် ပြောလိုက်သည်။

"ကျုပ်တို့အတွက် အလုပ်လုပ်ပေးခဲ့တာလား နှမြောစရာပါပဲ သူတို့က နောက်ပိုင်းမှာ ဝိညာဉ်သုတ်သင်ခြင်းဌာနဘက်ကို ပြောင်းသွားကြတယ် မိတ်ဆွေယွီ သိရဲ့လား၊ ကျုပ်တို့ကြောင့်သာ မဟုတ်ရင် ကောင်းကင်ဓားဌာနက ဒီဓားသမားတွေဟာ ဖန်တီးရှင်ဂြိုလ် မှာ ခြေကုပ်ယူဖို့ ဘယ်လိုမှ အခွင့်အရေးရှိမှာ မဟုတ်ဘူး "

ယွီထင်ကျဲလည်း စုန်ကျိလီနှင့် စကားမရှည်ချင် တော့ဘဲ တည်ငြိမ်စွာ ပြောသည်။

"တိုက်ရိုက်ပဲ ပြောတော့မယ်၊ အဲဒီ နဂါးအိုကြီးကို သွားမောင်းထုတ်ပေးရင် ပြီးတာပဲ မဟုတ်လား ဟုတ်တယ်မလား "

"အဲဒီ နဂါးအိုကြီး က အလိုလို ထွက်သွားဖို့ ဝန်လေးနေမှာပါ ဒါကြောင့် ဒီတစ်ခါ ကျုပ် နဲ့ ရွှီချန်ရှီးတို့က မိတ်ဆွေယွီနဲ့အတူ လိုက်သွားပါ့မယ် အဆင့် ၃ မသေမျိုး နှစ်ပါး၊ အဆင့် ၄ မသေမျိုး တစ်ပါးနဲ့ဆိုရင် မိုးကြိုးဒဏ်ကို ဘယ်အချိန်မဆို ရင်ဆိုင်ရနိုင်တဲ့ အဆင့် ၃ မသေမျိုးတစ်ပါးကို ဖိအားပေးဖို့က အောင်နိုင်ခြေ ၁၀၀ ရာခိုင်နှုန်း ရှိပါတယ် "

စုန့်ကျိလီ ပြောသည်

"မင်းတို့ အချိန်သတ်မှတ်ထားလိုက် ငါ ဘယ်အချိန်မဆို ထွက်ခွာဖို့ အသင့်ရှိတယ် ပြန်တော့ "

ယွီထင်ကျဲ လက်ဝှေ့ယမ်းကာ လှည့်ထွက်သွားသည်။

စုန့်ကျိလီသည် မျက်နှာတွင် အပြုံးဖျော့ဖျော့ဖြင့် ယန်ဟောင်ရန်ကို ခေါ်ဆောင်ကာ ထွက်ခွာသွားသည်။

ယန်ဟောင်ရန်သည် ယင်စိန့်ဂိုဏ်းကို နောက်ကြောင်းပြန်ကြည့်ကာ စုန့်ကျိလီကို လက်ဆုပ်လက်ကိုင်ပြု၍ ပြောသည်။

"ဆရာက အစွမ်းထက်လိုက်တာ စကားနှစ်ခွန်း၊ သုံးခွန်းနဲ့တင် အဆင့် ၄ မသေမျိုးတစ်ပါးကို လက်ခံအောင် လုပ်နိုင်တယ် "

"အရှိန်အဝါကို အသုံးပြုလိုက်တာပါပဲ ပြောရရင် ရွှီချန်ရှီးက ဒီကိစ္စတွေကို အလေးအနက် မထားခဲ့လို့ မဟာမြေ မသေမျိုးက မကျေမနပ် ဖြစ်ခဲ့တာ သူသာ နည်းနည်း အားစိုက်ခဲ့ရင် အခုလို အခြေအနေမျိုး ဖြစ်လာပါ့မလား "

"ဒါကလည်း ကောင်းတဲ့ကိစ္စပါပဲ၊ မဟုတ်ရင် ဆရာ ပြန်လာဖို့ အခွင့်အရေး ရှိမှာ မဟုတ်ဘူး "

စုန့်ကျိလီ ပြုံးလိုက်ပြီး သူ၏ မျက်လုံးထဲတွင် ကိုယ့်ကိုယ်ကိုယ် ကျေနပ်သည့် အရိပ်အယောင်များ ပေါ်လာသည်။

ဒီတစ်ခါ ပြန်လာရခြင်းသည် ဟန်ရွှေနတ်မီးလျှံ ကိစ္စနှင့် ပတ်သက်ပြီး အဆင်ပြေသွားပြီဖြစ်ရာ သူ့ကို ထိခိုက်မှု ရှိတော့မည် မဟုတ်ပေ။

မသေမျိုးလောကငယ် ဘက်မှ အကျိုးအမြတ်ကို သူ မရနိုင်တော့သော်လည်း မဟာမြေ မသေမျိုးဆိုတဲ့ သင်္ဘောပေါ် တက်နိုင်ခဲ့လျှင်။

ဝိညာဉ်နတ်ဘုရားဂိုဏ်းထဲမှာ သူ့အတွက် ကျောထောက်နောက်ခံ ရှိလာပြီဖြစ်သည်။

ထိုအခါ ထျန်းရှန့်ဂိုဏ်း သည် ယခင်ကလို ရွှီချန်ရှီးနှင့် သူ့နောက်ကလူများ၏ ခြယ်လှယ် ဖိနှိပ်ခြင်းကို ခံရတော့မည် မဟုတ်ပေ။

"ဒါက ပထမအဆင့်ပဲ ယွီထင်ကျဲက နဂါးအိုကြီး ကို ရှင်းထုတ်လိုက်တာနဲ့ မြေဝက်ဝံဂြိုလ် မှာ မသေမျိုးဘုရင် လို့ ကိုယ့်ကိုယ်ကိုယ် ခေါ်နေတဲ့သူတွေကို တစ်ယောက်ချင်းစီ တိုက်ခိုက်ပြီး သုတ်သင်ပစ်လိုက် "

စုန့်ကျိလီ တည်ငြိမ်စွာ ပြောသည်။

"တစ်ယောက်ချင်းစီ သုတ်သင်မယ် "

ယန်ဟောင်ရန် ထိတ်လန့်သွားသည်။

"ဒါဆို ကျွန်တော်တို့ ကံအကျိုးဆက် တွေ အများကြီး ပိုမိုမကူးစက်နိုင်ဘူးလား ဆရာ၊ ဝိညာဉ်နတ်ဘုရားဂိုဏ်းရဲ့ လုပ်ဆောင်ပုံက ပန်းမျိုးစုံထဲ ဖြတ်လျှောက်ပြီး... ဘာအပြစ်မှ မကူးစက်အောင် လုပ်တာ မဟုတ်လား..."

"အနည်းငယ်ပဲ ရှိတဲ့ ကံအကျိုးဆက် သက်သက်ပါ၊ ကိစ္စမရှိပါဘူး ဂိုဏ်းထဲမှာ အပြစ်ကံတွေကို ခွာထုတ်ပေးနိုင်တဲ့ နည်းလမ်းကို သိတဲ့ တာအိုပညာရှင်ကြီး တစ်ယောက်ရှိတယ် အဲဒီအချိန်ကျရင် ဆရာက မင်းတို့အစား သူနဲ့ တွေ့ဆုံပြီး ကုသပေးခိုင်းပါ့မယ် "

စုန့်ကျိလီ ပြောသည်။

ယန်ဟောင်ရန်သည် တွေဝေသွားသည်

"ဒါပေမဲ့... ဘာလို့ ဒီလောက်တောင် ပြင်းထန်ရတာလဲ အဲဒီ နဂါးအိုကြီး ထွက်သွားပြီးရင် ကျွန်တော်တို့က ဖြည်းဖြည်းချင်း ဖိအားပေးသွားရင် မရဘူးလား..."

"ဆရာ ပြန်လာတာက အချိန်တိုအတွင်းမှာ ရလဒ်ကောင်းတွေ ပြဖို့အတွက်ပဲ ဒါက မဟာမြေ မသေမျိုးရဲ့ အလိုဆန္ဒပါ သူက တိုက်ရိုက် မပြောပေမဲ့ ငါနားလည်တယ် "

စုန်ကျိလီ တည်ငြိမ်စွာ ပြောသည်

"ပိုပြီးတော့လည်း ဒီကိစ္စက ကြာမြင့်နေခဲ့ပြီ၊ နောက်ထပ် ဆွဲထားလို့ မရတော့ဘူး ငါရလဒ် ပိုမြန်မြန် ထွက်လာလေလေ ရွှီချန်ရှီးက အသုံးမကျတဲ့သူ ဖြစ်လာလေလေပဲ သူက ဘာမျက်နှာနဲ့ ဒီမှာ ဆက်နေနိုင်တော့မှာလဲ "

...

...

"စုန့်ကျိလီက ငါ့ကို အသုံးမကျတဲ့သူလို့ ပြောတယ် ဟားဟား၊ သခင်လေး ဒီတစ်ခါ သူ မြေဝက်ဝံဂြိုလ်ကို သွားရင် ပြန်မလာနိုင်အောင် လုပ်လိုက်စမ်းပါ "

ကျန်းကွမ်းမြို့ အစည်းအဝေးခန်းမတွင် ရွှီချန်ရှီးသည် အလွန်အမင်း ဒေါသထွက်ပြီး ရယ်မောလိုက်သည်။

ယွီထင်ကျဲက သူ့ကို တစ်ချက်ကြည့်လိုက်ပြီး တည်ငြိမ်စွာ ပြောသည်

"သူက မဟာမြေ မသေမျိုးက ဒီနေရာကို စေလွှတ်ထားသူပဲ မဟာမြေ မသေမျိုးက သူ့ကို ထုတ်ပေးလိုက်ပြီးမှ ရက်ပိုင်းအတွင်းမှာပဲ သူ သေသွားရင် အဲဒီအဆင့် ၅ မသေမျိုးက ငြိမ်နေနိုင်ပါ့မလား သူကိုယ်တိုင်ပဲ လာရှင်းလိမ့်မယ် "

"ယွီအကြီးအကဲ ပြောတာ မှန်ပါတယ် "

ယန်ဟောင်ရန်လည်း ခေါင်းညိတ်လိုက်သည်

"ဆရာက ခဏလောက်တော့ မသေသင့်သေးဘူး သူ့ကို ဘာမှ အောင်မြင်မှု မရဘဲ ပြန်သွားအောင် လုပ်နိုင်မယ့် နည်းလမ်းကို စဉ်းစားရမယ် ဒါမှမဟုတ်..."

သူသည် ဖန့်ချန် ကို ကြည့်လိုက်ပြီး သတိထားစွာ မေးလိုက်သည်

"ကျွန်တော် သူ့ကို ယင်လောက ထဲ ဝင်သွားအောင် နည်းလမ်းရှာပေးမယ်၊ အဲဒီအခါကျရင် သခင်လေးက သူ့ကို ဘွဲ့နှင်းအပ် ပေးလိုက်ရင်..."

"ငါ သဘောမတူဘူး စုန့်ကျိလီက ယင်လောကရဲ့ စစ်မှန်တဲ့ နတ်ဘုရား ဖြစ်ဖို့ မထိုက်တန်ဘူး "

ရွှီချန်ရှီး၏ အမူအရာသည် ရုတ်တရက် အေးစက်သွားပြီး ယန်ဟောင်ရန်ကို အေးစက်စွာ ကြည့်လိုက်သည်။

ရွှီမိသားစုနှင့် ထျန်းရှန့် ဂိုဏ်းတို့အကြားက အမုန်းတရားက အလွန်နက်ရှိုင်းသည်။

ရွှီမိသားစုက အဆင့် ၆ မသေမျိုး တစ်ပါးသာ ထွက်ပေါ်ခဲ့ဖူးသည်။

အကယ်၍ ထိုစဉ်က ဝမ်ချုံစန်း လက်ချက်ဖြင့် မသေဆုံးခဲ့လျှင် ထိုအဆင့် ၆ မသေမျိုးသည် ချောမွှေ့သော လမ်းကြောင်းပေါ်သို့ ရောက်ရှိနေပြီဖြစ်ပြီး နောက်ပိုင်းတွင် အဆင့် ၇ အထိ တက်လှမ်းကာ လူသားနယ်ပယ် ကိုးခုတွင် ကျော်ကြားသော ပုဂ္ဂိုလ်ဖြစ်လာနိုင်မည်ဖြစ်သည်။

ထိုဖြစ်ရပ်ပြီးနောက် ရွှီမိသားစုသည် ပြန်လည်မထူထောင်နိုင်တော့ပေ။

အရာအားလုံးကို ရင်းနှီးမြှုပ်နှံပြီး မွေးထုတ်ခဲ့ရသည့် အဆင့် ၆ မသေမျိုးမှာ ကျဆုံးသွားခဲ့ရသဖြင့် ရွှီမိသားစု၏ ဆုံးရှုံးမှုမှာ အလွန်ကြီးမားခဲ့ပြီး ယခုတိုင် အခြေအနေ ပြန်မကောင်းသေးပေ။

ယန်ဟောင်ရန်သည် အသေးစိတ်ကို မသိရှိခဲ့သဖြင့် ရွှီချန်ရှီး၏ တုံ့ပြန်မှုက အနည်းငယ် ကြီးမားနေသည်ဟု ခံစားရပြီး တည်ငြိမ်စွာ ပြောသည်

"ကျွန်တော်က ကျွန်တော်တို့အားလုံးအတွက် စဉ်းစားပေးတာပါ၊ ကိုယ်ကျိုးအတွက် မဟုတ်ပါဘူး ဆရာ နဲ့ ရွှီအကြီးအကဲကြားမှာ ဘာရန်ငြိုးတွေ ရှိလဲဆိုတာ မသိပေမဲ့ ဒီနည်းလမ်းက အလွယ်ကူဆုံးနဲ့ အထိရောက်ဆုံး တုံ့ပြန်မှု ဖြစ်လိမ့်မယ် "

"တကယ်တော့... တိုက်ရိုက်သတ်ပစ်လိုက်ရင်လည်း ဘာမှမဖြစ်ပါဘူး "

ဖန့်ချန် ရုတ်တရက် ပြောလိုက်သည်။

လူတိုင်း အနည်းငယ် တုန်လှုပ်သွားကြသည်။

ယွီထင်ကျဲ၏ မျက်လုံးထဲတွင် အတွေးများ နက်ရှိုင်းသွားပြီး မိနစ်အနည်းငယ်ကြာသောအခါ သူ သဘောပေါက်သွားသလို ခေါင်းညိတ်လိုက်သည်။

ရွှီချန်ရှီး၏ မျက်လုံးများ တောက်ပလာသည်။

"သခင်လေး ဘယ်လို စဉ်းစားထားတာလဲ "

"ယွီအကြီးအကဲက နတ်မင်းနန်းတော်က ကျင့်ကြံသူပဲ စုန့်ကျိလီရဲ့ ဖိအားပေးမှုကို ခံရပြီး စိတ်မရှည်စွာနဲ့ တိုက်ခိုက်လိုက်တယ်ဆိုရင်၊ အထက်ကို သတင်းရောက်သွားလည်း ကျိုးကြောင်းဆီလျော်တယ် မဟုတ်လား အဲဒီနောက်ပိုင်းကတော့ နတ်မင်း နန်းတော်ရဲ့ နန်းတော်အရှင် ဖြစ်တဲ့ ကြယ်မိုးမသေမျိုး နဲ့ မဟာမြေ မသေမျိုးတို့အကြားက ကိစ္စပဲ ဖြစ်သွားမှာပေါ့ "

ဖန့်ချန် ရယ်မောပြောဆိုသည်။

"မဟာမြေ မသေမျိုးက လုပ်နေတာက ပုဂ္ဂလိကကိစ္စပဲ စုန့်ကျိလီ သေသွားလည်း ဒါကို လူသိရှင်ကြားကြီး လုပ်ပြီး ကိစ္စဖြစ်အောင် လုပ်မှာ မဟုတ်ဘူး "

ယန်ဟောင်ရန် စိတ်ထဲတွင် ခါးသီးစွာ ပြုံးလိုက်မိသည်။

သူ့ဆရာ ဒီတစ်ခါတော့ မလွဲမသွေ သေရတော့မည့်ပုံပင်။

ဒီလောက်နဲ့ပဲ အဖမ်းခံထားရတာက ပိုကောင်းဦးမယ်၊ ဘာလို့များ ပြန်လာရတာပါလိမ့်။